Қазақстан Республикасының Үкiметi қаулы етеді:
"Қазақстан Республикасының кейбiр заң актiлерiне сақтандыру мәселелерi бойынша өзгерiс пен толықтырулар енгізу туралы" Қазақстан Республикасы Заңының жобасы Қазақстан Республикасының Парламентi Мәжiлiсiнiң қарауына енгiзiлсiн.
Қазақстан Республикасының
Премьер-Министрі
Жоба
Қазақстан Республикасының Заңы "Қазақстан Республикасының кейбiр заң актілеріне
сақтандыру мәселелерi бойынша
өзгерiс пен толықтырулар енгiзу туралы"
1-бап. Қазақстан Республикасының мынадай заң актiлерiне өзгерiс пен толықтырулар енгiзiлсiн:
1. "Нотариат туралы" Қазақстан Республикасының 1997 жылғы 14 шілдедегi Заңына (Қазақстан Республикасы Парламентiнiң Жаршысы, 1997 ж., N 13-14, 206-құжат; 1998 ж., N 22, 307-құжат; 2000 ж., N 3-4, 66-құжат; 2001 ж., N 15-16, 236-құжат; N 24, 338-құжат):
1) 16-баптың 2 тармағындағы "Үкiметi" деген сөз "заң актiлерi" деген сөздермен ауыстырылсын;
2) 27-баптың 1-тармағы мынадай мазмұндағы 10) тармақшамен толықтырылсын:
"10) жеке нотариустардың өздерiнiң азаматтық-құқықтық жауапкершілігiн мiндеттi сақтандыру шартын жасасудан жалтаруы және жеке нотариустардың азаматтық-құқықтық жауапкершiлiгiн мiндеттi сақтандыру туралы заңдардың өзге де талаптарын бұзу жағдайлары туралы аумақтық әдiлет органдарына хабарлайды.";
3) 33-баптың 1-тармағы мынадай мазмұндағы 2-1) тармақшамен толықтырылсын:
"2-1) жеке нотариустардың осы Заңның 16-бабының талаптарын сақтауын бақылауды ұйымдастырады және өздерiнiң азаматтық-құқықтық жауапкершiлiгін мiндеттi сақтандыру шартын жасасудан жалтаратын және жеке нотариустардың азаматтық-құқықтық жауапкершiлiгiн мiндеттi сақтандыру туралы заңдардың өзге де талаптарын бұзатын жеке нотариустарға шаралар қабылдайды;".
2. "Аудиторлық қызмет туралы" Қазақстан Республикасының 1998 жылғы 20 қарашадағы Заңына (Қазақстан Республикасы Парламентiнiң Жаршысы, 1998 ж., N 22, 309-құжат; 2000 ж., N 22, 408-құжат; 2001 ж., N 1, 5-құжат; N 8, 52-құжат):
8-баптың 1-тармағы мынадай мазмұндағы 4-1) тармақшамен толықтырылсын:
"4-1) аудиторлардың (аудиторлық ұйымдардың) азаматтық-құқықтық жауапкершілiктi міндеттi сақтандыру шартын жасасудан жалтаруы және аудиторлар мен аудиторлық ұйымдардың азаматтық-құқықтық жауапкершілігін мiндетті сақтандыру туралы заңдардың өзге де талаптарын бұзу фактілері анықталған жағдайларда уәкілетті мемлекеттік органға хабарлайды;";
2-бап. Осы Заң жарияланған күнінен бастап қолданысқа енгізіледі.
Қазақстан Республикасының
Президенті
