"Қазақстан Республикасының Үкіметі туралы" Қазақстан Республикасы Конституциялық заңының 19-бабы 1-тармағының 8) тармақшасына сәйкес:
1. Осы өкімге қосымшаға сәйкес құрамда Қазақстан Республикасында әскери және қосарланған мақсаттағы өнімдерді, технологияларды, көрсетілетін қызметтерді экспорттық бақылау және қорғаныстық-өнеркәсіптік кешен мәселелері жөніндегі комиссия (бұдан әрі – Комиссия) құрылсын.
2. Қоса беріліп отырған Комиссия туралы ереже бекітілсін.
Премьер-Министр | Ә. Смайылов |
Қазақстан Республикасы Премьер-Министрінің 2022 жылғы 25 тамыздағы № 127-ө өкімімен бекітілген |
Қазақстан Республикасында әскери және қосарланған мақсаттағы өнімдерді, технологияларды, көрсетілетін қызметтерді экспорттық бақылау және қорғаныстық-өнеркәсіптік кешен мәселелері жөніндегі комиссия туралы ереже
1. Жалпы ережелер
1. Қазақстан Республикасында әскери және қосарланған мақсаттағы өнімдерді, технологияларды, көрсетілетін қызметтерді экспорттық бақылау және қорғаныстық-өнеркәсіптік кешен мәселелері жөніндегі комиссия (бұдан әрі – Комиссия) Қазақстан Республикасы Үкіметінің жанындағы консультативтік-кеңесші орган болып табылады.
2. Комиссия өз қызметінде Қазақстан Республикасының Конституциясы мен заңдарын басшылыққа алады.
3. Қазақстан Республикасының Өнеркәсіп және құрылыс министрлігі Комиссияның жұмыс органы болып табылады.
Ескерту. 3-тармақ жаңа редакцияда - ҚР Премьер-Министрінің 28.11.2023 № 187-ө өкімімен.4. Комиссияның отырыстары қажеттілігіне қарай өткізіледі.
2. Комиссияның негізгі міндеті
5. Комиссияның әскери және қос мақсаттағы өнімдерді, технологияларды, көрсетілетін қызметтерді экспорттық бақылау және қорғаныстық-өнеркәсіптік кешен саласындағы негізгі міндеті мыналар бойынша келесі ұсынымдық сипаттағы ұсыныстар тұжырымдау болып табылады:
1) экспорттық бақылау саласындағы мемлекеттік саясатты іске асыру;
2) қызметтің жекелеген түрлерін лицензиялау саласындағы мемлекеттік саясатты жетілдіру;
3) Қазақстан Республикасы мемлекеттік органдарының экспорттық бақылау жүйесі жөніндегі іс-қимылын үйлестіру және сыртқы экономикалық қызметке қатысушыларға Қазақстан Республикасының аумағынан тыс жерде өнімді экспорттау, кері экспорттау, импорттау, кері импорттау, транзиті және (немесе) қайта өңдеу тәртібіне ұсынымдар дайындау;
4) экспорттық бақылаудың тиімділігін арттыру;
5) қорғаныс өнеркәсібінің мемлекеттік саясатын іске асыру;
6) Қазақстан Республикасының қорғаныстық-өнеркәсіптік кешенін дамытуға бағытталған жүйелі шараларды тұжырымдау бойынша Қазақстан Республикасы мемлекеттік органдарының іс-қимылын үйлестіру;
7) әскери-техникалық саясатты іске асыру және қорғаныстық-өнеркәсіптік кешенді дамыту;
8) мемлекеттік қорғаныстық тапсырысты қалыптастыру және іске асыру;
9) шет мемлекеттермен әскери-техникалық және әскери-экономикалық ынтымақтастықты дамыту;
10) жұмылдыру дайындығы мен жұмылдыруды үйлестіру;
11) мемлекеттік материалдық резервті қалыптастыру және дамыту;
12) азаматтық қорғаныс іс-шараларын ұйымдастыру және жүргізу;
13) қорғанысты көлікпен қамтамасыз ету;
14) аумақтық қорғанысты қамтамасыз ету.
Ескерту. 5-тармаққа өзгеріс енгізілді - ҚР Премьер-Министрінің 20.03.2023 № 48-ө өкімімен.3. Комиссияның жұмысын ұйымдастыру және оның тәртібі
6. Комиссияның жұмысын ұйымдастыру және оның тәртібі Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультативтік-кеңесші органдардың құрылуы, қызметі және таратылуы қағидаларына сәйкес жүзеге асырылады.
Қазақстан Республикасы Премьер-Министрінің 2022 жылғы 25 тамыздағы № 127-ө өкіміне қосымша |
Қазақстан Республикасында әскери және қосарланған мақсаттағы өнімдерді, технологияларды, көрсетілетін қызметтерді экспорттық бақылау және қорғаныстық-өнеркәсіптік кешен мәселелері жөніндегі комиссияның құрамы
Ескерту. Құрам жаңа редакцияда - ҚР Премьер-Министрінің 20.03.2023 № 48-ө өкімімен; өзгеріс енгізілді - ҚР Премьер-Министрінің 28.11.2023 № 187-ө өкімімен.
Қазақстан Республикасының Премьер-Министрі, төраға;
Қазақстан Республикасы Премьер-Министрінің бірінші орынбасары, төрағаның орынбасары;
Қазақстан Республикасының Өнеркәсіп және құрылыс вице-министрі, хатшы
Қазақстан Республикасының Қорғаныс министрі;
Қазақстан Республикасының Ішкі істер министрі;
Қазақстан Республикасының Энергетика министрі;
Қазақстан Республикасының Ауыл шаруашылығы министрі;
Қазақстан Республикасының Цифрлық даму, инновациялар және аэроғарыш өнеркәсібі министрі;
Қазақстан Республикасының Денсаулық сақтау министрі;
Қазақстан Республикасының Өнеркәсіп және құрылыс министрі
Қазақстан Республикасының Көлік министрі
Қазақстан Республикасының Ғылым және жоғары білім министрі;
Қазақстан Республикасының Ұлттық экономика министрі;
Қазақстан Республикасының Төтенше жағдайлар министрі;
Қазақстан Республикасының Қаржылық мониторинг агенттігі төрағасының орынбасары (келісу бойынша);
Қазақстан Республикасының Мемлекеттік күзет қызметі директорының орынбасары (келісу бойынша);
Қазақстан Республикасының Ұлттық қауіпсіздік комитеті төрағасының орынбасары (келісу бойынша);
Қазақстан Республикасы Сыртқы істер министрінің орынбасары;
Қазақстан Республикасының Қаржы вице-министрі;
Қазақстан Республикасының Қаржы министрлігі Мемлекеттік кірістер комитетінің төрағасы;
Қазақстан Республикасының Өнеркәсіп және құрылыс министрлігі Индустриялық даму комитетінің төрағасы