БҰЙЫРАМЫН:
1. "Қарсы күрес бюджет қаражаты есебінен жүзеге асырылатын зиянды организмдердің тізбесін және Фитосанитариялық іс-шаралар жүргізу қағидаларын бекіту туралы" Қазақстан Республикасы Ауыл шаруашылығы министрінің 2020 жылғы 19 наурыздағы № 100 бұйрығына (Нормативтік құқықтық актілерді мемлекеттік тіркеу тізілімінде № 20213 болып тіркелген) мынадай өзгерістер енгізілсін:
кіріспесі мынадай редакцияда жазылсын:
"Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 6-бабы 1-тармағының 6-1) тармақшасына сәйкес БҰЙЫРАМЫН:";
көрсетілген бұйрықпен бекітілген Фитосанитариялық іс-шаралар жүргізу қағидаларында:
1-тармақ мынадай редакцияда жазылсын:
"1. Осы Фитосанитариялық іс-шаралар жүргізу қағидалары (бұдан әрі – Қағидалар) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 1-бабы 6-1) тармақшасына, "Өсімдіктерді қорғау туралы" Қазақстан Республикасы Заңының (бұдан әрі – Заң) 6-бабы 10) тармақшасына сәйкес әзірленді және фитосанитариялық іс-шараларды жүргізу тәртібін айқындайды.";
15-тармақ мынадай редакцияда жазылсын:
"15. Пестицидтерді, оларды сақтау, тасымалдау, саны ЗЭШ-тен жоғары саяқ шегірткетектестер қоныстанған орындарды химиялық өңдеу бойынша көрсетілетін қызметтерді сатып алуды жергілікті атқарушы органдар "Мемлекеттік сатып алу туралы" Қазақстан Республикасының Заңына (бұдан әрі – Мемлекеттік сатып алу туралы заң) және Қазақстан Республикасы Қаржы министрінің 2015 жылғы 11 желтоқсандағы № 648 бұйрығымен (Нормативтік құқықтық актілерді мемлекеттік тіркеу тізілімінде № 12590 болып тіркелген) бекітілген Мемлекеттік сатып алуды жүзеге асыру қағидаларына (бұдан әрі – Мемлекеттік сатып алу қағидалары) сәйкес жүзеге асырады.";
19-тармақ мынадай редакцияда жазылсын:
"19. ЗЭШ-тен жоғары саяқ шегірткетектестер қоныстанған орындарды химиялық өңдеу жүргізу үшін арнайы техникаға қажеттілікті есептеу ауа райы-климаттық, географиялық жағдайлар мен жергілікті жер бедерін ескере отырып, күнтізбелік 23 (жиырма үш) күн ішінде өндіру нормасымен:
аса жеңіл авиация кемелері бойынша – тәулігіне 1500 гектар;
жеңіл авиация кемелері бойынша – тәулігіне 1200 гектар;
барлық типтегі аэрозольдық генераторлар бойынша – тәулігіне 750 гектар;
жерүсті желдеткіш және штангалық бүріккіштері бойынша – тәулігіне 100 гектар;
барлық модификациядағы жер үсті атомайзерлік, ультра аз көлемді бүріккіштер бойынша – тәулігіне 150 гектар;
аспалы бүріккіштер бойынша – тәулігіне 5 гектар жүзеге асырылады.";
26-тармақ мынадай редакцияда жазылсын:
"26. Үйірлі шегірткетектестерге (азиялық, марокколық және итальяндық прус) қарсы химиялық өңдеу жүргізу үшін арнайы техникаға қажеттілікті есептеу ауа райы-климаттық, географиялық жағдайлар мен жергілікті жер бедерін ескере отырып, күнтізбелік 23 (жиырма үш) күн ішінде өндіру нормасымен:
аса жеңіл авиация кемелері бойынша – тәулігіне 1500 гектар;
жеңіл авиация кемелері бойынша – тәулігіне 1200 гектар;
барлық типтегі аэрозольдық генераторлар бойынша – тәулігіне 750 гектар;
жерүсті желдеткіш және штангалық бүріккіштер бойынша – тәулігіне 100 гектар;
барлық модификациядағы жер үсті атомайзерлік, ультра аз, көлемді бүріккіштер бойынша – тәулігіне 150 гектар;
аспалы бүріккіштер бойынша – тәулігіне 5 гектар жүзеге асырылады.".
2. Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Ауыл шаруашылығы министрінің міндетін атқарушы |
Е. Карашукеев |
"КЕЛІСІЛДІ"
Қазақстан Республикасы
Қаржы министрлігі
