Өз өндiрiсiнiң қосылған құны жоғары тауарлардың тiзбесiн бекiту туралы

Күшін жойған

Қазақстан Республикасы Үкіметінің 2005 жылғы 11 сәуірдегі N 326 Қаулысы. Күші жойылды - ҚР Үкіметінің 2008 жылғы 31 желтоқсандағы N 1332 Қаулысымен.

Ескерту. Қаулының күші жойылды - ҚР Үкіметінің 2008 жылғы 31 желтоқсандағы N 1332 (2009 жылғы 1 қаңтардан бастап қолданысқа енгізіледі) Қаулысымен.

"Салық және бюджетке төленетін басқа да мiндеттi төлемдер туралы" (Салық кодексi) Қазақстан Республикасының 2001 жылғы 12 маусымдағы Кодексінің 140-7-бабына сәйкес Қазақстан Республикасының Үкiметi ҚАУЛЫ ЕТЕДI:

1. Қоса беріліп отырған өз өндiрiсiнiң қосылған құны жоғары тауарлардың тiзбесi бекiтiлсiн.

2. Осы қаулы 2005 жылғы 1 қаңтардан бастап қолданысқа енгізiледi және ресми түрде жариялануға тиiс.

Қазақстан Республикасының
Премьер-Министрі

Қазақстан Республикасы
Yкiметінiң
2005 жылғы 11 сәуірдегі
N 326 қаулысымен
бекiтiлген

Өз өндiрiсiнiң қосылған құны жоғары
тауарлардың тiзбесi

Р/с N	Атауы	Экономикалық қызмет түрлерi бойынша өнiмдер жiктеуішiнiң кодтары
1	2	3
1.	Фармацевтикалық препараттар	24.42.1
2.	Өзге де фармацевтикалық препараттар	24.42.2 (24.42.25- тен басқа)
3.	Компьютер жабдығы*	30.02.1-ден (30.02.19-дан басқа)
4.	Қуаты 37,5 Вт-тан аспайтын электр қозғалтқыштар; тұрақты токты өзге де электр қозғалтқыштар; тұрақты токты генераторлар	31.10.1
5.	Қуаты 37,5 Вт-тан жоғары ауыспалы және тұрақты токты әмбебап электр қозғалтқыштар; ауыспалы токты өзге де электр қозғалтқыштар; ауыспалы токты генераторлар (синхронды генераторлар)	31.10.2
6.	Электргенераторлық қондырғылар және айналмалы электрлi өзгерткiштер	31.10.3
7.	Радио-, телетаратушы аппаратура; теледидар камералары	32.20.1
8.	Сымды телефонға немесе телеграфты байланысқа арналған электр аппаратурасы	32.20.2
9.	Теледидар қабылдағыштар	32.30.2
10.	Дыбыс пен бейненi жазуға және шығаруға арналған аппаратура	32.30.3
11.	Медициналық және хирургиялық жабдық пен ортопедиялық керек-жарақтар*	33.10.1-ден (33.10.15-тен басқа)
12.	Сұйық кристалды қондырғылар; лазерлер (лазерлi диодтардан басқа); басқа топтамаларға енгізiлмеген, өзге де оптикалық құралдар мен аппараттар*	33.40.2-ден
13.	Он немесе одан да көп адамды тасымалдауға арналған автомобильдер	34.10.3
14.	Жүк автомобильдерi	34.10.4
15.	Арнайы және мамандандырылған автомобильдер	34.10.5
16.	Жолаушылар мен жүктердi тасымалдауға арналған кемелер және өзге де жүзу құралдары	35.11.2
17.	Кәсiпшiлiк, техникалық және қосалқы кемелер	35.11.3
18.	Ұңғымаларды бұрғылауға немесе пайдалануға арналған жүзбелi және сүңгімелi теңiз платформалары	35.11.4

* - қызмет түрлерi Экономикалық қызмет түрлерi бойынша өнiмдер жiктеуiшіне (ЭҚТӨЖ) сәйкес өнiмнiң кодымен де, атауымен де айқындалады.