Қазақстан Республикасының Yкiметi қаулы етеді:
1. Қазақстан Республикасының Энергетика және минералдық ресурстар министрлiгiне "Байқоңыр" ғарыш айлағының 112-алаңы 1-құрылыс төбесiнiң қирау себебiн анықтау жөнiнде iс-шаралар өткiзуге байланысты шығыстарды қаржыландыруға 2003 жылға арналған республикалық бюджетте табиғи және техногендiк сипаттағы төтенше жағдайларды жоюға және өзге де күтпеген шығыстарға көзделген Қазақстан Республикасы Yкiметiнiң резервiнен 5 000 000 (бес миллион) теңге бөлiнсiн.
2. Қазақстан Республикасының Қаржы министрлiгi заңнамада белгiленген тәртiппен бөлiнетiн қаражаттың мақсатты пайдаланылуын бақылауды жүзеге асырсын.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
