"Қазақстан Республикасының кейбір заңнамалық актілеріне зияткерлік меншік саласын құқықтық реттеу мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы туралы

Қазақстан Республикасы Үкіметінің 2013 жылғы 31 желтоқсандағы № 1441 қаулысы

Қазақстан Республикасының Үкіметі ҚАУЛЫ ЕТЕДІ:
«Қазақстан Республикасының кейбір заңнамалық актілеріне зияткерлік меншік саласын құқықтық реттеу мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.

Қазақстан Республикасының
Премьер-Министрі С. Ахметов

Жоба

ҚАЗАҚСТАН РЕСПУБЛИКАСЫНЫҢ
ЗАҢЫ

Қазақстан Республикасының кейбір заңнамалық актілеріне зияткерлік меншік саласын құқықтық реттеу мәселелері бойынша өзгерістер мен толықтырулар енгізу туралы

1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:
1. 1999 жылғы 1 шілдедегі Қазақстан Республикасының Азаматтық кодексіне (Ерекше бөлім) (Қазақстан Республикасы Парламентінің Жаршысы, 1999 ж., № 16-17, 642-құжат; № 23, 929-құжат; 2000 ж., № 3-4, 66-құжат; № 10, 244-құжат; № 22, 408-құжат; 2001 ж., № 23, 309-құжат; № 24, 338-құжат; 2002 ж., № 10, 102-құжат; 2003 ж., № 1-2, 7-құжат; № 4, 25-құжат; № 11, 56-құжат; № 14, 103-құжат; № 15, 138, 139-құжаттар; 2004 ж., № 3-4, 16-құжат; № 5, 25-құжат; № 6, 42-құжат; № 16, 91-құжат; № 23, 142-құжат; 2005 ж., № 21-22, 87-құжат; № 23, 104-құжат; 2006 ж., № 4, 24, 25-құжаттар; № 8, 45-құжат; № 11, 55-құжат; № 13, 85-құжат; 2007 ж., № 3, 21-құжат; № 4, 28-құжат; № 5-6, 37-құжат; № 8, 52-құжат; № 9, 67-құжат; № 12, 88-құжат; 2009 ж., № 2-3, 16-құжат; № 9-10, 48-құжат; № 17, 81-құжат; № 19, 88-құжат; № 24, 134-құжат; 2010 ж., № 3-4, 12-құжат; № 5, 23-құжат; № 7, 28-құжат; № 15, 71-құжат; № 17-18, 112-құжат; 2011 ж., № 3, 32-құжат; № 5, 43-құжат; № 6, 50, 53-құжаттар; № 16, 129-құжат; № 24, 196-құжат; 2012 ж., № 2, 13, 14, 15-құжаттар; № 8, 64-құжат; № 10, құжат; № 12, 85-құжат; № 13, 91-құжат; № 14, 92-құжат; № 20, 121-құжат; № 21-22, 124-құжат; 2013 ж., № 4, 21-құжат; № 10-11, 55, 56-құжаттар; «Қазақстан Республикасының кейбір заңнамалық актілеріне мемлекеттік-жекешелік әріптестіктің жаңа түрлерін енгізу және олардың қолданылу салаларын кеңейту мәселелері бойынша өзгерістер мен толықтырулар енгізу туралы» 2013 жылғы 4 шілдедегі № 131-V Қазақстан Республикасының Заңы):
1) 897-бап мынадай редакцияда жазылсын:
«897-бап. Кешендi кәсiпкерлiк лицензия шартының нысаны
1. Кешендi кәсiпкерлiк лицензия шарты жазбаша нысанда жасалуға тиіс.
2. Қазақстан Республикасында тіркелген өнертабыстарды, пайдалы модельдерді, өнеркәсіптік үлгілерді, селекциялық жетістіктерді, тауар таңбаларын, қызмет көрсету таңбаларын қамтитын кешендi кәсiпкерлiк лицензия шарты өнертабыстарға, пайдалы модельдерге, өнеркәсіптік үлгілерге, селекциялық жетістіктерге, тауар таңбаларына, қызмет көрсету таңбаларына қатысты бөлігінде патенттік органда (ұйымда) тіркелуге тиіс.»;
2) 972-баптың 1-тармағының 9) тармақшасы мынадай редакцияда жазылсын:
«9) сәулет, қала құрылысы, дизайн және бау-саябақ өнерi туындылары;»;
3) 978-бапта:
2-тармақтың бірінші бөлігі мынадай редакцияда жазылсын:
«2. Автордың туындыны пайдалануға айрықша құқықтары мынадай іс-әрекеттердi:
1) туындыны қайта жаңғырту (қайта жаңғырту құқығы);
2) туындының түпнұсқасын немесе даналарын кез келген әдiспен тарату: сату, айырбастау, прокатқа (жалға) беру, өзге де операциялар, оның ішінде ашық ақпараттық-коммуникациялық желіде операциялар жасау (тарату құқығы);
3) туындыны көпшiлiк алдында көрсету (көпшiлiкке көрсету құқығы);
4) туындыны көпшiлiк алдында орындау (көпшiлiк алдында атқару құқығы);
5) жалпыға бiрдей мәлiмдеу үшiн эфирге немесе кабель арқылы хабарлауды қоса алғанда туындыны көпшiлiкке хабарлау (көпшiлiкке хабарлау құқығы);
6) туындыны эфирге беру (радио және теледидар арқылы тарату), оның iшiнде туындыны кабель немесе спутниктiк байланыс арқылы тарату (эфирге хабарлау құқығы);
7) туындыны аудару (аудару құқығы);
8) туындыны қайтадан жасау, аранжировка жасау немесе басқаша түрде өңдеу (өңдеу құқығы);
9) қала құрылысы, сәулет, безендiру жобасын іс жүзінде iске асыру;
10) заңнамалық актiлерге қайшы келмейтiн өзге де iс-әрекеттердi жүзеге асыру, олардың жүзеге асырылуына рұқсат ету немесе тыйым салу құқығын білдіреді.»;
3-тармақ алып тасталсын;
4) 986-баптың 3-тармағы мынадай редакцияда жазылсын:
«3. Орындалатын туынды авторларының құқықтары сақталған жағдайда, орындаушы осы тарауда көзделген және Қазақстан Республикасының заңнамасына сәйкес құқықтарды жүзеге асырады.»;
5) 991-бапта:
1-тармақ мынадай редакцияда жазылсын:
«1. Өнертабысқа, пайдалы модельге және өнеркәсiптiк үлгiге құқықтар патентпен қорғалады.»;
3-тармақ мынадай редакцияда жазылсын:
«3. Жаңа және өнеркәсiпте қолдануға болатын техникалық шешім құқықтық қорғау берiлетiн пайдалы модель болып танылады.»;
5-тармақ мынадай редакцияда жазылсын:
«5. Патент алу құқығы туындайтын өнертабысқа, пайдалы модельге, өнеркәсiптiк үлгiге қойылатын талаптар, уәкiлеттi мемлекеттiк органның (бұдан әрi – патенттiк органның (ұйымның) оны беру тәртiбi заңнамалық актiде белгiленедi.»;
6) 992-бап мынадай редакцияда жазылсын:
«992-бап. Өнертабысты, пайдалы модельді, өнеркәсіптік үлгіні пайдалану құқығы
Патент иеленушiнiң өнiмдi қорғалған шешiмдердi қолдана отырып өндiру, патентпен қорғалған технологиялық процестердi өз өндiрiсiнде қолдану, қорғалған шешiмдерi бар бұйымдарды сату немесе сатуға ұсыну, тиiстi бұйымдарды импорттау құқығын қоса алғанда, патентпен қорғалған өнертабысты, пайдалы модельдi, өнеркәсiптiк үлгiнi өз қалауы бойынша пайдалануға айрықша құқығы болады.
Осы Кодекске немесе басқа заңнамалық актiлерге сәйкес патент иеленушiнiң құқықтарын бұзу болып табылмайтын пайдалану жағдайларын қоспағанда, басқа адамдардың өнертабысты, пайдалы модельдi, өнеркәсiптiк үлгiнi патент иеленушiнiң рұқсатынсыз пайдалануға құқығы жоқ.
Патенттелген өнертабысты, пайдалы модельдi немесе өнеркәсiптiк үлгiнi қолдана отырып жасалған бұйымдарды рұқсатсыз жасау, қолдану, импорттау, сатуға ұсыну, сату, азаматтық айналымға өзгедей енгiзу немесе осы мақсатпен сақтау, сондай-ақ өнертабысқа патентпен қорғалатын тәсілді қолдану немесе тiкелей өнертабысқа патентпен қорғалатын тәсіл арқылы дайындалған бұйымды азаматтық айналымға енгiзу не осы мақсатпен сақтау патент иеленушiнiң айрықша құқығын бұзу болып танылады.
Өзгеше дәлелденбейiнше бұйым патенттелген тәсілмен жасалған болып саналады.»;
7) 993-бап мынадай редакцияда жазылсын:
«993-бап. Патентке берiлетiн құқыққа билiк ету
Патентті алуға құқық, өтiнiмдi тiркеуден туындайтын құқықтар, патенттi иеленуге құқық және патенттен туындайтын құқықтар басқа адамға толығымен немесе iшiнара берiлуi мүмкiн.»;
8) 994-баптың 1-тармағы мынадай редакцияда жазылсын:
«1. Өнертабыстың, пайдалы модельдiң, өнеркәсiптiк үлгiнiң авторына авторлық құқық тиесілі болады.»;
9) 996-бап мынадай редакцияда жазылсын:
«996-бап. Қызметтік өнертабыстар, пайдалы модельдер, өнеркәсіптік үлгілер
Қызметкер өзiнiң қызметтiк мiндеттерiн немесе жұмыс берушiнiң нақты тапсырмасын орындаған кезде жасаған өнертабысқа, пайдалы модельге, өнеркәсiптiк үлгiге (қызметтiк өнертабысқа) берілетін патентке құқық, егер олардың арасындағы шартта өзгеше көзделмесе, жұмыс берушiге тиесілі болады.»;
10) 998, 999 және 1000-баптар мынадай редакцияда жазылсын:
«998-бап. Патенттiң Қазақстан Республикасының аумағында қолданылуы
Қазақстан Республикасының аумағында өнертабысқа, пайдалы модельге және өнеркәсiптiк үлгiге уәкiлеттi орган берген патенттер қолданылады.
Шет мемлекетте берілген немесе халықаралық ұйым берген патенттер, Қазақстан Республикасының аумағында Қазақстан Республикасының халықаралық шарттарында көзделген жағдайларда қолданылады.
Егер белгiленген тәртiппен мәлiмделген шешiм Қазақстан Республикасының заңнамалық актiлерiнде тиiсiнше өнертабыстарға, пайдалы модельдерге немесе өнеркәсiптiк үлгiлерге қойылатын талаптарға сай келсе, шетелдiк азаматтардың және шетелдiк заңды тұлғалардың немесе олардың құқықтық мирасқорларының Қазақстан Республикасында өнертабысқа, пайдалы модельге және өнеркәсiптiк үлгіге патент алуға құқығы бар.
999-бап. Патенттiң қолданылу мерзiмi
1. Патент патенттiк органға (ұйымға) өтiнiм түскен күннен бастап қолданылады және заңнамалық актiлерде белгiленген талаптар сақталған жағдайда:
1) өнертабысқа патент – жиырма жыл бойы күшiн сақтайды.
Қолданылуы үшін заңда белгіленген тәртіппен оны қолдануға арналған рұқсат талап етілетін дәрілік затқа, пестицидке немесе агрохимикатқа жататын өнертабысқа қатысты айрықша құқықтың және осы құқықты куәландыратын патенттің қолданылу мерзімі патент иеленушінің өтінішхаты бойынша ұзартылуы мүмкін, бірақ ол бес жылдан аспауға тиіс.
Көрсетілген мерзім өнертабысқа патент беруге өтінім берілген күннен бастап бес жыл есепке алынбай, өнертабысты қолдануға алғашқы рұқсат алған күнге дейінгі мерзімге ұзартылады.
2) пайдалы модельге патент – бес жыл бойы күшiн сақтайды, бұл мерзiмдi патенттік орган (ұйым) патент иеленушiнiң өтiнiшхаты бойынша үш жылдан астырмай ұзартуы мүмкiн;
3) өнеркәсiптiк үлгiге патент – он бес жыл бойы күшiн сақтайды, бұл мерзiмдi патенттік орган (ұйым) патент иеленушiнiң өтiнiшхаты бойынша бес жылдан астырмай ұзартуы мүмкiн.
2. Өнертабысты, пайдалы модельдi, өнеркәсiптiк үлгiнi қорғау патенттік органға (ұйымға) өтiнiм келiп түскен күннен бастап қолданылады. Құқықтарды қорғау патент берiлгеннен кейiн жүзеге асырылуы мүмкiн. Патент беруден бас тартылған жағдайда, қорғауға алынбаған болып есептеледі.
3. Өнертабыстың, пайдалы модельдiң, өнеркәсiптiк үлгiнiң басымдығы заңнамалық актiлерде көзделген тәртiппен айқындалады.
4. Қолданылу мерзімі өткеннен кейін, сондай-ақ айрықша құқықтың қолданылуы мерзімінен бұрын тоқтатылған жағдайда, өнертабыс, пайдалы модель немесе өнеркәсіптік үлгі қоғамдық игілікке өтеді.
5. Қоғамдық игілікке өткен өнертабысты, пайдалы модельді немесе өнеркәсіптік үлгіні кез келген адам оған ешкімнің келісімінсіз немесе рұқсатынсыз және пайдаланғаны үшін сыйақы төлеусіз еркін пайдалана алады.
1000-бап. Патенттік құқықтарды беру туралы шарт
Патенттi беру туралы шарт жазбаша нысанда жасалуға және патенттiк органда (ұйымда) тiркелуге тиiс. Жазбаша нысанның немесе тiркеу туралы талаптың сақталмауы шарттың жарамсыздығына әкеп соғады.»;
11) 1003-бап мынадай редакцияда жазылсын:
«1003-бап. Патентті бұзғаны үшін жауапкершiлiк
Патент иеленушiнiң талабы бойынша патенттi бұзу тоқтатылуға тиiс, ал оны бұзушы патент иеленушiге өзi келтiрген залалды өтеуге мiндеттi (осы Кодекстiң 9-бабы). Патент иеленушi келтiрiлген залалдың орнына бұзушыдан оның өнертабысты, пайдалы модельдi, өнеркәсiптiк үлгiнi заңсыз пайдалануы салдарында алған табысын өндiрiп алуға құқылы.»;
12) 1004-баптың 2-тармағы мынадай редакцияда жазылсын:
«2. Өнертабысты, пайдалы модельдi, өнеркәсiптiк үлгiнi басымдық алған күнiнен кейiн, бiрақ өнертабысқа, пайдалы модельге, өнеркәсiптік үлгiге патент беру туралы мәлiметтер ресми жарияланған күнге дейiн адал ниетпен пайдалана бастаған адам патент иеленушiнің талабы бойынша одан әрi пайдалануды тоқтатуға мiндеттi. Алайда мұндай адам патент иеленушiге өзiнiң осындай пайдалануы нәтижесінде келтiрілген залалды өтеуге мiндеттi емес.».
2. 2008 жылғы 10 желтоқсандағы «Салық және бюджетке төленетін басқа да міндетті төлемдер туралы (Салық кодексі)» Қазақстан Республикасының кодексіне (Қазақстан Республикасы Парламентінің Жаршысы, 2008 ж., № 22-I, № 22-II, 112-құжат; 2009 ж., № 2-3, 16, 18-құжаттар; № 13-14, 63-құжат; № 15-16, 74-құжат; № 17, 82-құжат; № 18, 84-құжат; № 23, 100-құжат; № 24, 134-құжат; 2010 ж., № 1-2, 5-құжат; № 5, 23-құжат; № 7, 28, 29-құжаттар; № 11, 58-құжат; № 15, 71-құжат; № 17-18, 112-құжат; № 22, 130, 132-құжаттар; № 24, 145, 146, 149-құжаттар; 2011 ж., № 1, 2, 3-құжаттар; № 2, 21, 25-құжаттар; № 4, 37-құжат; № 6, 50-құжат; № 11, 102-құжат; № 12, 111-құжат; № 13, 116-құжат; № 14, 117-құжат; № 15, 120-құжат; № 16, 128-құжат; № 20, 151-құжат; № 21, 161-құжат; № 24, 196-құжат; 2012 ж., № 1, 5-құжат; № 2, 11, 15-құжат; № 3, 21, 22, 25, 27-құжаттар; № 4, 32-құжат; № 5, 35-құжат; № 6, 43, 44-құжаттар; № 8, 64-құжат; № 10, 77-құжат; № 11, 80-құжат; № 13, 91-құжат; № 14, 92-құжат; № 15, 97-құжат; № 20, 121-құжат; № 21-22, 124-құжат; № 23-24, 125-құжат; 2013 ж., № 1, 3-құжат; № 2, 7, 10-құжаттар; № 3, 15-құжат; № 4, 21-құжат; № 8, 50-құжат; № 9, 51-құжат; № 10-11, 56-құжат; № 12, 57-құжат; № 14, 72-құжат; № 15, 8, 76, 82-құжаттар; № 16, 83-құжат):
1) 539-баптың 1), 2) тармақшалары мынадай редакцияда жазылсын:
«1) патент берген үшін, тауар таңбасын тіркеген үшін – 100 пайыз;
2) жалпыға бірдей белгілі тауар таңбасын тіркеген үшін – 100 пайыз;».
3. «Авторлық құқық және сабақтас құқықтар туралы» 1996 жылғы 10 маусымдағы Қазақстан Республикасының Заңына (Қазақстан Республикасы Парламентінің Жаршысы, 1996 ж., № 8-9, 237-құжат; 2004 ж., № 17, 100-құжат; 2005 ж., № 21-22, 87-құжат; 2007 ж., № 20, 152-құжат; 2009 ж., № 15-16, 75-құжат; 2012 ж., № 2, 13-құжат; № 3, 25-құжат; № 15, 97-құжат; № 21-22, 124-құжат):
1) 2-баптың 7) тармақшасы мынадай редакцияда жазылсын:
«7) айрықша құқық – автордың және/немесе өзге құқық иеленушінің туындыны және/немесе сабақтас құқықтар объектісін белгіленген мерзім ішінде кез келген тәсілмен пайдалануды жүзеге асыруға, пайдалануға рұқсат етуге және оған тыйым салуға мүліктік құқығы;»;
2) 7-баптың 1-тармағының 9) тармақшасы мынадай редакцияда жазылсын:
«9) сәулет, қала құрылысы, дизайн және бау-саябақ өнерi туындылары;»;
3) 9-1-бапта:
6-тармақтың бірінші абзацы мынадай редакцияда жазылсын:
«6. Сәулет, қала құрылысы, дизайн, бау-саябақ өнері туындыларына құқықтарды тіркеу кезінде мынадай құжаттар:»;
16-тармақ мынадай редакцияда жазылсын:
«16. Авторлық құқық объектісіне құқықтарды мемлекеттік тіркеу туралы куәлікті беру және авторлық құқықпен қорғалатын объектілерге құқықтардың мемлекеттік тізіліміне мәліметтерді енгізу авторлық құқықпен қорғалатын туындыларға құқықтарды мемлекеттік тіркеуді растау болып табылады. Авторлық құқық объектісіне құқықтарды мемлекеттік тіркеу туралы куәліктің нысанын және авторлық құқықпен қорғалатын объектілерге құқықтардың мемлекеттік тізіліміне енгізілетін мәліметтердің тізбесін уәкілетті орган бекітеді.»;
4) 15-баптың 1-тармағының 3) тармақшасы мынадай редакцияда жазылсын:
«3) туындының атауымен қоса, оған қол сұғылмау құқығы, туындыны кез келген бүлдiруге, бұрмалауға немесе өзгеше өзгертуге, сондай-ақ автордың ар-намысына немесе беделiне нұқсан келтiре алатын кез келген басқа қол сұғушылыққа қарсы әрекет ету құқығы (автордың беделiн қорғау құқығы);»;
5) 19-бап мынадай мазмұндағы 7) тармақшамен толықтырылсын:
«7) туындының жоғалған немесе бүлінген даналарын ауыстыру мақсатында кітапханалардың және мұрағаттардың заңды түрде жарияланған туындыларды пайда түсірусіз цифрлық форматқа ауыстыру арқылы туындының жалғыз данасын көшірмелеу, сондай-ақ өздерінің қорларынан туындыны қандай да бір себептер бойынша жоғалтқан басқа да кітапханаларға туындының даналарын беру;».
6) 32-баптың тақырыбы мынадай редакцияда жазылсын:
«32-бап. Авторлық шарттың талаптары мен нысаны. Тараптардың жауаптылығы»;
7) 33-баптың 1-тармағы мынадай мазмұндағы екінші бөлікпен толықтырылсын:
«Тапсырыстың авторлық шартында туынды тапсырыс берушіге берілуге тиіс мерзім, сондай-ақ туындыны пайдалануға мүліктік құқықтарды беру көзделуге тиіс.»;
8) 44-бап мынадай мазмұндағы 2-1-тармақпен толықтырылсын:
«2-1. Пайдаланушылар мүліктік құқықтарды ұжымдық негізде басқаратын ұйымға авторлық және сабақтас құқықтар объектілерін пайдалану туралы есепті, сондай-ақ тізбесі мен ұсыну мерзімдері шартта айқындалатын сыйақыны жинау және бөлу үшін қажетті өзге де мәліметтер мен құжаттарды беруге міндетті.»;
9) 46-бапта:
1-тармақта:
2) және 3) тармақшалар мынадай редакцияда жазылсын:
«2) осы Заңның 45-бабы 4) тармақшасының ережелеріне сәйкес жиналған сыйақыны авторлық және сабақтас құқықтардың иелеріне бөлу және төлеу үшін пайдалануға міндетті. Бұл ретте ұйым жиналған сыйақыдан өзінің мұндай сыйақыны жинауға, бөлуге және төлеуге кеткен нақты шығыстарын өтеуге қажетті соманы, сондай-ақ өзі өкілі болып табылатын авторлық және сабақтас құқықтар иеленушілердің келісімімен және солардың мүддесіне сай сол ұйым құрған арнайы қорларға жіберілетін соманы ұстап қалуға құқылы. Сыйақыны жинау, бөлу және төлеу бойынша өздерінің нақты шығыстарын өтеу сомалары жиналған сыйақының жалпы сомасының отыз пайызынан аспауға тиіс;
3) жиналған сыйақы сомасын осы тармақтың 2) тармақшасында көрсетілген сомаларды шегере отырып, туындылардың және сабақтас құқықтар объектілерінің нақты пайдаланылуына қарай барабар бөлуге және қазақстандық авторлық және сабақтас құқықтарды иеленушілерге – тоқсанына кемінде бір рет және осындай құқықтарды басқаратын шетелдік ұйымдарға жылына кемінде бір рет төлеп отыруға міндетті. Бұл ретте ұйым осы ұйым жасасқан лицензиялық шарттарға және сыйақы төлеу туралы шарттарына сәйкес сыйақы алуға құқығы бар құқық иеленушілерді белгілеу бойынша ақылға қонымды және жеткілікті шаралар қолдануға, соның ішінде осы мақсат үшін авторлардың және өзге де құқық иеленушілердің мүліктік құқықтарын басқаратын басқа да ұйымдардан, Қазақстан Республикасының бүкіл аумағында таратылатын бұқаралық ақпарат құралдарынан алынған ақпаратты пайдалануға міндетті;»;
мынадай мазмұндағы 8) және 9) тармақшалармен толықтырылсын:
«8) уәкілетті органға жіберілетін есептерді Қазақстан Республикасының аумағында таратылатын бұқаралық ақпарат құралдарында, осы ұйымдардың интернет-ресурстарында жария етуге;
9) пайдаланушылармен жасалған шарттар туралы ақпаратты ұйымдардың интернет-ресурстарына орналастыруға міндетті.»;
2-тармақ мынадай редакцияда жазылсын:
«2. Мүліктік құқықтарды ұжымдық негізде басқаратын ұйымға осы Заңның 45-бабының 4) тармақшасында көзделген сыйақы жинауға қатысты өкілеттіктерді бермеген авторлық және сабақтас құқықтар иеленушілері жеткілікті негіздер болған кезде, одан жүргізілген бөлуге сәйкес өздеріне тиесілі сыйақыны төлеуді, сондай-ақ осы ұйым пайдаланушыларға беретін рұқсаттардан өзінің туындылары мен сабақтас құқықтар объектілерін алып тастауды талап етуге құқылы.
Мүліктік құқықтарды ұжымдық негізде басқаратын ұйым авторлық және/немесе сабақтас құқықтар иеленушісінен тиісті хабарламаны алған күннен бастап үш ай өткен соң олардың көрсеткен құқықтарын және/немесе объектілерін барлық пайдаланушылармен жасалған шарттардан алып тастауға және бұл туралы ақпаратты бұқаралық ақпарат құралдарында, ұйымның интернет-ресурсына орналастыруға міндетті. Мүліктік құқықтарды ұжымдық негізде басқаратын ұйым авторлық және/немесе сабақтас құқықтар иеленушісіне бұрын жасалған шарттарға сәйкес пайдаланушылардан алынған тиесілі сыйақыны төлеуге және оған есеп беруге міндетті.»;
10) 46-2-бапта:
3 және 4-тармақтар мынадай редакцияда жазылсын:
«3. Аккредиттеу жөніндегі комиссияның құрамын және ол туралы ережені уәкілетті орган бекітеді.
Аккредиттеу жөніндегі комиссияның отырысы өтетін күн туралы ақпаратты уәкілетті орган Қазақстан Республикасының бүкіл аумағында таратылатын мерзімді баспа басылымдарында және оның интернет-ресурсында аккредиттеу жөніндегі комиссияның отырысы өтетін күнге дейін күнтізбелік жиырма бес күннен кешіктірмей орналастырады.
4. Аккредиттеуден өту үшін өтініш беруші уәкілетті органға жазбаша түрде өтініш жібереді. Өтініш аккредиттеу жөніндегі комиссияның отырысы өтетін күнге дейін күнтізбелік он күннен кешіктірілмей жіберілуге тиіс. Мүліктік құқықтарды ұжымдық негізде басқаратын ұйым аккредиттеуден өту үшін беруге тиіс өтініштің нысанын және құжаттар тізбесін уәкілетті орган белгілейді.»;
7-тармақ мынадай редакцияда жазылсын:
«7. Аккредиттеу жөнiндегi комиссия отырысының қорытындылары бойынша уәкiлеттi орган отырыс аяқталған күннен кейiн күнтізбелік бес күннен аспайтын мерзiмде аккредиттеу туралы шешiм қабылдайды және өтiнiш берушiге бес жыл мерзiмге аккредиттеу туралы куәлiк бередi.
Аккредиттеу туралы қорытынды шығарған кезде аккредиттеу жөніндегі комиссия мыналарды:
1) заңды тұлға ретінде тіркелген кезден бастап осы салада қызметін кемінде екі жыл жүзеге асыруын;
2) жиналған сыйақыны кемінде сегіз рет бөлу және төлеу жөніндегі жұмыс тәжірибесінің болуын;
3) авторлардың және пайдаланушылардың ұйым қызметі туралы оң пікірлерінің болуын;
4) ұйымның осы Заңның 46-бабында көзделген міндеттерді тиісінше орындауын;
5) басқа мемлекеттердің құқық иеленушілерінің мүліктік құқықтарын ұжымдық негізде басқару жөніндегі осындай ұйымдарымен өзара мүдделілік білдіру туралы қолданыстағы шарттардың болуын;
6) басқа мемлекеттердің мүліктік құқықтарды ұжымдық негізде басқаратын ұйымдарына өзара мүдделілік білдіру туралы қолданыстағы шарттар негізінде сыйақының тиісті сомаларының аударылғаны туралы растайтын құжаттардың болуын;
7) мемлекеттік бақылау және қадағалау органдарының лауазымды адамдарына өздерінің қызметтік міндеттерін орындауына кедергі келтіргені, сондай-ақ қаулыларды, нұсқамаларды және өзге де талаптарды орындамағаны үшін әкімшілік жауаптылыққа тарту фактілерін назарға алуға тиіс.
Уәкiлеттi орган:
1) Қазақстан Республикасының заңнамасында белгiленген құжаттар ұсынылмаған;
2) ұсынылған құжаттарда қамтылған мәлiметтер толық болмаған;
3) мемлекеттік бақылау және қадағалау органдарының лауазымды адамдарына өздерінің қызметтік міндеттерін орындауына кедергі келтіргені, сондай-ақ қаулыларды, нұсқамаларды және өзге де талаптарды орындамағаны үшін әкімшілік жауаптылыққа тартылған;
4) ұйым осы Заңның 46-бабында көзделген міндеттерді орындамаған және/немесе тиісінше орындамаған жағдайларда аккредиттеуден бас тарту туралы шешiм қабылдайды.»;
11) 47-бапта:
1-тармақтың бірінші абзацы мынадай редакцияда жазылсын:
«1. Авторлардың, орындаушылардың, фонограмма шығарушылардың немесе өзге де авторлық және (немесе) сабақтас құқықтарды иеленушілердің мүлiктiк құқықтарын ұжымдық негiзде басқаратын ұйым уәкiлетті органға жыл сайын, есепті жылдан кейінгі жылдың 15 сәуірінен кешіктірмей өз қызметi туралы мынадай:»;
4) тармақша мынадай редакцияда жазылсын:
«4) жиналған, бөлінген, бөлінбеген, төленген, төленбеген сыйақы, сондай-ақ талап етiлмеген сыйақылар туралы мәлiметтердi қоса алғанда, осындай ұйымның жылдық балансы, жылдық есебi және оның қызметiн аудиторлық тексерудің нәтижелері туралы;»;
2-тармақ мынадай редакцияда жазылсын:
«2. Уәкiлетті орган мүлiктiк құқықтарды ұжымдық негiзде басқаратын ұйымдардан ұйым қызметiнiң осы Заңға, Қазақстан Республикасының коммерциялық емес ұйымдар туралы заңнамасына немесе өзге де заңнамаға, сондай-ақ мұндай ұйымның жарғысына сәйкестiгiн тексеру үшiн қажеттi қосымша ақпаратты және құжаттарды талап етуге құқылы.»;
12) 47-1-баптың 7) тармақшасындағы «қолданбаған жағдайда қайтарып алуы мүмкін.» деген сөздер «қолданбаған;» деген сөзбен ауыстырылып, мынадай мазмұндағы 8) тармақшамен толықтырылсын:
«8) мемлекеттік бақылау және қадағалау органдарының лауазымды адамдарына өздерінің қызметтік міндеттерін орындауына кедергі келтіргені, сондай-ақ қаулыларды, нұсқамаларды және өзге де талаптарды орындамағаны үшін әкімшілік жауапкершілікке тартылған жағдайда қайтарып алуы мүмкін.».
13) 49-баптың 1-тармағының 6) тармақшасы мынадай редакцияда жазылсын:
«6) соттың қарауы бойынша айқындалатын бір жүз айлық есептік көрсеткіштен он бес мың айлық есептік көрсеткішке дейін немесе туынды даналары құнының екі есе мөлшерінде немесе салыстырмалы мән-жайлар кезінде әдетте туындыны заңды түрде пайдаланғаны үшін алынатын бағаға негізделе отырып айқындалатын туындыны пайдалану құқығының екі есе құны мөлшерінде өтемақы төлеу арқылы жүзеге асырылады. Залалдың орнын толтырудың немесе табысты өндiрiп алудың орнына өтемақы мөлшерiн сот айқындайды;».
4. «Селекциялық жетістіктерді қорғау туралы» 1999 жылғы 13 шілдедегі Қазақстан Республикасының Заңына (Қазақстан Республикасы Парламентінің Жаршысы, 1999 ж., № 19, 655-құжат; 2004 ж., № 17, 100-құжат; 2005 ж., № 21-22, 87-құжат; 2007 ж., № 5-6, 37-құжат; 2009 ж., № 24, 129-құжат; 2011 ж., № 1, 7-құжат; № 11, 102-құжат; 2012 ж., № 2, 13, 16-құжаттар; № 14, 95-құжат):
1) 8-бапта:
1-тармақ мынадай редакцияда жазылсын:
«1. Өтiнiм берiлген күннен бастап екi ай мерзiм өткен соң сараптама ұйымы ол бойынша алдын ала сараптама жүргiзедi. Алдын ала сараптама жүргiзу барысында өтiнiмге басымдық берiлген күн белгiленедi, қажеттi құжаттардың бар-жоғы және оларға белгiленген талаптардың орындалуы тексерiледi. Патент беруге жасалған өтiнiмге алдын ала сараптама екi ай мерзiмде жүргiзiледi.
Өтінім берушінің осы өтінім бойынша тиісті шешім қабылданғанға дейін селекциялық жетістіктің мәнін өзгертпей өтінім құжаттарына түзетулер мен нақтылауларды енгізуге құқығы бар.
Көрсетілген өзгерістерді енгізу кезінде өтінім түскен күннен бастап екі ай ішінде төлем алынбайды.
Өтінім берушінің қорғау құжатын алу құқығын басқаға беру кезіндегі нұсқауына қатысты өзгерістер немесе өтінім берушінің атауын өзгерту, сондай-ақ өтінім құжаттарындағы техникалық сипаттағы қателерді түзету тиісті төлем жасалған жағдайда селекциялық жетістік туралы мәліметтер Мемлекеттік тізілімге енгізілген күнге дейін жүргізілуі мүмкін.
Сараптама ұйымы жоқ құжаттарды немесе түзетілген материалдарды сұрата алады, өтінім беруші оларды сұрау салу жіберілген күннен бастап екі ай мерзімде ұсынуға міндетті.»;
3-тармақ мынадай редакцияда жазылсын:
«3. Алдын ала жүргiзілген сараптаманың оң нәтижесін алған кезде уәкілетті орган өтінімді одан әрі қарау туралы шешім қабылдайды, ол туралы өтінім берушіге он жұмыс күні ішінде хабарланады. Өтiнiмнiң және селекциялық жетiстiк сауалнамасының көшiрмелерi мемлекеттiк комиссияға жiберiледi.»;
2) 10-бапта:
4-тармақ мынадай редакцияда жазылсын:
«4. Сорт, тұқым патентке қабiлеттілік талаптарына сай келген жағдайда, мемлекеттiк комиссия сортты, тұқымды сипаттай отырып, қорытынды жасайды.
Мемлекеттік комиссияның қорытындысы негізінде уәкiлеттi орган он жұмыс күні ішінде селекциялық жетістікке патент беру туралы шешім қабылдайды, ол туралы өтінім берушіге он жұмыс күні ішінде жазбаша хабарлама жіберіледі.
Уәкiлеттi органның патент беру туралы шешiм қабылдағаны туралы хабарлама өтiнiм берушіге жiберiлген күннен бастап үш ай iшiнде өтiнiм беруші сараптама ұйымына патент беруге дайындау және жариялау үшiн тиiстi төлемді, сондай-ақ мемлекеттік бажды төлегенін растайтын құжатты ұсынады. Көрсетiлген құжаттар ұсынылмаған кезде, өткізіп алған мерзімді қалпына келтіру үшін төлем жасалғаны туралы құжатты ұсынған жағдайда, төлем мерзімі үш ай ішінде қалпына келтірілуі мүмкін. Олай болмаған жағдайда өтiнiм кері қайтарып алынған болып есептеледi, өтiнiм бойынша iс жүргiзу тоқтатылады, бұл туралы өтiнiм берушіге қалпына келтіру мерзімі өткен күннен бастап он жұмыс күні ішінде хабарланады.»;
5-тармақтың бірінші бөлігі мынадай редакцияда жазылсын:
«5. Егер сараптама жүргiзу барысында сорттың, тұқымның патентке қабiлеттілік талаптарына сай келмейтiндiгi анықталса, уәкiлеттi орган мемлекеттiк комиссияның қорытындысы негiзiнде он жұмыс күні ішінде патент беруден бас тарту туралы шешiм қабылдайды, ол туралы өтiнiм берушiге он жұмыс күні ішінде жазбаша хабарлама жiберіледi.»;
3) 11-баптың 3-тармағы мынадай редакцияда жазылсын:
«3. Авторға (авторларға) тек техникалық, ұйымдастырушылық, материалдық (қаржылық) көмек көрсеткен немесе сортқа, тұқымға берiлетiн құқықтарды әзiрлеуге және ресiмдеуге жәрдемдескен адамдар авторлар болып танылмайды.»;
4) 12-бапта:
1-тармақ мынадай редакцияда жазылсын:
«1. Автордың жеке мүліктік емес құқықтары иеліктен шығарылмайтын болып табылады және мерзімсіз қорғалады.»;
4-тармақтың төртінші бөлігі мынадай редакцияда жазылсын:
«Егер селекциялық жетістікті бiрнеше автор жасаса, ашса немесе өсiрiп шығарса, сыйақы олардың арасындағы келiсiмде өзгеше белгіленбесе, бірдей үлеспен төленеді.»;
5) 13-баптың 4) тармақшасы мынадай редакцияда жазылсын:
«4) егер селекциялық жетiстiктi қызметкер қызметтік тапсырманы немесе қызметтiк мiндеттерiн орындау кезiнде жасаса, ашса немесе өсіріп шығарса жұмыс берушiге берiледi.
Атына патент беру сұралып отырған бiрнеше адам болған жағдайда, оларға бiр патент берiледi.»;
6) 16-бап мынадай редакцияда жазылсын:
«16-бап. Құқықты мұраға қалдыру
Селекциялық жетiстiкке өтiнiм беру және оған патент алу құқығы, селекциялық жетiстiктi пайдалануға, сондай-ақ сыйақы төлеуге және оларды пайдаланудан түскен кiрiске айрықша құқық мұра ретiнде немесе құқықтық мирасқорлық тәртiбiмен ауысады.»;
7) 18-баптың 10-тармағында:
5) тармақша мынадай редакцияда жазылсын:
«5) шартты тіркеу туралы мәліметтерді жариялау үшін тіркелген шарттың үш данасын қорытындымен бірге сараптама жасау ұйымына жібереді.»;
үшінші бөлік мынадай редакцияда жазылсын:
«Сараптама ұйымы тіркелген шарттар бойынша шарт жасалып отырған өнеркәсіптік меншік объектісіне берілетін қорғау құжатына қосымшаны ресімдейді; тіркелген шарттың екі данасын және қорғау құжатына қосымшаны өтiнiште хат жазысу үшін көрсетiлген мекенжай бойынша жібереді; бюллетеньде тіркелген шарттар туралы мәліметтерді, атап айтқанда, шарттың тіркелген нөмірі мен күнін, шарт тараптарының атауын немесе толық деректерін, шарттың нысанасын, шарттың қолданылу мерзімін, шарттың қолданылу аумағын жариялайды.»;
8) мынадай мазмұндағы 21-1-баппен толықтырылсын:
«21-1-бап. Селекциялық жетістікке патенттің қолданысын қалпына келтіру. Соңынан пайдалану құқығы.
1. Селекциялық жетістікке патентті күшінде ұстауды белгіленген мерзімде төлемеуге байланысты төлеудің белгіленген мерзімі өткен күннен бастап тоқтатылған патенттің қолданысы патент иеленушінің өтінішхаты бойынша қалпына келтірілуі мүмкін.
Мұндай өтінішхат патентті күшінде ұстау үшін ақы төлеу мерзімі өткен күннен бастап үш жыл ішінде патенттің қолданысын қалпына келтіруге төлем жасалғаны туралы құжат ұсынылған жағдайда, бірақ осы Заңға сәйкес белгіленген патенттің қолданылу мерзімі өткенге дейін берілуге тиіс.
Сараптама ұйымы патент қолданысының қалпына келтірілгені туралы мәліметтерді ресми бюллетеньде жариялайды. Жариялау күні патенттің қолданысын қалпына келтірілген күні болып табылады.
2. Патенттің қолданысы тоқтатылған күн мен патенттің қолданысы қалпына келтірілгені туралы мәліметтер ресми бюллетеньде жарияланған күні арасындағы кезеңде патенттелген селекциялық жетістікті Қазақстан Республикасы аумағында пайдалана бастаған не көрсетілген кезеңде осыған қажетті дайындықтарды жасаған кез келген тұлға одан әрі осындай пайдаланудың (соңынан пайдалану құқығы) көлемін кеңейтпестен патенттелген селекциялық жетістікті тегін пайдалану құқығын сақтайды.
Соңынан пайдалану құқығы басқа жеке немесе заңды тұлғаға тек осы селекциялық жетістікті пайдалану орын алған немесе осыған қажетті дайындықтар жасалған өндіріспен бірге берілуі мүмкін.».
5. «Қазақстан Республикасының Патент заңы» 1999 жылғы 16 шілдедегі Қазақстан Республикасының Заңына (Қазақстан Республикасы Парламентінің Жаршысы, 1999 ж., № 20, 718-құжат; 2004 ж., № 17, 100-құжат; 2005 ж., № 21-22, 87-құжат; 2007 ж., № 5-6, 37-құжат; 2009 ж., № 15-16, 75-құжат; 2011 ж., № 11, 102-құжат; 2012 ж., № 2, 13-құжат; 2012 ж., № 14, 95-құжат):
1) 1-бапта:
мынадай мазмұндағы 2-2) тармақшамен толықтырылсын:
«2-2) Еуразиялық патент – Еуразиялық патенттік конвенцияға сәйкес берілген патент;»;
4) және 5) тармақшалар мынадай редакцияда жазылсын:
«4) қорғау құжаттары – өнертабыстарға, өнеркәсiптiк үлгiлер мен пайдалы модельдерге осы Заңға сәйкес берiлген патенттер;
5) өнеркәсіптік меншіктің қызметтік объектілері – қызметкердiң өз қызметтiк мiндеттерiн немесе жұмыс берушiнiң нақты тапсырмасын орындау кезiнде жасаған өнертабыстары, пайдалы модельдері, өнеркәсіптік үлгілері;»;
2) 4-1-баптың 1-тармағы мынадай редакцияда жазылсын:
«1. Белгіленген мерзімнен кейін конвенциялық басымдықты сұрата отырып өтінімдер қабылдауды; халықаралық өтінімді ұлттық фазаға ауыстыруды; формальды сараптама жүргізуді; мәні бойынша, сондай-ақ формуланың біреуден артық әрбір тәуелсіз тармағына қосымша сараптама жүргізуді; сараптаманың салынған сұрауға жауапты және төлемақыны ұсынудың мерзімдерін ұзартуды және қалпына келтіруді; өнертабысқа немесе пайдалы модельге өтінімді қайта өзгертуді; өтінімді өтінім берушінің қатысуымен қарауды; өтінім құжаттарының қазақ тіліне немесе орыс тіліне аудармасының ұсынылу мерзімін ұзартуды, сұратылатын құжаттарды ұсыну мерзімдерін әрбір айға белгіленген мерзім аяқталған күннен бастап он екі айға дейін ұзартуды, өтінім берушінің аударманы ұсыну бойынша өткізіп алған мерзімін қалпына келтіруді; өтінім материалдарына, қорғау құжатына, өнертабыстардың, пайдалы модельдердiң, өнеркәсiптiк үлгiлердiң мемлекеттiк тiзiлiмдерiне өзгерістер енгізуді; біртекті өзгерістер енгізуді; халықаралық және еуразиялық өтінімдерді өңдеуді, тексеруді және салып жіберуді; өнертабыстың, пайдалы модельдің және өнеркәсіптік үлгінің патентке қабілеттілігін бағалау мақсатында техника деңгейін айқындау үшін ақпараттық іздестіру жүргізуді; автордың куәлігін, қосымшаларды және олардың телнұсқаларын беруді; қорғау құжатын күшінде ұстап тұруды, оның қолданылу мерзімін ұзартуды, қалпына келтіруді және қорғау құжатын күшінде ұстап тұру, ұзарту немесе қалпына келтіру туралы мәліметтерді жариялауды; бір және бір топ өнеркәсіптік меншік объектісіне қатысты кешенді кәсіпкерлік лицензия беру туралы шарттың сараптамасын тіркеуге өтінім қабылдауды; шарттарды тіркеу туралы мәліметтерді жариялауды; қосымша келісімдерге сараптама жүргізуді; ашық лицензия беруге өтінім қабылдауды; өнертабыстардың, пайдалы модельдердiң және өнеркәсiптiк үлгiлердiң мемлекеттiк тiзiлiмдерiнен үзінді көшірмелер ұсынуды; баспа және электрондық басылымдарды өткізуді және жариялауды; кепіл шартына сараптама жүргізуді қоса алғанда, өнертабыстарға, пайдалы модельдер мен өнеркәсіптік үлгілерге өтінімдерді қабылдау және оларға сараптама жүргізу, қорғау құжатын беруге құжаттарды дайындау, қорғау құжатын беру туралы мәліметтерді жариялау, қорғау құжатын күшінде ұстап тұру жөніндегі функцияларды жүзеге асыру, қорғау құжаттарын басқаға беру және оларды алуға құқықты басқаға беру туралы шарттарға, лицензиялық (қосалқы лицензиялық) шарттарға сараптама жүргізу, Өнертабыстардың, пайдалы модельдердің, өнеркәсіптік үлгілердің мемлекеттік тізілімін жүргізу жөніндегі қызмет мемлекеттік монополияға жатады және оны Қазақстан Республикасы Үкіметінің шешімі бойынша шаруашылық жүргізу құқығындағы республикалық мемлекеттік кәсіпорынның ұйымдық-құқықтық нысанында құрылған сараптама ұйымы жүзеге асырады.»;
3) 5-баптың 1, 2 және 3-тармақтары мынадай редакцияда жазылсын:
«1. Өнертабысқа, пайдалы модель мен өнеркәсiптiк үлгiге құқық патентпен қорғалады.
2. Пайдалы модельге патент пайдалы модельге патент беруге өтiнiмге жүргiзiлген сараптаманың нәтижелерi бойынша берiледi.
Өнертабысқа және өнеркәсiптiк үлгiге патент өтiнiмге формальды сараптама және мәнi бойынша сараптама жүргiзiлгеннен кейiн берiледi.
Патент өнеркәсіптік меншік объектісіне басымдықты, авторлықты және айрықша құқықты куәландырады.
3. Өнертабысқа патент өтiнiм берiлген күннен бастап жиырма жыл бойы қолданылады.
Қолданылуы үшін заңда белгіленген тәртіппен оны қолдануға арналған рұқсат талап етілетін дәрілік затқа, пестицидке немесе агрохимикатқа жататын өнертабысқа қатысты айрықша құқықтың және осы құқықты куәландыратын патенттің қолданылу мерзімі патент иеленушiнiң өтiнiшхаты бойынша, бiрақ бес жылдан аспайтын мерзімге ұзартылуы мүмкiн.
Көрсетілген мерзім өнертабысқа патент беруге өтінім берілген күннен бастап бес жыл шегеріле отырып, өнертабысты қолдануға алғаш рұқсат алған күнге дейін өткен уақытқа ұзартылады.
Пайдалы модельге патент өтінiм берiлген күннен бастап бес жыл бойы қолданылады, оның қолданылу мерзiмi патент иеленушiнiң өтiнiшхаты бойынша үш жылдан аспайтын мерзімге ұзартылуы мүмкiн.
Өнеркәсiптiк үлгiге патент өтiнiм берiлген күннен бастап он бес жыл бойы қолданылады, оның қолданылу мерзiмi патент иеленушiнiң өтiнiшхаты бойынша бес жылдан аспайтын мерзімге ұзартылуы мүмкiн.
Өнертабысқа, пайдалы модельге және өнеркәсiптiк үлгiге патенттiң қолданылу мерзiмiн ұзарту тәртiбiн уәкiлеттi орган белгiлейдi.»;
4) 7-баптың 1-тармағында:
бірінші бөлік мынадай редакцияда жазылсын:
«1. Өнімге (құрылғыға, затқа, микроағзаның штаммына, өсімдіктердің немесе жануарлардың жасушалары дақылдарына), тәсілге (материалдық объектілерге қатысты материалдық құралдардың көмегімен іс-әрекеттерді жүзеге асыру процесіне), сондай-ақ белгілі өнімді немесе тәсілді жаңа мақсат бойынша немесе жаңа өнімді, адамдарды немесе жануарларды емдеудің диагностикалық, терапевтік және хирургиялық тәсілдерін қоспағанда, белгілі бір мақсат бойынша қолдануға жататын кез келген саладағы техникалық шешімдер пайдалы модельге жатады.»;
төртінші бөлік мынадай редакцияда жазылсын:
«Техника деңгейі туралы мәліметтер пайдалы модельдің басымдығы күніне дейін жалпыға бірдей қолжетімді болған, өтінім берілген пайдалы модель сияқты сол мақсаттағы құралдар туралы әлемде жарияланған мәліметтерді, оларды Қазақстан Республикасында қолдану туралы мәліметтерді, сондай-ақ басымдығы бұрынырақ болған жағдайда, Қазақстан Республикасында пайдалы модельдерге және өнертабыстарға берілген өтінімдерді (кері қайтарып алынғандардан басқа) және Қазақстан Республикасында сол мақсаттағы патенттелген пайдалы модельдер мен өнертабыстарды қамтиды.»;
5) 8-баптың 1-тармағы мынадай редакцияда жазылсын:
«1. Бұйымның сыртқы түрiн айқындайтын өнеркәсіптік немесе қолөнер кәсібі өндірісі бұйымының көркем-конструкторлық шешiмі өнеркәсiптiк үлгiге жатады. Егер өнеркәсiптiк үлгi жаңа, бiрегей болса, оған құқықтық қорғау берiледi. Өнеркәсiптiк үлгi, егер оның бұйымның суреттерінде көрсетілген және өнеркәсіптік үлгінің маңызды белгілерінің тізбесінде келтірілген маңызды белгілерінің жиынтығы өнеркәсіптік үлгінің басымдығы күніне дейін әлемде жалпыға бірдей қолжетімді болған мәліметтерден белгілі болмаса, жаңа болып табылады. Өнеркәсіптік үлгінің жаңалығын белгілеу кезінде Қазақстан Республикасында басқа адамдар ұқсас өнеркәсіптік үлгілерге бұрын берген, кері қайтарылып алынбаған өтінімдер, сондай-ақ Қазақстан Республикасында патенттелген өнеркәсіптік үлгілер (олардың басымдығы күнінен бастап) есепке алынады. Өнеркәсіптік үлгі, егер оның маңызды белгілері бұйым ерекшеліктерінің шығармашылық сипатын айқындаса, бірегей болып танылады.»;
6) 9-баптың 4-тармағы алып тасталсын;
7) 10-бап мынадай редакцияда жазылсын:
«10-бап. Патент иеленуші
Қорғау құжаты:
1) өнеркәсіптік меншік объектісінің авторына (авторларына);
2) осы баптың 2-тармағында көзделген жағдайларда жұмыс берушіге;
3) олардың құқықтық мирасқорына (құқықтық мирасқорларына), оның ішінде беру тәртібімен тиісті құқықты алған адамға (адамдарға);
4) осы тармақта көзделген адамдарға бірлесіп, олардың арасында келісім болған жағдайда беріледі.
2. Егер жұмыс беруші мен қызметкер арасындағы шартта өзгеше көзделмесе, өнеркәсіптік меншіктің қызметтік объектілеріне қорғау құжаттарына құқықтар жұмыс берушіге тиесілі болады.
3. Егер жұмыс беруші мен автор арасындағы шартта өзгеше көзделмесе, автор өзінің қызметтік міндеттерін немесе жұмыс берушінің нақты тапсырмасын орындауға байланысты емес, бірақ жұмыс берушінің ақпаратын, сондай-ақ техникалық немесе өзге де материалдық құралдарын пайдалана отырып жасаған өнертабысқа, пайдалы модельге немесе өнеркәсіптік үлгіге қорғау құжатын алу құқығы авторға тиесілі болады.
Егер өнеркәсіптік меншіктің қызметтік объектісі құрамына осы жұмыс берушінің қызметкері болып табылмайтын адам кіретін бірнеше адамның бірлескен шығармашылық еңбегімен жасалса, осындай адамның көрсетілген өнеркәсіптік меншіктің қызметтік объектісіне қатысты құқықтары ол аталған жұмыс берушімен және басқа да авторлармен жасасатын шартында айқындалады.
Егер авторлар өнеркәсіптік меншіктің қызметтік объектілерін шарт негізінде бірнеше жұмыс берушінің бірлескен жұмысты орындауы нәтижесінде жасаса, осы жұмыс берушілердің көрсетілген өнеркәсіптік меншіктің қызметтік объектілеріне құқықтары олардың арасындағы шартта айқындалады.
4. Өнеркәсіптік меншіктің қызметтік объектісі жасалған жағдайда автор өнеркәсіптік меншіктің қызметтік объектісін жасау фактісін анықтаған күннен бастап бір ай ішінде жұмыс берушіні жазбаша нысанда хабардар етеді.
Хабарламаға автор (авторлар) қол қояды және онда:
1) автордың тегі, аты, әкесінің аты (ол болған жағдайда) және атқаратын лауазымы көрсетілуге;
2) өнеркәсіптік меншіктің қызметтік объектісінің атауы;
3) оның жасалу жағдайы мен орны, болжалды қолданылу саласы;
4) өнеркәсіптік меншік объектісінің мәнін ашуға, санатын айқындауға және жұмыс берушінің қызметінде жарамдылығын бағалауға жеткілікті, толық жасалған сипаттама қамтылуға тиіс.
Жұмыс беруші автор (авторлар) берген өнеркәсіптік меншіктің қызметтік объектісін жасағаны туралы хабарламаны оны берген күні қабылдауға және тіркеуге міндетті, бұл жөнінде авторға (авторларға) жазбаша нысанда хабарланады.
Егер сипаттама және өтінімді ресімдеуге қажетті өзге де мәліметтер толық болмаса, онда жұмыс берушінің қызметкерден өнеркәсіптік меншіктің қызметтік объектісі туралы қосымша материалдарды сұратуға құқығы бар, ол сұрау салуды алған күннен бастап бір ай ішінде қосымша материалдарды ұсынады. Мұндай жағдайда осы баптың 7-тармағында көрсетілген мерзімінің өту барысы тоқтатыла тұрады және сұратылған мәліметтер алынғаннан бастап қайта басталады.
5. Егер қызметкер қорғау құжатын алуға құқығы бар жұмыс берушіні өнеркәсіптік меншіктің қызметтік объектісінің құрылғаны туралы хабардар етпесе, онда осы баптың 7-тармағында көрсетілген мерзім жұмыс берушіге оның құрылғаны туралы белгілі болған күннен басталады.
Егер жұмыс беруші өнеркәсіптік меншіктің қызметтік объектісінің құрылған фактісін анықтаса, онда ол авторға бұл туралы жазбаша түрде хабарлауға міндетті. Бұл ретте егер өнеркәсіптік меншіктің қызметтік объектісіне қорғау құжатын алу құқығы жұмыс берушіге тиесілі болса, ол авторға тиісті өтінімді ресімдеудің басталғандығы туралы хабарлауға міндетті, ал автор жұмыс берушінің талабы бойынша жазбаша нысанда өнеркәсіптік меншіктің қызметтік объектісіне өтінімді ресімдеу үшін қажетті қосымша ақпаратты және оның барлық авторларының тізімін беруге міндетті.
6. Жұмыс беруші өнеркәсіптік меншіктің қызметтік объектісіне қорғау құжатын алуға өтінім бергеннен кейін оны алуға не қорғау құжатын күшінде ұстап тұруға мүдделі болмаған жағдайда, қорғау құжатын алуға құқықты не алынған қорғау құжатын авторға уақтылы және өтеусіз беруге міндетті.
7. Егер жұмыс беруші өзін автор хабардар еткен күннен бастап төрт ай ішінде өнеркәсіптік меншіктің қызметтік объектісіне қорғау құжатын беруге өтінім бермесе, қорғау құжаттарын алу құқығын басқа адамға бермесе және тиісті объектіні құпия сақтау туралы авторға хабарламаса, онда қорғау құжатын алу құқығы авторға ауысады. Бұл жағдайда жұмыс берушінің тиісті өнеркәсіптік меншік объектісін патент иеленушімен шарт бойынша өз өндірісінде пайдалануға басым құқығы бар.
8. Тараптардың ешқайсысының екінші тарапқа бұл туралы хабардар етпей, өнеркәсіптік меншіктің қызметтік объектісіне қатысты өз құқықтарын қамтамасыз ету үшін сараптама ұйымына қорғау құжатын алуға өтінім беруге құқығы жоқ.
9. Өнеркәсіптік меншіктің қызметтік объектісі үшін авторға сыйақы төлеудің мөлшері, шарттары және тәртібі автор мен жұмыс беруші арасындағы келісімде белгіленеді. Келісімге қол жеткізілмеген жағдайда шешімді сот қабылдайды. Егер өнеркәсіптік меншіктің қызметтік объектісін құрудағы автор мен жұмыс берушінің үлестерін мөлшерлеу мүмкін болмаса, жұмыс беруші алған немесе алуға тиісті пайданың жартысына автордың құқығы бар деп танылады.»;
8) 11-бапта:
6-тармақ мынадай редакцияда жазылсын:
«6. Патент иеленушi өзі алған қорғау құжатын кез келген жеке немесе заңды тұлғаларға бере алады. Өзгеге беру шарты уәкiлеттi органда мiндетті түрде тiркелуге жатады.
Қорғау құжатын өзгеге беру шартын тіркеу сараптама ұйымы жүргізетін материалдарды сараптау нәтижелері бойынша жүзеге асырылады.»;
12-тармақтың бірінші және үшінші бөліктері мынадай редакцияда жазылсын:
«12. Шартты тіркеу туралы шешім шығарылғаннан кейін уәкілетті орган:
1) шарттың титулдық парағына тiркелген күнiн және тiркеу нөмiрiн көрсете отырып, оның тiркелгенi туралы мөртабан соғады;
2) шарт туралы мәлiметтердi тiркелген шарттардың тiзiлiмiне енгізедi;
3) шартты тіркеу туралы мәліметтерді жариялау үшін шарттың бақылау данасын қорытындымен қоса сараптама ұйымына жібереді.»;
«Тіркелген шарттар бойынша сараптама ұйымы оған қатысты шарт жасалатын өнеркәсіптік меншік объектісіне қорғау құжатына қосымшаны ресімдейді; тіркелген шарттың екі данасын және қорғау құжатына қосымшаны өтінімде хат жазысу үшін көрсетілген мекенжай бойынша жібереді; тіркелген шарттар туралы мәліметтерді, атап айтқанда, шарттың тіркелген нөмірі мен күнін, шарт тараптарының атауын немесе толық деректерін, шарттың нысанасын, шарттың қолданылу мерзімін, шарттың қолданылу аумағын бюллетеньде жариялайды.»;
13-тармақ мынадай редакцияда жазылсын:
«13. Қорғау құжатын өзгеге беру шарты уәкілетті органда тiркелген күнінен бастап күшiне енедi.»;
15-тармақ мынадай редакцияда жазылсын:
«15. Патент иеленушi қорғау құжатын күшiнде ұстау үшiн жыл сайын өтінім берген күнге сәйкес келетін күні төлем жүргізуге мiндеттi.
Қорғау құжатын күшiнде ұстау үшiн алғашқы төлем қорғау құжатын беру туралы мәліметтер жарияланған күннен бастап екі ай мерзімде жүргізіледі және өтінімді берген күннен бастап алдыңғы жылдар үшін төлемді қамтиды.»;
мынадай мазмұндағы 16-тармақпен толықтырылсын:
«16. Еуразиялық патентті Қазақстан Республикасының аумағында күшінде ұстау үшін төленетін баж мөлшерін Қазақстан Республикасының Үкіметі белгілейді.»;
9) 13-бапта:
2-тармақ мынадай редакцияда жазылсын:
«2. Өнеркәсiптiк меншiк объектiсiн басымдық берiлген күннен бастап, бiрақ өнертабысқа, өнеркәсiптiк үлгiге немесе пайдалы модельге патент беру туралы мәлiметтер жарияланған күнге дейiн пайдалана бастаған тұлғалар патент иеленушiнiң талап етуi бойынша одан әрi пайдалануын тоқтатуға тиiс. Алайда мұндай тұлға патент иеленушiге осындай пайдалану нәтижесiнде келтірілген шығынды өтеуге мiндетті емес.»;
4-тармақ мынадай мазмұндағы бөлікпен толықтырылсын:
«Тараптар істі бітімгерлік келісіммен немесе дауды медиация тәртібімен (қақтығысты) реттеу туралы келісіммен аяқтауы мүмкін, оларға тараптар қол қояды және оларды сот бекітеді.»;
10) 14-баптың 3, 4 және 5-тармақтары мынадай редакцияда жазылсын:
«3. Лицензиаттың өнеркәсiптiк меншiк объектiсiн пайдалануға арналған лицензияны басқа адамға (қосалқы лицензиатқа) беруі туралы шарт (қосалқы лицензиялық шарт) лицензиялық шартта көзделген жағдайларда ғана жасалуы мүмкiн.
Егер лицензиялық шартта өзгеше көзделмесе, қосалқы лицензиаттың әрекеттерi үшiн лицензиар алдында лицензиат жауапты болады.
4. Өнертабысты, пайдалы модельдi, өнеркәсiптiк үлгiнi пайдалануға арналған лицензиялық шарт пен қосалқы лицензиялық шарт, сондай-ақ оған қосымша келісім жазбаша нысанда жасалады және олар уәкiлеттi органда міндетті түрде тiркелуге тиіс. Жазбаша нысанды немесе тiркеу туралы талапты сақтамау шарттың жарамсыздығына әкеп соғады.
Лицензиялық шартты тiркеу сараптама ұйымы жүргізетін материалдарды сараптау нәтижелерi бойынша жүзеге асырылады.
Егер Қазақстан Республикасының заңнамасында өзгеше көзделмесе, қосалқы лицензиялық шартты, сондай-ақ оған қосымша келісімді тiркеу тәртiбiне лицензиялық шартты тiркеу туралы ережелер қолданылады.
5. Патент иеленушi өнеркәсiптiк меншік объектiлерiн пайдалануға арналған лицензияны (ашық лицензияны) алу құқығын кез келген адамға беру туралы уәкiлеттi органға өтініш бере алады.
Көрсетiлген лицензияны сатып алуға тiлек бiлдiрушi адам патент иеленушiмен төлемдер туралы шарт жасасып, оны мiндеттi түрде уәкiлеттi органда тiркетуге тиiс. Шарт талаптары бойынша даулар сотта қаралады.
Патент иеленушiнiң ашық лицензия құқығын беру туралы өтiнiшi кері қайтарылуға жатпайды және ашық лицензиялар туралы мәлiметтер бюллетеньде жарияланған күннен бастап үш жыл бойы күшiн сақтайды. Көрсетілген мерзiм шегiнде қорғау құжаттарын күшiнде ұстағаны үшiн төлем ашық лицензиялар туралы мәлiметтер жарияланғаннан кейiнгi жылдан бастап 50 пайызға азаяды.
Лицензиялық шарт жасалған жағдайда, қорғау құжатын күшiнде ұстау ақысы осы шарт жасалған жылдан кейiнгi жылдан бастап толық көлемде жүргiзiледi.»;
11) 17-баптың 2-тармағының 6) тармақшасы мынадай редакцияда жазылсын:
«6) iсті өкiл арқылы жүргiзген жағдайда – сенiмхат немесе патенттік сенім білдірілген өкіл арқылы жүргiзген жағдайда – сенімхаттың көшірмесі;»;
12) 18-баптың бірінші бөлігінде:
2-тармақтың 6) тармақшасы мынадай редакцияда жазылсын:
«6) iсті өкiл арқылы жүргiзген жағдайда – сенiмхат немесе патенттік сенім білдірілген өкіл арқылы жүргiзген жағдайда – сенімхаттың көшірмесі болуға тиіс;»;
3-тармақ мынадай редакцияда жазылсын:
«3. Пайдалы модельге өтінiм берiлген күн сараптама ұйымына өтінім берушінің тегi, аты, әкесiнiң аты (егер ол болса) немесе толық атауы, сипаттамасы және сызбасы көрсетіле отырып, пайдалы модельге патент беру туралы өтінішті қамтитын өтiнiмнің түскен күнi бойынша, ал егер көрсетілген құжаттар бiр мезгiлде тапсырылмаса, онда тапсырылған құжаттардың соңғысы түскен күнi бойынша белгiленедi.»;
13) 19-бапта:
1-тармақ мынадай редакцияда жазылсын:
«1. Өнеркәсiптік үлгiге патент беруге өтiнiм (бұдан әрi – өнеркәсiптік үлгiге өтiнiм) бiр өнеркәсiптік үлгiге немесе өзара байланысып кеткендігі соншалықты біртұтас шығармашылық ойды (өнеркәсiптік үлгiнiң бiртұтастығы талабын) құрайтын өнеркәсiптік үлгiлер тобына қатысты болуға тиiс.»;
2-тармақтың бірінші бөлігінің 5) тармақшасы мынадай редакцияда жазылсын:
«5) iсті өкiл арқылы жүргiзген жағдайда – сенiмхат немесе патенттік сенім білдірілген өкіл арқылы жүргiзген жағдайда – сенімхаттың көшірмесі болуға тиіс.»;
14) 21-бап мынадай редакцияда жазылсын:
«21-бап. Өтінім құжаттарын өтінім берушінің бастамасы бойынша түзету
1. Тиiстi шешiм қабылданғанға дейiн өтiнiм берушiнiң өтiнiм құжаттарына өтінім берілген объектiнiң мәнiн өзгертпей түзетулер мен нақтылаулар, сондай-ақ тиісті өтінішхат беру арқылы қорғау құжатын алуға құқықты беру кезінде өтінім берушінің нұсқауына қатысты өзгерістер енгiзуге құқығы бар.
Осы өзгерiстер өтiнiм түскен күннен бастап екi ай iшiнде енгiзiлген жағдайда төлем алынбайды.
2. Өтiнiм берушi атауының өзгеруi нәтижесiнде өтінім берушінің нұсқауына қатысты өзгерiстер, сондай-ақ өтiнiм құжаттарындағы техникалық сипаттағы қателердi түзету тиiстi төлем төленген жағдайда өнеркәсiптiк меншiк объектiлерi тиiстi Мемлекеттiк тiзiлiмде тiркелген күнге дейiн жүргізілуі мүмкiн.»;
15) 22-бапта:
9-тармақ мынадай редакцияда жазылсын:
«9. Егер өтiнiмге мәнi бойынша сараптама жасау нәтижесiнде сараптама жасау ұйымы өтiнiм берушi сұрап отырған құқықтық қорғау көлемiндегi мәлiмделген ұсыныс осы Заңның 6-бабында айқындалған өнертабыстың патент қабiлеттiлiгi талаптарына сәйкес келетiнiн анықтаса, онда сараптама жасау ұйымы белгiленген басымдықты көрсете отырып, патентке өтiнiм берушiмен келiсiлген өнертабыс формуласымен бірге оң қорытынды береді.
Сараптама жасау ұйымының қорытындысы негiзiнде уәкiлеттi орган он күн мерзімде өнертабысқа патент беру туралы шешiм шығарады.
Уәкілетті органның өнертабысқа патент беру туралы шешімінің негізінде сараптама жасау ұйымы он жұмыс күні ішінде өтінім берушіге сараптама жасау ұйымының қорытындысын және қорғау құжатын беру үшін баж төлеу қажеттігі туралы хабарлама жібереді.
Өтінім берушіге уәкілетті органның патент беру туралы шешім қабылдағаны туралы хабарлама жіберілген күннен бастап үш ай ішінде өтінім беруші сараптама жасау ұйымына патентті беруге және жариялауға дайындығы үшін тиісті төлемді, сондай-ақ мемлекеттік баж төленгенін растайтын құжатты береді. Көрсетілген құжаттар берілмеген кезде өткізіп алған мерзімді қалпына келтіруге төлем жасалғаны туралы құжат берілген жағдайларда төлем мерзімі үш ай ішінде қалпына келтірілуі мүмкін. Олай болмаған жағдайда өтінім қайтарып алынған болып есептеледі, өтінім бойынша іс жүргізу тоқтатылады, ол туралы өтінім берушіге қалпына келтіру мерзімі өткен күннен бастап бір ай мерзім ішінде хабарланады.»;
11-тармақ мынадай редакцияда жазылсын:
«11. Өтiнiм берушi сараптама жасау ұйымының тиiстi қорытындысы берiлгенге дейiн өтiнiмдi қараудың кез келген сатысында пайдалы модельге патент беру туралы өтiнiшхат бере алады. Бұл жағдайда сараптама осы Заңның 23-бабына сәйкес жүргiзiледi.»;
13-тармақ мынадай редакцияда жазылсын:
«13. Осы баптың 3, 4, 7, 8, 10-тармақтарында көзделген және өтiнiм берушi өткiзiп алған мерзiмдi қалпына келтiру ақысының төленгенi туралы құжатты ұсынған кезде сараптама жасау ұйымы қалпына келтiруi мүмкiн.
Мерзiмдi қалпына келтiру туралы өтiнiшхатты өтiнiм берушi өткiзiп алған мерзiм өткен күннен бастап он екi айдан кешiктiрмей беруi мүмкiн. Мұндай өтiнiшхат сараптама жасау ұйымына сараптаманың сұрау салған материалдарымен, ақы төленгені туралы құжаттармен немесе апелляциялық кеңеске жасалған қарсылықпен бiрге тапсырылады.
Сұрау салуға жауап беру немесе осы баптың 3, 8-тармақтарында көзделген қосымша құжаттарды ұсыну мерзімдері – өтінім берушінің белгіленген мерзім өткенге дейін берген өтініші бойынша төлем жасалған жағдайда, белгіленген мерзім өткен күннен бастап алты айға дейінгі мерзімге, ал осы баптың 10-тармағында көзделген қарсылық білдіру мерзімдері – белгіленген мерзім өткен күннен бастап үш айдан аспайтын мерзімге ұзартылуы мүмкін.»;
16) 22-1-бап алып тасталсын;
17) 23-бап мынадай редакцияда жазылсын:
«23-бап. Пайдалы модельге патент беруге арналған өтінімге сараптама
1. Сараптама жасау ұйымына келiп түскен өтiнiм бойынша осы Заңның 18-бабы 2-тармағының бiрiншi бөлiгiнiң 1), 2, 4) тармақшаларында көзделген өтінім құжаттарының бар-жоғы тексерiледi, өтiнiм берiлген күн белгiленедi. Егер өтiнiм осы Заңның 18-бабы 2-тармағының бiрiншi бөлiгi 1), 2), 3) және 4) тармақшаларының талаптарын қанағаттандырмаса, сараптама жасау ұйымы өтiнiм берушiге бұл туралы хабарлайды және жетiспейтiн құжаттарды (мәлiметтердi) осындай хабарлама жiберiлген күннен бастап үш ай iшiнде табыс етудi ұсынады. Өтiнiм берушi сұратылған құжаттарды (мәлiметтердi) белгiленген мерзiмде ұсынбаған жағдайда, өтiнiм берiлмеген болып есептеледi, ол туралы өтiнiм берушiге тиiстi хабарлама жiберiледi.
Сараптама жүргiзу барысында осы Заңның 18-бабының 2-тармағында көзделген қажеттi құжаттардың бар-жоғы және оларға қойылатын белгіленген талаптардың орындалуы тексерiледi, пайдалы модельдің басымдық күнi, мәлiмделген ұсынысты пайдалы модель ретiнде қорғалатын объектiлерге жатқызу мүмкiндiгi айқындалады, пайдалы модельдiң бiрлiгi тексерiледі. Мәлiмделген пайдалы модельдiң осы Заңның 7-бабының 1-тармағында белгiленген патент қабiлеттiлiгі талаптарына сәйкестiгi жүзеге асырылмайды. Патент өтінім берушінің тәуекеліне және жауапкершілігіне беріледі.
Пайдалы модельге өтiнiмнiң сараптамасын өткiзген кезде тиiсiнше осы Заңның 22-бабының 2, 3, 4 және 13-тармақтарындағы ережелер қолданылады.
Егер сараптама нәтижесiнде өтiнiмнiң пайдалы модельдер ретiнде қорғалатын объектiлерге жататыны және құжаттардың белгiленген талаптарға сәйкестiгi анықталса, пайдалы модельге патент беруге сараптама жасау ұйымының оң қорытындысы берiледi.
Сараптама жасау ұйымының қорытындысы он күн мерзімде патент беру туралы шешім қабылдау үшін уәкілетті органға жіберіледі, бұл туралы (мұндай шешім қабылданған жағдайда) өтінім берушіге хабарланады.
Сараптама жасау ұйымының қорытындысы негізінде уәкілетті орган он күн мерзімде пайдалы модельге патент беру туралы шешім шығарады.
Уәкілетті органның пайдалы модельге патент беру туралы шешімінің негізінде сараптама жасау ұйымы он жұмыс күні ішінде өтінім берушіге сараптама жасау ұйымының қорытындысын және қорғау құжатын беру үшін баж төлеу қажеттігі туралы хабарлама жібереді.
Уәкiлеттi органның патент беру туралы шешiм қабылдағаны туралы хабарлама өтiнiм берушіге жiберiлген күннен бастап үш ай iшiнде өтiнiм беруші сараптама жасау ұйымына патентті беруге және жариялауға дайындағаны үшiн тиiстi төлемді, сондай-ақ мемлекеттік бажды төлегенін растайтын құжатты ұсынады. Көрсетiлген құжаттар берілмеген кезде өткізіп алған мерзімді қалпына келтіруге төлем жасалғаны туралы құжатты ұсынған жағдайда төлем мерзімі үш ай ішінде қалпына келтірілуі мүмкін. Олай болмаған жағдайда өтiнiм қайтарып алынған болып есептеледi, өтiнiм бойынша iс жүргiзу тоқтатылады, бұл туралы өтiнiм берушіге қалпына келтіру мерзімі өткен күннен бастап бір ай мерзімде хабарланады.
Егер сараптама нәтижесiнде өтiнiмнiң пайдалы модельдер ретiнде қорғалмайтын объектiлерге жататыны анықталса, сараптама жасау ұйымының терiс қорытындысы берiледi. Егер өтінім беруші өзі ұсынған формулада өтiнiмнiң бастапқы материалдарында болмаған белгiлерді қамтитыны немесе пайдалы модель ретiнде қорғалатын объектiден басқа пайдалы модель ретiнде қорғалатын объектiлерге жатпайтын ұсынысты да сипаттайтыны немесе оған қатысты пайдалы модель бiрлiгi талаптарының бұзылуына байланысты қаралмағандығы туралы хабарламадан кейiн формуланы өзгертпеген жағдайда да сараптама жасау ұйымының терiс қорытындысы берiледi.
Өтiнiм берушi сараптама жасау ұйымының терiс қорытындысына ол жiберiлген күннен бастап үш ай мерзiм iшiнде уәкiлеттi органға қарсылық беруге құқылы. Қарсылықты оның түскен күнiнен бастап екi ай мерзiмде апелляциялық кеңес қарауға тиiс.
4. Өтiнiм берушi өтiнім қаралуының кез келген сатысында, сондай-ақ патент иеленушi мен үшiншi тұлғалар патент беру туралы мәлiметтер жарияланғаннан кейiн техникалық деңгейiн анықтау үшiн сонымен салыстыру арқылы пайдалы модельдiң патент қабiлеттiлiгiн бағалау жүзеге асырылатын ақпараттық iздестiру жүргiзу туралы өтiнiшхат беруi мүмкiн. Бұл ретте тиiсiнше осы Заңның 22-бабы 11-тармағының ережелерi қолданылады.»;
18) 24-бапта:
2-тармақтың үшінші бөлігі мынадай редакцияда жазылсын:
«Егер өтiнiм берушi белгiленген мерзiмде сұратылған құжаттарды немесе белгiленген мерзiмдi ұзарту туралы өтiнiшхатты бермесе, өтiнiм қайтарып алынған болып есептеледi, ол туралы өтiнiм берушiге тиiстi хабарлама жiберiледi. Бұл мерзім тиісті төлем төленген жағдайда, бірақ үш айдан аспайтын мерзімге ұзартылуы мүмкін.»;
мынадай мазмұндағы 2-1-тармақпен толықтырылсын:
«2-1. Өнеркәсіптік үлгінің бірлігі талаптары бұзыла отырып берілген өтінім бойынша өтінім берушіге оған тиісті хабарлама жіберілген күннен бастап үш ай мерзім ішінде өнеркәсіптік үлгінің қайсысы қаралуға жататынын хабарлау және қажет болған кезде өтінім құжаттарына нақтылау енгізу ұсынылады. Бастапқы өтінім материалдарына енгізілген басқа өнеркәсіптік үлгілер бөлектелген өтінімдермен ресімделуі мүмкін. Бөлектелген өтінімдердің басымдығы осы Заңның 20-бабының 5-тармағына сәйкес белгіленеді.
Егер өтінім беруші өзіне бірлік талаптары бұзылғаны туралы хабарлама жіберілген күннен бастап үш ай мерзімде өнеркәсіптік үлгілердің қайсысы қаралуға жататынын хабарламаса және нақтыланған құжаттарды бермесе, сипаттамада бірінші көрсетілген объектіні, сондай-ақ біріншісімен олар өнеркәсіптік үлгінің бірлік талабын қанағаттандыратындай байланыста болатын басқа өнеркәсіптік үлгілерді қарау жүргізіледі.»;
4-тармақтың үшінші бөлігі мынадай редакцияда жазылсын:
«Қосымша материалдарға өнеркәсiптiк үлгiнiң мәнiн өзгертетiн бөлiгiнде осы баптың 1-тармағында белгiленген тәртiп қолданылады. Егер өтiнiм берушi сұратылған материалдарды немесе белгiленген мерзiмдi ұзарту туралы өтiнiшхатты белгiленген мерзiмде ұсынбаса, өтiнiм қайтарып алынған болып есептеледi. Бұл мерзім тиісті төлем төленген жағдайда, бірақ үш айдан аспайтын мерзімге ұзартылуы мүмкін.»;
5-тармақ мынадай редакцияда жазылсын:
«5. Сараптама жасау ұйымы, егер өтiнiмге мәнi бойынша жүргiзiлген сараптама нәтижесiнде өтiнiм берушiнің сұраған көлемдегi құқықтық қорғау мәлiмделген ұсынысы осы Заңның 8-бабында айқындалған өнеркәсiптiк үлгiнiң патент қабiлеттiлiгі шарттарына сәйкес келетiнiн анықтаса, онда сараптама жасау ұйымы белгiленген басымдықты көрсете отырып, өтiнiм берушiмен келiсiлген елеулi белгiлер жиынтығымен бiрге патентке оң қорытынды бередi.
Сараптама жасау ұйымының қорытындысы негiзiнде уәкiлеттi орган он күн мерзімде өнеркәсiптiк үлгiге патент беру туралы шешiм шығарады.
Уәкілетті органның өнеркәсіптік үлгіге патент беру туралы шешімі негізінде сараптама жасау ұйымы он жұмыс күні ішінде өтінім берушіге сараптама жасау ұйымының қорытындысын және қорғау құжатын беру үшін баж төлеу қажеттігі туралы хабарлама жібереді.
Уәкiлеттi органның патент беру туралы шешiм қабылдағаны туралы хабарлама өтiнiм берушіге жiберiлген күннен бастап үш ай iшiнде өтiнiм беруші сараптама жасау ұйымына патентті беруге және жариялауға дайындағаны үшін тиiстi төлемді, сондай-ақ мемлекеттік баждың төленгенін растайтын құжатты ұсынады. Көрсетiлген құжаттар берілмеген кезде өткізіп алған мерзімді қалпына келтіруге төлем жасалғаны туралы құжат берілген жағдайда төлем мерзімі үш ай ішінде қалпына келтірілуі мүмкін. Олай болмаған жағдайда, өтiнiм қайтарып алынған болып есептеледi, өтiнiм бойынша iс жүргiзу тоқтатылады, бұл туралы өтiнiм берушіге қалпына келтіру мерзімі өткен күннен бастап бір ай мерзімде хабарланады.»;
8-тармақтың бірінші бөлігі мынадай редакцияда жазылсын:
«8. Сараптама жасау ұйымы осы баптың 2, 3 және 4-тармақтарында көзделген және өтiнiм берушi өткiзiп алған мерзiмдi қалпына келтiруге ақы төленгенi туралы құжатты ұсынған кезде қалпына келтiруi мүмкiн.»;
19) 26-баптың 1-тармағы мынадай редакцияда жазылсын:
«1. Сараптама ұйымы өнертабысқа патент беру туралы мәлiметтердi өтiнiм берiлген күннен бастап он сегiз ай, ал пайдалы модельге және өнеркәсiптiк үлгiге патент беру туралы мәлiметтердi он екi ай өткен соң бюллетеньде жариялайды. Өтiнiм берушiнiң өтiнiшхаты бойынша сараптама ұйымы мәлiметтердi көрсетiлген мерзiмнен ерте жариялайды.»;
20) 30-баптың 1-тармағы мынадай редакцияда жазылсын:
«1. Апелляциялық кеңес шешiмiнiң немесе сот шешiмiнiң негiзiнде қорғау құжаты толық немесе iшiнара жарамсыз деп танылады.
Қорғау құжаты ішінара жарамсыз деп танылған жағдайда өнертабыстың қалған қорғауға қабілетті объектісіне, өнертабыстың, пайдалы модельдің немесе өнеркәсіптік үлгінің нұсқасына жаңа патент беріледі.
Өнертабысқа, пайдалы модельге немесе өнеркәсіптік үлгіге берілген толық немесе ішінара жарамсыз деп танылған патент, патентке өтінім берілген күннен бастап күшін жояды.
Кейіннен жарамсыз деп танылған патент негізінде жасалған лицензиялық шарттар патентті жарамсыз деп тану туралы шешім шығарылған кезде орындалған деңгейде күшін сақтайды.
Патентті жарамсыз деп тану уәкілетті органның өнертабысқа, пайдалы модельге немесе өнеркәсіптік үлгіге патент беру туралы шешімінің күшін жоюды және тиісті мемлекеттік тізілімдегі жазбаны жоюды білдіреді.»;
21) 31-баптың 1-тармағы мынадай редакцияда жазылсын:
«1. Осы Заңның 30-бабы 2-тармағының 2) тармақшасында көрсетілген негiзде тоқтатылған патенттің қолданысы, патент иеленушiнiң өтiнiшхаты бойынша патенттi күшiнде ұстау үшiн төленетiн төлемнiң мерзiмi өткен күннен бастап үш жыл iшiнде қалпына келтiрiлуi мүмкiн. Қалпына келтіру туралы өтінішхатқа патенттің қолданылуын қалпына келтiруге құжаттарды дайындау үшін және оны қолдану кезеңінде күшінде ұстау үшін төлем мерзімі өтіп кеткен төлемді растайтын құжат қоса беріледі.
Сараптама ұйымы қалпына келтіру туралы өтінішхат берілген күннен бастап үш айдан кешіктірмей патенттiң қолданысын қалпына келтiру туралы мәлiметтерді бюллетеньде жариялайды. Жарияланым күнi патенттiң қолданылуы қалпына келтiрiлген күн болып табылады.»;
22) 32-бапта:
1-тармақ мынадай редакцияда жазылсын:
«1. Апелляциялық кеңес осы Заңның 22-бабының 10-тармағына, 23-бабының 3-тармағына, 24-бабының 6-тармағына және 29-бабының 2-тармағына сәйкес берiлетiн қарсылықтар бойынша дауларды сотқа дейiн қарау жөнiндегi уәкiлеттi органның бөлiмшесi болып табылады. Апелляциялық кеңес туралы ережені уәкілетті орган бекітеді.»;
2-тармақта:
бірінші бөлік мынадай редакцияда жазылсын:
«2. Апелляциялық кеңеске мынадай:
1) өнертабысқа, пайдалы модельге, өнеркәсіптік үлгіге патент беруден бас тарту туралы уәкілетті органның шешімдеріне (сараптама ұйымының қорытындысына);
2) өнертабысқа, пайдалы модельге, өнеркәсіптік үлгіге патент беруге, өнертабысқа еуразиялық патенттің қолданысына қарсы қарсылықтар берілуі мүмкін.»;
жетінші бөлік мынадай редакцияда жазылсын:
«Осы тармақтың 1) тармақшасында көрсетiлген қарсылықтарды берудiң өтiнiш берушi өткiзiп алған мерзімі өткізіп алған мерзімді қалпына келтіру ақысының төленгені туралы құжат ұсынылған жағдайда қалпына келтiрiлуi мүмкiн. Өткiзiп алған мерзiмдi қалпына келтiру туралы өтiнiшхатты өтiнiш берушi осы Заңда белгіленген мерзімдер ішінде беруi мүмкiн. Мұндай өтiнiшхат апелляциялық кеңеске қарсылықпен бiр мезгілде ұсынылады.»;
23) 36-1-бапта:
1-тармақтың 3) және 4) тармақшалары мынадай редакцияда жазылсын:
«3) өнертабыстарға, пайдалы модельдерге және өнеркәсіптік үлгілерге құқықтарды қорғау мәселелері бойынша уәкілетті органмен және (немесе) сараптама ұйымымен өзара іс-қимыл жасау, оның ішінде хат-хабар алмасуды жүргізу, сараптама қорытындыларына қарсылықтарды дайындау және жолдау, сараптама ұйымы жанындағы сараптама кеңесінің отырыстарына қатысу;
4) басқаға беру шарттарын, лицензиялық (қосалқы лицензиялық) шарттарды және оларға қосымша келісімдерді жасасуға, қарауға және кейіннен оларды сараптамаға беруге жәрдемдесу қызметін жүзеге асыруға құқылы.»;
3-тармақ мынадай редакцияда жазылсын:
«3. Патенттік сенiм білдірілген өкіл өнертабысқа, пайдалы модельдерге және өнеркәсіптік үлгілерге өтінімдер беруге және (немесе) қорғау құжаттарын алуға, сондай-ақ апелляциялық кеңеске қарсылықтарды беруге байланысты істерді жүргізуге арналған сенімхаттың көшірмесін сараптама ұйымына және уәкілетті органға ұсынады.
Егер сенімхат шет тілінде жасалса, онда міндетті түрде оның нотариус куәландырған қазақ және орыс тілдеріндегі аудармасы ұсынылуға тиіс.».
6. «Тауар таңбалары, қызмет көрсету таңбалары және тауар шығарылған жерлердің атаулары туралы» 1999 жылғы 26 шілдедегі Қазақстан Республикасының Заңына (Қазақстан Республикасы Парламентінің Жаршысы, 1999 ж., № 21, 776-құжат; 2004 ж., № 17, 100-құжат; 2005 ж., № 21-22, 87-құжат; 2007 ж., № 5-6, 37-құжат; 2011 ж., № 11, 102-құжат; 2012 ж., № 2, 13-құжат; № 14, 95-құжат):
1) 1-бапта:
3) тармақша мынадай редакцияда жазылсын:
«3) географиялық сілтеме – бұл белгілі бір аумақтан, өңірден немесе жерден шығарылатын тауарды сәйкестендіру сілтемесі;»;
мынадай мазмұндағы 4-2) тармақшамен толықтырылсын:
«4-2) Сингапур шарты – 2006 жылғы 27 наурыздағы Тауар таңбалары жөніндегі заңдар туралы Сингапур шарты;»;
9), 10), 11) тармақшалар мынадай редакцияда жазылсын:
«9) тауар таңбасын немесе тауар шығарылған жердiң атауын пайдалану – тауар таңбасын немесе тауар шығарылған жердiң атауын қорғалатын тауарларда және қызметтер көрсету кезінде және (немесе) олардың бумасында қолдану, тауар таңбасының немесе тауар шығарылған жердiң атауының белгiсi бар тауарды жасау, қолдану, әкелу, сақтау, сатуға ұсыну, сату, маңдайшажазуларда, жарнамада, баспа өнiмiнде немесе өзге де iскерлiк құжаттамада қолдану, сондай-ақ оларды азаматтық айналымға өзгеше енгiзу;
10) тауар таңбасының немесе тауар шығарылған жердің атауын пайдалану құқығының иесі – осы Заңға сәйкес тауар таңбасына айрықша құқыққа немесе тауар шығарылған жердің атауын пайдалануға айрықша құқыққа ие заңды немесе жеке тұлға;
11) тауар шығарылған жердiң атауы – елдің, өңірдің, елді мекеннің, жердің не басқа географиялық сілтеменің атауын білдіретін не құрамында атауы бар белгі, сондай-ақ осындай атаудан туындаған және ерекше қасиеттері, сапасы, репутациясы немесе басқа да сипаттары негізінен оның географиялық шығу тегіне, оның ішінде өзіне тән табиғи жағдайларға және (немесе) адам факторына байланысты тауарға қатысты оны пайдалану нәтижесінде белгілі болған сілтемесі;»;
мынадай мазмұндағы 13), 14) және 15) тармақшалармен толықтырылсын:
«13) бірдей тауар таңбалары – барлық элементтері сәйкес келетін таңбалар немесе белгілер;
14) араласып кеткен дәрежеге дейiн ұқсас таңбалар – жекелеген элементтерінің айырмашылығы бар және тұтынушы ассоциативті тұрғыда бірдей деп қабылданатын ұқсас таңбалар немесе белгілер;
15) бiртектес тауарлар немесе көрсетілетін қызметтер – бұл тауарларда бiрдей немесе ұқсас таңбаларды қолданған кезде тұтынушыда олардың бір өндірушіге тиесілі екені туралы пікір тудыруы мүмкін бір текке (түрге) жататын бір функцияны орындайтын тауарлар немесе қызметтер.»;
2) 2-баптың 1-тармағы мынадай редакцияда жазылсын:
«1. Қазақстан Республикасының тауар таңбалары, қызмет көрсету таңбалары және тауар шығарылған жерлердің атаулары туралы заңдары Қазақстан Республикасы Азаматтық кодексінің нормаларынан, осы Заңнан және Қазақстан Республикасының өзге де нормативтiк құқықтық актілерiнен тұрады.»;
3) 3-баптың 2-тармағы мынадай редакцияда жазылсын:
«2. Уәкiлеттi органның құзыретiне:
1) тауар таңбаларын, қызмет көрсету таңбаларын, тауар шығарылған жерлердiң атауларын құқықтық қорғау саласында мемлекеттiк саясатты iске асыруға қатысу;
2) тауар таңбаларын және тауар шығарылған жерлердiң атауларын тіркеу;
3) тауар таңбасын жалпыға бiрдей белгiлi деп танудың тәртiбiн айқындау;
4) тауар шығарылған жерлердiң атауын тiркеудiң және (немесе) тауар шығарылған жерлердiң атауын пайдалануға құқық берудiң тәртiбiн айқындау;
5) тауар таңбасына құқықты беру туралы шартты тіркеу жөніндегі өтініштің нысанын бекіту;
6) тауар таңбасын пайдалануға лицензиялық шартты, қосалқы лицензиялық шартты, кешенді кәсіпкерлік лицензия шартын және кепіл шартын тіркеу туралы өтініштің нысанын бекіту;
7) тауар таңбаларын, тауар шығарылған жерлердiң атауларын, қызмет көрсету таңбаларын пайдаланатын жеке және заңды тұлғалардың қызметiн бақылау;
8) хаттамаларды жазу және әкiмшiлiк құқық бұзушылық туралы iстердi қарау, әкiмшiлiк жазалар қолдану;
9) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асыру жатады.»;
4) 3-1-баптың 1-тармағы мынадай редакцияда жазылсын:
«1. Ұжымдық тауар таңбасын тіркеуге өтінім қабылдауды; формальды сараптама жүргізуді; өтінім материалдарына өзгерістер мен түзетулер енгізуді; өтініш берушінің бастамасы бойынша сыныптар бойынша тауар таңбасына өтінімдер бөлуді; тауар таңбасына өтінімді ұжымдық тауар таңбасына қайта өзгертуді және керісінше өзгертуді; Мадрид келісіміне сәйкес халықаралық өтінімді қабылдауды; тауарлар мен көрсетілетін қызметтердің халықаралық сыныпталуына сәйкес тауарлар мен көрсетілетін қызметтердің тізбесін дайындауды; халықаралық өтінімге өзгерістер енгізу туралы өтінішті салып жіберуді, ресімдеуді; үшеуден асқан әрбір сынып үшін қосымша өтінімге сараптама жүргізуді; өтінім берілген күннен бастап алты айдан кейін толық сараптаманы жедел әрі жылдамдатып жүргізуді; тіркеуден алдын ала бас тарту туралы шешімге қарсылық білдіруді қарауды; сараптаманың шешіміне қарсылық білдіру мерзімін әр айда ұзартып отыруды; сауалға жауап қайтару мерзімін әр ай сайын ұзартып отыруды; сауалға жауап қайтарудың, ақы төлеудің, өтініш берушінің қарсылық білдіруінің өткізіп алған мерзімін қалпына келтіруді; тіркеу туралы мәліметтерді жариялауды; қорғалатын тауар таңбаларының, қызмет көрсету таңбаларының және тауар шығарылған жерлердің атауларының мемлекеттік тізілімдеріне өзгерістер енгізуді; тауар шығарылған жердің атауын пайдалану құқығына арналған тіркеудің, тауар таңбасына арналған және қосымша үшеуден асатын әрбір сынып үшін тіркеудің қолданыс мерзімін ұзартуды; ұзарту туралы мәліметтерді жариялауды; кепіл шартына, бір немесе бір топ өнеркәсіптік меншік объектілеріне қатысты кешенді кәсіпкерлік лицензия беру туралы шартқа сараптама жүргізуді; қосымша келісімдерге сараптама жүргізуді және шарттарды тіркеу туралы мәліметтерді жариялауды; мемлекеттік тізілімнен үзінді көшірмелер, анықтамалар беруді; тауар таңбаларының дерекқорындағы белгілерді және іздестіру туралы есепті ұсына отырып, тауарлар мен көрсетілетін қызметтердің аталған сыныптарына қатысты тіркеуге мәлімделген белгілерді алдын ала іздестіруді жүргізуді; баспа және электрондық басылымдарды өткізуді және жариялауды қоса алғанда, тауар таңбаларын, қызмет көрсету таңбалары мен тауар шығарылған жерлердің атауларын тіркеуге өтінімдер қабылдау және өтінімдерге сараптама жүргізу, тауар таңбаларына, қызмет көрсету таңбаларына арналған құқықтарды беру туралы шарттарға, лицензиялық (қосалқы лицензиялық) шарттарға сараптама жүргізу, қорғалатын тауар таңбаларының, қызмет көрсету таңбаларының және тауар шығарылған жерлердің атауларының мемлекеттік тізілімдерін жүргізу жөніндегі қызмет мемлекеттік монополияға жатады және оны Қазақстан Республикасы Үкіметінің шешімі бойынша шаруашылық жүргізу құқығындағы республикалық мемлекеттік кәсіпорынның ұйымдық-құқықтық нысанында құрылған сараптама ұйымы жүзеге асырады.»;
5) 4-баптың 2 және 3-тармақтары мынадай редакцияда жазылсын:
«2. Тауар таңбаларын құқықтық қорғау кез келген заңды немесе жеке тұлғаларға берiледі.
3. Тауар таңбасына құқық Қазақстан Республикасының Тауар таңбаларының мемлекеттік тізілімінде тіркеу туралы жазбамен куәландырылады және Қазақстан Республикасының Тауар таңбаларының мемлекеттік тізілімінен үзінді көшірмемен расталады.»;
6) 6-баптың 1-тармағында:
1) тармақша мынадай редакцияда жазылсын:
«1) тауарлардың (көрсетілетін қызметтердің) белгiлi бiр түрiн белгiлеу үшiн жалпыға ортақ қолданысқа енген;»;
мынадай мазмұндағы 3-1) тармақшамен толықтырылсын:
«3-1) дәрілік заттардың патенттелмейтін халықаралық атауларын білдіретін;»;
6) тармақша мынадай редакцияда жазылсын:
«6) тауарларды немесе көрсетiлетін қызметтердi белгiлеу үшiн пайдаланылатын олармен тiкелей сипаттық байланысы бар тауар таңбаларын тіркеуге жол берілмейді.»;
7) 7-баптың 1-тармағының бірінші бөлігінде:
1) тармақша мынадай редакцияда жазылсын:
«1) бiртектес тауарлар мен көрсетілетін қызметтерге қатысты басқа тұлғаның атына неғұрлым ертерек басымдықпен Қазақстан Республикасында тiркелген және халықаралық шарттарға орай қорғалатын тауар таңбаларымен немесе сол тұлғаның сол тауарлары мен көрсетілетін қызметтеріне қатысты ұқсас тауар таңбаларымен;»;
3) тармақша мынадай редакцияда жазылсын:
«3) бiртектес тауарлар мен қызметтерге (керi қайтарып алынғандарынан басқа) қатысты басқа тұлғаның атына неғұрлым ертерек басымдықпен тiркеуге берiлген белгiлермен немесе сол тұлғаның сол тауарлары мен көрсетілетін қызметтеріне қатысты ұқсас белгілермен;»;
мынадай мазмұндағы екінші бөлікпен толықтырылсын:
«Осы тармақтың 1), 2) және 3) тармақшаларында көрсетілген тауар таңбаларының қандай да біреуімен араласып кету дәрежесіне дейін ұқсас белгіні бiртектес тауарлар мен көрсетілетін қызметтерге қатысты тауар таңбасы ретінде тіркеуге тауар таңбасы иесінің келісімі берілген кезде жол беріледі.»;
8-баптың 1-тармағы мынадай редакцияда жазылсын:
«1. Тауар таңбасына өтiнiмдi сараптама ұйымына бiр өтiнiм иесi бередi.»;
9) 9-бапта:
тақырып мынадай редакцияда жазылсын:
«9-бап. Тауар таңбасын тіркеуге берілетін өтінімге қойылатын талаптар»;
2-тармақтың 1) тармақшасы мынадай редакцияда жазылсын:
«1) өтiнiм берушiнi, сондай-ақ оның орналасқан жерiн немесе тұрғылықты жерiн көрсете отырып, белгiге сараптама жүргiзу туралы өтiнiштi;»;
4-тармақ мынадай редакцияда жазылсын:
«4. Өтiнiм және оған қоса берілетін құжаттар қазақ тiлінде немесе орыс тiлiнде беріледі. Егер құжаттар басқа тiлде берілсе, онда өтiнiм берушi бір ай мерзiмде олардың қазақ тiліндегi немесе орыс тiлiндегi аудармасын береді.»;
10) 10-баптың 6-тармағы мынадай редакцияда жазылсын:
«6. Тауар таңбасының түрлi тауарларға қатысты көптеген басымдығы әртүрлi тауарларға қатысты бiр белгiге берiлген оның бiрнеше өтiнiмi болған кезде өтiнiм берушiнiң өтiнiшхаты бойынша белгiленеді.»;
11) 11-баптың 1-тармағында:
1) тармақша мынадай редакцияда жазылсын:
«1) алдын ала сараптама – өтiнiм келіп түскен күннен бастап бір ай iшiнде жүргiзiледi, оның барысында өтiнiмнiң мазмұны, осы Заңның 5 және 9-баптарында белгiленген талаптарға сәйкес қажеттi құжаттардың бар-жоғы тексерiледi. Сараптама нәтижелері бойынша өтініш берушіге он жұмыс күні ішінде өтінімнің қарауға қабылданғаны немесе іс жүргізудің тоқтатылғаны туралы хабарлама жіберіледі;»;
мынадай мазмұндағы 3) тармақшамен толықтырылсын:
«3) тауар таңбасына өтінімге сараптама осы баптың 1-тармағының 2) тармақшасында көрсетілген мерзімдерден бұрын, бірақ өтінім берілген күннен бастап 6 айдан асырмай, өтініш берушінің жазбаша өтінішхаты бойынша, қосымша ақы төлеу шартымен жүргізіледі.»;
12) 12-бапта:
1-тармақ мынадай редакцияда жазылсын:
«1. Алдын ала жасалған сараптама нәтижелерi бойынша өтiнiш берушiге он жұмыс күні ішінде өтiнiмнiң қарауға қабылданғаны, оған тиiстi нөмiр берiлгенi, берiлген күнi және басымдық күнi белгiленгенi туралы не өтiнiмдi қарауға қабылдаудан бас тартылғаны туралы дәлелдi қорытынды түрiнде хабарланады.
Сараптама ұйымы толық сараптама нәтижелері бойынша шығарылған тіркеу, ішінара тіркеу не тіркеуден бас тарту туралы сараптамалық қорытындыны он жұмыс күні ішінде уәкілетті органға жібереді. Тіркеуден алдын ала бас тарту туралы сараптамалық қорытынды он жұмыс күні ішінде өтініш берушіге жіберіледі.»;
5-тармақ мынадай редакцияда жазылсын:
«5. Уәкiлеттi органның тауар таңбасын тiркеу туралы шешiмiнің негiзiнде өтiнiш берушi сараптама ұйымының оң қорытындысы туралы хабарлама алған күннен бастап үш ай iшiнде тауар таңбасын тіркегені үшiн мемлекеттiк баж төлеудi, сондай-ақ тіркеу туралы мәліметтерді жариялағаны үшiн сараптама ұйымының iс-әрекеттерiне ақы төлеудi жүргiзедi.
Өтiнiш берушi белгiленген тәртiппен тауар таңбасын тіркегені үшін мемлекеттiк баж және мәліметтерді жариялағаны үшін сараптама ұйымының iс-әрекеттерiне ақы төлегенi туралы құжаттарды ұсынбаған кезде тауар таңбасын тiркеу жүзеге асырылмайды, ал тауар таңбасына тиiстi өтiнiм қайтарып алынған болып танылады және ол бойынша iс жүргiзу тоқтатылады.»;
13) 13-баптың 6) тармақшасында «танысуға құқығы бар» деген сөздер «танысуға» деген сөзбен ауыстырылып, мынадай мазмұндағы 7), 8) тармақшалармен толықтырылсын:
«7) апелляциялық кеңеске қарсылық беруге байланысты іс жүргізуді тоқтата тұру туралы өтініш беруге;
8) тауар таңбасын, қызмет көрсету таңбасын алуға құқықты шарт жасамастан басқа тұлғаға беру туралы өтініш білдіруге құқығы бар.»;
14) 14-бап мынадай редакцияда жазылсын:
«14-бап. Тауар таңбаларының мемлекеттік тізілімі
1. Тауар таңбасын тіркеу туралы мәліметтер сараптама ұйымының қызметтеріне ақы төленген және тауар таңбасын тіркегені үшін мемлекеттік баж төленген кезде Мемлекеттік тізілімге енгізіледі.
Тауар таңбаларының мемлекеттік тізіліміне:
1) тауар таңбасының бейнесi;
2) оның иелерi туралы мәлiметтер;
3) тауар таңбасын тiркеу нөмiрi мен күнi;
4) ұжымдық тауар таңбасы екенін көрсету;
5) тауар таңбасы тiркелген тауарлар мен көрсетілетін қызметтердiң тiзбесi;
6) сараптама ұйымына берiлген өтiнiмнiң нөмiрi мен күнi;
7) егер конвенциялық басымдық белгiленген болса, алғашқы өтiнiм берiлген ел, оның нөмiрi және берiлген күнi;
8) қорғалатын тауар таңбасына құқық беру туралы мәлiметтердi қоса алғанда, тауар таңбасын тiркеуге қатысты басқа да мәлiметтер енгiзiледi.
2. Тауар таңбаларының мемлекеттiк тiзiлімi жалпыға бірдей қолжетімді болып табылады. Мүдделi тұлғалардың өтiнішхаты бойынша сараптама ұйымы Тауар таңбаларының мемлекеттiк тiзiлiмiнен үзінді көшiрме бередi.
3. Тауар таңбасының иесi өзiнiң тегiнiң, атының және қалауы бойынша әкесiнiң атының, тұратын жерiнiң не атауы мен орналасқан жерiнiң өзгеруі туралы мәлiметтердi қоса алғанда, тiркеуге қатысты өзгерiстер, сондай-ақ тіркеуді мәні бойынша өзгертпейтін тауар таңбасы тіркелген тауарлар және/немесе көрсетілетін қызметтер тізбесін қысқарту туралы сараптама ұйымын хабардар етуге мiндеттi.
4. Өзгерістер енгізу туралы өтінішхатты берген және тиісті төлемді төлеген күннен бастап бір ай ішінде осы баптың 3-тармағында көрсетiлген өзгерiстердi, сондай-ақ техникалық сипаттағы қателердi түзету үшiн өзгерiстердi сараптама ұйымы Тауар таңбаларының мемлекеттiк тiзiлiміне енгiзедi.
Тауар таңбаларының мемлекеттік тізіліміне өзгерістер енгізген күннен бастап екі ай ішінде өтініш берушіге тиісті өзгерістердің енгізілгені туралы хабарлама жіберіледі.»;
15) 15-баптың 2-тармағы мынадай редакцияда жазылсын:
«2. Тауар таңбасын тiркеудiң қолданыс мерзiмi оның қолданысының соңғы жылы iшiнде иесi берген өтiнiшхат бойынша әр жолы он жылға ұзартылады. Тiркеудiң қолданыс мерзiмiн ұзартуы туралы мәлiметтер өтінішхат берілген күннен бастап бір ай ішінде Тауар таңбаларының мемлекеттiк тiзiлiмiне енгiзiледi.»;
16) 16-бап мынадай редакцияда жазылсын:
«16-бап. Тіркеу туралы мәліметтерді жариялау
Тауар таңбаларының мемлекеттiк тiзiлiмiне енгiзілген тауар таңбасын тiркеуге қатысты мәлiметтердi, сондай-ақ тiркеуге қатысты кейінгі өзгерiстердi Тауар таңбаларының мемлекеттiк тiзiлiмiне тiкелей жазылған соң сараптама ұйымы екі ай ішінде бюллетеньде жариялайды.
Тауар таңбаларының мемлекеттiк тiзiлiміне ұжымдық тауар таңбасының иелерi туралы мәлiметтер қосымша енгiзiледi.»;
17) 17-баптың бірінші бөлігі мынадай редакцияда жазылсын:
«Тіркелуінің қолданылу мерзімі өтіп кеткен тауар таңбасымен араласып кеткен дәрежеге дейiн бірдей немесе ұқсас тауар таңбасы, тауар таңбасын тiркеудiң қолданылуы тоқтатылған күннен бастап бір жыл бойы басқа тұлғаның атына тiркеле алмайды.»;
18) 18-бап мынадай редакцияда жазылсын:
«18-бап. Тауар таңбаларының мемлекеттік тізілімінен үзінді көшірме
1. Тауар таңбаларының мемлекеттік тізілімінен үзінді көшірме тауар таңбасының тіркелу фактiсiн, оның басымдығын, тауар таңбаларының мемлекеттік тізілімінде көрсетілген тауарлар мен көрсетілетін қызметтерге қатысты тауар таңбасына иесiнiң айрықша құқығын растайды.
2. Үзінді көшірменің нысанын уәкiлеттi орган белгiлейдi.»;
19) 18-1-бапта:
1-тармақ мынадай редакцияда жазылсын:
«1. Қазақстан Республикасының аумағында тiркелген немесе халықаралық шарттарға орай қорғалатын тауар таңбасы, сондай-ақ Қазақстан Республикасында құқықтық қорғалмайтын тауар таңбасы ретінде пайдаланылатын, бірақ белсендi пайдалану нәтижесiнде Қазақстан Республикасында кеңiнен мәлiм болған белгi Қазақстан Республикасында жалпыға бiрдей белгiлi тауар таңбасы деп танылуы мүмкiн.
Тауар таңбасын Қазақстан Республикасында жалпыға бiрдей белгiлi деп тану жөнiндегi жеке немесе заңды тұлғалардың өтiнiшiн уәкiлеттi органның тауар таңбасын жалпыға бiрдей белгiлi деп тану жөнiндегi комиссия қарайды.
Уәкілетті орган өтінім берілген күннен бастап екі ай ішінде нормативтік актілермен белгіленген қажетті құжаттардың бар-жоғын тексереді, өтініш берушіні өтінімді қарауға қабылдағаны туралы хабардар етеді және ол туралы мәліметтерді танысу және үшінші тұлғалар тарапынан келіспеушіліктерді уәкілетті органға ықтимал жіберу үшін жариялайды.
Жарияланған күнінен бастап үш ай өткен соң өтінім мен оған қоса берілетін, таңбаның жалпыға белгілі екенін растайтын материалдарды уәкілетті орган қарайды. Көрсетілген мерзім өткен соң уәкілетті орган үш ай ішінде өтінімді қарастыруды өткізеді.
Өтінім беруші оны қарау аяқталғанға дейін өтінім материалдарына түзетулер, толықтырулар және нақтылаулар енгізуге құқылы.
Үшінші тұлғалар тарапынан келіспеушіліктер болған кезде өтінім берушіге тиісті хабарлама жіберіледі, өтінім беруші оған жауапты өтінімді қарау нәтижелері бойынша қорытынды шығарылғанға дейін береді.
Қазақстан Республикасында тауар таңбасын (қызмет көрсету таңбасын) жалпыға бiрдей белгiлi деп тану жөнiндегi комиссия туралы ереженi уәкiлеттi орган бекiтедi.
Өтiнiмдi қарау нәтижелерi бойынша уәкiлеттi органның комиссиясы тауар таңбасын жалпыға бiрдей белгiлi деп тану туралы не ондай деп танудан бас тарту туралы шешiм қабылдайды, мұндай шешiм қабылданған кезден бастап он жұмыс күнi iшiнде тауар таңбасының иесiне жiберiледi.
Егер өтiнiм берушi ұсынған нақты мәлiметтер таңбаның жалпыға бiрдей белгiлi болуы өтiнiште көрсетiлгеннен өзге күн екенін растаса, тауар таңбасы нақтылы күннен бастап жалпыға бірдей белгілі деп танылуы мүмкiн.
Таңбаның жалпыға бірдей белгілі болып нақты танылуы туралы мәліметтер тұтынушыларға сауалнама жүргізу нәтижелерімен расталады, оны Қазақстан Республикасының аумағында мамандандырылған тәуелсіз ұйым жүргізеді. Сауалнама Астана және Алматы қалаларын қоса алғанда, Қазақстан Республикасының облыстық маңызы бар кемінде бес қаласын қамтуға тиіс. Бір елді мекендегі респонденттердің саны кемінде жүз адамды құрауға тиіс.
Егер:
олар тауар таңбасының жалпыға бiрдей белгiлi екенiн тану үшiн жеткiлiксiз болса;
өзiнiң тауар таңбасын жалпыға бiрдей белгiлi деп тануға өтiнiш берген күннен неғұрлым ертерек басымдығы бар, қорғалатын немесе бiртектес тауарларға қатысты өзге тұлғаның атына мәлiмделген, өтiнiш берушiнiң тауар таңбаларымен араласып кеткен дәрежеге дейiн бiрдей немесе ұқсас тауар таңбасы бар екенi анықталса, тауар таңбасын жалпыға бiрдей белгiлi деп танудан бас тарту туралы шешiм шығарылады.
Уәкiлеттi орган комиссиясының осы тармақтың төртiншi бөлiгiнде көрсетiлген шешiмiне сотқа шағым жасалуы мүмкiн.»;
4-тармақ мынадай редакцияда жазылсын:
«4. Осы баптың 1-тармағында көрсетiлген белгiнi немесе тауар таңбасын жалпыға бiрдей белгiлi деп тану негiзiнде тиісті мәліметтер Қазақстан Республикасының Тауар таңбаларының мемлекеттік тізіліміне енгізіледі.
Тауар таңбасын жалпыға бiрдей белгiлi деп танудың қолданылу мерзімі оның иесiнiң өтінішхаты бойынша және тауар таңбасының жалпыға бiрдей белгiлi екенiн растайтын мәлiметтерді берген кезде келесi он жыл мерзiмге ұзартылады.
Жалпыға бiрдей белгiлi тауар таңбасын тiркеу туралы, оның иесi туралы мәлiметтер және осындай тiркеуге қатысты кейiнгi өзгерiстер Жалпыға бiрдей белгiлi тауар таңбаларының мемлекеттiк тiзiлiмiне енгiзiледi және бюллетеньде жарияланады.»;
20) 21-бапта:
3-тармақ мынадай редакцияда жазылсын:
«3. Тауар таңбасына құқықты беру туралы шарт, лицензиялық шарт, кешенді кәсіпкерлік лицензия шарты және кепіл шарты жазбаша нысанда жасалып, уәкiлеттi органда тiркелуге тиiс. Тiркеу туралы жазбаша нысан мен талаптарды сақтамау шарттың жарамсыздығына әкеп соғады.
Тауар таңбасына құқықты беру туралы шартты, лицензиялық шартты, кешенді кәсіпкерлік лицензия шартын және кепіл шартын тіркеу сараптама ұйымы жүргiзетін материалдар сараптамасының нәтижелерi бойынша жүзеге асырылады.
Егер Қазақстан Республикасының заңнамасында өзгеше көзделмесе, қосалқы лицензиялық шарттарды, тіркелген шарттарға қосымша келісімдерді тiркеу тәртiбiне лицензиялық шарттарды тiркеу туралы ережелер қолданылады.
Тауар таңбасына құқықты беру туралы шартты, лицензиялық шартты, кешенді кәсіпкерлік лицензия шартын және тауар таңбасының кепіл шартын тіркеу үшін сараптама ұйымына белгіленген нысандағы өтініш беріледі.
Өтінішке:
1) нысанасы біртектес өнеркәсіптік меншік объектілері болып табылатын, титулдық парақпен жабдықталған шарттың төрт дана түпнұсқасы қоса беріледі. Шарттың әрбір данасы тігіледі, тігілген және нөмірленген парақтардың саны туралы жазба жасалған қағаз пломбамен бекітіледі, мөр бедері мен екі тараптың немесе соған уәкілеттік берілген екі тарап тұлғаларының қолдары қойылады.
Лицензиялық шарттар үшін материалдарды тіркеуге беру шартқа қол қойылған күннен бастап алты ай мерзімнен кешіктірілмей жүзеге асырылады.
Шарт түпнұсқаларының орнына шарттың нотариат куәландырған көшірмелері ұсынылуы мүмкін;
2) өтініш өкіл арқылы берілген жағдайда – сенімхат немесе патенттік сенім білдірілген өкіл арқылы берілген жағдайда – сенімхаттың көшірмесі;
3) мемлекеттік бажы төленгенін растайтын құжат;
4) сараптама ұйымының қызметтеріне ақы төленгенін растайтын құжат қоса беріледі.
Төлем өтінім берілген кезде немесе өтініш түскен күннен бастап бір ай ішінде жүргізіледі. Бір ай мерзімде төлем туралы құжат берілмеген кезде өтінім берілмеген болып танылады.
Лицензиялық шарттар бойынша ұлттық өтініш берушілер жоғарыда көрсетілген құжаттардан басқа, лицензиардың (қосалқы лицензиардың) басқару органдарының шарт жасасу және заңды тұлғаның атынан өтініш берген жағдайда шартқа кәсіпорын басшысының қол қою өкілеттігін беру мәселесі жөніндегі шешімін береді.
Басқаға беру шарттары бойынша ұлттық өтініш берушілер жоғарыда көрсетілген құжаттардан басқа, қорғау құжаты немесе айрықша құқық иесінің басқару органдарының, құрылтайшылардың немесе акционерлердің жалпы жиналысының шарт жасасу және шартқа кәсіпорын басшысының қол қою өкілеттігін беру мәселесі жөніндегі шешімін береді.
Өтiнiш пен басқа да қажетті құжаттар қазақ және орыс тiлдерiнде ұсынылады. Шетелдiк есiмдер мен заңды тұлғалардың атаулары қазақ және орыс транслитерациясымен көрсетiлуге тиiс. Егер құжаттар басқа тілде берілсе, өтінішке олардың нотариат куәландырған қазақ және орыс тілдеріндегі аудармасы қоса беріледі.
Өтiнiш бiр тауар таңбасына құқықты беру туралы шартқа, лицензиялық шартқа, кешенді кәсіпкерлік лицензия шартына, кепіл шартына, қосымша келісімге қатысты болуға тиiс.
Қазақстан Республикасынан тыс жерлерде тұратын жеке тұлғалар немесе уәкілетті органға шарт құжаттарын өз атынан беретін шетелдiк заңды тұлғалар шарттарды тiркеуге байланысты құқықтарды Қазақстан Республикасының тiркелген патенттiк сенiм бiлдiрілген өкілдері арқылы жүзеге асырады.
Қазақстан Республикасынан тыс жерлерде уақытша жүрген оның азаматтары Қазақстан Республикасы аумағының шегiнде хат-хабар алмасуға арналған мекенжайлары көрсетілген жағдайда, шарттарды тiркеуге байланысты құқықтарды патенттiк сенiм бiлдiрілген өкілдерсіз жүзеге асырады.
Сингапур шартына қатысушы шетелдік мемлекеттің заңды немесе жеке тұлғалары Тараптардың бірі болып табылатын құқықтарды басқаға беру туралы шарттардың сараптамасы және оны тіркеу Сингапур шартының ережелеріне сәйкес жүзеге асырылады.»;
5-тармақтың 1) тармақшасы мынадай редакцияда жазылсын:
«1) өзіне қатысты шарт жасалатын, бірақ қалпына келтіру мүмкіндігі бар тауар таңбасын тіркеу қолданысының тоқтатылуы;»;
7-тармақтың 1) тармақшасы мынадай редакцияда жазылсын:
«1) өзіне қатысты шарт жасалатын тауар таңбасын тіркеудің қолданылуы тоқтатылған және оларды қалпына келтіру мүмкіндігі болмаған;»;
9, 10-тармақтар мынадай редакцияда жазылсын:
«9. Шартты тіркеу туралы шешім шығарғаннан кейін уәкілетті орган:
шарттың титулдық парағында тіркелген күні мен оның тіркеу нөмірін көрсете отырып, оның тіркелгені туралы мөртабан соғады;
тіркелген шарттардың тізіліміне шарт туралы мәліметтерді енгізеді;
3) шартты тіркеу туралы мәліметтерді жариялау үшін шарттың үш данасын қорытындымен бірге сарапшы ұйымға жібереді.
Шарттың үшiншi және төртiншi даналары тиісінше уәкілетті орган мен сарапшы ұйымда сақталады және бақылау даналары болып табылады.
Тіркелген лицензиялық шарттар, тауар таңбаларына айрықша құқықтарды беру туралы шарттар, кешенді кәсіпкерлік лицензия шарттары, кепіл шарттары бойынша сарапшы ұйым тіркелген шарттың екі данасын хат алмасу үшін өтініште көрсетілген мекенжай бойынша жібереді және тіркелген шарттар туралы мәліметтерді, атап айтқанда, шарттың тіркелген нөмірі мен күнін, шарт тараптарының атауын немесе толық мәліметтерін, шарттың нысанасын, шарттың қолданылу мерзімін, шарттың қолданылу аумағын бюллетеньде жариялайды.
Кез келген тұлға жариялау үшін ашық тiркелген шарттар тiзiлiмiнен үзінді көшiрменi алуы мүмкін.
Үшiншi тұлғаны шарт мәтiнiмен таныстыруға, сондай-ақ одан үзінді көшiрме алуға шарт тараптарының жазбаша келiсiмiмен ғана жол берiледi.
Уәкілетті орган сарапшы ұйымның қорытындысы негізінде тауар таңбасына құқықты беру туралы шартты және лицензиялық шартты тiркеуден бас тарту туралы шешiм шығарған жағдайда, қаралып отырған шарт бойынша құжаттар тiркеуден бас тарту туралы шешiммен бiрге өтiнiште көрсетiлген мекенжай бойынша қайтарылады.
10. Тауар таңбасына құқықты беру туралы шарт, лицензиялық шарт, кешенді кәсіпкерлік лицензия шарты және кепіл шарты уәкілетті органда тіркелген күнінен бастап күшіне енеді.»;
21) 24-баптың 1-тармағының 2) тармақшасы мынадай редакцияда жазылсын:
«2) заңды тұлғаның таратылуына, жеке тұлғаның – тауар таңбасы иесінің кәсіпкерлік қызметінің тоқтатылуына немесе қайтыс болуына байланысты;»;
22) 25-бап мынадай редакцияда жазылсын:
«25-бап. Тауарлар шығарылған жерлердің атауларын құқықтық қорғау
1. Қазақстан Республикасында тауарлар шығарылған жерлердiң атауларын құқықтық қорғау осы Заңда көзделген тәртiппен, сондай-ақ Қазақстан Республикасының халықаралық шарттарына орай оларды тiркеу негiзiнде берiледi.
2. Тауар шығарылған жердің атауын пайдаланудың айрықша құқығы ерекше қасиеттерi тек қана немесе негiзiнен табиғи жағдайларды және (немесе) адам факторларын қоса алғанда, географиялық ортаға байланысты осы географиялық объектiде кәсiпкерлiк қызметпен айналысатын, тауарлар өндiретiн бiр немесе бiрнеше тұлғаларға берiлуi мүмкiн.
3. Шет мемлекетте орналасқан географиялық көрсеткішті, егер осы көрсеткіштің атауы осындай атау ретiнде тауар шығарылған елде қорғалса, тауар шығарылған жердiң атауы ретiнде мемлекеттiк тiркеуге жол беріледі. Көрсетiлген тауар шығарылған жердiң атауын пайдаланудың айрықша құқығының иесi тауар шығарылған елде осындай атауды пайдалану құқығы қорғалатын тұлға ғана болуы мүмкiн.»;
23) 29-баптың 4-тармағы мынадай редакцияда жазылсын:
«4. Өтiнiм мен оған қоса берілетін құжаттар қазақ тiлінде немесе орыс тiлінде ұсынылады. Егер құжаттар басқа тiлде тапсырылса, онда өтiнiм берушi бір айлық мерзімде олардың қазақ тiліндегi немесе орыс тiлiндегi аудармасын ұсынуға тиiс.»;
24) 31-баптың 2-тармағының екінші бөлігі мынадай редакцияда жазылсын:
«Қайта шығарылған сараптама шешiмiмен келiспеген жағдайда, өтiнiм берушi осы Заңның 12-бабының 6-тармағында көзделген тәртiппен қарсылық білдіре алады.»;
25) 33-баптың 1 және 2-тармақтары мынадай редакцияда жазылсын:
«1. Сарапшы ұйым Тауарлар шығарылған жерлер атауларының мемлекеттiк тiзiлiмiне тауар шығарылған жердiң атауын, тiркелу нөмiрi мен күнiн, тауардың ерекше қасиеттерiнiң сипаттамасын, тұрғылықты жерлерiн (орналасқан жерлерiн), өтiнiмнiң нөмiрi мен берiлген күнiн көрсете отырып, тауар шығарылған жердің атауын пайдалану құқығының барлық иелерi туралы мәлiметтердi және көрсетiлген мәлiметтердегi одан кейiнгi барлық өзгерiстердi, сондай-ақ тiркеуге қатысты басқа да мәлiметтердi енгiзедi.
2. Тауар шығарылған жердің атауын пайдалану құқығының иесi тiркеу туралы мәлiметтерге қатысты өзгерiстер жайында сарапшы ұйымды хабардар етуге мiндеттi. Өзгерiстер туралы жазбаны сарапшы ұйым Тауарлар шығарылған жерлер атауларының мемлекеттiк тiзiлiмiне енгізедi.»;
26) 36-бап мынадай редакцияда жазылсын:
«36-бап. Тауар шығарылған жердің атауын пайдалану құқығы
1. Тауарлар шығарылған жерлер атауларының мемлекеттік тізілімінен үзінді көшірме тауар шығарылған жердің атауын тiркеу фактiсiн және Тауарлар шығарылған жерлер атауларының мемлекеттік тізілімінде көрсетiлген тауар иесiнiң осы тауарды пайдалану жөнiндегi айрықша құқығын растайды.
2. Үзінді көшірме нысанын уәкiлеттi орган белгiлейдi.»;
27) 41-бапта:
1-тармақ мынадай редакцияда жазылсын:
«1. Апелляциялық кеңес осы Заңның 12-бабының 6-тармағына, 19-бабының 4-тармағына, 23-бабының 2-тармағына, 39-бабының 2-тармағына сәйкес берiлетiн қарсылықтар бойынша дауларды сотқа дейiнгі қарау жөнiндегi уәкiлеттi органның бөлiмшесi болып табылады. Апелляциялық кеңес туралы ереженi уәкiлеттi орган бекітеді.»;
мынадай мазмұндағы 1-1-тармақпен толықтырылсын:
«1-1. 1-тармақта көрсетілген қарсылықтар бойынша дауларды сотқа дейінгі қарау міндетті болып табылады.»;
28) 42-бап мынадай редакцияда жазылсын:
«42-бап. Дауларды қарау
1. Сот тәртiбiмен қарауға мынадай:
1) тауар таңбасын немесе тауар шығарылған жердің атауын тіркеудің заңдылығы туралы;
2) тауар таңбасы немесе тауар шығарылған жердің атауын пайдалану құқығы иесiнiң айрықша құқығын бұзу туралы;
3) тауар таңбасын пайдалануға лицензиялық шарттар жасасу және оларды орындау туралы;
4) тауар таңбасын жалпыға бірдей белгiлi деп танудың заңдылығы туралы;
5) тіркеуден туындайтын құқықтарды қорғауға байланысты басқа да даулар жатады.
Сарапшы ұйым сот шешiмi негiзiнде тiркеуге қатысты өзгерiстер туралы мәлiметтердi жариялайды.»;
29) 45-бап мынадай редакцияда жазылсын:
«45-бап. Мемлекеттік баж
Уәкiлеттi органның тауар таңбаларын және тауарлар шығарылған жерлердің атауларын тіркеу, жалпыға бірдей белгілі тауар таңбасын тіркеу, шарттарды тiркеу, патенттiк сенiм бiлдiрiлген өкiлдердi aттecтaттay және патенттiк сенiм бiлдiрiлген өкiлдi тiркеу туралы куәлiк беру жөнiндегі іс-әрекеттер жасағаны үшiн Қазақстан Республикасының салық заңнамасына сәйкес мемлекеттiк баж алынады.
Сарапшы ұйым тауар таңбасын тіркеуге өтінімдерді, тауар шығарылған жердің атауын тіркеуге және оны пайдалану құқығын беруге өтінімдерді қабылдауды, сараптама жүргізуді және олардың қатысушылары үшін құқықтар мен міндеттерді тудыратын өзге де іс-әрекеттерді қамтитын осы Заңда көзделген іс-әрекеттерді жүзеге асырғаны үшін төлемақы алады.».
2-бап. Өтпелі ережелер
Осы Заң күшіне енгенге дейін сарапшы ұйымға келіп түскен, инновациялық патент беруге арналған өтінімдер осы Заң қолданысқа енгізілгенге дейін қолданылған қағидалар бойынша қарауға жатады.
Осы Заң күшіне енгенге дейін өнертабысқа берілген инновациялық патенттер Қазақстан Республикасының заңнамасына сәйкес оның қолданыс мерзімі өткенге дейін басымдықты, авторлықты және айрықша құқықты куәландырады.
3-бап. Осы заңды қолданысқа енгізу тәртібі
Осы Заң алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасының
Президенті