"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 27, 37-баптарына, "Сауда қызметін реттеу туралы" Қазақстан Республикасы Заңының 8-бабына сәйкес Атырау облысының әкімдігі ҚАУЛЫ ЕТЕДІ:
1. Қоса беріліп отырған Атырау облысында әлеуметтік маңызы бар азық-түлік тауарларына рұқсат етілген шекті бөлшек сауда бағаларының мөлшері күнтізбелік тоқсан күн мерзіміне бекітілсін.
2. Осы қаулының орындалуын бақылау Атырау облысы әкімінің жетекшілік ететін орынбасарына жүктелсін.
3. Осы қаулы қол қойылған күнінен бастап күшіне енеді және ол алғашқы ресми жарияланған күннен бастап қолданысқа енгізіледі.
| Облыс әкімі | C. Шәпкенов |
| Атырау облысы әкімдігінің 2023 жылғы 26 қаңтардағы № 5 қаулысымен бекітілген |
Атырау облысында әлеуметтік маңызы бар азық-түлік тауарларына рұқсат етілген шекті бөлшек сауда бағаларының мөлшері
№ | Тауардың атауы | Өлшем бірлігі | Шекті рұқсат етілген бөлшек сауда бағаларының мөлшері |
1 | Тауық еті (сан сүйек және іргелес жұмсақ еті бар сан жілік) | 1 (бір) килограмм | 1374 теңге |
2 | Ас тұзы ("Экстра"-дан басқа) | 1 (бір) килограмм | 67 теңге |
