Қазақстан Республикасында нашақорлыққа және есiрткi бизнесiне қарсы күрестiң 2006-2008 жылдарға арналған бағдарламасы туралы

Қазақстан Республикасы Үкіметінің 2006 жылғы 5 сәуірдегі N 240 Қаулысы

"Қазақстан Республикасында нашақорлыққа және есiрткi бизнесiне қарсы күрестiң 2006 - 2014 жылдарға арналған стратегиясын бекiту туралы" Қазақстан Республикасы Президентiнің 2005 жылғы 29 қарашадағы N 1678 Жарлығына сәйкес Қазақстан Республикасының Үкiметi ҚАУЛЫ ЕТЕДI:

1. Қоса берiліп отырған Қазақстан Республикасында нашақорлыққа және есiрткi бизнесiне қарсы күрестiң 2006 - 2008 жылдарға арналған бағдарламасы (бұдан әрi - Бағдарлама) бекiтiлсiн.

2. Орталық және жергілікті атқарушы органдар, өзге де мемлекеттiк органдар Бағдарламада көзделген iс-шаралардың тиiсiнше және уақтылы орындалуын қамтамасыз етсiн және жыл сайын 30 маусымға және 30 желтоқсанға қарай Қазақстан Республикасы Ішкi iстер министрлiгiне олардың орындалуы жөнiнде ақпарат ұсынсын.

3. Қазақстан Республикасы Ішкі iстер министрлiгi жыл сайын 10 шiлдеге және 10 қаңтарға қарай Қазақстан Республикасының Үкiметiне Бағдарламаның орындалу барысы туралы жиынтық ақпарат ұсынсын.

4. Осы қаулы қол қойылған күнінен бастап қолданысқа енгiзіледi.

Қазақстан Республикасының
Премьер-Министрі

Қазақстан Республикасы
Үкiметiнiң
2006 жылғы 5 сәуiрдегi
N 240 қаулысымен
бекiтілген

Қазақстан Республикасында нашақорлыққа және
есiрткi бизнесiне қарсы күрестiң 2006 - 2008 жылдарға
арналған бағдарламасы

1. Бағдарламаның паспорты

Атауы Қазақстан Республикасында нашақорлыққа
және есiрткi бизнесiне қарсы күрестiң
2006 - 2008 жылдарға арналған
бағдарламасы

Әзiрлеу үшiн негiздеме "Қазақстан Республикасында нашақорлыққа
және есiрткi бизнесiне қарсы күрестің
2006 - 2014 жылдарға арналған
стратегиясын бекiту туралы" Қазақстан
Республикасы Президентiнiң 2005 жылғы 29
қарашадағы N 1678 Жарлығы

Әзiрлеуге жауапты Қазақстан Республикасы Iшкi iстер
мемлекеттiк орган министрлiгi

Бағдарламаның Есiрткiнi терiс пайдаланудың және олардың
мақсаты заңсыз айналымының өсуiн тоқтату,
есiрткілердің таралуын қоғамға барынша
аз қауiп келтiретiн деңгейге дейiн
дәйектiлiкпен қысқарту үшiн жағдай жасау

Бағдарламаның Қазақстан Республикасында есiрткiге қарсы
мiндеттерi қызметтiң субъектілерi арасындағы өзара
iс-қимылды одан әрi дамыту
Әлеуметтiк салада есiрткiге қарсы қызметтi
реттейтiн нормативтiк құқықтық базаны
әзiрлеу
Есiрткi құралдарының, психотроптық заттар
мен прекурсорлардың заңсыз айналымына
қарсы iс-қимыл жасау тетiгiн жетiлдiру
Есiрткiге қарсы насихатты жетiлдiру,
салауатты өмiр салтының дағдыларын сiңiру
Психикалық белсендi заттарға тәуелдi
адамдар профилактикасының,
диагностикасының, оларды емдеудiң,
оңалтудың, қайта әлеуметтендiрудiң қазiргi
заманғы технологияларын әзiрлеу
Наркологиялық емдеу-алдын алу
мекемелерiнiң құрылымын, технологиясын,
штаттық кестесiн және
материалдық-техникалық базасын қазiргi
заманғы наркологиялық көмек көрсетудi
ұйымдастырудың заңнамада бекiтiлген
стандарттарына сәйкес келтiру
Автоматтандырылған психологиялық
тестiлеудiң мамандандырылған
бағдарламаларын, есiрткiге қарсы мектеп
және отбасылық бейнеқорды құру және енгiзу
Жабайы өсетiн құрамында есiрткi бар
өсiмдiктерге қарсы күрестiң ғылыми
технологияларын әзiрлеу
ТМД-ға қатысушы-мемлекеттердiң осындай
жүйелерiне кейiннен ықпалдасу мақсатында
жедел, статистикалық, есепке алу және
өзге де мәлiметтер алмасудың
ведомствоаралық автоматтандырылған
жүйелерiн құру
Мемлекеттiк шекараның бүкiл периметрi
бойынша шекаралық бақылауды күшейту.

Iске асыру мерзiмi 2006 - 2008 жылдар

Қаржыландыру көздерi 2006 жылдан 2008 жылға дейiнгi мерзiмге 2
және көлемдерi млрд. 620 млн. 350 мың теңге сомасындағы
мемлекеттiк бюджет қаражаты, оның iшiнде
республикалық бюджеттен 1 млрд. 873 млн.
272 мың теңге және жергiлiктi бюджеттерден
747 млн. 078 мың теңге.

Күтілетiн нәтиже Есiрткiнi терiс пайдаланатын адамдарды
анықтауды арттыру және олардың санын
қысқарту
Мемлекеттiк шекарада есiрткiнi заңсыз
өткiзуге қарсы бақылауды күшейту
Есiрткi құралдары, психотроптық заттар мен
прекурсорлар айналымын мемлекеттiк
бақылау жүйесiн жетiлдiру
Есiрткiнiң заңсыз айналымымен байланысты
iстер бойынша сот iсiн жүргiзудiң сапасын
жақсарту
Есiрткiге сұранысты қысқарту, есiрткiге
тәуелдi адамдарды емдеу және оңалту,
есiрткiнiң заңсыз айналымының жолын кесу
нашақорлыққа және есiрткi бизнесiне қарсы
күрес жөнiндегi арнайы бөлiмшелер
қызметкерлерiнiң бiлiктiлiк деңгейiн
көтеру саласындағы перспективалық
бағдарламаларды әзiрлеу мен енгiзуде
техникалық көмек көрсету үшiн халықаралық
ұйымдар мен донор елдердiң назарын аудару
жолымен есiрткiнiң заңсыз айналымын
бақылау саласындағы тығыз халықаралық
ынтымақтастық
Нашақорлықпен ауыратын адамдар
профилактикасына, оларды емдеуге және
оңалтуға, сондай-ақ есiрткi қылмысына
қарсы күрес жөнiндегi құқық қорғау
органдарының қызметiне жұмсалатын
шығындарды оңтайландыру
Нашақорлықпен ауыратын адамдарды емдеу
және оңалту әдiстемелерiн жетiлдiру
Жастар арасында нашақорлықтың алдын алу
технологиясын және дене шынықтыру-алдын
алу жұмысының ұйымдастырушылық-басқару
модельдерiн әзiрлеу және сынап байқау
жөнiндегi өңiраралық дене шынықтыру-спорт
орталықтарын, сондай-ақ оңалту
орталықтарының есiрткiнi терiс
пайдаланатын балалар мен жасөспiрiмдерге
арналған бөлiмшелерiн құру және олардың
жұмыс iстеуiн қамтамасыз ету
Түрлi өнеркәсiп өнiмдерi мен медициналық
препараттар алу мақсатында құрамында
есiрткi бар өсiмдiктердi қайта өңдеу
технологиясын әзiрлеу
Ескерту. 1-бөлімге өзгерту енгізілді - ҚР Үкіметінің 2007.04.11. N 288 қаулысымен.

2. Кiрiспе

Қазақстан Республикасы Президентiнiң "Қазақстан - 2030. Барлық қазақстандықтардың өсiп-өркендеуi, қауiпсiздiгi және әл-ауқатының артуы" атты Қазақстан халқына Жолдауына сәйкес нашақорлыққа және есiрткi бизнесiне қарсы күрес "Қазақстан азаматтарының денсаулығы, бiлiмi мен әл-ауқаты" атты 4-ұзақ мерзiмдi басымдықтың құрауышы болып табылады. Осыған байланысты, сондай-ақ Қазақстан Республикасы Президентiнiң 2005 жылғы 29 қарашадағы N 1678 Жарлығымен бекiтiлген iске асырылуы үш кезеңге бөлiнген Қазақстан Республикасында нашақорлыққа және есiрткi бизнесiне қарсы күрестiң 2006 - 2014 жылдарға арналған стратегиясының негiзгi ережелерiн басшылыққа ала отырып, Қазақстан Республикасында нашақорлыққа және есiрткi бизнесiне қарсы күрестiң 2006 - 2008 жылдарға арналған бағдарламасы (бұдан әрi - Бағдарлама) әзiрлендi, онда нашақорлыққа және есiрткi бизнесiне қарсы iс-қимылдың бiрiншi кезеңдегi негiзгi бағыттары баяндалған.
Бағдарлама нашақорлыққа және есiрткi бизнесiне қарсы күрес саласындағы бұрын қолданыста болған бағдарламаларға қатысы бойынша сабақтастық қағидаты сақтала отырып әзiрлендi.

3. Проблеманың қазiргі жай-күйiн талдау

Географиялық орналасуы, көлiк инфрақұрылымының қарқынды дамуы, көптеген шектес мемлекеттермен шекараның "ашықтығы" және бiздiң мемлекетiмiздiң iшiндегi әлеуметтiк-экономикалық тұрақты жағдай Қазақстанның Оңтүстiк-Батыс, Оңтүстiк-Шығыс Азия елдерiнен Ресейге, одан әрi қарай Еуропаға есiрткi құралдары мен психотроптық заттардың транзитi үшiн "көлiк дәлiзi" болуына ықпал еттi.
Қолданылып отырған шараларға қарамастан, республикадағы есiрткi ахуалы күрделi күйiнде қалуда және тұрақты келеңсiз серпiнмен сипатталады.
Қазiргi уақытта Қазақстан Республикасында нашақорлыққа және есiрткi бизнесiне қарсы күрестiң 2001 - 2005 жылдарға арналған стратегиясының үш кезеңi iске асырылды.
Бiрiншi кезең 2000 - 2001 жылдарды қамтыды, оның қорытындысы Қазақстан Республикасы Президентiнiң 2000 жылғы 16 мамырдағы N 395 Жарлығымен бекiтiлген Қазақстан Республикасында нашақорлыққа және есiрткi бизнесiне қарсы күрестiң 2000 - 2001 жылдарға арналған бағдарламасын iске асыру арқылы елде нашақорлыққа қарсы күрес жүйесiнiң негiзгi буындарын құру болды.
Мәселен, құқық қорғау және басқа да мемлекеттiк органдар республикалық бюджеттен 260 млн. теңгеге жуық сомаға техника, жабдық, материалдар түрiнде нақты қолдау алды.
Бұрын болған консультативтiк-кеңесшi орган - Есiрткiге бақылау жасау жөнiндегi мемлекеттiк комиссияның орнына кейiннен уәкiлеттi мемлекеттiк орган - Қазақстан Республикасы Әдiлет министрлiгiнiң Нашақорлыққа және есiрткi бизнесiне қарсы күрес комитеті болып қайта ұйымдастырылған Қазақстан Республикасы Нашақорлыққа және есiрткi бизнесiне қарсы күрес агенттігi құрылды.
Әр облыста, Астана және Алматы қалаларында әкiмдердiң орынбасарлары басқаратын Қазақстан Республикасы Әдiлет министрлiгiнiң Нашақорлыққа және есiрткi бизнесiне қарсы күрес комитетiне есеп беретiн нашақорлыққа және есiрткi бизнесiне қарсы күрес жөнiндегi өңiрлiк комиссиялар жұмыс iстей бастады, бұл жергiлiктi жерлерде есiрткiге қарсы жұмысты жолға қоюға мүмкiндiк бердi.
Екiншi кезең Қазақстан Республикасы Үкiметiнiң 2002 жылғы 8 шiлдедегi N 736 қаулысымен бекiтiлген Қазақстан Республикасында нашақорлыққа және есiрткi бизнесiне қарсы күрестiң 2002 - 2003 жылдарға арналған бағдарламасын iске асыру арқылы бұрын құрылған буындарды нығайтуға бағытталды.
Мемлекеттiк және үкiметтік емес ұйымдардың қызметiн талдау Қазақстан Республикасының Үкiметi қойған мақсаттар мен мiндеттердiң орындалғанын, нәтижесiнде белгiлi бiр оң нәтижелерге қол жеткiзiлгенiн көрсеттi.
Осылайша, республика өңiрлерiнде наркологиялық қызметтердi жетілдiру жөнiндегi жұмыстар жалғастырылды, нашақорлықтың таралуының жаңа үрдiстерi ескерiле отырып, наркологиялық диспансерлердiң құрылымында кәмелетке толмағандарды емдеуге арналған стационарлық бөлiмшелер құрылды, нашақорлыққа және есiрткi бизнесiне қарсы күрес проблемаларына арналған мерзiмдi журнал шығарылуда және өтеусiз негiзде таратылуда, Қазақстан Республикасындағы нашақорлыққа және есiрткi бизнесiне қарсы күрес саласына халықаралық ұйымдар мен донор елдердiң қаражаты айтарлықтай белсендi түрде тартылды, арнайы бөлiмшелердi, кинологиялық қызметтердi ұйымдастыру және материалдық-техникалық нығайту жалғасты.
Үшiншi кезең Қазақстан Республикасында нашақорлықтың және есiрткi бизнесiнiң одан әрi таралуына қарсы тиiмдi мемлекеттiк және қоғамдық iс-қимылдың толық ауқымды жүйесiн қалыптастыруға бағытталды, оны iске асыру үшiн Қазақстан Республикасы Yкiметiнiң 2004 жылғы 13 сәуiрдегi N 411 қаулысымен Қазақстан Республикасында нашақорлыққа және есiрткi бизнесiне қарсы күрестiң 2004 - 2005 жылдарға арналған бағдарламасы бекiтiлдi.
2004 жылғы бiрiншi тоқсанда Қазақстан Республикасы Iшкi iстер министрлiгiнiң Есiрткi бизнесiне қарсы күрес және есiрткi айналымын бақылау комитетi (бұдан әрi - Комитет) құрылды оған барлық мемлекеттiк органдар мен мемлекеттiк емес құрылымдардың есiрткiге қарсы қызметiн үйлестiру жөнiндегi функциялар жүктелдi. Өңiрлiк деңгейде нашақорлыққа қарсы қызметтi әкiмдiктер жанындағы өңiрлiк комиссиялардың басшылығымен барлық мемлекеттiк органдар мен қоғамдық институттар жүзеге асырылады. Олардың көпшiлiгiнiң құрамына Төраға орынбасары деңгейiнде облыстардың, Астана және Алматы қалаларының Iшкi iстер департаменттерi Есiрткi бизнесiне қарсы күрес басқармаларының бастықтары енгiзiлдi.
Қазақстан Республикасында нашақорлыққа және есiрткi бизнесiне қарсы күрестiң әсiресе соңғы жылдары шиеленiсе түскен проблемалары Азия мен Еуропада жүрiп жатқан әскери-саяси сипаттағы жаhандық процестерге де, сондай-ақ түрлi елдердегi қылмыстық күштердiң жеке әлеуметтiк проблемаларды есiрткiнiң заңсыз саудасының, дiни фанатизм мен экстремизмнiң, халықаралық терроризмнiң арандатушылықтары желiсiн кеңейту арқылы шешуге өсiп отырған ұмтылысына да байланысты.
Есiрткiнiң заңсыз айналымының көлемi мен Қазақстанда оларды терiс пайдалану ауқымы халықтың денсаулығына қатер төндiрiп қана қоймай, сонымен бiрге экономикалық, саяси және әлеуметтiк жағдайға, мемлекет жүргiзiп отырған экономикалық реформалар процесiне терiс әсер ете отырып, өсе түсуде.
2005 жылғы 1 қаңтарда "нашақорлық" диагнозымен 47 мың 903 адам есепте тұрды. Нашақорлықтың жастар арасында таралуы ерекше алаңдаушылық туғызады. Әйелдер арасында есiрткiге тәуелдiлердiң саны өсуде.
Қазақстан Республикасы Бас прокуратурасы Құқықтық статистика және арнайы есеп комитетiнiң деректерi бойынша (2006 жылғы 1 қаңтардағы жағдай бойынша) есiрткiлердi терiс пайдаланатын 53577 адам есепте тұрады, оның iшiнде 4940 әйел, 4843 кәмелетке толмағандар (қоса алғанда 14 жасқа дейiнгiлер - 1233).
Тұтастай алғанда, 1991 жылдан бастап есiрткiге тәуелдiлердiң саны 4,5 есе дерлiк көбейдi.
Қазақстан Республикасы Денсаулық сақтау министрлiгiнiң Салауатты өмiр салтын қалыптастыру проблемалары ұлттық орталығы жүргiзген зерттеу деректерi бойынша 2002 - 2003 жылдары елде есiрткi тұтынушылардың нақты саны 200 000-нан астам адамды немесе жалпы халық санының 1,3%-ын, немесе еңбекке қабiлеттi халықтың 2,06%-ын құрады.
Ересек халықтың арасында есiрткiге тәуелдiлiктi анықтаудың ең жоғары көрсеткiштерi Алматы қаласында, Қарағанды, Жамбыл, Оңтүстiк Қазақстан облыстарында, ал балалар мен жасөспiрiмдер арасында - Алматы және Қарағанды облыстарында, Астана қаласында тiркелдi.
Есiрткiге тәуелдiлерге арналған "Кездесу" қоғамы" (Амелия қаласы, Италия) әлеуметтiк-оңалту орталығы әзiрлеген нашақорлық профилактикасы және оның алдын алу, салауатты өмiр салтын қалыптастыру жөнiндегi шетелдiк оң тәжiрибе Ақмола облысының Раздольное ауылында орналасқан Есiрткiге тәуелділердi әлеуметтiк оңалту орталығын құру және оның жұмысын ұйымдастыру кезiнде пайдаланылды.
Қалыптасқан жағдайдың күрделiлiгi мен оның маңыздылығын Қазақстанның барлық облыстарында, Астана және Алматы қалаларында жүргiзiлген, 18 жастан асқан 12 мың адам қатысқан әлеуметтiк сауалнамалардың нәтижелерi де көрсетті. Қазақстандықтардың көпшiлiгi нашақорлық пен есiрткi бизнесiнiң таралуын заманымыздың ең елеулi қаупi деп санайды. Атап айтқанда, сұралғандардың 30,3%-ы нашақорлық пен есiрткi бизнесi проблемасы бүгiнгi күнi басқалармен қатар "Қазақстан үшiн ең өткiр проблемалардың бiрi" болып табылады деп санайды.
Статистикалық деректердi талдау есiрткiнiң заңсыз таралуымен және оларды медициналық емес мақсатта пайдаланумен байланысты қылмыстар мен өзге де құқық бұзушылықтардың тұрақты өсу үрдiсiнiң сақталып отырғанын куәландырады. Оның нашарлау себептерiнiң бiрi ел iшiндегі есiрткiге тәуелдi адамдар санының өсуiне тiкелей әсер ететiн Қазақстан Республикасының аумағы арқылы "ауыр" есiрткiлердiң транзитi болып табылады.
2001 - 2005 жылдар аралығында Қазақстанның құқық қорғау органдары 62519 есiрткi қылмыстарын тiркедi, есiрткi құралдарын өткiзудiң 22021 фактiсi анықталды, заңсыз айналымнан 104,5 тоннадан астам әр түрлi есiрткi құралдары, оның iшiнде 2 тоннадан астам героин алынды.
Тек 2005 жылдың iшiнде 9741 есiрткi қылмысы, оның iшiнде есiрткi өткiзудiң 4330 фактiсi анықталды, заңсыз айналымнан 23 тонна 696 кг астам есiрткi құралдары, оның iшiнде 625 кг-нан астам героин алынды.
Жүрiп жатқан есiрткi рыногын қарқынды құрылымдық қайта құрудың салдары дәстүрлi каннабис тобындағы есiрткiлердi героин, апиын сияқты белсендiлiгi жоғары, қымбат тұратын және денсаулыққа анағұрлым қауiптi есiрткiлердiң ығыстыруы болды.
Қазiргi кезде Қазақстан Республикасындағы есiрткi ахуалы:
есiрткiнiң заңсыз айналымымен байланысты қылмыстар санының көбеюiмен;
есiрткi бизнесiне қарсы күрестiң, оның трансұлттық сипатына және Қазақстан Республикасы аумағының транзиттiк рөлiне байланысты ерекшелiгiн тиiсiнше есепке алмаумен байланысты мемлекеттiк және кедендiк шекараларды қорғау жөнiнде тиiстi қызметтер қабылдайтын шаралардың тиiмсiздiгiмен;
құзыретiне есiрткi бизнесiнiң ақшасын "жылыстату" фактiлерiн анықтау және жолын кесу кiретiн мемлекеттiк органдардың өзара iс-қимыл жасау тетiгiнiң жоқтығымен;
есiрткi қылмысының ұйымдасқан нысандарына қарсы күрес тиiмдiлiгiнiң жеткiлiксiздiгiмен;
есiрткiнi тұтынушылар жасының төмендеуiмен;
есiрткiге тәуелдiлiктен зардап шегетiн адамдарға алдын алу, емдеу және оңалту көмегiнiң жеткiлiксiз дамуымен;
есiрткiнiң екiншi айналымын болдырмау мақсатында оларды есепке алу, сақтау және жою тәртiбiн регламенттейтiн нормативтiк құқықтық кесiмдердiң сақталмауымен;
есiрткi бизнесiне қарсы күрес мәселелерiн регламенттейтiн ғылыми, әдiстемелiк және практикалық базаның жеткiлiксiздiгiмен;
әлеуметтiк-психологиялық оңалтудың тұтас жүйесiнiң болмауымен сипатталады.
Республикада есiрткiленудiң бетiн қайтару нашақорлыққа және есiрткi бизнесiне қарсы күресте барлық қоғамдық және мемлекеттiк институттардың күш-жiгерiн нақты жұмылдырғанда ғана мүмкiн болады.

4. Бағдарламаның мақсаты мен мiндеттерi

Бағдарламаның мақсаты есiрткiнi терiс пайдаланудың және олардың заңсыз айналымының өсуiн тоқтату, есiрткiлердiң таралуын қоғамға барынша аз қауiп келтiретiн деңгейге дейiн дәйектiлiкпен қысқарту үшiн жағдай жасау болып табылады.
Бағдарламаның аса маңызды мiндеттерiнiң қатарынан мыналарды бөлiп көрсету қажет:
Қазақстан Республикасында есiрткiге қарсы қызметтiң субъектiлерi арасындағы өзара iс-қимылды одан әрi дамыту;
есiрткiге қарсы қызметтi реттейтiн нормативтiк құқықтық базаны жетiлдiру;
есiрткi құралдарының, психотроптық заттар мен прекурсорлардың заңсыз айналымына қарсы iс-қимыл жасау тетiгiн жетiлдiру;
есiрткiге қарсы насихатты жетiлдiру, салауатты өмiр салтының дағдыларын сiңiру;
психикалық белсендi заттарға тәуелдi адамдар профилактикасының, диагностикасының, оларды емдеудiң, оңалтудың, қайта әлеуметтендiрудiң қазiргi заманғы технологияларын әзiрлеу;
наркологиялық емдеу-алдын алу мекемелерiнiң құрылымын, технологиясын, штаттық кестесiн және материалдық-техникалық базасын қазiргi заманғы наркологиялық көмек көрсетудi ұйымдастырудың заңнамамен бекiтiлген стандарттарына сәйкес келтiру;
автоматтандырылған психологиялық тестiлеудiң, есiрткiге қарсы мектеп және отбасылық бейнеқор мен кiтапхананың мамандандырылған бағдарламаларын құру және енгiзу;
жабайы өсетiн құрамында есiрткi бар өсiмдiктерге қарсы күрестiң ғылыми технологияларын әзiрлеу;
кейiннен ТМД-ға қатысушы мемлекеттердiң ұқсас жүйелерiмен ықпалдасу мақсатында жедел, статистикалық, есепке алу және өзге де мәлiметтермен алмасудың ведомствоаралық автоматтандырылған жүйелерiн құру;
мемлекеттiк шекараның бүкiл периметрi бойынша шекаралық бақылауды күшейту.

5. Бағдарламаны iске асырудың негiзгі бағыттары мен тетiктерi

Осы Бағдарламаны iске асыру мыналарға бағытталады:
Қазақстан Республикасында есiрткi ахуалының дамуының жай-күйiн және үрдiсiн талдауға, нашақорлыққа және есiрткi бизнесiне қарсы күрес саласындағы стратегиялар мен бағдарламаларды iске асыру барысы туралы ақпараттық-талдау материалдарын дайындауға;
мемлекеттiк органдармен бiрлесiп есiрткi құралдарының, психотроптық заттар мен прекурсорлардың айналымы, олардың заңсыз айналымына және оларды терiс пайдалануға қарсы iс-қимыл жасау саласындағы мемлекеттiк саясат пен стратегияны әзiрлеуге және iске асыруға;
заңнаманы қолдану практикасын талдау және қорытындылау жолымен есiрткi құралдарының, психотроптық заттар мен прекурсорлардың айналымы саласындағы заңнаманы жетiлдiруге;
есiрткi құралдарының, психотроптық заттар мен прекурсорлардың заңсыз айналымына қарсы iс-қимыл жасауға бағытталған жедел-алдын алу iс-шаралары мен операцияларын жүргiзуге;
республикалық және өңiрлiк деңгейде әрi бұқаралық ақпарат құралдары арқылы есiрткiге қарсы iс-шараларды жүргiзу жолымен қоғамдық иммунитеттi қалыптастыруға, балалар мен жастар үшiн қолжетiмдi спорттық-демалу мекемелерi кешенiн дамытуға;
нашақорлықпен, уытқұмарлықпен ауыратын адамдарға медициналық және әлеуметтiк-психологиялық көмек көрсету кешенiн жақсартуға, оны көрсету кезiнде азаматтардың құқықтары мен бостандықтарына кепiлдiктi қамтамасыз етуге, оңалту және алдын алу бағдарламаларын әзiрлеуге және енгiзуге, Есiрткiге тәуелдiлер үшiн бiрыңғай телефонмен консультация беру қызметiн дамытуға;
есiрткi құралдарының, психотроптық заттар мен прекурсорлардың айналымы, олардың заңсыз айналымына және оларды терiс пайдалануға қарсы iс-қимыл жасау саласында, оның iшiнде құрамында есiрткi бар өсiмдiктердi гербицидтермен және мәдени өсiмдiктермен ығыстыру саласында ғылыми зерттеулер жүргiзуге;
есiрткi құралдарының, психотроптық заттар мен прекурсорлардың айналымы саласындағы қызметтi жүзеге асыратын мамандарды, сондай-ақ есiрткi құралдары мен психотроптық заттарды пайдаланатын және пайдалануға бейiм адамдар профилактикасы, оларды емдеу мен әлеуметтiк оңалтуды ұйымдастыру саласындағы мамандарды оқыту және бiлiктiлiгiн арттыру жолымен мемлекеттiк органдарды ұйымдастырушылық-кадрлық тұрғыдан нығайтуға; "нашақорлық" диагнозы қойылған адамдарды медициналық-әлеуметтiк оңалтуға бағытталған бағдарламаларды және тиiстi қызметтердiң түр-түрiн құруға және дамытуға;
есiрткiнiң заңсыз айналымына және нашақорлыққа қарсы күрестi тиiмдi ұйымдастыру үшiн қажеттi техника мен жабдықтарды сатып алу жолымен нашақорлыққа және есiрткi бизнесiне қарсы күресте әрекет ететiн мемлекеттiк органдарды кадрлық және материалдық-техникалық тұрғыдан нығайтуға;
есiрткi құралдары, психотроптық заттар мен прекурсорлар айналымы саласындағы халықаралық ынтымақтастықтың тиiмдiлігiн одан әрi арттыруға, олардың заңсыз айналымы мен оларды терiс пайдалануға қарсы iс-қимыл жасауға. Есiрткi бизнесiне қарсы күресу ақпаратымен, тәжiрибесiмен және әдiстерiмен алмасу үшiн ғылыми-практикалық конференциялар, кездесулер өткiзуге.

6. Қажеттi ресурстар және оларды қаржыландыру көздерi

Бағдарламаны орындау оны iске асыру жөнiндегi iс-шаралар жоспарына сәйкес, республикалық және жергiліктi бюджеттерде тиiстi қаржы жылына көзделген қаражат есебiнен және оның шегiнде және бюджеттiк бағдарламалар мен заңнамада тыйым салынбаған басқа да көздер есебiнен жүзеге асырылатын болады.
Бағдарламаны iске асыру республикалық бюджет қаражатынан 2006 жылы - 678 млн. 506 мың теңге, 2007 жылы - 442 млн. 603 мың теңге, 2008 жылы - 752 млн. 163 мың теңге, жергiлiктi бюджет қаражатынан 2006 жылы - 341 млн. 333 мың теңге, 2007 жылы - 202 млн. 401 мың теңге, 2008 жылы - 203 млн. 344 мың теңге көлемiнде қаржыландыруды талап етедi.
2007 және 2008 жылдарға арналған шығыстар сомасы болжалды болып табылады және тиiстi қаржы жылына арналған республикалық және жергiлiктi бюджеттердің жобасын қалыптастыру кезiнде республикалық бюджеттiк комиссия және облыстардың, Астана және Алматы қалаларының бюджеттiк комиссиялары нақтылайтын болады.
Ескерту. 6-бөлімге өзгерту енгізілді - ҚР Үкіметінің 2007.04.11. N 288 қаулысымен.

7. Бағдарламаны iске асырудан күтiлетiн нәтиже

Бағдарламаны iске асыру мыналарға қол жеткiзуге мүмкiндiк бередi:
заңсыз айналымнан алынған есiрткi құралдарының, психотроптық заттар мен прекурсорлардың көлемiн ұлғайтуға;
есiрткi құралдарын, психотроптық заттар мен прекурсорларды терiс пайдалану нәтижесiнде жасалатын қылмыстардың санын азайтуға;
нашақорлықтың алдын алу жүйесi мен есiрткi бизнесiне қарсы іс-қимыл жасау тетiгiн одан әрi жетiлдiру арқылы есiрткi құралдарын, психотроптық заттарды және прекурсорларды терiс пайдаланылатын адамдардың анықталуын және оларды есепке қоюды ұлғайтуға;
нашақорлықпен ауыратын адамдардың профилактикасына, оларды емдеуге және оңалтуға, сондай-ақ есiрткi қылмысына қарсы күрес жөнiндегi құқық қорғау органдарының қызметiне жұмсалатын шығындарды оңтайландыруға;
нашақорлықпен ауыратын адамдарды емдеу, оңалту және қайта әлеуметтендiру әдiстемелерiн жетiлдiруге;
балалар мен жастар үшін қолжетiмдi спорттық-демалыс мекемелерi кешенін құруға;
есiрткiнiң заңсыз енуiне қарсы Қазақстан Республикасының кедендiк және мемлекеттік шекараларын бақылауды күшейтуге;
есiрткi құралдарының, психотроптық заттар мен прекурсорлардың айналымын мемлекеттiк бақылау жүйесiн жетілдiруге;
есiрткiнiң заңсыз айналымымен байланысты iстер бойынша сот iсiн жүргізуді жетiлдiруге;
есiрткiге сұранысты азайту, есiрткiге тәуелдi адамдарды емдеу және оңалту, есiрткiнiң заңсыз айналымының жолын кесу мақсатында олардың қаржылық және техникалық көмек көрсетуi үшiн халықаралық ұйымдар мен донор елдердiң назарын аудару жолымен халықаралық ынтымақтастықты нығайтуға;
түрлi өнеркәсiп өнiмдерi мен медициналық препараттар алу мақсатында құрамында есiрткi бар өсiмдiктердi өңдеу технологиясын әзiрлеуге.

8. Бағдарламаны іске асыру жөніндегі іс-шаралар жоспары

Ескерту. 8-бөлімге өзгерту енгізілді - ҚР Үкіметінің 2007.04.11. N 288 қаулысымен.

р/с N	Іс-шара	Аяқтау нысаны	Орындауға жауаптылар	Орындалу мерзімі
1	2	3	4	5
1. Нашақорлыққа және есірткі бизнесіне қарсы іс-қимыл жасау жөніндегі ұйымдастыру және талдау іс-шаралары
1.	Қазақстан Республикасын- дағы есірткі ахуалы дамуының жай-күйі мен үрдісіне талдауды жүзеге асыру	Үкіметке ақпарат беру	ІІМ (жинақ- тау), мүдделі мемлекет- тік органдар, облыстар- дың, Астана, Алматы қалалары- ның әкімдері	Тоқсан сайын, есеп беру тоқсанынан кейінгі айдың 17-күнінен кешіктір- мей
2.	Нашақорлыққа және есірткі бизнесіне қарсы күрестің 2009 - 2011 жылдарға арналған бағдарламасын әзірлеу	Үкімет қаулысының жобасы	ІІМ (жинақ- тау), мүдделі мемлекет- тік органдар, облыстар- дың, Астана, Алматы қалалары- ның әкімдері	2008 жылғы 4-тоқсан
3.	Есірткінің заңсыз айналы- мына байланысты қылмыс- тардың жасалуына күдікті адамдарды ұстау кезінде, сондай-ақ осы санаттағы істер бойынша үй-жайларды тінту, заттай айғақтарды табу және алу кезінде заңнама талапта- рының сақталуын прокурор- лық қадағалаудың жай-күйіне талдау жүргізу	Прокурорлық қадағалау актілері	БП (келісім бойынша)	2006 - 2008 жылдар
4.	Есірткінің заңсыз айналымымен байланысты қылмыстар туралы істер бойынша тергеу және сот практикасын талдауды жүзеге асыру	Прокурорлық қадағалау актілері, нормативтік қаулылар	БП (келісім бойынша), ЖС (келісім бойынша), ІІМ, ҰҚК (келісім бойынша), Қаржымині- нің КБК	2006-2008 жылдар
5.	Мемлекеттік органдардың есірткінің заңсыз айналы- мы нәтижесінде алынған ақшалай қаражатты немесе өзге де мүлікті заңдасты- руға қарсы күреске бағыт- талған қызметін талдау	Тиісті талдау	ІІМ (жинақ- тау), ЭСЖҚА (келісім бойынша), ҰҚК (келісім бойынша), Қаржымині- нің КБК, БП (келісім бойынша)	Жыл сайын 2006-2008 жылдар
6.	Нашақорлықтың және есірт- кі бизнесінің алдын алу және оған қарсы іс-кимыл жасау жөніндегі жұмысты үйлестіру мәселелері жөніндегі комиссияның қызметін ұйымдастыру	Комиссияның шешімдері	ІІМ	Тоқсан сайын 2006-2008 жылдар
7.	Тиісті мемлекеттік орган- дар мен комиссиялардың нашақорлыққа және есірткі бизнесіне қарсы күреске бағытталған қызметіне талдау жүргізу	Тиісті талдау	ІІМ	Маусым, желтоқсан 2006-2008 жылдар
2. Нашақорлыққа қарсы иммунитетті қалыптастыру жөніндегі ақпараттық-насихаттау іс-шаралары
8.	Республикалық және өңір- лік деңгейде халықаралық нашақорлыққа қарсы күрес күніне (26 маусым) арналған акция өткізу	Тиісті акция	ІІМ, БҒМ, ДСМ, өзге де мүдделі мемлекет- тік органдар, облыстар- дың, Астана, Алматы қалалары- ның, оның ішінде Ақмола, Қостанай, Оңтүстік Қазақстан облыста- рының әкімдері	2006-2008 жылдар шілде
9.	Халықаралық нашақорлыққа қарсы күрес күніне арнал- ған спорттық-бұқаралық іс-шаралар өткізу	Тиісті іс-шаралар	ТСМ, облыстар- дың, Астана, Алматы қалалары- ның, оның ішінде Қостанай облысының әкімдері	2006-2008 жылдар
10.	Мектеп оқушылары мен студенттер арасында есірткіге қарсы иммунитетті қалыптастыруға арналған "Спорт есірткіге қарсы", "Туризм есірткіге қарсы" спорттық-бұқаралық және туристік іс-шараларын өткізу	Тиісті іс-шаралар	ІІМ, ТСМ, өзге де мүдделі мемлекет- тік органдар, облыстар- дың, Астана, Алматы қалалары- ның, оның ішінде Ақмола, Батыс Қазақстан, Қостанай, Павлодар, Оңтүстік Қазақстан, Атырау облыста- рының әкімдері	2006-2008 жылдар
11.	Халыққа нашақорлыққа және есірткі бизнесіне қарсы күресте мемлекеттік органдар қабылдайтын шаралар туралы ақпарат беру жөніндегі ақпараттық-насихат жұмысын жүргізу	Баспасөз конференция- лары, жария- лымдар, сұх- бат, бейне- роликтер, акциялар, дөңгелек үстелдер, конференция- лар, семи- нарлар, шығармашылық конкурстар ұйымдастыру және оларды өткізу	ІІМ, ЭСЖҚА (келісім бойынша), МАМ, Қорғаныс- мині, өзге де мүдделі мемлекет- тік органдар, облыстар- дың, Астана, Алматы қала- ларының, оның ішінде Ақмола, Атырау, Қостанай, Қызылорда, Павлодар, Оңтүстік Қазақстан облыстары- ның әкімдері	2006-2008 жылдар
12.	Қылмыстық-атқару жүйесі мекемелерінде ұсталатын адамдар арасында есірт- кіге қарсы тақырыптағы ақпараттық материалдар шығару және тарату	Ақпараттық материалдар шығару және тарату	Әділетми- нінің ҚАЖК	2006-2008 жылдар
13.	Студенттер мен мектеп оқушыларының "Есірткісіз болашақ" республикалық қозғалысын дамыту жөнінде іс-шаралар өткізу	Акциялар, дөңгелек үстелдер, конференция- лар, семинарлар, шығармашылық конкурстар өткізу	ІІМ, БҒМ, облыстар- дың, Астана, Алматы қалалары- ның, оның ішінде Ақмола облысының әкімдері	2006-2008 жылдар
14.	Қоғамдық орындарда есірт- кіге қарсы тақырыптағы әлеуметтік жарнаманы орналастыру	Көрнекі үгіт құралдарын (жарнамалық қалқандар, билбордтар, плакаттар және т.б) орнату	Облыстар- дың, Астана, Алматы қалалары- ның, оның ішінде Оңтүстік Қазақстан облысының әкімдері	2006-2008 жылдар
15.	Дене шынықтырумен, спортпен, туризммен және т.б. айналысу үшін 12 жасқа толмаған балалар мен аз қамтылған және жайсыз отбасылардың 12 жастан асқан жеңілдік берілетін балалары тегін қатысатын спорт және демалыс секциялары мен клубтары желілерін дамыту	Секциялар және клубтар ашу	ТСМ, БҒМ, облыстар- дың, Астана, Алматы қалалары- ның, оның ішінде Атырау, Қостанай облыстары- ның әкімдері	2006-2008 жылдар
16.	Девиантты мінез-құлықты балалар мен жасөспірімдер үшін жазғы сауықтыру маусымын ұйымдастыру	ІІМ-ге ақпарат беру	БҒМ (жинақ- тау), облыстар- дың, Астана, Алматы қалалары- ның, оның ішінде Атырау, Оңтүстік Қазақстан облыстары- ның әкімдері	2006-2008 жылдар
17.	"Есірткісіз болашақ" ұранымен жастардың маз- мұнды демалысын ұйымдас- тыру жөніндегі шығарма- шылық конкурстар (үздік сурет, плакат, шығарма және т.б.), семинар тренингілер өткізу	Конкурстар, семинарлар, тренингілер	ІІМ, БҒМ, және өзге де мүдделі мемлекет- тік органдар, облыстар- дың, Астана, Алматы қалалары- ның, оның ішінде Ақмола, Қостанай, Оңтүстік Қазақстан облыстары- ның әкімдері	2006-2008 жылдар
18.	Спорт алаңдарын ашу және балалар мен жасөспірім- дерді спорттық ойындарға тарту	Спорт алаңдарын ашу	Облыстар- дың, Астана, Алматы қалалары- ның әкімдері
19.	Нашақорлыққа және есірткі бизнесіне қарсы күрес проблемаларына арналған "Есірткісіз болашақ" мерзімді журналын шығару	Журнал шығару	ІІМ	Тоқсан сайын 2006-2008 жылдар
20.	"Есірткі. Нашақорлық. Есірткі бизнесі" web-сайтын ашу және оған қолдау көрсетуді қамтама- сыз ету	web-сайтын ашу	ІІМ	2007-2008 жылдар
3. Нашақорлықтың алдын алу, нашақорлықпен ауыратындарды емдеу және оңалту жүйесін жетілдіру
21.	Есірткіге тәуелді адам- дарды емдеудің қазіргі заманғы әдістемелерін әзірлеуді және енгізуді қамтамасыз ету, есірткіге тәуелді адамдарды, оның ішінде кәмелетке толма- ғандарды медициналық- әлеуметтік оңалту қызмет- терін нығайтуды жалғасты- ру	Тиісті әдістемелер	ДСМ, облыстар- дың, Астана, Алматы қалалары- ның, оның ішінде Ақмола, Қостанай, Қызылорда, Маңғыстау, Павлодар, Солтүстік Қазақстан, Оңтүстік Қазақстан облыста- рының әкімдері	2006-2008 жылдар
22.	Барлық білім беру ұйымдарында медициналық кабинеттер желілерін кеңейту жөніндегі жұмысты жалғастыру, оларды медициналық кадрлармен, қажетті жабдықпен және дәрі-дәрмектермен қамта- масыз ету	Кабинеттер ашу	ДСМ, БҒМ, облыстар- дың, Астана, Алматы қалалары- ның әкімдері	2006-2008 жылдар
23.	Есірткіні теріс пайдала- натын кәмелетке толмаған- дарды уақтылы анықтау мақсатында психоневроло- гиялық диспансерлердегі, учаскелік емханалардағы жасөспірімдердің медициналық-психологиялық кабинеттері желісінің қызметін жетілдіруді жалғастыру	ІІМ-ге ақпарат беру	ДСМ (жи- нақтау), БҒМ, облыстар- дың, Астана, Алматы қалалары- ның әкімдері	Жыл сайын 2006-2008 жылдар
24.	Оқушылар мен студенттерді есірткі пайдалануды ерте анықтау мәніне тестілеу- ден өткізу мүмкіндігі туралы мәселені зерделеу	Тиісті ұсыныстар әзірлеу	ІІМ (жинақ- тау), БҒМ, ДСМ	2006 жылғы 4-тоқсан
25.	Есірткінің заңсыз айна- лымы фактілерін анықтау мен жолын кесуге, наша- қорлықтың алдын алуға бағытталған арнайы жедел- алдын алу іс-шараларын жүргізуді жалғастыру	Тиісті іс-шаралар	ІІМ, ҰҚК (келісім бойынша), Қаржымині- нің КБҚ, ЭСЖҚА (келісім бойынша)	2006-2008 жылдар
26.	Үкіметтік емес ұйымдарды, оның ішінде есірткіге тәуелді адамдардың профилактикасы, оларды емдеу және оңалту саласында жұмыс істейтін жастар бірлестіктерін қолдау жөніндегі іс-шараларды жалғастыру	ІІМ-ге ақпарат	БҒМ, (жинақ- тау), облыстар- дың, Астана, Алматы қалалары- ның әкімдері	Жарты жылда 1 рет 2006-2008 жылдар
27.	Есірткіге тәуелді адамдар үшін бірыңғай телефонмен консультация беру қызме- тінің жұмыс істеуін қамтамасыз ету	Тиісті іс-шаралар	ІІМ, Ақмола облысының әкімі	2006-2008 жылдар
28.	Медициналық емдеу курсы- нан өткен есірткіге тәуелді адамдарды әлеуметтік-психологиялық оңалтуды жалғастыру және Есірткіге тәуелді адам- дарды әлеуметтік- психологиялық оңалту орталығын және оның өкілдіктерін материалдық- техникалық нығайту	Есірткіге тәуелді адамдарды тиісті түрде оңалту, Орталықты және оның өкілдіктерін материалдық- техникалық нығайту	ІІМ	2006-2008 жылдар
29.	Оқу орындарын»нашақорлық- қа қарсы бағыттағы бағдарламалармен және әдебиеттермен қамтамасыз ету жөніндегі іс-шаралар- ды және салауатты өмір салтын насихаттауды жалғастыру	Тиісті іс-шаралар	БҒМ, ІІМ, ДСМ, облыстар- дың, Астана, Алматы қалалары- ның, оның ішінде Ақмола, облыста- рының әкімдері	2006-2008 жылдар
30.	Бастауыш және орта кәсіп- тік білім беру оқу орын- дарының оқытушылары үшін конференциялар мен семи- нарлар өткізу	Конференция- лар, семинарлар, әдістемелік ұсынымдар	БҒМ	2006-2008 жылдар
31.	Нашақорлықтың алдын алу саласында мемлекеттік органдар мен олардың аумақтық бөлімшелері деңгейінде Ұлттық дерек- қор жүйесін енгізуді жалғастыру	ІІМ, ДСМ, БҒМ, ТСМ арасында корпоратив- тік (ведомство- лық) ақпа- раттық желі ұйымдастыру	ІІМ, ДСМ, БҒМ, ТСМ	2006-2008 жылдар
4. Есірткі айналымын бақылаудың тиімділігін арттыру жөніндегі іс-шаралар, ғылыми зерттеулер
32.	Сораны ығыстыруды қамта- масыз етуге қабілетті перспективалы гербицидтер мен мәдени өсімдіктерді іріктеу жөніндегі жұмысты жалғастыру	ІІМ-ге ақпарат беру	АШМ	Жыл сайын 2007-2008 жылдар
33.	Отандық өндірісті дамыту мақсатында отандық өндірушілерден есірткіні табуға арналған жабдық, техника, химиялық жиынтықтар сатып алуды қамтамасыз ету	Есірткіні табуға арналған жабдық, техника, химиялық жиынтықтар сатып алу	ІІМ, ИСМ	2006-2008 жылдар
34.	ЕПП айналымын регламент- тейтін заңнаманы қолдану практикасын қорыту	Тиісті ұсыныстар әзірлеу	ІІМ (жинақ- тау), ДСМ, ҰҚК (келісім бойынша), Қаржымині- нің КБК, ЭСЖҚА (келісім бойынша), БП (келісім бойынша), Әділетмині	2006-2008 жылдар
35.	Есірткі айналымы саласын- дағы әліпбилік анықтама- лықты басып шығаруды қамтамасыз ету	Анықтамалық басып шығару	ДСМ	2006 жыл
36.	"Қазақстан Республикасы- ның оқу орындарында есірткілерді пайдалану жағдайын зерттеу" жыл сайынғы мониторингін өткізу	Мониторинг өткізу	ДСМ, БҒМ	2007-2008 жылдар
37.	Жыл сайын»"Қазақстан Республикасында есірткіге тәуелділік проблемаларын көпдеңгейлі зерттеуді" өткізу	Зерттеу өткізу	ДСМ	2007-2008 жылдар
38.	Білім беру жүйесінде нашақорлықтың алдын алу жөніндегі жұмысты ұйымдастыру мониторингін өткізу	Мониторинг өткізу	БҒМ	2008 жыл
5. Мемлекеттік органдардың нашақорлыққа және есірткі бизнесіне қарсы іс-қимыл жасауды жүзеге асыратын кадрлық және техникалық әлеуетін нығайту жөніндегі іс-шаралар
39.	Есірткі айналымын мемле- кеттік бақылау жүйесін жетілдіру жөніндегі оқыту семинарларын өткізу	Семинарлар, дөңгелек үстелдер	ІІМ, ДСМ, өзге де мүдделі мемлекет- тік органдар	2006-2008 жылдар
40.	Есірткінің заңсыз айналы- мы үшін әкімшілік және қылмыстық жауапкершілікті белгілейтін заңнаманы жетілдіру жөнінде семинарлар өткізу	Семинарлар, дөңгелек үстелдер	ІІМ, ҰҚК (келісім бойынша), Қаржымині- нің КБК, ЭСЖҚА (келісім бойынша), БП (келісім бойынша), Әділетмині, ДСМ	2006-2008 жылдар
41.	Нашақорлықтың алдын алу жөніндегі оқыту семинар- ларын өткізу	Семинарлар, дөңгелек үстелдер	ІІМ, БҒМ, ДСМ, МАМ, ТСМ, облыстар- дың, Астана, Алматы қалалары- ның, оның ішінде Атырау облысының әкімдері	2006-2008 жылдар
42.	Қылмыстық-атқару жүйесі- нің түзеу мекемелерінде емдеу-алдын алу қызметін жетілдіру жөніндегі оқыту семинарларын өткізу	Семинарлар, дөңгелек үстелдер, әдістемелік ұсынымдар	ІІМ, Әділетми- нінің ҚАЖК, ДСМ	2006-2008 жылдар
43.	Әділетминінің ССО бөлімшелері мен құқық қорғау органдарының өзара іс-қимыл жасасуын жетіл- діру жөнінде семинарлар өткізу	Семинарлар, дөңгелек үстелдер, әдістемелік ұсынымдар	ІІМ, Әділетми- нінің ССО, ҰҚК (келісім бойынша), Қаржымині- нің КБК, ЭСЖҚА (келісім бойынша), БП (келісім бойынша), ЖС (келісім бойынша)	2006-2008 жылдар
44.	Есірткі бизнесіне қарсы күрес ақпаратымен, тәжірибесімен және әдіс- терімен алмасу мақсатында мемлекеттік органдардың қызметін ведомствоаралық үйлестіру жөнінде семи- нарлар өткізу	Семинарлар, дөңгелек үстелдер, әдістемелік ұсынымдар	ІІМ, ҰҚК (келісім бойынша), Қаржымині- нің КБК, ЭСЖҚА (келісім бойынша), БП (келісім бойынша), Әділетми- нінің ССО	2006-2008 жылдар
45.	Педагогтар, әлеуметтік қызметкерлер, әлеуметтік педагогтар үшін есірткіге қарсы күрес тақырыбы бойынша жыл сайынғы білім беру циклдарын өткізу	Білім беру циклдарын өткізу, ІІМ-ге ақпарат беру	БҒМ, ДСМ, Еңбекмині	2006-2008 жылдар
46.*	ІІМ-нің Есірткі бизнесіне қарсы күрес жөніндегі ведомствоаралық оқу орта- лығын материалдық-техни- калық нығайтуды жалғасты- ру	Техникалық жарақтандыру	ІІМ	2006-2008 жылдар
47.	ІІМ-нің Есірткі бизнесіне қарсы күрес жөніндегі ведомствоаралық оқу орталығында мүдделі мемлекеттік органдардың қызметкерлерін оқытуды ұйымдастыру	Сертификат- тар беру	ІІМ, мүдделі мемлекет- тік органдар	2006-2008 жылдар
48.*	Жедел, статистикалық, есепке алу және өзге де деректермен алмасудың ведомствоаралық ақпараттық желілерін құру	Бірлескен бұйрық	ІІМ, ҰҚК (келісім бойынша), Қаржымині- нің КБК, ЭСЖҚА (келісім бойынша), ДСМ, Әділетми- нінің ССО	2006-2008 жылдар
49.	Есірткінің заңсыз айналы- мының жолын кесу мақса- тында құқық қорғау және арнайы органдардың кино- логиялық қызметтерін материалдық-техникалық қамтамасыз етуді жалғас- тыру	Материалдық- техникалық жарақтандыру	ІІМ, Қаржымині- нің КБК, Қорғаныс- мині, ҰҚК ШҚ (келісім бойынша), облыстар- дың, Астана, Алматы қалалары- ның, оның ішінде Қызылорда, Солтүстік Қазақстан, Атырау облыстары- ның әкімдері	2006-2008 жылдар
50.* *	Есірткінің заңсыз айналы- мының, оның ішінде олар- дың контрабандасы мен тасымалдаудың жолын кесу мақсатында құқық қорғау және арнайы органдардың материалдық-техникалық және кадрлық базасын нығайтуды жалғастыру, "Есірткі шебі" бөгеу жүйесін дамыту	Материалдық- техникалық нығайту	ІІМ, ҰҚК (келісім бойынша), ҰҚК ШҚ (келісім бойынша), Қаржымині- нің КБК, ЭСЖҚА (келісім бойынша), Әділетми- нінің ССО, Қорғаныс- мині, облыстар- дың, Астана, Алматы қалалары- ның, оның ішінде Ақмола, Қызылорда, Солтүстік Қазақстан, Атырау облыстары- ның әкімдері	2006-2008 жылдар
51.	"Допинг",»"Көкнәр", "Канал",»"Арна",»"Жасөс- пірім" - және т.б. арнайы жедел-алдын алу операция- ларын өткізу практикасын жалғастыру	Жедел-алдын алу опера- цияларын өткізу	ІІМ, ҰҚК (келісім бойынша), Қаржымині- нің КБК, ДСМ, БҒМ, облыстар- дың, Астана, Алматы қалалары- ның, оның ішінде Оңтүстік Қазақстан облысының әкімдері	2006-2008 жылдар
52.	Медициналық мекемелерде есірткі пайдалануға бейім мемлекеттік қызметке үміткерлерді және мемле- кеттік органдар қызмет- керлерін әскерге шақыры- лушыларды анықтау жөнін- дегі жұмысты ұйымдастыру	Ведомстволық нормативтік құқықтық кесімдер	ҰҚК (келісім бойынша), ДСМ, Қорғаныс- мині, ІІМ, ЭСЖҚА (келісім бойынша), облыстар- дың, Астана, Алматы қалалары- ның әкімдері	2006-2008 жылдар
53.	Есірткінің, сондай-ақ оның үлгілерінің заңсыз айналымымен байланысты оқиғалар, жеке және заңды тұлғалар туралы жедел ақпараттың ведомствоара- лық деректер банкін құру	Бірлескен бұйрық	ІІМ, ҰҚК (келісім бойынша), Қаржымині- нің КБК, ЭСЖҚА (келісім бойынша), БП (келісім бойынша), облыстар- дың, Астана, Алматы қалалары- ның, оның ішінде Ақмола облысының әкімдері	2006-2008 жылдар
6. Халықаралық ынтымақтастық
54.	Орталық Азия өңірі елде- рінде және есірткі бизне- сіне қарсы белсенді күресті жүзеге асырып жатқан басқа да мемлекет- терде Қазақстан Республи- касы құқық қорғау орган- дарының өкілдіктерін құру мәселелерін пысықтау	Тиісті ұсыныстар	ІІМ, ҰҚК (келісім бойынша), Қаржымині- нің КБК, ҰҚК ШҚ (келісім бойынша), ЭСЖҚА (келісім бойынша), БП (келісім бойынша)	2007-2008 жылдар
55.	Шарттық-құкықтық базаны жетілдіру, есірткінің заңсыз айналымына қарсы күрес саласындағы екіжақ- ты және көпжақты келісім- дерге қол қою жөніндегі жұмысты жалғастыру	Халықаралық шарттар	ІІМ, БП (келісім бойынша), ҰҚК (келісім бойынша), Қаржымині- нің КБК, ЭСЖҚА (келісім бойышпа), СІМ	2006-2008 жылдар
56.	Есірткі бизнесінен алын- ған кірістерді»жылыстату- дың жолын кесу, оларды тәркілеуге жәрдемдесу мәселелері бойынша өзара практикалық іс-кимыл жасасу мақсатында шетел- дердің құқық қорғау органдарымен және арнайы қызметтерімен ынтымақтас- тықты кеңейту	Халықаралық шарттар	ЭСЖҚА (келісім бойынша), БП (келісім бойынша), ҰҚК (келісім бойынша), Қаржымині- нің КБК, ҰҚК ШҚ (келісім бойынша)	2006-2008 жылдар
57.	Халықаралық ұйымдар мен донор-елдердің қаражатын нашақорлыққа және есірткі бизнесіне қарсы күрес саласына тарту жөніндегі жұмысты жалғастыру	Халықаралық шарттар, халықаралық жобаларға, семинарлар- ға, тренин- гілерге және курстарға қатысу	ІІМ, ҰҚК (келісім бойынша), Қаржымині- нің КБК, ҰҚК ШҚ (келісім бойынша), ЭСЖҚА (келісім бойынша), БП (келісім бойынша), СІМ	2006-2008 жылдар
	Барлығы			2006-2008 жылдар

кестенің жалғасы

N р/с	Болжанып отырған шығыстар (млн. теңге)
	Республикалық бюджет			Жергілікті бюджет
	2006	2007	2008	2006	2007	2008
	6	7	8	9	10	11
1.
2.
3.
4.
5.
6.
7.
8.	3,598	3,778	3,967	0,2 1,5 0,2 2,3	0,2 2,05 0,2 2,4	0,3 1,4 0,2 2,4
9.	1,667	1,754	1,754	0,066 0,035	0,075 0,035	0,075 0,035
10.	3,937 8,836	1,749 9,538	4,341 9,742	0,257 0,2 0,070 0,070 1,683 3,63 5,6 0,910	0,266 0,2 0,075 0,075 1,683 3,76 5,85 0,910	0,266 0,2 0,075 0,075 1,683 3,94 6,12 0,910
11.	31,833 0,250 24,131	33,346 0,250 25,579	35,095 0,300 15,109 4,0	0,05 0,6 3,692 2,6 1,2 1,3 0,7	0,05 0,6 3,692 2,6 1,2 0,2 0,7	0,05 0,6 3,692 2,6 1,2 0,3 0,7
12.	2,43	2,552	2,680
13.	1,455	0,455	1,604	0,570	0,714	0,741
14.				3,42
15.				18,357 120,0 8,871	2,4 4,032	6,4 36,771
16.				0,100 1,58	0,100 1,68	0,100 1,78
17.	1,957 0,675	1,501 0,709	2,158 0,744	1,0 0,04 0,75	1,3 0,04 0,85	1,3 0,04 0,95
19.	7,0	7,35	7,717
21.				15,0 1,0 7,9 22,6 7,62 58,252 4,928	45,7 1,0 1,2 0,5 14,2 85,989	15,0 1,0 0,5 96,353
26.	3,0	3,0	3,0
27.	3,394	0,913**	3,742	0,444
28.	35,165	36,689**	38,769
29.				2,312	3,006	3,006
30.	1,393		0,832
31.	1,410		1,554
32.			15,0
33.	5,04	5,292	5,557
35.	2,0
38.			0,712
39.	1,404 9,955	1,075 7,740	1,548
40.	0,100	0,051	0,110
41.	0,476 0,655	0,450	0,525	0,5	0,55	0,6
42.	0,215	0,010	0,237
43.	0,125	0,066	0,138
44.	0,025	0,013	0,027
45.	2,0	2,1	2,205
49.	12,733 6,324	12,920 3,556***	14,039 6,972 0,5	3,0 2,938 7,0	3,0	3,0
50.	349,180 58,061 50,800 43,282 4,0	115,980 60,964 53,340 45,883 4,0	283,343 64,012 56,007 47,718 4,0 84,405 13,5	0,608 1,130 22,0 0,668 1,3	0,310 7,0 1,3	7,0 1,3
51.				0,082	0,082	0,082
52.			14,5
53.				0,5	0,6	0,7
Бар- лығы	678,506	442,603	752,163	341,333	202,401	203,344

Ескертпе:
* іс-шаралар»"Қазақстан Республикасы Үкіметінің Біріккен Ұлттар Ұйымының Есірткі және қылмыс жөніндегі басқармасының жобалық құжаттарын жасасуы туралы" Қазақстан Республикасы Үкіметінің 2005 жылғы 25 қаңтардағы N 61 қаулысына сәйкес қаржыландырылады.
** іс-шаралар 001 "Республикалық деңгейде қоғамдық тәртіпті қорғау және қоғамдық қауіпсіздікті қамтамасыз ету" бағдарламасының
002 "Аумақтық органдардың аппараты" кіші бағдарламасы есебінен қаржыландырылады.
*** іс-шаралар 001 "Қарулы Күштердің жеке құрамын, қару-жарақтарын, әскери және өзге де техникаларын, жабдықтарын, жануарлары мен инфрақұрылымын ұстау" бюджеттік бағдарламасы есебінен
қаржыландырылады.
Аббревиатуралардың толық жазылуы:
ЭСЖҚА - Экономикалық қылмысқа және сыбайлас жемқорлыққа қарсы күрес агенттігі
ЖС - Жоғарғы Сот
БП - Бас Прокуратура
ҰҚК - Ұлттық қауіпсіздік комитеті
Қаржыминінің КБА - Қаржы министрлігінің Кедендік бақылау комитеті
Әділетминінің ҚАЖК - Әділет министрлігінің Қылмыстық-атқару жүйесі комитеті
ІІМ - Ішкі істер министрлігі
ДСМ - Денсаулық сақтау министрлігі
СІМ - Сыртқы істер министрлігі
ИСМ - Индустрия және сауда министрлігі
МАМ - Мәдениет және ақпарат министрлігі
ТСМ - Туризм және спорт министрлігі
Еңбекмині - Еңбек және халықты әлеуметтік қорғау министрлігі
Қорғанысмині - Қорғаныс министрлігі
БҒМ - Білім және ғылым министрлігі
АШМ - Ауыл шаруашылығы министрлігі
Әділетмині - Әділет министрлігі
ҰҚҚ ШҚ - Ұлттық қауіпсіздік комитетінің Шекара қызметі
Әділетминінің ССО - Әділет министрлігінің Сот-сараптамасы орталығы