Қазақстан Республикасының Үкiметi қаулы етеді:
1. 2003 жылға арналған республикалық бюджетте табиғи және техногендiк сипаттағы төтенше жағдайларды жоюға және өзге де күтпеген шығыстарға көзделген Қазақстан Республикасы Үкiметiнің резервiнен "Байқоңыр" монтаждау-сынау кешенiндегi 2002 жылғы 12 мамырдағы оқыс оқиғаның салдарынан асыраушысынан айрылған Қазақстан Республикасының азаматтарына Ресей тарабынан төленген бiржолғы жәрдемақының шамасы мен Қазақстан Республикасының заңнамасында көзделген бiржолғы жәрдемақы шамасы арасындағы айырманы төлеу үшін Қазақстан Республикасының Еңбек және халықты әлеуметтік қорғау министрлiгiне 5 640 474 (бec миллион алты жүз қырық мың төрт жүз жетпiс төрт) теңге бөлiнсiн.
2. Қазақстан Республикасының Қаржы министрлiгi бөлiнген қаражаттың мақсатты пайдаланылуын бақылауды жүзеге асырсын.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
