Төлем енгiзуге жоба бойынша кiрiс алынғанға дейiн мұрсат беру туралы

Қазақстан Республикасы Премьер-Министрiнiң өкiмi 1996 жылғы 2 қыркүйек N 413-ө

"Қазақстан Республикасы Iшкi iстер министрлiгiнiң қылмыстық-атқару жүйесiнiң мекемелерi негiзiнде табиғи тасты өндiру және өңдеу жөнiндегi өндiрiстi ұйымдастыру" жобасын уақтылы әрi тиiмдi жүзеге асыру мақсатында:
1. Қазақстан Республикасының Қаржы министрлiгi:
кепiлдеме бергенi үшiн кредит сомасының 2 процентi мөлшерiнде бiржолғы мiндеттi төлем енгiзуiне жоба бойынша кiрiс алынғанға дейiн, бiрақ 1997 жылдың 1 наурызынан кешiктiрмеуге мұрсат берсiн;
Қазақстан Республикасының Iшкi iстер министрлiгi Қылмыстық-атқару жүйесiнiң Бас басқармасымен кепiлдеме беру үшiн бiржолғы төлем енгiзуге Келiсiм жасауды қамтамасыз етсiн.
2. Осы өкiмнiң орындалуына бақылау жасау Қазақстан Республикасының Қаржы министрлiгiне жүктелсiн.

Премьер-Министр