Республика аумағында террористiк актiлердiң және экстремизм мен сепаратизмнiң өзге де көрiнiстерiн болдырмау мақсатында Қазақстан Республикасының Үкiметi қаулы етеді:
1. Қазақстан Республикасының Iшкi iстер министрлiгiне табиғи және техногендiк сипаттағы төтенше жағдайларды жоюға және өзге де күтпеген шығыстарға 2004 жылға арналған республикалық бюджетте көзделген Қазақстан Республикасы Үкiметiнiң резервiнен 300200000 (үш жүз миллион екi жүз мың) теңге мыналарға:
жалпы сомасы 200200000 (екi жүз миллион екi жүз мың) теңге, саны 5 бiрлiк автобронетехника (БТР-90, T-5 транспортерi, КАМАЗ), сондай-ақ қару-жарақ пен оқ-дәрi сатып алуға;
Қазақстан Республикасы Iшкi iстер министрлiгiнiң "Сұңқар" арнайы мақсаттағы бөлiмшесiнiң ғимараты мен құрылыстарын қайта жаңартуға 100000000 (бiр жүз миллион) теңге бөлiнсiн.
2. Қазақстан Республикасының Iшкi iстер министрлiгi заңнамада белгiленген тәртiппен:
бiр көзден мемлекеттiк сатып алу тәсiлiмен көрсетiлген тауарларды, жұмыстар мен қызметтердi сатып алуды;
осы қаулыдан туындайтын өзге де шараларды қабылдауды қамтамасыз етсін.
3. Қазақстан Республикасының Қаржы министрлiгi бөлiнген қаражаттың мақсатты пайдаланылуын бақылауды қамтамасыз етсiн.
4. Осы қаулы қол қойылған күнінен бастап күшіне енедi.
Қазақстан Республикасының
Премьер-Министрi
