Қазақстан Республикасы Үкіметінің 2010 жылғы 11 қазандағы № 1049 қаулысымен бекітілген Ұлттық санақтарды жүргізу қағидасы мен мерзімдерінің 7-тармағының 2) тармақшасына, Қазақстан Республикасы Үкіметінің 2019 жылғы 19 маусымдағы № 419 қаулысымен бекітілген 2021 жылы Қазақстан Республикасы халқының ұлттық санағын өткізу жөніндегі іс-шаралар жоспарының 3-тармағына, сондай-ақ Қазақстан Республикасы Стратегиялық жоспарлау және реформалар агенттігі Төрағасының 2020 жылғы 23 қазандағы № 9-нқ бұйрығымен бекітілген Қазақстан Республикасы Стратегиялық жоспарлау және реформалар агенттігінің Ұлттық статистика бюросы туралы ереженің 15-тармағының 51) тармақшасына сәйкес, БҰЙЫРАМЫЗ:
1. Қоса беріліп отырған Қазақстан Республикасы Төтенше жағдайлар министрлігінің объектілерінде 2021 жылы Қазақстан Республикасы халқының ұлттық санағын өткізу кезіндегі Қазақстан Республикасы Стратегиялық жоспарлау және реформалар агенттігінің Ұлттық статистика бюросы Қазақстан Республикасы Төтенше жағдайлар министрлігімен өзара іс-қимыл тәртібі бекітілсін.
2. Қазақстан Республикасы Стратегиялық жоспарлау және реформалар агенттігінің Ұлттық статистика бюросы заңнамада белгіленген тәртіппен:
1) осы бірлескен бұйрықты Қазақстан Республикасы Стратегиялық жоспарлау және реформалар агенттігі Ұлттық статистика бюросының интернет-ресурсында орналастыруды;
2) осы бірлескен бұйрықты қазақ және орыс тілдерінде Қазақстан Республикасының нормативтік құқықтық актілерінің эталондық бақылау банкінде ресми жариялау және енгізу үшін "Қазақстан Республикасының заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;
3) осы бірлескен бұйрықты орындау үшін олардың қатыстылығы бөлігінде лауазымды адамдарға жеткізуді қамтамасыз етсін.
3. Осы бірлескен бұйрықтың орындалуын бақылау қызметтің тиісті бағытына жетекшілік ететін Қазақстан Республикасы Стратегиялық жоспарлау және реформалар агенттігінің Ұлттық статистика бюросы басшысының орынбасарына және Қазақстан Республикасы Төтенше жағдайлар бірінші вице-министріне жүктелсін.
4. Осы бірлескен бұйрық тараптардың соңғысы қол қойған күнінен бастап қолданысқа енгізіледі.
|
Қазақстан Республикасы Стратегиялық жоспарлау және реформалар агенттігі Ұлттық статистика бюросының басшысы |
_____________Н. Айдапкелов |
|
Қазақстан Республикасының Төтенше жағдайлар министрі |
__________Ю. Ильин |
Қазақстан Республикасы Төтенше жағдайлар министрлігінің объектілерінде 2021 жылы Қазақстан Республикасы халқының ұлттық санағын өткізу кезіндегі Қазақстан Республикасы Стратегиялық жоспарлау және реформалар агенттігінің Ұлттық статистика бюросы Қазақстан Республикасы Төтенше жағдайлар министрлігімен өзара іс-қимыл тәрті
1-тарау. Жалпы ережелер
1. "2021 жылы Қазақстан Республикасы халқының ұлттық санағын өткізу туралы" Қазақстан Республикасы Үкіметінің 2019 жылғы 19 маусымдағы № 419 қаулысымен Қазақстан Республикасы халқының ұлттық санағын (бұдан әрі – халық санағы) өткізу мерзімдері, сондай-ақ 2021 жылы Қазақстан Республикасы халқының ұлттық санағын өткізу жөніндегі іс-шаралар жоспары (бұдан әрі – Жоспар) бекітілді.
2. Халық санағын өткізу кезіндегі орталық және жергілікті атқарушы органдардың қызметін үйлестіру Қазақстан Республикасы Премьер-Министрінің 2021 жылғы 9 ақпандағы № 27-р өкімімен 2021 жылы Қазақстан Республикасы халқының ұлттық санағын дайындау мен өткізуге байланысты ұйымдастырушылық және нұсқаушылық мәселелерді шешуге арналған арнайы комиссияға жүктелген, оның құрамына Қазақстан Республикасы Төтенше жағдайлар министрлігінен Қазақстан Республикасы Төтенше жағдайлар бірінші вице-министрі енгізілген.
3. Жоспарға, сондай-ақ "2020 жылы Қазақстан Республикасы халқының ұлттық санағын өткізуге арналған санақ парақтарын бекіту туралы" Қазақстан Республикасы Ұлттық экономика министрлігі Статистика комитеті төрағасының 2019 жылғы 7 қазандағы № 11 бұйрығына (бұдан әрі – бұйрық) сәйкес халық санағына үй шаруашылығының құрамына кіретін, елімізде тұрақты тұратын барлық респонденттер (Қазақстан Республикасының азаматтары, шетел азаматтары, азаматтығы жоқ адамдар), соның ішінде әскери қызметшілер (олардың отбасы мүшелерін қоса алғанда) және уақытша жоқ адамдарды және уақытша тұратындарды және (немесе) келгендерді қоса алғанда, әскери бөлімдердің және жабық әкімшілік-аумақтық бірліктердің аумағында тұратын азаматтық тұрғындар (бұдан әрі – респондент) жатады.
Халық санағын өткізу кезінде халықты есепке алу Нұр-Сұлтан қаласының уақыты бойынша 2021 жылғы 31 тамыздан 1 қыркүйекке қараған 00:00 сағат сәтіндегі жағдай бойынша жүзеге асырылады.
Халық санағы 2021 жылғы 1 қыркүйектен 15 қазан аралығында интернет желісі арқылы "www.sanaq.gov.kz" сайтында онлайн режимде респонденттердің санақ парақтарын электрондық түрде толтыруы арқылы жүргізіледі.
2-тарау. ҚР ТЖМ объектілерінде халық санағын ұйымдастыру
4. Қазақстан Республикасы Төтенше жағдайлар министрлiгінің қарамағындағы мемлекеттік мекемелері мен оның ведомстволарында (бұдан әрі – ҚР ТЖМ объектілері) халық санағын ұйымдастыру және өткізу мақсатында барлық құрылымдық бөлімшелер бойынша ұйымдастыру іс-шаралары өткізіледі.
5. Халық санағын өткізудің толықтығы мен сапасын бақылау ҚР ТЖМ объектілерінің командирлеріне және бастықтарына жүктеледі.
6. ҚР ТЖМ-де мыналар құрылады:
1) Халық санағына дайындық және өткізумен байланысты ұйымдастырушылық және нұсқаушылық мәселелерді шешетін Қазақстан Республикасы Төтенше жағдайлар министрлігінің объектілерінде 2021 жылы Қазақстан Республикасы халқының ұлттық санағын өткізуді үйлестіру және жәрдемдесу жөніндегі орталық комиссия (бұдан әрі – Орталық комиссия). Орталық комиссияның құрамы Қазақстан Республикасы Төтенше жағдайлар министрінің бұйрығымен бекітіледі;
Орталық комиссия Қазақстан Республикасы Стратегиялық жоспарлау және реформалар агенттігінің Ұлттық статистика бюросымен (бұдан әрі – Бюро) өзара іс-қимылды, ҚР ТЖМ объектілерінде жаппай-түсіндіру жұмыстарын жүргізу кезінде ҚР ҰЭМ СК-ға көмек көрсетуді, халық санағын өткізу жөніндегі ұйымдастыру іс-шараларын және олардың орындалуын бақылауды жүзеге асырады.
2) Халық санағын ұйымдастыру және өткізу үшін Қазақстан Республикасы Төтенше жағдайлар министрлiгінің қарамағындағы мемлекеттік мекемелер мен оның ведомстволарында құрылған 2021 жылы Қазақстан Республикасы халқының ұлттық санағын ұйымдастыру және өткізу жөніндегі комиссия (бұдан әрі – Халық санағы бойынша комиссия). Халық санағы бойынша комиссияның құрамы ҚР ТЖМ-нің объектілері командирлерінің және бастықтарының бұйрығымен бекітіледі.
Халық санағы бойынша комиссия Бюроның аумақтық бөлімшелерімен (бұдан әрі – Департаменттер) өзара іс-қимылды, жаппай-түсіндіру жұмыстарын жүргізу кезінде жәрдемдесуді, ТЖМ әскери бөлімшелерінде және жоғары оқу орынында халық санағын ұйымдастыру және өткізу бойынша күнтізбелік жұмыс жоспарларын құруды, жауапты қызметкерлерді іріктеу және оқытуды, 2021 жылғы 1 шілдеге дейінгі мерзімде аумақтық белгісі бойынша мекенжайларды, шекараларды көрсете отырып, контингенттер орналасқан объектілер тізбесін құру және нақтылауды жүзеге асырады.
3-тарау. ҚР ТЖМ объектілерінде халық санағын өткізу тәртібі 1-бөлім. Жауапты қызметкерлер
7. ҚР ТЖМ объектілерінде ҚР ТЖМ қызметкерлері немесе әскери қызметшілері санынан жауапты қызметкерлер жүргізеді.
Жауапты қызметкерлер халық санағын өткізуге қатысты барлық мәселелер бойынша Департаменттер өткізетін оқыту семинарларында оқытудан өтеді.
8. ҚР ТЖМ объектілерінде жауапты қызметкерлер үй-жайлармен және интернетке шығатын компьютерлермен қамтамасыз етіледі.
2-бөлім. Санақтан өтуге жататын халықтың санаттары
9. ҚР ТЖМ объектілерінде санақтан өтуге мынадай халықтың санаттары жатады:
1) мерзімді қызмет сарбаздары, сержанттары;
2) білім ұйымдарының курсанттары;
3) рұқсаты шектелген, ҚР ТЖМ объектілерінің аумағында тұратын офицерлер, келісімшарт бойынша әскери қызметшілер және қызметшілер;
4) рұқсаты шектелген, ҚР ТЖМ объектілерінің аумағында тұратын азаматтық тұрғындар;
5) медициналық мекемелерде, демалыс үйлерінде және санаторийлерде стационарлық емделуде жүрген адамдар.
10. Қазақстан Республикасының жабық аумағынан тыс тұратын офицерлер, келісімшарт бойынша әскери қызметшілер мен қызметшілер тұрақты тұрғылықты жері бойынша азаматтық тұрғындар ретінде Департаменттердің санақ персоналы өздерінің отбасылары құрамында санақтан өткізеді.
11. Атқаратын лауазымдарынан босатусыз демалыста және шетелдік іссапарларда жүрген офицерлер, келісімшарт бойынша әскери қызметшілер жеке істері және басқа да есепке алу деректері бойынша тұрақты қызмет ететін орны бойынша санақтан өтеді.
12. Офицерлер, келісімшарт бойынша жұмыс істейтін әскери қызметшілер, олардың отбасы мүшелері мен әскери госпитальдарда ем қабылдаудағы басқа да азаматтық тұлғалар (егер олардың келгеніне 1 жылдан аспаса) уақытша тұратындар ретінде санақтан өткізіледі.
13. ҚР ТЖМ объектілері аумағында тұратын, запасқа босатылған, бірақ санақ күні ҚР ТЖМ объектілерінен шықпаған офицерлер мен келісімшарт бойынша әскери қызметшілер ҚР ТЖМ-нің жауапты қызметкерлері тұрақты тұратын азаматтық тұрғындар санында санақтан өткізеді.
14. ҚР ТЖМ объектілеріндегі алмастырушы құрам тұрғылықты жері бойынша (казарма, жатақхана және басқалары) санақтан өтеді. Ортақ тұрғын үй алаптарында тұрған жағдайда алмастырушы құрамды Департаменттердің санақ персоналы санақтан өткізеді.
15. 12 айдан аспайтын оқыту мерзімімен курстарда немесе жиындарда оқып жатқан, басқа әкімшілік-аумақтық бірліктің аумағында тұрақты тұрғылықты жері бар ҚР ТЖМ әскери қызметшілері уақытша тұратындар ретінде санақтан өткізіледі.
16. 12 айдан асатын оқыту мерзімімен курстарда оқып жүргендер тұрақты тұрғлықты жерінде болмау ұзақтығына қарамастан ҚР ТЖМ обектісінде тұрақты халық ретінде санақтан өтеді.
17. ҚР ТЖМ объектілерінде тұратын азаматтық тұрғындарды тұрғылықты жері бойынша 2021 жылы Қазақстан Республикасы халқының ұлттық санағын өткізу кезінде санақ персоналына арналған санақ парақтарын толтыру жөніндегі түсіндірмелерге сәйкес санақтан өткізеді.
3-бөлім. Халық санағын өткізу кезеңдері
18. ҚР ТЖМ объектілеріндегі халық санағы 2 кезеңге бөлінеді:
1) бірінші кезеңде халық санағына жататын респонденттердің тізімі 2021 жылғы 1 шілдедегі жағдай бойынша жасалады және Департаментке беріледі.
2) екінші кезеңде халық санағынан өтуге жататын респонденттерге сауал салу және бірінші кезеңде жасалған тізімдерге сәйкес электрондық санақ парақтарын интернет желісі арқылы онлайн режимде "sanaq.gov.kz" сайтында толтыру өткізіледі.
Респондентке сауал салу мүмкіндігі болмаған жағдайда жауапты қызметкерлер санақ парақтарын толтыру үшін кадр қызметінен мәліметтер алады.
Интернет желісі арқылы онлайн режимде санақтан өту кезінде санақтан өтуге жататын респонденттер www.sanaq.gov.kz сайтында өз бетінше немесе жауапты қызметкерлердің көмегімен тіркеуден өтеді. Тіркеуден және авторизациялаудан сәтті өткеннен кейін электронды санақ парақтары толтырылады. Толтырылған санақ парақтары автоматты түрде Халық санағы деректерінің базасына түседі.
19. "Мемлекеттік статистика туралы" Қазақстан Республикасының 2010 жылғы 19 наурыздағы Заңының 21-бабы 4-тармағына сәйкес ұлттық санақтар барысында алынған мәліметтер алғашқы статистикалық деректерге жатады және олар жеке немесе заңды тұлғаға мүліктік және моральдық зиян келтіру, олардың құқықтары мен бостандықтарының іске асырылуын қиындату мақсатында пайдаланылмауға тиіс.
