"Мемлекеттiк сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес Қазақстан Республикасының Үкiметi ҚАУЛЫ ЕТЕДI:
1. "ҚазМұнайГаз" ұлттық компаниясы" акционерлiк қоғамы 2006 жылға арналған республикалық бюджетте 013 "Мемлекеттiк геологиялық зерделеу" бағдарламасы бойынша көзделген қаражат шегiнде сатып алудың маңызды стратегиялық мәнi бар Арал өңiрiндегi (Арал маңы учаскесi) көмiрсутегi шикiзатын iздестiру-бағалау жұмыстарын берушi болып белгiленсiн.
2. Қазақстан Республикасы Энергетика және минералдық ресурстар министрлiгi заңнамада белгiленген тәртiппен:
1) осы қаулының 1-тармағында көрсетiлген заңды тұлғамен жұмыстарды мемлекеттiк сатып алу туралы шарт жасасуды;
2) жұмыстарды сатып алу үшiн осы қаулыға сәйкес пайдаланылатын ақшаны оңтайлы және тиiмдi жұмсау қағидатын сақтауды;
3) осы қаулыдан туындайтын өзге де шараларды қабылдауды қамтамасыз етсiн.
3. Қазақстан Республикасы Қаржы министрлiгi заңнамада белгiленген тәртiппен бөлiнген қаражаттың мақсатты пайдаланылуы үшiн бақылауды жүзеге асырсын.
4. Осы қаулы қол қойылған күнiнен бастап қолданысқа енгiзiледi.
Қазақстан Республикасының
Премьер-Министрi
