Қазақстан Республикасының Үкіметі ҚАУЛЫ ЕТЕДІ:
1. "Мемлекеттік қорғаныстық тапсырысты қалыптастыру, орналастыру және орындау қағидаларын бекіту туралы" Қазақстан Республикасы Үкіметінің 2019 жылғы 14 қазандағы № 759 қаулысына (Қазақстан Республикасының ПҮАЖ-ы, 2019 ж., № 44-45, 375-құжат) мынадай өзгеріс енгізілсін:
көрсетілген қаулымен бекітілген Мемлекеттік қорғаныстық тапсырысты қалыптастыру, орналастыру және орындау қағидалары осы қаулыға қосымшаға сәйкес жаңа редакцияда жазылсын.
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Премьер-Министрі |
А. Мамин |
| Қазақстан Республикасы Үкіметінің 2021 жылғы 18 ақпандағы № 72 қаулысына қосымша |
|
| Қазақстан Республикасы Үкіметінің 2019 жылғы 14 қазандағы № 759 қаулысымен бекітілген |
Мемлекеттік қорғаныстық тапсырысты қалыптастыру, орналастыру және орындау қағидалары
1-тарау. Жалпы ережелер
1. Осы Мемлекеттік қорғаныстық тапсырысты қалыптастыру, орналастыру және орындау қағидалары (бұдан әрі – Қағидалар) "Қорғаныс өнеркәсібі және мемлекеттік қорғаныстық тапсырыс туралы" 2019 жылғы 18 наурыздағы Қазақстан Республикасының Заңына (бұдан әрі – Заң) сәйкес әзірленді және мемлекеттік қорғаныстық тапсырысты (бұдан әрі – қорғаныстық тапсырыс) қалыптастыру, орналастыру және орындау тәртібін айқындайды.
2. Қорғаныстық тапсырысты қалыптастыруды, орналастыруды, салааралық үйлестіруді және оның орындалуын бақылауды уәкілетті орган жүзеге асырады.
2-тарау. Қорғаныстық тапсырысты қалыптастыру және орналастыру
3. Қорғаныстық тапсырысты қалыптастыру және орналастыру үш жылдық кезеңге арналған республикалық бюджетте көзделген, осы мақсаттарға белгіленген шығыстар шегінде жүргізіледі.
4. Қорғаныстық тапсырысты алушылар (бұдан әрі – алушылар) тактикалық-техникалық тапсырманы (техникалық ерекшелікті, тактикалық-техникалық сипаттаманы) (бұдан әрі – техникалық тапсырма) ұлттық стандарттарға сәйкес қалыптастырады. Техникалық тапсырманы қалыптастыру кезінде ұлттық стандарттарға қайшы келетін қосымша өлшемшарттарды қосуға жол берілмейді.
Ұлттық стандарттар болмаған жағдайда алушылар сатып алуға ұсынылатын әскери мақсаттағы тауарларға (өнімге), қосарланған мақсаттағы (қолданыстағы) тауарларға (өнімге), әскери мақсаттағы жұмыстарға және әскери мақсаттағы көрсетілетін қызметтерге (бұдан әрі – қорғаныстық тапсырыс өніміне) техникалық тапсырманы өз бетінше қалыптастырады.
Ұлттық стандарттар болмаған кезде қару-жарақты, әскери техниканы біріздендіру, стандарттау, жедел үйлестіру және олардың жаңа (тәжірибелік) үлгілерін сатып алу мақсатында техникалық тапсырмада тауар белгілері, қызмет көрсету белгілері, фирмалық атаулар, патенттер, пайдалы модельдер, өнеркәсіптік үлгілер, тауарды шығарған елдің атауы және өндірушінің атауы көрсетіледі.
Алушы заттай мүлік бойынша техникалық тапсырманы жасау кезінде арнайы мақсаттағы бөлімшелерге арналған заттай мүлікті қоспағанда, жергілікті қамту шикізатының кемінде 30 % үлесі туралы талапты көздейді.
5. Алушылар қаржы жылының алдындағы жылғы 1 шілдеден кешіктірмей қорғаныстық тапсырыс шеңберіндегі бюджет қаражаты уәкілетті органның бюджетінде көзделгенде (бұдан әрі – қаражат уәкілетті органда болғанда) уәкілетті органның атына сатып алуға жоспарланған қорғаныстық тапсырыс өнімінің мөлшері (көлемі) және жеткізу орындары туралы мәліметтерді қоса бере отырып, тиісті жоспарлы кезеңге арналған қажетті қорғаныстық тапсырыс өніміне арналған бекітілген техникалық тапсырмаларды қағаз немесе электронды түрде жібереді. Бұл ретте, тиісті жоспарлы кезеңге дейін екі жыл бұрынғы кезең қаржы жылының алдындағы жыл болып табылады.
Бекітілген техникалық тапсырмаларға кейіннен өзгерістер мен толықтырулар енгізуге қорғаныстық тапсырыс өнімінің бір бірлігінің бағасы өзгермеген жағдайда ғана жол беріледі.
6. Қаржы жылының алдындағы жылғы 1 тамызға дейінгі мерзімде қаражат уәкілетті органда болғанда уәкілетті орган техникалық тапсырмаларды қызмет бағыттары бойынша мемлекеттік қорғаныстық тапсырыстың әскери мақсаттағы тауарларды (өнімді), қосарланған мақсаттағы (қолданыстағы) тауарларды (өнімді) отандық өндірушілердің және әскери мақсаттағы жұмыстар мен әскери мақсаттағы көрсетілетін қызметтерді отандық берушілердің тізіліміне (бұдан әрі – тізілім) енгізілген ұйымдарға және уәкілетті ұйымға жібереді.
7. Қаржы жылының алдындағы жылғы 1 тамызға дейінгі мерзімде арнаулы мемлекеттік органдарды қоспағанда, қорғаныстық тапсырыс шеңберіндегі бюджет қаражаты алушылардың бюджетінде көзделгенде (бұдан әрі – қаражат алушыларда болғанда) алушылар техникалық тапсырмаларды қызмет бағыттары бойынша тізілімге енгізілген отандық тауар өндірушілерге, жұмыстар мен көрсетілетін қызметтерді отандық берушілерге (бұдан әрі – тізілімге енгізілген ұйымдар) және уәкілетті ұйымға өз бетінше жібереді.
8. Уәкілетті ұйым техникалық тапсырманы алған сәттен бастап алушылардың өкілдерін тарта отырып, техникалық тапсырмаларды шетелдік өндірушілермен пысықтау бойынша рәсімдерді жүргізеді.
9. Қаржы жылының алдындағы 1 қарашаға дейінгі мерзімде тиісті жоспарлы кезеңге арналған бюджеттік өтінімді қалыптастыру үшін тізілімге енгізілген ұйымдар және уәкілетті ұйым уәкілетті органның немесе қаражат алушыда болғанда алушылардың атына Қазақстан Республикасы Үкіметінің 2019 жылғы 17 қазандағы № 772 қаулысымен бекітілген Баға белгілеу қағидаларына сәйкес мемлекеттік қорғаныстық тапсырыс шеңберіндегі әскери мақсаттағы тауарларды (өнімді), қосарланған мақсаттағы (қолданыстағы) тауарларды (өнімді) отандық өндірушілердің және әскери мақсаттағы жұмыстар мен әскери мақсаттағы көрсетілетін қызметтерді жоспарлы калькуляциясын қоса бере отырып, өздерінің баға ұсыныстарын ұсынады.
10. Қаржы жылының алдындағы 1 желтоқсанға дейінгі мерзімде қаражат уәкілетті органда болғанда уәкілетті орган баға ұсыныстары ұсынылмаған іс-шаралар тізбесін, сондай-ақ тізілімге енгізілген ұйымдар мен уәкілетті ұйым ұсынған қорғаныстық тапсырыс өніміне ең төмен баға ұсыныстарын алушылардың мекенжайына жібереді.
Баға ұсыныстары ұсынылмаған іс-шаралар мемлекеттік сатып алу туралы заңнамаға сәйкес сатып алынады.
11. Ағымдағы қаржы жылындағы 15 ақпанға дейінгі мерзімде қаражат уәкілетті органда болғанда алушы ұсынылған бағаларға сәйкес бұрын тиісті жоспарлы кезеңге арналған қорғаныстық тапсырыста бекітілген сома шегінде тиісті жоспарлы кезеңге арналған өтінімге енгізу үшін алдын ала іс-шаралар тізімін уәкілетті органның атына ұсынады.
Бұл ретте тиісті жоспарлы кезеңнің алдындағы жыл ағымдағы қаржы жылы болып саналады.
12. Ағымдағы қаржы жылындағы 15 мамырға дейінгі мерзімде қаражат уәкілетті органда болғанда уәкілетті орган және қаражат алушыларда болғанда алушылар бюджет заңнамасында белгіленген тәртіппен тиісті жоспарлы кезеңге арналған бюджеттік өтінімдерді бюджеттік жоспарлау жөніндегі уәкілетті органға жібереді.
13. Ағымдағы қаржы жылындағы 1 тамызға дейінгі мерзімде қорғаныстық тапсырысты орындаушыларды таңдауды жүзеге асыру мақсатында қаражат уәкілетті органда болғанда уәкілетті орган техникалық тапсырмаларды қызмет бағыттары бойынша тізілімге енгізілген ұйымдарға жібереді.
14. Ағымдағы қаржы жылындағы 1 тамызға дейінгі мерзімде қорғаныстық тапсырысты орындаушыларды таңдауды жүзеге асыру мақсатында қаражат алушыларда болғанда алушылар техникалық тапсырмаларды қызмет бағыттары бойынша тізілімге енгізілген ұйымдарға өз бетінше жібереді.
15. Ағымдағы қаржы жылындағы 1 қыркүйекке дейінгі мерзімде орындаушыны таңдау мақсатында тізілімге енгізілген ұйымдар уәкілетті органның немесе қаражат алушыларда болғанда алушылардың атына өздерінің баға ұсыныстарын Баға белгілеу қағидаларына сәйкес жоспарлы калькуляциямен қоса ұсынады.
Тізілімге енгізілген, заттай және арнаулы мүлік, жеке қорғану құралдары өндірісінде маманданған ұйымдар ағымдағы қаржы жылындағы 1 қыркүйекке дейінгі мерзімде техникалық тапсырманың талаптарына өнімнің сәйкестігін тексеруді жүзеге асыру үшін пайдаланылатын шикізаттың сапасын растайтын құжаттармен қоса өтініш берілген өнімдердің үлгілерін ұсынады.
16. Қаражат уәкілетті органда болғанда орындаушыны таңдау мақсатында уәкілетті органның комиссиясы (комиссия) (бұдан әрі – орындаушыларды таңдау жөніндегі комиссия) құрылады. Қажет болған кезде алушы орындаушыларды таңдау жөніндегі әр комиссияға қызмет бағыттары бойынша арнайы ілімі бар өкілді (өкілдерді) және/немесе маманды (мамандарды) жібереді.
17. Шешім дауыстардың қарапайым көпшілігімен қабылданды деп саналады. Дауыстар тең болған кезде алушының өкілі дауыс берген шешім қабылданады.
18. Орындаушыларды таңдау жөніндегі комиссия (комиссиялар) құрамын және оның жұмыс тәртібін уәкілетті орган айқындайды, ал оның қызметі жабық режимде жүзеге асырылады.
19. Қаражат алушыда болғанда алушылар орындаушыларды таңдау жөніндегі өз комиссиясын қалыптастырады. Шешім дауыстардың қарапайым көпшілігімен қабылданады.
20. Орындаушыларды таңдау жөніндегі комиссия ағымдағы қаржы жылындағы 10 қазанға дейінгі мерзімде заттай және арнаулы мүліктің, жеке қорғану құралдарының үлгілерін бекітеді және олардың техникалық тапсырмаға сәйкестігін тексереді.
Тізілімге енгізілген ұйымның баға ұсынысын ұсынуы оның техникалық тапсырмада көзделген талаптарды сақтай отырып, қорғаныстық тапсырыс өнімін жеткізуді жүзеге асыруға келісім берген және мүмкіндіктері бар екенін растау болып табылады.
21. Ағымдағы қаржы жылындағы 1 қыркүйек пен 10 желтоқсан аралығында уәкілетті орган және қаражат алушыда болғанда алушы орындаушыларды таңдау рәсімдерін жүргізеді.
22. Уәкілетті орган немесе қаражат алушыда болғанда алушы тізілімге енгізілген ұйымдар арасынан орындаушыларды таңдауды жүргізеді.
Заттай және арнаулы мүлік, жеке қорғану құралдары бойынша орындаушыларды таңдау үлгілерін тізілімге енгізілген орындаушыларды таңдау жөніндегі комиссия бекіткен ұйымдар арасынан жүзеге асырылады.
Мемлекеттік құпияларды құрайтын мәліметтермен жұмыс істеу қажет болған кезде қорғаныстық тапсырыстың нақты іс-шарасы шеңберінде тізілімге енгізілген ұйымда мемлекеттік құпияларды құрайтын мәліметтерді пайдалана отырып жұмыс жүргізуге рұқсатының болуы ескеріледі.
23. Орындаушыны таңдау кезінде орындаушыларды таңдау жөніндегі комиссия ең төмен баға ұсынысын ұсынған ұйымдарға қатысты шешім қабылдайды.
24. Егер орындаушыны таңдау кезінде бөлінген лимиттен аспайтын бір баға ұсынысы ұсынылса, орындаушыларды таңдау жөніндегі комиссия осы ұйымды қорғаныстық тапсырысты орындаушы ретінде таңдауға қатысты шешім қабылдайды.
25. Егер екі және одан көп ұйымның қорғаныстық тапсырыс өніміне баға ұсыныстары бірдей болған жағдайда өндірістік қуаты ең көп ұйым жеңімпаз деп танылады.
26. Баға ұсыныстары конверттермен беріледі, олар орындаушыларды таңдау жөніндегі комиссия мүшелерінің қатысуымен ашылады.
27. Қорғаныстық тапсырысты орындаушы болып танылған кәсіпорын шарт жасасудан және/немесе ұсынылған техникалық тапсырманы орындаудан бас тартқан жағдайда орындаушыларды таңдауда қатысқан және ең төмен баға ұсынысын ұсынған келесі ұйым орындаушы болып есептеледі.
28. Тізілімге енгізілген ұйымдар арасында орындаушыны таңдау өтпей қалған жағдайда қорғаныстық тапсырыстың осы өнімі бойынша орындаушыны таңдау қайта жүргізіледі.
Бұл ретте, баға ұсыныстары уәкілетті органның немесе алушының тиісті сұрауын алған күннен бастап бес жұмыс күні ішінде ұсынылады.
Егер орындаушыны таңдауды қайта жүргізу кезінде тізілімге енгізілген ұйымдар арасынан орындаушы айқындалмаған жағдайда іс-шара уәкілетті ұйымға орындауға беріледі.
29. Орындаушыны таңдау нәтижелері туралы орындаушылар деп таңдалған ұйымдар қорғаныстық тапсырысты орындаушыларды таңдау хаттамасы бекітілген күннен бастап күнтізбелік он күн ішінде электронды түрде хабардар етіледі.
Хабарламада таратылуы шектелген мәліметтер болған кезде хабарлама Қазақстан Республикасының мемлекеттік құпияларды қорғау саласындағы заңнамасының талаптары сақтала отырып қағаз түрінде жіберіледі.
30. Уәкілетті ұйым қорғаныстық тапсырысты орындаудан бас тартқан жағдайда осы іс-шараға бөлінген ақша қаражатын мемлекеттік қорғаныстық тапсырысты түзету шеңберінде өзге іс-шараларға қайта бөлуге болады.
31. Осы Қағидалардың 15 – 30-тармақтарының қолданысы оқ-дәрілерді қоспағанда, пайдаланылмайтын қару-жарақты, әскери техниканы, техникалық және арнайы құралдарды құртып жіберу, кәдеге жарату, көму арқылы жою және қайта өңдеу (бұдан әрі – жою) кезінде уәкілетті ұйымға қолданылмайды.
32. Айрықша жағдайларда оқыстан туындаған қауіптер орын алған, төтенше жағдайлар туындаған, төтенше жағдай енгізілген, мемлекетте қауіпсіздікті және құқықтық тәртіпті қамтамасыз ету мәселелері шешілген, сондай-ақ Қазақстан Республикасының Қарулы Күштерін, басқа да әскерлері мен әскери құралымдарын жауынгерлік әзірлікте ұстаған кезде Қазақстан Республикасы Президентінің, Қазақстан Республикасы Қауіпсіздік кеңесінің немесе Республикалық жедел штабтың міндеттерін шешу мақсатында қаражат уәкілетті органда болғанда уәкілетті орган және қаражат орындаушыларда болғанда орындаушылар қорғаныстық тапсырысты орындаушыларды таңдау рәсімдерін қажеттігіне қарай жүргізеді.
Бұл ретте, баға ұсыныстары уәкілетті органның немесе алушының тиісті сұрауы алынған күннен бастап бес жұмыс күні ішінде ұсынылады.
33. Қаражат алушыда болғанда алушы ағымдағы қаржы жылының 15 желтоқсанына дейінгі мерзімде уәкілетті органға осы Қағидаларға 1-қосымшаға сәйкес нысан бойынша өтінім береді.
34. Қорғаныстық тапсырыс жобасы алушылардың өтінімдері бойынша Қазақстан Республикасының Бюджет кодексіне, Заңға, осы Қағидаларға және Қазақстан Республикасының басқа да нормативтік құқықтық актілеріне, орталық атқарушы органдардың стратегиялық жоспарларына, Қазақстан Республикасының Президентіне тікелей бағынатын және есеп беретін мемлекеттік органдардың меморандумдарына және Қазақстан Республикасының халықаралық шарттары мен міндеттемелеріне сәйкес қалыптастырылады.
Өтінімді бірінші басшы немесе өтінімге қол қоюға уәкілетті адам бекітеді және уәкілетті органға жіберіледі.
35. Қорғаныстық тапсырысты бекіту туралы Қазақстан Республикасы Үкіметінің тиісті қаулысының жобасы осы Қағидаларға 2-қосымшаға сәйкес тиісті жоспарлы кезеңге арналған республикалық бюджет туралы заң күшіне енген күннен бастап екі ай ішінде Қазақстан Республикасының Үкіметіне енгізіледі.
Қорғаныстық тапсырысты нақтылау республикалық бюджет нақтыланған жағдайда, бірақ жылына екі реттен асырмай жүргізіледі.
36. Тиісті жоспарлы кезеңге арналған қорғаныстық тапсырысты бекіту туралы Қазақстан Республикасы Үкіметінің қаулысын алғаннан кейін күнтізбелік он күн ішінде уәкілетті орган және қаражат алушыларда болғанда алушылар қорғаныстық тапсырысты өздеріне қатысты бөлікте орындауға арналған тиісті шарттардың жобаларын жіберу арқылы оның тапсырмаларын тиісті орындаушыларға жеткізеді.
37. Тиісті кезеңге арналған республикалық бюджет туралы Қазақстан Республикасының Заңына өзгерістер мен толықтырулар енгізу туралы Қазақстан Республикасының заңнамалық актісіне қол қойылғаннан кейін он жұмыс күні ішінде алушылар уәкілетті органға осы Қағидаларға 1-қосымшаға сәйкес нысан бойынша өтінімдер береді.
38. Ғылыми зерттеулерге мемлекеттік қорғаныстық тапсырысты қалыптастыру Заңмен, сондай-ақ Қазақстан Республикасы Индустрия және инфрақұрылымдық даму министрінің 2019 жылғы 7 қарашадағы № 829 бұйрығымен бекітілген Мемлекеттік қорғаныстық тапсырыс шеңберінде ғылыми зерттеулерді ұйымдастыру және жүргізу қағидаларымен айқындалады.
39. Осы Қағидалардың 4 - 38-тармақтарының талаптары арнаулы мемлекеттік органдарға қолданылмайды.
3-тарау. Арнаулы мемлекеттік органдар үшін қорғаныстық тапсырысты қалыптастыру және орналастыру ерекшеліктері
40. Қорғаныстық тапсырыс шеңберінде әскери мақсаттағы тауарларды (өнімді), қосарланған мақсаттағы (қолданыстағы) тауарларды (өнімді) әскери мақсаттағы орындалатын жұмыстарды және әскери мақсатта көрсетілетін қызметтерді сатып алу туралы шешім қабылдаған кезде арнаулы мемлекеттік органдар мемлекеттік қорғаныстық тапсырысқа енгізуге жататын қорғаныстық тапсырыс өнімінің тізбесін өздерінің бюджеттік өтінімдерінің құрамында айқындайды.
41. Ағымдағы қаржы жылындағы 20 қарашаға дейін арнаулы мемлекеттік органдар орындаушыларды таңдау рәсімін жүргізеді.
Арнаулы мемлекеттік органдар тиісті жоспарлы кезеңге арналған республикалық бюджет қалыптастырылған кезде орындаушыларды таңдауды отандық тауар өндірушілер, жұмыстарды, көрсетілетін қызметтерді отандық берушілер және/немесе уәкілетті ұйым арасынан жүзеге асырады.
42. Арнаулы мемлекеттік органдар орындаушыны таңдауды талап етілетін сападағы қорғаныстық тапсырыс өнімін неғұрлым тиімді экономикалық жағдайларда жеткізудің қажетті шарттарын қамтамасыз ету мүмкіндіктеріне сүйене отырып жүргізеді.
43. Қорғаныстық тапсырыс шеңберінде мемлекеттік құпияларды құрайтын мәліметтермен жұмыс істеу қажет болған кезде әскери мақсаттағы тауарларды (өнімді), қосарланған мақсаттағы (қолданыстағы) тауарларды (өнімді) отандық өндірушілерде (бұдан әрі – отандық тауар өндіруші), жұмыстарды, көрсетілетін қызметтерді отандық берушілерде және/ немесе уәкілетті ұйымда мемлекеттік құпияларды құрайтын мәліметтерді пайдалана отырып жұмыс жүргізуге рұқсатының болуы ескеріледі.
44. Ағымдағы қаржы жылының 1 қаңтарынан кешіктірмей арнаулы мемлекеттік органдар отандық тауар өндірушілер, жұмыстарды, көрсетілетін қызметтерді отандық берушілер және/немесе уәкілетті ұйымға баға ұсыныстарын ұсыну үшін техникалық тапсырманы жібереді.
45. Ағымдағы қаржы жылындағы 1 ақпанға дейінгі мерзімде тиісті жоспарлы кезеңге арналған бюджеттік өтінімді қалыптастыру үшін отандық тауар өндірушілер, жұмыстарды, көрсетілетін қызметтерді отандық берушілер және/немесе уәкілетті ұйым арнаулы мемлекеттік органның атына өздерінің баға ұсыныстарын ұсынады.
46. Орындаушыларды таңдау мақсатында арнаулы мемлекеттік органдар ағымдағы қаржы жылының 1 қыркүйегінен кешіктірмей отандық тауар өндірушілерге және/немесе жұмыстарды, көрсетілетін қызметтерді отандық берушілерге және/немесе уәкілетті ұйымға қорғаныстық тапсырыс өнімін сатып алуға ниеті туралы сұрау салу жолдайды.
47. Сұрау салу мынадай мәліметтерді қамтиды:
1) сатып алынатын қорғаныстық тапсырыс өнімінің атауы және техникалық тапсырмасы, стандарттары (олар болған жағдайда);
2) қорғаныстық тапсырыс өнімінің мөлшері және/немесе көлемі;
3) қорғаныстық тапсырыс өнімі жеткізілетін жер мен жеткізу талап етілетін мерзімдері;
4) берілетін қорғаныстық тапсырыс өніміне кепілдік мерзімі;
5) құны қорғаныстық тапсырыс өнімінің құнына қосылуға тиіс ілеспе жұмыстар мен көрсетілетін қызметтердің тізбесі;
6) ақы төлеу шарттары, оның ішінде аванстық төлем мөлшері;
7) киім-кешек және арнайы мүлік құралдары сатып алынатын болса, тәжірибелік үлгілерді ұсыну қажеттігі туралы талап.
48. Отандық тауар өндірушілердің, жұмыстарды, көрсетілетін қызметтерді отандық берушілердің арнаулы мемлекеттік органдардың сұрау салуына жауап беруі сұрау салу алынған күннен бастап күнтізбелік отыз күннен кешіктірілмейтін мерзімде баға ұсынысын қоса бере отырып жүзеге асырылады.
49. Қорғаныстық тапсырыс өнімінің жалғыз отандық берушісі болып табылатын отандық тауар өндіруші, жұмыстарды, көрсетілетін қызметтерді отандық беруші баға ұсынысын қорғаныстық тапсырыс өнімі құнының жоспарлы калькуляциясымен қоса ұсынады.
Қажет болған кезде отандық тауар өндіруші, жұмыстарды, көрсетілетін қызметтерді отандық беруші тактикалық-техникалық (техникалық) сипаттамалары сұрау салуда көрсетілгеннен де жақсы өнімді ұсынады.
50. Арнаулы мемлекеттік органдар отандық тауар өндірушілер, жұмыстарды, көрсетілетін қызметтерді отандық берушілер арасынан орындаушыларды таңдауды мынадай өлшемшарттар бойынша жүзеге асырады:
1) ұсынылатын қорғаныстық тапсырыс өнімінің техникалық сипаттамаларының сұрау салу талаптарына сәйкестігі;
2) Қазақстан Республикасының заңнамасында белгіленген жағдайларда қызметтің тиісті түрін жүзеге асыруға лицензияның болуы;
3) сұрау салуда белгіленген көлемдегі қорғаныстық тапсырыс өнімін өндіру үшін қажетті өндірістік үй-жайлардың, технологиялық жабдықтардың және білікті мамандардың болуы;
4) киім-кешек және арнайы мүлік, жеке қорғану құралдарын шығару саласында маманданған орындаушылар үшін меншік құқығында сұрау салуда белгіленген көлемдегі қорғаныстық тапсырыс өнімін өндіру үшін қажетті өндірістік (қоймалық) үй-жайлардың және технологиялық жабдықтардың, білікті мамандардың болуы.
51. Орындаушыларды таңдау ең төмен баға және уәкілетті ұйым жүзеге асыратын жоюды қоспағанда, арнаулы мемлекеттік органдардың сұрау салуында көрсетілген талаптарға сәйкес келетін қорғаныстық тапсырыс өнімін ұсынған отандық тауар өндірушілер, жұмыстарды, көрсетілетін қызметтерді отандық берушілер арасынан жүзеге асырылады.
52. Мемлекеттің ұлттық қауіпсіздігі саласындағы іргелі жəне қолданбалы ғылыми зерттеулердің тақырыбын, орындаушыларын және құнын айқындау, сондай-ақ осы зерттеулерге сараптама жүргізу арнаулы мемлекеттік органның бірінші басшысы бекіткен тәртіппен жүзеге асырылады.
53. Отандық тауар өндірушілердің, жұмыстарды, көрсетілетін қызметтерді отандық берушілердің қорғаныстық тапсырысты орындауы мүмкін болмаған жағдайда олардың арнаулы мемлекеттік органдардың атына жауап беруі сұрау салу алынған күннен бастап күнтізбелік он күннен кешіктірілмейтін мерзімде жүзеге асырылады.
54. Уәкілетті ұйым сұрау салуды алған күннен бастап күнтізбелік қырық күннен кешіктірілмейтін мерзімде тиісті қорғаныстық тапсырыс өнімін берудің мүмкіндігі не мүмкін еместігі туралы жауап береді, сондай-ақ кемінде екі баға ұсынысын не қорғаныстық тапсырыс өнімінің шетелдік өндірушісі талап етілетін өнімнің жалғыз өндірушісі болып табылғанда бір баға ұсынысын қоса бере отырып, оның болжамды бағасын ұсынады.
55. Егер уәкілетті ұйым көрсетілген мерзімде арнаулы мемлекеттік органдарға жауап бермеген не жауап сұрау салу талаптарына сәйкес келмеген жағдайда уәкілетті ұйымды қорғаныстық тапсырысты орындаушы ретінде таңдау мүмкін емес деп танылады.
56. Арнаулы мемлекеттік органдар ағымдағы қаржы жылындағы 15 қарашадан кешіктірмей мыналардың құжаттарын тексеруді аяқтайды:
1) қызметтің тиісті түрін жүзеге асыруға лицензиялар, өндіріс қуаттары;
2) қорғаныстық тапсырыс өнімін өндіру үшін қажетті технологиялық жабдық, еңбек ресурстары;
3) қорғаныстық тапсырыс өніміне баға белгілеу мәселелері бойынша құжаттар.
57. Арнаулы мемлекеттік органдар Қазақстан Республикасының бюджет заңнамасында белгіленген тәртіппен тиісті жоспарлы кезеңге арналған қорғаныстық тапсырыс өніміне бюджеттік өтінімдерді бюджеттік жоспарлау жөніндегі уәкілетті органға енгізеді.
58. Арнаулы мемлекеттік органдар ағымдағы қаржы жылындағы 1 желтоқсаннан кешіктірмей қорғаныстық тапсырыс өніміне нақтыланған өтінімді уәкілетті органға осы Қағидаларға 1-қосымшаға сәйкес нысан бойынша ұсынады.
59. Өтінімдер үш жылдық кезеңге арналған республикалық бюджетте көзделген бағдарламалар, кіші бағдарламалар бөлінісінде ұсынылады.
60. Өтінімді арнаулы мемлекеттік органның бірінші басшысы немесе өтінімге қол қоюға уәкілетті адам бекітеді.
4-тарау. Тізілімді қалыптастыру, бекіту және жүргізу
61. Тізілімді қалыптастыру, бекіту және жүргізу қорғаныстық тапсырысты қалыптастырудың және орналастырудың құрамдас бөлігі болып табылады және оны уәкілетті орган жүзеге асырады.
62. Тізілім осы Қағидаларға 3-қосымшаға сәйкес нысан бойынша жүргізіледі.
63. Осы Қағидаларда белгіленген талаптарға сәйкес келетін және осы Қағидалардың 68-тармағында көзделген құжаттардың толық жиынтығын ұсынған, Қазақстан Республикасының резиденттері болып табылатын отандық тауар өндірушілер, жұмыстарды, көрсетілетін қызметтерді отандық берушілер тізілімге енгізуге жатады.
64. Тізілімді қалыптастыру және жүргізу отандық тауар өндірушілерді, жұмыстарды, көрсетілетін қызметтерді отандық берушілерді тізілімге енгізу және одан алып тастау, сондай-ақ олар туралы тізілімде қамтылған мәліметтерге өзгерістер мен толықтырулар енгізу арқылы жүзеге асырылады.
65. Тізілімді қалыптастыру және жүргізу қызмет бағыттары бойынша отандық тауар өндірушілердің, жұмыстарды, көрсетілетін қызметтерді отандық берушілердің тізілімге енгізу туралы осы Қағидаларға 4-қосымшаға сәйкес нысан бойынша берген өтінімдері (бұдан әрі – өтінім) негізінде жүзеге асырылады.
66. Отандық тауар өндірушілер және жұмыстарды, көрсетілетін қызметтерді отандық берушілер өтінімдерді уәкілетті органға жыл сайын 1 наурыз бен 1 сәуір аралығында тиісті қызмет бағыттары бойынша береді.
67. Өтінім онда көрсетілген меншік құқығындағы өндірістік үй-жайларды, сондай-ақ өтінімде көрсетілген меншік құқығындағы технологиялық жабдықтарды көрсету үшін уәкілетті органның өкілдерін ұйымға кіргізуге, меншік құқығындағы өндірістік үй-жайларға, білікті мамандарға, сондай-ақ меншік құқығындағы технологиялық жабдықтарға қатысты мәлімделген деректер жөніндегі құжаттарды уәкілетті органның талабы бойынша ұсынуға отандық тауар өндірушінің, жұмыстарды, көрсетілетін қызметтерді отандық берушінің келісімін көздейді. Бұл келісім өтінім берілген күннен басталатын кезеңге және тізілімде болатын бүкіл кезеңге таралады.
68. Өтінімге мынадай құжаттар қоса беріледі:
1) заңды тұлғаның (филиалдың, өкілдіктің) мемлекеттік (есепке алу) тіркеу (қайта тіркеу) туралы куәлігінің көшірмесі не бизнес сәйкестендіру нөмірі көрсетілген мемлекеттік (есепке алу) тіркеу туралы анықтаманың көшірмесі;
2) "Рұқсаттар және хабарламалар туралы" 2014 жылғы 16 мамырдағы Қазақстан Республикасының Заңына сәйкес міндетті түрде лицензиялауға жататын қызметтің тиісті түрін жүзеге асыруға құқық беретін лицензияның және/немесе "Е-лицензиялау" www.elicense.kz. веб-порталынан лицензияның көшірмесі;
3) "Техникалық реттеу туралы" 2004 жылғы 9 қарашадағы Қазақстан Республикасының Заңына сәйкес сәйкестікті міндетті растау рәсіміне жататын өнім өндірушілер үшін өнімнің техникалық регламенттерде, стандарттардың ережелерінде белгіленген талаптарға сәйкестігін куәландыратын сериялық шығарылатын өнімге сәйкестік сертификаты немесе сериямен шығарылатын өнімге сәйкестік туралы декларация;
4) ғылыми зерттеулерді жүзеге асыру бөлігінде қорғаныстық тапсырысты орындауды жүзеге асыратын ұйымдарды қоспағанда, қорғаныстық тапсырыс өнімін өндіру үшін қажетті меншік құқығындағы өндірістік үй-жайлардың, білікті мамандардың, сондай-ақ меншік құқығындағы технологиялық жабдықтардың бар екенін куәландыратын құжат;
5) салықтық берешектің, міндетті зейнетақы жарналары және әлеуметтік аударымдар бойынша берешектің жоқтығын куәландыратын құжат;
6) техникалық және қаржылық аудиттер.
Қаржылық аудитке Қазақстан Республикасының аудиторлық қызмет туралы заңнамасына сәйкес жүргізілген өткен жылғы аудиторлық жылдық есеп жатады.
69. Техникалық аудитті мамандандырылған ұйымдар жүргізеді.
Ұйымда индустриялық сертификат болған жағдайда техникалық аудит осы құжатпен расталады.
Ұйымдарда әскери өкілдік болған жағдайларда техникалық аудит жүргізілмейді, әскери өкілдіктің осы қорытындысымен расталады.
70. Осы Қағидалардың 68 – 69-тармақтарында көзделген өтінім мен құжаттар қағаз түрінде беріледі. Өтінімде заңды тұлғаның электрондық мекенжайы және байланыс телефондары (кемінде 3) көрсетіледі.
71. Өтінімді уәкілетті орган құратын комиссия (бұдан әрі – тізілім қалыптастыру жөніндегі комиссия) қарайды.
72. Тізілім қалыптастыру жөніндегі комиссия құрамына уәкілетті органның және қажет болған жағдайда алушылардың лауазымды адамдары енгізіледі.
73. Тізілім қалыптастыру жөніндегі комиссия ағымдағы қаржы жылындағы 1 шілдеге дейінгі мерзімде ұйымдарды тізілімге енгізу, ұйымдарды тізілімнен алып тастау немесе тізілімге өзгерістер мен толықтырулар енгізу бойынша отырыстар өткізеді.
74. Тізілім қалыптастыру жөніндегі комиссияның қарапайым көпшілік дауыспен қабылданған хаттамалық шешімі тізілімге енгізу, одан алып тастау және оған өзгерістер енгізу үшін негіз болып табылады.
75. Тізілім қалыптастыру жөніндегі комиссия осы Қағидалардың 68 – 69-тармақтарында көрсетілген құжаттардың сәйкес еместігін анықтаған жағдайда уәкілетті орган құжаттар қаралған күннен бастап бес жұмыс күні ішінде отандық тауар өндірушіні, жұмыстарды, көрсетілетін қызметтерді отандық берушіні анықталған сәйкессіздіктерді жою қажеттігі туралы хабардар етеді. Бұл ретте отандық тауар өндіруші, жұмыстарды, көрсетілетін қызметтерді отандық беруші хабарламаны алған күн деп электрондық түрде жолданған күннен кейінгі күн саналады.
76. Отандық тауар өндіруші, жұмыстарды, көрсетілетін қызметтерді отандық беруші хабардар етілген күннен бастап бес жұмыс күні ішінде растайтын құжаттарды қоса бере отырып, анықталған кемшіліктерді жойғаны туралы уәкілетті органды жазбаша хабар етеді.
77. Уәкілетті органды отандық тауар өндірушінің, жұмыстарды, көрсетілетін қызметтерді отандық берушінің бұзушылықтарды жоюы туралы хабардар ету тізілім қалыптастыру жөніндегі комиссияға өтінімді қайта қарау үшін негіз болып саналады.
78. Уәкілетті орган өтінімдерді қарау мерзімі аяқталғаннан кейін он бес жұмыс күні ішінде тізілім қалыптастыру жөніндегі комиссияның шешімі негізінде тізілімді бекітеді немесе оған өзгерістер мен толықтырулар енгізеді.
79. Тізілімнен алып тастау, оған өзгерістер мен толықтырулар енгізу тізілім қалыптастыру жөніндегі комиссия отырысы өткен күннен бастап он бес жұмыс күні ішінде жүргізіледі.
80. Мынадай:
1) қорғаныстық тапсырыс өнімін өндіру үшін қажетті меншік құқығындағы өндірістік үй-жайлардың, меншік құқығындағы технологиялық жабдықтардың, білікті мамандардың болуы туралы ұйым ұсынған деректердің дұрыс еместігі белгіленген, сондай-ақ осы деректер асыра көрсетілген;
2) тізілімнен шығару туралы заңды күшіне енген сот шешімі болған;
3) орындаушы өзі орындаушы болып анықталған іс-шара бойынша шарт жасасудан бас тартқан;
4) шарт міндеттемелерінде айқындалған форс-мажорлық себептерді қоспағанда, қорғаныстық тапсырыс орындалмаған (қорғаныстық тапсырысты орындау шарты бұзылған);
5) меншік құқығындағы өндірістік үй-жайларға, меншік құқығындағы технологиялық жабдықтарға, білікті мамандарға қатысты мәлімделген деректер бойынша құжаттар беруден немесе уәкілетті орган өкілдері барған кезде ұйымға кіргізуден бас тартқан;
6) орындаушының кінәсі анықталған кезде рекламацияда көрсетілген ақауларды жоюдан бас тартқан;
7) егер бұл қорғаныстық тапсырысты орындауға арналған шартта көзделмесе, қорғаныстық тапсырысты орындауды өзге ұйымға толық беру анықталған;
8) құпия іс жүргізу режимі бұзылған жағдайда ұйымдар тізілімнен алып тастауға жатады.
Қорғаныстық тапсырыс өнімін жалғыз өндіруші болып табылатын кәсіпорындар тізілімнен алып тастауға жатпайды.
Осы тармақтың 1) тармақшасында көрсетілген бұзушылық ұйымды анық емес деректерді ұсыну фактісі анықталған күннен бастап бір жыл мерзімге тізілімнен алып тастауға әкеп соқтырады.
Осы тармақтың 2) тармақшасында көрсетілген мән-жай, егер сот шешімінде өзгеше көрсетілмесе, ұйымды сот шешімі заңды күшіне енген күннен бастап бір жыл мерзімге тізілімнен алып тастауға әкеп соқтырады.
Осы тармақтың 3) – 8) тармақшаларында көрсетілген бұзушылықтар ұйымды уәкілетті органның шешімі шыққан күннен бастап бір жыл мерзімге тізілімнен алып тастауға әкеп соқтырады.
81. Қорғаныстық тапсырыс өнімін өндіру үшін қажетті меншік құқығындағы өндірістік үй-жайлардың, меншік құқығындағы технологиялық жабдықтардың, білікті мамандардың көлемі және/немесе саны азайған кезде тізілімге енгізілген ұйым күнтізбелік жиырма күн ішінде бұл туралы уәкілетті органды тиісті құжаттарды қоса бере отырып хабардар етеді.
Тізілімге енгізілген ұйым қорғаныстық тапсырыс өнімін өндіру үшін қажетті меншік құқығындағы өндірістік үй-жайлардың, оның ішінде кемінде үш жыл мерзімге ұзақ мерзімді жалдау құқығындағы үй-жайлардың, меншік құқығындағы технологиялық жабдықтар мен білікті мамандар көлемінің және/немесе санының ұлғайғаны туралы уәкілетті органды өзінің қалауы бойынша хабардар етеді.
82. Құжаттарды қарау нәтижелері бойынша тізілім қалыптастыру жөніндегі комиссия мынадай:
1) тізілімге енгізу;
2) тізілімге енгізуден бас тарту;
3) тізілімнен алып тастау;
4) тізілімдегі ұйым туралы мәліметтерге өзгерістер мен толықтырулар енгізу не енгізбеу;
5) осы Қағидалардың 75-тармағына сәйкес құжаттарды толық пысықтауға жолдау жөніндегі шешімдердің бірін шығарады.
83. Тізілім бекітілген, сондай-ақ оған өзгерістер мен толықтырулар енгізілген күннен бастап он жұмыс күні ішінде уәкілетті орган тиісті ұйымдарға қатысты бөлікте олардың мекенжайына, сондай-ақ мүдделі алушыларға тізілімге енгізу не енгізуден бас тарту, өзгерістер мен толықтырулар енгізу туралы хабарлама жолдайды. Бұл ретте отандық тауар өндіруші, жұмыстарды, көрсетілетін қызметтерді отандық беруші хабарламаны алған күн деп электрондық пошта арқылы жөнелтілген күннен кейінгі күн саналады.
84. Уәкілетті орган тізілімге енгізілген ұйымдардың өндірістік базасы тіркелген және/немесе орналасқан жерге барып, өтінімде берілген деректердің сәйкестігі тұрғысынан ұйымдарды мониторингтеуді жүзеге асырады. Өкілдер ұйымдарға барған кезде меншік құқығындағы өндірістік үй-жайлардың, меншік құқығындағы технологиялық жабдықтардың, білікті мамандардың бар-жоғын қарайды және өтінімде берілген құжаттардың түпнұсқаларын сұратады.
85. Мониторинг нәтижелері бойынша ұйымның өтінімінде қорғаныстық тапсырыс өнімін өндіру үшін қажетті меншік құқығындағы өндірістік үй-жайлардың, меншік құқығындағы технологиялық жабдықтардың, білікті мамандардың болуы туралы ұсынылған деректердің анық болмау, сондай-ақ осы деректердің асыра көрсетілу фактісі анықталған кезде, ұйымды тізілімнен алып тастау туралы материалдар тізілім қалыптастыру жөніндегі комиссияның қарауына жіберіледі.
Тізілімге енгізілген ұйымға бару да ұйым ұсынған деректердің болмау фактісінің анықталғаны туралы алушылардың немесе әскери өкілдердің жазбаша хабарламасы бойынша жүзеге асырылады.
86. Тізілім қалыптастыру жөніндегі комиссияның шешіміне уәкілетті органға Қазақстан Республикасының заңнамасында белгіленген тәртіппен шағым жасалады.
5-тарау. Қорғаныстық тапсырысты орындау
87. Қорғаныстық тапсырысты орындау уәкілетті орган немесе алушы және орындаушы арасында жасалған қорғаныстық тапсырысты орындауға арналған шарт негізінде жүзеге асырылады.
88. Қорғаныстық тапсырысты орындауға арналған шарттардың жобалары алушының немесе қаражат уәкілетті органда болғанда уәкілетті органның бірінші басшысы бекітетін қорғаныстық тапсырысты орындауға арналған үлгілік шартқа сәйкес жасалады.
89. Қорғаныстық тапсырысты орындауға арналған үлгілік шартта мынадай мәліметтер:
1) кіріспе;
2) шарттың мәні;
3) шарттың қолданылу мерзімі және/немесе шарттың жекелеген кезеңдерінің мерзімі;
4) шарттың және аванс болған жағдайда оның сомасы;
5) сапаны бақылау шарттары және әскери өкілдіктерге қорғаныстық тапсырыс өніміне нақты шығыстарды растайтын құжаттарды ұсыну тәртібі;
6) қабылдап алу шарттары, беру (орындау қызмет көрсету) орны мен мерзімдері;
7) тұрақсыздық айыбының (айыппұл, өсімпұл) мөлшері;
8) шартты бұзу немесе тоқтату үшін негіздеме;
9) тараптардың жауапкершілігі;
10) қорғаныстық тапсырыс өнімін бергені үшін толық ақы төлеу шарттары;
11) Қазақстан Республикасының салық заңнамасының талаптарына сәйкес қосылған құн салығын төлеу шарттары;
12) рекламация қою және қанағаттандыру шарттары;
13) Қазақстан Республикасының заңнамасына қайшы келмейтін өзге де шарттар қамтылуға тиіс.
90. Қорғаныстық тапсырысты орындауға арналған шарттарды жасасу рәсімдері қорғаныстық тапсырыс бекітілген күннен бастап отыз жұмыс күнінен аспауға тиіс.
91. Қорғаныстық тапсырыстың орындалу сапасын бақылауды әскери өкілдіктер Қазақстан Республикасының Үкіметі белгілеген тәртіппен жүзеге асырады.
92. Орындаушы ұйымдарда әскери өкілдіктер құрылмаған жағдайларда қорғаныстық тапсырыстың орындалу сапасын бақылауды қорғаныстық тапсырысты орындаушы жүзеге асырады.
Уәкілетті орган, мемлекеттік қорғаныстық тапсырысты алушы мемлекеттік қорғаныстық тапсырыстың орындалу сапасын және Қазақстан Республикасының заңнамасына сәйкес қорғаныстық тапсырыс өнімі сапасының мемлекеттік қорғаныстық тапсырысты орындауға жасалған шартқа сәйкестігін бақылауды жүзеге асыру үшін өз өкілдерін мемлекеттік қорғаныстық тапсырысты орындаушыларға жіберуге құқылы.
93. Алушының өкілдері қорғаныстық тапсырыстың орындалу сапасын бақылауды Заңның талаптарына сәйкес жүзеге асырады.
94. Әскери өкілдіктің куәлігі қорғаныстық тапсырыс өнімінің сапасын растайтын құжат болып табылады.
6-тарау. Қорғаныстық тапсырыс шеңберінде бюджет қаражаты уәкілетті органның бюджетінде көзделген жағдайда қорғаныстық тапсырысты орындау ерекшеліктері
95. Қорғаныстық тапсырыс шеңберінде бюджет қаражаты уәкілетті органның бюджетінде көзделген жағдайда қорғаныстық тапсырысты орындау уәкілетті орган мен орындаушы арасында алушының пайдасына жасалған шарт негізінде жүзеге асырылады.
96. Алушының пайдасына қорғаныстық тапсырысты орындауға арналған шарттардың жобалары уәкілетті органның бірінші басшысы бекітетін қорғаныстық тапсырысты орындауға арналған үлгілік шартқа сәйкес үш данада жасалады.
97. Уәкілетті орган алушының пайдасына жасасатын қорғаныстық тапсырысты орындауға арналған шарттарда осы Қағидалардың 89-тармағында көзделген мәліметтерден басқа алушы туралы мәліметтер, сондай-ақ оның қорғаныстық тапсырыс өнімін қабылдап алумен байланысты міндеттемелері көрсетіледі.
98. Бақылау көлемін, сондай-ақ орындаушы ұйымдарда әскери өкілдіктердің бар-жоғын айқындау мақсатында уәкілетті орган қорғаныстық тапсырысты орындауға арналған шарт жобасын Қазақстан Республикасы Қорғаныс министрлігінің (бұдан әрі – Министрлік) Әскери өкілдіктер орталығына келісу үшін жолдайды.
Бұл ретте Министрліктің Әскери өкілдіктер орталығының шарт жобасын қарау мерзімі, шарт жобасы келіп түскен кезден бастап үш жұмыс күнінен аспауға тиіс.
99. Уәкілетті орган алушының пайдасына жасасқан қорғаныстық тапсырысты орындауға арналған шарт шеңберінде берілетін қорғаныстық тапсырыс өнімінің сапасы шарт талаптарына сәйкес келуге тиіс.
100. Уәкілетті орган алушының пайдасына жасасқан қорғаныстық тапсырысты орындауға арналған шарт бойынша қорғаныстық тапсырыстың орындалу сапасын бақылауды әскери өкіл Қазақстан Республикасының Үкіметі белгіленген тәртіппен жүзеге асырады.
101. Орындаушы ұйымдарда әскери өкілдіктер құрылмаған жағдайларда уәкілетті орган қорғаныстық тапсырыс өнімі сапасының шарт талаптарына сәйкестігін бақылауды жүзеге асыру үшін оларға өз өкілдерін жіберуге құқылы.
102. Егер қорғаныстық тапсырыс өнімінің шарт талаптарына сәйкестігін бақылауды жүзеге асыру үшін сатып алынатын өнім саласында арнайы ілім, тәжірибе және біліктілік қажет болған жағдайда, уәкілетті орган мамандарды, оның ішінде пайдасына қорғаныстық тапсырысты орындауға арналған шарт жасалған алушының мамандарын тартады.
Алушының мамандарын тарту алушының келісімімен жүзеге асырылады.
Қорғаныстық тапсырыс өнімінің шарт талаптарына сәйкестігін бақылауды жүзеге асыру үшін алушының мамандарын іссапарға жіберу алушының қаражаты есебінен жүзеге асырылады.
Қорғаныстық тапсырыс өнімінің шарт талаптарына сәйкестігін бақылауды жүзеге асыру үшін алушының мамандарын тарту мақсатында уәкілетті орган тиісті алушының атына сұрау салу жолдайды.
103. Алушы сұрау салуды алған күннен бастап бес жұмыс күні ішінде уәкілетті органның атына қорғаныстық тапсырыс өнімінің шарт талаптарына сәйкестігін бақылауды жүзеге асыру үшін тағайындалған өз өкілдері туралы мәліметтерді жібереді.
104. Алушы қорғаныстық тапсырыс өнімі берілген күннен бастап бес жұмыс күні ішінде оны шартта көзделген құжаттардың негізінде атауы, саны, сапасы және/немесе жиынтығы бойынша қабылдап алады.
105. Қорғаныстық тапсырыс өнімін қабылдап алумен байланысты міндеттемелерді орындау үшін уәкілетті орган орындаушымен шарт жасасқан күннен бастап бес жұмыс күні ішінде шарттың бір данасын алушының атына жібереді.
106. Қорғаныстық тапсырыс өнімін қабылдап алушы алушының ведомствосы (пайдаланушы және/немесе сақтау қоймасы) болып табылған жағдайда мемлекеттік орган болып табылатын алушы шарттың көшірмесін тікелей алушының атына жолдайды және оның қорғаныстық тапсырыс өнімін қабылдап алу бөлігіндегі міндеттемелерді шарт талаптарына сәйкес орындауын қамтамасыз етеді.
107. Алушыға қорғаныстық тапсырыс өнімін беру үшін орындаушы қорғаныстық тапсырыс өнімін бергенге дейін кемінде күнтізбелік жиырма күн қалғанда уәкілетті органды және алушыны өнім берудің жоспарлы күні туралы хабардар етеді.
108. Қорғаныстық тапсырыс өнімін берудің жоспарлы күні туралы орындаушының хабарламасы негізінде алушы мыналарды:
1) орындаушының, уәкілетті органның өкілдерін және әскери өкілдерді алушының аумағына кіргізуді;
2) техникалық тапсырма талаптарында және/немесе шарт талаптарында өзгеше айтылмаса, қорғаныстық тапсырыс өнімін қабылдап алу үшін қосымша жұмыстарды орындау (қосымша қызметтер көрсету) қажет болған жағдайда осы жұмыстарды (көрсетілетін қызметтерді) орындау үшін орын дайындауды;
3) техникалық тапсырма талаптарында және/немесе шарт талаптарында өзгеше айтылмаса, шарт талаптарына сәйкес қорғаныстық тапсырыс өнімін қабылдап алу үшін қорғаныстық тапсырыс өнімін тексеруді (сынауды) жүзеге асыру қажет болған жағдайда тексеру (сынау) жүргізу үшін орын дайындауды;
4) техникалық тапсырма талаптарында және/немесе шарт талаптарында өзгеше айтылмаса, шарт талаптарына сәйкес қорғаныстық тапсырыс өнімін тиісті жабдықта (бақылау-тексеру аппаратурасында) тексеру көзделген жағдайда осы жабдықты (бақылау-тексеру аппаратурасын) дайындауды қамтамасыз етеді.
Бұл ретте алушының жабдығы (бақылау-тексеру аппаратурасы) ақаусыз болуы, оны қорғаныстық тапсырыс өнімін тексеру үшін қолдануға болатынын растайтын тиісті құжаттамасы болуға тиіс.
109. Қабылдап алу нәтижелері бойынша қорғаныстық тапсырыс өнімі атауының, сапасының, санының және/немесе жиынтығының шарт талаптарына сәйкес келмеу фактісі расталған кезде алушы бұл туралы уәкілетті органды хабардар етеді, анықталған кемшіліктер туралы акт жасайды және оны орындаушыға береді.
110. Алушы анықтаған кемшіліктер туралы акт жасаған күннен бастап он жұмыс күні ішінде орындаушы кемшіліктерді жоюды қамтамасыз етеді.
111. Егер орындаушы он жұмыс күні өткеннен кейін кемшіліктерді жоймаған жағдайда, алушы өнімді орындаушыға қайтаруды жүзеге асырады және уәкілетті органның атына тиісті хабарлама жібереді.
Қорғаныстық өнімді тасымалдауға және сақтауға байланысты одан арғы шығыстарды қорғаныстық тапсырысты орындаушы көтереді.
112. Егер қабылдап алу нәтижелері бойынша қорғаныстық тапсырыс өнімі атауының, санының, сапасының және/немесе жиынтығының шарт талаптарына сәйкестігі расталған жағдайда, алушы қорғаныстық тапсырыс өнімін шарт талаптарында көзделген құжаттарға қол қою арқылы қабылдайды.
113. Алушының пайдасына жасалған тауарды беру шарты бойынша төлемдерді жүзеге асырған күннен бастап бес жұмыс күні ішінде уәкілетті орган алушының атына бюджетті атқару жөніндегі орталық уәкілетті орган бекіткен нысан бойынша жауап хабарлама жібереді.
114. Алушы тауарды қабылдап алу-тапсыру актісіне қол қойған күннен бастап бес жұмыс күні ішінде уәкілетті органның атына бюджетті атқару жөніндегі орталық уәкілетті орган бекіткен нысан бойынша алынған құндылықтарды есепке алу туралы хабарлама жібереді.
115. Қорғаныстық тапсырысты орындау жұмыстарды орындауға (қызметтерді көрсетуге) арналған шарт негізінде жүзеге асырылған жағдайда алушы уәкілетті органнан шарттың бір данасы алынған күннен бастап күнтізбелік он бес күн ішінде қару-жарақты, әскери техниканы және/немесе өзге де мүлікті (бұдан әрі – ҚӘТ) дайындауды және орындаушыға беруді қамтамасыз етеді.
116. Жұмыстарды орындау (қызметтерді көрсету) үшін ҚӘТ-ті қабылдап алу-беру нақты болуы және нақты жиынтықталуы бойынша жүзеге асырылады және алушы мен орындаушы өкілдерінің арасында қол қойылатын техникалық жай-күйі бойынша қабылдап алу-беру актісімен ресімделеді.
117. ҚӘТ-ті алушыдан жұмыстар орындалатын (қызметтерді көрсетілетін) жерге дейін тасымалдау, егер шартта өзгеше көзделмесе, алушының күші мен қаражаты есебінен жүзеге асырылады.
Жұмыстар орындалғаннан (қызметтер көрсетілгеннен) кейін ҚӘТ-ті алушыға дейін тасымалдау, егер шартта өзгеше көзделмесе, орындаушының күші мен қаражаты есебінен жүзеге асырылады.
Қажет болған жағдайда алушы тасымалдау процесінде ҚӘТ-ті алып жүруді қамтамасыз етеді.
118. Жұмыстар орындалғаннан (қызметтер көрсетілгеннен) кейін жеткізілген қорғаныстық тапсырыс өнімінің, оның ішінде ҚӘТ-тің сапасына қатысты қабылдап алу кезінде анықтау мүмкін болмаған кінәраттарды алушы орындаушыға кепілдік мерзімі ішінде ұсынады.
119. Егер жұмыстарды орындау (қызметтерді көрсету) нәтижелері бойынша ҚӘТ-тің баланстық құнын ұлғайту қажет болған жағдайда, алушы орындалған жұмыстар (көрсетілген қызметтер) актісіне және ҚӘТ-ті қабылдап алу-беру актісіне қол қойылған күннен бастап бес жұмыс күні ішінде уәкілетті органның атына бюджетті атқару жөніндегі орталық уәкілетті орган бекіткен нысан бойынша алынған құндылықтарды есепке алу туралы хабарлама жібереді.
120. Уәкілетті орган жұмыстарды орындауға (қызметтерді көрсетуге) арналған шарт бойынша төлемдер жүзеге асырылған күннен бастап бес жұмыс күні ішінде алушының атына бюджетті атқару жөніндегі орталық уәкілетті орган бекіткен нысан бойынша жауап хабарлама жібереді.
121. Жұмыс шартына сәйкес алушының аумағында жұмыстар орындалған (қызметтер көрсетілген) жағдайда жұмыстарды (көрсетілетін қызметтерді) қабылдап алуды алушы шартта белгіленген тәртіппен жүзеге асырады.
7-тарау. Уәкілетті ұйымның қорғаныстық тапсырысты орындауы
122. Уәкілетті ұйым қорғаныстық тапсырысты қорғаныстық тапсырысты орындауға арналған шарт негізінде орындайды.
123. Алушымен немесе уәкілетті органмен қорғаныстық тапсырысты орындауға арналған шарт жасасқаннан кейін уәкілетті ұйым шетелдік өндірушілер не олардың ресми өкілдері арасында қорғаныстық тапсырысты орналастыру рәсімдерін бастайды.
124. Уәкілетті ұйым қорғаныстық тапсырысты орналастыруды:
1) тікелей шарт (келісімшарт) жасасу арқылы;
2) баға ұсыныстарына сұрау салу арқылы жүзеге асырады.
125. Тікелей шарт (келісімшарт) жасасу арқылы қорғаныстық тапсырысты орналастыру:
1) егер сатып алынатын өнімді жалғыз шетелдік өндіруші өндірсе;
2) егер уәкілетті органмен немесе қорғаныстық тапсырысты алушымен жасалған шарттың техникалық ерекшелігі нақты атауды, тауар белгілерін немесе сатып алынатын өнімнің белгілі бір шетелдік өндірушіге тиесілілігін көрсететін кез келген басқа ақпаратты қамтыса;
3) қорғаныстық тапсырыс өнімі Қазақстан Республикасы ратификациялаған халықаралық шарттар шеңберінде сатып алынған жағдайда жүзеге асырылады.
126. Осы Қағидалардың 125-тармағында көзделген жағдайларда уәкілетті орган мен орындаушы арасында шарттар (келісімшарттар) жасасу рәсімдері уәкілетті органмен немесе алушымен шарт жасасқан күннен бастап күнтізбелік алпыс күннен аспауға тиіс.
127. Осы Қағидалардың 125-тармағында көзделмеген қалған барлық жағдайларда уәкілетті ұйымның қорғаныстық тапсырысты орналастыруы баға ұсыныстарына сұрау салу жолымен жүзеге асырылады.
128. Баға ұсыныстарына сұрау салу нарықты және бағаларды мониторингтеу нәтижелері бойынша уәкілетті ұйым айқындаған шетелдік өндірушілердің және/немесе олардың ресми өкілдерінің атына жіберіледі.
129. Шет мемлекеттің заңнамасында қорғаныстық тапсырыс өніміне қатысты сыртқы экономикалық қызметті жүзеге асыруға уәкілетті арнайы ұйым айқындалған жағдайда уәкілетті ұйым сұрау салуды осы ұйымның атына жібере алады.
130. Нарық пен баға мониторингін уәкілетті ұйым ҚӘТ көрмелеріне бару арқылы БАҚ-тағы, интернет-ресурстардағы, фирмалық каталогтардағы жарнамалық материалдарды зерделеу арқылы тұрақты негізде жүзеге асырады.
131. Орындаушыны таңдау мақсатында уәкілетті ұйым уәкілетті органмен және/немесе қорғаныстық тапсырысты алушымен шарт жасасқан күннен бастап бес жұмыс күнінен кешіктірмей қызмет бейіні қорғаныстық тапсырысты орындауға арналған шартқа техникалық ерекшеліктің талаптарына сәйкес келетін шетелдік өндірушілердің және/немесе олардың ресми өкілдерінің атына баға ұсыныстарына сұрау салу жібереді.
132. Уәкілетті ұйымның сұрау салуы мынадай мәліметтерді:
1) сатып алынатын тауарлардың, жұмыстардың, көрсетілетін қызметтердің атауын және оларға техникалық тапсырманы;
2) тауар санын, орындалатын жұмыстардың, көрсетілетін қызметтердің көлемін;
3) тауарды беру, жұмыстарды орындау, қызметтерді көрсету орнын;
4) тауарды берудің, жұмыстарды орындаудың, қызметтерді көрсетудің талап етілген мерзімін;
5) берілетін тауарларға (өнімге), орындалатын жұмыстарға, көрсетілетін қызметтерге талап етілетін кепілдік мерзімін;
6) ілеспе көрсетілетін қызметтер тізбесін;
7) төлеу шарттарын, соның ішінде аванстық төлем көлемін;
8) әскери және арнайы киім нысаны, айырым белгілері және жеке қорғану құралдары сатып алынған жағдайда тәжірибелік үлгілерді ұсыну қажеттігі туралы талапты;
9) өнім сапасының техникалық тапсырма талаптарына сәйкестігін растайтын құжаттарды ұсыну қажеттігі туралы талапты;
10) баға ұсыныстарын ұсыну мерзімдерінің басталуы мен аяқталуы туралы мәліметтерді қамтиды.
133. Баға ұсыныстарын ұсыну мерзімі он бес жұмыс күнінен кем болмауға тиіс.
134. Шетелдік өндірушілердің немесе олардың ресми өкілдерінің сұрау салуда көрсетілген мерзім өткеннен кейін келіп түскен, сондай-ақ уәкілетті ұйымның тиісті сұрау салуынсыз келіп түскен баға ұсыныстары қаралмайды.
135. Уәкілетті ұйымның сұрау салуында тауар белгілеріне, қызмет көрсету белгілеріне, фирмалық атауларға, патенттерге, пайдалы модельдерге, өнеркәсіптік үлгілерге, тауардың шығарылған жерінің атауына және өндірушінің атауына нұсқаулар, сондай-ақ өнімнің тиісті өндірушіге (орындаушыға) тиесілігін айқындайтын өзге де ақпарат болуы мүмкін.
Сұрау салуға қорғаныстық тапсырысты алушымен немесе уәкілетті органмен жасалған қорғаныстық тапсырысты орындауға арналған шартқа техникалық ерекшелік қоса беріледі.
136. Уәкілетті ұйымның сұрау салуына жауап ретінде шетелдік өндірушілер және/немесе олардың ресми өкілдері қорғаныстық тапсырысты орындау мерзімдері және қорғаныстық тапсырысты орындаудың өзге де талаптары туралы мәліметтерді қамтитын бір ғана баға ұсынысын ұсынады.
137. Шетелдік өндірушілердің және/немесе олардың ресми өкілдерінің баға ұсынысын ұсынуы олардың уәкілетті ұйымның сұрау салуында және техникалық ерекшелікте көзделген талаптар мен шарттарды сақтай отырып, тауарды жеткізуді жүзеге асыруға, жұмысты орындауға, қызмет көрсетуге келісім білдіру нысаны болып табылады.
138. Баға ұсыныстарын ұсыну мерзімдері өткеннен кейін уәкілетті ұйым бес жұмыс күні ішінде баға ұсыныстарын салыстырады және қорғаныстық тапсырысты орындаушыны таңдауды жүзеге асырады.
139. Уәкілетті ұйымның қорғаныстық тапсырысты орындаушыны таңдауы мынадай өлшемшарттар бойынша жүзеге асырылады:
1) өнімнің шартқа техникалық ерекшеліктің талаптарына сәйкестігі;
2) шетелдік өндіруші және/немесе оның ресми өкілі талаптарының (беру мерзімі, кепілдік мерзімі, аванстық төлем мөлшері, ілеспе қызметтер көрсету (жұмыстарды орындау) және т.б.) сұрау салудың және шарттың талаптарына сәйкестігі;
3) шетелдік өндірушінің және/немесе оның ресми өкілінің баға ұсынысының уәкілетті ұйым үшін рентабельділік ескеріле отырып бөлінген сомаға сәйкестігі;
4) қорғаныстық тапсырысты тиісінше орындау үшін шетелдік өндірушілердің ресми өкілдерінде өздерінің қаржы және еңбек ресурстарының болуы.
140. Егер шетелдік өндірушілердің және/немесе оның ресми өкілдерінің баға ұсыныстарының бәрі осы Қағидалардың 139-тармағында көрсетілген тең өлшемшарттарға сай келген жағдайда, ең төмен баға ұсынысын ұсынған шетелдік өндіруші және/немесе оның ресми өкілі орындаушы деп танылады.
141. Егер ең төмен баға ұсынысын бірнеше шетелдік өндіруші (олардың ресми өкілдері) ұсынған жағдайда, уәкілетті ұйым қорғаныстық тапсырысты орындаушыны таңдауды мынадай қосымша өлшемшарттар бойынша жүзеге асырады:
1) сатып алынатын өнім нарығында оң жұмыс тәжірибесінің болуы;
2) шарттар (жеткізу мерзімі, кепілдік мерзімі, технологиялық шешімдер, пайдаланылатын материалдар, аванстық төлем мөлшері, ілеспе қызметтер көрсету (жұмыстарды орындау) және т.б.) қалған әлеуетті орындаушылардың шарттарымен салыстырғанда ең жақсы болып табылады.
142. Егер баға ұсыныстарын ұсыну мерзімі ішінде сұрау салу талаптарына сәйкес келетін бір ғана баға ұсынысы ұсынылса, уәкілетті ұйым осы баға ұсынысын ұсынған әлеуетті орындаушымен қорғаныстық тапсырысты орындауға шарт жасасады.
143. Әлеуетті орындаушының баға ұсынысы мынадай жағдайларда:
1) егер баға ұсынысы уәкілетті ұйымның рентабельділігін ескере отырып қорғаныстық тапсырыста көзделген сомадан асып кетсе;
2) егер әлеуетті орындаушының ұсынысы сұрау салу талаптарына сәйкес келмесе, қайтаруға жатады.
144. Баға ұсыныстарын салыстыру нәтижелері бойынша уәкілетті ұйым орындаушыны таңдайды және онымен қорғаныстық тапсырысты орындауға келісімшарт жасасады.
145. Уәкілетті орган мен баға ұсыныстарына сұрау салу арқылы айқындалған орындаушылар арасында келісімшарттар жасасу рәсімдері уәкілетті ұйыммен немесе қорғаныстық тапсырысты алушымен шарт жасасқан күннен бастап күнтізбелік алпыс күннен аспауға тиіс.
146. Осы Қағидалардың 145-тармағында көзделген мерзімде шарт жасасу мүмкін болмаған жағдайда уәкілетті ұйым уәкілетті органның және/немесе қорғаныстық тапсырысты алушының мекенжайына келісімшарт жасасудың кідіруінің себептері және болжамды мерзімдері туралы хабарлама жібереді.
147. Уәкілетті ұйымның хабарламасы негізінде уәкілетті орган және/немесе қорғаныстық тапсырысты алушы мынадай шешімдердің бірін қабылдайды:
1) уәкілетті ұйым мен орындаушы арасындағы келісімшарт жасасу мерзімдерін ұзарту;
2) шартқа қосымша келісімге қол қою арқылы шартқа техникалық ерекшелікті қайта қарау және уәкілетті ұйым мен орындаушы арасындағы шарт жасасу мерзімін ұзарту;
3) қорғаныстық тапсырыстан тиісті қорғаныстық тапсырыс өнімін алып тастау.
8-тарау. Рекламация жөніндегі комиссияның жұмыс тәртібі
148. Алушылар қорғаныстық тапсырыс өнімінің жұмыс істемеу себептерін белгілеу мақсатында алушының, уәкілетті органның, орындаушының өкілдері және әскери өкілдер қатысатын (қорғаныстық тапсырыстың орындалуын бақылау жүзеге асырылған жағдайларда) бірлескен комиссия (бұдан әрі – рекламация жөніндегі комиссия) құрады.
149. Рекламация жөніндегі комиссия:
1) бұйымды пайдалану кезінде пайдалану құжаттамасы талаптарының орындалуын (жұмыс режимі, қолданылатын жанар-жағармай материалдары, тексерулердің, регламенттік жұмыстардың уақтылы орындалуы және пайдалану құжаттамасының өзге де талаптары), формуляр мен паспортты жүргізу тәртібін тексереді;
2) егер бюллетеньдер шығарылған болса, олар бойынша пайдалану құжаттамасына (оның ішінде формуляр немесе паспорт) пысықтау жүргізілген-жүргізілмегенін, оларға өзгерістер енгізілген-енгізілмегенін анықтайды;
3) ақаудың сыртқы көрінісін анықтайды және істен шыққан жинақтаушы бұйымдарды анықтайды;
4) қорғаныстық тапсырыс өнімі ақауының сипатын және қажет болған жағдайда жинақтаушы бұйымның ақауын (өндірістік, конструктивтік, пайдалану), сондай-ақ оның туындау себептерін анықтау үшін зерттеулер жүргізеді;
5) қажет болған жағдайда, егер оны алушының аумағында бір жақты айқындау мүмкін болмаса, ақаулардың нақты себептері мен сипатын анықтау үшін қорғаныстық тапсырыс өнімдерін одан әрі зерттеу тәртібін айқындайды;
6) бұйымды тікелей алушының аумағында қалпына келтіру мүмкіндігін немесе орындаушының аумағындағы ақауларды жоюды (қорғаныстық тапсырыс өнімдерін жөндеуді) жүргізу қажеттігін анықтайды.
150. Қорғаныстық тапсырыс өнімдерін қарау нәтижелері бойынша рекламация жөніндегі комиссия рекламацияны қарау жөнінде қорытынды жасайды.
Рекламация жөніндегі комиссияның қорытындысы алушы мен орындаушы үшін міндетті болып табылады.
151. Қорғаныстық тапсырыстың өнімін қарап-тексеру нәтижелері бойынша өнім орындаушының кінәсінен істен шыққаны анықталған жағдайда, сондай-ақ рекламацияны алушының аумағында қанағаттандыру мүмкін болған жағдайда немесе ақауларды жою (өнімді жөндеу) үшін қорғаныстық тапсырыс өнімін алушы аумағының шегінен тыс жерге әкету қажет болғанда не ақаулы тапсырыстың орнына қорғаныстық тапсырыстың жаңа өнімін тиеп-жөнелту қажет болған жағдайда орындаушы рекламация жөніндегі комиссияның қорытындысына қол қойылған кезден бастап отыз жұмыс күні ішінде зауыттық жағдайларда ақауларды жояды (өнімді жөндейді) не қорғаныстық тапсырыстың жаңа өнімін тиеп жөнелтуді жүргізеді.
152. Ақауларды жою (өнімді жөндеу) үшін қорғаныстық тапсырыс өнімін Қазақстан Республикасынан тыс жерлерге әкету не ақауларды жою (өнімді жөндеу) үшін қажетті жиынтықтаушы бөлшектерді сатып алуды жүзеге асыру қажет болған жағдайда орындаушы ақауларды зауыттық жағдайларда жояды (өнімді жөндеуді жүргізеді) не рекламация жөніндегі комиссияның қорытындысына қол қойылған кезден бастап бір жүз жиырма жұмыс күні ішінде қорғаныстық тапсырыстың жаңа өнімін жеткізеді.
153. Рекламацияны қанағаттандыру мерзімдерін бұзғаны үшін орындаушыға қорғаныстық тапсырысты орындауға арналған шартта белгіленгендей жауаптылық жүктеледі.
9-тарау. Қорытынды ережелер
154. Қазақстан Республикасының заңдарында көзделген жағдайларды қоспағанда, қаражат алушыда болғанда алушы тоқсан сайын, есепті кезеңнен кейінгі айдың 25-күнінен кешіктірмей уәкілетті органға қорғаныстық тапсырыс іс-шараларының орындалуы, сондай-ақ қорғаныстық тапсырысты орындау кезінде мерзімдердің бұзылуы туралы есепті және жыл сайын 25 наурыздан кешіктірмей уәкілетті органға қорғаныстық тапсырыстың орындалуы туралы, сондай-ақ қорғаныстық тапсырыс тапсырмаларының орындалмауының барлық фактілері туралы осы Қағидаларға 5-қосымшаға сәйкес нысан бойынша жылдық есептерді ұсынады.
155. Уәкілетті орган жыл сайын 15 сәуірден кешіктірмей Қазақстан Республикасының Үкіметіне мемлекеттік қорғаныстық тапсырыстың орындалуы туралы, сондай-ақ қорғаныстық тапсырыс тапсырмаларының орындалмауының барлық фактілері туралы жылдық есепті ұсынады.
156. Қазақстан Республикасының қорғаныс өнеркәсібі және мемлекеттік қорғаныстық тапсырыс туралы заңнамасын бұзу Қазақстан Республикасының заңдарында белгіленген жауаптылыққа әкеп соқтырады.
157. Уәкілетті органның 2020 жылғы 28 тамыздағы № 448-қбпү бұйрығымен бекітілген бұрын қолданыста болған тізілім осы Қағидалардың талаптарына сәйкес жаңа тізілім бекітілгеннен сәттен бастап өз күшін жояды.
158. Қажет болған жағдайда уәкілетті орган, алушылар және арнаулы мемлекеттік органдар мемлекеттік қорғаныстық тапсырысты қалыптастыру, орналастыру және орындау жөніндегі құрылымдық бөлімшелер арасындағы өзара іс-қимыл процестерін регламенттейтін (нақтылайтын) ішкі ведомстволық құжаттарды әзірлейді.
Мемлекеттік қорғаныстық тапсырыс құрамына кіретін әскери мақсаттағы тауарларды (өнімді), қосарланған мақсаттағы (қолданыстағы) тауарларды (өнімді), әскери мақсаттағы жұмыстар мен әскери мақсаттағы көрсетілетін қызметтерді сатып алуға 20___ - 20 ___ жылдарға арналған өтінім _________________________________________________________________ (мемлекеттік тапсырыс беруші)
| Р/с № | Қорғаныстық тапсырыс өнімі | Өлшем бірлігі | Саны | Болжамды құны, мың теңге | Орындау мерзімі | Орындаушы |
|---|---|---|---|---|---|---|
| 1 | 2 | 3 | 4 | 5 | 6 | 7 |
1-бөлім
Қару-жарақты, əскери, автомобиль және арнайы техниканы, арнайы құралдарды, оларға қосалқы бөлшектер мен жиынтықтауыштарды әзірлеу, өндіру (құрастыру), беру, жаңғырту.
____________________________________________________________
____________________________________________________________
Жиыны
2-бөлім
Қару-жарақты, әскери, автомобиль және арнайы техниканы жөндеу, оларға техникалық және регламенттелген техникалық қызмет көрсету, техникалық қолдап отыру, техникалық куәландыру және диагностикалау.
____________________________________________________________
____________________________________________________________
Жиыны
3-бөлім
Техникалық құралдарды әзірлеу, жаңғырту, өндіру (құрастыру), беру, монтаждау, жөндеу, оларға техникалық қызмет көрсету және қолдап отыру, техникалық куәландыру және диагностикалау.
____________________________________________________________
____________________________________________________________
Жиыны
4-бөлім
Пайдаланылмайтын қару-жарақты, әскери техниканы, техникалық және арнайы құралдарды құртып жіберу, кəдеге жарату, көму арқылы жою және қайта өңдеу.
____________________________________________________________
____________________________________________________________
Жиыны
5-бөлім
Қазақстан Республикасы Қарулы Күштерінің, басқа да əскерлер мен əскери құралымдардың əскери қызметшілері жəне Қазақстан Республикасы арнаулы мемлекеттік органдарының, азаматтық қорғау органдарының қызметкерлері үшін заттай және арнайы мүлікті, жеке қорғану құралдарын өндіру.
____________________________________________________________
____________________________________________________________
Жиыны
6-бөлім
Ғылыми зерттеулер;
____________________________________________________________
____________________________________________________________
Жиыны
7-бөлім
Қорғаныс объектілерінің жобалау-сметалық құжаттамасын әзірлеу, оларды салу және күрделі жөндеу.
____________________________________________________________
____________________________________________________________
Жиыны
8-бөлім
Қаптаманы өндіру, әзірлеу және беру
____________________________________________________________
____________________________________________________________
Жиыны
9-бөлім
Әскери мақсаттағы тауарларды (өнімдерді), қосарланған мақсаттағы (қолданыстағы) тауарларды (өнімдерді) мемлекеттік материалдық резервке беру.
____________________________________________________________
____________________________________________________________
Жиыны
10-бөлім
Қорғаныс мақсаттарында ғарыш жүйелері мен ғарыш объектілерін әзірлеу, жаңғырту, өндіру, беру, монтаждау, жөндеу, оларға техникалық қызмет көрсету және қолдап отыру, техникалық куәландыру және диагностикалау, техникалық пайдалану және кәдеге жарату.
____________________________________________________________
____________________________________________________________
Жиыны
11-бөлім
Қорғаныс мақсаттарында ғарыштық және спутниктік навигациялық көрсетілетін қызметтер.
____________________________________________________________
____________________________________________________________
Жиыны
12-бөлім
Автоматтандырылған басқару жүйелері кешендерін, сондай-ақ оларға қосалқы бөлшектер мен жиынтықтауыштарды әзірлеу, өндіру, беру, оларға техникалық қызмет көрсету, жөндеу, жаңғырту, техникалық қолдап отыру.
____________________________________________________________
____________________________________________________________
Жиыны
| Мемлекеттік қорғаныстық тапсырысты қалыптастыру, орналастыру және орындау қағидаларына | |
| 2-қосымша | |
| Құпия (толтырылған соң) | |
| Қазақстан Республикасы | |
| Үкіметінің | |
| 20 жылғы | |
| № қаулысымен | |
| бекітілген |
20__-20__жылдарға арналған мемлекеттік қорғаныстық тапсырыс ______________________________________ (мемлекеттік тапсырыс беруші)
| Р/с № | Қорғаныстық тапсырыс өнімі | Өлшем бірлігі | Саны | Болжамды құны, мың теңге | Орындау мерзімі | Орындаушы |
|---|---|---|---|---|---|---|
| 1 | 2 | 3 | 4 | 5 | 6 | 7 |
1-бөлім
Қару-жарақты, əскери, автомобиль және арнайы техниканы, арнайы құралдарды, оларға қосалқы бөлшектер мен жиынтықтауыштарды әзірлеу, өндіру (құрастыру), беру, жаңғырту.
____________________________________________________________
____________________________________________________________
Жиыны
2-бөлім
Қару-жарақты, әскери, автомобиль және арнайы техниканы жөндеу, оларға техникалық және регламенттелген техникалық қызмет көрсету, техникалық қолдап отыру, техникалық куәландыру және диагностикалау.
____________________________________________________________
____________________________________________________________
Жиыны
3-бөлім
Техникалық құралдарды әзірлеу, жаңғырту, өндіру (құрастыру), беру, монтаждау, жөндеу, оларға техникалық қызмет көрсету және қолдап отыру, техникалық куәландыру және диагностикалау.
____________________________________________________________
____________________________________________________________
Жиыны
4-бөлім
Пайдаланылмайтын қару-жарақты, әскери техниканы, техникалық және арнайы құралдарды құртып жіберу, кəдеге жарату, көму арқылы жою және қайта өңдеу.
____________________________________________________________
____________________________________________________________
Жиыны
5-бөлім
Қазақстан Республикасы Қарулы Күштерінің, басқа да əскерлер мен əскери құралымдардың əскери қызметшілері жəне Қазақстан Республикасы арнаулы мемлекеттік органдарының, азаматтық қорғау органдарының қызметкерлері үшін заттай және арнайы мүлікті, жеке қорғану құралдарын өндіру.
____________________________________________________________
____________________________________________________________
Жиыны
6-бөлім
Ғылыми зерттеулер.
____________________________________________________________
____________________________________________________________
Жиыны
7-бөлім
Қорғаныс объектілерінің жобалау-сметалық құжаттамасын әзірлеу, оларды салу және күрделі жөндеу.
____________________________________________________________
____________________________________________________________
Жиыны
8-бөлім
Қаптаманы өндіру, әзірлеу және беру.
____________________________________________________________
____________________________________________________________
Жиыны
9-бөлім
Әскери мақсаттағы тауарларды (өнімдерді), қосарланған мақсаттағы (қолданыстағы) тауарларды (өнімдерді) мемлекеттік материалдық резервке беру.
____________________________________________________________
____________________________________________________________
Жиыны
10-бөлім
Қорғаныс мақсаттарында ғарыш жүйелері мен ғарыш объектілерін әзірлеу, жаңғырту, өндіру, беру, монтаждау, жөндеу, оларға техникалық қызмет көрсету және қолдап отыру, техникалық куәландыру және диагностикалау, техникалық пайдалану және кәдеге жарату.
____________________________________________________________
____________________________________________________________
Жиыны
11-бөлім
Қорғаныс мақсаттарында ғарыштық және спутниктік навигациялық көрсетілетін қызметтер.
____________________________________________________________
____________________________________________________________
Жиыны
12-бөлім
Автоматтандырылған басқару жүйелері кешендерін, сондай-ақ оларға қосалқы бөлшектер мен жиынтықтауыштарды әзірлеу, өндіру, беру, оларға техникалық қызмет көрсету, жөндеу, жаңғырту, техникалық қолдап отыру.
____________________________________________________________
____________________________________________________________
Жиыны
| Мемлекеттік қорғаныстық тапсырысты қалыптастыру, орналастыру және орындау қағидаларына 3-қосымша |
|
| Қызмет бабында пайдалану үшін (толтырылған соң) |
Әскери мақсаттағы тауарларды (өнімді), қосарланған мақсаттағы (қолданыстағы) тауарларды (өнімді) отандық өндірушілердің және әскери мақсаттағы жұмыстар мен әскери мақсаттағы көрсетілетін қызметтерді отандық берушілердің тізілімі
| Р/с № | Заңды тұлғаның атауы | Тіркелген жері | Өндіру/қызмет көрсету орны | Қызмет бағыты | Тізілімге енгізу туралы бұйрықтың күні мен нөмірі | Тізілімнен алып тастау туралы бұйрықтың күні мен нөмірі |
|---|---|---|---|---|---|---|
| 1 | 2 | 3 | 4 | 5 | 6 | |
1 |
1-бөлім | |||||
2 |
2-бөлім | |||||
3 |
3-бөлім | |||||
4 |
4-бөлім | |||||
5 |
5-бөлім | |||||
6 |
6-бөлім | |||||
7 |
7-бөлім | |||||
8 |
8-бөлім | |||||
9 |
9-бөлім | |||||
10 |
10-бөлім | |||||
11 |
11-бөлім | |||||
12 |
12-бөлім | |||||
| Мемлекеттік қорғаныстық тапсырысты қалыптастыру, орналастыру және орындау қағидаларына | |
| 4-қосымша |
Мемлекеттік қорғаныстық тапсырыстың әскери мақсаттағы тауарларын (өнімін), қосарланған мақсаттағы (қолданыстағы) тауарларын (өнімін) отандық өндірушілер және әскери мақсаттағы жұмыстар мен әскери мақсаттағы көрсетілетін қызметтерді отандық берушілер тізіліміне енгізу туралы өтінім
Кімнен __________________________________________________________
_____________________________________________________________
(заңды тұлғаның атауы)
__________________________________________________ бағыты бойынша
Өтініш беруші туралы мәліметтер:
1) ұйымдық-құқықтық нысаны __________________________________;
2) бірінші басшының Т.А.Ә. және байланыс телефондары ___________;
3) заңды мекенжайы ___________________________________________;
4) өндірістің мекенжайы _______________________________________;
5) электрондық мекенжайы_____________________________________;
6) БСН ______________________________________________________;
7) банк деректемелері__________________________________________;
Өтінімге қоса берілетін құжаттар:
1) ___________________________________________________________;
2) ___________________________________________________________;
3) ___________________________________________________________;
(заңды тұлғаның атауы және басшының немесе сенімхат негізінде (сенімхат нөмірі және берілген күні) әрекет ететін заңды тұлға өкілінің Т.А.Ә.)
20 __ жылғы "____" ____________
М.О. (бар болса)
| Мемлекеттік қорғаныстық тапсырысты қалыптастыру, орналастыру және орындау қағидаларына | |
| 5-қосымша | |
| Құпия (толтырылған соң) |
Мемлекеттік қорғаныстық тапсырыстың орындалуы туралы есеп
|
Р/с № | Шарттың күні және № | Шарттың мәні (қорғаныстық тапсырыс өнімінің атауы) | Өлшем бірлігі | Саны | Шарттың жалпы сомасы, теңге | 20 __ жылғы сома | 20 __ жылғы сома | 20 __ жылғы сома | Орындау мерзімі | Орындаушы | Ескертпе |
|---|---|---|---|---|---|---|---|---|---|---|---|
Мемлекеттік қорғаныстық тапсырыстың орындалмау фактілері туралы есеп
| Р/с № | Шарттың күні және № | Шарттың мәні (қорғаныстық тапсырыс өнімінің атауы) | Өлшем бірлігі | Саны | Шарттың жалпы сомасы, теңге | 20 __жылғы сома | 20 __жылғы сома | 20 __ жылғы сома | Іс жүзіндегі | Ор-ындау мерзімі | Ор-ындаушы | Орындалмау себептері (негіздемемен) | Орындалмау фактісі бойынша қабылданған шаралар | |
|---|---|---|---|---|---|---|---|---|---|---|---|---|---|---|
| игерілген | игерілмеген | |||||||||||||
