Қазақстан Республикасы Президентінің 2010 жылғы 19 наурыздағы № 954 Жарлығымен бекітілген Орталық мемлекеттік органдар мен облыстардың, республикалық маңызы бар қалалардың, астананың жергілікті атқарушы органдары қызметінің тиімділігін жыл сайынғы бағалау жүйесінің 27-тармағына сәйкес Қазақстан Республикасының Жоғары аудиторлық палатасы ҚАУЛЫ ЕТЕДІ және Қазақстан Республикасының Қаржы министрі БҰЙЫРАДЫ:
1. Қоса беріліп отырған Мақсаттарға қол жеткізу блогы бойынша операциялық бағалау әдістемесі бекітілсін.
2. Қазақстан Республикасының Жоғары аудиторлық палатасы аппаратының Жоспарлау және сертификаттау департаменті Қазақстан Республикасының заңнамасында белгіленген тәртіппен:
1) осы бірлескен нормативтік қаулы мен бұйрықтың қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберілуін;
2) осы бірлескен нормативтік қаулы мен бұйрық ресми жарияланғаннан кейін Жоғары аудиторлық палатаның интернет-ресурсында орналастырылуын қамтамасыз етсін.
3. Қазақстан Республикасы Қаржы министрлігінің Бухгалтерлік есеп, аудит және бағалау әдіснамасы департаменті осы бірлескен нормативтік қаулы мен бұйрық ресми жарияланғаннан кейін Қазақстан Республикасының заңнамасында белгіленген тәртіппен Қазақстан Республикасы Қаржы министрлігінің интернет-ресурсында орналастырылуын қамтамасыз етсін.
4. Осы бірлескен нормативтік қаулы мен бұйрықтың орындалуын бақылау Қазақстан Республикасы Жоғары аудиторлық палатасының жетекшілік ететін мүшесіне, жетекшілік ететін Қазақстан Республикасының Қаржы вице-министріне жүктелсін.
5. Осы бірлескен нормативтік қаулы мен бұйрық алғашқы ресми жарияланған күнінен бастап күшіне енеді.
|
Қазақстан Республикасы Жоғары аудиторлық палатасының Төрағасы |
______ Ә. Смайылов |
|
Қазақстан Республикасының Қаржы министрі |
__________ М. Такиев |
| 2025 жылғы "___"__________ | 2025 жылғы "___"__________ |
Мақсаттарға қол жеткізу блогы бойынша операциялық бағалау әдістемесі
1-тарау. Жалпы ережелер
1. Осы Мақсаттарға қол жеткізу блогы бойынша операциялық бағалау әдістемесі (бұдан әрі – Әдістеме) Қазақстан Республикасы Президентінің 2010 жылғы 19 наурыздағы № 954 Жарлығымен бекітілген Орталық мемлекеттік органдар мен облыстардың, республикалық маңызы бар қалалардың, астананың жергілікті атқарушы органдары қызметінің тиімділігін жыл сайынғы бағалау жүйесін (бұдан әрі – Бағалау жүйесі) іске асыру мақсатында әзірленді.
2. Осы Әдістемеде мынадай анықтамалар пайдаланылады:
1) бюджеттік бағдарламаның орындалу тиімділігі – қойылған мақсаттарға барынша аз шығасылар жұмсай отырып қол жеткізу, нәтижелерді жұмсалған шығындармен салыстыру (арақатынасы) арқылы айқындалады;
2) индикатордың артығымен орындалуы – индикатордың нақты мәнінің жоспарлы мәннен 25%-ға және одан астам артық орындалуы;
3) индикатордың жоспарлы мәндерін түзету – мемлекеттік органның даму жоспарының нысаналы индикаторларының жоспарлы мәндерін төмендету;
4) түйінді ұлттық индикатор – Ұлттық жоспардың даму басымдықтарының мақсаттарына қол жеткізуді сипаттайтын көрсеткіш;
5) нысаналы индикатор – мемлекеттік органның даму жоспарының, квазимемлекеттік сектор субъектісінің іс-шаралар жоспарының немесе даму жоспарының немесе облыстың, республикалық маңызы бар қаланың, астананың даму жоспарының мақсатына қол жеткізуді санмен өлшейтін көрсеткіш;
5-1) нәтиже көрсеткіші – міндетті шешу деңгейін айқындауға мүмкіндік беретін санмен өлшенетін көрсеткіш;
6) түпкілікті нәтиже – мемлекеттік органның даму жоспарының, облыстың, республикалық маңызы бар қаланың, астананың даму жоспарының мақсатына қол жеткізуді санмен өлшейтін бюджеттік бағдарламаның көрсеткіші және (немесе) мемлекеттік орган қызметінің тікелей нәтижелерге қол жеткізуіне негізделген бюджеттік бағдарламаның көрсеткіші;
7) тікелей нәтиже – қол жеткізілуі мемлекеттік функцияларды, өкілеттіктерді жүзеге асыратын немесе мемлекеттік қызметтер көрсететін ұйымдардың қызметіне толық байланысты болатын, көзделген бюджет қаражаты шегінде атқарылатын осы функциялар, өкілеттіктер және көрсетілетін қызметтер көлемінің сандық сипаттамасы.
3. Әдістеме мемлекеттік органдар жетекшілік ететін саланы/аяны/өңірді дамыту, сондай-ақ бюджет қаражатын пайдалану бойынша қабылдайтын шаралардың тиімділігін айқындауға арналған.
4. Мақсаттарға қол жеткізу блогы бойынша операциялық бағалау Қазақстан Республикасы Президентінің Әкімшілігі Бағалау жүйесінің 11-тармағына сәйкес бекітетін Мемлекеттік органдар қызметінің тиімділігіне операциялық бағалау жүргізу графигіне (бұдан әрі – Бағалау графигі) сәйкес жүзеге асырылады.
5. Мақсаттарға қол жеткізу блогы бойынша операциялық бағалауды мынадай мемлекеттік органдар (бұдан әрі – бағалауға уәкілетті мемлекеттік органдар):
Қазақстан Республикасының Қаржы министрлігі (бұдан әрі – бюджетті атқару жөніндегі уәкілетті орган) – бюджеттік бағдарламалардың орындалу тиімділігін және олардың мемлекеттік органдардың даму жоспарының мақсаттарымен өзара байланысын, жергілікті атқарушы органдардың бюджеттік бағдарламалардың көрсеткіштеріне қол жеткізуі бойынша тиімділігін бағалауды, жергілікті атқарушы органдардың бюджеттеудің жаңа практикаларын (халық қатысатын бюджет) пайдалануын бағалауды, сондай-ақ орталық мемлекеттік және жергілікті атқарушы органдардың бюджеттік бағдарламаларды іске асыру бойынша есептік деректерін қайта тексеруді;
Қазақстан Республикасының Жоғары аудиторлық палатасы (бұдан әрі – Жоғары аудиторлық палата) – мемлекеттік органдардың даму жоспарларының және облыстардың, республикалық маңызы бар қалалардың, астананың даму жоспарларының мақсаттарына қол жеткізуі бойынша мемлекеттік органдардың тиімділігін бағалауды жүзеге асырады.
Жергілікті атқарушы органдардың бюджеттік бағдарламалар көрсеткіштеріне қол жеткізуі бойынша тиімділігіне, бюджеттеудің жаңа практикаларының (халық қатысатын бюджет) пайдаланылуына бағалау жүргізу, орталық мемлекеттік органдардың бюджеттік бағдарламаларды іске асыру бойынша есептік деректерін қайта тексеру үшін бюджетті атқару жөніндегі уәкілетті органда Жыл сайынғы бағалау жөніндегі комиссияның кіші тобы болып табылатын жұмыс тобы (бұдан әрі – Бюджетті атқару жөніндегі жұмыс тобы) құрылады. Бюджетті атқару жөніндегі жұмыс тобының құрамы бюджетті атқару жөніндегі уәкілетті органның бұйрығымен немесе бюджетті атқару жөніндегі уәкілетті орган ведомствосының бұйрығымен бекітіледі.
2-тарау. Мақсаттарға қол жеткізу блогы бойынша операциялық бағалауға арналған ақпарат көздері
6. Бағаланатын мемлекеттік органдар жыл сайын Бағалау графигінде белгіленген мерзімдерде есепті (күнтізбелік) жылдың қорытындысы бойынша есептік ақпаратты электрондық жеткізгіштерде бағалауға уәкілетті мемлекеттік органдарға:
1) Әдістемеге 1-қосымшаға сәйкес нысан бойынша мақсаттардың, нысаналы индикаторлардың орталық мемлекеттік органның бюджеттік бағдарламаларымен өзара байланысы туралы ақпаратты;
2) Әдістемеге 2-қосымшаға сәйкес нысан бойынша бағаланатын бюджеттік даму бағдарламаларының (жергілікті атқарушы органдар) тікелей нәтижелеріне қол жеткізу туралы ақпаратты;
3) түсіндірме жазбаны (жергілікті атқарушы органдар) ұсынады.
Жергілікті атқарушы органдардың бағаланатын бюджеттік даму бағдарламаларының тікелей нәтижелеріне қол жеткізуі туралы түсіндірме жазбада бағалау өлшемшарттары бөлінісінде ақпарат көрсетіледі.
Мемлекеттік органдар бағалайтын мемлекеттік органдардың даму жоспарының және облыстың, республикалық маңызы бар қаланың, астананың даму жоспарының нысаналы индикаторларын нақты орындау көрсеткіштері үтірден кейінгі екі белгіге дейін математикалық дөңгелектеу ескеріле отырып қалыптастырылады.
Бағаланатын мемлекеттік органдар бағалауға уәкілетті мемлекеттік органдарға өткен жылғы операциялық бағалау қорытындылары бойынша берілген ұсынымдардың іске асырылуы жөніндегі ақпаратты ұсынады.
7. Мемлекеттік аудит және қаржылық бақылау органдары Әдістемеге 3-қосымшаға сәйкес нысан бойынша мемлекеттік аудит нәтижелері, мемлекеттік аудит және қаржылық бақылау органдары нұсқамаларының, қаулыларының орындалуы туралы ақпаратты бюджетті атқару жөніндегі уәкілетті органға ұсынады.
Мақсаттарға қол жеткізу блогы бойынша операциялық бағалау ұсынылған есептік ақпарат, сондай-ақ Бағалау графигіне сәйкес олардың ресми интернет-ресурстарында орналастырылған:
1) мемлекеттік органдардың даму жоспарлары;
2) облыстардың, республикалық маңызы бар қалалардың, астананың даму жоспарлары;
3) мемлекеттік органдардың даму жоспарларын іске асыру туралы есептер;
4) облыстардың, республикалық маңызы бар қалалардың, астананың даму жоспарларын іске асыру туралы есептер;
5) бюджетті атқару жөніндегі уәкілетті органның бағаланатын орталық мемлекеттік және жергілікті атқарушы органдардың бюджетті атқаруы туралы статистикалық есебі;
6) статистикалық және ведомстволық деректер;
7) халықаралық рейтингтер;
8) басқа да дереккөздер (болған жағдайда) негізінде жүзеге асырылады.
3-тарау. Бағаланатын мемлекеттік органдардың есептік ақпаратында қамтылған деректерді қайта тексеру
8. Бағалауға уәкілетті мемлекеттік органдар бағаланатын мемлекеттік органдардың есептік ақпаратында қамтылған деректерді анықтығы тұрғысынан қайта тексереді.
9. Деректердің анықтығын бағаланатын мемлекеттік органдар қамтамасыз етеді және статистикалық, ведомстволық деректермен, халықаралық бәсекеге қабілеттілік көрсеткіштерімен, сондай-ақ салалық орталық мемлекеттік органдардың есептік деректерімен расталады.
10. Бағалау жүйесінің 42-тармағына сәйкес бағалауға уәкілетті мемлекеттік органдар бағаланатын мемлекеттік органдардың есептік ақпаратында қамтылған деректерді қайта тексеруді (бұдан әрі – қайта тексеру) жүзеге асырады. Бұл ретте бағаланатын мемлекеттік органдардың қайта тексеруге жататын есептік ақпараты Бағалау жүйесінің 43-тармағына сәйкес айқындалады.
11. Қайта тексеру мемлекеттік органдардың даму жоспарларының/облыстардың, республикалық маңызы бар қалалардың, астананың даму жоспарларының және бюджеттік бағдарламалардың іске асырылуы бойынша ұсынылған ақпараттың анықтығын айқындау тұрғысынан жүргізіледі.
12. Қайта тексеру рәсімі растайтын құжаттарды (ведомстволық есептер, орындалған жұмыстар мен көрсетілген қызметтер актілері, хаттамалар, хаттар) жинаудан және талдаудан, сондай-ақ бағаланатын мемлекеттік органдарға барудан тұрады. Есептік ақпаратта қамтылған деректерді қайта тексеру қорытындысы бойынша Әдістемеге 4-қосымшаға сәйкес нысан бойынша салыстырып тексеру актісі (бұдан әрі – Салыстырып тексеру актісі) жасалады.
13. Қайта тексеру шеңберінде бағалауға уәкілетті мемлекеттік органдар құпиялылық грифі, сондай-ақ "Қызмет бабында пайдалану үшін" деген белгісі бар құжаттарды қоспағанда, растайтын құжаттардың электрондық көшірмелерін алады.
Егер нысаналы индикаторды есептеу кезінде бірнеше жыл бойы жинақталған деректер қолданылса, онда есептік ақпараты қайта тексеруге жататын органдар жинақталған есептеулердің анықтығын растайтын бірнеше жыл ішіндегі ақпаратты береді.
Есептік ақпараты қайта тексеруге жататын мемлекеттік органдар растайтын құжаттарды осы рәсімді жүргізу кезеңінде ғана ұсынады. Сондай-ақ орталық мемлекеттік және жергілікті атқарушы органдарға арналған растайтын құжаттар (атап айтқанда ресми хаттар, сұрау салулар және тағы басқа) есептi жылдан кейiнгi жылдың 1 наурызына дейінгі күнмен ұсынылады.
14. Бюджетті атқару жөніндегі уәкілетті орган орталық мемлекеттік органдардың бюджеттік бағдарламаларының нәтижелеріне қол жеткізу көрсеткіштерін қайта тексеру нәтижелері бойынша Салыстырып тексеру актісін Жоғары аудиторлық палатаға жыл сайын 10 сәуірге дейінгі мерзімде ұсынады.
4-тарау. Есептік ақпараттың уақтылылығын, толықтығын және анықтығын айқындау рәсімі
15. Бағаланатын мемлекеттік орган Бағалау графигіне сәйкес толық және анық есептік ақпаратты уақтылы ұсынуды қамтамасыз етеді.
16. Бағаланатын мемлекеттік орган бағалауға уәкілетті мемлекеттік органдарға есептік ақпаратты уақтылы, анық ұсынбаған жағдайда бағаланатын мемлекеттік органның аталған блок бойынша қорытынды бағасынан айыппұл балдары шегеріледі.
17. Бағалау графигінде көзделген мерзімнен кеш ұсынылған/орналастырылған есептік ақпарат уақтылы ұсынылмаған болып танылады.
Бағаланатын мемлекеттік орган есептік ақпаратты уақтылы ұсынбағаны/орналастырмағаны үшін 1,5 айыппұл балы шегеріледі.
18. Бағаланатын мемлекеттік орган толық емес есептік ақпаратты ұсынғаны/орналастырғаны үшін 2 айыппұл балы шегеріледі.
Есептік ақпараттың құрылымына қойылатын белгіленген талаптарда көзделген элементтері (қосымшалар, бөлімдер, кестелер) жоқ есептік ақпарат толық емес ақпарат болып танылады.
19. Қайта тексеру барысында шындыққа сәйкес келмейтін фактілер анықталған есептік ақпарат анық емес ақпарат болып танылады.
Бағаланатын мемлекеттік орган анық емес есептік ақпаратты ұсынғаны/орналастырғаны үшін әрбір тіркелген факт үшін 0,2 айыппұл балы шегеріледі.
Мемлекеттік органның даму жоспарының немесе облыстың, республикалық маңызы бар қаланың, астананың даму жоспарының мақсаттарына қол жеткізу бойынша анық емес ақпаратты ұсынғаны үшін 2,5-тен аспайтын балл және бюджеттік бағдарламалардың көрсеткіштеріне қол жеткізу бойынша 2,5-тен аспайтын балл шегеріледі.
Бағаланатын мемлекеттік орган өткен есепті жылдың Салыстырып тексеру актісін ескере отырып, анық емес есептік ақпаратты қайта ұсынғаны/орналастырғаны үшін әрбір тіркелген факт үшін 0,5 айыппұл балы шегеріледі.
Шегерілетін айыппұл балдарының жалпы сомасы 6,5 балдан аспайды.
Анық емес ақпаратты ұсыну фактілері деректерді қайта тексерудің қорытындысы бойынша Салыстырып тексеру актісінде тіркеледі.
20. Нысаналы индикатор бойынша есептеу әдістемесі болмаған жағдайда әрбір тіркелген факт үшін 0,5 айыппұл балы шегеріледі.
21. Егер бюджеттік бағдарламалардың тікелей және түпкілікті нәтижелерінің көрсеткіштері бойынша нақты мәндердің жоспарлы мәндерден 5%-ға артығымен орындалуы белгіленсе, онда заңды тұлғалардың жарғылық капиталдарын қалыптастыруға немесе ұлғайтуға және (немесе) қаржы агенттіктерінің бюджеттік инвестициялық жобаларды немесе мемлекеттік инвестициялық саясатты іске асыруы үшін бюджеттік кредиттер беруге бағытталған бюджеттік бағдарламаларды қоспағанда, жоспарлы мәндердің артығымен орындалуының әрбір тіркелген фактісі үшін 0,2 айыппұл балы шегеріледі.
22. Шегерімдер туралы ақпарат Қорытындыда орталық мемлекеттік органның/жергілікті атқарушы органның "Балдарын шегеру" деген бөлімде көрсетіледі.
5-тарау. Орталық мемлекеттік органдарды мақсаттарға қол жеткізу блогы бойынша операциялық бағалау
23. Мақсаттарға қол жеткізу блогы бойынша операциялық бағалау мемлекеттік органның даму жоспарының мақсаттарына қол жеткізу деңгейін және бюджеттік бағдарламалардың орындалу тиімділігін айқындау арқылы жүзеге асырылады.
24. Орталық мемлекеттік органдар қызметінің тиімділігін операциялық бағалау мынадай өлшемшарттар бойынша жүзеге асырылады:
1) даму жоспарының мақсаттарына қол жеткізу;
2) даму жоспарының мақсаттарына қол жеткізуде бюджеттік бағдарламалардың орындалу тиімділігі;
3) даму жоспары мақсатының бюджеттік бағдарламалармен өзара байланысы.
25. Орталық мемлекеттік органды мақсаттарға қол жеткізу блогы бойынша операциялық бағалау нәтижелері туралы қорытынды Әдістемеге 5-қосымшаға сәйкес нысан бойынша қалыптастырылады.
1-параграф. "Даму жоспарының мақсаттарына қол жеткізу" "Аі" өлшемшарты бойынша бағалау
26. Мемлекеттік органдардың даму жоспарларының мақсаттарына қол жеткізу бойынша бағалауды Жоғары аудиторлық палата жүзеге асырады.
Тиімділікті бағалау мемлекеттік органның даму жоспарының мақсаттарына қол жеткізу деңгейін айқындау арқылы жүзеге асырылады.
27. "Даму жоспарының мақсатына қол жеткізу" "Аi" өлшемшарты бойынша бағалау мына формула бойынша есептеледі:
мұнда:
hj – мемлекеттік органның даму жоспарының тиісті мақсатына қол жеткізу үшін көзделген әрбір нысаналы индикаторға қол жеткізу коэффициенті;
m – мемлекеттік органның даму жоспарының тиісті мақсатына қол жеткізу үшін көзделген нысаналы индикаторлардың саны.
Егер нысаналы индикатордың серпіні оң сипатта болса, нысаналы индикаторға қол жеткізу коэффициенті нақты орындалғанның жоспарлы мәнге арақатынасына тең болады:
hj = факт/жоспар.
Егер нысаналы индикатордың серпіні теріс сипатта болса, нысаналы индикаторға қол жеткізу коэффициенті:
hj = 2 – факт/жоспарға тең болады.
Серпіні теріс сипаттағы көрсеткіштің нақты мәні жоспарлы мәннен 2 есе немесе одан да көп асып түссе, онда осы нысаналы индикаторға қол жеткізу коэффициенті 0-ге теңестіріледі.
Бұл ретте:
егер hj ≥ 1, онда hj = 1,
егер hj < 1, онда hj = фактінің жоспарлы мәнге арақатынасы/жоспарлы мәннің нақты орындалғанға арақатынасы;
егер hj ˂ 0, онда hj = 0.
Есепті кезеңде жоспарлы мәні жоқ нысаналы индикатор мемлекеттік органның даму жоспарының мақсатына қол жеткізу коэффициентін есептеуге алынбайды.
Мемлекеттік органның қызметіне тәуелді емес факторларға негізделген (Үкіметтің тапсырмалары, төтенше жағдайлардың салдары) іс-шаралар мен міндеттемелердің орындалмау жағдайларын қоспағанда, тиісті қаржы жылына арналған нысаналы индикаторлар мен нәтижелер көрсеткіштерінің жоспарлы мәндерін төмендетуге жол берілмейді.
Нысаналы индикатордың өлшем бірлігі уақыт болғанда (сағат: минут), онда индикаторға қол жеткізуді есептеу кезінде өлшем бірлігінің бірыңғай форматы (сағаттар немесе минуттар) есепке алынады.
12 айдың деректерін ұсыну мүмкін болмаған кезде нысаналы индикатор мемлекеттік органның даму жоспарының мақсатына қол жеткізу коэффициентін есептеуге алынбайды.
Жоспарлы және нақты мәні 0-ге тең (оң серпін кезінде) нысаналы индикатор есептеуге алынбайды.
Мемлекеттік органның даму жоспарының мақсаттарына қол жеткізу коэффициентін есептеу кезінде индикаторды артығымен орындау фактілерінің, индикатордың жоспарлы мәндерін азаю жағына қарай түзетулердің болуы, өткен жылдың фактісімен салыстырғанда фактінің оң серпінінің болмауы ескеріледі.
Аталған фактілер болған кезде hj нысаналы индикаторына қол жеткізу нәтижесі 0,9 коэффициентіне көбейтіледі.
Артығымен орындау фактісі 100%-дан асқанда, hj нысаналы индикаторына қол жеткізу нәтижесі 0,8 коэффициентіне көбейтіледі.
Бағалау кезінде "Құпия" деген грифі бар мақсаттар мен нысаналы индикаторлар ескерілмейді.
28. "Di" түйінді ұлттық индикаторларын бағалау мына формула бойынша есептеледі:
мұнда:
hj – тиісті стратегиялық бағытқа қол жеткізу үшін көзделген әрбір түйінді ұлттық индикаторға қол жеткізу коэффициенті;
f – тиісті стратегиялық бағытқа қол жеткізу үшін көзделген түйінді ұлттық индикаторлар саны.
Егер түйінді ұлттық индикатордың серпіні оң сипатта болса, түйінді ұлттық индикаторға қол жеткізу коэффициенті нақты орындалғанның жоспарлы мәнге арақатынасына тең болады:
hj = факт/жоспар.
Егер түйінді ұлттық индикатордың серпіні теріс сипатта болса, түйінді ұлттық индикаторға қол жеткізу коэффициенті:
hj = 2 – факт/жоспарға тең болады.
Серпіні теріс сипаттағы көрсеткіштің нақты мәні жоспарлы мәннен 2 есе немесе одан да көп асып түссе, онда осы түйінді ұлттық индикаторға қол жеткізу коэффициенті 0-ге теңестіріледі.
Бұл ретте:
егер hj ≥ 1, онда hj = 1,
егер hj < 1, онда hj = фактінің жоспарлы мәнге арақатынасы/жоспарлы мәннің нақты орындалғанға арақатынасы;
егер hj ˂ 0, онда hj = 0.
Есепті кезеңде жоспарлы мәні жоқ түйінді ұлттық индикатор стратегиялық бағытқа қол жеткізу коэффициентін есептеуге алынбайды.
Түйінді ұлттық индикатордың өлшем бірлігі уақыт болғанда (сағат: минут), онда қол жеткізуді есептеу кезінде өлшем бірлігінің бірыңғай форматы (сағаттар немесе минуттар) есепке алынады.
12 айдың деректерін ұсыну мүмкін болмаған кезде түйінді ұлттық индикатор стратегиялық бағытқа қол жеткізу коэффициентін есептеуге алынбайды.
Жоспарлы және нақты мәні 0-ге тең (оң серпін кезінде) түйінді ұлттық индикатор есептеуге алынбайды.
Бағалау кезінде "Құпия" деген грифі бар түйінді ұлттық индикаторлар ескерілмейді.
Әрбір түйінді ұлттық индикаторға қол жеткізу коэффициентін есептеу кезінде түйінді ұлттық индикаторды артығымен орындау фактілерінің, түйінді ұлттық индикатордың жоспарлы мәндерін азаю жағына қарай түзетулердің болуы, өткен жылдың фактісімен салыстырғанда фактінің оң серпінінің болмауы ескеріледі.
Аталған фактілер болған кезде hj түйінді ұлттық индикаторына қол жеткізу нәтижесі 0,9 коэффициентіне көбейтіледі.
Артығымен орындау фактісі 100%-дан асқанда, hj түйінді ұлттық индикаторына қол жеткізу нәтижесі 0,8 коэффициентіне көбейтіледі.
28-1. "Xi" нәтижелерінің көрсеткіштерін бағалау мына формула бойынша есептеледі:
мұнда:
hj – мемлекеттік органның даму жоспарының тиісті міндетін іске асыру үшін көзделген нәтиженің әрбір көрсеткішіне қол жеткізу коэффициенті;
f – тиісті міндетті іске асыру үшін көзделген нәтижелер көрсеткіштерінің саны.
Егер нәтиже көрсеткішінің серпіні оң сипатта болса, нәтиже көрсеткішіне қол жеткізу коэффициенті нақты орындалғанның жоспарлы мәнге арақатынасына тең болады:
hj = факт/жоспар.
Егер нәтиже көрсеткіші теріс сипатта болса, нәтиже көрсеткішіне қол жеткізу коэффициенті:
hj = 2 – факт/жоспарға тең болады.
Серпіні теріс сипаттағы нәтиже көрсеткішінің нақты мәні жоспарлы мәннен 2 есе немесе одан да көп асып түссе, онда осы нәтиже көрсеткішіне қол жеткізу коэффициенті 0-ге теңестіріледі.
Бұл ретте:
егер hj ≥ 1, онда hj j = 1,
егер hj < 1, онда hj = фактінің жоспарлы мәнге арақатынасы/жоспарлы мәннің нақты орындалғанға арақатынасы;
егер hj ˂ 0, онда hj = 0.
Есепті кезеңде жоспарлы мәні жоқ нәтиже көрсеткіші мемлекеттік органның даму жоспарының міндетін іске асыру коэффициентін есептеуге алынбайды.
Нәтиже көрсеткішінің өлшем бірлігі уақыт болғанда (сағат: минут), онда қол жеткізуді есептеу кезінде өлшем бірлігінің бірыңғай форматы (сағаттар немесе минуттар) есепке алынады.
12 айдың деректерін ұсыну мүмкін болмаған кезде нәтиже көрсеткіші мемлекеттік органның даму жоспарының міндетін іске асыру коэффициентін есептеуге алынбайды.
Жоспарлы және нақты мәні 0-ге тең (оң серпін кезінде) нәтиже көрсеткіші есептеуге алынбайды.
Мемлекеттік органның даму жоспарының әрбір міндетін іске асыру коэффициентін есептеу кезінде нәтиже көрсеткішін артығымен орындау фактілерінің, нәтиже көрсеткішінің жоспарлы мәндерін азаю жағына қарай түзетулердің болуы, өткен жылдың фактісімен салыстырғанда фактінің оң серпінінің болмауы ескеріледі.
Аталған фактілер болған кезде hj нәтиже көрсеткішіне қол жеткізу нәтижесі 0,9 коэффициентіне көбейтіледі.
Артығымен орындау фактісі 100%-дан асқанда, hj нәтиже көрсеткішіне қол жеткізу нәтижесі 0,8 коэффициентіне көбейтіледі.
Бағалау кезінде "Құпия" деген грифі бар міндеттер мен нәтиже көрсеткіштері ескерілмейді.
2-параграф. "Даму жоспарының мақсатына қол жеткізуде бюджеттік бағдарламалардың орындалу тиімділігі" "Bi" өлшемшарты бойынша бағалау
29. Бюджеттік бағдарламалардың көрсеткіштеріне қол жеткізу бойынша мемлекеттік органдардың тиімділігін бағалауды бюджетті атқару жөніндегі уәкілетті мемлекеттік орган жүзеге асырады.
"Bi" өлшемшарты бойынша стратегиялық мақсатқа қол жеткізу үшін көзделген бюджеттік бағдарламалардың белгіленген нәтижелерін іске асырудың тиімділігі бағаланады.
Мақсаттарға қол жеткізуде бюджеттік бағдарламалардың орындалу тиімділігінің коэффициентін бағалау үшін есепті жылдан кейінгі жылдың 1 сәуіріне дейін бағаланатын орталық мемлекеттік органдардың есепті кезеңдегі бюджеттік бағдарламаларына талдау жүргізіледі. Мақсаттарға қол жеткізу үшін көзделген бюджеттік бағдарламалардың орындалу тиімділігін айқындау бойынша жұмыс есептері жүргізіледі (бюджеттік бағдарламаның тікелей және түпкілікті нәтижелерінің орташа мәндеріне қол жеткізу пайызы тиісті қаржы жылына бөлінген қаражаттың нақты игерілу пайызына бөлінеді және 100-ге көбейтіледі).
30. Bi "Даму жоспарының мақсатына қол жеткізуде бюджеттік бағдарламалардың орындалу тиімділігі" өлшемшартын есептеу мына формула бойынша жүзеге асырылады:
мұнда:
rz – мақсатқа қол жеткiзудегі әрбiр бюджеттік бағдарламаның орындалу тиiмдiлiгінің коэффициентi;
t – мақсатқа қол жеткізудегі бюджеттік бағдарламалардың саны.
Мақсатқа қол жеткiзудегі әрбiр бюджеттiк бағдарламаның орындалу тиімділігінің коэффициентi (rz) тiкелей және түпкiлiктi нәтижелер көрсеткіштеріне қол жеткiзу коэффициенттерiнiң орташа арифметикалық мәнiн бюджеттік бағдарламаның бюджет қаражатын игеру коэффициентіне бөлу жолымен есептеледi.
Тікелей және түпкілікті нәтижелерге қол жеткізу көрсеткіштері асыра орындалған жағдайда көрсеткіш бойынша 100%-дан аспайтын мән есепке алынады.
Қаражаттың игерілуі 90% және одан аз, ал нәтижелерге қол жеткізу жоғары болған бюджеттік бағдарламалар бойынша орындалу тиімділігінің коэффициенті 0,9-ды құрайтын болады.
Мысалы, бағдарлама бойынша қаражат 84,5%-ға игеріліп, ал нәтижелерге 100% қол жеткізілсе, бюджеттік бағдарламаның орындалу тиімділігінің коэффициенті 1,2 (100/84,5) құрайды.
Басқа мысал: қаражат 63%-ға игеріліп, нәтижелерге 75% қол жеткізілсе, бюджеттік бағдарламаның орындалу тиімділігінің коэффициенті 1,2 (75/63) құрайды.
Мұндай жағдайларда осындай бағдарламаларға орындалу тиімділігінің 0,9 коэффициенті қолданылады.
Мемлекеттік органның даму жоспарының мақсаттарына және/немесе нысаналы индикаторларына қол жеткізуге қатысатын барлық бюджеттік бағдарламалар (субвенцияларды қоспағанда) бағалануға тиіс.
Трансферттер мен бөлінетін бюджеттік бағдарламалар бойынша трансферттерді жіберетін және бөлінетін бюджеттік бағдарламаларды бөлетін бюджеттік бағдарламалар әкімшісінің түпкілікті нәтижелер көрсеткіштері бағаланады.
Бөлінетін бюджеттік бағдарламалар есебінен қаражат алатын бюджеттік бағдарламалар әкімшілерінің тікелей нәтижелер көрсеткіштері бағаланады.
3-параграф. "Сi" "Даму жоспары мақсатының бюджеттік бағдарламалармен өзара байланысы" өлшемшарты бойынша бағалау
31. Даму жоспары мақсатының бюджеттік бағдарламалар көрсеткіштерімен өзара байланысын бағалауды бюджетті атқару жөніндегі уәкілетті мемлекеттік орган жүзеге асырады.
Даму жоспары мақсатының іске асырылатын бюджеттік бағдарламалардың көрсеткіштерімен өзара байланыс дәрежесі "Сі" өлшемшарты бойынша бағаланады.
32. Даму жоспары мақсатының бюджеттік бағдарламалармен өзара байланыс коэффициенті әрбір бюджеттік бағдарламаны өзара байланыс пен сәйкестік тұрғысынан талдау кезінде сараптама жасау жолымен айқындалады.
Мысалы, егер бюджеттік бағдарлама бойынша 10 көрсеткіштің 2-уі мақсаттарға және/немесе нысаналы индикаторларға қол жеткізуді сипаттамаса, онда өзара байланыс коэффициентін 8/10 арақатынасында есептеу қажет. Бұл жағдайда өзара байланыс коэффициенті 0,8-ге тең болады.
Әр мақсаттың өзара байланыс коэффициенті оған қол жеткізуге қатысатын барлық бюджеттік бағдарламалардың өзара байланысының орташа арифметикалық мәнімен есептеледі.
мұнда:
Сi – даму жоспары мақсатының бюджеттік бағдарламалармен өзара байланыс коэффициенті;
Сr – мақсатқа қол жеткізудегі бюджеттік бағдарламаның өзара байланыс коэффициенті;
t – мақсатқа қол жеткізудегі бюджеттік бағдарламалардың саны.
4-параграф. Даму жоспарының мақсатына қол жеткізудің және орталық мемлекеттік органдардың бюджеттік бағдарламаларының орындалу тиімділігінің қорытынды есептемесі
33. Даму жоспарының мақсатына қол жеткізуді және мақсатқа қол жеткізудегі бюджеттік бағдарламалар көрсеткіштерін есептеу формуласы:
Ri = (Ai + Bi)/2 × Сi,
мұнда:
Ai – даму жоспарының мақсатына қол жеткізу коэффициенті;
Bi – даму жоспарының мақсаттарына қол жеткізудегі бюджеттік бағдарламалардың орындалу тиімділігінің коэффициенті;
Сi – даму жоспары мақсатының бюджеттік бағдарламалармен өзара байланыс коэффициенті.
Даму жоспарының мақсатына қол жеткізуді және бюджеттік бағдарламалардың орындалу тиімділігін қорытынды есептеу кезінде әрбір нысаналы индикатор бойынша коэффициент есептеледі.
34. Орталық мемлекеттік органдардың бюджеттік бағдарламаларының мақсаттары мен көрсеткіштеріне қол жеткізу тиімділігін бағалау коэффициенті үтірден кейінгі екі белгіге дейін математикалық дөңгелектеу ескеріле отырып қалыптастырылады.
5-параграф. Орталық мемлекеттік органдарды "Мақсатқа қол жеткізу" бойынша жалпы бағалау
35. Орталық мемлекеттік органдардың "Мақсатқа қол жеткізу" бойынша тиімділігін жалпы бағалау мына формула бойынша айқындалады:
мұнда:
RОМО – орталық мемлекеттік органның бюджеттік бағдарламаларының мақсаттары мен көрсеткіштеріне қол жеткізу тиімділігін қорытынды бағалау;
Ri – даму жоспарының мақсатына және мақсатқа қол жеткізудегі бюджеттік бағдарламалардың көрсеткіштеріне қол жеткізу коэффициенті;
Di – даму жоспарының түйінді ұлттық индикаторларына қол жеткізу коэффициенті;
Xi – даму жоспарының нәтижелер көрсеткіштеріне қол жеткізу коэффициенті;
n – даму жоспары мақсаттарының саны;
n1 – макроиндикаторлар көзделген даму жоспарының стратегиялық бағыттарының саны;
n2 – даму көрсеткіштері көзделген даму жоспары міндеттерінің саны;
W – айыппұл балдары.
36. Орталық мемлекеттік органдарды мақсаттарға қол жеткізу блогы бойынша операциялық бағалаудың қорытынды балы үтірден кейінгі екі белгіге дейін математикалық дөңгелектеу ескеріле отырып қалыптастырылады.
37. Алынған бағалау нәтижесіне сәйкес мемлекеттік органның мақсаттарға қол жеткізу бойынша қызметінің тиімділік дәрежесі айқындалады.
Мемлекеттік орган тиімділігінің жоғары дәрежесі 90-нан 100 балға дейінгі бағалау көрсеткішіне, орташа дәреже – 70-тен 89,99 балға дейінгі көрсеткішке, төмен дәреже – 50-ден 69,99 балға дейінгі көрсеткішке сәйкес келеді. Бағалау нәтижелері бойынша 50 балдан аз алған мемлекеттік органның қызметі тиімсіз болып танылады.
6-тарау. Қазақстан Республикасы Бәсекелестікті қорғау және дамыту агенттігінің даму жоспарының мақсаттарына қол жеткізуді операциялық бағалау
38. Қазақстан Республикасы Ұлттық Банкі (бұдан әрі – ҚРҰБ) қызметінің тиімділігін операциялық бағалау стратегиялық жоспардың мақсаттарына қол жеткізу өлшемшарты бойынша, Қазақстан Республикасы Бәсекелестікті қорғау және дамыту агенттігі (бұдан әрі – БҚДА) мен Қазақстан Республикасы Қаржы нарығын реттеу және дамыту агенттігі (бұдан әрі – ҚНРДА) қызметінің тиімділігін операциялық бағалау даму жоспарының мақсаттарына қол жеткізу өлшемшарты бойынша жүзеге асырылады.
39. ҚРҰБ стратегиялық жоспарының мақсаттарына қол жеткізуді бағалау мына формула бойынша есептеледі:
RҚРҰБ = ( Ai * 100 ) - W,
мұнда:
Ai – стратегиялық жоспардың мақсатына қол жеткізу коэффициенті;
W – айыппұл балдары.
40. БҚДА және ҚНРДА даму жоспарының мақсаттарына қол жеткізуді бағалау мына формула бойынша есептеледі:
RБҚДА, ҚНРДА = (Ai * 100) - W,
мұнда:
Ai – даму жоспарының мақсатына қол жеткізу коэффициенті;
W – айыппұл балдары.
7-тарау. Жергілікті атқарушы органдар қызметінің тиімділігін мақсаттарға қол жеткізу блогы бойынша операциялық бағалау
41. Операциялық бағалау облыстың, республикалық маңызы бар қаланың, астананың даму жоспарының мақсаттарына қол жеткізу деңгейін және бюджеттік бағдарламалардың көрсеткіштеріне қол жеткізу бойынша тиімділікті айқындау арқылы жүзеге асырылады.
42. Жергілікті атқарушы органдар қызметінің тиімділігін операциялық бағалау мынадай өлшемшарттар бойынша жүзеге асырылады:
1) облыстардың, республикалық маңызы бар қалалардың, астананың даму жоспарларының мақсаттарына қол жеткізу;
2) мемлекеттік аудит және қаржылық бақылау органдары бағаланатын кезеңде даму бағдарламаларына жүргізген тексерулер қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы;
3) бюджеттік даму бағдарламаларының тікелей нәтижелеріне қол жеткізу;
4) бюджеттік даму бағдарламасының орындалу тиімділігі;
5) бюджеттеудің жаңа практикаларын (халық қатысатын бюджет) пайдалану.
"Облыстың, республикалық маңызы бар қаланың, астананың даму жоспарының мақсаттарына қол жеткізу" өлшемшарты бойынша жергілікті атқарушы органдар қызметінің тиімділігін бағалауды Жоғары аудиторлық палата жүзеге асырады.
"Мемлекеттік аудит және қаржылық бақылау органдары бағаланатын кезеңде даму бағдарламаларына жүргізген тексерулер қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы", "Бюджеттік даму бағдарламасының тікелей нәтижелеріне қол жеткізу", "Бюджеттеудің жаңа практикаларын (халық қатысатын бюджет) пайдалану" және "Бюджеттік даму бағдарламасының орындалу тиімділігі" өлшемшарттары бойынша тиімділікті бағалауды бюджетті атқару жөніндегі уәкілетті орган жүзеге асырады.
Бюджетті атқару жөніндегі уәкілетті орган "Мемлекеттік аудит және қаржылық бақылау органдары бағаланатын кезеңде даму бағдарламаларына жүргізген тексерулер қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы", "Бюджеттік даму бағдарламасының тікелей нәтижелеріне қол жеткізу", "Бюджеттік даму бағдарламасының орындалу тиімділігі" және "Бюджеттеудің жаңа практикаларын (халық қатысатын бюджет) пайдалану" өлшемшарттары бойынша қорытынды қалыптастырады және Бағалау графигінде белгіленген мерзімде Жоғары аудиторлық палатаға жібереді.
43. Жергілікті атқарушы органдарды мақсаттарға қол жеткізу блогы бойынша операциялық бағалау нәтижелері туралы қорытындылар Әдістемеге 6-қосымшаға сәйкес нысан бойынша қалыптастырылады.
44. Алынған бағалау нәтижесіне сәйкес бағаланатын мемлекеттік орган қызметінің тиімділік дәрежесі айқындалады.
Бағаланатын мемлекеттік орган қызметі тиімділігінің жоғары дәрежесі 90-нан 100 балға дейінгі бағалау көрсеткішіне, орташа дәреже – 70-тен 89,99 балға дейінгі көрсеткішке, төмен дәреже – 50-ден 69,99 балға дейінгі көрсеткішке сәйкес келеді. Бағалау нәтижелері бойынша 50-ден аз балл алған бағаланатын мемлекеттік органның қызметі тиімсіз болып танылады.
1-параграф. "D" "Облыстың, республикалық маңызы бар қаланың, астананың даму жоспарының мақсаттарына қол жеткізу" өлшемшарты бойынша бағалау
45. "Облыстың, республикалық маңызы бар қаланың, астананың даму жоспарының мақсаттарына қол жеткізу" өлшемшартын есептеу түйінді ұлттық индикаторлар, нысаналы индикаторлар және нәтижелер көрсеткіштері бойынша орташа арифметикалық жетістік негізінде мына формула бойынша жүзеге асырылады:
мұнда:
D – облыстың, республикалық маңызы бар қаланың, астананың даму жоспарының мақсаттарына қол жеткізу коэффициенті;
hj – әрбір түйінді ұлттық индикаторға, нысаналы индикаторға және тиісті мақсатқа қол жеткізу үшін көзделген нәтиже көрсеткішіне қол жеткізу коэффициенті;
m – түйінді ұлттық индикаторлардың, нысаналы индикаторлардың және нәтижелер көрсеткіштерінің жалпы саны.
Бұл ретте:
егер hj ≥ 1, онда hj = 1,
егер hj < 1, онда hj = фактінің жоспарлы мәнге арақатынасы;
егер hj ˂ 0, онда hj = 0.
"Облыстың, республикалық маңызы бар қаланың, астананың даму жоспарының мақсаттарына қол жеткізу" өлшемшарты бойынша бағалау Әдістемеге 9-қосымшада көрсетілген түйінді ұлттық индикаторлар, нысаналы индикаторлар және нәтижелер көрсеткіштері негізінде жүзеге асырылады.
Егер әрбір түйінді ұлттық индикатордың, нысаналы индикатордың және нәтиже көрсеткішінің серпіні оң сипатта болса, түйінді ұлттық индикаторға, нысаналы индикаторға және нәтиже көрсеткішіне қол жеткізу коэффициенті нақты орындалғанның жоспарлы мәнге арақатынасына тең болады:
hj = факт/жоспар.
Егер түйінді ұлттық индикатордың, нысаналы индикатордың және нәтиже көрсеткішінің серпіні теріс сипатта болса, нысаналы индикаторға қол жеткізу коэффициенті:
hj = 2 – факт/жоспарға тең болады;
Серпіні теріс сипаттағы түйінді ұлттық индикатордың, нысаналы индикатордың және нәтиже көрсеткішінің нақты мәні жоспарлы мәннен 2 есе немесе одан да көп асып түссе, онда осы түйінді ұлттық индикаторға, нысаналы индикаторға және нәтиже көрсеткішіне қол жеткізу коэффициенті 0-ге теңестіріледі.
Облыстың, республикалық маңызы бар қаланың, астананың даму жоспарының мақсаттарына қол жеткізу коэффициентін есептеу кезінде түйінді ұлттық индикаторды, нысаналы индикаторды және нәтиже көрсеткішін артығымен орындау фактілерінің болуы ескеріледі.
Көрсетілген факт болған кезде hj түйінді ұлттық индикаторына, нысаналы индикаторына және нәтиже көрсеткішіне қол жеткізу нәтижесі 0,9 коэффициентіне көбейтіледі. Артығымен орындау фактісі 100%-дан асқанда, hj түйінді ұлттық индикаторына, нысаналы индикаторына және нәтиже көрсеткішіне қол жеткізу нәтижесі 0,8 коэффициентіне көбейтіледі.
Көрсеткіштердің артығымен орындалуы нысаналы индикаторлар және нәтижелер көрсеткіштері бойынша ғана ескеріледі.
46. Облыстың, республикалық маңызы бар қаланың, астананың даму жоспарының мақсаттарына қол жеткізу коэффициентін есептеу кезінде:
есепті кезеңге жоспарлы мәні жоқ нысаналы индикатор мақсатқа қол жеткізу коэффициентін есептеуге алынбайды;
12 (он екі) айдың деректерін ұсыну мүмкін болмаған кезде нысаналы индикатор облыстың, республикалық маңызы бар қаланың, астананың даму жоспарының мақсатына қол жеткізу коэффициентін есептеуге алынбайды;
жоспарлы және нақты мәні 0-ге тең (серпіні оң болған кезде) нысаналы индикатор есептеуге алынбайды.
2-параграф. "L" "Мемлекеттік аудит және қаржылық бақылау органдары бағаланатын кезеңде даму бағдарламаларына жүргізген тексерулер қорытындысы бойынша бюджет және өзге де заңнаманы бұзушылықтардың болмауы" өлшемшарты бойынша бағалау
47. "Мемлекеттік аудит және қаржылық бақылау органдары бағаланатын кезеңде даму бағдарламаларына жүргізген тексерулер қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы" өлшемшарты бойынша бағалау жүргізу кезінде мыналар:
тексеру жүргізген мемлекеттік аудит және қаржылық бақылау органы;
есепті кезеңді қамтыған тексерулер саны;
аудитпен қамтылған мемлекеттік органның және оның ведомстволық бағынысты мекемелерінің бюджет қаражатының жалпы көлемі;
есепті кезеңде қолданыстағы заңнама шеңберінде анықталған бұзушылықтар, соның ішінде:
қаржылық бұзушылықтар;
бухгалтерлік есеп және қаржылық есептілік заңнамасын бұзушылық;
камералдық бақылау кезінде анықталған бұзушылықтарды және конкурстарды ұйымдастырушылар сот тәртібінде шағымданған бұзушылықтар сомаларын қоспағанда, мемлекеттік сатып алу туралы заңнаманы бұзушылықтар көрсетіледі.
Бюджет шығыстарымен өзара байланыста облыстардың, республикалық маңызы бар қалалардың, астананың даму жоспарының мақсаттарына қол жеткізуге ішкі аудит қызметі жүргізген талдаудың болуы туралы ақпарат көрсетіледі.
48. Осы өлшемшарт бойынша балл Әдістемеге 7-қосымшаға сәйкес қойылады және бюджеттік даму бағдарламалары әкімшілерінің бөлінісінде орташа балл түрінде айқындалады.
3-параграф. "Z" "Бюджеттік даму бағдарламасының тікелей нәтижелеріне қол жеткізу" өлшемшарты бойынша бағалау
49. "Бюджеттік даму бағдарламасының тікелей нәтижелеріне қол жеткізу" өлшемшарты бойынша балл "Бюджеттік даму бағдарламасының тікелей нәтижелеріне қол жеткізу" және "Бюджеттік бағдарламалар нәтижелілігі көрсеткіштерін жоспарлау сапасы" деген екі көрсеткіш бойынша айқындалады.
Тікелей нәтиже көрсеткіштері орындалатын мемлекеттік функциялар, өкілеттіктер мен көрсетілетін мемлекеттік қызметтердің аталған бюджеттік бағдарлама бойынша көзделген бюджет қаражаты шегіндегі көлемінің сандық сипаттамасын көрсететін көрсеткіштер болып табылады.
Бюджеттік даму бағдарламалары бойынша тікелей нәтиже көрсеткіштерінде бюджеттік инвестициялардың атаулары бойынша тізбесі көрсетіледі. Бұл ретте, ұзақ уақыт жалғасатын объектілер іске асырылған кезде ағымдағы қаржы жылында орындалатын жұмыстар мен көрсетілетін қызметтердің көлемі көрсетіледі, ал олар аяқталған жағдайда ағымдағы қаржы жылы аяқталған инвестициялық жобалардың атаулары көрсетіледі. Орындалатын жұмыстардың және көрсетілетін қызметтердің көлемі нақты мәнінде көрсетіледі.
Егер қаржыландырылмау себебінен есепті қаржы жылындағы тиімділікті бағалауға кірмеген өтпелі инвестициялық жобалар болса, онда түсіндірме жазбада өткен қаржы жылында аяқталмаған және келесі қаржы жылында аяқталатын және/немесе келесі жылға өтетін объектілердің тізбесін көрсеткен жөн.
Егер даму бағдарламалары бойынша ағымдағы шығыстар (кредиторлық берешекті өтеу, конкурстар өткізуге, активтерді, тауар-материалдық құндылықтарды сатып алуға, құқық белгілейтін және растайтын құжаттарды алуға арналған шығыстар, авансты төлеу) көзделсе, онда жоғарыда аталған ағымдағы іс-шаралар бағалау кезінде ескерілмейді және әрбір тіркелген факт үшін 0,2 айыппұл балын шегеру жүргізіледі.
Орындалған жұмыс көлемінің актілеріне келесі қаржы жылының қаңтарында қол қойылғанда, тікелей нәтижені қол жеткізілген нәтиже ретінде ескеру қажет.
Бір бюджеттік бағдарлама бойынша тікелей нәтижеге қол жеткізу балы мына формула бойынша айқындалады:
Z = F/Q * 18
мұнда:
Z – бір бюджеттік бағдарлама бойынша тікелей нәтижеге қол жеткізу балы;
F – әрбір іс-шараның нақты қол жеткізілген көрсеткіштерінің саны;
Q – бюджеттік бағдарламалар көрсеткіштерінің жалпы саны;
18 – бюджеттік даму бағдарламасының тікелей нәтижелеріне қол жеткізудің ең жоғары балы.
Тікелей нәтижеге қол жеткізу өлшемшарты бойынша ең жоғары балл – 20, соның ішінде бюджеттік даму бағдарламаларының тікелей нәтижелеріне қол жеткізу – 18 балл; бюджеттік бағдарламалардың көрсеткіштерін жоспарлау сапасын қамтамасыз ету – 2 балл.
Бұл ретте 80% және одан астам нәтижесі бар көрсеткіштер нақты қол жеткізілген көрсеткіштер деп есептеледі.
Бюджеттік бағдарлама әкімшісі бойынша әрбір бюджеттік бағдарлама бойынша балдарды қосу және алынған соманы бюджеттік бағдарламалардың жалпы санына бөлу жолымен барлық бюджеттік бағдарламалар бойынша тікелей нәтижелерге қол жеткізудің орташа балы айқындалады.
Жергілікті атқарушы орган бойынша жергілікті бюджеттік бағдарламалардың барлық әкімшісі бойынша бюджеттік даму бағдарламаларының тікелей нәтижелеріне қол жеткізу өлшемшарттары бойынша орташа баға айқындалады.
Осы өлшемшарттың көрсеткіштері артығымен орындалған кезде көрсеткіштің мәні 100% болып ескеріледі.
Жарғылық капиталды ұлғайтуды көздейтін бюджеттік бағдарламалар бойынша нәтижелерге қол жеткізуді бағалау іске асырылуы бағаланатын қаржы жылына көзделген қаржы-экономикалық негіздемеде көрсетілген іс-шаралар бойынша жүзеге асырылады. Жалғасып жатқан жобалар кезінде (жылдар бойынша қаржы-экономикалық негіздемеде көрсетілген іс-шараларға сәйкес) жылдың қорытындысы бойынша нақты орындалған жұмыстарды ескеру қажет.
Бюджеттік бағдарламалар бойынша тікелей нәтижелер көрсеткіштері сандық сипаттамалардың орнына тікелей нәтижеге қол жеткізуді бағалауға мүмкіндік бермейтін іс-шараларды көздесе, онда осы бюджеттік бағдарлама сапасыз жоспарлаудың нәтижесі ретінде бағаланады.
Бюджеттік даму бағдарламаларын іске асыру шеңберінде талдамалық ақпарат үшін жоспарланған объектілерді белгіленген мерзімде тапсыру (беру) туралы деректер (жоспар және факт) және есепті кезеңде пайдалануға берілмеген объектілер тізбесі пайдалануға берудің кешіктірілу себептері көрсетіле отырып ұсынылады.
"Бюджеттік бағдарламалар нәтижелілігінің көрсеткіштерін жоспарлау сапасы" көрсеткіші бойынша бағалау бюджеттік бағдарламалар әкімшілері бекіткен бюджеттік бағдарламалар нәтижелілігінің көрсеткіштерін талдау арқылы жүзеге асырылады.
Мемлекеттік органның барлық бюджеттік бағдарламаларында санмен өлшенетін және бағалауға жататын, сондай-ақ бюджеттік бағдарламалар әкімшісінің мақсаттары мен міндеттеріне және мемлекеттік жоспарлау жүйесінің құжаттарына сәйкес келетін нәтижелілік көрсеткіштері болған кезде оларға ең жоғары балл беріледі.
Бюджеттік бағдарламада тікелей және (немесе) түпкілікті нәтиже болмаса, сандық сипаттамалардың орнына тікелей нәтижеге қол жеткізуді бағалауға мүмкіндік бермейтін іс-шаралар болса, тікелей нәтижелердің түпкілікті нәтижелермен қайталануы, бюджеттік бағдарлама көрсеткіштерінің басқа бюджеттік бағдарлама көрсеткіштерімен қайталануы орын алса, өлшенбейтін мәндер, жоспарлы мәндерді төмендету, тікелей нәтижелер көрсеткіштерінің бюджеттік бағдарламалар әкімшілерінің мақсаттары мен міндеттеріне және мемлекеттік жоспарлау жүйесінің құжаттарына сәйкес келмеуі орын алса, сондай-ақ объектілерді салудың (реконструкциялаудың) нормативтік мерзімдері асып кетсе, онда 0 балл беріледі.
Одан әрі тиісті балл берілетін аталған көрсеткіш бойынша бағаланатын барлық бюджеттік бағдарламалар бойынша орташа балл айқындалады.
Бекітілген бюджеттік бағдарламалар және оларды іске асыру бойынша есептер, сондай-ақ есепті кезеңде тікелей көрсеткіштерге қол жеткізудің нақты мәнін растайтын құжаттар, соның ішінде орындалған жұмыстар актілері, объектілерді қабылдау актілері, жүкқұжаттар, қабылдау-тапсыру актілері, жобалау-сметалық құжаттамаларды әзірлеу кезіндегі мемлекеттік сараптама қорытындылары ақпарат көздері болып табылады.
4-параграф. "G" "Бюджеттік даму бағдарламасының орындалу тиімділігі" өлшемшарты бойынша бағалау
50. "Бюджеттік даму бағдарламасының орындалу тиімділігі" өлшемшарты бойынша бағалау бюджеттік бағдарламаның тікелей нәтижесіне қол жеткізу пайызын тиісті қаржы жылына бөлінген қаражаттың нақты игерілу пайызына бөлу арқылы жүзеге асырылады.
51. Бюджеттік бағдарламаның орындалу тиімділігі мынадай жолмен айқындалады:
Б/б тиімд. = % ТН/% ҚИ * 20,
мұнда:
Б/б тиімд. – бюджеттік бағдарламаның орындалу тиімділігі;
% ТН – тікелей нәтижеге қол жеткізу пайызы;
% ҚИ – бюджет қаражатын игеру пайызы;
20 – ең жоғары балл.
Нәтижелерге қол жеткізу 80%-дан кем болса, бюджеттік бағдарламаның орындалу тиімділігі 0 балл деп есептеледі.
Бюджеттік бағдарлама әкімшісі бойынша әрбір бюджеттік бағдарлама бойынша балдарды қосу және алынған соманы бюджеттік бағдарламалардың жалпы санына бөлу арқылы барлық бюджеттік бағдарламалар бойынша орташа тиімділік балы айқындалады.
Одан әрі жергілікті атқарушы орган бойынша бағалау барлық жергілікті бюджеттік бағдарламалар әкімшілері бойынша бюджеттік даму бағдарламасының орындалу тиімділігі өлшемшартының орташа балы түрінде айқындалады.
5-параграф. "N" "Бюджеттеудің жаңа практикаларын (халық қатысатын бюджет) пайдалану" өлшемшарты бойынша бағалау
52. Осы өлшемшарт бойынша бюджеттік қатынастардың жаңа құралы ретінде азаматтар, жұртшылық қатысатын (халық қатысатын бюджет) өңір бюджетінің белгілі бір үлесінің жоспарлануы мен атқарылуы бағаланады. Өлшемшарт халықтың қоғамдық қаржыны басқаруға қатысуына, оның мемлекеттік шешімдерді қабылдаудың нақты процесіне қатысты болуына және осы шешімдерге ықпал ету мүмкіндігіне (жергілікті маңызы бар жобаларды қалыптастыру, осы мақсаттарға көзделген бюджет қаражатының нысаналы және тиімді атқарылуын іске асыру және бақылау жолымен) бағытталған.
Облыстық маңызы бар қалаларда, республикалық және облыстық маңызы бар қалалар, астана аудандарында 07 "Тұрғын үй-коммуналдық шаруашылық" функционалдық тобы бойынша азаматтардың қатысуымен және олардың ұсыныстары бойынша жоспарланатын бюджет шығыстарының жылдық көлемінің 5%-ынан бастап бөлінген кезде 3%-дан – 1,1 аралығында 1,2, бонустық түзету коэффициенті қолданылады.
6-параграф. Жергілікті атқарушы органдарды мақсаттарға қол жеткізу блогы бойынша операциялық бағалаудың қорытынды балы
53. Жергілікті атқарушы органдарды операциялық бағалаудың қорытынды балы мына формула бойынша есептеледі:
RЖАО = (D*0,5) + ((L + Z + (G * N)) – W,
мұнда:
RЖАО – жергілікті атқарушы органдарды мақсаттарға қол жеткізу блогы бойынша операциялық бағалаудың қорытынды балы;
D – түйінді ұлттық индикаторларға, нысаналы индикаторларға және нәтижелер көрсеткіштеріне қол жеткізу;
L – мемлекеттік аудит және қаржылық бақылау органдары бағаланатын кезеңде даму бағдарламаларына жүргізген тексерулер қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы;
Z – бюджеттік даму бағдарламасының тікелей нәтижелеріне қол жеткізу;
G – бюджеттік даму бағдарламасының орындалу тиімділігі;
N – бюджеттеудің жаңа практикаларын (халық қатысатын бюджет) пайдалану;
W – айппұл балдары.
8-тарау. Бағалау нәтижелеріне шағымдану рәсімі
54. Бағаланатын мемлекеттік орган бағалау нәтижелерімен келіспеген жағдайда қорытындыны алған күннен бастап 5 жұмыс күні ішінде бағалауға уәкілетті мемлекеттік органдарға өзінің қарсылықтарын жібереді. Белгіленген мерзім өткеннен кейін бағаланатын мемлекеттік органдардың қарсылықтары қабылданбайды.
55. Бағалау нәтижелеріне шағымдану растайтын құжаттарды ұсынумен дәлелденеді және негізделеді. Растайтын құжаттары мен негіздемелері жоқ, сондай-ақ мемлекеттік жоспарлау саласындағы нормативтік құқықтық актілердің және "Қазақстан Республикасының Ұлттық даму жоспарын, мемлекеттік органдардың даму жоспарларын, облыстардың, республикалық маңызы бар қалалардың, астананың даму жоспарларын әзірлеу, іске асыру, мониторингін жүргізу және түзету әдістемесін бекіту туралы" Қазақстан Республикасы Ұлттық экономика министрінің 2021 жылғы 25 қазандағы № 93 бұйрығының (Нормативтік құқықтық актілерді мемлекеттік тіркеу тізілімінде № 24908 болып тіркелген) ережелеріне қайшы келетін қарсылықтар қаралмайды.
56. Егер бағаланатын мемлекеттік орган 5 жұмыс күні ішінде бағалау нәтижелеріне қарсылық білдірмесе, қорытынды әдепкі қалпы бойынша "келісілген" болып есептеледі.
57. Бағалау жүйесінің 59-тармағына сәйкес шағымдану рәсімін жүргізу үшін бағалауға уәкілетті мемлекеттік органдарда арнайы комиссия құрылады, оның құрамына қарсылықтарын білдірген мемлекеттік органдардың тиімділігін бағалауға қатысқан қызметкерлер қосылмайды.
Бағалауға уәкілетті мемлекеттік органдар арнайы комиссияның саны мен құрамын өздері дербес айқындайды, бірақ 5 адамнан кем болмауға тиіс.
58. Бағаланатын мемлекеттік органдардан растайтын құжаттарымен бірге қарсылықтарды алған күннен бастап бес жұмыс күні ішінде бағалауға уәкілетті мемлекеттік органдар Әдістемеге 8-қосымшаға сәйкес нысан бойынша Мемлекеттік органдар қызметінің тиімділігін операциялық бағалау нәтижелері бойынша келіспеушіліктер кестесін (бұдан әрі – Келіспеушіліктер кестесі) қалыптастырып, арнайы комиссияның қарауына енгізеді.
59. Арнайы комиссия қарсылықтарды қарау және бағалау нәтижелерінің объективтілігін айқындау бойынша отырыс өткізеді, оған қарсылықтарын жіберген бағаланатын мемлекеттік органдардың өкілдері, мүдделі салалық орталық мемлекеттік органдардың өкілдері, сондай-ақ мемлекеттік органдарды бағалауға қатысқан қызметкерлер шақырылады.
60. Арнайы комиссия отырыстарының нәтижелері бойынша Келіспеушіліктер кестелері пысықталып, оларға арнайы комиссия төрағасы қол қояды және бағаланатын мемлекеттік органның назарына жеткізіледі.
Қарсылықтар қабылданған жағдайда бюджетті атқару жөніндегі уәкілетті орган бюджеттік бағдарламалар көрсеткіштеріне қол жеткізу тиімділігін бағалау нәтижелері туралы түзетілген қорытындыны жергілікті атқарушы органдарға және Жоғары аудиторлық палатаға жібереді.
61. Бағаланатын мемлекеттік органдар операциялық бағалауға уәкілетті органның қарсылықтарды қабылдау не қабылдамау туралы шағымдану нәтижелерімен келіспеген жағдайда шағымдану рәсімдерінен кейін бес жұмыс күнінен кешіктірмей Комиссияның жұмыс органына апелляциялық қарсылықтар жіберуге құқылы.
Бұл ретте Комиссияның жұмыс органы деңгейінде шешілмеген және тұжырымдамалық келіспеушіліктері бар апелляциялық қарсылықтарды Комиссияның жұмыс органы Қазақстан Республикасы Президентінің Әкімшілігіне Бағалау жүйесінің 62-тармағына сәйкес Комиссияның қарауы үшін енгізеді.
9-тарау. Қайта ұйымдастырылған және таратылған мемлекеттік органдарға бағалау жүргізу тәртібі
62. Мемлекеттік орган бағаланатын жылдың бірінші жартыжылдығында қайта ұйымдастырылған немесе таратылған жағдайда аталған мемлекеттік органды бағалау осы Әдістемеге сәйкес құқықтық мирасқор мемлекеттік органды бағалау шеңберінде жүзеге асырылады.
63. Мемлекеттік орган бағаланатын жылдың екінші жартыжылдығында қайта ұйымдастырылған немесе таратылған жағдайда оның қызметін бағалау жүзеге асырылмайды, ал аталған мемлекеттік органның қызметін талдау нәтижелері құқықтық мирасқор мемлекеттік органға бағалаудың қорытындысы бойынша берілген ұсынымдар мен ұсыныстарды әзірлеу кезінде ескеріледі.
| Мақсаттарға қол жеткізу блогы бойынша операциялық бағалау әдістемесіне 1-қосымша Нысан |
Мақсаттардың, нысаналы индикаторлардың орталық мемлекеттік органның бюджеттік бағдарламаларымен өзара байланысы туралы ақпарат
1. Мақсаттарға, нысаналы индикаторларға және бюджеттік бағдарламалар мен кіші бағдарламалардың көрсеткіштеріне қол жеткізу
Мақсаттардың, нысаналы индикаторлардың, бюджеттік бағдарламалардың, кіші бағдарламалардың, тікелей және түпкілікті нәтижелер көрсеткіштерінің атауы | Өлшем бірлігі | Шығыстар | Тікелей нәтижелерге қол жеткізу | Түпкілікті нәтижелерге қол жеткізу | Түпкілікті және тікелей нәтижелер көрсеткіштерінің нәтижелеріне қол жеткізудің орташа мәні | Ескертпе, бюджеттік бағдарламалар көрсеткіштеріне қол жеткізілмеу себептері | ||||||
жоспар | факт | % | жоспар | факт | % | жоспар | факт | % | ||||
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 |
1-стратегиялық бағыт | ||||||||||||
1.1-мақсат* | Мың теңге | х | х | х | х | х | х | х | х | х | х | |
Нысаналы индикатор** | % | х | х | х | х | х | х | х | х | х | х | |
Бюджеттік бағдарлама | Мың теңге | х | х | х | х | х | х | х | х | х | х | |
Түпкілікті нәтиже көрсеткіші | % | х | х | х | ||||||||
100 кіші бағдарламасы | Мың теңге | х | х | х | х | х | х | |||||
Тікелей нәтиже көрсеткіші | Бірлік | х | х | х | ||||||||
Нысаналы индикатор | % | х | х | х | х | х | х | |||||
102 кіші бағдарламасы | Мың теңге | х | х | х | х | х | х | |||||
Тікелей нәтиже көрсеткіші | Бірлік | х | х | х | ||||||||
Тікелей нәтиже көрсеткіші | Бірлік | х | х | х | ||||||||
n-стратегиялық бағыт | ||||||||||||
n-мақсат | ||||||||||||
… | ||||||||||||
Ескертпе:
* бұл жолда мақсат бойынша жоспарлы және нақты мәндер толтырылады
** бұл жолда нысаналы индикатор бойынша жоспарлы және нақты мәндер толтырылады
"Х" – толтыру қажет бағандарды білдіреді.
| Мақсаттарға қол жеткізу блогы бойынша операциялық бағалау әдістемесіне 2-қосымша Нысан |
Бағаланатын бюджеттік даму бағдарламаларының тікелей нәтижелеріне қол жеткізу туралы ақпарат
______________________________________________________________
(жергілікті атқарушы органның атауы)
_______________________________________________________ (есепті кезең)
Бюджеттік бағдарламалар әкімшісінің коды мен атауы: ________________
Бюджеттік бағдарлама ____________________________________________
Сипаты: _________________________________________________________
Атауы | Өлшем бірліктері | Бюджеттік бағдарламаның есепті қаржы жылында жоспарланған көрсеткіштері | Көрсеткіштердің нақты орындалуы | Ауытқу | Көрсеткіштердің орындалу %-ы (4-баған/3-баған *100%) | Жобаның іске асырылу мерзімі | Бюджеттік бағдарлама нәтижелеріне қол жеткізбеу және қаражатының атқарылмау себептері/нәтижеге қол жеткізуді растау (құжаттың нөмірі және күні, атауы) |
1 | 2 | 3 | 4 | 5 | 6 | 7 | 8 |
Тікелей нәтиже көрсеткіші, соның ішінде: | |||||||
бюджеттік инвестициялық жобалар | |||||||
іс-шаралар бөлінісінде |
Облыстың, республикалық маңызы бар қаланың, астананың әкімі
________ _________________
(қолы) (толық жазылуы)
| Мақсаттарға қол жеткізу блогы бойынша операциялық бағалау әдістемесіне 3-қосымша Нысан |
______жылғы мемлекеттік аудиттің және мемлекеттік аудит және қаржылық бақылау органдарының нұсқамалары мен қаулыларының орындалу нәтижелері туралы ақпарат
Реттік нөмірі | Бюджеттік бағдарламалар әкімшісінің атауы | Бюджеттік бағдарламаның атауы | Тексеру кезеңі | Мемлекеттік аудитпен қамтылған қаражат көлемі | соның ішінде бағаланатын кезеңде | бағаланатын кезеңде анықталған бұзушылықтар көлемі | өтелген сомасы | қалпына келтірілген сомасы | |||
барлығы | соның ішінде: | ||||||||||
Қаржылық бұзушылықтар | Бухгалтерлік есеп және қаржылық есептілік туралы заңнаманың бұзушылықтары | Мемлекеттік сатып алу туралы заңнаманың бұзушылықтары | |||||||||
1 | 2 | 3 | 4 | 5 | 6 | 7 | 8 | 9 | 10 | 11 | 12 |
Мемлекеттік аудит және қаржылық бақылау органының басшысы
____________ __________________
(қолы) (толық жазылуы)
| Мақсаттарға қол жеткізу блогы бойынша операциялық бағалау әдістемесіне 4-қосымша |
|
| Нысан |
Есептік ақпаратта қамтылған деректерді қайта тексеру қорытындысы бойынша салыстырып тексеру актісі __________________________________________________________________
(орталық мемлекеттік органның/жергілікті атқарушы органның атауы)
___________________________________________________________ (есепті кезең)
№ | Атауы | Шегерілетін балдар |
1 | Толық емес ақпаратты ұсыну/орналастыру | |
2 | Анық емес ақпаратты ұсыну/орналастыру | |
3 | Есептік ақпараттың уақтылы ұсынылмауы | |
4 | Есептік ақпараттың болмауы | |
5 | Нысаналы индикаторларды есептеу әдістемелерінің болмауы (орталық мемлекеттік органдар үшін) | |
Барлығы: | ||
1. Бағалау графигіне сәйкес бағаланатын мемлекеттік органның есептік ақпаратты ұсыну/орналастыру мерзімі:
20___ жылғы "___" ___________.
1) Есептік ақпаратты ұсынудың/орналастырудың нақты күні:
20___ жылғы "___" ___________.
2) Бағаланатын мемлекеттік органның есептік ақпараты жоқ.
Шегеру: ____ балды құрайды.
2. Есептік ақпараттың құрылымына қойылатын белгіленген талаптарда көзделген элементтері жоқ (қосымшалар, бөлімдер, кестелер, көрсеткіштер мәндері) толық емес ақпарат ұсынылған/орналастырылған:
1) ______________
2)
Шегеру: ____ балды құрайды.
3. Анық емес ақпарат ұсынылған/орналастырылған. Қайта тексеру барысында мынадай шындыққа сәйкес келмеу фактілері анықталған:
№ | Нысаналы индикатордың атауы | Есепті кезең жоспары | Есепті кезеңдегі факт | Қайта тексерудің қорытындысы бойынша есепті кезеңдегі факт | Балдарды шегеру | Ескертпе |
1 | ||||||
Шегеру: _______ балды құрайды.
Қорытынды шегеру: ______ балл.
Бағалауға уәкілетті мемлекеттік органның өкілі, лауазымы
__________ ___________ _______________________
(күні) (қолы) (қолының толық жазылуы)
Бағаланатын мемлекеттік органның өкілі, лауазымы
__________ ___________ _______________________
(күні) (қолы) (қолының толық жазылуы)
| Мақсаттарға қол жеткізу блогы бойынша операциялық бағалау әдістемесіне 5-қосымша |
|
| Нысан |
Орталық мемлекеттік органдарды мақсаттарға қол жеткізу блогы бойынша операциялық бағалау нәтижелері туралы қорытынды
_________________________________________________________________
(орталық мемлекеттік органның атауы)
______________________________________________________________ (есепті кезең)
№ | Бағалау өлшемшарттары | Коэффициент | Балдар |
1 | Даму жоспарының мақсаттарына қол жеткізу | ||
2 | Даму жоспарының мақсаттарына қол жеткізуде бюджеттік бағдарламаларды орындаудың тиімділігі | ||
3 | Даму жоспары мақсаттарының бюджеттік бағдарламалармен өзара байланысы | ||
4 | Балдарды шегеру | ||
Жалпы бағалау |
Мақсаттарға қол жеткізу тиімділігін талдау:
_________________________________________________________________
Балдарды шегеру __________________________________________________
Орталық мемлекеттік органның қызметін жақсарту бойынша тұжырымдар мен ұсынымдар:
_________________________________________________________________
Мемлекеттік органның/Қазақстан Республикасының Президенті Әкімшілігінің
құрылымдық бөлімшесінің/ Қазақстан Республикасының Үкіметі Аппаратының басшысы __________ ________________________
(қолы) (қолының толық жазылуы)
Бағалауға уәкілетті мемлекеттік органның тиісті құрылымдық бөлімшесінің басшысы
__________ ________________________
(қолы) (қолының толық жазылуы)
| 20___ж "____"___________ | |
| Мақсаттарға қол жеткізу блогы бойынша операциялық бағалау әдістемесіне 6-қосымша |
|
| Нысан |
Жергілікті атқарушы органдарды мақсаттарға қол жеткізу блогы бойынша операциялық бағалау нәтижелері туралы қорытынды
_______________________________________________________________
(жергілікті атқарушы органның атауы) ________________ (есепті кезең)
№ | Бағалау өлшемшарттары | Коэффициент/нақты орындалуы | Балдар |
1 | Облыстың, республикалық маңызы бар қаланың, астананың даму жоспарының мақсаттарына қол жеткізу | ||
2 | Мемлекеттік аудит және қаржылық бақылау органдары бағаланатын кезеңде даму бағдарламаларына жүргізген тексерулердің қорытындысы бойынша бюджет және өзге де заңнаманы бұзушылықтардың болмауы | ||
3 | Бюджеттік даму бағдарламасының тікелей нәтижелеріне қол жеткізу | ||
4 | Бюджеттік даму бағдарламасының орындалу тиімділігі | ||
5 | Бюджеттеудің жаңа практикаларын (халық қатысатын бюджет) пайдалану | ||
6 | Балдарды шегеру | ||
Жалпы бағалау |
Облыстың, республикалық маңызы бар қаланың, астананың даму жоспарының мақсаттарына қол жеткізудің тиімділігін талдау:
_________________________________________________________________
Мемлекеттік аудит және қаржылық бақылау органдары бағаланатын кезеңде даму
бағдарламаларына жүргізген тексерулердің қорытындысы бойынша бюджет және өзге де заңнаманы бұзушылықтардың болмауы:
_________________________________________________________________
Бюджеттік даму бағдарламасының тікелей нәтижелеріне қол жеткізу:
_________________________________________________________________
Бюджеттік даму бағдарламасының орындалу тиімділігі:
_________________________________________________________________
_________________________________________________________________
Бюджеттеудің жаңа практикаларын (халық қатысатын бюджет) пайдалану:
_________________________________________________________________
Жергілікті атқарушы органның қызметін жақсарту бойынша тұжырымдар мен ұсынымдар:
_________________________________________________________________
Мемлекеттік органның басшысы _________ _______________________
(қолы) (қолының толық жазылуы)
Бағалауға уәкілетті мемлекеттік органның тиісті құрылымдық бөлімшесінің басшысы
________ _______________________
(қолы) (қолының толық жазылуы)
20___ж "____"___________
| Мақсаттарға қол жеткізу блогы бойынша операциялық бағалау әдістемесіне 7-қосымша |
|
| Нысан |
Өлшемшарттар мен көрсеткіштер балдары
№ | Өлшемшарттың/көрсеткіштің атауы | Балл/коэффиц. |
1 | Мемлекеттік аудит және қаржылық бақылау органдары бағаланатын кезеңде даму бағдарламаларына жүргізген тексерулердің қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы | 10 |
2 | Бұзушылықтардың болмауы | 8 |
3 | Бюджет шығыстарымен өзара байланыста облыстардың, республикалық маңызы бар қалалардың, астананың даму жоспарының мақсаттарына қол жеткізуге ішкі аудит қызметі жүргізген талдаудың болуы | 2 |
4 | Бюджет шығыстарымен өзара байланыста облыстардың, республикалық маңызы бар қалалардың, астананың даму жоспарының мақсаттарына қол жеткізуге ішкі аудит қызметі жүргізген талдаудың болмауы | 0 |
5 | Мемлекеттік аудит және қаржылық бақылау органдарының есепті кезеңде тексерулерді жүргізбеуі | 5 |
6 | Мемлекеттік аудит және қаржылық бақылау объектілерінде анықталатын бұзушылықтар сыныптамасына сәйкес аудитпен қамтылған бюджет қаражатының жалпы көлеміне шаққанда (тиімсіз шығыстарды қоспағанда) бұзушылықтардың болуы | |
5%-ға дейін | 6 | |
5,1 – 9,9% | 3 | |
10,0 – 14,9% | 1 | |
15%-дан артық | 0 |
| Мақсаттарға қол жеткізу блогы бойынша операциялық бағалау әдістемесіне 8-қосымша |
|
| Нысан |
Мемлекеттік органдар қызметінің тиімділігін операциялық бағалау нәтижелері бойынша келіспеушіліктер кестесі _______________________________________________________
(орталық мемлекеттік органның/жергілікті атқарушы органның атауы) "Мақсаттарға қол жеткізу" блогы бойынша
№ | Бағалауға уәкілетті мемлекеттік органның қорытындысы | Бағаланатын мемлекеттік органның қарсылығы | Шағымдану қорытындысы бойынша шешім (қабылданды/бас тартылды) | Ескертпе (қарсылықты қабылдаудың/бас тартудың негіздемесі) |
1 | 2 | 3 | 4 | 5 |
1 | ||||
2 | ||||
… |
Тұжырымдар:
1-өлшемшарт бойынша: _______________________________________;
2-өлшемшарт бойынша: _______________________________________;
…
Шағымдану қорытындысын қоса алғанда, жалпы балл _______ құрады.
Комиссия төрағасы, лауазымы _________ ___________ ________________________
(күні) (қолы) (қолының толық жазылуы)
Шағымдану қорытындысымен таныстым:
Бағаланатын мемлекеттік органның өкілі, лауазымы
_________ ___________ _________________________
(күні) (қолы) (қолының толық жазылуы)
| Мақсаттарға қол жеткізу блогы бойынша операциялық бағалау әдістемесіне 9-қосымша Нысан |
"Облыстың, республикалық маңызы бар қаланың, астананың даму жоспарының мақсаттарына қол жеткізу" өлшемшарты бойынша жергілікті атқарушы органдарды бағалауға арналған түйінді ұлттық индикаторлардың, нысаналы индикаторлар мен нәтижелер көрсеткіштерінің тізбесі
№ | Бағыттың/көрсеткіштің атауы | Ақпарат көзі |
1. | Салауатты өмір салтын ұстанатын Қазақстан азаматтарының үлесін арттыру | Ведомстволық деректер |
2. | Балалар арасында семіздікпен сырқаттанушылықты төмендету (0 – 14 жас, 100 мың тұрғынға) | Ведомстволық деректер |
3. | Психикаға белсенді әсер ететін заттарды қолдану салдарынан психикалық және мінез-құлық бұзылыстарымен сырқаттанушылықты төмендету | Ведомстволық деректер |
4. | Инфекция жұқтырмаған 1000 тұрғынға шаққанда АИТВ жұқтырған жаңа тұрғындардың анықталуы | Ведомстволық деректер |
5. | 0-I сатысында анықталған бастапқы қатерлі ісіктердің үлес салмағының өсуі (ерте диагностика деңгейі) | Ведомстволық деректер |
6. | 100 мың тұрғынға шаққанда жол-көлік оқиғалары салдарынан болатын өлім-жітім (республика бойынша) | Ведомстволық деректер |
7. | Туберкулезбен сырқаттанушылықты төмендету | Ведомстволық деректер |
8. | Нәресте өлім-жітімін төмендету | ҚР СЖРА ҰСБ |
9. | 1 жасқа дейін балаларды проактивті бақылаумен және скринингтермен қамтуды ұлғайту | Ведомстволық деректер |
10. | Бес жасқа дейінгі балалардың өлім-жітім коэффициенті | ҚР СЖРА ҰСБ |
11. | Ана өлім-жітімін төмендету | Ведомстволық деректер |
12. | Әйелдерді жүктілік алдындағы дайындықпен қамтуды ұлғайту | Ведомстволық деректер |
13. | 15-17 жас аралығындағы 1000 қыз балаға шаққанда жасөспірімдер арасында тууды төмендету | Ведомстволық деректер |
14. | 15-49 жас аралығындағы жүкті әйелдер арасында анемиямен сырқаттанушылықты төмендету | Ведомстволық деректер |
15. | Медициналық ұйымдардың табиғи-техногендік сипаттағы төтенше жағдайларға дайындық дәрежесі | Ведомстволық деректер |
16. | Өңірлердің медицина жұмыскерлерімен қамтамасыз етілуінің ең төмен нормативтеріне сәйкес ауыл халқының медицина жұмыскерлерімен қамтамасыз етілу деңгейін көтеру | Ведомстволық деректер |
17. | Денсаулық сақтауға жұмсалатын мемлекеттік шығыстардың үлесі | Ведомстволық деректер |
18. | МӘМС жүйесінде халықтың қамтылу деңгейі | ҚР СЖРА ҰСБ |
19. | Медициналық ұйымдар ғимараттарының тозу деңгейін төмендету | Ведомстволық деректер |
20. | 2 жастан 6 жасқа дейінгі балаларды мектепке дейінгі тәрбиемен және оқытумен қамту | Ведомстволық деректер |
21. | Балалардың мектепалды даярлық деңгейі | Ведомстволық деректер |
22. | Меншік нысанына қарамастан тәрбие мен оқыту сапасын бағалау өлшемшарттарына сәйкес келетін мектепке дейінгі ұйымдардың үлесі | Ведомстволық деректер |
23. | Жоғары жылдамдықты интернетпен қамтылған мектептердің үлесі | Ведомстволық деректер |
24. | Жұмыссыздық деңгейі (республика бойынша) | ҚР СЖРА ҰСБ |
25. | 2 жастан 6 жасқа дейінгі балаларды сапалы мектепке дейінгі тәрбиемен және оқытумен қамту | Ведомстволық деректер |
26. | Елді мекендерді алғашқы медициналық-санитариялық және консультативтік-диагностикалық көмекпен қамту | Ведомстволық деректер |
қала | ||
АЕМ | ||
27. | Жақсы және қанағаттанарлық жағдайдағы ішкі жолдардың үлесін арттыру | Ведомстволық деректер |
қала | ||
АЕМ | ||
28. | Халықтың сумен жабдықтау қызметтеріне қолжетімділігін қамтамасыз ету | Ведомстволық деректер |
қала | ||
АЕМ | ||
29. | Электр желілерінің тозуын төмендету | Ведомстволық деректер |
қала | ||
АЕМ | ||
30. | Пайдалануға берілген тұрғын ғимараттардың жалпы ауданы | Ведомстволық деректер |
қала | ||
АЕМ | ||
31. | Жылумен қамтамасыз ету инфрақұрылымын дамыту (жылумен қамтамасыз етуге қолжетімділікті қамтамасыз ету) | Ведомстволық деректер |
қала | ||
АЕМ | ||
32. | Газбен жабдықтау инфрақұрылымын дамыту (орталықтандырылған газбен жабдықтаумен қамтамасыз етілу) | Ведомстволық деректер |
қала | ||
АЕМ | ||
33. | ҚТҚ қайта өңдеу және кәдеге жарату үлесін ұлғайту | Ведомстволық деректер |
34. | ТЖ инфрақұрылымымен қамтамасыз етілу | Ведомстволық деректер |
қала | ||
АЕМ | ||
35. | Интернет желісіне қол жеткізуді қамтамасыз ету | Ведомстволық деректер |
қала | ||
АЕМ | ||
36. | АӨК-те қайта өңделген өнімнің үлесі, % (республика бойынша) | Ведомстволық деректер |
37. | АӨК-те қайта өңделген өнімнің үлесі (сүт, ет, күнбағыс тұқымы, күріш, жүгері, қарақұмық) (республика бойынша) | Ведомстволық деректер |
38. | Етті қайта өңдеу үлесі | Ведомстволық деректер |
39. | Сүтті қайта өңдеу үлесі | Ведомстволық деректер |
40. | Майлы дақылдарды қайта өңдеу үлесі (күнбағыс) | Ведомстволық деректер |
41. | Орналастыру орындары қызмет көрсеткен ішкі туристер саны, млн адам (республика бойынша) | ҚР СЖРА ҰСБ |
42. | Халықты қалдықтарды жинау және шығару жөніндегі қызметтермен қамтамасыз ету (%) | Ведомстволық деректер |
43. | Парниктік газдардың шекті көлемі, % (1990 жылғы деңгейге қарағанда), (республика бойынша) | Антропогендік шығарындылар кадастры туралы ұлттық баяндама |
44. | Коммуналдық қалдықтарды қайта өңдеу және кәдеге жарату үлесі | Ведомстволық деректер |
45. | Су тасымалдау арналары арқылы ауыл шаруашылығындағы су шығынының деңгейі, (республика бойынша) | ҚР СЖРА ҰСБ |
46. | Суармалы егіншілікте су үнемдеу технологияларын енгізу есебінен суармалы суды үнемдеу, жылына млн м3, (республика бойынша) | Ведомстволық деректер |
