1999 жылы 14 маусымда Медеу шатқалында болған сел тасқынының зардаптарын жою мақсатында Қазақстан Республикасының Үкіметі қаулы етеді:
1. Қазақстан Республикасы Үкіметінің табиғи және техногендік сипаттағы төтенше жағдайларды жоюға және өзге де күтпеген шығыстарға арналған резервінен Алматы қаласының әкіміне Медеу шатқалындағы сел тасқынының зардаптарын жоюға 100 (жүз) миллион теңге бөлінсін.
2. Қазақстан Республикасының Қаржы министрлігі бөлінетін қаражаттың
мақсатты пайдаланылуын бақылауды қамтамасыз етсін.
3. Алматы қаласының әкімі 2000 жылдың қорытындысы бойынша Қазақстан
Республикасының Төтенше жағдайлар жөніндегі агенттігіне орындалған
жұмыстардың көлемдері мен құны туралы есеп ұсынсын.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.М.
Бағарова Ж.А.
