"Қару-жараққа, әскери техникаға және екi ұдай мақсаттағы өнiмге экспорттық бақылау туралы" Қазақстан Республикасы Заңының 5-бабына сәйкес Қазақстан Республикасының Үкiметi қаулы етедi:
1. "Нитро-Взрыв" акционерлiк қоғамы (Мәскеу қаласы) мен "Кумтор Оперейтинг Компани" компаниясы арасында жасалған 1997 жылғы 23 желтоқсандағы N 21/98-НВ келiсiм-шартқа сәйкес Ресейден Қырғыз Республикасына "Кумтор Голд Компани" қырғыз-канада бiрлескен кәсiпорны үшiн "Нитро-Взрыв" акционерлiк қоғамы (Мәскеу қаласы) шығаратын "гранипор" жарылғыш затын 1000 (бiр мың) тонна көлемiнде Қазақстан Республикасының аумағы арқылы транзитпен тасымалдауға рұқсат етiлсiн.
2. Қазақстан Республикасының Көлiк және коммуникациялар
министрлiгi Халықаралық темiр жол жүк қатынасы туралы келiсiмге
сәйкес жүктiң Қазақстан аумағы арқылы өтуiне қауiпсiздiк пен
бақылаудың ерекше шараларын қамтамасыз ете отырып, тасымалды жүзеге
асырсын.
3. Қазақстан Республикасы Қаржы министрлiгiнiң Кеден комитетi
транзиттi тасымалдарға заңдарда белгiленген тәртiппен бақылауды
қамтамасыз етсiн.
Қазақстан Республикасының
Премьер-Министрi
