"Акционерлiк қоғамдар туралы" Қазақстан Республикасы Заңының жобасы туралы

Қазақстан Республикасы Үкіметінің қаулысы 2001 жылғы 5 қараша N 1400

Қазақстан Республикасының Үкіметі қаулы етеді:
"Акционерлiк қоғамдар туралы" Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.

Қазақстан Республикасының

Премьер-Министрі

жоба

Қазақстан Республикасының Заңы

"Акционерлiк қоғамдар туралы"

Осы Заң акционерлiк қоғамның құқықтық жағдайын, қызметін, оны құру, қайта құру және тарату тәртiбiн; акционерлердің құқықтары мен мiндеттерiн, сондай-ақ олардың құқықтары мен мүдделерiн қорғау жөніндегі шараларды; акционерлік қоғам органдарының құзыретін, құрылу және жұмыс істеу тәртібін; оның лауазымды тұлғаларының өкiлеттiгiн, сайлану тәртібін және жауапкершiлiгiн белгілейді.

1-тарау. ЖАЛПЫ ЕРЕЖЕЛЕР

1-бап. Қазақстан Республикасының акционерлiк қоғамдар туралы
заңнамасы

1. Қазақстан Республикасының акционерлiк қоғамдар туралы заңнамасы Қазақстан Республикасының Конституциясына негiзделедi және осы Заңның нормалары мен Қазақстан Республикасының өзге де нормативтiк құқықтық кесімдерiнен тұрады.
2. Егер банктік және сақтандыру қызметі туралы, бағалы қағаздар рыногы туралы, инвестициялық қорлар мен зейнетақымен қамтамасыз ету туралы заңнамалық кесімдерде осы Заңмен салыстырғанда өзге нормалар белгіленсе, онда аталған заңнамалық кесімдердің нормалары қолданылады.
3. Егер Қазақстан Республикасында бекітілген халықаралық шарттарда осы Заңдағыдан басқа ережелер белгіленсе, аталған шарттың ережесі қолданылады.

2-бап. Осы Заңда пайдаланылатын негiзгi ұғымдар

1. Осы Заңда мынадай негiзгi ұғымдар пайдаланылады:
1) акционер - акцияның меншік иесі болып табылатын тұлға;
2) акция - акционерлік қоғам (бұдан әрі - қоғам) шығаратын және қоғамды басқаруға қатысу, дивиденд түрінде кіріс пен қоғам таратылғаннан кейін оның мүлкінің бір бөлігін алу құқығын куәландыратын бағалы қағаз. Акциялар құжатсыз нысанда шығарылады;
3) қоғамның аффилиирленген тұлғасы - тiкелей және (немесе) жанама шешім қабылдауға және (немесе) қоғам қабылдайтын шешiмге, оның iшiнде ауызша шартты қоса алғанда, шарттың немесе басқа мәмiленiң қолданылу күшiне ықпал етуге мүмкіндігі бар тұлға (берiлген өкiлеттiк шеңберінде оның қызметін реттеуді жүзеге асыратын мемлекеттiк органдарды қоспағанда), сондай-ақ қоғамның оған қатысты осындай құқығы бар кез келген тұлға;
4) дауыс беруші акциялар - қоғамның осы Заңда көзделген жағдайларда дауыс беру құқығы бар орналастырылған жай және артықшылық берілген акциялары;
5) дивиденд - акционердің өзіне тиесілі акциялары бойынша қоғам төлейтін кіріс;
6) лауазымды тұлға - қоғамның директорлар кеңесінің, атқарушы органның мүшесі немесе қоғамның атқарушы органның функциясын жеке дара жүзеге асыратын тұлға;
7) бiлiктi көпшiлiк - қоғамның дауыс беруші акцияларының жалпы санының үштен екiсiнен кем болмайтын мөлшердегi көпшiлiк;
8) конверсияланатын бағалы қағаз - конверсияланатын бағалы қағаз шығарған кезде белгiленген шарттармен қоғамның бағалы қағазының басқа түріне айырбасталуға жататын бағалы қағазы;
9) ірі акционер - қоғамның дауыс беруші акцияларының он және одан да көп (халықтық акционерлік қоғамда - бес және одан да көп) пайызын тікелей немесе жанама иеленетін, пайдаланатын, басқаратын акционер (өзара жасалған келісім негізінде бірігіп иеленетін, пайдаланатын, басқаратын бірнеше акционерлер);
10) кумулятивтi дауыс беру - акцияға дауыс берген кезде қатысушылардың әрқайсысына қоғамның алқалы органы мүшелерiнiң жалпы санына тең дауыс саны келетін дауыс беру тәсiлi;
11) тәуелсiз директор - қоғамның директорлар кеңесiне сайланардан бұрын үш жыл бойы осы қоғамның аффилиирленген тұлғасы мен оның аффилиирленген тұлғалары болып табылмайтын және болмаған (оны тәуелсiз директор лауазымына қайта сайлаған жағдайды қоспағанда), сондай-ақ осы кезеңде қоғамның аудитіне қатыспаған қоғамның директорлар кеңесінің мүшесi;
12) жарияланған акциялар - қоғамның жарғысында көзделген және бағалы қағаздар рыногы туралы заңнамаға сәйкес шығарылуы уәкілетті орган арқылы тіркелген акциялар;
13) опцион - келiсiлген баға бойынша және шартта белгiленген мерзiм iшiнде бағалы қағаздардың белгiлi бiр түрiнiң белгiлi бiр мөлшерiн бiр тараптың сатып алуға (сатуға) құқығын және екiншi тараптың сатып алуға (сатуға) мiндеттемесiн куәландыратын екі жақты шарт;
14) баспасөз басылымы - қоғам мен оның акционерлері заңнамалық кесімдерге сәйкес немесе соларға сай міндетті түрде жариялануға жататын өздерінің хабарламалары мен басқа да ақпаратын жариялау үшін пайдалануға тиісті, уәкілетті орган белгілеген таралымның мөлшері және оның таралу аймақтары бойынша талаптарға жауап беретін мерзімді баспасөз басылымы;
15) төлем агенті - банк немесе банк операцияларының жекелеген түрлерін жүзеге асыратын ұйым;
16) орналастырылған акциялар - бағалы қағаздардың бастапқы рыногында инвесторлар төлеген қоғамның акциялары;
17) қоғамның тiркеушiсі - қоғамның бағалы қағаздарын ұстаушылардың тiзiлiмiн жүргiзу жөнiндегi кәсiби қызметтi жүзеге асыратын ұйым;
18) уәкілетті орган - бағалы қағаздар рыногын реттеуді және қадағалауды жүзеге асыратын мемлекеттік орган;
19) орналастыру бағасы - акцияларды бағалы қағаздардың бастапқы рыногына орналастырған кезде акцияның белгілеген бағасы.

3-бап. Акционерлiк қоғам

1. Өз қызметiн жүзеге асыру үшiн қаражат тарту мақсатында акциялар шығаратын заңды тұлға акционерлiк қоғам болып танылады.
Қоғам өз акционерлерiнiң мүлкiнен оқшауланған мүлiкке ие болады және олардың мiндеттемелерi бойынша жауап бермейдi.
Қоғам өз мiндеттерi бойынша өзiне тиесiлi барлық мүлiкпен жауап береді.
2. Қоғамның акционері қоғамның мiндеттемелерiне жауап бермейдi және заңнамалық кесімдерде көзделген жағдайларды қоспағанда, өзiнің меншік құқығына тиесілі акцияларының шегiнде оның қызметiне байланысты шығындардың тәуекелін көтередi.
3. Қоғам (коммерциялық емес ұйымдардан басқасы) облигациялар және бағалы қағаздардың басқа түрлерін шығаруға құқылы.
4. Қазақстан Республикасының заңнамасында белгіленген жағдайларда акционерлік қоғамның ұйымдық-құқықтық нысанында коммерциялық емес ұйымдар құрыла алады.
5. Қызметтің жекелеген түрлерін жүзеге асыратын ұйымдар үшін заңнамалық кесімдермен немесе соларға сәйкес акционерлік қоғамның ұйымдық-құқықтық нысанының міндеттілігі белгіленуі мүмкін.
6. Қоғамның "акционерлік қоғам" екендігін көрсететін ұйымдық-құқықтық нысаны немесе оның аты кіруге тиісті фирмалық атауы болады. Қоғамның атынан кейін "АҚ" аббревиатурасын пайдалана отырып қоғамның атауын қысқартуға рұқсат етіледі.

4-бап. Халықтық акционерлік қоғам

1. Меншік капиталының мөлшері кемінде екі миллион айлық есептік көрсеткіш болатын қоғам халықтық акционерлік қоғам деп танылады.
Уәкілетті орган қоғамның өтініші негізінде не уәкілетті органда бар қоғамның меншік капиталының мөлшері туралы мәлімет негізінде оны халықтық акционерлік қоғам деп таниды.
Қоғамды халықтық акционерлік қоғам деп тану, сондай-ақ халықтық акционерлік қоғамның мәртебесі жойылды деп тану тәртібін уәкілетті орган белгілейді.
2. Халықтық акционерлік қоғамның бағалы қағаздарын сатып алу-сату ұйымдастырылған бағалы қағаздар рыногында ғана жүзеге асырылады.
3. Қоғамның халықтық акционерлік қоғам мәртебесi:
1) ол таратылған немесе қайта құрылған (осы қоғамға басқа қоғамды қосқан және осы қоғамнан бір немесе одан да көп жаңа қоғамдарды бөліп шығарған жағдайларды қоспағанда);
2) меншік капиталының кемінде екі миллион айлық есептік көрсеткіш мөлшерiнің он екі айдан астам мерзімге азайған жағдайларда ғана жойылады.

2-тарау. ҚОҒАМДЫ ҚҰРУ

5-бап. Қоғамның құрылтайшылары

1. Қоғамды құру туралы шешiм қабылдаған жеке және (немесе) заңды тұлғалар оның құрылтайшылары болып табылады.
2. Қазақстан Республикасының мемлекеттiк органдары және мемлекеттік мекемелер Қазақстан Республикасының Үкiметiн, жергілікті атқарушы органдарды, сондай-ақ Қазақстан Республикасының Ұлттық Банкін қоспағанда, қоғамның құрылтайшылары немесе акционерлері бола алмайды.
Мемлекеттiк кәсiпорын қоғамның құрылтайшысы болуға және меншік иесінің және мемлекеттік басқару органының осы кәсіпорынға қатысты өкілеттігін жүзеге асыратын мемлекеттік органның келісімімен ғана қоғамның акцияларын сатып алуға құқылы.
3. Қоғамның құрылтайшысы жалғыз тұлға болуы мүмкiн.
4. Қоғамның құрылтайшылары қоғамды құруға байланысты және ол мемлекеттiк тiркеуден өткенге дейiн туындаған шығыстарды төлеу жөнінде бірге жауап береді. Кейіннен осындай шығыстарды қоғам құрылтайшыларының жиналысы немесе акционерлердің жалпы жиналысы мақұлдаған жағдайда ғана қоғам өз құрылтайшыларына мұндай шығыстарды өтейді.

6-бап. Құрылтай жиналысы. Жалғыз құрылтайшы

1. Қоғам өз құрылтайшылары жиналысының (құрылтай жиналысының) шешiмi

бойынша құрылады. Қоғамды жалғыз тұлға құрған жағдайда қоғамды құру туралы

шешiмдi осы тұлға жеке дара қабылдайды.

Қоғам осы Заңда және басқа да заңнамалық кесiмдерде белгiленген

тәртіппен бар заңды тұлғаны қайта құру арқылы құрылуы мүмкiн.

2. Алғашқы құрылтай жиналысында құрылтайшылар:

1) қоғамды құру туралы шешiм қабылдайды және қоғамды құру жөнiндегi

бiрлескен қызмет тәртiбiн белгiлейдi;

2) құрылтай шартын жасайды;

3) құрылтайшылар төлейтiн жарғылық капиталының мөлшерiн белгiлейдi;

4) жарияланған акциялардың, сондай-ақ құрылтайшылар төлеуге тиiсті

акциялар санын белгiлейдi;

5) шығаруға жарияланған акцияларды мемлекеттік тiркеу туралы шешiм

қабылдайды;

6) қоғамның тiркеушiсiн таңдайды;

7) мемлекеттік тiркеуден өткiзу үшiн құжаттарға қоғамның атынан қол

қоюға уәкiлетті адамдарды сайлайды;

8) қоғам құрылтайшыларының жарғылық капиталды төлеуге енгізiлетiн мүлкiн Қазақстан Республикасының заңнамасына сәйкес бағалайтын адамдарды анықтайды;
9) қоғамның ұйымдары құрылғанға дейiн қоғамның қаржы-шаруашылық қызметiн жүзеге асыруға және үшiншi тұлғалар алдында оның мүддесiн бiлдiруге уәкiлеттi адамдарды сайлайды;
10) қоғамның жарғысын бекiтедi.
3. Акцияларды орналастырғанға дейiн құрылтайшылардың бiрнеше жиналысын өткiзуге рұқсат етiледi. Мұндайда алғашқы құрылтай жиналысында қабылданған шешiмге өзгерiстер мен толықтырулар енгізу құрылтай жиналыстарына құрылтай шартының барлық тараптары қатысқан жағдайда ғана рұқсат етiледi.
4. Қоғамның алғашқы құрылтай жиналысында құрылтайшылардың әрқайсысының бiр дауысы болады. Егер құрылтай шартында басқаша белгіленбесе, екiншi және онан кейiнгі құрылтай жиналыстарында құрылтайшылардың әрқайсысының бiр дауысы болады.
5. Қоғам акционерлерiнiң бiрiншi жалпы жиналысы өткiзiлгенге дейiн

оның құрылтайшылары (жалғыз құрылтайшысы) қоғамды тарату туралы шешiм

қабылдауға құқылы.

6. Құрылтай жиналысының (жалғыз құрылтайшының) шешiмдерi қоғамның

барлық құрылтайшылары (жалғыз құрылтайшысы) қол қоюға тиiсті хаттамамен

ресiмделедi.

7-бап. Құрылтай шарты. Жалғыз құрылтайшының шешiмi

1. Құрылтай шартында (жалғыз құрылтайшының шешiмiнде):

1) қоғамның құрылтайшылары (құрылтайшысы) туралы мәлiметтер болады,

оған қоса:

заңды тұлғаға қатысты: оның атауы, мекен-жайы, мемлекеттiк тiркелгенi

туралы деректер;

жеке тұлғаға қатысты: аты, азаматтығы, тұратын жерi және жеке басын

куәландыратын құжаттағы деректер;

2) қоғамның құрылғаны туралы жазба, қоғамның толық және қысқартылған

атауы, сондай-ақ оны құру тәртiбi;

3) құрылтайшылар (құрылтайшы) төлейтiн жарғылық капиталдың мөлшерi,

сондай-ақ оны төлеу мерзiмi мен тәртiбi;

4) акциялар шығаруды мемлекеттiк тiркеуден өткiзгеннен кейiн қоғамның құрылтайшылары арасында орналастырылатын (құрылтайшы сатып алатын) жарияланған акцияларының саны, түрлерi және орналастыру бағасы;
5) оның құрылтайшыларының құқықтары мен мiндеттерi және қоғам құруға байланысты шығыстарды бөлу, сондай-ақ құрылтайшылардың қоғам құру жөнiндегі қызметiн жүзеге асырудың өзге де талаптары (тек құрылтай шарты үшiн);
6) қоғамды құру және мемлекеттік тiркеу процесiнде оның мүддесiн бiлдiру тапсырылған тұлғалардың өкiлеттiктерiн айқындау;
7) қоғам құрылтайшыларының екiншi және одан кейiнгi жиналыстарын шақыру және өткiзу тәртiбi, сондай-ақ әрбiр қоғам құрылтайшысының екiншi және одан кейiнгi құрылтай жиналыстарындағы дауыс саны (тек құрылтай шарты үшiн);
8) қоғамның жарғысын бекiту туралы жазба;
9) басқа заңнамалық кесiмдерге сәйкес қоғамның құрылтай шартына (жалғыз құрылтайшының шешiмiне) енгізiлуге тиiстi өзге де талаптар.
2. Құрылтайшылардың шешiмi бойынша құрылтай шартына (жалғыз құрылтайшының шешiмiне) басқа да талаптар енгізiлуi мүмкін.
3. Құрылтай шартының (жалғыз құрылтайшы шешiмiнiң) қолданылу кезеңiнде осы Заңның 6-бабының 3-тармағында белгiленген талаптар сақталған жағдайда оның тараптары (құрылтайшысы) оған өзгерiстер мен толықтырулар енгiзуге құқылы.
4. Құрылтай шартында (жалғыз құрылтайшының шешiмiнде) айтылған мәлiметтер, егер шарттың өзiнде (жалғыз құрылтайшының шешiмiнде) басқаша көзделмесе, коммерциялық құпия болып табылады. Құрылтай шарты (жалғыз құрылтайшының шешiмi) мемлекеттік органдарға, сондай-ақ үшiншi тұлғаларға қоғамның шешiмi бойынша не Қазақстан Республикасының заңнамалық кесiмдерiнде белгіленген жағдайларда ғана берiлуге тиiс.
5. Қоғам құру туралы құрылтай шартының (жалғыз құрылтайшы шешiмiнiң) қолданылуы жарияланған акцияларды шығаруды мемлекеттiк тiркеген күннен бастап тоқтатылады.

8-бап. Құрылтай шартын жасау тәртiбi
(жалғыз құрылтайшының шешiмiн ресiмдеу)

1. Қоғамның құрылтай шарты әрбiр құрылтайшы немесе оның уәкiлетті өкiлi шартқа қол қою жолымен жазбаша нысанда жасалады.
Жалғыз құрылтайшының шешiмi жазбаша ресiмделiп, құрылтайшы немесе оның уәкiлетті өкiлi қол қояды.
Құрылтай шартын (жалғыз құрылтайшының шешiмiн) нотариат куәландырады.
2. Жеке тұлға құрылтайшының қойған қолының түпнұсқалығын нотариат куәландырады.
Заңды тұлға құрылтайшы өкiлiнiң қолы заңды тұлғаның мөрiмен расталады.
Құрылтайшылардың өкілдерiнiң (құрылтайшы өкiлiнiң) заңнамаға сәйкес ресiмделген, құрылтайшылардың жиналысына қатысу және құрылтай шартына қол қою құқығын қоса алғанда, қоғам құру құқығын беретiн тиiстi өкiлеттіктерi болуы керек.

9-бап. Қоғамның жарғысы

1. Қоғамның жарғысы қоғамның заңды тұлға ретiндегі құқықтық мәртебесiн анықтайтын құжат болып табылады және қоғамды мемлекеттiк тiркеген кезде құрылтай құжаты ретiнде қарастырылады. Жарғыға құрылтайшылар (құрылтайшы) не олардың уәкiлетті өкiлдерi (уәкiлетті өкiлi) қол қоюға тиiс және нотариат куәландырады.
2. Қоғамның жарғысында мынадай ережелер болуға тиiс:
1) қоғамның толық және қысқартылған атауы;
2) қоғамның мекен-жайы;
3) қоғамның жарияланған акцияларының саны, түрлерi және акционерлердiң құқықтары туралы мәлiметтер, оған қоса қоғамның артықшылық берiлген акциялармен куәландырылған құқықтарының көлемi және олар бойынша дивидендтердiң кепiлдiк берiлген мөлшерi;
4) құрылтайшылар (құрылтайшы) төлейтiн жарғылық капиталдың мөлшерi, сондай-ақ акциялар шығарылымы мемлекеттiк тiркелгеннен кейiн қоғамның құрылтайшылары арасында орналастырылатын (құрылтайшы сатып алған) жарияланған акцияларының саны, түрлерi және орналастыру бағасы;
5) қоғамның органдарын құру тәртiбi және құзыретi;
6) қоғамның органдарының қызметiн ұйымдастыру тәртiбi, оған қоса:
қоғам акционерлерiнiң жалпы жиналысын және алқалы органдарының мәжiлiсiн шақыру, әзiрлеу және өткiзу тәртiбi;
қоғам органдарының шешiмдер қабылдау тәртiбi, оның iшiнде шешiмдерi бiлiкті көпшiлiк дауыспен қабылдануға тиiстi мәселелердiң тiзбесi;
7) қоғамның акционерлерiне оның қызметi туралы ақпарат беру тәртiбi;
8) егер қоғам коммерциялық емес ұйым болып саналса:
қоғамның коммерциялық емес ұйым екендiгін көрсету, дауыс беру рәсiмi, дивидендтер төлемеу туралы ережелер мен осы заңда және коммерциялық емес ұйым туралы заңнамалық кесiмдерде белгiленген басқа да талаптар;
9) қоғам қызметiнiң тоқтатылу шарттары;
10) өзге де ережелер.
3. Барлық мүдделi тұлғалар қоғамның жарғысымен танысуға құқылы. Қоғам акционердiң талап етуi бойынша оған қоғамның жарғысымен, сонымен бiрге оның кейiнгi өзгерiстерiмен және толықтыруларымен танысуға мүмкiндiк беруге мiндеттi. Қоғам үш жұмыс күнi iшiнде жарғының көшiрмесiн беру туралы акционердiң талабын орындауға мiндеттi. Қоғам акционерге жарғының көшiрмесiн бергенi үшiн көшiрме даярлауға, ал жеткiзу қажет болғанда жеткiзуге жұмсалған шығыстардан аспайтын ақы алуға құқылы.
4. Қоғам өз қызметiн Қазақстан Республикасының Yкiметi бекiткен

Қоғамның үлгi жарғысы негізiнде жүзеге асыруға құқылы.

3-тарау. ҚОҒАМНЫҢ КАПИТАЛЫ

10-бап. Қоғамның жарғылық капиталының ең аз мөлшерi

Қоғамның жарғылық капиталының ең аз мөлшерi заңнамалық кесiмдерде

өзгеше көзделмеген болса, екi жүз мың айлық есептiк көрсеткiш болады.

11-бап. Қоғамның жарғылық капиталы

Құрылтайшылар төлейтiн жарғылық капиталдың мөлшерi қоғамның жарғылық

капиталының ең аз мөлшерiнен кем болмауға тиiс және құрылтайшылар оны

қоғам заңды тұлға ретiнде мемлекеттік тiркелген кезге қарай толық төлеуге

тиiс.

4-тарау. ҚОҒАМНЫҢ АКЦИЯЛАРЫ ЖӘНЕ БАСҚА

БАҒАЛЫ ҚАҒАЗДАРЫ

12-бап. Қоғамның акциялары туралы жалпы ережелер

1. Қоғам жай акциялар, не жай және артықшылық берiлген акциялар

шығаруға құқылы.

2. Акционерлiк қоғамның ұйымдық-құқықтық нысанында жұмыс iстейтiн коммерциялық емес ұйымдардың артықшылық берiлген акциялар шығаруға құқығы жоқ.
3. Акция бөлiнбейдi. Егер акция жалпы меншiк құқығымен бiрнеше тұлғаға тиесілі болса, олардың барлығы бiр акционер деп танылады және өзiнiң жалпы өкiлi арқылы акциямен куәландырылған құқықтарды пайдаланады.
4. Акцияның бiр түрi оған ие болатын әрбiр акционерге осындай акция түрлерiнiң басқа иелерiмен бiрдей көлемде құқық бередi.
5. Заңнамалық кесiмдермен:
1) қоғамның акцияларымен мәмiлелер жасауға;
2) қоғамның жарғыда көзделуге тиiстi акцияларының бiр акционерге тиесілі ең аз санына және қоғамның бiр акционерiне берiлетiн акциялар бойынша ең аз дауыс санына шектеулер белгiленуi мүмкiн.

13-бап. Қоғамның жай және артықшылық берiлген акциялары

1. Жай акция акционерге дауыс беруге енгiзiлген барлық мәселелердi шешкен кезде дауыс беру құқығымен акционерлердiң жалпы жиналысына қатысу құқығын және қоғамда таза табыс болған жағдайда дивидендтер алу құқығын бередi.
2. Акционерлер - артықшылық берiлген акцияларды иеленушiлер акционерлердiң қоғамның жарғысында белгiленгендей күнi бұрын айқындалған кепiлдiк мөлшерде дивидендтер алуға және қоғам таратылғаннан кейiн осы Заңда белгiленген тәртiппен қалған мүлiктің бiр бөлiгiн алуға жай акцияларды иеленушi акционерлер алдында айрықша құқығы бар.
Қоғамның артықшылық берiлген акцияларының саны оның жарияланған акцияларының жалпы санының жиырма бес пайызынан аспауға тиiс.
3. Артықшылық берiлген акция, осы баптың 4-тармағында белгiленген жағдайларды қоспағанда, акционерге қоғамды басқаруға қатысу құқығын бермейдi.
4. Артықшылық берiлген акция акционерге мынадай жағдайда қоғамды басқаруға қатысу құқығын бередi, егер:
1) қоғам акционерлерiнiң жалпы жиналысының шешiмi бойынша артықшылық берiлген акцияларды иеленушi акционерлердiң құқығын шектеуi мүмкiн мәселелердi қараса. Шектеу қою үшiн артықшылық берiлген акциялардың жалпы санының кемiнде үштен екi бөлiгi дауыс берген жағдайда ғана мұндай мәселе

жөнiнде шешiм қабылданды деп есептеледi;

2) қоғам акционерлерiнiң жалпы жиналысы қоғамды қайта құру не тарату

туралы мәселенi қараса;

3) артықшылық берiлген акция бойынша дивиденд оны төлеу үшiн

белгіленген мерзiм өткен күннен бастап үш ай iшiнде толық мөлшерде

төленбейтiн болса.

14-бап. Қоғам акционерлерiнiң құқықтары

1. Қоғамның акционерi:

1) осы Заңда және қоғамның жарғысында көзделген тәртiппен қоғамды

басқаруға қатысуға;

2) дивидендтер алуға;

3) қоғамның қызмет туралы ақпарат алуға, оның iшiнде акционерлердiң жалпы жиналысында немесе қоғамның жарғысында белгiленген тәртiппен қоғамның қаржылық есебiмен танысуға;
4) оның бағалы қағаздарға меншiк құқығын растайтын тiркеушіден немесе нақты ұстаушыдан көшiрмелер алуға;
5) қоғам акционерлерiнiң жалпы жиналысына қоғамның директорлар кеңесiне сайлау үшiн кандидатура ұсынуға;
6) қоғамның органдары қабылдаған шешiмге сот тәртiбiмен дауласуға;
7) қоғамға оның қызметi туралы жазбаша сұратумен өтiнiш беруге және қоғамға сұрату түскен күннен бастап отыз күннiң iшiнде дәлелдi жауап алуға;
8) қоғам таратылғаннан кейiн қалған мүлiктiң бiр бөлігіне;
9) осы заңда белгіленген тәртiппен өз акцияларына айырбасталатын қоғам акцияларын немесе бағалы қағаздарды артықшылықпен сатып алуға құқылы.
2. Ірi акционер сондай-ақ:
1) қоғам акционерлерiнiң кезектен тыс жалпы жиналысын шақыруды талап етуге;
2) қоғам акционерлерiнiң кезектен тыс жалпы жиналысын өз есебiнен

шақыруға және ұйымдастыруға немесе оны шақыру туралы сотқа шағым-талаппен

өтiнiш беруге;

3) қоғам акционерлерiнiң жалпы жиналысын шақыратын бастамашыға

жиналыстың күн тәртiбiне осы Заңға сәйкес қосымша мәселелер енгiзудi

ұсынуға;

4) қоғамның тiркеушiсiнен акционерлердiң жалпы жиналысын шақыру және

өткiзу мақсатында қоғам акционерлерi тiзiмiнiң көшiрмесiн алуға;

5) қоғамның директорлар кеңесiнiң мәжiлiсiн шақыруды талап етуге;

6) қоғамның есебiнен қоғамның аудитiн жүргізудi талап етуге құқылы.

3. Акционерлердiң осы баптың 1 және 2-тармақтарында белгiленген

құқықтарын шектеуге жол берiлмейдi.

Қоғамның жарғысында акционерлердiң өзге де құқықтары көзделуi мүмкiн.

15-бап. Қоғам акционерлерiнiң мiндеттерi

Қоғамның акционерi:

1) акцияларды төлеуге;

2) қоғамның тiркеушiсiне немесе осы акционерге тиесілі акцияларды нақты ұстаушыға қоғамның акцияларын ұстаушылардың тiзiлiмiн жүргізуге қажеттi мәлiметтердiң өзгергендігі туралы он күн iшiнде хабарлап отыруға;
3) қоғам немесе оның қызметi туралы қызметтік не коммерциялық құпиясы бар ақпаратты жария етпеуге;
4) осы Заңда белгiленген басқа да мiндеттердi орындауға мiндетті.

16-бап. Қоғамның бағалы қағаздарын айрықша сатып алу құқығы

1. Жарияланған акцияларды немесе қоғамның жай акцияларына конверсияланатын басқа бағалы қағаздарды, сондай-ақ бұрын сатып алынған бағалы қағаздарды орналастырғысы келетін қоғам оларды сатқанға дейiн жазбаша хабар жiберу немесе баспасөз басылымында жариялау арқылы өз акционерлерiне тең талаптармен, оларда бар акцияларға бара-бар, бағалы қағаздарды орналастыру туралы шешiм қабылдаған қоғамның органы белгiлеген баға бойынша бағалы қағаздарды сатып алуды ұсынуға мiндеттi.
2. Қоғам акционерлерiнiң бағалы қағаздарды айрықша сатып алу құқығын

сату тәртiбiн уәкiлетті орган белгiлейдi.

17-бап. Қоғамның шығарылған жарияланған акцияларын мемлекеттiк тiркеу

1. Қоғам шығарылған жарияланған акцияларды мемлекеттiк тiркеу үшiн

оның заңды тұлға ретiнде мемлекеттiк тiркелген күнiнен бастап бiр ай

iшiнде құжаттар ұсынуға мiндетті.

Егер қоғамның жарғысында осы мәселе акционерлердiң жалпы жиналысының

құзыретiне жатқызылмаса, қоғамның акцияларын оның жарияланған акциялары

саны шегінде орналастыру туралы шешiмдi қоғамның директорлар кеңесi

қабылдайды.

2. Акциялар шығаруды мемлекеттiк тiркеу тәртiбiн уәкiлетті орган

белгiлейдi.

18-бап. Қоғамның акцияларын орналастыру

1. Қоғам акциялардың шығарылуын мемлекеттік тiркегеннен кейiн

өз акцияларын орналастыруға құқылы.

Акцияларды орналастыру аукциондар, жазылым және Қазақстан

Республикасының заңнамасында белгiленген басқа да тәсiлдер арқылы

жүзеге асырылады.

Халықтық акционерлiк қоғам өзiнiң акцияларын жазылым арқылы таратуға

құқылы емес.

2. Қоғамның жазылым арқылы орналастырылатын акциялары қоғамның директорлар кеңесi белгiлеген орналастыру бағасы бойынша сатылады, осыған орай акцияларды орналастыру бағасы осы орналастыру шегiнде акцияларды сатып алушы адамдар үшiн бiрыңғай болуы тиiс.

19-бап. Қоғам акцияларын ұстаушылардың тiзiлiмi

1. Қоғам акцияларын ұстаушылардың тiзiлiмiн жасауды, жүргізудi және сақтауды тiркеушi ғана жүзеге асырады, ол қоғамның және оның аффилиирленген тұлғаларының аффилиирленген тұлғасы болмауы тиiс.
2. Қоғам акцияларын ұстаушылардың тiзiлiмiн жасау, жүргiзу және сақтау, сондай-ақ ол бойынша ақпарат ұсыну тәртiбiн бағалы қағаздар рыногы туралы заңнамада белгiленедi.
3. Қоғам өз акцияларын шығаруды мемлекеттік тiркеу мақсатында тiркеушiмен қоғамның акцияларын ұстаушылардың тiзiлiмiн жасау, жүргiзу және сақтау жөнiндегі қызмет көрсету туралы шартты құжаттарды ұсынуға дейiн жасауға мiндетті.
4. Орналастырылатын акцияны толық төлегенге дейiн қоғамның осы акцияны оны сатып алушының қоғам акцияларын ұстаушылардың тiзiлiмiндегi есепшотына есептеу туралы бұйрық беруге құқығы жоқ.

20-бап. Қоғам акцияларын орналастыру қорытындылары туралы есеп

1. Қоғам уәкiлеттi органға қоғамның жарияланған акцияларын толық орналастырғанға дейiн не оларды толық орналастырғаннан кейiн әрбiр алты айдың (есептi жарты жылдық аяқталғаннан кейiн бiр ай iшiнде) қорытындылары бойынша өз акцияларын орналастыру қорытындылары туралы есеп беруге мiндетті.
2. Акцияларды орналастыру қорытындылары туралы есептiң мазмұнын және ұсыну тәртiбiн, сондай-ақ осы есептi қарау және бекiту тәртiбiн уәкiлетті орган белгiлейдi.
3. Қоғамның ақшаны және қоғамның құрылтайшылары акцияларды төлеуге енгiзген басқа да мүлiкті қоспағанда, уәкiлеттi органның акцияларды орналастыру туралы есептi бекiткенге дейiн ақшаны және акцияларды төлеуге алынған басқа да мүлiктi жұмсауға құқығы жоқ.

21-бап. Қоғамның орналастырылатын акцияларын төлеу

1. Қоғамның орналастырылатын акцияларын төлеуге заңнамалық кесімдерде көзделген жағдайларды қоспағанда, ақша, мүліктік құқықтар, интеллектуалдық меншiк объектiлерi және басқа да мүлiк енгізiлуi мүмкiн.
Қоғамның орналастырылатын акцияларын шетел валютасымен төлеу Қазақстан Республикасының валюта заңнамасына сәйкес жүзеге асырылады.
Ақшадан басқа мүлiкпен төлеу Қазақстан Республикасының заңнамасына сәйкес бағалаушы белгiлеген баға бойынша жүзеге асырылады.
2. Егер қоғамның орналастырылатын акцияларын төлеуге мүлiктi пайдалану құқығы енгiзiлсе, мұндай құқық осы мүлiкті пайдалануға төленетiн ақының мөлшерiне қарай қоғамның оны пайдаланған барлық мерзiмiне бағаланады. Көрсетiлген мерзiм аяқталғанға дейiн қоғам акционерлерi жалпы жиналысының келiсiмiнсiз мұндай мүлiкті алуға тыйым салынады.
3. Қоғамға өзiнiң жарияланған акцияларын бағалы қағаздардың бастапқы рыногында орналастырған кезде сатып алуға тыйым салынады.

22-бап. Қоғамның акциялары бойынша дивидендтер

1. Қоғамның акциялары бойынша дивидендтер акционерлердiң жалпы жиналысында бағалы қағаздармен дивидендтер төлеу туралы шешiм қоғамның бiлiкті көпшiлiк дауыс берушi акцияларымен қабылданған жағдайда ғана ақшалай немесе қоғамның бағалы қағаздарымен төленедi.
Қоғамның акциялары бойынша оның бағалы қағаздарымен дивидендтер төлеуге осындай төлем жарияланған акциялар және қоғам шығарған облигациялармен жүзеге асырылған жағдайда ғана жол берiледi. Сонымен бiрге мұндай төлем қоғам акционерiнiң қоғамның бағалы қағаздарын айрықша сатып алу құқығын бұзуға әкеп соқтырмауы тиiс.
Дивидендтердi алу құқығы бар акционерлердiң тiзiмi дивидендтер төленетiн күннiң алдындағы күнi жасалуы тиiс.
2. Қоғамның акциялары бойынша дивидендтердi төлеу кезеңiн қоғамның жарғысы және (немесе) акцияларды шығару проспектiсi белгілейдi.
3. Қоғамның акциялары бойынша дивидендтер төлем агентi арқылы төленуi мүмкiн.
4. Орналастырылмаған немесе қоғамның өзi сатып алған акциялар бойынша дивидендтер есептелмейдi және төленбейдi.
5. Қоғамның акциялары бойынша:
1) меншiк капиталының терiс мөлшерi болған кезде немесе егер қоғамның меншiк капиталының мөлшерi оның акциялары бойынша дивидендтер төлеу нәтижесiнде терiс болған кезде;
2) егер ол банкроттық туралы Қазақстан Республикасының заңнамасына сәйкес төлем жасау қабiлетсiздiгi не дәрменсiздiгi белгiлерiне сәйкес келсе не осы белгiлер қоғамда оның акциялары бойынша дивидендтер төлеу нәтижесiнде пайда болса;
3) егер сот немесе қоғам акционерлерiнiң жалпы жиналысы оны тарату туралы шешiм қабылдаса, дивидендтердi төлеуге тыйым салынады.
6. Акционер қоғам берешегінiң пайда болу мерзiмiне қарамастан алынбаған дивидендтердi төлеудi талап етуге құқылы.
Дивидендтер оларды төлеу үшiн белгiленген мерзiмде төленбеген жағдайда, акционерге ақша мiндеттемесiн немесе оның тиiстi бөлiгiн орындау күнiне Қазақстан Республикасы Ұлттық Банкiнiң қайта қаржыландырудың ресми ставкасына сүйене отырып есептелетiн дивидендтердiң негізгі сомасы және өсiмпұл төленедi.
7. Акционерлiк қоғамның ұйымдық-құқықтық нысанында жұмыс iстейтiн коммерциялық емес ұйымдар өз акциялары бойынша дивидендтер есептемейдi және төлемейдi.

23-бап. Жай акциялар бойынша дивидендтер

1. Қоғамның жарғысында басқаша көзделмеген болса, қоғамның жай акциялары бойынша тоқсанның немесе жартыжылдықтың қорытындылары бойынша дивидендтер төлеу директорлар кеңесiнiң шешiмi бойынша жүзеге асырылады.
Қоғамның жай акциялары бойынша жыл қорытындылары жөнiнде дивидендтер төлеу туралы шешiмдi акционерлердiң жылдық жалпы жиналысы қабылдайды.
Қоғамның осы органдары қоғамның жай акциялары бойынша дивидендтер төлемеу туралы шешiмдi оны қабылдаған күннен бастап он күннiң iшiнде баспасөз басылымында мiндетті түрде жариялай отырып қабылдауға құқылы.
2. Қоғамның жай акциялары бойынша дивидендтердi төлеу туралы шешiм

қабылданған күннен бастап бес жұмыс күнi iшiнде бұл шешiм баспасөз

басылымында жариялануы тиiс.

3. Қоғамның жай акциялары бойынша дивидендтердi төлеу туралы шешiмде

мынадай мәлiметтер болуы тиiс:

1) қоғамның атауы, мекен-жайы және басқа да деректемелерi;

2) дивидендтер төленетiн кезең;

3) бiр жай акцияға есептегенде дивидендтiң мөлшерi;

4) дивидендтер төлеудiң басталған күнi;

5) дивидендтер төлеудiң тәртiбi мен нысаны.

24-бап. Артықшылық берiлген акциялар бойынша дивидендтер

1. Қоғамның артықшылық берiлген акциялары бойынша дивидендтердi төлеу

қоғам органының шешiмiн талап етпейдi.

Бiр артықшылық берiлген акцияға дивидендтер төлеу кезеңдiлігін және дивидендтiң мөлшерiн қоғамның жарғысы белгiлейдi. Артықшылық берiлген акциялар бойынша есептелетiн дивидендтердiң мөлшерi жай акциялар бойынша осы кезеңге есептелетiн дивидендтердiң мөлшерiнен аз болмауы керек.
Қоғамның артықшылық берiлген акциялары бойынша дивидендтер толық төленгенге дейiн оның жай акциялары бойынша дивидендтер төленбейдi.
2. Артықшылық берiлген акция бойынша дивидендтiң кепiлдiк мөлшерi оның мәнi тұрақты және жалпыға мәлiм болған жағдайда қандай да болмасын көрсеткiшке қатысты белгiленген әрi индекстелген түрде белгiленуi мүмкiн.

25-бап. Қоғамның акцияларымен мәмiлелер жасау

1. Бағалы қағаздардың қайталама рыногында қоғамның дауыс берушi акцияларының отыз және одан да көп пайызын сатып алғысы келетiн тұлғаның өзi немесе өзiнiң аффилиирленген тұлғаларымен бiрлесе отырып, бұл туралы қоғамға және уәкiлеттi органға өзi белгiлеген тәртiппен хабарлама жiберуге мiндеттi. Хабарламада сатып алынатын акциялардың саны, болжамды сатып алу бағасы туралы мәлiметтер және уәкiлетті органның талап етуi бойынша басқа да мәлiметтер болуы тиiс.
2. Қоғамның акционерлердiң қоғамның акцияларын сатуына бөгет жасауға құқығы жоқ. Қоғам қоғамның акцияларын сатқысы келетiн тұлғаға оларды қоғамның өзi немесе үшiншi тұлғалардың ұсынылған бағадан асатын баға бойынша сатып алуы туралы ұсыныс жасауға құқығы бар. Сатып алу туралы ұсыныста акциялардың саны, бағасы және үшiншi тұлғалар акцияларды сатып алған жағдайда сатып алушылардың деректемелерi туралы мәлiметтер болуы тиiс.
3. Бағалы қағаздардың қайталама рыногында қоғамның дауыс берушi акцияларының отыз және одан да көп пайызын дербес немесе өзiнiң аффилиирленген тұлғаларымен бiрлесе отырып сатып алған тұлға сатып алған күннен бастап отыз күн iшiнде басқа акционерлерге оларға тиесiлi қоғамның акцияларын сатуға ұсынысты баспасөз басылымында жариялауға мiндетті. Акционер өзiне тиесiлi акцияларды сату туралы ұсыныс жарияланған күннен бастап отыз күннен аспайтын мерзiмде оларды сату туралы ұсынысты қабылдауға немесе осындай ұсыныстан бас тартуға құқылы.
Акционерлерге оларға тиесiлi акцияларды сату туралы ұсыныста аттарын (атауларын), мекен-жайларын (тұрғылықты жерлерiн), оларға тиесiлi акциялардың санын қоса есептегенде қоғамның дауыс берушi акцияларының отыз және одан да көп пайызын сатып алған тұлға және оның аффилиирленген тұлғалары туралы және ұсынылып отырған акцияларды сатып алу бағасы туралы деректер болуы тиiс.
Акционердiң оған тиесiлi акцияларды сату туралы жазбаша келiсiмiн алған жағдайда сатып алу туралы ұсынысты жариялаған тұлға отыз күн iшiнде акцияларды төлеуге мiндетті.
Осы тармақта көрсетiлген акцияларды сатып алу тәртiбiн сақтамаған жағдайда, қоғамның дауыс берушi акцияларының отыз және одан да көп пайызын иеленушi тұлға (тұлғалар) өздерiмен аффилиирленбеген тұлғаларға оған (оларға) тиесiлi қоғамның дауыс берушi акцияларының жиырма тоғыз пайызынан асатын акцияларының бiр бөлiгiн иелiктен шығаруға мiндеттi.
4. Өзiне тиесілі акцияларды сату туралы ұсынысқа жауап ретiнде өтiнiш берген қоғамның акционерi осы ұсынысты жариялаған тұлғаның акцияларды сатып алудан бас тартуына сот тәртiбiмен шағым жасауға құқылы.

26-бап. Орналастырылған акцияларды сот шешiмi бойынша сатып алу

Қоғам акционерлерiнiң жалпы жиналысы акционерден акцияларды қоғамның мәжбүрлеп сатып алу туралы сотқа өтiнiш беру жөнiнде шешiм қабылдауға құқылы.

27-бап. Қоғамның бастамасы бойынша орналастырылған акцияларды
сатып алу

1. Орналастырылған акцияларды сатып алу қоғамның бастамасы бойынша оларды кейiннен сату немесе жою мақсатында, сондай-ақ Қазақстан Республикасының заңнамаға және қоғамның жарғысына қайшы келмейтiн басқа да мақсаттарда жүзеге асырылуы мүмкiн.
2. Егер осы заңда және (немесе) қоғамның жарғысында басқаша көзделмесе, қоғамның өз бастамасы бойынша орналастырылған акцияларды сатып алуы директорлар кеңесiнiң шешiмi негізiнде жүзеге асырылады.
3. Қоғамның:
1) акционерлердiң бiрiншi жалпы жиналысын өткiзгенге дейiн;
2) акцияларды орналастыру қорытындылары туралы есеп бекiтiлгенге дейiн;
3) егер акцияларды сатып алу нәтижесiнде қоғамның меншiк капиталының мөлшерi осы заңда белгiленген ең төменгі жарғылық капиталдың мөлшерiнен аз болса;
4) егер акцияларды сатып алу кезiнде қоғам банкроттық туралы Қазақстан Республикасының заңнамасына сәйкес төлем жасау қабiлетсiздiгі не дәрменсiздігі белгiлерiне сәйкес келсе немесе аталған белгiлер қоғамда оның барлық талап етiлетiн немесе сатып алуға болжанатын акцияларын сатып алу нәтижесiнде пайда болса;
5) егер сот немесе қоғам акционерлерiнiң жалпы жиналысы оны тарату туралы шешiм қабылдаса өзiнiң орналастырылған акцияларын сатып алуға құқығы жоқ.
4. Егер қоғамның бастамасы бойынша сатылатын оның орналастырылған акцияларының саны оның жалпы санынан бiр пайыз асатын болса, ол осындай сатып алу туралы өзiнiң акционерлерiне хабарлауға мiндетті.
Қоғамның орналастырылған акцияларын сатып алуы туралы хабарламасында өзi сатып алатын акциялардың түрлерi, саны, бағасы, мерзiмi және сатып алу талаптары туралы мәлiметтер болуы тиiс және ол баспасөз басылымында жариялануы тиiс.
5. Егер қоғамның оның акционерлерi сатып алуға өтiнiш берген орналастырылған акцияларының саны қоғамның сатып алуы мүмкiн акциялардың санынан асқан жағдайда, бұл акциялар акционерлерден оларға тиесiлi акциялардың санына теңбе-тең сатып алынады.

28-бап. Акционердiң талап етуi бойынша орналастырылған
акцияларды сатып алу

1. Қоғам орналастырылған акцияларды акционерлердiң жалпы жиналысы мынадай шешiмдердi қабылдаған жағдайларда қойылуы мүмкiн қоғам акционерiнiң талап етуi бойынша сатып алуы тиiс:
1) қоғамды қайта ұйымдастыру туралы (егер акционер қоғамды қайта ұйымдастыру туралы мәселе қаралған акционерлердiң жалпы жиналысына қатысқан болса және оған қарсы дауыс берсе);
2) қоғамның iрi мәмiле жасауға немесе мүдделi тұлғалардың қатысуымен мәмiле жасауға рұқсат беру туралы (егер акционер осындай шешiм қабылдау туралы мұндай мәселе қаралған акционерлердiң жалпы жиналысына қатысқан болса және ол оны қабылдауға қарсы дауыс берсе);
3) осы акционерге тиесілі акциялар бойынша құқықтарды шектейтiн қоғамның жарғысына өзгерiстер мен толықтырулар енгізу туралы (егер акционер осындай шешiм қабылданған акционерлердiң жалпы жиналысына қатыспаса, немесе егер ол осы жиналысқа қатысып, аталған шешiмдi қабылдауға қарсы дауыс берсе).
2. Акционер акционерлердiң жалпы жиналысы шешiм қабылдаған күннен бастап отыз күн iшiнде қоғамға оған тиесілі акцияларды жазбаша - өтiнiш жiберу арқылы сатып алу туралы талап қоюға құқылы.
Аталған өтiнішті алған күннен бастап отыз күн iшiнде қоғам акционерден акционерлердiң жалпы жиналысында осы баптың 1-тармағында көрсетiлген шешiмдердің бiреуiн қабылдаған күнгі жағдай бойынша қоғамның меншiк капиталы мөлшерiнiң ол орналастырған акциялардың жалпы санының ара қатынасына сүйене отырып белгiленген баға бойынша акцияларды сатып алуға мiндеттi. Акционерлiк қоғам нысанында жұмыс iстейтiн коммерциялық емес ұйымның акциялар сатып алуы акционердiң акцияларды сатып алуды талап ететiн акциялар сатып алатын күнгi белгіленген орналастыру бағасы бойынша жүзеге асырылады.
3. Егер қоғамның оның акционерлерi сатып алуға өтiнiш берген орналастырылған акцияларының саны қоғам сатып алуы мүмкiн акцияларының санынан асқан жағдайда, бұл акциялар акционерлерден оларға тиесiлi акциялардың санына теңбе-тең сатып алынады.
4. Қоғамға акцияларды сатып алу туралы талап қойған акционер қоғамның осындай сатып алудан бас тартуына, сондай-ақ өзi онымен келiспеген жағдайда акцияларды сатып алу бағасына сот тәртiбiмен шағым жасауға құқылы.

29-бап. Қоғамның орналастырылған акцияларды сатып алуы
бойынша шектеулер

1. Қоғам сатып алатын орналастырылған акцияларының саны ол орналастырған акциялардың жалпы санының жиырма бес пайызынан аспауы тиiс, ал қоғамның орналастырылған акцияларын сатып алуға жұмсалған шығыстар оның меншiк капиталы мөлшерiнiң он пайызынан аспауы тиiс:
1) акционердiң талап етуi бойынша орналастырылған акцияларды сатып алған кезде - акционерлердiң жалпы жиналысында осы Заңның 28-бабының 1-тармағында көрсетiлген шешiмдердiң бiреуiн қабылдаған күнгі жағдай бойынша;
2) қоғамның бастамасы бойынша орналастырылған акцияларды сатып алған кезде - қоғамның орналастырылған акцияларын сатып алу туралы шешiм қабылданған күнгі жағдай бойынша.
2. Қоғамның сатып алған акциялары оның акционерлерi жалпы жиналысының кворумын анықтаған кезде ескерiлмейдi және дауыс беруге қатыспайды.

30-бап. Қоғамның акцияларына опциондар

1. Қоғам бағалы қағаздар рыногы туралы заңнамаға сәйкес қоғам шығаратын опцион тарапының (сатып алушының) акцияларды мынадай талаптары сақталған жағдайда сатып алуына опциондар жасауға (сатуға) құқылы:
1) осындай опциондардың мәнi болып табылатын қоғам акцияларының саны қоғамның жарияланған және орналастырылған акцияларының саны арасындағы айырмашылықтан аспауы тиiс;
2) халықтық акционерлiк қоғам деген мәртебесi бар қоғамның орналастырылған акцияларының жалпы санының бiр және одан да көп пайызы болатын мөлшерде мәнi қоғамның акциялары болып табылатын опциондарды жасау (сату) қоғам акционерлерiнiң жалпы жиналысының рұқсатымен ғана жүзеге асырылуы мүмкiн.
2. Қоғамға опциондарды және басқа да мiндеттемелердi жасауға (сатуға немесе сатып алуға) тыйым салынады, соған сәйкес қоғам Қазақстан Республикасының заңнамасында белгіленген жағдайларды қоспағанда өзiнiң орналастырылған акцияларын сатып алуды өзiнiң мiндетiне алады.
3. Акционерлiк қоғамның ұйымдық-құқықтық нысанында жұмыс істейтiн коммерциялық емес ұйымдар опциондар жасай алмайды.

31-бап. Қоғамның конверсияланатын бағалы қағаздары

1. Егер қоғамның жарғысында конверсияланатын бағалы қағаздарды шығарудың мүмкiндiгi көзделген болса ғана оны шығаруға құқылы.
Акционерлiк қоғамның ұйымдық-құқықтық нысанында жұмыс iстейтiн коммерциялық емес ұйымдардың конверсияланатын бағалы қағаздарды шығаруға құқығы жоқ.
2. Акцияларға конверсияланатын қоғамның бағалы қағаздарын шығаруға қоғамның жарияланған және орналастырылған акциялары арасындағы айырмашылық шегінде жол берiледi.
3. Қоғамның бағалы қағаздарын конверсиялау талаптары мен тәртiбiн конверсияланатын бағалы қағаздардың шығару проспектiсi белгiлейдi.
4. Уәкiлетті орган қоғамның конверсияланатын бағалы қағаздарды шығару және оларды қоғамның басқа да бағалы қағаздарына конверсиялау тәртiбiне қосымша талаптар белгiлеуге құқылы.

32-бап. Қоғамның бағалы қағаздарын кепiлге беру

1. Қоғамның бағалы қағаздарын кепiлге салу құқығын қоғам жарғысының ережелерiмен шектеуге немесе алып тастауға болмайды.
Егер кепiл талаптарында басқаша көзделмесе, акционердiң дауыс беру және өзi салған акция бойынша дивидендтер алу құқығы бар.
2. Қоғам:
1) кепiлге берiлетін бағалы қағаздар толық төленсе;
2) қоғамға кепiлге берiлетiн және оның кепiлiндегi бағалы қағаздардың жалпы саны қоғамның төленген жарғылық капиталының он пайызынан аспаса;
3) кепiл шартын қоғам директорлар кеңесi мақұлдаса, егер қоғам жарғысында басқаша белгiленбесе өзi орналастырған бағалы қағаздарды кепiлге қабылдай алады.
3. Қоғам орналастырған және оның кепiлiндегі акциялар акционерлердiң жалпы жиналысының кворумын анықтаған кезде ескерiлмейдi және акционерлердiң жалпы жиналысының шешiмдерiн қабылдауға қатыспайды.
4. Қоғамның бағалы қағаздарының кепiлiн тiркеу тәртiбi бағалы қағаздар рыногы туралы заңнамада белгiленедi.

33-бап. Қоғамның акцияларын мемлекет меншігіне беру арқылы
қоғамның бюджет алдындағы мерзiмi өткен берешегiн өтеу

1. Егер қоғамның салықтар және бюджетке төленетiн басқа да мiндеттi төлемдерi бойынша үш айдан астам мерзiмi өткен берешегiнiң (бұдан әрi - мерзiмi өткен берешек) және бюджеттiң қоғам алдындағы мерзiмi өткен берешегі арасындағы айырмашылық қоғамның жарғылық капиталы мөлшерiнен кемiнде үштен бiр бөлiгі болса, салық органы қоғамның акцияларын мемлекет меншiгіне беру арқылы берешегін өтеу жөнiнде ұсыныспен мерзiмi өткен берешегінiң бар екендiгі туралы қоғамға хабарлайды.
2. Қоғамның салық берешегiн өтеу кезiнде акциялардың саны және оларды орналастыру бағасы қоғамның бухгалтерлiк есебiнiң деректерi немесе Қазақстан Республикасының заңнамасына сәйкес жүргізiлетiн бағалау негiзiнде салық органымен келiсiм бойынша белгiленедi. Бағалаушы акцияларды орналастыру бағасын белгiлеген жағдайда бағалауға байланысты шығын қоғамға жүктеледi.
3. Қоғамның атқарушы органы салық органының қоғам акцияларын мемлекет меншiгiне беру арқылы мерзiмi өткен берешектi өтеу туралы хабарын алған күннен бастап үш күн iшiнде осы Заңда белгіленген тәртiппен аталған мәселе бойынша шешiм қабылдау үшiн акционерлердiң кезектен тыс жалпы жиналысын шақыру және өткiзу жөнiнде шаралар қолдануға мiндетті.
Қоғам акционерлерiнiң жалпы жиналысының шешiмi туралы жазбаша хабарлама салық органына шешiм қабылданған күннен бастап үш күн iшiнде жiберiледi.
4. Қоғамның акцияларын мемлекет меншiгiне беру арқылы қоғамның мерзiмi өткен берешегін өтеу қоғамның жарияланған акциялары санының шегінде жүзеге асырылады. Егер қоғамның барлық жарияланған акциялары орналастырылған жағдайда немесе олардың саны мерзiмi өткен берешектi өтеу үшiн жеткiлiксiз болған жағдайда қоғам акционерлерiнiң кезектен тыс жалпы жиналысы осы Заңда және бағалы қағаздар рыногы туралы заңнамада белгіленген тәртiппен қоғамның жарияланған акцияларының санын көбейту және оларды мемлекеттік тіркеу туралы шешiм қабылдайды.
5. Мерзiмi өткен берешектi өтеу есебiне мемлекет меншiгiне берiлген қоғам акцияларының ұстаушысы мемлекет меншiгін басқаруға уәкілетті мемлекеттік орган болып табылады.
Қоғамның мерзiмi өткен берешегі қоғам акцияларын ұстаушылардың

тiзiлiмiнде мәмiленiң тiркелген сәтiнен бастап өтелдi деп саналады.

6. Қоғам өз акцияларын мемлекет меншiгіне беру арқылы мерзiмi

өткен берешегiн өтеуден бас тартқан жағдайда салық органы мерзiмi өткен

берешектi өтеу мақсатында акцияларды мемлекет меншiгiне мәжбүрлеп

беру туралы шағыммен сотқа өтiнiш беруге құқылы.

7. Банктердiң және банк операцияларының жекелеген түрлерiн жүзеге

асыратын ұйымдардың, сондай-ақ сақтандыру (қайта сақтандыру) ұйымдарының

акцияларын беру арқылы мерзiмi өткен берешек өтелмейдi.

5-тарау. ҚОҒАМДЫ БАСҚАРУ

34-бап. Қоғамның органдары

1. Қоғамның органдары:

1) жоғары орган - акционерлердiң жалпы жиналысы (барлық дауыс берушi акциялары бiр акционерге тиесiлi қоғамда - осы акционер);
2) басқару органы - директорлар кеңесi;
3) атқарушы орган - алқалы орган немесе атауын қоғамның жарғысы белгiлейтiн қоғамның атқарушы органының қызметiн жеке жүзеге асыратын тұлға;
4) заңнамалық кесiмдерге және (немесе) қоғамның жарғысына сәйкес өзге де органдар болып табылады.
2. Қоғамның жарғысында қоғамның iшкi аудит қызметiн құру көзделуi мүмкiн.
Халықтық акционерлiк қоғамдарда iшкi аудит қызметiнiң болуы мiндетті болып табылады.
3. Бұрын мемлекеттiк реттеудiң уәкiлеттi органының мемлекеттік қызметшiсi болып табылған және өзiнің қызметтiк мiндеттерi бойынша қоғам қызметiне мемлекет тарапынан қадағалау бойынша өкiлеттіктерi болған жеке тұлға осындай өкiлеттік тоқтатылған күннен бастап бiр жылдың iшiнде барлық дауыс беруші акциялары мемлекетке тиесiлi қоғамның органдарын қоспағанда, осы қоғамның органына сайлана алмайды.

35-бап. Қоғам акционерлерiнің жалпы жиналысы

1. Қоғам акционерлерінің жалпы жиналысы жылдық және кезектен тыс болып бөлiнедi.
Қоғам жыл сайын акционерлердiң жылдық жалпы жиналысын өткiзуге мiндетті. Қоғам акционерлерiнiң өзге жалпы жиналыстары кезектен тыс болып табылады.
Қоғам акционерлерiнiң бiрiншi жалпы жиналысы жарияланған акцияларды мемлекеттік тiркеуден өткiзгеннен кейiн шақырылады және өткiзiледi.
2. Акционерлердiң жыл сайынғы жалпы жиналысы қоғамның жылдық қаржылық есебiн бекiтедi, өткен қаржылық жылдағы қоғамның таза кiрiсiн бөлу тәртiбiн және қоғамның бiр жай акциясы есебiнен дивиденд мөлшерiн белгілейдi. Акционерлердiң жылдық жалпы жиналысы қоғам акционерлерiнiң жалпы жиналысының құзыретiне жатқызылған басқа да мәселелердi қарауға және олар бойынша шешiм қабылдауға құқылы.
3. Қоғам акционерлерiнiң жылдық жалпы жиналысы қаржылық жыл аяқталғаннан кейiн бес айдың iшiнде өткiзiлуi тиiс.
Есеп берiлетiн кезеңдегi қоғам қызметiнiң аудитiн аяқтау мүмкiн болмаған жағдайда аталған мерзiм үш айға дейiн ұзартылған болып есептеледi.
4. Барлық акциялары жалғыз акционерге тиесiлi қоғамда акционерлердiң жалпы жиналысы өткiзiлмейдi. Осы Заңмен және қоғамның жарғысымен акционерлердiң жалпы жиналысының құзыретiне жатқызылған мәселелер бойынша шешiмдердi мұндай акционер жеке-дара қабылдайды және ол жазбаша түрде ресiмделуi тиiс.
5. Егер қандай да болмасын тұлға қоғамның барлық дауыс берушi акцияларына иелiк еткен жағдайда, ол егер қабылданған шешiм артықшылық берiлген акциялар куәландырған құқыққа нұқсан келтiрмесе және шектеу қоймаса акционерлердiң жалпы жиналысын өткiзбестен осы Заңда және қоғам жарғысында акционерлердiң жалпы жиналысының құзыретiне жатқызылған мәселелер бойынша шешiмдi дербес қабылдауға құқылы және ол жазбаша түрде ресiмделуi тиiс.
6. Егер осы баптың 4 және 5-тармақтарында көзделген жағдайларда қоғамның жалғыз акционерi немесе қоғамның барлық дауыс берушi акцияларын иеленушi тұлға заңды тұлға болып табылса, онда осы Заңмен және қоғамның жарғысымен акционерлердiң жалпы жиналысының құзыретiне жатқызылған мәселелер бойынша шешiмдердi заңды тұлғаның Қазақстан Республикасының заңнамасына немесе оған (оларға) берiлген өкiлеттiктерге сәйкес осындай шешiмдердi қабылдауға құқығы бар органы, лауазымды тұлғасы (лауазымды тұлғалары) немесе қызметкерi (қызметкерлерi) қабылдайды.

36-бап. Қоғам акционерлерiнiң жалпы жиналысының құзыретi

1. Қоғам акционерлерiнiң жалпы жиналысының айрықша құзыретiне мынадай мәселелер жатқызылады:
1) қоғам жарғысына өзгерiстер мен толықтырулар енгізу немесе оның жаңа редакциясын бекiту;
2) заңнамалық кесiмдерде көзделгеннен басқа жағдайларда қоғамды ерiктi түрде қайта ұйымдастыру немесе тарату;
3) акциялар шығаруды мемлекеттiк тiркеу туралы шешiм қабылдау және қоғамның жарияланған акцияларының санын өзгерту;
4) қоғамның есептеу комиссиясының сандық құрамын және өкiлеттiк мерзiмiн белгілеу оның мүшелерiн сайлау және олардың (оның) өкiлеттiктерiн мерзiмiнен бұрын тоқтату;
5) қоғамның директорлар кеңесiнiң сандық құрамын, өкiлеттiгiнiң мерзiмiн белгілеу, оның мүшелерiн сайлау және олардың өкiлеттiгiн мерзiмiнен бұрын тоқтату, сондай-ақ директорлар кеңесiнiң мүшелерiне сыйақы мөлшерi мен төлеу талаптарын анықтау;
6) қоғамның аудиторлық ұйымын анықтау;
7) қоғамның жылдық есебiн бекiту;
8) есептi қаржылық жылдағы қоғамның таза кiрiсiн бөлу тәртiбiн бекiту, қоғамның жай акциялары бойынша дивидендтер төлеу туралы шешiм қабылдау және жыл қорытындысы бойынша қоғамның бiр жай акциясы есебiнен дивиденд мөлшерiн бекiту;
9) қоғамға тиесiлi барлық активтердiң жиынтық сомамен жиырма бес (халықтық акционерлiк қоғамда - он) және одан да көп пайызын құрайтын активтердiң бiр немесе бiрнеше бөлiгiн беру арқылы қоғамның басқа заңды тұлғаларды құруға немесе олардың қызметiне қатысуы туралы шешiм қабылдау;
10) қоғаммен iрi мәмiлелердi және оларды жасауға қоғамның мүдделiлiгi бар мәмiлелердi жасау туралы шешiм қабылдау;
11) қоғам мiндеттемелерiн оның меншiк капиталы мөлшерiнiң жиырма бес және одан да көп пайызын құрайтын сомаға көбейту туралы шешiм қабылдау;
12) қоғамның акционерлердiң жалпы жиналысын шақыру туралы акционерлерге хабарлау нысанын белгiлеу және мұндай ақпаратты баспасөзде орналастыру туралы шешiм қабылдау;
13) қоғам акцияларды бағалы қағаздар рыногы туралы заңнамаға сәйкес сатып алған жағдайда олардың құнын белгiлеу әдiстемесiн бекiту;
14) акционерлердiң жалпы жиналысының күн тәртiбiн бекiту;
15) мұндай тәртiп қоғам жарғысында белгіленбеген жағдайда ғана, баспасөз басылымын белгiлеудi қоса алғанда, қоғам қызметi туралы акционерлердiң ақпарат беру тәртiбiн белгiлеу;
16) шешiм қабылдау осы Заңмен және қоғам жарғысымен қоғам акционерлерiнiң жалпы жиналысының тiкелей құзыретiне жатқызылған өзге де мәселелер.
2. Осы баптың 1-тармағының 1)-3) тармақшаларында көрсетiлген мәселелер бойынша акционерлердiң жалпы жиналысының шешiмдерi қоғамның дауыс берушi акцияларының жалпы санының бiлiктi көпшiлiгiмен, ал инвестициялық жекешелендiрiлген қорды қайта ұйымдастыру нәтижесiнде құрылған қоғамда - қоғамның жиналыста ұсынылған дауыс берушi акцияларының бiлiктi көпшiлiк дауысымен қабылданады.
Өзге мәселелер бойынша қоғам акционерлерi жалпы жиналысының шешiмдерi, егер осы заңда және қоғам жарғысында басқаша белгiленбесе, қоғамның дауыс беруге қатысушы дауыс берушi акцияларының жалпы санынан жай көпшiлiк дауыспен қабылданады.
Қоғам жарғысы қоғамның директорлар кеңесi мүшелерiнiң өкiлеттiктерiн мерзiмiнен бұрын тоқтату туралы шешiмдi қабылдау үшiн қажеттi дауыс санын осы тармақтың екiншi бөлiгiнде көрсетiлгеннен көп санмен белгiлемейдi.
3. Сонымен бiрге қоғам жарғысы акционерлердiң жалпы жиналысының айрықша құзыретiне қоғам қызметiнiң басқа да мәселелерiн жатқыза алады.
Егер осы Заңда және басқа да заңнамалық кесiмдерде басқаша

көзделмесе, шешiм қабылдау қоғам акционерлерiнiң жалпы жиналысының айрықша

құзыретiне жатқызылған мәселелердi басқа органдардың, лауазымды

тұлғалардың және қоғам қызметкерлерiнiң құзыретiне беруге тыйым салынады.

4. Егер жарғыда басқаша айқындалмаса, қоғам акционерлерiнiң жалпы

жиналысы қоғамның iшкi қызметiне жатқызылған мәселелер бойынша қоғамның

басқа органдарының кез келген шешiмiн жоюға құқылы.

37-бап. Қоғам акционерлерiнiң жалпы жиналысын шақыру тәртiбi

1. Қоғам акционерлерiнiң жылдық жалпы жиналысын директорлар кеңесi

шақырады.

2. Қоғам акционерлерiнiң кезектен тыс жалпы жиналысы:

1) директорлар кеңесiнiң;

2) iрi акционердiң бастамасы бойынша шақырылады.

Ерiкті түрде таратылу үстiндегi қоғам акционерлерiнiң кезектен тыс

жалпы жиналысын қоғамның тарату комиссиясы шақырады, әзiрлейдi және өткiзе

алады.

Заңнамалық кесiмдерде акционерлердiң кезектен тыс жалпы жиналысын

мiндеттi шақыру жағдайлары көзделуi мүмкiн.

3. Қоғам акционерлерiнiң жалпы жиналысын:

1) қоғамның атқарушы органы;

2) қоғамның атқарушы органының тапсырмасы бойынша және қоғам акцияларын ұстаушылардың тiзiлiмiн қалыптастыру, жүргiзу және сақтау жөнiндегi қызмет көрсету туралы шартқа сәйкес қоғамның тiркеушiсi;
3) iрi акционер;
4) қоғамның тарату комиссиясы әзiрлейдi және өткiзедi.
4. Осы заңда белгiленгеннен басқа жағдайларда қоғам акционерлерiнiң жалпы жиналысын шақыруға, әзiрлеуге және өткiзуге жұмсалған шығыстарды қоғам өтейдi.
5. Қоғам акционерлерiнiң жылдық жалпы жиналысы қоғамның органдары осы заңда белгiленген жылдық жалпы жиналысты шақыру тәртiбiн бұзған жағдайда кез келген мүдделi тұлғаның шағым талабы бойынша қабылданған сот шешiмiнiң негізiнде шақырылуы және өткiзiлуi мүмкiн.
Қоғам акционерлерiнiң кезектен тыс жалпы жиналысы егер ол кезектен тыс жалпы жиналысын шақыратын, әзiрлейтiн және өткiзетiн мүмкiндiгi болған жағдайда қоғамның ірi акционерiнiң шағым талабы бойынша қабылданған сот шешiмiнiң негiзiнде шақырылуы және өткiзiлуi мүмкiн.
Сот жиналыс өткiзуге белгiлi бiр уақытты және орынды, оның күн тәртiбiн белгiлеуi, жалпы жиналысты өткiзу туралы ақпараттың мазмұнын белгiлеуi және жалпы жиналыстың мақсатына қол жеткiзу үшiн қажеттi басқа жағдайларды да айқындауы мүмкiн.

38-бап. Акционерлердiң кезектен тыс жалпы жиналысын шақыру
және өткiзу ерекшелiктерi

1. Директорлар кеңесiне қоғамның мекен-жайына қоғам акционерлерiнiң кезектен тыс жалпы жиналысының күн тәртiбi жазылған тиiстi жазбаша хабарлама жiберу арқылы осындай жиналысты шақыру туралы талап қойылады.
2. Қоғамның директорлар кеңесi аталған талапты алған күннен бастап он күннiң iшiнде шешiм қабылдауға және қоғам акционерлерiнiң кезектен тыс жалпы жиналысын шақыруға өзiнiң келiсiм бергенi не бас тарту себебiн көрсете отырып шақырудан бас тартқаны туралы хабарламаны осы талапты қойған тұлғаға жiберуге мiндеттi. Директорлар кеңесi қойылған талапқа сәйкес қоғам акционерлерiнiң кезектен тыс жалпы жиналысын шақыруға келiсiм берген жағдайда жалпы жиналыстың күн тәртiбiн өз қалауы бойынша кез келген мәселелермен толықтыруға құқылы.
3. Директорлар кеңесi iрi акционердiң талап етуi бойынша қоғам акционерлерiнiң кезектен тыс жалпы жиналысын шақырудан бас тартқан жағдайда ол қоғам акционерлерiнiң кезектен тыс жалпы жиналысын шақыруға, әзiрлеуге және өткiзуге құқылы. Мұндай жағдайда жиналысты шақыруға, әзiрлеуге және өткiзуге байланысты шығыстар осы iрi акционерге жүктеледi.
4. Акционерлердiң жалпы жиналысын шақыру және өткiзу мақсатында iрi акционер сұратқан акционерлердiң тiзiмiн қоғамның тiркеушiсi оған қоғам тiркеушiсiнiң тиiстi сұратуын алған күннен бастап жиырма күннiң iшiнде беруi тиiс. Аталған тiзiм тiркеушiнiң сұратуды алған күнi жасалуы тиiс.

39-бап. Акционерлердiң жалпы жиналысына қатысуға құқығы бар
акционерлердiң тiзiмi

1. Акционерлердiң жалпы жиналысына қатысуға құқығы бар акционерлердiң тiзiмiн қоғам акцияларын ұстаушылардың тiзiлiмiндегi деректер негізiнде қоғам тiркеушiсi жасайды. Аталған тiзiмдi жасау күнi жалпы жиналысты өткiзу туралы шешiм қабылданған күннен бұрын белгiленбеуi тиiс.
Акционерлердiң тiзiмiне енгiзiлуi тиiстi мәлiметтердi уәкiлеттi орган белгiлейдi.
2. Егер жалпы жиналысқа қатысуға құқығы бар акционерлердiң тiзiмiне енгізiлген тұлға тiзiм жасалғаннан кейiн қоғамның оған тиесiлi дауыс берушi акцияларын басқа бiреуге берсе, жаңа акционер жиналысқа қатысуға құқылы болады. Мұндай жағдайда акцияға меншiк құқығын растайтын құжаттары ұсынылуы тиiс.

40-бап. Жалпы жиналыстың өткiзiлетiн күнi, уақыты және орны

1. Қоғам акционерлерiнiң жалпы жиналысын өткiзетiн күндi, уақытты және орынды белгiлеу оған қатысу құқығы бар тұлғалардың неғұрлым көпшiлiгi жиналысқа қатыса алатындай болып белгіленуi тиiс. Акционерлердiң жалпы жиналысы қоғам орналасқан жердегі елдi мекенде өткiзiлуi тиiс.
2. Жиналысқа қатысушыларды тiркеу басталатын уақыт пен жиналысты өткiзу уақыты қоғамның есеп комиссиясына жиналысқа қатысушыларды тiркеу, санау үшiн және оның кворумын анықтауға мүмкiндiк беретiндей жеткiлiктi уақытты қамтамасыз етуi тиiс.

41-бап. Акционерлердің жалпы жиналысын өткiзу туралы ақпарат

1. Акционерлердiң жалпы жиналысын шақыру бастамашысы оны өткiзу туралы акционерлерге жиналыс өткiзiлетiн күннен кемiнде 30 күн бұрын (халықтық акционерлiк қоғамға - кемiнде 45 күн бұрын), ал сырттай немесе аралас дауыс беру жағдайында - кемiнде 45 күн бұрын хабарлауға мiндетті.
2. Қоғам акционерлерiнiң жалпы жиналысын өткiзу туралы хабарландыру баспасөз басылымында жариялануы және (немесе) акционерге жазбаша хабарлама жiберу арқылы хабарлануы тиiс. Қоғам акционерлерiнiң жалпы жиналысын шақыру бастамашысы оны өткiзу туралы баспасөз басылымынан басқа, бұқаралық ақпарат құралдары арқылы қосымша хабарлауға құқылы.
3. Қоғам акционерлерiнiң жалпы жиналысын өткiзу туралы хабарландыруда:
1) қоғамның толық атауы және мекен-жайы;
2) жиналысты шақыру бастамашысы туралы мәлiметтер;
3) қоғам акционерлерiнiң жалпы жиналысы өткiзiлетiн күнi, уақыты және орны, жиналысқа қатысушыларды тiркеу уақытының басталуы, сондай-ақ егер алғашқысы өткiзiлмеген жағдайда өткiзiлуге тиiстi қоғам акционерлерінің жалпы жиналысын қайталап өткiзу күнi және уақыты;
4) акционерлердiң жалпы жиналысына қатысу құқығы бар акционерлердiң тізiмi жасалған күн;
5) акционерлердiң жалпы жиналысының күн тәртiбi;
6) қоғам акционерлерiн акционерлердiң жалпы жиналысының күн тәртібі бойынша материалдармен таныстыру тәртiбi;
7) егер осы қоғам инвестициялық жекешелендiрiлген қор болып табылса немесе инвестициялық жекешелендiрiлген қорды қайта құрудың нәтижесінде ұйымдастырылған болса, - қордың толық атауы және кейiн оларды купондық аукциондарға салу үшiн жекешелендiрiлген инвестициялық купондарды шоғырландыру жөнiндегі қызметтi жүзеге асыруға берілген лицензияның номерi болуы тиiс.

42-бап. Акционерлердiң жалпы жиналысын қайта өткiзу

1. Қоғам акционерлерiнiң жалпы жиналысын қайталап өткiзу қоғам акционерлерiнiң жалпы жиналысын бастау белгiленген күннен кейiнгi келесi күннен ерте белгіленбейдi.
2. Қоғам акционерлерiнiң қайталап өткiзiлетiн жалпы жиналысы қоғам акционерлерiнiң жалпы жиналысы өткiзiлетiн, соның орнына қайталап жиналыс өткiзетiн жерде өткiзiлуi тиiс.
3. Қоғам акционерлерiнiң қайталап өткiзiлетiн жалпы жиналысының күн тәртiбi соның орнына қайталап жиналыс өткiзiлетiн қоғам акционерлерiнiң жалпы жиналысының күн тәртiбiнен айырмашылығы болмауы тиiс.

43-бап. Қоғам акционерлерi жалпы жиналысының күн тәртiбi

1. Қоғам акционерлерiнiң жалпы жиналысының күн тәртiбiн талқылануға ұсынылатын мәселелердiң нақты қисынын және толық тiзбесiн келтiре отырып оны шақырып отырған бастамашы жасайды.
Акционерлердiң жалпы жиналысының күн тәртiбiн қоғам акционерлерi жалпы жиналыс өткiзiлетiн күнге дейiн кемiнде он бес күн бұрын мұндай толықтырулар туралы хабардар болған жағдайда жалпы жиналысты шақырып отырған бастамашы, iрi акционер немесе директорлар кеңесi толықтыруы мүмкiн.
2. Қатысу тәртiбiмен өткiзiлетiн қоғам акционерлерiнiң жалпы жиналысын ашу кезiнде оны шақыру бастамашысы жиналыстың күн тәртібiне қосымша мәселелердi енгiзу жөнiнде өзi алған ұсыныстар туралы хабарлауға мiндетті.
3. Акционерлердiң жалпы жиналысының күн тәртiбiн бекiту жиналысқа қатысқан қоғамның дауыс берушi акцияларының жалпы санынан көпшiлiк дауыспен қабылданады.
4. Қоғамның дауыс берушi акцияларының жинақтағанда кемiнде тоқсан бес пайызына иелiк ететiн акционерлер (немесе осындай акционерлердiң өкiлдерi) жиналысқа қатысса, олардың көпшiлiгi күн тәртiбiне енгiзiлетiн өзгерiстерге дауыс берсе, акционерлердiң жалпы жиналысының күн тәртiбi өзгертiледi немесе толықтырылады.
Акционерлердiң жалпы жиналысын сырттай дауыс беру арқылы өткiзген кезде акционерлердiң жалпы жиналысының күн тәртiбi өзгермейдi немесе толықтырылмайды.
5. Акционерлердiң жалпы жиналысы күн тәртiбiне енгізiлмеген мәселелердi қарауға және олар бойынша шешiм қабылдауға құқылы емес.

44-бап. Акционерлердiң жалпы жиналысының күн тәртiбi
мәселелерi жөнiндегi материалдар

1. Акционерлердiң жалпы жиналысының күн тәртiбi мәселелерi жөнiндегi материалдарда осы мәселелер бойынша негiзделген шешiмдер қабылдауға қажеттi және жеткiлiктi көлемде ақпарат болуы тиiс.
2. Қоғамның органдарын сайлау жөнiндегі мәселелер бойынша материалдарда ұсынылатын кандидаттар туралы мынадай ақпарат болуы тиiс:
1) аты-жөнi;
2) бiлiмi туралы мәлiметтер;
3) соңғы үш жылдағы жұмыс орны және атқарған қызметi туралы мәлiметтер;
4) кандидаттардың бiлiктiлiгiн, жұмыс тәжiрибесiн растайтын басқа да ақпарат.
3. Акционерлердiң жылдық жалпы жиналысының күн тәртiбi мәселелерi жөнiндегi материалдарда мыналар болуы тиiс:
1) қоғамның жылдық қаржылық есебi;
2) қоғамның жылдық қаржылық есебiне аудиторлық есеп (егер қоғамның жыл сайынғы аудитiнiң мiндеттiлігі осы Заңда және басқа заңнамалық кесiмдерде белгіленсе);
3) қоғамның директорлар кеңесiнiң аяқталған қаржы жылындағы қоғамның таза кiрiсiн бөлу тәртiбi және қоғамның бiр жай акциясына есептелген бiр жылғы дивидендтiң мөлшерi туралы ұсынысы;
4) акционерлердiң жалпы жиналысын өткiзетiн бастамашысының қалауы бойынша басқа да құжаттар.
4. Акционерлердiң жалпы жиналысының күн тәртiбi мәселелерi жөнiндегi материалдар жиналыс өтетiн күнге дейiн он күн бұрын, одан кешiктiрмей танысу үшiн акционерлерге берiлуi тиiс.

45-бап. Қоғам акционерлерiнiң жалпы жиналысының кворумы

1. Қоғам акционерлерiнiң жалпы жиналысы жиналысқа қатысушыларды тiркеу аяқталған кезде оған қатысу үшiн акционерлердiң тiзiмiне енгізiлген және қоғамның дауыс берушi акцияларының жинақталған елу және одан астам пайызын иеленетiн акционерлер немесе олардың өкiлдерi тiркелген болса, күн тәртiбiндегі мәселелердi қарауға және олар бойынша шешiмдер қабылдауға құқылы.
Осы тармақтың бiрiншi бөлігінде белгiленген кворум болмаған кезде акционерлердiң жалпы жиналысы өткiзiлген жоқ деп танылады, бұл жөнiнде есеп комиссиясы хаттама жасайды.
2. Қоғам акционерлерiнiң өткiзiлмеген жиналысының орнына қайта өткiзiлетiн жалпы жиналысының күн тәртiбi мәселелерiн қарауға және мынадай мәселелер бойынша шешiм қабылдауға құқылы, егер:
1) кворумның болмау салдарынан өткiзiлмеген акционерлердiң жалпы жиналысын шақыру рәсiмi сақталған болса;
2) тiркеу аяқталған сәтте оған қатысу үшiн қоғамның дауыс берушi акцияларының жинақталған қырық және одан астам пайызын иеленетiн акционерлер, оның iшiнде сырттай дауыс беретiн акционерлер тiркелген болса.
Қоғамның он мың және одан астам акционерлерi бар жарғысында акционерлердiң қайтадан өткiзiлетiн жалпы жиналысына аз кворум (қоғамның дауыс берушi акцияларының он бес пайызынан кем емес) көзделуi мүмкiн.
3. Инвестициялық жекешелендiрiлген қорды қайта құру нәтижесiнде құрылған қоғам акционерлерiнiң қайта өткiзiлетiн жалпы жиналысы жиналысқа қатысушыларды тiркеу аяқталған кезде оған кемiнде бес жүз акционер тiркелген болса, күн тәртiбiндегi мәселелердi қарауға және мәселелер бойынша шешiмдер қабылдауға құқылы.
4. Акционерлерге сырттай дауыс беру үшiн бюллетеньдер жiберiлген жағдайда аталған бюллетеньдермен және жалпы жиналысқа қатысушыларды тiркеу кезiнде қоғам алған дауыстар кворумды айқындау және дауыс беру қорытындыларын шығару кезiнде есепке алынады.
Акционерлердiң жалпы жиналысын сырттай дауыс беру арқылы өткiзген кезде кворум болмаған жағдайда акционерлердiң жалпы жиналысы қайта өткiзiлмейдi.

46-бап. Қоғамның есеп комиссиясы

1. Есеп комиссиясы акционерлер саны жүз және одан астам болатын қоғамда құрылады.
Есеп комиссиясы қоғамның тұрақты жұмыс iстейтiн органы болып табылады.
Акционерлер саны жүзден аз қоғамда есеп комиссиясының функциясын акционерлердiң жалпы жиналысының хатшысы жүзеге асырады.
Қоғам акционерлерiнiң жиналысының шешiмi бойынша есеп комиссиясының функциясы қоғамның тiркеушiсiне жүктелуi мүмкiн.
2. Қоғамның есеп комиссиясы үш адамнан кем болмауы керек. Қоғамның есеп комиссиясына оның алқалы органдарының мүшелерi, қоғамның атқарушы органының функцияларын жеке жүзеге асыратын тұлға кiре алмайды.
Акционерлердiң жалпы жиналысын өткiзген уақытта қоғамның есеп комиссиясының мүшесi болмаған кезде жиналыс өткiзген уақытқа қоғамның есеп комиссиясының мүшесiн қосымша сайлауға рұқсат етiледi.
3. Қоғамның есеп комиссиясы:
1) қоғам акционерлерiнiң жалпы жиналысына қатысу үшiн келген тұлғалардың өкiлеттiгiн тексередi;
2) қоғам акционерлерiнiң жалпы жиналысына қатысушыларды тiркейдi және оларға жиналыстың күн тәртiбi мәселелерi жөнiндегi материалдарды бередi;
3) сырттай дауыс беру үшiн алынған бюллетеньдердiң дұрыстығын анықтайды және дұрыс бюллетеньдер мен күн тәртiбiндегi әрбiр мәселе бойынша көрсетiлген дауысты санайды;
4) акционерлердiң жалпы жиналысы кворумының, оның iшiнде жиналыс өткiзiлген барлық уақыттың iшiнде бар екендiгiн анықтайды және кворумның бар екендiгi немесе жоқ екендiгi туралы хабарлайды;
5) акционерлердiң жалпы жиналысында акционерлердiң құқықтарын жүзеге асыру мәселелерiн түсiндiредi;
6) қоғам акционерлерiнiң жалпы жиналысында қаралған мәселелер бойынша дауысты санайды және дауыс берудiң қорытындысын шығарады;
7) акционерлердiң жалпы жиналысында дауыс беру қорытындылары жөнiнде хаттама жасайды;
8) дауыс беру бюллетеньдерiн архивке бередi.
4. Есеп комиссиясы акционерлердiң жалпы жиналысында дауыс беру үшiн толтырылған бюллетеньдердегi ақпараттың құпиялылығын қамтамасыз етедi.

47-бап. Қоғам акционерлерiнiң жалпы жиналысындағы өкiлдiк

1. Акционер акционерлердiң жалпы жиналысына қатысуға және қаралатын мәселелер жөнiнде жеке немесе өзiнiң өкiлi арқылы дауыс беруге құқылы.
Қоғамның лауазымды тұлғаларының жалпы жиналыста акционерлердiң өкiлдерi ретiнде сөз сөйлеуге құқығы жоқ.
Акционердiң өкiлi Қазақстан Республикасының заңнамасына сәйкес ресiмделген сенiмхат негiзiнде iс-әрекет жасайды.
Жеке тұлғалардың өкiлдерiне жалпы жиналысқа қатысу және дауыс беру құқығына берiлген сенiмхат нотариаттың куәландыруын талап етедi.
2. Қазақстан Республикасының заңнамасына немесе шартқа сәйкес қоғам акционерiнiң атынан сенiмхатсыз iс-әрекет жасауға немесе оның мүддесiн бiлдiруге құқығы бар тұлға үшiн қоғам акционерiнiң жалпы жиналысына қатысуға және қаралатын мәселелер бойынша дауыс беруге сенiмхат талап етiлмейдi.

48-бап. Акционерлердің жалпы жиналысын өткiзу тәртiбi

1. Акционерлердiң жалпы жиналысын өткiзу тәртібi осы Заңға, қоғамның iшкi қызметін реттейтiн қоғамның жарғысына және басқа құжаттарына, не жалпы жиналыстың тiкелей шешiмiне сәйкес белгiленедi.
2. Келген акционерлер (олардың өкiлдерi) жалпы жиналыс ашылғанға дейiн тiркеледi. Акционерлердiң өкiлi акционерлердiң жалпы жиналысына қатысуға және дауыс беруге өкiлеттігiн растайтын сенiмхатты беруi тиiс.
Тiркеуден өтпеген акционер (акционердiң өкiлi) кворумды айқындау кезiнде есепке алынбайды және дауыс беруге қатысуға құқығы жоқ. Қоғамның артықшылық берiлген акцияларының иесi болып табылатын акционер қоғам акционерлерiнiң қатысу арқылы өткiзiлетiн жиналысына қатысуға және олар қарайтын мәселелердi талқылауға қатысуға құқылы.
Егер қоғамның жарғысында және қоғам акционерлерiнiң қатысу тәртібiмен өткiзiлетiн жалпы жиналысының шешiмiнде өзгеше белгiленбеген болса, оған шақырусыз-ақ басқа тұлғалар қатыса алады. Акционерлердiң жалпы жиналысында мұндай тұлғалардың сөз сөйлеу құқығы қоғамның жарғысында немесе акционерлердiң жалпы жиналысының шешiмiнде белгiленедi.
3. Акционерлердiң жалпы жиналысы кворум болған жағдайда хабарланған уақытта ашылады.
Акционерлердiң жалпы жиналысы барлық акционерлер (олардың өкiлдерi) тiркелген, хабарланған және жиналысты ашу уақытын өзгертуге қарсылық бiлдiрмеген жағдайларды қоспағанда, хабарланған уақытынан ерте ашылмайды.
4. Акционерлердiң жалпы жиналысы жалпы жиналыстың төрағасын (төралқасын) және хатшысын сайлайды.
Акционерлердiң жалпы жиналысы ашық немесе жасырын (бюллетеньдер бойынша) - дауыс беру нысанын белгiлейдi. Егер қоғамның жарғысында өзгеше көзделмеген болса, осы тармақта аталған тұлғаларды сайлау туралы мәселе бойынша дауыс беру кезiнде әрбiр акционер бiр дауысқа ие болады, ал шешiм қатысушылардың жай көпшiлiк дауысымен қабылданады.
Егер акционерлердiң жиналысына қатысушылардың бәрi қоғамның атқарушы органына кiретiн болса, қоғамның атқарушы органының мүшелерi акционерлердiң жалпы жиналысына төрағалық ете алмайды.
5. Қоғам акционерлерiнiң жалпы жиналысын өткiзу барысында оның төрағасы қаралатын мәселе бойынша жарыссөздi тоқтату туралы, сондай-ақ ол бойынша дауыс берудiң әдiсiн өзгерту туралы ұсынысты дауысқа салуға құқылы.
Төраға күн тәртiбiндегi мәселелердi талқылауға қатысуға құқығы бар тұлғалардың сөйлеген сөздерiне, мұндай сөз сөйлеулер жиналыс регламентiн бұзатын болса немесе осы мәселелер бойынша жарыссөздер тоқтатылған жағдайларды қоспағанда бөгет жасауға құқығы жоқ.
6. Акционерлердiң жалпы жиналысы өзiнiң жұмысын тоқтата тұру және жұмыс мерзiмiн ұзарту туралы, оның iшiнде жиналыстың күн тәртiбiндегi жекелеген мәселелердi қарауды ауыстыру туралы келесi күнi шешiм қабылдауға құқылы.
7. Қоғам акционерлерiнiң жалпы жиналысы күн тәртiбiндегi барлық мәселелердi қарағаннан кейiн және олар бойынша шешiм қабылданғаннан кейiн ғана жабық деп жариялануы мүмкiн.
8. Акционерлердiң жалпы жиналысының хатшысы қоғам акционерлерiнiң жалпы жиналысының хаттамасында көрсетiлген мәлiметтердiң толық және дұрыс болуына жауап бередi.

49-бап. Қоғам акционерлерiнiң жалпы жиналысының сырттай дауыс
беру арқылы шешім қабылдауы

1. Қоғам акционерлерiнiң жалпы жиналысы сырттай дауыс беру арқылы шешiм қабылдай алады. Сырттай дауыс беру жалпы жиналысқа қатысқан акционерлердiң қатысып дауыс беруiмен (аралас дауыс беру) бiрге не жалпы жиналыстың отырысын өткiзбестен қолданылуы мүмкiн.
2. Қоғамның жарғысы акционерлердiң жалпы жиналысының күн тәртiбiндегi барлық немесе жекелеген мәселелер бойынша шешiмдердi сырттай дауыс беру арқылы қабылдауға тыйым салу белгiленуi мүмкiн.
3. Сырттай дауыс берудi өткiзген кезде бiрыңғай нысандағы дауыс беруге арналған бюллетеньдер акционерлердiң тiзiмiне енгiзiлген тұлғаларға жiберiледi (таратылады).
Қоғам жалпы жиналысқа дауыс беру нәтижелерiне ықпал ету мақсатында дауыс беруге арналған бюллетеньдердi жекелеген акционерлерге таңдап жiберуге құқығы жоқ.
4. Дауыс беруге арналған бюллетень акционерлердiң жалпы жиналысының мәжiлiсiн өткiзген күнге не акционерлердiң жалпы жиналысының мәжiлiсiн өткiзбей-ақ сырттай дауыс беруге арналған дауыстарды есептеу күнiне дейiн қырық бес күннен кешiктiрмей алушыға жiберiлуi тиiс. Акционерлер саны бес жүз және одан да артық болса қоғам акционерлердiң жалпы жиналысында сырттай дауыс беруге арналған бюллетеньдi жиналыс өткiзу туралы хабарландырумен бiрге баспасөз басылымында жариялауға құқылы.
5. Сырттай дауыс беруге арналған бюллетеньде мыналар болуы тиiс:
1) қоғамның толық атауы және мекен-жайы;
2) жиналысқа шақырудың бастамашысы туралы мәлiметтер;
3) сырттай дауыс беруге арналған бюллетеньдердi берудiң түпкiлiктi күні;
4) акционерлердiң жалпы жиналысының мәжiлiсiн өткiзу күнi, не акционерлердiң жалпы жиналысының мәжiлiсiн өткiзбей-ақ сырттай дауыс беруге арналған дауыстарды есептеу күнi;
5) жиналыстың күн тәртiбi;
6) егер жиналыстың күн тәртiбiнде қоғамның директорлар кеңесiнiң мүшелерiн сайлау туралы мәселелер болса, сайлауға ұсынылған кандидаттардың аттары;
7) дауыс берiлетiн мәселелердiң тұжырымдамасы;
8) "иә", "қарсы", "қалыс қалды" деген сөздермен бiлдiрiлген жиналыстың күн тәртiбiндегi әрбiр мәселе бойынша дауыс берудiң нұсқалары;
9) жиналыстың күн тәртiбiндегі әрбiр мәселе бойынша дауыс беру тәртiбiнiң (бюллетеньдi толтыру) түсiндiрмесi.
6. Сырттай дауыс беру бюллетенiне жеке тұлға акционер жеке басын куәландыратын құжат туралы мәлiметтердi көрсете отырып қол қоюы тиiс.
Заңды тұлға - акционердiң сырттай дауыс беру бюллетенiне оның басшысы қол қоюы және заңды тұлғаның мөрi басылуы тиiс.
Жеке тұлға - акционердiң не заңды тұлға - акционердiң басшысының қолы қойылмаған, сондай-ақ заңды тұлғаның мөрi жоқ бюллетень жарамсыз деп саналады.
Дауыстарды есептеу кезiнде дауыс берушiлердiң бюллетеньде белгiленген дауыс беру тәртiбi сақталған және дауыс берудiң тек бiр ғана ықтимал нұсқасы қалдырылған мәселелер бойынша дауыстары есептеледi.
7. Егер акционерлердiң жалпы жиналысының күн тәртiбiнде қоғамның директорлар кеңесiнiң мүшелерiн сайлау туралы мәселелер болса, сырттай дауыс беруге арналған бюллетеньде жекелеген кандидаттарға берiлген дауыстардың санын көрсететiн орын болуы тиiс.
8. Егер сырттай дауыс беруге арналған бюллетеньдi бұрын жiберген акционер акционерлердiң жалпы жиналысына қатысуға және аралас дауыс беру пайдаланылған дауыс беруге келсе, оның бюллетенi жиналыстың кворумын белгілеу және күн тәртiбiндегi мәселелер бойынша дауыстарды есептеу кезiнде есепке алынбайды.

50-бап. Қоғам акционерлерiнiң жалпы жиналысында дауыс беру

1. Қоғам акционерлерiнiң жалпы жиналысында дауыс беру мынадай жағдайларды қоспағанда, "бiр акция - бiр дауыс" принципi бойынша жүзеге асырылады:
1) заңнамалық кесiмдерде көзделген жағдайларда қоғамның бiр акционерiне берiлетiн акциялар бойынша дауыстардың ең көп санын шектеу;
2) қоғамның директорлар кеңесiнiң мүшелерiн сайлау кезiнде кумулятивтi дауыс беру;
3) қоғам акционерлерiнiң жалпы жиналысына қатысатын әрбiр тұлғаға акционерлердiң жалпы жиналысын өткiзудiң рәсiмдiк мәселелерi бойынша бiр дауыстан беру.
2. Акциялар бойынша берiлетiн кумулятивтiк дауыс беру кезiнде дауыстар қоғамның алқалы органының мүшелерiне бiр кандидат үшiн қоғамның акционерiне толық берiлуi немесе қоғамның директорлар кеңесiнiң мүшелiгіне бiрнеше кандидаттардың арасында да бөлiнуi мүмкiн. Дауыс ең көп берiлген кандидаттар директорлар кеңесiне сайланған болып табылады.
3. Егер қоғамның қатысу тәртiбiмен өткiзiлген жалпы жиналысындағы дауыс беру жасырын әдiспен жүргiзiлген жағдайда, мұндай дауыс беруге арналған бюллетеньдер (бұдан әрi осы бапта - қатысып жасырын дауыс беруге арналған бюллетеньдер) жасырын әдiспен дауыс берiлген әрбiр жекелеген мәселе бойынша жасалуы тиiс, бұл орайда қатысып жасырын дауыс беруге арналған бюллетеньде мыналар болуы тиiс:
1) мәселенiң тұжырымдамасы және жиналыстың күн тәртiбiндегі оның реттiк номерi;
2) мәселелер бойынша "иә", "қарсы", "қалыс қалды" деген сөздермен бiлдiрiлген дауыс беру нұсқалары және қоғамның органына әрбiр кандидат бойынша дауыс беру нұсқалары;
3) акционерге тиесiлi дауыстар саны.
4. Егер акционер бюллетеньге өзi қол қоюға, оның iшiнде өзiне тиесiлi акцияларды осы Заңға сәйкес сатып алу туралы қоғамға талап қою мақсатында тiлек бiлдiрген жағдайларда, акционер қатысып жасырын дауыс беруге арналған бюллетеньге қол қоймайды.
Қатысып жасырын дауыс беруге арналған бюллетеньдер бойынша дауыстарды есептеу кезiнде дауыс берушiлердiң бюллетеньде белгіленген дауыс беру тәртiбi сақталған және дауыс берудiң тек бiр ғана ықтимал нұсқасы қалдырылған мәселелер бойынша дауыстары есептеледi.

51-бап. Қоғам акционерлерiнiң жалпы жиналысында дауыс беру
қорытындылары жөнiнде хаттама

1. Есеп комиссиясы дауыс беру қорытындылары бойынша дауыс беру қорытындылары жөнiнде хаттама жасайды және оған қол қояды.
2. Акционердiң дауысқа қойылған мәселе бойынша ерекше пiкiрi болса, қоғамның есеп комиссиясы хаттамаға тиiстi жазба жасауға мiндеттi.
3. Қоғам акционерлерiнiң жалпы жиналысында дауыс беру қорытындылары жөнiнде хаттама жасалып, оған қол қойылғаннан кейiн қатысып жасырын және сырттай дауыс беру үшiн толтырылған бюллетеньдер, осылардың негізiнде хаттама (оның iшiнде жарамсыз деп танылған бюллетеньдер) жасалады, хаттамамен бiрге тігіледi және қоғамның архивiне сақтауға берiледi.
4. Дауыс беру қорытындылары жөнiнде хаттама акционерлердiң жалпы

жиналысының хаттамасына қоса тiркелуге тиiс.

5. Дауыс беру қорытындылары дауыс беру өткiзiлген акционерлердiң

жалпы жиналысының барысында жария етiледi.

6. Қоғам акционерлерiнiң жалпы жиналысының дауыс беру қорытындылары

акционерлердiң жалпы жиналысы жабылғаннан кейiн он күн iшiнде баспасөз

басылымында жариялау арқылы акционерлерге хабарланады.

52-бап. Қоғам акционерлерiнiң жалпы жиналысының хаттамасы

1. Қоғам акционерлерiнiң жалпы жиналысының хаттамасы жиналыс

жабылғаннан кейiн үш күннiң iшiнде жасалып, қол қойылуы тиiс.

2. Акционерлердiң жалпы жиналысының хаттамасында мыналар көрсетiледi:

1) қоғамның толық атауы және мекен-жайы;

2) жиналыстың өткiзiлетiн күнi, уақыты және орны;

3) есеп комиссиясының деректерiне сәйкес жиналысқа берiлген қоғамның

дауыс берушi акцияларының саны туралы мәлiметтер;

4) акционерлердiң жалпы жиналысының кворумы;

5) акционерлердiң жалпы жиналысының күн тәртiбi;

6) акционерлердiң жалпы жиналысында дауыс беру тәртiбi;

7) жиналыстың төрағасы (төралқасы) және хатшысы;

8) акционерлердiң жалпы жиналысына қатысқан тұлғалардың сөйлеген

сөздерi;

9) жалпы жиналыстың күн тәртiбiндегi дауыс беруге қойылған әрбiр

мәселе бойынша акционерлердiң жалпы дауыс саны;

10) дауыс берушi қойылған мәселелер, олар бойынша дауыс беру

қорытындылары;

11) акционерлердiң жалпы жиналысында қабылданған шешiмдер.

3. Қоғам акционерлерiнiң жалпы жиналысының хаттамасына мыналар қол

қоюы тиiс:

1) жиналыстың төрағасы (төралқа мүшелерi) және хатшысы;

2) қоғамның есеп комиссиясының мүшелерi;

3) дауыс беретiн акциялардың бес және одан көп пайызын иеленетiн және

жиналысқа қатысқан акционерлер.

Хаттамаға қол қоюға мiндеттi тұлғаның қол қоюға мүмкiндiгi болмаған жағдайда, хаттамаға өзiне берiлген сенiмхат негiзiнде оның өкiлi қол қояды.
4. Осы баптың 3-тармағында көрсетiлген тұлғалардың бiреуi хаттаманың мазмұнымен келiспеген жағдайда, осы тұлға бас тарту себебiн жазбаша түсiнiктеме бере отырып, қол қоюдан бас тартуға құқылы, ол хаттамаға қоса тiгiледi.
5. Қоғам акционерлерiнiң жалпы жиналысының хаттамасы дауыс беру қорытындылары жөнiндегi хаттамалармен, жалпы жиналысқа қатысу және дауыс беру құқығына берiлген сенiмхатпен, сондай-ақ хаттама жазу және хаттама жазудан бас тарту себептерi жазылған түсiнiктемелермен бiрге қоса тігіледi. Көрсетiлген құжаттар қоғамның атқарушы органында сақталуы тиiс және танысу үшiн кез келген акционерге кез келген уақытта берiледi. Акционердiң талап етуi бойынша оған акционерлердiң жалпы жиналысы хаттамасының көшiрмесi берiледi.

53-бап. Қоғамның директорлар кеңесi

1. Директорлар кеңесi - осы Заңмен және қоғамның жарғысымен акционерлердiң жалпы жиналысының айрықша құзыретiне жатқызылған мәселелердi шешудi қоспағанда, қоғамның қызметiне жалпы басшылық жасауды жүзеге асырады.
2. Егер осы Заңда және қоғамның жарғысында басқаша көзделмесе, директорлар кеңесiнiң айрықша құзыретiне мынадай мәселелер жатады:
1) қоғам қызметiнiң басым бағыттарын белгiлеу;
2) осы Заңда көзделген жағдайларды қоспағанда, қоғам акционерлерiнiң жылдық және кезектен тыс жалпы жиналысын шақыру туралы шешiм қабылдау;
3) қоғамның акцияларын жарияланған акциялардың саны шегiнде орналастыру және оларды орналастыру бағасы туралы шешiм қабылдау;
4) осы Заңда көзделген жағдайларды қоспағанда, қоғамның орналастырылған акцияларды немесе басқа бағалы қағаздарды сатып алуы туралы шешiм қабылдау;
5) қоғамның жылдық қаржылық есебiн алдын ала бекiту;
6) жай акциялар бойынша дивидендтер төлеу және есептi қаржы жылы үшiн төленетiн дивидендтердi қоспағанда, бiр жай акцияға берiлетiн дивидендтiң мөлшерiн белгілеу туралы шешiмдер қабылдау;
7) қоғамның облигацияларын және туынды бағалы қағаздарын шығару талаптарын белгілеу;
8) қоғамның атқарушы органының сандық құрамын, өкiлеттiк мерзiмiн

белгiлеу, оның басшысын және мүшелерiн сайлау (қоғамның атқарушы органының

функциясын жеке-дара жүзеге асыратын тұлға), сондай-ақ олардың

өкiлеттiктерiн мерзiмiнен бұрын тоқтату;

9) қоғамның атқарушы органының басшысының және мүшелерiнiң лауазымдық

жалақыларының мөлшерiн және еңбекақы мен сыйлықақы төлеу шарттарын

белгiлеу (қоғамның атқарушы органының функциясын жеке-дара жүзеге асыратын

тұлға);

10) iшкi аудит қызметiнiң сандық және қызметкерлер құрамын,

лауазымдық жалақыларының мөлшерiн және еңбеқақы мен сыйлықақы төлеу

шарттарын белгiлеу;

11) аудиторлық ұйым қызметiне төленетiн ақының мөлшерiн белгiлеу;

12) қоғамның резервтiк капиталын пайдалану тәртiбiн белгiлеу;

13) қоғамның iшкi қызметiн реттейтiн құжаттарды (қоғам қызметiн

ұйымдастыру мақсатында қоғамның атқарушы органы қабылдайтын құжаттарды

қоспағанда) бекiту;

14) қоғамның филиалдарын және өкiлдiктерiн құру және тарату туралы

шешiмдер қабылдау және олар туралы ережелердi бекiту;

15) осы Заңда көзделген жағдайларды қоспағанда, қоғамның басқа

ұйымдарды құруға және оның қызметiне қатысуы туралы шешім

қабылдау;

16) қоғамның меншiк капиталының он пайызын және одан астам мөлшерiн

құрайтын көлемге мiндеттемелерiн көбейту;

17) бұрынғы тiркеушiмен шарттың қолданылуы тоқтатылған жағдайда

қоғамның тiркеушiсiн таңдау;

18) қоғамның қызметтiк және коммерциялық құпиясын құрайтын қоғам

немесе оның қызметi туралы ақпаратты белгiлеу;

19) осы Заңда және қоғамның жарғысында көзделген акционерлердiң жалпы жиналысының айрықша құзыретiне жатпайтын басқа да мәселелер.
3. Акционерлердiң жалпы жиналысының айрықша құзыретiне жатқызылған мәселелердi қоғамның атқарушы органының шешуiне беруге болмайды.
4. Қоғамның директорлар кеңесi қоғамның жарғысына сәйкес оның атқарушы органының құзыретiне жатқызылған мәселелер бойынша шешiм қабылдауға, сондай-ақ қоғам акционерлерiнiң жалпы жиналысының шешiмдерiне қайшы келетiн шешiмдер қабылдауға құқылы емес.

54-бап. Қоғамның директорлар кеңесiнiң құрамы

1. Жеке тұлға ғана қоғамның директорлар кеңесiнiң мүшесi бола алады.
2. Қоғамның директорлар кеңесiнiң мүшелерi:
1) қоғамның акционерлерiнен - жеке тұлғалардан;
2) заңды тұлға - акционерлердiң, Қазақстан Республикасы Yкiметiнiң және жергiлiктi атқарушы органдардың мүдделерiн бiлдiрушi ретiнде қоғамның директорлар кеңесiне сайлануға ұсынылған (ұсыным жасалған) тұлғалардан;
3) басқа тұлғалардан (осы баптың 3-тармағында белгiленген шектеулердi ескере отырып) сайланады.
Қоғамның директорлар кеңесiнiң мүшелерiн сайлау кумулятивтi дауыс беру арқылы жүзеге асырылады. Акционер өзiне тиесiлi акциялар бойынша бiр кандидат үшiн немесе оларды қоғамның директорлар кеңесi мүшелiгiне бiрнеше кандидаттар арасында бөлiп дауыс беруге құқылы. Неғұрлым көп дауыс санын жинаған кандидаттар қоғамның директорлар кеңесiне сайланған болып есептеледi. Егер қоғамның директорлар кеңесiнiң мүшелiгіне екi немесе одан көп кандидат тең дауыс санын жинаса, мұндай кандидаттарға қатысты қосымша дауыс беру өткiзiледi.
3. Қоғамның акционерi болып табылмайтын және заңды тұлға - акционердiң мүдделерiн бiлдiрушi ретiнде директорлар кеңесiне сайлануға ұсынылмаған (ұсыным жасалмаған) жеке тұлға директорлар кеңесiнiң мүшесi болып сайлана алады. Басқа тұлғалардың саны директорлар кеңесi құрамының елу пайызынан аспауы тиiс.
4. Қоғамның атқарушы органының оның басшысынан басқа мүшелерi қоғамның директорлар кеңесiне сайлана алмайды. Қоғамның атқарушы органының басшысы қоғамның директорлар кеңесiнiң төрағасы болып сайлана алмайды.

55-бап. Қоғамның директорлар кеңесi мүшелерiнiң өкiлеттік мерзiмi

1. Қоғамның директорлар кеңесiнiң құрамына сайланған тұлғалар, егер бұл қолданылып жүрген заңнамаға қайшы келмесе және егер Қазақстан Республикасының заңнамалық кесiмдерiнде басқаша көзделмесе, шектеусiз қайта сайлануы мүмкiн.
2. Қоғамның директорлар кеңесінің өкілеттік мерзімін акционерлердiң жалпы жиналысы белгiлейдi.
Қоғамның директорлар кеңесiнiң өкiлеттiк мерзiмi акционерлердің жалпы жиналысын өткiзу кезiнде аяқталады, онда қоғамның жаңа директорлар кеңесi сайланады.
3. Қоғам акционерлерiнiң жалпы жиналысы қоғамның директорлар кеңесiнiң барлық немесе жекелеген мүшелерiнiң өкiлеттiктерiн мерзiмiнен бұрын тоқтатуға құқылы.
4. Қоғамның директорлар кеңесi мүшесiнiң өз бастамасы бойынша өкiлеттiгін мерзiмiнен бұрын тоқтату қоғамның директорлар кеңесiне берiлген жазбаша хабарлама негiзiнде жүзеге асырылады. Қоғамның директорлар кеңесiнiң мұндай мүшесiнiң өкiлеттiгi, егер тек осы хабарламада оны беру күнiнен алты айдан аспауы тиiс мерзiм көрсетiлмесе және осы мерзiммен қоғамның директорлар кеңесi келiссе, қоғамның директорлар кеңесi көрсетiлген хабарламаны алған сәттен бастап тоқтатылады.
5. Директорлар кеңесiнiң жекелеген мүшелерiн сайлау акционерлердiң жалпы жиналысында ұсынылған дауыс берушi акциялардың жалпы санынан жай көпшiлiк дауыспен жүзеге асырылады, мұндайда қоғамның директорлар кеңесiнiң осы мүшелерiнiң өкiлеттiгін тұтастай алғанда қоғамның директорлар кеңесiнiң өкiлеттік мерзiмiмен бiрге аяқталады.

56-бап. Қоғамның директорлар кеңесiнiң төрағасы

1. Қоғамның директорлар кеңесiнiң төрағасы, егер қоғам жарғысында басқаша көзделмесе, директорлар кеңесi мүшелерiнiң жалпы санының көпшiлiк дауысымен жасырын дауыс беру арқылы оның мүшелерi арасынан сайланады (қайта сайланады).
Қоғамның директорлар кеңесi төрағаны кез келген уақытта, егер қоғам жарғысында басқаша көзделмесе, қайта сайлауға құқылы.
2. Қоғамның директорлар кеңесiнiң төрағасы қоғамның директорлар кеңесiнiң жұмысын ұйымдастырып, оның мәжiлiстерiн жүргiзедi, сондай-ақ қоғам жарғысында белгіленген басқа да қызметтi жүзеге асырады.
3. Қоғамның директорлар кеңесiнiң төрағасы болмаған жағдайда оның қызметiн қоғамның директорлар кеңесiнiң шешiмi бойынша қоғамның директорлар кеңесi мүшелерiнің біреуi жүзеге асырады.

57-бап. Қоғамның директорлар кеңесiнiң мәжiлiсiн шақыру

1. Қоғамның директорлар кеңесiнiң мәжiлiсi оның төрағасының немесе қоғамның атқарушы органының бастамасы бойынша, не:
1) қоғамның директорлар кеңесiнiң кез келген мүшесiнiң;
2) қоғамның ішкi аудит қызметiнiң;
3) қоғамның аудиторлық ұйымының;
4) ірi акционерiнiң талап етуi бойынша шақырылуы мүмкiн.
2. Қоғамның директорлар кеңесiнiң мәжiлiсiн шақыру жөнiндегi талап директорлар кеңесiнiң төрағасына директорлар кеңесi мәжiлiсiнiң ұсынылған күн тәртiбiн қамтитын тиiстi жазбаша хабарды жiберу арқылы қойылады.
Қоғамның директорлар кеңесiнiң төрағасы мәжiлiстi шақырудан бас тартқан жағдайда, бастамашы аталған талаппен директорлар кеңесiнiң мәжiлiсiн шақыруға мiндеттi, қоғамның атқарушы органына өтiнiш беруге құқылы.
Директорлар кеңесiнiң мәжiлiсiн директорлар кеңесiнiң төрағасы немесе атқарушы орган егер қоғам жарғысында басқа мерзiм белгiленбесе, шақыру туралы талап келiп түскен күннен бастап он күннен кешiктiрмей шақыруы тиiс.
3. Мәжiлiстiң күн тәртiбiнiң мәселелерi жөнiндегі материалдары қоса берiлген директорлар кеңесiнiң мәжiлiсiн өткiзу туралы жазбаша хабарламалар егер қоғам жарғысында басқа мерзiм белгiленбесе, мәжiлiстi өткiзу күнiне дейiн кемiнде үш күн бұрын директорлар кеңесiнiң мүшелерiне жiберiлуi тиiс.
Директорлар кеңесiнiң мәжiлiсiн өткiзу туралы хабарламада мәжiлiстi өткiзу күнi, уақыты және орны туралы мәлiметтер, сондай-ақ оның күн тәртiбi болуы тиiс.
4. Директорлар кеңесiнiң мүшесi қоғамның атқарушы органына директорлар кеңесiнiң мәжiлiсiне қатыса алмайтындығы туралы алдын ала хабарлауға мiндеттi.

58-бап. Қоғамның директорлар кеңесiнiң мәжiлiсi

1. Қоғамның директорлар кеңесiнiң мәжiлiсiн өткiзуге арналған кворумды қоғамның жарғысы белгiлейдi, бiрақ ол қоғамның директорлар кеңесiнiң мүшелерi санының жартысынан кем болмауы тиiс.
Қоғамның директорлар кеңесi мүшелерiнiң саны қоғамның жарғысында көзделген санының жартысынан кем болған жағдайда, қоғам өзiнiң директорлар кеңесiнiң жаңа мүшелерiн сайлау үшiн акционерлердiң кезектен тыс жалпы жиналысын шақыруға мiндеттi. Қоғамның директорлар кеңесiнiң қалған мүшелерi қоғам акционерлерiнiң мұндай кезектен тыс жалпы жиналысын шақыру туралы ғана шешiмдi қабылдауға құқылы.
2. Қоғамның директорлар кеңесiнiң әрбiр мүшесi бiр дауысқа ие болады.
Директорлар кеңесiнiң шешiмдері, егер осы Заңда және қоғам жарғысында басқаша көзделмесе, мәжіліске қатысатын директорлар кеңесі мүшелерiнiң жай көпшiлiк дауыстарымен қабылданады.
Қоғам жарғысында дауыстар саны тең болғанда директорлар кеңесi төрағасының немесе директорлар кеңесiнiң мәжiлiсiнде төрағалық ететiн тұлғаның дауысы шешушi болып табылатындығы көзделуi мүмкiн.
3. Қоғамның директорлар кеңесi өзiнiң мүшелерi ғана қатыса алатын өзiнiң жабық мәжiлiсiн өткiзу туралы шешiмдi қабылдауға құқылы.
4. Қоғам жарғысында директорлар кеңесiнiң қарауына шығарылған мәселелер жөнiнде директорлар кеңесi сырттай дауыс беру арқылы шешiм қабылдау мүмкiндiгi және мұндай шешiмдердi қабылдау тәртiбi көзделуi мүмкін.
Қоғамның директорлар кеңесiнiң сырттай мәжiлiсiнiң шешiмi жазбаша түрде ресiмделуi тиiс және осы шешiмдi қабылдау үшiн директорлар кеңесi мүшелерiнiң қойған қолдары жеткiлiктi болғанда жарамды деп танылады.
5. Қоғамның директорлар кеңесiнiң қатысуымен өткен мәжiлiсте қабылданған шешiмдер хаттама арқылы ресiмделедi және оны мәжiлiс өткен күннен бастап үш күн iшiнде мәжiлiсте төрағалық еткен тұлға және директорлар кеңесiнiң хатшысы жасап, қол қоюы әрi онда мыналар болуы тиiс:
1) қоғамның толық атауы және мекен-жайы;
2) мәжiлiс өткiзiлген күн, уақыт және орны;
3) мәжiлiске қатысқан тұлғалар туралы мәлiметтер;
4) мәжiлiстiң күн тәртiбi;
5) дауыс беруге қойылған мәселелер және олар бойынша дауыс берудiң қорытындылары;
6) қабылданған шешiмдер;
7) директорлар кеңесiнiң шешiмi бойынша басқа да мәлiметтер.
6. Директорлар кеңесi мәжiлiстерiнiң хаттамалары және директорлар кеңесi сырттай дауыс беру арқылы қабылдаған шешiмдерi қоғамның архивiнде сақталады.
Директорлар кеңесiнiң хатшысы директорлар кеңесi мүшесiнiң талап етуi бойынша оған директорлар кеңесi мәжiлiсінің хаттамасын және сырттай дауыс беру арқылы қабылданған шешiмдердi танысу үшiн ұсынуға және (немесе) оған қоғамның уәкiлеттi қызметкерiнiң қолы мен мөрi қойылған хаттаманың және шешiмнiң көшiрмесiн беруге мiндетті.

59-бап. Қоғамның атқарушы органы

1. Қоғамның ағымдағы қызметiне атқарушы орган басшылық жасайды. Қоғамның атқарушы органы алқалы немесе жеке дара (бұдан әрi - атқарушы орган) болуы мүмкiн.
Қоғамның атқарушы органы осы Заң, басқа заңнамалық кесiмдер және қоғамның жарғысы қоғамның басқа органдарының және лауазымды тұлғалардың құзыретiне жатқызбаған, қоғам қызметiнiң кез келген мәселелерi бойынша шешiмдер қабылдауға құқылы.
Қоғамның атқарушы органы қоғам акционерлерi жалпы жиналысының және директорлар кеңесiнiң шешiмдерiн орындауға мiндеттi.
Атқарушы органның шешiмдерiн қоғамның қызметкерлерiнiң бәрi орындауға мiндеттi.
Егер қоғам мәмiлені жасау кезiнде тараптардың мұндай шектеулер туралы бiлгендiгiн дәлелдесе, өзi белгiлеген шектеулердi бұза отырып өзiнiң атқарушы органы жасаған мәмiленiң жарамды екенiн даулауға құқылы.
2. Қоғамның акционерлерi және оның акционерлерi болып табылмайтын қызметкерлерi алқалы атқарушы органның мүшелерi бола алады.
Атқарушы органның мүшесi қоғамның директорлар кеңесiнiң келiсiмiмен ғана басқа ұйымдарда жұмыс iстеуге құқылы.
Атқарушы орган мүшесiнiң қызметi, құқықтары мен мiндеттерi осы Заңда және басқа да заңнамалық кесiмдерде, жарғыда, сондай-ақ аталған тұлғаның қоғаммен жасаған жеке еңбек шартында (келiсiм-шартында) белгiленедi. Қоғамның атынан келiсiм-шартқа қоғамның директорлар кеңесiнiң төрағасы немесе осыған қоғамның жалпы жиналысы не директорлар кеңесi уәкiлеттiк берiлген тұлға қол қояды.
Қазақстан Республикасының еңбек туралы заңнамасының осы Заңда

реттелмеген бөлiгi қоғам және оның атқарушы органы мүшелерiнiң арасындағы

қарым-қатынаста қолданылады.

3. Қоғамның жарғысында алқалы атқарушы органның мүшелерi оның

басшысының ұсынуы бойынша сайланатындығы белгiленедi.

60-бап. Атқарушы орган басшысының өкiлеттiгi

Қоғамның атқарушы органының басшысы:

1) қоғам акционерлерiнiң жалпы жиналысының және директорлар кеңесi

шешiмдерiнiң орындалуын ұйымдастырады;

2) қоғам атынан үшiншi тұлғалармен қарым-қатынас жасағанда

сенiмхатсыз iс-әрекет етедi;

3) қоғамды үшiншi тұлғалармен қарым-қатынаста таныстыру құқығына

сенiмхат бередi;

4) қоғам қызметкерлерiн қабылдайды, орындарын ауыстырады және жұмыстан босатады, оларға ынталандыру шараларын және тәртiптiк жазаларды қолданады, қоғамның штаттық кестесiне сәйкес қоғам қызметкерлерінің лауазымдық жалақы мен оған дербес үстемеақы мөлшерiн белгiлейдi, атқарушы орган мен iшкi аудит қызметiнiң құрамына кiретiн қызметкерлерден басқа қоғам қызметкерлерiне сыйлықақы мөлшерiн белгiлейдi;
5) өзi болмаған жағдайда өзiнiң мiндеттерiн атқаруды атқарушы орган мүшелерiнiң бiреуiне жүктейдi;
6) қоғамның атқарушы органы мүшелерiнiң арасында мiндеттердi, сондай-ақ өкiлеттiк аясын және жауапкершiлiктi бөледi;
7) қоғам жарғысында және қоғам акционерлерiнiң жалпы жиналысы мен директорлар кеңесiнiң шешiмдерiнде белгiленген, осы органдардың құзыретiне жатқызылған мәселелердi қоспағанда басқа да қызметтi жүзеге асырады.

61-бап. Қоғамның iшкi аудит қызметi

1. Қоғамның қаржы-шаруашылық қызметiне бақылау жасау үшiн кемiнде үш мүшеден тұратын iшкi аудит қызметi құрылуы мүмкiн.
2. Iшкi аудит қызметiнiң қызметкерлерi қоғамның директорлар кеңесiнiң және атқарушы органының құрамына сайлана алмайды.
3. Iшкi аудит қызметi қоғамның директорлар кеңесiне тiкелей бағынады және өзiнiң жұмысы туралы оның алдында есеп бередi. Қоғамның директорлар кеңесi iшкi аудит қызметiнiң жұмыс тәртiбiн, iшкi аудит қызметкерлерiнiң еңбекақы мөлшерiн және төлеу тәртiбiн белгiлейдi.

62-бап. Қоғамның лауазымды тұлғалары қызметiнiң принциптерi

Қоғамның лауазымды тұлғалары:
1) өздерiне жүктелген мiндеттердi адал әрi өздерi қоғамның және акционерлердiң мүдделерiн мейлiнше жоғары көрсетедi деп негiздi түрде санайтын тәсiлдердi қолдана отырып орындайды;
2) қоғамның мүлкiн қоғам жарғысына және акционерлердiң жалпы жиналысы мен директорлар кеңесiнiң шешiмдерiне қайшы, сондай-ақ өз мақсаттарында пайдалануға жол бермеуге және мүлiкті өздерiнiң аффилиирленген тұлғаларымен мәмiле жасағанда терiс мақсатта пайдаланбауы тиiс;
3) тәуелсiз аудит жүргiзудi қоса алғанда, қоғамның бухгалтерлiк есеп және қаржылық есеп жүйесiнiң тұтастығын қамтамасыз етуге мiндеттi;
4) қоғам алдында олардың iс-әрекетi немесе әрекетсiздiгi нәтижесiнде келтiрiлген шығындар үшiн (осы Заңның 63-бабының 1-тармағында көзделгеннен басқа) Қазақстан Республикасының заңнамасына сәйкес жауап бередi;
5) қоғам қызметi жөнiндегi ақпараттың жария болуын және таратылуын бақылайды.

63-бап. Қоғамның лауазымды тұлғаларының жауапкершiлiгi

1. Қоғамның лауазымды тұлғалары өздерiнiң кiнәсiнен болған шығындар үшiн қоғам алдында Қазақстан Республикасының заңнамасына сәйкес жауап бередi.
Мұндайда қоғамға шығын келтiрген шешiмге қарсы дауыс берген немесе дауыс беруге қатыспаған лауазымды тұлғалар жауап бермейдi.
2. Егер осы баптың ережелерiне сәйкес бiрнеше лауазымды тұлғалар жауапты болған жағдайда, олардың жауапкершiлiгi қоғам алдында ортақ болады.
3. Қоғам акционерлердiң жалпы жиналысының шешiмi негiзiнде лауазымды тұлғаға қоғам шеккен шығындарды өтеу туралы сотқа шағымдануға құқылы.
4. Қоғамды мәжбүрлеп таратқан жағдайда оның лауазымды тұлғалары соттың күшiне енген шешiмiне сәйкес осы баптың 1-тармағындағы ереженi ескере отырып, оның мүлкi жеткiлiксiз болған кезде қоғамның мiндеттемелерi бойынша кредиторлар алдында мүлiктiк жауапкершiлiктi атқарады.

6-ТАРАУ. ҚОҒАМНЫҢ АФФИЛИИРЛЕНГЕН ТҰЛҒАЛАРЫ

64-бап. Қоғамның аффилиирленген тұлғасы

1. Мыналар қоғамның аффилиирленген тұлғасы болып табылады:
1) қоғамның iрi акционерi;
2) дауыс беретiн акцияларының (қатысу үлесiнiң) он және одан астам (халықтық акционерлiк қоғамда - бес және одан астам) пайызы қоғамның тiкелей немесе жанама иелiгiнде, пайдалануында және басқаруында болатын заңды тұлға;
3) қоғам оның еншiлес немесе тәуелдi қоғамы болып танылатын заңды тұлға;
4) қоғамға қатысты оның еншiлес ұйымы болып табылатын немесе тәуелдi қоғам деп танылатын заңды тұлға;
5) қоғаммен бiрге үшiншi тұлғаның немесе тұлғалар тобының бақылауындағы заңды тұлға;
6) қоғамның немесе қоғамның аффилиирленген тұлғасы болып табылатын заңды тұлғаның басшы қызметкерi;
7) қоғамның аффилиирленген тұлғасы болып табылатын жеке тұлғаның жақын туысы болатын (ата-анасы, зайыбы, жұбайы, ағасы, әпкесi, баласы, қызы, сондай-ақ зайыбының (жұбайының) ағасы, әпкесi, ата-анасы, баласы не қызы) жеке тұлға;
8) қоғамның аффилиирленген тұлғасы болып табылатын жеке тұлғаның

бақылауындағы заңды тұлға;

9) қоғаммен қолданылып жүрген шартқа байланысты заңды тұлға, ол

осыған сәйкес қоғам қабылдайтын шешiмдердi тiкелей немесе жанама

белгiлеуге құқылы;

10) өзiнiң аффилиирленген тұлғаларымен бiрлесiп қоғамның дауыс берушi

акцияларының он және одан астам (халықтық акционерлiк қоғамда - бес және

одан астам) пайызын иеленетiн, пайдаланатын және басқаратын тұлға;

11) заңнамалық кесiмдерге сәйкес қоғамның аффилиирленген тұлғасы

болып табылатын басқа тұлға.

2. Қоғамға (басқа заңды тұлғаға) бақылау жасау деп оның қызметiне

ықпал ету мүмкiндiгi танылады.

65-бап. Қоғамның лауазымды тұлғасының аффилиирленген тұлғасы

Мыналар қоғамның лауазымды тұлғасының аффилиирленген тұлғасы болып

табылады:

1) дауыс берушi акцияларының (қатысушылар салымдарының) он және одан астам (халықтық акционерлiк қоғамда - бес және одан астам) пайызы қоғамның лауазымды тұлғасының тiкелей немесе жанама иелігінде, пайдалануында және басқаруында болатын заңды тұлға;
2) қоғамның лауазымды тұлғасының жақын туысы болып табылатын (ата-анасы, зайыбы, жұбайы, ағасы, әпкесi, баласы, қызы, сондай-ақ зайыбының (жұбайының) ағасы, әпкесi, ата-анасы, баласы не қызы) жеке тұлға;
3) қоғамның лауазымды тұлғасының аффилиирленген тұлғасы болып табылатын жеке тұлғаның бақылауындағы заңды тұлға;
4) қоғамның лауазымды тұлғасының аффилиирленген тұлғасы болып табылатын заңды тұлғаның лауазымды тұлғасы;
5) заңнамалық кесiмдерге сәйкес қоғамның лауазымды тұлғасының аффилиирленген тұлғасы болып табылатын тұлға.

66-бап. Аффилиирленген тұлғалардың қатысуымен мәмiлелердi жасау
ерекшелiктерi

1. Өзара аффилиирленген тұлғалардың қатысуымен мәмiлелердi жасау ерекшелiктерiн осы Заң және басқа да заңнамалық кесiмдер белгiлейдi.
2. Аффилиирленген тұлғалардың қатысуымен заңнамалық кесiмдер белгiлеген мәмiлелердi жасау тәртiбiне қойылған талаптарды сақтамау кез келген мүдделi тұлғаның шағым-талабы бойынша соттың мәмiленi жарамсыз деп тануына негiз болып табылады.
3. Аффилиирленген тұлғалардың қатысуымен заңнамалық кесiмдер белгiлеген мәмiлелерді жасау тәртiбiне қойылған талаптарды бұза отырып мәмiленi қасақана жасаған тұлға, егер мұндай талап өз мүддесiне немесе жауапкершiлiктен бас тарту ниетiне байланысты туындаса, мәмiленi жарамсыз деп тануды талап етуге құқығы жоқ.

67-бап. Қоғамның аффилиирленген тұлғалары жөнiндегі мәлiметтердi

жария ету

1. Қоғамның аффилиирленген тұлғалары жөнiндегi мәлiметтер

коммерциялық немесе қызметтiк құпияға жатпайды.

2. Қоғам аффилиирленген тұлғалар ұсынатын мәлiметтер негiзiнде осы

тұлғалардың есебiн жүргiзуге мiндеттi.

3. Қоғамның аффилиирленген тұлғасы болып табылатын жеке және заңды

тұлғалар қоғамға аффилиирлену пайда болған күннен бастап жетi күн iшiнде

өзiнiң аффилиирленген тұлғалары туралы мәлiметтi ұсынуға мiндеттi.

4. Қоғам өзiнiң аффилиирленген тұлғалардың тiзiмiн уәкiлетті орган

белгiлеген тәртiппен ұсынуға мiндеттi.

7-тарау. ЖАСАЛУЫНА ЕРЕКШЕ ТАЛАПТАР БЕЛГIЛЕНГЕН ҚОҒАМНЫҢ МӘМІЛЕЛЕРІ

68-бап. Iрi мәмiле

1. Мыналар қоғамның iрi мәмiлесi болып танылады:

1) қоғамның негiзгi қызметiне байланысты мәмiлелерден басқа, қоғамның жарғысына сәйкес нәтижесiнде құны қоғам активтерi жалпы мөлшерiнiң жиырма бес (халықтық акционерлiк қоғамда - он) және одан астам пайызы болатын мүлiк сатылатын немесе иелiктен шығарылатын мәмiле немесе өзара байланысқан мәмiлелердiң жиынтығы;
2) нәтижесiнде қоғам өзiнiң орналастырылған бағалы қағаздарын сатып ала алатын немесе орналастырылған бағалы қағаздардың жалпы санының жиырма бес (халықтық акционерлiк қоғамда - он) және одан астам пайызы мөлшерiнде қоғамның сатып алған бағалы қағаздарын сататын мәмiле немесе өзара байланысқан мәмiлелердiң жиынтығы;
3) қоғамның жарғысы iрi мәмiле ретiнде танитын басқа мәмiле.
2. Мыналар өзара байланысқан болып танылады:
1) сол мүлiктi сатып алуға немесе иелiктен шығаруға қатысты осы тұлғамен немесе осы тұлғаның аффилиирленген тұлғаларымен жасалатын бiрнеше мәмiле;
2) бiр шартпен немесе өзара байланысқан бiрнеше шартпен ресiмделетiн мәмiлелер;
3) қоғамның жарғысы немесе акционерлерiнiң жалпы жиналысының шешiмi өзара байланысқан ретiнде танитын басқа да мәмiлелер.

69-бап. Iрi мәмiленiң мәнi болып табылатын мүлiктiң құны

1. Iрi мәмiленiң мәнi болып табылатын қоғам иелiгiнен шығарылатын (сатып алынатын) мүлiктiң құны iрi мәмiленi жасау орнында және сол күнгi осындай мүлiктiң рыноктық бағасынан төмен (жоғары) болмауы тиiс.
Қоғамның атынан мәмiлелер жасауға уәкiлеттi оның лауазымды тұлғалары заңнамалық кесiмдер белгілеген жағдайлардан басқа, адал және қоғамның мүддесiне iс-әрекет жасай отырып, ірi мәмiленi рыноктық бағадан едәуiр төмен болатын баға бойынша жасауға құқылы. Бұл жағдайда мәмiле туралы есеп акционерлердiң кезектi жалпы жиналысында қаралуы тиiс.
2. Мүлiктiң бағасына әсер етуi мүмкiн және осы мүлiктiң сипаттамалары және қасиеттерi туралы толық ақпаратқа ие сатушы оны сатуға келiскен, ал аталған ақпаратқа ие мүлiктi сатып алушы оны сатып алуға келiскен баға мүлiктiң рыноктық бағасы деп танылады.
Мүлiктiң рыноктық бағасы тендерлер, конкурстар, аукциондар өткiзу арқылы немесе мүлiктi сатудың басқа да ашық нысандарын пайдалана отырып айқындалуы мүмкiн.
Егер рыноктық бағасын айқындау қажет болған мүлiк бағалы қағаздардың ұйымдастырылған рыногында айналыстағы бағалы қағаздар болса, олардың рыноктық бағасын айқындаған кезде мұндай бағалы қағаздармен мәмiлелердiң осы рынокта қалыптасқан бағалары және мұндай бағалы қағаздарға ұсыныстар назарға алынуы тиiс. Егер рыноктық бағасын белгiлеу қажет болған мүлiк қоғамның өзiнiң акциялары болса, олардың рыноктық бағасын белгiлеген кезде қоғамның меншiк капиталының мөлшерi, қоғамның даму жоспарына сәйкес оның өзгеру болашағы және рыноктық бағасын белгiлейтiн тұлға маңызды деп санаған басқа факторлар назарға алынуы тиiс.

70-бап. Қоғамның iрi мәмiлелер жасауы

1. Қоғамның iрi мәмiленi жасауы туралы шешiмдi акционерлердiң жалпы жиналысы қабылдайды.
Акционерлердiң жалпы жиналысына iрi мәмiленi жасау туралы негiзделген шешiмдi қабылдау үшiн қажеттi ақпаратты қоғамның атқарушы органы (құжаттарды қоса бере отырып) ұсынады.
2. Жалпы жиналысқа қатыспаған қоғамның кредиторлары мен акционерлерiн хабардар ету мақсатында қоғам акционерлердiң жалпы жиналысы iрi мәмiленi жасау туралы шешiмдi қабылдағаннан кейiн бес күн iшiнде мәмiле туралы хабарды баспасөз басылымында жариялауға мiндеттi.
3. Iрi мәмiленi жасау туралы шешiмге дауыс беруге қатыспаған немесе қарсы дауыс берген акционер қоғамның өзiне тиесiлi акцияларды осы Заңда белгiленген тәртiппен сатып алуын талап етуге құқылы.

71-бап. Қоғамның мәмiле жасауына мүдделiлiк

1. Қоғамның аффилиирленген тұлғалары, сондай-ақ олардың аффилиирленген тұлғалары:
1) мәмiленiң бiр тарабы болып табылса немесе оған өкiл не делдал ретiнде қатысса;
2) мәмiленiң бiр тарабы болып табылатын және оған өкiл не делдал ретiнде қатысатын заңды тұлғаның аффилиирленген тұлғалары болып табылса, қоғамның мәмiле жасауына мүдделi тұлғалары (бұдан әрi - мүдделi тұлғалар) болып танылады.
2. Қоғамның мәмiле жасауына мүдделiлiк бар акционердiң қоғамның акциясын немесе басқа бағалы қағаздарын сатып алу бойынша, қоғамның өзiнiң орналастырған акцияларын сатып алу бойынша жасаған мәмiлесi, сондай-ақ қоғамды осы Заңға сәйкес қайта ұйымдастыру мәмiле болып табылмайды.

72-бап. Қоғамның мәмiле жасауына мүдделiлiк туралы ақпарат

Осы Заңның 70-бабының 1-тармағында аталған тұлғалар қоғамның директорлар кеңесiнiң назарына:
1) олардың мәмiленiң тараптары болып табылатындығы немесе оған өкiл не делдал ретiнде қатысатындығы туралы;
2) өздерi аффилиирленген заңды тұлғалар туралы, оның iшiнде дербес немесе өздерiнiң аффилиирленген тұлғаларымен бiрлесiп немесе дауыс беретiн акциялардың (үлестердiң пайларының) он немесе одан да көп пайызын иеленген немесе көпшiлiк компанияның дауыс беретiн акцияларының бес немесе одан да көп пайызын иеленген заңды тұлғалар туралы және органдарында өздерi қызмет атқаратын заңды тұлғалар туралы;
3) өздерi мүдделi тұлғалар болып танылуы мүмкiн өздерiне белгілi жасалған немесе ықтимал мәмiлелер туралы ақпаратты жеткiзуге мiндеттi.

73-бап. Жасалуына мүдделiлiк бар мәмiлелердi жасау тәртiбiне
қойылатын талаптар

1. Қоғамның жасалуына мүдделiлiк бар мәмiлелердi жасауы туралы шешiмдi қоғам акционерлерiнiң жалпы жиналысы оның жасалуына мүдделi емес акционерлердiң көпшiлiк дауысымен қабылдайды, мұндайда акционерлердiң жалпы жиналысына осындай мәмiленi жасау туралы негiзделген шешiмдi қабылдауға қажеттi ақпарат (құжаттар қоса берiледi) ұсынылады.
2. Жасалуына мүдделiлiк бар мәмiлелердi жасау туралы шешiмдi қабылдау үшiн акционерлердiң жалпы жиналысы иелiктен шығарылатын мүлiктiң немесе көрсетiлетiн қызметтiң бағасы, ал сатып алынатын мүлiк немесе пайдаланатын қызмет бағасы осы Заңға сәйкес белгiленген осы мүлiктiң немесе қызметтiң рыноктық бағасынан жоғары емес шығындарды белгiлеуi тиiс.
3. Егер жасалуына мүдделiлiк бар мәмiле сонымен қатар ірi мәмiле болып табылса, оны жасау тәртiбiне осы Тараудың нормалары қолданылады.

74-бап. Қоғамның жасалуына ерекше талаптар қойылған мәмiлелерге
қатысты мәмiленi жасау салдары

1. Iрi мәмiленi және жасалуына мүдделiлiк бар мәмiленi жасау кезiнде осы Заңда көзделген талаптарды сақтамау мүдделi тұлғалардың шағым-талабы бойынша сот тәртiбiмен осы мәмiлелердi жарамсыз деп тануға әкеп соқтырады.
2. Қоғамның осы Заңда көзделген мәмiле жасау тәртiбiнiң талаптарын бұза отырып, мәмiле жасауына мүдделi тұлға қоғам алдында қоғамға өзi келтiрген зиянның мөлшерiнде жауап бередi. Мәмiленi бiрнеше тұлға жасаған жағдайда олар қоғам алдында бiрлесiп жауап бередi.
3. Осы Заңда және қоғамның жарғысында белгiленген талаптарды бұза отырып қасақана iрi мәмiле жасаушы тұлға, егер осындай талап ету өз пайдасын көздеу немесе жауапкершiлiктен жалтару ниетiнен туса, мәмiленi жарамсыз деп тануды талап етуге құқығы жоқ.

8-тарау. ҚОҒАМНЫҢ ҚАРЖЫЛЫҚ ЕСЕБI ЖӘНЕ АУДИТІ

75-бап. Қоғамның қаржылық есебi

1. Қоғамның қаржылық есебiне қоғамның бухгалтерлiк балансы, оның қаржы-шаруашылық қызметінiң нәтижелерi туралы есеп, ақша қозғалысы туралы есеп және Қазақстан Республикасының бухгалтерлiк есеп туралы заңнамасына сәйкес басқа да есеп жатады.
2. Халықтық акционерлiк қоғамның қаржылық есебiне осы баптың 1-тармағында көрсетiлген құжаттардан басқа, капитал қозғалысы туралы есеп жатуы тиiс.
3. Қоғамдардың қаржы-шаруашылық қызметiнiң бухгалтерлiк есебiн жүргiзу және қаржылық есеп беру тәртiбi Қазақстан Республикасының заңнамасында белгiленедi.

76-бап. Қоғамның жылдық қаржылық есебi

1. Қоғамның атқарушы органы жыл сайын акционерлердiң жалпы жиналысына талқылау және бекiту үшiн қоғамның өткен жылға жасалған жылдық қаржылық есебiн ұсынады.
2. Жылдық қаржылық есеп Қазақстан Республикасының бухгалтерлiк есеп туралы заңнамасына сәйкес жасалады.
3. Қоғамның жылдық қаржылық есебiн акционерлердiң жылдық жалпы жиналысы өтетiн күннен кемiнде отыз күн бұрын қоғамның директорлар кеңесi алдын ала бекiтуi керек.
Қоғамның жылдық қаржылық есебiн акционерлердiң жылдық жалпы жиналысы түпкiлiктi бекiтедi.
4. Қоғам жыл сайын уәкiлеттi орган белгiлеген мерзiмде жылдық қаржылық есебiн баспасөз басылымында жариялауға мiндеттi.

77-бап. Халықтық акционерлiк қоғамның уәкiлеттi органға қаржылық
есептi ұсыну тәртібi

1. Халықтық акционерлiк қоғам өзiнiң қаржылық есебiн заңнамаға сәйкес тоқсан сайын уәкiлеттi органға ұсынуға және баспасөз басылымында жариялауға мiндеттi.
2. Халықтық акционерлiк қоғам жылдық қаржылық есебiн акционерлердiң жылдық жалпы жиналысы бекiткеннен кейiн он күннiң iшiнде уәкiлеттi органға ұсынады. Халықтық акционерлiк қоғамның жылдық қаржылық есебiнiң мазмұны мен ұсыну тәртiбiн уәкiлеттi орган белгiлейдi.

78-бап. Қоғамның аудитi

1. Жылдық қаржылық есептiң дұрыстығын тексеру және шынайылығын растау үшiн қоғам аудит жүргiзуге мiндеттi.
2. Қоғамның ағымдағы қаржылық есебiнiң аудитi оның директорлар кеңесiнiң, атқарушы органының бастамасы бойынша немесе қоғамның iрi акционерiнiң талап етуi бойынша өткiзiледi және қоғамның есебiнен төленедi.
3. Егер қоғамның атқарушы органы қоғамның жылдық немесе ағымдағы қаржылық есебiнiң аудитiн жүргiзуден жалтарса, аудит кез келген мүдделi тұлғаның шағым-талабы бойынша сот шешiмiмен тағайындалады.

9-тарау. ҚОҒАМНЫҢ АҚПАРАТТЫ ЖАРИЯ ЕТУI. ҚОҒАМНЫҢ ҚҰЖАТТАРЫ

79-бап. Қоғамның ақпаратты жария етуi

1. Қоғам өз акционерлерiне қоғам акционерлерiнiң мүддесiне қатысты қоғамның қызметi туралы ақпаратты мәлiмдеуге мiндеттi.
Мыналар қоғам акционерлерiнiң мүддесiне қатысты ақпарат болып табылады:
1) акционерлердiң жалпы жиналысы және қоғамның директорлар кеңесi қабылдаған шешiмдер және қабылданған шешiмдердiң орындалуы жөнiндегi ақпарат;
2) қоғамның акцияларды және басқа бағалы қағаздарды шығаруы және уәкiлеттi органның қоғамның бағалы қағаздарын орналастыру қорытындысы туралы есебiн, қоғамның бағалы қағаздарын өтеу нәтижелерi туралы есептерiн бекiтуi, уәкiлеттi органның қоғамның бағалы қағаздарының күшiн жоюы;
3) қоғамның iрi мәмiлелердi және қоғамның мәмiлелер жасауына мүдделiлiк бар мәмiлелер;
4) қоғамның меншiк капиталының жиырма бес және одан да көп пайызы мөлшерiнде қоғамның қарыз алуы;
5) қоғамның қандай да болмасын қызмет түрлерiн жүзеге асыруға лицензиялар алуы, қоғамның қандай да болмасын қызмет түрлерiн жүзеге асыруға бұрын алған лицензияларының тоқтатыла тұруы немесе тоқтатылуы;
6) қоғамның заңды тұлғаны құруға қатысуы;
7) қоғам мүлкiне тыйым салынуы;
8) баланстық құны қоғам активтерiнiң жалпы мөлшерiнiң он және одан да

көп пайызы мөлшерiндегі қоғам мүлкiнiң жойылуына себеп болған төтенше

жағдайдың орын алуы;

9) қоғамның және оның лауазымды тұлғаларының сот тәртiбi арқылы

әкiмшiлiк жауапкершiлiкке тартылуы;

10) қоғамның жарғысына сәйкес оның акционерлерiнiң мүддесiне қатысты

басқа ақпарат.

2. Халықтық акционерлiк қоғам бес күннiң iшiнде уәкiлеттi органға осы

баптың 1-тармағының 1), 3)-5), 7)-9) тармақшаларында көрсетiлген ақпаратты

жiберуге мiндеттi.

3. Акционерлердiң мүддесiне қатысты қоғамның қызметi туралы ақпарат

осы Заңға және қоғамның жарғысына сәйкес ұсынылады.

80-бап. Қоғамның құжаттары

1. Қоғамның өз қызметiне қатысты құжаттары өзi қызмет еткен мерзiм

бойына қоғам орналасқан жерде немесе жарғысында анықталған басқа жерде

сақталуы тиiс.

Сақтауға мына құжаттар жатады:

1) қоғамның жарғысы, қоғам жарғысына енгiзiлген өзгерiстер мен

толықтырулар;

2) қоғам құрылтайшылары жиналысының хаттамалары;

3) құрылтай шарты (қоғамды құру туралы шешiм), құрылтай шартына

енгiзiлген өзгерiстер мен толықтырулар (қоғамды құру туралы шешiм);

4) қоғамның заңды тұлға ретiнде мемлекеттік тiркелуi (қайта тiркелуi)

туралы куәлiк;

5) қоғамның статистикалық карточкасы;

6) қоғамның қандай да болмасын қызмет түрлерiн жүзеге асыруға алған

лицензиялары;

7) қоғам акционерлерiнiң жалпы жиналыстарының хаттамалары,

акционерлердiң жалпы жиналыстарының күн тәртiбiндегі мәселелер бойынша

материалдары;

8) жалпы жиналыс өткiзуге ұсынылған акционерлердiң тiзiмi;

9) қоғамның директорлар кеңесi мәжiлiстерiнiң хаттамалары (сырттай

мәжiлiстiң шешiмдерi), қоғамның директорлар кеңесiнiң күн тәртiбiндегi

мәселелер бойынша материалдары;

10) атқарушы органның мәжiлiстерiнiң хаттамалары (шешiмдерi);

11) тиiстi органдарға ұсынылатын қоғамның қаржылық есебi;

12) қоғамның өз балансында тұрған (болған) мүлкiне құқығын растайтын

құжаттар;

13) аудиторлық есептер;

14) бағалаушылардың қоғамның мүлкiн бағалау жөнiндегi есептерi;

15) қоғамның iшкi құжаттары;

16) қоғамның бағалы қағаздарын шығару проспектiлерi;

17) қоғамның бағалы қағаздар шығаруын мемлекеттiк тiркеудi, бағалы қағаздардың күшiн жойғанын растайтын құжаттар, сондай-ақ қоғамның уәкiлеттi органға ұсынған бағалы қағаздарды орналастыру және өтеу нәтижелерi жөнiндегi есептерiн бекiту;
18) қоғамның филиалдары және өкiлдiктерi туралы ереже;
19) Қазақстан Республикасының заңнамасында айқындалған басқа да

құжаттар.

2. Қоғам акционерiнiң талап етуi бойынша оған осы Заңда көзделген

құжаттардың көшiрмесiн қоғамның жарғысында айқындалған тәртiппен ұсынады,

мұндайда құпия сипаттағы және қоғамның коммерциялық құпиясы бар ақпаратты

ұсынуға шектеулер енгiзуге жол берiледi.

Құжаттардың көшiрмесiн беруге ақы төлемдердiң мөлшерiн қоғам

белгiлейдi және ол құжаттардың көшiрмелерiн әзiрлеуге жұмсалған шығыс құны

мен құжаттарды акционерге жеткiзуге байланысты шығыстарды төлеу ақысынан

аспауы тиiс.

10-тарау. ҚОҒАМДЫ ҚАЙТА ҰЙЫМДАСТЫРУ ЖӘНЕ ТАРАТУ

81-бап. Қоғамды қайта ұйымдастыру

1. Қоғамды қайта ұйымдастыру (бiрiктiру, қосу, бөлу, бөлiп шығару, қайта құру) осы Заңда белгіленген ерекшелiктер ескерiле отырып Қазақстан Республикасының Азаматтық кодексiне сәйкес жүзеге асырылады.
2. Қоғам бөлiну немесе бөлiнiп шығу арқылы қайта ұйымдасқан кезде қайта ұйымдастырылатын қоғамның кредиторлары осы қоғам борышкер болып табылатын мiндеттеменiң мерзiмiнен бұрын тоқтатылуын және шығындарды өтеудi талап етуге құқылы.
3. Егер қоғам қайта ұйымдастырылған жағдайда өз қызметiн тоқтатса, оның iшiнде орналастырылған акцияларын қоса алғанда оның жарияланған акцияларының Қазақстан Республикасының заңнамасында белгiленген тәртiппен күшi жойылады.

82-бап. Қоғамның бiрiгуi

1. Екi немесе бiрнеше қоғамның өз қызметтерiн тоқтатып, өткiзу актiсiне сәйкес оған барлық мүлкiн, құқықтарын және мiндеттерiн беру арқылы жаңа қоғамның пайда болуы қоғамның бiрiгуi деп танылады.
2. Бiрiгуге қатысатын әрбiр қоғамның директорлар кеңесi бiрiгу нысанында қайта ұйымдастыру туралы, өткiзу актiсi мен бiрiгу туралы шартты бекiту туралы мәселенi акционерлердiң жалпы жиналысының қарауына ұсынады.
Қоғамның бiрiгуi туралы шартта бiрiгуге қатысатын қоғамдардың әрқайсысының атауы, мекен-жайы, олардың бухгалтерлiк баланстарының деректерi туралы мәлiметтердiң болуы, сондай-ақ бiрiгу тәртiптерi мен талаптарын, атап айтқанда қоғамның бiрiгуге тартылған акцияларын құрылатын қоғамның акцияларына айырбастау тәртiбiн көздеуi тиiс.
Уәкiлеттi орган олар бiрiгуге қатысқан жағдайда халықтық акционерлiк қоғамның акционерлерiне ұсынуға қажеттi ақпарат тiзбесiн анықтауы мүмкiн.
3. Бiрiгуге қатысатын әрбiр қоғамның акционерлерiнiң жалпы жиналысы бiрiгу нысанында қайта ұйымдастыру, өткiзу актiсi мен бiрiгу туралы шартты бекiту туралы шешiм қабылдайды, сондай-ақ бiрiгу туралы шартқа және өткiзу актiсiне қол қоюға уәкiлеттi тұлғаларды айқындайды.
4. Жаңа қоғамның жарғысын бекiтудi және органдарын сайлауды бiрiгу туралы шартта анықталған мерзiмде өткiзiлетiн жаңа пайда болған қоғам акционерлерiнiң жалпы жиналысы жүзеге асырады. Жаңа пайда болған қоғам акционерлерiнiң жалпы жиналысын шақыру және өткiзу тәртiбiне байланысты ерекшелiктерi бiрiгу туралы шартта айқындалады.
5. Қоғамның бiрiгуiне қатысушылардың әрқайсысы өзiнiң барлық кредиторларына бiрiгу туралы жазбаша хабарлама жiбередi және баспасөз басылымында тиiстi хабарландыру жариялайды. Хабарламаға осы баптың 2-тармағында көрсетiлген қоғамдардың бiрiгуiне басқа қатысушылар туралы мәлiметтер қоса жiберiледi.

83-бап. Қоғамның қосылуы

1. Қосылу туралы шарттың негiзiнде және өткiзу актісiне сәйкес қосылатын қоғамның барлық мүлкiн, құқықтары мен мiндеттерiн басқа қоғамға беруiне байланысты өз қызметiн тоқтатуы қоғамның басқа қоғамға қосылуы деп танылады.
2. Қосылатын қоғамдардың директорлар кеңесi акционерлердiң жалпы жиналысының қарауына қосылу нысанында қайта ұйымдастыру, өткiзу актiсi мен қосылу туралы шартты бекiту жөнiндегі мәселенi ұсынады.
Қоғамдардың қосылуы туралы шартта қоғамдардың қосылуына қатысатындардың әрқайсысының атауы, мекен-жайы, бухгалтерлiк баланстарының деректерi туралы мәлiметтердiң болуы, сондай-ақ қосылу тәртiптерi мен талаптарын, атап айтқанда қоғамның қосылуға тартылған акцияларын құрылатын қоғамның акцияларына айырбастау тәртiбiн көздеуi тиiс.
Уәкiлеттi орган олар қосылуға қатысқан жағдайда халықтық акционерлiк қоғамның акционерлерiне ұсынуға қажеттi ақпарат тiзбесiн айқындайды.
Қосылатын қоғам акционерлерiнiң жалпы жиналысы қосылу нысанында қайта ұйымдастыру, өткiзу актiсi мен қосылу туралы шартты бекiту туралы шешiм қабылдайды, сондай-ақ қосылу туралы шартқа және өткiзу актiсiне қол қоюға уәкiлеттi тұлғаларды айқындайды.
3. Қосылу жүзеге асырылатын қоғамның директорлар кеңесi акционерлердiң жалпы жиналысының шешуiне өзiне басқа қоғамды қосу нысанында қоғамды қайта ұйымдастыру туралы, қосылу туралы шартты және өткiзу актiсiн бекiту туралы мәселе ұсынады.
Қосылу жүзеге асырылатын қоғам акционерлерiнiң жалпы жиналысы оған басқа қоғамның қосылуы нысанында қайта ұйымдастыру туралы шешiм қабылдайды, өткiзу актiсi мен қосылу туралы шартты осы Заңда айқындалған тәртiппен бекiтедi, сондай-ақ қосылу туралы шарт пен өткiзу актiсiне қол қоюға уәкiлеттi тұлғаларды айқындайды.
4. Қосылатын қоғамның жарғысына өзгерiстер мен толықтырулар енгiзу туралы шешiм қажет болған жағдайда, оны қосылу жүзеге асырылатын қоғамның акционерлерi мен қосылатын қоғам акционерлерiнiң бiрлескен жалпы жиналысы қабылдайды.

84-бап. Қоғамның бөлiнуi

1. Қоғамның жаңадан пайда болатын қоғамдарға өзiнiң барлық мүлкiн, құқықтары мен мiндеттерiн берiп, өз қызметiн тоқтатуы қоғамның бөлiнуi деп танылады. Мұндайда бөлiнетiн қоғамның құқықтары мен мiндеттерi бөлiнiс балансына сәйкес жаңадан пайда болатын қоғамдарға ауысады.
2. Бөлiну нысанында қайта ұйымдастырылатын қоғамның директорлар кеңесi акционерлердiң жалпы жиналысының қарауына қоғамның бөлiну нысанында қайта ұйымдасуы, жаңа қоғамдарды құру, қайта ұйымдасатын қоғамның акциясын құрылатын қоғамдардың акцияларына айырбастау тәртiбi және бөлу балансын бекiту туралы мәселе ұсынады.
Акционерлердiң жалпы жиналысының қоғамның бөлiнуi туралы қабылдаған шешiмi қайта ұйымдасатын қоғамның акциясын жаңадан құрылатын қоғамдардың акцияларына айырбастау тәртiбiн анықтауы тиiс. Қайта ұйымдасып жатқан қоғамның кез келген акционерiне ұсынылатын құқықтар оған тиесiлi акцияны жаңадан құрылып жатқан қоғамдардың акциясына айырбастау нәтижесiнде қайта құрылатын қоғамның жарғысымен оған берiлетiн құқықтармен салыстырғанда төмендемейдi немесе шектелмейдi.
3. Қоғам акционерлердiң жалпы жиналысы бөлiну туралы шешiмдi қабылдаған сәттен бастап кредиторларға бұл шешiм бойынша шешiм қабылданғаннан кейiн туындайтын мiндеттемелер жөнiнде хабарлайды.
4. Қоғам акционерлердiң жалпы жиналысы бөлiну туралы шешiмдi қабылдаған күннен бастап екi айлық мерзiмде өзiнiң барлық кредиторларына бөлiну туралы жазбаша хабарлама жiберуге және баспасөз басылымында тиiстi хабарландыру жариялауға мiндеттi. Хабарламаға бөлу балансы, сондай-ақ жаңа құрылатын қоғамның әрқайсысының атауы, мекен-жайы туралы мәлiметтер қоса жiберiледi.
5. Қоғамның бөлiнуі нәтижесiнде пайда болған қоғамдар қайта құрылған қоғамның мiндеттемелерi бойынша Қазақстан Республикасының заңнамасына сәйкес жауап бередi.

85-бап. Қоғамның бөлiнiп шығуы

1. Бiр немесе бiрнеше қоғамның өз мүлкiнiң, құқықтары мен мiндеттерiнiң бiр бөлiгiн қайта ұйымдастырылатын қоғамға өз қызметiн тоқтатпай-ақ беруi қоғамның бөлiнiп шығуы деп танылады.
2. Қайта ұйымдастырылатын қоғамның директорлар кеңесi акционерлердiң жалпы жиналысының қарауына қоғамның бөлiнiп шығуы нысанында қайта ұйымдастырылуы, бөлiнiп шығу тәртiбi мен талаптары, бөлу балансы және жаңа қоғамды құру туралы мәселелердi ұсынады.
3. Қайта ұйымдастырылатын қоғам акционерлердiң жалпы жиналысы бөлiнiп шығу нысанында қайта ұйымдастыру, жаңа қоғамдарды құру және қайта ұйымдастырылатын қоғам акционерлерiне тиесiлi акцияларды құрылатын қоғамның акцияларына айырбастау тәртiбi және бөлу балансын бекiту туралы шешiм қабылдайды.
Қайта ұйымдастырылатын қоғам акционерлерiне тиесiлi акцияларды айырбастау осы Заңның 84-бабының 2-тармағындағы екiншi бөлiгiнде белгiленген тәртiппен жүзеге асырылады.
4. Қоғам акционерлердiң жалпы жиналысы бөлiнiп шығу туралы шешiмдi қабылдаған күннен бастап екi айлық мерзiмде өзiнiң барлық кредиторларына бөлiнiп шығу туралы жазбаша хабарламаны жiберуге және баспасөз басылымына тиiстi хабарландыру жариялауға мiндеттi. Хабарламаға бөлу балансы, сондай-ақ жаңадан құрылатын қоғамдардың әрқайсысының атауы, мекен-жайы туралы мәлiметтер қоса жiберiледi.
5. Қоғам бөлiнiп шыққан кезде қайта ұйымдастырылатын қоғамның құқықтары мен мiндеттерi бөлу балансына сәйкес құрылған қоғамға ауысады.

86-бап. Қоғамды қайта құру

1. Қоғам қайта құрылатын қоғамның өткiзу актiсiне сәйкес барлық құқықтары мен мiндеттерi ауысатын шаруашылық серiктестiгi немесе өндiрiстiк кооператив болып қайта құрылуға құқылы.
2. Қайта құрылатын қоғамның директорлар кеңесi акционерлердiң жалпы жиналысының қарауына қоғамның қайта құрылуы, қайта құруды жүзеге асырудың тәртiбi мен талаптары, қоғамның акцияларын шаруашылық серiктестiгiне қатысушылардың салымдарына немесе өндiрiстiк кооператив мүшелерiнiң пайларына айырбастау тәртiбi туралы мәселе ұсынады.
3. Қайта құрылатын қоғам акционерлерiнiң жалпы жиналысы қоғамның қайта құрылуы, қайта құруды жүзеге асырудың тәртiбi мен талаптары, қоғамның акцияларын шаруашылық серiктестiгiне қатысушылардың салымдарына немесе өндiрiстiк кооператив мүшелерiнiң пайларына айырбастау тәртiбi туралы шешiм қабылдайды.
4. Қайта құру барысында құрылатын жаңа заңды тұлғаның қатысушылары өздерiнiң бiрлескен мәжiлiсiнде заңнама кесiмдерiне сәйкес оның құрылтай құжаттарын бекiту және органдарын сайлау туралы шешiм қабылдайды.
5. Қоғамды қайта құру кезiнде қатысушының шаруашылық серiктестiгiнiң төленген жарғылық капиталындағы үлесi (өндiрiстiк кооперативтегі пайы) оған тиесiлi акцияның қоғамның орналастырылған акцияларының санына пайыздық арақатынасының негiзiнде айқындалады.

87-бап. Қоғамды мәжбүрлеп қайта ұйымдастыру туралы сот шешiмiн
орындамаудың салдары

1. Егер соттың шешiмi бойынша қоғамды бөлiну немесе бөлiнiп шығу нысанында мәжбүрлеп қайта ұйымдастыруды жүзеге асыруға уәкiлеттi қоғамның органдары қайта ұйымдастыруды осындай шешiмде анықталған мерзiмiнде жүзеге асырмаса, сот бiлiктiлiк талаптарына жауап беретiн сенiмгерлiк басқарушыны тағайындайды және оған бөлiну немесе бөлiнiп шығу нысанында қайта ұйымдастыруды жүзеге асыруды тапсырады.
2. Сенiмгерлiк басқарушы тағайындалған сәттен бастап оған қоғамның директорлар кеңесiнiң және акционерлердiң жалпы жиналысының осы Заңның 85 және 86-баптарында көзделген қайта ұйымдастыру талаптарын анықтау жөнiндегi өкiлеттiктерi ауысады.
3. Қоғам атынан әрекет жасайтын сенiмгерлiк басқарушы бөлу балансын жасайды және оны бөлiну немесе бөлiнiп шығу нәтижесiнде құрылған қоғамның жалпы жиналысында бекiтiлген құрылтай құжаттарымен бiрге соттың қарауына бередi. Қайта ұйымдастыру нәтижесiнде құрылған қоғамды мемлекеттiк тiркеу сот шешiмi негiзiнде жүзеге асырылады.

88-бап. Қоғамды тарату

1. Қоғамды ерiктi түрде тарату туралы шешiм кредиторлардың келiсiмдерi бойынша және олардың бақылауымен тарату рәсiмiн белгiлейтiн акционерлердiң жалпы жиналысында заңнамалық кесiмдерге сәйкес қабылданады.
2. Қоғамды мәжбүрлеп таратуды заңнамалық кесiмдерде көзделген жағдайларда сот жүзеге асырады.
Қоғамды тарату туралы талапты, егер заңнамалық кесiмдерде басқаша көзделмесе, сотқа мүдделi тұлғалар ұсынуы мүмкiн.
3. Соттың немесе жалпы жиналыстың қоғамды тарату туралы шешiмiмен тарату комиссиясы (таратушы) тағайындалады.
Тарату комиссиясы қоғамның таратылуы кезеңiнде оны басқару және тiзбесi Қазақстан Республикасының заңнамасында анықталған әрекеттi жасау бойынша өкiлеттiктер иеленедi.
Тарату комиссиясының құрамына қоғам кредиторларының өкiлдерi, iрi акционерлердiң өкiлдерi, сондай-ақ акционерлердiң жалпы жиналысының шешiмiне сәйкес басқа да тұлғалар енгізiлуi тиiс.
4. Қоғамды тарату рәсiмi және оның кредиторларының талаптарын қанағаттандыру тәртiбi Қазақстан Республикасының заңнамасымен реттеледi.
5. Қоғамды тарату кезiнде оның жарияланған, оның iшiнде орналастырылған акцияларының күшi Қазақстан Республикасының заңнамасында белгіленген тәртiппен жойылады.

89-бап. Таратылатын қоғамның мүлкiн акционерлердiң арасында бөлу

1. Таратылатын қоғамның кредиторлармен есеп айырысу аяқталғаннан

кейiн қалған мүлкiн тарату комиссиясы (таратушы) акционерлердiң арасында

мынадай кезектілiкпен бөледi:

1) бiрiншi кезекте осы Заңға сәйкес сатып алынуға тиiс акциялар

бойынша төлемдер төленедi;

2) екiншi кезекте артықшылық берiлген акциялар бойынша есептелген

және төленбеген дивидендтер төленедi;

3) үшiншi кезекте жай акциялар бойынша есептелген және төленбеген

дивидендтер төленедi;

4) төртіншi кезекте артықшылық берiлген акциялардың құны өтеледi;

5) бесiншi кезекте жай акциялардың құны өтеледi.

Қалған мүлiк барлық акция иелерiнiң арасында оларға тиесiлi

акциялардың санына қарай теңбе-тең бөлiнедi.

2. Әрбiр кезектiң талаптары алдыңғы кезектiң талаптары толық

қанағаттандырылғаннан кейiн орындалады.

Егер таратылатын қоғамның мүлкi есептелген, бiрақ төленбеген

дивидендтердi төлеуге және артықшылық берiлген акциялардың нақты құнын

өтеуге жеткiлiксiз болса, аталған мүлiк толықтай осы санаттағы акционерлер

арасында оларға тиесiлi акциялардың санына қарай теңбе-тең бөлiнедi.

11-тарау. ҚОРЫТЫНДЫ ЕРЕЖЕЛЕР

90-бап. Өтпелi ережелер

1. Осы Заң күшiне енгенге дейiн құрылған қоғамдар осы Заң күшiне

енгiзiлген күннен бастап бiр жылдың ішiнде өздерiнiң құрылтай құжаттарына

тиiстi өзгерiстер енгiзуге мiндеттi.

2. Осы баптың 1-тармағындағы талаптарды орындамаған қоғамдар аталған

тармақта белгіленген мерзiм аяқталған күннен бастап бiр жылдан кешiктiрмей

қоғамды қайта ұйымдастыруға немесе таратуға мiндетті.

91-бап. Осы Заңның күшiне енуi

Осы Заң 2002 жылдың 1 қаңтарынан бастап күшiне енедi.

Қазақстан Республикасының

Президентi

Мамандар:

Қасымбеков Б.А.,

Омарбекова А.Т.