Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Ішкі істер министрлігі Қылмыстық-атқару жүйесі комитетінің «ЛА-155/4 мекемесі» және «ЛА-155/6 мекемесі» мемлекеттік мекемелері жалпы білім беру мектептерінің штат саны, 15 бірлік санында Алматы облысының және Алматы қаласының жергілікті атқарушы органдарының қарамағына берілсін.
2. «Министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелердегі адам санын ескере отырып, штат санының лимиттерін бекіту туралы» Қазақстан Республикасы Үкіметінің 2008 жылғы 15 сәуірдегі № 339 қаулысына мынадай өзгерістер енгізілсін:
көрсетілген қаулымен бекітілген министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелеріндегі адам санын ескере отырып, штат санының лимиттерінде:
2-бөлімде:
3-бағанда:
Қазақстан Республикасының Ішкі істер министрлігі, оның аумақтық органдарын және оған ведомстволық бағыныстағы мемлекеттік мекемелерді ескере отырып, оның ішінде:» деген жолдағы «126017» сандар «126002» деген сандармен ауыстырылсын;
«Қазақстан Республикасы Ішкі істер министрлігіне ведомстволық бағыныстағы мемлекеттік мекемелер, оның ішінде:» деген жолдағы «60026» сандар «60011» деген сандармен ауыстырылсын;
«Түзеу мекемелері» деген жолдағы «9854» сандар «9839» деген сандармен ауыстырылсын.
3. Қазақстан Республикасы Ішкі істер, Білім және ғылым министрліктері, Алматы облысы мен Алматы қаласының әкімдері осы қаулыдан туындайтын шараларды қабылдасын.
4. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
