Қазақстан Республикасының Үкiметi
ҚАУЛЫ ЕТЕДI:
1. Қоса берiлiп отырған 2003 жылғы 19 қыркүйектегi Бiртұтас
экономикалық кеңiстiк құру туралы келiсiмге қатысушы мемлекеттердiң
сыртқы экономикалық қызметiнiң бiрыңғай тауар номенклатурасы туралы
келiсiмнiң жобасы мақұлдансын.
2. Қазақстан Республикасының Қаржы вице-министрi Әлихан Асханұлы Смайыловқа қағидаттық сипаты жоқ өзгерiстер мен толықтырулар енгiзуге рұқсат бере отырып, Қазақстан Республикасының Үкiметi атынан 2003 жылғы 19 қыркүйектегi Бiртұтас экономикалық кеңiстiк құру туралы келiсiмге қатысушы мемлекеттердiң сыртқы экономикалық қызметiнiң бiрыңғай тауар номенклатурасы туралы келiсiмге қол қоюға өкiлеттiк берiлсiн.
3. Осы қаулы қол қойылған күнiнен бастап қолданысқа енгiзiледi.
Қазақстан Республикасының
Премьер-Министрі
Жоба
2003 жылғы 19 қыркүйектегi Бiртұтас экономикалық
кеңiстiк құру туралы келiсiмге қатысушы
мемлекеттердiң сыртқы экономикалық қызметiнiң
бiрыңғай тауар номенклатурасы туралы
келiсiм
2003 жылғы 19 қыркүйектегi Бiртұтас экономикалық кеңiстiк құру туралы келiсiмге қатысушы мемлекеттердiң үкiметтерi, бұдан әрi - Тараптар, теңдiк және өзара пайда негiзiнде Бiртұтас экономикалық кеңiстiк шеңберiндегi көп жақты сауда-экономикалық ынтымақтастықты одан әрi дамытуға өздерiнiң адалдықтарын растай отырып,
сыртқы экономикалық қызметтi реттейтiн нормативтiк және құқықтық
кесiмдердi бiрiздендiруге, кедендiк рәсiмдердi, алымдарды және статистикалық деректердi салыстыруды оңайлатуға ұмтыла отырып,
төмендегiлер туралы келiстi:
1. Сыртқы экономикалық қызметтiң тарифтiк және тарифтiк емес реттеу шараларын жүзеге асыру, статистикалық есеп жүргiзу мен статистикалық ақпарат алмасуды жетiлдiру үшiн Тараптар Бiртұтас экономикалық кеңiстiктiң Сыртқы экономикалық қызметiнiң бiрыңғай тауар номенклатурасы (бұдан әрi - БЭК СЭҚ ТН) ретiнде Дүниежүзiлiк кеден ұйымының тауарларды сипаттау мен кодтаудың үйлестiрiлген жүйесiне (бұдан әрi - ҰЖ) негiзделген он таңбалы тауар номенклатурасын қабылдайды.
2. БЭК СЭҚ ТН YЖ-ның төртiншi басылымының негiзiнде қалыптасады (2007 жылғы YЖ).
3. Осы Келiсiмде Тараптарға өздерiнiң сыртқы экономикалық қызметiнiң ұлттық тауар номенклатурасында тауарларды он таңбалы сандық кодтан асатын неғұрлым терең жiктеу үшiн кiшi бөлiмдер жасауға ешқандай тыйым салынбайды.
1. Бiртұтас экономикалық кеңiстiктiң комиссиясы БЭК СЭҚ ТН жүргiзудi оған жалпы кедендiк тарифтi қалыптастыру жөнiндегi өкiлеттiлiк берiлгеннен кейiн жүзеге асырады.
2. Осы баптың 1-тармағында көрсетiлген орган құрылғанға және ол жалпы кедендiк тарифтi қалыптастыру жөнiндегi функцияларды жүзеге асырғанға дейiнгi кезеңде БЭК CЭҚ TH жүргiзудi Ресей Федерациясының орталық кеден органы жүзеге асырады.
3. БЭК СЭҚ ТН-ды Тараптар мемлекеттерiнiң уәкiлеттi құзыреттi
органдарының басшылары бекiтедi және ерте дегенде 2007 жылғы 1 қаңтарда күшiне енедi.
Тараптардың өзара келiсiмi бойынша Осы Келiсiмге хаттамамен
ресiмделетiн өзгерiстер мен толықтырулар енгiзiлуi мүмкiн.
Осы Келiсiмнiң ережелерiн түсiндiруге және/немесе қолдануға қатысты Тараптардың арасындағы даулар мен келiспеушiлiктер Тараптар арасында консультациялар және келiссөздер жолымен шешіледi.
Келiсiмге қол жеткiзiлмеген жағдайда Тараптардың кез келгенi Бiртұтас экономикалық кеңiстiк шеңберiндегi Дауларды шешу жөнiндегi органға дауды шешуге бере алады.
Кез келген мемлекет осы Келiсiмге қатысушы бола алады.
Осы Келiсiмге қосылудың шарттары осы Келiсiмге қатысушы
мемлекеттер мен қосылатын мемлекет арасында жасалған халықаралық шартта айқындалады.
Осы Келiсiмнiң күшiне ену және одан шығу тәртiбi Бiртұтас
экономикалық кеңiстiк құру жөнiндегi халықаралық шарттардың күшiне ену және олардан шығу тәртiбi туралы хаттамада белгiленедi.
200 жылғы ______________________________қаласында орыс тiлiнде бiр түпнұсқа данада жасалды. Түпнұсқа дана Депозитарийде сақталады. Депозитарийдiң функцияларын Бiртұтас экономикалық кеңiстiктiң комиссиясына бергенге дейiн Қазақстан Республикасы осы Келiсiмнiң Депозитарийi болып табылады.
Депозитарий осы Келiсiмге қол қойған Тараптардың әрқайсысына оның куәландырылған көшiрмесiн жiбередi.
Беларусь Республикасының Ресей Федерациясының
Үкiметi үшiн Үкiметi үшiн
Қазақстан Республикасының Украина Министрлер
Үкiметi үшiн Кабинетi үшiн
