Қазақстан Республикасы Қорғаныс министрлігінің үш әскери бөлімін Приозерск қаласына көшіруге байланысты Қазақстан Республикасының Үкіметі қаулы етеді:
1. Қарағанды облысының әкіміне Приозерск қаласына көшірілген әскери қызметшілерге арналған тұрғын үйді жөндеу-қалпына келтіру жұмыстарына берешекті өтеу үшін 2004 жылға арналған республикалық бюджетте табиғи және техногендік сипаттағы төтенше жағдайды жою мен өзге де күтпеген шығыстарға көзделген Қазақстан Республикасы Үкіметінің резервінен 89000000 (сексен тоғыз миллион) теңге бөлінсін.
2. Қазақстан Республикасының Қаржы министрлігі бөлінген қаражаттың мақсатты пайдалануын бақылауды жүзеге асырсын.
3. Осы қаулы қол қойылған күнінен бастап күшіне енеді.
Қазақстан Республикасы
Премьер-Министрінің
міндетін атқарушы
