"Қазақстан Республикасының Мемлекеттік шекарасы туралы" 2013 жылғы 16 қаңтардағы Қазақстан Республикасының Заңы 55-бабының 12) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған:
1) Қазақстандық кемелердің аумақтық суларда (теңізде), ішкі суларда және континенттік қайраңда кәсіпшілік қызметті жүргізу үшін Қазақстан Республикасының Мемлекеттік шекарасын бірнеше рет кесіп өтуіне рұқсаттар беру қағидалары, рұқсаттар қолданылуының кеңістіктегі және уақыттық шектері;
2) Қазақстан Республикасының аумақтық суларында (теңізінде), ішкі суларында және континенттік қайраңында кәсіпшілік қызметті жүргізетін қазақстандық кемелерге бақылауды жүзеге асыру қағидалары бекітілсін.
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасының | |
| Премьер-Министрі | C.Ахметов |
| Қазақстан Республикасы Үкіметінің 2014 жылғы 11 наурыздағы № 209 қаулысымен бекітілген |
Қазақстандық кемелердің аумақтық суларда (теңізде), ішкі суларда және континенттік қайраңда кәсіпшілік қызметті жүргізу үшін Қазақстан Республикасының Мемлекеттік шекарасын бірнеше рет кесіп өтуіне рұқсаттар беру қағидалары, рұқсаттар қолданылуының кеңістіктегі және уақыттық шектері
Ескерту. Қағида жаңа редакцияда – ҚР Үкіметінің 11.02.2019 № 50 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
1. Жалпы ережелер
1. Осы Қазақстандық кемелердің аумақтық суларда (теңізде), ішкі суларда және континенттік қайраңда кәсіпшілік қызметті жүргізу үшін Қазақстан Республикасының Мемлекеттік шекарасын бірнеше рет кесіп өтуіне рұқсаттар беру қағидалары, рұқсаттар қолданылуының кеңістіктегі және уақыттық шектері (бұдан әрі – Қағидалар) Қазақстан Республикасының аумақтық суларында (теңізінде), ішкі суларында және континенттік қайраңында кәсіпшілік қызметті жүзеге асыратын қазақстандық кемелердің Қазақстан Республикасының Мемлекеттік шекарасын бірнеше рет кесіп өтуіне рұқсат алу тәртібін (бұдан әрі – рұқсат), оның қолданылуының кеңістіктегі және уақыттық шектерін айқындайды.
2. Осы Қағидалар мақсаты Қазақстан Республикасының аумағына балық өнімдері мен өзге де өнімдерді (объектілерді) сату немесе өндіру үшін кәсіпшілік өнімдерді (объектілерді) шетелдік кемелерге ауыстырып тиемей жеткізу болып табылатын, кәсіпшілік қызметті жүзеге асыратын, сондай-ақ оларға қатысты шекаралық бақылау жүзеге асырылған қазақстандық кемелерге (бұдан әрі – қазақстандық кемелер) қолданылады.
2. Рұқсаттар беру тәртібі
3. Заңды тұлға немесе дара кәсіпкер (бұдан әрі – бастамашы) рұқсат алу үшін электрондық форматта "электрондық үкімет" веб-порталы (бұдан әрі – портал) арқылы Қазақстан Республикасы Ұлттық қауіпсіздік комитетінің Шекара қызметіне (бұдан әрі – Шекара қызметі) мынадай құжаттарды:
1) қазақстандық кеме капитаны (иесі) жасаған кеменің рөлімен қоса осы Қағидаларға 1-қосымшаға сәйкес нысан бойынша рұқсат беру туралы өтінішті (бұдан әрі – өтініш);
2) қазақстандық кемеге меншік құқығы туралы куәліктің көшірмесін немесе қазақстандық кемені жалға алу шартының көшірмесін (теңіз кемелері үшін);
3) Қазақстан Республикасының Мемлекеттік туын көтеріп жүзу құқығы туралы куәліктің көшірмесін (теңіз кемелері үшін);
4) жануарлар дүниесін пайдалануға рұқсаттың көшірмесін;
5) шетелдіктер мен азаматтығы жоқ адамдар үшін жұмыс істеуге рұқсаттардың көшірмесін;
6) кеме куәлігінің көшірмесін (Қазақстан Республикасының Мемлекеттік кемелер тізілімінде тіркелген кемелер үшін) ұсынады.
4. Шекара қызметінің портал арқылы өтінішті қарау мерзімі мен Қағидаларға 2-қосымшаға сәйкес нысан бойынша рұқсаттамаларды беруі бастамашы өтініш енгізген сәтінен бастап он бес жұмыс күнінен аспайды.
5. Мыналар:
1) Қағидалардың 3-тармағында көрсетілген құжаттардың толық көлемде болмауы не онда дәйексіз немесе толық емес ақпараттың болуы;
2) егер рұқсат беру туралы өтініште көрсетілген кәсіпшілік ауданы (аудандары) Қазақстан Республикасының аумақтық суларының (теңіз), ішкі суларының шегінде орналасқан болса, қазақстандық кеменің кәсіпшілік қызметті жүргізуі кезінде Қазақстан Республикасының Мемлекеттік шекарасын бірнеше рет кесіп өту қажеттілігінің болмауы рұқсат беруден бас тартуға негіздеме болып табылады.
6. Қағидалардың 5-тармағында көрсетілген негіздер болған жағдайда, Шекара қызметі екі жұмыс күні ішінде Қағидаларға 3-қосымшаға сәйкес нысан бойынша жазбаша дәлелді бас тартады.
Бастамашының өтінішті қайта ұсынуы ескертулер жойылғаннан кейін жүзеге асырылады.
7. Рұқсат жануарлар дүниесін пайдалануға рұқсаттың қолданылу мерзіміне беріледі, бірақ Қағидалардың 3-тармағының 2) және 5) тармақшаларында көрсетілген құжаттардың қолданылу мерзімінен аспауға тиіс.
Рұқсат онда көрсетілген кәсіпшілік ауданы (аудандары) шегінде қолданылады.
8. Берілген рұқсат қолданылатын бүкіл мерзім бойы ол кәсіпшілікті жүргізу уақытында қазақстандық кеменің капитанында (иесінде) болады.
9. Қазақстан Республикасының азаматтарынан ғана жасақталған қазақстандық кеменің экипаж мүшелерін ауыстыру қажет болған жағдайда, бастамашы бұдан бұрын портал арқылы Шекара қызметіне Қағидаларға 4-қосымшаға сәйкес нысан бойынша рұқсат алған қазақстандық кеменің экипаж мүшелерін ауыстыру туралы өтініш (бұдан әрі – ауыстыру туралы өтініш) береді.
10. Шетелдіктер мен азаматтығы жоқ адамдардан жасақталған қазақстандық кеменің экипаж мүшелерін ауыстыру қажет болған жағдайда, бастамашы портал арқылы Шекара қызметіне Қағидаларға 5-қосымшаға сәйкес нысан бойынша ауыстыру себебін көрсете отырып, ауыстыру туралы өтініш береді.
Ауыстыру туралы өтінішке мынадай құжаттар:
1) жаңа кеменің рөлі;
2) шетелдік және азаматтығы жоқ адам үшін жұмыс істеуге рұқсаттың көшірмесі;
3) қажет болған жағдайда, шетелдік азаматқа және азаматтығы жоқ адамға берілген визаның көшірмесі қоса беріледі.
11. Шекара қызметінің өтінішті қарау мерзімі мен қабылданған шешім туралы бастамашыны портал арқылы хабардар ету бастамашы ауыстыру туралы өтінішті енгізген сәтінен бастап үш жұмыс күнінен аспайды.
12. Жануарлар дүниесін пайдалануға рұқсат мерзімін ұзартқан немесе қайтадан алған жағдайда, бастамашы портал арқылы Шекара қызметіне Қағидаларға 1-қосымшаға сәйкес нысан бойынша өтініш береді, оған жануарлар дүниесін пайдалануға рұқсаттың көшірмесін қоса береді.
Шекара қызметінің өтінішті қарау мерзімі мен қабылданған шешім туралы бастамашыны портал арқылы хабардар ету бастамашы өтінішті енгізген сәтінен бастап үш жұмыс күнінен аспайды.
Оң шешім қабылданған жағдайда Шекара қызметі тікелей бұрын берілген рұқсатқа қолданылу мерзімін ұзарту туралы өзгеріс енгізеді.
Рұқсатты ұзартудан бас тартқан жағдайда Шекара қызметі Қағидаларға 3-қосымшаға сәйкес нысан бойынша жазбаша дәлелді бас тартады.
13. Рұқсатты жоғалтып алған жағдайда, бастамашы портал арқылы Шекара қызметіне рұқсатты жоғалтып алу мән-жайларын көрсете отырып, Қағидаларға 1-қосымшаға сәйкес нысан бойынша жаңа рұқсат беру туралы өтінішпен жүгінеді.
Жаңа рұқсат беру Қағидалардың 3-5-тармақтарында белгіленген тәртіппен жүзеге асырылады.
14. Рұқсаттың қолданылуы мынадай:
1) қазақстандық кеменің орналасқан жері туралы ақпаратты бақылаудың техникалық құралында ақау болған;
2) қазақстандық кеме капитаны (иесі) есепте көрсеткен деректердің қазақстандық кеменің порттан шығар алдында тексеру нәтижесінде алынған деректерге сәйкес келмеуі анықталған жағдайларда тоқтатыла тұрады.
15. Рұқсаттың қолданылуы оны тоқтата тұруға негіз болған себептер жойылғаннан кейін қайта жаңартылады.
16. Қағидалардың 14-тармағында көзделген жағдайларды анықтаған Шекара қызметінің лауазымды адамы рұқсатты тоқтата тұру себептерін көрсетіп, рұқсаттың тоқтатыла тұруы (қайта жаңартылуы) туралы белгі қояды.
Бұл ретте Шекара қызметі Қағидаларға 6-қосымшаға сәйкес нысан бойынша рұқсаттың тоқтатыла тұруы (қайта жаңартылуы) туралы бастамашыға хабарлама жолдайды.
Қазақстан Республикасының Мемлекеттік шекарасын бірнеше рет кесіп өтуге рұқсат беру (ұзарту) туралы өтініш
Ескерту. 1-қосымшаға өзгеріс енгізілді – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
Кімге ____________ (Шекара қызметі аумақтық бөлімшесінің атауы)
Кімнен _________________________________________________________
(заңды тұлғаның заңды мекенжайы көрсетілген толық атауы немесе
________________________________________________________________
дара кәсіпкердің Т.А.Ә., оның мекенжайы)
________________________________________________________________
Мақсаты Қазақстан Республикасының аумағында балық өнімдері мен өзге де өнімді сату немесе өндіру үшін теңіз кәсіпшілігі өнімдерін жеткізу болып табылатын кәсіпшілік қызмет жүргізілген жағдайда кәсіпшілік өнімдерін (объектілерін) шетелдік кемелерге, сондай-ақ шекаралық бақылау жүзеге асырылған қазақстандық кемелерге ауыстырып тиемей _____________________________________________________________________
(балық кәсіпшілігі ауданы көрсетіледі) ауданында Қазақстан Республикасының Мемлекеттік шекарасын бірнеше рет кесіп өтуге рұқсат алуға (ұзартуға) өтінішті қарауды сұраймын.
Қазақстан Республикасының Мемлекеттік шекарасын бірнеше рет кесіп өтуге рұқсат алуға мәлімделген кемелер туралы мәліметтер ______ парақта келтірілген.
________________________________________________________________
_______________________________________________________________
(заңды тұлға басшысының немесе дара кәсіпкердің қолы)
20 __ жылғы "__" _________
Өтінішке Қазақстан Республикасының Мемлекеттік шекарасын бірнеше рет кесіп өтуге рұқсат алуға мәлімделген қазақстандық кеме туралы мәліметтер
1. Кеменің атауы ___________________________________________________
2. Кеменің типі _____________________________________________________
3. Кеменің борттық нөмірі ___________________________________________
4. Кеме тіркелген теңіз порты (орналасқан пункті) _______________________
5. Қазақстан Республикасының кемелер тізілімінде кеменің тіркелуі туралы мәліметтер: ________________________________________________
6. Жануарлар дүниесін пайдалануға рұқсаттың нөмірі, алынған орны, күні және оның қолданылу мерзімдері ________________________________________
7. Заңды тұлғаның атауы, оның заңды мекенжайы немесе дара кәсіпкердің тегі, аты, әкесінің аты, оның мекенжайы _________________________________________________
8. Кеменің меншік иесінің атауы және мекенжайы _____________________
________________________________________________________________
9. Квоталар иесінің атауы және мекенжайы ___________________________
________________________________________________________________
10. Кеме капитанының (иесінің) тегі, аты, әкесінің аты, оның мекенжайы
______________________________________________________________
11. Техникалық бақылау құралдарының типі _____________________________
12. Кәсіпшілік қызмет жүргізу ауданы (аудандары) _____________________
________________________________________________________________
13. Кеме кәсіпшілік ауданына баратын кезде Қазақстан Республикасының Мемлекеттік шекарасын кесіп өтуінің болжамды координаталары мен мерзімдері
________________________________________________________________
Кеме кәсіпшілік ауданына шығатын және кәсіпшілік өнімдерін (объектілерін) жеткізуі мен түсіруі үшін кіретін Қазақстан Республикасының теңіз порты (орналасу пункті)
________________________________________________________________
(заңды тұлға басшысының немесе дара кәсіпкердің қолы)
20 __ жылғы "___" _________
Сериясы _______ № _____________ Қазақстан Республикасының Мемлекеттік шекарасын бірнеше рет кесіп өтуге рұқсат
Ескерту. 2-қосымшаға өзгеріс енгізілді – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
1. Заңды тұлғаның атауы, оның заңды мекенжайы немесе дара кәсіпкердің тегі, аты, әкесінің аты, оның мекенжайы
___________________________________________________________________
2. Кеме иесінің атауы және мекенжайы _________________________________
___________________________________________________________________
3. Кеменің атауы ____________________________________________________
4. Кеменің типі ______________________________________________________
5. Кеменің борттық нөмірі ____________________________________________
6. Кеме тіркелген теңіз порты (орналасу пункті) __________________________
7. Кеме капитанының тегі, аты, әкесінің аты, оның мекенжайы _____________
___________________________________________________________________
8. Техникалық бақылау құралдарының типі _____________________________
__________________________________________________________________
9. Қазақстан Республикасының кемелер тізілімінде кеменің тіркелуі туралы мәліметтер
10. Рұқсаттың қолданылу мерзімі _____________________________________
11. Теңіз кәсіпшілігінің ауданы (аудандары) _____________________________
__________________________________________________________________
12. Кіретін және теңіз кәсіпшілігі өнімдерін түсіретін Қазақстан Республикасы теңіз порттарының (орналасу пункттерінің) тізбесі
_________________________________________________________________
__________________________________________________________________
(Шекара қызметі аумақтық бөлімшесі бастығының қолы)
20 __ жылғы "___" _________
парақтың сырт жағы
Ерекше белгілер
1. Рұқсат тоқтатып қойылған күн ___________________________________
2. Рұқсатты тоқтата тұрудың себептері ______________________________
_______________________________________________________________
3. Рұқсат қайта жаңартылған күн __________________________________
Рұқсаттың күші жойылғаны туралы белгі
1. Рұқсаттың күші жойылған күні _________________________________
2. Рұқсаттың күшін жою себептері ________________________________
______________________________________________________________
______________________________________________________________
______________________________________________________________
Шекара қызметі аумақтық бөлімшесінің белгілері____________________
______________________________________________________________
______________________________________________________________
______________________________________________________________
______________________________________________________________
Қазақстан Республикасының Мемлекеттік шекарасын бірнеше рет кесіп өтуге рұқсат беруден (ұзартудан) бас тарту туралы хабарлама
Ескерту. 3-қосымшаға өзгеріс енгізілді – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
1. Заңды тұлғаның атауы, оның заңды мекенжайы немесе дара кәсіпкердің тегі, аты, әкесінің аты, оның мекенжайы _________________________________________
2. Кеме иесінің атауы және мекенжайы ____________________________
______________________________________________________________
3. Кеменің атауы _______________________________________________
4. Кеменің типі _________________________________________________
5. Кеменің борттық нөмірі _______________________________________
6. Кеме тіркелген теңіз порты (орналасу пункті) _____________________
7. Кеме капитанының тегі, аты, әкесінің аты, оның мекенжайы ________
___________________________________________________________
8. Қазақстан Республикасының Мемлекеттік шекарасын бірнеше рет кесіп
өтуге рұқсат беруден (ұзартудан) бас тарту себептері ________
______________________________________________________________
(Шекара қызметі аумақтық бөлімшесі бастығының қолы)
20 __ жылғы "___" _________
Қазақстан Республикасының Мемлекеттік шекарасын бірнеше рет кесіп өтуге рұқсат алған қазақстандық кеменің экипаж мүшелерін ауыстыру туралы өтініш
Ескерту. 4-қосымшаға өзгеріс енгізілді – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
Кімге ___________________________________________________________
(Шекара қызметі аумақтық бөлімшесінің атауы)
Кімнен _______________________________________________________
(заңды тұлғаның заңды мекенжайы көрсетілген толық атауы немесе
_______________________________________________________________
дара кәсіпкердің Т.А.Ә., оның мекенжайы)
_______________________________________________________________
Кәсіпшілік қызметті жүргізу үшін Қазақстан Республикасының Мемлекеттік шекарасын бірнеше рет кесіп өтуге ______ аумақтық бөлімшесі берген 20 __ жылғы "___" ____ сериясы _____ № _____ рұқсатты алған қазақстандық кеме экипажының мүшелерін ауыстыруға өтінішті қарауды сұраймын.
____________________________________________________________________
экипаж мүшелерінен алып тастауды сұраймын____________________________
экипаж мүшелеріне қосуды сұраймын____________________________________
(заңды тұлға басшысының немесе дара кәсіпкердің қолы)
20 __ жылғы "___" _________
Қазақстан Республикасының Мемлекеттік шекарасын бірнеше рет кесіп өтуге рұқсат алған шетелдік азаматтар және азаматтығы жоқ адамдар бар қазақстандық кеменің экипаж мүшелерін ауыстыру туралы өтініш
Ескерту. 5-қосымшаға өзгеріс енгізілді – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
Кімге ____________________________________________________________
(Шекара қызметі аумақтық бөлімшесінің атауы)
Кімнен _________________________________________________________
(заңды тұлғаның заңды мекенжайы көрсетілген толық атауы немесе
________________________________________________________________
дара кәсіпкердің Т.А.Ә. оның мекенжайы)
Кәсіпшілік қызметті жүргізу үшін Қазақстан Республикасының Мемлекеттік шекарасын бірнеше рет кесіп өтуге _______ аумақтық бөлімшесі берген 20 __ жылғы "___" ____ сериясы _____ № _____ рұқсатты алған қазақстандық кеме экипажының мүшелерін ауыстыруға өтінішті қарауды сұраймын.
Экипаж мүшелігінен мына шетелдік азаматтарды (азаматтығы жоқ адамдарды) алып тастауды сұраймын:_____________________________
______________________________________________________________
экипаж мүшелеріне қосуды сұраймын ____________________________
_____________________________________________________________
Ауыстыру себебі: _____________________________________________
Қазақстан Республикасының Мемлекеттік шекарасын бірнеше рет кесіп өтуге рұқсат алған қазақстандық кеменің шетелдік азаматтар және азаматтығы жоқ адамдар бар экипаж мүшелерін ауыстыру туралы өтінішке ____ парақта қосымша қоса беріледі.
______________________________________________________________
(заңды тұлға басшысының немесе дара кәсіпкердің қолы)
20 __ жылғы "___" _________
Қазақстан Республикасының Мемлекеттік шекарасын бірнеше рет кесіп өтуге рұқсаттың қолданылуын тоқтата тұру (қайта жаңарту) туралы хабарлама
Ескерту. 6-қосымшаға өзгеріс енгізілді – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
1. Заңды тұлғаның атауы, оның заңды мекенжайы немесе дара кәсіпкердің тегі, аты, әкесінің аты, оның мекенжайы ___________________
______________________________________________________________
2. Кеме иесінің атауы және мекенжайы ____________________________
3. Кеменің атауы ________________________________________________
4. Кеменің типі _________________________________________________
5. Кеменің борттық нөмірі _______________________________________
6. Кеме тіркелген теңіз порты (орналасу пункті) _____________________
7. Кеме капитанының тегі, аты, әкесінің аты, оның мекенжайы ________
______________________________________________________________
8. Қазақстан Республикасының Мемлекеттік шекарасын бірнеше рет кесіп өтуге рұқсаттың қолданылуын тоқтата тұру (қайта жаңарту) себептері
______________________________________________________________
______________________________________________________________
______________________________________________________________
(Шекара қызметі аумақтық бөлімшесі бастығының қолы)
20 __ жылғы "___" _________
| Қазақстан Республикасы Үкіметінің 2014 жылғы 11 наурыздағы № 209 қаулысымен бекітілген |
Қазақстан Республикасының аумақтық суларында (теңізінде), ішкі суларында және континенттік қайраңында кәсіпшілік қызметті жүргізетін қазақстандық кемелерге бақылауды жүзеге асыру қағидалары
1. Осы Қазақстан Республикасының аумақтық суларында (теңізінде), ішкі суларында және континенттік қайраңында кәсіпшілік қызметті жүргізетін қазақстандық кемелерге бақылауды жүзеге асыру қағидалары (бұдан әрі – Қағидалар) Қазақстан Республикасының аумақтық суларында (теңізде), ішкі суларында және континенттік қайраңында кәсіпшілік қызметті жүргізу кезінде Қазақстан Республикасының Мемлекеттік шекарасын бірнеше рет кесіп өтуге рұқсат (бұдан әрі – рұқсат) алған қазақстандық кемелерді бақылау тәртібін айқындайды.
2. Осы Қағидалар мақсаты Қазақстан Республикасының аумағында балық өнімдері мен өзге де өнімдерді сату немесе өндіру үшін кәсіпшілік өнімдерді (объектілерді) шетелдік кемелерге, сондай-ақ өздеріне қатысты шекаралық бақылау жүзеге асырылған қазақстандық кемелерге ауыстырып тиемей кәсіпшілік өнімдерді (объектілерді) жеткізу болып табылатын, кәсіпшілік қызметті жүзеге асыратын қазақстандық кемелерге (бұдан әрі – қазақстандық кеме) қолданылады.
3. Қазақстандық кемелерге қатысты бақылауды Қазақстан Республикасы Ұлттық қауіпсіздік комитетінің Шекара қызметі (бұдан әрі – Шекара қызметі) Қазақстан Республикасының жануарлар дүниесiн қорғау, өсiмiн молайту мен пайдалану саласындағы уәкілетті табиғатты қорғау органымен (бұдан әрі – уәкілетті органы) бірлесіп жүзеге асырады және Қазақстан Республикасының Мемлекеттік шекарасы туралы заңнамасы мен осы Қағидаларды сақтауға бағытталған кәсіпшілік кемелердің қызметін бақылау іс-шараларының кешенін білдіреді.
4. Кәсіпшілік қызметті жүзеге асыру үшін Қазақстан Республикасының Мемлекеттік шекарасын бірнеше рет кесіп өтуге рұқсаты бар қазақстандық кемелер бақылау объектілері болып табылады.
5. Шекара қызметі бақылауды жүзеге асыру кезінде мынадай бақылау-тексеру іс-шараларын жүргізеді:
1) Қазақстан Республикасының Үкіметі бекіткен Қазақстандық кемелердің аумақтық суларда (теңізде), ішкі суларда және континенттік қайраңда кәсіпшілік қызметті жүргізуі үшін Қазақстан Республикасының Мемлекеттік шекарасын бірнеше рет кесіп өтуіне рұқсаттар беру қағидаларының, рұқсаттар қолданылуының кеңістіктегі және уақыттық шектерінің (бұдан әрі – Рұқсат беру қағидалары) 3 және 10-тармақтарында көрсетілген құжаттарды тексеру;
2) ауызша сұрау салу және түсініктеме алу.
Ескерту. 5-тармаққа өзгеріс енгізілді – ҚР Үкіметінің 11.02.2019 № 50 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.6. Қазақстандық кемелердің Қазақстан Республикасының теңіз порттарынан (орналасу пункті) теңіз кәсіпшілігі ауданына шығуы Шекара қызметі аумақтық бөлімшелерінің лауазымды адамдары кемеде бақылау-тексеру іс-шараларын жүргізгеннен кейін ғана жүзеге асырылады.
Шекара қызметі аумақтық бөлімшесінің бастығы куәландырған кеме рөліне енгізілген адамдар ғана қазақстандық кемемен теңізге шығуды жүзеге асырады.
Ескерту. 6-тармақ жаңа редакцияда – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.7. Қазақстандық кеменің теңіз портынан кәсіпшілік ауданына шығуының алдында, бірақ кемінде төрт сағат қалғанда Қазақстан Республикасының аумақтық суларында (теңіздерде), ішкі суларында және континенттік қайраңында балық кәсіпшілігін жүзеге асыруды жоспарлаған заңды тұлға немесе дара кәсіпкер (бұдан әрі – бастамашы) немесе қазақстандық кеменің капитаны (иесі) жауапкершілік учаскесінде теңіз порты (орналасу пункті) орналасқан Шекара қызметінің аумақтық бөлімшесін қазақстандық кеменің әзірлігі туралы хабардар етеді.
Шекара қызметінің лауазымды адамдары қазақстандық кемеге келгенге дейін қазақстандық кеменің капитаны (иесі) қазақстандық кемеден бөтен адамдарды шығаруды қамтамасыз етеді, мәліметтерді жинауды ұйымдастырады және оның қорытындысы бойынша Қағидаларға 1-қосымшаға сәйкес нысан бойынша қазақстандық кемедегі кәсіпшілік өнімдер (объектілер), жүктер мен тауарлар және оларды басқа кемелерге ауыстырып тиеу туралы есеп жасайды.
Ескерту. 7-тармаққа өзгеріс енгізілді – ҚР Үкіметінің 11.02.2019 № 50 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.8. Шекара қызметінің лауазымды адамдары қазақстандық кемеге келгеннен кейін қазақстандық кемені байқауды және тексеруді ұйымдастырады. Қазақстандық кеменің капитаны (иесі) Шекара қызметінің лауазымды адамдарына рұқсатты, Қағидаларға 2-қосымшаға сәйкес есепті (бұдан әрі – есеп), қазақстандық кеме экипажы мүшелерінің жеке басын куәландыратын құжаттарын және Шекара қызметі аумақтық бөлімшесінің бастығы растаған кеменің рөлін көрсетеді.
Шекара қызметінің лауазымды адамдары құжаттарда көрсетілген мәліметтердің дұрыстығын және олардың дұрыс ресімделуін тексергеннен кейін қазақстандық кеменің капитанына (иесіне) қайтарады.
Ескерту. 8-тармаққа өзгеріс енгізілді – ҚР Үкіметінің 11.02.2019 № 50 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.9. Қажет болған жағдайда Шекара қызметінің лауазымды адамдары мынадай құжаттардың:
1) жануарлар дүниесін пайдалануға рұқсаттың;
2) Қазақстан Республикасының Мемлекеттік туын көтеріп жүзу құқығы туралы куәліктің;
3) бастамашының кемеге мүліктік жеке меншік (жалдау) құқығын растайтын құжаттардың;
4) кемелік және кәсіпшілік журналдардың;
5) бастамашының қазақстандық кемесінде қазақстандық кеменің орналасқан жері туралы ақпаратты үнемі автоматты түрде беруді қамтамасыз ететін автоматты сәйкестендіру жүйесінің (бұдан әрі – техникалық бақылау құралы) болуын растайтын жабдықталуы мен жарақталуы жағынан кеменің қауіпсіздігі туралы куәліктің болуын да тексереді.
10. Қажет болған жағдайда, Шекара қызметінің лауазымды адамдары қазақстандық кеменің капитанына (иесіне) және экипаж мүшелеріне оның бортындағы кәсіпшілік өнімдері, жүктер мен тауарлар туралы ауызша сұрау жүргізеді, сондай-ақ (жеке немесе капитанмен (иесімен) бірге) қазақстандық кемені тексеріп қарауды жүргізеді.
11. Қазақстандық кеменің капитаны (иесі) есепте көрсеткен деректер қазақстандық кемені тексеру деректеріне сәйкес келмеген жағдайда, Шекара қызметінің лауазымды адамдары капитаннан (иесінен) бұл фактілер бойынша түсініктеме алады, Шекара қызметі аумақтық бөлімшесінің бастығын хабардар етеді, ол рұқсатты тоқтата тұру туралы шешім қабылдайды, бұл туралы рұқсат пен есепте жазба жасалады.
Ескерту. 11-тармақ жаңа редакцияда – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.12. Бақылау-тексеру іс-шаралары аяқталғаннан кейін Шекара қызметінің лауазымды адамдары есепке қол қойып, кеме журналына жазба жасайды және рұқсатқа белгі қояды. Шекара қызметінің лауазымды адамы жүргізілген іс-шаралардың нәтижесі туралы ақпаратты Шекара қызметінің аумақтық бөлімшесіне байланыс құралдары арқылы береді.
Ескерту. 12-тармақ жаңа редакцияда – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.13. Шекара қызметі қазақстандық кемелердің рұқсатта көрсетілмеген өзге суларға, теңіз порттарына (орналасу пункттеріне) шығуына жол берілмеуін және адамдар мен кемелерді құтқару қажеттігінен немесе өзге де төтенше мән-жайлардан туындаған, бұл туралы қазақстандық кеменің капитаны (иесі) дереу Шекара қызметінің аумақтық бөлімшесін хабардар ететін жағдайларды қоспағанда, кәсіпшілікті кәсіпшілік өнімдерін (объектілерін) ауыстырып тиемей, адамдарды түсірмей (отырғызбай), жүктер мен тауарларды шетелдік кемелерге, сондай-ақ өздеріне қатысты шекаралық бақылау жүзеге асырылған қазақстандық кемелерге қайта тиемей жүзеге асыру жөніндегі талаптардың сақталуын бақылауды жүзеге асырады.
Ескерту. 13-тармақ жаңа редакцияда – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.14. Кәсіпшілікті жүзеге асыру кезінде рұқсатқа сәйкес мынадай талаптар сақталуы тиіс:
1) қазақстандық кеменің капитаны (иесі) Шекара қызметінің аумақтық бөлімшесімен үнемі радиобайланыста болады, қазақстандық кеме орналасқан географиялық координаталарды көрсете отырып, Қазақстан Республикасының Мемлекеттік шекарасын әрбір кесіп өту фактісі бойынша хабардар етеді және бұл туралы кеме журналына жазба жүргізеді;
2) техникалық ақау себептерінен техникалық бақылау құралдары істен шыққан кезде қазақстандық кеменің капитаны (иесі) кәсіпшілікті тоқтатады, ақау себептері туралы Шекара қызметінің аумақтық бөлімшесіне хабарлайды.
Техникалық бақылау құралдарының істен шығуына әкелген себептерді төрт сағаттың ішінде жою мүмкін болмаған жағдайда, қазақстандық кеменің капитаны (иесі) ол туралы Шекара қызметінің аумақтық бөлімшесін хабардар етеді және ақауды жою үшін теңіз портына (орналасу пунктіне) оралады;
3) бастамашы және қазақстандық кеменің капитаны (иесі) Шекара қызметінің лауазымды адамдарының талабы бойынша қазақстандық кеменің орналасқан жері және қазақстандық кеменің Қазақстан Республикасының Мемлекеттік шекарасын бірнеше рет кесіп өтуіне байланысты басқа да қажетті ақпаратты ұсынады;
4) қазақстандық кеменің капитаны (иесі) кәсіпшілік өнімдерін (объектілерін), жүктер мен тауарларды басқа қазақстандық кемелерге ауыстырып тиеп болғаннан кейін оларды ауыстырып тиеуге байланысты өзгерістерді есепке енгізуге міндетті.
Ескерту. 14-тармаққа өзгеріс енгізілді – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.15. Теңіз кәсіпшілігін жүзеге асыратын қазақстандық кемені бақылау барысында Рұқсат беру қағидаларының 14-тармағында, сондай-ақ осы Қағидалардың 11-тармағында көрсетілген ақпараттардың бұрмалану фактілері анықталған жағдайда, Шекара қызметі Қазақстан Республикасының қылмыстық іс жүргізу немесе әкімшілік заңнамасына сәйкес қазақстандық кемені ұстауды және жақын арадағы теңіз портына (орналасу пунктіне) жөнелтуді жүргізеді, рұқсат күшін жояды, бұл туралы рұқсатқа және кеме журналына жазба жазылады.
Ескерту. 15-тармақ жаңа редакцияда – ҚР Үкіметінің 11.02.2019 № 50 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.16. Кәсіпшілік өнімдерін (объектілерін) жеткізу мақсатында қазақстандық кеме теңіз портына (орналасу пунктіне) келер алдында бастамашы немесе қазақстандық кеме капитаны (иесі) бұл туралы Шекара қызметінің аумақтық бөлімшесіне төрт сағат бұрын хабарлайды. Шекара қызметінің лауазымды адамдары өздері немесе уәкілетті органның өкілдерімен бірге теңіз портына (орналасу пунктіне) келеді, қазақстандық кемені қадағалауды ұйымдастырады, осы Қағидалардың 8 және 9-тармақтарында көрсетілген құжаттарды тексеруді, қазақстандық кемені тексеріп қарауды, кәсіпшілік өнімдерінің (объектілерінің) түсірілуін қадағалауды жүзеге асырады, қазақстандық кеменің капитанынан (иесінен) және экипаж мүшелерінен оның бортындағы кәсіпшілік өнімдері, жүктер және тауарлар туралы ауызша жауап алады.
Ескерту. 16-тармақ жаңа редакцияда – ҚР Үкіметінің 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.17. Кәсіпшілік өнімдерін (объектілерін), жүктерді және тауарларды, сондай-ақ адамдарды түсіру Шекара қызметі бақылау-тексеру іс-шараларын аяқтағаннан кейін жүзеге асырылады. Бақылау-тексеру іс-шаралары аяқталғаннан кейін Шекара қызметінің лауазымды адамы қазақстандық кеменің теңіз портына (орналасу пунктіне) келгені туралы рұқсатқа және есепке белгі қояды, сондай-ақ осы туралы кемелік журналға жазба жазады. Қазақстандық кеменің капитаны (иесі) Шекара қызметінің лауазымды адамына есепке алу үшін есептің екінші данасын ұсынады.
Қазақстандық кеменің капитаны (иесі) есебінде көрсетілген деректердің оны тексеріп қарау, кәсіпшілік өнімдерін (объектілерін), жүктер мен тауарларды түсіру барысын қадағалау нәтижесінде алынған деректерге сәйкес келмейтіні анықталған жағдайда, Шекара қызметінің және уәкілетті органның лауазымды адамдары қазақстандық кеме капитанынан (иесінен) осы фактілер бойынша түсініктеме алады. Шекара қызметі рұқсаттың күшін жояды, ол туралы рұқсатқа және есепке жазба жазылады.
18. Бақылау-тексеру іс-шараларының барысында құқық бұзушылық белгілері анықталған жағдайда, Шекара қызметінің және уәкілетті органның лауазымды адамдары құқық бұзушыларды Қазақстан Республикасының қылмыстық немесе әкімшілік заңнамасына сәйкес жауапкершілікке тарту шараларын қабылдайды.
Ескерту. Қағида 1-қосымшамен толықтырылды – ҚР Үкіметінің 11.02.2019 № 50 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); өзгеріс енгізілді – 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
Кемеде тасымалданатын кәсіпшілік өнімдерін (объектілерін), жүктерді, тауарларды басқа кемеге ауыстырып тиеу туралы мәліметтер
Күні | Кәсіпшілік өнімдерінің (объектілерінің), жүктердің, тауарлардың атауы және түрі | Жүк ауыстырып тиелетін кеме | Өлшем бірлігі | Саны | Кеме капитанының (иесінің) қолы |
_________________________________________________________________
(кеме капитанының (иесінің) қолы, Т.А.Ә.)
20 __ жылғы "__" _________
М.О.
_________________________________________________________________
(Шекара қызметі аумақтық бөлімшесінің лауазымды адамының лауазымы, қолы, Т.А.Ә.)
20 __ жылғы "___" __________
Ескерту. Қағида 2-қосымшамен толықтырылды – ҚР Үкіметінің 11.02.2019 № 50 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); өзгеріс енгізілді – 29.04.2020 № 259 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
Қазақстан Республикасының Мемлекеттік шекарасын бірнеше рет кесіп өткен кезде кемеде кәсіпшілік өнімдерінің (объектілерінің), жүктердің, тауарлардың болуы туралы және оларды кәсіпшілік барысында басқа кемелерге түсіру (тиеу) туралы есеп
Кеменің анықтау деректері
1. Кеменің атауы __________________________________________________________
2. Кеменің типі ___________________________________________________________
3. Кеменің борттық нөмірі __________________________________________________
4. Кеме тіркелген теңіз порты (орналасу пункті) ________________________________
5. Кеме капитанының (иесінің) тегі, аты, әкесінің аты ___________________________
6. Қазақстан Республикасының Мемлекеттік шекарасын бірнеше рет кесіп өтуге рұқсаттың нөмірі, орны, алынған күні және оның қолданылу мерзімі
__________________________________________________________________________
7. Жануарлар дүниесін пайдалануға рұқсаттың нөмірі, орны, алынған күні _________
Қазақстан Республикасының теңіз портынан (орналасу пунктінен) шығу кезінде кемеде тасымалданатын кәсіпшілік өнімдерінің (объектілерінің), жүктердің, тауарлардың, валютаның сипаттамасы және олардың саны
Р/с № | Атауы және түрлік құрамы | Өлшем бірлігі | Саны |
1. | Кәсіпшілік (түрлері бойынша) өнімдері (объектілері): | ||
2. | Жүктер: | ||
3. | Тауарлар: | ||
4. | Валюта: |
_________________________________________________________________
(кеме капитанының (иесінің) қолы және Т.А.Ә.)
20 __ жылғы "___" __________
М.О.
_________________________________________________________________
(Шекара қызметі аумақтық бөлімшесінің лауазымды адамының лауазымы, қолы, Т.А.Ә.)
20 __ жылғы "___" __________
Қазақстан Республикасының теңіз портына (орналасу пунктіне) қайта оралғаннан кейін
Р/с № | Атауы және түрлік құрамы | Өлшем бірлігі | Саны |
1. | Кәсіпшілік (түрлері бойынша) өнімдері (объектілері): | ||
2. | Жүктер: | ||
3. | Тауарлар: | ||
4. | Валюта: |
_________________________________________________________________
(кеме капитанының (иесінің) қолы және Т.А.Ә.)
20 __ жылғы "___" __________
_________________________________________________________________
(Шекара қызметі әскери бөлімінің лауазымды адамының лауазымы, қолы, Т.А.Ә.)
20 __ жылғы "___" __________
