"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 35-бабының 2-тармағына, "Ветеринария туралы" Қазақстан Республикасы Заңының 10-1-бабының 8) тармақшасына, "Қазақстан Республикасы Ауыл шаруашылығы министрлігі ветеринариялық бақылау және қадағалау комитетінің Катонқарағай аудандық аумақтық инспекциясы" мемлекеттік мекемесінің басшысының 2023 жылғы 13 маусымдағы № 265 ұсынысына сәйкес, ШЕШТІМ:
1. Шығыс Қазақстан облысы Катонқарағай ауданы Солдатово ауылдық округінің Солдатово ауылының аумағында ірі қара малдың арасында бруцеллез ауруы ошақтарын жою бойынша кешенді ветеринариялық-санитарлық іс-шаралардың жүргізілуіне байланысты, белгіленген шектеу іс-шаралары тоқтатылсын.
2. Шығыс Қазақстан облысы Катонқарағай ауданы Солдатово ауылдық округі әкімінің 2023 жылғы 28 сәуірдегі № 1 "Шығыс Қазақстан облысы Катонқарағай ауданы Солдатово ауылдық округінің Солдатово ауылында шектеу іс-шараларын белгілеу туралы" шешімі жойылсын.
3. Осы шешімнің орындалуын бақылауды өзіме қалдырамын.
4. Осы шешім алғашқы ресми жарияланған күнінен кейiн күнтiзбелiк он күн өткен соң қолданысқа енгізіледі.
| Солдатово ауылдық округінің әкімі | Б. Кадырмышев |
