Қазақстан Республикасының Үкіметі ҚАУЛЫ ЕТЕДІ:
"Қазақстан Республикасының Әкімшілік құқық бұзушылық туралы кодексіне жануарларға жауапкершілікпен қарау мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.
|
Қазақстан Республикасының Премьер-Министрі |
А. Мамин |
| Жоба |
ҚАЗАҚСТАН РЕСПУБЛИКАСЫНЫҢ ЗАҢЫ Қазақстан Республикасының Әкімшілік құқық бұзушылық туралы кодексіне жануарларға жауапкершілікпен қарау мәселелері бойынша өзгерістер мен толықтырулар енгізу туралы
1-бап. 2014 жылғы 5 шілдедегі Қазақстан Республикасының Әкімшілік құқық бұзушылық туралы кодексіне мынадай өзгерістер мен толықтырулар енгізілсін:
1) мынадай мазмұндағы 407-1 және 407-2-баптармен толықтырылсын:
"407-1-бап. Жануарларға қатыгездікпен қарау
1. Қылмыстық жазаланатын іс-әрекет белгілері жоқ жануарларға қатыгездікпен қарау –
жеке тұлғаларға – бес, лауазымды адамдарға – он айлық есептік көрсеткіш мөлшерінде айыппұл салуға әкеп соғады.
2. Әкімшілік жаза қолданылғаннан кейін бір жыл ішінде қайталап жасалған дәл сол іс-әрекет –
жеке тұлғаларға – жиырма, лауазымды адамдарға – қырық айлық есептік көрсеткіш мөлшерінде айыппұл салуға әкеп соғады.
407-2-бап. Жануарларға қарау саласындағы заңнаманы бұзу
1. Үйде ұсталатын және қаңғыбас иттер мен мысықтарды аулау, ұстау, есепке алу, серуендету, тасымалдау, өлтіру қағидаларын бұзу –
жеке тұлғаларға – он, лауазымды адамдарға – жиырма, заңды тұлғаларға – отыз айлық есептік көрсеткіш мөлшерінде айыппұл салуға әкеп соғады.
2. Осы баптың бірінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер –
жеке тұлғаларға – жиырма, лауазымды адамдарға – отыз, заңды тұлғаларға – қырық айлық есептік көрсеткіш мөлшерінде айыппұл салуға әкеп соғады.";
2) 408-бап мынадай редакцияда жазылсын:
"408-бап. Ауыл шаруашылығы жануарларын жаю қағидаларын бұзу
1. Облыстардың, республикалық маңызы бар қалалардың және астананың жергілікті өкілді органдары белгілеген ауыл шаруашылығы жануарларын жаю қағидаларын бұзу –
үш айлық есептік көрсеткіш мөлшерінде айыппұл салуға әкеп соғады.
2. Жеке тұлғалардың мүлкіне залал келтіруге әкеп соққан дәл сол әрекеттер – он айлық есептік көрсеткіш мөлшерінде айыппұл салуға әкеп соғады.";
3) 685-баптың бірінші бөлігі "396 (бірінші бөлігінде)," деген сөздерден кейін "407-2," деген цифрлармен толықтырылсын;
4) 709-бапта:
бірінші бөлік "396 (бірінші бөлігінде)," деген сөздерден кейін "407-1, 407-2 және 408," деген цифрлармен толықтырылсын;
екінші бөлікте:
1) тармақша "396 (бірінші бөлігінде)," деген сөздерден кейін "407-1, 407-2 және 408," деген цифрлармен толықтырылсын;
2), 3) 4) тармақшалар "388" деген цифрлардан кейін ", 407-1, 407-2 және 408" деген цифрлармен толықтырылсын;
5) 729-бапта:
бірінші бөлік "405," деген цифрлардан кейін "407-1, 407-2 және 408" деген цифрлармен толықтырылсын;
үшінші бөлік "386," деген цифрлардан кейін "407-1, 407-2," деген цифрлармен толықтырылсын.
2-бап. Осы Заң алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Президенті |
