Қазақстан Республикасының 2003 жылғы 9 шілдедегі Су кодексінің 39, 116, 125-баптарына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 27-бабына, Қазақстан Республикасы Ауыл шаруашылығы министрінің 2015 жылғы 18 мамырдағы № 19-1/446 "Су қорғау аймақтары мен белдеулерін белгілеу қағидаларын бекіту туралы" нормативтік құқықтық актілерді мемлекеттік тіркеу Тізілімінде № 11838 тіркелген бұйрығына сәйкес, жер үсті суларының ластануын, қоқысталуын және сарқылуын болдырмау, су объектілерін және су шаруашылығы құрылыстарын санитарлық-эпидемиологиялық және экологиялық талаптарға сәйкес келетін жағдайда ұстау мақсатында Ақтөбе облысы әкімдігі ҚАУЛЫ ЕТЕДІ:
1. Ақтөбе облысының ірі Ырғыз, Торғай өзендерінің, олардың салаларының және Тобыл-Торғай бассейнінің негізгі көлдерінің су қорғау аймақтары мен белдеулері осы қаулының 1-қосымшасына сәйкес бекітілген жоба негізінде белгіленсін.
2. Ақтөбе облысының ірі Ырғыз, Торғай өзендерінің, олардың салаларының және Тобыл-Торғай бассейнінің негізгі көлдерінің су қорғау аймақтары мен белдеулерін шаруашылықта пайдаланудың режимі мен ерекше жағдайлары осы қаулының 2-қосымшасына сәйкес белгіленсін.
3. Әйтеке би және Ырғыз аудандарының әкімдері:
"Азаматтарға арналған үкімет" мемлекеттік корпорациясы" коммерциялық емес акционерлік қоғамының Ақтөбе облысы бойынша филиалы - жер кадастры және жылжымайтын мүлікті техникалық тексеру департаментімен бірлесіп мемлекеттік жер кадастрына тиісті өзгерістер енгізе отырып, су қорғау белдеулерінің жерлерін су қорының жерлеріне аудару жөнінде шаралар қабылдасын;
жер пайданушыларға су қорғау аймақтарының, белдеулерінің белгіленген шекаралары мен оларды шаруашылықта пайдаланудың режимін және ерекше жағдайларын жеткізсін;
бекітілген жобаға сәйкес су қорғау аймақтары және белдеулерінің шегінде орналасқан және олардың жай-күйіне зиянды әсер ететін нысандарды шығару немесе жою жөнінде жұмыстар жүргізсін;
олардың тиісті санитарлық күйде күтіп ұстауды және шаруашылықта пайдалану режимін сақтауды қамтамасыз етсін.
4. "Ақтөбе облысының табиғи ресурстар және табиғатты пайдалануды реттеу басқармасы" мемлекеттік мекемесі заңнамада белгіленген тәртіппен:
1) осы қаулыны Ақтөбе облысының Әділет департаментінде мемлекеттік тіркеуді;
2) осы қаулыны мерзімді баспа басылымдарында және Қазақстан Республикасы нормативтік құқықтық актілерінің эталондық бақылау банкінде ресми жариялауға жіберуді қамтамасыз етсін.
5. Осы қаулының орындалуын бақылау Ақтөбе облысы әкімінің орынбасары М.Е. Абдуллинге жүктелсін.
6. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Ақтөбе облысының әкімі | Б. Сапарбаев |
|
"КЕЛІСІЛДІ" "Ақтөбе облысы Қоғамдық денсаулық сақтау департаменті" республикалық мемлекеттік мекемесінің басшысы |
Н. Беркімбаева |
| "14" желтоқсан 2017 жыл | |
|
"КЕЛІСІЛДІ" "Су ресурстарын пайдалануды реттеу және қорғау жөніндегі Тобыл-Торғай бассейндік инспекциясы" республикалық мемлекеттік мекемесінің басшысы |
Г. Оспанбекова |
| "14" желтоқсан 2017 жыл |
| Ақтөбе облысы әкімдігінің 2017 жылғы 13 желтоқсандағы № 443 қаулысына 1-қосымша |
Ақтөбе облысының ірі Ырғыз, Торғай өзендерінің, олардың салаларының және Тобыл-Торғай басейнінің негізгі көлдерінің су қорғау аймақтары мен алаптары
№ | Су объектісі (салалары) | Аудандыр | Су қорғау аймағы | Су қорғау белдеуі | Орташа көп жылдық судың сабалық кемері (метр) | ||||
ұзындығы (км) | ені (м) | ауданы (кв.км) | ұзындығы (км) | ені (м) | ауданы (кв.км) | ||||
| ІРІ ӨЗЕНДЕР | |||||||||
|---|---|---|---|---|---|---|---|---|---|
1 | Ырғыз өзені | Ырғыз ауданы | 593 | 500 | 31600 | 593 | 50 | 31600 | 135,1-142,0 |
Ырғыз өзенінің салалары | |||||||||
Бақсайыс өзені | Ырғыз ауданы | 100 | 500 | 2060 | 100 | 50 | |||
Үймола өзені | 46 | 500 | 46 | 50 | |||||
Шетырғыз өзені | 178 | 500 | 4740 | 178 | 50 | ||||
Қарабұтақ өзені | Әйтеке би ауданы | 70 | 500 | 963 | 70 | 50 | |||
Қайрақты өзені | 113 | 500 | 113 | 50 | |||||
Талдық өзені | 145 | 500 | 4140 | 145 | 50 | ||||
Ащысай өзені | 93 | 500 | 93 | 50 | |||||
2 | Торғай өзені | Әйтеке би ауданы | 825 | 500 | 56500 | 825 | 50 | 56500 | |
Торғай өзенінің салалары | |||||||||
Өлкиік өзені | Әйтеке би ауданы | 114 | 500 | 27800 | 114 | 35 | |||
Телқара өзені | Ырғыз ауданы | 70 | 500 | 70 | 35 | ||||
Сарыөзек өзені | 66 | 500 | 66 | 35 | |||||
| НЕГІЗГІ КӨЛДЕР | |||||||||
1 | Әйке | Әйтеке би | 18 | 500 | 31 | 18 | 50 | 31 | 135,1-142,0 |
2 | Сұлукол | Әйтеке би | 1,7 | 300 | 1,25 | 1,7 | 50 | 1,25 | |
3 | Жаңадәуір (Шалбар) | Әйтеке би | 1,2 | 300 | 1,04 | 1,2 | 50 | 1,04 | |
4 | Шонай | Әйтеке би | 1,9 | 300 | 1,6 | 1,9 | 50 | 1,6 | |
5 | Шалқар Қарашатау | Әйтеке би | 12,5 | 500 | 18,5 | 12,5 | 50 | 18,5 | |
6 | Сабынды-көл | Ырғыз | 9,6 | 500 | 14,1 | 9,6 | 50 | 14,1 | |
7 | Үлкен Жалаңаш | Ырғыз | 4,2 | 500 | 9,67 | 4,2 | 50 | 9,67 | |
8 | Кіші Жалаңаш | Ырғыз | 2,4 | 300 | 2,11 | 2,4 | 50 | 2,11 | |
Ескерту: "Ақтөбе облысының ірі Ырғыз, Торғай өзендерінің, олардың салаларының және Тобыл-Торғай басейнінің негізгі көлдерінің су қорғау аймақтары мен белдеулерін, оларды шаруашылықта пайдаланудың режимі мен ерекше жағдайларын белгілеу туралы" жобасының картографиялық материалында су қорғау аймақтары мен су қорғау белдеулерінің шекараларының ені көрсетілген
| Ақтөбе облысы әкімдігінің 2017 жылғы 13 желтоқсандағы № 443 қаулысына 2-қосымша |
Ақтөбе облысының ірі Ырғыз, Торғай өзендерінің, олардың салаларының және Тобыл-Торғай бассейнінің негізгі көлдерінің су қорғау аймақтары мен белдеулерін шаруашылықта пайдаланудың режимі мен ерекше жағдайлары
1. Су қорғау белдеулерінің шегінде:
1) су объектілерінің сапалық және гидрологиялық жай-күйін нашарлататын (ластану, қоқыстану, сарқылу) шаруашылық қызметіне немесе өзге де қызметке;
2) су шаруашылығы және су жинайтын құрылыстар мен олардың коммуникацияларын, көпірлерді, көпір құрылыстарын, айлақтарды, порттарды, пирстерді және су көлігі қызметіне байланысты өзге де көлік инфрақұрылымдары объектілерін, жаңартылатын энергия көздерін (гидродинамикалық су энергиясын) пайдалану объектілерін, сондай-ақ су объектісіндегі рекреациялық аймақтарды қоспағанда, ғимараттар мен құрылыстарды салуға және пайдалануға. Осы тармақшаның ережесі 2003 жылғы 9 шілдедегі Қазақстан Республикасы Су кодексінің (бұдан әрі – Су кодексі) 125 – бабының 7 – тармағымен және 145 – 1 – бабымен белгіленген талаптарды ескере отырып қолданылады.
3) бау-бақша егуге және саяжай салуға жер учаскелерін беруге;
4) су объектілерінің және олардың су қорғау аймақтары мен белдеулерінің ластануын болғызбайтын құрылыстармен және құрылғылармен қамтамасыз етілмеген қазіргі бар объектілерді пайдалануға;
5) жекелеген учаскелерді шалғындандыруға, егін егуге және ағаш отырғызуға арналған жерлерді өңдеуді қоспағанда, топырақ және өсімдік қабатын бұзатын жұмыстарды жүргізуге (оның ішінде жер жыртуға, мал жаюға, пайдалы қазбаларды өндіруге);
6) шатыр қалдықтарын, көлік құралдары үшін тұрақты тұрақтарды, малдың жазғы жайылым қостарын орналастыруға;
7) тыңайтқыштардың барлық түрлерін қолдануға жол берілмейді.
2. Су қорғау аймақтарының шегінде:
1) су объектілерін және олардың су қорғау аймақтары мен белдеулерінің ластануы мен қоқыстануын болғызбайтын құрылыстармен және құрылғылармен қамтамасыз етілмеген жаңа және реконструкцияланған объектілерді пайдалануға беруге;
2) ғимараттарға, құрылыстарға, коммуникацияларға және басқа да объектілерге реконструкция жүргізуге, сондай-ақ құрылыс, су түбін тереңдету және жарылыс жұмыстарын жүргізуге, пайдалы қазбалар өндіруге, кәбіл, құбыр және басқа да коммуникацияларды төсеуге, белгіленген тәртіппен жергілікті атқарушы органдармен, уәкілетті органмен, қоршаған ортаны қорғау саласындағы уәкілетті мемлекеттік органмен, жер ресурстарын басқару жөніндегі орталық уәкілетті органмен, энергиямен жабдықтау және халықтың санитарлық-эпидемиологиялық салауаттылығы саласындағы уәкілетті органдармен және басқа да мүдделі органдармен келісілген жобасы жоқ бұрғылау, жер қазу және өзге де жұмыстар жүргізуге.
Осы тармақшаның ережесі Су кодексінің 125 – бабының 3 және 7 – тармақтарымен және 126 – бабының 1 – тармағымен белгіленген талаптарды ескере отырып колданылады;
3) тыңайтқыштар, пестицидтер, улы химикаттар мен мұнай өнімдерін сақтайтын қоймаларды, көлік құралдары мен ауыл шаруашылығы техникасына техникалық қызмет көрсету, оларды жуу пунктерін, механикалық шеберханаларды, тұрмыстық және өнеркәсіп қалдықтарын төгетін құрылғыны, аппаратураларды пестицидтермен және улы химикаттармен толтыратын алаңдарды, авиациялық-химиялық жұмыстар жүргізуге арналған ұшу-қону жолақтарын орналастыруға және салуға, сондай-ақ судың сапасына кері әсер ететін басқа да объектілерді орналастыруға;
4) мал шаруашылығы фермалары мен кешендерін, сарқынды су жинағыштарды, сарқынды сумен суарылатын егістіктерді, зираттарды, мал қорымдарын (биотермиялық шұңқырларды), сондай ақ жерүсті және жерасты суларының микробпен ластану қаупіне себепші болатын басқа да объектілерді орналастыруға;
5) жүктелім нормасынан асырып мал жаюға, мал тоғыту мен санитариялық өңдеуге және су тоғандарының режимін нашарлататын шаруашылық қызметінің басқа да түрлеріне;
6) су көздеріндегі су кемерінен екі мың метрге жетпейтін қашықтықта орналасқан ауыл шаруашылығы дақылдары мен орман екпелерін улы химикаттармен авиациялық өңдеу және авиация арқылы минералдық тыңайтқыштармен қоректендіру тәсілін қолдануға;
7) концентрациясының жол берілетін шегі белгіленбеген пестицидтерді қолдануға, қардың үстіне тыңайтқыш себуге, сондай-ақ залалсыздандырылмаған көң қосылған сарқынды суды және тұрақты хлорорганикалық улы химикаттарды тыңайтқыш ретінде пайдалануға тыйым салынады.
Су қорғау аймағында мәжбүрлі санитариялық өңдеу жүргізу қажет болған уыттылығы әлсіз және орташа тұрақсыз пестицидтерді қолдануға жол беріледі.
