"Нормативтік-құқықтық актілер туралы" Қазақстан Республикасының 1998 жылғы 24 наурыздағы Заңының 21-бабына сәйкес Солтүстік Қазақстан облысы Жамбыл ауданының әкімдігі ҚАУЛЫ ЕТЕДІ:
1. "Солтүстік Қазақстан облысы Жамбыл ауданының ветеринария бөлімі" мемлекеттік мекемесін құру туралы" Солтүстік Қазақстан облысы Жамбыл ауданы әкімдігінің 2015 жылдың 22 қаңтардағы № 19 қаулысына (Нормативтік-құқықтық актілерді мемлекеттік тіркеу Тізбесінде 2015 жылдың 09 ақпанында 3100 нөмірімен тіркелді, "Ауыл арайы" газетінің 2015 жылдың 27 ақпанындағы 9 нөмірінде мемлекеттік тілде, "Сельская новь" газетінің 2015 жылдың 27 ақпанындағы 9 нөмірінде орыс тілінде жарияланды) келесі өзгертулер енгізілсін:
осы нұсқалған қаулымен бекітілген "Солтүстік Қазақстан облысы Жамбыл ауданының ветеринария бөлімі" мемлекеттік мекемесінің Ережесіндегі (ілгеріде-Ереже):
Ереженің 16-тармағы 9) тармақшасы келесі редакцияда жазылсын:
"9) жергілікті атқарушы органдарға ауданның (облыстық маңызы бар қаланың) аумағында жануарлардың жұқпалы аурулары пайда болған жағдайда, тиісті аумақтың бас мемлекеттік ветеринариялық- санитариялық инспекторының ұсынуы бойынша карантинді немесе шектеу iс-шараларын белгілеу туралы шешімдер қабылдау туралы ұсыныс енгізу;";
Ереженің 16-тармағы 10) тармақшасы келесі редакцияда жазылсын:
"10) жергілікті атқарушы органдарға ауданның (облыстық маңызы бар қаланың) аумағында жануарлардың жұқпалы ауруларының ошақтарын жою жөніндегі ветеринариялық іс-шаралар кешені жүргізілгеннен кейін тиісті аумақтың бас мемлекеттік ветеринариялық-санитариялық инспекторының ұсынуы бойынша шектеу іс-шараларын немесе карантинді тоқтату туралы ұсыныс енгізу;".
2. Осы қаулының орындалуын бақылау аудан әкімінің басшылық ететін орынбасарына жүктелсін.
3. Осы қаулы оның алғашқы ресми жарияланған күнінен он күнтізбелік күн өткен соң қолданысқа енгізіледі.
|
Солтүстік Қазақстан облысы Жамбыл ауданының әкімі |
И. Турков |
