Қазақстан Республикасының Үкіметі қаулы етеді:
1. Қазақстан Республикасының Ұлттық қауіпсіздік комитеті мен Қырғыз Республикасының Шекара қызметі арасындағы Жедел-іздестіру қызметі саласындағы ынтымақтастық туралы хаттамаға қол қоюға келісім берілсін.
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасының Ұлттық қауіпсіздік комитеті мен Қырғыз Республикасының Шекара қызметі арасындағы Жедел-іздестіру қызметі саласындағы ынтымақтастық туралы
Хаттама
(Хаттама қол қойылған күнінен бастап күшіне енді - СІМ-нің ресми сайты)
Бұдан әрі Тараптар деп аталатын Қазақстан Республикасының Ұлттық қауіпсіздік комитеті мен Қырғыз Республикасының Шекара қызметі, Қазақстан Республикасы мен Қырғыз Республикасы арасындағы мемлекеттік шекара күзетіндегі ынтымақтастық туралы 2001 жылғы 15 желтоқсандағы келісімді басшылыққа ала отырып, қазақстан-қырғыз мемлекеттік шекарасын (бұдан әрі - мемлекеттік шекара) күзету бойынша қызметті қамтамасыз ету мақсатында мына төмендегілер туралы келісті:
1-бап
Тараптар осы Хаттамада белгіленген тәртіппен және шарттарда, сондай-ақ өздерінің мемлекеттерінің заңнамасына сәйкес жедел-іздестіру қызметінің мәселелері бойынша ынтымақтастықты және өзара іс-қимылды жүзеге асырады.
2-бап
Тараптар жедел-іздестіру қызметінің мәселелері бойынша ынтымақтастықты мынадай жолдармен ұйымдастырады:
мемлекеттік шекарада және ол арқылы өткізу бекеттерінде жедел жағдайды бірлесіп талдау жүргізу;
өзара мүддені білдіретін ақпараттар алмасу;
мемлекеттік шекарадан заңсыз өткен, өткізу бекеттерінде режимді бұзғаны үшін ұсталған адамдарды тексеру бойынша жәрдем көрсету;
жедел-іздестіру қызметін жетілдіру мүддесіне ұсыныстарды әзірлеу және оларды бірлесіп іске асыру, мемлекеттік шекарада құқықтық тәртіпті нығайту;
жедел-iздестiру iс-шараларын жүргiзу туралы сұрауларды орындау және мемлекеттiк шекараны бұзу және оған байланысты қылмыстар туралы iстер бойынша анықтау жүргiзу.
Осы баптың ережелерiн iске асыруға байланысты шығыстар өз мемлекетiнiң аумағы шегiнде әрбiр Тарап дербес көтередi.
3-бап
Әрбiр Тарап басқа Тарап берген ақпараттардың құпиялылығын қамтамасыз етедi, егер бұл ақпарат құпия сипатта болса немесе берушi Тарап оның мазмұнын жария етуге тиiс емес деп тапса.
Осы Хаттаманың шеңберiнде бiр Тараптан алынған ақпараттарды үшiншi Тарапқа беру осы ақпаратты берген Тараптың жазбаша келiсiмiмен жүзеге асырылады.
4-бап
Тараптар тиiстi бөлiмшелер басшыларының деңгейiнде жедел жағдайдың деректерiмен алмасу, нақты бiрлескен iс-шаралар әзiрлеу үшiн, сондай-ақ өзара мүдделiктi бiлдiретiн басқа да мәселелер бойынша тұрақты консультациялар жүргiзедi.
5-бап
Тараптардың өзара келiсiмi бойынша осы Хаттамаға жекелеген хаттамалармен ресiмделетiн және оның ажырамас бөлiгi болып табылатын өзгерiстер мен толықтырулар енгiзiлуi мүмкiн.
Осы Хаттаманы түсiндiруге немесе қолдануға қатысты Тараптар арасындағы барлық келiспеушiлiктер мен қайшылықтар өзара консультациялар мен келiссөздер жолымен шешiлетiн болады.
6-бап
Осы Хаттама оған қол қойылған күнiнен бастап күшiне енеді және Қазақстан Республикасы мен Қырғыз Республикасы арасындағы Мемлекеттiк шекараны күзетудегi ынтымақтастық туралы 2001 жылғы 15 желтоқсандағы келiсiммен бiрге бiр уақытта өзiнiң iс-әрекетiн тоқтатады.
200__ жылғы "__"___________ ___________ қаласында, екi данада, әрқайсысы қазақ, қырғыз және орыс тiлдерiнде жасалды, әрi барлық мәтiннiң күшi бiрдей.
Осы Хаттаманың ережелерiн түсiндіру кезiнде қайшылықтар туындаған жағдайда Тараптар орыс тiлiндегі мәтiндi басшылыққа алады.
Қазақстан Республикасының Қырғыз Республикасының
Ұлттық қауiпсiздiк комитетi үшiн Шекара қызметі үшін
