"2003 жылға арналған республикалық бюджет туралы" Қазақстан Республикасының 2002 жылғы 12 желтоқсандағы Заңын орындау үшiн Қазақстан Республикасының Yкiметi қаулы етеді:
1. Қоса берiліп отырған 2003 жылғы көктемгi егiс және егiн жинау жұмыстарын жүргiзудi ұйымдастыруға жергiлiктi атқарушы органдарға кредит беру ережесi бекiтiлсiн.
2. Ақмола, Ақтөбе, Алматы, Шығыс Қазақстан, Жамбыл, Батыс Қазақстан, Қарағанды, Қызылорда, Қостанай, Павлодар, Солтүстiк Қазақстан, Оңтүстiк Қазақстан облыстарының әкiмдерi (бұдан әрi - облыс әкiмдерi):
1) Қазақстан Республикасының Қаржы министрлiгiне, Қазақстан Республикасының Ауыл шаруашылығы министрлiгiне 2003 жылға арналған облыстық бюджеттерде осы қаулының 3-тармағына сәйкес алынған кредиттер бойынша түсiмдi және өтеудi көздейтiн тиiстi мәслихаттардың шешiмдерiн, сондай-ақ жанар-жағармай материалдарын, тұқымдар, тыңайтқыштар, гербицидтер, тұқымды улағыштар, ауыл шаруашылығы машиналары үшiн қосалқы бөлшектер сатып алуға және ауыл шаруашылығы техникасын жалдауға немесе сатып алуға ауыл шаруашылығы тауарын өндірушілерге кредит беру жөнiндегi бюджеттiк бағдарламаларды тапсырсын;
2) жанар-жағармай материалдарын, тұқымдар, тыңайтқыштар, гербицидтер, ауыл шаруашылығы машиналары үшін қосалқы бөлшектер сатып алуға және ауыл шаруашылығы техникасын жалдауға немесе сатып алуға ауыл шаруашылығы тауарын өндiрушілерге кредит беру тетiгiн көздейтiн iшкi ереженi әзiрлесiн және бекiтсiн.
3. Осы қаулының 2-тармағын орындаған жағдайда Қазақстан Республикасының Қаржы министрлiгi облыс әкiмдерiне көктемгi егiс және егiн жинау жұмыстарын жүргiзудi ұйымдастыруға бұл мақсаттарға 2003 жылға арналған республикалық бюджетте Қазақстан Республикасының Ауыл шаруашылығы министрлiгiне көзделген қаражаттан осы қаулымен бекiтiлген Ережеде белгiленген шарттармен 4500000000 (төрт миллиард бес жүз миллион) теңге сомасында кредиттер бөлсiн, оның iшiнде мынадай облыстардың әкiмдерiне:
Ақмола облысының - 900000000 теңге;
Ақтөбе облысының - 180000000 теңге;
Алматы облысының - 280000000 теңге;
Шығыс Қазақстан облысының - 240000000 теңге;
Жамбыл облысының - 110000000 теңге;
Батыс Қазақстан облысының - 190000000 теңге;
Қарағанды облысының - 230000000 теңге;
Қостанай облысының - 950000000 теңге;
Қызылорда облысының - 100000000 теңге;
Павлодар облысының - 250000000 теңге;
Солтүстiк Қазақстан облысының - 950000000 теңге;
Оңтүстік Қазақстан облысының - 120000000 теңге.
4. Қазақстан Республикасының Қаржы министрлiгi, Қазақстан Республикасының Ауыл шаруашылығы министрлiгi Қазақстан Республикасының заңнамасына сәйкес бөлінген қаражаттың мақсатты пайдаланылуын бақылауды қамтамасыз етсiн.
5. Осы қаулының орындалуын бақылау Қазақстан Республикасы Премьер-Министрiнiң орынбасары - Ауыл шаруашылығы министрi А.С. Есiмовке жүктелсiн.
6. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Қазақстан Республикасы
Yкiметiнiң
2003 жылғы 21 қаңтардағы
N 70 қаулысымен
бекiтiлген
2003 жылға көктемгі егiс және егiн жинау жұмыстарын жүргiзудi ұйымдастыруға жергiлiктi атқарушы органдарға кредит беру ережесi
1. Осы Ереже "2003 жылға арналған республикалық бюджет туралы" Қазақстан Республикасының 2002 жылғы 12 желтоқсандағы Заңымен көзделген 212 "Қазақстан Республикасының Ауыл шаруашылығы министрлiгi" әкiмшiсiнiң 84 "Көктемгі егiс және егiн жинау жұмыстарын жүргiзудi ұйымдастыруға жергiлiктi бюджеттерге кредит беруi бюджеттiк бағдарламасы бойынша 4500000000 (төрт миллиард бес жүз миллион) теңге сомасында кредиттер (бұдан әрi - Кредиттер) беру тәртiбiн анықтайды.
2. Кредиттер 4500000000 (төрт миллиард бес жүз миллион) теңге сомасында сыйақының нөлдiк ставкасы бойынша 2003 жылғы 1 желтоқсанға дейiнгi мерзiмге қайтарымдылық, мерзiмдiлiк шарттарымен облыстық бюджеттерге бөлiнедi:
Қазақстан Республикасы Ауыл шаруашылығы министрлiгiнiң тәжiрибе кәсiпорындарына (тәжiрибе шаруашылықтары, тәжiрибе станциялары) Халықаралық Қайта Жаңарту және Даму Банкi мен Азия Даму Банкi қарыздарының қаражаты есебiнен суландыру және дренаж жүйелерiн қалпына келтiрудi жүргiзетiн шаруашылықтарға, өзге де ауыл шаруашылығы тауарын өндiрушiлерге (бұдан әрi - Ауыл тауарөндiрушiлер) кейiннен кредит беру үшiн;
жанар-жағармай материалдарын, тұқымдар, тыңайытқыштар, гербицидтер, тұқымды улағыштар, ауыл шаруашылығы машиналары үшiн қосалқы бөлшектер сатып алуға;
ауыл шаруашылығы техникасын жалдауға немесе сатып алуға.
3. Тиiстi облыстардың әкiмдерi бөлiнген Кредиттердiң мақсатты пайдаланылуы мен олардың республикалық бюджетке уақтылы қайтарылуын қамтамасыз етедi.
4. Қазақстан Республикасының Ауыл шаруашылығы министрлiгi мен Қазақстан Республикасының Қаржы министрлiгi облыс әкiмдерiмен тиiстi Кредиттік келiсiмдер (бұдан әрi - Кредиттiк келiсiмдер) жасасады.
5. 84 "Көктемгi егiс және егiн жинау жұмыстарын жүргiзудi ұйымдастыруға жергiлiктi бюджеттерге кредит бepу" бюджеттiк бағдарламасының қаражаты есебiнен облыстық бюджеттерге кредиттер бөлудi Қазақстан Республикасының Қаржы министрлігі жоспарланған тағайындауларды көрсетiлген бағдарламадан бюджет кiрiстерi жiктемесiнiң 601601 "Республикалық бюджеттен берiлетiн кредиттер" кодына тиiстi облыстардың облыстық бюджеттерiне көрсетiлген қаражатты есептей отырып, Қазақстан Республикасының Қаржы министрлiгi әкiмшiсi болып белгiленетiн жергiлiктi бюджеттерге кредит берудiң тиiстi бюджеттiк бағдарламаларына аудару жолымен жүзеге асырады.
6. Кредиттiк келiсiмдер бойынша мiндеттемелердiң орындалуын қамтамасыз етудiң тәсiлi ретiнде облыс әкiмдерi Қазақстан Республикасының Қаржы министрлiгi мен Қазақстан Республикасының Ауыл шаруашылығы министрлiгiне 2003 жылдың iшiнде секвестрленбейтiн тиiстi жергiлiктi бағдарламаларды айқындай отырып, 2003 жылға арналған облыстық бюджеттерде Kpeдиттер бойынша түсiм мен өтеудi көздейтiн тиiстi мәслихаттардың шешiмдерiн, сондай-ақ жанар-жағармай материалдарын, тұқымдар, тыңайтқыштар, гербицидтер, тұқымды улағыштар, ауыл шаруашылығы машиналары үшiн қосалқы бөлшектер сатып алуға, ауыл шаруашылығы техникасын жалдауға немесе сатып алуға Ауылшартауарөндiрушiлерге кредит беру жөнiндегі бюджеттiк бағдарламаларды тапсырады.
7. Кредиттер белгiленген мерзiмдерде қайтарылмаған жағдайда, Қазақстан Республикасының Қаржы министрлiгі айқындаған тәртiппен өтелмеген борыш сомасын есептен шығаруды жүзеге асыру үшiн Қазақстан Республикасының Қаржы министрлiгi тиiсті облыстық бюджеттiң ағымдағы шоттары бойынша барлық шығыс операцияларын тоқтата тұрады.
8. Кредиттердiң мақсатты пайдаланылуын бақылауды Қазақстан Республикасының Қаржы министрлiгi мен Қазақстан Республикасының Ауыл шаруашылығы министрлiгi жүзеге асырады.
9. Кредиттердiң республикалық бюджетке уақтылы қайтарылуын бақылауды Қазақстан Республикасының Ауыл шаруашылығы министрлігі мен Қазақстан Республикасының Қаржы министрлiгi жүзеге асырады.
10. Облыс әкiмдерiнiң Kpeдиттердi мақсатсыз пайдаланғаны анықталған жағдайда, оларға заңнамада белгiленген тәртiппен жаза қолданылады.
11. Кредиттердi республикалық бюджетке қайтаруды облыс әкiмдерi белгiленген мерзiмде жүргiзедi.
