Қазақстан Республикасының Үкіметі ҚАУЛЫ ЕТЕДІ:
1. "2020 жылы Қазақстан Республикасы халқының ұлттық санағын өткізу туралы" Қазақстан Республикасы Үкіметінің 2019 жылғы 19 маусымдағы № 419 қаулысына (Қазақстан Республикасының ПҮАЖ-ы, 2019 ж., № 21, 197-құжат) мынадай өзгерістер енгізілсін:
тақырып мынадай редакцияда жазылсын:
"2021 жылы Қазақстан Республикасы халқының ұлттық санағын өткізу туралы";
1 және 2-тармақтар мынадай редакцияда жазылсын:
"1. 2021 жылғы 1 – 30 қазан аралығындағы кезеңде Қазақстан Республикасы халқының ұлттық санағы өткізілсін.
2. Қоса беріліп отырған 2021 жылы Қазақстан Республикасы халқының ұлттық санағын өткізу жөніндегі іс-шаралар жоспары (бұдан әрі – Жоспар) бекітілсін.";
4-тармақтың 2) тармақшасы мынадай редакцияда жазылсын:
"2) 2021 жылы Қазақстан Республикасы халқының ұлттық санағын дайындау мен өткізуге байланысты ұйымдастырушылық және нұсқаушылық мәселелерді шешу үшін арнайы комиссия құрып, оған орталық және жергілікті атқарушы органдардың қызметін үйлестіруді жүктесін.";
көрсетілген қаулымен бекітілген 2021 жылы Қазақстан Республикасы халқының ұлттық санағын өткізу жөніндегі іс-шаралар жоспары осы қаулыға қосымшаға сәйкес жаңа редакцияда жазылсын.
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Премьер-Министрі |
А. Мамин |
| Қазақстан Республикасы | |
| Үкіметінің | |
| 2020 жылғы 16 қыркүйектегі № 587 қаулысына қосымша |
|
| Қазақстан Республикасы Үкіметінің 2019 жылғы 19 маусымдағы № 419 қаулысымен бекітілген |
2021 жылы Қазақстан Республикасы халқының ұлттық санағын өткізу жөніндегі іс-шаралар жоспары
Р/с№ | Іс-шара | Аяқталу нысаны | Орындауға жауаптылар | Орындалу мерзімі | Қаржыландыру көлемі (мың теңге) | Қаржыландыру көздері |
1 | 2 | 3 | 4 | 5 | 6 | 7 |
1. | 2021 жылы Қазақстан Республикасы халқының ұлттық санағын дайындау мен өткізуге байланысты ұйымдастырушылық және нұсқаушылық мәселелерді шешу үшін арнайы комиссия құру | бұйрық | ҰЭМ | 2021 жылғы I – II тоқсандар | - | талап етілмейді |
2. | 2021 жылы Қазақстан Республикасы халқының ұлттық санағын өткізуге жәрдемдесу жөнінде өңірлік комиссиялар құру | әкімдердің өкімдері | облыстар, республикалық маңызы бар қалалар мен астана әкімдіктері | 2021 жылғы I – II тоқсандар | - | талап етілмейді |
3. | Санақ парақтарына, 2021 жылы Қазақстан Республикасы халқының ұлттық санағын өткізу бойынша әдіснамалық құралдарға, сондай-ақ мемлекеттік органдармен өзара іс-қимыл туралы бірлескен актілерге өзгерістер енгізу | бұйрықтар | ҰЭМ, Қорғанысмині, Қаржымині, ІІМ, ҰҚК (келісу бойынша), СІМ, ДСМ, БҒМ, Еңбекмині, облыстар, республикалық маңызы бар қалалар мен астана әкімдіктері | 2021 жылғы I – II тоқсандар | - | талап етілмейді |
4. | Әкімшілік-аумақтық бірліктердің тізбесін және шекараларын нақтылау, көше атауларын, квартал, үй және пәтер нөмірлерін ретке келтіру бойынша іс-шаралар өткізу, ПИК, ТҚК, басқарушы компаниялармен тұратын халық санын нақтылау бойынша жұмыстарды жүргізу | ҰЭМ-ге ақпарат | облыстар, республикалық маңызы бар қалалар мен астана әкімдіктері | 2019 жылғы ІІІ – IV тоқсандар | бөлінген қаражат шегінде | жергілікті бюджет |
5. | Жабдықтарды, ұйымдастыру техникасын, портативтік-есептеу құрылғыларын (планшеттер), бағдарламалық өнімдерді сатып алу, бағдарламалық қамтамасыз ету (е-Статистика) модульдерін пысықтау және басқалары | орындалған жұмыстар актісі | ҰЭМ, Қаржымині, ЦДҚАӨМ | 2019 жылғы ІІІ – IV тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
6. | Картографиялық материалдарды (елді мекендердің карталарын және схемалық жоспарларын) дайындау, бекіту және ҰЭМ-ге ұсыну | бекітілген картографиялық материалдар | облыстар, республикалық маңызы бар қалалар мен астана әкімдіктері, АШМ | 2020 жылғы І – ІІ тоқсандар | бөлінген қаражат шегінде | жергілікті бюджет |
7. | Картографиялық материалдарды (елді мекендердің карталарын және схемалық жоспарларын) тираждау | картографиялық материалдар | ҰЭМ | 2020 жылғы І – ІІ тоқсандар 2021 жылғы II – III тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
8. | Халық арасында 2021 жылы Қазақстан Республикасы халқының ұлттық санағын өткізу мақсаттары мен тәртібі туралы жаппай түсіндіру жұмыстарын жүргізу | роликтер, баннерлер, жарнама және басқалар | ҰЭМ, АҚДМ, облыстар, республикалық маңызы бар қалалар мен астана әкімдіктері | 2020 жылғы ІІ тоқсан 2021 жылғы ІІ – IV тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық және (немесе) жергілікті бюджеттер |
9. | Санақ персоналын іріктеу және оқыту | бұйрық | ҰЭМ СК аумақтық органдары | 2020 жылғы ІІ тоқсан 2021 жылғы ІІ – IV тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
10. | Санақ персоналын үй-жайлармен қамтамасыз ету | ҰЭМ-ге ақпарат | облыстар, республикалық маңызы бар қалалар мен астана әкімдіктері | 2020 жылғы ІІ тоқсан 2021 жылғы ІІ – IV тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық және (немесе) жергілікті бюджеттер |
11. | Елді мекендердегі тұрғын үйлердің, ғимараттар мен тұрғын емес үй-жайлардың тізімін жасау | ҰЭМ-ге ақпарат | ҰЭМ СК аумақтық органдары, облыстар, республикалық маңызы бар қалалар мен астана әкімдіктері | 2020 жылғы ІІ тоқсан 2021 жылғы ІІ – III тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
12. | Санақ құралдарын (анықтамаларды, түсіндірмелерді, санақ персоналының куәліктерін және басқаларды) тираждау | орындалған жұмыстар актісі | ҰЭМ | 2020 жылғы I – II тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
13. | 2021 жылы Қазақстан Республикасы халқының ұлттық санағын өткізу бойынша күнтізбелік жоспарды әзірлеу және бекіту | бұйрық | ҰЭМ | 2020 жылғы IV тоқсан | - | талап етілмейді |
14. | 2021 жылы Қазақстан Республикасы халқының ұлттық халық санағын өткізу бойынша ұйымдастыру жоспарларын әзірлеу, бекіту және келісу | бұйрықтар | ҰЭМ | 2021 жылғы III тоқсан | - | талап етілмейді |
15. | 2021 жылы Қазақстан Республикасы халқының ұлттық санағын өткізу, оның ішінде әскери бөлімдер аумақтарында және жабық әкімшілік-аумақтық бірліктерде тұратын әскери қызметшілер (олардың отбасы мүшелерін қоса алғанда) мен азаматтық халық; бас бостандығынан айыру түрінде жазасын өтеп жатқан және тергеу изоляторларында отырған адамдар; өзге де институционалдық бірліктерде емдеуде жүрген адамдар; қызметтік іссапармен немесе қызметтік міндеттерін орындауға байланысты елден тыс жерлерде, оқуда және өзге де себептермен жүрген Қазақстан Республикасының азаматтары (олардың отбасы мүшелерін қоса алғанда); әлеуметтік бейімделу немесе қамсыздандыру мекемелерінде тұратын және (немесе) орналасқан адамдар санағын жүргізу | 2021 жылғы Қазақстан Республикасы халқының ұлттық санағы деректер базасын қалыптастыру | ҰЭМ, Қорғанысмині, Қаржымині, ІІМ, ҰҚК (келісу бойынша), СІМ, ДСМ, БҒМ, Еңбекмині, облыстар, республикалық маңызы бар қалалар мен астана әкімдіктері | 2021 жылғы 1-30 қазан | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
16. | 2021 жылғы Қазақстан Республикасы халқының ұлттық санағының деректер базасын өңдеу | 2021 жылғы Қазақстан Республикасы халқының ұлттық санағының деректер базасы | ҰЭМ | 2021 жылғы IV тоқсан, 2022 жыл | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
17. | 2021 жылғы Қазақстан Республикасы халқының ұлттық санағының алдын ала қорытындыларын жариялау | қағаз және электрондық жеткізгіштердегі статистикалық жинақтар | ҰЭМ | 2022 жылғы ІІ – IV тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
18. | 2021 жылғы Қазақстан Республикасы халқының ұлттық санағы қорытындыларын жариялау | қағаз және электрондық жеткізгіштердегі статистикалық жинақтар | ҰЭМ | 2023 жылғы І – IV тоқсандар | 081 "Статистикалық ақпаратты ұсынуды қамтамасыз ету" бюджеттік бағдарламасы шеңберінде бөлінген қаражат шегінде | республикалық бюджет |
Аббревиатуралардың толық жазылуы:
АҚДМ | – | Қазақстан Республикасының Ақпарат және қоғамдық даму министрлігі; |
АШМ | – | Қазақстан Республикасының Ауыл шаруашылығы министрлігі; |
БҒМ | – | Қазақстан Республикасының Білім және ғылым министрлігі; |
ДСМ | – | Қазақстан Республикасының Денсаулық сақтау министрлігі; |
Еңбекмині | – | Қазақстан Республикасының Еңбек және халықты әлеуметтiк қорғау министрлігі; |
Қаржымині | – | Қазақстан Республикасының Қаржы министрлігі; |
Қорғанысмині | – | Қазақстан Республикасының Қорғаныс министрлiгi; |
СІМ | – | Қазақстан Республикасының Сыртқы істер министрлігі; |
ҰҚК | – | Қазақстан Республикасының Ұлттық қауіпсіздік комитеті; |
ҰЭМ | – | Қазақстан Республикасының Ұлттық экономика министрлігі; |
СК | – | Қазақстан Республикасы Ұлттық экономика министрлігінің Статистика комитеті; |
ЦДИАӨМ | – | Қазақстан Республикасы Цифрлық даму, инновациялар және аэроғарыш өнеркәсібі министрлігі; |
ІІМ | – | Қазақстан Республикасының Ішкі істер министрлігі; |
ПИК | – | үй-жайлар (пәтерлер) иелерінің кооперативі; |
ТҚК | – | тұрғын үй-құрылыс кооперативі. |
