Қазақстан Республикасының Үкіметі қаулы етеді:
1. 2001 жылға арналған республикалық бюджетте табиғи және техногендік сипаттағы төтенше жағдайларды жоюға және өзге де күтпеген шығыстарға көзделген Қазақстан Республикасы Үкіметінің резервінен Алматы облысының әкіміне Талдықорған қаласының шегінде Жансүгіров көшесі бойында Қаратал өзеніндегі көпір ауданында жағалауды бекіту жұмыстарын жүргізуге 55 (елу бес) миллион теңге бөлінсін.
ЕСКЕРТУ. 1-тармақ жаңа редакцияда - ҚР Үкіметінің 2001.06.29. N 893
қаулысымен.
2. Қазақстан Республикасының Қаржы министрлігі бөлінген қаражаттың
мақсатты пайдаланылуын бақылауды қамтамасыз етсін.
3. Алматы облысының әкімі 2001 жылдың қорытындысы бойынша Қазақстан
Республикасының Төтенше жағдайлар жөніндегі агенттігіне орындалған
жұмыстардың көлемі мен құны туралы есеп берсін.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.
Қасымбеков Б.А.
