Ескерту: Қаулының атауына өзгерту енгізілді - ҚР Үкіметінің 2004 жылғы 30 желтоқсандағы N 1439 Қаулысымен .
Қазақстан Республикасының Үкiметi қаулы етеді:
1. Қазақстан Республикасының Мәдениет, ақпарат және спорт министрлiгi мен Украинаның Теледидар және радио хабарларын тарату мемлекеттiк комитетi арасындағы Ақпарат саласындағы ынтымақтастық туралы келiсiмнiң жобасына қол қоюға келiсiм берiлсiн.
Ескерту: 1-тармаққа өзгерту енгізілді - ҚР Үкіметінің 2004 жылғы 30 желтоқсандағы N 1439 Қаулысымен .
2. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Жоба
Қазақстан Республикасының Мәдениет, ақпарат және спорт министрлiгi мен Украинаның Теледидар және радио хабарларын тарату мемлекеттiк комитетi арасындағы Ақпарат саласындағы ынтымақтастық туралы
КЕЛIСIМ
Ескерту: Тақырыбында және мәтiнде:
"Мәдениет, ақпарат және қоғамдық келiсiм министрлiгi" деген сөздер "Мәдениет, ақпарат және спорт министрлiгi" деген сөздермен ауыстырылды - ҚР Үкіметінің 2004 жылғы 30 желтоқсандағы N 1439 Қаулысымен .
Бұдан әрi Тараптар деп аталатын Қазақстан Республикасының Мәдениет, ақпарат және спорт министрлiгi мен Украинаның Теледидар және радио хабарларын тарату мемлекеттiк комитетi,
екi мемлекет арасындағы қазiргi достық қатынастарды одан әрi дамытуға және нығайтуға ұмтылысты басшылыққа ала отырып,
екi елдiң қоғамдық-саяси, экономикалық және мәдени өмiрi туралы ақпаратты кеңiнен әрi еркiн тарату үшiн жағдай жасау қажеттiгiн негiзге ала отырып,
бұқаралық ақпарат құралдары саласындағы мемлекетаралық ынтымақтастықты одан әрi дамытуға Тараптардың мүдделiлiгін ескере отырып,
1992 жылғы 9 қазанда Бишкек қаласында қол қойылған Ақпарат саласындағы ынтымақтастық туралы келiсiмнiң ережелерiн ұстанатындықтарын растай отырып,
мына төмендегiлер туралы келiстi:
1-бап
Тараптар, өздерiнiң ұлттық заңнамасына сәйкес олардың мемлекеттерiнiң халықтарының өмiрi туралы бiлiмiн одан әрi тереңдету мақсатында кеңiнен әрi еркiн өзара ақпарат таратуға қолайлы жағдай жасауға жәрдемдесетiн болады.
2-бап
Тараптардың әрқайсысы өз мемлекетiнiң аумағында басқа Тараптың мемлекетiнде заңды негiзде басылып және таралып жатқан мерзiмдi баспасөз басылымдардың оларда жарияланған мәлiметтер мен материалдар аумағына таралатын Тарап мемлекетiнiң ұлттық заңнамасына қайшы келмейтiн жағдайда өз аумағында еркiн алмасуына және таралуына ықпал ететiн болады.
3-бап
Tapaптap мемлекеттерінің бұқаралық ақпарат құралдары, сондай-ақ бұқаралық ақпарат құралдары саласындағы тиiстi ведомстволар мен ұйымдар арасындағы өзара тиiмдi ынтымақтастықты Тараптар қолдайтын және көтермелейтiн болады, олардың нақты шарттары мен нысандарын қатысушылардың өздерi айқындайды.
4-бап
Тараптар өзара теңдiк негiзiнде бұқаралық ақпарат құралдары, ақпаратпен байланысты ғылыми-техникалық салалар аясында мамандар алмасуды көтермелейтiн болады.
Мамандар алмасу нысандары және оларды қаржыландыру тәртiбi Тараптар арасындағы жекелеген келiсiмдер негiзiнде анықталатын болады.
5-бап
Тараптар басқа Тарап мемлекетiнiң бұқаралық ақпарат құралдары редакцияларының тиiстi түрде аккредиттелген өкiлдерiне iскерлiк байланыстар орнатуды және нақты жағдайды ақиқатты түрде көрсететiн ақпараттық материалдарды, теледидар хабарларын дайындауды қоса алғанда, олардың өзiнiң кәсiби мiндеттерiн орындауы үшiн қажеттi жағдай жасауына өзара жәрдем көрсететiн болады.
Тараптардың әрқайсысы өз аумағындағы жұмыс iстейтiн басқа Тарап мемлекетiнiң бұқаралық ақпарат құралдарының тiлшiлерi пункттерiнiң қызметiне, олар қабылдаушы Тарап мемлекетiнiң ұлттық заңнамасын сақтаған жағдайда жәрдем көрсететiн болады.
6-бап
Tapaптap бұқаралық ақпарат құралдарының қызметін құқықтық реттеу саласында ынтымақтастық пен тәжiрибе алмасуды, сондай-ақ Тараптар мемлекетiнiң ұлттық мүдделерiне және мемлекеттiк құпияларына нұқсан келтiрмейтiн өзге де ақпарат алмасуды жүзеге асыратын болады.
7-бап
Осы Келiсiмнiң ережелерi Тараптар қатысушы болып табылатын басқа да халықаралық шарттар бойынша Тараптардың құқықтары мен мiндеттерiн қозғамайды.
8-бап
Осы Келiсiмге Тараптардың келiсiмi бойынша оның ажырамас бөлiгi болып табылатын хаттамаларды ресiмдеу жолымен өзгерiстер мен толықтырулар енгiзiлуi мүмкiн.
9-бап
Осы Келiсiм бес жыл мерзiмге жасалады. Егер тиiстi кезең аяқталғанға дейiн кемiнде алты ай бұрын Тараптардың бiрi басқа Тарапқа оның қолданылуын тоқтатуға өзiнiң ниетi туралы хабарламаса, оның қолданылуы келесi бесжылдық кезеңге ұзартылады.
Осы Келiсiм Тараптардың бiрi басқа Тараптың оның қолданылуын тоқтату ниетi туралы жазбаша хабарлама алған күннен бастап алты ай өткеннен кейiн өзiнiң қолданылуын тоқтатады.
Осы Келiсiм қол қойылған күнiнен бастап күшiне енедi.
200 жылы "___" _________ ____________қаласында екi түпнұсқалы данада әрқайсысы қазақ, украин және орыс тiлдерiнде қол қойылды, сонымен бiрге барлық мәтiндердiң күшi бiрдей.
Осы Келiсiмнiң ережелерiн түсiндiру кезiнде келiспеушiлiктер туындаған жағдайда, Тараптар орыс тiлiндегi мәтiнге жүгiнетiн болады.
Қазақстан Республикасының Украинаның Теледидар және
Мәдениет, ақпарат және радио хабарларын
спорт министрлiгi тарату мемлекеттiк
үшін комитетi үшiн
