Қазақстан Республикасының Үкiметi қаулы етеді:
1. Қоса берілiп отырған Қазақстан Республикасының Үкiметi мен Америка Құрама Штаттарының Үкiметi арасындағы Есiрткінi бақылау мен құқықтық тәртiптi қамтамасыз ету саласындағы өзара түсiнiстiк туралы меморандумға Қосымша хаттаманың жобасы мақұлдансын.
2. Қазақстан Республикасының Iшкi iстер министрi Зауытбек Қауысбекұлы Тұрысбековке қағидаттық сипаты жоқ өзгерiстер мен толықтырулар енгізуге рұқсат ете отырып, Қазақстан Республикасының Үкiметi атынан көрсетілген Қосымша хаттаманы жасасуға өкiлеттік берiлсiн.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Қазақстан Республикасының Yкiметi мен Америка Құрамы Штаттарының Yкiметi арасындағы Есiрткiнi бақылау мен құқықтық тәртiптi қамтамасыз ету саласындағы өзара түсiнiстiк туралы меморандумға Қосымша хаттама
1. Жалпы ережелер
А. Америка Құрамы Штаттарының Үкiметi ("АҚШ Үкiметi") мен Қазақстан Республикасының ("ҚР Yкiметi") (бұдан әрi жеке түрде "Тарап" және ұжымдық түрде "Тараптар" деп аталатын Қазақстандағы есiрткi құралдарының заңсыз айналымына қарсы күрес жөнiндегi қызмет пен құқық қорғау қызметiн қосымша қаржыландыру және қазақстандық заңнаманы Қазақстан Республикасының халықаралық мiндеттемелерiне және халықаралық конвенцияларға, нормалар мен стандарттарға сәйкестендiруге жәрдемдесу мәселесi жөнiндегi АҚШ Үкiметi мен ҚP Үкiметi арасындағы өзара түсiнiстiк туралы 2002 жылғы 12 желтоқсандағы меморандумға өзгерiстер мен толықтырулар енгiзуге келiседi. Жобаның толық сипаттамасы II бөлiмде, Жобалардың жалпы сипаттамасы, жазылған.
В. АҚШ Yкiметi ҚР-ға төменде сипатталған жобалардың шегінде 650.000 АҚШ долларын қосымша көмек ретiнде ұсынады. АҚШ Үкiметі осы толықтыру шарттарына сәйкес ҚР үшiн АҚШ Үкiметiнiң басқа органдары арқылы ақша қаражаттарын бөлу жолымен тиiстi оқыту мен жабдықтауды ұсынады. Төменде II тарауда жазылған жобалардың сипаттамасынан басқа, 2002 жылғы 12 желтоқсандағы Өзара түсiнiстік туралы меморандумда көзделген барлық мiндеттер мен шарттар қолданыста болады және толық заң күшiн сақтайды.
С. Осы толықтыруда көзделген ақша қаражаттары:
1. Қазақстан Республикасына қылмыстық жолмен, оның iшiнде есiрткi құралдарын, психотроптық заттар мен прекурсорларды сатудан түскен ақша қаражаттарын заңсыз заңдастыруға қарсы iс-әрекет етуге жәрдемдесуге;
2. Қазақстан Республикасының аумағы арқылы тасымалданатын есiрткi құралдары мен өзге де контрабанданы ұстауда iшкi iстер органдарының мүмкiндiгiн арттыруға;
3. Ресей-Қазақстан шекарасындағы және жасыл дәлiз бойындағы рұқсат беру пункттерiндегi есiрткi құралдары мен өзге де контрабанданы ұстауда шекара және кеден қызметi органдарының мүмкiндiгiн арттыруға;
4. ҚР-дағы құқықтық статистиканы, әсiресе АҚШ Мемлекеттiк департаментi Есiрткi бизнесiне қарсы күрес жөнiндегi және құқық қорғау қызметi бюросының (INL) бағдарламаларында көзделген және ҚР есiрткi құралдарының заңсыз айналымына қарсы күресуде қол жеткiзетiн прогреспен байланысты салалары мен бөлiмдерi бойынша жинау және тарату мүмкiндiктерiн жетілдiруге шақыратын төрт бағдарламаға қолданылады.
D. Осы Меморандумға сәйкес жасалатын iс-әрекеттер және АҚШ Үкiметі мен ҚР Үкiметi тарапынан ұсынылатын ресурстар төменде белгіленген және әр Тарап үшiн айқын мiндеттеме болады.
E. АҚШ Үкiметi ҚР-ға 650.000 АҚШ доллары мөлшерiнде төменде нақты сипатталған жобалар бойынша қосымша көмек ұсынады. Меморандумның шарттарына сәйкес АҚШ Үкiметi бөлетiн ақша қаражаттары жеке құжатта көрсетiлген және 650.000 АҚШ долларын құрайды. АҚШ Үкiметi тарапынан осы және кез келген басқа да болашақ жобалар бойынша бұдан әрi қаржыландыруды бөлу жобалардың мақсаттарына жету жолындағы қанағаттанарлық прогреске байланысты және АҚШ Конгресiмен жылдық негiзде бөлген және AҚШ Мемлекеттiк департаментiнiң Есiрткi бизнесiне қарсы күрес жөнiндегi және құқық қорғау қызметi бюросы (INL) мақұлдаған ақша қаражаттарының болуына байланысты.
2. Жобалардың жалпы сипаттамасы
А. Осы жобалар ақшаның жылыстауы және осымен байланысты қылмыстарға қарсы iс-әрекет Қазақстан аумағы арқылы өткiзілетiн есiрткi құралдары мен өзге де контрабанданы ұстап қалу; Қазақстан мен Ресей арасындағы шекарада есiрткi құралдары мен өзге де контрабанданы ұстап қалу; ҚР-дағы, әсiресе INL бағдарламаларымен және есiрткi құралдарының заңсыз айналымына қарсы күресте ҚР қол жеткiзетiн прогреспен байланысты құқықтық статистиканы жинау және тарату мүмкiндiгiн жетілдiру жөнiнде ҚР-дың мүмкiндiктерiн жетілдiрудi көздейдi.
В. АҚШ Үкiметi тарапынан:
1. жеке бағдарламаларды iске асыру шеңберiнде жабдықтарды;
2. нұсқаушылар мен техникалық кеңесшілердi ұсынуды;
3. ҚР нұсқаушыларының оқуға қатысуымен байланысты шығыстарды қамтиды.
С. ҚР-дың тарапынан:
1. оқитын студенттердi және бөлiмшелердi таңдауды;
2. АҚШ Үкiметi үшiн оқу үй-жайларын тегін ұсынуды;
3. нұсқаушыларға ҚР-дың ғылыми және заңнама тұрғысынан тиiстi білiм пәндерiн ұсынуды;
4. әр жобаның нәтижелерi бойынша тұрақты түрде жазбаша ақпарат пен консультацияларды қамтиды.
D. Осы жобалардың әрқайсының болжамды қолданылу мерзiмi бiр жылды құрайды, оның мерзiмi өткен соң ҚР-да заңсыз ақшаның жылыстатуына қарсы iс-әрекет ету жөнiндегi неғұрлым кең мүмкiндiктер; есiрткi құралдарының iшкi айналымына қасы күрес жөнiндегi неғұрлым кең мүмкiндiктер; Ресеймен (әсiресе жасыл дәлiздегi) шекараны бақылау жөнiндегi неғұрлым жетілдiрiлген мүмкiндiктер; және қылмыстық статистиканы жинау және жариялау, әсiресе INL жобаларының тиiмділiгiн бағалауға байланысты және ҚР-ның есiрткi құралдарының заңсыз айналымына қарсы күрестегi жетiстiкке жету мүмкiндiктерiнiң өсуi болады.
3. Жобалардың сипаттамасы, мақсаттары
және оларды бақылау
Төменде әр жоба жеке сипатталған, сондай-ақ оның мақсаттары, жетiстiк параметрлерi және келiсiлген бағалау әдiсi көрсетіледi.
а. Ақшаның жылыстауына қарсы iс-қимыл жобасы (200.000 доллар)
1. Жобаның сипаттамасы:
Экономикалық және сыбайлас жемқорлық қылмысқа қарсы күрес жөнiндегi агенттiктiң (қаржы полициясы), Қаржы полициясы академиясының, Iшкi iстер министрлiгi академиясының және Қазақстанның Қазақ гуманитарлық заң университетiнiң қатысуымен АҚШ Iшкi қауiпсiздiк департаментiнiң Құқық қорғау органдарын оқыту жөнiндегi федеральдық орталығы (FLETS) мен АҚШ Қаржы министрлiгiнiң Техникалық көмек бюросы қаржы қылмыстарын тергеу әдiстерiн практикалық зерделеудi қоса алғанда ақшаның жылыстауына қарсы күрес проблемалары бойынша бiрнеше семинарлар өткiзедi. Оқуға экономикалық және қаржы қылмыстарын тергеуге байланысты Қазақстан Республикасының барлық ведомстволары қатыса алады. Қаржы полициясы академиясының оқытушы құрамын оқытуға және Академияға тиесілi жабдықтарды жаңартуға ерекше көңіл бөлiнедi. Қаржылар жеткілiктi болған кезде Қаржы академиясының оқытушы құрамы Құқық қорғау органдарын оқыту жөнiндегi федеральдық орталыққа (FLETS) бұдан әрi оқуға шақырылуы мүмкiн.
Бұдан басқа, Техникалық көмек бюросы ақшаның жылыстауына қарсы iс-қимыл туралы әзiрленген заң жобасы бойынша техникалық консультациялық қызметтер және Қазақстанның қаржылық барлау органдарына білім беру мәселелерi бойынша техникалық көмек бередi.
2. Нұсқаушылар мен материалдар:
Оларды Құқық қорғау органдарын оқыту жөнiндегi федеральдық орталық, АҚШ Қаржы министрлiгiнiң Техникалық көмек бюросы, Қазақстанның Қазақ гуманитарлық заң университетi және қажет болған кезде басқа да көздер ұсынатын болады.
3. АҚШ Үкiметi тарапынан iс-әрекеттер:
а. нұсқаушылар мен талап етілетiн оқу материалдарын ұсыну;
b. техникалық кеңесшілердi ұсыну;
с. AҚШ Үкiметi техникалық кеңесшілерiнiң және олардың қазақстандық әрiптестерiнiң өзара шешiмi бойынша қажеттi жабдықтарды ұсыну.
4. Қазақстан Республикасының тарапынан iс-әрекеттер:
а. оқу үй-жайларын ұсыну;
b. қолда бар оқу жабдықтарын ұсыну;
с. студенттердi ұсыну;
d. жалпы оқыту және қазақстандық ерекше пәндер бойынша семинарлар үшiн нұсқаушыларды ұсыну;
e. білiктілігiн арттыру мақсатында Есiрткi бизнесiне қарсы күрес жөнiндегi комитеттің қызмет ететiн қызметкерлерiн және зерттеушілердi ұсыну.
5. Жоба мақсаттарына жету табысы мынадай өлшемдер бойынша бағаланады:
а. Қаржы полициясы академиясындағы оқу деңгейiнiң артуы және құрал-жабдықтардың жетілдiрілуi (тәуелсiз сарапшылардың бағалауы бойынша);
b. қаржы полициясы органдары тiркеген ақшаның жылыстауы жөнiндегi қылмыстық iстер санының өсуi (статистиканы қаржы полициясы органдары ұсынады);
с. сотқа жіберiлген ақшаның жылыстауы жөнiндегi қылмыстық iстер санының өсуi (статистиканы Бас прокуратура ұсынады);
d. Парламентке халықаралық стандарттарға сәйкестендірілген ақшаның жылыстауына қарсы әрекет ету туралы заң жобасын ұсыну (техникалық кеңесшілердiң бағалауы бойынша);
e. қаржылық барлау органын құру үшiн орын таңдау (географиялық және мемлекеттік бағыну тәртiбiмен).
6. Бағалау - IV бөлiмдi қараңыз, Бағалаудың жалпы жоспары.
В. Iшкi iстер министрлiгiмен Сарышаған қаласындағы есiрткi құралдарының заңсыз айналымына қарсы күрес жөнiндегi жоба (150.000 доллар).
1. Осы жоба бойынша оқыту және жабдықтау ҚР IIM-нiң Сарышаған қаласындағы есiрткi құралдарына қарсы күрес жөнiндегi бөлiмшесiне ұсынылады. Осы жоба бойынша АҚШ тарапынан қаржылық көмектің шамамен үштен бiрге жуығы контрабанданы, әсiресе заңсыз есiрткi құралдарын анықтау үшiн көлiк құралдарын тексеруге арналған қажетті жабдықтарды сатып алуға жұмсалады. Қалған ақшалар есiрткi құралдарын сәйкестендiру; осы жоба бойынша сатып алынған жабдықтарды пайдалана отырып, көлiк құралдарын тексеру; және есiрткi құралдарының заңсыз айналымына, қылмыстың жасалуына күдiктілердi қамауға алу мен күзетте ұстауға байланысты заңнаманың негiзгi жақтары мәселелерi бойынша құқық қорғау органдарының қызметкерлерiн мамандандырылған оқытуға қайта даярлау мақсатында Есiрткi бизнесiне қарсы күрес жөнiндегi ведомствоаралық оқу орталығының материалдық базасын нығайту үшiн пайдаланылатын болады. Құқықтық оқытудың iшiне қылмыстарды жасау кезiнде қолданылатын затты тәркілеу қағидаты да кiредi (заңды түрде қамауға алу, сақтау, прокурорлармен және соттармен ынтымақтастық, тәркіленген мүлiктi iске асыруға жауапты органдарға беру) кiредi.
2. Нұсқаушылар мен материалдар.
Оқытуды АҚШ Кеден қызметiнiң Халықаралық операциялар кеңсесi, Сот сараптамасы орталығының Есiрткiнi бақылау жөнiндегi ұлттық лабораториясы, Қазақ гуманитарлық заң университетi мен IIМ Академиясы жүргiзедi. Жалған құжаттарды сәйкестендiру бойынша қосымша оқыту ақша қаражаттарының болуына байланысты жүргiзiледi.
3. АҚШ Үкiметiнiң тарапынан:
а. көлiк құралдарын тиiмдi тексеруге қажетті жабдықтарды ұсыну (жобаны жалпы қаржыландырудың кемiнде үштен бiрiне);
b. тексеру және жауап алу бойынша ұзақ мерзiмдi оқыту;
с. Есiрткi құралдарын сәйкестендiру бойынша оқыту;
d. ҚР-дың есiрткi бизнесi, қамауға алу, дәлелдеулердi жинау, қылмыстарды жасау үшiн қолданылатын мүлiктi пайдалануға тыйым caлу саласындағы заңнамасын оқыту;
е. ҚР тарапынан нұсқаушылар үшiн iссапарларды төлеу iс-әрекеттер қамтылады.
4. ҚР Yкiметi тарапынан:
а. жабдықтауды және оқытуды қажет ететiн бөлiмшенi таңдау;
b. бағдарлама аяқталған соң оқу деңгейiн жоғары ұстап тұрудың ұзақ мерзiмдi жоспарын әзiрлеу;
с. Есiрткi құралдарын сәйкестендiру проблемалары және ҚР заңнамасының мәселелерi бойынша сарапшыларды ұсыну;
d. осы жобаның нәтижесiнде алған білімдерiн пайдалану есiрткілердiң заңсыз айналымына қарсы күрес жөніндегі iшкi iстер органдарының басқа да бөлiмшелерiн оқытуға жоспар әзiрлеу;
e. Iшкiісминi Академиясының оқу бағдарламасын жетілдiру үшiн алған бiлiмдерi мен тәжiрибенi қолдану.
5. Жобаның мақсатына қол жеткiзу жетiстiгi мынадай өлшемдер бойынша бағаланады:
а. есiрткi құралдарын дайындаумен, сақтаумен, таратумен және тасымалдаумен айналысатын адамдарды ұстау санының өсуi (статистиканы ҚР Бас прокуратурасының Құқықтық статистика және арнайы есепке алу жөнiндегi комитетi ұсынады);
b. бөлiмшенiң дайындығын жоғары деңгейде сақтап тұру және алған тәжiрибенi Iшкiісминiнiң басқа ұқсас бөлiмшелерiне тарату жөнiндегi Iшкiісминiнiң жазбаша жоспарлары;
с. алған білiмдерiн Iшкiісминi Академиясының оқу бағдарламасын жетілдiру үшiн қолдануы жөнiндегi жазбаша жоспар.
6. Бағалау - IV бөлiмдi қараңыз, Бағалаудың жалпы жоспары.
С. Қазақстан-Ресей шекарасындағы шекара қызметiмен бiрлескен жоба (150.000 доллар)
1. Осы жоба ресей шекарасының Қызыл Ауыл және Жезкент елдi мекендерiндегi шекаралық өткiзу пункттерiне жабдықтар берудi және оқытуды көздейдi. Америка тарапынан берілетiн ақша қаражаттарының шамамен үштен бiрi заңсыз есiрткi құралдарын табу үшiн көлiк құралдарын тексеруге және жасыл дәлiздi күзетуге арналған қажетті жабдықты алуға қолданылады. Қалған ақшалар есiрткiнi табу; осы жоба бойынша сатып алынған жабдықты пайдалана отырып, көлiк құралдарын тексеру; және заңсыз есiрткiнiң айналымымен, заңсыз мүлiктi тәркілеумен және Шекара қызметiнiң қызметкерлерi өкiлеттiктерiн құқықтық шектеудi ескере отырып, қылмыстың жасалуына күдiктiлердi қамауға алумен және күзетте ұстаумен байланысты заңнаманың базалық нормалары мәселелерi бойынша бөлiмшелердiң қызметкерлерiн мамандырылған түрде оқыту үшін жұмсалады.
2. Оқытуды АҚШ Кеден қызметiнiң халықаралық операциялар кеңсесi, сот сараптамасы орталығының Есiрткілердi бақылау жөнiндегi ұлттық лабораториясы, Қазақ гуманитарлық заң университетi және Iшкіiсминiнiң Академиясы ұсынады. Жалған құжаттарды сәйкестендiру бойынша қосымша оқыту ақша қаражаттарының болуына байланысты ұсынылады.
3. АҚШ Үкiметiнiң тарапынан болатын iс-қимылдар мыналарды қамтиды:
а. көлiк құралдарын тиiмдi тексеруге қажеттi жабдықты ұсыну (жобаны жалпы қаржыландырудың кемiнде үштен бiрi);
b. тексеру және жауап алу бойынша ұзақ мерзiмдi оқыту;
с. есiрткілердi сәйкестендiру бойынша оқыту;
d. есiрткi бизнесi, қамауға алу, дәлелдеулердi жинау, қылмыстарды жасау үшін пайдаланылатын мүлiктi тәркілеу және азаматтардың құқықтары саласындағы ҚР заңнамасын оқыту;
e. ҚР тарапынан нұсқаушылар үшiн iссапарларды төлеу.
4. ҚР тарапынан болатын iс-қимылдар мыналарды қамтиды:
а. жабдықтауды және оқытуды қажет ететiн бөлiмшенi таңдау;
b. бағдарлама аяқталған соң оқу деңгейiн жоғары ұстап тұрудың ұзақ мерзiмдiк жоспарын әзiрлеу;
с. есiрткiнi сәйкестендiру проблемалары және ҚР заңнамалары мәселелерi бойынша сарапшыларды ұсыну;
d. осы жобаның нәтижесiнде алған білімдерiн есiрткi құралдарының заңсыз айналымына қарсы күрес жөніндегі басқа да iшкi iстер бөлiмшелерiн оқытуда пайдалану жөнiндегi жоспар әзiрлеу;
e. алған білiмдерi мен тәжiрибесiн Iшкiісминi Академиясының оқу бағдарламасын жетілдiру үшін қолдану.
5. Жоба мақсаттарына қол жеткiзудегi табыс мынадай өлшемдер бойынша бағаланады:
а. есiрткi құралдарын дайындаумен, сақтаумен, таратумен және тасымалдаумен айналысатын адамдарды ұстау санының өсуi (статистиканы ҚР Бас прокуратурасының Құқықтық статистика және арнайы есепке алу жөніндегі комитетi ұсынады);
b. бөлiмшенiң дайындығын жоғары деңгейде сақтап тұру және алған тәжiрибенi Iшкiісминiнiң басқа да ұқсас бөлiмшелерiне тарату жөнiндегi Iшкiісминiнiң жазбаша жоспарлары;
с. алған білiмдерiн Шекара қызмет Академиясының оқу бағдарламасын жетілдiру үшiн қолдануы жөнiндегi жазбаша жоспар бойынша бағаланады.
6. Бағалау - IV бөлiмдi қараңыз, Бағалаудың жалпы жоспары.
D. Құқықтық статистиканы жинауды жетілдiру жөнiндегi жоба (150.000 доллар)
1. Осы жобаның мақсаты Қазақстанда, әсiресе INL бағдарламаларымен көзделген және есiрткiнiң заңсыз айналымына қарсы күресте ҚР қол жеткiзетiн прогреспен байланысты салаларда және бөлiмдер бойынша құқықтық статистиканы жинауды жетiлдiру болып табылады. Бұл жоба ҚР Бас прокуратурасының Құқықтық статистика және арнайы есепке алу жөнiндегi комитетiн жаңғырту шығыстарын жабады. Прокуратураның Қазақстан мен Қырғызстан шекарасының бойында орналасқан Қордай және Тараз қалалары арасындағы бөлiмдерi; Сарышаған қаласының ауданындағы жергілiктi бөлiмi, және Қазақстан мен Ресей шекарасындағы Қызыл ауыл және Жезкент елдi мекендерiнiң жанында орналасқан жергілiкті бөлiмдерi бiрiншi кезекте жаңғыртылатын болады. Сондай-ақ жоба мемлекеттік құқықтық статистика және арнайы есепке алу жинауды жетiлдiру мақсатында 2004 жылда Қазақстан Республикасы Бас прокуратурасының Құқықтық статистика және арнайы есепке алу жөнiндегi комитетi өткiзетiн үш аумақтық семинарларды, сондай-ақ Қазақстандағы қылмыс туралы статистиканың жыл сайынғы басылымының бiрiншi нөмiрiн шығаруды қаржыландыруды көздейдi. Қаражат жеткілiктi болған жағдайда жоғарыда аталғандарды қоспағанда, басқа да жергілiкті бөлiмдер жаңғыртылуы мүмкiн.
2. Нұсқаушылар мен материалдар
Нұсқаушылар мен материалдарды INL тарапынан қаржыландыру болған жағдайда Бас прокуратура ұсынады.
3. АҚШ Үкiметi тарапынан жасалатын iс-қимылдар:
а. қаржыландыруды ұсынуды;
b. жергілiкті жерлердегi бөлiмдерге жеткiзілетiн жабдықтарды сатып алу жөнiнде қызметтер көрсетудi;
с. қажет болған жағдайда техникалық кеңестер берудi қамтиды.
4. ҚР тарапынан жасалатын iс-қимылдар:
а. жергілікті жерлердегi бөлiмдердi қамтамасыз етуге қажеттi жабдықтау пакетiн әзiрлеудi;
b. аумақтық құқықтық статистика және арнайы есепке алу органдары мен құқықтық статистика және арнайы есепке алу субъектілерiнiң қызметкерлерi қатысатын есiрткi қылмысы туралы мемлекеттiк құқықтық статистиканы жинау және қалыптастыру жөніндегі үш аумақтық оқу семинарларын ұйымдастыруды;
с. республика бойынша 2004 жылғы статистиканы құрайтын толық жинақты шығару және тарату;
5. Жоба мақсаттарына қол жеткiзген жетiстiгi мынадай өлшемдер бойынша бағаланады:
а. тиiсті жергілiктi бөлiмдердi тез арада жабдықтау және оларды орталық орган - Астана қаласындағы Бас прокуратурасының Құқықтық статистика және арнайы есепке алу жөнiндегi комитетiмен байланыспен қамтамасыз етуi;
b. қамауға алу санына, есiрткi құралдарын және өзге де контрабанданы алып қоюға, заңсыз тасымалдайтын адамдарды ұстауға және INL бағдарламасын орнатудың тиiмділiгiмен байланысты өзге де ақпаратқа қатысты тура статистикалық деректердi тоқсан сайын ұсынуы;
с. қылмыс туралы статистикалық деректердi жинау және тарату жөнiндегi үш аумақтық семинарды табысты өткiзуi;
d. 2005 жылдың наурыз айынан кешiктiрмей республика бойынша 2004 жылғы статистиканы құрайтын толық жинақты шығаруы және таратуы.
6. Бағалау - IV бөлiмдi қараңыз, Бағалаудың жалпы жоспары.
4. Бағалаудың жалпы жоспары
А. Жоғарыда аталған әрбiр жобаны бағалау кезiнде, тараптар:
1. мыналарды:
а. қол жеткiзген табыстарды;
b. жобаны жетiлдiру немесе өзгерiстер енгiзу жөнiндегi ұсыныстарды талқылау үшiн кемiнде үш айда бiр рет кездесуге.
2. қаралатын кезеңдегi жобаның жетiстiгiн бағалау үшiн қажеттi барлық ақпаратты ұсынуға;
3. ертеректе жобаға енгізілген өзгерiстердiң жетiстiгiне баға беруге;
4. осы кезеңдегi жағдайы бойынша жобаға және жобаны ойдағыдай iске асыру үшiн не iстеу керектігi туралы қысқаша түрде баға беруге келiстi.
В. Әр жобаның қорытынды сатысында INL және ҚР-дың өкiлдерi болашақ жобалардың тиiмділігiн жетiлдiру үшiн көзқарастар жасау мақсатында әр жобаның жетiстігi мен проблемаларын толық сипаттай отырып, толық бағалауды жүргiзедi.
5. Қорытынды
Өзара түсiнiстiк туралы бастапқы меморандумның барлық шарттары қолданыста болады.
Осы Хаттама _____ жылғы "__" ______ қаласында, әрқайсысы ағылшын және орыс тiлдерiнде екi данада жасалды, әрi екi мәтiннiң күшi бiрдей.
Қазақстан Республикасы Америка Құрама Штаттары
Үкiметi үшiн Үкiметi үшiн АҚШ-тың
______________________ Қазақстандағы Төтенше және
______________________ өкілетті елшiсi
______________________
