"Табиғи монополиялар туралы" Қазақстан Республикасы Заңының 8-бабының 7-4) тармақшасына сәйкес БҰЙЫРАМЫН:
Ескерту. Кіріспе жаңа редакцияда - ҚР Ұлттық экономика министрінің 16.08.2022 № 56 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.1. Қоса беріліп отырған Кәсіпкерлік субъектілерінің белгіленген қуаты 200 кВт-қа дейінгі электр қондырғыларын энергия беруші ұйымдардың электр желілеріне технологиялық қосуға арналған шығындарды айқындау қағидалары бекітілсін.
2. Қазақстан Республикасы Ұлттық экономика министрлігінің Табиғи монополияларды реттеу комитеті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Ұлттық экономика министрлігінің интернет-ресурсында орналастыруды;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Ұлттық экономика министрлігінің Заң департаментіне ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Ұлттық экономика вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Ұлттық экономика министрі |
Р. Даленов |
"КЕЛІСІЛДІ"
Қазақстан Республикасының
Энергетика министрлігі
| Қазақстан Республикасы Ұлттық экономика министрінің 2021 жылғы 6 қаңтардағы № 4 Бұйрықпен |
|
| бекітілді |
Кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымдардың электр желілеріне технологиялық қосуға арналған шығындарды айқындау қағидалары
1-тарау. Жалпы ережелер
1. Осы Кәсіпкерлік субъектілерінің белгіленген қуаты 200 кВт-қа дейінгі электр қондырғыларын энергия беруші ұйымдардың электр желілеріне технологиялық қосуға арналған шығындарды айқындау қағидалары (бұдан әрі – Қағидалар) "Табиғи монополиялар туралы" Қазақстан Республикасы Заңының 8-бабының 7-4) тармақшасына сәйкес әзірленді және кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымдардың электр желілеріне технологиялық қосуға арналған шығындарды айқындау тәртібін айқындайды.
Ескерту. 1-тармақ жаңа редакцияда - ҚР Ұлттық экономика министрінің 16.08.2022 № 56 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.2. Осы Қағидаларда мынадай ұғымдар пайдаланылады:
1) өтініш беруші – белгіленген қуаты 200 кВт дейінгі электр қондырғылары бар кәсіпкерлік субъектісі;
Осы Қағидаларда пайдаланылатын өзге де ұғымдар мен терминдер Қазақстан Республикасының табиғи монополиялар және электр энергетикасы салаларындағы заңнамасына сәйкес қолданылады.
2-тарау. Кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымдардың электр желілеріне технологиялық қосуға арналған шығындарды айқындау тәртібі
3. Өтініш беруші Қазақстан Республикасы Энергетика министрінің 2020 жылғы 23 қыркүйектегі № 327 бұйрығымен бекітілген Энергия беруші ұйымдардың электр желілеріне технологиялық қосу қағидаларына (Нормативтік құқықтық актілерді мемлекеттік тіркеу тізілімінде № 21269 болып тіркелген) (бұдан әрі – Технологиялық қосылу қағидалары) сәйкес энергия беруші ұйымға кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымның электр желілеріне технологиялық қосуға өтініш (бұдан әрі-Өтініш) береді.
4. Энергия беруші ұйым технологиялық қосылу қағидаларының 6-тармағында көзделген өтініш беруші ұсынған құжаттар талаптарға сәйкес келген кезде 10 (он) жұмыс күнінен кешіктірілмейтін мерзімде өтініш берушіге осы Қағидаларға қосымшаға сәйкес нысан бойынша кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымдардың электр желілеріне технологиялық қосуға негізделген шығындардың қорытындысын (бұдан әрі – Қорытынды) береді.
5. Белгіленген қуаты 200 кВт дейінгі кәсіпкерлік субъектілерін электрмен жабдықтау желілеріне технологиялық қосуға арналған шығындарды айқындау тәртібі мынадай кезеңдерді қамтиды:
1) шығындар тізбесін айқындау;
2) шығыстар баптарын бекіту.
6. Кәсіпкерлік субъектілерін белгіленген қуаты 200 квт дейінгі электрмен жабдықтау желілеріне технологиялық қосуға арналған шығындар тізбесін айқындау кезінде шығындар осы Қағидалардың талаптары ескеріле отырып қосылады. Шығыстар баптарын қалыптастыру "Бухгалтерлік есеп және қаржылық есептілік туралы" Қазақстан Республикасының Заңына сәйкес жүзеге асырылады.
Ескерту. 6-тармақ жаңа редакцияда - ҚР Ұлттық экономика министрінің 16.08.2022 № 56 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.7. Белгіленген қуаты 200 кВт дейінгі кәсіпкерлік субъектілерін электрмен жабдықтау желілеріне технологиялық қосуға арналған шығындар тізбесі мынадай:
1) материалдық шығыстардан;
2) жобалау-сметалық құжаттаманы әзірлеу;
3) техникалық қадағалау;
4) авторлық қадағалау;
5) өндірістік жұмысшылардың еңбегіне ақы төлеу;
6) құрылыс-монтаждау жұмыстарына арналған шығыстардан;
7) материалдарды өндірушіден жұмыс орнына дейін тасымалдау шығындары;
8) құрылыс машиналарын пайдалануға арналған шығындар, оның ішінде құрылыс машиналары мен тетіктерін басқарумен және оларға қызмет көрсетумен айналысатын жұмысшылардың еңбегіне ақы төлеу шығыстарынан тұрады.
8. Белгіленген қуаты 200 кВт дейінгі кәсіпкерлік субъектілерін электрмен жабдықтау желілеріне технологиялық қосуға арналған шығындар тізбесін айқындау кезінде өзіндік құнда қосу бойынша осы жұмысқа тікелей қатысты негіздеуші материалдармен расталған мынадай шығыстар ескеріледі:
1) электр желілерін салуға арналған жобалау құжаттамасында ескерілген материалдық шығыстар, оның ішінде сатып алынатын бұйымдар, жанар-жағармай материалдарына арналған шығыстар. Бұл ретте, шығындар тізбесінде көрсетілген материалдардың құны осы материалдарды өндірушінің құнынан аспайды;
2) бұл ретте, қолданыстағы заңнамада көзделген сатып алу рәсімдерін жүргізу арқылы өнім берушіден сатып алынған шығындар тізбесінде көрсетілген материалдардың құны, оларды жеткізуге арналған ілеспе шығындарды ескере отырып, осы материалдарды өндірушінің құнынан, егер өндіруші Қазақстан Республикасының аумағында болмаса, осы материалдарды өндірушінің өкілдігіндегі материалдардың құнынан аспайды;
3) техникалық және авторлық қадағалау, сондай-ақ жобалау-сметалық құжаттаманы әзірлеу "Қазақстан Республикасындағы сәулет, қала құрылысы және құрылыс қызметі туралы" Қазақстан Республикасының Заңына сәйкес жүзеге асырылады. Техникалық және авторлық қадағалауға, сондай-ақ жобалау-сметалық құжаттаманы әзірлеуге арналған шығыстар жұмыстардың жоспарланған көлеміне сәйкес және тиісті нарық жұмыстарының бағалары туралы мемлекеттік статистика саласындағы уәкілетті органның ресми статистикалық ақпараты негізінде айқындалады;
4) шығындар тізбесінде жұмысшылар мен желілік персонал тікелей құрылыс жұмыстарымен айналысатын бригадалардың (учаскелердің) жұмыскерлерінің құрамына қосылған кезде оны қоса алғанда, өндірістік жұмысшылардың, сондай-ақ жұмыс аймағы шегінде және объект маңындағы қоймадан монтаждау орнына дейін материалдар мен жабдықтардың орнын ауыстыруды жүзеге асыратын жұмысшылардың еңбегіне ақы төлеу бойынша шығыстар көрсетіледі.
Құрылыс машиналары мен тетіктерді басқарумен және оларға қызмет көрсетумен айналысатын жұмысшылардың еңбегіне ақы төлеу шығындары құрылыс машиналарын пайдалануға арналған шығындардың құрамына қосылады.
Қорытындыда көрсетілген қажетті жұмыстардың тізбесінде қосалқы өндірістер, ұйымның қызмет көрсететін шаруашылықтары жұмысшыларының, күрделі емес жұмыстармен (уақытша ғимараттар мен құрылыстар салу бойынша жұмыстарды қоса алғанда) және үстеме шығыстар есебінен жүзеге асырылатын басқа да жұмыстармен айналысатын жұмысшылардың еңбегіне ақы төлеу, сондай-ақ материалдарды объект маңындағы қоймада көлік құралдарына тиеуді қоса алғанда, оларды тиеумен, түсірумен және объект маңындағы қоймаға дейін жеткізумен айналысатын жұмысшылардың еңбегіне ақы төлеу көрсетілмейді.
Мамандардың жалақысын есептеу жұмысқа тартылған мамандардың нақты санын ескере отырып жүзеге асырылады және энергия беруші ұйымның орташа айлық жалақысының мөлшерінен аспайды, сондай-ақ жұмыс берушінің қаражаты есебінен төленетін салықтарды, жарналар мен жалақыдан аударымдарды қамтиды.
Ескерту. 8-тармаққа өзгеріс енгізілді - ҚР Ұлттық экономика министрінің 16.08.2022 № 56 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.9 Қорытындыда келтірілген кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымдардың электр желілеріне технологиялық қосуға арналған шығындар сомасы мынадай формула бойынша айқындалады:
мұнда:
Кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымдардың электр желілеріне технологиялық қосуға негізделген шығындардың қорытындысы ______________________________________________ №___ өтінішіне (Өтініш берушінің аты, әкесінің аты (болған кезде), тегі немесе ұйымның атауы)
Қажетті материалдар тізбесі | |||||
№ | Материалдар атауы |
Саны | 1-бірліктің құны, теңге | Жалпы құны, теңге | |
1 | |||||
2 | |||||
3 | |||||
4 | |||||
5 | |||||
… | |||||
Жиыны: Барлық материалдар құнының сомасы (S m) | |||||
Қажетті жұмыстар тізбесі | |||||
№ | Жұмыстар атауы | Мамандардың (жұмысшылардың) және техниканың атауы және саны (дана) | Сағат саны | 1 сағаттың құны, теңге | Жалпы құны, теңге |
1 | |||||
2 | |||||
3 | |||||
4 | |||||
5 | |||||
… | |||||
Жиыны: Барлық жұмыстар құнының сомасы S r , теңге | |||||
Кәсіпкерлік субъектілерінің белгіленген қуаты 200 кВт-қа дейінгі электр қондырғыларын энергия беруші ұйымдардың электр желілеріне технологиялық қосуға арналған негізделген шығындар құнының жалпы сомасы S z | |||||
__________________________________ __________ _________
(Аты, әкесінің аты (болған кезде), тегі (қолы) (күні)
__________________________________________
(ұйымның атауы және атқаратын лауазымы)
