Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Тәуелсіз Мемлекеттер Достастығына қатысушы мемлекеттердің 2012 жылға дейінгі кезеңге арналған мемлекетаралық радионавигациялық бағдарламасының жобасы мақұлдансын.
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2010 жылғы 19 мамырдағы
№ 440 қаулысымен
мақұлданған
жоба
КЕЛІСІЛДІ КЕЛІСІЛДІ КЕЛІСІЛДІ
Беларусь Қазақстан Ресей
Республикасы Республикасы Федерациясы
Мемлекеттік әскери- Ұлттық ғарыш Өнеркәсіп және сауда
өнеркәсіп комитеті агенттігі төрағасының министрінің
төрағасының орынбасары орынбасары орынбасары
О.С. Паферов М.М. Молдабеков Ю.И. Борисов
2009 жылғы « » 2009 жылғы « » 2009 жылғы « »
ТӘУЕЛСІЗ МЕМЛЕКЕТТЕР ДОСТАСТЫҒЫНА ҚАТЫСУШЫ
МЕМЛЕКЕТТЕРДІҢ 2012 ЖЫЛҒА ДЕЙІНГІ КЕЗЕҢГЕ АРНАЛҒАН
МЕМЛЕКЕТАРАЛЫҚ РАДИОНАВИГАЦИЯЛЫҚ БАҒДАРЛАМАСЫ
Тәуелсіз Мемлекеттер Достастығына қатысушы мемлекеттердің
2012 жылға дейінгі кезеңге арналған мемлекетаралық
радионавигациялық бағдарламасының
ПАСПОРТЫ
Бағдарламаның - Тәуелсіз Мемлекеттер Достастығына қатысушы
атауы мемлекеттердің 2012 жылға дейінгі кезеңге
арналған мемлекетаралық радионавигациялық
бағдарламасы
Бағдарламаны - «Радионавигация» мемлекетаралық кеңесінің 2004
әзірлеу үшін жылғы 9 желтоқсандағы шешімі Тәуелсіз
негіздеме Мемлекеттер Достастығы (ТМД) экономикалық
кеңесінің 2005 жылғы 23 мамырдағы және 2008
жылғы 4 сәуірдегі шешімдері
Бағдарламаның - Ресей Федерациясының Өнеркәсіп және сауда
мемлекеттік министрлігі
тапсырыс Беларусь Республикасының Мемлекеттік
берушілері әскери-өнеркәсіптік комитеті
Қазақстан Республикасы Ұлттық ғарыш агенттігі
Бағдарламаның - Ресей Федерациясының Өнеркәсіп және сауда
негізгі министрлігі
әзірлеушілері Ресей Федерациясының Көлік министрлігі
Беларусь Республикасының Мемлекеттік
әскери-өнеркәсіптік комитеті
Қазақстан Республикасы Білім және ғылым
министрлігі
Қазақстан Республикасы Ұлттық ғарыш агенттігі
Бағдарламаның - Бағдарламаның негізгі мақсаттары:
негізгі спутниктік технологияларды қолдану есебінен
мақсаттары мен ТМД-ға қатысушы мемлекеттердің аумақтарында
міндеттері радионавигациялық өрісті одан әрі дамыту,
ұлғайту және жетілдіру;
тұтынушылардың навигациялық қамтамасыз етуге
талаптарының өскенін барынша қанағаттандыру үшін
Достастық мемлекеттерінің, сол сияқты Еуропа
мемлекеттерінің шеңберінде ғарыштық және жерүсті
радионавигациялық жүйелердің өрістерін бірігіп
пайдалану;
халықаралық азаматтық авиация ұйымының (ИКАО),
Халықаралық теңіз ұйымының (ИМО), Халықаралық
шамшырақ қызметтері қауымдастығының (МАМС),
Ресей Федерациясы, АҚШ және Еуропа
радионавигациялық жоспарларының техникалық
саясатын ескере отырып, ТМД-ға қатысушы
мемлекеттердің радионавигация саласындағы өзара
келісілген техникалық саясатын үйлестіру және
іске асыру болып табылады.
Бағдарламаның негізгі міндеттері:
радионавигациялық жүйелердің техникалық
құралдарын жасауды және дамытуды қамтамасыз ету;
бәсекеге қабілетті навигациялық тұтынушылық
аппаратураны әзірлеуді және жасауды,
радионавигациялық жабдыққа және спутниктік әрі
жерүсті жүйелердің қызметтеріне жаппай сұранысты
ынталандыруды қамтамасыз ету;
қазіргі заманғы радионавигациялық құралдарды
кеңінен пайдалану есебінен ТМД-ға қатысушы
мемлекеттердің ұжымдық қауіпсіздігін күшейту;
радионавигация саласындағы халықаралық
келісімдердің және ТМД-ға қатысушы-мемлекеттер
міндеттемелерінің орындалуын қамтамасыз ету;
халықаралық ынтымақтастықты дамыту және
халықаралық жобаларға қатысу;
радионавигациялық жүйелерді одан әрі дамыту
мүддесінде ғылыми-техникалық және технологиялық
негіздер құру және дамыту болып табылады.
Бағдарламаны - 2010-2012 жылдар
іске асыру мерзімі
Кіші - Бағдарлама 3 кіші бағдарламадан тұрады:
бағдарламалар I кіші бағдарлама «Ұлттық жүйелердің негізінде
тізбесі ТМД-ға қатысушы мемлекеттердің радионавигациялық
жүйелерінің жұмыс істеуін және дамуын ұйымдық
қамтамасыз ету»;
II кіші бағдарлама «Тұтынушыларға арналған
жабдық пен аппаратураны әзірлеуді қамтамасыз
ету»;
ІІІ кіші бағдарлама «ТМД-ға қатысушы мемлекеттер
тұтынушыларының мүддесінде радионавигациялық
қамтамасыз ету құралдарын пайдалану».
Бағдарламаның - Ресей Федерациясының, Беларусь Республикасының
Бас және Қазақстан Республикасының ғылыми-зерттеу
орындаушылары ұйымдары.
Бағдарламаны - Бағдарламаны қаржыландыру көлемі Ресей
қаржыландыру Федерациясының 450 млн. рублін құрайды.
көлемі мен Қаржыландыру ТМД-ға қатысушы мемлекеттердің
көздері бюджеттік және бюджеттен тыс көздерінен үлестік
жарналар есебінен жүзеге асырылады (ТМД
үкіметтері басшылары кеңесінің 2004 жылғы 16
сәуірдегі шешімімен бекітілген ТМД
мемлекетаралық нысаналы бағдарламаларын әзірлеу,
іске асыру және қаржыландыру тәртібіне сәйкес).
Бағдарламаны - Бағдарламаны іске асырудан күтілетін түпкі
іске асырудан нәтижелер мыналар:
күтілетін түпкі радионавигацияны пайдалану саласында ТМД-ға
нәтижелер қатысушы мемлекеттердің тәуелсіздігін қамтамасыз
ету үшін жағдай жасау;
халық шаруашылығы, ғылым және қорғаныс
мақсатындағы объектілерді навигациялық-уақыттық
қамтамасыз ету міндеттерін жаңа сапалы деңгейде
шешу;
ТМД-ға қатысушы мемлекеттердің көлік кешенінің
қауіпсіз жұмыс істеуін және жұмысының
тиімділігін арттыру;
радионавигациялық жүйелерді одан әрі дамыту және
навигациялық қызметтердің әлемдік нарығында
олардың бәсекеге қабілеттілігін қамтамасыз ету
үшін ғылыми-техникалық, технологиялық және
өндірістік негіздер жасау және дамыту болып
табылады.
Бағдарламаның - Бағдарламаны іске асыруды бақылау белгіленген
орындалуын тәртіппен жүзеге асырылады (Тәуелсіз Мемлекеттер
бақылауды Достастығының үкіметтері басшылары кеңесінің
ұйымдастыру 2004 жылғы 16 сәуірдегі шешімімен бекітілген
жүйесі Тәуелсіз Мемлекеттер Достастығының
мемлекетаралық нысаналы бағдарламаларын әзірлеу,
іске асыру және қаржыландыру тәртібінің VII
Бағдарламаларды іске асыруды басқару және
олардың орындалу барысын бақылау бөлімі).
1. Проблеманың мазмұны және оны бағдарламалық әдістермен
шешу қажеттілігінің негіздемесі
ТМД-ға қатысушы мемлекеттердің аумағында алыс және жақын навигацияның жерүсті радионавигациялық жүйелерін пайдалануға негізделген навигациялық қамтамасыз етудің дамыған инфрақұрылымы құрылған және қазір қолданыста. Бірақ, бұл инфрақұрылымда Тәуелсіз Мемлекеттер Достастығына қатысушы мемлекеттердің мемлекетаралық радионавигациялық бағдарламасы жарыққа шыққан сәттен бастап (1994 жылғы басылым) маңызды өзгерістер орын алды.
Азаматтық әуе тұтынушыларына арналған Жақын навигацияның негізгі жерүсті радиотехникалық жүйесі (ЖНРЖ) жиіліктер диапазонының халықаралық талаптарға сәйкес келмейтіндігіне және іс жүзінде қалған амортизациялық мерзімнің аздығына байланысты негізгі жүйе мәртебесін сақтап қала алмайды. Ең тығыз орналасқан жерүсті жетекті радиостанциялар желісі (СРЖ) дәлдігі жағынан қанағаттанғысыз сипатқа ие. Алыс навигацияның радиотехникалық жүйелерінің («Маршрут», «Тропик») қазіргі пішін үйлесіміндегі қамту аймағы азаматтық тұтынушылардың басым бөлігін қанағаттандырмайды, осының салдарынан олар осы жүйелермен жұмыс істейтін борттық қабылдағыш индикаторлармен жабдықталмаған.
Өзінің техникалық сипаттамалары бойынша дәстүрлі жерүсті радионавигациялық жүйелерінен (РНЖ) едәуір артықшылығы бар ГЛОНАСС (Ресей) және GPS (АҚШ) жаһандық навигациялық спутниктік жүйелерін 1993-1995 жылдары пайдалануға енгізу маңызды оқиға болды.
Алайда, қаржыландыру жеткіліксіздігі салдарынан ГЛОНАСС орбиталық топтамасын толық құрамда сақтап қалу, ГЛОНАСС/GPS сигналдары бойынша жұмыс істейтін біріктірілген борттық қабылдағыш индикаторларын қолданысқа кеңінен енгізу, спутниктік жүйелердің сараланған кіші жүйелерін құру және енгізу мүмкін болмады. Дегенмен, «Жаһандық навигациялық жүйе» федералдық нысаналы бағдарламасына (Ресей) сәйкес ГЛОНАСС орбиталық топтамасы 2009 жылы жұмысқа жарамды құрамға (18 ҒA) дейін қалпына келтірілді және 2010 жылы толық құрамға (24 ҒА) жеткізілді.
Сонымен қатар, көлік тасымалдарының қауіпсіздігін арттыру және тиімділігін қамтамасыз ету міндеттеріне орай тұтынушылардың радионавигациялық жүйелерге, атап айтқанда, РНЖ-ні қолдану аймақтарына, орналасқан жерді анықтау дәлдігіне, тұтастығына, сенімділігіне және қолжетімділігіне қоятын талаптары едәуір өсті. Бұл ретте ИКАО және ИМО халықаралық ұйымдары талап етілетін навигациялық сипаттамалар бойынша жаңа перспективалы стандарттарды практикаға енгізді.
ТМД-ға қатысушы мемлекеттер аумағының және олардың әуе кеңістіктерінің геосаяси жағдайының бірегейлігі Еуропа және Солтүстік Атлант өңірі елдерінен Орталық, Оңтүстік шығыс Азия және Тынық мұхиты өңірі елдеріне ішкі және транзиттік операцияларды жүзеге асыру қажеттілігін алдын ала айқындайды. Бұл ТМД-ға қатысушы мемлекеттердің көлік инфрақұрылымын әлемдік көлік жүйесінің құрамдас бөлігі ретінде дамытудың орындығылын объективті түрде негіздейді.
Мемлекетаралық көлік тасымалдарының болжалды интермодальдық сипатына, ТМД-ға қатысушы мемлекеттердің бүкіл аумағында көліктің қауіпсіз өту қажеттілігіне байланысты көліктің бір түрінен екінші түріне жолаушыларды қайта отырғызу және жүктерді қайта арту уақытын үйлестіру мәселелерін қоса алғанда, навигациялық сипаттарды сақтау дәлдігі және көлік процесін басқару сенімділігі бойынша қолданыстағы және перспективалы талаптар мен стандарттарды қанағаттандыру мақсатында көлікті толық навигациялық-басқару ақпаратымен қамтамасыз ету мәселесі неғұрлым өзекті болып табылады.
Тәуелсіз Мемлекеттер Достастығына қатысушы мемлекеттердің алдыңғы Мемлекетаралық радионавигациялық бағдарламаларының (1994 және 2001 жылғы басылымдар) негізгі ережелерін іске асыру тұтынушыларды навигациялық қамтамасыз етудің алыс және жақын навигация жерүсті РНЖ-ні пайдалануға негізделген қолданыстағы инфрақұрылымын сақтап қалуға, ғарыштық технологияларды енгізуді бастауға, борттық жабдықты одан әрі жетілдіру мен біріктірудің және жерүсті жабдықтарын біріздендіруді жолдарын белгілеуге мүмкіндік берді.
Қазіргі кезде ГЛОНАСС спутниктік радионавигациялық өрісі нақты іс-жүзінде қолданыста және даму үстінде екенін ескере отырып әрі АҚШ пен Еуропа Одағының тиісінше GPS және Галилео саласындағы саясатының негізгі қағидаларын назарға ала отырып, бүгінгі күні және перспективада ГЛОНАСС жүйесін басымдылықпен қолдана отырып, жаһандық навигациялық спутниктік жүйелерді олардың функционалдық толықтамаларымен бірге қолдану және жерүсті РНЖ-нің қажетті санын сақтап қалу басты бағыт болуы тиіс.
Осыған байланысты ТМД-ға қатысушы мемлекеттердің радионавигациялық жүйелерді пайдалану стратегиялары нақтылауды қажет етеді; осыған сәйкес Достастық мемлекеттерімен, сондай-ақ Еуропа мемлекеттерімен бірлескен радионавигациялық өріс құруды ескере отырып, РНЖ-нің жерүсті инфрақұрылымын түзету қажет.
Ғарыштық және жерүсті радионавигациялық жүйелерінің күрделілігі, навигациялық қызметтердің тапсырыс берушілерінің, орындаушыларының және тұтынушыларының әр алуандығы, сондай-ақ ресурстық шектеулер ғарыштық және жерүсті жүйелердің радионавигациялық өрістерін қолдау, дамыту және пайдалану міндеттерін шешу бағдарламалық-мақсатты тәсілді қолдану қажеттілігін негіздейді. Проблеманың ведомствоаралық және өңіраралық сипаты бар әрі мемлекетаралық деңгейде кешенді ұстанымды талап етеді.
Осы кезеңде радионавигация саласындағы саясаттың мақсаты бұл бағытта жүргізілетін барлық жұмыстарды Тәуелсіз Мемлекеттер Достастығына қатысушы мемлекеттердің бірыңғай Мемлекетаралық радионавигациялық бағдарламасының шеңберіне біріктіру болып табылады, бұл Бағдарламаны іске асыру олардың ғарыш және жерүсті жүйелерінің радионавигациялық өрістерін әлеуметтік-экономикалық, сол сияқты әскери салаларда пайдалану мен дамытудағы күш-жігерін үйлестіруді, бюджет қаражатын Бағдарламаның басым мақсаттарын (міндеттерін) іске асыруға шоғырландыруға және бюджеттен тыс көздерді тарту үшін негіз құруға мүмкіндік береді.
2. Бағдарламаның негізгі мақсаттары мен міндеттері
Бағдарламаның негізгі мақсаттары:
спутниктік технологияларды және жерүсті РНЖ-ні пайдалану есебінен ТМД-ға қатысушы мемлекеттер аумақтарында радионавигациялық өрістерді одан әрі дамыту, өрістету және жетілдіру;
тұтынушылардың навигациялық қамтамасыз етуге талаптарының өскенін барынша қанағаттандыру үшін ғарыштық және жерүсті радионавигациялық жүйелерінің өрістерін Достастық мемлекеттерінің, сол сияқты Еуропа мемлекеттерінің шеңберінде біріктіріп пайдалану;
ТМД-ға қатысушы мемлекеттердің радионавигация саласындағы өзара келісілген техникалық саясатын Халықаралық азаматтық авиация ұйымының (ИКАО), Халықаралық теңіз ұйымының (ИМО), Халықаралық шамшырақ қызметтері қауымдастығының (ХШҚҚ) техникалық саясаттарын, Ресей Федерациясының, АҚШ-тың және Еуропаның радионавигациялық жоспарларын ескере отырып үйлестіру және іске асыру болып табылады.
Бағдарламаның негізгі міндеттері:
радионавигациялық жүйелердің техникалық құралдарын құруды және дамытуды қамтамасыз ету;
тұтынушылардың бәсекеге қабілетті навигациялық аппаратурасын әзірлеуді және жасауды, радионавигациялық жабдық пен спутниктік және жерүсті жүйелердің қызметтеріне жаппай бұқаралық сұранысты ынталандыруды қамтамасыз ету;
қазіргі заманғы радионавигация құралдарын кеңінен пайдалану есебінен ТМД-ға қатысушы мемлекеттердің ұжымдық қауіпсіздігін күшейту;
ТМД-ға қатысушы мемлекеттердің радионавигация саласындағы халықаралық келісімдері мен міндеттемелерінің орындалуын қамтамасыз ету;
халықаралық ынтымақтастықты дамыту және халықаралық жобаларға қатысу;
радионавигациялық жүйелерді одан әрі дамыту мүддесінде ғылыми-техникалық және технологиялық негіздер құру және дамыту болып табылады.
3. Бағдарламаны іске асыру мерзімі
Бағдарлама 2012 жылға дейінгі кезеңге есептелген.
Бағдарламаның мақсаттары, міндеттері мен іс-шаралары ғарыш қызметі саласында Беларусь Республикасы, Қазақстан Республикасы, Ресей Федерациясы іске асырып отырған нысаналы бағдарламалармен, соның ішінде, Ресей Федерациясының «Жаһандық навигациялық жүйе» федералдық нысаналы бағдарламасымен, Беларуссияның Ұлттық ғарыш кеңістігін зерттеу және бейбіт мақсаттарда пайдалану бағдарламасымен, Қазақстан Республикасын үдемелі индустриялық-инновациялық дамытудың 2010 - 2014 жылдарға арналған мемлекеттік бағдарламасымен үйлестірілген.
4. Бағдарламалық іс-шаралар жүйесі
Бағдарлама шеңберінде өзара байланысқан және үйлестірілген, құрылымы жағынан 3 кіші бағдарламаға біріктірілген іс-шаралар (іс-шаралардың тізбесі қоса беріліп отыр) кешенін жүзеге асыру жоспарланып отыр:
«Ұлттық жүйелер негізінде ТМД-ға қатысушы мемлекеттердің радионавигациялық жүйелерінің жұмыс істеуін және дамуын ұйымдық қамтамасыз ету» деген I кіші бағдарлама мынадай іс-шараларды қамтиды:
ТМД-ға қатысушы мемлекеттердің радионавигациялық жоспарын әзірлеу;
ТМД-ға қатысушы мемлекеттерде Радионавигация жөніндегі мемлекетаралық және ұлттық ақпарат орталықтары құрамында «Радионавигация» мемлекетаралық ғылыми-ақпараттық жүйесін құру.
«Тұтынушыларға арналған жабдық пен аппаратураны әзірлеуді қамтамасыз ету» деген II кіші бағдарлама мынадай іс-шараларды қамтиды:
тұтынушылардың радионавигациялық жабдығы мен аппаратурасын сертификаттау үшін ТМД-ға қатысушы мемлекеттердің сынау орталықтарын құру;
ТМД-да тұтынушылардың радионавигациялық жабдығы мен аппаратурасын, сондай-ақ радионавигациялық картографиялық өнімге сертификаттау жүргізу өлшемдері мен тәртібіне бірыңғай талаптарды қамтамасыз ететін сертификаттау жүйесінің жобасын әзірлеу;
бәсекеге қабілетті және жоғары технологиялық тұтынушылар аппаратурасы мен функционалдық толықтыру құралдарын жасауға арналған техникалық кескінін, схемалық-техникалық, бағдарламалық және конструктивті шешімдерді әзірлеу.
«ТМД-ға қатысушы мемлекеттер тұтынушыларының мүддесінде радионавигациялық қамтамасыз ету құралдарын пайдалану» деген III кіші бағдарлама мынадай іс-шараларды қамтиды:
тұтынушылар аппаратурасында ЖНСЖ сигналдарын пайдалану мүмкіндігін қамтамасыз ететін нормативтік-техникалық құжаттама әзірлеу;
халықаралық нормалар мен талаптарға жауап беретін ТМД елдері жерүсті көлігінің зияткерлік жүйесін құру жөнінде тұжырымдама және техникалық ұсыныстар әзірлеу;
ТМД-ға қатысушы мемлекеттер тұтынушыларының әртүрлі топтарының мүддесінде радионавигациялық ақпаратты пайдалануды айқындайтын тұжырымдама әзірлеу.
5. Бағдарламаны іске асыру тетігі
Бағдарламаның үйлестіруші тапсырыс берушісі Ресей Федерациясының Өнеркәсіп және сауда министрлігі.
Бағдарламаға ұлттық мемлекеттік тапсырыс берушілер:
Ресей Федерациясының Өнеркәсіп және сауда министрлігі,
Беларусь Республикасының Мемлекеттік әскери-өнеркәсіптік
комитеті,
Қазақстан Республикасы Ұлттық ғарыш агенттігі.
Мемлекеттік тапсырыс берушілердің функциялары Тәуелсіз Мемлекеттер Достастығы үкіметтері басшылары кеңесінің 2004 жылғы 16 сәуірдегі шешімімен бекітілген Тәуелсіз Мемлекеттер Достастығының мемлекетаралық нысаналы бағдарламаларын әзірлеу, іске асыру және қаржыландару тәртібінде айқындалған.
Жұмыстарды орындау нәтижелерін жыл сайынғы Бағдарламаны іске асыру жөніндегі іс-шаралар жоспарларын бекітетін, «Радионавигация» мемлекетаралық кеңесі қарайды.
6. Бағдарламаны ресурстық қамтамасыз ету
Бағдарламаны ресурстық қамтамасыз ету ТМД-ға қатысушы мемлекеттер бюджеті қаражатының және олардың бюджеттен тыс қаржыландыру көздерін тартуы есебінен жүзеге асырылады.
ТМД-ға қатысушы мемлекеттердің жұмыстарды қаржыландыруға үлестік қатысуы Тәуелсіз Мемлекеттер Достастығы үкіметтері басшылары кеңесінің 2004 жылғы 16 сәуірдегі шешімімен бекітілген Тәуелсіз Мемлекеттер Достастығының мемлекетаралық нысаналы бағдарламаларын әзірлеу, іске асыру және қаржыландару тәртібіне сәйкес келісілген көлемде жүзеге асырылады.
7. Бағдарламаның әлеуметтік-экономикалық тиімділігі
Бағдарламаны іске асырудан күтілетін ғылыми-техникалық тиімділік мыналардан:
қазіргі заманғы жерүсті және спутниктік навигациялық жүйелерді пайдалану және тұтынушылардың перспективалы навигациялық аппаратурасын енгізу негізінде тұтынушылардың мол ауқымын координаталық-уақыттық анықтау дәлдігі мен жеделдігін арттырудан;
халық шаруашылығын және ТМД-ға қатысушы мемлекеттердің ұжымдық қауіпсіздігін қамтамасыз ету үшін, соның ішінде күзету-іздестіру іс-шараларының пәрменділігін арттыру, пайдалы қазбаларды барлауды қамтамасыз ету, құрылыс, құрылыстардың жағдайын бақылау, кеңістікке таралған объектілердің уақыт шәкілдерін синхрондау үшін, жер қабығын бақылау және жер сілкінісін, басқа табиғи және техногендік апаттарды жалпы болжау проблемасын шешуді жылдамдату үшін навигациялық және геодезиялық деректерді пайдалану тиімділігін арттырудан;
мамандардың біліктілігін және ТМД елдерінде радионавигация құралдары мен жүйелерінің жағдайы және дамуы туралы хабардар болуын арттырудан;
өндірілетін өнімнің өзінің функционалдық мақсатына сәйкестігі дәрежесін арттырудан, саудада техникалық кедергілерді жоюдан, ғылыми-техникалық және экономикалық ынтымақтастыққа жәрдемдесуден;
қазіргі заманғы технологияларды игеруден және бәсекеге қабілетті навигациялық тұтынушылар аппаратурасымен әлемдік нарыққа шығудан тұрады.
Бағдарламаны іске асырудан күтілетін әлеуметтік-экономикалық тиімділік мыналардан:
көліктің рентабельдігін арттырудан және көлік құралдарының жолда болу уақытын қысқарту нәтижесінде отынды үнемдеу есебінен көліктің барлық түрімен көліктік тасымалдауға жұмсалатын шығынды 10 %-ға дейін төмендетуден;
көлік қозғалысын жоспарлау және орындау сапасын арттырудан;
көлік жұмысын объективті инструменталдық есепке алуды жақсартудан;
қалалық және қалааралық көлік құралдарын басқару тиімділігін арттырудан, көліктік қызмет көрсетуді жақсартудан, көлік қозғалысының авариялылығын төмендетуден және қауіпсіздігін арттырудан;
терроризмге, заңсыз көші-қонға, есірткі трафигіне, контрабандаға және есірткі саудасына қарсы күрес пәрменділігін арттырудан;
жер сілкіністерін және басқа табиғи және техногендік апаттарды болжау есебінен төтенше жағдайлардың зардаптарын болжамды азайтудан;
радионавигациялық жүйелерді пайдалану міндеттерін орындау үшін жаңа жұмыс орындарын құру мүмкіндіктерімен қамтамасыз етуден тұрады.
Тәуелсіз Мемлекеттер Достастығына қатысушы мемлекеттердің
2012 жылға дейінгі кезеңге арналған мемлекетаралық
радионавигациялық бағдарламасының іс-шаралар тізбесі
р/с |
Жұмыстың құрамы және мазмұны |
Орындаушы |
Орындалу мерзімі, жылдар |
Межелі нәтиже |
Қаржыландыру көзі |
Қаржылық шығындар, барлығы: млн. РФ руб. |
Оның ішінде 2010 ж. млн. РФ руб. |
1 |
2 |
3 |
4 |
5 |
6 |
7 |
8 |
I кіші бағдарлама «Ұлттық жүйелер негізінде ТМД-ға қатысушы мемлекеттердің радионавигациялық жүйелерінің жұмыс істеуін және дамуын ұйымдық қамтамасыз ету» |
|||||||
1 |
ТМД-ға қатысушы мемлекеттердің радионавигациялық жоспарын әзірлеу |
Беларусь Республикасының, Қазақстан Республикасының және Ресей Федерациясының ұйымдары |
2010-2011 |
ТМД-ға қатысушы мемлекеттердің радионавигациялық жоспары |
Бюджеттік және бюджеттен тыс қаражат |
36,0 Беларусь Республикасы - 12,0 Қазақстан Республикасы - 12,0 Ресей Федерациясы - 12,0 |
18,0 Беларусь Республикасы - 6,0 Қазақстан Республикасы - 6,0 Ресей Федерациясы - 6,0 |
2 |
ТМД-ға қатысушы мемлекеттерде Радионавигация жөніндегі мемлекетаралық және ұлттық ақпарат орталықтарының құрамында «Радионавигация» мемлекетаралық ғылыми-ақпараттық жүйесін құру |
Беларусь Республикасының, Қазақстан Республикасының және Ресей Федерациясының ұйымдары |
2010-2011 |
Қазіргі заманғы бағдарламалық аппараттық есептеу техникасы құралдарының және тиімді телекоммуникациялық жүйелер негізіндегі Мемлекетаралық және ұлттық ақпарат орталықтарымен Мемлекетаралық ғылыми-ақпараттың жүйе |
Бюджеттік және бюджеттен тыс қаражат |
51,0 Беларусь Республикасы - 17,0 Қазақстан |
15,0 БеларусьРеспубликасы - 5,0 Қазақстан Республикасы - 5,0 Ресей Федерациясы - 5,0 |
II кіші бағдарлама «Тұтынушыларға арналған жабдық пен аппаратураны әзірлеуді қамтамасыз ету» |
|||||||
3 |
ТМД-да тұтынушылардың радионавигациялық жабдығы мен аппаратурасын, сондай-ақ радионавигациялық картографиялық өнімді сертификаттауды жүргізу өлшемдері мен тәртібіне қойылатын бірыңғай талаптарды қамтамасыз ететін сертификаттау жүйесінің жобасын әзірлеу |
Беларусь Республикасының, Қазақстан Республикасының және Ресей Федерациясының ұйымдары |
2010-2012 |
Сертификаттау жүйесінің жобасы. Бағдарламаға қатысушы мемлекеттердің әрқайсысында қолданыстағы сертификаттау жүйелерін есепке ала отырып, халықаралық нормалар мен талаптарға жауап беретін тұтынушылардың радионавигациялық жабдықтарын және аппаратурасын, сондай-ақ радионавигациялық картографиялық өнімдерді сертификаттау мәселелері жөніндегі нормативтік-техникалық құжаттар |
Бюджеттік және бюджеттен тыс қаражат |
36,0 Беларусь Республикасы - 12,0 Қазақстан Республикасы - 12,0 Ресей Федерациясы - 12,0 |
9,0 Беларусь Республикасы - 3,0 Қазақстан Республикасы - 3,0 Ресей Федерациясы - 3,0 |
4 |
ТМД-ға қатысушы мемлекеттерде тұтынушылардың радионавигациялық жабдығы мен аппаратурасын сертификаттау үшін сынау орталықтарын құру |
Беларусь Республикасының, Қазақстан Республикасының және Ресей Федерациясының ұйымдары |
2010-2012 |
Тұтынушылардың радионавигациялық жабдықтары мен аппаратурасын сертификаттау жөніндегі сынау орталықтары мен зертханалар |
Бюджеттік және бюджеттен тыс қаражат |
90,0 Беларусь Республикасы - 30,0 Қазақстан Республикасы - 30,0 Ресей Федерациясы - 30,0 |
30,0 Беларусь Республикасы - 10,0 Қазақстан Республикасы - 10,0 Ресей Федерациясы - 10,0 |
5 |
Тұтынушылардың бәсекеге қабілетті және жоғары технологиялық аппаратурасы мен функционалдық толықтыру құралдарын жасауға арналған техникалық кескінін, схемалық-техникалық, бағдарламалық және конструктивті шешімдерді әзірлеу |
Беларусь Республикасының, Қазақстан Республикасының және Ресей Федерациясының ұйымдары |
2010-2011 |
Табиғи және техногендік апаттарды болжауға арналған аппаратураны қоса алғанда, тұтынушылардың бәсекеге қабілетті радионавигациялық аппаратурасын және функционалдық толықтыру құралдарын жасау үшін техникалық және бағдарламалық шешімдер |
Бюджеттік және бюджеттен тыс қаражат |
105,0 Беларусь Республикасы - 35,0 Қазақстан Республикасы - 35,0 Ресей Федерациясы - 35,0 |
15,0 Беларусь Республикасы - 5,0 Қазақстан Республикасы - 5,0 Ресей Федерациясы - 5,0 |
III кіші бағдарлама «ТМД-ға қатысушы мемлекеттер тұтынушыларының мүддесінде радионавигациялық қамтамасыз ету құралдарын пайдалану» |
|||||||
6 |
Тұтынушылардың аппаратурасында ЖНСЖ дабылдарын пайдалану мүмкіндігін қамтамасыз ететін нормативтік-техникалық құжаттама әзірлеу |
Беларусь Республикасының, Қазақстан Республикасының және Ресей Федерациясының ұйымдары |
2010-2011 |
ТМД-ға қатысушы мемлекеттерде тұтынушылар аппаратурасында ЖНСЖ сигналдарын қолдану мүмкіндігін қамтамасыз ететін инфрақұрылымды құру үшін нормативтік-техникалық құжаттама |
Бюджеттік және бюджеттен тыс қаражат |
36,0 Беларусь Республикасы - 12,0 Қазақстан Республикасы - 12,0 Ресей Федерациясы - 12,0 |
12,0 Беларусь Республикасы - 4,0 Қазақстан Республикасы - 4,0 Ресей Федерациясы - 4,0 |
7 |
Халықаралық нормалар мен талаптарға жауап беретін ТМД елдері жерүсті көлігінің зияткерлік жүйелерін құру жөнінде тұжырымдама және техникалық ұсыныстар әзірлеу |
Беларусь Республикасының, Қазақстан Республикасының және Ресей Федерациясының ұйымдары |
2012 |
Жерүсті көлігінің зияткерлік жүйесін, оның ішінде: |
Бюджеттік және бюджеттен тыс қаражат |
60,0 Беларусь Республикасы - 20,0 ҚазақстанРеспубликасы - 20,0 Ресей Федерациясы - 20,0 |
0,0 Беларусь Республикасы - 0,0 Қазақстан Республикасы - 0,0 Ресей Федерациясы - 0,0 |
8 |
ТМД-ға қатысушы мемлекеттер тұтынушыларының әртүрлі топтарының мүддесінде радионавигациялық ақпаратты пайдалануды айқындайтын тұжырымдама әзірлеу |
Беларусь Республикасының, Қазақстан Республикасының және Ресей Федерациясының ұйымдары |
2012 |
ТМД-ға қатысушы мемлекеттер тұтынушыларының әртүрлі топтарының мүддесінде радионавигациялық ақпаратты пайдалану тұжырымдамасы |
Бюджеттік және бюджеттен тыс қаражат |
36,0 Беларусь Республикасы - 12,0 Қазақстан Республикасы - 12,0 Ресей Федерациясы - 12,0 |
0,0 Беларусь Республикасы - 0,0 Қазақстан Республикасы - 0,0 Ресей Федерациясы - 0,0 |
Беларусь Республикасының бөлім бастығының орынбасары
Мемлекеттік әскери-өнеркәсіп
комитетінен
В.И. Михаленко
2009 жылғы « »
Қазақстан Республикасының «Қазақстан Ғарыш Сапары» ҰК АҚ-ның
Ұлттық ғарыш агенттігінен даму жөніндегі вице-президенті
С.Т. Дүйсенев
2009 жылғы « »
Ресей Федерациясының Өнеркәсіп Радиоэлектрондық өнеркәсіп
және сауда министрлігінен департаменті директорының орынбасары
А.Е. Суворов
2009 жылғы « »
Бағдарлама бойынша жұмыс құны
Жұмыс № |
Барлығы |
Әр мемлекеттің үлесі |
Оның ішінде барлығы, 2010 ж. |
Әр мемлекеттің үлесі 2010 ж. |
1. |
36,0 |
12,0 |
18,0 |
6,0 |
2. |
51,0 |
17,0 |
15,0 |
5,0 |
3. |
36,0 |
12,0 |
9,0 |
3,0 |
4. |
90,0 |
30,0 |
30,0 |
10,0 |
5. |
105,0 |
35,0 |
15,0 |
5,0 |
6. |
36,0 |
12,0 |
12,0 |
4,0 |
7. |
60,0 |
20,0 |
0,0 |
0,0 |
8. |
36,0 |
12,0 |
0,0 |
0,0 |
450,0 |
150,0 |
99,0 |
33,0 |
