"2005 жылға арналған республикалық бюджет туралы" Қазақстан Республикасының 2004 жылғы 2 желтоқсандағы Заңына және Қазақстан Республикасы Бюджет кодексiнiң 17-бабына сәйкес Қазақстан Республикасының Yкiметi ҚАУЛЫ ЕТЕДI:
1. Қазақстан Республикасы Индустрия және сауда министрлігіне Шағын кәсiпкерлiктi дамыту мен қолдаудың 2004-2006 жылдарға арналған мемлекеттiк бағдарламасын iске асыру мақсатында "Шағын кәсiпкерлiктi дамыту қоры" акционерлiк қоғамын капиталдандыру үшiн 2005 жылға арналған республикалық бюджетте кезек күттiрмейтiн шығындарға көзделген Қазақстан Республикасы Yкiметiнiң резервiнен 1000000000 (бiр миллиард) теңге бөлiнсiн.
2. Қазақстан Республикасы Қаржы министрлiгi бөлiнген қаражаттың мақсатты пайдаланылуын бақылауды жүзеге асырсын.
3. Осы қаулы 2005 жылғы 1 қаңтардан бастап күшiне енедi.
Қазақстан Республикасы
Премьер-Министрінің
міндетін атқарушы
