Ескерту. Қаулының күші жойылды - ҚР Үкіметінің 2007 жылғы 29 желтоқсандағы N 1400 (2008 жылғы 1 қаңтардан бастап қолданысқа енгізіледі) Қаулысымен.
Қазақстан Республикасының Үкiметi ҚАУЛЫ ЕТЕДI:
1. "Мемлекеттік мекемелердiң мемлекеттік қызметшi емес қызметкерлерiне және қазыналық кәсіпорындардың қызметкерлерiне еңбекақы төлеу жүйесi туралы" Қазақстан Республикасы Үкiметінің 2002 жылғы 11 қаңтардағы N 41
қаулысына
(Қазақстан Республикасының ПYКЖ-ы, 2002 ж., N 2-3, 14-құжат) мынадай толықтырулар енгiзiлсiн:
көрсетiлген қаулымен бекiтiлген Мемлекеттік мекемелердің мемлекеттік қызметшi емес қызметкерлерi мен қазыналық кәсiпорындар қызметкерлер лауазымдарының санаттар бойынша тiзiлiмiнде:
Ғ санатының тобы мынадай мазмұндағы жолдармен толықтырылсын:
"Қазақстан Республикасының мемлекеттік орталық мұражайы";
"Ә.Қастеев атындағы Қазақстан Республикасының мемлекеттік өнер мұражайы";
"Қазақстан Республикасының Президенттiк мәдениет орталығы";
"Қазақстан Республикасының Ұлттық кiтапханасы".
