Ескерту. Күші жойылды - ҚР Үкіметінің 08.02.2016 № 59 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
Қазақстан Республикасының тұрақты дамуы саласындағы жетістіктерімен халықаралық жұртшылықты хабардар ету мақсатында Қазақстан Республикасының Үкіметі қаулы етеді:
1. Қоса беріліп отырған Біріккен Ұлттар Ұйымы серверінде Қазақстан Республикасының тұрақты дамуы жөнінде ақпарат дерекқорын қалыптастыру ережесі бекітілсін.
2. Қазақстан Республикасының Қоршаған ортаны қорғау министрлігіне Біріккен Ұлттар Ұйымы серверінде Қазақстан Республикасының тұрақты дамуы жөнінде ақпарат дерекқорын қалыптастыру үшін жауаптылық жүктелсін.
ЕСКЕРТУ. 2-тармақ өзгерді - Қазақстан Республикасы Үкіметінің 2003 жылғы 12 қыркүйектегі N 922 қаулысымен.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы Үкіметінің
2001 жылғы 8 қазандағы
N 1295 қаулысымен бекітілген
Біріккен Ұлттар Ұйымы серверінде Қазақстан
Республикасының тұрақты дамуы жөнінде
ақпарат дерекқорын қалыптастыру
ЕРЕЖЕСІ 1. Жалпы ережелер
1. Осы Ереже Қазақстан Республикасы ақпаратын жинау мен өңдеу және Бiрiккен Ұлттар Ұйымы серверiнде дерекқорын қалыптастыру мәселелерiн шешу үшiн әзiрлендi.
2. Ережеде мынадай ұғымдар пайдаланылады:
"Тұрақты даму" - әлеуметтiк-экономикалық мiндеттер мен қоршаған орта проблемаларын теңдестiре шешу әрi адамдардың қазiргi және болашақ ұрпақтарының салауатты да қолайлы қоршаған ортаға қажетiн қанағаттандыру.
3. Қазақстан Республикасының Табиғи ресурстар және қоршаған ортаны қорғау министрлiгi тұрақты даму жөнiндегi деректердi жинау, өңдеу және кейiннен Бiрiккен Ұлттар Ұйымы серверiнде Қазақстан Республикасының тұрақты дамуы жөнiнде ақпарат дерекқорын қалыптастыру үшiн оларды Қазақстан Республикасының Сыртқы iстер министрлiгiне беру мәселелерi бойынша үйлестiрушi орган болып табылады.
2. Қалыптастыру тәртiбi
4. Қазақстан Республикасының Табиғи ресурстар және қоршаған ортаны қорғау министрлiгi БҰҰ хатшылығы мемлекеттердiң тұрақты дамуы жөнiнде ақпарат дерекқорын қалыптастыру және ақпаратты БҰҰ серверiнде орналастыру шеңберiнде дайындаған, құрамына Қазақстан Республикасы кiретiн БҰҰ-ға мүше елдер үшiн жасалған тұрақты даму жөнiндегi сұрақтар тiзбесiн жыл сайын министрлiктерге, агенттіктерге және жергілiктi атқарушы органдарға жiбередi.
5. Министрлiктер, агенттiктер мен жергiлiкті атқарушы органдар сұрақтарды алғаннан кейiн бiр ай мерзiмде тұрақты даму жөнiнде сұратылған ақпаратты Қазақстан Республикасының Табиғи ресурстар және қоршаған ортаны қорғау министрлiгiне ұсынады.
6. Қазақстан Республикасының Табиғи ресурстар және қоршаған ортаны қорғау министрлiгi:
1) ұсынылатын материалдарға техникалық талаптарды айқындайды;
2) ұсынылған ақпаратқа талдау, қорыту және жүйелеу жүргiзедi;
3) алынған ақпараттар негiзiнде Қазақстанның тұрақты дамуы мәселелерi бойынша ақпарат деректер қордасын қалыптастырады;
4) хабарлауды ұйымдастырады және тұрақты даму мәселелерi бойынша ақпаратқа жұртшылықтың қол жеткiзуiн қамтамасыз етедi;
5) тұрақты даму саласында тәжiрибе алмасу жөнiнде оқулар, семинарлар және конференциялар өткiзедi;
6) мемлекеттiк тiлде, орыс және ағылшын тiлдерiнде әзiрленген материалдарды Қазақстан Республикасының Сыртқы iстер министрлiгiне жiбередi.
7. Қазақстан Республикасының Сыртқы iстер министрлiгi ұсынылған материалдарды қарағаннан кейiн оларды Бiрiккен Ұлттар Ұйымының депозитарийiне берудi ұйымдастырады.
3. Қаржымен қамтамасыз ету
Осы Ережеде көзделген iс-шараларды орындау жөнiндегi қызметтi қаржыландыру тиiстi қаржы жылына арналған республикалық бюджетте мемлекеттiк органдарға ақпарат жүйелерiн құруға және дамытуға көзделген қаражат есебiнен және шегiнде жүзеге асырылады.
