Еуразиялық экономикалық комиссиясы туралы ереженің (2014 жылғы 29 мамырдағы Еуразиялық экономикалық одақ туралы шарттың № 1 қосымшасы) 3-тармағының 2-тармақшасына, 14-тармағына және 43-тармағының 2-тармақшасына сәйкес Еуразиялық экономикалық комиссия Алқасы шешті:
1. Қосымшаға сәйкес Еуразиялық экономикалық комиссия Алқасының "Кеден одағының сыртқы шекарасы арқылы өткізу пункттерінің ақпараттық-анықтамалық тізбесі туралы" 2012 жылғы 28 маусымдағы № 96 шешіміне өзгерістер енгізілсін.
2. Армения Республикасының Үкіметі мен Қырғыз Республикасының Үкіметі бір ай мерзім ішінде атқарушы биліктің Еуразиялық экономикалық одақтың кедендік шекарасы арқылы өткізу пункттерінің ақпараттық-анықтамалық тізбесінің өздеріне қатысты бөлігін қалыптастыруға жауапты уәкілетті органдарын белгілесін және бұл туралы Еуразиялық экономикалық комиссияны хабардар етсін.
Армения Республикасының және Қырғыз Республикасының уәкілетті органдары 2 ай ішінде Еуразиялық экономикалық одақтың кедендік шекарасы арқылы өткізу пункттерінің ақпараттық-анықтамалық тізбесіне енгізу үшін мәліметтерді Еуразиялық экономикалық комиссия Алқасының 2012 жылғы 28 маусымдағы № 96 шешімімен бекітілген нысан бойынша Еуразиялық экономикалық комиссияға жолдасын.
3. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
В. Христенко |
| Еуразиялық экономикалық комиссия Алқасының 2015 жылғы 1 желтоқсандағы № 157 шешіміне ҚОСЫМША |
Еуразиялық экономикалық комиссия Алқасының 2012 жылғы 28 маусымдағы № 96 шешіміне енгізілетін ӨЗГЕРІСТЕР
1. Атауындағы және 1-тармақтағы "Кеден одағының сыртқы шекарасы" деген сөздер "Еуразиялық экономикалық одақтың кедендік шекарасы" деген сөздермен ауыстырылсын.
2. Көрсетілген Шешіммен бекітілген Кеден одағының сыртқы шекарасы арқылы өткізу пункттерінің ақпараттық-анықтамалық тізбесі нысанында:
а) атауындағы "Кеден одағының сыртқы шекарасы" деген сөздер "Еуразиялық экономикалық одақтың кедендік шекарасы" деген сөздермен ауыстырылсын;
б) кестеде:
"Беларусь Республикасы" бөлімі алдынан мынадай мазмұндағы "Армения Республикасы" бөлімімен толықтырылсын:
Армения Республикасы | ||||
Барлығы: | ||||
"Қазақстан Республикасы" бөлімінен кейін мынадай мазмұндағы "Қырғыз Республикасы" бөлімімен толықтырылсын:
Қырғыз Республикасы | ||||
Барлығы: | ||||
