Қазақстан Республикасының Үкіметі ҚАУЛЫ ЕТЕДІ:
"Қазақстан Республикасының кейбір заңнамалық актілеріне халықтың жұмыспен қамтылуын формализациялау мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.
|
Қазақстан Республикасының Премьер-Министрі |
Б. Сағынтаев |
| Жоба |
ҚАЗАҚСТАН РЕСПУБЛИКАСЫНЫҢ ЗАҢЫ Қазақстан Республикасының кейбір заңнамалық актілеріне халықтың жұмыспен қамтылуын формализациялау мәселелері бойынша өзгерістер мен толықтырулар енгізу туралы
1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:
1. 2008 жылғы 4 желтоқсандағы Қазақстан Республикасының Бюджет кодексіне (Қазақстан Республикасы Парламентінің Жаршысы, 2008 ж., № 21, 93-құжат; 2009 ж., № 23, 112-құжат, № 24, 129-құжат; 2010 ж., № 5, 23-құжат; № 7, 29, 32-құжаттар; № 15, 71-құжат; № 24, 146, 149, 150-құжаттар; 2011 ж., № 2, 21, 25-құжаттар; № 4, 37-құжат; № 6, 50-құжат; № 7, 54-құжат; № 11, 102-құжат; № 13, 115-құжат; № 15, 125-құжат; № 16, 129-құжат; № 20, 151-құжат; № 24, 196-құжат; 2012 ж., № 1, 5-құжат; № 2, 16-құжат; № 3, 21-құжат; № 4, 30, 32-құжаттар; № 5, 36, 41-құжаттар; № 8, 64-құжат; № 13, 91-құжат; № 14, 94-құжат; № 18-19, 119-құжат; № 23-24, 125-құжат; 2013 ж., № 2, 13-құжат; № 5-6, 30-құжат; № 8, 50-құжат; № 9, 51-құжат; № 10-11, 56-құжат; № 13, 63-құжат; № 14, 72-құжат; № 15, 81, 82-құжаттар; № 16, 83-құжат; № 20, 113-құжат; № 21-22, 114-кұжат; 2014 ж., № 1, 6-құжат; № 2, 10, 12-құжаттар; № 4-5, 24-құжат; № 7, 37-құжат; № 8, 44-құжат; № 11, 63, 69-құжаттар; № 12, 82-құжат; № 14, 84, 86-құжаттар; № 16, 90-құжат; № 19-I, 19-II, 96-құжат; № 21, 122-құжат; № 22, 128, 131-құжаттар; № 23, 143-құжат; 2015 ж., № 2, 3-құжат; № 11, 57-құжат; № 14, 72-құжат; № 15, 78-құжат; № 19-I, 100-құжат; № 19-II, 106-құжат; № 20-IV, 113-құжат; № 20-VII, 117-құжат; № 21-I, 121, 124-құжаттар; № 21-II, 130, 132-құжаттар; № 22-I, 140, 143-құжаттар; № 22-ІІ, 144-құжат; № 22-V, 156-құжат; № 22-VI, 159-құжат; № 23-II, 172-құжат; 2016 ж., № 7-II, 53-құжат; № 8-I, 62-құжат; № 12, 87-құжат; № 22, 116-құжат; № 23, 119-құжат; № 24, 126-құжат; 2017 ж., № 4, 7-құжат; № 6, 11-құжат; № 9, 18-құжат; № 10, 23-құжат; № 13, 45-құжат; № 14, 51-құжат; № 15, 55-құжат; № 20, 96-құжат; № 22, 109-құжат):
1) 50-баптың 1-тармағы мынадай мазмұндағы 1-1) тармақшамен толықтырылсын:
"1-1) Қазақстан Республикасының заңнамалық актілеріне сәйкес облыстық мәслихат белгілеген кірістерді бөлу нормативтері
бойынша бірыңғай жиынтық төлемді төлеген жеке тұлғалардан алынатын жеке табыс салығы;";
2) 51-баптың 1-тармағы мынадай мазмұндағы 1-1) тармақшамен толықтырылсын:
"1-1) Қазақстан Республикасының заңнамалық актілеріне сәйкес бірыңғай жиынтық төлемді төлеген жеке тұлғалардан алынатын жеке табыс салығы;";
3) 52-баптың 1-тармағы мынадай мазмұндағы 1-1) тармақшамен толықтырылсын:
"1-1) Қазақстан Республикасының заңнамалық актілеріне сәйкес облыстық мәслихат белгілеген кірістерді бөлу нормативтері
бойынша бірыңғай жиынтық төлемді төлеген жеке тұлғалардан алынатын жеке табыс салығы;".
2. 2015 жылғы 29 қазандағы Қазақстан Республикасының Кәсіпкерлік кодексіне (Қазақстан Республикасы Парламентінің Жаршысы, 2015 ж., № 20-ІІ, 20-III, 112-құжат; 2016 ж., № 1, 4-құжат; № 6, 45-құжат; № 7-II, 55- құжат; № 8-I, 62, 65-құжаттар; № 8-ІІ, 72-құжат; № 12, 87-құжат; № 23, 118-құжат; № 24, 124, 126-құжаттар; 2017 ж., № 9, 21-құжат; № 14, 50, 51-құжаттар; № 22, 109-құжат):
35-бапта:
2-тармақтың екінші бөлігі мынадай редакцияда жазылсын:
"Осы баптың 3 және 4-тармақтарында аталған тұлғаларды, сондай-ақ Қазақстан Республикасының салық заңнамасында көзделген жағдайларды қоспағанда, санамаланған дара кәсіпкерлердің мемлекеттік тіркеусіз қызметіне тыйым салынады.";
мынадай мазмұндағы 4-тармақпен толықтырылсын:
"4. "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабының ережелеріне сәйкес бірыңғай жиынтық төлемді төлеуші деп танылған жеке тұлға дара кәсіпкер ретінде тіркелмеуге құқылы.".
3. 2017 жылғы 25 желтоқсандағы "Салық және бюджетке төленетін басқа да міндетті төлемдер туралы" Қазақстан Республикасының Кодексіне (Салық кодексіне) (Қазақстан Республикасы Парламентінің Жаршысы, 2017 ж., № 22, 107-құжат):
1) мазмұны мынадай мазмұндағы 24-бөліммен, 89-тараумен, 774 және 775-баптармен толықтырылсын:
"24-бөлім. Бірыңғай жиынтық төлем
89-тарау. Бірыңғай жиынтық төлем
774-бап. Бірыңғай жиынтық төлемді төлеушілер
775-бап. Бірыңғай жиынтық төлемді есептеу және төлеу тәртібі";
2) 317-бап мынадай мазмұндағы 5 және 6-тармақтармен толықтырылсын:
"5. Ауыл шаруашылығы өнімін, аквамәдениет өндірушілер және ауыл шаруашылығы кооперативтері (балық өсірушілер) өнімін үшін арнаулы салық режимін қолданатын дара кәсіпкердің табысы бойынша жеке табыс салығын есептеу осы Кодекстің 78-тарауында белгіленген ерекшеліктер есепке алына отырып жүргізіледі.
6. Осы Кодекстің 774-бабы 1-тармағының 3) тармақшасында көрсетілген қызмет түрлерін жүзеге асырудан бірыңғай жиынтық төлемді төлеуші алған (алуға жататын) табыс бойынша жеке табыс салығын есептеу және төлеу осы Кодекстің 775-бабына сәйкес жүргізіледі.
Мұндай тұлға осы тармақтың бірінші бөлігінде көрсетілген табыстар бойынша жеке табыс салығы және әлеуметтік төлемдер бойынша салық есептілігін табыс етуді жүргізбейді.";
3) мынадай мазмұндағы 24-бөліммен толықтырылсын:
"24-бөлім. Бірыңғай жиынтық төлем
89-тарау. Бірыңғай жиынтық төлем
774-бап. Бірыңғай жиынтық төлемді төлеушілер
1. Бір мезгілде мынадай шарттарға сай келетін:
1) бірыңғай жиынтық төлемді төлеген;
2) жалдамалы жұмыскерлердің еңбегін пайдаланбайтын;
3) тек қана жеке тұлғаларға қызмет көрсететін және (немесе) акциздік өнімдерді қоспағанда, өзінің жеке қосалқы шаруашылығында өндірген ауыл шаруашылығы өнімін тек жеке тұлғаларға ғана өткізетін, дара кәсіпкер ретінде тіркелмей кәсіпкерлік қызметті жүзеге асыратын жеке тұлғалар бірыңғай жиынтық төлемді төлеушілер деп танылады.
2. Бірыңғай жиынтық төлем төлеушінің осы баптың 1-тармағының 3) тармақшасында көрсетілген қызмет түрлерін жүзеге асыру нәтижесінде алатын табыс мөлшері күнтізбелік жыл үшін республикалық бюджет туралы заңда белгіленген және тиісті қаржы жылының 1 қаңтарындағы ең төменгі жалақының 100 еселенген мөлшерінен аспауға тиіс.
3. Мыналар:
1) осы баптың 1-тармағының 3) тармақшасында көрсетілген коммерциялық жылжымайтын мүлік объектілері аумағында, кәсіпкерлік қызметте пайдаланылатын (пайдалануға жататын), оның ішінде меншік құқығындағы (жалдау, пайдалану, сенімгерлік басқару) сауда объектілерін қоса алғанда, қызмет түрлерін жүзеге асыратын тұлғалар;
2) тұрғын үйді қоспағанда, мүлікті жалға (мүліктік жалдау) беретін тұлғалар;
3) жеке практикамен айналысатын адамдар;
4) оралмандарды қоспағанда, шетелдіктер және азаматтығы жоқ адамдар;
5) дара кәсіпкер ретінде мемлекеттік тіркелген адамдар бірыңғай жиынтық төлемді төлеушілер ретінде танылмайды.
4. Жеке тұлғалар, бірыңғай жиынтық төлем жасалған күннен бастап мұндай төлем жүргізілген айдың соңғы күніне дейін бірыңғай жиынтық төлемді төлеушілер деп танылады.
775-бап. Бірыңғай жиынтық төлемді есептеу және төлеу тәртібі
1. Бірыңғай жиынтық төлемге жеке табыс салығының және әлеуметтік төлемдердің төленуге жататын сомалары қосылады.
2. Бірыңғай жиынтық төлемнің бір ай үшін сомасы республикалық маңызы бар қалаларда, астанада және облыстық маңызы бар қалаларда - 1 еселенген айлық есептік көрсеткіш мөлшерінде, басқа елді мекендерде 0,5 еселенген айлық есептік көрсеткіш мөлшерінде болады.
Бұл ретте, республикалық бюджет туралы заңда тиісті қаржы жылына белгіленген айлық есептік көрсеткіш қолданылады.
3. Бірыңғай жиынтық төлемді төлеушінің осы Кодекстің 774-бабы 1-тармағының 3) тармақшасында көрсетілген қызмет түрлерін жүзеге асырудан алған кірісі бойынша жеке табыс салығы бірыңғай жиынтық төлем сомасының 10 пайызын құрайды.
Бұл ретте, зейнетақымен қамсыздандыру, әлеуметтік сақтандыру және әлеуметтік медициналық сақтандыру туралы заңнамаға сәйкес әлеуметтік төлемдерден босатылған жеке тұлғалар үшін бірыңғай жиынтық төлем төлеушінің жеке табыс салығы осындай әлеуметтік төлемдер сомасына ұлғайтылады.
4. Бірыңғай жиынтық төлем банктер немесе банк операцияларының жекелеген түрлерін жүзеге асыратын ұйымдар арқылы аудару жолымен "Азаматтарға арналған үкімет" мемлекеттік корпорациясының шотына Қазақстан Республикасының Үкіметі белгілеген тәртіппен жеке табыс салығы және әлеуметтік төлемдер түрлерінде бөлініп және аударыла отырып, жалпы сомамен төленуге жатады.".
4. "Мемлекеттік атаулы әлеуметтік көмек туралы" 2001 жылғы 17 шілдедегі Қазақстан Республикасының Заңына (Қазақстан Республикасы Парламентінің Жаршысы, 2001 ж., № 17-18, 247-құжат; 2004 ж., № 23, 142-құжат; 2007 ж., № 3, 20-құжат; № 10, 69-құжат; № 20, 152-құжат; 2009 ж., № 1, 4-құжат; № 23, 117-құжат; 2011 ж., № 10, 86-құжат; № 16, 128-құжат; 2012 ж., № 2, 14-құжат; № 8, 64-құжат; 2013 ж., № 14, 72-құжат; 2014 ж., № 19-I, 19-II, 96-құжат; 2015 ж., № 6, 27-құжат; № 10, 50-құжат; № 19-II, 106-құжат; № 22-ІІ, 145-құжат; № 22-V, 158-құжат; 2016 ж., № 7-I, 49-құжат; 2017 ж., № 12, 36-құжат; 2018 жылғы 18 сәуірде "Егемен Қазақстан" және "Казахстанская правда" газеттерінде жарияланған "Қазақстан Республикасының кейбір заңнамалық актілеріне халықтың жұмыспен қамтылуы және көші-қоны мәселелері бойынша өзгерістер мен толықтырулар енгізу туралы" 2018 жылғы 16 сәуірдегі Қазақстан Республикасының Заңы):
1-баптың 1-2) тармақшасы мынадай редакцияда жазылсын:
"1-2) әлеуметтік келісімшарт - жұмыссыздар, Қазақстан Республикасының Үкіметі айқындайтын жекелеген санаттағы жұмыспен қамтығандар қатарындағы Қазақстан Республикасының азаматы не оралман, сондай-ақ "Халықты жұмыспен қамту туралы" Қазақстан Республикасының Заңында көзделген жағдайларда өзге адамдар мен халықты жұмыспен қамту орталығы арасындағы, ал "Халықты жұмыспен қамту туралы" Қазақстан Республикасының Заңында көзделген жағдайларда, жұмыспен қамтуға жәрдемдесудің белсенді шараларын ұйымдастыруға тартылған жеке және заңды тұлғалармен тараптардың құқықтары мен міндеттерін айқындайтын жұмыспен қамтуға жәрдемдесудің белсенді шараларына қатысу, сондай-ақ мемлекеттік атаулы әлеуметтік көмек көрсету туралы келісім;".
5. "Міндетті әлеуметтік сақтандыру туралы" 2003 жылғы 25 сәуірдегі Қазақстан Республикасының Заңына (Қазақстан Республикасы Парламентінің Жаршысы, 2003 ж., № 9, 41-құжат; 2004 ж., № 23, 140, 142-құжаттар; 2006 ж., № 23, 141-құжат; 2007 ж., № 3, 20-құжат; № 20, 152-құжат; № 24, 178-құжат; 2008 ж., № 23, 114-құжат; 2009 ж., № 9-10, 50-құжат; 2010 ж., № 5, 23-құжат; № 7, 28-құжат; 2011 ж., № 6, 49-құжат; № 11, 102-құжат; № 14, 117-құжат; 2012 ж., № 2, 14-құжат; № 3, 26-құжат; № 4, 32-құжат; № 8, 64-құжат; № 14, 95-құжат; № 23-24, 125-құжат; 2013 ж., № 2, 13-құжат; № 3, 15-кұжат; № 10-11, 56-құжат; № 14, 72-құжат; № 21-22, 115-құжат; 2014 ж., № 1, 4-құжаттар; № 19-I, 19-II, 96-құжат; № 21, 122-құжат; № 22, 131-құжат; 2015 ж., № 6, 27-құжат; № 20-IV, 113-құжат; № 22-ІІ, 145-құжат; 2016 ж., № 7-I, 49-құжат; 2017 ж., № 12, 36-құжат; № 13, 45-құжат; № 22-ІІІ, 109-құжат; 2018 жылғы 18 сәуірде "Егемен Қазақстан" және "Казахстанская правда" газеттерінде жарияланған "Қазақстан Республикасының кейбір заңнамалық актілеріне халықтың жұмыспен қамтылуы және көші-қоны мәселелері бойынша өзгерістер мен толықтырулар енгізу туралы" 2018 жылғы 16 сәуірдегі Қазақстан Республикасының Заңы):
1) 1-бапта:
6) тармақша мынадай редакцияда жазылсын:
"6) әлеуметтік аударымдарды төлеуші (бұдан әрі - төлеуші) - осы Заңда белгіленген тәртіппен Мемлекеттік әлеуметтік сақтандыру қорына әлеуметтік аударымдарды есептеуді және төлеуді жүзеге асыратын жұмыс беруші, дара кәсіпкер, жеке практикамен айналысатын адам, сондай-ақ "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлға;";
мынадай мазмұндағы 13-4) тармақшамен толықтырылсын:
"13-4) жеке практикамен айналысатын адам - жекеше нотариус, жеке сот орындаушысы, адвокат, кәсіби медиатор;"
2) 8-бап мынадай редакцияда жазылсын:
"8-бап. Міндетті әлеуметтік сақтандыруға жататын адамдар
"Қазақстан Республикасында зейнетақымен қамсыздандыру туралы" Қазақстан Республикасы Заңының 11-бабының 1-тармагында көзделген жасқа толған адамдарды қоспағанда, жұмыскерлер, дара кәсіпкерлер, жеке практикамен айналысатын адамдар, "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғалар, сондай-ақ Қазақстан Республикасының аумағында тұрақты тұратын және Қазақстан Республикасының аумағында кіріс әкелетін қызметті жүзеге асыратын шетелдіктер мен азаматтығы жоқ адамдар міндетті әлеуметтік сақтандыруға жатады.";
3) 11-баптың 10) тармақшасы мынадай редакцияда жазылсын:
"10) әлеуметтік аударымдарды есептеу мен аудару және олар бойынша өндіріп алу тәртібін және мерзімдерін әзірлейді;";
4) 13-баптың 2-тармағының бірінші абзацы мынадай редакцияда жазылсын:
"2. Төлеуші, "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлем төлеуші болып табылатын жеке тұлғаларды қоспағанда:";
5) 14-бап мынадай мазмұндағы 3-тармақпен толықтырылсын:
"3. "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғалар үшін ез пайдасына өздері төлейтін әлеуметтік аударымдардың мөлшері әлеуметтік аударымдарды есептеу объектісінің 20 пайызын құрайды.";
6) 15-бапта:
2-тармақ мынадай редакцияда жазылсын:
"2. Жеке практикамен айналысатын адамдар, дара кәсіпкерлер үшін әлеуметтік аударымдарды есептеу объектілері мыналар:
өзі үшін - әлеуметтік аударымдарды өз пайдасына есептеу мақсаттары үшін өздері дербес айқындайтын алатын кірісінің, бірақ "Салық және бюджетке төленетін басқа да міндетті төлемдер туралы" Қазақстан Республикасының Кодексіне (Салық кодексі) сәйкес салық салу мақсаттары үшін айқындалатын кірістен артық емес сомасы;
жалдамалы жұмыскерлер үшін - Қорға әлеуметтік аударымдар төленбейтін кірістерді қоспағанда, еңбекке ақы төлеу ретіндегі кірістер түрінде жұмыскерге төленетін шығыстар болып табылады.";
мынадай мазмұндағы 2-2-тармақпен толықтырылсын:
"2-2. "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлем төлеушілері болып табылатын жеке тұлғалар үшін республикалық, облыстық маңызы бар қалаларда, астанада айлық есептік көрсеткіштің 1 еселенген мөлшері және басқа елді мекендерде - айлық есептік көрсеткіштің 0,5 еселенген мөлшері әлеуметтік аударымдарды есептеу объектілері болып табылады.
Бұл ретте республикалық бюджет туралы заңда тиісті қаржы жылына белгіленген айлық есептік көрсеткіштің мөлшері қолданылады.";
7) 16-бапта:
мынадай мазмұндағы 2-2тармақпен толықтырылсын:
"2-2. "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғалар әлеуметтік аударымдарды Қазақстан Республикасының Үкіметі айқындайтын тәртіппен төлейді.";
8) 18-бап мынадай редакцияда жазылсын:
"18-бап. Жүргізілген аударымдар туралы хабарлау
Егер Қазақстан Республикасының заңнамасында өзгеше белгіленбесе, "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлем төлеушілер болып табылатын жеке тұлғаларды қоспағанда, төлеуші міндетті әлеуметтік сақтандыру жүйесіне қатысушылар үшін есепке жазылған әлеуметтік аударымдар жөніндегі мәліметтерді көрсететін жеке табыс салығы мен әлеуметтік салық бойынша декларацияны Қазақстан Республикасының салық заңнамасында белгіленген мерзімде тоқсан сайын тапсырады.
Декларацияның нысанын және оны жасау тәртібін бюджетке салық және төлемдердің түсуін қамтамасыз ететін уәкілетті орган белгілейді.";
9) 21-баптың 5-тармағы мынадай мазмұндағы үшінші абзацпен толықтырылсын:
"Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеушілер болып табылатын жеке тұлғалар үшін әлеуметтік аударымдар жүргізілген кірістер тиісті қаржы жылына арналған республикалық бюджет туралы заңда белгіленген бір ең төменгі жалақы деңгейінде қабылданады.";
10) 22-баптың 8-тармағы мынадай мазмұндағы үшінші абзацпен толықтырылсын:
"Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеушілер болып табылатын жеке тұлғалар үшін әлеуметтік аударымдар жүргізілген кірістер тиісті қаржы жылына арналған республикалық бюджет туралы заңда белгіленген бір ең төменгі жалақы деңгейінде қабылданады.";
11) 23-баптың 1-тармағы мынадай редакцияда жазылсын:
"1. Жұмысынан айырылған жағдайда төленетін әлеуметтік төлем әлеуметтік аударымдары жүргізілген, міндетті әлеуметтік сақтандыру жүйесіне қатысушы халықты жұмыспен қамту орталығына жұмыссыз ретінде тіркеуге өтініш жасаған күннен бастап тағайындалады.
Осы тармақтың бірінші бөлігінің ережелері "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғаларға қолданылмайды.";
12) 23-1-баптың 4-тармағы мынадай мазмұндағы үшінші бөлікпен толықтырылсын:
"Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеушілер болып табылатын жеке тұлғалар үшін әлеуметтік аударымдар жүргізілген кірістер тиісті қаржы жылына арналған республикалық бюджет туралы заңда белгіленген бір ең төменгі жалақы деңгейінде қабылданады.";
13) 23-2-баптың 5-тармағы мынадай мазмұндағы үшінші бөлікпен толықтырылсын:
"Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеушілер болып табылатын жеке тұлғалар үшін әлеуметтік аударымдар жүргізілетін кірістер тиісті қаржы жылына арналған республикалық бюджет туралы заңда белгіленген бір ең төменгі жалақы деңгейінде қабылданады.".
6. "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасының Заңына (Қазақстан Республикасы Парламентінің Жаршысы, 2013 ж., № 10-11, 55-құжат; № 21-22, 115-құжат; 2014 ж., № 1, 1-құжат; № 6, 28-құжат; № 8, 49-құжат; № 11, 61-құжат; № 19-I, 19-II, 96-құжат; № 21, 122-құжат; № 22, 131-құжат; № 23, 143-құжат; 2015 ж., № 6, 27-құжат; № 8, 45-құжат; № 10, 50-құжат; № 15, 78-құжат; № 20-IV, 113-құжат; № 22-ІІ, 145-құжат; № 22-VI, 159-құжат; № 23-ІІ, 170-құжат; 2016 ж., № 7-1, 49-құжат; № 8-1, 65-құжат; 2017 ж., № 12, 36-құжат; № 16, 56-құжат; 2017 ж., № 22, 109-құжат):
1) 1-бап мынадай мазмұндағы 11-3) тармақшамен толықтырылсын:
"11-3) жеке практикамен айналысатын адам - жекеше нотариус, жеке сот орындаушысы, адвокат, кәсіби медиатор;";
2) 24-бапта:
7-тармақта:
1) және 2) тармақшалар мынадай редакцияда жазылсын:
"1) дара кәсіпкерлер мен заңды тұлғалар (осы тармақтың 2), 5) және 6) тармақшаларында көрсетілген тұлғалардан басқа) және жеке практикамен айналысатын адамдар жұмыскерлерге төленген табыстардан - табыстар төленген айдан кейінгі айдың 25-інен кешіктірмей;
2) дара кәсіпкерлер (осы тармақтың 5) тармақшасында көрсетілген дара кәсіпкерлерден басқа), оның ішінде жеке практикамен айналысатын адамдар өзінің пайдасына - есепті айдан кейінгі айдың 25-інен кешіктірмей;";
3) және 4) тармақшалар алынып тасталсын;
мынадай мазмұндағы 8) тармақшамен толықтырылсын:
"8) "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеушілер болып табылатын жеке тұлғалар Қазақстан Республикасының салық заңнамасында көзделген мерзімде аударады.";
8-тармақ мынадай редакцияда жазылсын:
"8. Міндетті зейнетақы жарналарын, міндетті кәсіптік зейнетақы жарналарын және (немесе) осы Заңның 28-бабының 1-тармағына сәйкес есебіне жазылған өсімпұлды төлеудің толық және уақтылы жүзеге асырылуын бақылауды осы баптың 7-тармағының 8) тармақшасында көрсетілген тұлғалардың міндетті зейнетақы жарналарын төлеуді қоспағанда, Қазақстан Республикасының заңнамасына сәйкес мемлекеттік кіріс органдары жүзеге асырады.";
3) 25-баптың 4-тармағы мынадай редакцияда жазылсын:
"4. Жеке практикамен айналысатын адамдар, дара кәсіпкерлер, сондай-ақ қызметі жұмыстарды орындау (қызмет көрсету) болып табылатын азаматтық-құқықтық сипаттағы шарттар бойынша табыс алатын жеке тұлғалар үшін бірыңғай жинақтаушы зейнетақы қорына төленуге жататын өз пайдасына міндетті зейнетақы жарналары алатын табыстың 10 пайызы мөлшерінде, бірақ республикалық бюджет туралы заңда тиісті қаржы жылына белгіленген ең төмен жалақы мөлшерінің 10 пайызынан кем емес және ең төмен жалақының 75 еселенген мөлшерінің 10 пайызынан аспайтын мөлшерде белгіленеді.
Шаруа немесе фермер қожалықтары үшін шаруа немесе фермер қожалығының кәмелетке толған мүшесінің (қатысушысының) және басшысының пайдасына бірыңғай жинақтаушы зейнетақы қорына төленуге жататын, салық кезеңінің әрбір айы үшін есептелетін міндетті зейнетақы жарналары республикалық бюджет туралы заңда тиісті қаржы жылына белгіленген ең төмен жалақы мөлшерінің 10 пайызынан кем емес және ең темен жалақының 75 еселенген мөлшерінің 10 пайызынан аспайтын мөлшерде белгіленеді. Міндетті зейнетақы жарналары шаруа немесе фермер қожалығының кәмелетке толған мүшелерінің (қатысушыларының) пайдасына олар кәмелетке толған жылдан кейінгі күнтізбелік жылдың басынан бастап есептелуге және төленуге жатады.
Жеке практикамен айналысатын адам, сондай-ақ дара кәсіпкер өз пайдасына бірыңғай жинақтаушы зейнетақы қорына міндетті зейнетақы жарналарын есептеу үшін өз бетінше айқындайтын табыс алынатын табыс болып табылады.
Табыс болмаған жағдайда жеке практикамен айналысатын адамдар, сондай-ақ дара кәсіпкерлер бірыңғай жинақтаушы зейнетақы қорына республикалық бюджет туралы заңда тиісті қаржы жылына белгіленген ең төмен жалақы мөлшерінің 10 пайызы есебінен өз пайдасына міндетті зейнетақы жарналарын төлеуге құқылы.
"Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғалар үшін бірыңғай жинақтаушы зейнетақы қорына төленуге жататын өз пайдасына міндетті зейнетақы жарналары республикалық маңызы бар қалаларда, астанада, облыстық маңызы бар қалаларда - айлық есептік көрсеткіштің 1 еселенген мөлшерінің және басқа елді мекендерде айлық есептік көрсеткіштің 0, 5 еселенген мөлшерінің 30 пайызын құрайды.
Бұл ретте республикалық бюджет туралы заңда тиісті қаржы жылына белгіленген айлық есептік көрсеткіштің мөлшері қолданылады.";
4) 37-бапта:
2-тармақ мынадай редакцияда жазылсын:
"2. Міндетті зейнетақы жарналарын есепке алу үшін бірыңғай жинақтаушы зейнетақы қорында жеке зейнетақы шотын ашу Қазақстан Республикасының Үкіметі белгілеген тәртіппен міндетті зейнетақы жарналарын аудару кезінде бірыңғай жинақтаушы зейнетақы қорына агенттер ұсынған жеке тұлғалардың тізімдері негізінде жүзеге асырылады.";
мынадай мазмұндағы 2-1-тармақпен толықтырылсын:
"2-1. Міндетті кәсіптік зейнетақы жарналарын есепке алу үшін бірыңғай жинақтаушы зейнетақы қорында жеке зейнетақы шотын ашу бірыңғай жинақтаушы зейнетақы қорының зейнетақы қағидаларында көзделген нысан бойынша жасалған салымшының өтініші негізінде жүзеге асырылады.";
3-тармақ мынадай редакцияда жазылсын:
"3. Бірыңғай жинақтаушы зейнетақы қоры Мемлекеттік корпорацияға міндетті зейнетақы жарналары, міндетті кәсіптік зейнетақы жарналары есебінен зейнетақымен қамсыздандыру туралы шарт жасасқан жеке тұлғалардың бірыңғай тізіміне міндетті зейнетақы жарналары, міндетті кәсіптік зейнетақы жарналары есебінен зейнетақымен қамсыздандыру туралы шарт жөніндегі мәліметтерді енгізу үшін осы баптың 2,2-1-тармақтарына сәйкес жеке зейнетақы шотын ашу туралы электрондық хабарламаны жібереді.
Салымшы міндетті зейнетақы жарналары, міндетті кәсіптік зейнетақы жарналары есебінен зейнетақымен қамсыздандыру туралы шарт жасасқан жеке тұлғалардың бірыңғай тізіміне міндетті зейнетақы жарналары, міндетті кәсіптік зейнетақы жарналары есебінен зейнетақымен қамсыздандыру туралы шарт жөніндегі мәліметтерді енгізу туралы Мемлекеттік корпорацияның электрондық хабарламасын Бірыңғай жинақтаушы зейнетақы қоры алған күннен бастап міндетті зейнетақы жарналары, міндетті кәсіптік зейнетақы жарналары есебінен зейнетақымен қамсыздандыру туралы шартқа қосылған деп есептеледі.";
5) 39-баптыц 3-тармағы мынадай редакцияда жазылсын:
"3. Міндетті кәсіптік зейнетақы жарналары есебінен зейнетақымен қамсыздандыру туралы шартқа қосылу үшін жеке тұлға бірыңғай жинақтаушы зейнетақы қорына міндетті кәсіптік зейнетақы жарналары есебінен жеке зейнетақы шотын ашу туралы өтініш беруге міндетті.
Жеке тұлғада міндетті кәсіптік зейнетақы жарналарын есепке алу үшін бірыңғай жинақтаушы зейнетақы қорында ашылған жеке зейнетақы шоты болған жағдайда, міндетті кәсіптік зейнетақы жарналарын есепке алуға арналған жеке зейнетақы шотын ашуға қайта өтініш берілмейді.".
7. "Міндетті әлеуметтік медициналық сақтандыру туралы" 2015 жылғы 16 қарашадағы Қазақстан Республикасының Заңына (Қазақстан Республикасы Парламентінің Жаршысы, 2015 ж., № 22-I, 142-құжат; 2016 ж., № 7-I, 49-құжат; № 23, 119-құжат; 2017 ж., № 13, 45-құжат; 2017ж., № 22, 109-құжат):
1) 1-бап мынадай мазмұндағы 7-2) тармақшамен толықтырылсын:
"7-2) жеке практикамен айналысатын адам - жекеше нотариус, жеке сот орындаушысы, адвокат, кәсіпқой медиатор;";
2) 5-бапта:
2-тармақ мынадай мазмұндағы екінші бөлікпен толықтырылсын:
"Осы тармақтың ережелері "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғаларға қолданылмайды.";
мынадай мазмұндағы 3-тармақпен толықтырылсын:
"3. Міндетті әлеуметтік медициналық сақтандыру жүйесіндегі медициналық көмекке құқық алу үшін осы Заңның 14-бабының 2-тармағының 10) тармақшасында көзделген адамдар медициналық көмек алған күнінің алдындағы кемінде үш ай қатарынан қорға жарна төлеуге міндетті.";
3) 14-бапта:
2-тармақта:
3) және 4) тармақшалар мынадай редакцияда жазылсын:
"3) дара кәсіпкерлер;
4) жеке практикамен айналысатын адамдар;";
5) , 6) және 7) тармақшалар алып тасталсын;
9) тармақша мынадай редакцияда жазылсын:
"9) мыналарды:
осы тармақтың бірінші бөлігінің 2), 8) және 10) тармақшаларында;
Қазақстан Республикасының салық заңнамасына сәйкес салықтық есептілікті ұсынуды тоқтата тұрғандарды немесе әрекетсіз деп танылғандарды қоспағанда, осы тармақтың бірінші бөлігінің 3) тармақшасында;
Қазақстан Республикасының салық заңнамасына сәйкес салықтық есептілікті ұсынуды тоқтата тұрғандарды қоспағанда, осы тармақтың бірінші бөлігінің 4) тармақшасында көрсетілген адамдарды қоспағанда, жарналарды өз бетінше төлейтін адамдар (бұдан әрі - дербес төлеушілер), сондай-ақ заңнамада белгіленген тәртіппен Қазақстан Республикасының шегінен тыс жерге тұрақты тұруға кеткен азаматтарды және аударымдар мен (немесе) жарналар төлеу жүзеге асырылатын Қазақстан Республикасының шегінен тыс жерге кеткен азаматтарды қоспағанда, Қазақстан Республикасының шегінен тыс жерге кеткен Қазақстан Республикасының азаматтары (бұдан әрі - Қазақстан Республикасының шегінен тыс жерге кеткен азаматтар);";
мынадай мазмұндағы 10) тармақшамен толықтырылсын:
"10) "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғалар болып табылады.";
3-тармақ мынадай редакцияда жазылсын:
"3. Жұмыскерлердің, оның ішінде мемлекеттік және азаматтық қызметшілердің жарналарын есептеуді (ұстап қалуды) және қорға аударуды жұмыскерлердің, оның ішінде мемлекеттік және азаматтық қызметшілердің кірістері есебінен жұмыс берушілер жүзеге асырады.";
4-1-тармақ мынадай редакцияда жазылсын:
"4-1. Жеке практикамен айналысатын адамдардың, дара кәсіпкерлердің, Қазақстан Республикасының шегінен тыс жерге кеткен азаматтардың, сондай-ақ дербес төлеушілердің жарналарын есептеуді және аударуды олардың өздері не олардың пайдасына үшінші тұлға жүзеге асырады.";
6-тармақ мынадай редакцияда жазылсын:
"6. Төлеушілер (жұмыскерлерді, оның ішінде мемлекеттік және азаматтық қызметшілерді және азаматтық-құқықтық сипаттағы шарттар бойынша кіріс алатын жеке тұлғаларды қоспағанда):
1) аударымдарды және (немесе) жарналарды, сондай-ақ аударымдарды және (немесе) жарналарды уақтылы және (немесе) толық төлемегені үшін өсімпұлды уақтылы және толық көлемде есептеуге (ұстап қалуға) және аударуға;
2) қорға төленетін аударымдардың және (немесе) жарналардың мөлшерлерін есептеу мен қайта есептеуді дербес жүзеге асыруға міндетті.";
4) 26-баптың 1-тармагы мынадай мазмұндағы он алтыншы абзацпен толықтырылсын:
"Осы баптың 1-тармағының мақсаттары үшін кәсіпкерлік қызметті, оның ішінде еңбек қызметін жүзеге асырмайтын және табысы жоқ адамдар жұмыс істемейтін адамдар деп түсініледі.";
5) 28-бапта
1-тармақ мынадай редакцияда жазылсын:
"1. Жұмыскерлердің, оның ішінде мемлекеттік және азаматтық қызметшілердің, сондай-ақ азаматтық-құқықтық сипаттағы шарттар бойынша кірістер алатын жеке тұлғалардың қорға төлеуге жататын жарналары:
2020 жылғы 1 қаңтардан бастап - жарналарды есептеу объектісінен 1 пайыз;
2021 жылғы 1 қаңтардан бастап - жарналарды есептеу объектісінен 2 пайыз мөлшерінде белгіленеді.";
3 және 4-тармақтар мынадай редакцияда жазылсын:
"3. Дара кәсіпкерлердің, жеке практикамен айналысатын адамдардың жарналары 2020 жылғы 1 қаңтардан бастап жарналарды есептеу объектісінен 5 пайыз мөлшерінде белгіленеді.
4. Қазақстан Республикасының шегінен тыс жерге кеткен азаматтардың, сондай-ақ дербес төлеушілердің жарналары 2020 жылғы 1 қаңтардан бастап жарналарды есептеу объектісінен 5 пайыз мөлшерінде белгіленеді.";
мынадай мазмұндағы 4-1-тармақпен толықтырылсын:
"4-1. "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғалардың жарналары республикалық, облыстық маңызы бар қалаларда және астанада айлық есептік көрсеткіштің республикалық бюджет туралы заңымен тиісті қаржы жылында бекітілетін 1 еселенген мөлшерінен, басқа елді мекендерде - айлық есептік көрсеткіштің 0,5 еселенген мөлшерінен 40 пайызы мөлшерінде белгіленеді.
Бұл ретте, республикалық бюджет туралы заңда тиісті қаржы жылына белгіленген айлық есептік көрсеткіш қолданылады.";
5 және 6-тармақтар мынадай редакцияда жазылсын:
"5. Жұмыскерлердің, оның ішінде мемлекеттік және азаматтық қызметшілердің, сондай-ақ азаматтық-құқықтық сипаттағы шарттар бойынша кіріс алатын жеке тұлғалардың осы Заңның 29-бабына сәйкес есептелген кірістері олардың жарналарын есептеу объектісі болып табылады.
Қазақстан Республикасының салық заңнамасына сәйкес салықтық есептілікті ұсынуды тоқтата тұрған жеке практикамен айналысатын адамдарды және Қазақстан Республикасының салық заңнамасына сәйкес салықтық есептілікті ұсынуды тоқтата тұрған немесе әрекетсіз деп танылған дара кәсіпкерлерді қоспағанда, республикалық бюджет туралы заңда тиісті қаржы жылына белгіленген жалақының екі еселенген ең темен мөлшері дара кәсіпкерлердің, жеке практикамен айналысатын адамдардың жарналарын есептеу объектісі болып табылады.
6. Республикалық бюджет туралы заңда тиісті қаржы жылына белгіленген жалақының ең төмен мөлшері Қазақстан Республикасының шегінен тыс жерге кеткен азаматтардың, сондай-ақ дербес төлеушілердің, оның ішінде Қазақстан Республикасының салық заңнамасына сәйкес салықтық есептілікті ұсынуды тоқтата тұрған жеке практикамен айналысатын адамдардың және Қазақстан Республикасының салық заңнамасына сәйкес салықтық есептілікті ұсынуды тоқтата тұрған немесе әрекетсіз деп танылған дара кәсіпкерлердің жарналарын есептеу объектісі болып табылады.";
6) 29-бапта:
1- тармақтың бірінші бөлігі мынадай редакцияда жазылсын:
"1. Осы баптың 4-тармағында белгіленген кірістерді қоспағанда, жұмыс берушілер есепке жазған кірістер жұмыскерлердің, оның ішінде мемлекеттік және азаматтық қызметшілердің аударымдар мен жарналарды есептеу үшін қабылданатын кірістері болып табылады.";
3-тармақтың төртінші бөлігі мынадай редакцияда жазылсын:
"Жұмыс беруші және (немесе) салық агенті берген, алынған кірістердің, есептелген және төленген жарналардың сомалары туралы анықтама осындай құжат болып табылады.
Осы тармақтың талаптары:
1) дербес төлеушілерге;
2) "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 774-бабына сәйкес бірыңғай жиынтық төлемді төлеуші болып табылатын жеке тұлғаларға қолданылмайды.";
7) 30-бапта:
3-тармақ мынадай редакцияда жазылсын:
"3. Дара кәсіпкерлердің, жеке практикамен айналысатын адамдардың ай сайынғы жарналарын есептеу және төлеу Мемлекеттік корпорацияның қордың шотына кейіннен аударуы үшін банктер немесе банк операцияларының жекелеген түрлерін жүзеге асыратын ұйымдар арқылы жүзеге асырылады.";
6-тармақтың 1) және 2) тармақшалары мынадай редакцияда жазылсын:
"1) дара кәсіпкерлер, заңды тұлғалар (осы тармақтың 2) және 5) тармақшаларында көрсетілген тұлғалардан басқа), жеке практикамен айналысатын адамдар - кірістер төленген айдан кейінгі айдың 25-інен кешіктірмей;
2) дара кәсіпкерлер және заңды тұлғалар (осы тармақтың
5) тармақшасында көрсетілген тұлғалардан басқа), жеке практикамен айналысатын адамдар өзінің пайдасына - ай сайын, есепті айдан кейінгі айдың 25-інен кешіктірмей;".
8. "Халықты жұмыспен қамту туралы" 2016 жылғы 6 сәуірдегі Қазақстан Республикасының Заңына (Қазақстан Республикасы Парламентінің Жаршысы, 2016 ж., № 7-I, 48-құжат; 2017 ж., № 13, 45-құжат; № 22-III, 109-құжат; 2018 жылғы 18 сәуірде "Егемен Қазақстан" және "Казахстанская правда" газеттерінде жарияланған "Қазақстан Республикасының кейбір заңнамалық актілеріне халықтың жұмыспен қамтылуы және көші-қоны мәселелері бойынша өзгерістер мен толықтырулар енгізу туралы" 2018 жылғы 16 сәуірдегі Қазақстан Республикасының Заңы):
1) 1-бапта:
2) тармақша мынадай редакцияда жазылсын:
"2) әлеуметтік келісімшарт - жұмыссыздар, Қазақстан Республикасының Үкіметі айқындайтын жұмыспен қамтылғандардың жекелеген санаттары қатарындағы Қазақстан Республикасының азаматы, не оралман, сондай-ақ осы Заңда көзделген жағдайларда езге адамдар мен халықты жұмыспен қамту орталығы арасындағы, ал осы Заңда көзделген жағдайларда, жұмыспен қамтуға жәрдемдесудің белсенді шараларын ұйымдастыруға тартылған жеке және заңды тұлғалармен тараптардың құқықтары мен міндеттерін айқындайтын жұмыспен қамтуға жәрдемдесудің белсенді шараларына қатысу, сондай-ақ мемлекеттік атаулы әлеуметтік көмек көрсету туралы келісім;";
мынадай мазмұндағы 7-1) тармақшамен толықтырылсын:
"7-1) жалдамалы жұмыскер - еңбек шарты бойынша жұмысты орындайтын жеке тұлға не тәртіптемені және жұмыс істелген уақыт не өндірілген тауардың бірлігі үшін не көрсетілген қызметтер үшін төлемді тапсырыс беруші айқындайтын азаматтық-құқықтық сипаттағы шарт бойынша қызметті жүзеге асыратын жеке тұлға;";
мынадай мазмұндағы 9-1) және 10-1) тармақшалармен толықтырылсын:
"9-1) жеке практикамен айналысатын адам - жекеше нотариус, жеке сот орындаушысы, адвокат және кәсіби медиатор;
10-1) жұмыспен қамтылған адам - ақы және (немесе) кіріс алу үшін мүлікті пайдалану, тауарлар өндіру, тауарларды сату, қызметтер көрсету арқылы қызметті жүзеге асыратын жеке тұлға;";
16) тармақша мынадай редакцияда жазылсын:
"16) халықты жұмыспен қамтуға жәрдемдесудің белсенді шаралары - жұмыссыздар, Қазақстан Республикасының Үкіметі айқындайтын жұмыспен қамтылғандардың жекелеген санаттары қатарындағы Қазақстан Республикасының азаматтарын және оралмандарды, сондай-ақ осы Заңда көзделген жағдайларда өзге де адамдарды Қазақстан Республикасының халықты жұмыспен қамту туралы заңнамасында белгіленген тәртіппен жүзеге асырылатын жұмыссыздықтан әлеуметтік қорғау және халықты жұмыспен қамту, мемлекеттік қолдау шаралары;";
19) тармақша мынадай редакцияда жазылсын:
"19) жұмыссыз адам - жұмыс іздеуді жүзеге асыратын және жұмысқа кірісуге дайын жеке тұлға;";
29) тармақша мынадай редакцияда жазылсын:
"29) тәуелсіз жұмыскер - дара кәсіпкерлерді, жеке практикамен айналысатын адамдарды, шаруашылық серіктестігін және акционерлік қоғамның құрылтайшыларын (қатысушыларын, акционерлерін), өндірістік кооператив мүшелерін қоспағанда, өз қызметін мемлекеттік тіркемей, кіріс алу мақсатында тауарлар өндіру (өткізу), жұмыстар мен көрсетілетін қызметтер бойынша қызметін дербес жүзеге асыратын жеке тұлға;";
2) 4-бап мынадай редакцияда жазылсын:
"4-бап. Жұмыспен қамтылған адамдар
Жұмыспен қамтылған адамдарға:
1) жалдамалы жұмыскерлер, сондай-ақ ақы төленетін өзге де жұмысы бар адамдар (сайланған, тағайындалған немесе бекітілген);
2) дара кәсіпкерлер;
3) жеке практикамен айналысатын адамдар;
4) жалдамалы жұмыскерлерге жатпайтын, азаматтық-құқықтық сипаттағы шарттар бойынша қызметті жүзеге асыратын жеке тұлғалар;
5) шаруашылық серіктестіктерінің және акционерлік қоғамдардың құрылтайшылары (қатысушылары, акционерлері), сондай-ақ өндірістік кооперативтердің мүшелері болып табылатын жеке тұлғалар;
6) кіріс алу мақсатында жеке қосалқы шаруашылығында жұмыс істейтіндер;
7) тәуелсіз жұмыскерлер;
8) Қазақстан Республикасының Қарулы Күштерінде, басқа да әскерлері мен әскери құралымдарында, құқық қорғау органдарында және арнаулы мемлекеттік органдарда қызмет өткеріп жүргендер жатады.";
3) 7-бап мынадай мазмұндағы 26-4) тармақшамен толықтырылсын:
"26-4) "Еңбек биржасы" мемлекеттік интернет-ресурсын қолдауды және оның жұмыс істеуін ұйымдастыру қағидаларын әзірлейді және бекітеді;";
4) 8-баптың 2-тармағы мынадай мазмұндағы 2-1) тармақшамен толықтырылсын:
"2-1) халықты жұмыспен қамту мәселелері жөніндегі уәкілетті орган айқындайтын тәртіппен "Еңбек биржасы" мемлекеттік интернет-ресурсын қолдауды;";
5) 2-тарау мынадай мазмұндағы 11-1 және 11-2-баптармен толықтырылсын:
"11-1-бап. Халықты жұмыспен қамту мәселелері жөніндегі өңірлік комиссия
1. Халықты жұмыспен қамту мәселелері жөніндегі өңірлік комиссияны (бұдан әрі - өңірлік комиссия) облыстың (республикалық маңызы бар қалалардың, астананың) аумағында жергілікті атқарушы орган құрады.
2. Өңірлік комиссия облыстың (астананың, республикалық маңызы бар қалалардың) жергілікті өкілді және атқарушы органдарының, облыс, астана, республикалық маңызы бар қала деңгейіндегі кәсіподақтардың аумақтық бірлестіктерінің және Қазақстан Республикасы Ұлттық кәсіпкерлер палатасының облыстағы, республикалық маңызы бар қаладағы және астанадағы өңірлік палаталарының, сондай-ақ өзге де мүдделі мемлекеттік органдардың, мемлекеттік және мемлекеттік емес ұйымдардың өкілдерінен құрылады.
3. Өңірлік комиссия облыстың (астананың, республикалық маңызы бар қалалардың) аумағында орналасқан мемлекеттік органдардың, мемлекеттік және мемлекеттік емес ұйымдардың халықты жұмыспен қамтуға жәрдемдесу шараларын іске асыру және әлеуметтік көмек мәселелері бойынша қызметін үйлестіруді жүзеге асырады.
4. Өңірлік комиссияның қызметі халықты жұмыспен қамтуға жәрдемдесу шараларының тиімді іске асырылуын қамтамасыз етуге және оларды облыс (астана, республикалық маңызы бар қалалар) аумағында жетілдіру жөнінде ұсыныстар әзірлеуге бағытталған.
11-2-бап. Халықты жұмыспен қамту мәселелері жөніндегі аудандық (қалалық) комиссия
1. Халықты жұмыспен қамту мәселелері жөніндегі аудандық (қалалық) комиссияны (бұдан әрі - аудандық (қалалық) комиссия) ауданның (облыстық маңызы бар қала) аумағында жергілікті атқарушы орган құрады.
2. Аудандық (қалалық) комиссия ауданның (облыстық маңызы бар қаланың) жергілікті өкілді және атқарушы органдарының, аудан, қала деңгейіндегі кәсіподақтардың аумақтық бірлестіктерінің және Қазақстан Республикасы Ұлттық кәсіпкерлер палатасының тиісті облыстардың, республикалық маңызы бар қалалардың және астананың аудандарындағы, облыстық, аудандық маңызы бар қалалардағы өңірлік палаталары филиалдарының, сондай-ақ өзге де мүдделі мемлекеттік және мемлекеттік емес ұйымдардың өкілдерінен құрылады.
3. Аудандық (қалалық) комиссия аудан (облыстық маңызы бар қала) аумағында орналасқан мемлекеттік органдардың, мемлекеттік және мемлекеттік емес ұйымдардың, аудандық маңызы бар қалалар, ауылдар, кенттер, ауылдық округтер әкімдерінің халықты жұмыспен қамтуға жәрдемдесу шараларын іске асыру және әлеуметтік көмек мәселелері бойынша қызметін үйлестіруді жүзеге асырады.
4. Аудандық (қалалық) комиссияның қызметі халықты жұмыспен қамтуға жәрдемдесу шараларының тиімді іске асырылуын қамтамасыз етуге және оларды аудан (облыстық маңызы бар қала) аумағында жетілдіру жөнінде ұсыныстар әзірлеуге бағытталған.";
6) 14-баптың 6-тармағы мынадай мазмұндағы 5) тармақшамен толықтырылсын:
"5) осы Заңға сәйкес жұмыспен қамтуға жәрдемдесудің белсенді шараларына қатысуға үміткер студенттер мен жалпы білім беретін мектептердің жоғары сынып оқушылары жұмыссыз ретінде тіркелмейді.";
7) 18-баптың 1-тармағы мынадай редакцияда жазылсын:
"1. Бюджет қаражаты шегінде жеке адамның кәсіптік білімдерін, дағдыларын, қызығушылықтарын және еңбек нарығының қажеттіліктерін ескере отырып, жұмыс іздеген адамдарды, жұмыссыздарды, Қазақстан Республикасының Үкіметі айқындайтын жұмыспен қамтылғандардың жекелеген санаттарын, оралмандарды, сондай-ақ студенттерді, жалпы білім беретін мектептердің жоғары сынып оқушыларын әлеуметтік кәсіптік бағдарлау кәсіп таңдауда, қызмет түрін ауыстыруда практикалық көмек көрсету және біліктілігін арттыру мақсатында жүргізіледі.";
8) 23-бапта:
1 және 2-тармақтар мынадай редакцияда жазылсын:
"1. Кәсіпкерлік бастамашылыққа жәрдем жұмыссыздарға және Қазақстан Республикасының Үкіметі айқындайтын жұмыспен қамтылғандардың жекелеген санаттарына кәсіпкерлік негіздеріне оқыту, жобаны сүйемелдеу бойынша сервистік қызметтер көрсету, қайтарымды негізде микрокредиттер беру арқылы оларға мемлекеттік қолдау шараларын ұсыну жолымен көрсетіледі.
2. Жұмыссыздар және Қазақстан Республикасының Үкіметі айқындайтын жұмыспен қамтылғандардың жекелеген санаттары арасынан мемлекеттік қолдау шараларын алу үшін:
1) ауылдық жерлерде, моно және шағын қалаларда тұратын адамдардың;
2) мүгедектердің, егер медициналық қорытынды бойынша олардың денсаулық жағдайы еңбек міндеттерін орындауға кедергі келтірмесе не олардың денсаулығына және (немесе) басқа адамдардың еңбек қауіпсіздігіне қауіп төндірмесе;
3) зейнеткерлік жасқа жеткенге дейін елу жастан асқан адамдардың;
4) жиырма тоғыз жасқа дейінгі жастардың басым құқығы бар.";
9) 24-баптың 2-тармағының 3) тармақшасы мынадай редакцияда жазылсын:
"3) Қазақстан Республикасының Үкіметі айқындайтын жұмыспен қамтылғандардың жекелеген санаттарының және олардың отбасы мүшелерінің жаңа тұрғылықты жерге ерікті түрде қоныс аударуына жәрдемдеседі.".
9. "Салық және бюджетке төленетін басқа да міндетті төлемдер туралы" Қазақстан Республикасының Кодексін (Салық кодексі) қолданысқа енгізу туралы" 2017 жылғы 25 желтоқсандағы Қазақстан Республикасының Заңына (Қазақстан Республикасы Парламентінің Жаршысы, 2017 ж., № 22, 108-құжат;)
2-бап мынадай мазмұндағы 5-1) тармақшамен толықтырылсын:
"5-1) Салық кодексінің 24-бөлімі 2019 жылғы 1 қаңтардан бастап 2024 жылғы 1 қаңтарға дейін қолданыста болады.";
2-бап. Осы Заңның 1-бабының 1, 2 және 3-тармақтары, 5-тармағының 1) тармақшасының екінші және үшінші абзацтары, 2), 4) тармақшалары, 5) тармақшасының екінші абзацы, 6)тармақшасының жетінші және сегізінші абзацтары, 7) тармақшасының екінші және үшінші абзацтары, 8) , 9), 10), 11), 12) және 13) тармақшалары, 6-тармағыныц 2) тармақшасының жетінші, сегізінші, тоғызыншы және оныншы абзацтары,3) тармақшасының алтыншы және жетінші абзацтары, 7-тармағының 2) тармақшасы, 3) тармақшасының тоғызыншы, он екінші және он үшінші абзацтары, 5) тармақшасының тоғызыншы және оныншы абзацтары, 6) тармақшасының сегізінші абзацы осы Заң қолданысқа енгізілген күннен бастап 2024 жылғы 1 қаңтарға дейін қолданылады деп белгіленсін.
3-бап. Осы Заң алғашқы ресми жарияланған күнінен кейін күнтізбелік күн өткен соң қолданысқа енгізіледі.
|
Қазақстан Республикасының Президенті |
