Қазақстан Республикасының Үкiметi қаулы етеді:
"Еуразиялық экономикалық қауымдастыққа мүше мемлекеттердiң сыртқы шекараларын күзетудегi ынтымақтастық туралы шартты бекiту туралы" Қазақстан Республикасы Заңының жобасы Қазақстан Республикасының Парламентi Мәжiлiсiнiң қарауына енгiзiлсiн.
Қазақстан Республикасының
Премьер-Министрі
жоба
Қазақстан Республикасының
Заңы Еуразиялық экономикалық қауымдастыққа мүше мемлекеттердiң сыртқы шекараларын күзетудегi ынтымақтастық туралы шартты бекiту туралы
Еуразиялық экономикалық қауымдастыққа мемлекеттердің сыртқы шекараларын күзетудегі ынтымақтастық туралы 2003 жылғы 21 ақпанда Мәскеу қаласында жасалған шарт бекітілсін.
Қазақстан Республикасының
Президенті
Еуразиялық экономикалық қауымдастыққа мүше мемлекеттердiң сыртқы шекараларын күзетудегi ынтымақтастық туралы
Шарт
Бұдан әрi Тараптар деп аталатын, Беларусь Республикасы, Қазақстан Республикасы, Қырғыз Республикасы, Ресей Федерациясы және Тәжiкстан Республикасы,
Еуразиялық экономикалық қауымдастықты құру туралы 2000 жылғы 10 қазандағы шарттың ережелерiн iс жүзiнде iске асыру мүдделерiн басшылыққа ала отырып,
Тараптардың сыртқы шекараларын күзетудегi тығыз ынтымақтастық қажеттiлiгiн тани отырып,
Еуразиялық экономикалық қауымдастыққа мүше мемлекеттердiң қауiпсiздiгiн қамтамасыз етудегi өзара мүдделiлiктен шыға отырып,
мына төмендегiлер туралы келiстi:
1-бап
Осы Шарттың мақсаты үшiн "сыртқы шекаралар" деген термин Еуразиялық экономикалық қауымдастықты құру туралы шартқа қатысушылары болып табылмайтын мемлекеттермен, Тараптардың мемлекеттiк шекараларының телiмдерiн бiлдiредi.
2-бап
Тараптар сыртқы шекараларда терроризм актiлерiн, қару-жарақтың және оқ-дәрiнiң, жарылғыш, улы, есiрткi және психотропты заттардың, радиоактивтi материалдардың және контрабанданың өзге де заттарының заңсыз тасымалдануының жолын кесу бойынша, сондай-ақ заңсыз көшi-қонмен және дiни экстремизмнiң пайда болуымен күресте ынтымақтастықты жүзеге асырады.
3-бап
Тараптар Еуразиялық экономикалық қауымдастыққа мүше мемлекеттердiң заңнамалық және өзге де нормативтiк базаларын үндестiруге көмек көрсету бойынша шекара ведомстволары қызметiнiң негiздерi туралы хаттамаға (N1-қосымша) сәйкес шекара мәселелерi бойынша ұлттық заңнаманы және өзге де нормативтiк актiлердi үйлестiру бойынша шараларды қабылдайды.
4-бап
Тараптардың шекара ведомстволары Шекара мәселелерi бойынша Еуразиялық экономикалық қауымдастыққа мүше мемлекеттердiң ақпараттық көмек көрсетуi туралы 2001 жылғы 14 қыркүйектегi келiсiмге сәйкес сыртқы шекарада қордаланған жағдай туралы, сондай-ақ мемлекеттiк шекараны күзетуге байланысты және өзара мүдденi көрсететiн басқа да мәселелер бойынша ақпараттармен алмасады.
Сыртқы шекараларды күзетуге қатысты жеке мәселелер бойынша Тараптардың шекара ведомстволары Еуразиялық экономикалық қауымдастыққа мүше мемлекеттердiң сыртқы шекараларын күзету мәселелерi бойынша өзара консультациялар жүргiзу тәртiбi туралы хаттамаға (N2-қосымша) сәйкес өзара консультацияларды жүргiзедi.
5-бап
Шекара ведомстволарының сыртқы шекараларды күзету мүддесiндегi жедел iздестiру қызметi Еуразиялық экономикалық қауымдастыққа мүше мемлекеттердiң сыртқы шекараларын күзету мүддесiндегi жедел iздестiру қызметіндегі Еуразиялық экономикалық қауымдастыққа мүше мемлекеттері шекара ведомстволарының ынтымақтастығы туралы хаттамаға (N3-қосымша) сәйкес жүзеге асырылады.
6-бап
Тараптардың әрбiрi басқа Тараптың шекара ведомствосының әуе кемесiне, сыртқы шекараларды күзетуде олардың мүддесiне пайдалану кезiнде, өзiнiң әуе кеңiстiгiн, әуежайын, аэродромдарын (қону алаңдарын) олардың кiмге жататындығына және тағайындалуына қарамастан, сондай-ақ навигациялық, метеорологиялық және өзге де ақпараттарды пайдалануға құқық бередi, Еуразиялық экономикалық қауымдастыққа мүше мемлекеттер арасындағы екi жақтылы және көп жақтылы шарттарға сәйкес әуе кемелерiнiң ұшуын және техникалық қызмет көрсетуiн қамтамасыз етедi.
7-бап
Еуразиялық экономикалық қауымдастыққа мүше мемлекеттердiң сыртқы шекаралары арқылы өткiзу бекеттерiнде шекараны күзету аясында шекара ведомстволарының ынтымақтастығы Еуразиялық экономикалық қауымдастыққа мүше мемлекеттердiң сыртқы шекаралары арқылы өткiзу бекеттерiнде шекараны күзету аясында шекара ведомстволарының ынтымақтастығы туралы хаттамаға (N4-қосымша) сәйкес жүзеге асырылады.
8-бап
Тараптар шекара ведомстволарын материалдық техникалық қамтамасыз етуге, сондай-ақ Еуразиялық экономикалық қауымдастыққа мүше мемлекеттердiң мемлекеттер шекараларын күзетудi материалдық техникалық қамтамасыз ету саласында шекара ведомстволарының ынтымақтастығы туралы хаттамаға (N5-қосымша) сәйкес Тараптардың мемлекеттiк шекараларын күзетуде қолданылатын қару-жарақты, техникаларды өңдеуде, әзiрлеуге тапсырыстарды жүзеге асыруда, енгiзу мен жөндеуде өзара көмек көрсету.
9-бап
Тараптардың шекара ведомстволары екi жақты және көп жақты келiсiмдерге сәйкес Еуразиялық экономикалық қауымдастыққа мүше мемлекеттердiң шекара ведомстволары үшiн әскери кадрларды, соның iшінде кiшi мамандарды әзiрлеуде, қайта әзiрлеуде және бiлiктiлiгiн арттыруда өзара көмек көрсетедi.
10-бап
Осы Шарттың ережелерiн түсiндiруге және қолдануға байланысты даулы мәселелер өзара консультациялар мен келiссөздер жолдарымен шешiледi.
Тараптардың өзара келiсiмi бойынша осы Шартқа Тараптармен, осы Шарттың ажырамас бөлiгi болып табылатын хаттамаларға қол қою жолымен ресiмделетін өзгертулер мен толықтырулар енгізiлуi мүмкін.
11-бап
Осы Шарт Еуразиялық экономикалық қауымдастықтың Интеграциялық Комитетi болып табылатын, осы iшкi мемлекеттiк қажеттi рәсiмдер үшiн Тараптармен орындау туралы үшiн хабарлама депозитаримен алған күнiнен бастап күшiне енедi.
12-бап
Ол күшiне енгеннен кейiн, осы Шарт оған, Еуразиялық экономикалық қауымдастықты құру туралы 2000 жылғы 10 қазандағы шартқа қосылған басқа мемлекеттердiң қосылуы үшiн ашық.
Шарт қосылатын мемлекет үшiн депозитариға қосылу туралы хабарды берген күнiнен бастап күшiне енедi.
13-бап
Осы Шарт күшiне енген күнiнен бастап бес жыл бойы әрекет етедi.
Осы мерзiм өткеннен кейiн Шарт өздiгiнен әрбiр рет бес жылдық кезеңге ұзартылады.
Әрбiр Тарап шығуға алты айдан кем емес мерзiмде бұл туралы депозитариге жазбаша жолмен хабарлап осы Шарттан шығуға құқығы бар.
200_ жылғы "__ "_________ __________қаласында орыс тiлiнде бiр
данасы түпнұсқада жасалды.
Шарттың түпнұсқа данасы, Шарттың куәландырылған көшiрмесiн қатысушы мемлекеттердiң әрбiрiне жiберетiн Еуразиялық экономикалық қауымдастықтың Интеграциялық Комитетiнде сақталады.
Беларусь Қазақстан Қырғыз Ресей Тәжiкстан
Республикасы Республикасы Республикасы Федерациясы Республикасы
үшiн үшiн үшiн үшін үшін
Еуразиялық экономикалық қауымдастыққа
мүше мемлекеттердiң сыртқы шекараларын
күзетудегi ынтымақтастық туралы шартқа
N 1-қосымша
Тараптар Еуразиялық экономикалық қауымдастыққа мүше
мемлекеттердiң заңнамалық және өзге де нормативтiк базаларын
үндестiруге көмек көрсету бойынша шекара ведомстволары
қызметiнiң негiздерi туралы
Хаттама
1-бап
Шекара мәселелерi бойынша ұлттық заңнамалық және өзге де нормативтiк кесiмдердiң негiзгi мақсаттары мыналар болып табылады:
- халықаралық жасалған шарттардың ережелерiн, шекара мәселелерi бойынша интеграцияның басқару органдарының шешiмдерiн ұлттық заңнамаға және өзге де нормативтiк құқықтық кесiмдерге заңды түсiндiру арқылы құқықтық қатынастарды реттеудiң бiрыңғайланған (унификацияланған) тәртiбiн белгiлеу;
- шекара ведомстволарының дамуына, олардың ынтымақтастығын барынша тереңдетуге және сыртқы шекараларды күзетудi әрi қарай күзетуге көмектесу;
- ведомстволық нормативтiк базаларды түзету және ұлттық заңнама негiзiнде Еуразиялық экономикалық қауымдастыққа мүше мемлекеттердiң шекара мәселелерi бойынша өздерiнiң мiндеттерiн қамтамасыз ететiн қажеттi жағдайды жасау.
2-бап
Шекара мәселелерi бойынша ұлттық заңнамалық және өзге де нормативтiк құқықтық кесiмдердi өзара жақындастыруға бағытталған Тараптардың шекара ведомстволарының күш-жiгерiн координациялау мен келiсу ЕурАзЭҚ Интеграциялық Комитетiндегi шекара мәселелерi бойынша Кеңес жүзеге асырады.
3-бап
Тараптардың шекара мәселелерiне қатысты ұлттық заңнамасының нормалары ЕурАзЭҚ шеңберiнде қолданған кезде болуы мүмкiн қайшылықтарды жою мен шешу Тараптардың шекара ведомстволарының өкiлеттi органдарының (өкiлдерiнiң) консультацияларды жүргiзу жолымен жүзеге асырылады, Кеңестiң шекара мәселелерi бойынша Парламентаралық Ассамблеяда үндестiру бойынша Координациялық Кеңеспен және Еуразиялық экономикалық қауымдастықтың басқа да құзыреттi органдарымен тұрақты және пәндiк өзара iс-қимылды қамтамасыз ету.
4-бап
Заңнамалық және өзге де нормативтiк базаларды үндестiру бойынша шараларды өңдеу, шекара мәселелерi бойынша уағдаласушылықтарды iске асыру бойынша ұсыныстарды талдау, қорыту және келiсу, сондай-ақ Кеңестiң мәжiлiсiне шекара мәселелерi бойынша тиiстi материалдарды дайындау Кеңестiң Хатшысына жүктеледi.
5-бап
Осы Хаттама Еуразиялық экономикалық қауымдастыққа мүше мемлекеттердiң сыртқы шекараларын күзетудегi ынтымақтастық туралы шарттың ажырамас бөлiгi болып табылады, Шартта анықталған жағдайда және тәртiпте күшiне енедi және әрекет етедi.
Еуразиялық экономикалық қауымдастыққа
мүше мемлекеттердiң сыртқы шекараларын
күзетудегi ынтымақтастық туралы шартқа
N 2-қосымша
Еуразиялық экономикалық қауымдастыққа мүше мемлекеттердiң
сыртқы шекараларын күзету мәселелерi бойынша өзара
консультациялар жүргiзу тәртiбi туралы
Хаттама
1-бап
Еуразиялық экономикалық қауымдастыққа мүше мемлекеттердiң сыртқы шекараларын күзету мәселелерi бойынша консультациялар қажеттiлiгi бойынша Тараптардың шекара ведомстволарының басшылары немесе мамандар мен консултанттарды тартумен олардың орынбасарлары жүргiзедi.
2-бап
Консультациялардың негiзгi мақсаттары мыналар болып табылады:
- шекара құрылымдарының әртүрлі қызмет аяларында шекара ынтымақтастығын iске асыру шаралары бойынша және дамыту iс-шаралары бойынша ұсыныстарды әзiрлеу;
- сыртқы шекаралардың қауiпсiздiгiн қамтамасыз ету мақсатында координацияланып бiрлескен iс-шараларды өткiзу бойынша ұсыныстарды өңдеу және дайындау.
3-бап
Консультациялар барысында Тараптардың шекара ведомстволары мемлекеттiк шекарадағы жағдай, сондай-ақ әскери, саяси және шeкapa аудандарында болып жатқан әлеуметтiк экономикалық процестер және сыртқы шекараларды күзетудi қамтамасыз ету үшiн қабылданатын iс- шаралар туралы бiр-бiрiне хабар бередi.
4-бап
Шұғыл шешiмдi қабылдауды талап ететiн жағдай туындаған жадайда Тараптардың шекара ведомстволары қысқартылған делегация құрамында консультациялар жүргізеді.
5-бап
Консультация қатысушыларының жалпы келiсiмiмен оларға Тараптардың басқа да мүдделi министрлiктерi мен ведомстволары өкiлдерi қатысуы мүмкiн.
6-бап
Күн тәртiбi мен консультацияларды жүргiзу тәртiбi консультацияға қатысушылармен анықталады.
Консультациялар қабылдаушы тараптың шекара ведомствосы басшысының төрағалық етуiмен жүргiзiледi, ал ерекше жағдайларда төраға консультацияға қатысушылармен сайлануы мүмкiн.
7-бап
Консультацияны жүргiзуге байланысты шығындар қабылдаушы Тараптың шекара ведомствосының есебiнен жүзеге асырылады.
Консультацияға қатысушылардың келуiне байланысты шығындарды Тараптардың әрбiр шекара ведомствосы өз бетiнше жүзеге асырады. Консультацияға Тараптардың басқа да мүдделi министрлiктерi мен ведомстволары өкiлдерiнiң қатысуына байланысты шығындарды жiберушi Тараптың мүдделi министрлiктерi мен ведомстволары өз бетiнше жүзеге асырады.
Қабылдаушы Тарап консультацияға қатысушылардың қауiпсiздiгiн қамтамасыз етедi.
8-бап
Үшiншi мемлекеттiң мүддесiне әсер ететiн мәселелердi қараған кезде, осы консультацияларға қатысушылардың барлығының келiсiмiмен олардың өкiлдерiнiң қатысуына рұқсат берiледi.
9-бап
Консультациялардың нәтижелерi шекара ведомстволарымен ұсынылатын тиiстi қорытынды құжаттармен ресiмделедi.
Өзара уағдаласушылықтармен қорытынды құжаттар жасырын сипатта болуы мүмкiн.
Осы Хаттама Еуразиялық экономикалық қауымдастыққа мүше мемлекеттердiң сыртқы шекараларын күзетудегi ынтымақтастық туралы шарттың ажырамас бөлiгi болып табылады, Шартта анықталған жағдайда және тәртiпте күшiне енедi және әрекет етедi.
Еуразиялық экономикалық қауымдастыққа
мүше мемлекеттердiң сыртқы шекараларын
күзетудегi ынтымақтастық туралы шартқа
N 3-қосымша
Еуразиялық экономикалық қауымдастыққа мүше мемлекеттердiң
сыртқы шекараларын күзету мүддесiндегi жедел iздестiру қызметiндегi Еуразиялық экономикалық қауымдастыққа мүше мемлекеттерi шекара ведомстволарының ынтымақтастығы туралы
Хаттама
1-бап
Сыртқы шекараларды күзету мүддесiндегi жедел iздестiру қызметi Тараптардың заңнамасымен жүзеге асырылады.
Жедел iздестiру қызметi саласындағы ынтымақтастық контрабанданың, есiрткi құралдарының, психотропты заттардың, қару- жарақтың, оқ-дәрiлердiң, жарылғыш, улы және радиоактивтi заттардың және мемлекеттiк шекара арқылы тыйым салынған басқа да тауарлар мен заттардың тасымалдануына күресу, заңсыз көшi-қонды ескерту аясында қолда бар мүмкiндiктердi барынша тиiмдi және өзара тиiмдi мақсатта ұйымдастырылады, сондай-ақ трансұлттық ұйымдасқан қылмысқа, халықаралық терроризмге, дiни экстремизмге қарсы тұру осы Хаттамада белгiленген тәртiпте жүзеге асырылады.
2-бап
Тараптардың шекара ведомстволары жедел iздестiру қызметiндегi ынтымақтастықты мына жолдармен жүзеге асырады:
- жедел iздестiру шараларын жүргiзу туралы сұрау салуларды орындау;
- сыртқы шекараларда құқыққа қарсы әрекеттердi ескерту, табу және жолын кесу бойынша бiрлескен немесе келiсiлген шараларды әзiрлеу және қабылдау, оларды жүзеге асыру нәтижелерi туралы бiр-бiрiне хабарлау;
- сыртқы шекараларда құқыққа қарсы әрекеттердi жасауды дайындауға қатысушы адамдарды табу мен тексеру бойынша шараларды қабылдау;
- жедел iздестiру қызметi жұмыстарында тәжiрибе алмасу;
- арнайы қызметтiң мүмкiндiктерiн пайдаланумен, трансұлттық ұйымдасқан қылмыстық топтармен, террористiк және экстремистiк ұйымдардың және адамдар топтарының және жеке адамдардың өкiлдерiмен өзара мүдденi бiлдiретiн нақты мәселелер бойынша бiрлескен жедел шаралар жоспарларының қосымша жұмыстарын өтеу.
3-бап
Ақпарат алмасу Тараптардың шекара ведомстволары өкiлдерiнiң кездесуi кезiнде, сондай-ақ хат жазысу, телефон, факс және байланыстың басқа да түрлерiмен жүзеге асырылады.
Әрбiр Тарап, басқа Тараптан алынған ақпараттар мен құжаттардың жасырындығын, тиiстi түрде есепке алынуын және сақталуын қамтамасыз етедi.
Осы баптың ережесi, таратылуы шектелген және Тараптардың заңнамасына сәйкес мемлекеттiк және өзге де заңмен қорғалатын құпияларды құрайтын мәлiметтердi алмасу тәртiбiне қолданылмайды. Осындай мәлiметтердi беру 2001 жылғы 14 қыркүйектегi Шекара мәселелерi бойынша Еуразиялық экономикалық қауымдастыққа мүше мемлекеттердiң ақпараттық өзара iс-қимылы туралы келiсiмге сәйкес берiледi.
4-бап
Жедел iздестiру шараларын жүргiзу туралы сұрау салулар жазбаша нысанда жiберiледi.
Кiдiртiлмейтiн жағдайларда сұрау салулар ауызша нысанда жасалады. Ауызша берiлген сұрау салулар дереу жазбаша белгiленедi.
Сұрау салған Тарап мүмкiндiгiнше қысқа уақытта Сұралатын Тараптан сұраудың нәтижелерi туралы хабарлайды.
5-бап
Ағымдағы мәселелердi шешу жүргiзiлген шараларды келiсу, ақпарат алмасу үшiн Тараптардың шекара ведомстволары өкiлдерiнiң жұмыс кездесулерi жүргiзiледi. Кездесулердi жүргiзу мерзiмi және күн тәртiбiндегi мәселелер жұмыс тәртiбiнде келiсiледi.
Кездесудiң нәтижелерi қажет болған жағдайда хаттамалармен peciмделедi.
6-бап
Тараптардың шекара ведомстволары өкiлдерiнiң басқа Тараптың аумағына барулары қабылдаушы Тараппен келiсiм бойынша жүзеге асырылады.
Жұмыс кездесуiне қатысушылар келуге байланысты шығындарды жiберушi Тараптың шекара ведомствосы өз бетiнше жүзеге асырады.
7-бап
Осы Хаттама Еуразиялық экономикалық қауымдастыққа мүше мемлекеттердiң сыртқы шекараларын күзетудегi ынтымақтастық туралы шарттың ажырамас бөлiгi болып табылады, Шартта анықталған жағдайда және тәртiпте күшiне енедi және әрекет етедi.
Еуразиялық экономикалық қауымдастыққа
мүше мемлекеттердiң сыртқы шекараларын
күзетудегі ынтымақтастық туралы шартқа
N 4-қосымша
Еуразиялық экономикалық қауымдастыққа мүше мемлекеттердiң
сыртқы шекаралары арқылы өткiзу бекеттерiнде шекараны күзету
аясында шекара ведомстволарының ынтымақтастығы туралы
Хаттама
1-бап
Сыртқы шекаралар арқылы өткiзу бекеттерiнде шекараны күзету аясында шекара ведомстволарының ынтымақтастығының негiзгi мақсаттары болып мыналар табылады:
- сыртқы шекараларда арқылы өткiзу бекеттерiнде шекараны бақылау аясында шекара ынтымақтастығының дамуына бiрыңғай жолдарды және көзқарастарды әзiрлеу;
- сыртқы шекаралары арқылы өткiзу бекеттерiнде шекараны күзету мүддесiнде координацияланған бiрлескен режимдi iс-шараларды өткiзу бойынша ұсыныстарды әзiрлеу және дайындау.
2-бап
Шекара ведомствосы Тараптардың заңнамасына сәйкес сыртқы шекараларда өткiзу бекеттерiнде шекаралық бақылаудың тиiмдiлiгiн көтеруге келiсiлген шараларды қабылдайды.
Шекара ведомствосы қажет болған кезде, Тараптардың азаматтарына шекара бақылауын жүзеге асыру үшiн өткiзу бекеттерiнде жеке бағыттарды құрады, сондай-ақ Тараптардың азаматтары үшiншi мемлекетке шыққан кезде шекара бақылауының рәсiмдерiн жеңiлдету бойынша келiсiлген күш-жiгердi қабылдайды.
3-бап
Сыртқы шекараларда өткiзу бекеттерiнде шекара бақылауының тиiмдiлiгiн көтеру мақсатында Тараптардың шекара ведомстволары:
- жаңа өткiзу бекеттерiн ашу туралы;
- қордаланған жағдай және оның Тараптардың өткiзу бекеттерiнде шекара бақылауын жүзеге асыруға әсер ететiн халықаралық қатынас жолдарындағы негiзгi бағыттарының дамуы туралы;
- заңсыз көшi-қонның, қару-жарақ, есiрткi құралдары мен психотроптық заттардың және контрабанданың басқа да заттарының тасымалының жаңа және мүмкiн арналары туралы;
- шекарадан өтуге құқық беретiн жалған құжаттардың белгiлерiнiң табылуы, көлiк құралдарында жүктердi және жүкте адамдарды және контрабанда заттарын тығу әдiстерi, амалдары мен тәсiлдерi туралы;
- заңнамалық және өзге де нормативтiк құқықтық кесiмдерде, сондай-ақ шекарадан өту мен шекара бақылауы мәселелерi бойынша Тараптардың қатысуымен жасалған екi жақты және көпжақты халықаралық шарттар туралы;
- Тараптардың азаматтарын шекара бақылауын жүзеге асыру үшiн құрылған, шекара арқылы өткiзу бекеттерiнiң жеке бағыттары туралы;
- шекара бақылауын жүзеге асыру үшiн өзара мүдденi бiлдiретiн басқа да мәселелер туралы ақпараттармен алмасады.
Ақпарат алмасу Еуразиялық экономикалық қауымдастыққа мүше мемлекеттердiң ақпараттық көмек көрсетуi туралы 2001 жылғы 14 қыркүйектегi келiсiмге сәйкес жүргiзiледi.
4-бап
Тараптардың шекара ведомстволары мына мәселелер бойынша:
- шекара бақылауының технологияларын жетiлдiру және оптимизациялау;
- шекара бақылауын жүзеге асырған кезде арнайы техникалық құралдарды және қызмет жануарларын тиiмдi пайдалану;
- өткiзу бекеттерiнде құқыққа қайшы қызмет мониторингi;
- шекара бақылауы құрамаларының, бөлiмдерiнiң және бөлiмшелерiнiң ұтымды ұйымдық құрылымдарын құру;
- олардың құзыретiне жататын басқа да мәселелер бойынша бiрлескен шараларды жүзеге асырады.
5-бап
Шекара ведомстволары терроризм актiлерiн, заңсыз қару-жарақ, оқ-дәрiнiң, жарылғыш, улы, есiрткi құралдарының, улы және психотропты заттар, контрабанданың өзге де заттарының заңсыз тасымалдануының, олардың аумағына (аумағынан) заңсыз кiрудi (шығуды) жолын кесу үшiн келiсiлген шараларды жоспарлайды және жүзеге асырады.
6-бап
Ынтымақтастық осы Хаттамамен көзделген, Тараптардың шекара ведомстволар арасындағы тiкелей байланыстар мен уағдаласушылықтар жолдарымен жүзеге асырылады.
Осы қызметтi координациялау ЕурЭҚ Интеграциялық Комитетiндегi шекара мәселелерi бойынша Кеңеске жүктеледi.
7-бап
Осы Хаттама Еуразиялық экономикалық қауымдастыққа мүше мемлекеттердiң сыртқы шекараларын күзетудегi ынтымақтастық туралы шарттың ажырамас бөлiгi болып табылады, Шартта анықталған жағдайда және тәртiпте күшiне енедi және әрекет етедi.
Еуразиялық экономикалық қауымдастыққа
мүше мемлекеттердiң сыртқы шекараларын
күзетудегi ынтымақтастық туралы шартқа
N 5-қосымша
Еуразиялық экономикалық қауымдастыққа мүше мемлекеттердiң мемлекеттер шекараларын күзетуді материалдық техникалық қамтамасыз ету саласында шекара ведомстволарының ынтымақтастығы туралы
Хаттама
1-бап
Тараптардың шекара ведомстволарының материалдық-техникалық қамтамасыз ету Тараптардың тиiстi материалдық-техникалық қамтамасыз ету жүйелерiнде өз бетiнше жүзеге асырылады.
2-бап
Тараптардың мемлекеттiк шекараларын күзетудi материалдық-техникалық қамтамасыз ету, олардың аумақтарында жүргiзiлмеген, басқа Тараптардың аумақтарында жүргiзiлмеген, Тараптардың заңнамасына және халықаралық шарттарға сәйкес жүзеге асырылады.
3-бап
Тараптар өзара шекара әскерлерiне материалдық-техникалық қамтамасыз етуде, сондай-ақ сыртқы шекараларын күзетуде қолданылатын қару-жарақты, техникаларды өңдеуде, әзiрлеуге тапсырыстарды жүзеге асыруда, енгiзу мен жөндеуде, жеке шаруашылық шарттар негiзiнде өзара көмек көрсетедi.
4-бап
Тараптар өзара өздерiнiң аумақтарында жасалатын және мемлекеттiк шекараны күзетуде қолданылатын материалдық-техникалық құралдар, сондай-ақ оларды жеткiзу мүмкiндiктерi мен жағдайлары туралы ақпараттармен алмасады.
5-бап
Осы Хаттама Еуразиялық экономикалық қауымдастыққа мүше мемлекеттердiң сыртқы шекараларын күзетудегi ынтымақтастық туралы шарттың ажырамас бөлiгi болып табылады, Шартта анықталған жағдайда және тәртiпте күшiне енедi және әрекет етедi.
