Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидалары туралы

Еуразиялық экономикалық комиссия Кеңесінің 2022 жылғы 21 қаңтардағы № 1 шешімі

Еуразиялық экономикалық одақ шеңберіндегі ақпараттық-коммуникациялық технологиялар және ақпараттық өзара іс-қимыл туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 3 қосымша) 9-тармағына, Санитариялық, ветеринариялық-санитариялық және карантиндік фитосанитариялық шараларды қолдану туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 12 қосымша) 14-тармағына және Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентіне № 1 қосымшаның 57-тармағына сәйкес Еуразиялық экономикалық комиссия Кеңесі шешті:

1. Қоса беріліп отырған Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидалары (бұдан әрі – Қағидалар) бекітілсін.

2. Мынадай:

а) Еуразиялық экономикалық одаққа мүше мемлекеттердің (бұдан әрі тиісінше – мүше мемлекеттер, Одақ) заңнамасында көзделген, басталған және осы Шешімнің 1-тармағы күшіне енген күні аяқталмаған ветеринариялық дәрілік препараттарды тіркеу және онымен байланысты өзге де рәсімдер мүше мемлекеттердің заңнамасына сәйкес жүзеге асырылады;

б) ветеринариялық дәрілік препараттарды тіркеу және онымен байланысты өзге де рәсімдер осы Шешімнің 1-тармағы күшіне енген күннен бастап 2027 жылғы 31 желтоқсанға дейін мүше мемлекеттің заңнамасына сәйкес осындай ветеринариялық дәрілік препараттардың тек осы мүше мемлекеттің аумағындағы айналымы мақсатында (осы тармақтың "и" тармақшасының ережелерін ескере отырып) жүзеге асырылуы мүмкін;

в) осы Шешімнің 1-тармағы күшіне енген күнге дейін немесе осы тармақтың "а" тармақшасына сәйкес берілген ветеринариялық дәрілік препараттардың тіркеу куәліктері Одақтың кедендік аумағында мүше мемлекеттердің заңнамасына сәйкес белгіленген мерзімдер ішінде, бірақ 2027 жылғы 31 желтоқсаннан асырмай жарамды болады;

г) ветеринариялық дәрілік препараттардың осы тармақтың "б" тармақшасына сәйкес берілген тіркеу куәліктері тиісті мүше мемлекеттің аумағында 5 жыл бойы жарамды болады;

д) осы тармақтың "а" және "в" тармақшаларына сәйкес тіркелген ветеринариялық дәрілік препараттардың тіркеу дерекнамалары 2027 жылғы 31 желтоқсанға дейін Қағидаларға сәйкес келтірілуге жатады;

е) осы тармақтың "б" тармақшасына сәйкес тіркелген ветеринариялық дәрілік препараттардың тіркеу дерекнамалары осы тармақтың "г" тармақшасына сәйкес олардың тіркеу куәліктерінің қолданылу мерзімі аяқталатын күнге дейін Қағидаларға сәйкес келтірілуге жатады;

ж) осы тармақтың "а" және "б" тармақшаларына сәйкес ветеринариялық дәрілік препараттарды тіркеуден және онымен байланысты өзге де рәсімдерді жүзеге асырудан бас тартқан кезде мүше мемлекеттің ветеринариялық дәрілік заттар айналымы саласындағы уәкілетті органы (бұдан әрі – уәкілетті орган) бұл туралы басқа мүше мемлекеттердің уәкілетті органдарын (бас тарту себептерін көрсете отырып) хабардар етеді;

з) ветеринариялық дәрілік заттар өндірісінің мүше мемлекеттердің тиісті өндірістік практика қағидаларының талаптарына сәйкестігін растайтын және мүше мемлекеттердің заңнамасына сәйкес уәкілетті органдар 2021 жылғы 1 қаңтарға дейін берген құжаттар олардың қолданылу мерзімі аяқталғанға дейін, бірақ 2025 жылғы 31 желтоқсаннан асырмай жарамды болады және барлық мүше мемлекеттердің уәкілетті органдары өзара таниды;

и) мүше мемлекеттерде олардың заңнамасына сәйкес тіркелген және құрамында Қағидаларға № 4 қосымшада көзделген тізбеге енгізілген ветеринариялық дәрілік заттар бар ветеринариялық дәрілік препараттардың айналымы осы Шешімнің 1-тармағы күшіне енген күннен бастап тоқтатылады, оларды тіркеудің күші жойылады, ал ветеринариялық дәрілік препараттар Одақтың кедендік аумағында айналымнан алынуға жатады;

к) осы препараттардың көрсетілген құжаттарға (мәліметтерге) сәйкестігін бағалау жолымен мемлекеттік бақылауды (қадағалауды) жүзеге асыру мақсатында осы тармақтың "в" тармақшасында көрсетілген мерзім ішінде мүше мемлекеттің уәкілетті органы екінші мүше мемлекеттің уәкілетті органынан өз мемлекетінің аумағында айналымда жүрген, осы екінші мүше мемлекеттің заңнамасына сәйкес осы Шешімнің 1-тармағы күшіне енген күнге дейін тіркелген ветеринариялық дәрілік препараттардың сапасын, қауіпсіздігін және тиімділігін растайтын құжаттардың көшірмелері мен мәліметтерді сұрата алады деп бекітілсін.

Уәкілетті орган сұрау салуды алған күннен бастап күнтізбелік 30 күн ішінде құжаттардың мынадай көшірмелерін және мәліметтерді орыс тілінде ұсынады:

ветеринариялық дәрілік препаратты қолдану жөніндегі нұсқаулықтың көшірмесі;

ветеринариялық дәрілік препараттың сапасын бақылау әдістері туралы мәліметтер (ерекшеліктерді қоса алғанда);

ветеринариялық дәрілік зат үлгілерін зерттеу (сынау) хаттамаларының көшірмелері;

фармацевтикалық ветеринариялық дәрілік препараттардың және (немесе) олардың метаболиттерінің жануарлардан алынатын шикізаттағы (өнімді жануарларға, оның ішінде жануарлардан алынатын акваөсіру объектілеріне қолдану мақсатына арналған ветеринариялық дәрілік препараттар үшін) әсер етуші заттарының қалдық мөлшерін айқындау әдістемелерінің көшірмелері және ерекшеліктер (тиісті мемлекеттік стандарт болмаған жағдайда) туралы мәліметтер;

зерттеу (сынақ) жүргізу кезеңі, эксперименттік жануарлардың саны және алынған нәтижелер туралы мәліметтерді қамтитын ветеринариялық дәрілік препараттың клиникаға дейінгі және клиникалық зерттеулер (сынақ) жүргізу туралы есептер беттерінің көшірмелері немесе ветеринариялық дәрілік препараттың өндірістік зерттеулер (сынақ) жүргізу туралы есеп беттерінің көшірмелері немесе ветеринариялық дәрілік препараттың биоэквиваленттілігіне зерттеулер (сынақ) жүргізу туралы есеп беттерінің көшірмелері;

ветеринариялық дәрілік препараттың биологиялық қауіпсіздігі туралы мәліметтер (вакциналар үшін);

л) осы тармақтың "в" тармақшасында көрсетілген мерзім ішінде уәкілетті орган өз мемлекетінің аумағында осы Шешімнің 1-тармағы күшіне енген күнге дейін басқа мүше мемлекеттің заңнамасына сәйкес тіркелген ветеринариялық дәрілік препараттың айналымына мынадай:

уәкілетті органға тәуелді емес мән-жайлардың (оның ішінде еңсерілмейтін күш мән-жайларының) туындауын қоспағанда, осы тармақтың "к" тармақшасына сәйкес өзі сұратқан құжаттар мен мәліметтердің көшірмелері ұсынылмаған;

ветеринариялық дәрілік препараттардың сапасын іріктеп бақылауды жүзеге асыру қорытындылары бойынша осы ветеринариялық дәрілік препарат сапасының ветеринариялық дәрілік затқа арналған нормативтік құжаттың талаптарына сәйкес келмеуі жүйелі түрде анықталған (күнтізбелік жыл ішінде кемінде 3 түрлі серия);

зерттеулер (сынақ) жүргізу нәтижелері бойынша ветеринариялық дәрілік препарат тиімсіз және (немесе) қауіпсіз емес деп танылған жағдайларда тыйым сала алады.

Осы тармақтың "к" тармақшасына сәйкес ұсынылған құжаттар мен мәліметтердің мазмұнының және (немесе) ресімделуінің уәкілетті орган сұрау салу жіберген мүше мемлекет заңнамасының талаптарына сәйкес келмеуі осы мемлекеттің аумағында ветеринариялық дәрілік препараттың айналымына тыйым салуға негіз бола алмайды;

м) іске асырылуы арқылы мүше мемлекеттердің уәкілетті органдары (сараптама мекемелері) мен Еуразиялық экономикалық комиссия (бұдан әрі – Комиссия) арасындағы ақпараттық өзара іс-қимыл жүзеге асырылатын Одақ шеңберіндегі жалпы процестер қолданысқа енгізілгенге дейін қағаз жеткізгіште және (немесе) электрондық түрде құжаттар мен мәліметтер алмасуға жол беріледі;

н) осы Шешімнің 1-тармағы күшіне енген күнге дейін мүше мемлекеттердің заңнамасына сәйкес тіркелген ветеринариялық дәрілік препараттардың айналымына байланысты даулы жағдайларды шешу Комиссияның қатысуымен (оның 2014 жылғы 29 мамырдағы Еуразиялық экономикалық одақ туралы шартта айқындалған өкілеттіктері шеңберінде) жүзеге асырылады.

3. Мүше мемлекеттерден осы Шешімнің 1-тармағы күшіне енетін күнге дейін:

а) мүше мемлекеттердің тіркеу жөніндегі референттік органы және (немесе) уәкілетті органдары (сараптама мекемелері) орындайтын рәсімдердің күрделілігі мен жұмыс көлемін ескере отырып, Қағидаларда көзделген, оның ішінде:

ветеринариялық дәрілік препаратты тіркеу;

ветеринариялық дәрілік препараттың тіркелгенін растау;

ветеринариялық дәрілік препараттың тіркеу дерекнамасына өзгерістер енгізу;

ветеринариялық дәрілік препараттың тіркеу дерекнамасын Қағидалардың талаптарына сәйкес келтіру;

ветеринариялық дәрілік препаратты тіркеуді тану;

ветеринариялық дәрілік заттар өндірісін инспекциялау кезіндегі алымдардың (баждардың) немесе өзге де міндетті төлемдердің мөлшерін белгілеу кезіндегі алымдардың (баждардың) немесе өзге де міндетті төлемдердің мөлшерлерін белгілеу;

б) ветеринариялық дәрілік препараттарды тіркеуді, онымен байланысты өзге де рәсімдерді жүзеге асыруға және (немесе) ветеринариялық дәрілік заттар өндірісін инспекциялауға уәкілетті органдарды айқындау және бұл туралы Комиссияны хабардар ету сұралсын.

4. Уәкілетті органдардан:

а) 2026 жылғы 1 қаңтарға дейін Одақ шеңберінде қолданылатын микробқа қарсы резистенттілікпен күрес шараларының тиімділігін арттыру мақсатында микробқа қарсы ветеринариялық дәрілік препараттарды қолдану жүйесін әзірлеу және бұл туралы Комиссияны хабардар ету;

б) осы Шешімнің 1-тармағы күшіне енген күнге дейін Комиссиямен бірлесіп ветеринариялық дәрілік препараттардың, оның ішінде мүше мемлекеттерде өндірілетін ветеринариялық дәрілік препараттардың жекелеген топтары үшін ветеринариялық дәрілік препараттардың тіркеу дерекнамасын Қағидалар талаптарына сәйкес келтіру рәсімін оңайлату мүмкіндігі туралы мәселені, сондай-ақ Одақтың фармацевтикалық инспекторларына қосымша талаптар белгілеу туралы мәселені пысықтау және қажет болған кезде Қағидаларға өзгерістер енгізу туралы ұсыныстар беру сұралсын.

5. Осы Шешім күшіне енген күннен бастап 24 ай өткен соң күшіне енетін осы Шешімнің 1-тармағын қоспағанда, осы Шешім ресми жарияланған күнінен бастап күнтізбелік 30 күн өткен соң күшіне енеді.

Еуразиялық экономикалық комиссия Кеңесінің мүшелері:

Армения Республикасынан	Беларусь Республикасынан	Қазақстан Республикасынан	Қырғыз Республикасынан	Ресей Федерациясынан
М. Григорян	И. Петришенко	Б. Сұлтанов	А. Кожошев	А. Оверчук

Еуразиялық экономикалық комиссия Кеңесінің 22 жылғы 21 қаңтардағы № 1 шешімімен БЕКІТІЛГЕН

Еуразиялық экономикалық одақтың кедендік аумағында ветеринариялық дәрілік заттар айналымын реттеу
ҚАҒИДАЛАРЫ

Жалпы ережелер

1. Қолданылу саласы

1. Осы Қағидалар Еуразиялық экономикалық одақтың (бұдан әрі – Одақ) кедендік аумағындағы ветеринариялық дәрілік заттардың айналымын реттеу тәртібін айқындайды.

Одақтың кедендік аумағындағы ветеринариялық дәрілік заттардың айналымын реттеу осы Қағидаларға, Одақ құқығына кіретін актілерге және Одақтың құқығына қайшы келмейтін бөлігінде Одаққа мүше мемлекеттердің (бұдан әрі – мүше мемлекеттер) заңнамасына сәйкес жүзеге асырылады.

2. Осы Қағидалар ветеринариялық дәрілік заттарды өндірушілерге, ветеринариялық дәрілік препараттардың құқық иеленушілеріне (белгіленген тәртіппен куәландырылған құжат негізінде әрекет ететін олардың өкілдеріне), мүше мемлекеттердің ветеринариялық дәрілік заттар айналымы саласындағы уәкілетті органдарына, мүше мемлекеттердің осы органдарға ведомстволық бағынысты сараптама мекемелеріне, ветеринариялық дәрілік заттарды өткізуді жүзеге асыратын ұйымдарға және ветеринариялық дәрілік заттар айналымының басқа да субъектілеріне қолданылады.

3. Осы Қағидалар соғыс қимылдары жағдайларында, төтенше жағдайларда қолдануға, қолайсыз химиялық, биологиялық, радиациялық факторлардың әсері нәтижесінде алынған жануарлардың аурулары мен зақымдануларының профилактикасы және оларды емдеуге арналған ветеринариялық дәрілік препараттарға қатысты немесе мүше мемлекеттердің заңнамасына сәйкес шұғыл шаралар қабылдауды талап ететін өзге де жағдайларда қолданылмайды, сондай-ақ мүше мемлекеттердің қауіпсіздік және қорғаныс саласындағы уәкілетті мемлекеттік билік органдарының және өтініші мүше мемлекеттердің заңнамасымен реттелетін тапсырмасы бойынша әзірленді.

2. Қабылдау мақсаты

4. Осы Қағидалар:

а) ветеринариялық дәрілік препараттарды тіркеудің бірыңғай тәсілдерін іске асыру;

б) мүше мемлекеттердің аумақтарындағы ветеринариялық дәрілік заттардың сапасына, қауіпсіздігі мен тиімділігіне қойылатын міндетті талаптардың біртұтастығын қамтамасыз ету және оларды сақтау;

в) ветеринариялық дәрілік заттардың сапасын, қауіпсіздігін және тиімділігін қамтамасыз ету жүйесін құрудың бірыңғай тәсілдерін іске асыру;

г) тұтынушыны сапасыз, қолдан жасалған және контрафактілік ветеринариялық дәрілік заттарды пайдаланудан қорғау үшін қажетті шараларды қабылдау арқылы Одақ шеңберінде ветеринариялық дәрілік заттар нарығының жұмыс істеуін қамтамасыз ету мақсатында қабылданды.

3. Анықтамалар

5. Осы Қағидалардың мақсаттары үшін мыналарды білдіретін ұғымдар пайдаланылады:

"ветеринариялық дәрілік заттың қауіпсіздігі" – ветеринариялық дәрілік заттың тиімділігі мен жануарлардың саулығына зиян келтіру қаупін салыстырмалы талдауға негізделген сипаттамасы;

"биологиялық қолжетімділік" – белсенді зат немесе оның молекуласының белсенді бөлігі дозаланған дәрілік нысаннан сіңірілетін және әсер ету орнында қолжетімді болатын жылдамдық пен дәреже;

"биологиялық ветеринариялық дәрілік препарат" – әсер етуші заты биологиялық көзден өндірілген немесе бөліп алынған ветеринариялық дәрілік препарат. Биологиялық ветеринариялық дәрілік препараттарға иммунологиялық (иммундық-биологиялық) ветеринариялық дәрілік препараттар, биотехнологиялық ветеринариялық дәрілік препараттар, гендік-терапиялық ветеринариялық дәрілік препараттар және бактериофагтар жатады;

"биотехнологиялық ветеринариялық дәрілік препарат" – өндірісі биотехнологиялық процестерді және әдістерді (оның ішінде рекомбинантты ДНК технологияларын, сүтқоректілердің өзгертілген жасушаларын қоса алғанда, прокариоттар мен эукариоттардағы биологиялық белсенді ақуыздарды кодтайтын гендердің бақыланатын экспрессиясы технологияларын), гибридомдық әдісті және моноклоналды антиденелер әдісін пайдалана отырып жүзеге асырылатын ветеринариялық дәрілік препарат;

"ветеринариялық дәрілік заттарды әкелу" – ветеринариялық дәрілік заттардың Одақтың кедендік аумағындағы айналымы мақсатында оларды Одақтың кедендік шекарасы арқылы өткізу;

"ветеринариялық дәріхана" – ветеринариялық дәрілік препараттарды бөлшек саудада сатуды (өткізуді), оларды сақтауды, беруді және дайындауды жүзеге асыратын, осы дәріханада дайындалған ветеринариялық дәрілік препараттың сапасына және қауіпсіздігіне кепілдік беретін (егер бұл мүше мемлекеттің заңнамасында көзделген болса, ветеринариялық дәріхана көтерме сауданы жүзеге асыра алады) заңды тұлға немесе оның құрылымдық бөлімшесі, дара кәсіпкер ретінде тіркелген жеке тұлға;

"ветеринариялық дәрілік зат" – затты білдіретін не құрамында зат немесе заттардың комбинациясы бар, жануардың организмімен байланысқа түсетін және жануарлардың ауруларын емдеуге, олардың профилактикасына, оңалтуға, түзетуге немесе жануар организмінің физиологиялық функцияларын өзгертуге, сақтауға, алдын алуға немесе жүктілікті үзуге, жансыздандыруға, сондай-ақ жануарлардың ауруларын диагностикалауға арналған зат (жануардың организмімен байланыспайтын заттарды немесе олардың комбинацияларын қоспағанда). Ветеринариялық дәрілік заттарға әсер етуші заттар, оның ішінде фармацевтикалық субстанциялар, сондай-ақ ветеринариялық дәрілік препараттар жатады;

"ветеринариялық дәрілік препарат" – дәрілік нысан түріндегі ветеринариялық дәрілік зат;

"қайта өндірілген ветеринариялық препарат (дженерик)" – әсер етуші заттардың сандық және сапалық құрамы және референттік ветеринариялық дәрілік препаратпен бірдей дәрілік нысаны бар және референттік ветеринариялық дәрілік препаратқа биоэквиваленттілігі биологиялық қолжетімділікке (әртүрлі тұздар, эфирлер, изомерлер, изомерлер қоспалары, әсер етуші заттың кешендері немесе туындылары, егер олардың қауіпсіздігі мен тиімділігі айтарлықтай ерекшеленбесе, сол бір әсер етуші зат болып танылады) биологиялық қолжетімділікке тиісті зерттеулермен (сынақтармен) расталатын ветеринариялық дәрілік препарат;

"қосалқы зат" – фармацевтикалық субстанцияларды қоспағанда, ветеринариялық дәрілік препаратқа қажетті қасиеттер беру үшін оның құрамына кіретін зат;

"екінші қаптама" – ветеринариялық дәрілік препарат бастапқы қаптамада орналастырылатын қаптама. Екінші қаптама ветеринариялық дәрілік препарат осы қаптамада тұтынушыға түскен кезде тұтынушы қаптамасы болып табылады;

"гендік-терапиялық ветеринариялық препарат" – фармацевтикалық субстанциясы рекомбинантты нуклеин қышқылы болып табылатын немесе генетикалық реттілікті реттеуді, репарациялауды, ауыстыруды, қосуды немесе алып тастауды жүзеге асыруға мүмкіндік беретін рекомбинантты нуклеин қышқылын қамтитын ветеринариялық дәрілік препарат;

"гомеопатиялық ветеринариялық дәрілік препарат" – Одақтың Фармакопеясының гомеопатиялық дәрілік нысандар туралы жалпы фармакопеялық мақалалардың немесе олар болмаған кезде мүше мемлекеттердің фармакопеяларының талаптарына сәйкес өндірілген немесе дайындалған ветеринариялық дәрілік препарат;

"әсер етуші зат" – ветеринариялық дәрілік препарат құрамындағы, жануардың организміне әсері осы препараттың тиімділігі байланысты, шыққан тегі биологиялық, биотехнологиялық, минералдық немесе химиялық зат;

"ветеринариялық дәрілік заттың клиникаға дейінгі зерттеулері (сынақтары)" – ветеринариялық дәрілік затты сіңіру, бөлу, өзгерту және шығару процестерін зерделеуді қамтитын биологиялық, микробиологиялық, иммунологиялық (иммундық-биологиялық), токсикологиялық, фармакологиялық, физикалық, химиялық зерттеулер (сынақтар), ветеринариялық дәрілік заттың қауіпсіздігіне, сапасына және тиімділігіне дәлелдемелер алу мақсатында ғылыми бағалау әдістерін қолдана отырып жүргізілетін ветеринариялық дәрілік затты басқа да зерттеулер (сынақтар);

"өтініш беруші" – ветеринариялық дәрілік препараттың құқық иеленушісі немесе ол уәкілеттік берген заңды тұлға, дара кәсіпкер ретінде тіркелген жеке тұлға немесе сенімхат негізінде әрекет ететін, ветеринариялық дәрілік препаратты тіркеу туралы немесе тіркеуге байланысты өзге де рәсімдерді жүзеге асыру туралы өтініш және уәкілетті органға қажетті құжаттарды беретін жеке тұлға;

"ветеринариялық дәрілік препараттарды дайындау" – ветеринариялық дәрігерлердің рецептері бойынша жекелеген жануарларға арналған ветеринариялық дәрілік препараттарды ветеринариялық дәріханада дайындау;

"иммунологиялық (иммундық-биологиялық) ветеринариялық дәрілік препарат" – белсенді немесе бәсең иммунитетті қалыптастыруға не жануардың иммундық мәртебесін айқындауға не аллергия тудыратын заттарға иммунологиялық қарсылықтың өзіндік жүре пайда болған өзгерісін диагностикалауға (табуға) арналған ветеринариялық дәрілік препарат. Иммунологиялық (иммундық-биологиялық) ветеринариялық дәрілік препараттарға вакциналар, анатоксиндер, токсиндер, сарысулар, иммуноглобулиндер және аллергендер жатады;

"ветеринариялық дәрілік препаратты қолдану жөніндегі нұсқаулық" – тіркелген ветеринариялық дәрілік препаратпен бірге жүретін, оны қолдану тәртібін регламенттейтін, сондай-ақ осы препараттың қасиеттері туралы ақпаратты қамтитын құжат;

"ветеринариялық дәрілік препараттың биобаламалылығын зерттеу (сынау)" – ветеринариялық дәрілік препараттың референттік ветеринариялық дәрілік препаратқа сәйкестігін оның биологиялық қолжетімділігін және жануарға енгізгеннен кейін оның жартылай шығарылу кезеңін айқындау жолымен ветеринариялық дәрілік препараттың референттік ветеринариялық дәрілік препаратқа сәйкестігін анықтау үшін клиникаға дейінгі зерттеу (сынау);

"сапалы ветеринариялық дәрілік зат" – ветеринариялық дәрілік затқа арналған нормативтік құжаттың немесе фармакопеялық мақаланың (бар болған кезде) талаптарына сәйкес келетін ветеринариялық дәрілік зат;

"ветеринариялық дәрілік заттың сапасы" – ветеринариялық дәрілік заттың ветеринариялық дәрілік затқа арналған нормативтік құжаттың немесе фармакопеялық мақаланың талаптарына сәйкестігі (бар болған кезде);

"ветеринариялық дәрілік препаратты клиникалық зерттеу (сынау)" – ветеринариялық дәрілік препаратты қолдану процесінде осы препараттың диагностикалық, емдік, профилактикалық, фармакологиялық қасиеттерін зерделеу арқылы оның тиімділігін бағалау мақсатында, сондай-ақ осы препарат қолданылатын, ветеринариялық дәрілік препаратты қолдануға арналған жануар түрінің организмінің ықтимал қолайсыз реакциялары туралы және оның басқа ветеринариялық дәрілік препараттармен және (немесе) жемшөп қоспаларымен, жемшөптермен өзара іс-қимылының әсері туралы деректер алу мақсатында зерттеу (сынақ);

"контрафактілі ветеринариялық дәрілік зат" – мүше мемлекеттердің зияткерлік меншік саласындағы заңнамасының талаптарын бұза отырып, Одақтың кедендік аумағында айналымдағы ветеринариялық дәрілік зат;

"дәрілік нысан" – ветеринариялық дәрілік препараттың оны енгізу және қолдану тәсілдеріне сәйкес келетін және қажетті әсерге қол жеткізуді қамтамасыз ететін жай-күйі;

"дәрілік өсімдік шикізаты" – ветеринариялық дәрілік препараттарды өндіру немесе дайындау үшін пайдаланылатын жаңадан алынған немесе кептірілген өсімдіктер, балдырлар, саңырауқұлақтар немесе қыналар не олардың бүтін немесе ұсақталған бөліктері;

"материалдық теңгерім" – ветеринариялық дәрілік препараттың тіркеу дерекнамасында көрсетілген жабдықта ветеринариялық дәрілік заттың бір сериясын өндіру үшін қажетті бастапқы шикізаттың, материалдардың, жартылай өнімдердің және аралық өнімнің саны мен нақты алынған дайын өнімнің, жанама өнімдердің, қалдықтар мен ысыраптардың саны (теориялық ықтимал мен дайын өнімнің іс жүзінде алынған шығымның арақатынасы) арасындағы арақатынас;

"халықаралық патенттелмеген атауы" – Дүниежүзілік денсаулық сақтау ұйымы ұсынған ветеринариялық дәрілік препаратты өндіру немесе дайындау үшін пайдаланылатын әсер етуші заттың атауы;

"есірткі ветеринариялық дәрілік зат" – мүше мемлекеттердің заңнамасына, сондай-ақ 2013 жылғы 24 қазандағы Есірткіні, психотроптық заттар мен олардың прекурсорларын Кеден одағының кедендік аумағы арқылы өткізу тәртібі туралы келісімге және Есірткіні, психотроптық заттар мен олардың прекурсорларын Еуразиялық экономикалық одақтың кедендік аумағына әкелу және Еуразиялық экономикалық одақтың кедендік аумағынан әкету туралы ережеге (Еуразиялық экономикалық комиссия Алқасының 2015 жылғы 21 сәуірдегі № 30 шешіміне № 10 қосымша) сәйкес бақылауға жататын құрамында есірткі бар және есірткінің, психотроптық заттар мен олардың прекурсорларының тізбелеріне енгізілген ветеринариялық дәрілік зат;

"қолайсыз реакция" – жанама әсер, жағымсыз реакция, жағымсыз күтпеген реакция, ветеринариялық дәрілік препаратты қолдану кезіндегі жағымсыз елеулі реакция, жеке төзімсіздік, ветеринариялық дәрілік препарат тиімділігінің болмауы, басқа ветеринариялық дәрілік препараттармен өзара іс-қимыл жасау ерекшеліктері, жануардың өміріне немесе саулығына қатер төндіретін не күтілетін пайданың ветеринариялық дәрілік препараттарды қолданудың ықтимал қаупіне қатынасының өзгеруіне әсер ететін өзге де фактілер мен мән-жайлар;

"сапасыз ветеринариялық дәрілік зат" – ветеринариялық дәрілік затқа арналған нормативтік құжаттың немесе фармакопеялық мақаланың (бар болған кезде) талаптарына сәйкес келмейтін ветеринариялық дәрілік зат;

"жағымсыз күтпеген реакция" – сипаты, ауырлық дәрежесі және нәтижесі ветеринариялық дәрілік препаратты қолдану жөніндегі нұсқаулықтағы ақпаратқа сәйкес келмейтін жағымсыз реакция;

"жағымсыз реакция" – жануар организмінің ветеринариялық дәрілік препаратты қолданумен байланысты немесе ветеринариялық дәрілік препаратты қолданумен ең аз дегенде ықтимал өзара байланыстың болуын болжайтын байқаусыздағы қолайсыз реакциясы;

"жағымсыз ауыр реакция" – жануардың өліміне әкелетін, оның өміріне қауіп төндіретін, туа біткен ауытқуларға немесе дамуындағы ақауларға әкелетін және көрсетілген жай-күйлердің дамуын болғызбау үшін ветеринар дәрігердің (немесе ветеринария саласындағы маманның) араласуын талап ететін жағымсыз реакция;

"ветеринариялық дәрілік затқа арналған нормативтік құжат" – ветеринариялық дәрілік зат сапа көрсеткіштерінің талдамалық әдістемелері мен зерттеулері (сынақтары) сипатталған немесе оларға сілтемелер көрсетілген олардың тізбесін, сондай-ақ дәрілік нысанды ескере отырып, осы сапа көрсеткіштері үшін қолайлылықтың тиісті өлшемшарттарын қамтитын ветеринариялық дәрілік заттың сапасын бақылау жөніндегі құжат;

"ветеринариялық дәрілік заттардың айналымы" – әзірлеуді, клиникаға дейінгі зерттеулерді (сынақтарды), клиникалық зерттеулерді (сынақтарды), сараптама, тіркеу жүргізуді немесе тіркеуге байланысты өзге де рәсімдерді жүзеге асыруды, сапаны бақылауды, қауіпсіздік пен тиімділікті бағалауды, өндіруді, дайындауды, сақтауды, тасымалдауды, бір мүше мемлекеттің аумағынан басқа мүше мемлекеттердің аумағына өткізуді, транзитті (Одақтың мүшесі болып табылмайтын мемлекеттің аумағынан Одақтың мүшесі болып табылмайтын мемлекеттің аумағына Одақтың кедендік аумағы арқылы транзитті қоспағанда), Одақтың кедендік аумағына әкелуді (Одақтың кедендік аумағынан әкетуді), ветеринариялық дәрілік заттарды жарнамалауды, босатуды, өткізуді, беруді, қолдануды және жоюды қамтитын қызмет;

"жалпыға бірдей қабылданған (топтастырылған) атауы" – халықаралық патенттелмеген атауы жоқ ветеринариялық дәрілік препараттың атауы немесе әсер етуші заттардың бірдей сапалық құрамына сүйене отырып, бір атаумен топқа біріктірілген ветеринариялық дәрілік препараттар комбинациясы;

"бастапқы қаптама" – ветеринариялық дәрілік затпен тікелей жанасатын қаптама. Бастапқы қаптама ветеринариялық дәрілік препарат тұтынушыға осы қаптамада түскен кезде тұтынушы қаптамасы болып табылады;

"жанама әсері" – организмнің ветеринариялық дәрілік препаратты қолдану жөніндегі нұсқаулықтың тиісті бөлімінде сипатталған ветеринариялық дәрілік препаратты қолдануға реакциясы;

"ветеринариялық дәрілік препараттың құқық иеленушісі" – тіркелген ветеринариялық дәрілік препаратқа арналған құқықтарға ие, ветеринариялық дәрілік препараттың тіркеу дерекнамасы (клиникаға дейінгі зерттеулердің (сынақтардың) және клиникалық зерттеулердің (сынақтардың) нәтижелерін, ветеринариялық дәрілік затты өндіру технологиясын қоса алғанда) бар және ветеринариялық дәрілік препараттың сапасы, қауіпсіздігі және тиімділігі үшін жауапты болатын заңды тұлға немесе дара кәсіпкер ретінде тіркелген жеке тұлға;

"ветеринариялық дәрілік заттарды өндіруші" – ветеринариялық дәрілік заттарды өндіру, сақтау, өткізу және беру жөніндегі қызметті жүзеге асыратын және өндіруші елдің уәкілетті (үшінші елдер үшін – құзыретті) органы берген осындай қызмет түріне рұқсаты (лицензиясы) бар ұйым;

"өндірістік алаң" – ветеринариялық дәрілік затты өндірудің бүкіл процесін немесе оның белгілі бір сатысын жүзеге асыруға арналған ветеринариялық дәрілік заттарды өндірушінің аумақтық оқшауланған кешені;

"ветеринариялық дәрілік заттар өндіру" – технологиялық процестің бір, бірнеше немесе барлық сатыларында ветеринариялық дәрілік заттар өндіру;

"психотроптық ветеринариялық дәрілік зат" – құрамында психотроптық заттар бар және мүше мемлекеттердің заңнамасына, сондай-ақ Одақ шеңберіндегі халықаралық шарттарға сәйкес бақылауға жататын есірткі, психотроптық заттар, сол тектестер мен прекурсорлар тізбелеріне енгізілген ветеринариялық дәрілік зат;

"радиофармацевтикалық ветеринарлық дәрілік препарат" – пайдалануға дайын нысанда бір немесе бірнеше радионуклидтер (радиоактивті изотоптар) бар ветеринариялық дәрілік препарат;

"ветеринариялық дәрілік заттарды әзірлеуші" – ветеринариялық дәрілік затты әзірлеген және ветеринариялық дәрілік затқа ішінара немесе толық зерттеулер (сынақтар) жүргізген заңды тұлға, дара кәсіпкер ретінде тіркелген жеке тұлға немесе жеке тұлға;

"ветеринариялық дәрілік заттарды өткізу" – ветеринариялық дәрілік заттарды көтерме саудада және (немесе) бөлшек саудада сату;

"ветеринариялық дәрілік препараттың тіркеу дерекнамасы" – ветеринариялық дәрілік препаратты тіркеу немесе тіркеуге байланысты өзге де рәсімдерді жүзеге асыру үшін ұсынылатын құжаттар кешені;

"тіркеу нөмірі" – ветеринариялық дәрілік препаратқа оны тіркеу кезінде берілетін кодтық белгілеме;

"Одақтың ветеринариялық дәрілік препараттарының тізілімі" – осы Қағидаларға сәйкес оларға қатысты тіркеу немесе тіркеуге байланысты өзге де рәсімдер жүзеге асырылған ветеринариялық дәрілік препараттар туралы мәліметтерді қамтитын жалпы ақпараттық ресурсты білдіретін, Одақтың интеграцияланған ақпараттық жүйесінің құралдарын пайдалана отырып қалыптастырылатын Одақтың тіркелген ветеринариялық дәрілік препараттарының тізілімі;

"өндірушілердің тізілімі" – мүше мемлекеттердің және үшінші мемлекеттердің аумақтарындағы өндірісі фармацевтикалық инспекцияның қорытындылары бойынша Еуразиялық экономикалық комиссия Кеңесінің 2016 жылғы 3 қарашадағы № 77 шешімімен бекітілген Еуразиялық экономикалық одақтың Тиісті өндірістік практика қағидаларына сәйкес келеді деп танылған ветеринариялық дәрілік заттарды өндірушілер туралы мәліметтерді қамтитын, Одақтың интеграцияланған ақпараттық жүйесінің құралдарын пайдалана отырып қалыптастырылатын жалпы ақпараттық ресурсты білдіретін ветеринариялық дәрілік заттарды өндірушілердің тізілімі;

"Одақтың фармацевтикалық инспекторларының тізілімі" – Одақтың фармацевтикалық инспекторлары туралы мәліметтерді қамтитын және Одақтың интеграцияланған ақпараттық жүйесінің құралдарын пайдалана отырып қалыптастырылатын жалпы ақпараттық ресурсты білдіретін, ветеринариялық дәрілік заттардың айналымы саласындағы Одақтың фармацевтикалық инспекторларының тізілімі;

"референттік ветеринариялық дәрілік препарат" – оның сапасын, қауіпсіздігін және тиімділігін растайтын барлық клиникаға дейінгі және клиникалық зерттеулердің (сынақтардың) нәтижелерін қамтитын ветеринариялық дәрілік препараттың тіркеу дерекнамасы негізінде Одақтың кедендік аумағында алғаш рет тіркелген ветеринариялық дәрілік препарат;

"тіркеу жөніндегі референттік орган" – өтініш берушіден тиісті өтінішті, ветеринариялық дәрілік препараттың тіркеу дерекнамасын және басқа да тіркеу материалдарын қабылдаған және ветеринариялық дәрілік препараттарды тіркеу немесе тіркеуге байланысты өзге де рәсімдерді жүзеге асыру барысында өтініш беруші мен басқа да уәкілетті органдар арасындағы іс-қимылдарды үйлестіруді жүзеге асыратын уәкілетті орган;

"рецепт" – ветеринариялық дәрілік препаратты дайындау және (немесе) босату мақсатында мүше мемлекеттің заңнамасына сәйкес ветеринарлық дәрілік препаратты жазбаша нысанда ветеринариялық дәрігер берген тағайындау;

"ветеринариялық дәрілік препаратты қолдану қатері" – жануарлардың саулығы үшін ветеринариялық дәрілік препараттың сапасына, қауіпсіздігіне және тиімділігіне байланысты қатер немесе қоршаған ортаға және адамның денсаулығына жағымсыз әсер етуге алып келетін қатер;

"ветеринариялық дәрілік заттың сериясы" – бір технологиялық цикл нәтижесінде біртекті шикізаттан өндірілген ветеринариялық дәрілік зат;

"өзіндік ерекшелік" – сапа көрсеткіштерінің, талдамалық әдістемелерге және зерттеулерге (сынақтарға) сілтемелердің тізбесін, сондай-ақ ветеринариялық дәрілік затты өндіруші немесе әзірлеуші белгілеген көрсетілген сапа көрсеткіштері үшін нормаларды (есептік (сандық) шектерді, ауқымдарды және басқа да өлшемшарттарды) қамтитын құжат;

"ветеринариялық дәрілік заттар айналымының субъектілері" – ветеринариялық дәрілік заттар айналымына қатысатын уәкілетті органдар, осы органдарға ведомстволық бағынысты сараптама мекемелері, заңды тұлғалар, дара кәсіпкерлер ретінде тіркелген жеке тұлғалар және жеке тұлғалар;

"ветеринариялық дәрілік препараттың саудалық атауы" – ветеринариялық дәрілік препараттың құқық иеленушісі берген және ветеринариялық дәрілік препарат тіркелген ветеринариялық дәрілік препараттың атауы;

"уәкілетті орган" – Одақтың кедендік аумағындағы ветеринариялық дәрілік заттардың айналымы барысында шешімдер қабылдау, сондай-ақ ветеринариялық дәрілік заттар айналымы саласындағы мемлекеттік бақылауды (қадағалауды) жүзеге асыру құзыретіне жататын мүше мемлекеттің ветеринариялық дәрілік заттар айналымы саласындағы уәкілетті органы;

"жалған ветеринариялық дәрілік зат" – ветеринариялық дәрілік заттың құрамы және (немесе) өндірушісі туралы анық емес ақпаратпен бірге жүретін ветеринариялық дәрілік зат;

"фармакологиялық қадағалау" – уәкілетті органдардың және ветеринариялық дәрілік препараттарды құқық иеленушілердің ветеринариялық дәрілік препараттарды қолдану кезінде қолайсыз реакцияларды анықтауға, бағалауға және болғызбауға бағытталған және ветеринариялық дәрілік препараттардың қауіпсіздігі мен тиімділігін бақылауға, ветеринариялық дәрілік препараттарды қолданудан күтілетін пайданың ықтимал қатеріне қатынасына байланысты жағымсыз өзгерістерді уақтылы анықтауға, ветеринариялық дәрілік препараттарды қолдану кезінде тиімділігі мен қауіпсіздігін қамтамасыз етуге бағытталған шараларды әзірлеуге және енгізуге арналған қызметі;

"фармакопеялық мақала" – фармакопеяның ветеринариялық дәрілік заттарға, қосалқы заттар мен материалдарға, сондай-ақ зерттеулерге (сынақтарға) және оларды жүргізу әдістеріне қойылатын талаптарды белгілейтін мақала (монография);

"фармацевтикалық инспекция" – уәкілетті органның ветеринариялық дәрілік заттар өндірісінің Еуразиялық экономикалық одақтың Тиісті өндірістік практика қағидаларының талаптарына сәйкестігін бағалау мақсатында жүзеге асырылатын қызметі;

"фармацевтикалық субстанция" – ветеринариялық дәрілік препараттарды өндіруге және дайындауға арналған ветеринариялық дәрілік зат;

"фармацевтикалық ветеринариялық дәрілік препарат" – әсер етуші затының синтетикалық, табиғи, биологиялық немесе биотехнологиялық шығу тегі бар ветеринариялық дәрілік препарат (фармацевтикалық ветеринариялық дәрілік препараттарға радиофармацевтикалық ветеринариялық дәрілік препараттар жатады);

"фармацевтикалық инспектор" – ветеринариялық дәрілік заттар өндірісінің фармацевтикалық инспекциясын жүргізуге уәкілетті және Одақтың фармацевтикалық инспекторларының тізіліміне енгізілген уәкілетті органның немесе сараптама мекемесінің қызметкері;

"ветеринариялық дәрілік препаратты қолданудың ықтимал қатеріне күтілетін пайданың қатынасын сараптау" – ветеринариялық дәрілік препаратты тіркеу мүмкіндігін (мүмкін еместігін) анықтау немесе тіркеуге байланысты өзге де рәсімдерді жүзеге асыру мақсатында ветеринариялық дәрілік препараттың сапасын сараптауды және ветеринариялық дәрілік препараттың тіркеу дерекнамасын сараптауды қамтитын сараптама;

"сараптама қорытындысы" – ветеринариялық дәрілік препараттың қауіпсіздігін, сапасын, тиімділігін және ветеринариялық дәрілік препаратты тіркеу мүмкіндігі (мүмкін еместігі) туралы қорытындымен бірге ветеринариялық дәрілік препаратты қолданудың ықтимал қатеріне күтілетін пайданың қатынасын сараптау, оның тіркелгенін растау, ветеринариялық дәрілік препараттың тіркеу дерекнамасына өзгерістер енгізу, ветеринариялық дәрілік препараттың тіркеу дерекнамасын тіркеу жөніндегі референттік органның тапсырмасы бойынша сараптама мекемесі дайындаған осы Қағидалардың талаптарына сәйкес келтіру нәтижелерін қамтитын құжат;

"сараптама мекемесі" – уәкілетті органға ведомстволық бағынысты, ветеринариялық дәрілік препаратты тіркеу немесе ветеринариялық дәрілік затты тіркеуге және оның айналымына байланысты өзге де рәсімдерді жүзеге асыру шеңберінде ветеринариялық дәрілік затқа сараптама жүргізуді жүзеге асыратын ұйым;

"ветеринариялық дәрілік препараттың тиімділігі" – ветеринариялық дәрілік препаратты қолданудың күтілетін нәтижесіне қол жеткізу дәрежесін айқындайтын сипаттамалардың жиынтығы.

Осы Қағидаларда пайдаланылатын өзге ұғымдар 2014 жылғы

29 мамырдағы Еуразиялық экономикалық одақ туралы шартта, халықаралық шарттарда және Одақтың құқығын құрайтын актілерде айқындалған мағыналарда қолданылады.

II. Одақтың Фармакопеясы

6. Мүше мемлекеттер мүше мемлекеттердің фармакопеяларын дәйекті үйлестіру арқылы Одақтың фармакопеялық талаптарын белгілейді.

7. Мүше мемлекеттердің фармакопеяларын үйлестіру Еуразиялық экономикалық комиссия Алқасының 2015 жылғы 22 қыркүйектегі № 119 шешімімен бекітілген Еуразиялық экономикалық одаққа мүше мемлекеттердің фармакопеяларын үйлестіру тұжырымдамасына сәйкес фармакопеялық талаптарды үндестірудің халықаралық тәжірибесін пайдалана отырып жүргізіледі.

III. Ветеринариялық дәрілік заттарды өндіру, сақтау, тасымалдау, өткізу және жою және ветеринариялық дәрілік препараттарды дәріханалық дайындау

1. Ветеринариялық дәрілік заттарды өндіруге, сақтауға, тасымалдауға өткізуге және жоюға қойылатын талаптар

8. Одақтың кедендік аумағында айналымда жүрген ветеринариялық дәрілік заттарды өндіру Еуразиялық экономикалық одақтың Тиісті өндірістік практика қағидаларына (бұдан әрі – Тиісті өндірістік практика қағидалары) сәйкес келуге тиіс.

9. Ветеринариялық дәрілік заттарды Одақтың кедендік аумағында өндіру:

а) мүше мемлекеттің заңнамасына сәйкес уәкілетті орган ветеринариялық дәрілік затты өндіру жүзеге асырылатын әрбір өндірістік алаң үшін беретін ветеринариялық дәрілік заттарды өндіруге арналған лицензия;

б) ветеринариялық дәрілік заттар өндірісінің уәкілетті орган № 1 қосымшаға сәйкес нысан бойынша ветеринариялық дәрілік затты өндіру жүзеге асырылатын әрбір өндірістік алаң үшін 3 жылдан асырмай (соңғы фармацевтикалық инспекцияның соңғы күнінен бастап) беретін Тиісті өндірістік практика қағидаларының талаптарына сәйкестік сертификаты (бұдан әрі – сертификат) негізінде жүзеге асырылады.

10. Одақтың кедендік аумағында:

а) осы Қағидаларға сәйкес тіркелмеген (осы Қағидаларда айқындалған жағдайларды қоспағанда) ветеринариялық дәрілік препараттарды;

б) жалған және контрафактілік ветеринариялық дәрілік заттарды өндіруге және өткізуге тыйым салынады.

11. Ветеринариялық дәрілік заттарды өндіруші олардың өндірісін ветеринариялық дәрілік затқа арналған технологиялық және нормативтік құжаттар талаптарының бұзылуын болғызбайтындай етіп ұйымдастыруы тиіс.

12. Ветеринариялық дәрілік заттарды өндірушілер ветеринариялық дәрілік препараттарды өткізуді жүзеге асыра алады немесе оларды мүше мемлекеттің заңнамасында белгіленген тәртіппен:

а) ветеринариялық дәрілік заттардың басқа өндірушілеріне;

б) ветеринариялық дәрілік заттармен көтерме сауда ұйымдарына;

в) ветеринарлық дәріханаларға;

г) ғылыми-зерттеу ұйымдарына (ғылыми-зерттеу жұмысы үшін);

д) ветеринария саласында диагностикалық және емдеу-профилактикалық қызметін жүзеге асыратын әртүрлі меншік нысанындағы ұйымдарға;

е) жануарларды көбейтуді, өсіруді және күтіп-бағуды жүзеге асыратын әртүрлі меншік нысандарындағы ұйымдарға бере алады.

13. Ветеринариялық дәрілік заттарды өндірушілер фармацевтикалық субстанцияларды өткізуді жүзеге асыра алады немесе оларды мүше мемлекеттің заңнамасында белгіленген тәртіппен:

а) ветеринариялық дәрілік заттарды өндіру үшін ветеринариялық дәрілік заттарды басқа өндірушілерге;

б) ветеринариялық дәрілік заттармен көтерме сауда ұйымдарына;

в) ветеринариялық дәріханаларға (ветеринариялық дәрілік препараттарды дайындау үшін);

г) ғылыми-зерттеу ұйымдарына (ғылыми-зерттеу жұмысы үшін) бере алады.

14. Иммунологиялық (иммундық-биологиялық) ветеринариялық дәрілік препараттарды өндіру кезінде жануарлардан алынған, № 2 қосымшаға сәйкес талаптарға сәйкес келетін жануарлардың тіндері (жасушалық желілер) пайдаланылуға тиіс.

15. Ветеринариялық дәрілік заттар Одақтың кедендік аумағында айналымда болған кезде оларды өткізу, тасымалдау, сақтау және жою № 3 қосымшаның талаптарына сәйкес жүзеге асырылады.

16. Ветеринариялық дәрілік заттарды дистрибьюциялауға қатысатын тұлғалар өздері орындайтын функцияларға сәйкес (ветеринариялық дәрілік заттардың дистрибьюторлары мен өндірушілерін қоса алғанда) ведомстволық тиесілігіне және меншік нысанына қарамастан, Еуразиялық экономикалық комиссия Кеңесінің 2016 жылғы 3 қарашадағы № 80 шешімімен бекітілген Еуразиялық экономикалық одақ шеңберінде Тиісті дистрибьюторлық практика қағидаларының талаптарын ерікті түрде қолдана алады.

2. Ветеринариялық дәрілік препараттарды өндіруге қойылатын талаптар

17. Ветеринариялық дәрілік препараттарды дайындау жекелеген жануарларға арналған рецепт бойынша жүзеге асырылады.

18. Мыналарға:

а) осы Қағидаларға сәйкес тіркелген ветеринариялық дәрілік препараттарды дайындауға;

б) иммунологиялық (иммундық-биологиялық) ветеринариялық дәрілік препараттарды дайындауға;

в) ветеринариялық дәрілік препараттарды дайындау кезінде осы Қағидаларға сәйкес тіркелген ветеринариялық дәрілік препараттарды пайдалануға (дәрілік нысанды өзгертуге, оларды өлшеп-орауға немесе қайта өлшеп-орауға);

г) ветеринариялық дәрілік препараттарды дайындау кезінде улы заттарды, есірткіні, психотроптық және күшті әсер ететін заттарды, сондай-ақ радионуклидтерді (радиоактивті изотоптарды) пайдалануға жол берілмейді.

19. Дәріханада дайындалған ветеринариялық дәрілік препараттар дәріханаішілік бақылауға жатады.

20. Жарамдылық мерзімі өткен өткізілмеген ветеринариялық дәрілік препараттар осы Қағидаларға № 3 қосымшада көзделген талаптарға сәйкес жойылуға жатады.

21. Рецепттердің құрамын, олардың дұрыс ресімделуін, ветеринариялық дәрілік препараттардың құрамына кіретін ингредиенттердің үйлесімділігін, жануарлардың түрі мен жыныстық жас тобын ескере отырып, жазылған дозалардың сәйкестігін бақылау тұрақты негізде жүзеге асырылады.

22. Дәріханада дайындалған ветеринариялық дәрілік препараттар "Ветеринариялық қолдануға арналған" деген жазбаны баспа тәсілімен затбелгіге салу, ветеринариялық дәрілік препараттың құрамын, сақтау шарттарын, дайындалған күні мен жарамдылық мерзімін, "Балалардың қолы жетпейтін жерде сақтау үшін" деген ескерту жазбасын, сондай-ақ ветеринариялық дәріхананың атауын, оның орналасқан жерін (заңды тұлғаның мекенжайын) және қызметті жүзеге асыру орнының мекенжайын (егер мекенжайы әртүрлі болған жағдайда), рецептінің нөмірін, жануар иеленушісінің тегін, атын және әкесінің атын (бар болған жағдайда) және (немесе) жануардың лақап атын, рецепт жазып берген дәрігердің тегін, атын және әкесінің атын (бар болған жағдайда) көрсету арқылы таңбаланады.

23. Ветеринариялық дәрілік препараттарды дайындауға және оларды таңбалауға қойылатын қосымша талаптар мүше мемлекеттердің заңнамасында белгіленеді.

IV. Ветеринариялық дәрілік заттардың айналымы

1. Ветеринарлық дәрілік препараттарды тіркеудің жалпы принциптері

24. Одақтың кедендік аумағында:

а) оларды осы Қағидаларға сәйкес тіркеген;

б) оларды қолданыстағы сертификаты бар өндірістік алаңда өндірген кезде ветеринариялық дәрілік препараттардың айналымына жол беріледі.

25. Ветеринариялық дәрілік препараттың тіркеу дерекнамасының құрылымына, форматы мен мазмұнына қойылатын талаптар, сараптама қорытындысының нысаны мен мазмұны, ветеринариялық дәрілік препаратты тіркеу немесе тіркеуге байланысты өзге де рәсімдерді жүзеге асыру тәртібі, ветеринариялық дәрілік препараттың айналымы н тоқтата тұру немесе ветеринариялық дәрілік препаратты тіркеудің күшін жою негіздері осы Қағидаларда белгіленеді.

26. Мыналар:

а) референттік ветеринариялық дәрілік препараттар;

б) жаңадан өндірілген ветеринариялық дәрілік препараттар (дженериктер);

в) бұрын тіркелген ветеринариялық дәрілік препараттардың жаңа комбинациялары;

г) бұрын тіркелген, бірақ басқа дәрілік нысандарда өндірілген және (немесе) жаңа дозадағы ветеринариялық дәрілік препараттар осы Қағидаларға сәйкес тіркеуге жатады.

27. Мыналар:

а) дәріханада дайындалған ветеринариялық дәрілік препараттар;

б) көрме үлгілері ретінде пайдалануға арналған ветеринариялық дәрілік препараттар;

в) клиникаға дейінгі және клиникалық зерттеулер (сынақтар) жүргізуге арналған ветеринариялық дәрілік препараттар;

г) жеке тұлға өзіне тиесілі жануарға қолдану мақсатында әкелген ветеринариялық дәрілік препараттар (осы препараттарды қолдану қажеттілігін растайтын құжаттар болған кезде);

д) ветеринариялық дәрілік препараттарды тіркеу немесе тіркеуге байланысты өзге де рәсімдерді жүзеге асыру мақсатында сараптамаға арналған ветеринариялық дәрілік препараттардың үлгілері және әсер ететін заттардың стандартты үлгілері;

е) дәрілік өсімдік шикізаты;

ж) фармацевтикалық субстанциялар;

з) Одақтың кедендік аумағында өткізуге арналмаған ветеринариялық дәрілік препараттар (үшінші елдерге экспорттау) Одақ шеңберінде тіркеуге жатпайды.

28. Одақ шеңберінде:

а) мыналар:

әсер етуші заттардың бірдей сапалық және сандық құрамы;

әсер етуші заттардың әртүрлі сапалық құрамы;

әсер етуші заттардың бірдей сапалық, бірақ әртүрлі сандық құрамы бар ветеринариялық дәрілік препараттарды бір сауда атауымен тіркеуге;

б) әсер етуші заттардың бірдей сапалық және сандық құрамы бар және бір құқық иеленуші 2 және одан да көп ветеринариялық препараттар түрінде тіркеуге ұсынған ветеринариялық дәрілік препараттарды әртүрлі сауда атауларымен тіркеуге тыйым салынады. Мынадай:

ұсынылған сауда атауын пайдалану құқық пен мораль нормаларына қайшы келуі немесе ұлттық мәдени және (немесе) тілдік ерекшеліктерді өзгеше түрде ескермеуі мүмкін;

ветеринариялық дәрілік препарат осы Қағидалар күшіне енген күнге дейін мүше мемлекеттердің заңнамасына сәйкес әртүрлі сауда атауларымен тіркелген жағдайларда әсер етуші заттардың бірдей сапалық және сандық құрамы бар ветеринариялық дәрілік препараттардың әртүрлі сауда атауларымен тіркеуге жол беріледі;

в) өнімді жануарларға (оның ішінде жануарлардан алынған акваөсіру объектілеріне) қолдану мақсатында арналған және өзінің құрамында № 4 қосымшаға сәйкес тізбе бойынша дәрілік заттар бар ветеринариялық дәрілік препараттарды тіркеуге;

г) Одақ құқығына кіретін актілерде фармацевтикалық ветеринариялық дәрілік препараттардың және (немесе) олардың жануарлардан алынатын шикізатқа метаболиттерінің әсер етуші заттарының (әсер етуші затының) қалдық мөлшерінің барынша жол берілетін деңгейінің (бұдан әрі – барынша жол берілетін деңгей) мәндері және тиісті талаптар белгіленгенге дейін оларды айқындау әдістемесі болмаған кезде (осы Қағидалардың 65 және 212-тармақтарына сәйкес тіркеу жөніндегі референттік орган бастамашылық ететін рәсімді ескере отырып) өнімді жануарларға (оның ішінде жануарлардан алынатын акваөсіру объектілеріне) қолдану мақсатында арналған фармацевтикалық ветеринариялық дәрілік препараттарды тіркеуге тыйым салынады.

29. Одақ шеңберінде жануарлар ауруларын емдеу және олардың профилактикасы мақсатында фармацевтикалық субстанцияларды өткізуге және пайдалануға тыйым салынады.

30. Ветеринариялық дәрілік препараттарды тіркеуді немесе тіркеуге байланысты өзге де рәсімдерді (тіркеуді растау, ветеринариялық дәрілік препараттың тіркеу дерекнамасына өзгерістер енгізу, ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіру, ветеринариялық дәрілік препараттарды тіркегеннен кейін Одаққа қосылған мемлекеттерде Одақ шеңберінде тіркелген ветеринариялық дәрілік препараттарды тіркеуді тану, тіркеудің күшін жою), сондай-ақ ветеринариялық дәрілік препараттардың айналымын тоқтата тұруды уәкілетті органдар жүзеге асырады.

Уәкілетті орган мүше мемлекеттің заңнамасына сәйкес ветеринариялық дәрілік препараттарды тіркеу және тіркеуге байланысты өзге де рәсімдерді жүзеге асыру жөніндегі өз өкілеттіктерін сараптама мекемесіне бере алады.

31. Ветеринариялық дәрілік препаратты тіркеу немесе тіркеуге байланысты өзге де рәсімдерді жүзеге асыру туралы шешімді ветеринариялық дәрілік затты сараптау нәтижелері негізінде уәкілетті орган қабылдайды.

Өтініш беруші уәкілетті органдардың бірі (оның ішінде тіркеу жөніндегі референттік орган) ветеринариялық дәрілік препаратты тіркеу немесе тіркеуге байланысты өзге де рәсімдерді жүзеге асыру қорытындылары бойынша шешіммен келіспеген жағдайда, келіспеушіліктерді реттеу осы Қағидалардың V бөлімінің 12-кіші бөліміне сәйкес жүзеге асырылады.

32. Тіркеу қорытындылары бойынша (тіркеуді растау, ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіру) Одақтың ветеринариялық дәрілік препараттары тізілімінде Одақтың интеграцияланған ақпараттық жүйесінің (бұдан әрі – интеграцияланған жүйе) құралдарын пайдалана отырып, ветеринариялық дәрілік препаратқа мынадай схема бойынша қалыптастырылатын тіркеу нөмірі беріледі:

ВДП – ЕАЭО-NNNNNN-YY,

мұнда:

ВДП – ветеринарлық дәрілік препарат;

ЕАЭО – Еуразиялық экономикалық одақ;

NNNNNN – тіркеу кезінде ветеринариялық дәрілік препаратты тіркеу жөніндегі референттік орган берген 6 таңбалы реттік нөмір;

YY – уәкілетті органы тіркеу жөніндегі референттік орган болып табылатын мүше мемлекеттің 2 таңбалы әріптік халықаралық коды.

Ветеринариялық дәрілік препараттың берілген тіркеу нөмірі Одақтың кедендік аумағында ветеринариялық дәрілік препараттың айналымының барлық мерзімі ішінде, оның ішінде ветеринариялық дәрілік препараттың тіркелгені расталған кезде сақталады.

33. Одақтың ветеринариялық дәрілік препараттарының тізілімі № 5 қосымшаға сәйкес тәртіппен қалыптастырылады және жүргізіледі.

34. Ветеринариялық дәрілік заттардың сараптамасын мүше мемлекеттің заңнамасына сәйкес уәкілетті орган айқындаған сараптама мекемесі жүзеге асырады.

35. Уәкілетті органдар мен сараптама мекемелері мүше мемлекеттердің заңнамасына сәйкес ветеринариялық дәрілік препаратты тіркеу немесе тіркеуге байланысты өзге де рәсімдерді жүзеге асыру процесінде алынған ветеринариялық дәрілік препараттың тіркеу дерекнамасындағы ақпараттың құпиялылығын қамтамасыз етеді.

36. Ветеринариялық дәрілік препаратты тіркеуге өтініш бергенге дейін немесе тіркеуге байланысты өзге де рәсімдерді жүзеге асыру мақсатында мүше мемлекеттердің уәкілетті органдары және (немесе) сараптама мекемелері өтініш берушінің сұрау салуы бойынша мүше мемлекеттердің заңнамасына сәйкес ветеринариялық дәрілік препараттың тіркеу дерекнамасы құжаттарының және басқа да деректердің көлемін, ветеринариялық дәрілік препараттың тіркеу дерекнамасын және (немесе) басқа да тіркеу материалдарын мемлекеттік тілге аудару қажеттігін (егер осы мүше мемлекетте орыс тілі мемлекеттік тіл болып табылмаған жағдайда), өтініш беру форматы және тіркеу дерекнамасы қажеттілігін, ветеринариялық дәрілік құралдың үлгілерін, ветеринариялық дәрілік заттың үлгілеріне сараптама мекемесінде сараптама жүргізу үшін қажетті стандартты үлгілерді, материалдарды, өзіндік ерекшелігі бар реактивтерді, шығыс материалдарын ұсыну қажеттілігін анықтау мақсатында ветеринариялық дәрілік препараттарды тіркеу немесе тіркеуге байланысты өзге де рәсімдерді жүзеге асыру мәселелері бойынша, оның ішінде клиникаға дейінгі және клиникалық зерттеулерді (сынақтарды) жүргізуге қатысты, ветеринариялық дәрілік препаратты тіркеу схемасының әртүрлілігі (немесе тіркеуге байланысты өзге де рәсімдерді жүзеге асыру) мәселелері бойынша, сондай-ақ ветеринариялық дәрілік заттардың Одақтың кедендік аумағындағы айналымына байланысты басқа да мәселелер бойынша тіркеу алдындағы консультациялар жүргізуге құқылы.

Егер уәкілетті органы өтініш берушінің таңдауы бойынша ветеринариялық дәрілік препаратты тіркеу рәсіміне немесе тіркеуге байланысты өзге де рәсімдерге қатысатын мүше мемлекетте орыс тілі мемлекеттік тіл болып табылмаған жағдайда, осы мүше мемлекеттің уәкілетті органы тіркеу алдындағы консультациялар барысында өтініш берушіні ресми хатпен ол үшін ветеринариялық дәрілік препараттың тіркеу дерекнамасын және (немесе) басқа да тіркеу материалдарын мемлекеттік тілге аудармасын ұсыну қажеттігі туралы (мүше мемлекеттің заңнамасында тиісті талаптар болған кезде) хабардар етеді.

37. Тіркеу жөніндегі референттік орган ретінде бір ғана уәкілетті орган әрекет ете алады.

Өтініш беруші ветеринариялық дәрілік препаратты тіркеу туралы өтініш берген кезде тіркеу жөніндегі референттік органды таңдауды дербес жүзеге асырады.

Тіркеу жөніндегі референттік орган ветеринариялық дәрілік препаратты тіркеуден бас тартқан жағдайда өтініш беруші кез келген мүше мемлекеттің уәкілетті органына ветеринариялық дәрілік препаратты тіркеу туралы өтінішті қайтадан бере алады.

38. Тіркеу жөніндегі референттік органның уәкілетті органдармен және (немесе) сараптамалық мекемелермен, сондай-ақ Еуразиялық экономикалық комиссиямен (бұдан әрі – Комиссия) тіркеу жөніндегі ақпараттық өзара іс-қимылы интеграцияланған жүйе құралдарын пайдалана отырып. электрондық түрде жүзеге асырылады.

39. Уәкілетті органдардың ақпараттық өзара іс-қимылы, сондай-ақ мүше мемлекеттердің фармакопеяларын үйлестіру мақсатында ветеринариялық дәрілік препараттарды таңбалау, ветеринариялық дәрілік препараттың тіркеу дерекнамасын жасау, Одақтың ветеринариялық дәрілік препараттарының тізілімін қалыптастыру кезінде пайдаланылатын дәрілік нысандардың атауларын біріздендіру үшін Еуразиялық экономикалық комиссия Алқасының 2015 жылғы 22 желтоқсандағы № 172 шешімімен бекітілген Дәрілік нысандардың номенклатурасы пайдаланылады.

40. Осы Қағидаларға сәйкес алғаш рет тіркелген ветеринариялық дәрілік препаратты тіркеудің қолданылу мерзімі 5 жылды құрайды. Көрсетілген мерзім өткеннен кейін ветеринариялық дәрілік препаратты тіркеу расталуға тиіс. Расталған жағдайда тіркеу шектеусіз мерзімге (мерзімсіз тіркеу) ресімделеді. Осы Қағидалардың 132-тармағында көзделген жағдайларда 5 жылға бір қосымша тіркеуді растау тағайындалуы мүмкін.

41. Ветеринариялық дәрілік препаратты тіркеуге немесе тіркеуге байланысты өзге де рәсімдерді жүзеге асыруға қатысты қабылданған шешімдер туралы тіркеу жөніндегі референттік орган тиісті шешім қабылданған күннен бастап 5 жұмыс күнінен кешіктірмей уәкілетті органдарды және (немесе) сараптама мекемелерін интеграцияланған жүйе құралдарын пайдалану арқылы, ал өтініш берушіге электрондық түрдегі ресми хат және табыс етілгені туралы хабарлама бар тапсырысты пошта жөнелтілімін жіберу арқылы хабардар етеді. Хат тапсырысты пошта жөнелтілімімен жіберілген күннен бастап 5 жұмыс күні өткеннен кейін алынды деп есептеледі.

42. Теріс нәтижемен ветеринариялық дәрілік препаратты тіркеу рәсімі аяқталған немесе тіркеуге байланысты өзге де рәсімдер жүзеге асырылған жағдайда тіркеу жөніндегі референттік орган өтініш берушінің сұрау салуы бойынша мынадай құжаттарды қағаз жеткізгіште қайтарады:

а) ветеринариялық дәрілік препаратты тіркеу рәсімі шеңберінде ұсынылған ветеринариялық дәрілік препараттың тіркеу дерекнамасы;

б) ветеринариялық дәрілік препараттың тіркелгенін растау рәсімі шеңберінде фармакологиялық қадағалау шеңберінде (тексеру нәтижелері, қосымша клиникаға дейінгі және (немесе) клиникалық зерттеулер (сынақтар) нәтижелері, өзекті ғылыми және (немесе) әдеби деректер және басқалары) өтініш берушінің бастамасы бойынша ұсынылған ветеринариялық дәрілік препараттың қауіпсіздігі мен тиімділігі туралы мерзімді есеп (бұдан әрі – мерзімді есеп) және басқа да материалдар (бар болған кезде);

в) тіркелген ветеринариялық дәрілік препараттың тіркеу дерекнамасына өзгерістер енгізу рәсімі (бұдан әрі – өзгерістер енгізу рәсімі) шеңберінде № 6 қосымшаға сәйкес тіркелген ветеринариялық дәрілік препараттың тіркеу дерекнамасына өзгерістер енгізу үшін қажетті құжаттар тізбесіне сәйкес өтініш беруші ұсынған құжаттар (бұдан әрі – құжаттар тізбесі);

г) осы Қағидаларға сәйкес жаңартылған ветеринариялық дәрілік препараттың тіркеу дерекнамасы (бұдан әрі – жаңартылған тіркеу дерекнамасы), мүше мемлекеттердің заңнамасына сәйкес осы Қағидалар күшіне енгенге дейін тіркелген ветеринариялық дәрілік препараттың тіркеу дерекнамасын, осы Қағидалардың талаптарына сәйкес келтіру рәсімі шеңберінде (бұдан әрі – тіркеу дерекнамасына сәйкес келтіру рәсімі) өтініш беруші ұсынған түсіндірме жазба-негіздеме және мерзімді есеп.

43. Ветеринариялық дәрілік препараттарды тіркеуге немесе тіркеуге байланысты өзге де рәсімдерді жүзеге асыруға, сондай-ақ көрсетілген рәсімдерді жүзеге асыруға байланысты бастамашылық жасалатын осы Қағидалардың талаптарын сақтау тұрғысынан фармацевтикалық инспекциялар жүргізуге өтініш беруші жұмсаған шығыстар өтелмейді.

2. Ветеринариялық дәрілік заттарды сараптаудың жалпы принциптері

44. Ветеринариялық дәрілік заттардың сараптамасы ветеринариялық дәрілік препараттың сапасын, қауіпсіздігін және тиімділігін бағалау жолымен ветеринариялық дәрілік препаратты қолданудың ықтимал қатеріне күтілетін пайданың қатынасын айқындау үшін жүргізіледі және мыналарды қамтиды:

а) ветеринариялық дәрілік препараттың тіркеу дерекнамасын немесе тіркеу дерекнамасын толықтыратын құжаттарды сараптау:

ветеринариялық дәрілік препараттың сапасы, қауіпсіздігі және тиімділігі туралы ұсынылған мәліметтердің толықтығы мен дұрыстығын тексеруді;

ветеринариялық дәрілік препараттың тіркеу дерекнамасының құрамына кіретін немесе тіркеу дерекнамасын толықтыратын құжаттардың өзара келісімділігін тексеруді көздейді;

б) ветеринариялық дәрілік зат үлгілерінің сараптамасы осы Қағидаларда көзделген жағдайларда мыналарды:

аккредиттелген зертханаларда (сынақ орталықтарында) ветеринариялық дәрілік зат үлгілерінің ветеринариялық дәрілік затқа арналған нормативтік құжаттың талаптарына сәйкестігіне зерттеулер (сынақтар) жүргізуді;

өтініш беруші ұсынған ветеринариялық дәрілік препаратты бақылау әдістерінің жаңғыртылуын бағалауды;

ветеринариялық дәрілік заттың үлгілерін зерттеу (сынақ) нәтижелерін сапаны бақылаудың пайдаланылған әдістерін көрсете отырып, зерттеулер (сынақтар) хаттамасымен (хаттамаларымен) ресімдеуді;

ветеринариялық дәрілік заттың үлгілерін және ұсынылған ветеринариялық дәрілік препараттың тіркеу дерекнамасы деректерін ветеринариялық дәрілік препараттың сапасы мәніне зерттеулердің (сынақтардың) алынған нәтижелерінің сәйкестігін бағалауды қамтиды;

в) ветеринариялық дәрілік затты бағалау жөніндегі сараптама қорытындысыны ресімдеу.

45. Ветеринариялық дәрілік заттардың сараптамасын сараптама мекемесінің сарапшылары, сондай-ақ қажет болған жағдайда сараптама мекемесі тартатын басқа да сараптама мекемелерінің немесе ұйымдарының сарапшылары жүргізеді.

46. Ветеринариялық дәрілік затты бағалау жөніндегі сараптама қорытындысыны қалыптастыруға жауапты сарапшының жоғары ветеринариялық, медициналық, фармацевтикалық, биологиялық және (немесе) химиялық білімі, ветеринариялық дәрілік заттарды сараптау саласында кемінде 3 жыл жұмыс тәжірибесі, бейінді салада магистр дәрежесі немесе ғылыми дәрежесі болуы тиіс және оның құзыреті мүше мемлекеттің заңнамасына сәйкес расталуға тиіс.

47. Сараптама жүргізу кезінде:

а) сарапшының:

сараптама тағайындаған адамға, өтінім берушіге немесе сараптама нәтижелеріне мүдделі басқа да адамдарға қандай да бір тәуелділікте болуға;

өтінім берушіден не өзге де тұлғалардан сараптама жүргізу үшін қажетті материалдарды сұратуға құқығы жоқ. Сараптама мекемесіне келіп түскен тіркеу материалдарында сараптама қорытындысын ресімдеу үшін мәліметтер және (немесе) ақпарат жеткіліксіз болған жағдайда сараптама мекемесі тіркеу жөніндегі референттік органға тиісті сұрау салумен жүгінеді. Тіркеу жөніндегі референттік орган өтініш берушіге қажетті материалдарды ұсыну туралы тиісті сұрау салу жібереді;

сарапшыға сараптама жүргізуге байланысты белгілі болған мәліметтерді, сондай-ақ мүше мемлекеттердің заңнамасына сәйкес мемлекеттік құпияға (мемлекеттік құпияларға) жатқызылған ақпаратты таратуға;

өтініш берушінің бейресми өтініші бойынша сараптама жүргізуге, сараптама жүргізу үшін материалдарды өз бетінше жинауға, коммерциялық негізде сараптама жүргізуге құқығы жоқ;

б) сарапшы:

тіркеу материалдарына толық көлемде сараптама жүргізуге, алдына қойылған мәселелер бойынша негізделген және объективті қорытынды немесе ветеринариялық дәрілік затқа сараптама жүргізудің мүмкін еместігі туралы дәлелді қорытынды беруге;

қажет болған жағдайда сараптама мекемесінің басшысы алдында ветеринариялық дәрілік затқа сараптама жүргізуге басқа сарапшыларды (оның ішінде басқа сараптама мекемелерінен немесе ұйымдардан) тарту туралы өтінішхат беруге;

ұсынылған тіркеу материалдарының сақталуын қамтамасыз етуге;

осы Қағидаларға № 3 қосымшада көзделген талаптарға сәйкес ветеринариялық дәрілік заттардың жұмсалмаған қалдықтарын жоюды қамтамасыз етуге міндетті.

48. Ветеринариялық дәрілік затқа сараптама жүргізу тапсырылған сарапшы тәуелсіз және өз бетінше зерттеулер (сынақтар) жүргізеді, өзі және (немесе) басқа сарапшылар алған нәтижелерді бағалайды және өз құзыреті шегінде қойылған мәселелерге қатысты тұжырымдар қалыптастырады.

49. Ветеринариялық дәрілік затқа сараптама жүргізуге тартылатын сарапшылар мүше мемлекеттің заңнамасына сәйкес негізсіз немесе жалған тұжырымдар бар қорытынды бергені үшін жауаптылық туралы ескертіледі.

50. Сараптама мекемесінің өтініш беруші ұсынған ветеринариялық дәрілік зат үлгілеріне сараптама жүргізуі мүмкін болмаған жағдайда (оның ішінде, егер иммунологиялық (иммундық-биологиялық) ветеринариялық дәрілік препараттың сапасына бақылау жүргізу үшін белсенді емес микроорганизмдер қажет болған жағдайда), мұндай сараптама тіркеу жөніндегі референттік органмен келісу бойынша осы немесе басқа мүше мемлекеттің кез келген аккредиттелген зертханасында (сынақ орталығында) немесе Халықаралық эпизоотиялық бюроға тиісті өкілеттіктермен берілген үшінші елдің референттік зертханасында (орталығында) сараптама мекемесі өкілдерінің қатысуымен жүргізіледі.

Ветеринариялық дәрілік заттардың үлгілерін мүше мемлекеттің аккредиттелген зертханасына (сынақ орталығына) немесе Халықаралық эпизоотиялық бюро тиісті өкілеттіктер берген үшінші елдің референттік зертханасына (орталығына) жеткізуді өтініш беруші өз есебінен жүзеге асырады. Өтемақыны жеткізу шығындары жатпайды.

51. Өтініш беруші ұсынған ветеринариялық дәрілік заттың үлгілеріне сараптама жүргізу үшін олардың жарамсыздығы себебінен сараптама жүргізу мүмкін болмаған жағдайда, тіркеу жөніндегі референттік орган өтініш берушіге бұл туралы осы Қағидалардың 41-тармағында көрсетілген тәсілмен және сараптама мекемесінен тиісті ақпаратты алған күннен бастап көрсетілген мерзімде хабарлайды.

Өтініш беруші осындай хабарламаны алған күннен бастап 45 жұмыс күнінен кешіктірмей ветеринариялық дәрілік заттың қажетті үлгілерін сараптама мекемесіне қайтадан ұсынады. Ветеринариялық дәрілік препаратты тіркеу рәсімі немесе тіркеуге байланысты және ветеринариялық дәрілік зат үлгілерінің сараптамасын көздейтін өзге де рәсімдерді жүзеге асыру осы кезеңге тоқтатыла тұрады.

Ветеринариялық дәрілік заттың үлгілері сараптама мекемесіне 45 жұмыс күні ішінде түспеген немесе өтініш беруші сараптама жүргізуге жарамсыз ветеринариялық дәрілік заттың үлгілерін қайтадан ұсынған жағдайда, сараптама мекемесі ветеринариялық дәрілік препаратты тіркеу рәсімі қайта басталған күннен бастап 5 жұмыс күнінен кешіктірмей бұл туралы тіркеу жөніндегі референттік органды хабардар етеді, ол хабардар етілген күннен бастап 5 жұмыс күнінен кешіктірмей ветеринариялық дәрілік препаратты тіркеу немесе ветеринариялық дәрілік зат үлгілерін тіркеуге байланысты және оларға сараптама жүргізуді көздейтін өзге де рәсімдерді жүзеге асыру рәсімін аяқтау туралы шешім қабылдайды, бұл туралы өтініш берушіні, уәкілетті органдарды және (немесе) сараптама мекемелерін осы Қағидалардың 41-тармағында көрсетілген тәсілмен және мерзімде хабардар етеді.

52. Ветеринариялық дәрілік затқа сараптама жүргізу кезінде тіркеу жөніндегі референттік орган және уәкілетті органдар және (немесе) сараптама мекемелері тіркеу жөніндегі референттік орган арқылы өтініш берушіге осы Қағидалардың 41-тармағында көрсетілген тәсілмен және мерзімде жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарды және ветеринариялық дәрілік препараттың тіркеу дерекнамасында көрсетілген деректерді қажетті түсіндірулерді немесе нақтылауларды ұсыну туралы бір реттік сұрау салу (оның ішінде ветеринариялық дәрілік препаратты қолдану жөніндегі нұсқаулыққа өзгерістер енгізу туралы ұсыныстар, бастапқы және екінші қаптамалары бар макеттер, ветеринариялық дәрілік затқа арналған нормативтік құжат немесе ветеринариялық дәрілік препараттың тіркеу дерекнамасының құрамына кіретін басқа да құжаттар) жіберуге құқылы. Уәкілетті орган және (немесе) сараптама мекемесі қалыптастырған сұрау салуда тіркеу жөніндегі референттік органға осы Қағидалардың 78, 112, 159, 177, 219 және 249-тармақтарына сәйкес ұсынылатын сараптама қорытындысы және (немесе) ветеринариялық дәрілік заттың үлгілерін зерттеу (сынау) хаттамалары бойынша нақтылайтын мәселелер қамтылуы мүмкін.

Нақтылаушы сұрау салуларды кейіннен жіберуге тіркеу жөніндегі референттік органнан ғана және алдыңғы сұрау салуға жауапта өтінім беруші ұсынған мәліметтерге қатысты қосымша сұрақтар туындаған жағдайда ғана жол беріледі.

53. Өтініш берушінің осы Қағидалардың 52-тармағында көрсетілген тіркеу жөніндегі референттік органның сұрау салуына жауапты ұсыну мерзімі (оның ішінде уәкілетті органдардың және (немесе) сараптама мекемелерінің сұрау салуларына) олардың сұрау салуды (сұрау салуларды) алған күнінен бастап 90 жұмыс күнінен аспауға тиіс. Егер сұрау салуға жауап дайындау қосымша зерттеулер (сынақтар) жүргізуді талап етсе және (немесе) материалдарды көрсетілген мерзімде ұсыну мүмкін болмаса, өтініш беруші тіркеу жөніндегі референттік органға мерзімді ұлғайту қажеттілігін негіздей отырып, материалдарды дайындау мерзімін ұзарту туралы еркін нысанда орыс тілінде өтінішпен (қағаз жеткізгіште және (немесе) электрондық түрде) жүгінуге құқылы. Өтініш берушінің жеткілікті негіздемесінің негізінде көрсетілген мерзімді тіркеу жөніндегі референттік орган ұзартуы мүмкін. Көрсетілген сауалға жауаптың жалпы мерзімі 180 жұмыс күнінен аспауы тиіс.

54. Өтініш берушінің ветеринариялық дәрілік затты сараптау процесінде тіркеу жөніндегі референттік органның сұрау салуына (оның ішінде уәкілетті органдардың және (немесе) сараптама мекемелерінің сұрау салуларына) осы Қағидалардың 52-тармағында көрсетілген жауапты ұсыну уақыты осы сараптаманы, ветеринариялық дәрілік препаратты тіркеуді және тіркеуге байланысты өзге де рәсімді жүргізу мерзіміне кірмейді.

55. Өтініш беруші сұратылған құжаттар мен мәліметтерді белгіленген мерзімде ұсынбаған жағдайда, ветеринариялық дәрілік затты сараптау тоқтатылады. Тіркеу жөніндегі референттік орган өтініш берушіні, уәкілетті органдарды және (немесе) сараптама мекемелерін осы Қағидалардың 41-тармағында көрсетілген тәсілмен және мерзімде қабылданған шешім туралы хабардар етеді.

56. Ветеринариялық дәрілік зат сараптамасының нәтижелері № 7 қосымшаға сәйкес нысан бойынша сараптама мекемесінің (сараптама мекемелерінің) сарапшылар комиссиясының алдын ала, қорытынды және жиынтық сараптама қорытындысымен ресімделеді.

57. Сараптама қорытындысыда ветеринариялық дәрілік препараттың тіркеу дерекнамасын сараптау нәтижелері, ветеринариялық дәрілік зат үлгілерін сараптау нәтижелері және зерттеулер (сынақтар) нәтижесінде жасалған қорытындылар көрсетіледі. Пікірі ветеринариялық дәрілік затты сараптауға қатысатын сарапшылардың шешімімен сәйкес келмейтін сарапшы өз пікірін жазбаша нысанда білдіруге құқылы, ол сараптама қорытындысына қоса тіркеледі.

58. Тіркеу жөніндегі референттік орган бірнеше сараптама мекемелерін тартқан жағдайда, ол олардың біреуін барлық сараптама қорытындыларын жинақтауға жауапты етіп тағайындайды.

V. Ветеринариялық дәрілік препаратты тіркеу тәртібі немесе тіркеуге байланысты өзге де рәсімдерді жүзеге асыру

1. Ветеринариялық дәрілік препараттарды тіркеу тәртібі

59. Тіркеу жөніндегі референттік орган ветеринариялық дәрілік затқа сараптама жүргізу туралы шешім қабылдаған күннен бастап Одақтың ветеринариялық дәрілік препараттары тізіліміне ветеринариялық дәрілік препарат туралы мәліметтерді енгізу күніне дейін ветеринариялық дәрілік препараттарды тіркеу рәсімін жүргізу мерзімін мыналар құрайды:

а) құрамына әсер етуші заттар кірмейтін немесе осы Қағидаларға № 8 қосымшаға сәйкес тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін – 235 жұмыс күні (№ 9 қосымшаның 9.1-блок-схемасы);

б) құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін – 155 жұмыс күні (осы Қағидаларға № 9 қосымшаның 9.2-блок-схемасы).

60. Ветеринариялық дәрілік препаратты тіркеу мақсатында өтініш беруші тіркеу жөніндегі референттік орган болатын мүше мемлекеттің уәкілетті органына:

ветеринариялық дәрілік препаратты қағаз жеткізгіште және (немесе)электрондық түрде тіркеу туралы өтінішті № 10 қосымшаға (10.1-нысан) сәйкес нысан бойынша;

мүше мемлекеттің заңнамасында белгіленген жағдайларда және тәртіппен ветеринариялық дәрілік заттың сараптамасы үшін алымның (баждың) тіркеу жөніндегі референттік органға төленгенін растайтын құжаттарды;

осы Қағидалардың 282-тармағында көрсетілген ветеринариялық дәрілік препараттың тіркеу дерекнамасының құрылымына қойылатын талаптарға сәйкес тізімдеме бойынша ветеринариялық дәрілік препараттың тіркеу дерекнамасын (қағаз жеткізгіште және электрондық түрде) орыс тілінде ұсынады.

Одақ құқығына кіретін актілерде ең жоғары рұқсат етілген деңгейдің мәні болмаған кезде өтініш беруші тіркеу жөніндегі референттік органға қосымша материалдарды (мүше мемлекеттің адам денсаулығын қорғау саласындағы уәкілетті органының ең жоғары рұқсат етілген деңгейдің мәнін ("жол берілмегеннен" жоғары) келісу туралы құжатты (белгіленген тәртіппен куәландырылған құжаттың көшірмесін), қосымша клиникаға дейінгі және (немесе) клиникалық зерттеулердің (сынақтардың) нәтижелерін, өзекті ғылыми және (немесе) әдеби деректерді және басқаларын), оларды өнімді жануарлар (оның ішінде жануарлардан алынатын акваөсіру объектілері) үшін қолдану мақсатында арналған фармацевтикалық ветеринариялық дәрілік препараттың тіркеу дерекнамасының құрамына енгізіп ұсынуға құқылы.

Ветеринариялық дәрілік заттың үлгілері тіркеу жөніндегі референттік органның өкімі бойынша сараптама мекемесіне ұсынылады.

61. Тіркеу жөніндегі референттік орган уәкілетті органдармен және (немесе) сараптама мекемелерімен және Комиссиямен одан әрі ақпараттық өзара іс-қимыл жасау мақсатында ветеринариялық дәрілік препаратты тіркеу туралы өтінішті алған кезде өтінішке мынадай схема бойынша бірегей нөмір береді:

NNNNNN-YY,

мұнда:

NNNNNN – тіркеу жөніндегі референттік орган өтінішке берген
6 таңбалы реттік нөмір;

YY – уәкілетті органы тіркеу жөніндегі референттік орган болып табылатын мүше мемлекеттің 2 таңбалы әріптік халықаралық коды.

Тіркеу жөніндегі референттік орган өтініш берушіге ветеринариялық дәрілік препаратты тіркеу туралы өтінішке берілген бірегей нөмірді хабарлайды.

62. Ветеринариялық дәрілік препаратты тіркеу рәсімі барысында тіркеу жөніндегі референттік орган, уәкілетті органдар және (немесе) сараптама мекемелері мен Комиссия арасындағы ақпараттық өзара іс-қимыл осы Қағидаларға № 5 қосымшада көзделген тәртіпке сәйкес жүзеге асырылады.

63. Тіркеу жөніндегі референттік орган ветеринариялық дәрілік препаратты тіркеу туралы өтініш қабылданған күннен бастап 10 жұмыс күнінен кешіктірмей ветеринариялық дәрілік препараттың тіркеу дерекнамасының құрамына кіретін құжаттардың жинақтылығын бағалауды жүзеге асырады, содан кейін оларды сараптамаға жібереді. Өтініш берушіге тіркеу жөніндегі референттік органның ескертулері бойынша ветеринариялық дәрілік препараттың тіркеу дерекнамасының жетіспейтін материалдарын ұсынуға ветеринариялық дәрілік препаратты тіркеу рәсімін жүргізу мерзіміне кірмейтін 30 жұмыс күнінен аспайтын мерзім беріледі.

64. Тіркеу жөніндегі референттік орган өтініш беруші тіркеу жөніндегі референттік органның ескертулері бойынша ветеринариялық дәрілік препараттың тіркеу дерекнамасының жетіспейтін материалдарын ұсынбаған және (немесе) мүше мемлекеттің заңнамасында белгіленген жағдайларда және тәртіппен ветеринариялық дәрілік заттың сараптамасы үшін алымды (бажды) тіркеу жөніндегі референттік органға төлемді растамаған жағдайда ветеринариялық дәрілік препаратты тіркеу туралы өтінішті қабылдамайды және ветеринариялық дәрілік препараттың тіркеу дерекнамасын өтініш берушіге қағаз жеткізгіште қайтарады.

65. Тіркеу жөніндегі референттік органның ветеринариялық дәрілік затқа сараптама жүргізу туралы шешім қабылдаған күні ветеринариялық дәрілік препаратты тіркеу рәсімін жүргізу басталған күн болып табылады.

Тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде өтініш берушіні, тіркеу рәсімін жүргізуге қатысатын уәкілетті органдарды және (немесе) сараптама мекемелерін қабылданған шешім туралы (ветеринариялық дәрілік препаратты тіркеу туралы өтінішке берілген нөмірді көрсете отырып) хабардар етеді. Көрсетілген хабарламамен бір мезгілде тіркеу жөніндегі референттік орган өтініш берушіге ветеринариялық дәрілік заттың үлгілерін ұсыну үшін сараптама мекемесінің атауын, оның орналасқан жерін (заңды тұлғаның мекенжайын) және қызметті жүзеге асыру орнының мекенжайын (егер мекен-жайы әртүрлі болса) хабарлайды.

Өтініш беруші ұсынған ветеринариялық дәрілік препараттың тіркеу дерекнамасы толық жиынтықта тіркеу жөніндегі референттік орган көрсетілген мерзімде сараптама жасау үшін сараптама мекемесіне жібереді.

Өнімді жануарларға (оның ішінде жануарлардан алынатын акваөсіру объектілеріне) қолдану мақсатында арналған фармацевтикалық ветеринариялық дәрілік препаратты тіркеу рәсіміне бастамашылық жасалған және Одақ құқығына кіретін актілерде рұқсат етілген ең жоғары деңгейдің мәні болмаған жағдайда, осы фармацевтикалық ветеринариялық дәрілік препаратты тіркеу туралы өтініш берген кезде тіркеу жөніндегі референттік орган осындай ветеринариялық дәрілік препаратты тіркеу рәсімі басталған күннен бастап 10 жұмыс күнінен аспайтын мерзімде Комиссияға Одақ құқығына кіретін актілерге:

өтініш беруші осы Қағидалардың 60-тармағының бесінші абзацында көрсетілген қосымша материалдарды ұсынбаған кезде "жол берілмейді" деген ең жоғары рұқсат етілген деңгейдің мәндерін (талдамалық әдістің сезімталдық деңгейінде);

өтініш беруші осы Қағидалардың 60-тармағының бесінші абзацында көрсетілген қосымша материалдарды ұсынған кезде мүше мемлекеттің адам денсаулығын қорғау саласындағы уәкілетті органмен келісілген рұқсат етілген ең жоғары деңгейдің мәндерін белгілеу бөлігінде өзгерістер енгізу өтінішімен өтінім жібереді.

66. Өтініш беруші тіркеу жөніндегі референттік органның ветеринариялық дәрілік затқа сараптама жүргізу туралы шешімін алған күннен бастап 45 жұмыс күнінен кешіктірмей фармацевтикалық ветеринариялық дәрілік препаратты тіркеу мақсатында ветеринариялық дәрілік затқа сапа сараптамасын жүргізу үшін сараптама мекемесіне әрбір өндірістік алаңнан сапаны бақылау әдістерін 3 есе жаңғырту үшін қажетті мөлшерде:

технологиялық құжаттардың (өнеркәсіптік регламент, технологиялық регламент немесе технологиялық нұсқаулық) талаптарына сәйкес өндірілген ветеринариялық дәрілік препараттың үлгілерін;

фармацевтикалық субстанцияның стандартты үлгілерін және (немесе) фармацевтикалық субстанцияның үлгілерін;

осы Қағидалардың 34-тармағына сәйкес уәкілетті орган айқындаған сараптама мекемесімен келісім бойынша ерекше реагенттерді және басқа да шығыс материалдарын ұсынады.

Үлгілерді ұсынғанға дейін тіркеу рәсімі тоқтатыла тұрады.

Өнімді жануарларға (оның ішінде жануарлардан алынатын акваөсіру объектілеріне) қолдану мақсатында арналған фармацевтикалық ветеринариялық дәрілік препаратты тіркеу рәсіміне бастамашылық жасалған және Одақ құқығына кіретін актілерде рұқсат етілген ең жоғары деңгейдің мәні болмаған жағдайда, осы фармацевтикалық ветеринариялық дәрілік препаратты тіркеу туралы өтініш берген кезде өтініш беруші фармацевтикалық ветеринариялық дәрілік заттың үлгілерімен бір мезгілде сараптама мекемесіне фармацевтикалық ветеринариялық дәрілік препараттың әсер етуші заттарының (әсер етуші затының) және (немесе) оның жануарлардан алынатын шикізатқа метаболиттерінің қалдық мөлшерін айқындау әдістемесін 3 есе жаңғырту үшін қажетті мөлшердегі стандартты үлгілерді және жануарлардан алынатын шикізат үлгілеріне тиісті зерттеулер (сынақтар) жүргізу үшін қажетті басқа да шығыс материалдарын қосымша ұсынады.

67. Өтініш беруші тіркеу жөніндегі референттік органның ветеринариялық дәрілік затқа сараптама жүргізу туралы шешімін алған күннен бастап 45 жұмыс күнінен кешіктірмей, иммунологиялық (иммундық-биологиялық) ветеринариялық дәрілік препаратты тіркеу мақсатында сараптама мекемесіне ветеринариялық дәрілік затқа сапа сараптамасын жүргізу үшін әрбір өндірістік алаңнан сапаны бақылау әдістерін 3 есе жаңғырту үшін қажетті мөлшерде:

технологиялық құжаттардың (өнеркәсіптік регламенттің, технологиялық регламенттің немесе технологиялық нұсқаулықтың) талаптарына сәйкес өндірілген ветеринариялық дәрілік препараттың үлгілерін;

микроорганизмдердің тест-жүйелерін немесе штамдарын (әдіс фармакопеялық болып табылмаған жағдайда);

стандартты үлгілерді;

осы Қағидалардың 34-тармағына сәйкес уәкілетті орган айқындаған сараптама мекемесімен келісім бойынша ерекше реагенттерді және басқа да шығыс материалдарын ұсынады.

Қажет болған кезде өтініш беруші гендер реттілігінің модификациясы туралы ақпаратты (микроорганизм штамының генетикалық құрылымы өзгерген кезде) қосымша ұсынады. Үлгілерді ұсыну сәтіне дейін тіркеу рәсімі тоқтатыла тұрады.

68. Өтініш беруші 45 жұмыс күні ішінде ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын ұсынбаған жағдайда, сараптама мекемесі ветеринариялық дәрілік препаратты тіркеу рәсімі қайта басталған күннен бастап 5 жұмыс күнінен кешіктірмей бұл туралы тіркеу жөніндегі референттік органды хабардар етеді. Тіркеу жөніндегі референттік орган сараптама мекемесінен көрсетілген ақпаратты алған күннен бастап 5 жұмыс күнінен кешіктірмей осы Қағидалардың 91-тармағына сәйкес ветеринариялық дәрілік препаратты тіркеуден бас тарту туралы шешім қабылдайды және осы Қағидалардың 90-тармағына сәйкес іс-әрекеттерді жүзеге асырады. Ветеринариялық дәрілік препаратты тіркеу рәсімі тоқтатылады.

69. Ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын алған кезде сараптама мекемесі өтініш берушіге олардың алынғанын құжатпен растайды, ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын алған күннен бастап 5 жұмыс күнінен кешіктірмей олардың сараптамаға жарамдылығын және қажетті зерттеулер (сынақтар) жүргізу мүмкіндігін бағалайды және көрсетілген мерзімдерде бұл туралы тіркеу жөніндегі референттік органды хабардар етеді. Сараптама мекемесі ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын алған күннен бастап тіркеу рәсімі қайта басталады.

70. Сараптама мекемесінің ветеринариялық дәрілік препаратты тіркеу мақсатында ветеринариялық дәрілік затқа сараптама жүргізу мерзімі мыналарды құрайды:

құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін – 100 жұмыс күнінен аспайды;

құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін – 90 жұмыс күнінен аспайды.

Ветеринариялық дәрілік затты сараптау қорытындылары бойынша алдын ала сараптама қорытындысы, сондай-ақ осы Қағидалардың 52 – 55-тармақтарына сәйкес өтініш берушінің атына жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарды қажетті түсіндірулер мен нақтылауларды және ветеринариялық дәрілік препараттың тіркеу дерекнамасында көрсетілген деректерді ұсыну туралы сұрау салу ресімделеді (қажет болған жағдайда). Алдын ала сараптама қорытындысы және өтініш берушінің атына сұрау салу, ал сұрау салу болмаған жағдайда соңғы сараптамалық қорытындыны сараптама мекемесі көрсетілген мерзімдерде тіркеу жөніндегі референттік органға жібереді.

71. Тіркеу рәсімін тіркеу жөніндегі референттік орган өтініш берушіден осы Қағидалардың 70-тармағында көрсетілген сұрау салуға жауап алған күннен бастап қайта жаңғыртады, ол ветеринариялық дәрілік заттың сараптамасын аяқтау үшін 4 жұмыс күнінен кешіктірмей сараптама мекемесіне жіберіледі.

72. Өтініш беруші ұсынған тіркеу жөніндегі референттік органның сұрау салуға жауапты және түзетілген және (немесе) толықтырылған материалдарды (оның ішінде ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың түзетілген жобаларын және ветеринариялық дәрілік препараттың оларды келісу үшін қаптама макетін) талдау нәтижелері бойынша сараптама мекемесі көрсетілген материалдарды алған күннен бастап 15 жұмыс күнінен кешіктірмей соңғы сараптамалық қорытындыны дайындайды, оны көрсетілген мерзімдерде тіркеу жөніндегі референттік органға жібереді.

73. Өтініш беруші ұсынған ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптама макетінің жобаларын ветеринариялық дәрілік препараттың тіркеу дерекнамасының құжаттарына сәйкес келтіру қажет болған кезде сараптама мекемесі тіркеу жөніндегі референттік органға соңғы сараптамалық қорытындымен бірге көрсетілген жобаларды пысықтау жөніндегі ұсынымдарды жібереді.

Тіркеу жөніндегі референттік орган көрсетілген ұсынымдарды өтініш берушіге осы Қағидалардың 41-тармағында көрсетілген тәсілмен және мерзімде жібереді.

Өтініш берушінің ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препараттың қаптама макетінің жобаларын ветеринариялық дәрілік препараттың тіркеу дерекнамасының құжаттарына сәйкес келтіруі және оларды тіркеу жөніндегі референттік органмен келісуі тіркеу жөніндегі референттік органның көрсетілген жобаларды келісу күнін қоса алғанда, 20 жұмыс күнінен кешіктірілмей жүзеге асырылады.

74. Тіркеу жөніндегі референттік орган өтініш берушіге ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препараттың қаптама макетінің жобаларын ветеринариялық дәрілік препараттың тіркеу дерекнамасының құжаттарына сәйкес келтіру жөніндегі ұсынымдарды жіберген күннен бастап ветеринариялық дәрілік препаратты тіркеу рәсімі тоқтатыла тұрады және тіркеу жөніндегі референттік орган осы жобаларды өтініш берушімен келіскен күннен бастап қайта басталады.

75. Өтініш беруші 20 жұмыс күні ішінде ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препараттың қаптама макетінің жобаларын ветеринариялық дәрілік препараттың тіркеу дерекнамасының құжаттарына толық көлемде сәйкес келтірмеген жағдайда тіркеу жөніндегі референттік органның ұсынымдарына сәйкес (тіркелген ветеринариялық дәрілік препараттың сапасына, қауіпсіздігіне және (немесе) тиімділігіне қатысты талаптар бөлігінде) тіркеу жөніндегі референттік орган көрсетілген мерзім өткен күннен бастап 5 жұмыс күнінен кешіктірмей осы Қағидалардың 91-тармағына сәйкес ветеринариялық дәрілік препаратты тіркеуден бас тарту туралы шешім қабылдайды және осы Қағидалардың 90-тармағына сәйкес іс-әрекеттерді жүзеге асырады. Ветеринариялық дәрілік препаратты тіркеу рәсімі тоқтатылады.

76. Соңғы сараптамалық теріс қорытынды ресімделген жағдайда, тіркеу жөніндегі референттік орган осындай сараптама қорытындысы алынған күннен бастап 5 жұмыс күнінен кешіктірмей осы Қағидалардың 91-тармағына сәйкес ветеринариялық дәрілік препаратты тіркеуден бас тарту туралы шешім қабылдайды және осы Қағидалардың 90-тармағына сәйкес іс-әрекеттерді жүзеге асырады. Ветеринариялық дәрілік препаратты тіркеу рәсімі тоқтатылады.

77. Құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препаратты тіркеу барысында соңғы сараптамалық оң қорытынды ресімделген жағдайда, тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптама макетінің жобаларын келіскен күннен бастап өтініш берушіге осы Қағидалардың 41-тармағында көрсетілген тәсілмен және мерзімде тіркеу жөніндегі референттік органға ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптама макетінің жобасындағы мәтіннің өзімен келісілген аудармасын орыс тілінен аумағында ветеринариялық дәрілік препараттың айналымы болжанып отыр мүше мемлекеттің мемлекеттік тіліне (мүше мемлекеттің заңнамасында тиісті талаптар болған кезде) ұсыну қажеттігі туралы хабардар етеді.

Ветеринариялық дәрілік препаратты тіркеу рәсімі өтініш берушінің аталған аударманы жүзеге асыруы мақсатында 20 жұмыс күнінен аспайтын мерзімге тоқтатыла тұрады және оны өтініш берушіден алған күннен бастап қайта басталады.

Өтініш беруші ветеринариялық дәрілік препаратты тіркеу рәсімі тоқтатылған күннен бастап 20 жұмыс күні ішінде көрсетілген аударманы ұсынбаған жағдайда тіркеу жөніндегі референттік орган ветеринариялық дәрілік препаратты тіркеу рәсімі қайта басталған күннен бастап 5 жұмыс күнінен кешіктірмей осы Қағидалардың 91-тармағына сәйкес ветеринариялық дәрілік препаратты тіркеуден бас тарту туралы шешім қабылдайды және осы Қағидалардың 90-тармағына сәйкес іс-әрекеттерді жүзеге асырады. Ветеринариялық дәрілік препаратты тіркеу рәсімі тоқтатылады.

Құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препаратты тіркеу кезінде осы Қағидалардың 78 – 86-тармақтарының ережелері қолданылмайды.

78. Соңғы сараптамалық оң қорытынды ресімделген жағдайда тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын келіскен күннен бастап өтініш берушіні осы Қағидалардың 41-тармағында көрсетілген тәсілмен және мерзімде тіркеу жөніндегі референттік органға уәкілетті органдарға мүше мемлекеттердің заңнамасында белгіленген жағдайларда және тәртіппен ветеринариялық дәрілік препаратты тіркеу рәсімін жүргізу шеңберінде ветеринариялық дәрілік препаратқа арналған құжаттардың сараптамасы үшін алым (баж) төленгенін растайтын құжаттарды, сондай-ақ тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларын жобасындағы мәтіннің жобаларын орыс тілінен орыс тілінен аумағында ветеринариялық дәрілік препараттың айналымы болжанып отыр мүше мемлекеттің мемлекеттік тіліне (мүше мемлекеттің заңнамасында тиісті талаптар болған кезде) ұсыну қажеттігі туралы хабардар етеді.

Ветеринариялық дәрілік препаратты тіркеу рәсімін жүргізу шеңберінде басқа уәкілетті органдардың және (немесе) сараптама мекемелерінің сараптамасына жататын ветеринариялық дәрілік препаратқа арналған құжаттарға мыналар жатады:

ветеринариялық дәрілік препараттың тіркеу дерекнамасы (өтініш беруші тіркеу рәсімін жүргізу басталғанға дейін ұсынады);

соңғы сараптамалық қорытынды (тіркеу рәсімін жүргізу барысында тіркеу жөніндегі референттік орган ұсынады);

ветеринариялық дәрілік заттардың үлгілерін зерттеу (сынау) хаттамалары (тіркеу жөніндегі референттік орган тіркеу рәсімін жүргізу барысында ұсынады);

тіркеу жөніндегі референттік органның сұрау салуы және өтініш берушінің мұндай сұрау салуға жауабы (тіркеу жөніндегі референттік орган тіркеу рәсімін жүргізу барысында ұсынады) (бар болған кезде);

тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препараттың қаптама макетінің жобалары (тіркеу рәсімін жүргізу барысында тіркеу жөніндегі референттік орган ұсынады).

79. Ветеринариялық дәрілік препаратты тіркеу рәсімі өтініш берушіге уәкілетті органдарға мүше мемлекеттердің заңнамасында белгіленген жағдайларда және тәртіппен ветеринариялық дәрілік препаратты тіркеу рәсімін жүргізу шеңберінде уәкілетті органдарға ветеринариялық дәрілік препаратқа арналған құжаттардың сараптамасы үшін алым (баж) төлеу және тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің аумағында ветеринариялық дәрілік препараттың айналымы болжанып отырған мүше мемлекеттің мемлекеттік тіліне орыс тілінен аудармасын (мүше мемлекеттің заңнамасындағы тиісті талаптар болған кезде) жүзеге асыру мүмкіндігін ұсыну мақсатында 20 жұмыс күнінен аспайтын мерзімге тоқтатыла тұрады.

80. Өтініш беруші аумақтарында ветеринариялық дәрілік препараттың айналымын жоспарлаған мүше мемлекеттердің уәкілетті органдарына ветеринариялық дәрілік препаратты тіркеу рәсімін жүргізу шеңберінде ветеринариялық дәрілік препаратқа арналған құжаттардың сараптамасы үшін алым (баж) төленгені расталмаған жағдайда (өтініш беруші мүше мемлекеттердің заңнамасында белгіленген мөлшерлерде алым (баж) төленгенін растайтын құжаттарды ұсынбаса) тіркеу жөніндегі референттік орган ветеринариялық дәрілік препаратты тіркеу рәсімі қайта басталған күннен бастап 5 жұмыс күнінен кешіктірмей ветеринариялық дәрілік препаратты тіркеу туралы шешім қабылдайды (осы ветеринариялық дәрілік препаратты тек өз мемлекетінің аумағында ғана қолдану мүмкіндігімен) және осы Қағидалардың 89-тармағына сәйкес іс-қимылды жүзеге асырады.

81. Өтініш беруші аумақтарында ветеринариялық дәрілік препараттың айналымын жоспарлаған мүше мемлекеттердің уәкілетті органдарына ветеринариялық дәрілік препаратты тіркеу рәсімін жүргізу шеңберінде ветеринариялық дәрілік препаратқа арналған құжаттардың сараптамасы үшін алым (баж) төленгені расталған жағдайда (өтініш беруші мүше мемлекеттердің заңнамасында белгіленген мөлшерлерде алым (баж) төленгенін растайтын құжаттарды ұсынса), сондай-ақ тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің аумағында ветеринариялық дәрілік препараттың айналымы болжанып отырған мүше мемлекеттің мемлекеттік тіліне орыс тілінен аудармасы (мүше мемлекеттің заңнамасындағы тиісті талаптар болған кезде) электрондық жеткізгіште ұсынылған жағдайда тіркеу жөніндегі референттік орган ветеринариялық дәрілік препаратты тіркеу рәсімі қайта басталған күннен бастап 5 жұмыс күнінен кешіктірмей тіркеу рәсімін жүргізуге қатысатын уәкілетті органдарға және (немесе) сараптама мекемелеріне ветеринариялық дәрілік препараттың тіркеу дерекнамасына, соңғы сараптамалық қорытындыға, ветеринариялық дәрілік зат үлгілерін зерттеулер (сынақтар) хаттамаларына, тіркеу жөніндегі референттік органның сұрау салуына жауапқа, сондай-ақ тіркеу жөніндегі референттік органмен келісілген ветеринариялық дәрілік затқа арналған нормативтік құжаттың, ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларына (аумағында ветеринариялық дәрілік препараттың айналымы болжанып отырған мүше мемлекеттің мемлекеттік тіліне орыс тілінен аудармасына (мүше мемлекеттің заңнамасындағы тиісті талаптар болған кезде)) рұқсат береді.

82. Өтініш беруші ветеринариялық дәрілік препаратты тіркеу рәсімі тоқтатыла тұрған күннен бастап 20 жұмыс күні ішінде тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің аумағында ветеринариялық дәрілік препараттың айналымы болжанып отырған мүше мемлекеттің мемлекеттік тіліне орыс тілінен аудармасын (мүше мемлекеттің заңнамасындағы тиісті талаптар болған кезде) ұсынбаған жағдайда, тіркеу жөніндегі референттік орган ветеринариялық дәрілік препаратты тіркеу рәсімі қайта басталған күннен бастап 5 жұмыс күнінен кешіктірмей осы Қағидалардың 91-тармағына сәйкес ветеринариялық дәрілік препаратты тіркеуден бас тарту туралы шешім қабылдайды және осы Қағидалардың 90-тармағына сәйкес іс-қимылды жүзеге асырады. Ветеринариялық дәрілік препаратты тіркеу рәсімі тоқтатылады.

83. Тіркеу рәсімін жүргізуге қатысатын сараптама мекемелері соңғы сараптамалық қорытындыға, ветеринариялық дәрілік зат үлгілерін зерттеулер (сынақтар) хаттамаларына, ветеринариялық дәрілік препараттың тіркеу дерекнамасына, тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препараттың қаптамасы макетінің жобаларын тіркеу жөніндегі референттік органның сұрау салуына жауапқа талдау жүргізеді және қажет болған жағдайда осы Қағидалардың 52 – 55-тармақтарына сәйкес өтініш берушінің атына және (немесе) тіркеу жөніндегі референттік органға жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарға және ветеринариялық дәрілік препараттың тіркеу дерекнамасында көрсетілген деректерге қатысты қажетті түсіндірулерді немесе нақтылауларды ұсыну туралы сұрау салуды тіркеу жөніндегі референттік орган көрсетілген материалдарға қол жеткізуді ұсынған күннен бастап 25 жұмыс күнінен кешіктірмей қалыптастырады. Осындай талдаудың нәтижелерін көрсетілген мерзімде сараптама мекемесі тиісті уәкілетті органға жібереді.

Өтініш берушінің атына және (немесе) тіркеу жөніндегі референттік органға сараптама мекемесі қалыптастырған сұрау салуды уәкілетті орган оны сараптама мекемесінен алған күннен бастап 5 жұмыс күнінен кешіктірмей тіркеу жөніндегі референттік органға жібереді, ол өз кезегінде уәкілетті органдардан сұрау салулар келіп түскен күннен бастап 5 жұмыс күнінен кешіктірмей басқа уәкілетті органдардан келіп түскен барлық сұрау салуларды біріктіреді (тіркеу жөніндегі референттік органға нақтылаушы мәселелері бар (бар болған кезде) сұрау салуларды қоспағанда) және осы сұрау салуларды осы Қағидалардың 41-тармағында көрсетілген тәсілмен және мерзімде өтініш берушіге жібереді.

84. Тіркеу жөніндегі референттік орган уәкілетті органдардың сұрау салуларын өтініш берушіге жіберген күннен бастап ветеринариялық дәрілік препаратты тіркеу рәсімі осы Қағидалардың 52 – 55-тармақтарына сәйкес 60 жұмыс күнінен аспайтын мерзімге тоқтатыла тұрады және уәкілетті органдардың сұрау салуларына өтініш берушінің жауабы тіркеу жөніндегі референттік органға келіп түскен сәттен бастап қайта басталады.

Тіркеу жөніндегі референттік орган:

өтініш берушіден уәкілетті органдардың сұрау салуларына жауап алған күннен бастап 5 жұмыс күнінен кешіктірмей уәкілетті органдарға және (немесе) сараптама мекемелеріне өтініш берушінің жауабына және (бар болған кезде) түзетілген және (немесе) толықтырылған материалдарға қолжетімділік ұсынады;

уәкілетті органдардан тіркеу жөніндегі референттік органға нақтылаушы сұрақтармен сұрау салулар (бар болған кезде) алған күннен бастап 5 жұмыс күнінен кешіктірмей уәкілетті органдарға және (немесе) сараптама мекемелеріне сұрау салуларға өзінің жауабына қолжетімділік ұсынады.

85. Өтініш берушінің жауабына, тіркеу жөніндегі референттік органның жауабына жүргізілген талдау және (бар болған кезде) түзетілген және (немесе) толықтырылған материалдар негізінде сараптау мекемесі көрсетілген материалдарға қолжетімділік ұсынылған күннен бастап 10 жұмыс күнінен кешіктірмей тиісті уәкілетті органды ветеринариялық дәрілік препаратты тіркеу мүмкіндігі (немесе мүмкін еместігі) туралы хабардар етеді. Уәкілетті орган өз кезегінде осындай ақпаратты алған күннен бастап 5 жұмыс күнінен кешіктірмей осы Қағидалардың 92-тармағына сәйкес тіркеуге ұсынылған ветеринариялық дәрілік препаратқа қатысты шешім қабылдайды және бұл туралы тіркеу жөніндегі референттік органды осы Қағидалардың 41-тармағында көрсетілген тәсілмен және мерзімде хабардар етеді.

86. Сараптама мекемесі тіркеу жөніндегі референттік органның тапсырмасы бойынша тіркеу жөніндегі референттік орган барлық мүше мемлекеттердің уәкілетті органдарының тіркеуге ұсынылған ветеринариялық дәрілік препаратқа қатысты шешімдерін алған күннен бастап 5 жұмыс күнінен кешіктірмей жиынтық сараптама қорытындысыны ресімдейді, онда барлық уәкілетті органдардың осындай ветеринариялық дәрілік препаратты өз мүше мемлекетінің аумағында тіркеуге келісетіні (немесе келіспейтіні) туралы шешімі көрсетіледі және көрсетілген мерзім шеңберінде оны тіркеу жөніндегі референттік органға жібереді.

87. Тіркеу жөніндегі референттік орган жиынтық немесе соңғы сараптамалық қорытындының негізінде (осы Қағидалардың 77, 78 және 86-тармақтарында көзделген жағдайларда) оны сараптама мекемесінен алған күннен бастап 5 жұмыс күнінен кешіктірмей:

а) құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препаратты тіркеу туралы (уәкілетті органдары оны тіркеуге келіскен мүше мемлекеттердің аумақтарында осы ветеринариялық дәрілік препараттың айналымы мүмкіндігімен);

б) құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препаратты тіркеу туралы (осы ветеринариялық дәрілік препараттың Одақтың кедендік аумағында айналымы мүмкіндігімен);

в) ветеринариялық дәрілік препаратты тіркеуден бас тарту туралы шешім қабылдайды.

88. Жиынтық немесе соңғы сараптамалық қорытындыны (осы Қағидалардың 77, 78 және 86-тармақтарында көзделген жағдайларда) тіркеу жөніндегі референттік орган тіркеуге ұсынылған ветеринариялық дәрілік препаратқа қатысты оң шешімді қабылдаған күннен бастап осы Қағидалардың 41-тармағында көрсетілген тәсілмен және мерзімде тіркеу жөніндегі референттік орган өтініш берушіге жібереді. Бұл ретте сараптама қорытындысында көрсетілген сарапшылар туралы мәліметтердің құпиялылығы қамтамасыз етілуге тиіс.

89. Тіркеу жөніндегі референттік орган ветеринариялық дәрілік препаратты тіркеу туралы оң шешім қабылдаған кезде осындай шешім қабылданған күннен бастап 10 жұмыс күнінен кешіктірмей уәкілетті органдарды және (немесе) сараптама мекемелерін осы Қағидалардың 41-тармағында көрсетілген тәсілмен қабылданған шешім туралы хабардар етеді, осы Қағидалардың 32-тармағына сәйкес ветеринариялық дәрілік препаратқа тіркеу нөмірін бере отырып, 5 жылға тіркеуді ресімдейді, Одақтың ветеринариялық дәрілік препараттары тізіліміне енгізу үшін ветеринариялық дәрілік препарат туралы қажетті мәліметтерді Комиссияға ұсынады және өтініш берушіге:

а) ветеринариялық дәрілік затқа арналған келісілген нормативтік құжатты;

б) орыс тіліндегі және аумағында ветеринариялық дәрілік препараттың айналымы болжанатын мүше мемлекеттің мемлекеттік тіліндегі (мүше мемлекеттің заңнамасында тиісті талаптар бар болған кезде) ветеринариялық дәрілік препаратты қолдану жөніндегі келісілген нұсқаулықты;

в) орыс тіліндегі және аумағында ветеринариялық дәрілік препараттың айналымы болжанатын мүше мемлекеттің мемлекеттік тіліндегі (мүше мемлекеттің заңнамасында тиісті талаптар бар болған кезде) бастапқы және екінші қаптамалары бар болған кезде келісілген макеттерді (мүше мемлекеттің заңнамасында тиісті талаптар болған кезде) осы ветеринариялық дәрілік препараттың тіркеу нөмірін көрсете отырып береді.

90. Тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде ветеринариялық дәрілік препаратты тіркеуден бас тарту туралы шешім қабылдау кезінде осындай шешім қабылданған күннен бастап мынадай іс-қимылдарды жүзеге асырады:

а) өтініш берушіге жиынтық немесе соңғы сараптамалық қорытындыны жібереді (тіркеу жөніндегі референттік орган соңғы сараптамалық теріс қорытынды ресімдеген жағдайда);

б) бас тарту себептерін көрсете отырып, уәкілетті органдарды және (немесе) сараптама мекемелерін осы ветеринариялық дәрілік препаратқа қатысты қабылданған шешім туралы хабардар етеді;

в) аумақтарында ветеринариялық дәрілік препараттың айналымы болжанатын мүше мемлекеттердің уәкілетті органдарына және (немесе) сараптама мекемелеріне тіркеу шарттарына сәйкес жиынтық немесе соңғы (тіркеу жөніндегі референттік орган соңғы сараптамалық теріс қорытынды ресімдеген жағдайда) сараптама қорытындысына қолжетімділік ұсынады.

91. Мыналар тіркеу жөніндегі референттік органның ветеринариялық дәрілік препараттың тіркеуден бас тартуы үшін негіздер болып табылады:

а) тіркелетін ветеринариялық дәрілік препараттың сапасы, қауіпсіздігі және тиімділігі туралы шешімнің алынған деректермен расталмауы;

б) өтініш берушінің белгіленген мерзімде ветеринариялық дәрілік заттың үлгілерін, стандартты үлгілерді және оның сапасын бақылау әдістерін жаңғырту үшін басқа да шығын материалдары қажет болған кезде, сараптама қорытындысына сәйкес тіркеу жөніндегі референттік органның сұрау салуына жауапты (оның ішінде ветеринариялық дәрілік препараттың тіркеу дерекнамасының түзетілген құжаттарын) ұсынбауы;

в) ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркелетін ветеринариялық дәрілік препараттың сапасына, қауіпсіздігіне және тиімділігіне теріс әсер етуі мүмкін ветеринариялық дәрілік препараттың тіркеу дерекнамасының құжаттарымен сәйкес келтірмеу және (немесе) ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препараттың қаптама макетінің жобасындағы мәтіннің аумағында ветеринариялық дәрілік препараттың айналымы болжанатын мүше мемлекеттің мемлекеттік тіліне орыс тілінен аудармасын ұсынбау (мүше мемлекеттің заңнамасында тиісті талаптар болған кезде);

г) ветеринариялық дәрілік препараттың тіркеу дерекнамасында көрсетілген деректердің анық еместігін анықтау;

д) мүше мемлекеттің аумағында тіркеуге ұсынылған ветеринариялық дәрілік препараттың айналымына тыйым салатын аурулардың профилактикасы және (немесе) оларды жою жөніндегі бағдарламаларды немесе өзге де ветеринариялық іс-шараларды іске асыру (шешімді тіркеу жөніндегі референттік орган тек өз мемлекетінің аумағына қатысты қабылдайды);

е) Одақтың кедендік аумағында немесе қандай да бір мүше мемлекеттің аумағында ветеринариялық дәрілік препараттың құрамына кіретін заттардың айналымына тыйым салу немесе айналымын шектеу (қолдануды шектеу) (шешімді тіркеу жөніндегі референттік орган тек өз мемлекетінің аумағына қатысты қабылдайды);

ж) фармацевтикалық инспекцияның теріс нәтижемен аяқталуы және соның салдарынан сертификаттың болмауы;

з) өнімді жануарларға (оның ішінде жануарлардан алынатын акваөсіру объектілеріне) қолдану мақсатында арналған фармацевтикалық ветеринариялық дәрілік препаратты тіркеу рәсімі аяқталған сәтте Одақ құқығына кіретін актілерде рұқсат етілген ең жоғары деңгей мәнінің болмауы (осы Қағидалардың 195-тармағының үшінші абзацында көрсетілген рәсімді ескере отырып).

92. Мыналар ветеринариялық дәрілік препаратты тіркеу рәсіміне қатысатын уәкілетті органның тиісті мүше мемлекеттің аумағында ветеринариялық дәрілік препараттың айналымынан бас тартуы үшін негіздер болып табылады:

а) № 11 қосымшаға сәйкес талаптарға сәйкес ұсынылған тіркелетін ветеринариялық дәрілік препараттың тіркеу дерекнамасы деректерінің оның сапасын, қауіпсіздігін және тиімділігін растамауы (ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып, осы шешімді қабылдауға негіз болған себептердің егжей-тегжейлі негіздемесін қоса бере отырып), осы Қағидалардың 78-тармағының екінші абзацына сәйкес ветеринариялық дәрілік препаратты тіркеу рәсімін жүргізу шеңберінде басқа уәкілетті органдардың және (немесе) сараптама мекемелерінің сараптамасына жататын (осы құжаттарда жіберілген техникалық сипаттағы қателер тиісті мүше мемлекеттің аумағында ветеринариялық дәрілік препараттың айналымынан бас тартуға негіз бола алмайды) және осы Қағидалардың 52-тармағына сәйкес нақтылайтын сұрақтармен сұрау салуды қалыптастыру мүмкіндігін ескере отырып). Ветеринариялық дәрілік препараттың тіркеу дерекнамасында көрсетілген сапа, қауіпсіздік және (немесе) тиімділік көрсеткіштеріне қатысты бөлігінде сараптама мекемесі берген зерттеулер (сынақтар) хаттамасына мәселелер болған жағдайда мүдделі уәкілетті органдар арасында консультациялар жүргізіледі;

б) тіркеуге ұсынылған ветеринариялық дәрілік препараттың айналымына тыйым салатын аурулардың профилактикасы және (немесе) оларды жою жөніндегі бағдарламаларды немесе өзге де ветеринариялық іс-шараларды мүше мемлекеттің аумағында іске асыру;

в) Одақтың кедендік аумағында немесе қандай да бір мүше мемлекеттің аумағында ветеринариялық дәрілік препараттың құрамына кіретін заттардың айналымына тыйым салу немесе айналымын шектеу (қолданылуын шектеу);

г) ветеринариялық дәрілік препараттың тіркеу дерекнамасында көрсетілген мәліметтердің анық еместігін анықтау (осы Қағидалардың 78-тармағының екінші абзацына сәйкес ветеринариялық дәрілік препаратты тіркеу рәсімін жүргізу шеңберінде басқа уәкілетті органдардың және (немесе) сараптама мекемелерінің сараптамасына жататын ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып, ветеринариялық дәрілік препараттың тіркеу дерекнамасы деректерінің анық еместігін анықтау фактісінің егжей-тегжейлі негіздемесін қоса бере отырып).

93. Ветеринариялық дәрілік препарат туралы мәліметтерді Одақтың ветеринариялық дәрілік препараттары тізіліміне енгізу күні немесе тіркеу жөніндегі референттік органның ветеринариялық дәрілік препаратты тіркеуден бас тарту туралы шешім қабылдаған күн ветеринариялық дәрілік препаратты тіркеу рәсімін аяқтау күні болып табылады.

2. Ветеринарлық дәрілік препараттарды тіркеудің жеңілдетілген рәсімі

94. Қалпына келтірілген ветеринариялық дәрілік препараттарға (дженериктерге) қатысты ветеринариялық дәрілік препараттарды тіркеудің оңайлатылған рәсімі қолданылуы мүмкін.

Тіркеу жөніндегі референттік орган ветеринариялық дәрілік затқа сараптама жүргізу туралы шешім қабылдаған күннен бастап ветеринариялық дәрілік препарат туралы мәліметтер Одақтың ветеринариялық дәрілік препараттары тізіліміне енгізілген күнге дейін ветеринариялық дәрілік препараттарды тіркеудің оңайлатылған рәсімін жүргізу мерзімі мыналарды құрайды:

құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін – 180 жұмыс күні (осы Қағидаларға № 9 қосымшаның 9.3-блок-схемасы);

құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін – 95 жұмыс күні (осы Қағидаларға № 9 қосымшаның 9.4-блок-схемасы).

95. Ветеринариялық дәрілік препаратты оңайлатылған рәсім бойынша тіркеу осы кіші бөлімнің ережелеріне сәйкес:

а) ветеринариялық дәрілік затқа сараптама жүргізуді мынадай мерзімдерде қамтамасыз еткен кезде:

құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін – 45 жұмыс күнінен аспайды;

құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін – 35 жұмыс күнінен аспайды;

б) ветеринариялық дәрілік препараттың тіркеу дерекнамасына қалпына келтірілген ветеринариялық дәрілік препаратты (дженериктің) референттік ветеринариялық дәрілік препаратқа тіркеуге ұсынылатын биобаламалылығын зерттеу нәтижелерін енгізген;

в) № 12 қосымшаға сай талаптарға сәйкес қайта өндірілген ветеринариялық дәрілік препаратты (дженерикті) тіркеуге ұсынылатын биобаламалылығына зерттеулер (сынақтар) жүргізген кезде жүзеге асырылады.

96. Ветеринариялық дәрілік препараттарды тіркеудің оңайлатылған рәсімі мыналарға:

а) иммунологиялық (иммундық-биологиялық) ветеринариялық дәрілік препараттарға;

б) биотехнологиялық ветеринариялық дәрілік препараттарға;

в) гендік-терапиялық ветеринариялық дәрілік препараттарға;

г) бұрын тіркелген ветеринариялық дәрілік препараттардың жаңа комбинацияларына;

д) бұрын тіркелген, бірақ басқа дәрілік нысандарда және (немесе) жаңа дозада өндірілген ветеринариялық дәрілік препараттарға қатысты қолданылмайды.

3. Ветеринариялық дәрілік препараттардың тіркелгенін растау тәртібі

97. Ветеринариялық дәрілік препараттың тіркелгенін растау рәсіміне өтініш беруші бастамашы болады.

98. С даты принятия референтным органом по регистрации решения о проведении экспертизы ветеринарного лекарственного средства до дня внесения сведений о ветеринарном лекарственном препарате в реестр ветеринарных лекарственных препаратов Союза срок проведения процедуры подтверждения регистрации ветеринарных лекарственных препаратов составляет:

а) құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін – 170 жұмыс күні (осы Қағидаларға № 9 қосымшаның 9.5-блок-схемасы);

б) құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін – 85 жұмыс күні (осы Қағидаларға № 9 қосымшаның 9.6-блок-схемасы).

99. Ветеринариялық дәрілік препараттың тіркелгенін растау мақсатында өтініш беруші ветеринариялық дәрілік препаратты бастапқы тіркеу күні тіркеу жөніндегі референттік орган болып табылған уәкілетті органға орыс тілінде:

а) осы Қағидаларға № 10 қосымшада көзделген нысан бойынша қағаз жеткізгіште және (немесе) электрондық түрде ветеринариялық дәрілік препараттың тіркелгенін растау туралы өтініш (10.2-нысан);

б) тіркеу жөніндегі референттік органға мүше мемлекеттің заңнамасында белгіленген жағдайларда және тәртіппен ветеринариялық дәрілік затты сараптағаны үшін алымның (баждың) төленгенін растайтын құжаттар;

в) № 13 қосымшаға сәйкес нысан бойынша ветеринариялық дәрілік препараттың нақты айналым кезеңін ескере отырып (қағаз жеткізгіште және электронды түрде) ветеринариялық дәрілік препаратты тіркеу кезеңіндегі кезеңдік есеп;

г) фармакологиялық қадағалау шеңберінде өтініш берушінің бастамасы бойынша ұсынылатын басқа да материалдар (қағаз жеткізгіште және электрондық түрде).

100. Ветеринариялық дәрілік препараттың тіркелгенін растау туралы өтініш 5 жылдық тіркеудің қолданылу мерзімі аяқталғанға дейін ерте дегенде 180 жұмыс күні бұрын, бірақ осы тіркеудің қолданылу мерзімі аяқталған күннен кешіктірілмей берілуге тиіс.

101. Егер ветеринариялық дәрілік препараттың құқық иеленушісі 5 жылдық тіркеудің қолданылу мерзімі аяқталғанға дейін тіркеуді растау туралы өтініш бермеген жағдайда, ол жарамсыз деп танылады, ал оны тіркеудің қолданылу мерзімі ішінде өндірілген ветеринариялық дәрілік препараттың айналымына осы ветеринариялық дәрілік препараттың жарамдылық мерзімі өткенге дейін жол беріледі.

102. Ветеринариялық дәрілік препараттың тіркелгенін растау рәсімін жүргізу кезеңінде оның Одақтың кедендік аумағындағы айналымына жол беріледі.

103. Тіркеу жөніндегі референттік орган ветеринариялық дәрілік препаратты тіркеуді растау туралы өтінішті алған кезде уәкілетті органдармен және (немесе) сараптама мекемелерімен және Комиссиямен одан әрі ақпараттық өзара іс-қимыл жасау мақсатында осы Қағидалардың 61-тармағына сәйкес өтінішке схема бойынша бірегей нөмір береді.

104. Ветеринариялық дәрілік препаратты тіркелгенін растау рәсімі барысында тіркеу жөніндегі референттік орган, уәкілетті органдар және (немесе) сараптама мекемелері және Комиссия арасындағы ақпараттық өзара іс-қимыл осы Қағидаларға № 5 қосымшада көзделген тәртіпке сәйкес жүзеге асырылады.

105. Тіркеу жөніндегі референттік орган ветеринариялық дәрілік препараттың тіркелгенін растау туралы өтінішті алған күннен бастап 10 жұмыс күнінен кешіктірмей өтініш беруші ұсынған құжаттардың жинақтылығын бағалауды жүзеге асырады және мерзімді есепті және өтініш берушінің бастамасы бойынша фармакологиялық қадағалау шеңберінде сараптамаға ұсынылған басқа да материалдарды жібереді. Өтініш берушіге тіркеу жөніндегі референттік органның ескертулері бойынша жетіспейтін материалдарды ұсынуға ветеринариялық дәрілік препараттың тіркелгенін растауды жүзеге асыру мерзіміне кірмейтін 30 жұмыс күнінен аспайтын мерзім беріледі.

106. Тіркеу жөніндегі референттік орган өтініш беруші тіркеу жөніндегі референттік органның ескертулері бойынша жетіспейтін материалдарды ұсынбаған және (немесе) мүше мемлекеттің заңнамасында белгіленген жағдайларда және тәртіппен тіркеу жөніндегі референттік органға ветеринариялық дәрілік заттың сараптамасы үшін алымды (бажды) төлеуді растамаған жағдайда ветеринариялық дәрілік препараттың тіркелгенін растау туралы өтінішті қабылдамайды және фармакологиялық қадағалау шеңберінде өтініш берушінің бастамасы бойынша ұсынылған мерзімді есепті және басқа да материалдар өтініш берушіге қағаз жеткізгіште қайтарады.

107. Тіркеу жөніндегі референттік органның ветеринариялық дәрілік затқа сараптама жүргізу туралы шешім қабылдаған күні ветеринариялық дәрілік препараттың тіркелгенін растау рәсімін жүргізудің басталған күні болып табылады.

Тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде:

өтініш берушіні, уәкілетті органдарды және (немесе) сараптама мекемелерін осы Қағидалардың 103-тармағына сәйкес ветеринариялық дәрілік препараттың тіркелгенін растау туралы өтінішке берілген бірегей нөмірді көрсете отырып, қабылданған шешім туралы хабардар етеді;

өтініш беруші ұсынған мерзімді есепті және фармакологиялық қадағалау шеңберінде өтініш берушінің бастамасы бойынша ұсынылатын басқа да материалдарды ветеринариялық дәрілік затты сараптау үшін сараптама мекемесіне жібереді.

108. Ветеринариялық дәрілік препараттың тіркелгенін растау мақсатында сараптама мекемесінің ветеринариялық дәрілік затқа сараптама жүргізу мерзімі мыналарды құрайды:

құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін – 40 жұмыс күнінен аспайды;

құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін – 30 жұмыс күнінен аспайды.

Ветеринариялық дәрілік затты сараптау қорытындысы бойынша алдын ала сараптама қорытындысы, сондай-ақ осы Қағидалардың 52 – 55-тармақтарына сәйкес өтініш берушінің атына жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарды, ветеринариялық дәрілік препараттың тіркеу дерекнамасында көрсетілген деректерді, фармакологиялық қадағалау шеңберінде өтініш берушінің бастамасы бойынша ұсынылған мерзімді есепте және (немесе) басқа да материалдарда көрсетілген деректерді қажетті түсіндіруді немесе нақтылауды (қажет болған кезде) ұсыну туралы сұрау салу ресімделеді. Алдын ала сараптама қорытындысын және өтініш берушінің атына сұрау салуды, ал сұрау салу болмаған жағдайда соңғы сараптамалық қорытындыны сараптама мекемесі көрсетілген мерзім шеңберінде тіркеу жөніндегі референттік органға жібереді.

109. Ветеринариялық дәрілік препараттың тіркелгенін растау тіркеу жөніндегі референттік органның тапсырмасы бойынша сараптама мекемесі жүргізетін ветеринариялық дәрілік препаратты қолданудың ықтимал қаупіне күтілетін пайданың қатынасын қайта бағалау негізінде жүзеге асырылады.

110. Соңғы сараптамалық теріс қорытынды ресімделген жағдайда, тіркеу жөніндегі референттік орган осындай қорытындыны алған күннен бастап 5 жұмыс күнінен кешіктірмей осы Қағидалардың 129-тармағына сәйкес ветеринариялық дәрілік препараттың тіркелгенін растаудан бас тарту туралы шешім қабылдайды және осы Қағидалардың 128-тармағына сәйкес іс-әрекеттерді жүзеге асырады. Ветеринариялық дәрілік препараттың тіркелгенін растау рәсімі тоқтатылады.

111. Құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркелгенін растау рәсімі барысында алдын ала сараптама қорытындысы ресімделген жағдайда тіркеу жөніндегі референттік орган өтініш берушіге осы Қағидалардың 41-тармағында көрсетілген тәсілмен және мерзімде сұрау салу жолдайды, ал соңғы сараптамалық оң қорытынды ресімделген жағдайда осы Қағидалардың 118 – 120-тармақтарына (қажет болған кезде) және 125-тармағына сәйкес іс-әрекеттерді жүзеге асырады.

Құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркелгенін растау рәсімі барысында осы Қағидалардың 112 – 116 және 121 – 124-тармақтарының ережелері қолданылмайды.

112. Алдын ала немесе соңғы сараптамалық оң қорытынды ресімделген жағдайда тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде осындай қорытындыны алған күннен бастап өтініш берушіні мүше мемлекеттердің заңнамасында белгіленген жағдайларда және тәртіппен ветеринариялық дәрілік препараттың тіркелгенін растау рәсімін жүргізу шеңберінде ветеринариялық дәрілік препаратқа құжаттарды тіркеу, сараптау үшін алым (баж) шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына төлемді растайтын құжаттарды тіркеу жөніндегі референттік органға ұсыну қажеттігі туралы хабардар етеді.

Ветеринариялық дәрілік препараттың тіркелгенін растау рәсімін жүргізу шеңберінде басқа уәкілетті органдардың және (немесе) сараптама мекемелерінің сараптамасына жататын ветеринариялық дәрілік препаратқа арналған құжаттарға мыналар жатады:

мерзімді есеп (өтініш беруші рәсім басталғанға дейін ұсынады);

фармакологиялық қадағалау шеңберінде өтініш берушінің бастамасы бойынша ұсынылған материалдар (рәсімді жүргізу басталғанға дейін);

алдын ала немесе соңғы сараптамалық қорытынды (тіркеу жөніндегі референттік орган рәсімді жүргізу барысында ұсынады);

тіркеу жөніндегі референттік органның сұрау салуы (тіркеу жөніндегі референттік орган рәсімді жүргізу барысында ұсынады) (бар болған кезде).

113. Ветеринариялық дәрілік препараттың тіркелгенін растау рәсімі аумақтарында ветеринариялық дәрілік препарат тіркеу шарттарына сәйкес айналымда болатын мүше мемлекеттердің уәкілетті органдарына мүше мемлекеттердің заңнамасында белгіленген жағдайларда және тәртіппен ветеринариялық дәрілік препараттың тіркелгенін растау рәсімін жүргізу шеңберінде ветеринариялық дәрілік препаратқа арналған құжаттарды сараптау үшін алым (баж) төлеуге өтініш берушіге мүмкіндік беру мақсатында 10 жұмыс күнінен аспайтын мерзімге тоқтатыла тұрады.

114. Аумақтарында ветеринариялық дәрілік препарат тіркеу шарттарына сәйкес айналымда болатын мүше мемлекеттердің уәкілетті органдарына ветеринариялық дәрілік препараттың тіркелгенін растау рәсімін жүргізу шеңберінде ветеринариялық дәрілік препаратқа арналған құжаттарды сараптау үшін алым (баж) төлеу расталмаған (өтініш беруші алым (баж) мүше мемлекеттердің заңнамасында белгіленген мөлшерлерде төленгенін растайтын құжаттарды ұсынбаған) жағдайда, тіркеу жөніндегі референттік орган осы Қағидалардың 113-тармағында көрсетілген мерзім өткен күннен бастап:

а) ветеринариялық дәрілік препараттың тіркелгенін растау рәсімін жаңартады;

б) осы Қағидалардың 41-тармағында көрсетілген тәсілмен және мерзімде өтініш берушіге сұрау салу (бар болған кезде) жібереді (алдын ала сараптама қорытындысын ресімдеу кезінде);

в) осы Қағидалардың 118 – 120-тармақтарына (қажет болған кезде) және 125-тармағына сәйкес іс-әрекеттерді жүзеге асырады.

115. Тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына ветеринариялық дәрілік препараттың тіркелгенін растау рәсімін жүргізу шеңберінде ветеринариялық дәрілік препаратқа арналған құжаттарды сараптау үшін алым (баж) төленгені расталған (өтініш беруші мүше мемлекеттердің заңнамасында белгіленген мөлшерлерде алым (баж) төленгенін растайтын құжаттарды ұсынған) жағдайда, тіркеу жөніндегі референттік орган ветеринариялық дәрілік препараттың тіркелгенін растау рәсімі қайта басталған күннен бастап 5 жұмыс күнінен кешіктірмей ветеринариялық дәрілік препараттың тіркелгенін растау рәсімін жүргізуге қатысатын уәкілетті органдарға және (немесе) сараптама мекемелеріне фармакологиялық қадағалау шеңберінде өтініш берушінің бастамасы бойынша берілген мерзімді есепке және басқа да материалдарға, алдын ала немесе соңғы сараптамалық қорытындыға және тіркеу жөніндегі референттік органның сұрау салуына (бар болған кезде) рұқсат береді.

116. Ветеринариялық дәрілік препараттың тіркелгенін растау рәсімін жүргізуге қатысатын сараптама мекемелері фармакологиялық қадағалау шеңберінде өтініш берушінің бастамасы бойынша берілген мерзімді есепке, басқа да материалдарға, алдын ала немесе соңғы сараптамалық қорытындыға, тіркеу жөніндегі референттік органның сұрау салуына (бар болған кезде) талдау жүргізеді және қажет болған кезде тіркеу жөніндегі референттік органның сұрау салуына қосымша (бар болған кезде) осы Қағидалардың 52 – 55-тармақтарына сәйкес тіркеу жөніндегі референттік орган көрсетілген материалдарға қолжетімділікті ұсынған күннен бастап 25 жұмыс күнінен кешіктірмей өтініш берушінің атына және (немесе) тіркеу жөніндегі референттік органға жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттардың қажетті түсіндірулерін немесе нақтылауларын және фармакологиялық қадағалау шеңберінде өтініш берушінің бастамасы бойынша ұсынылған мерзімді есепте және (немесе) материалдарда көрсетілген деректерді (қажет болған кезде) беру туралы сұрау салуды қалыптастырады. Мұндай талдаудың нәтижелерін сараптама мекемесі көрсетілген мерзімде тиісті уәкілетті органға жібереді.

Өтініш берушінің атына және (немесе) тіркеу жөніндегі референттік органға сараптама мекемесі тіркеу жөніндегі референттік органның сұрау салуына қосымша қалыптастырған сұрау салуды (бар болған кезде) уәкілетті орган осы сұрау салуды сараптама мекемесінен алған күннен бастап 5 жұмыс күнінен кешіктірмей тіркеу жөніндегі референттік органға жібереді, ол, өз кезегінде, уәкілетті органдардан сұрау салуларды алған күннен бастап 5 жұмыс күнінен кешіктірмей басқа уәкілетті органдардан келіп түскен сұрау салуларды (тіркеу жөніндегі референттік органға нақтылаушы сұрақтармен (бар болған кезде) сұрау салуларды қоспағанда) өзінің сұрау салуымен біріктіреді, біріктірілген сұрау салуды қалыптастырады (тиісті сұрау салулар бар болған кезде) және оны осы Қағидалардың 41-тармағында көрсетілген тәсілмен және мерзімде өтініш берушіге жібереді.

117. Тіркеу жөніндегі референттік орган сұрау салуды (оның ішінде біріктірілген сұрау салуды) өтініш берушіге жіберген күннен бастап осы Қағидалардың 52 – 55-тармақтарына сәйкес ветеринариялық дәрілік препараттың тіркелгенін растау рәсімі 60 жұмыс күнінен аспайтын мерзімге тоқтатыла тұрады және тіркеу жөніндегі референттік органға осы Қағидалардың 115-тармағында көрсетілген сұрау салуға (оның ішінде бірлескен сұрау салуға) өтініш берушінің жауабын келіп түскен күнінен бастап қайта басталады, оны тіркеу жөніндегі референттік орган ветеринариялық дәрілік заттың сараптамасын аяқтау үшін 4 жұмыс күнінен кешіктірмей сараптама мекемесіне жібереді.

Сараптама мекемесі сұрау салуға (оның ішінде біріктірілген сұрау салуға) өтініш берушінің жауабы алынған күннен бастап 15 жұмыс күнінен кешіктірмей оны талдайды, соңғы сараптамалық қорытындыны дайындайды және көрсетілген мерзім шеңберінде бұл қорытындыны тіркеу жөніндегі референттік органға жібереді.

118. Ветеринариялық дәрілік препаратты қолдану жөніндегі нұсқаулыққа және ветеринариялық дәрілік препараты қаптамасының макетіне өзгерістер енгізу қажет болған жағдайда фармакологиялық қадағалау деректерінің негізінде сараптама мекемесі тіркеу жөніндегі референттік органға соңғы сараптамалық қорытындымен бірге оларды пысықтау жөнінде ұсынымдар жібереді (осы Қағидалардың 133-тармағында айқындалған жағдайларды қоспағанда).

Тіркеу жөніндегі референттік орган көрсетілген ұсынымдарды осы Қағидалардың 41-тармағында көрсетілген тәсілмен және мерзімде өтініш берушіге жібереді.

Өтініш берушінің ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне сәйкес келтіруі, оларды тіркеу шарттарына сәйкес аумағында ветеринариялық дәрілік препарат айналымды болатын мүше мемлекеттің мемлекеттік тіліне орыс тілінен аударуы (мүше мемлекеттің заңнамасында тиісті талаптар болған кезде) және тіркеу жөніндегі референттік органмен келісу көрсетілген жобаларды тіркеу жөніндегі референттік органның келісу күнін қоса алғанда, өтініш беруші тіркеу жөніндегі референттік органның ұсынымын алған күннен бастап 20 жұмыс күні ішінде жүзеге асырылады.

119. Тіркеу жөніндегі референттік орган өтініш берушіге жіберген күннен бастап ветеринариялық дәрілік препаратты қолдану жөніндегі нұсқаулықтың және ветеринариялық дәрілік препараттың қаптама макетінің жобаларын тіркеу жөніндегі референттік органның ескертулерімен сәйкес келтіру жөніндегі ұсынымдарды жіберген күннен бастап ветеринариялық дәрілік препараттың тіркелуін растау рәсімі тоқтатыла тұрады және тіркеу жөніндегі референттік орган осы жобаларды өтініш берушімен келіскен күннен бастап қайта басталады.

120. Өтініш беруші 20 жұмыс күні ішінде ветеринариялық дәрілік препаратты қолдану жөніндегі нұсқаулықтың және ветеринариялық дәрілік препараттың қаптама макетінің жобаларын тіркеу жөніндегі референттік органның ескертулерімен толық көлемде сәйкес келтірмеген (тіркелген ветеринариялық дәрілік препараттың сапасына, қауіпсіздігіне және (немесе) тиімділігіне қатысты талаптар бөлігінде) және (немесе) тіркеу шарттарына сәйкес олардың аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасын (мүше мемлекеттің заңнамасында тиісті талаптар болған кезде) ұсынбаған жағдайда, тіркеу жөніндегі референттік орган көрсетілген мерзім өткен күннен бастап 5 жұмыс күнінен кешіктірмей осы Қағидалардың 129-тармағына сәйкес ветеринариялық дәрілік препараттың тіркелгенін растаудан бас тарту туралы шешім қабылдайды және осы Қағидалардың 128-тармағына сәйкес іс-әрекеттерді жүзеге асырады. Ветеринариялық дәрілік препараттың тіркелгенін растау рәсімі тоқтатылады.

121. Тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың және ветеринариялық дәрілік препараттың қаптамасы макетінің жобалары келісілген күннен бастап 5 жұмыс күнінен кешіктірмей өтініш берушінің жауабына, осы Қағидалардың 116-тармағында көрсетілген сұрау салуға нақтылаушы сұрақтарға өзінің жауабына, соңғы сараптамалық қорытындыға және ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің келісілген жобаларына уәкілетті органдарға және (немесе) сараптама мекемелеріне қолжетімділік ұсынады.

122. Өтініш берушінің жауабына және (немесе) тіркеу жөніндегі референттік органның жауабына, соңғы сараптамалық қорытындыға және ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің келісілген жобаларына жүргізілген талдау негізінде сараптама мекемесі көрсетілген материалдарға қолжетімділік ұсынылған күннен бастап 10 жұмыс күнінен кешіктірмей мүмкіндігі туралы тиісті уәкілетті органға ветеринариялық дәрілік препараттың тіркелгенін растау мүмкіндігі (немесе мүмкін еместігі) туралы хабарлайды.

123. Уәкілетті орган, өз кезегінде, осындай ақпаратты алған күннен бастап 5 жұмыс күнінен кешіктірмей, осы Қағидалардың 130-тармағына сәйкес тіркелуін растауға ұсынылған ветеринариялық дәрілік препаратқа қатысты шешім қабылдайды және бұл туралы осы Қағидалардың 41-тармағында көрсетілген тәсілмен және мерзімде тіркеу жөніндегі референттік органды хабардар етеді.

124. Сараптама мекемесі тіркеу жөніндегі референттік органның тапсырмасы бойынша тіркеу жөніндегі референттік орган барлық мүше мемлекеттердің уәкілетті органдарының тіркелуін растауға ұсынылған ветеринариялық дәрілік препаратқа қатысты шешімдерін алған күннен бастап 5 жұмыс күнінен кешіктірмей жиынтық сараптама қорытындысыны ресімдейді, ол барлық уәкілетті органдардың өз мүше мемлекетінің аумағында айналымда болатын осындай ветеринариялық дәрілік препараттың тіркелгенін растауға келісімі (немесе келіспеуі) туралы шешімін көрсетеді және көрсетілген мерзім шеңберінде оны тіркеу жөніндегі референттік органға жібереді.

125. Тіркеу жөніндегі референттік орган жиынтық немесе соңғы сараптамалық қорытынды негізінде (осы Қағидалардың 111, 112 және 124-тармақтарында көзделген жағдайларда) оны сараптама мекемесінен алған күннен бастап 5 жұмыс күнінен кешіктірмей:

а) құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттың тіркелгенін растау туралы (уәкілетті органдары осы препараттың оның тіркелгенін растауға келіскен мүше мемлекеттердің аумақтарындағы айналымы мүмкіндігімен);

б) құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркелгенін растау туралы (осы ветеринариялық дәрілік препараттың Одақтың кедендік аумағындағы айналымы мүмкіндігімен);

в) ветеринариялық дәрілік препараттың тіркелгенін растаудан бас тарту туралы шешім қабылдайды.

126. Жиынтық немесе соңғы сараптамалық қорытындыны (осы Қағидалардың 111, 112 және 124-тармақтарында көзделген жағдайларда) осы Қағидалардың 41-тармағында көрсетілген тәсілмен және мерзімде тіркеу жөніндегі референттік орган тіркелгенін растауға ұсынылған ветеринариялық дәрілік препаратқа қатысты оң шешім қабылдаған күннен бастап тіркеу жөніндегі референттік орган өтініш берушіге жібереді. Бұл ретте сараптама қорытындыда көрсетілген сарапшылар туралы мәліметтердің құпиялылығы қамтамасыз етілуге тиіс.

127. Тіркеу жөніндегі референттік орган ветеринариялық дәрілік препараттың тіркелгенін растау туралы оң шешім қабылдаған кезде осындай шешім қабылданған күннен бастап 10 жұмыс күнінен кешіктірмей уәкілетті органдарды және (немесе) сараптама мекемелерін осы Қағидалардың 41-тармағында көрсетілген тәсілмен қабылданған шешім туралы хабардар етеді, ветеринариялық дәрілік препаратқа бұрын берілген тіркеу нөмірін сақтай отырып, мерзімсіз тіркеуді ресімдейді, ветеринариялық дәрілік препарат туралы қажетті мәліметтерді Одақтың ветеринариялық дәрілік препараттарының тізіліміне енгізу үшін оларды Комиссияға ұсынады және өтініш берушіге:

а) тіркеу шарттарына сәйкес орыс тіліндегі және аумағында ветеринариялық дәрілік препарат айналымда болатын мүше мемлекеттің мемлекеттік тіліндегі (мүше мемлекеттің заңнамасында тиісті талаптар болған кезде) ветеринариялық дәрілік препаратты қолдану жөніндегі келісілген нұсқаулықты;

б) тіркеу шарттарына сәйкес орыс тіліндегі және аумағында ветеринариялық дәрілік препарат айналымда болатын мүше мемлекеттің мемлекеттік тіліндегі (мүше мемлекеттің заңнамасында тиісті талаптар болған кезде) бастапқы және екінші қаптамалардағы келісілген макеттерді, осы ветеринариялық дәрілік препараттың тіркеу нөмірін көрсете отырып береді.

128. Тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде ветеринариялық дәрілік препараттың тіркелгенін растаудан бас тарту туралы шешім қабылданған кезде осындай шешім қабылданған күннен бастап мынадай іс-қимылдарды жүзеге асырады:

а) өтініш берушіге жиынтық немесе соңғы сараптамалық қорытындыны жібереді (тіркеу жөніндегі референттік орган соңғы сараптамалық теріс қорытынды ресімдеген жағдайда);

б) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін бас тарту себептерін көрсете отырып, қабылданған шешім туралы хабардар етеді;

в) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына және (немесе) сараптама мекемелеріне жиынтық немесе соңғы (тіркеу жөніндегі референттік орган соңғы сараптамалық теріс қорытынды ресімдеген жағдайда) сараптама қорытындысына қолжетімділік ұсынады.

129. Мыналар тіркеу жөніндегі референттік органның ветеринариялық дәрілік препараттың тіркелгенін растаудан бас тартуы үшін негіздер болып табылады:

а) мерзімді есепте ұсынылған мәліметтердің анық еместігін анықтау;

б) ветеринариялық дәрілік препараттың құқық иеленушісінің фармакологиялық қадағалау жөніндегі міндеттемелерді орындамауы;

в) өтініш берушінің осы Қағидаларда белгіленген мерзімдерде жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарды қажетті түсіндірулерді немесе нақтылауларды және ветеринариялық дәрілік препараттың тіркеу дерекнамасында көрсетілген деректерді (қажет болған кезде) ұсыну туралы сұрау салуға жауапты ұсынбауы;

г) өтініш берушінің осы Қағидаларда белгіленген мерзімдерде сапаға, қауіпсіздікке және тіркелуін растауға ұсынылған ветеринариялық дәрілік препараттың тиімділігіне теріс әсер етуі мүмкін ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларын тіркеу жөніндегі референттік органның және (немесе) басқа да уәкілетті органдардың ескертулеріне сәйкес келтірмеуі және (немесе) тіркеу шарттарына сәйкес ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препаратты орау макетінің жобасында мәтіннің аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасын ұсынбау (мүше мемлекеттің заңнамасында тиісті талаптар болған кезде);

д) ветеринариялық дәрілік препаратты қолдану қаупінің күтілетін пайдадан асып түсуі;

е) ветеринариялық дәрілік препараттың (мүше мемлекеттің заңнамасына сәйкес тізбесін уәкілетті орган бекітетін жануарлардың аса қауіпті ауруларына, оның ішінде зооноздарға қарсы иммунологиялық (иммундық-биологиялық) ветеринариялық дәрілік препараттарды қоспағанда) барлық мүше мемлекеттерде оны тіркеу кезеңінде фармакологиялық қадағалау деректері негізінде 3 және одан да көп жыл айналымда болмауы;

ж) мүше мемлекеттің аумағында осы ветеринариялық дәрілік препараттың айналымына тыйым салатын аурулардың профилактикасы және (немесе) оларды жою жөніндегі бағдарламаларды немесе өзге де ветеринариялық іс-шараларды іске асыру (шешімді тіркеу жөніндегі референттік орган тек өз мемлекетінің аумағына қатысты қабылдайды);

з) Одақтың кедендік аумағында немесе қандай да бір мүше мемлекеттің аумағында осы ветеринариялық дәрілік препараттың құрамына кіретін заттардың айналымына тыйым салу немесе айналымын шектеу (қолдануды шектеу) (шешімді тіркеу жөніндегі референттік орган тек өз мемлекетінің аумағына қатысты қабылдайды).

130. Мыналар ветеринариялық дәрілік препараттың тіркелгенін растау рәсіміне қатысатын уәкілетті органның ветеринариялық дәрілік препараттың тиісті мүше мемлекеттің аумағындағы айналымынан бас тартуы үшін негіздер болып табылады:

а) ветеринариялық дәрілік препаратты қолдану қаупінің күтілетін пайдадан асып түсуі (осы шешімді қабылдауға негіз болған себептердің егжей-тегжейлі негіздемесін қоса бере отырып, ветеринариялық дәрілік препараттың тіркелгенін растау рәсімін жүргізу шеңберінде осы Қағидалардың 112-тармағының екінші абзацына сәйкес басқа уәкілетті органдардың және (немесе) сараптама мекемелерінің сараптамасына жататын ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып және осы Қағидалардың 52-тармағына сәйкес нақтылайтын сұрақтармен сұрау салуды қалыптастыру мүмкіндігін ескере отырып). Ветеринариялық дәрілік препараттың тіркеу дерекнамасында көрсетілген сапа, қауіпсіздік және (немесе) тиімділік көрсеткіштеріне қатысты бөлігінде сараптама мекемесі берген зерттеулер (сынақтар) хаттамасына мәселелер болған жағдайда мүдделі уәкілетті органдар арасында консультациялар жүргізіледі;

б) ветеринариялық дәрілік препараттың құқық иеленушісінің фармакологиялық қадағалау бойынша міндеттемелерді орындамауы (осы шешімді қабылдауға негіз болған себептердің егжей-тегжейлі негіздемесін қоса бере отырып, ветеринариялық дәрілік препараттың тіркелгенін растау рәсімін жүргізу шеңберінде осы Қағидалардың 112-тармағының екінші абзацына сәйкес басқа уәкілетті органдардың және (немесе) сараптама мекемелерінің сараптамасына жататын ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып);

в) тіркелгенін растау үшін ұсынылған ветеринариялық дәрілік препараттың айналымына тыйым салатын аурулардың профилактикасы және (немесе) оларды жою жөніндегі бағдарламаларды немесе өзге де ветеринариялық іс-шараларды мүше мемлекеттің аумағында іске асыру;

г) ветеринариялық дәрілік препараттың құрамына кіретін заттардың Одақтың кедендік аумағындағы немесе қандай да бір мүше мемлекеттің аумағындағы айналымына тыйым салу немесе айналымын шектеу (қолданылуын шектеу);

д) мерзімдік есепте ұсынылған деректердің анық еместігін анықтау (ветеринариялық дәрілік препараттың тіркелгенін растау рәсімін жүргізу шеңберінде осы Қағидалардың 112-тармағының екінші абзацына сәйкес басқа уәкілетті органдардың және (немесе) сараптама мекемелерінің сараптамасына жататын ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып, мерзімдік есеп деректерінің анық еместігін анықтау фактісінің егжей-тегжейлі негіздемесін қоса бере отырып).

131. Ветеринариялық дәрілік препарат туралы мәліметтерді Одақтың ветеринариялық дәрілік препараттары тізіліміне енгізген күн немесе тіркеу жөніндегі референттік органның ветеринариялық дәрілік препараттың тіркелуін растаудан бас тарту туралы шешімді қабылдаған күн ветеринариялық дәрілік препараттың тіркелгенін растау рәсімі аяқталған күн болып табылады.

Осы ветеринариялық дәрілік препаратты қолдану қаупінің күтілетін пайдадан асып түсуі себебінен ветеринариялық дәрілік препараттың тіркелгенін растаудан бас тартылған жағдайда, мұндай препарат Одақтың кедендік аумағында айналымнан алып тастауға жатады, егер осы ветеринариялық дәрілік препаратты қолдану қаупі күтілетін пайдадан аспаса, ветеринариялық дәрілік препараттың айналымы оның жарамдылық мерзімі өткенге дейін жүзеге асырылады.

132. Фармакологиялық қадағалау деректерінің негізінде, сондай-ақ ветеринариялық дәрілік препараттың 3 және одан да көп жыл бойы айналымда болмауы себебінен оның тіркелгенін растаудан бас тартылған жағдайда, ветеринариялық дәрілік затты сараптау қорытындылары бойынша тіркеу жөніндегі референттік орган ветеринариялық дәрілік препараттың тіркелгенін растаған кезде бұрын белгіленген тіркеуді көрсетілген тіркеу мерзімі өткеннен кейін ветеринариялық дәрілік препараттың тіркелгенін кейіннен растау қажеттілігімен (көрсетілген рәсім бір рет қолданылады) тағы 5 жылға ұзарту туралы шешім қабылдануы мүмкін.

133. Егер ветеринариялық дәрілік препаратты тіркеуді растау процесінде тіркеу жөніндегі референттік орган ветеринариялық дәрілік затқа арналған нормативтік құжатқа және ветеринариялық дәрілік препаратты қолдану жөніндегі нұсқаулыққа ветеринариялық дәрілік препараттың сапасына, қауіпсіздігіне және тиімділігіне әсер ететін өзгерістер енгізу қажеттілігін анықтаса, онда тіркеу жөніндегі референттік орган ветеринариялық дәрілік препараттың тіркелгенін растау туралы оң шешім қабылдағаннан кейін ветеринариялық дәрілік препараттың құқық иеленушісі тіркеу жөніндегі референттік орган ветеринариялық дәрілік затқа арналған нормативтік құжатқа және ветеринариялық дәрілік препаратты қолдану жөніндегі нұсқаулыққа өзгерістер енгізу қажеттігі туралы сұрау салуды жіберген күннен бастап 100 жұмыс күнінен кешіктірмей тіркеу дерекнамасына тиісті өзгерістер енгізу рәсіміне бастамашылық жасауға тиіс.

Өтініш беруші жаңа мерзімді көрсете отырып, тіркеу дерекнамасына қажетті өзгерістер енгізу рәсіміне бастамашылық ету мерзімін ұзарту үшін негіздеме ұсынуға құқылы. Мұндай жағдайда рәсім өтініш беруші негіздеген мерзімге тоқтатыла тұрады және өтініш беруші тиісті құжаттарды ұсынған күннен бастап қайта жаңартылады.

Өтініш беруші өзі негіздеген мерзімде ветеринариялық дәрілік препараттың тіркеу дерекнамасына өзгерістер енгізуге арналған құжаттарды ұсынбаған жағдайда тіркеу жөніндегі референттік орган ветеринариялық дәрілік препаратты тіркеудің күшін жою туралы шешім қабылдайды.

4. Ветеринариялық дәрілік препараттың тіркеу дерекнамасына өзгерістер енгізудің жалпы тәртібі

134. Ветеринариялық дәрілік препаратты тіркеудің қолданылу мерзімі ішінде ветеринариялық дәрілік препараттың құқық иеленушісі тіркелген ветеринариялық дәрілік препараттың тіркеу дерекнамасына ветеринариялық дәрілік зат өндірісінің және сапасын бақылаудың жалпыға бірдей қабылданған өзекті ғылыми әдістерге сәйкестігін қамтамасыз ету үшін талап етілуі мүмкін өзгерістер енгізуге, сондай-ақ осындай өзгерістерді енгізу қажеттігі туралы және олардың тіркелген ветеринариялық препараттың сапасына, қауіпсіздігіне және тиімділігіне әсері туралы толық ақпарат беруге міндетті.

135. Ветеринариялық дәрілік препараттың құқық иеленушісі ветеринариялық дәрілік препаратты бастапқы тіркеу күніне тіркеу жөніндегі референттік орган болған уәкілетті органға барлық мәліметтер туралы (оның ішінде фармакологиялық қадағалау шеңберінде алынған мәліметтер, ветеринариялық дәрілік заттың өндірісі туралы мәліметтер, қандай да бір уәкілетті орган салған ветеринариялық дәрілік препаратты қолдануға тыйым салу туралы мәліметтер, күтілетін пайданың ветеринариялық дәрілік препаратты қолданудың ықтимал қаупіне қолайлы қатынасына теріс әсер етуі мүмкін басқа да мәліметтер туралы), олар ветеринариялық дәрілік препараттың тіркеу дерекнамасының құрамына кіретін құжаттарға өзгерістерді осындай мәліметтерді алған күннен бастап 10 жұмыс күнінен кешіктірмей енгізуді талап етуі мүмкін.

Өтініш беруші өзгерістер енгізу рәсіміне бастамашы болады.

136. Ветеринариялық дәрілік препараттың тіркеу дерекнамасына енгізілетін өзгерістер күтілетін пайданың тіркелген ветеринариялық дәрілік препаратты қолданудың ықтимал қаупіне қолайлы қатынасына теріс әсер етпеуі тиіс.

137. Күтілетін пайданың тіркелген ветеринариялық дәрілік препаратты қолданудың ықтимал қаупіне қатынасын бағалауды бақылауды қамтамасыз ету үшін уәкілетті орган (оның ішінде сараптама мекемесінің сұрау салуы бойынша) ветеринариялық дәрілік препараттың құқық иеленушісіне күтілетін пайданың тіркелген ветеринариялық дәрілік препаратты қолданудың ықтимал қаупіне қатынасы қолайлы болып қалатынын растайтын деректерді ұсыну туралы сұрау салу жіберуге құқылы. Ветеринариялық дәрілік препараттың құқық иеленушісі көрсетілген уәкілетті органға және (немесе) сараптама мекемесіне қажетті материалдарды барынша қысқа мерзімде, бірақ тиісті сұрау салуды алған күннен бастап 20 жұмыс күнінен кешіктірмей ұсынуға міндетті.

138. Тіркеу жөніндегі референттік орган ветеринариялық дәрілік затқа сараптама жүргізу туралы шешім қабылдаған күннен бастап Одақтың ветеринариялық дәрілік препараттары тізіліміне ветеринариялық дәрілік препарат туралы мәліметтерді енгізу күні өзгерістер енгізу рәсімін жүргізу мерзімі мыналарды құрайды:

а) құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін (осы Қағидаларға № 9 қосымшаның 9.7, 9.9 және 9.11-блок-схемалары):

225 жұмыс күні (ветеринариялық дәрілік препараттың тіркеу дерекнамасына сараптама және ветеринариялық дәрілік зат үлгілеріне сараптама жүргізе отырып);

165 жұмыс күні (ветеринариялық дәрілік препараттың тіркеу дерекнамасына сараптама жүргізе отырып және ветеринариялық дәрілік зат үлгілеріне сараптама жүргізбестен);

66 жұмыс күні (ветеринариялық дәрілік препараттың тіркеу дерекнамасына сараптама және ветеринариялық дәрілік зат үлгілеріне сараптама жүргізбестен);

б) құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін (осы Қағидаларға № 9 қосымшаның 9.8, 9.10 және 9.11-блок-схемалары):

140 жұмыс күні (ветеринариялық дәрілік препараттың тіркеу дерекнамасына сараптама және ветеринариялық дәрілік зат үлгілеріне сараптама жүргізе отырып);

90 жұмыс күні (ветеринариялық дәрілік препараттың тіркеу дерекнамасына сараптама жүргізе отырып және ветеринариялық дәрілік зат үлгілеріне сараптама жүргізбестен);

66 жұмыс күні (ветеринариялық дәрілік препараттың тіркеу дерекнамасына сараптама және ветеринариялық дәрілік зат үлгілеріне сараптама жүргізбестен).

139. Ветеринариялық дәрілік препараттың тіркеу дерекнамасына өзгерістер енгізу мақсатында өтініш беруші ветеринариялық дәрілік препаратты бастапқы тіркеу күніне тіркеу жөніндегі референттік орган болған уәкілетті органға оған жаңа мәліметтер туралы хабарланған күннен бастап 20 жұмыс күнінен кешіктірмей орыс тілінде:

осы Қағидаларға № 10 қосымшада (10.3-нысан) көзделген нысан бойынша ветеринариялық дәрілік препараттың тіркеу дерекнамасына өзгерістер енгізу туралы өтінішті (қағаз жеткізгіште және (немесе) электрондық түрде);

құжаттар тізбесіне сәйкес құжаттарды (қағаз жеткізгіште және электрондық түрде);

мүше мемлекеттің заңнамасында белгіленген жағдайларда және тәртіппен тіркеу жөніндегі референттік органға ветеринариялық дәрілік заттың сараптамасы үшін алымның (баждың) төленгенін растайтын құжаттарды ұсынады.

Ветеринариялық дәрілік заттың үлгілері құжаттар тізбесіне сәйкес тіркеу жөніндегі референттік органның шешімі бойынша сараптама мекемесіне ұсынылады.

140. Тіркеу жөніндегі референттік орган ветеринариялық дәрілік препараттың тіркеу дерекнамасына өзгерістер енгізу туралы өтінішті алған кезде және уәкілетті органдармен және (немесе) сараптама мекемелерімен және Комиссиямен ақпараттық өзара іс-қимылды қамтамасыз ету мақсатында көрсетілген өтінішке осы Қағидалардың 61-тармағына сәйкес схема бойынша бірегей нөмір береді.

141. Тіркеу жөніндегі референттік орган, уәкілетті органдар және (немесе) сараптама мекемелері мен Комиссия арасындағы ақпараттық өзара іс-қимыл өзгерістер енгізу рәсімі барысында осы Қағидаларға № 5 қосымшада көзделген тәртіпке сәйкес жүзеге асырылады.

142. Тіркеу жөніндегі референттік орган ветеринариялық дәрілік препараттың тіркеу дерекнамасына өзгерістер енгізу туралы өтініш берілген күннен бастап 10 жұмыс күні ішінде құжаттар тізбесіне сәйкес мұндай құжаттарды сараптамаға жібергенге дейін өтініш беруші ұсынған құжаттардың жинақтылығын бағалауды жүзеге асырады. Өтініш берушіге тіркеу жөніндегі референттік органның ескертулері бойынша жетіспейтін материалдарды беруге өзгерістер енгізу рәсімінің мерзіміне кірмейтін 30 жұмыс күнінен аспайтын мерзім беріледі.

143. Тіркеу жөніндегі референттік орган өтініш беруші жетіспейтін материалдарды тіркеу жөніндегі референттік органның ескертулеріне сәйкес ұсынбаған және (немесе) мүше мемлекеттің заңнамасында белгіленген жағдайларда және тәртіппен тіркеу жөніндегі референттік органға ветеринариялық дәрілік заттың сараптамасы үшін алымның (баждың) төленгенін растамаған жағдайда, ветеринариялық дәрілік препараттың тіркеу дерекнамасына өзгерістер енгізу туралы өтінішті қабылдаудан (тіркеуден) бас тартады және өтініш берушіге ол ұсынған құжаттарды қағаз жеткізгіште қайтарады.

144. Мыналар тіркеу жөніндегі референттік органның ветеринариялық дәрілік препараттың тіркеу дерекнамасына өзгерістер енгізуден бас тартуы үшін негіз болып табылады:

а) ветеринариялық дәрілік препараттың сапасын, қауіпсіздігін, тиімділігін азайту мүмкіндігі туралы шешім (ветеринариялық дәрілік препараттың тіркеу дерекнамасына өтініш беруші ұсынған өзгерістер енгізілген жағдайда);

б) құжаттарды толық көлемде ұсынбау немесе өтініш берушінің осы Қағидаларда белгіленген мерзімдерде жетіспейтін құжаттарды ұсынбауы не өтініш беруші ұсынған құжаттарда ветеринариялық дәрілік препараттың тіркеу дерекнамасына өзгерістер енгізу қажеттілігін растайтын мәліметтердің болмауы;

в) ұсынылған мәліметтердің анық еместігін анықтау;

г) осы Қағидаларда белгіленген мерзімдерде өтініш беруші ұсынған құжаттарға қатысты жетіспейтін қосымша мәліметтерді, қажетті түсіндірулерді немесе нақтылауларды ұсыну туралы сұрау салуға жауап бермеу;

д) осы Қағидаларда белгіленген мерзімдерде ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне сәйкес келтірмеу және (немесе) тіркеу шарттарына сәйкес ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобасындағы мәтін жобаларын аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасын ұсынбау (мүше мемлекеттің заңнамасында тиісті талаптар болған кезде).

145. Мыналар өзгерістер енгізу рәсіміне қатысатын уәкілетті органның тиісті мүше мемлекеттің аумағындағы ветеринариялық дәрілік препараттың айналымынан бас тартуы үшін негіздер болып табылады:

а) өтініш беруші ұсынып отырған ветеринариялық дәрілік препараттың тіркеу деректеріне өзгерістер ветеринариялық дәрілік препараттың сапасының, қауіпсіздігінің, тиімділігінің төмендеуіне алып келетіні туралы қорытынды (осы Қағидалардың 159-тармағының екінші абзацына және 177-тармағының екінші абзацына сәйкес өзгерістер енгізу рәсімін жүргізу шеңберінде басқа уәкілетті органдардың және (немесе) сараптама мекемелерінің сараптама жасауына жататын ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып және осы Қағидалардың 52-тармағына сәйкес нақтылайтын сұрақтар бар сұрау салуды қалыптастыру мүмкіндігін ескере отырып, осы шешімді қабылдауға негіз болған себептердің егжей-тегжейлі негіздемесін қоса бере отырып (осы құжаттарда жол берілген техникалық сипаттағы қателер тиісті мүше мемлекеттің аумағында ветеринариялық дәрілік препараттың айналымынан бас тартуға негіз бола алмайды). Ветеринариялық дәрілік препараттың тіркеу дерекнамасында көрсетілген сапа, қауіпсіздік және (немесе) тиімділік көрсеткіштеріне қатысты бөлігінде сараптама мекемесі берген зерттеулер (сынақтар) хаттамасына сұрақтар болған жағдайда мүдделі уәкілетті органдар арасында консультациялар жүргізіледі;

б) ұсынылған мәліметтердің анық еместігін анықтау (осы Қағидалардың 159-тармағының екінші абзацына және 177-тармағының екінші абзацына сәйкес өзгерістер енгізу рәсімін жүргізу шеңберінде басқа уәкілетті органдардың және (немесе) сараптама мекемелерінің сараптама жасауына жататын ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып, мәліметтердің анық еместігін анықтау фактісінің егжей-тегжейлі негіздемесін қоса бере отырып).

146. Ветеринариялық дәрілік препараттың тіркеу дерекнамасына ветеринариялық дәрілік препараттың сапасын, қауіпсіздігі мен тиімділігін қозғамайтын, бірақ бастапқы қаптама және бар болған кезде екінші қаптама макеттерін қозғайтын және (немесе) оны қолдану жөніндегі нұсқаулыққа өзгерістер енгізілген жағдайда, ветеринариялық дәрілік препараттың тіркеу дерекнамасына өзгерістер енгізілген күннен бастап 6 айдан кешіктірмей ветеринариялық дәрілік препараттың тіркеу дерекнамасының құжаттарында қамтылған ақпаратқа сәйкес осындай өзгерістер енгізілген күнге дейін ветеринариялық дәрілік препаратты өндіруге және Одақтың кедендік аумағына әкелуге бұрын бекітілген қаптамаларда және оны қолдану жөніндегі нұсқаулықпен рұқсат етіледі. Ветеринариялық дәрілік препаратты бұрын бекітілген қаптамаларда және оны қолдану жөніндегі нұсқаулықпен өткізуге осы препараттың жарамдылық мерзімі аяқталғанға дейін жол беріледі.

5. Ветеринариялық дәрілік препараттың тіркеу дерекнамасына сараптама және ветеринариялық дәрілік зат үлгілеріне сараптама жүргізе отырып, тіркелген ветеринариялық дәрілік препараттың тіркеу дерекнамасына өзгерістер енгізу тәртібі

147. Тіркеу жөніндегі референттік органның ветеринариялық дәрілік затқа сараптама жүргізу туралы шешім қабылдаған күні өзгерістер енгізу рәсімі басталған күн болып табылады.

Тіркеу жөніндегі референттік орган өтініш берушіні, тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін осы Қағидалардың 41-тармағында көрсетілген тәсілмен және мерзімде қабылданған шешім туралы (өзгерістер енгізу туралы өтінішке берілген бірегей нөмірді көрсете отырып) хабардар етеді.

Көрсетілген хабарламаны жіберумен бір мезгілде тіркеу жөніндегі референттік орган өтініш берушіге ветеринариялық дәрілік заттың үлгілерін ұсыну үшін сараптама мекемесінің атауын, оның орналасқан жерін (заңды тұлғаның мекенжайын) және қызметті жүзеге асыру орнының мекенжайын (мекенжайлар өзгеше болған жағдайда) хабарлайды.

Өтініш беруші құжаттар тізбесіне сәйкес ұсынған құжаттар көрсетілген мерзімде тіркеу жөніндегі референттік орган сараптама жасау үшін сараптама мекемесіне жібереді.

148. Өтініш беруші тіркеу жөніндегі референттік органның ветеринариялық дәрілік затқа сараптама жүргізу туралы шешімін алған күннен бастап 45 жұмыс күнінен кешіктірмей тіркелген фармацевтикалық ветеринариялық дәрілік препараттың тіркеу дерекнамасына өзгерістер енгізу мақсатында сараптама мекемесіне ветеринариялық дәрілік затқа сапа сараптамасын жүргізу үшін әрбір өндірістік алаңнан сапаны бақылау әдістерін 3 есе жаңғырту үшін қажетті мөлшерде:

технологиялық құжаттардың (өнеркәсіптік регламент, технологиялық регламент немесе технологиялық нұсқаулық) талаптарына сәйкес өндірілген ветеринариялық дәрілік заттың үлгілерін;

фармацевтикалық субстанцияның стандартты үлгілерін және (немесе) фармацевтикалық субстанция үлгілерін;

осы Қағидалардың 34-тармағына сәйкес уәкілетті орган айқындаған сараптама мекемесімен келісім бойынша ерекше реагенттерді және басқа да шығыс материалдарын ұсынады.

Өзгерістер енгізу рәсімі үлгілер ұсынылған күнге дейін тоқтатыла тұрады.

Өтініш беруші тіркеу жөніндегі референттік органның ветеринариялық дәрілік затқа сараптама жүргізу туралы шешімін алған күннен бастап 45 жұмыс күнінен кешіктірмей, тіркелген иммунологиялық (иммундық-биологиялық) ветеринариялық дәрілік препараттың тіркеу дерекнамасына өзгерістер енгізу мақсатында сараптама мекемесіне ветеринариялық дәрілік затқа сапа сараптамасын жүргізу үшін әрбір өндірістік алаңнан сапаны бақылау әдістерін 3 есе жаңғырту үшін қажетті мөлшерде:

технологиялық құжаттардың (өнеркәсіптік регламент, технологиялық регламент немесе технологиялық нұсқаулық) талаптарына сәйкес өндірілген ветеринариялық дәрілік заттың үлгілерін;

тест-жүйелерді немесе микроорганизмдер штамдарын (егер әдіс фармакопеялық болып табылмаса);

стандартты үлгілерді;

осы Қағидалардың 34-тармағына сәйкес уәкілетті орган айқындаған сараптама мекемесімен келісім бойынша ерекше реагенттерді және басқа да шығыс материалдарын ұсынады.

Қажет болған кезде өтініш беруші гендер реттілігінің модификациясы туралы ақпаратты (микроорганизм штамының генетикалық құрылымы өзгерген кезде) қосымша ұсынады. Өзгерістер енгізу рәсімі үлгілер ұсынылған күнге дейін тоқтатыла тұрады.

149. Өтініш беруші тіркеу жөніндегі референттік органның ветеринариялық дәрілік препараттың тіркеу дерекнамасына өзгерістер енгізу мақсатында ветеринариялық дәрілік затқа сараптама жүргізу туралы шешімін алған күннен бастап 45 жұмыс күні ішінде сараптама мекемесіне ветеринариялық дәрілік зат үлгілерін, стандартты үлгілерді және қажет болған жағдайда басқа да шығыс материалдарын ұсынбаған жағдайда сараптама мекемесі өзгерістер енгізу рәсімі қайта басталған күннен бастап 5 жұмыс күнінен кешіктірмей бұл туралы тіркеу жөніндегі референттік органды хабардар етеді. Тіркеу жөніндегі референттік орган сараптама мекемесінен көрсетілген ақпаратты алған күннен бастап 5 жұмыс күнінен кешіктірмей осы Қағидалардың 144-тармағына сәйкес ветеринариялық дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 171-тармағына сәйкес іс-әрекеттерді жүзеге асырады. Өзгерістер енгізу рәсімі тоқтатылады.

150. Ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын алған кезде сараптама мекемесі олардың алынғанын құжатпен растайды, осындай үлгілер мен басқа да шығыс материалдарын алған күннен бастап 5 жұмыс күнінен кешіктірмей олардың сараптама жүргізуге жарамдылығын және қажетті зерттеулер (сынақтар) жүргізу мүмкіндігін бағалайды және бұл туралы тіркеу жөніндегі референттік органды хабардар етеді. Сараптама мекемесі ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын алған күннен бастап өзгерістер енгізу рәсімі қайта басталады.

151. Ветеринариялық дәрілік препараттың тіркеу дерекнамасына өзгерістер енгізу мақсатында сараптама мекемесінің ветеринариялық дәрілік затқа сараптама жүргізу мерзімі мыналарды құрайды:

құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін – 90 жұмыс күнінен аспайды;

құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін – 80 жұмыс күнінен аспайды.

Көрсетілген сараптаманы жүргізу қорытындысы бойынша сараптама мекемесі алдын ала сараптама қорытындысын және осы Қағидалардың 52 – 55-тармақтарына сәйкес өтініш берушінің атына жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарға қатысты қажетті түсіндірулерді немесе нақтылауларды және құжаттар тізбесіне сәйкес ветеринариялық дәрілік препараттың тіркеу дерекнамасында көрсетілген деректерді (қажет болған кезде) ұсыну туралы сұрау салу ресімдейді. Алдын ала сараптама қорытындысыны және өтініш берушінің атына сұрау салуды, ал сұрау салу болмаған жағдайда – соңғы сараптамалық қорытындыны көрсетілген мерзімдерде сараптама мекемесі тіркеу жөніндегі референттік органға жібереді.

152. Өтініш берушіден осы Қағидалардың 151-тармағында көрсетілген сұрау салуға жауап алынған күннен бастап тіркеу жөніндегі референттік орган өзгерістер енгізу рәсімін қайта жаңартады, ол көрсетілген жауапты алған күннен бастап 4 жұмыс күнінен кешіктірмей ветеринариялық дәрілік заттың сараптамасын аяқтау үшін сараптама мекемесіне жіберіледі.

153. Тіркеу жөніндегі референттік органның сұрау салуына өтініш беруші ұсынған және түзетілген және (немесе) толықтырылған материалдарды (оның ішінде ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препараттың ққаптамасы макетінің келісу үшін ұсынылған түзетілген жобаларын) талдау нәтижелері бойынша сараптама мекемесі жауапты көрсетілген материалдарды алған күннен бастап 15 жұмыс күнінен кешіктірмей соңғы сараптамалық қорытынды дайындайды, ол көрсетілген мерзімде тіркеу жөніндегі референттік органға жіберіледі.

154. Өтініш беруші ұсынған ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын құжаттар тізбесіне сәйкес ұсынылған құжаттарға сәйкес келтіру қажет болған кезде сараптама мекемесі тіркеу жөніндегі референттік органға соңғы сараптамалық қорытындымен бірге көрсетілген жобаларды пысықтау бойынша ұсынымдар жібереді.

Тіркеу жөніндегі референттік орган өтініш берушіге көрсетілген ұсынымдарды осы Қағидалардың 41-тармағында көрсетілген тәсілмен және мерзімде жібереді.

Өтініш берушінің ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне сәйкес келтіруі және оларды тіркеу жөніндегі референттік органмен келісу 20 жұмыс күні ішінде жүзеге асырылады (тіркеу жөніндегі референттік органның көрсетілген жобаларды келісу күнін қоса алғанда).

155. Тіркеу жөніндегі референттік орган өтініш берушіге ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын құжаттар тізбесіне сәйкес ұсынылған құжаттармен сәйкес келтіру жөніндегі ұсынымдарды жіберген күннен бастап өзгерістер енгізу рәсімі тоқтатыла тұрады және тіркеу жөніндегі референттік орган осы жобаларды өтініш берушімен келіскен күннен бастап қайта басталады.

156. Өтініш беруші 20 жұмыс күні ішінде ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын ветеринариялық дәрілік препараттың тіркеу дерекнамасының құжаттарына толық көлемде сәйкес келтірмеген жағдайда (тіркелген ветеринариялық дәрілік препараттың сапасына, қауіпсіздігіне және (немесе) тиімділігіне қатысты талаптар бөлігінде) тіркеу жөніндегі референттік орган көрсетілген мерзім өткен күннен бастап 5 жұмыс күнінен кешіктірмей осы Қағидалардың 144-тармағына сәйкес ветеринариялық дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 171-тармағына сәйкес іс-әрекеттерді жүзеге асырады. Өзгерістер енгізу рәсімі тоқтатылады.

157. Соңғы сараптамалық теріс қорытынды ресімделген жағдайда тіркеу жөніндегі референттік орган сараптама қорытындысын алған күннен бастап 5 жұмыс күнінен кешіктірмей осы Қағидалардың 144-тармағына сәйкес ветеринариялық дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 171-тармағына сәйкес іс-әрекеттерді жүзеге асырады. Өзгерістер енгізу рәсімі тоқтатылады.

158. Құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркеу дерекнамасына өзгерістер енгізу рәсімі шеңберінде соңғы сараптамалық оң қорытынды ресімделген жағдайда, тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын өзі келіскен күннен бастап өтініш берушіні осы Қағидалардың 41-тармағында көрсетілген тәсілмен және мерзімде тіркеу жөніндегі референттік орган ветеринариялық препараттарды қолдану жөніндегі нұсқаулықтың және қаптама макетінің жобасындағы мәтіннің өзімен келісілген аумағында ветеринариялық дәрілік препараттың айналымы болжанатын мүше мемлекеттің мемлекеттік тіліне орыс тілінен (мүше мемлекеттің заңнамасында тиісті талаптар болған кезде) аудармасын ұсыну қажеттігі туралы хабардар етеді.

Өзгерістер енгізу рәсімі өтініш берушінің көрсетілген аударманы жүзеге асыруы мақсатында 20 жұмыс күнінен аспайтын мерзімге тоқтатыла тұрады және оны өтініш берушіден алған күннен бастап қайта басталады.

Өтініш беруші өзгерістер енгізу рәсімі тоқтатыла тұрған күннен бастап 20 жұмыс күні ішінде көрсетілген аударманы ұсынбаған жағдайда, тіркеу жөніндегі референттік орган өзгерістер енгізу рәсімі қайта басталған күннен бастап 5 жұмыс күнінен кешіктірмей осы Қағидалардың 144-тармағына сәйкес ветеринариялық дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 171-тармағына сәйкес іс-әрекеттерді жүзеге асырады. Өзгерістер енгізу рәсімі тоқтатылады.

Құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркеу дерекнамасына өзгерістер енгізу кезінде осы Қағидалардың 159 – 167-тармақтарының ережелері қолданылмайды.

159. Соңғы сараптамалық оң қорытынды ресімделген жағдайда тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын өзімен келіскен күннен бастап осы Қағидалардың
41-тармағында көрсетілген тәсілмен және мерзімде өтініш берушіні тіркеу жөніндегі референттік органға тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына мүше мемлекеттердің заңнамасында белгіленген жағдайларда және тәртіппен өзгерістер енгізу рәсімі шеңберінде ветеринариялық дәрілік препаратқа арналған құжаттарға сараптама жасағаны үшін алым (баж) төленгенін, сондай-ақ тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың және қаптама макеті жобасындағы мәтін жобаларының аумағында ветеринариялық дәрілік препараттың айналымы болжанатын мүше мемлекеттің мемлекеттік тіліне орыс тілінен аудармасын (мүше мемлекеттің заңнамасында тиісті талаптар болған кезде) растайтын құжаттарды ұсыну қажеттігі туралы хабардар етеді.

Өзгерістер енгізу рәсімін жүргізу шеңберінде уәкілетті органдардың және (немесе) сараптама мекемелерінің сараптама жасауына жататын ветеринариялық дәрілік препаратқа арналған құжаттарға мыналар жатады:

құжаттар тізбесіне сәйкес өтініш беруші ұсынған құжаттар (өтініш беруші өзгерістер енгізу рәсімін жүргізу басталғанға дейін ұсынады);

соңғы сараптамалық қорытынды (тіркеу жөніндегі референттік орган өзгерістер енгізу рәсімін жүргізу барысында ұсынады);

ветеринариялық дәрілік заттың үлгілерін зерттеу (сынау) хаттамалары (тіркеу жөніндегі референттік орган өзгерістер енгізу рәсімін жүргізу барысында ұсынады);

тіркеу жөніндегі референттік органның сұрау салуы және өтініш берушінің осындай сұрау салуға жауабы (тіркеу жөніндегі референттік орган өзгерістер енгізу рәсімін жүргізу барысында ұсынады);

тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобалары (тіркеу жөніндегі референттік орган өзгерістер енгізу рәсімін жүргізу барысында ұсынады).

160. Өзгерістер енгізу рәсімі өтініш берушіге тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына мүше мемлекеттердің заңнамасында белгіленген жағдайларда және тәртіппен өзгерістер енгізу рәсімі шеңберінде ветеринариялық дәрілік препаратқа арналған құжаттарға сараптама жасағаны үшін алым (баж) төленгенін және тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасын жүзеге асыру (мүше мемлекеттің заңнамасында тиісті талаптар болған кезде) мүмкіндігін беру мақсатында 20 жұмыс күнінен аспайтын мерзімге тоқтатыла тұрады.

161. Тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына өзгерістер енгізу рәсімін жүргізу шеңберінде ветеринариялық дәрілік препаратқа арналған құжаттарға сараптама жасағаны үшін алым (баж) төленгені расталмаған (өтініш беруші мүше мемлекеттердің заңнамасында белгіленген мөлшерде алымның (баждың) төленгенін растайтын құжаттарды ұсынбаған) жағдайда тіркеу жөніндегі референттік орган өзгерістер енгізу рәсімі қайта басталған күннен бастап 5 жұмыс күнінен кешіктірмей ветеринариялық дәрілік препараттың тіркеу дерекнамасына өзгерістер енгізу туралы шешім қабылдайды (осы ветеринариялық дәрілік препараттың тек өзінің мүше мемлекетінің аумағында ғана айналымы мүмкіндігімен) және осы Қағидалардың 170-тармағына сәйкес іс-әрекеттерді жүзеге асырады.

162. Тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына өзгерістер енгізу рәсімін жүргізу шеңберінде ветеринариялық дәрілік препаратқа арналған құжаттарға сараптама жасағаны үшін алым (баж) төленгені расталған (өтініш беруші мүше мемлекеттердің заңнамасында белгіленген мөлшерде алымның (баждың) төленгенін растауды ұсынылған) және ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің тіркеу жөніндегі референттік органмен келісілген тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасы (мүше мемлекеттің заңнамасында тиісті талаптар болған кезде) электрондық жеткізгіште ұсынылған жағдайда, тіркеу жөніндегі референттік орган өзгерістер енгізу рәсімі қайта басталған күннен бастап 5 жұмыс күнінен кешіктірмей өзгерістер енгізу рәсімін жүргізуге қатысатын уәкілетті органдарға және (немесе) сараптама мекемелеріне соңғы сараптамалық қорытындыға, құжаттар тізбесіне сәйкес ұсынылған құжаттарға, ветеринариялық дәрілік зат үлгілерін зерттеулер (сынақтар) хаттамаларына, тіркеу жөніндегі референттік органның сұрау салуына жауапқа, сондай-ақ тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларына (оның ішінде тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен олардың аудармасына) қолжетімділік береді.

Өтініш беруші өзгерістер енгізу рәсімі тоқтатыла тұрған күннен бастап 20 жұмыс күні ішінде тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасын (мүше мемлекеттің заңнамасында тиісті талаптар болған кезде) ұсынбаған жағдайда, тіркеу жөніндегі референттік орган өзгерістер енгізу рәсімі қайта басталған күннен бастап 5 жұмыс күнінен кешіктірмей осы Қағидалардың 144-тармағына сәйкес ветеринариялық дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 171-тармағына сәйкес іс-әрекеттерді жүзеге асырады. Өзгерістер енгізу рәсімі тоқтатылады.

163. Өзгерістер енгізу рәсімін жүргізуге қатысатын сараптама мекемелері соңғы сараптамалық қорытындыға, тіркеу жөніндегі референттік органның сұрау салуына жауапқа, құжаттар тізбесіне сәйкес ұсынылған құжаттарға, тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын зерттеулер (сынақтар) хаттамаларына талдау жүргізеді және қажет болған жағдайда осы Қағидалардың 52 – 55-тармақтарына сәйкес өтініш берушінің атына және (немесе) тіркеу жөніндегі референттік органға құжаттар тізбесіне сәйкес жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарға қатысты қажетті түсіндірулерді немесе нақтылауларды және ветеринариялық дәрілік препараттың тіркеу дерекнамасында көрсетілген деректерді (қажет болған кезде) тіркеу жөніндегі референттік орган көрсетілген материалдарға қол жеткізуді ұсынған күннен бастап 25 жұмыс күнінен кешіктірмей табыс ету туралы сұрау салуды қалыптастырады. Мұндай талдаудың нәтижелерін сараптама мекемесі көрсетілген мерзімде тиісті уәкілетті органға жібереді.

164. Өтініш берушінің атына және (немесе) тіркеу жөніндегі референттік органға сараптама мекемесі қалыптастырған сұрау салуды уәкілетті орган оны сараптама мекемесінен алған күннен бастап 5 жұмыс күнінен кешіктірмей тіркеу жөніндегі референттік органға жібереді, ол өз кезегінде өзгерістер енгізу рәсіміне қатысатын басқа уәкілетті органдардан сұрау салулар келіп түскен күннен бастап 5 жұмыс күнінен кешіктірмей уәкілетті органдардан келіп түскен барлық сұрау салуларды біріктіреді және оларды осы Қағидалардың 41-тармағында көрсетілген тәсілмен және мерзімде өтініш берушіге (тіркеу жөніндегі референттік органға нақтылайтын мәселелері бар сұрау салуларды (бар болған кезде) қоспағанда) жібереді.

165. Тіркеу жөніндегі референттік орган өтініш берушіге уәкілетті органдардан алынған сұрау салуларды жіберген күннен бастап өзгерістер енгізу рәсімі осы Қағидалардың 52 – 55-тармақтарына сәйкес 60 жұмыс күнінен аспайтын мерзімге тоқтатыла тұрады және өтініш берушінің уәкілетті органдардан алынған сұрау салуларға жауабы тіркеу жөніндегі референттік органға келіп түскен күнінен бастап қайта басталады.

Тіркеу жөніндегі референттік орган:

өтінім берушіден сұрау салуларға жауап алған күннен бастап 5 жұмыс күнінен кешіктірмей өзгерістер енгізу рәсіміне қатысатын уәкілетті органдарға және (немесе) сараптама мекемелеріне өтінім берушінің жауабына және түзетілген және (немесе) толықтырылған материалдарға (бар болған кезде) қолжетімділік ұсынады;

уәкілетті органдардың нақтылаушы сұрақтар бар сұрау салуларын (бар болған кезде) алған күннен бастап 5 жұмыс күнінен кешіктірмей уәкілетті органдарға және (немесе) сараптама мекемелеріне сұрау салуларға өз жауабына тіркеу жөніндегі референттік органға қолжетімділік ұсынады.

166. Өтініш берушінің жауабына, тіркеу жөніндегі референттік органның жауабына жүргізілген талдау және түзетілген және (немесе) толықтырылған материалдар (бар болған кезде) негізінде сараптау мекемесі көрсетілген материалдарға қолжетімділік берілген күннен бастап 5 жұмыс күнінен кешіктірмей тиісті уәкілетті органды ветеринариялық дәрілік препараттың тіркеу дерекнамасына өзгерістер енгізу мүмкіндігі (немесе мүмкін еместігі) туралы хабардар етеді. Уәкілетті орган, өз кезегінде, осындай ақпаратты алған күннен бастап 5 жұмыс күнінен кешіктірмей осы Қағидалардың 145-тармағына сәйкес ветеринариялық дәрілік препараттың тіркеу дерекнамасына қосу үшін ұсынылатын өзгерістерге қатысты шешім қабылдайды және бұл туралы осы Қағидалардың 41-тармағында көрсетілген тәсілмен және мерзімде тіркеу жөніндегі референттік органды хабардар етеді.

167. Сараптама мекемесі тіркеу жөніндегі референттік органның тапсырмасы бойынша тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттердің уәкілетті органдарының осы препараттың тіркеу дерекнамасына қосу үшін ұсынылатын өзгерістерге қатысты шешімдерін алған күннен бастап 5 жұмыс күнінен кешіктірмей жиынтық сараптама қорытындысын ресімдейді, ол уәкілетті органдардың ветеринариялық дәрілік препараттың тіркеу дерекнамасына өзгерістер енгізуге келісімі (немесе келіспеуі) туралы шешімін көрсетеді және көрсетілген мерзімде осы жиынтық сараптама қорытындысын тіркеу жөніндегі референттік органға жібереді.

Егер ветеринариялық дәрілік препараттың тіркеу дерекнамасына өзгерістер енгізу ветеринариялық дәрілік препараттың құқық иеленушісінің бастамасы болып табылса және мұндай өзгерістерді енгізу немесе енгізбеу ветеринариялық дәрілік препараттың сапасына, қауіпсіздігіне және тиімділігіне теріс әсер ете алмаса, бірақ уәкілетті орган (уәкілетті органдар) өзгерістер енгізуден бас тартса, тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде сараптама мекемесінен жиынтық сараптама қорытындысын алған күннен бастап осы қорытындыны өтініш берушіге жібереді. Бұл ретте сараптама қорытындысында көрсетілген сарапшылар туралы мәліметтердің құпиялылығы қамтамасыз етілуге тиіс. Өзгерістер енгізу рәсімі тоқтатыла тұрады.

Құқық иеленуші жиынтық сараптама қорытындысына талдау жүргізеді, оның негізінде оның ветеринариялық дәрілік препараттың тіркеу дерекнамасына ұсынылатын өзгерістерді енгізуден бас тартуға құқығы бар. Ветеринариялық дәрілік препараттың тіркеу дерекнамасына өзгерістер енгізуден бас тарту үшін өтініш беруші тіркеу жөніндегі референттік органнан жиынтық сараптама қорытындысын алған күннен бастап 10 жұмыс күнінен кешіктірмей тіркеу жөніндегі референттік органға ветеринариялық дәрілік препараттың тіркеу дерекнамасына өзгерістер енгізуден бас тарту туралы өтінішті (қағаз жеткізгіште және (немесе) электрондық түрде) осы Қағидаларға № 10 қосымшада көзделген нысан (10.4-нысан) бойынша орыс тілінде ұсынады.

Өтініш берушіден ветеринариялық дәрілік препараттың тіркеу дерекнамасына өзгерістер енгізуден бас тарту туралы өтініш алған жағдайда тіркеу жөніндегі референттік орган көрсетілген өтінішті алған күннен бастап 5 жұмыс күнінен кешіктірмей өзгерістер енгізу рәсімін тоқтату туралы шешім қабылдайды және осы Қағидалардың 41-тармағында көрсетілген тәсілмен және мерзімде осындай шешім қабылданған күннен бастап бұл туралы тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін хабардар етеді.

Өтініш берушіден оған жиынтық сараптама қорытындысы жіберілген күннен бастап 10 жұмыс күні ішінде ветеринариялық дәрілік препараттың тіркеу дерекнамасына өзгерістер енгізуден бас тарту туралы өтініш алынбаған жағдайда өзгерістер енгізу рәсімі қайта басталады.

Бұрын ветеринариялық дәрілік препаратты тіркеуге және оның тіркелгенін растауға келісім берген уәкілетті орган өтініш беруші ұсынған ветеринариялық дәрілік препараттың тіркеу дерекнамасына өзгерістер енгізуден бас тартқан жағдайда, ветеринариялық дәрілік препаратты мүше мемлекеттің аумағында тіркеу жарамсыз деп танылады және оның осы мемлекеттің аумағындағы айналымы тоқтатылады, ал ветеринариялық дәрілік препаратты тіркеудің қолданылу мерзімі ішінде жүргізілген оның айналымына осы мемлекеттің аумағында ветеринариялық дәрілік препараттың жарамдылық мерзімі өткенге дейін жол беріледі.

168. Тіркеу жөніндегі референттік орган жиынтық немесе соңғы сараптамалық қорытынды негізінде (осы Қағидалардың 158, 159 және 167-тармақтарында көзделген жағдайларда) оны сараптама мекемесінен алған күннен бастап 5 жұмыс күнінен кешіктірмей:

а) құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттың тіркеу дерекнамасына өзгерістер енгізу туралы (уәкілетті органдары көрсетілген өзгерістерді енгізуге келіскен мүше мемлекеттердің аумақтарындағы осы ветеринариялық дәрілік препараттың айналымы мүмкіндігімен);

б) құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркеу дерекнамасына өзгерістер енгізу туралы (осы ветеринариялық дәрілік препараттың Одақтың кедендік аумағында айналымы мүмкіндігімен);

в) көрсетілген өзгерістерді енгізуден бас тарту туралы шешім қабылдайды.

169. Жиынтық немесе соңғы сараптамалық қорытындыны (осы Қағидалардың 158, 159 және 167-тармақтарында көзделген жағдайларда) тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде көрсетілген тіркеу жөніндегі референттік орган ветеринариялық дәрілік препараттың тіркеу дерекнамасына өтініш беруші ұсынатын өзгерістер енгізуге қатысты оң шешім қабылдаған күннен бастап өтініш берушіге жолдайды. Бұл ретте сараптама қорытындысында көрсетілген сарапшылар туралы мәліметтердің құпиялылығы қамтамасыз етілуге тиіс.

170. Тіркеу жөніндегі референттік орган ветеринариялық дәрілік препараттың тіркеу дерекнамасына өтініш беруші ұсынатын өзгерістер енгізу туралы шешім қабылдаған кезде осындай шешім қабылданған күннен бастап 10 жұмыс күнінен кешіктірмей осы Қағидалардың 41-тармағында көрсетілген тәсілмен тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің сараптама мекемелері уәкілетті органдарын және (немесе) сараптама мекемелерін қабылданған шешім туралы хабардар етеді, Комиссияға Одақтың ветеринариялық дәрілік препараттарының тізіліміне енгізу үшін ветеринариялық дәрілік препарат туралы қажетті мәліметтерді (ветеринариялық дәрілік препараттың тіркеу дерекнамасының өзгерістер енгізілген бөлімін көрсете отырып) ұсынады және өтініш берушіге мыналарды береді:

а) ветеринариялық дәрілік затқа арналған келісілген нормативтік құжат (оған өзгерістер енгізілген жағдайда);

б) орыс тілінде және тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тілінде ветеринариялық дәрілік препаратты қолдану жөніндегі келісілген нұсқаулық (мүше мемлекеттің заңнамасында тиісті талаптар болған кезде) (оған өзгерістер енгізілген жағдайда);

в) орыс тілінде және тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тілінде келісілген бастапқы және бар болған кезде екінші қаптамалары келісілген макеттер (мүше мемлекеттің заңнамасында тиісті талаптар болған кезде) (осы ветеринариялық дәрілік препараттың тіркеу нөмірін көрсете отырып) (оларға өзгерістер енгізілген жағдайда).

171. Тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде ветеринариялық дәрілік препараттың тіркеу дерекнамасына өтініш беруші ұсынатын өзгерістер енгізуден бас тарту туралы шешім қабылдаған кезде осындай шешім қабылданған күннен бастап көрсетілген мынадай іс-қимылдарды жүзеге асырады:

а) өтініш берушіге жиынтық немесе соңғы сараптамалық қорытындыны жібереді (тіркеу жөніндегі референттік орган соңғы сараптамалық теріс қорытынды ресімдеген жағдайда);

б) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін бас тарту себептерін көрсете отырып, қабылданған шешім туралы хабардар етеді;

в) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына және (немесе) сараптама мекемелеріне жиынтық немесе соңғы сараптамалық қорытындыға (тіркеу жөніндегі референттік орган соңғы сараптамалық теріс қорытынды ресімдеген жағдайда) қолжетімділік береді.

172. Ветеринариялық дәрілік препарат туралы мәліметтердің Одақтың ветеринариялық дәрілік препараттарының тізіліміне енгізілген күн немесе тіркеу жөніндегі референттік органның ветеринариялық дәрілік препараттың тіркеу дерекнамасына өзгерістер енгізу бас тарту туралы шешім қабылданған күн өзгерістер енгізу рәсімі аяқталған күн болып табылады.

6. Ветеринариялық дәрілік препараттың тіркеу дерекнамасына сараптама жүргізіп және ветеринариялық дәрілік зат үлгілеріне сараптама жүргізбестен тіркелген ветеринариялық дәрілік препараттың тіркеу дерекнамасына өзгерістер енгізу тәртібі

173. Тіркеу жөніндегі референттік органның ветеринариялық дәрілік затқа сараптама жүргізу туралы шешім қабылдаған күні өзгерістерді енгізу рәсімінің басталған күні болып табылады.

Қабылданған шешім туралы (ветеринариялық дәрілік препараттың тіркеу дерекнамасына өзгерістер енгізу туралы өтінішке берілген бірегей нөмірдегі көрсете отырып) тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде тіркеу бойынша өтініш берушіні, тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін хабардар етеді.

Құжаттар тізбесіне сәйкес өтініш беруші ұсынған құжаттарды тіркеу жөніндегі референттік орган көрсетілген мерзімде сараптама жасау үшін сараптама мекемесіне жібереді.

174. Ветеринариялық дәрілік препараттың тіркеу дерекнамасына өзгерістер енгізу мақсатында сараптама мекемесінің ветеринариялық дәрілік затқа сараптама жүргізу мерзімі мыналарды құрайды:

құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттар үшін – 40 жұмыс күнінен аспайды;

құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттар үшін – 30 жұмыс күнінен аспайды.

Көрсетілген сараптаманы жүргізу қорытындысы бойынша сараптама мекемесі алдын ала сараптама қорытындысын ресімдейді және осы Қағидалардың 52 – 55-тармақтарына сәйкес өтініш берушінің атына жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарға қатысты қажетті түсіндірулерді немесе нақтылауларды және құжаттар тізбесіне сәйкес ветеринариялық дәрілік препараттың тіркеу дерекнамасында көрсетілген деректерді (қажет болған кезде) беру туралы сұрау салу жібереді. Алдын ала сараптама қорытындысын және өтініш берушінің атына сұрау салуды, ал сұрау салу болмаған жағдайда соңғы сараптамалық қорытындыны сараптама мекемесі көрсетілген мерзімдерде тіркеу жөніндегі референттік органға жібереді.

175. Соңғы сараптамалық теріс қорытынды ресімделген жағдайда тіркеу жөніндегі референттік орган сараптама қорытындысын алған күннен бастап 5 жұмыс күнінен кешіктірмей осы Қағидалардың 144-тармағына сәйкес ветеринариялық дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 193-тармағына сәйкес іс-әрекеттерді жүзеге асырады. Өзгерістер енгізу рәсімі тоқтатылады.

176. Құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркеу дерекнамасына өзгерістер енгізу рәсімі барысында алдын ала сараптама қорытындысы ресімделген жағдайда, тіркеу жөніндегі референттік орган көрсетілген өтініш берушіге осы Қағидалардың 41-тармағында көрсетілген тәсілмен және мерзімде сұрау салу жібереді, ал соңғы сараптамалық оң қорытынды ресімделген жағдайда, осы Қағидалардың 183 – 185-тармақтарына сәйкес (қажет болған кезде) және 190-тармағына сәйкес іс-әрекеттерді жүзеге асырады.

Құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркеу дерекнамасына өзгерістер енгізілген кезде осы Қағидалардың 177 – 181 және 186 – 189-тармақтарының ережелері қолданылмайды.

177. Алдын ала немесе соңғы сараптамалық оң қорытынды ресімделген жағдайда тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде осындай қорытынды алған күннен бастап өтініш берушіні тіркеу жөніндегі референттік органға тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына мүше мемлекеттердің заңнамасында белгіленген жағдайларда және тәртіппен өзгерістер енгізу рәсімін жүргізу шеңберінде ветеринариялық дәрілік препаратқа арналған құжаттардың сараптамасы үшін алым (баж) төленгенін растайтын құжаттарды ұсыну қажеттігі туралы хабардар етеді.

Өзгерістер енгізу рәсімі шеңберінде уәкілетті органдар және (немесе) сараптама мекемелері сараптама жүргізуге жататын ветеринариялық дәрілік препаратқа арналған құжаттарға мыналар жатады:

құжаттар тізбесіне сәйкес өтініш беруші ұсынған құжаттар (өтініш беруші өзгерістер енгізу рәсімін жүргізу басталғанға дейін ұсынады);

алдын ала немесе соңғы сараптамалық қорытынды (тіркеу жөніндегі референттік орган өзгерістер енгізу рәсімін жүргізу барысында ұсынады);

тіркеу жөніндегі референттік органның сұрау салуы (тіркеу жөніндегі референттік орган өзгерістер енгізу (бар болған кезде) рәсімін жүргізу барысында ұсынады);

ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобалары (тіркеу жөніндегі референттік орган өзгерістер енгізу рәсімін жүргізу барысында ұсынады).

178. Өзгерістер енгізу рәсімі өтініш берушіге тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына мүше мемлекеттердің заңнамасында белгіленген жағдайларда және тәртіппен өзгерістер енгізу рәсімін жүргізу шеңберінде ветеринариялық дәрілік препаратқа арналған құжаттардың сараптамасы үшін алым (баж) төлеу мүмкіндігін беру мақсатында 10 жұмыс күнінен аспайтын мерзімге тоқтатыла тұрады.

179. Тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына өзгерістер енгізу рәсімі шеңберінде ветеринариялық дәрілік препаратқа арналған құжаттардың сараптамасы үшін алым (баж) төлеу расталмаған жағдайда (өтініш беруші мүше мемлекеттердің заңнамасында белгіленген мөлшерде алымның (баждың) төленгенін растайтын құжаттарды ұсынбаса) тіркеу жөніндегі референттік орган көрсетілген мерзім өткен күннен бастап:

а) өзгерістер енгізу рәсімін қайта жаңартады;

б) өтініш берушіге осы Қағидалардың 41-тармағында көрсетілген тәсілмен және мерзімде сұрау салу (бар болған кезде) жібереді (алдын ала сараптама қорытындысын ресімдеу кезінде);

в) осы Қағидалардың 183 – 185-тармақтарына (қажет болған кезде) және 190-тармағына сәйкес іс-әрекеттерді жүзеге асырады.

180. Тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына өзгерістер енгізу рәсімі шеңберінде ветеринариялық дәрілік препаратқа арналған құжаттардың сараптамасы үшін алым (баж) төлеу расталған жағдайда (өтініш беруші мүше мемлекеттердің заңнамасында белгіленген мөлшерде алымның (баждың) төленгенін растайтын құжаттарды ұсынса) тіркеу жөніндегі референттік орган өзгерістер енгізу рәсімі қайта басталған күннен бастап 5 жұмыс күнінен кешіктірмей өзгерістер енгізу рәсімін жүргізуге қатысатын уәкілетті органдарға және (немесе) сараптама мекемелеріне алдын ала немесе соңғы сараптамалық қорытындыға, құжаттар тізбесіне сәйкес ұсынылған құжаттарға және тіркеу жөніндегі референттік органның сұрау салуына (бар болған кезде) қолжетімділік береді.

181. Өзгерістер енгізу рәсімін жүргізуге қатысатын сараптама мекемелері алдын ала немесе соңғы сараптамалық қорытындыға, тіркеу жөніндегі референттік органның сұрау салуына (бар болған кезде), құжаттар тізбесіне сәйкес ұсынылған құжаттарға талдау жүргізеді және қажет болған кезде тіркеу жөніндегі референттік органның сұрау салуына қосымша (бар болған кезде) осы Қағидалардың 52 – 55-тармақтарына сәйкес өтініш берушінің атына және (немесе) тіркеу жөніндегі референттік органға құжаттар тізбесіне сәйкес тіркеу жөніндегі референттік орган көрсетілген материалдарға қолжетімділік ұсынған күннен бастап 25 жұмыс күнінен кешіктірмей жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарға қатысты қажетті түсіндірулер мен нақтылауларды және ветеринариялық дәрілік препараттың тіркеу дерекнамасында көрсетілген деректерді (қажет болған кезде) ұсыну туралы сұрау салулар қалыптастырады. Мұндай талдаудың нәтижелерін сараптама мекемесі көрсетілген мерзімде тиісті уәкілетті органға жібереді.

Сараптама мекемесі қалыптастырған өтініш берушінің атына және (немесе) тіркеу жөніндегі референттік органға сұрау салуды тіркеу жөніндегі референттік органның сұрау салуына қосымша (бар болған кезде) уәкілетті орган сараптама мекемесінен осы сұрау алынған күннен бастап 5 жұмыс күнінен кешіктірмей тіркеу жөніндегі референттік органға жібереді, ол өз кезегінде, уәкілетті органдардан сұрау салуларды алған күннен бастап 5 жұмыс күнінен кешіктірмей басқа уәкілетті органдардан келіп түскен барлық сұрау салуларды (тіркеу жөніндегі референттік органға нақтылаушы сұрақтармен (бар болған кезде) сұрау салуларды қоспағанда) өзінің сұрау салуымен біріктіреді, біріктірілген сұрау салуды (тиісті сұрау салулар болған кезде) қалыптастырады және оны осы Қағидалардың 41-тармағында көрсетілген тәсілмен және мерзімде өтініш берушіге жібереді.

182. Тіркеу жөніндегі референттік орган өтініш берушіге сұрау салуды (оның ішінде біріктірілген сұрау салуды) жіберген күннен бастап өзгерістер енгізу рәсімі осы Қағидалардың 52 – 55-тармақтарына сәйкес 60 жұмыс күнінен аспайтын мерзімге тоқтатыла тұрады және тіркеу жөніндегі референттік органға өтініш берушінің осы Қағидалардың 181-тармағында көрсетілген сұрау салуға (оның ішінде біріктірілген сұрау салуға) жауабы келіп түскен күнінен бастап қайта жаңартылады, оны осы жауап келіп түскен күннен бастап 4 жұмыс күнінен кешіктірмей тіркеу жөніндегі референттік орган ветеринариялық дәрілік заттың сараптамасын аяқтау үшін сараптама мекемесіне жібереді.

Сараптама мекемесі өтініш берушінің сұрау салуына (оның ішінде біріктірілген сұрау салуға) жауап алған күнінен бастап 15 жұмыс күнінен кешіктірмей оны талдайды, соңғы сараптамалық қорытынды дайындайды және көрсетілген мерзім шеңберінде бұл қорытындыны тіркеу жөніндегі референттік органға жібереді.

183. Өтініш беруші ұсынған ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне қосымша сәйкес келтіру қажет болған жағдайда сараптама мекемесі соңғы сараптамалық қорытындымен бірге тіркеу жөніндегі референттік органға оларды пысықтау жөніндегі ұсынымдарды жібереді.

Тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде көрсетілген ұсынымдарды өтініш берушіге жібереді.

Өтініш берушінің ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне сәйкес келтіруі, оларды орыс тілінен тіркеу шарттарына сәйкес аумағында ветеринариялық дәрілік препарат жүгінетін мүше мемлекеттің мемлекеттік тіліне аудармасын (мүше мемлекеттің заңнамасында тиісті талаптар болған кезде) және оларды тіркеу жөніндегі референттік органмен келісуді өтініш беруші тіркеу жөніндегі референттік органның ұсынымдарын алған күннен бастап 20 жұмыс күні ішінде (тіркеу жөніндегі референттік органның көрсетілген жобаларды келісу күнін қоса алғанда) жүзеге асырады.

184. Тіркеу жөніндегі референттік орган өтініш берушіге ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларын референттік органның ескертулеріне сәйкес келтіру жөніндегі ұсынымдарды жіберген күннен бастап өзгерістер енгізу рәсімі тоқтатыла тұрады және тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларын келіскен күннен бастап қайта басталады.

185. Өтініш беруші тіркеу жөніндегі референттік органның ұсынымдарын алған күннен бастап 20 жұмыс күні ішінде ол ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне толық көлемде сәйкес келтірмеген (тіркелген ветеринариялық дәрілік препараттың сапасына, қауіпсіздігіне және (немесе) тиімділігіне қатысты талаптар бөлігінде) және (немесе) тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне олардың орыс тілінен аудармасын (мүше мемлекеттің заңнамасында тиісті талаптар болған кезде) ұсынбаған жағдайда, тіркеу жөніндегі референттік орган көрсетілген мерзім өткен күннен бастап 5 жұмыс күнінен кешіктірмей осы Қағидалардың 144-тармағына сәйкес ветеринариялық дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 193-тармағына сәйкес іс-әрекеттерді жүзеге асырады. Өзгерістер Тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің жобалары келісілген күннен бастап 5 жұмыс күнінен кешіктірмей өтініш берушінің жауабына, осы Қағидалардың 181-тармағында көрсетілген нақтылаушы сұрақтарға өзінің жауабына, соңғы сараптамалық қорытындыға және ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің келісілген жобаларына тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына және (немесе) сараптама мекемелеріне қолжетімділік береді.

187. Өтініш берушінің жауабына және (немесе) тіркеу жөніндегі референттік органның жауабына жүргізілген талдау, соңғы сараптамалық қорытынды және ветеринариялық дәрілік препаратты қолдану жөніндегі нұсқаулықтың және ветеринариялық дәрілік препарат қаптамасы макетінің келісілген жобалары негізінде сараптама мекемесі көрсетілген материалдарға қолжетімділік берілген күннен бастап 5 жұмыс күнінен кешіктірмей тиісті уәкілетті органды ветеринариялық дәрілік препараттың тіркеу дерекнамасына өзгерістер енгізу мүмкіндігі (немесе мүмкін еместігі) туралы хабардар етеді.

188. Уәкілетті орган, өз кезегінде, осындай ақпаратты алған күннен бастап 5 жұмыс күні осы Қағидалардың 145-тармағына сәйкес ветеринариялық дәрілік препараттың тіркеу дерекнамасына енгізу үшін ұсынылатын өзгерістерге қатысты шешім қабылдайды және бұл туралы осы Қағидалардың 41-тармағында көрсетілген тәсілмен және мерзімде тіркеу жөніндегі референттік органды хабардар етеді.

189. Сараптама мекемесі тіркеу жөніндегі референттік органның тапсырмасы бойынша тіркеу жөніндегі референттік орган тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарының шешімдерін алған күннен бастап 5 жұмыс күнінен кешіктірмей, ветеринариялық дәрілік препараттың тіркеу дерекнамасына енгізу үшін ұсынылатын өзгерістерге қатысты жиынтық сараптама қорытындысыны ресімдейді, онда уәкілетті органдардың тиісті мүше мемлекеттің аумағында айналымда болатын ветеринариялық дәрілік препараттың тіркеу дерекнамасына өзгерістер енгізуге келісімі (немесе келіспейтіні) туралы шешімдер көрсетіледі және көрсетілген мерзім шеңберінде оны тіркеу жөніндегі референттік органға жібереді.

Егер ветеринариялық дәрілік препараттың тіркеу дерекнамасына өзгерістер енгізу ветеринариялық дәрілік препараттың құқық иеленушісінің бастамасы болып табылса және мұндай өзгерістерді енгізу немесе енгізбеу ветеринариялық дәрілік препараттың сапасына, қауіпсіздігіне және тиімділігіне теріс әсер ете алмаса, бірақ уәкілетті өкіл (уәкілетті органдар) ветеринариялық дәрілік препараттың тіркеу дерекнамасына өзгерістер енгізуден бас тартса, тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде жиынтық сараптама қорытындысын алған күннен бастап бұл қорытындыны өтініш берушіге жібереді. Бұл ретте сараптама қорытындысында көрсетілген сарапшылар туралы мәліметтердің құпиялылығы қамтамасыз етілуге тиіс. Өзгерістер енгізу рәсімі жиынтық сараптама қорытындысы өтініш берушіге жіберілген күннен бастап тоқтатыла тұрады.

Құқық иеленуші жиынтық сараптама қорытындысына талдау жүргізеді, оның негізінде оның ветеринариялық дәрілік препараттың тіркеу дерекнамасына өзі ұсынған өзгерістерді енгізуден бас тартуға құқығы бар. Ветеринариялық дәрілік препараттың тіркеу дерекнамасына өзгерістер енгізуден бас тарту үшін өтініш беруші тіркеу жөніндегі референттік органнан жиынтық сараптама қорытындысын алған күннен бастап 10 жұмыс күнінен кешіктірмей тіркеу жөніндегі референттік органға осы Қағидаларға № 10 қосымшада көзделген нысан (10.4-нысан) бойынша орыс тілінде ветеринариялық дәрілік препараттың тіркеу дерекнамасына өзгерістер енгізуден бас тарту туралы өтінішті (қағаз жеткізгіште және (немесе) электрондық түрде) ұсынады.

Өтініш берушіден ветеринариялық дәрілік препараттың тіркеу дерекнамасына өзгерістер енгізуден бас тарту туралы өтініш алған жағдайда тіркеу жөніндегі референттік орган көрсетілген өтінішті алған күннен бастап 5 жұмыс күнінен кешіктірмей өзгерістер енгізу рәсімін тоқтату туралы шешім қабылдайды және осы Қағидалардың 41-тармағында көрсетілген тәсілмен және мерзімде көрсетілген шешім қабылданған күннен бастап бұл туралы тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін хабардар етеді.

Өтініш берушіге жиынтық сараптама қорытындысы жіберілген күннен бастап 10 жұмыс күні ішінде одан ветеринариялық дәрілік препараттың тіркеу дерекнамасына өзгерістер енгізуден бас тарту туралы өтініш алынбаған жағдайда өзгерістер енгізу рәсімі қайта басталады.

Бұрын ветеринариялық дәрілік препаратты тіркеуге және оның тіркелгенін растауға келісім берген уәкілетті орган өтініш беруші ұсынған өзгерістерді ветеринариялық дәрілік препараттың тіркеу дерекнамасына енгізуден бас тартқан жағдайда, ветеринариялық дәрілік препаратты мүше мемлекеттің аумағында тіркеу жарамсыз деп танылады және оның осы мемлекеттің аумағындағы айналымы тоқтатылады, ал оны тіркеудің қолданылу мерзімі ішінде өндірілген ветеринариялық дәрілік препараттың айналымына осы мемлекеттің аумағында ветеринариялық дәрілік препараттың жарамдылық мерзімі өткенге дейін жол беріледі.

190. Тіркеу жөніндегі референттік орган жиынтық немесе соңғы сараптамалық қорытынды негізінде (осы Қағидалардың 176, 177 және 189-тармақтарында көзделген жағдайларда) оны сараптама мекемесінен алған күннен бастап 5 жұмыс күнінен кешіктірмей:

а) құрамына әсер етуші заттар кірмейтін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жатпайтын ветеринариялық дәрілік препараттың тіркеу дерекнамасына өтініш беруші ұсынған өзгерістерді енгізу туралы (уәкілетті органдары көрсетілген өзгерістерді енгізуге келіскен мүше мемлекеттердің аумақтарында осы ветеринариялық дәрілік препараттың айналымы мүмкіндігімен);

б) құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттың тіркеу дерекнамасына өтініш беруші ұсынған өзгерістерді енгізу туралы (осы ветеринариялық дәрілік препараттың Одақтың кедендік аумағында айналымы мүмкіндігімен);

в) көрсетілген өзгерістерді енгізуден бас тарту туралы шешім қабылдайды.

191. Жиынтық немесе соңғы сараптамалық қорытындыны (осы Қағидалардың 176, 177 және 189-тармақтарында көзделген жағдайларда) тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде өтініш беруші ветеринариялық дәрілік препараттың тіркеу дерекнамасына енгізу үшін ұсынған өзгерістерге қатысты ол оң шешім қабылдаған күннен бастап өтініш берушіге ұсынады. Бұл ретте сараптама қорытындысында көрсетілген сарапшылар туралы мәліметтердің құпиялылығы қамтамасыз етілуге тиіс.

192. Тіркеу жөніндегі референттік орган ветеринариялық дәрілік препараттың тіркеу дерекнамасына өтініш беруші ұсынған өзгерістер енгізу туралы шешім қабылдаған кезде мұндай шешім қабылданған күннен бастап 10 жұмыс күнінен кешіктірмей тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін осы Қағидалардың 41-тармағында көрсетілген тәсілмен қабылданған шешім туралы хабардар етеді, Комиссияға Одақтың ветеринариялық дәрілік препараттары тізіліміне енгізу үшін ветеринариялық дәрілік препарат туралы қажетті мәліметтерді (ветеринариялық дәрілік препараттың деректемелерін және өзгеріс енгізілген ветеринариялық дәрілік препараттың тіркеу дерекнамасының бөлімін көрсете отырып) береді және өтініш берушіге мыналарды береді:

а) келісілген ветеринариялық дәрілік затқа арналған нормативтік құжат (оған өзгерістер енгізілген жағдайда);

б) орыс тілінде және тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тілінде келісілген ветеринариялық дәрілік препаратты қолдану жөніндегі нұсқаулық (мүше мемлекеттің заңнамасында тиісті талаптар болған кезде) (оған өзгерістер енгізілген жағдайда);

в) орыс тілінде және тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тілінде (мүше мемлекеттің заңнамасында тиісті талаптар болған кезде) бастапқы және бар болған кезде екінші қаптамалардың келісілген макеттері (ветеринариялық дәрілік препараттың тіркеу нөмірін көрсете отырып) (оларға өзгерістер енгізілген жағдайда).

193. Тіркеу жөніндегі референттік орган ветеринариялық дәрілік препараттың тіркеу дерекнамасына өтініш беруші ұсынған өзгерістерді енгізуден бас тарту туралы шешім қабылдаған кезде осы Қағидалардың 41-тармағында көрсетілген тәсілмен және мерзімде осы шешім қабылданған күннен бастап:

а) өтініш берушіге жиынтық немесе соңғы сараптамалық қорытындыны жібереді (тіркеу жөніндегі референттік орган соңғы сараптамалық теріс қорытынды ресімдеген жағдайда);

б) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін қабылданған шешім туралы (бас тарту себептерін көрсете отырып) хабардар етеді;

в) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына және (немесе) сараптама мекемелеріне жиынтық немесе соңғы (тіркеу жөніндегі референттік орган соңғы сараптамалық теріс қорытынды ресімдеген жағдайда) сараптама қорытындысына қолжетімділік береді.

194. Одақтың ветеринариялық дәрілік препараттарының тізіліміне ветеринариялық дәрілік препарат туралы мәліметтерді енгізген күн немесе тіркеу жөніндегі референттік органның ветеринариялық дәрілік препараттың тіркеу дерекнамасына өзгерістер енгізуден бас тарту туралы шешімді қабылдаған күн өзгерістер енгізу рәсімінің аяқталған күні болып табылады.

7. Тіркелген ветеринариялық дәрілік препараттың тіркеу дерекнамасына ветеринариялық дәрілік препараттың тіркеу дерекнамасына сараптама және ветеринариялық дәрілік заттың үлгілеріне сараптама жүргізбестен өзгерістер енгізу тәртібі

195. Мыналар өзгерістер енгізу рәсімі басталған күн болып табылады:

тіркеу жөніндегі референттік орган ветеринариялық дәрілік препараттың тіркеу дерекнамасына өзгерістер енгізу мақсатында өтініш беруші ұсынған құжаттарды қарау туралы шешім қабылдаған күн (өтініш беруші өзгерістер енгізу рәсіміне бастамашы болған жағдайда);

Одақтың ресми сайтында Комиссияның Одақтың құқығына кіретін актіге рұқсат етілген ең жоғары деңгейдің мәнін белгілеу бөлігінде өзгерістер енгізу туралы шешімін ресми жариялау күні (тіркеу жөніндегі референттік орган өзгерістер енгізу рәсіміне бастамашы болған жағдайда және осы Қағидалардың 91-тармағының "з" тармақшасына және 240-тармағының "з" тармақшасына сәйкес).

Тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін ветеринариялық дәрілік препараттың тіркеу дерекнамасына өзгерістер енгізу туралы өтінішке берілген бірегей нөмірді көрсете отырып, қабылданған шешім туралы (өтініш беруші өзгерістер енгізу рәсіміне бастамашы болған жағдайда) немесе осы тармақтың үшінші абзацында көрсетілген Комиссия қабылдаған шешім туралы (тіркеу жөніндегі референттік орган өзгерістер енгізу рәсіміне бастамашы болған жағдайда) хабардар етеді.

Өтініш беруші өзгерістер енгізу рәсіміне бастамашы болған кезде құжаттар тізбесіне сәйкес өзі ұсынған құжаттар оларды қарау үшін тіркеу жөніндегі референттік органда қалады.

196. Тіркелген ветеринариялық дәрілік препараттың тіркеу дерекнамасына енгізу үшін өтініш беруші ұсынған өзгерістерді тіркеу жөніндегі референттік орган 20 жұмыс күнінен асырмай қарайды, оларды қарау қорытындылары бойынша тіркеу жөніндегі референттік орган алдын ала шешім қабылдайды және осы Қағидалардың 52 – 55-тармақтарына сәйкес өтініш берушінің атына құжаттар тізбесіне сәйкес жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарға қатысты қажетті түсіндірулерді немесе нақтылауларды және ветеринариялық дәрілік препараттың тіркеу дерекнамасында көрсетілген деректерді (қажет болған кезде) ұсыну туралы сұрау салу қалыптастырылады.

Осы Қағидалардың 195-тармағының үшінші абзацында көрсетілген Комиссия шешімі Одақтың ресми сайтында ресми жарияланған күнінен бастап 20 жұмыс күнінен кешіктірмей тіркеу жөніндегі референттік орган:

өзі қабылдаған өнімді жануарларға (оның ішінде жануарлардан алынатын акваөсіру объектілеріне) қолдану мақсатында тағайындалған фармацевтикалық ветеринариялық дәрілік препараттарды тіркеуден (немесе тіркеу дерекнамасына сәйкес келтіруден) бас тарту туралы шешімдерге осы ветеринариялық дәрілік препараттарды тіркеу рәсімі немесе Одақтың құқығына кіретін актілердегі тіркеу дерекнамасына сәйкес келтіру рәсімі аяқталған сәтте рұқсат етілген ең жоғары деңгей мәндерінің және оларды айқындау әдістемесінің болмауына байланысты талдау жүргізеді;

фармацевтикалық ветеринариялық дәрілік препаратты қолдану жөніндегі нұсқаулыққа өзгерістер енгізу мүмкіндігі (немесе мүмкін еместігі) туралы алдын ала шешім қабылдайды;

осы Қағидалардың 52 – 55-тармақтарына сәйкес өтініш берушінің атына жетіспейтін (қосымша) ақпаратты, ветеринариялық дәрілік препараттың тіркеу дерекнамасының құрамына кіретін құжаттарға қатысты қажетті түсіндірулерді немесе нақтылауларды және ветеринариялық дәрілік препараттың тіркеу дерекнамасында көрсетілген деректерді (қажет болған кезде) ұсыну туралы сұрау салуды қалыптастырады.

Қабылданған шешім туралы тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде өтініш берушіге, тіркеу шарттарына сәйкес аумақтарында фармацевтикалық ветеринариялық дәрілік препараттың немесе фармацевтикалық ветеринариялық дәрілік препараттың айналымы болжанған мүше мемлекеттердің уәкілетті органдарына және (немесе) сараптама мекемелеріне хабарлайды.

Өтініш беруші ұсынған ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын пысықтау қажет болған кезде (өзгерістер енгізу рәсіміне, фармацевтикалық ветеринариялық дәрілік препараттың тіркеу рәсіміне немесе тіркеу дерекнамасына сәйкес келтіру рәсіміне бастамашы болған кезде) оларды пысықтау жөніндегі ұсынымдарды тіркеу жөніндегі референттік орган сұрау салумен бір мезгілде дайындайды, ол осы Қағидалардың 41-тармағында көрсетілген тәсілмен және мерзімде тіркеу жөніндегі референттік орган алдын ала шешімі қабылданған күннен бастап өтініш берушіге жіберіледі.

Сұрау салу болмаған және ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын пысықтау қажет болған жағдайларда тіркеу жөніндегі референттік орган қорытынды шешім қабылдайды.

197. Теріс қорытынды шешім қабылданған жағдайда тіркеу жөніндегі референттік орган осындай шешім қабылданған күннен бастап 5 жұмыс күнінен кешіктірмей осы Қағидалардың 144-тармағына сәйкес ветеринариялық дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 201-тармағына сәйкес іс-әрекеттерді жүзеге асырады. Өзгерістер енгізу рәсімі тоқтатылады.

198. Тіркеу жөніндегі референттік орган өтініш берушінің атына сұрау салуды жіберген күннен бастап өзгерістер енгізу рәсімі осы Қағидалардың 52 – 55-тармақтарына сәйкес 30 жұмыс күнінен аспайтын мерзімге тоқтатыла тұрады және тіркеу жөніндегі референттік органға өтініш берушінің сұрау салуға жауабы (оның ішінде ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің (қажет болған кезде) түзетілген жобалары) және ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасы (мүше мемлекеттің заңнамасында тиісті талаптар болған кезде) келіп түскен күннен бастап қайта басталады.

Өтініш беруші 20 жұмыс күні ішінде ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне толық көлемде сәйкес келтірмеген (тіркелген ветеринариялық дәрілік препараттың сапасына, қауіпсіздігіне және (немесе) тиімділігіне қатысты талаптар бөлігінде) және (немесе) ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің тіркеу шарттарына сәйкес аумағында ветеринариялық дәрілік препарат айналымды болатын мүше мемлекеттің мемлекеттік тіліне орыс тілінен аудармасын (мүше мемлекеттің заңнамасында тиісті талаптар болған кезде) ұсынбаған жағдайда тіркеу жөніндегі референттік орган көрсетілген мерзім өткен күннен бастап 5 жұмыс күнінен кешіктірмей осы Қағидалардың 144-тармағына сәйкес дәрілік препараттың тіркеу дерекнамасына өзгерістер енгізуден бас тарту туралы шешім қабылдайды және осы Қағидалардың 201-тармағына сәйкес іс-әрекеттерді жүзеге асырады. Өзгерістер енгізу рәсімі тоқтатылады.

199. Тіркеу жөніндегі референттік орган өтініш берушіден өз сұрау салуына жауапты, тіркеу жөніндегі референттік органның ескертулеріне сәйкес пысықталған ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің (қажет болған кезде) жобаларын, сондай-ақ ветеринариялық дәрілік препаратты қолдану жөніндегі нұсқаулық және ветеринариялық дәрілік препарат қаптамасы макетінің жобасындағы мәтіннің жобаларын тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасын (мүше мемлекеттің заңнамасында тиісті талаптар болған кезде) алған күннен бастап 20 жұмыс күнінен кешіктірмей:

а) өтініш беруші ұсынған сұрау салуға жауапқа талдау жүргізеді;

б) өтініш беруші дайындаған ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын келіседі (келіспейді);

в) өтініш беруші ұсынатын өзгерістерді ветеринариялық дәрілік препараттың тіркеу дерекнамасына енгізу туралы (ветеринариялық дәрілік препараттың тіркеу дерекнамасына өзгерістер енгізілгенге дейін өзі айналымда болған мүше мемлекеттердің аумақтарында осы ветеринариялық дәрілік препараттың айналымда болуы мүмкіндігімен) немесе ветеринариялық дәрілік препараттың тіркеу дерекнамасына өзгерістер енгізуден бас тарту туралы қорытынды шешім қабылдайды.

200. Тіркеу жөніндегі референттік орган өтініш беруші ұсынған өзгерістерді ветеринариялық дәрілік препараттың тіркеу дерекнамасына енгізу туралы оң қорытынды шешім қабылдаған кезде осындай шешім қабылданған күннен бастап 10 жұмыс күнінен кешіктірмей мынадай іс-қимылдарды жүзеге асырады:

а) өтініш берушіге осы Қағидалардың 41-тармағында көрсетілген тәсілмен ресімделген қорытынды шешімді жолдайды;

б) осы Қағидалардың 41-тармағында көрсетілген тәсілмен тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін ветеринариялық дәрілік препараттың тіркеу дерекнамасына ұсынылатын өзгерістерге қатысты қорытынды шешім туралы хабардар етеді;

в) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына және (немесе) сараптама мекемелеріне құжаттар тізбесіне, референттік органның сұрау салуына сәйкес өтініш беруші ұсынған құжаттарға, тіркеу жөніндегі референттік органның сұрау салуына, тіркеу жөніндегі референттік органның сұрау салуына өтініш берушінің жауабына, тіркеу жөніндегі референттік органның қорытынды шешіміне және ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің келісілген жобаларына қолжетімділік ұсынады;

г) Одақтың ветеринариялық дәрілік препараттары тізіліміне енгізу үшін Комиссияға ветеринариялық дәрілік препарат туралы қажетті мәліметтерді ұсынады (оның деректемелері мен ветеринариялық дәрілік препараттың тіркеу дерекнамасының бөлімін көрсете отырып, өзгеріс енгізілген әрбір енгізілген өзгеріс туралы жазба);

д) өтініш берушіге мыналарды береді:

ветеринариялық дәрілік затқа арналған келісілген нормативтік құжат (оған өзгерістер енгізілген жағдайда);

орыс тілінде және тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тілінде (мүше мемлекеттің заңнамасында тиісті талаптар болған кезде) ветеринариялық дәрілік препаратты қолдану жөніндегі келісілген нұсқаулық (оған өзгерістер енгізілген жағдайда);

орыс тілінде және тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тілінде мүше мемлекеттің заңнамасында тиісті талаптар болған кезде) бастапқы және бар болған кезде екінші қаптамаларының келісілген макеттері, оларға ветеринариялық дәрілік препараттың тіркеу нөмірін көрсете отырып (оларға өзгерістер енгізілген жағдайда).

201. Тіркеу жөніндегі референттік орган ветеринариялық дәрілік препараттың тіркеу дерекнамасына өтініш беруші ұсынған өзгерістерді енгізуден бас тарту туралы шешім қабылдау кезінде осы Қағидалардың 41-тармағында көрсетілген тәсілмен және мерзімде осындай шешім қабылданған күннен бастап мынадай іс-қимылдарды жүзеге асырады:

а) ресімделген қорытынды шешімді өтініш берушіге жолдайды;

б) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарды және (немесе) сараптама мекемелерін бас тарту себептерін көрсете отырып, қабылданған шешім туралы хабардар етеді;

в) тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарына және (немесе) сараптама мекемелеріне қорытынды шешімге қолжетімділік береді.

202. Ветеринариялық дәрілік препарат туралы мәліметтерді Одақтың ветеринариялық дәрілік препараттарының тізіліміне енгізілген күн немесе тіркеу жөніндегі референттік органның ветеринариялық дәрілік препараттың тіркеу дерекнамасына өзгерістер енгізу бас тарту туралы шешім қабылдаған күні өзгерістер енгізу рәсімінің аяқталған күні болып табылады.

8. Мүше мемлекеттердің заңнамасына сәйкес тіркелген ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіру тәртібі

203. Тіркеу дерекнамасына сәйкес келтіру рәсімін жүргізу мерзімі тіркеу жөніндегі референттік орган ветеринариялық дәрілік затқа сараптама жүргізу туралы шешім қабылдаған күннен бастап Одақтың ветеринариялық дәрілік препараттары тізіліміне ветеринариялық дәрілік препарат туралы мәліметтерді енгізген күн аралығында 220 жұмыс күнінен аспауы тиіс (осы Қағидаларға № 9 қосымшаның 9.12-блок-схемасы).

204. Ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіру мақсатында өтініш беруші мүше мемлекеттің заңнамасына сәйкес аумағында ветеринариялық дәрілік препарат тіркелген мүше мемлекеттердің бірінің уәкілетті органына орыс тілінде (осы уәкілетті орган тіркеу жөніндегі референттік орган болады):

ветеринариялық дәрілік препараттың тіркеу дерекнамасын осы Қағидаларға № 10 қосымшада көзделген нысан бойынша (10.5-нысан) қағаз жеткізгіште және (немесе) электрондық түрде осы Қағидалардың талаптарына сәйкес келтіру туралы өтініш (бұдан әрі – тіркеу дерекнамасына сәйкес келтіру туралы өтініш);

тіркеу жөніндегі референттік органға мүше мемлекеттің заңнамасында белгіленген жағдайларда және тәртіппен ветеринариялық дәрілік заттың сараптамасы үшін алымның (баждың) төленгенін растайтын құжаттар;

жаңартылған тіркеу дерекнамасы (қағаз жеткізгіште және электронды түрде);

ветеринариялық дәрілік препараттың сапасына, қауіпсіздігіне және тиімділігіне немесе күтілетін пайданың ветеринариялық дәрілік препаратты қолданудың ықтимал қаупіне қатынасына теріс әсер етуі мүмкін, оның негізінде мүше мемлекеттердің заңнамасына сәйкес ветеринариялық дәрілік препарат тіркелген ветеринариялық дәрілік препараттың тіркеу дерекнамасынан айырмашылықтардың болмауы (немесе болуы) туралы түсіндірме жазба-негіздеме (қағаз жеткізгіште және электрондық түрде);

осы Қағидаларға № 13 қосымшада көзделген нысанға сәйкес ветеринариялық дәрілік препаратты тіркеу кезеңі үшін, бірақ оның нақты айналымының соңғы 5 жылынан аспайтын мерзімді есеп (қағаз жеткізгіште және электрондық түрде).

Одақ құқығына кіретін актілерде рұқсат етілген ең жоғары деңгейдің мәні болмаған кезде өтініш беруші тіркеу жөніндегі референттік органға қосымша материалдарды (мүше мемлекеттің адам денсаулығын қорғау саласындағы уәкілетті органының барынша рұқсат етілген деңгейдің мәнін ("жол берілмегеннен" жоғары) келісу туралы құжатын (құжаттың белгіленген тәртіппен куәландырылған көшірмесін), қосымша клиникаға дейінгі және (немесе) клиникалық зерттеулердің (сынақтардың) нәтижелерін, өзекті ғылыми және (немесе) әдеби деректерді және т. б), олардың құрамына өнімді жануарларға (оның ішінде жануарлардан алынатын акваөсіру объектілеріне) қолдану мақсатында арналған фармацевтикалық ветеринариялық дәрілік препараттың жаңартылған тіркеу дерекнамасының құрамына енгізе отырып ұсынуға құқылы.

Ветеринариялық дәрілік заттың үлгілері тіркеу жөніндегі референттік органның өкіміне сәйкес сараптама мекемесіне ұсынылады.

Ветеринариялық дәрілік препараттың клиникаға дейінгі және клиникалық зерттеулері (сынақтары) туралы деректер жаңартылған тіркеу дерекнамасында тиісті есептер түрінде ұсынылады, егер олардың мазмұндық бөлігі № 14 және 15 қосымшаларға сәйкес клиникаға дейінгі және клиникалық зерттеулер (сынақтар) жүргізу қағидаттарына сәйкес келген жағдайда, олар ресімдеу бөлігінде осы Қағидалардың талаптарына сәйкес келтірілмеуі мүмкін.

205. Тіркеу дерекнамасына сәйкес келтіру туралы өтініш:

а) мүше мемлекеттің заңнамасына сәйкес тіркелуінің қолданылу мерзімі шектеулі (жедел тіркеу) ветеринариялық дәрілік препараттар үшін ветеринариялық дәрілік препаратты тіркеудің қолданылу мерзімі аяқталғанға дейін 230 жұмыс күнінен кешіктірмей;

б) мүше мемлекеттің заңнамасына сәйкес тіркелуінің ұзартылған қолданылу мерзімі шектеулі (мерзімді тіркеуді ұзарту) ветеринариялық дәрілік препараттар үшін 2027 жылғы 31 желтоқсанға дейін 230 жұмыс күнінен кешіктірмей;

в) мүше мемлекеттің заңнамасына сәйкес тіркелуінің қолданылу мерзімі шектелмеген (мерзімсіз тіркеу) ветеринариялық дәрілік препараттар үшін 2027 жылғы 31 желтоқсанға дейін 230 жұмыс күнінен кешіктірмей берілуі тиіс.

206. Мүше мемлекеттердің заңнамасына сәйкес тіркелген және № 16 қосымшаның тізбесі бойынша құрамында әсер етуші заттар (тиісті фармакопеялық мақала болған жағдайда) бар ветеринариялық дәрілік препараттар (бір белсенді затпен) үшін тіркеу дерекнамасын сәйкестікке келтіру рәсімі талап етілмейді.

Уәкілетті орган осы Қағидалардың 205-тармағында белгіленген мерзімде мүше мемлекеттердің заңнамасына сәйкес тіркелген және осы Қағидаларға № 16 қосымшаның тізбесі бойынша құрамында әсер етуші заттар (тиісті фармакопеялық мақала болған жағдайда) бар ветеринариялық дәрілік препараттарға (бір белсенді затпен) қатысты осы Қағидалардың 235-тармағына сәйкес іс-әрекеттерді жүзеге асырады.

207. Егер мүше мемлекеттің заңнамасына сәйкес тіркелген ветеринариялық дәрілік препараттың құқық иеленушісі осы Қағидалардың 205-тармағында белгіленген мерзімде тіркеу дерекнамасына сәйкес келтіру туралы өтініш бермесе:

а) ветеринариялық дәрілік препаратты жедел тіркеуді осы ветеринариялық дәрілік препаратты тіркеген уәкілетті орган осы тіркеудің қолданылу мерзімі өткен күннен бастап жарамсыз деп таниды;

б) ветеринариялық дәрілік препаратты ұзартылған тіркеуді осы ветеринариялық дәрілік препаратты тіркеген уәкілетті орган 2028 жылғы 1 қаңтардан бастап жарамсыз деп таниды;

в) ветеринариялық дәрілік препаратты мерзімсіз тіркеуді осы ветеринариялық дәрілік препаратты тіркеген уәкілетті орган 2028 жылғы 1 қаңтардан бастап жарамсыз деп таниды;

г) оны тіркеудің қолданылу мерзімінде өндірілген ветеринариялық дәрілік препараттың айналымына осы ветеринариялық препараттың жарамдылық мерзімі аяқталғанға дейін жол беріледі.

208. Тіркеу дерекнамасын сәйкестендіру рәсімін жүргізу кезеңінде Одақтың кедендік аумағында ветеринариялық дәрілік препараттың айналымына жол беріледі.

209. Тіркеу жөніндегі референттік орган тіркеу дерекнамасына сәйкес келтіру туралы өтінішті алған кезде және уәкілетті органдармен және (немесе) сараптама мекемелерімен және Комиссиямен одан әрі ақпараттық өзара іс-қимыл жасау мақсатында өтінішке осы Қағидалардың 61-тармағына сәйкес схема бойынша бірегей нөмір береді.

Тіркеу жөніндегі референттік орган, уәкілетті органдар және (немесе) сараптама мекемелері мен Комиссия арасындағы ақпараттық өзара іс-қимыл тіркеу дерекнамасына сәйкес келтіру рәсімі барысында осы Қағидаларға № 5 қосымшада көзделген тәртіпке сәйкес жүзеге асырылады.

210. Тіркеу жөніндегі референттік орган тіркеу дерекнамасына сәйкес келтіру туралы өтініш қабылданған күннен бастап 10 жұмыс күні ішінде өтініш беруші ұсынған құжаттардың (жаңартылған тіркеу дерекнамасы, түсіндірме жазба-негіздеме және мерзімді есеп) жинақтылығын бағалауды жүзеге асырады және оларды сараптамаға жібереді. Өтініш берушіге тіркеу жөніндегі референттік органның ескертулері бойынша жетіспейтін материалдарды ұсынуға тіркеу дерекнамасына сәйкес келтіру рәсімінің мерзіміне кірмейтін 30 жұмыс күнінен аспайтын мерзім беріледі.

211. Тіркеу жөніндегі референттік орган өтініш беруші тіркеу жөніндегі референттік органның ескертулері бойынша жетіспейтін материалдарды ұсынбаған және (немесе) тіркеу жөніндегі референттік органға мүше мемлекеттің заңнамасында белгіленген жағдайларда және тәртіппен ветеринариялық дәрілік заттың сараптамасы үшін алым (баж) төленгенін растамаған жағдайда, тіркеу дерекнамасына сәйкес келтіру туралы өтінішті қабылдамайды және өтініш берушіге жаңартылған тіркеу дерекнамасын, түсіндірме жазба-негіздемені және қағаз жеткізгіштегі мерзімді есепті қайтарады.

212. Тіркеу жөніндегі референттік органның ветеринариялық дәрілік затқа сараптама жүргізу туралы шешім қабылдаған күн тіркеу дерекнамасына сәйкес келтіру рәсімінің басталу күні болып табылады.

Қабылданған шешім туралы (тіркеу дерекнамасына сәйкес келтіру туралы өтінішке берілген бірегей нөмірді көрсете отырып) тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде өтініш берушіні және уәкілетті органдарды және (немесе) сараптама мекемелерін хабардар етеді. Көрсетілген хабарламамен бір мезгілде тіркеу жөніндегі референттік орган өтініш берушіге ветеринариялық дәрілік заттың үлгілерін ұсыну үшін сараптама мекемесінің атауын, оның орналасқан жерін (заңды тұлғаның мекенжайын) және қызметті жүзеге асыру орнының мекенжайын (егер мекенжайлар өзгеше болған жағдайда) хабарлайды.

Өтініш беруші ұсынған жаңартылған тіркеу дерекнамасын, түсіндірме жазба-негіздемені және мерзімді есепті тіркеу жөніндегі референттік орган сараптама үшін сараптама мекемесіне жібереді.

Өнімді жануарларға (оның ішінде жануарлардан алынатын акваөсіру объектілеріне) қолдану мақсатында арналған фармацевтикалық ветеринариялық дәрілік препаратты тіркеу дерекнамасына сәйкес келтіру рәсіміне бастамашы болған және осы фармацевтикалық ветеринариялық дәрілік препаратты тіркеу туралы өтініш берген кезде одақ құқығына кіретін актілерде рұқсат етілген ең жоғары деңгейдің мәні болмаған жағдайда, тіркеу жөніндегі референттік орган осындай ветеринариялық дәрілік препаратты тіркеу рәсімі басталған күннен бастап 10 жұмыс күнінен аспайтын мерзімде Комиссияға Одақ құқығына кіретін актілерге:

өтініш беруші осы Қағидалардың 204-тармағының бесінші абзацында көрсетілген қосымша материалдарды ұсынбаған кезде "жол берілмейді" деген ең жоғары рұқсат етілген деңгейдің мәнін (талдамалық әдістің сезімталдығы деңгейінде);

өтініш беруші осы Қағидалардың 204-тармағының бесінші абзацында көрсетілген қосымша материалдарды ұсынған кезде мүше мемлекеттің адам денсаулығын қорғау саласындағы уәкілетті органымен келісілген рұқсат етілген ең жоғары деңгейдің мәнін белгілеу бөлігінде өзгерістер енгізуге өтініш жібереді.

213. Өтініш беруші фармацевтикалық ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіру мақсатында тіркеу жөніндегі референттік органның ветеринариялық дәрілік затқа сараптама жүргізу туралы шешімін алған күннен бастап 45 жұмыс күнінен кешіктірмей, әрбір өндірістік алаңнан фармацевтикалық ветеринариялық дәрілік препараттың сапа сараптамасын жүргізу үшін сараптама мекемесіне сапаны бақылау әдістерін 3 есе жаңғырту үшін қажетті мөлшерде:

технологиялық құжаттардың (өнеркәсіптік регламенттің, технологиялық регламенттің немесе технологиялық нұсқаулықтың) талаптарына сәйкес өндірілген ветеринариялық дәрілік заттың үлгілерін;

фармацевтикалық субстанцияның стандартты үлгілерін және (немесе) фармацевтикалық субстанция үлгілерін;

осы Қағидалардың 34-тармағына сәйкес уәкілетті орган айқындаған сараптама мекемесімен келісім бойынша ерекше реагенттерді және басқа да шығыс материалдарын ұсынады.

Үлгілерді ұсыну сәтіне дейін тіркеу дерекнамасына сәйкес келтіру рәсімі тоқтатыла тұрады.

Өнімді жануарлар (оның ішінде жануарлардан алынатын акваөсіру объектілері) үшін қолдану мақсатында арналған фармацевтикалық ветеринариялық дәрілік препараттың тіркеу дерекнамасын келтіру рәсіміне бастамашы болған және осы фармацевтикалық ветеринариялық дәрілік препаратты тіркеу туралы өтініш берген кезде Одақ құқығына кіретін актілерде рұқсат етілген ең жоғары деңгей мәні болмаған жағдайда, өтініш беруші фармацевтикалық ветеринариялық дәрілік заттың үлгілерімен бірге сараптама мекемесіне фармацевтикалық ветеринариялық дәрілік препараттың әсер етуші заттарының (әсер етуші затының) және (немесе) оның жануарлардан алынатын шикізатқа метаболиттерінің қалдық мөлшерін анықтау әдістемесін 3 есе жаңғырту үшін қажетті мөлшердегі стандартты үлгілерді және жануарлардан алынатын шикізат үлгілеріне тиісті зерттеулер (сынақтар) жүргізу үшін қажетті басқа да шығыс материалдарын қосымша ұсынады.

214. Өтініш беруші тіркеу жөніндегі референттік органның иммунологиялық (иммундық-биологиялық) ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіру мақсатында ветеринариялық дәрілік затқа сараптама жүргізу туралы шешімін алған күннен бастап 45 жұмыс күнінен кешіктірмей сараптама мекемесіне әрбір өндірістік алаңнан ветеринариялық дәрілік препараттың сапа сараптамасын жүргізу үшін сапаны бақылау әдістерін 3 есе жаңғырту үшін қажетті мөлшерде:

технологиялық құжаттардың (өнеркәсіптік регламент, технологиялық регламент немесе технологиялық нұсқаулық) талаптарына сәйкес өндірілген ветеринариялық дәрілік заттың үлгілерін;

тест-жүйелерді немесе микроорганизмдер штамдарын (егер әдіс фармакопеялық болып табылмаған жағдайда);

стандартты үлгілерді;

осы Қағидалардың 34-тармағына сәйкес уәкілетті орган айқындаған сараптама мекемесімен келісім бойынша ерекше реагенттерді және басқа да шығыс материалдарын ұсынады.

Қажет болған кезде өтініш беруші гендер реттілігінің модификациясы туралы ақпаратты (микроорганизм штамының генетикалық құрылымы өзгерген кезде) қосымша ұсынады. Үлгілерді ұсыну сәтіне дейін тіркеу дерекнамасына сәйкес келтіру рәсімі тоқтатыла тұрады.

215. Өтініш беруші тіркеу жөніндегі референттік органның ветеринариялық дәрілік затқа, ветеринариялық дәрілік зат үлгілеріне, стандартты үлгілерге және қажет болған жағдайда басқа да шығыс материалдарына сараптама жүргізу туралы шешімін алған күннен бастап 45 жұмыс күні ішінде сараптама мекемесі көрсетілген кезең өткеннен кейін 5 жұмыс күнінен кешіктірмей бұл туралы тіркеу жөніндегі референттік органды хабардар етеді. Тіркеу жөніндегі референттік орган сараптама мекемесінен көрсетілген ақпаратты алған күннен бастап 5 жұмыс күні ішінде осы Қағидалардың 240-тармағына сәйкес ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіруден бас тарту туралы шешім қабылдайды, тіркеу дерекнамасына сәйкес келтіру рәсімі тоқтатылады, бұл туралы өтініш беруші, сондай-ақ уәкілетті органдар және (немесе) сараптама мекемелері осы Қағидалардың 41-тармағында көрсетілген тәсілмен және мерзімде хабардар етіледі.

216. Ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын алған кезде сараптама мекемесі өтініш берушіге олардың алынғанын құжатпен растайды, ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын алған күннен бастап 5 жұмыс күнінен кешіктірмей олардың сараптамаға жарамдылығын және қажетті зерттеулер (сынақтар) жүргізу мүмкіндігін бағалайды және көрсетілген мерзімде бұл туралы тіркеу жөніндегі референттік органды хабардар етеді. Сараптама мекемесі ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын алған күннен бастап тіркеу дерекнамасына сәйкес келтіру рәсімі қайта басталады.

217. Ветеринариялық дәрілік заттың сараптамасын ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіру мақсатында сараптама мекемесі 90 жұмыс күнінен аспайтын мерзімде жүргізеді, оның қорытындысы бойынша алдын ала сараптама қорытындысы ресімделеді, сондай – ақ осы Қағидалардың 52 – 55-тармақтарына сәйкес өтініш берушінің атына жетіспейтін (қосымша) ақпаратты, жаңартылған тіркеу дерекнамасының құрамына кіретін құжаттарға қажетті түсіндірулерді немесе нақтылауларды, жаңартылған тіркеу дерекнамасында көрсетілген деректерді және мерзімді есепте, түсіндірме жазба-негіздемеде көрсетілген деректерді ұсыну туралы сұрау салу ресімделеді. Алдын ала сараптама қорытындысын және өтініш берушінің атына сұрау салуды, ал сұрау салу болмаған жағдайда соңғы сараптамалық қорытындыны сараптама мекемесі көрсетілген мерзімдерде тіркеу органына жібереді.

218. Соңғы сараптамалық теріс қорытынды ресімделген жағдайда тіркеу жөніндегі референттік орган сараптама қорытындысын алған күннен бастап 5 жұмыс күнінен кешіктірмей осы Қағидалардың 240-тармағына сәйкес ветеринариялық дәрілік препараттың тіркеу дерекнамасының осы Қағидалардың талаптарына сәйкестігін растаудан бас тарту туралы шешім қабылдайды және осы Қағидалардың 239-тармағына сәйкес іс-әрекеттерді жүзеге асырады. Тіркеу дерекнамасына сәйкес келтіру рәсімі тоқтатылады.

219. Алдын ала немесе соңғы сараптамалық оң қорытынды ресімделген жағдайда, тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде сараптама қорытындысын алған күннен бастап көрсетілген өтініш берушіні тіркеу жөніндегі референттік органға тіркеу дерекнамасына сәйкес келтіру рәсімі шеңберінде мүше мемлекеттің заңнамасында белгіленген жағдайларда және тәртіппен ветеринариялық дәрілік препаратқа арналған құжаттарды сараптау үшін алымның (баждың) басқа уәкілетті органдарға төленгенін растайтын құжаттарды ұсыну қажеттігі туралы хабардар етеді.

Тіркеу дерекнамасына сәйкес келтіру шеңберінде басқа уәкілетті органдардың және (немесе) сараптама мекемелерінің сараптауына жататын ветеринариялық дәрілік препаратқа арналған құжаттарға мыналар жатады:

жаңартылған тіркеу дерекнамасы (өтініш беруші тіркеу дерекнамасына сәйкес келтіру рәсімі басталғанға дейін ұсынады);

түсіндірме жазба-негіздеме (өтініш беруші тіркеу дерекнамасына сәйкес келтіру рәсімі басталғанға дейін ұсынады);

мерзімді есеп (өтініш беруші тіркеу дерекнамасына сәйкес келтіру рәсімі басталғанға дейін ұсынады);

алдын ала немесе соңғы сараптамалық қорытынды (тіркеу жөніндегі референттік орган тіркеу дерекнамасына сәйкес келтіру рәсімі барысында ұсынады);

ветеринариялық дәрілік заттардың үлгілерін зерттеу (сынау) хаттамалары (тіркеу жөніндегі референттік орган тіркеу дерекнамасына сәйкес келтіру рәсімі барысында ұсынады);

тіркеу жөніндегі референттік органның сұрау салуы (тіркеу жөніндегі референттік орган тіркеу дерекнамасына сәйкес келтіру рәсімі барысында ұсынады (бар болған кезде));

ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің келісілген жобалары (тіркеу жөніндегі референттік орган рәсім барысында ұсынады).

220. Тіркеу дерекнамасына сәйкес келтіру рәсімі өтініш берушіге мүше мемлекеттің заңнамасында белгіленген жағдайларда және тәртіппен тіркеу дерекнамасына сәйкес келтіру рәсімі шеңберінде ветеринариялық дәрілік препаратқа арналған құжаттардың сараптамасы үшін басқа уәкілетті органдарға алым (баж) төлеуге және аумағында ветеринариялық дәрілік препараттың айналымы болжанатын, тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың жобасын және ветеринариялық дәрілік препарат қаптамасы макетінің жобасындағы мәтінді орыс тілінен мүше мемлекеттің мемлекеттік тіліне аударуды жүзеге асыруға (мүше мемлекеттің заңнамасында тиісті талаптар болған кезде) мүмкіндік беру мақсатында 10 жұмыс күнінен аспайтын мерзімге тоқтатыла тұрады.

221. Аумағында өтініш беруші ветеринариялық дәрілік препараттың айналымын жоспарлаған басқа уәкілетті органдарға тіркеу дерекнамасына сәйкес келтіру рәсімі шеңберінде ветеринариялық дәрілік препаратқа арналған құжаттардың сараптамасы үшін алым (баж) төленгені расталмаған (өтініш беруші тиісті мүше мемлекеттің заңнамасында белгіленген мөлшерде алым (баж) төленгенін растайтын құжаттарды ұсынбаған) жағдайда, тіркеу жөніндегі референттік орган тіркеу дерекнамасына сәйкес келтіру рәсімі қайта басталған күннен бастап 5 жұмыс күнінен кешіктірмей осы Қағидалардың 224 және 225-тармақтарына сәйкес өтініш берушінің атына сұрау салу жібереді (бар болған кезде).

Өтініш берушіге сұрау салу жібергеннен кейін референттік орган осы Қағидалардың 226 – 229-тармақтарына сәйкес іс-әрекеттерді жүзеге асырады.

Тіркеу жөніндегі референттік орган ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіруді растау туралы шешім қабылдау кезінде осындай шешім қабылданған күннен бастап 10 жұмыс күнінен кешіктірмей тіркеу шарттарына сәйкес аумақтарында ветеринариялық дәрілік препарат айналымда болатын мүше мемлекеттердің уәкілетті органдарын және (немесе) сараптама мекемелерін осы Қағидалардың 41-тармағында көрсетілген тәсілмен қабылданған шешім туралы (осы ветеринариялық дәрілік препараттың өз мүше мемлекетінің аумағында ғана айналым мүмкіндігімен) хабардар етеді, Комиссияға ветеринариялық дәрілік препарат туралы қажетті мәліметтерді Одақтың ветеринариялық дәрілік препараттарының тізіліміне енгізу үшін оларды ұсынады және өтініш берушіге осы Қағидалардың 235-тармағына сәйкес құжаттарды береді.

222. Басқа уәкілетті органдарға тіркеу дерекнамасына сәйкес келтіру рәсімі шеңберінде ветеринариялық дәрілік препаратқа арналған құжаттардың сараптамасы үшін алым (баж) төленгені расталған (өтініш беруші тиісті мүше мемлекеттің заңнамасында белгіленген мөлшерде алым (баж) төленгенін растайтын құжаттарды ұсынған) жағдайда, тіркеу жөніндегі референттік орган тіркеу дерекнамасына сәйкес келтіру рәсімі қайта басталған күннен бастап 5 жұмыс күнінен кешіктірмей уәкілетті органдарға және (немесе) сараптама мекемелеріне жаңартылған тіркеу дерекнамасына, түсіндірме жазба-негіздемеге және мерзімді есепке, зерттеулер (сынақтар) хаттамаларына, алдын ала немесе соңғы сараптамалық қорытындыға және референттік органның тіркеу жөніндегі сұрау салуына (бар болған кезде) қолжетімділік ұсынады.

223. Тиісті сараптама мекемесі жаңартылған тіркеу дерекнамасына, түсіндірме жазба-негіздемеге және мерзімді есепке, зерттеулер (сынақтар) хаттамаларына, алдын ала немесе соңғы сараптамалық қорытындыға, тіркеу жөніндегі референттік органның сұрау салуына (бар болған кезде) талдау жүргізеді және қажет болған кезде (тіркеу жөніндегі референттік органның сұрау салуына қосымша) осы Қағидалардың 52 – 55-тармақтарына сәйкес өтініш берушінің атына және (немесе) тіркеу жөніндегі референттік органға жетіспейтін (қосымша) ақпаратты, қажетті түсіндірулерді немесе нақтылауларды және жаңартылған тіркеу дерекнамасында, түсіндірме жазба-негіздемеде және мерзімді есепте ұсынылған деректерді беру туралы сұрау салуды, тіркеу жөніндегі референттік орган көрсетілген материалдарға қол жеткізуді ұсынған күннен бастап 25 жұмыс күнінен кешіктірмей қалыптастырады. Мұндай талдаудың нәтижелерін сараптама мекемесі көрсетілген мерзімде тиісті уәкілетті органға жібереді.

224. Өтініш берушінің атына және (немесе) тіркеу жөніндегі референттік органға референттік органның сұрау салуына қосымша қалыптастырылған сұрау салуды уәкілетті органдар сараптама мекемелерінен оны алған күннен бастап 5 жұмыс күнінен кешіктірмей тіркеу жөніндегі референттік органға жібереді, ол өз кезегінде барлық уәкілетті органдардан жауап алған күннен бастап 5 жұмыс күнінен кешіктірмей басқа уәкілетті органдардан келіп түскен барлық сұрау салуларды (тіркеу жөніндегі референттік органға нақтылаушы сұрақтар бар (бар болған кезде) сұрау салуларды қоспағанда) өз сұрау салуымен (тиісті сұрау салулар болған кезде біріктірілген сұрау салуды қалыптастырады) біріктіреді және осы Қағидалардың 41-тармағында көрсетілген тәсілмен және мерзімде оны өтініш берушіге жібереді.

225. Тіркеу жөніндегі референттік орган біріктірілген сұрау салуды өтініш берушіге жіберген күннен бастап тіркеу дерекнамасына сәйкес келтіру рәсімі осы Қағидалардың 52 – 55-тармақтарына сәйкес 60 жұмыс күнінен аспайтын мерзімге тоқтатыла тұрады және тіркеу жөніндегі референттік органға өтініш берушінің осы Қағидалардың 224-тармағында көрсетілген біріктірілген сұрау салуға жауабы келіп түскен күнінен бастап қайта жаңартылады, оны 4 жұмыс күнінен кешіктірмей тіркеу жөніндегі референттік орган ветеринариялық дәрілік заттың сараптамасын аяқтау үшін сараптама мекемесіне жібереді.

226. Сараптама мекемесі өтініш берушінің сұрау салуға (оның ішінде біріктірілген сұрау салуға) жауабын алған күнінен бастап 15 жұмыс күнінен кешіктірмей оны талдайды, соңғы сараптамалық қорытындыны дайындайды және көрсетілген мерзім шеңберінде бұл қорытындыны тіркеу жөніндегі референттік органға жібереді.

227. Өтініш беруші ұсынған ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне қосымша сәйкес келтіруі қажет болған жағдайда сараптама мекемесі соңғы сараптамалық қорытындымен бірге тіркеу жөніндегі референттік органға көрсетілген жобаларды пысықтау жөніндегі ұсынымдарды жібереді.

Тіркеу жөніндегі референттік орган осы Қағидалардың 41-тармағында көрсетілген тәсілмен және мерзімде көрсетілген ұсынымдарды өтініш берушіге жібереді.

Өтініш берушінің ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне сәйкес пысықтауы, оларды тіркеу жөніндегі референттік органмен келісу, сондай-ақ ветеринариялық дәрілік препаратты қолдану жөніндегі нұсқаулықтың жобасын және ветеринариялық дәрілік препарат қаптамасы макетінің жобасындағы мәтінді орыс тілінен тиісті мүше мемлекеттің мемлекеттік тіліне аудару көрсетілген жобаларды тіркеу жөніндегі референттік органмен келіскен күнді қоса алғанда, өтініш беруші тіркеу жөніндегі референттік органның ұсынымдарын алған күннен бастап 20 жұмыс күнінен кешіктірмей жүзеге асырылады.

228. Тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын референттік органның ескертулеріне сәйкес келтіру жөніндегі ұсынымдарды өтініш берушіге жіберген күннен бастап тіркеу дерекнамасына сәйкес келтіру рәсімі тоқтатыла тұрады және тіркеу жөніндегі референттік орган өтініш берушіге ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын келіскен күннен бастап қайта басталады.

229. Өтініш беруші тіркеу жөніндегі референттік органның ескертулерін алған күннен бастап 20 жұмыс күні ішінде ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне сәйкес толық көлемде сәйкес келтірмеген (тіркелген ветеринариялық дәрілік препараттың сапасына, қауіпсіздігіне және (немесе) тиімділігіне қатысты талаптар бөлігінде) және (немесе) ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасын (мүше мемлекеттің заңнамасында тиісті талаптар бар болған кезде) ұсынбаған жағдайда тіркеу жөніндегі референттік орган көрсетілген мерзім өткен күннен бастап 5 жұмыс күнінен кешіктірмей осы Қағидалардың 240-тармағына сәйкес ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіруді растаудан бас тарту туралы шешім қабылдайды және осы Қағидалардың 239-тармағына сәйкес іс-әрекеттерді жүзеге асырады. Тіркеу дерекнамасына сәйкес келтіру рәсімі тоқтатылады.

230. Тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын келісілген күннен бастап 5 жұмыс күнінен кешіктірмей өтініш берушінің жауабына, осы Қағидалардың 223-тармағында көрсетілген сұрау салудағы нақтылаушы сұрақтарға өзінің жауабына, соңғы сараптамалық қорытындыға, ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің келісілген жобаларына уәкілетті органдарға және (немесе) сараптама мекемелеріне қолжетімділік ұсынады.

231. Өтініш берушінің жауабына және (немесе) тіркеу жөніндегі референттік органның жауабына, соңғы сараптамалық қорытындыға, ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің келісілген жобаларына жүргізілген талдау негізінде сараптама мекемесі көрсетілген құжаттарға қолжетімділік алған күннен бастап 5 жұмыс күнінен кешіктірмей тиісті уәкілетті органды тіркеу дерекнамасын осы Қағидалардың талаптарына сәйкес келтіру рәсімінің шеңберінде ұсынылған жаңартылған тіркеу дерекнамасын тану мүмкіндігі немесе мүмкін еместігі туралы (тиісті мүше мемлекеттің аумағында ветеринариялық дәрілік препарат айналымының мүмкіндігімен немесе мүмкін еместігімен) хабардар етеді. Уәкілетті органдар өз кезегінде оларды хабардар еткен күннен бастап 5 жұмыс күнінен кешіктірмей осы Қағидалардың 241-тармағына сәйкес жаңартылған тіркеу дерекнамасын тануға немесе танымауға қатысты шешім қабылдайды (ветеринариялық дәрілік препараттың тиісті мүше мемлекеттің аумағында айналымының мүмкіндігімен немесе мүмкін еместігімен) және бұл туралы осы Қағидалардың 41-тармағында тәсілмен және мерзімде тіркеу жөніндегі референттік органды хабардар етеді.

232. Сараптама мекемесі тіркеу жөніндегі референттік органның тапсырмасы бойынша тіркеу жөніндегі референттік орган барлық мүше мемлекеттердің уәкілетті органдарының ветеринариялық дәрілік препаратқа қатысты шешімдерін алған күннен бастап 5 жұмыс күнінен кешіктірмей жиынтық сараптама қорытындысын ресімдейді, онда әрбір уәкілетті органның осы ветеринариялық дәрілік препараттың тиісті мүше мемлекеттің аумағында айналымы мүмкіндігімен немесе мүмкін еместігімен жаңартылған тіркеу дерекнамасын тану немесе танымау туралы шешімі көрсетіледі және көрсетілген мерзім шеңберінде оны тіркеу жөніндегі референттік органға жібереді.

233. Тіркеу жөніндегі референттік орган жиынтық сараптама қорытындысы негізінде сараптама мекемесінен оны алған күннен бастап 5 жұмыс күнінен кешіктірмей мүше мемлекеттердің заңнамасына сәйкес уәкілетті органдары осы препараттың тіркеу дерекнамасын осы Қағидалардың талаптарына сәйкес келтіруді растаған мүше мемлекеттердің аумақтарында тіркелген ветеринариялық дәрілік препараттың осы Қағидалардың талаптарына сәйкес айналымының мүмкіндігі туралы немесе ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіруді растаудан бас тарту туралы шешім қабылдайды.

234. Жиынтық немесе соңғы сараптамалық қорытындыны (осы Қағидалардың 221-тармағында көзделген жағдайда) осы Қағидалардың 41-тармағында көрсетілген тәсілмен және мерзімде тіркеу жөніндегі референттік орган ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіруді растауға қатысты оң шешім қабылдаған күннен бастап тіркеу жөніндегі референттік орган өтініш берушіге жібереді. Бұл ретте сараптама қорытындысында көрсетілген сарапшылар туралы мәліметтердің құпиялылығы қамтамасыз етілуге тиіс.

235. Тіркеу жөніндегі референттік орган ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіруді растау туралы оң шешім қабылдау кезінде осындай шешім қабылданған күннен бастап 10 жұмыс күні ішінде мынадай іс-қимылдарды жүзеге асырады:

а) уәкілетті органдарды және (немесе) сараптама мекемелерін қабылданған шешім туралы осы Қағидалардың 41-тармағында көрсетілген тәсілмен хабардар етеді;

б) ветеринариялық дәрілік препаратқа осы Қағидалардың 32-тармағына сәйкес жаңа тіркеу нөмірін бере отырып, осы Қағидалардың 236 және 237-тармақтарында көзделген шарттарды ескере отырып тіркеуді ресімдейді;

в) Одақтың ветеринариялық дәрілік препараттары тізіліміне енгізу үшін Комиссияға ветеринариялық дәрілік препарат туралы қажетті мәліметтерді ұсынады;

г) өтініш берушіге (осы Қағидалардың 206-тармағында көзделген жағдайларды қоспағанда):

ветеринариялық дәрілік затқа келісілген нормативтік құжат;

орыс тіліндегі және аумағында ветеринариялық дәрілік препарат айналымда болады деп болжанатын мүше мемлекеттің мемлекеттік тіліндегі (мүше мемлекеттің заңнамасында тиісті талаптар болған кезде) ветеринариялық дәрілік препаратты қолдану жөніндегі келісілген нұсқаулық;

оларға ветеринариялық дәрілік препараттың тіркеу нөмірін көрсете отырып, орыс тіліндегі және аумағында ветеринариялық дәрілік препарат айналымда болады деп болжанатын мүше мемлекеттің мемлекеттік тіліндегі (мүше мемлекеттің заңнамасында тиісті талаптар болған кезде) бастапқы және бар болған кезде екінші қаптамалардың келісілген макеттер береді.

236. Тіркеу дерекнамасына сәйкес келтіру рәсімінің қорытындылары бойынша (уәкілетті органдары олардың тіркеу дерекнамасын осы Қағидалардың талаптарына сәйкес келтіруге келіскен мүше мемлекеттердің аумақтарында ветеринариялық дәрілік препараттардың айналымы мүмкіндігімен) мыналар ресімделеді:

а) ветеринариялық дәрілік препаратқа жаңа тіркеу нөмірін бере отырып және егер ветеринариялық дәрілік препарат тіркеу дерекнамасына сәйкес келтіру туралы өтініш бергенге дейін 5 жылдан аз уақыт бойы мүше мемлекетте тіркелген болса, оның қолданылу мерзімі аяқталғаннан кейін тіркеуді растау қажеттілігімен 5 жылға тіркеу;

б) егер ветеринариялық дәрілік препарат ең болмағанда бір мүше мемлекеттің аумағында тіркеу дерекнамасына сәйкес келтіру туралы өтініш бергенге дейін 5 жылдан астам уақыт бойы тіркелген жағдайда және бұл ретте кемінде 3 жыл бойы айналымда болса, ветеринариялық дәрілік препаратқа жаңа тіркеу нөмірін бере отырып, мерзімсіз тіркеу.

237. Мүше мемлекеттердің заңнамасына сәйкес тіркелген және осы Қағидаларға № 16 қосымшада көзделген тізбе бойынша құрамында әсер етуші заттар бар (тиісті фармакопеялық мақала болған жағдайда) ветеринариялық дәрілік препараттарға қатысты (бір белсенді затпен) осындай ветеринариялық дәрілік препараттардың Одақтың кедендік аумағындағы айналымы мүмкіндігімен:

ветеринариялық дәрілік препаратқа жаңа тіркеу нөмірін бере отырып және егер ветеринариялық дәрілік препарат тіркеу дерекнамасына сәйкес келтіру туралы өтініш бергенге дейін мүше мемлекетте 5 жылдан аз уақыт бойы тіркелген болса, оның қолданылу мерзімі аяқталғаннан кейін тіркеуді растау қажеттілігімен 5 жылға тіркеу;

егер ветеринариялық дәрілік препарат тіркеу дерекнамасына сәйкес келтіру туралы өтініш бергенге дейін ең болмағанда бір мүше мемлекеттің аумағында 5 жылдан астам уақыт бойы тіркелген және бұл ретте кемінде 3 жыл айналымда болған жағдайда, ветеринариялық дәрілік препаратқа жаңа тіркеу нөмірін бере отырып, мерзімсіз тіркеу ресімделеді.

238. Уәкілетті органдар мүше мемлекеттің талаптарына сәйкес тіркелген ветеринариялық дәрілік препаратты тіркеудің (мұндай тіркеу бар болған кезде) күшін жою рәсіміне осы мүше мемлекеттің заңнамасында көзделген тәртіппен, оларды:

а) тіркеу жөніндегі референттік орган ветеринариялық дәрілік препараттың тіркеу дерекнамасын осы Қағидалардың талаптарына (осы Қағидалардың 206-тармағында көзделген жағдайларды қоспағанда) сәйкес келтіруді растауға қатысты өзі қабылдаған оң шешім туралы;

б) басқа мүше мемлекеттің уәкілетті органы мүше мемлекеттердің заңнамасына сәйкес тіркелген және осы Қағидаларға № 16 қосымшада көзделген тізбе бойынша құрамында әсер етуші заттар бар (тиісті фармакопеялық мақала болған жағдайда) ветеринариялық дәрілік препараттарға қатысты (бір әсер етуші затпен) осы Қағидалардың 206-тармағына сәйкес ол қабылдаған шешім туралы хабардар еткен күннен бастап 10 жұмыс күнінен кешіктірмей бастамашы болады.

239. Тіркеу жөніндегі референттік орган ветеринариялық дәрілік препараттың тіркеу дерекнамасын осы Қағидалардың 41-тармағында көрсетілген тәсілмен және мерзімде осы Қағидалардың талаптарына сәйкес келтіруді растаудан бас тарту туралы шешім қабылдаған кезде осындай шешім қабылданған күннен бастап мынадай іс-қимылдарды жүзеге асырады:

а) өтініш берушіге жиынтық немесе соңғы сараптамалық қорытындыны жібереді (тіркеу жөніндегі референттік орган соңғы сараптамалық теріс қорытынды ресімдеген жағдайда);

б) тіркеу шарттарына сәйкес мүше мемлекеттердің аумақтарында ветеринариялық дәрілік препарат айналымда болатын уәкілетті органдарды және (немесе) сараптама мекемелерін бас тарту себептерін көрсете отырып, қабылданған шешім туралы хабардар етеді;

в) тіркеу шарттарына сәйкес мүше мемлекеттердің аумақтарында ветеринариялық дәрілік препарат айналымда болатын уәкілетті органдарға және (немесе) сараптама мекемелеріне жиынтық немесе соңғы (тіркеу жөніндегі референттік орган соңғы сараптамалық теріс қорытынды ресімдеген жағдайда) сараптама қорытындысына қолжетімділік ұсынады.

240. Мыналар тіркеу жөніндегі референттік органның жаңартылған тіркеу дерекнамасының осы Қағидалардың талаптарына сәйкес еместігі туралы шешім қабылдауы үшін негіздер (ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіруді растаудан бас тарту) болып табылады:

а) ветеринариялық дәрілік препараттың сапасы, қауіпсіздігі мен тиімділігі алынған деректермен расталмағаны туралы шешім;

б) өтініш берушінің оның сапасын бақылау әдістерін жаңғырту үшін қажетті ветеринариялық дәрілік заттың үлгілерін, стандартты үлгілерді және қажет болған жағдайда басқа да шығыс материалдарын, сараптама қорытындысына сәйкес тіркеу жөніндегі референттік органның сұрау салуына жауаптарды (оның ішінде ветеринариялық дәрілік препараттың тіркеу дерекнамасының түзетілген құжаттарын) белгіленген мерзімде ұсынбауы;

в) ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің жобаларын тіркеу жөніндегі референттік органның ескертулеріне (тіркелген ветеринариялық дәрілік препараттың сапасына, қауіпсіздігіне және (немесе) тиімділігіне қатысты талаптар бөлігінде) сәйкес келтірмеу және (немесе) ветеринариялық дәрілік препаратты қолдану жөніндегі нұсқаулық жобасының және ветеринариялық дәрілік препарат қаптамасы макетінің жобасындағы мәтіннің тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тіліне орыс тілінен аудармасын (мүше мемлекеттің заңнамасында тиісті талаптар болған кезде) ұсынбау;

г) жаңартылған тіркеу дерекнамасында ұсынылған деректердің анық еместігін анықтау;

д) мүше мемлекеттің аумағында тиісті ветеринариялық дәрілік препараттардың айналымына тыйым салатын аурулардың профилактикасы және (немесе) оларды жою жөніндегі бағдарламаларды немесе өзге де ветеринариялық іс-шараларды іске асыру (шешімді тіркеу жөніндегі референттік орган тек өз мемлекетінің аумағына қатысты қабылдайды);

е) Одақтың кедендік аумағында немесе қандай да бір мүше мемлекеттің аумағында ветеринариялық дәрілік препараттың құрамына кіретін заттардың айналымына тыйым салу немесе шектеу (қолдануды шектеу) (шешімді тіркеу жөніндегі референттік орган тек өз мемлекетінің аумағына қатысты қабылдайды);

ж) фармацевтикалық инспекцияның теріс нәтижемен аяқталуы және соның салдарынан сертификаттың болмауы;

з) өнімді жануарларға (оның ішінде жануарлардан алынатын акваөсіру объектілеріне) қолдану мақсатында арналған фармацевтикалық ветеринариялық дәрілік препараттың тіркеу дерекнамасына сәйкес келтіру рәсімі аяқталған сәтте Одақ құқығына кіретін актілерде барынша жол берілетін деңгей мәнінің болмауы (осы Қағидалардың 195-тармағының үшінші абзацында көрсетілген рәсімді ескере отырып).

241. Мыналар тіркеу дерекнамасына сәйкес келтіру рәсіміне қатысатын уәкілетті органның тиісті мүше мемлекеттің аумағындағы ветеринариялық дәрілік препараттың айналымынан бас тартуы үшін негіздер болып табылады:

а) осы Қағидаларға № 11 қосымшаға сәйкес ұсынылған ветеринариялық дәрілік препараттың жаңартылған тіркеу дерекнамасының деректері оның сапасын, қауіпсіздігін және тиімділігін растамайды (осы Қағидалардың 219-тармағының екінші абзацына сәйкес басқа уәкілетті органдар және (немесе) сараптама мекемелері тіркеу дерекнамасына сәйкес келтіру рәсімін жүргізу шеңберінде сараптама жүргізуге жататын ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып және осы Қағидалардың 52-тармағына сәйкес нақтылайтын сұрақтармен сұрау салуды қалыптастыру мүмкіндігін ескере отырып, осы шешімді қабылдауға негіз болған себептердің егжей-тегжейлі негіздемесін қоса бере отырып);

б) мүше мемлекеттің аумағында тіркеу дерекнамасына сәйкес келтіру рәсімін жүргізу шеңберінде ұсынылған ветеринариялық дәрілік препараттың айналымына тыйым салатын аурулардың профилактикасы және (немесе) оларды жою жөніндегі бағдарламаларды немесе өзге де ветеринариялық іс-шараларды іске асыру;

в) Одақтың кедендік аумағында немесе қандай да бір мүше мемлекеттің аумағында ветеринариялық дәрілік препараттың құрамына кіретін заттардың айналымына тыйым салу немесе айналымын шектеу (қолданылуын шектеу);

г) жаңартылған тіркеу дерекнамасында ұсынылған деректердің анық еместігін анықтау (осы Қағидалардың 219-тармағының екінші абзацына сәйкес тіркеу дерекнамасына сәйкес келтіру рәсімін жүргізу шеңберінде басқа уәкілетті органдардың және (немесе) сараптама мекемелерінің сараптамасына жататын ветеринариялық дәрілік препаратқа арналған құжаттардың нақты тармақтарын (бөлімдерін) көрсете отырып, ветеринариялық дәрілік препараттың жаңартылған тіркеу дерекнамасы деректерінің анық еместігін анықтау фактісінің егжей-тегжейлі негіздемесін қоса бере отырып).

242. Одақтың ветеринариялық дәрілік препараттары тізіліміне ветеринариялық дәрілік препарат туралы мәліметтер енгізілген күн немесе тіркеу жөніндегі референттік органның жаңартылған тіркеу дерекнамасының осы Қағидалардың талаптарына сәйкес еместігі (осы Қағидалардың талаптарына сәйкес ветеринариялық дәрілік препараттың тіркеу дерекнамасын келтіруді растаудан бас тарту) туралы шешім қабылдаған күн тіркеу дерекнамасына сәйкес келтіру рәсімі аяқталған күн болып табылады.

9. Осы Қағидаларға сәйкес тіркелген ветеринариялық дәрілік препаратты тіркеуді тану тәртібі

243. Осы Қағидаларға сәйкес тіркелген ветеринариялық дәрілік препаратты тіркеуді тану тәртібін:

осы Қағидаларға сәйкес тіркелген және құрамына әсер етуші заттар кіретін немесе осы Қағидаларға № 8 қосымшада көзделген тізбе бойынша ветеринариялық дәрілік препараттар тобына (санатына) жататын ветеринариялық дәрілік препараттарды;

осы Қағидалардың 206-тармағына сәйкес тіркеу дерекнамасына сәйкес келтіру рәсімін жүзеге асыру талап етілмейтін және құрамында осы Қағидаларға № 16 қосымшада көзделген тізбе бойынша әсер етуші заттар бар (тиісті фармакопеялық мақала бар болған жағдайда) ветеринариялық дәрілік препараттарды (бір әсер етуші зат бар) қоспағанда, осы ветеринариялық дәрілік препараттың тіркеу жөніндегі референттік органы, Одаққа жаңадан қосылған мемлекеттерді қоса алғанда, тіркеу шарттарына сәйкес аумақтарында осындай ветеринариялық дәрілік препараттың айналымына құқығы жоқ мемлекеттердің (оның ішінде мүше мемлекеттердің) уәкілетті органдары мен сараптама мекемелері (бұдан әрі тиісінше – ветеринариялық дәрілік препаратты жаңа мүше мемлекетте тану рәсімі, жаңа уәкілетті орган және (немесе) жаңа сараптама мекемесі) қолданады.

Ветеринариялық дәрілік препаратты тану рәсіміне жаңа мүше мемлекетте өтініш беруші бастамашы болады.

244. Ветеринариялық дәрілік препаратты жаңа мүше мемлекетте тану рәсімін жүргізу мерзімі жаңа уәкілетті орган құжаттарды тіркеу жөніндегі референттік органнан ветеринариялық дәрілік затқа сараптама жүргізу үшін ветеринариялық дәрілік препаратқа арналған құжаттарды алған күннен бастап Одақтың ветеринариялық дәрілік препараттары тізіліміне ветеринариялық дәрілік препарат туралы мәліметтер (осы Қағидаларға № 9 қосымшаның 9.13-блок-схемасы) енгізілген күнге дейін 85 жұмыс күнінен аспауға тиіс.

245. Ветеринариялық дәрілік препаратты жаңа мүше мемлекетте тану мақсатында өтініш беруші ветеринариялық дәрілік препаратты бастапқы тіркеу кезінде тіркеу жөніндегі референттік орган болған уәкілетті органға орыс тілінде:

а) осы Қағидаларға сәйкес Одақта тіркелген ветеринариялық дәрілік препаратты қағаз жеткізгіште және (немесе) осы Қағидаларға № 10 қосымшада көзделген нысан бойынша электрондық түрде тіркеуді тану туралы өтініш (10.6-нысан) (бұдан әрі – ветеринариялық дәрілік препаратты жаңа мүше мемлекетте тіркеуді тану туралы өтініш);

б) осы мүше мемлекеттің заңнамасында белгіленген жағдайларда және тәртіппен жаңа уәкілетті органға алым (баж) төленгенін растайтын құжаттар ұсынады.

246. Тіркеу жөніндегі референттік орган ветеринариялық дәрілік препаратты жаңа мүше мемлекетте тіркеуді тану туралы өтінішті алған кезде жаңа уәкілетті органдармен және (немесе) жаңа сараптама мекемелерімен және Комиссиямен одан әрі ақпараттық өзара іс-қимыл жасау мақсатында осы өтінішке осы Қағидалардың 61-тармағына сәйкес схема бойынша бірегей нөмір береді.

247. Ветеринариялық дәрілік препаратты жаңа мүше мемлекеттерде тану рәсімі барысында тіркеу жөніндегі референттік орган, жаңа уәкілетті органдар және (немесе) жаңа сараптама мекемелері мен Комиссия арасындағы ақпараттық өзара іс-қимыл осы Қағидаларға № 5 қосымшада көзделген тәртіпке сәйкес жүзеге асырылады.

248. Тіркеу жөніндегі референттік орган өтініш берушіні, жаңа уәкілетті органды және (немесе) жаңа сараптама мекемесін өзіне берілген бірегей нөмірді көрсете отырып, ветеринариялық дәрілік препаратты жаңа мүше мемлекетте тану туралы және жаңа уәкілетті органға және (немесе) жаңа сараптама мекемесіне осы Қағидалардың 41-тармағында көрсетілген тәсілмен және мерзімде сараптама жүргізу үшін ветеринариялық дәрілік препаратқа арналған құжаттарға қолжетімділік ұсыну туралы қабылданған өтініш туралы хабардар етеді.

249. Ветеринариялық дәрілік препаратқа арналған құжаттарға қолжетімділікті тіркеу жөніндегі референттік орган жаңа уәкілетті органға және (немесе) жаңа сараптама мекемесіне оған хабарлама жіберілген күннен бастап 5 жұмыс күнінен кешіктірмей ұсынады. Ветеринариялық дәрілік препаратты жаңа мүше мемлекетте тану рәсімі шеңберінде жаңа уәкілетті органның және (немесе) жаңа сараптама мекемесінің сараптамасына жататын ветеринариялық дәрілік препаратқа арналған құжаттарға мыналар жатады:

а) ветеринариялық дәрілік препараттың тіркеу дерекнамасы (Одақтың ветеринариялық дәрілік препараттар тізілімінде орналастырылған құжаттарға тіркеу жөніндегі референттік орган ұсынады);

б) ветеринариялық дәрілік препараттың айналымы кезеңінде ветеринариялық дәрілік препараттың қауіпсіздігі мен тиімділігінің тұрақты мониторингінің нәтижелері туралы есеп (жаңа уәкілетті органның сұрау салуы бойынша тіркеу жөніндегі референттік орган ұсынады);

в) ветеринариялық дәрілік препаратты тіркеу кезеңі үшін, бірақ оның нақты айналымда болған соңғы 5 жылдан аспайтын мерзімдегі мерзімді есеп және фармакологиялық қадағалау шеңберінде өтініш берушінің бастамасы бойынша ұсынылған басқа да материалдар (бар болған кезде) (тіркеу жөніндегі референттік орган жаңа уәкілетті органның сұрау салуы бойынша ұсынады);

г) ветеринариялық дәрілік препаратты жаңа мүше мемлекетте тану туралы өтінішті беру күні аяқталған ветеринариялық дәрілік препаратты тіркеу, оның тіркелгенін растау, ветеринариялық дәрілік препараттың тіркеу дерекнамасына өзгерістер енгізу рәсімдерінің нәтижелері бойынша (Одақтың ветеринариялық дәрілік препараттар тізілімінде орналастырылған құжатқа қолжетімділікті тіркеу жөніндегі референттік орган ұсынады) жиынтық немесе соңғы сараптамалық қорытынды (осы Қағидаларда айқындалған жағдайларда);

д) ветеринариялық дәрілік препаратты қолдану жөніндегі нұсқаулық (Одақтың ветеринариялық дәрілік препараттарының тізілімінде ашық қолжетімділікпен орналастырылған);

е) ветеринариялық дәрілік препаратты қолдану жөніндегі нұсқаулықтың орыс тілінен жаңа мүше мемлекеттің мемлекеттік тіліне аудармасы (жаңа мүше мемлекеттің заңнамасында тиісті талаптар болған кезде) (жаңа мүше мемлекеттің жаңа уәкілетті органының сұрау салуы бойынша тіркеу жөніндегі референттік орган ұсынады);

ж) ветеринариялық дәрілік затқа арналған нормативтік құжат (Одақтың ветеринариялық дәрілік препараттарының тізілімінде орналастырылған құжатқа қол жеткізуді тіркеу жөніндегі референттік орган ұсынады);

з) ветеринариялық дәрілік препарат қаптамасының макеті (Одақтың ветеринариялық дәрілік препараттары тізілімінде ашық қолжетімділікте орналастырылған);

и) ветеринариялық дәрілік препарат қаптамасының макетіндегі мәтіннің орыс тілінен жаңа мүше мемлекеттің мемлекеттік тіліне аудармасы (жаңа мүше мемлекеттің заңнамасында тиісті талаптар болған кезде) (жаңа уәкілетті органның сұрау салуы бойынша тіркеу жөніндегі референттік орган ұсынады).

250. Жаңа мүше мемлекеттің уәкілетті органы сараптама жүргізу үшін ветеринариялық дәрілік препаратқа арналған құжаттарға қолжетімділікті алған күн ветеринариялық дәрілік препаратты жаңа мүше мемлекетте тану рәсімін жүргізу басталған күн болып табылады.

251. Жаңа уәкілетті орган ветеринариялық дәрілік препаратқа арналған құжаттарды осы құжаттарға қолжетімділік рұқсат алған күннен бастап 5 жұмыс күнінен кешіктірмей жаңа сараптама мекемесіне жібереді.

Ветеринариялық дәрілік препаратқа құжаттардың сараптамасын жаңа сараптама мекемесі 45 жұмыс күнінен аспайтын мерзімде жүргізеді, оның қорытындысы бойынша жаңа уәкілетті орган 5 жұмыс күнінен кешіктірмей осы Қағидаларға сәйкес тіркелген ветеринариялық дәрілік препараттың өз аумағындағы айналымына келісім беру (немесе келіспеу) туралы шешім қабылдайды және оны осы Қағидалардың 41-тармағында көрсетілген тәсілмен және мерзімде тіркеу жөніндегі референттік органға жібереді.

252. Сараптама мекемесі тіркеу жөніндегі референттік органның тапсырмасы бойынша ветеринариялық дәрілік препаратқа қатысты жаңа уәкілетті органның шешімін тіркеу жөніндегі референттік орган алған күннен бастап 4 жұмыс күнінен кешіктірмей жаңа уәкілетті орган қабылдаған шешімді ескере отырып, жиынтық немесе соңғы сараптамалық қорытындыны (осы Қағидаларда айқындалған жағдайларда) қайта ресімдейді және көрсетілген мерзім шеңберінде оны тіркеу жөніндегі референттік органға жібереді.

253. Тіркеу жөніндегі референттік орган жиынтық немесе соңғы сараптамалық қорытынды негізінде (осы Қағидаларда айқындалған жағдайларда) оны сараптама мекемесінен алған күннен бастап 5 жұмыс күнінен кешіктірмей уәкілетті органы жаңа уәкілетті орган болып табылатын мүше мемлекеттің аумағында осы ветеринариялық дәрілік препараттың айналымда болу мүмкіндігі (айналымнан бас тарту) туралы шешім қабылдайды.

254. Қайта өңделген жиынтық немесе соңғы сараптамалық қорытындыны (осы Қағидаларда айқындалған жағдайларда) осы Қағидалардың 41-тармағында көрсетілген тәсілмен және мерзімде тіркеу жөніндегі референттік орган ветеринариялық дәрілік препаратты жаңа мүше мемлекетте тіркеуді тану туралы шешім қабылдаған күннен бастап тіркеу жөніндегі референттік орган өтініш берушіге жібереді. Бұл ретте сараптама қорытындысында көрсетілген сарапшылар туралы мәліметтердің құпиялылығы қамтамасыз етілуге тиіс.

255. Тіркеу жөніндегі референттік орган осы ветеринариялық дәрілік препарат қолданыстағы тіркеу шарттары бойынша бұрын айналымда бола алмаған мүше мемлекеттің аумағында ветеринариялық дәрілік препараттың айналым мүмкіндігі туралы шешім қабылдаған кезде осындай шешім қабылданған күннен бастап 10 жұмыс күнінен кешіктірмей жаңа уәкілетті органдарды және (немесе) жаңа сараптама мекемелерін осы Қағидалардың
41-тармағында көрсетілген тәсілмен қабылданған шешім туралы хабардар етеді, ветеринариялық дәрілік препарат туралы қажетті мәліметтерді Одақтың ветеринариялық дәрілік препараттары тізіліміне енгізу үшін оларды Комиссияға ұсынады және өтініш берушіге:

ветеринариялық дәрілік препаратты қолдану жөніндегі қайта жаңартылған нұсқаулықты орыс тілінде және жаңа мүше мемлекеттің мемлекеттік тілінде (жаңа мүше мемлекеттің заңнамасында тиісті талаптар болған кезде);

бастапқы және бар болған кезде екінші қаптамалардың қайта жаңартылған макеттерін орыс тілінде және жаңа мүше мемлекеттің мемлекеттік тілінде (жаңа мүше мемлекеттің заңнамасында тиісті талаптар болған кезде) оларда ветеринариялық дәрілік препараттың тіркеу нөмірін көрсете отырып береді.

Бұл ретте ветеринариялық дәрілік препаратты тіркеудің қолданылу мерзімдері өзгермейді және осы ветеринариялық дәрілік препарат қолданыстағы тіркеу шарттары бойынша бұрын айналымда бола алмаған мүше мемлекеттің аумағында оның айналымда болу мүмкіндігі туралы шешім қабылданған осы ветеринариялық дәрілік препарат үшін ветеринариялық дәрілік препаратты жаңа мүше мемлекетте тану туралы мәліметтер Одақтың ветеринариялық дәрілік препараттары тізіліміне енгізілген күннен бастап қайта жаңарған болып табылады.

256. Тіркеу жөніндегі референттік орган осы ветеринариялық дәрілік препарат қолданыстағы тіркеу шарттары бойынша бұрын айналымда бола алмаған мүше мемлекеттің аумағында ветеринариялық дәрілік препарат айналымының мүмкін еместігі туралы шешім қабылдау кезінде мұндай шешім қабылданған күннен бастап 10 жұмыс күнінен кешіктірмей Комиссияға жиынтық немесе соңғы сараптамалық қорытындының (осы Қағидаларда айқындалған жағдайларда) жаңартылған нұсқасын бұрын орналастырылған Одақтың ветеринариялық дәрілік препараттар тізілімінде ауыстыру үшін ұсынады.

257. Одақтың ветеринариялық дәрілік препараттары тізіліміне ветеринариялық дәрілік препарат туралы мәліметтер енгізілген күн немесе тіркеу жөніндегі референттік органның осы Қағидаларға сәйкес жаңа мүше мемлекетте тіркелген ветеринариялық дәрілік препаратты тіркеуді танудан бас тарту туралы шешім қабылдаған күні ветеринариялық дәрілік препаратты жаңа мүше мемлекетте тану рәсімінің аяқталған күні болып табылады.

10. Ветеринариялық дәрілік препаратты тіркеудің күшін жою тәртібі

258. Мыналар:

а) ветеринариялық дәрілік препараттың құқық иеленушісі ветеринариялық дәрілік препаратты тіркеудің күшін жою туралы өтініш берген (ұсынған);

б) мүше мемлекеттің соты ветеринариялық дәрілік препараттың құқық иеленушісі зияткерлік меншік құқықтарды бұзғаны туралы шешім шығарған;

в) ветеринариялық дәрілік препараттың құрамында осы Қағидаларға № 4 қосымшаға сәйкес Одақтың кедендік аумағындағы өнімді жануарлар үшін қолдануға тыйым салынған ветеринариялық дәрілік заттардың тізбесіне кіретін ветеринариялық дәрілік заттар болған;

г) тіркеу жөніндегі референттік орган немесе уәкілетті орган № 17 қосымшаға сәйкес нысан бойынша ветеринариялық дәрілік препаратты қолданудың қауіпсіздігі мен тиімділігінің тұрақты мониторингінің нәтижелері туралы есепті талдау негізінде дайындалған ветеринариялық дәрілік препаратты қолдану қаупінің оның тиімділігінен асып кету қаупі туралы қорытындыны ұсынған;

д) ветеринариялық дәрілік препараттың құқық иеленушісі ветеринариялық дәрілік препаратты қолдану қаупінің оның тиімділігінен асып түсетіні туралы расталған жаңа деректерге қатысты ветеринариялық дәрілік препаратты қолдану жөніндегі нұсқаулыққа өзгерістер енгізуден бас тартқан;

е) ветеринариялық дәрілік препараттың құқық иеленушісі ветеринариялық дәрілік препараттың тіркеу дерекнамасына өзгерістер енгізу қажеттілігіне әкелуі мүмкін ақпаратты алған күннен бастап 30 жұмыс күні ішінде оны ұсынбаған жағдайда бірнеше мүше мемлекеттердің аумақтарында ветеринариялық дәрілік препаратты тіркеудің күшін жою туралы шешімді тіркеу күні тіркеу жөніндегі референттік орган болып табылған уәкілетті орган, ал мүше мемлекеттердің бірінің аумағында осы мүше мемлекеттің уәкілетті органы (осы Қағидалардың 260-тармағында көзделген жағдайды қоспағанда) қабылдайды.

259. Ветеринариялық дәрілік препаратты қолдану қаупінің күтілетін пайдадан асып түсуі себебінен оны тіркеудің күшін жою кезінде уәкілетті органдар (тіркеу жөніндегі референттік органды 3 жұмыс күні ішінде хабардар ете отырып) және тіркеу жөніндегі референттік орган (тіркеу шарттарына сәйкес ветеринариялық дәрілік препарат айналымда болатын мүше мемлекеттердің аумақтарында уәкілетті органдарды 3 жұмыс күні ішінде хабардар ете отырып) осы ветеринариялық дәрілік препаратты айналымнан кері қайтарып алу жөнінде тиісті шаралар (іс-қимылдар) қабылдайды.

260. Ветеринариялық дәрілік препараттың құқық иеленушісінің бастамасы бойынша ветеринариялық дәрілік препаратты тіркеудің күшін жою мақсатында өтініш беруші аумағында ветеринариялық дәрілік препарат тіркелген, тіркеу жөніндегі референттік орган болатын мүше мемлекеттердің бірінің кез келген уәкілетті органына осы Қағидаларға № 10 қосымшада (10.7-нысан) көзделген нысан бойынша орыс тілінде қағаз жеткізгіште және (немесе) электрондық түрде ветеринариялық дәрілік препаратты тіркеудің күшін жою туралы өтінішті ұсынады.

261. Ветеринариялық дәрілік препаратты тіркеудің күшін жою рәсімін тіркеу жөніндегі референттік орган мүше мемлекеттің заңнамасында белгіленген тәртіппен тіркеу бойынша жүзеге асырады.

262. Қабылданған шешім туралы осы Қағидалардың 41-тармағында көрсетілген тәсілмен және мерзімде тіркеу жөніндегі референттік орган өтініш берушіні, уәкілетті органдарды және (немесе) сараптама мекемелерін хабардар етеді.

263. Ветеринариялық дәрілік препаратты тіркеудің күшін жою туралы шешім қабылдаған уәкілетті орган Одақтың ветеринариялық дәрілік препараттары тізіліміне тиісті өзгерістерді тіркеудің күшін жою туралы шешім қабылданған күннен бастап 5 жұмыс күнінен кешіктірмей Комиссияға ұсынады, бұл ретте Одақтың ветеринариялық дәрілік препараттары тізілімінен тіркеудің күші жойылған ветеринариялық дәрілік препарат туралы мәліметтер алып тасталмайды.

11. Ветеринариялық дәрілік препараттың айналымын тоқтата тұру тәртібі

264. Бірнеше мүше мемлекеттердің аумақтарында ветеринариялық дәрілік препараттың айналымын тоқтата тұру туралы шешімді (Одақтың ветеринариялық дәрілік препараттары тізілімінде тиісті белгімен) осы ветеринариялық дәрілік препаратты тіркеу күніне тіркеу жөніндегі референттік орган болған уәкілетті орган, ал мүше мемлекеттердің бірінің аумағында (Одақтың ветеринариялық дәрілік препараттарының тізілімінде тиісті белгімен) осы мүше мемлекеттің уәкілетті органы:

а) ветеринариялық дәрілік препаратты қолдану жөніндегі нұсқаулықта көрсетілмеген ветеринариялық дәрілік препаратты қолдану кезіндегі жағымсыз реакциялар, күтпеген жағымсыз реакциялар, жағымсыз күрделі реакциялар, ветеринариялық дәрілік препаратты қолдану кезінде адамның немесе жануарлардың денсаулығына, өміріне қатер төндіруі мүмкін басқа ветеринариялық дәрілік препараттармен оның өзара іс-қимылының ерекшеліктері туралы ақпараттың түсуі, сондай-ақ ветеринариялық дәрілік препараттың тиімділігі мен қауіпсіздігі туралы деректердің:

үшінші елдердің ветеринариялық дәрілік заттар айналымы саласындағы құзыретті органдардан (бұдан әрі – құзыретті орган);

ветеринариялық дәрілік заттар айналымы саласында ветеринариялық бақылауды (қадағалауды), оның ішінде мемлекеттік бақылауды (қадағалауды) жүзеге асыратын басқа да уәкілетті органдардан;

ветеринариялық дәрілік препараттардың құқық иеленушілерінен;

кәсіби қызметінің түрі бойынша адамдардан;

ветеринариялық дәрілік заттар айналымы субъектілерінен;

мүше мемлекеттердің кәсіптік қызметінің сипаты бойынша өзге де уәкілетті органдардан алынған ветеринариялық дәрілік препаратты қолдану жөніндегі нұсқаулықтағы ветеринариялық дәрілік препарат туралы деректерге сәйкес келмеуі;

б) осы Қағидаларға № 10 қосымшада көзделген нысан (10.8-нысан) бойынша орыс тілінде қағаз жеткізгіште және (немесе) электрондық түрде ветеринариялық дәрілік препараттың құқық иеленушісінің ветеринариялық дәрілік препараттың айналымын тоқтата тұру туралы бастамашылық өтініші (айналымды қайта бастаудың болжамды күнін көрсете отырып);

в) ветеринариялық дәрілік затты өндіруші айналымға шығаратын ветеринариялық дәрілік препарат сапасының ветеринариялық дәрілік препараттардың сапасын іріктеп бақылауды жүзеге асыру қорытындысы бойынша ветеринариялық дәрілік затқа арналған нормативтік құжаттың талаптарына сәйкессіздігін жүйелі түрде анықтау (күнтізбелік жыл ішінде кемінде 3 түрлі серия);

г) ветеринариялық дәрілік препараттың құқық иеленушісінің осы Қағидаларда көзделген мерзімдерде мерзімді есеп нәтижелерін ұсынбауы (қағаз жеткізгіште және электрондық түрде);

д) ветеринариялық дәрілік затты өндірушінің ветеринариялық дәрілік препараттың сапасын іріктеп бақылауды жүзеге асыру қорытындысы бойынша уәкілетті орган берген нұсқаманы орындауы;

е) мерзімдік фармацевтикалық инспекция барысында өндірістің (жеке өндірістік алаңның) Тиісті өндірістік практика қағидаларының талаптарына сәйкессіздігін анықтау негізінде қабылдайды. Мұндай сәйкессіздік фармацевтикалық инспекцияны жүзеге асыру қорытындылары бойынша уәкілетті орган берген нұсқамада көрсетіледі;

ж) сертификаттың қолданылу мерзімінің аяқталуы негізінде қабылдайды.

265. Бірнеше мүше мемлекеттердің аумақтарындағы ветеринариялық дәрілік препарат сериясының айналымын тоқтата тұру туралы шешімді осы ветеринариялық дәрілік препаратты тіркеу күні тіркеу жөніндегі референттік орган, ал мүше мемлекеттердің бірінің аумағында осы мүше мемлекеттің уәкілетті органы:

а) осы Қағидаларға № 10 қосымшада көзделген нысан (10.8-нысан) бойынша орыс тілінде қағаз жеткізгіште және (немесе) электрондық түрде ветеринариялық дәрілік препараттың құқық иеленушісінің ветеринариялық дәрілік препарат сериясының айналымын тоқтата тұру туралы бастамашылық өтініші (айналымды қайта бастаудың болжамды күнін көрсете отырып);

б) белгілі бір сериядағы ветеринариялық дәрілік препарат үлгілерінің ветеринариялық дәрілік препараттардың сапасын іріктеп бақылауды жүзеге асыру қорытындылары бойынша ветеринариялық дәрілік затқа арналған нормативтік құжаттың талаптарына сәйкессіздігінің алғаш рет анықталуы негізінде қабылдайды.

266. Тіркеу жөніндегі референттік орган немесе уәкілетті орган (тіркеу жөніндегі референттік органды 3 жұмыс күні ішінде хабардар ете отырып) төменде көрсетілген ақпаратты алған күннен бастап 5 жұмыс күнінен кешіктірмей:

осы Қағидалардың 264-тармағының "а" тармақшасында ветеринариялық дәрілік препараттың құқық иеленушісі күтілетін пайданың ветеринариялық дәрілік препаратты қолданудың ықтимал қаупіне қатынасы қолайлы болып қалатынын растайтын деректерді ұсынған күнге дейін ветеринариялық дәрілік препараттың құқық иеленушісі қосымша жүргізген ветеринариялық дәрілік препараттың сапасына сараптамалардың және оның қауіпсіздігін және тиімділігін бағалаудың нәтижелерін қоса бере отырып, ветеринариялық дәрілік препараттың айналымын тоқтата тұру туралы шешім қабылдайды;

осы Қағидалардың 264-тармағының "б" тармақшасында ветеринарлық дәрілік препараттың айналымын тоқтата тұру туралы шешімді ветеринарлық дәрілік препараттың құқық иеленушісі ветеринарлық дәрілік препараттың айналымын қайта бастау туралы бастама жасауға өтініш берген күнге дейін, бірақ ветеринарлық дәрілік препараттың айналымын тоқтата тұру туралы бастама жасауға өтініште көрсетілген мерзімнен асырмай қабылдайды;

осы Қағидалардың 264-тармағының "в" тармақшасында ветеринариялық дәрілік препараттың құқық иеленушісі ветеринариялық дәрілік препаратты өндіруші айналымға шығаратын ветеринариялық дәрілік препарат сапасының ветеринариялық дәрілік затқа арналған нормативтік құжаттың талаптарына сәйкес келмеу себептерін белгілегенге және жойғанға дейінгі мерзімге ветеринариялық дәрілік препараттың айналымын тоқтата тұру туралы шешім қабылдайды;

осы Қағидалардың 264-тармағының "г" тармақшасында ветеринариялық дәрілік препараттың құқық иеленушісі мерзімдік есеп нәтижелерін ұсынған күнге дейін ветеринариялық дәрілік препараттың айналымын тоқтата тұру туралы шешім қабылдайды;

осы Қағидалардың 264-тармағының "д" тармақшасында ветеринариялық дәрілік препараттың құқық иеленушісі уәкілетті орган ветеринариялық дәрілік препараттың сапасын іріктеп бақылауды жүзеге асыру қорытындылары бойынша берген нұсқамада көрсетілген бұзушылықтарды жойғанын растаған күнге дейін ветеринариялық дәрілік препараттың айналымын тоқтата тұру туралы шешім қабылдайды;

осы Қағидалардың 264-тармағының "е" тармақшасында өндірістің (жеке өндірістік алаңның) фармацевтикалық инспекцияны жүзеге асыру қорытындылары бойынша уәкілетті орган берген нұсқамада көрсетілген Тиісті өндірістік практика қағидаларының талаптарына сәйкессіздігінің жойылғанын растау күніне дейін ветеринариялық дәрілік препараттың айналымын тоқтата тұру туралы шешім қабылдайды;

осы Қағидалардың 264-тармағының "ж" тармақшасында қолданыстағы сертификат берілген күнге дейін ветеринариялық дәрілік препараттың айналымын тоқтата тұру туралы шешім қабылдайды.

Ветеринариялық дәрілік препараттың құқық иеленушісі қабылданған шешім туралы қағаз жеткізгіште және электрондық пошта арқылы тіркеу жөніндегі референттік орган немесе уәкілетті орган ветеринариялық дәрілік препараттың айналымын тоқтата тұру себептерін көрсете отырып, шешім қабылдаған күннен бастап 5 жұмыс күнінен кешіктірмей хабардар етіледі.

267. Осы Қағидалардың 266-тармағының екінші абзацына сәйкес ветеринариялық дәрілік препараттың құқық иеленушісі ұсынған қосымша жүргізілген сараптамалардың нәтижелерін және өзге де материалдарды оларды алған күннен бастап 5 жұмыс күнінен кешіктірмей тіркеу жөніндегі референттік орган немесе уәкілетті орган талдау үшін сараптама мекемесіне жібереді.

268. Тіркеу жөніндегі референттік орган немесе уәкілетті орган сараптама мекемесінің қорытындысын алған күннен бастап 5 жұмыс күнінен кешіктірмей:

а) ветеринариялық дәрілік препаратты қолдану кезінде адамның немесе жануарлардың денсаулығына, өміріне қауіп төндіретін себептер жойылғанға дейін не ветеринариялық дәрілік препаратты қолдану жөніндегі нұсқаулыққа өзгерістер енгізілгенге дейінгі мерзімге (егер сараптама мекемесі ветеринариялық дәрілік препаратты қолдану адамның немесе жануарлардың денсаулығына, өміріне қауіп төндіретіні туралы қорытынды шығарған және (немесе) ветеринариялық дәрілік препарат туралы мәліметтер оны қолдану жөніндегі нұсқаулықтағы мәліметтерге сәйкес келмеген жағдайда) ветеринариялық дәрілік препараттың айналымын тоқтата тұру туралы шешім қабылдайды және ветеринариялық дәрілік препараттың құқық иеленушісін (қағаз жеткізгіште және электрондық пошта арқылы) ветеринариялық дәрілік препараттың айналымын тоқтата тұру себептерін көрсете отырып және сараптама мекемесі қорытындысының көшірмелерін қоса бере отырып, қабылданған шешім туралы хабардар етеді;

б) ветеринариялық дәрілік препараттың құқық иеленушісіне (қағаз жеткізгіште және электрондық пошта арқылы) сараптама мекемесі қорытындысының көшірмесін (егер сараптама мекемесі ветеринариялық дәрілік препаратты қолдану адамның немесе жануарлардың денсаулығына, өміріне қауіп төндірмейтіні, ал ветеринариялық дәрілік препарат туралы мәліметтер оны қолдану жөніндегі нұсқаулықтағы мәліметтерге сәйкес келетіні туралы қорытынды шығарған жағдайда) жібереді.

269. Тіркеу жөніндегі референттік орган немесе уәкілетті орган (тіркеу жөніндегі референттік органды 3 жұмыс күні ішінде хабардар ете отырып) көрсетілген ақпаратты алған күннен бастап 5 жұмыс күнінен кешіктірмей:

осы Қағидалардың 265-тармағының "а" тармақшасында ветеринариялық дәрілік препараттың құқық иеленушісі ветеринариялық дәрілік препарат сериясының айналымын қайта бастау туралы бастамашылық өтініш берген күнге дейін, бірақ оның ветеринариялық дәрілік препарат сериясының айналымын тоқтата тұру туралы бастамашылық өтінішінде көрсетілген мерзімнен аспайтын мерзімге ветеринариялық дәрілік препарат сериясының айналымын тоқтата тұру туралы шешім қабылдайды;

осы Қағидалардың 265-тармағының "б" тармақшасында ветеринариялық дәрілік препараттың құқық иеленушісі ветеринариялық дәрілік зат үлгілерінің ветеринариялық дәрілік затқа арналған нормативтік құжаттың талаптарына сәйкес келмеу себептерін белгілегенге және жойғанға дейінгі мерзімге белгілі бір сериядағы ветеринариялық дәрілік препараттың айналымын тоқтата тұру туралы шешім қабылдайды.

Ветеринариялық дәрілік препараттың құқық иеленушісі қабылданған шешім туралы тіркеу жөніндегі референттік орган немесе уәкілетті орган ветеринариялық дәрілік препарат сериясының айналымын тоқтата тұру себептерін көрсете отырып, шешім қабылдаған күннен бастап 5 жұмыс күнінен кешіктірмей қағаз жеткізгіште және электрондық пошта арқылы хабардар етіледі.

270. Ветеринариялық дәрілік препараттың белгілі бір сериясындағы ветеринариялық дәрілік зат үлгілерінің ветеринариялық дәрілік затқа арналған нормативтік құжаттың талаптарына сәйкессіздігі анықталған жағдайда, ветеринариялық дәрілік затты өндіруші алынған ақпараттың анықтығына тексеру жүргізуге міндетті.

Ветеринариялық дәрілік препарат сериясының ветеринариялық дәрілік затқа арналған нормативтік құжаттың талаптарына сәйкес еместігі туралы ақпараттың дұрыстығын растау кезінде ветеринариялық дәрілік затты өндіруші мұндай ақпараттың дұрыстығы расталған күннен бастап 10 жұмыс күнінен кешіктірмей зиян келтіруді болдырмау жөніндегі іс-шаралар бағдарламасын әзірлеуге және оны тіркеу жөніндегі референттік органмен немесе уәкілетті органмен келісуге міндетті.

Ветеринариялық дәрілік препарат сериясының ветеринариялық дәрілік затқа арналған нормативтік құжат талаптарына сәйкестігі туралы ақпараттың дұрыстығын растау кезінде ветеринариялық дәрілік затты өндіруші мұндай ақпараттың дұрыстығы расталған күннен бастап 3 жұмыс күнінен кешіктірмей бұл туралы тіркеу жөніндегі референттік органға немесе уәкілетті органға хабарлауға міндетті, соның негізінде олар ветеринариялық дәрілік препараттың белгілі бір сериялары айналымының қайта басталуы туралы шешім қабылдайды.

271. Зиян келтіруді болғызбау жөніндегі іс-шаралар бағдарламасы сатып алушыларды, оның ішінде тұтынушыларды зиян келтіру қаупінің бар екендігі және оны болдырмау тәсілдері туралы хабардар ету жөніндегі іс-шараларды, сондай-ақ осындай іс-шараларды іске асыру мерзімдерін қамтуға тиіс. Егер зиян келтіруді болғызбау үшін қосымша шығыстар жасау қажет болған жағдайда, ветеринариялық дәрілік препараттың құқық иеленушісі зиян келтіруді болғызбау жөніндегі барлық іс-шараларды өз күшімен жүзеге асыруға, ал оларды жүзеге асыру мүмкін болмаған кезде өнімді кері қайтарып алу туралы хабарлауға және өнімді кері қайтарып алуға байланысты сатып алушыларға келтірілген залалдың орнын толтыруға міндетті.

272. Кемшіліктерді жоюды, сондай-ақ өнімді кемшіліктерді жою орнына жеткізуді және оны сатып алушыларға, оның ішінде тұтынушыларға қайтаруды ветеринариялық дәрілік препараттың құқық иеленушісі өз есебінен жүзеге асырады.

273. Тіркеу жөніндегі референттік орган немесе уәкілетті орган "Интернет" ақпараттық-телекоммуникациялық желісіндегі өзінің ресми сайтында ветеринариялық дәрілік препараттың, сондай-ақ ветеринариялық дәрілік препараттың белгілі бір серияларының айналымын тоқтата тұруға немесе қайта бастауға байланысты қабылданған шешімдер туралы ақпаратты тиісті шешім қабылданған күннен бастап 3 жұмыс күні ішінде орналастырады.

274. Ветеринариялық дәрілік препараттың немесе оның белгілі бір сериясының айналымының тоқтатыла тұруына немесе қайта басталуына байланысты тіркеу жөніндегі референттік орган немесе уәкілетті орган қабылдаған шешім негізінде осы ветеринариялық дәрілік препараттың Одақтың ветеринариялық дәрілік препараттары тізіліміндегі мәртебесі тиісті шешім қабылданған күннен бастап 3 жұмыс күні ішінде өзгереді.

12. Шешімдер қабылдау жөніндегі келіспеушіліктерді реттеу

275. Ветеринариялық дәрілік препараттарды тіркеу барысында немесе тіркеуге, сондай-ақ Одақтың кедендік аумағында ветеринариялық дәрілік заттардың айналымына байланысты өзге де рәсімдерді жүзеге асыру кезінде туындайтын келіспеушіліктерді реттеу № 18 қосымшаға сәйкес Еуразиялық экономикалық одақтың сараптама кеңесі туралы ережеге сәйкес қолданылатын Одақтың сарапшылық кеңесінің (бұдан әрі – сарапшылық кеңес) ұсынымдары ескеріле отырып жүзеге асырылады.

276. Уәкілетті орган (оның ішінде тіркеу жөніндегі референттік орган) ветеринариялық дәрілік препаратты тіркеу қорытындылары бойынша және тіркеуге байланысты өзге де рәсімдерді жүзеге асыру қорытындылары бойынша қабылдаған шешіммен келіспеген жағдайда, өтініш беруші оның атына жиынтық немесе соңғы сараптамалық қорытынды жіберілген күннен бастап 10 жұмыс күнінен кешіктірмей (осы Қағидаларда айқындалған жағдайларда) тіркеу жөніндегі референттік органға орыс тілінде еркін нысандағы өтінішпен (қағаз жеткізгіште және (немесе) электрондық түрде) ветеринариялық дәрілік затты сараптау нәтижелерін сараптама кеңесінің отырысында өтінішке өз ұстанымының негіздемесін қоса бере отырып, қосымша қарау қажеттігі туралы өтініш жасауға құқылы.

277. Тіркеу жөніндегі референттік орган осы Қағидалардың 276-тармағында көрсетілген өтініш қабылданған күннен бастап 10 жұмыс күнінен кешіктірмей осы Қағидаларға № 18 қосымшада көзделген Еуразиялық экономикалық одақтың сараптама кеңесі туралы ережеге сәйкес сараптама кеңесінің отырысында келіспеушіліктерді реттеу рәсіміне бастамашы болады.

278. Өтініш беруші шешімімен келіспеген уәкілетті орган (уәкілетті органдар) сараптама кеңесінің тиісті ұсынымдары қабылданған күннен бастап 15 жұмыс күнінен кешіктірмей сараптама кеңесінің ұсынымдарына талдау жүргізеді және көрсетілген мерзім шеңберінде тіркеу жөніндегі референттік органды осы Қағидалардың 41-тармағында көрсетілген тәсілмен ветеринариялық дәрілік препаратты тіркеуге, ветеринариялық дәрілік препараттың тіркелгенін растауға, тіркелген ветеринариялық дәрілік препараттың тіркеу дерекнамасына өзгерістер енгізуге, ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіруге немесе ветеринариялық дәрілік препараттың тіркелгенін тануға келісетіні (немесе келіспейтіні) туралы хабарлайды.

279. Уәкілетті орган бұрын қабылдаған шешім күшінде сақталған жағдайда, тіркеу жөніндегі референттік орган бұл туралы өтініш берушіні, уәкілетті органдарды және (немесе) сараптама мекемелерін осы Қағидалардың 41-тармағында көрсетілген тәсілмен және мерзімде уәкілетті органның шешімін қайта алған күннен бастап хабардар етеді.

280. Уәкілетті орган бұрын қабылдаған шешім өзгерген жағдайда тіркеу жөніндегі референттік орган Комиссияға жаңарту үшін Одақтың ветеринариялық дәрілік препараттары тізілімінде ветеринариялық дәрілік препарат туралы мәліметтерді ұсынады және бұл туралы өтініш берушіні, уәкілетті органдарды және (немесе) сараптама мекемелерін осы Қағидалардың 41-тармағында көрсетілген тәсілмен және мерзімде уәкілетті органның қайта шешімін алған күннен бастап хабардар етеді.

281. Уәкілетті органның ветеринариялық дәрілік препараттарды тіркеуге және тіркеуге байланысты өзге де рәсімдерге қатысты шешімдері немесе ветеринариялық дәрілік заттардың Одақтың кедендік аумағындағы айналымы осы мүше мемлекеттің сотында әкімшілік және өзге де жария құқықтық қатынастардан туындайтын дауларды осы мүше мемлекеттің заңнамасымен шешу үшін көзделген тәртіппен шағым жасалуы мүмкін.

13. Ветеринариялық дәрілік препараттың тіркеу дерекнамасына қойылатын талаптар

282. Ветеринариялық дәрілік препараттың тіркеу дерекнамасы осы Қағидаларға № 11 қосымшада көзделген № 19 қосымшаға сәйкес ветеринариялық дәрілік заттарды эксперименттік зерттеулер (сынақтар) көлеміне және № 20 қосымшаға сәйкес ветеринариялық дәрілік препараттың тіркеу дерекнамасын ұсыну нысанына қойылатын талаптарға сәйкес мынадай құжаттардан қалыптастырылады:

а) осы Қағидалардың 9-тармағының "а" тармақшасына сәйкес ветеринариялық дәрілік заттарды өндіруге арналған қолданыстағы лицензия (немесе белгіленген тәртіппен куәландырылған лицензияның көшірмесі);

б) осы Қағидалардың 9-тармағының "б" тармақшасына сәйкес берілген қолданыстағы сертификат (немесе белгіленген тәртіппен куәландырылған сертификаттың көшірмесі).

Мүше мемлекеттер осы Қағидалардың 9-тармағының "а" және "б" тармақшаларына сәйкес уәкілетті органдар беретін ветеринариялық дәрілік заттарды өндіруге арналған лицензияларды және (немесе) сертификаттарды өзара таниды.

Ветеринариялық дәрілік препаратты тіркеу туралы өтініш немесе тіркеу дерекнамасына сәйкес келтіру туралы өтініш берген кезде қолданыстағы сертификатты ұсыну мүмкін болмаған жағдайда, өтініш беруші оның орнына мынадай құжаттар мен деректерді ұсынады:

уәкілетті орган немесе құзыретті орган ветеринариялық дәрілік препаратты тіркеу туралы өтінішті берген күнге дейін 3 жылдан ерте болмайтын соңғы инспекциялық есептің көшірмесі;

осы өндірістік алаңның барлық инспекцияларының Тиісті өндірістік практика қағидаларының талаптарына сәйкестігіне ветеринариялық дәрілік препаратты тіркеу туралы өтініш беру күніне дейін алдыңғы 3 жыл бұрын жүргізілген нәтижелері туралы мәліметтер;

осы өндірістік алаңда өндірілген ветеринариялық дәрілік препараттардың сапасына қатысты соңғы 3 жылдағы рекламациялар туралы мәліметтер;

уәкілетті органның өндіріс шарттарының Тиісті өндірістік практика қағидаларының талаптарына сәйкестігіне фармацевтикалық инспекция жүргізу туралы (мүше мемлекеттердің өндіруші кәсіпорындары үшін) немесе өндіруші елдің өндіріс жағдайларының Тиісті өндірістік практика қағидаларының талаптарына сәйкестігіне бірлескен фармацевтикалық инспекция жүргізу туралы (үшінші елдердің өндіруші кәсіпорындары үшін) шешімінің көшірмесі;

өндірістік учаске дерекнамасының көшірмесі (мастер-файл);

в) осы Қағидаларға № 14 қосымшада көзделген қағидаттарға сәйкес жүргізілген ветеринариялық дәрілік заттарға клиникаға дейінгі зерттеулер (сынақтар) нәтижелері туралы есеп немесе осы Қағидаларға № 12 қосымшада көзделген талаптарға сәйкес қайта өндірілген ветеринариялық дәрілік препараттардың (дженериктердің) биобаламалылығына зерттеулер (сынақтар) жүргізу туралы есеп.

Ветеринариялық дәрілік заттарға клиникаға дейінгі зерттеулер (сынақтар) жүргізу мақсатында ветеринариялық дәрілік заттарды әзірлеушілер Еуразиялық экономикалық комиссия Кеңесінің 2016 жылғы 3 қарашадағы № 81 шешімімен бекітілген Еуразиялық экономикалық одақтың дәрілік заттар айналымы саласындағы тиісті зертханалық практикасының қағидаларын ерікті түрде қолдана алады;

г) осы Қағидаларға № 15 қосымшада көзделген қағидаттарға сәйкес жүргізілген ветеринариялық дәрілік препаратты қолдану жөніндегі нұсқаулықта көрсетілген әрбір жануар түрі бойынша оны клиникалық зерттеу (сынау) нәтижелері туралы есеп;

д) № 21 қосымшаға сәйкес нысан бойынша ветеринариялық дәрілік препаратты қолдану жөніндегі нұсқаулықтың жобасы;

е) Еуразиялық экономикалық комиссия Кеңесінің 2016 жылғы 3 қарашадағы № 76 шешімімен бекітілген Медициналық қолдануға арналған дәрілік заттарды және ветеринариялық дәрілік заттарды таңбалауға қойылатын талаптарға сәйкес ресімделген ветеринариялық дәрілік препараттың бастапқы және бар болған кезде екінші қаптамалары макеттерінің жобалары;

ж) ветеринариялық дәрілік затқа арналған нормативтік құжаттың жобасы;

з) № 22 қосымшаға сәйкес нысан бойынша ветеринариялық дәрілік препараттың сауалнамасы;

и) ветеринариялық дәрілік препараттың құрамына кіретін фармацевтикалық субстанция (фармацевтикалық субстанциялар) туралы мынадай мәліметтерді қамтитын құжаттар:

фармацевтикалық субстанцияның атауы (халықаралық патенттелмеген немесе химиялық және саудалық атаулары), оның құрылымы, жалпы қасиеттері;

өндірушінің атауы, оның орналасқан жері (заңды тұлғаның мекенжайы), сондай-ақ қызметті жүзеге асыру орнының мекенжайы (егер мекенжайлар өзгеше болған жағдайда);

фармацевтикалық субстанция өндірісінің технологиялық процесінің блок-схемасы және сипаттамасы;

қоспалар туралы ақпарат;

ветеринариялық дәрілік затқа арналған нормативтік құжаттың талаптарына сәйкес фармацевтикалық субстанциялардың сапасын бақылау нәтижелері;

фармацевтикалық субстанция сапасын бақылау процесінде пайдаланылатын әсер етуші заттардың немесе заттардың стандартты үлгілерінің тізбесі;

қаптама және тығындау материалдарының сипаттамалары мен қасиеттерінің сипаттамасы;

тұрақтылық туралы деректер (№ 23 қосымшаға сәйкес талаптарды ескере отырып, зерттеулер (сынақтар) жүргізіледі);

жарамдылық мерзімі;

к) фармацевтикалық субстанцияға арналған нормативтік құжат не тиісті фармакопеялық мақаланы көрсету;

л) иммунологиялық (иммундық-биологиялық) ветеринариялық дәрілік препараттар үшін – белгіленген тәртіппен куәландырылған өндірістік штамм паспортының көшірмесі немесе иммунологиялық (иммундық-биологиялық) ветеринариялық дәрілік препараттың құрамына кіретін микроорганизмдердің өндірістік штамдары туралы мынадай мәліметтерді қамтитын құжат (немесе белгіленген тәртіппен куәландырылған құжаттың көшірмесі):

микроорганизм штамының атауы;

микроорганизм штамын сақтауға (депозитке салуға) жауапты ұйымның атауы, оның орналасқан жері (заңды тұлғаның мекенжайы) және қызметті жүзеге асыру орнының мекенжайы (егер мекенжайлар әртүрлі болса);

микроорганизм штамының бөлінуі және сақталу шарттары туралы мәліметтер;

микроорганизм штамын сәйкестендіру нәтижелері және оның негізгі биологиялық қасиеттері;

микроорганизм штамын сәйкестендіруге мүмкіндік беретін әдістер мен тест-жүйелердің тізбесі;

м) ветеринариялық дәрілік препарат туралы мынадай мәліметтерді қамтитын құжаттар:

ветеринариялық дәрілік препараттың сипаттамасы және оның құрамы;

фармацевтикалық әзірленімнің сипаттамасы;

өндірістің технологиялық процесінің схемасы және оның сипаттамасы;

өндірістің сыни кезеңдерін бақылаудың сипаттамасы және аралық өнім;

өндірістік алаңдардың атауы, олардың орналасқан жері (қызметті жүзеге асыру орнының мекенжайы);

фармацевтикалық үйлесімділік;

микробиологиялық сипаттамалары;

дайын өнім сериясын өндіруге арналған материалдық баланс;

қаптама және тығындау материалдарының сипаттамалары мен қасиеттерінің сипаттамасы;

қосымша заттарға арналған ерекшелік және оның негіздемесі;

қосымша заттардың сапасын бақылау кезінде пайдаланылатын талдамалық әдістемелердің сипаттамасы және олардың валидациясы туралы мәліметтер;

жануарлардан алынатын қосымша заттарды пайдалану туралы ақпарат;

ветеринариялық дәрілік препараттың кемінде 3 сериясын зерттеу (сынау) нәтижелері, олардың біреуі тіркеу үшін немесе ветеринариялық дәрілік препараттың тіркеу дерекнамасына өзгерістер енгізу үшін немесе ветеринариялық дәрілік препараттың тіркеу дерекнамасын осы Қағидалардың талаптарына сәйкес келтіру мақсатында ұсынылған үлгінің сериясымен сәйкес келуі тиіс;

ветеринариялық дәрілік затқа арналған нормативтік құжаттың талаптарына сәйкес ветеринариялық дәрілік препараттың сапасын бақылау нәтижелері (зерттеулер (сынақтар) № 24 қосымшаға сәйкес ветеринариялық дәрілік препараттар сапасының көрсеткіштерін белгілеуге қойылатын талаптар ескеріле отырып жүргізіледі);

тұрақтылық туралы деректер (зерттеулер (сынақтар) осы Қағидаларға № 23 қосымшада көзделген талаптарды ескере отырып жүргізіледі);

ветеринариялық дәрілік препаратты сақтау және тасымалдау шарттары туралы ақпарат;

ветеринариялық дәрілік препараттың сапасын бақылауды жүзеге асыру кезінде пайдаланылатын талдамалық әдістемелер және олардың валидациясы туралы мәліметтер;

н) әсер етуші заттардың немесе ветеринариялық дәрілік препараттың сапасын бақылау процесінде пайдаланылатын заттардың стандартты үлгілерінің тізбесі;

о) ветеринариялық дәрілік препараттың атауын, сондай-ақ осы елдің заңнамасына сәйкес ветеринариялық дәрілік препараттың айналымын растайтын құжаттың нөмірі мен құзыретті орган берген күнін көрсете отырып, ветеринариялық дәрілік препарат тіркелген үшінші елдердің тізбесі. Ветеринариялық дәрілік препараттың үшінші елде тіркелгенін растау қажет болған жағдайда тіркеу туралы құжаттың көшірмесі қағаз жеткізгіште сұратылуы мүмкін;

п) өтініш берушінің (немесе оның өкілінің) ветеринариялық дәрілік препаратты тіркеуге құқықтылығын растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

р) егер тіркелген әртүрлі заңды тұлғалар немесе дара кәсіпкерлер ретінде жеке тұлғалар ветеринариялық дәрілік препараттың құқық иеленушісі мен ветеринариялық дәрілік затты өндіруші арасындағы құқықтық қатынастарды растайтын құжат (немесе құжаттың белгіленген тәртіппен куәландырылған көшірмесі) (шарт, лицензиялық келісімшарт, коммерциялық концессия шарты немесе басқалары).

283. Қосымша тіркеу жөніндегі референттік органның сұрау салуы бойынша электрондық түрде үшінші елде өндірілген ветеринариялық дәрілік препараттың тіркеу дерекнамасы құжаттарының көшірмелері ағылшын тілінде (бар болған кезде) ұсынылады.

14. Ветеринариялық дәрілік затқа арналған нормативтік құжат

284. Ветеринариялық дәрілік затқа арналған нормативтік құжат тіркеу жөніндегі референттік органмен келісіледі және дәрілік нысанды, сондай-ақ титрлеуге арналған аспаптарға, реактивтерге, ерітінділерге, индикаторларға, әсер етуші заттардың стандартты үлгілеріне талдау жүргізу мақсатында пайдаланылатын талаптарды ескере отырып, оларды бақылау әдістерін сипаттай отырып, сапа көрсеткіштерінің тізбесін қамтиды.

15. Ветеринариялық дәрілік препаратты қолдану жөніндегі нұсқаулық

285. Ветеринариялық дәрілік препаратты қолдану жөніндегі нұсқаулықтағы ақпарат орыс тілінде және тіркеу шарттарына сәйкес аумағында ветеринариялық дәрілік препарат айналымда болатын мүше мемлекеттің мемлекеттік тілінде (мүше мемлекеттің заңнамасында тиісті талаптар болған кезде) баяндалуы тиіс.

286. Ветеринариялық дәрілік препаратты қолдану жөніндегі нұсқаулық осы Қағидаларға № 21 қосымшада көзделген нысан бойынша ресімделеді және тіркеу жөніндегі референттік органмен келісіледі.

16. Ветеринариялық дәрілік заттарды таңбалау

287. Осы Қағидаларға сәйкес Одақтың кедендік аумағында айналымға шығарылатын ветеринариялық дәрілік заттардың бастапқы және бар болған кезде екінші қаптамаларында орналастырылған ақпарат (тіркеу сараптамаларына арналған ветеринариялық дәрілік препараттар мен фармацевтикалық субстанциялардың, сондай-ақ дәріханада дайындалған ветеринариялық дәрілік препараттардың үлгілерін қоспағанда) медициналық қолдануға арналған дәрілік заттарды және ветеринариялық дәрілік заттарды таңбалауға қойылатын талаптарға сәйкес келуге тиіс.

288. Бастапқы және бар болған кезде екінші қаптамалардағы макеттер оларда ветеринариялық дәрілік препараттың тіркеу нөмірін көрсете отырып, тіркеу жөніндегі референттік органмен келісіледі.

Кеден одағы Комиссиясының 2011 жылғы 16 тамыздағы № 769 шешімімен қабылданған "Қаптаманың қауіпсіздігі туралы" (КО ТР 005/2011) Кеден одағы техникалық регламентінің талаптары ветеринариялық дәрілік заттардың қаптамасына қолданылмайды.

289. Экспортқа арналған ветеринариялық дәрілік препараттар импорттаушы елдің талаптарына сәйкес таңбаланады.

VI. Ветеринариялық дәрілік заттар айналымы саласындағы мемлекеттік бақылауды (қадағалауды) жүзеге асыру кезіндегі ақпараттық өзара іс-қимыл

1. Жалпы ережелер

290. Ветеринариялық дәрілік заттардың айналымын мемлекеттік бақылауды (қадағалауды) мүше мемлекеттің заңнамасында белгіленген тәртіппен уәкілетті органдар жүзеге асырады.

291. Уәкілетті органдар ветеринариялық дәрілік заттар айналымы саласында жүргізілетін мемлекеттік бақылау (қадағалау) шеңберінде:

а) фармакологиялық қадағалау;

б) фармацевтикалық инспекциялар;

в) ветеринариялық дәрілік препараттардың сапасын іріктеп бақылау нәтижелері туралы ақпараттық өзара іс-қимылды осы Қағидаларға 5-қосымшада көзделген тәртіппен жүзеге асырады.

292. Мүше мемлекеттің заңнамасында көзделген өзге іс-шаралардың нәтижелері туралы ақпарат алмасу мүше мемлекеттердің уәкілетті органдарының өзара уағдаластығы бойынша жүзеге асырылады.

2. Фармакологиялық қадағалауды ұйымдастыру және жүргізу кезіндегі ақпараттық өзара іс-қимыл

293. Фармакологиялық қадағалауды жүзеге асыру кезінде ақпараттық өзара іс-қимыл жасау үшін деректер массиві ветеринариялық дәрілік препараттардың құқық иеленушілері уәкілетті органға және ветеринариялық дәрілік заттардың айналыс субъектілері уәкілетті органға және ветеринариялық дәрілік препараттардың құқық иеленушісіне беретін мүше мемлекеттер мен үшінші елдердің аумақтарында ветеринариялық дәрілік препараттардың айналысы кезінде анықталған ветеринариялық дәрілік препараттарды қолдану кезіндегі қолайсыз реакциялар туралы ақпараттан қалыптастырылады.

294. Уәкілетті органдар Комиссияға осы Қағидаларға № 5 қосымшада көзделген тәртіпке сәйкес ветеринариялық дәрілік препаратты қолдану кезінде қолайсыз реакцияны анықтау фактілері мен мән-жайларын растау туралы ақпарат жібереді.

295. Осы Қағидалардың 294-тармағында көрсетілген мәліметтер осы Қағидаларға № 5 қосымшада көзделген тәртіпке сәйкес интеграцияланған жүйе құралдарын пайдалана отырып қалыптастырылатын мүше мемлекеттердің аумақтарында ветеринариялық дәрілік препараттарды қолдану кезінде анықталған жануарлардағы қолайсыз реакциялар туралы бірыңғай ақпараттық дерекқорға енгізіледі.

296. Осы Қағидалардың 293-тармағында көрсетілген деректер массивін қалыптастыру үшін ветеринариялық дәрілік препараттардың құқық иеленушілері уәкілетті органға мыналарды жіберуге тиіс:

а) ветеринариялық дәрілік препаратты қолдану кезінде қолайсыз реакцияның анықталуына күдік туралы шұғыл есеп (осы Қағидалардың 303-тармағында көрсетілген жағдайларда);

б) қабылданған шаралар мен өткізілген іс-шаралар туралы есеп (осы Қағидалардың 304-тармағында көрсетілген жағдайларда және осы Қағидалардың 303-тармағының "а" – "в" тармақшаларын ескере отырып);

в) ветеринариялық дәрілік препаратты қолдану кезінде жағымсыз реакцияның пайда болу фактісі бойынша материалдар (осы Қағидалардың 305-тармағында көрсетілген жағдайларда).

297. Осы Қағидалардың 293-тармағында көрсетілген деректер массивін қалыптастыру үшін ветеринариялық дәрілік заттар айналысының субъектілері мүше мемлекеттің немесе үшінші елдердің аумақтарында ветеринариялық дәрілік препараттар айналысы кезінде анықталған ветеринариялық дәрілік препараттарды қолдану кезіндегі қолайсыз реакциялар туралы № 25 қосымшаға (1 және 2-нысандар) сәйкес нысандар бойынша мәліметтерді қолайсыз реакция анықталған кезден бастап барынша қысқа мерзімде тиісті мүше мемлекеттің уәкілетті органына және ветеринариялық дәрілік препараттың құқық иеленушісіне (шағымдарды қабылдауға уәкілетті ұйымның атауы) ұсынуға тиіс, оның орналасқан жері (заңды тұлғаның мекенжайы) және қызметін жүзеге асыратын орнының мекенжайы (егер мекенжайлар әртүрлі болған жағдайда) ветеринариялық дәрілік препаратты қолдану жөніндегі нұсқаулықта көрсетілген.

298. Сараптама мекемелері (уәкілетті органның тапсырмасы бойынша) осы Қағидалардың 296 – 297-тармақтарына сәйкес фармакологиялық қадағалау уәкілетті орган алған қолайсыз реакциялар туралы ақпаратқа талдау жүргізеді, оның нәтижесінде ветеринариялық дәрілік препаратты қолдану мен қолайсыз реакцияның пайда болуы арасындағы себеп-салдарлық байланыс белгіленеді, қолайсыз реакциялардың таралуы бағаланады, фармакологиялық қадағалау саласындағы өзекті проблемалар және ветеринариялық дәрілік препараттардың тиімділігі мен қауіпсіздігіне байланысты мәселелер бойынша ұсыныстар қалыптастырылады және тиісті мүше мемлекеттің уәкілетті органына жіберіледі, консультациялық және әдістемелік жұмыс жүзеге асырылады.

299. Ветеринариялық дәрілік препаратты қолдану мен жағымсыз реакцияның пайда болуы арасындағы себеп-салдарлық байланысты анықтау үшін сараптама мекемесі:

а) ветеринариялық дәрілік препаратты қолдану мен жағымсыз реакцияның пайда болуы арасындағы уақыт кезеңін;

б) ветеринариялық дәрілік препараттың құрамына кіретін әсер етуші заттардың фармакодинамикасы мен фармакокинетикасын;

в) ветеринариялық дәрілік препаратты қолдану кезінде байқалатын клиникалық және патологиялық (егер қолданылса) бұзушылықтардың туындау ықтималдығын;

г) құрамына осы ветеринариялық дәрілік препараттың әсер етуші заттары және (немесе) қосымша заттары кіретін ұқсас ветеринариялық дәрілік препараттарды және ветеринариялық дәрілік препараттарды қолдану кезінде қолайсыз реакциялардың туындауы туралы деректерді;

д) қолайсыз реакцияның пайда болуының ықтимал себептерін (жануарларға арналған басқа ветеринариялық дәрілік препараттармен немесе жемшөп қоспаларымен өзара іс-қимыл жасау, ветеринариялық дәрілік препаратты қолдану жөніндегі нұсқаулықтың бұзылуы, жануарларды күтіп-бағу мен тамақтандырудың қанағаттанғысыз жағдайлары, стресс-факторлар, климаттық жағдайлар, ауыз су мөлшерінің және (немесе) сапасының жетіспеушілігі, жануарлардағы (жануарлар топтарындағы) басқа қолданылған ветеринариялық дәрілік препаратқа қолайсыз реакция) талдайды.

300. Қолайсыз реакцияның таралуын бағалау белгілі бір кезеңде қолайсыз реакция туындаған жануарлар саны (ветеринариялық дәрілік препаратты қолдану мен қолайсыз реакция арасындағы себеп-салдарлық байланыс анықталған жағдайда) мен ветеринариялық дәрілік препаратты алған жануарлар саны арасындағы пайыздық арақатынасты белгілеу арқылы жүзеге асырылады.

3. Ветеринариялық дәрілік препараттардың құқық иеленушілеріне ветеринариялық дәрілік заттар айналымы субъектілерінен келіп түсетін қолайсыз реакциялар туралы ақпаратты талдау

301. Ветеринариялық дәрілік препараттардың құқық иеленушілері ветеринариялық дәрілік заттар айналымының субъектілерінен, оның ішінде ветеринариялық дәрілік препараттарды қолдану кезінде қолайсыз реакциялардың анықталғаны туралы, олардың басқа ветеринариялық дәрілік препараттармен өзара іс-қимылының ерекшеліктері туралы, сондай-ақ жануарлардың саулығына, өміріне қатер төндіретін немесе күтілетін пайданың осындай ветеринариялық дәрілік препараттарды қолданудың ықтимал қатеріне қатынасының өзгеруіне әсер ететін өзге де фактілер мен мән-жайлар туралы мәліметтерді қамтитын өтініштер мен шағымдарды жинауды, өңдеуді және талдауды жүзеге асырады.

302. Ветеринариялық дәрілік препараттарды қолдану кезіндегі қолайсыз реакциялар туралы ақпарат жинау кезінде ветеринариялық дәрілік препараттардың құқық иеленушілері ең болмағанда осы Қағидаларға № 25 қосымшада көзделген нысандарда қамтылған мәліметтерді өңдеуді және талдауды қамтамасыз етеді (1 және 2-нысандар).

303. Ветеринариялық дәрілік препараттарды қолдану кезінде жағымсыз күрделі реакциялар немесе жағымсыз күтпеген реакциялар туралы, олардың басқа ветеринариялық дәрілік препараттармен өзара іс-қимылының ерекшеліктері, жеке төзімсіздік туралы, сондай-ақ жануарлардың саулығына, өміріне қауіп төндіретін немесе күтілетін пайданың ветеринариялық дәрілік препараттарды қолданудың ықтимал қатеріне қатынасының өзгеруіне әсер ететін өзге де фактілер мен мән-жайлар туралы ақпарат алған кезде ветеринариялық дәрілік препараттардың құқық иеленушілері көрсетілген ақпаратты алған күннен бастап 10 жұмыс күнінен кешіктірмей уәкілетті органға осы Қағидаларға № 25 қосымшада көзделген нысан (3-нысан) бойынша ветеринариялық дәрілік препаратты қолдану кезінде қолайсыз реакцияны анықтауға күдік туралы шұғыл есепті жіберуге және:

а) осындай ветеринариялық дәрілік препараттарды қолданудың теріс салдарын жоюға;

б) жануарлардың саулығына, өміріне зиян келтірудің алдын алуға және оларды осындай ветеринариялық дәрілік препараттарды қолданудан қорғауға;

в) осындай ветеринариялық дәрілік препараттардың тиімділігі мен қауіпсіздігі туралы деректерді қосымша жинауды ұйымдастыруға бағытталған шараларды қабылдауға міндетті.

304. Ветеринариялық дәрілік препараттардың құқық иеленушілері қабылданған шаралар мен жүргізілген іс-шаралар туралы уәкілетті органға қосымша хабарлайды.

305. Ветеринариялық дәрілік препаратты қолдану кезінде жағымсыз реакцияның пайда болуы расталған жағдайда (ветеринариялық дәрілік заттар айналымы субъектілері Одақтың құқығын және мүше мемлекеттің ветеринариялық дәрілік заттар айналымы саласындағы заңнамасын сақтаған жағдайда) ветеринариялық дәрілік препараттың құқық иеленушісі уәкілетті органға:

а) қолайсыз реакцияның ауырлығын бағалау туралы ақпарат;

б) ветеринариялық дәрілік препаратты қолдану мен туындаған қолайсыз реакция арасындағы себеп-салдарлық байланыстың дәлелденгені туралы мәліметтер;

в) қолайсыз реакцияның таралуы туралы деректер;

г) қолдану кезінде жағымсыз реакция пайда болған ветеринариялық дәрілік препарат сериясының мұрағаттық үлгілерін қосымша зерттеулер (сынатар) нәтижелерін ұсынуға құқылы.

306. Құқық иеленушілер фармакологиялық қадағалау жөніндегі ақпаратты ветеринариялық дәрілік препаратты тіркеудің бүкіл қолданылу кезеңі ішінде және ол аяқталғаннан кейін тағы 5 жыл бойы сақтауды қамтамасыз етуі тиіс.

4. Уәкілетті органдарға ветеринариялық дәрілік заттар айналымы субъектілерінен келіп түсетін жағымсыз реакциялар туралы ақпаратты талдау

307. Осы Қағидалардың 293-тармағында көрсетілген деректер массивін қалыптастыру үшін уәкілетті органдар:

ветеринариялық дәрілік заттар айналымының субъектілерінен, оның ішінде ветеринариялық дәрілік препараттарды қолдану кезінде қолайсыз реакциялардың анықталғаны туралы, олардың басқа ветеринариялық дәрілік препараттармен өзара іс-қимылының ерекшеліктері туралы, сондай-ақ жануарлардың саулығына, өміріне қатер төндіретін немесе күтілетін пайданың осындай ветеринариялық дәрілік препараттарды қолданудың ықтимал қатеріне қатынасының өзгеруіне әсер ететін өзге де фактілер мен мән-жайлар туралы мәліметтерді қамтитын өтініштер мен шағымдарды жинауды, өңдеуді және талдауды жүзеге асырады;

өз атына келіп түскен ақпараттың анықтығын және оны өңдеу мен талдау үшін мәліметтердің толықтығын тексереді;

жөнелтушіден қосымша мәліметтерді сұратады (келіп түскен мәліметтер жеткіліксіз болған жағдайда).

Хабарлама жіберуші, қолайсыз реакция байқалған жануар (жануарлар тобы), қолданылған ветеринариялық дәрілік препарат, қолайсыз реакция белгілері сәйкестендірілмеген жағдайда, ақпарат өңдеуге және талдауға жатпайды.

308. Ветеринариялық дәрілік заттар айналымының субъектісі ұсынған ақпараттың анықтығы мен жеткіліктілігі расталған кезде уәкілетті орган ветеринариялық дәрілік препаратты қолдану кезінде қолайсыз реакцияны анықтауға күдік туралы ветеринариялық дәрілік препараттың құқық иеленушісі ұсынған шұғыл есептің толықтығына бағалау жүргізеді. Ветеринариялық дәрілік препараттың құқық иеленушісінде ветеринариялық дәрілік заттар айналымы субъектісінен көрсетілген ақпарат болмаған кезде уәкілетті орган оған ветеринариялық дәрілік заттар айналымы субъектісінен алынған барлық мәліметтерді осы Қағидалардың 302 – 305-тармақтарына сәйкес шаралар қабылдау үшін жібереді.

309. Ветеринариялық дәрілік заттар айналымы субъектісінен өтініште немесе шағымда көрсетілген ветеринариялық дәрілік препаратты қолдану кезіндегі қолайсыз реакцияны анықтау фактілері мен мән-жайлары расталған кезде уәкілетті орган:

а) осы Қағидалардың 294-тармағына сәйкес Комиссияға қолайсыз реакция туралы мәліметтерді жібереді;

б) ветеринариялық дәрілік препаратты талдау үшін қолданған кезде ветеринариялық дәрілік препараттың құқық иеленушісі ұсынған қолайсыз реакцияны анықтауға күдік туралы шұғыл есепті жібере отырып, тіркелген қолайсыз реакция туралы сараптама мекемесіне хабарлайды.

310. Сараптама мекемесі қолайсыз реакция туралы ақпаратқа талдау жүргізеді, оның ішінде ветеринариялық дәрілік препаратты қолдану мен қолайсыз реакцияның пайда болуы арасындағы себеп-салдарлық байланыс белгіленеді, қолайсыз реакцияның таралуы бағаланады.

311. Ветеринариялық дәрілік препаратты қолдану жөніндегі нұсқаулықта қамтылмаған не ветеринариялық дәрілік препаратты қолданудың ықтимал қатеріне күтілетін пайда қатынасының өзгергені туралы куәландыратын мәліметтер анықталған жағдайда сараптама мекемесі уәкілетті органға осы Қағидаларға № 25 қосымшада көзделген нысан (4-нысан) бойынша ветеринариялық дәрілік препараттың айналымы кезінде қолайсыз реакцияны барынша азайту жөніндегі ұсыныстарды қамтитын қорытындыны жібереді.

312. Егер ветеринариялық дәрілік препараттың сапа талаптарына сәйкес келмеуі қолайсыз реакцияның болжамды себебі болып табылса, уәкілетті орган осы Қағидалардың 333 – 336-тармақтарына сәйкес ветеринариялық дәрілік препараттың сапасына ішінара бақылау жүргізу туралы шешім қабылдайды.

313. Егер ветеринариялық дәрілік заттар айналымы субъектісінің Одақ құқығын және мүше мемлекеттің ветеринариялық дәрілік заттар айналымы саласындағы заңнамасын бұзуы қолайсыз реакцияның болжамды себебі болып табылған жағдайда, уәкілетті орган ветеринариялық дәрілік заттар айналымы субъектісінің Одақ құқығын және мүше мемлекеттің ветеринариялық дәрілік заттар айналымы саласындағы заңнамасын сақтауына тексеру жүргізу туралы шешім қабылдайды.

5. Ветеринариялық дәрілік препаратты қолдану кезінде ветеринариялық дәрілік препараттардың қауіпсіздігі мен тиімділігі жөніндегі мерзімді есептерді және жағымсыз реакцияны анықтауға күдік туралы шұғыл есептерді талдау

314. Уәкілетті органға Одақтың кедендік аумағына айналымға шығарылған ветеринариялық дәрілік препараттың сапасын, қауіпсіздігі мен тиімділігін бағалау үшін қажетті мәліметтерді өзектілендіру үшін ветеринариялық дәрілік препараттың құқық иеленушісі уәкілетті органға осы Қағидаларға № 13 қосымшада көзделген нысан бойынша мерзімді есептерді ветеринариялық дәрілік препарат тіркелгеннен кейін 2 жыл ішінде 6 айда 1 рет, келесі 3 жыл ішінде жыл сайын және одан әрі 5 жылда 1 рет ұсынады.

315. Уәкілетті орган ветеринариялық дәрілік препараттың құқық иеленушісі ұсынған ветеринариялық дәрілік препаратты қолдану кезінде қолайсыз реакцияны анықтауға күдік туралы мерзімді есептер мен шұғыл есептерді (бұдан әрі – шұғыл есеп) қарайды.

316. Мерзімді немесе шұғыл есеп келіп түскен күннен бастап 5 жұмыс күнінен кешіктірмей уәкілетті орган ұсынылған ақпаратты өңдеу және талдау үшін мәліметтердің жеткіліктілігін тексереді.

317. Мерзімді немесе шұғыл есепте қателер немесе дәлсіздіктер анықталған жағдайда уәкілетті орган есепті тексеру аяқталған күннен бастап 5 жұмыс күні ішінде ветеринариялық дәрілік препараттың құқық иеленушісін электрондық түрде жіберілген ресми хатпен және тапсырылғаны туралы хабарламасы бар тапсырысты пошта жөнелтілімімен есепті пысықтау қажеттігі туралы хабардар етеді. Ветеринариялық дәрілік препараттың құқық иеленушісі хабарламаны алған күннен бастап 5 жұмыс күнінен кешіктірмей ескертулерді жоюға және өзгерістерімен және (немесе) толықтыруларымен бірге мерзімді немесе шұғыл есепті ұсынуға міндетті.

Ветеринариялық дәрілік препараттың құқық иеленушісі уәкілетті органға мерзімді немесе шұғыл есепті пысықтау үшін қажетті қосымша уақыт беру туралы сұрау салумен өтініш жіберуге құқылы.

318. Сараптама мекемесі уәкілетті органның тапсырмасы бойынша мерзімді немесе шұғыл есептерді олар келіп түскен күннен бастап 20 жұмыс күнінен кешіктірмей өңдеуді және талдауды жүргізеді.

319. Мерзімді немесе шұғыл есептерге талдау жүргізу кезінде сараптама мекемесі алынған ақпаратты ветеринариялық дәрілік препарат туралы қолда бар мәліметтермен салыстырады, ветеринариялық дәрілік препарат туралы деректерді өңдеу нәтижелері, ғылыми жарияланымдардың деректері, басқа мүше мемлекеттердің уәкілетті органдарының және үшінші елдердің құзыретті органдарының ветеринариялық дәрілік препараттың айналымы туралы ақпараты (бар болған кезде), әртүрлі уақыт кезеңдері мен өзге де параметрлер бойынша материалдар жиынтықталады, деректер жинақталады және топтастырылады, қорытындылар тұжырымдалады және талдау жүргізу қорытындылары бойынша қорытындылар ай сайын уәкілетті органға ұсынылады.

320. Ветеринариялық дәрілік препараттың құқық иеленушісі мерзімді немесе шұғыл есептерді қарау нәтижелері туралы есептерді тексеру аяқталған күннен бастап 5 жұмыс күнінен кешіктірмей электрондық түрде жіберілген ресми хатпен және тапсырылғаны туралы хабарламасы бар тапсырысты пошта жөнелтілімімен хабардар етіледі.

6. Фармакологиялық қадағалау шеңберінде ветеринариялық дәрілік заттар айналымы субъектілерін ақпараттандыру

321. Егер фармакологиялық қадағалауды жүзеге асыру кезінде осы Қағидалардың, одақ құқығына кіретін актілердің немесе мүше мемлекеттің ветеринариялық дәрілік заттардың айналымы саласындағы заңнамасының ережелерін бұзу фактілері анықталған жағдайда, уәкілетті органдар мүше мемлекеттің заңнамасына сәйкес шаралар қабылдайды.

322. Уәкілетті органдар фармакологиялық қадағалау нәтижелері бойынша ветеринариялық дәрілік заттар айналымы субъектілерін ветеринариялық дәрілік препаратты қолдану жөніндегі нұсқаулыққа өзгерістер енгізу туралы, ветеринариялық дәрілік препараттың айналымын тоқтата тұру туралы, ветеринариялық дәрілік препаратты Одақтың кедендік аумағындағы айналымнан алу туралы, ветеринариялық дәрілік препаратты тіркеудің күшін жою туралы немесе ветеринариялық дәрілік препараттың айналымын өзінің ресми сайтында тиісті ақпаратты орналастыру арқылы қайта бастау туралы тиісті қабылданған шешімдер туралы тиісті шешім қабылданған күннен бастап 3 жұмыс күні ішінде хабарлауды қамтамасыз етеді.

7. Фармацевтикалық инспекцияларды ұйымдастыру және өткізу кезіндегі ақпараттық өзара іс-қимыл

323. Инспекцияланатын өндірістің Тиісті өндірістік практика қағидаларының талаптарына сәйкестігі тұрғысынан мүше мемлекеттер мен ветеринариялық дәрілік заттар өндіруді жүзеге асыратын үшінші елдер кәсіпорындарына фармацевтикалық инспекциялар № 26 қосымшаға сәйкес қағидаларға сай жүргізіледі.

324. Фармацевтикалық инспекцияны уәкілетті орган ветеринариялық дәрілік затты өндірушінің фармацевтикалық инспекция жүргізу туралы өтінішінің (өтініш осы Қағидаларға № 10 қосымшада көзделген нысан (10.9-нысан) бойынша қағаз жеткізгіште және (немесе) электрондық түрде беріледі) немесе мүше мемлекеттің заңнамасында белгіленген тәртіппен ветеринариялық дәрілік заттардың айналымы саласындағы мемлекеттік бақылау (қадағалау) шеңберінде (мысалы, ветеринариялық дәрілік препараттардың сапасына байланысты лицензиялау, тіркеу немесе тексеру жүргізу мақсатында) уәкілетті органның ол берген нұсқамасының негізінде ұйымдастырады.

325. Ветеринариялық дәрілік заттар айналымы саласындағы мемлекеттік бақылау (қадағалау) шеңберінде уәкілетті орган бастамашы болған фармацевтикалық инспекцияны мүше мемлекеттің аумағында ветеринариялық дәрілік заттардың айналымы кезінде тиісті уәкілетті орган мүше мемлекеттің заңнамасында белгіленген тәртіппен жүргізеді. Фармацевтикалық инспекция жүргізу күнін тиісті уәкілетті орган айқындайды.

326. Фармацевтикалық инспекция жүргізу үшін инспекциялық топ құрылады, оған жетекші фармацевтикалық инспектор, фармацевтикалық инспекторларды қоса алғанда, топтың мүшелері, қажет болған кезде тартылатын сарапшылар мен тағылымдамадан өтушілер кіреді.

Фармацевтикалық инспекция жүргізу үшін инспекциялық топ тиісті оқытудан өткен, № 27 қосымшаға сәйкес тәртіппен аттестатталған және осы Қағидаларға № 5 қосымшада көзделген тәртіпке сәйкес Одақтың фармацевтикалық инспекторларының тізіліміне енгізілген фармацевтикалық инспекторлардан қалыптастырылады.

Инспекциялық топтың жұмысына қажет болған жағдайда Еуразиялық экономикалық комиссия Кеңесінің 2016 жылғы 3 қарашадағы № 90 шешімімен бекітілген Еуразиялық экономикалық одақтың фармацевтикалық инспекторларының тізілімін қалыптастыру және жүргізу тәртібіне (бұдан әрі – Одақтың фармацевтикалық инспекторларының тізілімін қалыптастыру және жүргізу тәртібі) сәйкес Одақтың фармацевтикалық инспекторларының тізіліміне енгізілген фармацевтикалық инспекторлар тартылуы мүмкін.

Одақтың фармацевтикалық инспекторларының тізілімін қалыптастыру және жүргізу тәртібіне сәйкес Одақтың фармацевтикалық инспекторларының тізіліміне енгізілген инспекциялық топтың жұмысына тартылатын фармацевтикалық инспекторлар, сондай-ақ сарапшылар және (немесе) тағылымдамадан өтушілер үшін Одақтың фармацевтикалық инспекторларын аттестаттау және олардың тізіліміне енгізу талап етілмейді.

327. Инспекциялық топтың санын, фармацевтикалық инспекторлардың және инспекциялық топтың жұмысына тартылған сарапшылардың біліктілік деңгейін инспекцияланатын фармацевтикалық өндіріс түріне қарай уәкілетті орган айқындайды.

328. Фармацевтикалық инспекцияның қорытындылары бойынша ветеринариялық дәрілік заттардың өндірісі Тиісті өндірістік практика қағидаларына сәйкес деп танылған мүше мемлекеттердің және үшінші елдердің кәсіпорындары туралы мәліметтер осы Қағидаларға № 5 қосымшада көзделген тәртіпке сәйкес өндірушілердің тізіліміне енгізілуге жатады.

329. Фармацевтикалық инспекция жүргізу мынадай:

а) өтініш берушінің ветеринариялық дәрілік препаратты тіркеу туралы өтініш берген сәтте қолданыстағы сертификатты ұсынуы мүмкін болмаған (бұл жағдайда фармацевтикалық инспекция алдын ала немесе соңғы сараптамалық қорытынды ресімделгенге дейін аяқталуы тиіс);

б) бұрын жүргізілген фармацевтикалық инспекцияның нәтижелері бойынша анықталған сәйкессіздіктердің жойылғанын растау қажеттілігі;

в) ветеринариялық дәрілік препаратты тіркеу барысында Ветеринариялық дәрілік препараттың тіркеу дерекнамасында ұсынылған мәліметтердің дұрыстығына күмән келтіретін фактілер анықталған;

г) ветеринариялық дәрілік препараттың өзін өндіру технологиясындағы өзгерістер;

д) күнтізбелік жыл ішінде Одақтың кедендік аумағында айналымда жүрген және сол бір кәсіпорын өндірген бір атаудағы ветеринариялық дәрілік препараттың 3 сериясының сапа талаптарына сәйкессіздігі анықталған;

е) ветеринариялық дәрілік препаратты өндіру елінде тіркеу болмаған жағдайларда ұйымдастырылуы мүмкін.

330. Берілген сертификаттар және қолданылуы тоқтатыла тұрған немесе тоқтатылған сертификаттар туралы мәліметтер осы Қағидаларға № 5 қосымшада көзделген тәртіпке сәйкес өндірушілер тізілімінде орналастырылады.

331. Егер ветеринариялық дәрілік заттардың айналымы саласындағы инспекцияланатын субъект фармацевтикалық инспекцияның нәтижелеріне шағым жасаған жағдайда, шағымдарды қарау осы Қағидаларға № 18 қосымшада көзделген Еуразиялық экономикалық одақтың сараптама кеңесі туралы ережеге сәйкес сараптама кеңесінің отырысында жүзеге асырылады.

332. Фармацевтикалық инспекцияны жүргізуге жауапты уәкілетті органның шешімдеріне шағымдар (апелляциялар) беру тиісті мүше мемлекеттің заңнамасында белгіленген тәртіппен жүзеге асырылады.

8. Ветеринариялық дәрілік препараттардың сапасын іріктеп бақылауды ұйымдастыру және жүргізу кезіндегі ақпараттық өзара іс-қимыл

333. Мүше мемлекеттердің аумақтарында айналымда болатын ветеринариялық дәрілік препараттардың сапасын іріктеп бақылауды уәкілетті органдар мүше мемлекеттердің заңнамасына сәйкес өткізілетін ветеринариялық дәрілік заттардың айналымы саласындағы мемлекеттік бақылау (қадағалау) шеңберінде ұйымдастырады.

334. Мүше мемлекеттердің аумақтарында айналымда болатын ветеринариялық дәрілік препараттардың сапасын іріктеп бақылау мүше мемлекеттердің аумағында да, үшінші елдердің аумағында да өндірілген ветеринариялық дәрілік препараттардың ветеринариялық дәрілік заттарға арналған нормативтік құжаттардың талаптарына сәйкестігін тексеру мақсатында жүргізіледі.

335. Мүше мемлекеттердің аумақтарында айналымда болатын ветеринариялық дәрілік препараттардың сапасын іріктеп бақылаудың нәтижелерін уәкілетті органдар мәліметтерді осы Қағидаларға № 5 қосымшада көзделген тәртіпке сәйкес интеграцияланған жүйе құралдарын пайдалана отырып қалыптастырылатын мүше мемлекеттердің аумақтарындағы ветеринариялық дәрілік заттардың айналымы саласындағы мемлекеттік бақылау (қадағалау) шеңберінде анықталған сапалы және сапасыз ветеринариялық дәрілік препараттар, сондай-ақ жалған және (немесе) контрафактілік ветеринариялық дәрілік препараттар туралы деректердің бірыңғай ақпараттық базасына енгізу үшін Комиссияға жібереді.

336. Сапасын іріктеп бақылау нәтижелері бойынша мүше мемлекеттің аумағында сапасыз ветеринариялық дәрілік препараттар, сондай-ақ жалған және (немесе) контрафактілік ветеринариялық дәрілік препараттар анықталған жағдайда, уәкілетті орган осы Қағидалардың 264 – 274-тармақтарына сәйкес осындай ветеринариялық дәрілік препараттардың айналымын тоқтата тұру туралы немесе осы Қағидалардың V бөлімінің 10 кіші бөліміне сәйкес ветеринариялық дәрілік препараттарды тіркеудің күшін жою туралы шешім қабылдайды.

VII. Ветеринариялық дәрілік заттарды Одақтың кедендік аумағына әкелу, Одақтың кедендік аумағы арқылы транзиттеу, Одақтың кедендік аумағынан өткізу және Одақтың кедендік аумағынан әкету процестеріне қойылатын талаптар

337. Ветеринариялық дәрілік препараттарды Одақтың кедендік аумағына әкелу мүше мемлекеттің кеден органын мұндай тауардың Одақтың кедендік аумағына келуі туралы хабардар ету сәтінде Одақтың ветеринариялық дәрілік препараттарының тізілімінде (оның ішінде ветеринариялық дәрілік препараттардың тіркелгенін растау кезеңінде) әкелінетін ветеринариялық дәрілік препарат болған жағдайда жүзеге асырылады.

338. Фармацевтикалық субстанцияларды Одақтың кедендік аумағына әкелу (осы Қағидаларда белгіленген тәртіппен Одақтың ветеринариялық дәрілік препараттарының тізіліміне енгізілгендер, сондай-ақ Одақтың ветеринариялық дәрілік препараттарының тізіліміне енгізілмегендер ретінде) мүше мемлекеттің кеден органына Одақтың кедендік аумағына осындай тауардың келгені туралы хабарлау сәтінде мүше мемлекеттің заңнамасында белгіленген тәртіппен уәкілетті орган берген әкелуге рұқсат болған жағдайда жүзеге асырылады.

Одақтың ветеринариялық дәрілік препараттарының тізіліміне осы Қағидаларда белгіленген тәртіппен енгізілген фармацевтикалық субстанцияларды Одақтың кедендік аумағына әкелу Одақта белгіленген тәртіппен тіркелген ветеринариялық дәрілік препараттарды өндіру немесе өткізу және ветеринариялық дәрілік препараттарды дәріханада дайындау мақсатында жүзеге асырылады. Одақтың ветеринариялық дәрілік препараттарының тізіліміне енгізілмеген фармацевтикалық субстанцияларды Одақтың кедендік аумағына әкелу:

ветеринариялық дәрілік заттарды әзірлеу;

зерттеулер (сынақтар) аяқталғаннан кейін немесе оларды Одақтың кедендік аумағынан мұндай әкетуге жол беретін кедендік рәсіммен әкеткеннен кейін, мүше мемлекеттің аумағында ветеринариялық дәрілік заттардың жұмсалмаған үлгілері немесе қалдықтары иесінің қаражаты есебінен кейіннен жойылған жағдайда, ветеринариялық дәрілік препаратты тіркеу рәсімі шеңберінде ветеринариялық дәрілік заттың сараптамасына арналған қолданыстағы заттардың стандартты үлгілеріне зерттеулер (сынақтар) жүргізу;

клиникаға дейінгі және клиникалық зерттеулерге (сынақтарға) арналған ветеринариялық дәрілік препараттың тәжірибелік-өнеркәсіптік партиясын өндіру мақсаттарында жүзеге асырылады.

339. Государство-член в соответствии со своим законодательством вправе вводить дополнительные ограничения по ввозу на таможенную территорию Союза фармацевтических субстанций для аптечного изготовления ветеринарных лекарственных препаратов.

340. Одақ шеңберінде белгіленген тәртіппен тіркелмеген ветеринариялық дәрілік препараттарды Одақтың кедендік аумағына әкелуге мүше мемлекеттің кеден органына мұндай тауардың одақтың кедендік аумағына келгені туралы хабарлаған кезде мүше мемлекеттің заңнамасында белгіленген тәртіппен уәкілетті орган берген әкелуге рұқсат болған кезде:

а) зерттеулер (сынақтар) аяқталғаннан кейін немесе оларды Одақтың кедендік аумағынан мұндай әкетуге жол беретін кедендік рәсіммен әкеткеннен кейін, мүше мемлекеттің аумағында ветеринариялық дәрілік заттардың жұмсалмаған үлгілері немесе қалдықтары иесінің қаражаты есебінен кейіннен жойылған жағдайда, ветеринариялық дәрілік препаратты тіркеу рәсімі шеңберінде ветеринариялық дәрілік заттың сапасына сараптама жасаған кезде ветеринариялық дәрілік препараттардың үлгілеріне және әсер етуші заттардың стандартты үлгілеріне зерттеулер (сынақтар) жүргізу;

б) зерттеулер (сынақтар) аяқталғаннан кейін немесе оларды Одақтың кедендік аумағынан мұндай әкетуге жол беретін кедендік рәсіммен әкеткеннен кейін, мүше мемлекеттің аумағында ветеринариялық дәрілік заттардың жұмсалмаған үлгілері немесе қалдықтары иесінің қаражаты есебінен кейіннен жойылған жағдайда ветеринариялық дәрілік препаратты кейіннен тіркеу мақсатында Одақтың кедендік аумағында ветеринариялық дәрілік затқа клиникалық зерттеулер (сынақтар) жүргізу;

в) мүше мемлекеттің аумағында осы үлгілердің иесінің қаражаты есебінен кейіннен жойылғаннан немесе оларды Одақтың кедендік аумағынан мұндай әкетуге жол беретін кедендік рәсіммен әкеткеннен кейін ветеринариялық дәрілік препараттардың әрбір атауының 10 данадан аспайтын мөлшерінде әкелінетін көрме үлгілері ретінде пайдалану;

г) мұндай ветеринариялық дәрілік препараттардың өндіруші елде тіркелгені расталған (тіркелген елдің құзыретті органы ұсынған тиісті тізілімнен үзінді көшірме болған кезде) және басқа мүше мемлекеттердің әкелуі туралы хабарланған жағдайда, жануарлардың ауруларына байланысты салдарларды, шұғыл шаралар қолдануды талап ететін және мүше мемлекеттердің заңнамасына сәйкес жарияланған (енгізілген) төтенше немесе өзге де жағдайларды жою кезінде жануарларды емдеу және жануарлар ауруларының профилактикасы;

д) әкелінетін ветеринариялық дәрілік препараттың нақты жануарға тағайындалғаны расталған жағдайда серік жануарларды (оның ішінде жетелеуші иттерді) және қызметтік мақсаттағы жануарларды емдеу (кепілдік хаты немесе ветеринария саласындағы диагностикалық және емдеу-профилактикалық қызметті жүзеге асыратын ұйымнан әкелуге арналған рұқсатқа сұрау салу немесе рецепт болған кезде) мақсатында рұқсат етіледі. Ветеринариялық дәрілік препарат жануарды емдеу курсын жүргізу үшін қажетті мөлшерде әкелінеді;

е) зообақ жануарларын, оның ішінде экзотикалық жануарларды емдеу (хайуанаттар бағынан кепілдік хат немесе әкелуге арналған рұқсатқа сұрау салу немесе рецепт болған жағдайда) мақсатында рұқсат етіледі. Ветеринариялық дәрілік препарат жануарды емдеу курсын жүргізу үшін қажетті мөлшерде әкелінеді;

ж) спорттық немесе ойын-сауық іс-шараларына қатысу үшін Одақтың кедендік аумағына әкелінетін жануарларды емдеу (іс-шараны ұйымдастырушыдан кепілдік хат немесе әкелуге арналған рұқсатқа сұрау немесе рецепт болған кезде) мақсатында рұқсат етіледі. Ветеринариялық дәрілік препарат жануарды емдеу курсын жүргізу үшін қажетті мөлшерде әкелінеді;

з) дипломатиялық корпус қызметкерлеріне немесе Одақтың кедендік аумағында аккредиттелген халықаралық ұйымдар өкілдеріне тиесілі жануарларды емдеу (дипломатиялық корпустан (халықаралық ұйымнан) кепілдік хат немесе әкелуге арналған рұқсатқа сұрау салу немесе рецепт болған жағдайда) мақсатында рұқсат етіледі. Ветеринариялық дәрілік препарат жануарды емдеу курсын жүргізу үшін қажетті мөлшерде әкелінеді.

341. Ветеринариялық дәрілік заттарды Одақтың кедендік аумағына әкелу ветеринариялық сертификатсыз жүзеге асырылады.

342. Ветеринариялық дәрілік заттарды мүше мемлекеттер арасында өткізу ветеринариялық сертификатсыз, оның сапасы мен қауіпсіздігін растайтын ветеринариялық дәрілік затты өндірушінің құжатымен бірге жүзеге асырылады.

343. Сапасы төмен, жалған және контрафактілік ветеринариялық дәрілік заттардың, жарамдылық мерзімі өткен ветеринариялық дәрілік заттардың Одақтың кедендік аумағындағы айналымына тыйым салынады.

344. Сапасыз, жалған, контрафактілік ветеринариялық дәрілік заттар, жарамдылық мерзімі өткен ветеринариялық дәрілік заттар Одақтың кедендік аумағындағы айналымнан алынуға және кейіннен жойылуға немесе Одақтың кедендік аумағынан қайтарылуға жатады (Одақтың кедендік шекарасы арқылы өткізу пунктінде табылған кезде).

345. Ветеринариялық дәрілік заттарды жою мүше мемлекеттердің заңнамасында белгіленген тәртіппен олардың иеленушісінің есебінен жүзеге асырылады.

346. Сапасыз және (немесе) жалған және (немесе) контрафактілік ветеринариялық дәрілік заттарды, жарамдылық мерзімі өткен ветеринариялық дәрілік заттарды Одақтың кедендік аумағына әкелуді немесе бір мүше мемлекеттің аумағынан басқа мүше мемлекеттің аумағына алып өтуді жүзеге асыратын немесе жүзеге асырған тұлғалар аумағында бұзушылық фактісі анықталған мүше мемлекеттің заңнамасына сәйкес жауапты болады.

347. Есірткі ветеринариялық дәрілік заттарды Одақтың кедендік аумағына әкелу және Одақтың кедендік аумағынан әкету тәртібі Есірткіні, психотроптық заттар мен олардың прекурсорларын Еуразиялық экономикалық одақтың кедендік аумағына әкелу және Еуразиялық экономикалық одақтың кедендік аумағынан әкету туралы ережеде айқындалады (Еуразиялық экономикалық комиссия Алқасының 2015 жылғы 21 сәуірдегі № 30 шешіміне № 10 қосымша).

348. Осы Қағидалардың 337-тармағының, 338-тармағының бірінші абзацының, 340-тармағының бірінші абзацының, 343 және 344-тармақтарының ережелері ветеринариялық дәрілік препараттардың және фармацевтикалық субстанциялардың Одақтың кедендік аумағы арқылы Одақтың мүшесі болып табылмайтын мемлекет аумағынан, Одаққа мүше болып табылмайтын мемлекет аумағына транзиті кезінде қолданылмайды.

349. Одақтың кедендік аумағынан ветеринариялық дәрілік заттарды әкету аумағынан әкету жүзеге асырылатын мүше мемлекеттің заңнамасында белгіленген тәртіппен жүзеге асырылады.

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 1 ҚОСЫМША

Ветеринариялық дәрілік заттар өндірісінің Еуразиялық экономикалық одақтың Тиісті өндірістік практика қағидаларының талаптарына сәйкестігі сертификатының

НЫСАНЫ

ЕУРАЗИЯЛЫҚ ЭКОНОМИКАЛЫҚ ОДАҚ ВЕТЕРИНАРИЯЛЫҚ ДӘРІЛІК ЗАТТАР ӨНДІРІСІНІҢ ЕУРАЗИЯЛЫҚ ЭКОНОМИКАЛЫҚ ОДАҚТЫҢ ТИІСТІ ӨНДІРІСТІК ПРАКТИКА ҚАҒИДАЛАРЫНЫҢ ТАЛАПТАРЫНА СӘЙКЕСТІК СЕРТИФИКАТЫ № GMP/EAEU/XX/000NN-20NN (сертификаттың есептік нөмірі1)2 Фармацевтикалық инспекция жүргізу қорытындысы бойынша _____________________________________________________________________________ (Еуразиялық экономикалық одаққа мүше мемлекеттің уәкілетті органының ______________________________________________________________________ берілді толық және қысқартылған атауы) мынаны растайды: фармацевтикалық инспекция жүргізілді _____________________________________________________________________________ (өндірушінің толық атауы) _____________________________________________________________________________ (өндірушінің заңды мекенжайы) _____________________________________________________________________________ (өндірістік алаңның, қызметті жүзеге асыру орнының мекенжайы) _______________________ жүргізілген фармацевтикалық инспекцияны (күні / кезең) жүргізу кезінде алынған мәліметтер негізінде бұл өндірушінің Еуразиялық экономикалық одақтың тиісті өндірістік практика қағидаларының талаптарына сәйкес келетіні белгіленді. Осы сертификат фармацевтикалық инспекция жүргізу сәтіндегі өндірістік алаңның мәртебесін көрсетеді және соңғы фармацевтикалық инспекцияның соңғы күнінен бастап 3 жыл өткен соң сәйкестік мәртебесін куәландыратын құжат ретінде қабылданбауға тиіс. Сертификаттың қолданылу мерзімі "осы сертификаттың қолданылу саласына қатысты шектеулер немесе түсіндірме жазбалар" жолында бұл туралы тиісті жазба болған кезде тәуекелдерді басқарудың тиісті қағидаттарын пайдаланған кезде қысқартылуы мүмкін. Сертификат оның барлық толтырылған беттері (негізгі және қосымша парақтары) ұсынылған жағдайда жарамды болып табылады. Осы сертификаттың теңтүпнұсқалылығын (төлнұсқалылығын) ______________________________________________________________ (Еуразиялық экономикалық одаққа мүше мемлекеттің уәкілетті органының атауы) _____________________________________ деректер базасында тексеруге болады. Егер сертификат көрсетілген деректер базасында көрсетілмесе, оны берген Еуразиялық экономикалық одаққа мүше мемлекеттің уәкілетті органына жүгіну қажет. _______________________ (бланктің есептік нөмірі)

________________________
¹ Сертификаттың есептік нөмірі мына схема бойынша қалыптастырылады, мұнда:
GMP – Еуразиялық экономикалық одақтың Тиісті өндірістік практика қағидалары;
EAEU – Еуразиялық экономикалық одақ;
XX – Уәкілетті органы осы сертификатты берген Еуразиялық экономикалық одаққа мүше мемлекеттің 2 таңбалы әріптік халықаралық коды;
000NN – сертификат беру кезінде Еуразиялық экономикалық одаққа мүше мемлекеттің уәкілетті органы берген реттік нөмір;
20NN – Еуразиялық экономикалық одаққа мүше мемлекеттің уәкілетті органы сертификат берген жыл.
² Сертификаттың мәтіні бойынша жақшада келтірілген түсініктемелер сертификатта көрсетілмейді және ақпараттық сипатта болады.

(қосымша парақ)

Ветеринариялық дәрілік заттар Эксперименттік ветеринариялық дәрілік заттар
Код	Атауы
I. ӨНДІРІСТІК ОПЕРАЦИЯЛАР – ВЕТЕРИНАРИЯЛЫҚ ДӘРІЛІК ЗАТТАР
I. 01	Стерильді өнім
	01.1 Асептикалық жағдайларда өндірілетін өнім (мынадай дәрілік нысандар үшін өңдеу операциялары):
	01.1.1 үлкен көлемдегі сұйық дәрілік нысандар
	01.1.2 шағын көлемдегі сұйық дәрілік нысандар
	01.1.3 дисперсиялар
	01.1.4 лиофилизаттар
	01.1.5 қатты дәрілік нысандар мен имплантаттар
	01.1.6 жұмсақ дәрілік нысандар
	01.1.7 өзге өнім _______________ (өнім немесе қызмет түрін көрсету)
	01.2 Соңғы стерилизациядан өтетін өнім (мынадай дәрілік нысандар үшін өңдеу операциялары):
	01.2.1. үлкен көлемдегі сұйық дәрілік нысандар
	01.2.2. шағын көлемдегі сұйық дәрілік нысандар
	01.2.3. қатты дәрілік нысандар мен имплантаттар
	01.2.4. жұмсақ дәрілік нысандар
	01.2.5. өзге өнім _______________ (өнім немесе қызмет түрін көрсету)
	01.3. Бастапқы қаптама
	01.4. Екінші қаптама
	01.5. Шығатын кездегі сапа бақылауы
I. 02	Стерильденбеген өнім (мынадай дәрілік нысандар үшін өңдеу операциялары)
	02.1 Стерильденбеген өнім:
	02.1.1 қабығы қатты капсулалар
	02.1.2 қабығы жұмсақ капсулалар
	02.1.3 шайнайтын дәрілік нысандар
	02.1.4 сыртқа қолдануға арналған сұйық дәрілік нысандар
	02.1.5 ішке қабылдауға арналған сұйық дәрілік нысандар
	02.1.6 ветеринариялық газдар
	02.1.7 өзге де қатты дәрілік нысандар
	02.1.8 қысым астындағы препараттар
	02.1.9 радионуклидтер генераторлары
	02.1.10 жұмсақ дәрілік нысандар
	02.1.11 балауыздар (суппозиторийлер)
	02.1.12 таблеткалар
	02.1.13 трансдермальды пластырьлар
	02.1.14 интраруминальді (интрарабцты) енгізуге арналған құрылғылар
	02.1.15 өзге өнім _______________ (өнім немесе қызмет түрін көрсету)
	02.2. Бастапқы қаптама
	02.3. Екінші қаптама
	02.4 Шығатын кездегі сапа бақылауы
I. 03	Биологиялық ветеринариялық дәрілік препараттар
	03.1 Биологиялық ветеринариялық дәрілік препараттар:
	03.1.1 қан мен плазмадан жасалған өнім
	03.1.2 иммунологиялық өнім
	03.1.3 тіндік терапия өнімі
	03.1.4 генотерапиялық өнім
	03.1.5 биотехнологиялық өнім
	03.1.6 жануар тектес көздерден алынған өнім
	03.1.7 тіндік инженерия өнімі
	03.1.8 өзге өнім_______________ (өнім немесе қызмет түрін көрсету)
	03.2. Бастапқы қаптама
	03.2.1 лиофилизат
	03.2.2 эмульсия
	03.2.3 суспензия
	03.2.4 өзге _______________ (дәрілік нысанды көрсеті)
	03.3. Екінші қаптама
	03.4. Шығатын кездегі сапа бақылауы
I. 04	Өзге де дәрілік өнім немесе өндірістік қызмет
	04.1 Өндіріс:
	04.1.1 өсімдік өнімі
	04.1.2 гомеопатиялық өнім
	04.1.3 өзге өнім_______________ (өнім түрін көрсеті)
	04.2. Бастапқы қаптама
	04.3. Екінші қаптама
	04.4 Өзге _______________ (өнім немесе қызмет түрін көрсету)
	04.5 Шығатын кездегі сапа бақылауы
I. 05	Қаптама (мәліметтер егер өндіруші өндірістің толық циклын жүргізбестен қаптау жөніндегі операцияларды жүзеге асырған жағдайда көрсетіледі – I. 01 – I. 04 тт. толтырылмайды)
	05.1 Бастапқы қаптама:
	05.1.1 қабығы қатты капсулалар
	05.1.2 қабығы жұмсақ капсулалар
	05.1.3 шайнайтын дәрілік нысандар
	05.1.4 импрегнацияланған дәрілік нысандар
	05.1.5 сыртқа қолдануға арналған сұйық дәрілік нысандар
	05.1.6 ішке қабылдауға арналған сұйық дәрілік нысандар
	05.1.7 ветеринариялық газдар
	05.1.8 қатты дәрілік өзге нысандар
	05.1.9 қысым астындағы препараттар
	05.1.10 радионуклидтер генераторлары
	05.1.11 жұмсақ дәрілік нысандар
	05.1.12 балауыздар (суппозиторийлер)
	05.1.13 таблеткалар
	05.1.14 трансдермальды пластырьлар
	05.1.15 интраруминальді (интрарабцты) енгізуге арналған құрылғылар
	05.1.16 өзге өнім_________________________________ (өнім немесе қызмет түрін көрсету)
	05.2 Екінші қаптама
	05.3 Шығатын кездегі сапа бақылауы
I. 06	Сапаны бақылау
	06.1 Микробиологиялық тестілеу: стерильділік
	06.2 Микробиологиялық тестілеу: стерильсіздік
	06.3 Химиялық (физикалық) тестілеу
	06.4 Биологиялық тестілеу
II. ӨНДІРІСТІК ОПЕРАЦИЯЛАР – ФАРМАЦЕВТИКАЛЫҚ СУБСТАНЦИЯЛАР
II. 01	Химиялық синтез әдісімен фармацевтикалық субстанциялар өндірісі
	01.1 Фармацевтикалық субстанцияның аралық өнімдерін өндіру
	01.2 Фармацевтикалық шикізат-субстанция өндірісі
	01.3 Өндірістік процестің соңғы кезеңдері (мысалы: тазарту, қайта кристаллдау, оқшаулау, кептіру, ұнтақтау)
	01.4 Өзге _______________ (қызмет түрін көрсету)
II. 02	Табиғи көздерден бөлу әдістерімен фармацевтикалық субстанциялар өндіру
	02.1 Өсімдік тектес көздерден фармацевтикалық субстанцияларды бөлу
	02.2 Жануар тектес көздерден фармацевтикалық субстанцияларды бөлу
	02.3 Фармацевтикалық субстанцияларды адам ағзаларынан (тіндерінен) бөлу
	02.4 Фармацевтикалық субстанцияларды минерал тектес көздерден бөлу
	02.5 Бөлінген фармацевтикалық субстанцияның модификациясы (02.1 – 02.4-тармақтардағы көздер көрсетіледі) (егер 02.5-тармақ қолданылған жағдайда, сертификатта қолданылатын 02.1 – 02.4 тт. көрсетіледі.)
	02.6 Бөлінген фармацевтикалық субстанцияны тазарту (02.1 – 02.4-тармақтардағы көздер көрсетіледі) (егер 02.6-тармақ қолданылған жағдайда, сертификатта қолданылатын 02.1 – 02.4 тт. көрсетіледі.)
	02.7 Өзге_______________ (қызмет түрін көрсету)
II. 03	Биологиялық процестерді пайдалана отырып, фармацевтикалық субстанциялар өндіру
	03.1 Ферментация
	03.2 Жасушалық дақылдар пайдаланылатын өндіріс ___________ (пайдаланылатын жасушалардың түрін көрсету (түрлік ерекшелік, сызық, штамм және басқалар)
	03.3 Бөлу/тазарту
	03.4 Модификация
	03.5 Өзге_______________ (қызмет түрін көрсету)
II. 04	Стерильді фармацевтикалық субстанциялар өндірісі (қолданылатын болса, II. 01, II. 02, II. 03 бөлімдер міндетті түрде толтырылуы керек)
	04.1 Асептикалық жағдайларда өндірілетін фармацевтикалық субстанциялар
	04.2 Соңғы стерилизациядан өтетін фармацевтикалық субстанциялар
II. 05	Фармацевтикалық субстанцияларды өндірудің соңғы сатылары
	05.1 Физикалық өңдеу кезеңдері ____________________________ (өңдеу түрін көрсетіңіз, мысалы: кептіру, ұнтақтау/микронизация, елеу)
	05.2 Бастапқы қаптама (фармацевтикалық субстанцияны онымен тікелей байланыста болатын қаптау материалына орналастыру / дәнекерлеу)
	05.3 Екінші қаптама (фармацевтикалық субстанциясы бар мөрленген бастапқы қаптаманы сыртқы қаптама материалына немесе контейнерге орналастыру. Бұл сондай-ақ фармацевтикалық субстанцияға қатысты сәйкестендіру немесе қадағалануын қамтамасыз ету (серияларды нөмірлеу) мақсатында пайдаланылатын материалды таңбалау бойынша қандай да бір іс-әрекеттерді қамтуы мүмкін
	05.4 Өзге______________________ (жоғарыда сипатталмаған операциялар үшін қызмет түрін көрсету)
II. 06	Сапаны бақылау
	06.1 Микробиологиялық тестілеу: стерильділік
	06.2 Микробиологиялық тестілеу: стерильсіздік
	06.3 Химиялық (физикалық) тестілеу
	06.4 Биологиялық тестілеу
II. 07	Шығатын кездегі сапа бақылауы

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 2 ҚОСЫМША

Иммунологиялық (иммундық-биологиялық) ветеринариялық дәрілік препараттарды өндіру кезінде тіндері (жасушалық желілері) пайдаланылатын жануарларға қойылатын

ТАЛАПТАР

1. Иммунологиялық (иммундық-биологиялық) ветеринариялық дәрілік препараттарды (жануарлардың биологиялық тіндері мен органдары, жануарлардан алынатын өнімдер (бұдан әрі – биологиялық материал)) өндіру кезінде шикізат алу үшін пайдаланылатын жануарлар сау болуға тиіс. Иммунологиялық (иммундық-биологиялық) ветеринариялық дәрілік препараттың қауіпсіздігіне, сапасына және тиімділігіне әсер етуі мүмкін аурулар болмаған жағдайда жануар сау деп танылады.

2. Иммунологиялық (иммундық-биологиялық) ветеринариялық дәрілік препараттарды өндіру кезінде шикізат ретінде пайдаланылатын жануарлардың жай-күйін ветеринариялық мамандар бақылауға тиіс. Жануарлар оларды мақсатына сай пайдалануға жарамдылығын қамтамасыз ететін жағдайларда ұсталуы тиіс. Биологиялық материал көзі ретінде пайдаланылатын жануарлардың иесі жануарлардың пайдаланылу тарихын және олардың саулығының жай-күйін көрсететін құжаттама жүргізуі тиіс.

3. Пайдалану алдында жануарлар иммунологиялық (иммундық-биологиялық) ветеринариялық дәрілік препараттарды өндіру үшін оларды биологиялық материал көзі ретінде пайдалану мүмкіндігінің немесе мүмкін еместігінің растауын алу үшін жеткілікті уақыт ішінде карантинде болуға тиіс.

4. Иммунологиялық (иммундық-биологиялық) ветеринариялық дәрілік препараттарды өндіру үшін жануарларды биологиялық материал көзі ретінде пайдалану мүмкіндігін немесе мүмкін еместігін растауды жануардың иесі құжатпен тіркейді.

5. Ветеринариялық дәрілік заттарды өндірушіде биологиялық материал көзі ретінде пайдаланылатын өз жануарлары болмаған жағдайда, ветеринариялық дәрілік заттарды өндірушіде биологиялық материал көзі ретінде пайдаланылатын жануарларды жеткізушілердің бекітілген тізбесі (бұдан әрі – жануарларды жеткізушілер тізбесі) болуы тиіс.

6. Жануарларды жеткізушілердің тізбесін болжамды өнім беруші шаруашылықтарды ветеринариялық тексеру нәтижелері бойынша ветеринариялық дәрілік заттарды өндіруші жасайды және бекітеді.

7. Жануарларды жеткізушілердің тізбесіне енгізілген шаруашылықтарды ветеринариялық тексеруді және қажет болған жағдайда жануарларды жеткізушілердің тізбесін түзетуді ветеринариялық дәрілік заттарды өндіруші жылына кемінде бір рет жүзеге асыруға тиіс.

8. Жануарларды жеткізушілердің тізбесіне енгізілмеген жеткізушілерден жануарларды сатып алуға жол берілмейді.

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 3 ҚОСЫМША

Ветеринариялық дәрілік заттарды өткізуге, тасымалдауға, сақтауға және жоюға қойылатын

ТАЛАПТАР

1. Ветеринариялық дәрілік заттарды өткізуді, тасымалдауды, сақтауды және жоюды жүзеге асыратын персоналға қойылатын талаптар

Ветеринариялық дәрілік заттарды өткізу, тасымалдау, сақтау және жою жөніндегі қызметке тартылған барлық персонал тиісті оқудан өтуі және өзінің лауазымдық міндеттерін орындау басталғанға дейін қажетті біліктілікке ие болуы тиіс. Өздеріне қатысты неғұрлым қатаң жағдай белгіленген ветеринариялық дәрілік заттармен жұмыс істейтін персонал арнайы дайындықтан өтуге тиіс. Қызметкерлерді оқыту туралы жазбаларды сақтау қажет, оқытудың тиімділігі мезгіл-мезгіл бағаланып, құжатталуы керек.

Жүзеге асырылатын қызметке қолданылатын қызметкерлердің еңбек гигиенасы мен жеке гигиенасы жөніндегі тиісті рәсімдер белгіленуге және сақталуға тиіс. Бұл рәсімдер денсаулыққа, гигиенаға және киімге қатысты талаптарды қамтуы керек.

2. Ветеринариялық дәрілік заттарды қабылдауға қойылатын талаптар

Арнайы сақтау шарттарын немесе қауіпсіздік шараларын талап ететін ветеринариялық дәрілік заттар бірінші кезекте қабылдануы тиіс. Мұндай ветеринариялық дәрілік заттар қажетті тексеру шараларын орындағаннан кейін дереу тиісті сақтау аймағына ауыстырылуы тиіс.

Еуразиялық экономикалық одаққа мүше мемлекеттердің (бұдан әрі – мүше мемлекеттер, Одақ) аумағында айналымға арналған ветеринариялық дәрілік заттар өткізу аймағына тиісті түрде оқытылған персонал ветеринариялық дәрілік заттардың айналымға жіберілу дәлелдемелерін мұқият тексергені және осы Қағидаларда белгіленген барлық талаптар орындалғаны куәландырылғаннан кейін жіберілуі тиіс.

3. Ветеринариялық дәрілік заттарды сақтауға қойылатын талаптар

Ветеринариялық дәрілік заттар оларға әсер етуге қабілетті басқа өнімдермен бірге сақталмауы тиіс, сондай-ақ ветеринариялық дәрілік заттардың сапасына, қауіпсіздігіне және тиімділігіне теріс әсер етуі ықтимал жарықтың, температураның, ылғалдылықтың және басқа да сыртқы факторлардың зиянды әсерінен қорғалуы тиіс. Ветеринариялық дәрілік заттар ветеринариялық дәрілік препараттың тіркеу дерекнамасының құрамына кіретін құжаттарда көзделген шарттар сақтала отырып сақталуы тиіс.

Ветеринариялық дәрілік заттарды сақтауға арналған көліктік ыдыс ветеринариялық дәрілік заттарды сақтауға орналастырар алдында тазартылуы тиіс.

Қойма операциялары талап етілетін сақтау шарттарын, сондай-ақ қауіпсіздік шараларын қамтамасыз ететіндей етіп орындалуы тиіс.

Ветеринариялық дәрілік заттарды жөнелту жарамдылық мерзімі аз ветеринариялық дәрілік заттар бірінші кезекте тиелетіндей етіп ұйымдастырылуы тиіс (FEFO – "first expire – first out" қағидасы). Бұл талаптан ауытқулар құжатталуы керек.

Ветеринариялық дәрілік заттарды сақтау және олармен жұмыс істеу кезінде шашыраудың, қаптаманың бүтіндігінің бұзылуының, контаминацияның және шатастырудың алдын алуға бағытталған шаралар қолданылуға тиіс. Буып-түю осындай сақтау үшін арнайы әзірленген жағдайларды қоспағанда, ветеринариялық дәрілік заттар тікелей еденде сақталмауы тиіс.

Жарамдылық мерзімі өткен ветеринариялық дәрілік заттар жеткізу үшін жарамды санаттан не физикалық (арнайы үй-жайға немесе сақтау аймағына орналастырылған) не баламалы оқшаулауды қамтамасыз ететін электрондық құралдардың көмегімен дереу алынуға тиіс.

Қойма қорларын талдау тұрақты түрде жүргізілуі керек, анықталған ауытқулар құжатталуы керек және оларға қатысты тергеу жүргізілуі керек.

3.1. Үй-жайлар.

Үй-жайлар ветеринариялық дәрілік заттарды тиісінше сақтау үшін талап етілетін жағдайлардың сақталуын қамтамасыз ететіндей етіп жобалануға немесе бейімделуге тиіс.

Үй-жайлар таза, құрғақ болуы тиіс, оларда талап етілетін температуралық режим мен ылғалдылық сақталуы тиіс. Олар қорғалуға, берік болуға және ветеринариялық дәрілік заттарды қауіпсіз сақтау және олармен жұмыс істеу үшін жеткілікті сыйымдылыққа ие болуға тиіс. Барлық жүргізілетін операциялардың дәлдігі мен қауіпсіздігін қамтамасыз ету үшін сақтау аймақтары тиісінше жарықтандырылуы тиіс.

Ветеринариялық дәрі-дәрмектер тиісті түрде бөлінген және нақты белгіленген аймақтарда сақталуы керек, оларға тек құқығы бар қызметкерлерге рұқсат етіледі. Сақтау аймақтарын физикалық бөлуді алмастыратын кез келген жүйе, мысалы компьютерлендірілген жүйе қауіпсіздіктің баламалы деңгейін қамтамасыз етуі және валидациялануы тиіс.

Тіркеуді тоқтату туралы шешім қабылданған ветеринариялық дәрілік препараттар, айналымды тоқтата тұру туралы шешім, ветеринариялық дәрілік препарат сериясының айналымын тоқтата тұру туралы шешім, жарамдылық мерзімі өткен, қайтарылған, жеткізуге жарамды санаттан алынған ветеринариялық дәрілік заттар оқшауланған және арнайы тағайындалған аймаққа сақтауға орналастырылуы тиіс. Осы сақтау аймақтарына осы аймақтарда сақталатын ветеринариялық дәрілік заттардың дистрибьюция үшін жарамды ветеринариялық дәрілік заттардан бөлек тұруына кепілдік беретін қауіпсіздік шаралары қолданылуы тиіс. Осы сақтау аймақтары белгіленуі және заңсыз қол жеткізуден қорғалуы тиіс.

Ерекше күтімді талап ететін ветеринариялық дәрілік заттар тиісті жағдайларда сақталуы тиіс.

Радиофармацевтикалық ветеринариялық дәрілік заттар, басқа да қауіпті ветеринариялық дәрілік заттар, сондай-ақ от қауіпті және жарылыс қауіпті ветеринариялық дәрілік заттар тиісті қауіпсіздік шараларын қолдана отырып, арнайы бөлінген аймақтарда сақталуы және заңсыз қол жеткізуден қорғалуы тиіс.

Қабылдау және жөнелту аймақтарында ауа райы жағдайларының әсерінен қорғау қамтамасыз етілуі тиіс. Қабылдау, жөнелту және сақтау аймақтарын бөлу қамтамасыз етілуі тиіс. Ветеринариялық дәрілік заттардың кіріс және шығыс ағындарына бақылауды жүзеге асыру тәртібін айқындайтын рәсімдер әзірленуге тиіс. Алынған өнімді тексеру үшін пайдаланылатын бақылау аймақтары арнайы айқындалуға және тиісті жабдықпен қамтамасыз етілуге тиіс.

Қабылдау аймағында ыдысты тазалау көзделуі тиіс. Бақыланатын кіру рұқсаты бар үй-жайларға заңсыз кірудің алдын алуға мүмкіндік беретін күзет жүйесін қамтамасыз ету қажет. Келушілер еріп жүрей бақыланатын кіру жолы бар үй-жайларда болмауы тиіс.

Сақтауға арналған үй-жайлар мен жабдықтар таза болуы тиіс, оларда шаң мен қоқыс жиналмауы тиіс. Рәсімдерді құжаттау бағдарламасы, Үй-жайлар мен жабдықтарды тазалау бойынша жазбалар болуы тиіс. Жинау (тазалау) үшін пайдаланылатын жабдық, мүкәммал және материалдар, сондай-ақ жуу және дезинфекциялау құралдары олар контаминация көзі болмайтындай таңдалуы, пайдаланылуы және сақталуы тиіс.

Үй-жайлар жәндіктердің, кеміргіштердің немесе басқа да жануарлардың енуінен қорғауды қамтамасыз ететіндей етіп жобалануға және жарақтандырылуға тиіс. Зиянкестерді профилактикалық бақылау бағдарламасы жасалуы керек.

Қызметкерлерге арналған демалыс бөлмелері, киім ілетін бөлмелер, себезгі бөлмелері мен дәретханалар сақтау аймақтарынан тиісті түрде бөлінуі тиіс. Қойма үй-жайларында жеке пайдалануға арналған Тамақ өнімдерінің, сусындардың, темекі бұйымдарының, сондай-ақ ветеринариялық дәрілік препараттардың болуына тыйым салынады.

3.2. Температураны және сақтау шарттарын бақылау.

Ветеринариялық дәрілік заттарды сақтау жағдайларын бақылау үшін тиісті жабдықтар мен рәсімдер болуы тиіс.

Бақылауды қажет етуі мүмкін сақтау жағдайларына мыналар жатады: температура, жарық, ылғалдылық және бөлмедегі тазалық.

Пайдалану параметрлерін көрсететін шарттарды сақтай отырып, оларды пайдалануды бастамас бұрын температураның таралуын бастапқы зерттеуді, сондай-ақ сақтауға арналған үй-жайларда температураны картаға түсіруді орындау қажет. Температураны бақылауға арналған жабдық температуралық картаға түсіруді талдау нәтижелеріне сәйкес температураның неғұрлым елеулі ауытқу нүктелеріне орналастырылуы тиіс.

Температуралық картаға түсіруді талдауды тәуекелдерді талдау нәтижелеріне сәйкес немесе үй-жай құрылғысында немесе температураны бақылауға арналған жабдықта елеулі өзгерістер болған жағдайларда қайталау қажет.

Егер бөлме температурасында сақтау үшін пайдаланылатын үй-жайлардың ауданы бірнеше шаршы метрден аспаса, ықтимал қауіптерге (мысалы, жылыту аспаптарының болуы) талдау жүргізілуі тиіс және температураны бақылауға арналған жабдық температуралық картаға түсіруді талдау нәтижелеріне сәйкес орналастырылуы тиіс.

3.3. Жабдық.

Ветеринариялық дәрілік заттарды сақтауға және өткізуге әсер ететін жабдық оны пайдалану (пайдалану) жөніндегі нұсқаулыққа сәйкес жобалануға, орналастырылуға және қызмет көрсетілуге тиіс. Тиісті операцияларды орындау үшін анағұрлым маңызды жабдыққа техникалық қызмет көрсету жоспары бекітілуі тиіс.

Ветеринариялық дәрілік заттарды (өлшеу құралдарын) сақтау жағдайларын бақылау немесе мониторингтеу үшін пайдаланылатын жабдық салыстырып тексерілуге және калибрленуге тиіс.

Талап етілетін сақтау шарттарынан ауытқуларды жедел анықтау үшін тиісті сигнал беру жүйелерін пайдалану қажет. Хабарландыру деңгейлері тиісті түрде белгіленуі тиіс. Сигнализация жүйелері олардың дұрыс жұмыс істеуін қамтамасыз ету үшін мезгіл-мезгіл тексеріліп тұруы керек.

Жабдықты жөндеу, қызмет көрсету, тексеру және калибрлеу жөніндегі операциялар ветеринариялық дәрілік заттардың сапасына теріс әсер етпейтіндей етіп жүзеге асырылуға тиіс. Қажет болған жағдайда жөндеу, қызмет көрсету немесе тексеру кезінде пайдалану үшін жарамды жабдықтар мен өлшеу құралдарының резервтік қоры құрылуы тиіс.

Жабдықты жөндеу, қызмет көрсету, тексеру және калибрлеу жөніндегі операциялар мүше мемлекеттердің заңнамасына сәйкес құжатпен ресімделуі тиіс.

Неғұрлым маңызды жабдыққа мыналар жатады: кондиционерлер; тоңазытқыш камералар (тоңазытқыштар) немесе құрылғылар; күзет және өрт дабылы; кіруді бақылау жүйелері; желдету жүйесі; ауаны ылғалдандыру және (немесе) құрғату жүйелері; термогигрометрлер (психрометрлер) немесе температура мен ылғалдылықты тіркеу үшін пайдаланылатын өзге де жабдық, сондай-ақ ауа температурасын және ылғалдылығын тіркеу үшін пайдаланылатын жабдық.

3.4. Компьютерлендірілген жүйелер.

Компьютерлендірілген жүйені пайдалануды бастамас бұрын валидация немесе верификация көмегімен жүйенің берілген нәтижелерді дәл, біркелкі және жаңғыртылатын алуға қабілетті екендігін көрсету қажет.

Компьютерлендірілген жүйенің жазбаша егжей-тегжейлі сипаттамасы (егер қолданылатын болса, диаграммаларды қоса алғанда) болуы тиіс. Бұл құжаттама өзекті жағдайда сақталуы тиіс. Компьютерлендірілген жүйенің сипаттамасы қағидаттарды, мақсаттарды, қауіпсіздік шараларын, қолданылу саласын және негізгі функционалдық ерекшеліктерін, сондай-ақ басқа жүйелермен өзара іс-қимыл жасау үшін пайдалану тәртібі мен интерфейсті қамтуы тиіс.

Деректерді компьютерлендірілген жүйеге енгізуді немесе оларды өзгертуді жұмыстың осы түріне жауапты персонал ғана жүзеге асыруы тиіс. Компьютерлендірілген жүйе осы өзгерістерді жасайтын пайдаланушыны көрсете отырып, жүйедегі барлық өзгерістерді тіркеуі тиіс.

Деректерді кездейсоқ немесе заңсыз өзгерістер енгізуден қорғау үшін физикалық немесе электрондық құралдар көзделуге тиіс. Сақталған деректердің қол жетімділігі үнемі тексерілуі керек. Сақталған деректердің резервтік көшірмелерін тұрақты негізде жасау қажет. Компьютерлендірілген жүйеге енгізілген деректердің резервтік көшірмелері мүше мемлекеттердің заңнамасында белгіленген мерзімдерге сәйкес, бірақ оқшауланған және қауіпсіз жерде кемінде 5 жыл сақталуы тиіс.

Жүйенің жұмысында іркілістер болған немесе ол істен шыққан жағдайда іс-қимыл тәртібін айқындайтын рәсімдер белгіленуге тиіс. Деректерді қалпына келтіру жөніндегі шаралар көзделуі тиіс.

3.5. Біліктілік және валидация.

Ұйым тиісті монтаждау мен пайдалануды растау мақсатында біліктілікке және (немесе) валидацияға жататын негізгі жабдық пен процестерді айқындауға тиіс. Біліктілік және (немесе) валидация бойынша жүргізілетін жұмыстардың көлемі (мысалы, сақтау, тиеп-жөнелтуге дайындау және буып-түю) тәуекелдерді құжатпен ресімделген талдау негізінде айқындалуға тиіс.

Жабдық пен процестер пайдалану басталғанға дейін немесе кез келген елеулі өзгерістен кейін (мысалы, жөндеу немесе техникалық қызмет көрсету нәтижесінде) тиісінше білікті және (немесе) валидацияланған болуы тиіс.

Валидация немесе біліктілік жүргізу алынған нәтижелер жинақталуы, сондай-ақ анықталған ауытқуларға түсініктемелер берілуі тиіс есептермен ресімделеді.

Белгіленген рәсімдерден ауытқулар құжатпен ресімделеді, оларды жоюға, сондай-ақ олардың болашақта пайда болуын болдырмауға бағытталған шаралар (түзету және алдын алу әрекеттері) әзірленеді. Түзету және алдын алу әрекеттерінің принциптері қажет болған жағдайда қолданылуы керек. Тиісті қызметкерлер бекітуі тиіс процестің немесе жабдықтың табысты валидациясының және қолайлылығының дәлелдемелері алынуы тиіс.

3.6. Құжаттама.

Тиісті құжаттама сапа жүйесінің ажырамас бөлігі болып табылады. Құжаттамаға: жазбаша рәсімдер, нұсқаулықтар, шарттар, жазбалар, есептер, зерттеулер (сынақтар) хаттамалары және қағаз немесе электрондық тасығыштарда тіркелетін басқа да деректер жатады.

Құжаттама ауызша қарым-қатынас салдарынан туындайтын қателердің алдын алуға және ветеринариялық дәрілік заттарды өткізу процесінде тиісті операцияларды қадағалауды қамтамасыз етуге тиіс.

Құжаттама оған құқығы бар персоналға қолжетімді және жүйелендірілген болуы тиіс.

Персоналдың, заңды тұлғаның немесе оның құрылымдық бөлімшесінің, дара кәсіпкер ретінде тіркелген жеке тұлғаның, шағым жіберген жеке тұлғаның, сондай-ақ кез келген басқа заңды тұлғалардың дербес деректерін өңдеу, дербес деректерді үшінші тұлғаларға беруді қоса алғанда, дербес деректерді өңдеу, сақтау тәртібін айқындайтын мүше мемлекеттер заңнамасының талаптарына сәйкес жүзеге асырылады.

Құжаттама дистрибьютор орындайтын барлық процестерді жеткілікті дәрежеде қамтуы тиіс және персоналға түсінікті болуы тиіс. Құжаттардың мәтіні екіұшты түсіндірулер мен қателіктерге жол бермейтін бір мәнді болуға тиіс.

Рәсімдерді жауапты тұлға бекітуі, қол қоюы және күнін белгілеуі тиіс. Құжаттаманы белгіленген талаптарға сәйкес арнайы тағайындалған адамдар бекітуге, қол қоюға және күнін белгілеуге тиіс. Құжаттама қолмен жазылмауы тиіс, қолмен жазылған жазбаларды енгізу қажет болған жағдайларда қажетті өрістердің болуы көзделуі тиіс.

Құжаттамаға енгізілген кез келген түзетулерге күні мен қол қойылуы тиіс; түзетулер бастапқы жазбаларды оқу мүмкіндігі сақталатындай етіп енгізілуі тиіс. Қажет болса, түзетулердің себептерін көрсету керек.

Құжаттама мүше мемлекеттердің заңнамасында белгіленген кезең ішінде, бірақ кемінде 5 жыл сақталуы тиіс. Персоналдың дербес деректері оларды сақтау ветеринариялық дәрілік заттарды дистрибьюциялау мақсаты үшін талап етілмейінше жойылуы немесе иесіздендірілуі тиіс.

Персонал өзінің лауазымдық міндеттерін орындау үшін қажетті құжаттамаға жедел қол жеткізе алуы тиіс.

Қолданыстағы және белгіленген тәртіппен бекітілген рәсімдерді пайдалануға ерекше назар аудару керек. Құжаттың мазмұны екіұштылыққа жол бермеуі тиіс, құжаттың атауы, оның мақсаты нақты белгіленуі тиіс. Құжаттар үнемі қайта қаралып, жаңартылып отыруы керек. Рәсімдер нұсқаларды бақылауды қолдануы керек. Құжаттарды қайта қарағаннан кейін құжаттың күшін жоғалтқан редакциясын абайсызда пайдалануға жол бермейтін жүйе болуы тиіс. Күші жойылған рәсімдер мен рәсімдердің ескірген редакциялары құжат айналымынан алынуы және архивтелуі тиіс.

Алынған немесе жеткізілген өнімге қатысты кез келген іс-қимылдарды орындауға қатысты жазбалар, сондай-ақ брокерлік қызметтерді көрсету бойынша жазбалар (мысалы, өтінімдер, шоттар, тауар жүкқұжаттары) немесе электрондық немесе өзге нысандағы басқа да жазбалар сақталуы тиіс.

Жазбалар кем дегенде мынадай ақпаратты қамтуы тиіс: күні, ветеринариялық дәрілік заттың атауы, ветеринариялық дәрілік затты өндіруші, сатып алынған немесе жеткізілген ветеринариялық дәрілік заттардың саны, жеткізушінің, алушының немесе жүк алушының атауы мен мекенжайы (не қолданылатынына қарай), олардың орналасқан жері (заңды тұлғаның мекенжайы) және қызметті жүзеге асыру орнының мекенжайы (егер мекенжайлар әртүрлі болған жағдайда) – өнім өндіретін заңды тұлға және оның филиалдары үшін немесе тегі, аты және әкесінің аты (бар болса), тұрғылықты жері және өнім өндіру жөніндегі қызметті жүзеге асыратын орнының мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін ветеринариялық дәрілік заттың серия нөмірі, өндірілген күні және ветеринариялық дәрілік заттың жарамдылық мерзімі, ветеринариялық дәрілік препараттың дәрілік нысаны, ветеринариялық дәрілік препараттың дозасы.

Жазбалар тікелей тиісті операцияларды жүзеге асыру кезінде жасалуы тиіс.

4. Ветеринариялық дәрілік заттарды босатуға (тиеп-жөнелтуге) қойылатын талаптар

4.1. Жөнелтуге дайындық.

Жөнелтуге сапалы ветеринариялық дәрілік заттар жіберіледі.

Жөнелтуге дайындық кезінде ветеринариялық дәрілік заттардың алушы мен жөнелтуші келіскен қалдық жарамдылық мерзімі болуы тиіс.

4.2. Жеткізу.

Ветеринариялық дәрілік заттарды жеткізу мүше мемлекеттің заңнамасында көзделген тиісті ақпараты бар құжаттармен қоса жүруге тиіс.

Жеткізу туралы жазбалар ветеринариялық дәрілік заттардың нақты орналасқан жерін анықтауға болатындай етіп сақталуы тиіс.

4.3. Экспорт.

Ветеринариялық дәрілік заттарды Үшінші елдерге экспорттайтын ұйымның ветеринариялық дәрілік заттарды дистрибьюциялау жөніндегі іс-қимылды жүзеге асыру үшін мүше мемлекеттің заңнамасына сәйкес заңды негіздері болуға тиіс.

Мүше мемлекеттердің аумағында тіркелмеген ветеринариялық дәрілік препараттарды экспорттаған жағдайда экспорттаушы осы ветеринариялық дәрілік препараттардың мүше мемлекеттердің аумағында айналымға түсуін болдырмауға бағытталған қажетті шараларды (осы Қағидаларда айқындалған жағдайларды қоспағанда) қабылдауға тиіс.

Ветеринариялық дәрілік препараттарды экспорттау кезінде экспорттаушы үшінші елдердің аумағында осы елдердің заңнамасына сәйкес ветеринариялық дәрілік препараттарды алуға заңды негіздері бар тұлғалардың атына жеткізілімнің жүзеге асырылатынына көз жеткізуге тиіс.

5. Ветеринариялық дәрілік заттарды тасымалдауға қойылатын талаптар

5.1. Жалпы ережелер.

Ветеринариялық дәрілік заттарды жеткізетін Дистрибьютор олардың сақталуы мен бүтіндігін, қоршаған орта факторларының әсерінен қорғауды, тасымалдау процесінде сақтау шарттарының сақталуын, сондай-ақ бұрмалаудың алдын алуды қамтамасыз ететін жағдайларда оларды тасымалдауды жүзеге асыруға міндетті.

Тасымалдау тәсіліне қарамастан, ветеринариялық дәрілік заттардың сапасы мен тұтастығы тасымалдау процесінде теріс әсерге ұшырамағанын растау мүмкіндігін қамтамасыз ету қажет.

Тасымалдауды жоспарлау ықтимал тәуекелдерді талдау негізінде жүзеге асырылуы тиіс.

5.2. Тасымалдау.

Ветеринариялық дәрілік заттарды сақтаудың талап етілетін шарттары ветеринариялық дәрілік заттарды өндірушінің нұсқауларына немесе қаптамадағы ақпаратқа сәйкес тасымалдаудың барлық уақыты ішінде сақталуға тиіс.

Температуралық режимнің бұзылуы немесе тасымалдау процесінде ветеринариялық дәрілік заттардың бүлінуі сияқты ауытқулар туындаған жағдайда, анықталған ауытқулар туралы ақпарат жөнелтуші мен алушыға хабарлануы тиіс. Ауытқулар туындаған кезде және осы фактілерді тергеу кезінде іс-қимыл тәртібін айқындайтын рәсім әзірленіп, құжат жүзінде ресімделуі тиіс.

Ветеринариялық дәрілік заттарды тасымалдау кезінде оларды пайдалану мақсаттарына сәйкес келетін және ветеринариялық дәрілік заттарды сапасының жоғалуына немесе қаптамасының бүтіндігін бұзуға әкеп соғуы мүмкін жағымсыз әсерден қорғау үшін тиісті түрде жинақталған көлік құралдары мен жабдықтар пайдаланылуға тиіс.

Ветеринариялық дәрілік заттарды тасымалдау жүзеге асырылатын көлік құралы және оның жабдығы таза ұсталуға және мүше мемлекеттердің заңнамасында белгіленген санитариялық нормалардың талаптарына сәйкес қажеттігіне қарай жуу және дезинфекциялау құралдарын пайдалана отырып өңделуге тиіс.

Температураны бақылауға қажеттілікті айқындау таңдалған бағыт бойынша тасымалдаумен байланысты тәуекелдерді талдауға негізделуі тиіс. Тасымалдау процесінде температураны бақылау үшін пайдаланылатын, көлік құралының ішінде немесе контейнерде орнатылған жабдық мүше мемлекеттердің заңнамасына сәйкес мерзімді техникалық қызмет көрсетуден, калибрлеуден және тексеруден өтуге тиіс.

Ветеринариялық дәрілік заттар жеткізуге арналған құжаттарда көрсетілген мекенжай бойынша жеткізілуі және тікелей алушының үй-жайына берілуі тиіс. Ветеринариялық дәрілік заттар қандай да бір басқа үй-жайларда қалдырылмауы тиіс.

Жұмыс істемейтін сағаттарда жедел жеткізуді ұйымдастыру үшін құжатталған рәсімдер негізінде жұмыс істейтін мамандандырылған персонал тағайындалуы тиіс.

Үшінші тұлғалардың тасымалдауы тиісті шарт негізінде жүзеге асырылуға тиіс. Көлік компаниялары ветеринариялық дәрілік заттарды тасымалдау шарттарына қойылатын талаптар туралы хабардар етілуге тиіс. Ветеринариялық дәрілік заттарды тасымалдау шарттарын сақтау және көлік құралын таза ұстау жауапкершілігі көлік компаниясына жүктеледі.

Тасымалдау операциялармен сүйемелденетін жағдайларда немесе уақытша сақтау қоймасында аралық сақтауды қамтыса, уақытша сақтау қоймаларында сақтау шарттары мен қауіпсіздікті қамтамасыз етуге ерекше назар аудару қажет. Бақыланатын сақтау жағдайларына температура, жарықтың әсерінен қорғау, ылғалдылық және бөлмедегі тазалық жатады.

Тасымалдаудың келесі кезеңі алдында ветеринариялық дәрілік заттарды уақытша сақтау ұзақтығын қысқарту үшін шаралар қабылдануы тиіс.

5.3. Ыдыс, қаптама және таңбалау.

Ветеринариялық дәрілік заттар оның сапасына теріс әсер етпейтін және сыртқы әсерден сенімді қорғауды қамтамасыз ететін, оның ішінде контаминация мүмкіндігін болдырмайтын көлік ыдысында тасымалдануы тиіс.

Көлік ыдысы мен қаптамасын таңдау ветеринариялық дәрілік заттарды сақтау және тасымалдау шарттарына қойылатын талаптарға, талап етілетін мөлшерді орналастыру үшін қажетті көлемге, қоршаған орта температурасының болжамды ауытқуларына, кеден қоймаларында уақытша сақтауды қоса алғанда, тасымалдаудың болжанатын ең жоғары ұзақтығына негізделуге тиіс.

Ветеринариялық дәрілік заттармен тиісінше жұмыс істеуді және көлік ыдысындағы қауіпсіздік деңгейін қамтамасыз ету үшін оны ұстау және сақтау жөніндегі талаптар туралы, сондай-ақ қажетті сақтық шаралары туралы жеткілікті ақпарат бар таңбалау болуға тиіс. Көлік ыдысындағы ақпарат ішіндегісін сәйкестендіру мүмкіндігін және оның шығу көзін қамтамасыз етуге тиіс.

5.4. Ұқыптылықпен жұмыс істеуді талап ететін ветеринариялық дәрілік заттар.

Ұқыптылықпен жұмыс істеуді талап ететін ветеринариялық дәрілік заттарды тасымалдау кезінде дистрибьютор мүше мемлекеттер заңнамасының талаптарына сәйкес қауіпсіз және заңсыз қол жеткізуден қорғалған тасымалдау режимін қамтамасыз етуге тиіс.

Көрсетілген ветеринариялық дәрілік заттарды жеткізуге қатысты бақылаудың қосымша жүйелері құрылуға тиіс. Олар ұрланған жағдайда іс-қимыл тәртібін айқындайтын рәсім әзірленуге және құжат жүзінде ресімделуге тиіс. Ұрлықтың кез келген жағдайы құжатталуы керек.

Күшті әсер ететін және радиоактивті ветеринариялық дәрілік заттар қорғалған, мамандандырылған және сенімді көлік құралдарында тасымалдануы тиіс. Қолданылатын қауіпсіздік шаралары мүше мемлекеттер заңнамасының талаптарына сәйкес келуге тиіс.

Термолабильді ветеринариялық дәрілік заттарды тасымалдау кезінде ветеринариялық дәрілік заттарды өндіруші, дистрибьютор және алушы арасында ветеринариялық дәрілік заттарды тасымалдау кезінде талап етілетін тасымалдау жағдайларын қамтамасыз ету үшін білікті жабдық (изотермиялық қаптама, контейнерлер немесе талап етілетін температуралық режимді сақтауды қамтамасыз ететін көлік құралдары) пайдаланылуға тиіс.

Талап етілетін температуралық режимді сақтауды қамтамасыз ететін көлік құралдарын пайдалану кезінде тасымалдау процесінде температураны бақылау үшін пайдаланылатын жабдық мерзімді техникалық қызмет көрсетуден, тексеруден және калибрлеуден өтуге тиіс. Пайдалану параметрлерін көрсететін шарттарды сақтай отырып және маусымдық ауытқуларды ескере отырып, температуралық картаға түсіруді талдауды орындау қажет.

Алушының сұрау салуы бойынша сақтау және тасымалдау кезінде температуралық режимнің сақталуын растайтын деректер берілуге тиіс.

Изотермиялық контейнерлердегі хладоэлементтер ветеринариялық дәрілік заттармен тікелей байланыс болмайтындай етіп орналастырылуы тиіс. Персонал изотермиялық контейнерлерді дайындау жөніндегі рәсімдердің талаптарына (маусымдық ерекшеліктерді ескере отырып), сондай-ақ хладоэлементтерді қайта пайдалануға қойылатын талаптарға оқытылуы тиіс.

Жеткіліксіз салқындатылған хладоэлементтерді қайта пайдаланудың алдын алуға бағытталған шаралар әзірленуі тиіс. Салқындатылған және мұздатылған хладоэлементтер арасында тиісті физикалық оқшаулау қамтамасыз етілуі тиіс.

Термолабильді ветеринариялық дәрілік заттарды жеткізу және температураның маусымдық ауытқуын бақылау процесі құжатталған рәсімде сипатталуы тиіс.

6. Ветеринариялық дәрілік заттарды өткізуге қойылатын талаптар

6.1. Жалпы ережелер.

Дистрибьютордың барлық іс-әрекеттері ветеринариялық дәрілік заттардың бірдейлігі жоғалмайтындай және қаптамада көрсетілген талаптар сақталатындай етіп жүзеге асырылуы тиіс.

Дистрибьютор ветеринариялық дәрілік заттарды қадағалау жөніндегі қажетті шараларды, сондай-ақ жалған ветеринариялық дәрілік заттардың өткізу тізбегіне ену қаупін барынша азайту үшін шаралар қабылдауы тиіс.

6.2. Өнім берушілерді бағалау.

Дистрибьютор ветеринариялық дәрілік заттарды мүше мемлекеттердің заңнамасына сәйкес осындай қызметті жүзеге асыруға құқығы бар ұйымдардан ғана алуға міндетті.

Ветеринариялық дәрілік заттарды басқа дистрибьютордан сатып алатын Дистрибьютор өнім берушінің ветеринариялық дәрілік заттардың сапасы мен қауіпсіздігін сақтауға кепілдік беретін барлық қажетті талаптарды сақтайтынына көз жеткізуі тиіс.

Егер ветеринариялық дәрілік заттарды жеткізуді брокер жүзеге асыратын болса, дистрибьютор брокердің мүше мемлекеттердің заңнамасында белгіленген тәртіппен тіркелгеніне және қызметтің осы түрі үшін белгіленген талаптарға жауап беретініне көз жеткізуге тиіс.

Жеткізушілерді бағалау және мақұлдау жөніндегі іс-шаралар ветеринариялық дәрілік заттарды сатып алғанға дейін орындалуы тиіс. Бұл іс-шаралар бекітілген рәсімге сәйкес жүзеге асырылуы тиіс, ал олардың нәтижелері құжатпен ресімделіп, кезең-кезеңімен тексерілуі тиіс.

Жаңа жеткізушілермен келісімшарттарға қол қою кезінде ұйым оның құзыреттілігі мен сенімділігін анықтау үшін жеткізушіні тиісті тексеруден өткізуі керек.

Мыналарға ерекше назар аудару керек:

жеткізушінің беделі және (немесе) сенімділігі;

фальсификацияға неғұрлым бейім ветеринариялық дәрілік заттарды жеткізу жөніндегі ұсыныстар;

әдетте шектеулі мөлшерде ғана қолжетімді ветеринарлық дәрі-дәрмектердің үлкен партиясын жеткізу туралы ұсыныстар;

нарықтық ұсыныстарға сәйкес келмейтін баға ұсыныстары.

6.3. Алушыларды бағалау.

Дистрибьютор ветеринариялық дәрілік заттардың айналымына қатысты іс-қимылдарды жүзеге асыру үшін мүше мемлекеттің заңнамасына сәйкес заңды негіздері бар ұйымдарға ғана ветеринариялық дәрілік заттарды жеткізуді жүзеге асыратынына көз жеткізуге міндетті.

Дистрибьютор жүзеге асырылатын мәмілелерді қадағалауға және ветеринариялық дәрілік заттарды өткізу тізбегіндегі кез келген ауытқуларға қатысты тергеп-тексерулер жүргізуге тиіс. Өткізу кезінде ветеринариялық дәрілік заттарды мақсатсыз пайдалануды білдіруі мүмкін ауытқулар анықталған жағдайда, тергеп-тексерулер жүргізіледі және анықталған фактілер туралы дистрибьютор ветеринариялық дәрілік препараттың құқық иеленушісін анықталған кезден бастап 3 жұмыс күні ішінде хабардар етуге тиіс.

Дистрибьютор ветеринариялық дәрілік заттардың айналымына қатысты мүше мемлекеттердің заңнамасында белгіленген шараларды қабылдауы тиіс.

6.4. Шағымдар.

Дистрибьютор алушылардың барлық шағымдарын мынадай ақпаратты көрсете отырып тіркеуі тиіс: шағымды алған күні, алушының атауы, оның орналасқан жері (заңды тұлғаның мекенжайы) және қызметті жүзеге асыру орнының мекенжайы (мекенжайлары әртүрлі болған жағдайда) – заңды тұлға үшін немесе қызметті жүзеге асыру орнының тегі, аты және әкесінің аты (бар болса), тұрғылықты жері және мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін ветеринариялық дәрілік заттың атауы, ветеринариялық дәрілік препараттың серия нөмірі, көлемі, дәрілік нысаны, ветеринариялық дәрілік препараттың дозасы, шағым себебі. Бұл ретте ветеринариялық дәрілік заттардың сапасына және (немесе) қауіпсіздігіне және (немесе) тиімділігіне қатысты шағымдарды және дистрибьюция талаптары мен шарттарын сақтауға қатысты шағымдарды ажырату қажет.

Егер кінә қою ветеринариялық дәрілік заттардың сапасына және (немесе) қауіпсіздігіне және (немесе) тиімділігіне қатысты болса немесе жалған ветеринариялық дәрілік заттардың болуы болжанса, дистрибьютор ветеринариялық дәрілік препараттың құқық иеленушісін немесе ветеринариялық дәрілік препараттың құқық иеленушісі уәкілеттік берген ұйымды талаптарды қабылдауға осы кінә қоюды алған сәттен бастап 3 жұмыс күні ішінде хабардар етуі тиіс.

Дистрибьюция талаптары мен шарттарын сақтау бойынша шағымдарға қатысты дистрибьютор шағым берудің көзін немесе себебін анықтау мақсатында тексеру жүргізуі тиіс. Тексеру жүргізу үшін ұсынылған ақпарат жеткіліксіз болған жағдайда дистрибьютор оған қажетті ақпаратты қосымша сұратады.

Шағымдармен жұмыс істеу үшін жауапты тұлға тағайындалуы тиіс, сондай-ақ дистрибьютордың басқа да қызметкерлері қажетті мөлшерде тартылуы мүмкін. Жауапты тұлға мүше мемлекеттің заңнамасында белгіленген біліктілік талаптарына сәйкес келуі және қажетті біліктілікке (жауапты тұлғаның Білім бейіні ветеринариялық дәрілік заттардың тауар позицияларының номенклатурасына сүйене отырып белгіленеді), дистрибьюция саласындағы тәжірибеге және білімге ие болуы тиіс.

Шағымдарға қатысты тексеру және талдау нәтижелері бойынша қажет болған кезде дистрибьютор түзету және алдын алу іс-әрекеттерін, оның ішінде ветеринариялық дәрілік препараттың құқық иеленушісін хабардар етуді қоса алғанда, тиісті шаралар қабылдауы тиіс.

6.5. Қайтарылған ветеринариялық дәрілік заттар.

Қайтару (алушының ветеринариялық дәрілік заттарды дистрибьютордың атына немесе дистрибьютордың өнім берушінің атына жөнелтуі) мүше мемлекеттердің заңнамасына және өнімді қайтаруға қатысатын тараптар арасындағы шарттық міндеттемелерге сәйкес жүзеге асырылады. Қайтарылған ветеринариялық дәрілік заттармен операциялар тәуекелдерді бағалауға негізделген құжатталған рәсімдерге сәйкес, олардың ерекшелігін, сақтаудың арнайы жағдайларын, сондай-ақ бастапқы тиеп-жөнелту сәтінен өткен уақыт кезеңін ескере отырып жүзеге асырылуға тиіс.

Бұрын жөнелтілген ветеринариялық дәрілік заттар, егер төменде санамаланған барлық шарттар орындалған жағдайда ғана жеткізуге жарамды санатқа қайтарылуы мүмкін:

ветеринариялық дәрілік заттар қаптамасының бүтіндігі бұзылмаған, зақымдану іздері жоқ, өндіруші көздемеген таңбалау жоқ, жарамдылық мерзімі өтпеген, өнім айналымнан кері қайтарылмаған;

алушы сақтау мен тасымалдаудың арнайы шарттарының сақталуын растайтын құжаттарды ұсынды;

ветеринарлық дәрі-дәрмектер тексерілді және осы іс-әрекеттерді орындау үшін тағайындалған құзыретті тұлға бағалады;

дистрибьютордың ветеринариялық дәрілік заттардың осы алушыға жеткізілгендігі туралы дәлелдері бар (тиісті ілеспе құжаттардың қоса берілген көшірмелеріне сәйкес), серия нөмірі құжаттарда көрсетілгендермен сәйкес келеді, ветеринариялық дәрілік заттардың деректерін бұрмалауда күдік жоқ.

Сақтаудың ерекше температуралық жағдайларын талап ететін ветеринариялық дәрілік заттар, егер олардың барлық уақыт ішінде тиісті жағдайларда сақталғаны және тасымалданғаны туралы құжаттық дәлелдер болса, жеткізуге жарамды санатқа қайтарылуы мүмкін.

Кез келген ауытқулар анықталған жағдайда, ветеринариялық препараттардың қауіпсіздігін анықтауға мүмкіндік беретін қауіптерді бағалау қажет. Дәлелдемелер келесі кезеңдер бойынша жиналып, бағалануы керек:

алушыға жеткізу;

өнімді тексеру (сәйкестендіру);

көліктік қаптаманы ашу;

ветеринариялық дәрілік заттарды көліктік қаптамаға қайтару;

дистрибьюторға ветеринариялық дәрілік заттарды жинау және қайтару;

ветеринариялық дәрілік заттарды дистрибьютордың арнайы сақтау аймағына орналастыру.

Қайтарылған ветеринариялық дәрілік заттарды құжаттық ресімдеусіз қабылдауға тыйым салынады.

Жеткізуге жарамды санатқа қайтарылған ветеринариялық дәрілік заттар бірінші кезекте жарамдылық мерзімі аз өнімдерді жөнелту жүйесі (FEFO – "first expire – first out" қағидасы) тиімді жұмыс істейтіндей етіп орналастырылуы тиіс.

Табылған ұрланған ветеринариялық дәрі-дәрмектерді жеткізуге жарамды санатқа қайтаруға және алушыларға жеткізуге болмайды.

6.6. Жалған ветеринариялық дәрілік заттар.

Егер ветеринариялық дәрілік препаратқа қатысты жалғандыққа күдік болса, дистрибьютор осы ақпаратты алған сәттен бастап 3 жұмыс күні ішінде ветеринариялық дәрілік препараттың құқық иеленушісін хабардар етуі тиіс. Бұл әрекеттер белгіленген құжатталған рәсімдерде бекітілуі тиіс. Алынған ақпарат барлық бастапқы деректер сақтала отырып, құжатпен ресімделуі тиіс және оған қатысты тергеу жүргізілуі тиіс.

Айналымда табылған жалған ветеринариялық дәрілік заттар дереу физикалық оқшаулануы және басқа өнімнен бөлек, арнайы бөлінген үй-жайда немесе қол жетімділігі шектелген аймақта сақтауға орналастырылуы тиіс. Жалған ветеринариялық дәрілік заттармен жасалатын барлық операциялар жазбалар сақтала отырып, құжатпен ресімделуі тиіс.

6.7. Айналымнан қайтарып алу.

Ветеринариялық дәрілік заттарды айналымнан кері қайтарып алу жөніндегі іс-қимылдардың тиімділігі тұрақты түрде (жылына кемінде бір рет) бағалануға тиіс. Қысқа мерзімде кез келген уақытта айналымнан шығару және кері қайтарып алу бойынша іс-әрекеттерді бастау мүмкіндігі болуы тиіс.

Дистрибьютор уәкілетті орган одақтың тіркелген ветеринариялық дәрілік препараттарының бірыңғай тізілімінде ақпараттық-телекоммуникациялық "Интернет" желісіндегі Одақтың ақпараттық порталында орналастыратын ветеринариялық дәрілік препараттардың тіркеуін жою туралы, ветеринариялық дәрілік препараттардың айналымын тоқтата тұру, ветеринариялық дәрілік препараттар сериясының айналымын тоқтата тұру туралы ақпаратқа мониторингті жүзеге асыруға, оларды айналымнан кері қайтарып алу туралы ақпараттық хаттың нұсқауларын ұстануға, қажет болған кезде уәкілетті орган бекітуге тиіс.

Өтінішті кері қайтарып алу және одан алып қою жөніндегі іс-әрекеттер белгіленген рәсімдерге сәйкес оларды жүзеге асыру сәтінде құжатпен ресімделуі тиіс.

Дистрибьюторға қатысты жазбалар ветеринариялық дәрілік заттарды кері қайтарып алуға және айналымнан алуға жауапты тұлға үшін қолжетімді болуға тиіс және дистрибьюторлар және ветеринариялық дәрілік заттарды тікелей алушылар, олардың орналасқан жерлері (заңды тұлғаның мекенжайы) және қызметті жүзеге асыру орнының мекенжайы (мекенжайлары әртүрлі болған жағдайда) туралы ақпаратты қамтуы тиіс – заңды тұлға және оның филиалдары үшін немесе қызметті жүзеге асыру орнының тегі, аты және әкесінің аты (бар болса), тұрғылықты жері және мекенжайы (мекенжайлары – жеке кәсіпкер ретінде тіркелген жеке тұлға үшін телефон нөмірі, электрондық пошта мекенжайы), сондай-ақ ветеринариялық дәрілік заттың атауы, серия нөмірі, өндірілген күні және жарамдылық мерзімі, дәрілік нысаны, ветеринариялық дәрілік препараттың дозасы, экспортталған ветеринариялық дәрілік заттар мен олардың үлгілеріне қатысты деректерді қоса алғанда, сатып алынған немесе жеткізілген ветеринариялық дәрілік заттардың саны көрсетілуге тиіс.

Ветеринариялық дәрілік заттарды кері қайтарып алу және айналымнан алу кезінде жүзеге асырылатын іс-қимылдарды орындау реттілігі құжат жүзінде ресімделіп, қорытынды есеп жасалуға тиіс.

7. Ветеринариялық дәрілік заттарды жоюға қойылатын талаптар

Жоюға арналған ветеринариялық дәрілік заттар тиісті түрде таңбалануы, кіруі шектелген үй-жайда немесе аймақта жеке сақталуы тиіс, бұл ретте олармен жасалатын операциялар жазбаша рәсімдерге сәйкес жүзеге асырылуы тиіс.

Жою мүше мемлекеттер заңнамасының талаптарына немесе ветеринариялық дәрілік заттардың айналымына, тасымалдануына және жойылуына қатысты қолайлы халықаралық талаптарға сәйкес жүзеге асырылуға тиіс.

Жою туралы жазбалар мүше мемлекеттердің заңнамасында белгіленген уақыт кезеңі ішінде сақталуға тиіс.

8. Өзіндік инспекцияға қойылатын талаптар

Ұйым қызметінің барлық аспектілерін қамтитын өзін-өзі инспекциялау бағдарламасы әзірленуі тиіс.

Өзін-өзі инспекциялау ұйым қызметінің жекелеген тараптарын қамтитын бірнеше дербес тексерулерге бөлінуі мүмкін және оны дистрибьютордың арнайы тағайындалған білікті персоналы жүргізуі тиіс. Тәуелсіз сыртқы сарапшылар жүргізетін аудиттерге де рұқсат етіледі, бірақ өзін-өзі тексеруді алмастыра алмайды.

Өзін-өзі инспекциялау нәтижелері құжатпен ресімделуі тиіс. Есептер инспекция барысында алынған барлық ақпаратты қамтуы тиіс. Есептің көшірмесі ұйым басшылығына ұсынылуы тиіс. Кемшіліктер немесе ауытқулар анықталған жағдайда олардың себебін анықтау, сондай-ақ түзету және алдын алу әрекеттерін әзірлеу және құжаттау және олардың орындалуын бақылау қажет.

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 4 ҚОСЫМША

Еуразиялық экономикалық одақтың кедендік аумағында өнімді жануарлар үшін қолдануға тыйым салынған ветеринариялық дәрілік заттар
ТІЗБЕСІ

Еуразиялық экономикалық одақтың кедендік аумағында мынаған жол берілмейді:

ауыл шаруашылығы жануарларының өнімділігін ынталандыру мақсатында және профилактикалық мақсатта химиотерапиялық бактерияға қарсы ветеринариялық дәрілік препараттарды тіркеу және қолдану;

өнімді жануарларды, оның ішінде құрамында мынадай дәрілік заттар бар жануарлардан алынатын акваөсіру объектілерін қолдану мақсатында ветеринариялық дәрілік препараттарды тіркеу:

абамектин (сүті адамдардың тамағына арналған қойлар үшін (лактация кезінде));

авиламицин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

азаглинафарелин (уылдырығы адамдардың тамағына арналған ақсерке балығы үшін);

амоксициллин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

ампициллин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

анаболикалық стероидтар;

андрогендік стероидтар (тестостерон, прогестерон және олардың туындыларын қоспағанда, оларды ветеринариялық дәрілік препараттардың құрамында аналық без дисфункциясы бар жануарларды емдеу мақсатында қолдануға рұқсат етіледі);

апрамицин (сүті немесе жұмыртқасы адамдардың тамағына арналған жануарлардың барлық түрлері үшін (лактация немесе жұмыртқа салу кезеңінде));

бета-адреностимуляторлар (бета-агонистер) (ветеринариялық дәрілік препараттардың құрамында патологиялық босану кезінде сиырлардағы жатырдың бұлшық еттерін босаңсыту мақсатында қолдануға рұқсат етілетін бета-адреномиметиктерді қоспағанда (17b-эстрадиол мен оның эфир тәрізді туындыларынан басқа));

бриллиант жасыл (тауарлы акваөсіру (тауарлы балық өсіру шаруашылығы) үшін);

бромгексин (сүті немесе жұмыртқасы адамдардың тамағына арналған жануарлардың барлық түрлері үшін (лактация немесе жұмыртқа салу кезеңінде));

гамитромицин (сүті адамдарға арналған ірі қара мал үшін (лактация кезінде));

гризин;

данофлоксацин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

дапсон;

диклоксациллин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

дицикланил (сүті адамдарға арналған қойлар үшін (лактация кезінде));

доксициклин (сүті немесе жұмыртқасы адамдардың тамағына арналған жануарлардың барлық түрлері үшін (лактация немесе жұмыртқа салу кезеңінде));

канамицин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

карбадокс;

клозантел (сүті адамдардың тамағына арналған жануарлардың барлық түрлері үшін (лактация кезеңінде));

клоксациллин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

клорсулон (сүті адамдарға арналған ірі қара мал үшін (лактация кезінде));

колхицин;

Aristolochia clematitis өсімдігінің компоненттері және одан алынған дәрі-дәрмектер (1× 10^-7 % және одан төмен концентрациядағы матрицалық тұнбалары бар ветеринарлық гомеопатиялық дәрі-дәрмектерден басқа);

кристалды күлгін (генцианвиолет) (тауарлық акваөсіру (тауарлық балық өсіру шаруашылығы) үшін);

резорцил қышқылының лактондары және олардың туындылары;

малахитті жасыл (тауарлы акваөсіру (тауарлы балық өсіру шаруашылығы) үшін);

меквиндокс;

нитроимидазолдар;

нитроксинил (сүті адамдардың тамағына арналған ірі қара мал мен қой үшін (лактация кезеңінде));

нитрофурандар;

оксациллин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

оксолин қышқылы (сүті немесе жұмыртқасы адамдардың тамағына арналған жануарлардың барлық түрлері үшін (лактация немесе жұмыртқа салу кезеңінде));

олаквиндокс;

парамомицин (сүті немесе жұмыртқасы адамдардың тамағына арналған жануарлардың барлық түрлері үшін (лактация немесе жұмыртқа салу кезеңінде));

сарафлоксацин (уылдырығы адамдардың тамағына арналған ақсерке балығы үшін);

спектиномицин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

спирамицин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

стильбендер, стильбендердің туындылары, стильбендердің тұздары мен олардың эфирлері;

сульфаниламидтер (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

тиамфеникол (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

тилвалозин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

тилмикозин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

тиреостатиктер;

толтразурил (сүті немесе жұмыртқасы адамдардың тамағына арналған жануарлардың барлық түрлері үшін (лактация немесе жұмыртқа салу кезеңінде));

триметоприм (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

тулатромицин (сүті адамдардың тамағына арналған жануарлардың барлық түрлері үшін (лактация кезеңінде));

флорфеникол (сүті немесе жұмыртқасы адамдардың тамағына арналған жануарлардың барлық түрлері үшін (лактация немесе жұмыртқа салу кезеңінде));

флумеквин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде));

хлорамфеникол (левомицетин);

хлороформ;

хлорпромазин;

энрофлоксацин (жұмыртқалары адамдардың тамағына арналған ауыл шаруашылығы құстары үшін (жұмыртқа салу кезеңінде)).

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 5 ҚОСЫМША

Еуразиялық экономикалық одақтың ветеринариялық дәрілік заттар айналымы саласындағы тізілімдері мен ақпараттық дерекқорларын қалыптастыру, жүргізу және пайдалану

ТӘРТІБІ I. Еуразиялық экономикалық одақтың тіркелген ветеринариялық дәрілік препараттарының бірыңғай тізілімін қалыптастыру, жүргізу және пайдалану тәртібі

1. Осы Тәртіп Еуразиялық экономикалық одақтың тіркелген ветеринариялық дәрілік препараттарының бірыңғай тізілімін (бұдан әрі тиісінше – Одақ, Одақтың ветеринариялық дәрілік препараттарының тізілімі) қалыптастыру, жүргізу және пайдалану рәсімін айқындайды.

Осы Тәртіп одақтың кедендік аумағындағы ветеринариялық дәрілік заттар айналымын реттеу қағидаларында (бұдан әрі – Қағидалар) белгіленген тәртіппен тіркелген ветеринариялық дәрілік препараттардың бірыңғай есебін қамтамасыз ету және тұлғалардың шектелмеген тобына одақтың кедендік аумағында айналымға шығарылатын ветеринариялық дәрілік препараттар туралы мәліметтерді беру мақсатында қолданылады.

2. Одақтың ветеринариялық дәрілік препараттарының тізілімі Қағидаларға сәйкес тіркелген ветеринариялық дәрілік препараттар туралы мәліметтерді қамтитын, Одаққа мүше мемлекеттердің ветеринариялық дәрілік заттар айналымы саласындағы уәкілетті органдары (бұдан әрі тиісінше – уәкілетті органдар, мүше мемлекеттер) және (немесе) сараптама мекемелері арасындағы, сондай-ақ уәкілетті органдар және (немесе) сараптама мекемелері мен Еуразиялық экономикалық комиссия (бұдан әрі – Комиссия) арасындағы ақпараттық өзара іс-қимыл негізінде Одақтың интеграцияланған ақпараттық жүйесінің (бұдан әрі – интеграцияланған жүйе) құралдарын пайдалана отырып қалыптастырылатын жалпы ақпараттық ресурс болып табылады.

3. Одақтың ветеринариялық дәрілік препараттарының тізілімін Комиссия осы Тәртіпке сәйкес уәкілетті органдар және (немесе) сараптама мекемелері электрондық түрде ұсынатын мәліметтер негізінде қалыптастырады және жүргізеді.

4. Одақтың ветеринариялық дәрілік препараттарының тізілімін қалыптастыру, жүргізу және пайдалану процесінде уәкілетті органдар және (немесе) сараптама мекемелері арасындағы, сондай-ақ уәкілетті органдар және (немесе) сараптама мекемелері мен Комиссия арасындағы ақпараттық өзара іс-қимыл Одақ шеңберінде тиісті жалпы процесті интеграцияланған жүйе құралдарымен іске асыру арқылы жүзеге асырылады.

5. Одақтың ветеринариялық дәрілік препараттарының тізілімін қалыптастыру, жүргізу және пайдалану мыналарды қамтиды:

а) Комиссияның уәкілетті органдардан және (немесе) сараптама мекемелерінен Қағидаларға сәйкес тіркеуден өткен ветеринариялық дәрілік препараттар туралы мәліметтерді алуы;

б) Комиссияның уәкілетті органдар және (немесе) сараптама мекемелері ұсынған мәліметтерді Одақтың ветеринариялық дәрілік препараттарының тізіліміне енгізуі;

в) Комиссияның Одақтың ветеринариялық дәрілік препараттары тізіліміндегі мәліметтерді ақпараттық-телекоммуникациялық "Интернет" желісінде Одақтың ақпараттық порталында жариялауы;

г) Комиссияның Одақтың ветеринариялық дәрілік препараттарының тізілімінде қамтылған мәліметтерді өзектілендіруі;

д) Одақтың ветеринариялық дәрілік препараттары тізілімінде қамтылған мәліметтерді сақтау;

е) Одақтың ветеринариялық дәрілік препараттары тізіліміндегі мәліметтерді санкцияланбаған қол жеткізуден қорғау;

ж) Одақтың ветеринариялық дәрілік препараттарының тізіліміндегі мәліметтерге қолжетімділік ұсыну.

6. Уәкілетті органдар және (немесе) сараптама мекемелері Одақтың ветеринариялық дәрілік препараттары тізіліміне енгізу (өзектілендіру) үшін ұсынылатын мәліметтердің анықтығы үшін жауапты болады.

7. Одақтың ветеринариялық дәрілік препараттарының тізілімі мынадай мәліметтерді қамтиды:

а) ветеринариялық дәрілік препараттың тіркеу нөмірі;

б) ветеринариялық дәрілік препараттың саудалық атауы;

в) халықаралық патенттелмеген атауы (бар болса) немесе ол болмаса, жалпы қабылданған (топтастырылған) атауы не химиялық атауы (құрамдастырылған ветеринариялық дәрілік заттар үшін "," белгісі арқылы фармацевтикалық субстанциялардың атаулары көрсетіледі);

г) тіркеу жөніндегі референттік органның коды мен атауы;

д) ветеринариялық дәрілік препараттың тіркелген күні (күні – екі араб цифрымен, айы – екі араб цифрымен, жылы – төрт араб цифрымен);

е) ветеринариялық дәрілік препаратты тіркеудің аяқталған күні (күні – екі араб цифрымен, айы – екі араб цифрымен, жылы – төрт араб цифрымен, мерзімсіз тіркеу үшін "мерзімсіз" деген сөз көрсетіледі);

ж) ветеринариялық дәрілік препараттың тіркелгенін растау күні (күні – екі араб цифрымен, айы – екі араб цифрымен, жылы – төрт араб цифрымен);

з) ветеринариялық дәрілік препараттың тіркеу дерекнамасына өзгерістер енгізілген күн (күні – екі араб цифрымен, айы – екі араб цифрымен, жылы – төрт араб цифрымен) (бар болса);

и) ветеринариялық дәрілік препараттың мәртебесі ("тіркелген", "тіркеуді растау сатысында", "өзгерістер енгізу сатысында", "тіркеудің күші жойылды");

к) ветеринариялық дәрілік препараттың ерекше сипаттамалары ("түпнұсқа (референттік)", "қайта өндірілген (дженерик)");

л) ветеринариялық дәрілік препарат айналымының аумағы (Одақтың кедендік аумағы немесе аумағында ветеринариялық дәрілік препараттың айналымы рұқсат етілген мүше мемлекеттердің тізбесі);

м) ветеринариялық дәрілік препарат құқық иеленушісінің атауы, оның орналасқан жері (заңды тұлғаның мекенжайы) және қызметті жүзеге асыру орнының мекенжайы (мекенжайлары әртүрлі болған жағдайда) – заңды тұлға үшін немесе қызметті жүзеге асыру орнының тегі, аты және әкесінің аты (бар болса), тұрғылықты жері және мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін;

н) ветеринариялық дәрілік препаратты өндіруші туралы ақпарат (ветеринариялық дәрілік препаратты өндірушінің толық атауы, оның орналасқан жері (заңды тұлғаның мекенжайы) және өнім өндіру жөніндегі қызмет жүзеге асырылатын жердің мекенжайы (мекенжайлары әртүрлі болған жағдайда) – өнім өндіретін заңды тұлға және оның филиалдары үшін немесе тегі, аты және әкесінің аты (бар болса), тұратын жері және өнім өндіру жөніндегі қызметті жүзеге асыру орнының мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін);

о) ветеринариялық дәрілік препаратты өндіру кезінде пайдаланылатын фармацевтикалық субстанция туралы ақпарат (фармацевтикалық субстанцияның атауы (халықаралық патенттелмеген немесе химиялық және саудалық атаулары), фармацевтикалық субстанцияны өндірушінің атауы, оның орналасқан жері (заңды тұлғаның мекенжайы) және өнім өндіру жөніндегі қызметті жүзеге асыру орнының мекенжайы (мекенжайлары әртүрлі болған жағдайда) – өнім өндіретін заңды тұлға және оның филиалдары үшін немесе өнім өндіру жөніндегі қызметті жүзеге асыратын тұлғаның тегі, аты және әкесінің аты (бар болса), тұрғылықты жері және мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін);

п) ветеринариялық дәрілік препараттың шыққан елі;

р) ветеринариялық дәрілік препаратты шығару нысаны;

с) дәрілік нысаны;

т) ветеринариялық дәрілік препараттың фармакотерапиялық тобы;

у) ветеринариялық дәрілік препараттың мақсаты (қолданылу саласы);

ф) ветеринариялық дәрілік препарат арналған жануарлардың түрі;

х) өнімді жануарларға ветеринариялық дәрілік препаратты қолданғаннан кейін жануарлардан алынатын тағамдық шикізатты алу мүмкіндігінің мерзімі;

ц) жануарлардан алынатын шикізаттағы ветеринариялық дәрілік препараттың әсер етуші заттарының (әсер етуші затының) және (немесе) олардың метаболиттерінің қалдық мөлшерін анықтау әдістемесінің атауы (өнімді жануарларды қолдану жөніндегі нұсқаулыққа сәйкес қолданылатын фармацевтикалық ветеринариялық дәрілік препараттар үшін);

ч) ветеринариялық дәрілік затқа арналған нормативтік құжат (нормативтік құжаттың файлын ветеринариялық дәрілік затқа pdf форматында қоса отырып);

ш) ветеринариялық дәрілік препараттың тіркеу дерекнамасы (ветеринариялық дәрілік препаратты тіркеу барысында ұсынылған оның тіркеу дерекнамасы; оның тіркелуін растау немесе тіркеу деректеріне өзгерістер енгізу рәсімі барысында ұсынылған ветеринариялық дәрілік препараттың тіркеу дерекнамасын толықтыратын құжаттар, сондай-ақ мүше мемлекеттердің заңнамасына сәйкес тіркелген ветеринариялық дәрілік препараттың тіркеу дерекнамасын Қағидалардың талаптарына сәйкес келтіру рәсімі барысында ұсынылған ветеринариялық дәрілік препараттың жаңартылған тіркеу дерекнамасы, (ветеринариялық дәрілік препараттың тіркеу дерекнамасы құжаттарының файлдарын pdf форматында қоса отырып);

щ) ветеринариялық дәрілік затты бағалау жөніндегі жиынтық немесе қорытынды сараптамалық қорытынды (сараптамалық қорытынды файлын pdf форматында қоса отырып);

э) қаптама макеті (қаптамалар макеттері) (jpeg немесе bmp немесе gif немесе png форматында дәлдігі 1027х1500 пиксельден немесе 300 dpi-ден төмен болмайтын қаптама макеті (қаптамалар макеттері) фотосуретінің (фотосуреттерінің) файлын қоса отырып);

ю) ветеринариялық дәрілік препаратты қолдану жөніндегі нұсқаулық (қолдану жөніндегі нұсқаулықтың файлын pdf форматында қоса отырып).

8. Ветеринариялық дәрілік препаратты тіркеудің күші жойылған жағдайда уәкілетті органдар және (немесе) сараптама мекемелері тіркеудің күшін жою туралы шешім қабылданған күннен бастап 5 жұмыс күні ішінде Одақтың ветеринариялық дәрілік препараттары тізілімінен тіркелуі жарамсыз деп танылған ветеринариялық дәрілік препарат туралы мәліметтерді қоспағанда, Одақтың ветеринариялық дәрілік препараттары тізіліміне тиісті өзгерістер енгізеді.

9. Уәкілетті органдар және (немесе) сараптама мекемелері ветеринариялық дәрілік препаратты тіркеудің күшін жою туралы шешім қабылданған күннен бастап 5 жұмыс күні ішінде интеграцияланған жүйе құралдарын пайдалана отырып, ветеринариялық дәрілік препараттарды тіркеудің күшін жою туралы бірін бірі хабардар етеді.

10. Одақтың ветеринариялық дәрілік препараттары тізілімінде қамтылған мәліметтер жариялануға жатпайтын және уәкілетті органдар және (немесе) сараптама мекемелері, сондай-ақ Комиссия үшін ғана қолжетімді, осы Тәртіптің 7-тармағының "ц", "ч", "ш", "щ" тармақшаларында көрсетілген мәліметтерді қоспағанда, ашық және жалпыға қолжетімді болып табылады.

11. Мүдделі тұлғалардың сұрау салулары бойынша Одақтың ветеринариялық дәрілік препараттарының тізілімінде қамтылған мәліметтерді, оның ішінде электрондық түрде ұсынуды мүше мемлекеттің заңнамасына сәйкес уәкілетті органдар жүзеге асырады.

12. Ветеринариялық дәрілік препаратты тіркеу және Қағидаларда көзделген тіркеумен байланысты өзге де рәсімдерді орындау кезінде уәкілетті органдар және (немесе) сараптама мекемелері интеграцияланған жүйе құралдарын пайдалана отырып, мынадай мәліметтер мен құжаттар алмасуды жүзеге асырады:

а) Қағидаларға сәйкес қалыптастырылатын ветеринариялық дәрілік препаратты тіркеу туралы өтініштің бірегей нөмірі (ветеринариялық дәрілік препараттың тіркелгенін растау туралы, ветеринариялық дәрілік препараттың тіркеу дерекнамасына өзгерістер енгізу туралы, оның ішінде мүше мемлекеттердің заңнамасына сәйкес тіркелген ветеринариялық дәрілік препараттың тіркеу дерекнамасын Қағидалардың талаптарына сәйкес келтіру мақсатында);

б) ветеринариялық дәрілік препараттың тіркеу дерекнамасы немесе Қағидаларға сәйкес ветеринариялық дәрілік препараттың тіркеу дерекнамасына өзгерістер енгізу жөніндегі дерекнаманың құжаттары;

в) зерттеу (сынақ) хаттамаларын қоса алғанда, Қағидаларға сәйкес дайындалған сараптама мекемелерінің сараптама қорытындылары;

г) уәкілетті органдардың және (немесе) сараптама мекемелерінің ветеринариялық дәрілік препаратты тіркеу немесе тіркеуге байланысты өзге де рәсімдерді орындау процесінде өтініш берушіге жіберілген қосымша мәліметтерді ұсыну туралы сұрау салулары және оларға жауаптар;

д) ветеринариялық дәрілік заттың нормативтік құжаты;

е) ветеринариялық дәрілік препараттың қаптама макеті (қаптамалар макеттері);

ж) ветеринариялық дәрілік препаратты қолдану жөніндегі нұсқаулық;

з) Ветеринариялық дәрілік препараттың тіркеу дерекнамасының қағидаларына немесе ветеринариялық дәрілік препараттың тіркеу дерекнамасына өзгерістер енгізу жөніндегі дерекнаманың құжаттарына сәйкес жалпы техникалық құжат форматында қарау кезеңдері, сараптамалық қорытындылар мен зерттеулер (сынақтар) хаттамаларын дайындау фактілері, сондай-ақ сұрау салулар жіберу және оларға жауаптар алу фактілері туралы ақпарат.

13. Тіркеу жөніндегі референттік органдар ветеринариялық дәрілік препаратты тіркеуге өтініш берілген күннен бастап кемінде 20 жыл бойы мына мәліметтердің сақталуын және уәкілетті органдардың және (немесе) сараптама мекемелерінің және Комиссияның сұрау салуы бойынша интеграцияланған жүйе құралдарын пайдалану арқылы ұсынылуын қамтамасыз етеді:

а) ветеринариялық дәрілік препараттардың тіркеу дерекнамасы, оларға кіретін құжаттардың өзекті, бастапқы және аралық редакцияларын қоса алғанда;

б) сараптама мекемелерінің Қағидаларға сәйкес дайындалған сараптама қорытындылары.

II. Мүше мемлекеттердің аумақтарында ветеринариялық дәрілік заттардың айналымы саласындағы мемлекеттік бақылау және қадағалау шеңберінде анықталған сапалы және сапасыз ветеринариялық дәрілік препараттар, сондай-ақ жалған және (немесе) контрафактілі ветеринариялық дәрілік препараттар туралы бірыңғай ақпараттық дерекқорды қалыптастыру, жүргізу және пайдалану тәртібі

1. Осы Тәртіп мүше мемлекеттердің аумақтарында ветеринариялық дәрілік заттардың айналымы саласындағы мемлекеттік бақылау және қадағалау шеңберінде анықталған сапалы және сапасыз ветеринариялық дәрілік препараттар, сондай-ақ жалған және (немесе) контрафактілік ветеринариялық дәрілік препараттар туралы бірыңғай ақпараттық дерекқорды (бұдан әрі – бірыңғай дерекқор) қалыптастыру, жүргізу және пайдалану қағидаларын айқындайды.

2. Бірыңғай дерекқор сапалы деп танылған ветеринариялық дәрілік препараттар және Одақтың кедендік аумағында олардың сапасыздығына, бұрмалануына және (немесе) олардың шығарылуының контрафактілік сипатына байланысты уәкілетті органдар және (немесе) сараптама мекемелері айналымнан алу немесе айналымды тоқтата тұру туралы шешім қабылдаған ветеринариялық дәрілік препараттар (соның ішінде ветеринариялық дәрілік препараттардың жекелеген сериялары) туралы мәліметтерді қамтитын жалпы ақпараттық ресурс болып табылады.

Бірыңғай дерекқор уәкілетті органдар және (немесе) сараптама мекемелері арасындағы, сондай-ақ уәкілетті органдар мен Комиссия арасындағы ақпараттық өзара іс-қимыл негізінде интеграцияланған жүйе құралдарын пайдалана отырып қалыптастырылады.

3. Бірыңғай дерекқорды Қағидаларға сәйкес уәкілетті органдар және (немесе) сараптама мекемелері электрондық түрде ұсынатын мәліметтер негізінде Комиссия қалыптастырады және жүргізеді.

Уәкілетті органдар және (немесе) сараптама мекемелері бірыңғай дерекқорға енгізу үшін мәліметтерді ұсынуды уәкілетті органның және (немесе) сараптама мекемесінің тиісті шешімі қабылданған не мүше мемлекеттің сот органының шешімі күшіне енген күннен бастап 5 жұмыс күнінен кешіктірмей жүзеге асырады.

4. Бірыңғай дерекқорды қалыптастыру, жүргізу және пайдалану процесінде уәкілетті органдар және (немесе) сараптама мекемелері арасындағы, сондай-ақ уәкілетті органдар және (немесе) сараптама мекемелері мен Комиссия арасындағы ақпараттық өзара іс-қимыл Одақ шеңберінде тиісті жалпы процесті интеграцияланған жүйе құралдарымен іске асыру арқылы жүзеге асырылады.

5. Бірыңғай дерекқорды қалыптастыру, жүргізу және пайдалану мыналарды қамтиды:

а) Комиссияның уәкілетті органдардан және (немесе) сараптама мекемелерінен сапалы деп танылған ветеринариялық дәрілік препараттар немесе оларға қатысты уәкілетті органдар Одақтың кедендік аумағында олардың сапасыздығына, бұрмалануына және (немесе) шығарылған жерінің контрафактілік сипатына байланысты айналымнан алу немесе айналымды тоқтата тұру туралы шешім қабылдаған ветеринариялық дәрілік препараттар туралы өзекті мәліметтердің интеграцияланған жүйе құралдарын пайдалана отырып алуы;

б) Комиссияның уәкілетті органдар және (немесе) сараптама мекемелері ұсынған мәліметтерді бірыңғай дерекқорға енгізуі;

в) Комиссияның бірыңғай дерекқорда қамтылған мәліметтерді Одақтың ақпараттық порталында ақпараттық-телекоммуникациялық "Интернет" желісінде жариялауы;

г) бірыңғай дерекқорда қамтылған мәліметтерді Комиссияның өзектілендіруі;

д) бірыңғай дерекқорда қамтылған мәліметтерді сақтау;

е) бірыңғай дерекқордағы мәліметтерді санкцияланбаған қол жеткізуден қорғауды қамтиды;

ж) бірыңғай дерекқорда қамтылған мәліметтерге қол жеткізуді ұсыну.

6. Уәкілетті органдар бірыңғай дерекқорға енгізу үшін ұсынылатын мәліметтердің анықтығы үшін жауапты болады.

7. Бірыңғай дерекқорда мынадай мәліметтер болуға тиіс:

а) аумағында сапалы ветеринариялық дәрілік препараттың сериясы (партиясы) айналымға түсетін мүше мемлекеттің коды мен атауы, сапасыз, жалған және (немесе) контрафактілік ветеринариялық дәрілік препараттың сериясы (партиясы) анықталды;

б) ветеринариялық дәрілік препараттың саудалық атауы;

в) Одақтың ветеринариялық дәрілік препараттарының тізіліміне сәйкес ветеринариялық дәрілік препараттың тіркеу нөмірі (сапалы немесе сапасыз деп танылған ветеринариялық дәрілік препараттар (немесе олардың сериялары) үшін толтырылады);

г) ветеринариялық дәрілік препараттың мәртебесі:

"еркін айналым" – (сапалы деп танылған ветеринариялық дәрілік препараттар үшін);

"фальсификат" – (фальсификацияланған ветеринариялық дәрілік препараттар үшін);

"контрафакт" – (контрафактілік ветеринариялық дәрілік препараттар үшін);

"препараттың айналымы тоқтатылды" – (сапасыз деп танылған ветеринариялық дәрілік препараттар үшін);

"серияның айналымы тоқтатылды" – (сапасыз деп танылған ветеринариялық дәрілік препараттар сериясы үшін);

"препарат айналымнан алынды" – (сапасыз деп танылған ветеринариялық дәрілік препараттар үшін);

"сериясы айналымнан алынды" – (сапасыз деп танылған ветеринариялық дәрілік препараттар сериясы үшін);

д) халықаралық патенттелмеген атауы (бар болса) немесе ол болмаған кезде жалпы қабылданған (топтастырылған) атауы не химиялық атауы (құрамдастырылған ветеринариялық дәрілік препараттар үшін "," белгісі арқылы фармацевтикалық субстанциялардың атаулары көрсетіледі);

е) дәрілік нысаны;

ж) ветеринариялық дәрілік препаратты шығару нысаны;

з) ветеринариялық дәрілік препарат сериясының нөмірі (бар болса);

и) ветеринариялық дәрілік препаратты өндіру күні (бар болса);

к) ветеринариялық дәрілік препараттың жарамдылық мерзімі өтет3н күні (айы);

л) ветеринариялық дәрілік препаратты өндірушінің атауы;

м) аумағында ветеринариялық дәрілік препаратты өндіруші орналасқан мүше мемлекеттің коды және атауы;

н) ветеринариялық дәрілік препараттың құқық иеленушісінің атауы (Одақтың ветеринариялық дәрілік препараттар тізіліміндегі мәліметтерге сәйкес);

о) сапасыз, жалған және (немесе) контрафактілік ветеринариялық дәрілік препарат анықталған ұйымның атауы, оның орналасқан жері (заңды тұлғаның мекенжайы) және қызметті жүзеге асыру орнының мекенжайы (мекенжайлары әртүрлі болған жағдайда) – заңды тұлға үшін немесе қызметті жүзеге асыру орнының тегі, аты және әкесінің аты (бар болса), тұрғылықты жері және мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін не сапасыз, жалған және (немесе) контрафактілік ветеринариялық дәрілік препаратты анықтаған мүше мемлекет органының атауы (сапалы деп танылған ветеринариялық дәрілік препараттар үшін толтырылмайды);

п) сәйкессіздіктер анықталған ветеринариялық дәрілік затқа арналған нормативтік құжатта белгіленген көрсеткіштер тізбесі немесе ветеринариялық дәрілік препараттың бұрмалау және (немесе) контрафактілік шығу тегі белгілерінің қысқаша сипаттамасы (сапалы деп танылған ветеринариялық дәрілік препараттар үшін толтырылмайды);

р) жалған және (немесе) контрафактілі ветеринариялық дәрілік препарат қаптамасының фотосуреті (jpeg немесе bmp немесе gif немесе png форматында дәлдігі 1027х1500 пиксельден немесе 300 dpi-ден төмен болмайтын файлды қоса отырып) (сапалы деп танылған ветеринариялық дәрілік препараттар үшін толтырылмайды).

8. Мына:

а) уәкілетті орган және (немесе) сараптама мекемесі өз шешімінің күшін жойған немесе оны өзгерткен;

б) мүше мемлекеттің сот органы уәкілетті органның және (немесе) сараптама мекемесінің шешімінің заңсыздығын таныған жағдайларда, бірыңғай дерекқордағы ветеринариялық дәрілік препараттар туралы мәліметтер осындай мәліметтер алынған күннен бастап 5 жұмыс күнінен кешіктірілмей түзетуге жатады.

9. Уәкілетті орган сапалы және (немесе) сапасыз деп танылған, жалған және (немесе) контрафактілік ветеринариялық дәрілік препарат туралы мәліметтердің бірыңғай дерекқорында түзету туралы шешім қабылдаған кезде тиісті мәліметтер осындай шешім қабылданған не мүше мемлекеттің сот органының шешімі күшіне енген күннен бастап 5 жұмыс күнінен кешіктірілмей интеграцияланған жүйенің құралдарын пайдалана отырып Комиссияға беріледі.

10. Бірыңғай дерекқорда қамтылған мәліметтер ашық және жалпыға қолжетімді болып табылады.

11. Мүдделі тұлғалардың сұрау салулары бойынша бірыңғай дерекқорда қамтылған мәліметтерді (ресми үзінді-көшірмені), оның ішінде электрондық түрде ұсынуды мүше мемлекеттің заңнамасына сәйкес уәкілетті органдар және (немесе) сараптама мекемесі жүзеге асырады.

III. Мүше мемлекеттердің аумақтарында ветеринариялық дәрілік препараттарды қолдану кезінде анықталған жануарлардағы қолайсыз реакциялар туралы бірыңғай ақпараттық дерекқорды қалыптастыру, жүргізу және пайдалану тәртібі

1. Осы Тәртіп мүше мемлекеттердің аумақтарында анықталған ветеринариялық дәрілік препараттарды қолдану жөніндегі нұсқаулықтарда көрсетілмеген қолайсыз реакциялар, оның ішінде жанама әсерлер туралы бірыңғай ақпараттық дерекқорды (бұдан әрі – бірыңғай дерекқор) қалыптастыру, жүргізу және пайдалану қағидаларын айқындайды.

2. Бірыңғай дерекқор мынадай мәліметтерді қамтитын жалпы ақпараттық ресурс болып табылады:

а) валидті ретінде бағаланған ветеринариялық дәрілік препараттарды қолдану кезінде мүше мемлекеттердің аумақтарында анықталған қолайсыз реакциялар туралы мәліметтер;

б) ветеринариялық дәрілік препараттарды қолдану жөніндегі нұсқаулықтарда көрсетілмеген, мүше мемлекеттердің аумақтарында анықталған жанама әсерлер туралы мәліметтер.

Бірыңғай дерекқор уәкілетті органдар және (немесе) сараптама мекемелері арасындағы, сондай-ақ уәкілетті органдар мен Комиссия арасындағы ақпараттық өзара іс-қимыл негізінде интеграцияланған жүйе құралдарын пайдалана отырып қалыптастырылады.

3. Бірыңғай дерекқорды интеграцияланған жүйенің құралдарын электрондық түрде пайдалана отырып, уәкілетті органдар және (немесе) сараптама мекемелері ұсынатын мәліметтер негізінде Комиссия қалыптастырады және жүргізеді.

Уәкілетті органдардың және (немесе) сараптама мекемелерінің бірыңғай дерекқорға мәліметтерді ұсынуы осындай мәліметтерді алған күннен бастап 5 жұмыс күнінен кешіктірілмей жүзеге асырылады.

Уәкілетті органдар интеграцияланған жүйе құралдарын пайдалана отырып, ветеринариялық дәрілік препараттарды қолдану кезінде анықталған қолайсыз реакциялар және ветеринариялық дәрілік препараттарды қолдану жөніндегі нұсқаулықтарда көрсетілмеген жанама әсерлер анықталған жағдайлар туралы осындай мәліметтерді алған күннен бастап 5 жұмыс күні ішінде бірін бірі хабардар етеді.

4. Бірыңғай дерекқорды қалыптастыру, жүргізу және пайдалану процесінде уәкілетті органдар және (немесе) сараптама мекемелері арасындағы, сондай-ақ уәкілетті органдар және (немесе) сараптама мекемелері мен Комиссия арасындағы ақпараттық өзара іс-қимыл Одақ шеңберінде тиісті жалпы процесті интеграцияланған жүйе құралдарымен іске асыру арқылы жүзеге асырылады.

5. Бірыңғай дерекқорды қалыптастыру, жүргізу және пайдалану мыналарды қамтиды:

а) Комиссияның уәкілетті органдардан (немесе) сараптама мекемелерінен бірыңғай дерекқорға енгізу үшін ұсынылатын ветеринариялық дәрілік препараттарды қолдану жөніндегі нұсқаулықтарда көрсетілмеген ветеринариялық дәрілік препараттарды қолдану кезінде анықталған қолайсыз реакциялар, жанама әсерлер туралы өзекті мәліметтерді алуы;

б) Комиссияның Одақтың ақпараттық порталындағы бірыңғай дерекқордағы мәліметтерді ақпараттық-телекоммуникациялық "Интернет" желісінде жариялауы;

в) бірыңғай дерекқорда қамтылған мәліметтерді Комиссияның өзектілендіруі;

г) бірыңғай дерекқордағы мәліметтерді сақтау;

д) бірыңғай дерекқордағы мәліметтерді санкцияланбаған қол жеткізуден қорғау;

е) бірыңғай деректер базасында қамтылған мәліметтерге қолжетімділік ұсыну.

6. Уәкілетті органдар бірыңғай дерекқорға енгізу үшін ұсынылатын мәліметтердің анықтығы үшін жауапты болады.

7. Бірыңғай дерекқор мынадай мәліметтерді қамтиды:

а) ветеринариялық дәрілік препараттың саудалық атауы;

б) Одақтың ветеринариялық дәрілік препараттарының тізіліміне сәйкес ветеринариялық дәрілік препараттың тіркеу нөмірі;

в) дәрілік нысаны;

г) ветеринариялық дәрілік препараттың дозасы;

д) ветеринариялық дәрілік препараттың шығарылу нысаны;

е) ветеринариялық дәрілік препараттың қаптамасында көрсетілген ветеринариялық дәрілік препарат сериясының нөмірі;

ж) ветеринариялық дәрілік препаратты өндірушінің атауы;

з) ветеринариялық дәрілік препараттарды қолдану кезінде анықталған жағымсыз реакцияның немесе ветеринариялық дәрілік препаратты қолдану жөніндегі нұсқаулықта көзделмеген жанама әсердің сипаттамасы;

и) ұсынылатын деректердің ақпараттық мәртебесі ("жағымсыз реакция", "жағымсыз күтпеген реакция", "жағымсыз елеулі реакция", "жанама әсер", "ветеринариялық дәрілік препаратты қолдану жөніндегі нұсқаулықта көрсетілмеген жанама әсер", "ветеринариялық дәрілік препараттың тиімсіздігі", "жеке төзімсіздік" және "өзге").

8. Бірыңғай дерекқорда қамтылған мәліметтер ашық және жалпыға қолжетімді болып табылады.

9. Мүдделі тұлғалардың сұрау салулары бойынша бірыңғай дерекқорда қамтылған мәліметтерді (ресми үзінді), оның ішінде электрондық түрде беруді мүше мемлекеттің заңнамасына сәйкес уәкілетті органдар жүзеге асырады.

IV. Өндірісі Одақтың тиісті өндірістік практика қағидаларының талаптарына сәйкес деп танылған ветеринариялық дәрілік заттарды өндірушілердің бірыңғай тізілімін қалыптастыру, жүргізу және пайдалану тәртібі

1. Осы Тәртіп Еуразиялық экономикалық комиссия Кеңесінің 2016 жылғы 3 қарашадағы № 77 шешімімен бекітілген Одақтың тиісті өндірістік практика қағидаларының талаптарына сәйкес деп танылған мүше мемлекеттер мен үшінші елдердің ветеринариялық дәрілік заттар өндірушілерінің (бұдан әрі тиісінше – өндірушілер тізілімі, Тиісті практика қағидалары) бірыңғай тізілімін қалыптастыру, жүргізу және пайдалану рәсімін айқындайды.

Осы Тәртіп өндірісі Тиісті практика қағидаларының талаптарына сәйкес деп танылған ветеринариялық дәрілік заттарды өндірушілердің бірыңғай есебін қамтамасыз ету және адамдардың шектеусіз тобына осы өндірушілер туралы мәліметтер беру мақсатында қолданылады.

2. Өндірушілер тізілімі уәкілетті органдар және (немесе) сараптама мекемелері мен Комиссия арасындағы ақпараттық өзара іс-қимыл негізінде интеграцияланған жүйені пайдалана отырып қалыптастырылатын Тиісті практика қағидаларының талаптарына сәйкес деп танылған мүше мемлекеттер мен үшінші елдердің ветеринариялық дәрілік заттарды өндірушілері туралы мәліметтерді қамтитын жалпы ақпараттық ресурс болып табылады.

3. Өндірушілердің тізілімін Қағидаларға сәйкес уәкілетті органдар және (немесе) сараптама мекемелері ұсынатын мәліметтер негізінде Комиссия қалыптастырады және жүргізеді.

4. Өндірушілер тізілімін қалыптастыру, жүргізу және пайдалану процесінде уәкілетті органдар және (немесе) сараптама мекемелері арасындағы, сондай-ақ уәкілетті органдар және (немесе) сараптама мекемелері мен Комиссия арасындағы ақпараттық өзара іс-қимыл Одақ шеңберінде тиісті жалпы процесті интеграцияланған жүйе құралдарымен іске асыру арқылы жүзеге асырылады.

5. Өндірушілер тізілімін қалыптастыру, жүргізу және пайдалану мыналарды қамтиды:

а) өндірушілердің тізіліміне енгізу үшін Комиссияның уәкілетті органдардан және (немесе) сараптама мекемелерінен өндірісі Тиісті практика қағидаларының талаптарына сәйкес деп танылған мүше мемлекеттер мен үшінші елдердің ветеринариялық дәрілік заттарды өндірушілері туралы өзекті мәліметтерді алуы;

б) Комиссияның ақпараттық-телекоммуникациялық "Интернет" желісінде Одақтың ақпараттық порталында өндірушілер тізілімінде қамтылған мәліметтерді жариялауы;

в) өндірушілер тізілімінде қамтылған мәліметтерді Комиссияның өзектілендіруі;

г) өндірушілер тізілімінде қамтылған мәліметтерді сақтау

д) өндірушілер тізілімінде қамтылған мәліметтерді рұқсатсыз қол жеткізуден қорғау;

е) өндірушілер тізілімінде қамтылған мәліметтерге қолжетімділік ұсыну.

6. Уәкілетті органдар және (немесе) сараптама мекемелері өндірушілердің тізіліміне енгізілген мәліметтердің анықтығы үшін жауапты болады.

7. Өндірушілер тізілімі мынадай мәліметтерді қамтиды:

а) ветеринариялық дәрілік затты өндірушінің атауы (құрылтай құжаттарына сәйкес);

б) ветеринариялық дәрілік затты өндірушінің орналасқан жері (заңды тұлғаның мекенжайы немесе дара кәсіпкер ретінде тіркелген жеке тұлғаның тұрғылықты мекен-жайы) және Тиісті практика қағидаларына сәйкес деп танылған барлық өндірістік алаңдардың мекенжайы (мекенжайлары);

в) өндірілетін ветеринариялық дәрілік препараттардың дәрілік нысандары;

г) фармацевтикалық инспекцияға бастамашы болған уәкілетті органның коды мен атауы;

д) фармацевтикалық инспекция жүргізу күні;

е) ветеринариялық дәрілік заттар өндірісінің Тиісті практика қағидаларының талаптарына сәйкестігін растау сертификатының (бұдан әрі – сертификат) қолданылу мерзімі (күні – екі араб цифрымен, айы – екі араб цифрымен, жылы – төрт араб цифрымен);

ж) сертификат (құжат файлын pdf форматында қоса отырып);

з) сертификат мәртебесі:

"қолданыста";

"кері қайтарып алынды";

"қолданылауы тоқтатылды";

"қолданылуы тоқтатып қойылды".

и) жүргізілген (өткізілген) фармацевтикалық инспекция (фармацевтикалық инспекциялар) туралы есеп (есептер) (құжат файлын (құжат файлдарын) pdf форматында қоса отырып).

8. Уәкілетті органдар және (немесе) сараптама мекемелері өндірісі Тиісті практика қағидаларының талаптарына сәйкес деп танылған мүше мемлекеттер мен үшінші елдердің ветеринариялық дәрілік заттарды өндірушілері туралы мәліметтерді түзету туралы шешім қабылдаған кезде тиісті мәліметтер осындай шешім қабылданған не мүше мемлекеттің сот органының шешімі күшіне енген күннен бастап 5 жұмыс күнінен кешіктірілмей интеграцияланған жүйе құралдарын пайдалана отырып, өндірушілер тізіліміне енгізіледі.

9. Уәкілетті органдар және (немесе) сараптама мекемелері интеграцияланған жүйе құралдарын пайдалана отырып, өндірісі Тиісті практика қағидаларының талаптарына сәйкес деп танылған мүше мемлекеттер мен үшінші елдердің ветеринариялық дәрілік заттарды өндірушілері туралы осындай мәліметтерді алған күннен бастап 5 жұмыс күні ішінде бірін бірі хабардар етеді.

10. Осы Тәртіптің 7-тармағының "и" тармақшасында көрсетілген, жариялануға жатпайтын және уәкілетті органдар және (немесе) сараптама мекемелері, сондай-ақ Комиссия үшін ғана қолжетімді мәліметтерді қоспағанда, өндірушілер тізілімінде қамтылған мәліметтер ашық және жалпыға қолжетімді болып табылады.

11. Мүдделі тұлғалардың сұрау салулары бойынша өндірушілердің тізілімінде қамтылған мәліметтерді (ресми үзінді), оның ішінде электрондық түрде ұсынуды мүше мемлекеттің заңнамасына сәйкес уәкілетті органдар жүзеге асырады.

V. Еуразиялық экономикалық одақтың ветеринариялық дәрілік заттар айналымы саласындағы фармацевтикалық инспекторларының бірыңғай тізілімін қалыптастыру, жүргізу және пайдалану тәртібі

1. Осы Тәртіп Одақтың фармацевтикалық инспекторларының ветеринариялық дәрілік заттар айналымы саласындағы бірыңғай тізілімін (бұдан әрі – Одақтың фармацевтикалық инспекторларының тізілімі) қалыптастыру, жүргізу және пайдалану рәсімін айқындайды.

Осы Тәртіп ветеринариялық дәрілік заттардың айналымы саласындағы фармацевтикалық инспекторлар (бұдан әрі – фармацевтикалық инспектор) туралы мәліметтерді бірыңғай есепке алуды және жүйелеуді қамтамасыз ету және осы мәліметтерді шектеусіз тұлғалар тобына беру мақсатында қолданылады.

2. Одақтың фармацевтикалық инспекторларының тізілімі уәкілетті орган және (немесе) сараптама мекемесі мен Комиссия арасындағы ақпараттық өзара іс-қимыл негізінде интеграцияланған ақпараттық жүйе құралдарын пайдалана отырып қалыптастырылатын фармацевтикалық инспекторлар туралы мәліметтерді қамтитын ортақ ақпараттық ресурс болып табылады.

3. Одақтың фармацевтикалық инспекторларының тізілімін Қағидаларға сәйкес Комиссия қалыптастырады және жүргізеді.

4. Уәкілетті органдар және (немесе) сараптама мекемелері арасындағы, сондай-ақ уәкілетті органдар және (немесе) сараптама мекемелері мен Комиссия арасындағы Одақтың фармацевтикалық инспекторларының тізілімін қалыптастыру, жүргізу және пайдалану процесінде ақпараттық өзара іс-қимыл интеграцияланған ақпараттық жүйе құралдарымен Одақ шеңберіндегі жалпы процесті іске асыру арқылы жүзеге асырылады.

5. Одақтың фармацевтикалық инспекторларының тізілімін қалыптастыру, жүргізу және пайдалану мыналарды қамтиды:

а) Комиссияның уәкілетті органдардан және (немесе) сараптама мекемелерінен Қағидаларға сәйкес аттестаттаудан өткен фармацевтикалық инспекторлар туралы мәліметтерді Одақтың фармацевтикалық инспекторларының тізіліміне алуы;

б) Комиссияның одақтың фармацевтикалық инспекторларының тізіліміндегі мәліметтерді ақпараттық-телекоммуникациялық "Интернет" желісінде Одақтың ақпараттық порталында жариялауы;

в) Комиссияның Одақтың фармацевтикалық инспекторларының тізілімінде қамтылған мәліметтерді өзектілендіруі;

г) Одақтың фармацевтикалық инспекторларының тізілімінде қамтылған мәліметтерді сақтау;

д) Одақтың фармацевтикалық инспекторларының тізіліміндегі мәліметтерді санкцияланбаған қол жеткізуден қорғауды қамтамасыз етуге міндетті;

е) Одақтың фармацевтикалық инспекторларының тізілімінде қамтылған мәліметтерге қолжетімділік ұсыну.

6. Уәкілетті органдар және (немесе) сараптама мекемелері Одақтың фармацевтикалық инспекторларының тізіліміне енгізілген фармацевтикалық инспекторлар туралы мәліметтердің анықтығы үшін жауапты болады.

7. Одақтың фармацевтикалық инспекторларының тізілімі фармацевтикалық инспектор туралы мынадай мәліметтерді қамтиды:

а) мәліметтерді енгізген мүше мемлекеттің коды және атауы;

б) фармацевтикалық инспектордың тегі, аты, әкесінің аты (бар болса);

в) фармацевтикалық инспектордың байланыс мәліметтері: телефон нөмірі және электрондық пошта мекенжайы;

г) фармацевтикалық инспектордың жоғары кәсіптік білімі туралы мәліметтер (бітірген жылы; оқу орнының атауы; дипломға сәйкес мамандықтың атауы);

д) фармацевтикалық инспектордың жұмыс орны туралы мәліметтер:

мүше мемлекеттің заңды тұлғалар тізілімінде заңды тұлғаның ұйымдық-құқықтық нысаны мен бірегей сәйкестендіргіші көрсетілген заңды тұлғаның толық және қысқартылған атауы;

қызметті жүзеге асыру орнының орналасқан жері (заңды тұлғаның мекенжайы) және мекенжайы (мекенжайлары) (мекенжайлары әртүрлі болған жағдайда);

байланыс мәліметтері: заңды тұлғаның телефон және факс нөмірлері, электрондық поштасының мекенжайы;

е) фармацевтикалық инспекторға аттестаттау немесе қайта аттестаттау жүргізу күні;

ж) біліктілікті арттыру курстарынан өткені туралы мәліметтер (бітірген жылы; оқу сағаттарының саны; оқытуды жүргізген ұйымның атауы; оқыту курсының атауы);

з) Қағидалардың талаптарына сәйкес әрбір қызметкерге (фармацевтикалық инспекторға) аттестаттау (қайта аттестаттау) жүргізу үшін құжаттар жиынтығын қалыптастыру кезінде уәкілетті орган немесе сараптама мекемесі ұсынған сауалнама (сауалнама файлын pdf форматында қоса отырып);

и) Қағидалардың талаптарына сәйкес аттестатталушының (қайта аттестатталушының) тегі, аты, әкесінің аты (бар болса), оның лауазымының атауы, аттестаттау комиссиясы отырысының күні, дауыс беру нәтижелері және аттестаттау комиссиясы қабылдаған шешім туралы мәліметтерді қамтитын хаттамадан үзінді көшірме (хаттаманың pdf форматындағы үзінді файлын қоса бере отырып).

8. Уәкілетті органдар және (немесе) сараптама мекемелері фармацевтикалық инспектор туралы мәліметтерді түзету туралы шешім қабылдаған кезде тиісті мәліметтер интеграцияланған жүйе құралдарын пайдалана отырып, Одақтың фармацевтикалық инспекторларының тізіліміне осындай шешім қабылданған күннен бастап 5 жұмыс күнінен кешіктірілмей енгізіледі.

9. Одақтың фармацевтикалық инспекторларының тізілімінде қамтылған мәліметтер, жариялануға жатпайтын және уәкілетті органдар және (немесе) сараптама мекемелері, сондай-ақ комиссиялар үшін ғана қолжетімді, осы Тәртіптің 7-тармағының "з", "и" тармақшаларында көрсетілген мәліметтерді қоспағанда, ашық және жалпыға қолжетімді болып табылады.

10. Мүдделі тұлғалардың сұрау салулары бойынша Одақтың фармацевтикалық инспекторларының тізілімінде қамтылған мәліметтерді (ресми үзінді), оның ішінде электрондық түрде ұсынуды мүше мемлекеттің заңнамасына сәйкес уәкілетті органдар жүзеге асырады.

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 6 ҚОСЫМША

Тіркелген ветеринариялық дәрілік препараттың тіркеу дерекнамасына өзгерістер енгізу үшін қажетті құжаттар

ТІЗБЕСІ

I. Тіркелген ветеринариялық дәрілік препараттың тіркеу дерекнамасындағы құжаттарға енгізілетін, сараптама жүргізуді талап етпейтін өзгерістер

1. Ветеринариялық дәрілік препарат атауының өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) қолданыстағы құжаттардың: ветеринариялық дәрілік затқа арналған нормативтік құжаттың, ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің көшірмелері;

г) ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың, ветеринариялық дәрілік препараттың жаңа атауы көрсетілген бастапқы және бар болса, екінші қаптамалар макеттерінің жобалары.

2. Өндіріс орны өзгермей, өндіруші атауының өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) өндіріс орнының мекенжайы өзгермегенін растай отырып, енгізілетін өзгерістердің негіздемесі;

г) қолданыстағы құжаттардың: ветеринариялық дәрілік затқа арналған нормативтік құжаттың, ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің көшірмелері;

д) ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың, өндірушінің жаңа атауы көрсетілген бастапқы және бар болса, екінші қаптамалар макеттерінің жобалары.

3. Ветеринариялық дәрілік препараттың құқық иеленушісінің өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) ветеринариялық дәрілік препараттың құқық иеленушісінің ауысқанын растайтын, белгіленген тәртіппен куәландырылған құқық белгілейтін құжаттардың көшірмелері.

4. Ветеринариялық дәрілік препараттың сапасына, тиімділігі мен қауіпсіздігіне әсер етпейтін ветеринариялық дәрілік препаратты өндіру технологиясындағы өзгерістер.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) өндіріс технологиясындағы өзгерістерді көрсете отырып, өндірістің технологиялық схемасы және сипаттамасы;

д) ветеринариялық дәрілік препарат өзгерген жағдайда оның өндірістік сериясының материалдық балансы;

е) ветеринариялық дәрілік препараттың құқық иеленушісінің ветеринариялық дәрілік препараттың ерекшелігі мен сапасын бақылау әдістерінде өзгерістердің жоқтығы туралы кепілдік хаты;

ж) өндіріс процесінде мәлімделген өзгерістер кезінде өндірілген ветеринариялық дәрілік препараттың сапа сертификаты (талдамалық паспорт).

5. Еуразиялық экономикалық одақтың (бұдан әрі – Одақ) құқығын құрайтын актілердің және одаққа мүше мемлекеттердің (бұдан әрі – мүше мемлекеттер) заңнамасының ветеринариялық дәрілік препараттың сапасына, тиімділігі мен қауіпсіздігіне әсер етпейтін қызмет түрлері бойынша қолданысқа енгізілуіне байланысты енгізілетін өзгерістер.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің ветеринариялық дәрілік препараттың сапасына, тиімділігіне және қауіпсіздігіне әсер етпейтінін растайтын енгізілетін өзгерістердің негіздемесі;

г) ветеринариялық дәрілік затқа арналған қолданыстағы нормативтік құжаттың көшірмесі;

д) ветеринариялық дәрілік препаратты, ветеринариялық дәрілік затқа арналған нормативтік құжатты, бастапқы макеттерді және олар өзгерген жағдайда екінші қаптамалар болған кезде қолдану жөніндегі нұсқаулықтың жобалары.

6. Ветеринариялық дәрілік препараттың сапасын бақылау әдістері мен көрсеткіштері өзгермей, әсер етуші заттың және (немесе) қосалқы заттың ерекшелігіндегі және (немесе) талдау рәсіміндегі өзгеріс.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістер ветеринариялық дәрілік препарат сапасының нашарлауына алып келмейтінін растайтын енгізілетін өзгерістердің негіздемесі;

г) ветеринариялық дәрілік затқа арналған нормативтік құжаттың көшірмелері;

д) қолданыстағы және (немесе) қосалқы затты талдаудың өзгертілген рәсімінің ерекшелігі мен сипаттамасы;

е) валидация бойынша есеп – ұсынылған сандық талдау әдісі фармакопеяда сипатталмаған жағдайда;

ж) талдау рәсіміне өзгерістер енгізілгенге дейін және енгізілгеннен кейін нәтижелері бар қолданыстағы және (немесе) қосалқы заттың сапа сертификаты (талдамалық паспорт).

7. Ветеринариялық дәрілік препараттың сапа көрсеткіштері мен бақылау әдістерін өзгертпей бастапқы қаптаманы бақылау әдістері мен сапа талаптарының өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) бастапқы қаптаманың сапасын бақылаудың өзгертілген рәсімінің ерекшелігі мен сипаттамасы;

д) бастапқы қаптаманы талдау рәсіміне өзгерістер енгізілгенге дейін және одан кейін бастапқы қаптаманы талдау нәтижелері бар сапа сертификаты (талдамалық паспорт).

8. Бастапқы және қайталама қаптамалар болған кезде бастапқы типін және материалын өзгертпей өлшеп-ораудың жаңа түрін өзгерту немесе қосу.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) қолданыстағы құжаттардың: ветеринариялық дәрілік затқа арналған нормативтік құжаттың; ветеринариялық дәрілік препаратты қолдану жөніндегі нұсқаулықтың және бастапқы және ветеринариялық дәрілік препараттың екінші қаптамасы болса, оның макеттерінің көшірмелері;

д) ветеринариялық дәрілік затқа арналған нормативтік құжаттың, ветеринариялық дәрілік препаратты қолдану жөніндегі нұсқаулықтың және ветеринариялық дәрілік препараттың бастапқы және бар болса, екінші қаптамалары макеттерінің жобалары.

9. Ветеринариялық дәрілік препараттың екінші қаптамасының өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың және ветеринариялық дәрілік препараттың екінші қаптамасының макеттерінің көшірмелері;

д) екінші қаптаманың фотосуреті және сипаттамасы;

е) жаңа екінші қаптамаға сапа сертификаты (талдамалық паспорт);

ж) енгізілген өзгерістері бар ветеринариялық дәрілік препаратты қолдану жөніндегі нұсқаулықтың жобасы (қажет болған жағдайда жаңа екінші қаптаманы сипаттау);

з) екінші қаптама макеттерінің жобасы;

и) ветеринариялық дәрілік затқа өзгертілген екінші қаптама туралы ақпарат енгізілген жағдайда, нормативтік құжаттың жобасы.

10. Бастапқы және бар болса, екінші қаптамалар макеттерінің дизайнын өзгерту.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) бастапқы және бар болса, екінші қаптамалардың қолданыстағы макеттерінің көшірмелері;

г) жаңа дизайндағы бастапқы және бар болса, екінші қаптамалар макеттерінің жобалары.

11. Ветеринариялық дәрілік препаратты қолдану көрсетілімдерінің бірін, жануарларға ветеринариялық дәрілік препаратты, жануарлар түрлерінің бірін енгізу тәсілдерінің бірін алып тастау.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің уәжделген негіздемесі;

г) ветеринариялық дәрілік препаратты, бастапқы және қайталама қаптамалары бар макеттерді қолдану жөніндегі нұсқаулықтың жобалары.

II. Сапа сараптамасын жүргізуді талап ететін тіркелген ветеринариялық дәрілік препараттың тіркеу дерекнамасындағы құжаттарға енгізілетін өзгерістер

12. Ветеринариялық дәрілік препараттың өндірушісін және (немесе) өндірістік алаңын өзгерту және (немесе) қосу.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) ветеринариялық дәрілік препарат құқық иеленушісінің жаңа өндірістік алаңның өзгеруіне және (немесе) қосылуына байланысты ветеринариялық дәрілік препарат сапасында өзгерістердің болмауы туралы кепілдік хаты;

д) ветеринариялық дәрілік затқа арналған нормативтік құжаттың көшірмесі;

е) жаңа өндіруші және (немесе) жаңа өндірістік алаң туралы мәліметтер: атауы; оның орналасқан жері (заңды тұлғаның мекенжайы) және өндіріс орнының мекенжайы (мекенжайлар әртүрлі жағдайда); жаңа өндіруші және (немесе) жаңа өндірістік алаң жүзеге асыратын өндірістік процесс сатыларын көрсету;

ж) әрбір жаңа өндірістік алаң үшін өндіруші елдің ветеринариялық дәрілік заттар айналымы саласындағы уәкілетті органы берген, белгіленген тәртіппен куәландырылған және өндірушінің Еуразиялық экономикалық комиссия Кеңесінің 2016 жылғы 3 қарашадағы № 77 шешімімен бекітілген Одақтың тиісті өндірістік практика қағидаларының талаптарына сәйкестігін растайтын құжаттың (бұдан әрі – Тиісті практика қағидалары) көшірмесі және ветеринариялық дәрілік препаратты өндіру құқығына лицензияның көшірмесі;

з) аралық өнімнің сапасын бақылауды қоса алғанда, жаңа өндірушінің немесе ветеринариялық дәрілік препараттың жаңа өндірістік алаңында өндірудің технологиялық процесінің схемасы;

и) жаңа өндіруші өндірген немесе жаңа өндірістік алаңда өндірілген ветеринариялық дәрілік препараттың тұрақтылығы туралы деректер. Ұсынылған жағдайларда сыналатын үлгілерді алу шамасына қарай сақтау кезінде алынған тұрақтылық туралы деректерді кейіннен ұсыну міндеттемесімен, жеделдетілген зерттеу (сынақ) кезінде және сыналатын үлгілерді ұсынылған жағдайларда кемінде 6 ай бойы сақтау кезінде тұрақтылықты зерделеу туралы деректерді ұсынуға жол беріледі;

к) жаңа өндіруші өндірген немесе жаңа өндірістік алаңда өндірілген ветеринариялық дәрілік препарат сапасының сәйкестігін растайтын сапа сертификаты (Талдамалық паспорт);

л) жаңа өндіруші өндірген немесе жаңа өндірістік алаңда өндірілген мәлімделген қаптамадағы ветеринариялық дәрілік препараттың үлгілері;

м) ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың, жаңа өндіруші немесе жаңа өндірістік алаң көрсетілген бастапқы және бар болса, екінші қаптамалар макеттерінің жобалары.

13. Ветеринариялық дәрілік препаратты өндіру кезінде пайдаланылатын фармацевтикалық субстанция өндірушісінің өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) дәрілік препараттың құқық иеленушісіне өндірушінің өзгеруі фармацевтикалық субстанция сапасының төмендеуіне алып келмейтіні туралы кепілдік хат ұсынумен енгізілетін өзгерістердің негіздемесі;

г) ветеринариялық дәрілік препараттың құқық иеленушісінің өндіріс технологиясында және ветеринариялық дәрілік препараттың сапасын бақылау әдістерінде өзгерістердің болмауы туралы кепілдік хаты;

д) фармацевтикалық субстанцияның жаңа өндірушісі туралы мәліметтер (өндірушінің толық атауы; оның орналасқан жері (заңды тұлғаның мекенжайы) және өндіріс орнының мекенжайы (мекенжайлары әртүрлі болған жағдайда), телефоны, электрондық пошта мекенжайы);

е) фармацевтикалық субстанцияны өндіруші елдің ветеринариялық дәрілік заттар айналымы саласындағы уәкілетті органы берген, белгіленген тәртіппен куәландырылған және өндірушінің Тиісті өндірістік практика қағидаларының талаптарына сәйкестігін растайтын құжаттың көшірмесі және (немесе) фармацевтикалық субстанцияны өндіру құқығына лицензияның көшірмесі;

ж) бастапқы шикізаттың, аралық өнімді бақылауды және өндірістің шекті сатыларының, пайдаланылатын органикалық еріткіштерді көрсетуді қоса алғанда, фармацевтикалық субстанцияны жаңа өндірушінің өндірудің технологиялық процесінің сипаттамасы;

з) жаңа өндіруші өндірген фармацевтикалық субстанцияның сапа сертификаты (талдамалық паспорт);

и) жаңа өндіруші өндірген фармацевтикалық субстанцияның тұрақтылығы туралы деректер;

к) жаңа өндіруші өндірген фармацевтикалық субстанциялардың үлгілері;

л) сапа сертификаты бар жаңа өндірушінің фармацевтикалық субстанциясын пайдалана отырып өндірілген ветеринариялық дәрілік препараттың үлгілері.

14. Ветеринариялық дәрілік препарат өндірісінің технологиялық процесінің өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) ветеринариялық дәрілік затқа арналған қолданыстағы нормативтік құжаттың көшірмесі;

д) ветеринариялық дәрілік препарат өндірісінің технологиялық процесіндегі өзгерістерді сипаттамасы;

е) өндіріс технологиясы өзгерген кезде өндірілген ветеринариялық дәрілік препаратқа арналған ерекшелік; ерекшелікті өзгерту негіздемесі;

ж) өндіріс технологиясы өзгерген кезде өндірілген ветеринариялық дәрілік препараттың сапа сертификаты (талдамалық паспорт);

з) ветеринариялық дәрілік препаратты өндірудің технологиялық процесі өзгергеннен кейін өндірілген ветеринариялық дәрілік препараттың үлгілері.

15. Ветеринариялық дәрілік препараттың тиімділігі мен қауіпсіздігіне әсер етпейтін қосымша заттар (бояғыштар мен дәмдік қоспаларды қоса алғанда) құрамының өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) ветеринариялық дәрілік затқа арналған нормативтік құжаттың, ветеринариялық дәрілік препаратты қолдану жөніндегі нұсқаулықтың, бастапқы және қайталама қаптамалары бар макеттердің көшірмелері;

д) жаңа қосымша заттарға арналған сапа сертификаттары (талдамалық паспорттар);

е) жаңа қосымша заттарды бақылау әдістерінің сипаттамасы немесе фармакопеялық мақалаға сілтеме;

ж) бастапқы қаптаманың барлық түрлерінде қосымша заттардың жаңа құрамымен өндірілген ветеринариялық дәрілік препараттың тұрақтылығы туралы деректер;

з) қосымша заттардың токсикологиялық қасиеттерінің нашарлауына және (немесе) ветеринариялық дәрілік препараттың биожетімділігінің өзгеруіне әкеп соқпайтынын растайтын нақты деректерді ұсына отырып, ғылыми негіздемесі бар жаңа қосымша заттардың фармако-токсикологиялық қасиеттері бойынша өзіндік зерттеулердің (сынақтардың) нәтижелері немесе әдеби анықтама;

и) қосымша заттардың жаңа құрамымен өндірілген ветеринариялық дәрілік препараттың үлгілері;

к) ветеринариялық дәрілік препаратты қолдану жөніндегі нұсқаулықтың, қосымша заттардың жаңа құрамы бар ветеринариялық дәрілік затқа арналған нормативтік құжаттың, бастапқы және бар болса, екінші қаптама макеттерінің жобалары.

16. Ветеринариялық дәрілік затқа арналған нормативтік құжаттағы бақылау әдістеріне және (немесе) бақыланатын сапа көрсеткіштеріне қатысты өзгерістер.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің уәжделген негіздемесі;

г) ветеринариялық дәрілік затқа арналған қолданыстағы нормативтік құжаттың көшірмесі;

д) бақылаудың өзгертілген әдістерінің валидациясы туралы есеп;

е) өзгерістер енгізілетін барлық сапа көрсеткіштері мен бақылау әдістерінің сипаттамасын қамтитын ветеринариялық дәрілік затқа арналған нормативтік құжаттың жобасы немесе ветеринариялық дәрілік затқа арналған нормативтік құжаттың өзгерісінің жобасы;

ж) ветеринариялық дәрілік препараттың үлгілері және ветеринариялық дәрілік препараттың сапа сертификаты (талдамалық паспорт).

17. Сақтау шарттарын өзгертпей ветеринариялық дәрілік препараттың жарамдылық мерзімін ұлғайту.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың, бастапқы және бар болса, екінші қаптамалар макеттерінің көшірмелері;

д) бастапқы қаптаманың барлық мәлімделген түрлерінде ветеринариялық дәрілік препаратты сақтаудың табиғи жағдайларындағы тұрақтылық туралы, сақтау мерзімінің ұзартылуы ішінде ветеринариялық дәрілік препараттың тұрақтылығын растайтын деректер;

е) ветеринариялық дәрілік препаратты, ветеринариялық дәрілік затқа арналған нормативтік құжатты (қажет болған жағдайда), бастапқы және бар болса, екінші қаптамалар макеттерін қолдану жөніндегі нұсқаулықтың жобалары;

ж) жарамдылық мерзімі өтіп кеткен ветеринариялық дәрілік препараттың үлгілері (ветеринариялық дәрілік препаратты қолдану жөніндегі бекітілген нұсқаулықта көрсетілгеннен 20 %-дан аспайтын жарамдылық мерзімі қалған).

18. Тікелей дәрілік нысандағы таңбалардың, мөртабандар мен жазулардың өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) ветеринариялық дәрілік препараттың сыртқы түрінің сипаттамасына енгізілген өзгерістерімен бірге ветеринариялық дәрілік препаратты қолдану жөніндегі нұсқаулықтың жобасы;

д) ветеринариялық дәрілік заттың сыртқы түрінің сипаттамасына енгізілген өзгерістерімен бірге ветеринариялық дәрілік затқа арналған нормативтік құжаттың жобасы (немесе ветеринариялық дәрілік затқа арналған нормативтік құжаттың өзгеруі);

е) жаңа таңбалары және (немесе) мөртабандары және (немесе) таблеткалардағы қатері немесе капсулалардағы жазбалары бар ветеринариялық дәрілік препараттың үлгілері.

III. Тіркелген ветеринариялық дәрілік препараттың тіркеу дерекнамасындағы құжаттарға енгізілетін, күтілетін пайданың ветеринариялық дәрілік препаратты қолданудың ықтимал қатеріне қатынасына сараптама жүргізуді талап ететін өзгерістер

19. Қаптаманы алғаш ашқаннан кейін ветеринариялық дәрілік препараттың жарамдылық мерзімін ұлғайту.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың; бастапқы және бар болса, екінші қаптамалар макеттерінің көшірмелері;

д) қаптаманы алғаш ашқаннан кейін жарамдылық мерзімінің ұлғаюын растайтын қаптаманың барлық мәлімделген түрлеріндегі ветеринариялық дәрілік препараттың тұрақтылығы туралы деректер;

е) ветеринариялық дәрілік препаратты, бастапқы және қайталама қаптамалары бар макеттерді қолдану жөніндегі нұсқаулықтың жобалары.

20. Ветеринариялық дәрілік препаратты азықпен араластыру немесе тікелей қолдану үшін дайындалған ауыз суда еріту кезінде оның жарамдылық мерзімін ұлғайту.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) препаратты азықпен араластыру немесе тікелей қолдану үшін дайындалған ауыз суда еріту кезінде қолдануды көздейтін ветеринариялық дәрілік препаратты қолдану жөніндегі нұсқаулықтың көшірмесі;

д) ветеринариялық дәрілік препараттың жеммен араластырылған немесе ұлғайтылған уақыт кезеңі ішінде ауыз суда ерітілген кездегі тұрақтылығын растайтын ветеринариялық дәрілік препараттың тұрақтылығы туралы деректер;

е) ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің жобалары (қажет болған жағдайда).

21. Ветеринариялық дәрілік препараттың жарамдылық мерзімін өзгертпей, ветеринариялық дәрілік препаратты сақтау шарттарының өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың; ветеринариялық дәрілік затқа арналған нормативтік құжат пен бастапқы және бар болса, екінші қаптамалар макеттерінің көшірмелері;

д) сақтаудың өзгерген жағдайларында препараттың барлық жарамдылық мерзімі ішінде тұрақтылығын растайтын ветеринариялық дәрілік препараттың тұрақтылығы жөніндегі деректер (қаптаманың барлық мәлімделген түрлерінде);

е) ветеринариялық дәрілік препаратты сақтау шарттарына енгізілген өзгерістермен ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың, бастапқы және бар болса, екінші қаптамалар макеттерінің жобалары.

22. Ветеринариялық дәрілік препаратты қолдану курсының ұзақтығының қысқаруы.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің көшірмелері;

д) қолдану курсының ұзақтығын қысқарту кезінде ветеринариялық дәрілік препараттың тиімділігін растайтын есептер;

е) ветеринариялық дәрілік препаратты қолдану ұзақтығының өзгеруіне енгізілген ветеринариялық дәрілік препаратты, бастапқы және қайталама қаптамалары бар макеттерді қолдану жөніндегі нұсқаулықтың жобалары.

23. Өнімді жануарларға ветеринариялық дәрілік препаратты қолданғаннан кейін жануарлардан алынатын тағамдық шикізатты алу мүмкіндігінің мерзімдерін өзгерту.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) ветеринариялық дәрілік препаратты қолдану жөніндегі қолданыстағы нұсқаулықтың көшірмелері;

д) ветеринариялық дәрілік препаратты курстық қолданғаннан кейін ветеринариялық дәрілік препараттың әсер етуші заттарының (әсер етуші затының) және (немесе) олардың (олардың) метаболиттерінің әсер етуші заттарының (әсер етуші затының) қалдық мөлшерін өнімді жануарлар организмінен шығарудың белгіленген мерзімдерін өзгерту қажеттілігін растайтын ветеринариялық дәрілік препараттың және (немесе) олардың (олардың) метаболиттерінің әсер етуші жануарлар организмінен қалдық мөлшерін шығару серпінін зерделеу жөніндегі есеп;

е) өнімді жануарларға ветеринариялық дәрілік препаратты қолданғаннан кейін жануарлардан алынатын тағамдық шикізатты алу мерзімдеріне енгізілген өзгерістермен ветеринариялық дәрілік препаратты қолдану жөніндегі нұсқаулықтың жобасы.

24. Ветеринариялық дәрілік препаратты қолдану бойынша көрсеткіштерді қосу (мөлшерлеу режимін және жануарлардың нысаналы түрлерін өзгертпей).

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) енгізілетін өзгерістердің негіздемесі;

г) ветеринариялық дәрілік препаратты қолдану жөніндегі қолданыстағы нұсқаулықтың көшірмелері;

д) қолдануға жаңа көрсетілімдер кезінде ветеринариялық дәрілік препараттың тиімділігін зерделеу жөніндегі есеп;

е) ветеринариялық дәрілік препаратты қолдану жөніндегі енгізілген өзгерістерімен бірге ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің жобалары.

25. Ветеринариялық дәрілік препаратты қолдану ұсынылатын жануарлардың жаңа түрін қосу.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) ветеринариялық дәрілік препаратты қолдану жөніндегі қолданыстағы нұсқаулықтың көшірмесі;

г) енгізілетін өзгерістердің және жүргізілетін зерттеулердің (сынақтардың) негіздемесі;

д) емдік және жоғары дозаларда бір рет және көп рет қолданған кезде ветеринариялық дәрілік препараттың жануарлардың жаңа түріне төзімділігін зерттеу (сынау) бойынша есеп;

е) ұсынылатын мөлшерлеу режимінде жануарлардың жаңа түрін қолданған кезде ветеринариялық дәрілік препараттың фармакокинетикасын зерттеу (сынау) бойынша есеп;

ж) ветеринариялық дәрілік препаратты және (немесе) олардың (олардың) метаболиттерін ең жоғары ұсынылған дозада курстық қолдану кезінде ветеринариялық дәрілік препараттың әсер етуші заттарының (әсер етуші заттың) және (немесе) олардың (олардың) метаболиттерінің әсер етуші заттарының (әсер етуші заттың) қалдық мөлшерін өнімді жануарлар организмінен шығару мерзімін растайтын өнімді жануарлардың жаңа түрінің организмінен (егер өнімді жануарлар түрі қосылған жағдайда) шығару динамикасын зерделеу жөніндегі есеп;

з) жануарлардың жаңа түрі үшін мәлімделген барлық көрсеткіштер кезінде ветеринариялық дәрілік препараттың тиімділігін клиникалық зерттеу (сынау) бойынша есеп;

и) ветеринариялық дәрілік препаратты қолдану өзгерістері енгізілген ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің жобалары.

26. Ветеринариялық дәрілік препараттың дозалау режимінің өзгеруі (дозаның, енгізу арасындағы еселіктің және аралықтың, қолдану курсының ұзақтығының өзгеруі).

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің көшірмелері;

г) енгізілетін өзгерістердің және жүргізілетін зерттеулердің (сынақтардың) негіздемесі;

д) фармакокинетиканы зерделеу жөніндегі есеп (дозаны азайту немесе ұлғайту және (немесе) енгізулер арасындағы еселіктің өзгеруі және (немесе) интервалдардың өзгеруі жағдайында);

е) ветеринариялық дәрілік препараттың әсер етуші заттарының (әсер етуші затының) және (немесе) олардың (олардың) метаболиттерінің қалдық мөлшерін шығару динамикасын зерделеу жөніндегі, ветеринариялық дәрілік препараттың әсер етуші заттарының (әсер етуші затының) және (немесе) олардың (олардың) метаболиттерінің әсер етуші заттарының (әсер етуші затының) қалдық мөлшерін өнімді жануарлар организмінен шығару мерзімін растайтын есеп;

ж) жаңа мөлшерлеу режимінде немесе қолдану схемасында қолдануға мәлімделген көрсеткіштер кезінде ветеринариялық дәрілік препараттың тиімділігін зерттеу (сынау) бойынша есеп;

з) ветеринариялық дәрілік препаратты қолдану жөніндегі өзгерістер енгізілген ветеринариялық дәрілік препаратты қолдану жөніндегі нұсқаулықтың, бастапқы және бар болса, екінші қаптама макеттерінің жобалары.

27. Ветеринариялық дәрілік препаратты енгізу жолының өзгеруі.

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің көшірмелері;

г) енгізілетін өзгерістердің және жүргізілетін зерттеулердің (сынақтардың) уәжделген негіздемесі. Клиникаға дейінгі және клиникалық зерттеулердің (сынақтардың) қажетті көлемі енгізудің жаңа жолына байланысты болады және Одақтың кедендік аумағындағы ветеринариялық дәрілік заттар айналымын реттеу қағидаларына (бұдан әрі – Қағидалар) (X топ) № 19 қосымшаға сәйкес айқындалады;

д) ветеринариялық дәрілік препаратты, бастапқы және бар болса, екінші қаптамалар макеттерін, ветеринариялық дәрілік затқа арналған нормативтік құжатты (қажет болған жағдайда) қолдану жөніндегі нұсқаулықтың жобасы.

IV. Тіркелген ветеринариялық дәрілік препараттың тіркеу дерекнамасындағы құжаттарға енгізілетін, сапа сараптамасын және күтілетін пайданың ветеринариялық дәрілік препаратты қолданудың ықтимал қатеріне қатынасын сараптауды талап ететін өзгерістер

28. Ветеринариялық дәрілік препараттың фармакокинетикалық және токсикологиялық параметрлеріне әсер етуі мүмкін қосымша заттар құрамының өзгеруі:

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың және бастапқы және бар болса, екінші қаптамалар макеттерінің көшірмелері;

г) құрамына жаңа қосымша заттарды енгізу ветеринариялық дәрілік препараттың фармакотоксикологиялық қасиеттерінің нашарлауына әкеп соқпайтынын растайтын енгізілетін өзгерістердің және жүргізілетін зерттеулердің (сынақтардың) негіздемесі;

д) жаңа қосымша заттар: физикалық-химиялық, фармацевтикалық, токсикологиялық қасиеттері; айналымдағы немесе фармацевтикалық немесе косметикалық өнеркәсіпте пайдаланылатын ветеринариялық дәрілік препараттар құрамындағы жаңа қосымша заттарды пайдалануы туралы әдеби анықтама; фармакопеялық мақалалар (бар болса);

е) жаңа қосымша заттарға арналған сапа сертификаттары (талдамалық паспорттар);

ж) қосымша заттардың сапасына қойылатын талаптар, бақылау әдістері және талдау әдістерінің валидациясы бойынша есептер (талдаудың фармакопеялық емес әдістері үшін), фармакопеялық мақалалардың көшірмелері (бар болса);

з) бастапқы қаптаманың барлық түрлерінде қосымша заттардың жаңа құрамымен өндірілген ветеринариялық дәрілік препараттың тұрақтылығы туралы деректер; егер препаратты алғаш ашқаннан кейін сақтау көзделсе, ашылған қаптамадағы тұрақтылық туралы деректер;

и) жаңа қосымша заттардың ветеринариялық дәрілік препараттың уыттылығының өзгеруіне әкелмейтінін растайтын, бір рет және көп рет енгізген кезде зертханалық жануарларға қосымша заттардың ескі және жаңа құрамы бар ветеринариялық дәрілік препараттың токсикологиялық қасиеттерін салыстырмалы зерттеу (сынау) жөніндегі есеп;

к) зертханалық жануарларға жүргізілген тәжірибелерде уыттылықтың артуы анықталған жағдайда, көп рет енгізген кезде ұсынылатын дозадағы нысаналы жануарлармен қосымша заттардың жаңа құрамы бар ветеринариялық дәрілік препараттың көтере алуын зерттеу (сынау) жөніндегі есеп;

л) ұсынылатын мөлшерлеу режимі кезінде нысаналы жануарларға қосымша заттардың жаңа құрамы бар ветеринариялық дәрілік препараттың фармакокинетикасын зерттеу (сынау) бойынша есеп;

м) өнімді жануарлар организмінен қосымша заттардың жаңа құрамы бар ветеринариялық дәрілік препараттың әсер етуші заттарының (әсер етуші затының) және (немесе) олардың (олардың) метаболиттерінің қалдық мөлшерін шығару динамикасын зерделеу жөніндегі өнімді жануарлар ветеринариялық дәрілік препаратты қолданғаннан кейін жануарлардан алынатын тағамдық шикізатты алу мүмкіндігінің мерзімдерінің негізділігін растайтын есеп (фармакокинетиканы зерделеу кезінде анықталған фармакокинетикалық параметрлері өзгерген жағдайда);

н) қосымша заттардың жаңа құрамы бар ветеринариялық дәрілік препаратты қолдануға мәлімделген көрсеткіштер кезінде тиімділікті клиникалық зерттеу (сынау) жөніндегі есеп (фармакокинетикалық параметрлердің анықталған өзгерістері жағдайында) немесе анықталған өзгерістер ветеринариялық дәрілік препарат тиімділігінің төмендеуіне алып келмейтіндігін ғылыми негіздеу;

о) қосымша заттардың өзгеруі ветеринариялық дәрілік препараттың иммуногендігінің төмендеуіне әкелмегенін растайтын есеп (иммунологиялық (иммунобиологиялық) препараттар үшін);

п) ветеринариялық дәрілік препаратты қолдану жөніндегі нұсқаулықтың жобалары, бастапқы және бар болса, екінші қаптамалардың макеттері, ветеринариялық дәрілік препаратты қолдану бойынша енгізілген өзгерістерімен ветеринариялық дәрілік затқа арналған нормативтік құжат;

р) жаңа құрамы бар ветеринариялық дәрілік препараттың үлгілері;

с) стандартты үлгілер және (немесе) тест-жүйелер (оларды сапаны бақылау кезінде пайдаланған жағдайда).

Осы Тізбенің 28-тармағының з) – о) тармақшаларында санамаланған ветеринариялық дәрілік препараттың клиникаға дейінгі және клиникалық зерттеулері (сынақтары) туралы есептерді қосымша заттардың ескі және жаңа құрамы бар ветеринариялық дәрілік препараттардың биоэквиваленттілігін зерттеу жөніндегі есепті ұсынумен ауыстыруға болады (ескі және жаңа қосымша заттардың уыттылығының салыстырмалылығы ғылыми негізделген жағдайда, ветеринариялық дәрілік препараттардың биоэквиваленттілігін зерттеу (сынау) қолданылатын ветеринариялық дәрілік препараттар үшін).

29. Ветеринариялық дәрілік препаратты өндіру кезінде пайдаланылатын фармацевтикалық субстанцияны оның тұзды немесе изомерлі туындысына ауыстыру (бұдан әрі – жаңа фармацевтикалық субстанция).

Мынадай құжаттарды ұсыну қажет:

а) өзгерістер енгізуге өтініш;

б) өтініш берушінің (немесе оның өкілінің) ветеринариялық дәрілік препараттың тіркеу дерекнамасына өзгерістер енгізуге құқылы екенін растайтын құжат (немесе белгіленген тәртіппен куәландырылған құжаттың көшірмесі) (оның ішінде сенімхат);

в) қолданыстағы құжаттардың: ветеринариялық дәрілік препаратты қолдану жөніндегі нұсқаулықтың; ветеринариялық дәрілік затқа нормативтік құжаттың көшірмелері;

г) енгізілетін өзгерістердің және жүргізілетін зерттеулердің (сынақтардың) уәжделген негіздемесі;

д) ветеринариялық дәрілік препаратты өндіру кезінде пайдаланылатын жаңа фармацевтикалық субстанцияға фармакопеялық мақала және (немесе) нормативтік құжат (ерекшелік, бақылау әдістері);

е) жаңа фармацевтикалық субстанцияға сапа сертификаты (талдамалық паспорт); өнеркәсіптік серияларды талдау нәтижелері;

ж) жаңа фармацевтикалық субстанция өндірісі процесінің және өндіріс процесінде оның сапасын бақылаудың схемасы;

з) өндірушінің бастапқы қаптамасында сақтау процесіндегі жаңа фармацевтикалық субстанцияның тұрақтылығы туралы деректер және сақтау шарттарының негіздемесі;

и) жаңа фармацевтикалық субстанция: физика-химиялық, фармацевтикалық, токсикологиялық қасиеттері; айналымдағы ветеринариялық дәрілік препараттардың құрамында пайдаланылуы; фармацевтикалық немесе косметикалық өнеркәсіпте пайдаланылуы; фармацевтикалық үйлесімділігі туралы әдеби анықтама;

к) ескі және жаңа фармацевтикалық субстанцияның фармакодинамикасын (оның ішінде ерекше белсенділігін) салыстырмалы зерделеу туралы нақты деректерді ұсына отырып, жеке зерттеулер (сынақтар) немесе ғылыми негіздеме;

л) жаңа фармацевтикалық субстанция ветеринариялық дәрілік препараттың уыттылығының өзгеруіне әкелмейтінін растайтын, бір рет және көп рет енгізген кезде зертханалық жануарларға арналған ескі және жаңа фармацевтикалық субстанциядан алынған ветеринариялық дәрілік препараттардың токсикологиялық қасиеттерін салыстырмалы зерттеу (сынау) жөніндегі есеп;

м) көп рет енгізген кезде ұсынылатын дозада нысаналы жануарларға арналған жаңа фармацевтикалық субстанциясы бар ветеринариялық дәрілік препараттың төзімділігін зерттеу (сынау) бойынша есеп (зертханалық жануарларға жүргізілген тәжірибелерде уыттылықтың ұлғаюы анықталған жағдайда);

н) ұсынылатын мөлшерлеу режимі кезінде нысаналы жануарларға арналған жаңа фармацевтикалық субстанциясы бар ветеринариялық дәрілік препараттың фармакокинетикасын зерттеу (сынау) жөніндегі есеп;

о) өнімді жануарлар организмінен қосымша заттардың жаңа құрамы бар ветеринариялық дәрілік препараттың әсер етуші заттарының (әсер етуші затының) және (немесе) олардың (олардың) метаболиттерінің қалдық мөлшерін шығару серпінін зерделеу жөніндегі (фармакокинетиканы зерделеу кезінде анықталған фармакокинетикалық параметрлері өзгерген жағдайда), өнімді жануарлар ветеринариялық дәрілік препаратты қолданғаннан кейін жануарлардан алынатын тағамдық шикізатты алу мүмкіндігінің мерзімдерінің негізділігін растайтын есеп;

п) жаңа фармацевтикалық субстанциясы бар ветеринариялық дәрілік препаратты қолдануға мәлімделген көрсетілімдер кезіндегі тиімділікті клиникалық зерттеу (сынау) жөніндегі есеп (токсикологиялық және фармакокинетикалық параметрлердің өзгерістері анықталған жағдайда) немесе анықталған өзгерістер ветеринариялық дәрілік препарат тиімділігінің төмендеуіне әкеп соқтырмайтын ғылыми негіздеме;

р) ветеринариялық дәрілік препаратты қолдану жөніндегі нұсқаулықтың жобалары, бастапқы және қайталама қаптамалары болған кезде макеттері, ветеринариялық дәрілік препаратты қолдану бойынша енгізілген өзгерістерімен ветеринариялық дәрілік затқа арналған нормативтік құжат;

с) жаңа құрамы бар ветеринариялық дәрілік препараттың үлгілері;

т) стандартты үлгілер және (немесе) тест-жүйелер (оларды сапаны бақылау кезінде пайдаланған жағдайда).

Осы Өзгерістер тізбесінің 29-тармағының з) – п) тармақшаларында көрсетілген ветеринариялық дәрілік препараттың клиникаға дейінгі және клиникалық зерттеулері (сынақтары) туралы есептер фармацевтикалық субстанцияның ескі және жаңа құрамымен (ветеринариялық дәрілік препараттардың биоэквиваленттілігін зерттеу (сынау) қолданылатын ветеринариялық дәрілік препараттар үшін ветеринариялық дәрілік препараттардың уыттылығын әсер ететін заттың әртүрлі тұз немесе изомер туындыларымен салыстырудың ғылыми негіздемесі болған жағдайда) ветеринариялық дәрілік препараттардың биоэквиваленттілігін зерттеу жөніндегі есепті ұсынумен ауыстыруға болады.

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 7 ҚОСЫМША

Ветеринариялық дәрілік заттың сапасын сараптау және күтілетін пайданың ветеринариялық дәрілік препаратты қолданудың ықтимал қатеріне қатынасын сараптау нәтижелері бойынша сарапшылар комиссиясының сараптамалық қорытындысының

НЫСАНЫ

Ветеринариялық дәрілік заттың сапасын сараптау және күтілетін пайданың ветеринариялық дәрілік препаратты қолданудың ықтимал қатеріне қатынасын сараптау нәтижелері бойынша сарапшылар комиссиясының
САРАПТАМАЛЫҚ ҚОРЫТЫНДЫСЫ

(алдын ала, қорытынды, жиынтық (қажеттісінің астын сызу керек))

Ветеринариялық дәрілік препараттың атауы:

сауда атауы;

халықаралық патенттелмеген атауы (бар болса) немесе жалпы қабылданған (топтастырылған) атауы немесе химиялық атауы (құрамдастырылған ветеринариялық дәрілік заттар үшін "," белгісі арқылы фармацевтикалық субстанциялардың атаулары көрсетіледі).

1. Жалпы ережелер:

1.1. Одақтың кедендік аумағындағы ветеринариялық дәрілік заттар айналымын реттеу қағидаларына сәйкес шаблон бойынша тіркеу жөніндегі референттік орган берген өтініш беруші өтінішінің бірегей нөмірі.

1.2. Ветеринариялық дәрілік препараттың тіркеу дерекнамасының тіркеу жөніндегі референттік органнан сараптама мекемесіне келіп түскен күні.

1.3. Ветеринариялық дәрілік препарат туралы мәліметтер (дәрілік нысаны, шығару нысаны, дозасы, енгізу тәсілі (тәсілдері), жарамдылық мерзімі).

1.4. Ветеринариялық дәрілік препараттың құрамы (олардың әрқайсысының мөлшерін көрсете отырып, әсер ететін және қосымша заттардың тізбесі).

1.5. Өтініш берушінің толық атауы, оның орналасқан жері (заңды тұлғаның мекенжайы) және қызметті жүзеге асыру орнының мекенжайы (мекенжайлары әртүрлі болған жағдайда) – заңды тұлға үшін немесе қызметті жүзеге асыру орнының тегі, аты және әкесінің аты (бар болса), тұрғылықты жері және мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін.

1.6. Әзірлеушінің толық атауы, оның орналасқан жері (заңды тұлғаның мекенжайы) және қызметті жүзеге асыру орнының мекенжайы (мекенжайлары әртүрлі болған жағдайда) – заңды тұлға үшін немесе қызметті жүзеге асыру орнының тегі, аты және әкесінің аты (бар болса), тұрғылықты жері және мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін.

1.7. Өндірушінің толық атауы, оның орналасқан жері (заңды тұлғаның мекенжайы) және өнім өндіру жөніндегі қызметті жүзеге асыру орнының мекенжайы (мекенжайлары әртүрлі болған жағдайда) – өнім өндіретін заңды тұлға және оның филиалдары үшін немесе өнім өндіру жөніндегі қызметті жүзеге асыру орнының тегі, аты және әкесінің аты (бар болса), тұрғылықты жері және мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін.

1.8. Сарапшылар туралы мәліметтер (тегі, аты, әкесінің аты (бар болса), мамандығы, ғылыми дәрежесі (бар болса), атағы (бар болса), жұмыс өтілі, жұмыс орны және лауазымы).

1.9. Сараптамалық қорытындыда баяндалған мәліметтердің дұрыстығы үшін жауапкершілік туралы сарапшыларға ескертілді:

сарапшының лауазымы, тегі, аты, әкесінің аты (бар болса), қолы;

сарапшының лауазымы, тегі, аты, әкесінің аты (бар болса), қолы;

сарапшының лауазымы, тегі, аты, әкесінің аты (бар болса), қолы.

2. Ветеринариялық дәрілік препарат сапасының сараптамасына ұсынылған құжаттардың мазмұны және ветеринариялық дәрілік препаратты қолданудың ықтимал қатеріне күтілетін пайданың қатынасы (ұсынылған құжаттардың негізгі ережелері баяндалады).

3. Әрбір сарапшы орындаған жұмыстардың көлемін және белгіленген фактілерді көрсете отырып, сарапшылар жүргізген зерттеулердің (сынақтардың) тізбесі.

4. Сараптамаға ұсынылған ветеринариялық дәрілік препараттың сапасын сараптамалық бағалау және ветеринариялық дәрілік препараттың және фармацевтикалық субстанцияның құжаттары мен үлгілерін ветеринариялық дәрілік препаратты қолданудың ықтимал қатеріне күтілетін пайданың қатынасын сараптау.

4.1. Ветеринариялық дәрілік заттың сапасын сараптау.

4.1.1. Фармацевтикалық субстанция.

4.1.1.1. Фармацевтикалық субстанция (субстанциялар) туралы жалпы мәліметтер:

а) фармацевтикалық субстанцияның атауы (халықаралық патенттелмеген немесе химиялық және саудалық атауы);

б) фармацевтикалық субстанцияны өндірушінің толық атауы, оның орналасқан жері (заңды тұлғаның мекенжайы) және өнім өндіру жөніндегі қызметті жүзеге асыру орнының мекенжайы (мекенжайлары әртүрлі болған жағдайда) – өнім өндіретін заңды тұлға және оның филиалдары үшін немесе өнім өндіру жөніндегі қызметті жүзеге асыру орнының тегі, аты және әкесінің аты (бар болса), тұрғылықты жері және мекенжайы (мекенжайлары әртүрлі болған жағдайда) – дара кәсіпкер ретінде тіркелген жеке тұлға үшін;

в) фармацевтикалық субстанцияның құрылымы және негізгі физикалық-химиялық қасиеттері.

4.1.1.2. Бастапқы шикізатты, өндірістің сыни сатылары мен аралық өнімдерді бақылауды қоса алғанда, фармацевтикалық субстанция өндірісінің технологиялық процесінің сипаттамасын бағалау.

4.1.1.3. Пайдаланылатын фармацевтикалық субстанцияның сапа көрсеткіштері бар құжаттың болуы (талдау сертификаты немесе сапа паспорты).

4.1.1.4. Фармацевтикалық субстанцияның химиялық-фармацевтикалық қасиеттерін түсіндіру үшін өтініш беруші ұсынған сапа көрсеткіштері мен оларды бақылау әдістемелерін бағалау. Қоспаларды анықтау үшін өтініш беруші ұсынған әдістемелерді бағалау.

4.1.1.5. Өтініш беруші сараптамаға ұсынған фармацевтикалық субстанция үлгілерінің зертханалық талдау нәтижелері мен нормативтік құжаттамаға енгізілген сапа көрсеткіштері арасында сәйкестіктің болуы (немесе болмауы).

4.1.1.6. Фармацевтикалық субстанцияның тұрақтылығы туралы өтініш беруші ұсынған деректерді және фармацевтикалық субстанцияны сақтаудың белгіленген шарттарының негіздемесін бағалау.

4.1.2. Ветеринариялық дәрілік препарат:

4.1.2.1. Ветеринариялық дәрілік препарат туралы жалпы мәліметтер (сипаттамасы).

4.1.2.2. Ветеринариялық дәрілік препаратты әзірлеудің фармацевтикалық аспектілерін бағалау (фармацевтикалық субстанцияны, қосалқы заттарды, дәрілік нысанды, ветеринариялық дәрілік препараттың бастапқы және қайталама қаптамаларын таңдауды негіздеу).

4.1.2.3. Ветеринариялық дәрілік заттар өндірісінің Еуразиялық экономикалық комиссия Кеңесінің 2016 жылғы 3 қарашадағы № 77 шешімімен бекітілген Еуразиялық экономикалық одақтың тиісті өндірістік практика қағидаларына сәйкестігін растау сертификатының болуы.

4.1.2.4. Бастапқы шикізатты, өндірістің сыни сатылары мен аралық өнімдерді бақылауды қоса алғанда, ветеринариялық дәрілік препарат өндірісінің технологиялық процесінің сипаттамасын бағалау.

4.1.2.5. Өтініш беруші ұсынған ветеринариялық дәрілік препараттың сапа көрсеткіштері мен бақылау әдістемелерін бағалау (талдамалық әдістемелердің валидациясы, қайта өндірілуі).

4.1.2.6. Өтініш беруші сараптамаға ұсынған ветеринариялық дәрілік препарат үлгілерінің зертханалық талдау нәтижелері мен нормативтік құжаттамаға енгізілген сапа көрсеткіштері арасында сәйкестіктің болуы немесе болмауы.

4.1.2.7. Ветеринариялық дәрілік препараттың белгіленген жарамдылық мерзімі мен сақтау шарттарын өтініш берушінің негіздемесін бағалау.

4.1.2.8. Ветеринариялық дәрілік препараттың бастапқы және қайталама қаптамалары болған кезде макеттерін бағалау.

4.2. Ветеринариялық дәрілік препаратты қолданудың ықтимал қатеріне күтілетін пайданың қатынасын сараптау.

4.2.1. Ветеринариялық дәрілік препаратты әзірлеу стратегиясының негізділігін бағалау, оның ішінде:

а) ветеринариялық дәрілік препараттың фармакологиялық тобын анықтау;

б) ветеринариялық дәрілік препаратты қолдану көрсеткіштерін таңдау.

4.2.2. Ветеринариялық дәрілік затты клиникаға дейінгі зерттеу (сынау) және ветеринариялық дәрілік препаратты клиникалық зерттеу (сынау) нәтижелерін бағалау:

а) зертханалық және нысаналы жануарларға жүргізілген тәжірибелердегі токсикологиялық зерттеулер (сынақтар);

б) мыналарды: ерекше белсенділікті (әсер ету механизмі мен спектрін) зерделеуді, мәлімделген көрсеткіштер кезінде ветеринариялық дәрілік препаратты қолданудың оңтайлы дозасы мен схемасын негіздеуді қоса алғанда, in vitro және in vivo фармакодинамикалық зерттеулер (сынақтар);

в) осы дәрілік түрдің тиімділігі мен қауіпсіздігіне әсер етуі мүмкін фармакокинетикалық зерттеулер (сынақтар);

г) өнімді жануарларға ветеринариялық дәрілік препаратты курстық қолданғаннан кейін әсер етуші заттардың (әсер етуші заттың) және (немесе) олардың (олардың) ветеринариялық дәрілік препарат метаболиттерінің қалдық мөлшерін мақсатты жануарлардың организмінен шығару мерзімдерін (жануарлардан алынатын тамақ шикізатын ықтимал алу мерзімдерін) барынша рұқсат етілген деңгейге дейін белгілеу. Зерттеулердің (сынақтардың) осы түрін жүргізу үшін әдістемені таңдаудың негізділігі;

д) ветеринариялық дәрілік препаратты қолданудың тиімділігі мен қауіпсіздігін клиникалық зерттеулер (сынақтар).

4.2.3. Мыналарды:

а) зерттеулерге (сынақтарға) қатысқан жануарлар популяциясын таңдауды;

б) ветеринариялық дәрілік препараттың дозасын және дозалау режимін (вакцинация схемасын) таңдауды;

в) клиникаға дейінгі және клиникалық зерттеулердің (сынақтардың) ұзақтығын;

г) зерттеулер (сынақтар) нәтижелерін статистикалық өңдеуді;

д) әзірлеушінің зерттеулердің (сынақтардың)алынған нәтижелерін түсіндіруін;

е) ветеринариялық дәрілік препарат әсерінің клиникаға дейінгі және клиникалық маңыздылығын;

ж) жануарлардың ерекше топтарында ветеринариялық дәрілік препаратты пайдалану қауіпсіздігін (жасы, жынысы, физиологиялық жай-күйі, аурудың ауырлығы және т. б.);

з) клиникаға дейінгі және клиникалық зерттеулер (сынақтар) жүргізу кезінде елеулі жағымсыз реакциялардың туындау жиілігін және олардың дамуының дозасымен, қолдану схемасымен және емдеу ұзақтығымен өзара байланысын;

и) ветеринариялық дәрілік препараттың артық дозалануы симптомдарының сипаттамасын қоса алғанда, фармакодинамикалық, фармакокинетикалық, иммунологиялық әсерлерін, тиімділігін, ветеринариялық дәрілік препараттың жанама әсерлерін, оның басқа ветеринариялық дәрілік заттармен және жемшөп қоспаларымен өзара әрекеттесу ерекшеліктерін анықтау мақсатында орындалған клиникаға дейінгі және клиникалық зерттеулер (сынақтар) көлемінің толықтығын бағалау.

4.2.4. Мыналарды:

а) мәлімделген көрсеткіштер бойынша ветеринариялық дәрілік препараттың тиімділігін;

б) мөлшерлеу режимін таңдауды;

в) ветеринариялық дәрілік препаратты қолдану кезіндегі ықтимал жанама әсерлерді;

г) жас, кәрі және созылмалы аурулары бар жануарларға, буаз және төлін емізіп жүрген аналықтарға ветеринариялық дәрілік препаратты қолдану мүмкіндігі мен ерекшелігін;

д) ветеринариялық дәрілік препараттың бір мезгілде тағайындалатын басқа да ветеринариялық дәрілік препараттармен немесе азықтармен (азықтық қоспалармен) өзара әрекеттесуі салдарынан жануардың өмірі мен саулығына қауіп-қатердің дамуын;

е) өнімді жануарларға ветеринариялық дәрілік препаратты курстық қолданғаннан кейін жануарлардан алынатын тағамдық шикізатты алу мерзімін қоса алғанда, зерттеулер (сынақтар) нәтижелерінің негізінде пайда мен тәуекел арақатынасын бағалау.

4.2.5. Ветеринариялық дәрілік препаратты қолдану жөніндегі нұсқаулық жобасының мазмұнын бағалау.

5. Сараптама тұжырымдары:

5.1_______________________________________________________

(ветеринариялық дәрілік заттың сапасын сараптау және ветеринариялық дәрілік препаратты қолданудың ықтимал қатеріне күтілетін пайданың қатынасын сараптау нәтижелері бойынша оны ветеринарияда қолдану мүмкіндігі немесе мүмкін еместігі туралы қорытындылар)

5.2_______________________________________________________

(жалпы тұжырымдар, ұсынымдар)

Мынадай құрамдағы сарапшылар комиссиясы:

сарапшының лауазымы, тегі, аты, әкесінің аты (бар болса), қолы;

сарапшының лауазымы, тегі, аты, әкесінің аты (бар болса), қолы;

сарапшының лауазымы, тегі, аты, әкесінің аты (бар болса), қолы.

20__ жылғы "___" _____________

(сараптамалық қорытынды ресімделген күн)

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 8 ҚОСЫМША

Тіркелуі өзара тану схемасы бойынша Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына сәйкес жүзеге асырылатын ветеринариялық дәрілік препараттардың немесе ветеринариялық дәрілік препараттар топтарының (санаттарының) құрамына кіретін әрекет етуші заттар

ТІЗБЕСІ

1. Бор қышқылы (ветеринариялық дәрілік препараттардың "жақпамай" дәрілік нысаны үшін).

2. Бриллиант жасыл (сыртқа қолдануға арналған).

3. Витаминдер.

4. Глюкоза.

5. Ихтиол.

6. Йод.

7. Кальций борглюконаты.

8. Кальций хлориді.

9. Камфора (ветеринариялық дәрілік препараттардың "жақпамай" дәрілік нысаны үшін).

10. Натрий кофеин-бензоаты.

11. Құмырсқа қышқылы (ветеринариялық дәрілік препараттардың "сыртқа қолдануға арналған спиртті ерітінді" дәрілік нысаны үшін).

12. Натрий хлориді.

13. Новокаин.

14. Папаверин.

15. Повидон-йод.

16. Прополис (ветеринариялық дәрілік препараттардың "жақпамай" дәрілік нысаны үшін).

17. Салицил қышқылы (ветеринариялық дәрілік препараттардың "сыртқа қолдануға арналған спиртті ерітінді" дәрілік нысаны үшін).

18. Күкірт (ветеринариялық дәрілік препараттардың "жақпамай" дәрілік нысаны үшін).

19. Сульфаниламид (стрептоцид) (ветеринариялық дәрілік препараттардың "жақпамай" дәрілік нысаны үшін).

20. Тетрациклин (ветеринариялық дәрілік препараттардың "жақпамай" дәрілік нысаны үшін).

21. Мырыш тотығы (ветеринариялық дәрілік препараттардың "жақпамай" дәрілік нысаны үшін).

22. Хлоргексидин.

23. Өнімсіз жануарларға қолдануға арналған ветеринариялық дәрілік препараттардың "паразиттерге қарсы" тобы.

24. Өнімсіз жануарларға қолдануға арналған ветеринариялық дәрілік препараттардың "гельминттерге қарсы" тобы.

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 9 ҚОСЫМША

Еуразиялық экономикалық одақтың кедендік аумағында ветеринариялық дәрілік заттар айналымын реттеу қағидаларына № 8 қосымшаға сәйкес құрамына әсер етуші заттар кірмейтін немесе ветеринариялық дәрілік препараттар тобына (санатына) жатпайтын ветеринариялық дәрілік препараттарды тіркеу рәсімінің БЛОК-СХЕМАСЫ

(9.1-блок-схема)

Рет бойынша рәсім күні	Рәсім шеңберінде Еуразиялық экономикалық одаққа мүше басқа мемлекеттердің тіркеу жөніндегі референттік органының және (немесе) уәкілетті органдарының іс-қимылдарын сипаттау	Рәсімді іске асыру үшін қажетті жұмыс күндерінің саны	Өтініш берушінің, Еуразиялық экономикалық одаққа мүше басқа мемлекеттердің тіркеу жөніндегі референттік органының және (немесе) уәкілетті органдарының рәсім шеңберіндегі іс-қимылдарының сипаттамасы	Рәсімді аяқтау үшін қажетті жұмыс күндерінің саны
1-күн	тіркеу жөніндегі референттік органның ветеринариялық дәрілік затқа сараптама жүргізу туралы шешім қабылдауы	1	өнімді жануарларға (оның ішінде жануарлардан алынатын акваөсіру объектілеріне) қолдануға арналған ветеринариялық дәрілік препаратты тіркеу рәсіміне бастама жасаған кезде Одақ құқығын құрайтын нормативтік құқықтық актілерде жануарлардан алынатын шикізатқа әсер ететін заттардың (әсер ететін заттың) және (немесе) олардың (оның) метаболиттерінің қалдық мөлшерлерінің (мөлшерінің) барынша рұқсат етілген деңгейлері (деңгейі) (бұдан әрі – БРД) болмаған кезде Тіркеу жөніндегі референттік орган ветеринариялық дәрілік препаратты тіркеу рәсімі басталған күннен бастап 10 жұмыс күнінен аспайтын мерзімде Комиссияға Одақ құқығын құрайтын нормативтік құқықтық актілерге БРД әзірленгенге дейін оны "жол берілмейді (талдамалық әдістің сезімталдығы деңгейінде) деген мәнде немесе мүше мемлекеттің адам денсаулығын қорғау саласындағы уәкілетті органымен келісілген мәнде белгілеу бөлігінде өзгерістер енгізу туралы өтініш жібереді.
6-күн	5 жұмыс күнінен аспайтын мерзімде өтініш берушіні және тіркеу рәсіміне қатысатын мүше мемлекеттердің уәкілетті органдарын және (немесе) сараптама мекемелерін ветеринариялық дәрілік затқа сараптама жүргізу туралы шешім қабылдау туралы хабардар ету. Өтініш беруші ұсынған ветеринариялық дәрілік препараттың тіркеу дерекнамасын толық жиынтықта тіркеу жөніндегі референттік орган көрсетілген мерзім шеңберінде сараптама жасау үшін сараптама мекемесіне жібереді	5
6-күн	ветеринариялық дәрілік препаратты тіркеу рәсімі (бұдан әрі – тіркеу рәсімі) өтініш беруші үлгілерді сараптама мекемесіне ұсынған күннен бастап тоқтатыла тұрады және қайта басталады		өтініш беруші ветеринариялық дәрілік заттың сараптамасын жүргізу туралы тіркеу жөніндегі референттік органның шешімін алған күннен бастап 45 жұмыс күнінен аспайтын мерзімде сараптама мекемесіне ветеринариялық дәрілік заттың үлгілерін ұсынады Өнімді жануарларды (оның ішінде жануарлардан алынатын акваөсіру объектілеріне) қолдануға арналған ветеринариялық дәрілік препаратты тіркеу рәсімі басталған және ветеринариялық дәрілік препаратты тіркеу рәсіміне бастама жасалған және Одақ құқығында ветеринариялық дәрілік препаратты тіркеу рәсіміне бастама жасалған кезде оның БРД болмаған жағдайда, өтініш беруші сараптама мекемесіне стандартты үлгілерді БРД айқындау әдістемесін 3 мәрте жаңғырту үшін қажетті мөлшерде және жануарлардан алынатын шикізат үлгілеріне тиісті зерттеулер (сынақтар) жүргізу үшін қажетті басқа да шығыс материалдарын қосымша ұсынады.	45
11-күн	ветеринариялық дәрілік заттың үлгілерін және қажет болған жағдайда стандартты үлгілерді және басқа да шығыс материалдарын алған кезде сараптама мекемесі оларды алғанын өтініш берушіге құжатпен растайды және 5 жұмыс күнінен аспайтын мерзімде үлгілердің сараптамаға жарамдылығын және қажетті зерттеулер жүргізу мүмкіндігін бағалайды, сондай-ақ көрсетілген мерзім шеңберінде бұл туралы тіркеу жөніндегі референттік органды хабардар етеді	5	45 жұмыс күні ішінде ветеринариялық дәрілік заттың үлгілері және қажет болған жағдайда стандартты үлгілер мен басқа да шығыс материалдары ұсынылмаған жағдайда, сараптама мекемесі 5 жұмыс күнінен аспайтын мерзімде тіркеу жөніндегі референттік органды хабардар етеді, ол сараптама мекемесінен көрсетілген ақпаратты алған күннен бастап 5 жұмыс күнінен аспайтын мерзімде ветеринариялық дәрілік препаратты тіркеуден бас тарту туралы шешім қабылдайды, бұл туралы 5 жұмыс күні ішінде өтініш берушіге, сондай-ақ уәкілетті органдарға және (немесе) сараптама мекемелеріне хабарланады. Тіркеу рәсімі аяқталды	15
111-күн	сараптама мекемесі ветеринариялық дәрілік заттың сараптамасын 100 жұмыс күнінен аспайтын мерзімде жүзеге асырады. Қорытындысы бойынша – алдын ала сараптамалық қорытындыны, сондай-ақ өтініш берушіге жетіспейтін қосымша ақпаратты, қажетті түсіндірулерді немесе нақтылауларды және ветеринариялық дәрілік препараттың тіркеу дерекнамасында ұсынылған деректерді ұсыну туралы сұрау салуды ресімдеу. Өтініш беруші үшін сұрау салынған алдын ала сараптамалық қорытындыны, ал сұрау салу болмаған жағдайда – соңғы сараптамалық қорытындыны көрсетілген мерзім шеңберінде сараптама мекемесі тіркеу жөніндегі референттік органға жібереді	100
116-күн	тіркеу жөніндегі референттік орган өтініш берушіге 5 жұмыс күнінен аспайтын мерзімде сұрау салу жібереді және оған жауап дайындау үшін уақыт береді	5	өтініш берушінің тіркеу жөніндегі референттік органның сұрау салуына жауап беру мерзімі (оның ішінде уәкілетті органдардың және (немесе) сараптама мекемелерінің сұрау салулары) 90 жұмыс күнінен аспауы тиіс. Қажет болған кезде өтініш берушінің тиісті негіздемесінің негізінде көрсетілген мерзімді тіркеу жөніндегі референттік орган ұзартуы мүмкін. Сұрау салуға жауаптың жалпы мерзімі 180 жұмыс күнінен аспауы тиіс	90
116-күн	өтініш беруші жауап берген күннен бастап тіркеу рәсімі тоқтатыла тұрады және қайта басталады		өтініш беруші сұратылған құжаттар мен мәліметтерді белгіленген мерзімде ұсынбаған жағдайда, ветеринариялық дәрілік заттың сараптамасы тоқтатылады. Тіркеу жөніндегі референттік орган қабылданған шешім туралы осы шешім қабылданған күннен бастап 5 жұмыс күнінен аспайтын мерзімде өтініш берушіні, уәкілетті органдарды және (немесе) сараптама мекемелерін хабардар етеді. Тіркеу рәсімі аяқталды	5
120-күн	тіркеу жөніндегі референттік орган өтініш берушіден сұрау салуға жауап алған күннен бастап 4 жұмыс күнінен аспайтын мерзімде ветеринариялық дәрілік заттың сараптамасын аяқтау үшін жауапты сараптама мекемесіне жібереді	4
135-күн	тіркеу жөніндегі референттік органның сұрау салуына өтініш беруші ұсынған жауапты талдау нәтижелері бойынша сараптама мекемесі түзетілген және (немесе) толықтырылған материалдармен бірге көрсетілген материалдарды алған күннен бастап 15 жұмыс күнінен аспайтын мерзімде соңғы сараптама қорытындысын дайындайды, ол көрсетілген мерзім шеңберінде тіркеу жөніндегі референттік органға жібереді	15	тіркеу жөніндегі референттік орган теріс қорытынды сараптама қорытындысын алған күннен бастап 5 жұмыс күнінен аспайтын мерзімде тіркеуден бас тарту туралы шешім қабылдайды, тіркеу рәсімі тоқтатылады. Қабылданған шешім туралы тіркеу жөніндегі референттік орган өтініш берушіні, уәкілетті органдарды және (немесе) сараптама мекемелерін соңғы сараптама қорытындысын қоса бере отырып, осындай шешім қабылданған күннен бастап 5 жұмыс күнінен аспайтын мерзімде хабардар етеді. Тіркеу рәсімі аяқталды	10
135-күн	өтініш беруші ұсынған ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа нормативтік құжаттың және ветеринариялық дәрілік препараттың қаптама макетінің жобаларын ветеринариялық дәрілік препараттың тіркеу дерекнамасының құжаттарына сәйкес қосымша келтіру қажет болған жағдайда, сараптама мекемесі соңғы сараптамалық қорытындымен бірге тіркеу жөніндегі референттік органға көрсетілген жобаларды пысықтау жөніндегі ұсынымдарды жібереді.
140-күн	тіркеу жөніндегі референттік орган 5 жұмыс күнінен аспайтын мерзімде көрсетілген ұсынымдарды өтініш берушіге жібереді	5
140-күн	тіркеу рәсімі өтініш берушіге ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасының макетінің жобаларын тіркеу жөніндегі референттік орган келіскен күннен бастап тоқтатыла тұрады және қайта басталады		өтініш берушінің ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препараттың қаптама макетінің жобаларын ветеринариялық дәрілік препараттың тіркеу дерекнамасының құжаттарына сәйкес пысықтауы және оларды тіркеу жөніндегі референттік органмен келісу көрсетілген жобаларды тіркеу жөніндегі референттік органның келісу күнін қоса алғанда, 20 жұмыс күнінен аспайтын мерзімде жүзеге асырылады	20
145-күн	соңғы сараптамалық оң қорытынды ресімделген жағдайда тіркеу жөніндегі референттік орган ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасының макетінің жобалары келісілген күннен бастап 5 жұмыс күнінен аспайтын мерзімде өтініш берушіні тіркеу рәсіміне қатысатын мүше мемлекеттердің уәкілетті органдарына тіркеу рәсімі шеңберінде ветеринариялық дәрілік препаратқа құжаттарды сараптау үшін алым (баж) төленгенін растайтын құжаттарды тіркеу жөніндегі референттік органға ұсыну қажеттігі туралы хабардар етеді	5	өтініш беруші көрсетілген жобаларды тіркеу жөніндегі референттік органның ұсынымдарына сәйкес толық көлемде ветеринариялық дәрілік препараттың тіркеу дерекнамасының құжаттарына сәйкес келтірмеген жағдайда, тіркеу жөніндегі референттік орган көрсетілген мерзім өткен күннен бастап 5 жұмыс күнінен аспайтын мерзімде ветеринариялық дәрілік препаратты тіркеуден бас тарту туралы шешім қабылдайды, бұл туралы шешім қабылданған күннен бастап 5 жұмыс күнінен аспайтын мерзімде өтініш берушіні, уәкілетті органдарды және (немесе) сараптама мекемелерін хабардар етеді. Тіркеу рәсімі аяқталды	10
145-күн	тіркеу рәсімі тоқтатыла тұрады және сараптама үшін алым (баж) төленгені расталған күннен бастап қайта басталады		өтініш берушіге 20 жұмыс күнінен аспайтын мерзімде тіркеу рәсіміне қатысатын мүше мемлекеттердің уәкілетті органдарына тіркеу рәсімі шеңберінде ветеринариялық дәрілік препаратқа арналған құжаттарды сараптау үшін алымды (бажды) төлеуге, сондай-ақ жобаларды тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың және қаптама макетінің жобаларын орыс тілінен басқа мүше мемлекеттің мемлекеттік тіліне аударуды жүзеге асыруға мүмкіндік беріледі	20
150-күн	тіркеу рәсімі шеңберінде тіркеу рәсіміне қатысатын мүше мемлекеттердің уәкілетті органдарына ветеринариялық дәрілік препаратқа құжаттарды сараптау үшін алымның (баждың) төленгені расталған, сондай-ақ тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың және қаптама макетінің жобаларының аудармасы электрондық жеткізгіште ұсынылған жағдайда, тіркеу жөніндегі референттік орган тіркеу рәсімі қайта басталған күннен бастап 5 жұмыс күнінен аспайтын мерзімде тиісті уәкілетті органдарға және (немесе) сараптама мекемелеріне ветеринариялық дәрілік препараттың тіркеу дерекнамасына, соңғы сараптама қорытындысына, ветеринариялық дәрілік зат үлгілерін зерттеу хаттамаларына, тіркеу жөніндегі референттік органның сұрау салуына жауапқа, сондай-ақ тіркеу жөніндегі референттік органмен келісілген ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препараттың буып-түю макетінің (оның ішінде оларды аудармасының) жобаларына рұқсат береді.	5	тіркеу рәсімі шеңберінде ветеринариялық дәрілік препаратқа құжаттарды сараптау үшін тіркеу рәсіміне қатысатын мүше мемлекеттердің уәкілетті органдарына алымның (баждың) төленгені расталмаған жағдайда, тіркеу жөніндегі референттік орган тіркеу рәсімі қайта басталған күннен бастап 5 жұмыс күнінен аспайтын мерзімде уәкілетті органы тіркеу жөніндегі референттік орган болып табылатын мүше мемлекеттің аумағында осы препараттың айналымда болуы мүмкіндігімен ветеринариялық дәрілік препаратты тіркеу туралы шешім қабылдайды.	5
175-күн	тиісті мүше мемлекеттің сараптама мекемесі тіркеу жөніндегі референттік орган көрсетілген материалдарға уәкілетті органдарға және (немесе) сараптама мекемелеріне қол жеткізуді ұсынған кезден бастап 25 жұмыс күнінен аспайтын мерзімде соңғы сараптама қорытындысына, зерттеулер хаттамаларына, ветеринариялық дәрілік препараттың тіркеу дерекнамасына, ветеринариялық дәрілік препаратты қолдану жөніндегі нұсқаулықтың, ветеринариялық дәрілік затқа арналған нормативтік құжаттың және ветеринариялық дәрілік препарат қаптамасы макетінің тіркеу жөніндегі референттік органмен келісілген жобаларына талдау жүргізеді және қажет болған жағдайда өтініш берушіге жетіспейтін қосымша ақпаратты, ветеринариялық дәрілік препараттың тіркеу дерекнамасында ұсынылған құжаттар мен деректерге қажетті түсіндірулерді немесе нақтылауларды ұсыну туралы сұрау салуды қалыптастырады. Сараптама мекемесі талдау нәтижелерін көрсетілген мерзім шеңберінде тиісті мүше мемлекеттің уәкілетті органына жібереді	25
190-күн	уәкілетті органдар өтініш берушіге сұрау салуды сараптама мекемелерінен алған күннен бастап 5 жұмыс күнінен аспайтын мерзімде тіркеу жөніндегі референттік органға жібереді, ол өз кезегінде 5 жұмыс күнінен аспайтын мерзімде басқа мүше мемлекеттердің уәкілетті органдарынан келіп түскен барлық сұрау салуларды біріктіреді және 5 жұмыс күнінен аспайтын мерзімде өтініш берушіге жібереді	15
190-күн	тіркеу рәсімі тоқтатыла тұрады және өтініш берушінің жауабын тіркеу жөніндегі референттік органға келіп түскен күнінен бастап қайта басталады		өтініш берушінің тіркеу жөніндегі референттік органның сұрау салуына жауап беру мерзімі (оның ішінде уәкілетті органдардың және (немесе) сараптама мекемелерінің сұрау салулары) 60 жұмыс күнінен аспауы тиіс	60
195-күн	тіркеу жөніндегі референттік орган өтініш берушіден сұрау салуға жауап алған күннен бастап 5 жұмыс күнінен аспайтын мерзімде өтініш берушінің жауабына және түзетілген және (немесе) толықтырылған материалдар болған кезде уәкілетті органдарға және (немесе) сараптама мекемелеріне рұқсат береді	5	Өтініш беруші сұратылған құжаттар мен мәліметтерді белгіленген мерзімде ұсынбаған жағдайда, ветеринариялық дәрілік заттың сараптамасы тоқтатылады. Тіркеу жөніндегі референттік орган қабылданған шешім туралы осы шешім қабылданған күннен бастап 5 жұмыс күнінен аспайтын мерзімде өтініш берушіні, уәкілетті органдарды және (немесе) сараптама мекемелерін хабардар етеді. Тіркеу рәсімі аяқталды
210-күн	өтініш берушінің жауабына жүргізілген талдау негізінде және 5 жұмыс күнінен аспайтын мерзімде түзетілген және (немесе) толықтырылған материалдар болған кезде сараптама мекемесі тиісті уәкілетті органды ветеринариялық дәрілік препаратты тіркеу мүмкіндігі (немесе мүмкін еместігі) туралы хабардар етеді, ол өз кезегінде 5 жұмыс күнінен аспайтын мерзімде тіркеуге ұсынылған ветеринариялық дәрілік препаратқа қатысты шешім қабылдайды және 5 жұмыс күнінен аспайтын мерзімде бұл туралы ветеринариялық препаратты тіркеу жөніндегі референттік органды хабардар етеді.	15
215-күн	сараптама мекемесі тіркеу жөніндегі референттік органның тапсырмасы бойынша барлық мүше мемлекеттердің ветеринариялық дәрілік препаратқа қатысты шешімдері