Қазақстан Республикасының Жер кодексіне, Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңына сәйкес, Ақтоғай ауданының әкімдігі ҚАУЛЫ ЕТЕДІ:
1. Осы қаулының қосымшасына сәйкес "Тау-Кен Самұрық" ұлттық тау-кен компаниясы" акционерлік қоғамына пайдалы қазбаларды барлау үшін, жалпы көлемі 464,4806 гектар жер учаскесін меншік иелері мен жер пайдаланушылардан алып қоймай, 6 (алты) жылға жария сервитут белгіленсін.
2. "Тау-Кен Самұрық" ұлттық тау-кен компаниясы" акционерлік қоғамы (келісім бойынша) жер пайдаланушыларға және жер учаскесінің иелеріне толық көлемде шығындарын өтеуді қамтамасыз етсін, шығын көлемі және олардың өтемақысы Қазақстан Республикасының қолданыстағы заңнамасына сәйкес тараптардың келісімдері бойынша белгіленсін.
3. "Ақтоғай ауданының жер қатынастары, сәулет және қала құрылысы бөлімі" мемлекеттік мекемесі осы қаулыдан туындайтын басқа да шараларды қабылдасын.
4. Осы қаулының орындалысына бақылау жасау аудан әкімінің жетекшілік ететін орынбасарына жүктелсін.
5. Осы қаулы оның алғашқы ресми жарияланған күнінен бастап қолданысқа енгізіледі.
| Аудан әкімі | А.Аманжолов |
| Ақтоғай ауданы әкімдігінің 2025 жылғы 5 ақпандағы № 06/01 қаулысына қосымша |
"Тау-Кен Самұрық" ұлттық тау-кен компаниясы" акционерлік қоғамына жария сервитут белгіленетін жер учаскелерінің тізбесі
р/с № | Жер пайдаланушылардың (меншік иелерінің) атауы | Кадастрлық нөмірі | Жария сервитут белгілеудің жалпы алаңы, гектар |
1 | "Тау-кен металлургия компаниясы "Нурдаулет" жауапкершілігі шектеулі серіктестігі | 09-102-040-253 | 3,1848 |
2 | "Тау-кен металлургия компаниясы "Нурдаулет" жауапкершілігі шектеулі серіктестігі | 09-102-040-256 | 13,2475 |
3 | Жүніс Қанағат Қасенұлы | 09-102-040-1663 | 54,4975 |
4 | Сенбеков Болат Жанаевич | 09-102-040-1666 | 15,287 |
5 | Ақтоғай ауданының жер қоры | 378,2638 |
