Ескерту. Күші жойылды - ҚР Үкіметінің 08.02.2013 № 109 қаулысымен.
Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасы Жер ресурстарын басқару агенттігінің ережесін бекіту туралы» Қазақстан Республикасы Үкіметінің 2005 жылғы 14 қаңтардағы № 14 қаулысына (Қазақстан Республикасының ПҮАЖ-ы, 2005 ж., № 1, 7-құжат) мынадай өзгерістер мен толықтырулар енгізілсін:
көрсетілген қаулымен бекітілген Қазақстан Республикасы Жер ресурстарын басқару агенттігі туралы ережеде:
15-тармақта:
4) тармақша мынадай редакцияда жазылсын:
«4) жерге орналастыру, мемлекеттік жер кадастры мен жер мониторингі жөніндегі нормативтік құқықтық актілерді және нормативтік құжаттарды, әдістемелерді әзірлеу және бекіту;»;
мынадай мазмұндағы 4-1) тармақшамен толықтырылсын:
«4-1) салалық көтермелеу жүйесін әзірлеу және бекіту;»;
13) тармақша мынадай редакцияда жазылсын:
«13) нормативтік құқықтық актілерді және геодезиялық өндіріске және картографиялық жұмыстарға қойылатын техникалық талаптарды әзірлеу және бекіту;»;
31) тармақша мынадай редакцияда жазылсын:
«31) Қазақстан Республикасы Жер Кодексінің 148-бабы 1-тармағының 4) тармақшасында көрсетілген мәселелер бойынша сотқа талап-арыз дайындау және беру;».
мынадай мазмұндағы 49-1) тармақшамен толықтырылсын:
«49-1) шетел азаматтарына, азаматтығы жоқ адамдарға және шетелдік заңды тұлғаларға ауыл шаруашылығы мақсатындағы жер учаскелерін беру мәселелері жөнінде жергілікті атқарушы органның, облыстың, республикалық маңызы бар қаланың, астананың ұсыныстарын келісу;»;
52) тармақшада «әзірлеу.» деген сөз «әзірлеу;» деген сөзбен ауыстырылсын;
мынадай мазмұндағы 53) және 54) тармақшалармен толықтырылсын:
«53) жер ресурстарын басқару саласындағы мемлекеттік гендерлік саясатты іске асыру;
54) Агенттік өз құзыреті шегінде мемлекеттік қызметтерді көрсеткен кезде тұтынушылардың құқығын қорғауды қамтамасыз ету.».
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
