Еуразиялық экономикалық одақ шеңберінде кедендік транзит кезінде бірыңғай транзиттік жүйені және бірыңғай кепілдікті тетіктерді жетілдіру жөніндегі жұмыс барысы туралы Еуразиялық экономикалық комиссияның ақпараты назарға алына отырып:
1. Еуразиялық экономикалық комиссия алқасы Еуразиялық экономикалық комиссияның Кедендік ынтымақтастық жөніндегі алқасының мүшесі (Министрі) В.А. Гошиннің жетекшілігімен Еуразиялық экономикалық одаққа мүше мемлекеттердің атқарушы билік органдары мен бизнес-қоғастастық өкілдерінен, сондай-ақ Еуразиялық экономикалық комиссия қызметкерлерінен кедендік транзит кезінде бірыңғай транзиттік жүйені және бірыңғай кепілдікті тетіктерді жетілдіру жөніндегі жұмыс тобын (бұдан әрі – жұмыс тобы) қалыптастырсын және оның құрамын бекітсін.
2. Жұмыс тобы Еуразиялық экономикалық одақтың кедендік аумағында кедендік транзит кезінде бірыңғай транзиттік жүйені және бірыңғай кепілдікті тетіктерді (бұдан әрі - кедендік транзиттің бірыңғай жүйесі) қолдану мәселелерін регламенттейтін келісім жобасын әзірлеуді қамтамасыз етіп, онда мыналарды ескерсін:
а) кедендік транзиттің бірыңғай жүйесі қазіргі заманғы ақпараттық технологияларға негізделуге тиіс;
б) кедендік транзиттің бірыңғай жүйесін қолдану кедендік транзитке қатысатын тұлғалар (тасымалдаушылар, декларанттар, импорттаушылар, кепілгерлер және т.б.) үшін шығындардың ұлғаюына әкеп соқпауға тиіс;
в) кедендік транзиттің бірыңғай жүйесін жетілдіру ұлтүсті органдарды құруды көздемеуге тиіс;
г) кедендік транзиттің бірыңғай жүйесі бәсекеге қабілетті болуға тиіс;
д) кедендік транзиттің бірыңғай жүйесі Еуразиялық экономикалық одаққа мүше мемлекеттердің халықаралық міндеттемелерін ескеруге тиіс және кедендік транзит кезінде кедендік баждарды, салықтарды төлеуді қамтамасыз етудің барлық тәсілдерін қолдану үшін кедергі жасамауға тиіс;
е) кедендік транзиттің бірыңғай жүйесі оның үшінші мемлекеттердің кедендік транзит жүйелерімен өзара іс-қимыл жасау мүмкіндігін көздеуге тиіс.
3. Осы Өкім қабылданған күнінен бастап күшіне енеді.
Еуразиялық үкіметаралық кеңес мүшелері:
Армения Республикасынан | Беларусь Республикасынан | Қазақстан Республикасынан | Ресей Федерациясынан |
