1. Қазақстан Республикасының Денсаулық сақтау министрлiгi бекiткен "Биомедпрепарат" ҚҒӨК-iн дамытудың 1992-1995 жылдарға арналған бағдарламасы мақұлдансын.
Дәрi-дәрмек препараттарын және медициналық мақсаттағы бұйымдарды өндiру жөнiндегi тапсырмалар қосымшаға сәйкес бекiтiлсiн.
2. "Биомедпрепарат" ҚҒӨК-i медициналық, мал дәрiгерлiк мақсаттағы жаңа препараттар мен өсiмдiк қорғау құралдарын әзiрлеу жөнiндегi ғылыми-зерттеу және тәжiрибелiк-конструкторлық жұмыстар жүргiзiлуiн, өндiрiстiк қуаттарды қайта құру мен оларды шығарудың жаңа технологияларын игерудi қамтамасыз етсiн.
3. Қазақстан Республикасының Мемэкономкомы, Денсаулық сақтау министрлiгi, Материалдық ресурстарминi, Ақмола облысының әкiмi, "Биомедпрепарат" ҚҒӨК-iнiң, "Прогресс" өндiрiстiк бiрлестiгiнiң және басқа мүдделi тараптардың қатысуымен дәрi-дәрмек препараттарын шығаратын өндiрiстiк қуаттарды қайта құру мен игерудi жеделдету бағыттарын қарастырсын. Үкiметтiң шешiмiн талап ететiн мәселелер бойынша Қазақстан Республикасының Министрлер Кабинетiне ұсыныстар енгiзсiн.
4. "Биомедпрепарат" ҚҒӨК-iне Қазақстан Республикасы Министрлер Кабинетiнiң "Өнеркәсiптiң қорғаныс салалары кәсiпорындарының қызметiн қамтамасыз ету жөнiндегi бiрiншi кезектегi шаралар туралы" 1992 жылғы 10 наурыздағы N 203 қаулысында қорғаныс өнеркәсiбiнiң кәсiпорындары үшiн көзделген тиiстi жеңiлдiктер қолданылсын (Қазақстан Республикасының ПҮАЖ, 1992 ж., N 10, 174 бап).
5. Қазақстан Республикасының Мемэкономкомы "Биомедпрепарат" ҚҒӨК-iн өмiрлiк маңызы бар дәрi-дәрмек препараттарын шығару үшiн конверсиялауды жеделдету, кадрларды, ғылыми-техникалық және өндiрiстiк әлеуеттi сақтау мақсатында 1992 жылдың 9 айының қорытындылары бойынша Инвестиция қорын нақтылаған кезде кешенге 1992 жылғы IV тоқсанда қаржы бөлiнуiн көздейтiн болсын.
Қазақстан Республикасының Мемэкономкомы, Денсаулықминi, Ақмола облысының әкiмi жылдық болжам-жоспарлардың жобаларын әзiрлеген кезде дәрi-дәрмек препараттарын шығаруды қамтамасыз ету үшiн қажеттi қаржы бөлудi көздесiн.
Қазақстан Республикасының Мемэкономкомы "Биомедпрепарат" ҚҒӨК-iне өндiрiстiк қуаттарды қайта құру және дәрi-дәрмек препараттарын шығарудың жаңа технологияларын игеру үшiн 1993 жылы Инвестиция қорынан қажеттi қаржы бөлiнуiн көздесiн.
Қазақстан Республикасының Ғылым және жаңа технология министрлiгi 1993 жылдан бастап "Биомедпрепарат" ҚҒӨК-iне ғылыми-зерттеу және тәжiрибелiк-конструкторлық жұмыстар жүргiзу үшiн республикалық "Денсаулық" ғылыми-техникалық бағдарламасына бөлiнетiн қаржы көлемiнде қажеттi бюджет қаржысын көздейтiн болсын.
6. Қазақстан Республикасының Материалдық ресурстар министрлiгi өндiрiстiк қуаттарды қайта құру және жаңа технологияларды игеру үшiн қажет материалдық-техникалық ресурстарды белгiленген тәртiппен бөлудi көздесiн.
7. Қазақстан Республикасының Денсаулық сақтау министрлiгi Қазақстан Республикасының Сыртқы экономикалық байланыстар министрлiгiмен және "Биомедпрепарат" ҚҒӨК-iмен бiрлесiп импорттық жабдықтарды сатып алу жөнiнде шетел фирмаларымен контрактылар жасау мәселесiн пысықтасын.
8. Қазақстан Республикасының Мемэкономкомы мен Қазақстан Республикасының Сыртқы экономикалық байланыстар министрлiгi "Биомедпрепарат" ҚҒӨК-iне шығарылатын дәрi-дәрмек препараттарын еркiн бағалармен сатуға жыл сайын квота белгiлесiн.
9. Қазақстан Республикасының Мемэкономкомы Қазақстан
Республикасының Денсаулық сақтау министрлiгiмен және
"Биомедпрепарат" ҚҒӨК-iмен бiрлесiп қорғаныс өнеркәсiбi саласы
кәсiпорындарын конверсиялаудың республикалық бағдарламасына
кешендi кiргiзу жөнiнде бiр айлық мерзiмде қажеттi есеп-қисаптар
мен негiздемелердi әзiрлеп, белгiленген тәртiппен ұсыныстар
енгiзетiн болсын.
10. Ақмола облысының әкiмi "Биомедпрепарат" ҚҒӨК-iне
дәрi-дәрмек препараттарын өндiрудi ұйымдастыру жөнiнде
белгiленген шараларды жүзеге асыруда қажеттi көмек көрсетсiн.
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1992 жылғы 2 желтоқсандағы
N 1012 қаулысына
Қосымша
Дәрi-дәрмек препараттарын және медициналық
мақсаттағы бұйымдарды өндiру жөнiндегi
Тапсырма
(Кесте)
