Қазақстан Республикасының Үкiметi қаулы етедi:
1. 1996 жылғы 16 қыркүйекте Бакуде қол қойылған Зейнетақымен
қамтамасыз ету саласындағы ынтымақтастық туралы Қазақстан
Республикасының Үкiметi мен Әзiрбайжан Республикасының Үкiметi
арасындағы Келiсiм бекiтiлсiн.
2. Қазақстан Республикасының Сыртқы iстер министрлiгi Әзiрбайжан
Тарапын Қазақстан Республикасының Үкiметi қабылдаған шешiм туралы
белгiленген тәртiппен хабардар етсiн.
Қазақстан Республикасының
Премьер-Министрi
Зейнетақымен қамсыздандыру саласындағы ынтымақтастық
туралы Қазақстан Республикасының Үкiметi мен
Әзiрбайжан Республикасының Үкiметi арасындағы
КЕЛIСIМ
(ҚР халықаралық шарттары бюллетені, 2000 ж., N 1, 15-құжат)
(1999 жылғы 4 наурызда күшіне енді - "Дипломатия жаршысы" ж.,
Арнайы шығарылым N 2, 2000 жылғы қыркүйек, 80 бет)
Қазақстан Республикасының Үкiметi мен Әзiрбайжан Республикасының
Үкiметi, бұдан әрi "Тараптар" деп аталады,
азаматтардың зейнетақымен қамсыздандырылу саласындағы құқығын
қорғау қажеттiгiне сүйене отырып,
Тараптардың өз азаматтарын зейнетақымен қамсыздандыруға тiкелей
жауапты екенiн түсiнiп,
Тараптардың бiрiнiң аумағында зейнетақы алу құқығына ие болған және тараптардың аумағында осы құқықты жүзеге асыратын еңбекке жарамсыз адамдар жөнiнде Тараптардың өз мiндеттемелерi бар екенiн мойындап,
зейнетақымен қамсыздандыру мәселелерi жөнiндегi жасасылған
халықаралық Келiсiмдер бойынша мiндеттемелердi мүлтiксiз сақтау
қажеттiгiн тани отырып,
мыналар туралы Келiстi:
1-бап
Тараптардың азаматтары мен олардың отбасы мүшелерiн зейнетақымен
қамсыздандыру аумағында олар тұратын мемлекеттiң заңы бойынша жүзеге
асырылады:
Азамат қоныс аударған кезде ол көшiп кеткен аумақ, бұдан былай
көшiп кеткен Тарап, ал ол тұратын аумақ көшiп келген Тарап деп
аталады.
2-бап
Қазақстан Республикасы мен Әзiрбайжан Республикасының Қарулы
Күштерi мен Шекара әскерлерiнiң әскери қызметшiлерiн олардың отбасы
мүшелерiн зейнетақымен қамсыздандыру, сондай-ақ оларды зейнетақымен
қамсыздандыруға қаражат бөлу тәртiбi Тараптардың тиiстi зейнетақы
заңдары белгiлейтiн тәртiппен реттеледi.
3-бап
Осы келiсiм бойынша зейнетақымен қамсыздандыруды жүзеге асыруға
байланысты барлық шығындарды зейнетақымен қамсыздандыруға тиiстi
Тарап мiндетiне алады. Өзара есеп айырысулар жүргiзiлмейдi.
4-бап
Осы Келiсiм Тараптардың Заңдарында белгiленген немесе белгiленетiн азаматтарды зейнетақымен қамсыздандырудың барлық түрлерiне қолданылады.
5-бап
1. Тараптардың азаматтарына зейнетақы тұрғылықты жерi бойынша тағайындалады.
2. Тараптар азаматтарына зейнетақы алу құқығын, соның iшiнде жеңiлдiктi негiздегi және еңбек сiңiрген жылдар үшiн зейнетақы алу құқығын белгiлеу үшiн солардың аумағында, сондай-ақ бұрынғы КСРО аумағында 1992 жылдың 1 қаңтарына дейiнгi еңбек стажы ескерiледi.
3. Зейнетақы еңбек стажына есептелетiн жылдардағы жалақысынан (табысынан) есептеледi.
Жалақы (табыс) мөлшерi зейнетақы тағайындалған сәттегi басқа Тараптың ресми түрде белгiленген бағамның ұлттық валютасына немесе халықаралық бағамына қатынасын басшылыққа ала отырып айқындалады.
6-бап
Еңбекте жарақат алуы немесе кәсiптiк ауруы салдарынан мүгедектiгiне байланысты және асыраушысынан айрылуына байланысты берiлетiн зейнетақы зейнетақы тағайындауға өтiнiш берген адамның тұрақты тұратын жерi бойынша сол аумақта қолданылып жүрген заңға сәйкес зейнетақы төлеуге арналып көзделген қаражат есебiнен тағайындалып, төленедi.
7-бап
Зейнеткер Тараптардың бiрiнiң аумағынан басқа тараптың аумағына
қоныс аударған кезде зейнетақы бұрынғы тұрған жерi бойынша зейнетақы
төлеу тоқтатылған күннен бастап төленедi, бiрақ жаңадан көшiп келген
жерiндегi халықты әлеуметтiк қорғау бөлiмiне жазбаша өтiнiш берген
күннен бұрынғы алты айдан аспайтын уақытқа төленедi.
8-бап
Тараптардың зейнетақымен қамсыздандыруын жүзеге асыратын
органдар бiр-бiрiмен олардың орталық органдары арасында жасасылған
келiсiм белгiлейтiн тәртiппен ынтымақтастықта жұмыс iстейдi.
9-бап
Тараптар осы Келiсiмде реттелмеген мәселелердi, сондай-ақ оның
қолданылуына байланысты мәселелердi келiссөз жүргiзу жолымен қарайды.
10-бап
Тараптар өз мемлекеттерiнде қолданылып жүрген заңдар, оларға
кейiннен енгiзiлген өзгерiстер туралы бiр-бiрiне хабарлап отыруды,
сондай-ақ зейнетақы құқығын және оның мөлшерiн айқындау үшiн маңызы
бар мән-жайларды анықтауға қажеттi шараларды қолдануды мiндетiне
алады.
11-бап
Қазақстан Республикасы мен Әзiрбайжан Республикасының аумағында
тиiстi тәртiппен берiлген зейнетақымен қамсыздандыру үшiн қажеттi
құжаттар Тараптардың аумағында жария етiлмей қабылданады.
12-бап
Осы Келiсiм оны күшiне енгiзу үшiн қажеттi мемлекеттiк iшкi тәртiбiн әрбiр Тараптың орындағандығы туралы соңғы хабарлама алынған күннен бастап күшiне енедi.
13-бап
1. Осы Келiсiм бес жыл мерзiмге жасасылады және тиiстi қолданылу мерзiмi бiтуге алты ай қалғанға дейiн Тараптардың бiрде-бiрi оның күшiн тоқтатқысы келетiнiн туралы, жазбаша түрде хабарламаса, онда Келiсiм өзiнен-өзi тағы да бес жыл мерзiмге ұзартылады.
2. Келiсiм бұзылған жағдайда оның ережелерi зейнетақы құқықтары
осы Келiсiмнiң ережелерiне сәйкес туындаған азаматтар жөнiнде күшiне
қалады.
3. Өзара уағдаластық негiзiнде қабылданған және тиiстi актiлерде
тiркелген осы Келiсiмге енгiзiлетiн барлық өзгертулер мен
толықтырулар осы Келiсiмнiң ажырамас бөлiгi болып табылады.
1996 жылы 16 қыркүйекте Баку қаласында қазақ, әзiрбайжан және
орыс тiлдерiнде екi түпнұсқа дана етiп жасалды, барлық мәтiннiң де
күшi бiрдей.
Қазақстан Республикасының Әзiрбайжан Республикасының
Үкiметi үшiн Үкiметi үшiн
