"Қазақстан Республикасы Индустрия және инфрақұрылымдық даму министрлігінің кейбір мәселелері және Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы" Қазақстан Республикасы Үкіметінің 2018 жылғы 29 желтоқсандағы № 936 қаулысына өзгерістер енгізу туралы

Күшін жойған

Қазақстан Республикасы Үкіметінің 2022 жылғы 27 маусымдағы № 440 қаулысы. Күші жойылды - Қазақстан Республикасы Үкіметінің 2023 жылғы 4 қазандағы № 862 қаулысымен

Ескерту. Күші жойылды - ҚР Үкіметінің 04.10.2023 № 862 қаулысымен.

Қазақстан Республикасының Үкіметі ҚАУЛЫ ЕТЕДІ:

1. "Қазақстан Республикасы Индустрия және инфрақұрылымдық даму министрлігінің кейбір мәселелері және Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы" Қазақстан Республикасы Үкіметінің 2018 жылғы 29 желтоқсандағы № 936 қаулысына мынадай өзгерістер енгізілсін:

6-тармақ мынадай редакцияда жазылсын:

"6. Осы қаулы "Жер қойнауы және жер қойнауын пайдалану туралы" Қазақстан Республикасының Кодексіне сәйкес 2026 жылғы 1 қаңтарға дейін қолданыста болатын Ереженің 15-тармағының 250) тармақшасын қоспағанда, қол қойылған күнінен бастап қолданысқа енгізіледі.";

көрсетілген қаулымен бекітілген Қазақстан Республикасының Индустрия және инфрақұрылымдық даму министрлігі туралы ереже осы қаулыға қосымшаға сәйкес жаңа редакцияда жазылсын.

2. Осы қаулы қол қойылған күнінен бастап қолданысқа енгізіледі.

Қазақстан Республикасының Премьер-Министрі

Ә. Смайылов

	Қазақстан Республикасы Үкіметінің 2022 жылғы 27 маусымдағы № 440 қаулысына қосымша
	Қазақстан Республикасы Үкіметінің 2018 жылғы 29 желтоқсандағы № 936 қаулысымен бекітілген

Қазақстан Республикасының Индустрия және инфрақұрылымдық даму министрлігі туралы ереже

1-тарау. Жалпы ережелер

1. Қазақстан Республикасының Индустрия және инфрақұрылымдық даму министрлігі (бұдан әрі – Министрлік) индустрия және индустриялық даму; өнеркәсіп; тау-кен металлургия кешені; елішілік құндылықты дамыту; машина жасау; көмір, химия, жеңiл, ағаш өңдеу және жиһаз өнеркәсiбi; құрылыс индустриясы және құрылыс материалдарының өндiрiсi; машиналар мен жабдықтардың қауiпсiздiгi; салалық бағытталуына сәйкес химия өнiмiнiң қауiпсiздiгi; экспорттық бақылау; энергия үнемдеу және энергия тиімділігін арттыру; бағалы металдар өндірісін және бағалы металдар мен асыл тастар айналымын реттеу; құрамында бағалы металдар бар шикізат тауарлары; зергерлік және басқа да бұйымдар; арнайы экономикалық аймақтардың құрылуы, жұмыс істеуі және таратылуы; уран өндіруді қоспағанда, қатты пайдалы қазбалар бөлiгiнде жер қойнауын пайдалануды мемлекеттiк басқару; теміржол, автомобиль, ішкі су көлігі, сауда мақсатында теңізде жүзу салаларында; Қазақстан Республикасының әуе кеңiстiгiн пайдалану мен азаматтық және эксперименттiк авиация қызметi саласында; аэронавигация мен әуежайлардың көрсетілетін қызметтері саласындағы табиғи монополиялар; әуежайлардың көрсетілетін қызметтері саласындағы қоғамдық маңызы бар нарықтарында; автомобиль жолдары; сәулет, қала құрылысы және құрылыс қызметі; тұрғын үй қатынастары; коммуналдық шаруашылық; елді мекендер шегінде сумен жабдықтау және су бұру, жылумен жабдықтау (орталықтандырылған жылумен жабдықтау аймағында жылу энергиясын өндіруді жүзеге асыратын жылу электр орталықтары мен қазандықтардан басқа) саласындағы мемлекеттік реттеу; тұрғын үй құрылысына үлестік қатысу; қорғаныс өнеркәсібі, бірыңғай әскери-техникалық саясатты жүргізуге қатысу; әскери-техникалық ынтымақтастықты жүзеге асыру; мемлекеттік қорғаныстық тапсырысты қалыптастыру, орналастыру және орындау салаларында басшылықты жүзеге асыратын Қазақстан Республикасының мемлекеттік органы болып табылады.

2. Министрліктің мынадай ведомстволары бар:

1) Қазақстан Республикасының Индустрия және инфрақұрылымдық даму министрлігінің Индустриялық даму комитеті;

2) Қазақстан Республикасының Индустрия және инфрақұрылымдық даму министрлігінің Автомобиль жолдары комитеті;

3) Қазақстан Республикасының Индустрия және инфрақұрылымдық даму министрлігінің Азаматтық авиация комитеті;

4) Қазақстан Республикасының Индустрия және инфрақұрылымдық даму министрлігінің Көлік комитеті;

5) Қазақстан Республикасының Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті;

6) Қазақстан Республикасының Индустрия және инфрақұрылымдық даму министрлігінің Мемлекеттік қорғаныстық тапсырыс комитеті.

3. Министрлік өз қызметiн Қазақстан Республикасының Конституциясы мен заңдарына, Қазақстан Республикасының Президентi мен Үкiметiнiң актiлерiне, өзге де нормативтiк құқықтық актiлерге, сондай-ақ осы Ережеге сәйкес жүзеге асырады.

4. Министрлік мемлекеттік мекеме ұйымдық-құқықтық нысанындағы заңды тұлға болып табылады, оның Қазақстан Республикасының Мемлекеттік Елтаңбасы бейнеленген мөрі және мемлекеттік тілде атауы жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары болады.

5. Министрлік азаматтық-құқықтық қатынастарға өз атынан түседі.

6. Министрліктің, егер Қазақстан Республикасының заңнамасына сәйкес бұған уәкілеттік берілген болса, мемлекет атынан азаматтық-құқықтық қатынастардың тарапы болуға құқығы бар.

7. Министрлік өз құзыретінің мәселелері бойынша заңнамада белгіленген тәртіппен Министрлік басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.

8. Министрліктің құрылымы мен штат санының лимиті Қазақстан Республикасының заңнамасына сәйкес бекітіледі.

9. Министрліктің орналасқан жері: Қазақстан Республикасы, 010000, Нұр-Сұлтан қаласы, Есіл ауданы, Қабанбай батыр даңғылы, 32/1, "Транспорт Тауэр" ғимараты.

10. Осы Ереже Министрліктің құрылтай құжаты болып табылады.

11. Министрліктің қызметін қаржыландыру Қазақстан Республикасының заңнамасына сәйкес республикалық бюджеттен жүзеге асырылады.

12. Министрлікке кәсіпкерлік субъектілерімен Министрліктің өкілеттіктері болып табылатын міндеттерді орындау тұрғысынан шарттық қатынастарға түсуге тыйым салынады.

Егер Министрлікке заңнамалық актілермен кіріс әкелетін қызметті жүзеге асыру құқығы берілсе, егер Қазақстан Республикасының заңнамасында өзгеше белгіленбесе, онда алынған кірістер мемлекеттік бюджетке жіберіледі.

2-тарау. Министрліктің міндеттері мен өкілеттіктері

13. Міндеттері:

1) өнеркәсіп; елішілік құндылықты дамыту; тау-кен металлургия кешені; машина жасау; көмір, химия, жеңiл, ағаш өңдеу және жиһаз өнеркәсiбi; құрылыс индустриясы және құрылыс материалдарының өндiрiсi; салалық бағытталуына сәйкес машиналар мен жабдықтардың қауiпсiздiгi және химия өнiмiнiң қауiпсiздiгi; экспорттық бақылау; энергия үнемдеу және энергия тиімділігін арттыру; бағалы металдар өндірісі және бағалы металдар мен асыл тастар айналымы; құрамында бағалы металдар бар шикізат тауарлары; зергерлік және басқа да бұйымдар; арнайы экономикалық аймақтардың құрылуы, жұмыс істеуі және таратылуы; уран өндіруді қоспағанда, қатты пайдалы қазбалар бөлiгiнде жер қойнауын пайдалануды мемлекеттiк басқару; теміржол көлігі, автомобиль көлігі, ішкі су көлігі, сауда мақсатында теңізде жүзу салаларында; Қазақстан Республикасының әуе кеңiстiгiн пайдалану мен азаматтық және эксперименттiк авиация қызметi саласында; автомобиль жолдары; сәулет, қала құрылысы және құрылыс қызметі; тұрғын үй қатынастары; коммуналдық шаруашылық; елді мекендер шегінде сумен жабдықтау және су бұру, жылумен жабдықтау (орталықтандырылған жылумен жабдықтау аймағында жылу энергиясын өндіруді жүзеге асыратын жылу электр орталықтары мен қазандықтардан басқа); тұрғын үй құрылысына үлестік қатысу; қорғаныс өнеркәсібі салаларында мемлекеттік саясатты қалыптастыруға және iске асыруға қатысу;

2) Министрліктің құзыретiне кіретін қызмет саласында мемлекеттiк органдарды салааралық үйлестiрудi жүзеге асыру;

3) көліктің және оның өміршеңдік циклі процестерінің адамның өмірі мен денсаулығына және қоршаған ортаға қауіпсіздігін қамтамасыз ету;

4) көлік саласында инвестициялық, ғылыми-техникалық және әлеуметтік саясатты қалыптастыру және жүргізу;

5) мемлекеттің және халықтың тасымалдауға мұқтаждығының болжамдарын әзірлеу;

6) көлік саласында Қазақстан Республикасының мүддесін қорғау;

7) экономиканың және республика халқының тасымалдауға, оның ішінде әлеуметтік маңызы бар жолаушылар тасымалына және олармен байланысты көрсетілетін қызметтерге қажеттіліктерін қамтамасыз ету үшін жағдайлар жасау;

8) жолаушылар тасымалын жүзеге асыру кезінде ақпараттық-коммуникациялық технологияларды қоса алғанда, жаңа технологияларды, мүгедектер үшін бейімделген құрылғылар мен технологиялардың ұтқырлығын жеңілдететін құралдарды пайдалану;

9) жолаушылар тасымалын жүзеге асыратын көлік жұмыскерлерін мүгедектермен қарым-қатынас жасау және оларға қызмет көрсету дағдыларына, оның ішінде ымдау тіліне үйрету;

10) көлiк қызметiн пайдаланушылар құқықтарының сақталуын бақылау және қадағалау;

11) Қазақстан Республикасы көлiк кешенi қызметiнiң жұмысын үйлестiру және мемлекеттiк реттеу функцияларын жүзеге асыру;

12) реттелетiн салаларда мемлекеттік бақылауды жүзеге асыру;

13) реттелетiн салаларда мемлекеттiк басқару;

14) қызметкерлерді жұмысқа қабылдау және ілгерілету кезінде гендерлік теңгерімді сақтау;

15) қорғаныстық-өнеркәсіптік кешеннің тиімді жүйесін құру;

16) Қазақстан Республикасының Қарулы Күштерін, басқа да әскерлер мен әскери құралымдарды, Қазақстан Республикасының арнаулы мемлекеттік және құқық қорғау органдарын қазіргі заманғы әскери мақсаттағы тауарлармен (өнімдермен), қосарланған мақсаттағы (қолданыстағы) тауарлармен (өнімдермен), әскери мақсаттағы жұмыстармен және әскери мақсаттағы көрсетілетін қызметтермен қамтамасыз ету;

17) қорғаныстық-өнеркәсіптік кешен ұйымдарының ғылыми-технологиялық және өндірістік әлеуетін өнеркәсіптің азаматтық салаларында пайдалану;

18) мемлекетте қорғаныс қабілетін, қауіпсіздік пен құқықтық тәртіпті арттыру және нығайту мүдделерінде қару-жарақтың, әскери және арнайы техниканың қазіргі заманғы түрлерін жасауды қамтамасыз ету;

19) қорғаныстық-өнеркәсіптік кешен ұйымдарының экспорттық әлеуетін қолдау және одан әрі дамыту;

20) қолданбалы зерттеулерді және тәжірибелік-конструкторлық жұмыстарды дамыту және оларды одан әрі коммерцияландыру;

21) бірыңғай әскери-техникалық саясатты жүргізуге қатысу және әскери-техникалық ынтымақтастықты жүзеге асыру;

22) мемлекеттік қорғаныстық тапсырысты қалыптастыру, орналастыру және орындау саласында басшылық ету;

23) өз құзыретi шегiнде Министрлікке жүктелген өзге де мiндеттердi жүзеге асыру.

14. Өкілеттіктері:

1) құқықтары:

өз құзыреті шегінде орындауға міндетті құқықтық актілерді қабылдайды;

заңнамада белгіленген тәртіппен мемлекеттік органдардан, ұйымдардан, олардың лауазымды адамдарынан қажетті ақпарат пен материалдарды сұратады және алады;

өз құзыреті шегінде консультативтік-кеңесші және сарапшылық комиссиялар құрады;

Қазақстан Республикасының заңнамалық актілерінде белгіленген коммерциялық және заңмен қорғалатын өзге де құпияны құрайтын мәліметтерді жария етуге қойылатын талаптарды сақтай отырып, мемлекеттік органдардан, өзге де ұйымдардың лауазымды адамдарынан және жеке тұлғалардан Министрлікке жүктелген функцияларды жүзеге асыру үшін қажетті ақпаратты сұратады және алады;

өз құзыреті шегінде мемлекеттік органдарға олар қабылдаған, Қазақстан Республикасының заңнамасын бұзатын актілердің күшін жою немесе өзгерту туралы ұсыныстар енгізеді;

орталық және жергілікті атқарушы органдардың басшыларымен реттелетін саладағы қызметтің түпкілікті нәтижелеріне қол жеткізуге бағытталған меморандумдар (келісімдер) жасасады;

Қазақстан Республикасының Президентіне және Үкіметіне Министрлік реттейтін салалардағы қызметті жетілдіру бойынша ұсыныстар енгізеді;

Қазақстан Республикасының заңнамалық актілерінде, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады;

2) міндеттері:

өз құзыреті шегінде орындауға міндетті нормативтік құқықтық актілерді қабылдайды;

Министрліктің құзыретіне кіретін мәселелер бойынша қолданыстағы заңнаманы қолдану бойынша түсіндірмелер мен ескертулер береді;

Еңбек кодексінде және мемлекеттік қызмет туралы заңнамада көзделген жағдайларда және тәртіппен жұмыскерлерді көтермелейді, тәртіптік жазалар қолданады, материалдық жауаптылыққа тартады;

Қазақстан Республикасының заңнамасында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де міндеттерді жүзеге асырады.

15. Функциялары:

1) реттелетiн салаларда мемлекеттiк саясатты қалыптастыру және iске асыру;

2) мемлекеттік бақылау және қадағалау жүзеге асырылатын реттелетін салаларда (аяларда) мемлекеттік бақылау және қадағалау саласындағы мемлекеттік саясатты іске асыру;

3) экономиканың тиісті салаларында мемлекеттік саясатты іске асыру кезінде бәсекелестікті дамыту жөнінде шаралар қабылдау және бәсекелестікке теріс ықпал ететін әрекеттерді (әрекетсіздікті) жасамау;

4) ойын бизнесі саласындағы лицензияланатын қызмет түрлеріне қойылатын біліктілік талаптары мен құжаттар тізбесін қоспағанда, біліктілік талаптары мен оларға сәйкестікті растайтын құжаттар тізбесін бекіту туралы нормативтік құқықтық актілерді әзірлеу, рұқсаттар және хабарламалар саласындағы уәкілетті органмен келісу және оларды бекіту;

5) реттелетiн салалардағы халықаралық ынтымақтастықты жүзеге асыру;

6) кәсіпкерлік жөніндегі уәкілетті органмен бірлесіп бақылау және қадағалау субъектісіне (объектісіне) бару арқылы профилактикалық бақылау мен қадағалауды жүргізу үшін бақылау және қадағалау субъектілерін (объектілерін) іріктеу үшін тәуекел дәрежесін бағалау өлшемшарттарына, тексеру парақтарына қатысты актілерді әзірлеу және бекіту;

7) Қазақстан Республикасының заңдарына сәйкес мемлекеттік бақылауды және қадағалауды ұйымдастыруды жүзеге асыру;

8) мемлекеттік бақылау және қадағалау тиімділігінің мониторингін жүзеге асыру;

9) Қазақстан Республикасының әкiмшiлiк құқық бұзушылықтар туралы кодексінде белгіленген тәртіппен хаттамалар толтыру, әкiмшiлiк құқық бұзушылықтар туралы iстерді қарау және әкімшілік жаза қолдану;

10) Қазақстан Республикасының заңнамасында белгіленген құзыреті шегінде терроризмге қарсы іс-қимылды жүзеге асыру;

11) өз құзыреті шегінде реттелетін салалардағы нормативтік құқықтық актілерді әзірлеу, келісу және бекіту;

12) құзыреті шегінде тауарларды таңбалау мен оларды қадағалану қағидаларын әзірлеу және бекіту;

13) кәсіпкерлік жөніндегі уәкілетті орган айқындайтын тәртіппен реттеушілік әсерді талдау рәсімін алдын ала жүргізу;

14) реттегіш құрал енгізілген немесе енгізілуі жоспарланып отырған жекелеген салада немесе мемлекеттік басқару саласындағы кәсіпкерлік қызметті реттеудің жай-күйі туралы есептерді кәсіпкерлік жөніндегі уәкілетті органға ұсыну;

15) реттелетiн салаларда салааралық үйлестiрудi жүзеге асыру;

16) соттарға Қазақстан Республикасының заңнамасына сәйкес талап-арыздар беру;

17) жеке кәсіпкерлік субъектілерінің бірлестіктерін және өзге де коммерциялық емес ұйымдарды аккредиттеу;

18) Қазақстан Республикасының Кәсіпкерлік кодексіне сәйкес жеке кәсіпкерлік мәселелері жөніндегі сарапшылық кеңестің құрамын әзірлеу және бекіту;

19) Қоғамдық кеңес құру;

20) Қоғамдық кеңестің ұсынымдарын қарау;

21) Министрліктің өзге де жұмыс органдарының жұмысына Қоғамдық кеңес мүшелерінің қатысуын келісу;

22) Қоғамдық кеңесті қалыптастыру жөніндегі жұмыс тобының құрамында Министрлік өкілдігінің дербес құрамын айқындау;

23) Қоғамдық кеңесті қалыптастыру жөніндегі жұмыс тобының құрамын әзірлеу және бекіту;

24) Қоғамдық кеңестің құрамын әзірлеу және бекіту;

25) Қоғамдық кеңестің қызметін ұйымдастырушылық қамтамасыз етуді жүзеге асыру;

26) азаматтардың құқықтарына, бостандықтары мен міндеттеріне қатысты нормативтік құқықтық актінің жобасын Қоғамдық кеңеске жіберу;

27) Қоғамдық кеңестің қоғамдық тыңдауларды өткізу мерзімдерін келісу;

28) Министрлік жұмысының нәтижелері туралы Қоғамдық кеңеске есеп беру;

29) мемлекеттік кызметтер көрсету тәртібін айқындайтын заңға тәуелді нормативтік құқықтық актілерді әзірлеу және бекіту;

30) халықаралық қаржылық және экономикалық ұйымдармен, сондай-ақ интеграциялық бірлестіктермен өз құзыретіндегі мәселелер бойынша өзара іс-қимыл жасау;

31) халықаралық ұйымдармен және (немесе) шет мемлекеттермен Қазақстан Республикасының халықаралық шарттарын жасасу;

32) реттелетін салаларда кадрлар қажеттілігін айқындау;

33) Қазақстан Республикасы Үкіметінің шешімі бойынша мемлекеттік акциялар пакетіне (жарғылық капиталға қатысу үлесіне) иелік ету және пайдалану құқығын, сондай-ақ республикалық мемлекеттік кәсіпорындар мен мемлекеттік мекемелерге қатысты мемлекеттік басқарудың тиісті саласына (аясына) басшылық ету жөніндегі уәкілетті органның функцияларын жүзеге асыру;

34) өнеркәсіптік саясат мәселелері бойынша Қазақстан Республикасының салалық мемлекеттік органдарымен өзара іс-қимыл жасау және олардың жұмысын үйлестіру;

35) жыл сайын Қазақстан Республикасының Үкiметiне өнеркәсіпті мемлекеттiк ынталандыру шараларының тиiмдiлiгi туралы ақпарат ұсыну;

36) Қазақстан Республикасы өнеркәсібінің жай-күйі туралы ұлттық баяндаманы қалыптастыру;

37) салааралық үйлестіру және өнеркәсіпті мемлекеттік ынталандыруды іске асыруға қатысу;

38) индустриялық дамуды бағалауды жүзеге асыру;

39) өнеркәсіптік саясат жөніндегі ведомствоаралық комиссия туралы ережені әзірлеу және Қазақстан Республикасының Премьер-Министріне оның құрамын қалыптастыру бойынша ұсыныстар енгізу;

40) бірыңғай индустрияландыру картасын әзірлеу және бекіту;

41) өнеркәсіптік-инновациялық жобаларды бірыңғай индустрияландыру картасына енгізу қағидаларын әзірлеу;

42) бірыңғай индустрияландыру картасының өнеркәсіптік-инновациялық жобаларын мониторингтеу әдістемесін әзірлеу және бекіту;

43) өнеркәсіптік-инновациялық жобаларды іске асыруға жауапты мемлекеттік органдармен, облыстардың, республикалық маңызы бар қалалар мен астананың жергілікті атқарушы органдарымен бірлесіп бірыңғай индустрияландыру картасы бойынша жалпы үйлестіруді жүзеге асыру;

44) отандық өңделген тауарларды, жұмыстар мен көрсетілетін қызметтерді ішкі нарыққа ілгерілетуге бағытталған өнеркәсіпті мемлекеттік ынталандыру шараларын көрсету қағидаларын әзірлеу және бекіту;

45) өнеркәсіпті мемлекеттік ынталандыру шараларын іске асыруға уәкілеттік берілген ұлттық даму институттарының және дауыс беретін акцияларының (жарғылық капиталға қатысу үлестерінің) елу және одан көп пайызы тікелей не жанама түрде мемлекетке тиесілі өзге де заңды тұлғалардың тізбесін әзірлеу;

46) аумақтық кластерлердің тізілімін қалыптастыру және жүргізу қағидаларын әзірлеу және бекіту;

47) аумақтық кластерлерді дамытуда өнеркәсіпті мемлекеттік ынталандыру шараларын ұсыну қағидаларын әзірлеу және бекіту;

48) өнеркәсіптік гранттар беру қағидаларын әзірлеу және бекіту;

49) бәсекеге қабілеттілікті арттыру туралы келісімдерді жасасу және бұзу қағидаларын әзірлеу және бекіту;

50) өнеркәсіпті мемлекеттік ынталандыру шараларын іске асыру тиімділігін бағалау әдістемесін әзірлеу және бекіту;

51) өнеркәсіп саласындағы әкімшілік деректерді жинауға арналған нысандарды әзірлеу және бекіту;

52) өнеркәсіпті мемлекеттік ынталандыру шараларын көрсету кезінде қарсы міндеттемелерді айқындау және қолдану жөніндегі қағидаларды әзірлеу және бекіту;

53) басым тауарлар тізбесін әзірлеу және бекіту;

54) басым тауарлар тізбесіне енгізу үшін тауарды өңдеп жасау деңгейін бағалау әдістемесін әзірлеу және бекіту;

55) өңдеу өнеркәсібінің кәсіпорындарын отандық шикізатпен қамтамасыз ету жөніндегі қағидаларды әзірлеу және бекіту;

56) өңдеу өнеркәсібінің кәсіпорындарын отандық шикізатпен қамтамасыз ету жөніндегі келісімдердің орындалуын мониторингтеу;

57) Қазақстан Республикасы өнеркәсібінің ұлттық ақпараттық жүйесін жүргізу және пайдалану қағидаларын әзірлеу;

58) Қазақстан Республикасы өнеркәсібінің ұлттық ақпараттық жүйесіне кіретін функционалдық және ақпараттық сервистердің тізбесін әзірлеу;

59) индустриялық дамуды бағалау әдістемесін әзірлеу және бекіту;

60) тауарларын, жұмыстары мен көрсетілетін қызметтерін сатып алу елішілік құндылық мониторингіне жататын ұйымдардың тізбесін әзірлеу;

61) Қазақстан Республикасы өнеркәсібінің жай-күйі туралы Ұлттық баяндаманы әзірлеу қағидаларын әзірлеу және бекіту;

62) Қазақстан Республикасының заңнамасын ескере отырып, өнеркәсіптік тауарлардың еуразиялық тізілімін қалыптастыру және жүргізу мәселелері бойынша Еуразиялық экономикалық комиссиямен өзара іс-қимыл жасау тәртібін әзірлеу және бекіту;

63) өнеркәсіпті дамытуға бағытталған шарттарды жоспарлау және жасасу, сондай-ақ олардың орындалуын мониторингтеу қағидаларын әзірлеу және бекіту;

64) аумақтық кластерлерді конкурстық іріктеу қағидаларын әзірлеу және бекіту;

65) өнеркәсіптік-инновациялық қызмет субъектілерінің еңбек өнімділігін арттыруға бағытталған өнеркәсіпті мемлекеттік ынталандыру шараларын ұсыну қағидаларын әзірлеу және бекіту;

66) өнеркәсіптің цифрлық трансформациясы және өнеркәсіп саласындағы қызмет субъектілерінің Индустрия 4.0-ді енгізуі жөніндегі саясатты іске асыруды үйлестіру;

67) ғылыми-зерттеу және тәжірибелік-конструкторлық жұмыстар базасын, өнеркәсіптегі кадр әлеуетін дамыту бойынша өзге мемлекеттік органдар мен ұйымдардың қызметін үйлестіру;

68) өнеркәсіптік саясатты қалыптастыруға және іске асыруға қатысу;

69) бағалы металдарды өндіру, бағалы металдар мен асыл тастардың, құрамында бағалы металдар бар шикізат тауарларының, зергерлік және басқа да бұйымдардың айналымы саласындағы мемлекеттік саясатты іске асыру;

70) асыл тастарға, бағалы металдар мен асыл тастардан жасалатын зергерлік және басқа да бұйымдарға сараптама жүргізу қағидаларын әзірлеу және бекіту;

71) құрамында бағалы металдар бар шикізат тауарларына нормативтік құжаттарды әзірлеу және бекіту;

72) қайта өңдеу үшін Қазақстан Республикасының аумағына әкелу және Қазақстан Республикасының аумағынан әкету кезінде ұсынылған құжаттарда көрсетілген бағалы металдарды және құрамында бағалы металдар бар шикізат тауарларынан қайта өңдеу өнімдерінің шығу нормаларын растау;

73) құрамында бағалы металдар бар шикізат тауарларындағы зиянды қоспалар мен бағалы металдар құрамының шекті мәнін айқындау қағидаларын әзірлеу және бекіту;

74) шикізат тауарларының түрлері бойынша жеке-дара технологиялық мүмкіндіктерін ескере отырып, әрбір бағалы металдарды өндіру субъектісі үшін құрамында бағалы металдар бар шикізат тауарларындағы зиянды қоспалар мен бағалы металдар құрамының шекті мәнін белгілеу;

75) бағалы металдарды өндіру субъектілерінің тізбесін қалыптастыру қағидаларын әзірлеу және бекіту;

76) бағалы металдарды өндіру субъектілерінің тізбесіндегі бағалы металдарды өндіру субъектілерінен бағалы металдар мен құрамында бағалы металдар бар шикізат тауарларын қайта өңдеуден және (немесе) аффинаждаудан бас тартуды немесе уәкілетті органның осындай бас тартудың болуы туралы растамасын алу тәртібін айқындау;

77) бағалы металдарды өндіру субъектілерінің тізбесін әзірлеу және бекіту;

78) сынамаларды іріктеу туралы актіні ресімдеу тәртібі мен оның нысанын айқындау;

79) түсті және қара металдардың сынығы мен қалдықтарын жинау (дайындау), сақтау, қайта өңдеу және өткізу жөніндегі қызметті хабарлама жасау тәртібімен жүзеге асыратын заңды тұлғаларға қойылатын талаптарды белгілеу;

80) түсті және қара металдардың сынығы мен қалдықтарын жинау (дайындау), сақтау, қайта өңдеу және өткізу жөніндегі қызметті жүзеге асыратын заңды тұлғалардың түсті және қара металдардың сатып алынған және өткізілген сынығы мен қалдықтары туралы есептілігінің нысанын және оны ұсыну мерзімдерін айқындау;

81) тауарлардың, жұмыстардың, көрсетiлетiн қызметтер мен оларды берушілердің дерекқорын қалыптастыру және жүргiзу қағидаларын әзірлеу және бекіту;

82) өнеркәсіптік-инновациялық қызмет субъектiлерi ұсынатын тиiстi мамандарға деген қажеттiлiк туралы мәлiметтер негiзiнде экономиканың басым секторлары үшiн мамандар даярлау талап етiлетiн мамандықтардың тiзбесiн айқындау бойынша ұсыныстарды қалыптастыру;

83) өңдеу өнеркәсібінің кәсіпорындарын дуальды оқытуды ұйымдастыру процесіне тартуға жәрдем көрсету, оның ішінде дуальды оқыту туралы үшжақты шарттар жасасуға жәрдемдесу;

84) елішілік құндылықты дамыту саласындағы ұлттық даму институтын тарта отырып, сервистік қолдау көрсету және отандық өңделген тауарларды, жұмыстар мен көрсетілетін қызметтерді ішкі нарыққа ілгерілетуге бағытталған өнеркәсіпті мемлекеттік ынталандыру шараларын ұсыну;

85) елішілік құндылықты дамыту саласындағы ұлттық даму институтымен жасалатын шарт негізінде отандық өңделген тауарларды, жұмыстар мен көрсетілген қызметтерді ішкі нарыққа ілгерілетуге бағытталған өнеркәсіпті мемлекеттік ынталандыру шараларын көрсетуге қаражат бөлу;

86) өнеркәсіпті дамыту саласындағы ұлттық даму институтын тарта отырып, өнеркәсіптік-инновациялық қызмет субъектілерінің еңбек өнімділігін арттыруға бағытталған өнеркәсіпті мемлекеттік ынталандыру шараларын ұсыну;

87) өнеркәсіпті дамыту саласындағы ұлттық даму институтын тарта отырып, аумақтық кластерлерді дамытуда өнеркәсіпті мемлекеттік ынталандыру шараларын ұсыну;

88) өнеркәсіпті дамыту саласындағы ұлттық даму институтын тарта отырып, өнеркәсіптік гранттар беру;

89) елішілік құндылық бойынша сараптама жүргізу қағидаларын әзірлеу және бекіту;

90) ұйымдардың тауарларды, жұмыстар мен көрсетілетін қызметтерді сатып алу кезінде елішілік құндылықты есептеуінің бірыңғай әдістемесін әзірлеу және бекіту;

91) инновациялық қызметті мемлекеттік қолдау саласындағы уәкілетті органға инновациялық гранттар берудің басым бағыттарын айқындау бойынша ұсыныстар беру;

92) машиналар мен жабдықтардың қауiпсiздiгi саласындағы нормативтiк құқықтық актiлердi әзірлеу, бекiту немесе келісу;

93) құзыреті шеңберінде Қазақстан Республикасындағы Мемлекеттік жоспарлау жүйесінің құжаттарын іске асыруды қамтамасыз ету;

94) жер учаскелерi меншiкке өтеусiз негiзде берілетін отандық өнеркәсiптік кәсiпорындар тiзбесiне енгiзу үшiн отандық өнеркәсiптік кәсiпорындарды iрiктеу өлшемшарттарын әзiрлеу;

95) жер учаскелерi меншiкке өтеусiз негiзде берілетін отандық өнеркәсiптік кәсiпорындар тiзбесiн әзiрлеу;

96) ұйымдар мен мемлекеттiк органдардың Қазақстан Республикасының аумағында жүзеге асырылатын тауарларды, жұмыстар мен көрсетілетін қызметтердi сатып алуы кезiнде елішілік құндылықтың үлесiн ұлғайту жөнінде шаралар әзiрлеу және мемлекеттiк саясатты iске асыру;

97) мемлекеттік органдардың елішілік құндылық мәселелері бойынша қызметін үйлестіру және әдіснамалық қамтамасыз ету;

98) Қазақстан Республикасының ұлттық кәсіпкерлер палатасымен және жер қойнауын пайдаланушылармен кәсіпкерлікті ынталандыру туралы келісімдер жасасу;

99) көмірсутектер және уран өндіру саласындағы уәкілетті органдармен бірлесіп кәсіпкерлікті ынталандыру туралы келісімді жасасу, оған өзгерістер, толықтырулар енгізу және оны бұзу, сондай-ақ олардың орындалуын мониторингтеу қағидаларын, кәсіпкерлікті ынталандыру туралы келісімнің үлгілік нысанын әзірлеу және бекіту;

100) мемлекеттiк энергетикалық тiзiлiмдi қалыптастыру және жүргізу тәртiбiн айқындау;

101) үйлердің, құрылыстардың, ғимараттардың және олардың қоршау конструкцияларының бір бөлігі болып табылатын элементтерінің энергия тиімділігі жөніндегі талаптарды белгілеу;

102) құрылыс материалдарының, бұйымдары мен конструкцияларының энергия тиімділігі жөніндегі талаптарды белгілеу;

103) энергия үнемдеу және энергия тиімділігін арттыру саласындағы ұлттық даму институтын айқындау;

104) энергия үнемдеу және энергия тиімділігін арттыру саласындағы қызметті жүзеге асыру үшін қажетті ақпараттық-өлшеу кешендері мен техникалық құралдар тізбесін әзірлеу және бекiту;

105) энергия тұтыну нормативтерін, мемлекеттік энергетикалық тізілім субъектілерінің электр желілеріндегі қуат коэффициентінің нормативтік мәндерін әзірлеу және бекiту;

106) энергия үнемдеу және энергия тиімділігін арттыру мәселелері бойынша жергілікті атқарушы органдар қызметін бағалау тетігін әзірлеу және бекiту;

107) көліктің энергия тиімділігі бойынша талаптарды белгілеу;

108) технологиялық процестердің, жабдықтардың, оның ішінде электр жабдығының энергия тиімділігі жөніндегі талаптарды белгілеу;

109) қоршаған ортаны қорғау саласындағы уәкілетті органмен бірлесіп Қазақстан Республикасында экологиялық таза автомобиль көлігі құралдарын (Еуразиялық экономикалық одақтың техникалық регламентінде белгіленген экологиялық сыныпқа сәйкес келетін; электр қозғалтқыштары бар) және олардың құрамдастарын, сондай-ақ техникалық регламенттерде айқындалған экологиялық талаптарға сәйкес келетін өздігінен жүретін ауыл шаруашылығы техникасын өндіруді ынталандыру қағидаларын әзірлеу және бекіту;

110) қоршаған ортаны қорғау саласындағы уәкілетті органмен бірлесіп Қазақстан Республикасында экологиялық қауіпсіз (жанбайтын және (немесе) өрт қауіптілігі төмен және түтін мен газды аз бөлетін), қалдықтары Қазақстан Республикасының аумағында қайта өңделетін кәбілді-өткізгіш өнім өндірісін ынталандыру қағидаларын әзірлеу және бекіту;

111) үйлердің, құрылыстардың, ғимараттардың энергия тиімділігі сыныптарын айқындау және қайта қарау қағидаларын әзірлеу және бекіту;

112) энергия аудитін жүргізу тәртібін әзірлеу және бекіту;

113) үйлердің, құрылыстардың, ғимараттардың жобалау (жобалау-сметалық) құжаттамасына қойылатын энергия үнемдеу және энергия тиімділігін арттыру жөніндегі талаптарды әзірлеу және бекіту;

114) Қазақстан Республикасының энергия үнемдеу және энергия тиiмдiлiгiн арттыру туралы заңнамасының талаптарын бұзушылықтарды жою туралы нұсқаманың нысанын әзірлеу және бекiту;

115) энергия аудитінің қорытындысы бойынша Мемлекеттік энергетикалық тізілім субъектісі әзірлейтін, энергия үнемдеу және энергия тиімділігін арттыру жөніндегі іс-шаралар жоспарының нысаны мен мазмұнына қойылатын талаптарын әзірлеу және бекiту;

116) оқу орталықтарының қызмет тәртiбiн айқындау;

117) энергия үнемдеу және энергия тиімділігін арттыру саласындағы энергия аудиторының аттестатын беру үшін қажетті рұқсат беру талаптары мен құжаттар тізбесін әзірлеу және бекiту;

118) энергия аудиторларына кандидаттарды аттестаттауды жүргізу тәртібін айқындау;

119) энергия үнемдеу және энергия тиімділігін арттыру саласындағы энергия аудиторы аттестатының нысанын әзірлеу және бекіту;

120) үйлерді, құрылыстарды, ғимараттарды энергия тиімділігі бойынша таңбалау нысанын әзірлеу және бекіту;

121) энергия тиімділігі картасын қалыптастыру және жүргізу, энергия тиімділігі картасына жобаларды іріктеу және енгізу тәртібін айқындау;

122) энергия аудиті қорытындыларына талдау жүргізу тәртібін айқындау;

123) білім беру саласындағы уәкілетті органмен келісу бойынша оқу бағдарламалары мен жоспарларын әзірлеу және бекіту;

124) орталық атқарушы органдардың энергия үнемдеу және энергия тиімділігін арттыру саласындағы мемлекеттік саясаттың іске асырылуы жөніндегі есептерінің нысанын әзірлеу және оларды ұсыну мерзімдерін бекіту;

125) энергия үнемдеу және энергия тиімділігін арттыру саласындағы үлгілік келісімді әзірлеу және бекіту;

126) облыстың, республикалық маңызы бар қаланың, астананың жергілікті атқарушы органымен және энергетикалық ресурстарды жылына бір жүз мың және одан көп тонна шартты отын көлемінде тұтынатын мемлекеттік энергетикалық тізілім субъектісімен ерікті негізде энергия үнемдеу және энергия тиімділігін арттыру саласында келісім жасасу;

127) энергия-сервистік шарттың үлгілік нысандарын әзірлеу және бекіту;

128) Қазақстан Республикасының резиденті – заңды тұлғалармен моторлы көлік құралдарын өнеркәсіптік құрастыру туралы келісім жасасудың тәртібін, шартын және үлгілі нысанын айқындау;

129) мемлекеттік жоспарлау жөніндегі уәкілетті мемлекеттік органмен және бюджеттік жоспарлау жөніндегі уәкілетті мемлекеттік органмен келісу бойынша импорты инвестициялық келісімшарт аясында қосылған құн салығынан босатылатын шикізат және (немесе) материалдар тізбесін әзірлеу және бекіту;

130) Қазақстан Республикасының резиденті – заңды тұлғалармен бекітілген нысандар бойынша ауыл шаруашылығы техникасын, моторлы көлік құралдарын өнеркәсіптік құрастыру туралы келісім жасасу;

131) заңды тұлға шығарған моторлы көлік құралдары модельдерінің "Кеден одағына мүше мемлекеттердiң және Бірыңғай экономикалық кеңістіктің аумақтарында "моторлы көлік құралдарын өнеркәсіптік құрастыру" ұғымын қолдану шарттары туралы" Жоғары Еуразиялық экономикалық кеңестің 2014 жылғы 29 мамырдағы № 72 шешімінің 1-тармағы 4) тармақшасының бірінші абзацында белгіленген талаптарға сәйкестігі туралы шешімдер қабылдау;

132) көлік құралдарының (көлік құралдары шассиі), өздігінен жүретін машиналар мен техникалардың басқа түрлерінің паспорттарын (электрондық паспорттарын) электрондық түрде ресімдеуді жүзеге асыратын көлік құралдарын (көлік құралдары шассиі), өздігінен жүретін машиналар мен техниканың басқа да түрлерін дайындаушы ұйымдардың және Еуразиялық экономикалық одаққа мүше мемлекеттердің уәкілетті органдарының (ұйымдардың) бірыңғай тізілімнің ұлттық бөліктерін қалыптастыру және жүргізу;

133) мүдделі тұлғалардың сұрау салуы бойынша көлік құралдарының (көлік құралдарының шассиі), өздігінен жүретін машиналар мен техникалардың басқа да түрлерінің паспорттарын (электрондық паспорттарын) ресімдеуді жүзеге асыратын көлік құралдарын (көлік құралдарының шассиі), өздігінен жүретін машиналар мен техниканың басқа да түрлерін дайындаушы ұйымдардың және Еуразиялық экономикалық одаққа мүше мемлекеттердің уәкілетті органдарының (ұйымдардың) бірыңғай тізілімінің ұлттық бөліктерінде қамтылған мәліметтерді ұсыну;

134) Қазақстан Республикасының заңды тұлғаларымен ауыл шаруашылығы техникасын өнеркәсіптік құрастыру туралы келісімді жасасу қағидалары мен шарттарын, сондай-ақ өзгерту және бұзу үшін негіздер мен оның үлгілік нысанын әзірлеу және бекіту;

135) электрондық паспорттар жүйесінің ұлттық операторын (ұлттық әкімшісін) айқындау үшін Қазақстан Республикасының Үкіметіне ұсыныс беру;

136) көлік құралдарының паспорттарын (көлік құралдары шассилерінің паспорттарын) және өздігінен жүретін машиналар мен басқа да техника түрлерінің паспорттарын ресімдеу, оның ішінде көлік құралдарының электрондық паспорттарын (көлік құралдары шассилерінің паспорттарын) және өздігінен жүретін машиналар мен басқа да техника түрлерінің электрондық паспорттарын ресімдеу жөніндегі өкілеттіктерді ұйымдарға беру немесе оларды беруден бас тарту туралы қорытынды беру тәртібі мен шарттарын айқындау;

137) көлік құралы паспортының (көлік құралдары шассиінің паспортын) және өздігінен жүретін машина мен басқа да техника түрлері паспортының қорғау элементтеріне қойылатын талаптарды әзірлеу және бекіту;

138) Қазақстан Республикасының заңды тұлғаларымен көлік құралдарын өнеркәсіптік құрастыру туралы келісім жасасу қағидалары мен шарттарын, сондай-ақ оны өзгерту және бұзу үшін негіздер мен оның үлгілік нысанын әзірлеу және бекіту;

139) Қазақстан Республикасының заңды тұлғаларымен көлік құралдарына және (немесе) ауыл шаруашылығы техникасына құрамдастарды өнеркәсіптік құрастыру туралы келісім жасасу қағидалары мен шарттарын, сондай-ақ оны өзгерту және бұзу үшін негіздер мен оның үлгілік нысанын әзірлеу және бекіту;

140) жергіліктендіруді бағалаудың балдық жүйесін әзірлеу және бекіту;

141) өндірушісінен сатып алынған көлік құралдарын және (немесе) ауыл шаруашылығы техникасын өткізу кезінде қосылған құн салығынан босатуды қолданатын уәкілетті өкілдердің тізілімін және оның нысанын әзірлеу және бекіту;

142) өнімнің экспорты мен импортын лицензиялау қағидаларын әзірлеу және бекіту;

143) импорттаушылардың (түпкі пайдаланушылардың) кепілдік міндеттемелерін ресімдеу және олардың орындалуын тексеру қағидаларын әзірлеу және бекіту;

144) өнімнің транзитіне рұқсат беру қағидаларын әзірлеу және бекіту;

145) өнімді Қазақстан Республикасының аумағынан тыс жерде өңдеуге рұқсат беру қағидаларын әзірлеу және бекіту;

146) сыртқы экономикалық қызметке қатысушылардың (мәлімдеушілердің) экспорттық бақылаудың фирмаішілік жүйелеріне қойылатын біліктілік талаптарын әзірлеу және бекіту;

147) өнімнің реэкспортына рұқсат беру қағидаларын бекіту және әзірлеу;

148) химиялық өнімнің жекелеген түрлерін есепке алу тәртібін әзірлеу және бекіту;

149) химиялық өнімді тіркеу және есепке алу тәртібін әзірлеу және бекіту;

150) арнайы экономикалық және индустриялық аймақтардың басқарушы компаниясының есептілікті ұсыну қағидаларын әзірлеу және бекіту;

151) мемлекеттік жоспарлау жөніндегі орталық уәкілетті органмен және салық және бюджетке төленетін басқа да міндетті төлемдердің түсуін қамтамасыз ету саласында басшылықты жүзеге асыратын уәкілетті мемлекеттік органмен келісу бойынша арнайы экономикалық аймақтар бөлінісінде басым қызмет түрлерінің тізбесін әзірлеу және бекіту;

152) республикалық маңызы бар индустриялық аймақты құру, оның жұмыс істеу мерзімін ұзарту немесе оны тарату туралы шешімді келісу;

153) арнайы экономикалық аймақтардың, республикалық және өңірлік маңызы бар индустриялық аймақтардың басқарушы компанияларының функцияларын тиісінше орындау жөніндегі үлгілік шарттарды әзірлеу және бекіту;

154) арнайы экономикалық немесе индустриялық аймақтың қатысушысы ретінде тіркеуге арналған өтініш пен сауалнаманың үлгілік нысандарын әзірлеу және бекіту;

155) республикалық және өңірлік маңызы бар индустриялық аймақ туралы үлгілік ережелерді әзірлеу және бекіту;

156) арнайы комиссияны құру және оның ережесін әзірлеу мен бекіту;

157) сарапшылық кеңесті құру және оның ережесін әзірлеу мен бекіту;

158) тұлғаның арнайы экономикалық аймақтың қатысушысы ретінде тіркелгенін куәландыратын куәлікті беру қағидаларын әзірлеу және бекіту;

159) арнайы экономикалық аймақтарға қатысушылардың бірыңғай тізілімін жүргізу қағидаларын әзірлеу және бекіту;

160) индустриялық аймақтардың бірыңғай тізілімін жүргізу қағидаларын әзірлеу және бекіту;

161) шағын индустриялық аймақтарды құру және олардың жұмыс істеу қағидаларын әзірлеу және бекіту;

162) құрылуына мемлекеттік емес заңды тұлға қатысатын арнайы экономикалық аймақтың басқарушы компаниясымен арнайы экономикалық аймақтың басқарушы компаниясының функцияларын тиісінше орындау жөнінде шарт жасасу;

163) құрылуына мемлекеттік емес заңды тұлға қатысатын арнайы экономикалық немесе индустриялық аймақтың басқарушы компаниясымен республикалық маңызы бар индустриялық аймақтың басқарушы компаниясының функцияларын тиісінше орындау жөнінде шарт жасасу;

164) арнайы экономикалық немесе индустриялық аймақтың басқарушы компаниясының арнайы экономикалық немесе индустриялық аймақтың қатысушылары арасында жер учаскелерін бөлу қағидаларын әзірлеу және бекіту;

165) арнайы экономикалық аймақтың әлеуетті қатысушысы жобасының техникалық-экономикалық негіздемесіне қойылатын талаптарды әзірлеу және бекіту;

166) арнайы экономикалық және индустриялық аймақтардың құрылуы, жұмыс істеуі және таратылуы саласында мемлекеттік органдардың және арнайы экономикалық және индустриялық аймақтардың басқарушы компанияларының қызметін салааралық үйлестіруді жүзеге асыру;

167) Қазақстан Республикасының Үкіметіне арнайы экономикалық аймақты құру, оның жұмыс істеу мерзімін ұзарту немесе оны тарату туралы ұсыныстар енгізу;

168) арнайы экономикалық және индустриялық аймақтар қызметінің тиімділігін бағалау әдістемесіне сәйкес арнайы экономикалық аймақ қызметінің тиімділігіне бағалау жүргізу;

169) жыл сайынғы негізде Қазақстан Республикасы Президентінің Әкімшілігіне және Қазақстан Республикасының Үкіметіне арнайы экономикалық және индустриялық аймақтар қызметінің нәтижесі туралы талдамалық ақпарат беру;

170) арнайы инвестициялық келісімшартты жасасу және бұзу тәртібі мен шарттарын әзірлеу және бекіту;

171) үлгілік арнайы инвестициялық келісімшартты әзірлеу және бекіту;

172) кеден ісі саласындағы уәкілетті органмен келісу бойынша агроөнеркәсіптік кешенді дамыту саласындағы уәкілетті органмен бірлесіп арнайы инвестициялық келісімшарттарды іске асыру шеңберінде Еуразиялық экономикалық одақтың кедендік аумағына әкелінген тауарларды пайдалану және (немесе) оларға билік ету бойынша шектеулермен ұштасқан кедендік әкелу баждарын, салықтарды төлеу бойынша жеңілдіктер қолданылатын, ішкі тұтыну үшін шығарудың кедендік рәсімімен орналастырылған, шартты түрде шығарылған тауарлардың нысаналы пайдаланылуын тану қағидаларын әзірлеу және бекіту;

173) қызметті жүзеге асыру туралы үлгі шарттарды әзірлеу және бекіту;

174) арнайы экономикалық немесе индустриялық аймақ құрылатын жеке меншіктегі жер учаскелерін уақытша пайдаланудың (жалдаудың) үлгілік шарттарын әзірлеу және бекіту;

175) арнайы экономикалық немесе индустриялық аймақ құрылатын мемлекеттік меншіктегі жер учаскелерін уақытша өтеулі жер пайдаланудың (жалдаудың) үлгілік шарттарын әзірлеу және бекіту;

176) арнайы экономикалық немесе индустриялық аймақ құрылатын жеке меншіктегі жер учаскелерін уақытша кейінгі пайдаланудың (қосалқы жалдаудың) үлгілік шарттарын әзірлеу және бекіту;

177) арнайы экономикалық немесе индустриялық аймақ құрылатын мемлекеттік меншіктегі жер учаскелерін кейінгі жер пайдаланудың (қосалқы жалдаудың) үлгілік шарттарын әзірлеу және бекіту;

178) арнайы экономикалық және индустриялық аймақтарды құру тұжырымдамасына қойылатын талаптарды әзірлеу және бекіту;

179) жобаларды іріктеу қағидалары мен өлшемшарттарын әзірлеу және бекіту;

180) мемлекеттік жоспарлау жөніндегі орталық уәкілетті органмен келісу бойынша арнайы экономикалық және индустриялық аймақтар қызметінің тиімділігін бағалау әдістемесін әзірлеу және бекіту;

181) арнайы экономикалық немесе индустриялық аймаққа қатысушының қызметті жүзеге асыру туралы шартта айқындалған міндеттемелерді орындамағаны туралы актінің нысанын әзірлеу және бекіту;

182) тұлғаларды қосалқы қызмет түрлерін жүзеге асыруға жіберуге арналған құжаттардың тізбесін әзірлеу және бекіту;

183) арнайы экономикалық аймақтардың және мемлекеттік индустриялық аймақтардың басқарушы компанияларын басқару үшін адамдарды конкурстық іріктеуді жүргізу қағидаларын, сондай-ақ көрсетілген адамдарға қойылатын біліктілік талаптарын әзірлеу және бекіту;

184) атаулы таңбаны уәкілетті ұйымда міндетті тіркеу және тіркелген атаулы таңбалар туралы мәліметтерді уәкілетті органға ұсыну қағидаларын әзірлеу және бекіту;

185) аффинаждауға дейінгі минералды шикізатқа және (немесе) өңделмеген бағалы тастарға меншік құқығының өтуіне, сондай-ақ оларды кепіл ретінде пайдалануға байланысты мәліметтерді есепке алу қағидаларын әзірлеу және бекіту;

186) ұйымдардың тауарларды, жұмыстарды және көрсетілген қызметтерді сатып алудағы елішілік құндылық бойынша ақпарат беру нысандарын әзірлеу және бекіту;

187) жер қойнауын пайдалану құқығының (жер қойнауын пайдалану құқығындағы үлестің) кепілін мемлекеттік тіркеу;

188) жер қойнауын пайдалану құқығының кепілін (жер қойнауын пайдалану құқығындағы үлесті) тіркеу тәртібін әзірлеу және бекіту;

189) уранды қоспағанда, пайдалы қатты қазбалар бөлiгiнде жою қорын пайдалануға рұқсат беру;

190) берілген жер қойнауын пайдалануға арналған лицензиялар және жасалған келісімшарттар туралы ақпаратқа қолжетімділікті қамтамасыз ету;

191) жер қойнауын пайдаланушының жер қойнауын пайдаланудың салдарын жою жөніндегі міндеттемелерін орындау кепілдерінің үлгілік нысанын әзірлеу және бекіту;

192) мемлекеттік орган қабылдаған жер қойнауын пайдалану жөніндегі операциялардың салдарын жою жөніндегі міндеттемелерді орындауды қамтамасыз етуді ұсыну және есепке алу тәртібін әзірлеу және бекіту;

193) банктік салымның кепіл шартын жасасу тәртібін және оның үлгілік нысанын әзірлеу және бекіту;

194) қаржы нарығы мен қаржы ұйымдарын реттеу, бақылау және қадағалау жөніндегі уәкілетті органмен келісу бойынша жер қойнауын пайдалану жөніндегі операциялардың салдарын жою жөніндегі міндеттемелердің орындалуын қамтамасыз ету мақсатында сақтандыру шартының үлгілік нысанын әзірлеу және бекіту;

195) пайдалы қатты қазбаларды барлау және өндіру үшін жер қойнауын пайдалану құқығын беру және тоқтату;

196) өтініш берушіге пайдалы қатты қазбаларды барлау жөніндегі операциялардың салдарын жою жөніндегі міндеттемелердің орындалуын қамтамасыз етуді ұсыну қажеттігі туралы хабарлама жіберу;

197) уранды барлау және өндіру жөніндегі операцияларды қоспағанда, пайдалы қатты қазбаларды барлау мен өндіру жөніндегі операцияларды реттеу;

198) жер қойнауын пайдалану мәселелері жөніндегі сараптама комиссиясының құрамын және ол туралы ережені әзірлеу және бекіту;

199) жер қойнауын пайдаланушыны бақылаудың өзгеруі туралы хабарлама нысанын әзірлеу және бекіту;

200) көмірсутектер саласындағы уәкілетті органмен келісу бойынша мемлекеттік жер қойнауы қорын басқару бағдарламасын әзірлеу және бекіту;

201) уранды барлау мен өндіруді қоспағанда, пайдалы қатты қазбаларды барлауға және өндiруге арналған келiсiмшарттарды жасау, мемлекеттiк тiркеудi және сақтауды жүзеге асыру;

202) келісімшарттарды мемлекеттік тіркеу тізілімін жүргізу;

203) жер қойнауын пайдалануға арналған лицензияны беруге (қайта ресімдеуге, ұзартуға) арналған өтініштің нысанын әзірлеу және бекіту;

204) көмірсутектер және уран өндіру саласындағы уәкілетті органдармен бірлесіп жер қойнауы ресурстарына залалды экономикалық бағалау әдістемесін әзірлеу және бекіту;

205) пайдалы қатты қазбаларды барлауға арналған лицензияларды беруге өтініштерді беру және қарау қағидаларын әзірлеу және бекіту;

206) пайдалы қатты қазбаларды өндіруге арналған лицензияларды беруге өтініштер беру және қарау қағидаларын әзірлеу және бекіту;

207) жер қойнауын пайдалануға арналған лицензия нысанын әзірлеу және бекіту;

208) ақпараттық жүйелерді пайдалана отырып, хабарлау қағидаларын әзірлеу және бекіту;

209) өнеркәсіптік-инновациялық қызмет субъектілерінің өндірістік қызметін (технологиялық процесін) жер қойнауын пайдаланумен байланысты қызмет (технологиялық процесс) деп тану қағидаларын әзірлеу және бекіту;

210) жасалған келісімшарттар мен жер қойнауын пайдалануға берілген лицензиялар талаптарының орындалу барысы туралы есепті Қазақстан Республикасының Үкіметіне жыл сайын ұсыну;

211) бір блок үшін қамтамасыз ету мөлшерін айқындау әдістемесін әзірлеу және бекіту;

212) жер қойнауын пайдалануға арналған келісімшарттың немесе лицензияның шарттарын орындамағаны үшін тұрақсыздық айыбын өндіру;

213) жер қойнауын пайдалануға арналған келісімшарттар және (немесе) лицензиялар шарттарының сақталуын бақылауды жүзеге асыру қағидаларын әзірлеу және бекіту;

214) жер қойнауын пайдаланушылардың жер қойнауын пайдалануға арналған келісімшарт (лицензия) бойынша міндеттемелерін орындауына мониторинг жүргізу қағидаларын әзірлеу және бекіту;

215) жер қойнауын пайдаланушылардың жер қойнауын пайдалануға арналған лицензиялар және (немесе) келісімшарттар талаптарын сақтауын бақылауды, сондай-ақ жер қойнауын пайдаланушылардың жер қойнауын пайдалануға арналған келісімшарт (лицензия) бойынша міндеттемелерін орындауына мониторингті жүзеге асыру;

216) жұмыс бағдарламасының мазмұны мен нысанын әзірлеу және бекіту;

217) жер қойнауын пайдалануға арналған келісімшартқа өзгерістер мен толықтырулар енгізу бойынша келіссөздер жүргізу жөніндегі жұмыс тобы туралы ережені әзірлеу және оның құрамын бекіту;

218) білім беру саласындағы уәкілетті органмен бірлесіп жер қойнауын пайдаланушының өткен жылғы өндіруге арналған шығыстарының бір пайызы мөлшерінде қазақстандық кадрларды оқытуды қаржыландыру қағидаларын әзірлеу және бекіту;

219) кең таралған пайдалы қазбаларды өндіру жөніндегі операцияларды жүргізу кезінде лицензиялық міндеттемелердің орындалуы туралы есептерді ұсыну тәртібін әзірлеу және бекіту;

220) Қазақстан Республикасындағы өндіруші салалар қызметі ашықтығының бастамалары стандартын іске асыру бойынша есептіліктің нысанын және оны толтыру жөніндегі нұсқаулықты әзірлеу және бекіту;

221) тау-кен жұмыс жоспарын жасау жөніндегі нұсқаулықты әзірлеу және бекіту;

222) қоршаған ортаны қорғау саласындағы уәкілетті органмен келісу бойынша пайдалы қатты қазбаларды өндіру жөніндегі операциялардың салдарын жою жоспарын жасау жөніндегі нұсқаулықты және жоюдың болжамды құнын есептеу әдістемесін әзірлеу және бекіту;

223) қоршаған ортаны қорғау саласындағы уәкілетті органмен бірлесіп жер қойнауын пайдалану жөніндегі операциялардың салдарын жою бойынша зерттеу нәтижелері мен жұмыстарды қабылдау тәртібін әзірлеу және бекіту;

224) қамтамасыз етуді берген адамға қамтамасыз ету сомасының азайтылғаны туралы хабарлама жіберу;

225) ұстап тұру мәртебесі бойынша жұмыстар бағдарламасын әзірлеу жөніндегі нұсқаулықты әзірлеу және бекіту;

226) қоршаған ортаны қорғау саласындағы уәкілетті органмен бірлесіп пайдалы қатты қазбаларды барлау жоспарын жасау жөніндегі нұсқаулықты әзірлеу және бекіту;

227) кен іздеушілік жоспарын жасау жөніндегі нұсқаулықты әзірлеу және бекіту;

228) жер қойнауын пайдаланушының пайдалы қатты қазбаларды барлау және өндіру жөніндегі операцияларды жүргізу кезінде есептерді ұсыну қағидаларын әзірлеу және бекіту;

229) пайдалы қатты қазбаларды қайта өңдеу туралы келісімді жасасуға өтініш нысанын және қайта өңдеу жобасының бизнес-жоспарын жасасу талаптарын әзірлеу және бекіту;

230) басымдылығы бірдей өтініш берушілер арасында аукцион өткізу мерзімдері мен қағидаларын әзірлеу және бекіту;

231) пайдалы қатты қазбаларды қайта өндеу туралы келісімді жасасу жөніндегі жұмыс тобының құрамын және ол туралы ережені әзірлеу және бекіту;

232) шетелдік валютадағы ең төмен жеке кредиттік рейтинг бойынша шарттарды әзірлеу және бекіту;

233) жер қойнауын пайдаланудың лицензиялық режиміне ауысу қағидаларын, жер қойнауын пайдалануға арналған лицензиялық режимге ауысу жөніндегі жұмыс қағидаларын әзірлеу және бекіту;

234) кен іздеушілікке арналған лицензияларды беруге өтініштерді беру және қарау қағидаларын әзірлеу және бекіту;

235) пайдалы қатты қазбаларға қатысты электрондық сатып алу жүйесінің жұмысын жер қойнауын пайдалану жөніндегі операцияларды жүргізу кезінде пайдаланылатын тауарлар, жұмыстар мен көрсетілетін қызметтер және оларды өндірушілер тізілімінің жұмысымен үйлестіру қағидаларын әзірлеу және бекіту;

236) жер қойнауын пайдалануға берілген лицензиялар тізілімін жүргізу қағидаларын әзірлеу және бекіту;

237) ең төменгі рейтинг бағаларын айқындау;

238) жер қойнауын пайдаланушылардың және олардың мердігерлерінің пайдалы қатты қазбаларды өндіру жөніндегі операцияларды жүргізу кезінде пайдаланатын тауарларды, жұмыстарды және көрсетілетін қызметтерді сатып алу қағидаларын әзірлеу және бекіту;

239) пайдалы қатты қазбалар саласындағы уәкілетті органға тауарларды, жұмыстарды және көрсетілетін қызметтерді сатып алудың жылдық (бір қаржы жылына арналған) және орта мерзімді (бес қаржы жылына арналған) бағдарламаларын ұсыну қағидаларын әзірлеу және бекіту;

240) аукцион өткізу тәртібін және оның қорытындысы бойынша пайдалы қатты қазбаларды барлауға немесе өндіруге лицензия беру тәртібін айқындау;

241) аукцион өткізу жөніндегі конкурстық комиссияның құрамын әзірлеу және бекіту;

242) Қазақстан Республикасының атынан пайдалы қатты қазбаларды қайта өңдеу туралы келісім жасасу;

243) пайдалы қатты қазбаларды қайта өңдеу туралы келісім жобасына құқықтық және экономикалық сараптама жүргізуді ұйымдастыру;

244) жер қойнауын пайдалануға арналған лицензияны беру, қайта ресімдеу, кері қайтарып алу;

245) ұстап тұру мәртебесі жөніндегі жұмыс бағдарламасын келісу;

246) аукцион өткізу туралы шешім қабылдау және жер қойнауын пайдалану құқығы аукционға шығарылатын жер қойнауы учаскесінің шекараларын айқындау;

247) жер қойнауын пайдалану мәселелері жөніндегі сараптама комиссиясы ұсынымдарының негізінде жер қойнауын пайдалануға арналған келісімшартқа өзгерістер мен толықтырулар енгізуден бас тарту немесе жер қойнауын пайдалануға арналған келісімшартқа өзгерістер мен толықтырулар енгізу жөнінде келіссөздер бастау туралы шешім шығару;

248) жер қойнауын пайдалануға арналған келісімшарт, пайдалы қатты қазбаларды барлауға арналған лицензия немесе өндіруге арналған лицензия негізінде туындаған жер қойнауын пайдалану құқығының (жер қойнауын пайдалану құқығындағы үлестің) ауысуына, сондай-ақ жер қойнауын пайдалану құқығымен байланысты объектілердің ауысуына рұқсат беру;

249) мемлекеттік техногендік минералдық түзілімдерді беру тәртібін айқындау;

250) мемлекет меншігіндегі жалпыға ортақ пайдаланылатын автомобиль жолдарын, теміржолдарды салу (реконструкциялау) және жөндеу, сондай-ақ гидроқұрылысжайларды және гидротехникалық құрылыстарды реконструкциялау және жөндеу үшін пайдаланылатын кең таралған пайдалы қазбаларды барлауға немесе өндіруге жер қойнауын пайдалану құқығын беру тәртібін айқындау;

251) жер қойнауын пайдалануға арналған модельдік келісім шарттардың ережелерін әзірлеу және бекіту;

252) барлау учаскесінде бір мың текше метрден асатын көлемде тау-кен массасын алуға және (немесе) топырақты ауыстыруға рұқсат беру;

253) уранды және кең таралған пайдалы қазбаларды өндіру жөніндегі операцияларды қоспағанда, пайдалы қатты қазбаларды барлау мен өндіру жөніндегі операциялардың жүргізілуіне мемлекеттік бақылауды жүзеге асыру;

254) жаңа магистральдық жолдарды салу бойынша шешімдер қабылдау;

255) магистральдық темiржол желiсiн пайдалану қағидаларын әзірлеу және бекiту;

256) жолаушыларды, багажды, жүк-багажды және пошта жөнелтілімдерін теміржол көлігімен тасымалдау қағидаларын әзірлеу және бекіту;

257) әлеуметтiк маңызы бар қатынастар бойынша жолаушылар тасымалын жүзеге асыруға байланысты тасымалдаушының шығыстарын ұзақ мерзімді субсидиялау қағидаларын әзірлеу және бекіту;

258) әлеуметтік маңызы бар қатынастар бойынша жолаушыларды тасымалдаушылар мен вагондар (контейнерлер) операторларының вагондарды сатып алуын кредиттеу және қаржылық лизингі кезінде сыйақы мөлшерлемесін субсидиялауға арналған үлгілік шартты әзірлеу және бекіту;

259) әлеуметтік маңызы бар қатынастар бойынша жолаушылар тасымалын жүзеге асыруға байланысты тасымалдаушының шығыстарын ұзақ мерзімді субсидиялауға арналған үлгілік шартты әзірлеу және бекіту;

260) әлеуметтік маңызы бар қатынастар бойынша жолаушылар тасымалын жүзеге асыруға байланысты тасымалдаушының шығыстарын ұзақ мерзімді субсидиялауға арналған шарт заңнамаға сәйкес бұзылған жағдайда әлеуметтік маңызы бар қатынастар бойынша жолаушылар тасымалын жүзеге асыратын және жолаушылар вагондарын сатып алуға берілетін кредиттік қаражатты қайтару мен қаржылық лизингті төлеу міндеттемелерін орындауды қамтамасыз ететін жаңа тасымалдаушыны айқындау;

261) Қазақстан Республикасының заңнамасына сәйкес әлеуметтік маңызы бар қатынастар бойынша жолаушылар тасымалын жүзеге асыруға байланысты тасымалдаушының шығыстарын ұзақ мерзімді субсидиялау бойынша шарт жасасу;

262) әлеуметтік маңызы бар облысаралық қатынастарда жолаушылар тасымалы бойынша көрсетілетін қызметтерге бағалардың (тарифтердің) шекті деңгейлерін белгілеу;

263) әлеуметтік маңызы бар қатынастар бойынша жолаушыларды тасымалдаушылар мен вагондар (контейнерлер) операторларының вагондарды сатып алуын кредиттеу және қаржылық лизинг кезінде сыйақы мөлшерлемесін субсидиялау қағидаларын әзірлеу және бекіту;

264) әлеуметтік маңызы бар қатынастар бойынша жолаушыларды тасымалдаушылар мен вагондар (контейнерлер) операторларының вагондарды сатып алуын кредиттеу және қаржылық лизинг кезінде сыйақы мөлшерлемесін субсидиялау;

265) темiржол көлiгiмен жолаушылар, багаж, жүк, жүк-багаж және пошта жөнелтiлiмдерiн тасымалдау тәртiбін және шарттарын белгілеу;

266) мемлекеттік меншік болып табылатын теміржол арқылы теміржол қатынасын тоқтату тәртібін белгілеу;

267) жылжымалы құрамды және жылжымалы құрамның кепілін міндетті мемлекеттік тіркеу (қайта тіркеу) тәртібін белгілеу;

268) бюджеттік жоспарлау жөніндегі орталық уәкілетті органмен келісу бойынша темiржол көлiгiндегі мемлекеттiк бақылау қызметкерлерiн нысанды киiммен (погонсыз) қамтамасыз етудің заттай нормаларын әзірлеу және бекіту;

269) темiржол көлiгiмен тасымалдау кезiнде жүктiң әскерилендiрiлген күзетiн қамтамасыз ету тәртібін айқындау;

270) арнайы тасымалды жүзеге асыру тәртібін айқындау;

271) магистральдық темiржол желiсiне кiретiн магистральдық жолдардың тiзбесiн әзірлеу және бекiту;

272) жеке және заңды тұлғалардың қаражаты есебінен салынған объектілерді магистральдық теміржол желісінің құрамына беру қағидаларын әзірлеу және бекіту;

273) жолаушыларды облысаралық және халықаралық қатынастарда тасымалдауды ұйымдастыру қағидаларын әзірлеу және бекіту;

274) темiржол көлiгiндегi қауiпсiздiк қағидаларын әзірлеу және бекiту;

275) жол жүру құжаттарын (билеттерін) сатуды ұйымдастыру кезінде жолаушылар тасымалын басқарудың автоматтандырылған жүйесіне қол жеткізу және өзара технологиялық іс-қимыл жасау қағидаларын әзірлеу және бекіту;

276) темiржол көлiгiнiң қауiптiлiгi жоғары аймақтарда жолаушылардың, азаматтардың болуы және объектiлерді орналастыру, оларда жұмыс жүргiзу, темiржол арқылы жүру және өту қағидаларын әзірлеу және бекiту;

277) шығыстары бюджет қаражаты есебінен ұзақ мерзімді субсидиялануға жататын әлеуметтік маңызы бар қатынастар бойынша жолаушылар тасымалын жүзеге асыратын тасымалдаушыларды айқындау бойынша ашық тендер негізінде конкурс өткізу қағидаларын әзірлеу және бекіту;

278) теміржол вокзалдары қызметін ұйымдастыру қағидаларын әзірлеу және бекіту;

279) теміржол вокзалдарының класын айқындау әдістемесін әзірлеу және бекіту;

280) әлеуметтік маңызы бар қатынастарда жолаушылар тасымалы бойынша көрсетілетін қызметтерге бағалардың (тарифтердің) шекті деңгейлерін айқындау әдістемесін әзірлеу және бекіту;

281) әлеуметтік маңызы бар қатынастар бойынша жолаушылар тасымалын жүзеге асыратын тасымалдаушылардың шығыстарын субсидиялау көлемін айқындау әдістемесін әзірлеу және бекіту;

282) теміржолды жаңғыртуға кредит беру және қаржылық лизинг кезінде сыйақы мөлшерлемелерін субсидиялау қағидаларын әзірлеу және бекіту;

283) теміржолды жаңғыртуға кредит беру және қаржылық лизинг кезінде сыйақы мөлшерлемесін субсидиялауға арналған үлгілік шартты әзірлеу және бекіту;

284) тасымалдауды жүзеге асыру кезінде ұлттық теміржол компаниясы мен тасымалдаушылардың мемлекеттік органдармен өзара іс-қимыл жасау тәртібін айқындау;

285) теміржол көлігін техникалық пайдалану қағидаларын әзірлеу және бекіту;

286) әлеуметтік маңызы бар облысаралық жолаушылар қатынастарының тізбесін айқындау;

287) Қарулы Күштердің, басқа да әскерлер мен әскери құралымдардың механикалық көлік құралдары мен олардың тіркемелерін қоспағанда, механикалық көлік құралдары мен олардың тіркемелерін міндетті техникалық қарап-тексеруді ұйымдастыру және жүргізу қағидаларын, механикалық көлік құралдары мен олардың тіркемелерін міндетті техникалық қарап-тексеруден өткізу кезеңділігін әзірлеу және бекіту;

288) техникалық қарап-тексеру операторларының тізілімін жүргізу тәртібін айқындау;

289) міндетті техникалық қарап-тексеру жүргізу бойынша қызметтер құнын айқындау әдістемесін әзірлеу және бекіту;

290) авария мен апат кезінде шұғыл шақыру жүйесі операторының функциясын жүзеге асыратын заңды тұлғаны айқындау;

291) авария мен апат кезінде шұғыл шақыру жүйесін ұйымдастыру және пайдалану қағидаларын әзірлеу және бекіту;

292) автомобиль көлігімен жолаушылар мен багажды тасымалдау қағидаларын әзірлеу және бекіту;

293) жүргiзушiлердiң еңбегi мен тынығуын ұйымдастыру, сондай-ақ тахографтарды қолдану қағидаларын әзірлеу және бекіту;

294) әлеуметтік маңызы бар жолаушылар тасымалын жүзеге асыруға байланысты тасымалдаушылардың шығындарын бюджет қаражаты есебінен субсидиялау қағидаларын әзірлеу және бекіту;

295) автомобиль көлігімен жүктерді тасымалдау қағидаларын әзірлеу және бекіту;

296) автомобиль көлігімен қауіпті жүктерді тасымалдау қағидаларын әзірлеу және бекіту;

297) автокөлiк құралдарын техникалық пайдалану қағидаларын әзірлеу және бекiту;

298) Қазақстан Республикасының халықаралық қатынастағы автомобиль тасымалында рұқсат беру жүйесін қолдану қағидаларын әзірлеу және бекіту;

299) бюджеттік жоспарлау жөніндегі орталық уәкілетті органмен келісу бойынша автомобиль көлiгi саласында мемлекеттiк бақылауды жүзеге асыратын уәкiлеттi органның лауазымды адамдарын нысанды киiммен (погонсыз) қамтамасыз етудің заттай нормаларын әзірлеу және бекіту;

300) Қазақстан Республикасының аумағында ірi көлемдi және ауыр салмақты жүктердiң тасымалын ұйымдастыру және оны жүзеге асыру тәртібін әзірлеу және бекіту;

301) төтенше жағдайларды жоюға тасымалдаушыларды тарту тәртiбiн айқындау;

302) жолаушылар мен багажды автомобильмен тұрақты тасымалдауды ұйымдастырудың үлгілік шартын әзірлеу және бекіту;

303) Қазақстан Республикасының автомобиль жолдарымен жүруге арналған автокөлік құралдарының жол берілетін параметрлерін әзірлеу және бекіту;

304) автокөлiк құралдарының Қазақстан Республикасының аумағына кiру және оның аумағынан шығу, сондай-ақ оның аумағы арқылы транзитпен жүріп өту тәртiбiн айқындау;

305) автомобильмен тасымалдаушыларға автомобильмен халықаралық жүк тасымалын жүзеге асыруға рұқсат беру қағидаларын әзірлеу және бекiту;

306) Қазақстан Республикасының аумағында автокөлiк құралдарымен тасымалдауға жол берiлетiн қауiптi жүктердiң тiзбесiн әзірлеу және бекiту;

307) кемелер мен оларға құқықтарды мемлекеттік тіркеу қағидаларын әзірлеу және бекіту;

308) жолаушыларды, багажды және жүкті тасымалдау қағидаларын әзірлеу және бекіту;

309) кеме жүргізушілерді шағын көлемді кемені басқару құқығына аттестаттау қағидаларын әзірлеу және бекіту;

310) кемелермен тасымалдауға арналған қауіпті жүктердің тізбесін әзірлеу және бекiту;

311) теңіз портының мiндеттi түрде көрсететін қызметтерінің тiзбесiн айқындау;

312) ішкі су жолдарымен жүзу қағидаларын әзірлеу және бекіту;

313) кәсіби диплом үлгілерін, кәсіби диплом растамасын, теңізшілерге диплом беру қағидаларын әзірлеу және бекіту;

314) теңіздегі кеме қатынасы аясында навигация және байланыс саласындағы қызметтерді ұсыну жөніндегі уәкілетті ұйымды айқындау;

315) теңізде жүзу кітапшасының үлгісін, оны ресімдеу және беру тәртібін әзірлеу және бекіту;

316) шет мемлекеттiң туын көтерiп жүзетiн кемені Каспий теңізінің қазақстандық секторында пайдалануға рұқсат беру қағидаларын әзірлеу және бекіту;

317) теңiз көлiгi, теңіз оқу-тренажер орталықтары мамандарын даярлауды (қайта даярлауды) және олардың біліктілігін арттыруды жүзеге асыратын бiлiм беру ұйымдарын куәландыру жөнiндегi уәкiлеттi ұйымды айқындау;

318) Қазақстан Республикасының теңізшісі жеке куәлігінің, кәсіби дипломдардың, кәсіби дипломдарды растаудың, жеңілдік рұқсаттарының, теңізде жүзу кітапшаларының тізілімдерін жүргізу тәртібін әзірлеу және бекіту;

319) денсаулық сақтау саласындағы уәкілетті органмен келісу бойынша кеме экипажы мүшелерін медициналық қарап-тексеру қағидаларын, олардың денсаулығы мен дене жарамдылығына қойылатын талаптарды, сондай-ақ медициналық қорытындының нысанын әзірлеу және бекіту;

320) теңiз көлiгi, теңіз оқу-тренажер орталықтары мамандарын даярлауды (қайта даярлауды) және олардың біліктілігін арттыруды жүзеге асыратын білім беру ұйымдарын куәландыру қағидаларын әзірлеу және оларға қойылатын талаптарды бекіту;

321) теңiз көлiгi, теңіз оқу-тренажер орталықтары мамандарын даярлауды (қайта даярлауды) және олардың біліктілігін арттыруды жүзеге асыратын білім беру ұйымдарын куәландыру жөніндегі уәкілетті ұйымды айқындау қағидаларын әзірлеу және бекіту;

322) білім беру саласындағы уәкілетті органмен келісу бойынша су көлігі саласындағы мамандықтар бойынша үлгілік оқу бағдарламаларын әзірлеу және бекіту;

323) навигациялық орталықтың көрсететін қызметтерін пайдалану тарифтерін (бағасын) әзірлеу және бекіту;

324) тарифтерді (бағаларды, алымдар мөлшерлемелерін) немесе олардың шекті деңгейлерін бекіту кезінде ескерілетін порттар саласындағы табиғи монополиялар субъектілерінің инвестициялық бағдарламаларын (жобаларын) табиғи монополиялар саласында басшылықты жүзеге асыратын мемлекеттiк органмен бірлесіп әзірлеу және бекіту;

325) порттар саласындағы табиғи монополия субъектісінің инвестициялық бағдарламасының (жобасының) орындалуы туралы ақпаратқа талдау жүргізу;

326) теңіз порттарының табиғи монополия саласына жатқызылған көрсетілетін қызметтері тарифтеріне (бағаларына, алымдар мөлшерлемелеріне) уақытша төмендету коэффициентінің ұсынылып отырған деңгейін бекітудің орындылығының негiздемесi не оны бекітудің орынсыздығының негiздемесi көрсетілетін қорытындыны табиғи монополиялар саласында басшылықты жүзеге асыратын мемлекеттiк органға ұсыну;

327) теңiз кемелерiн жабдықтау жөнiндегi қағидаларды әзірлеу және бекiту;

328) Қазақстан Республикасының теңіз порттарында және оларға кіреберістерде кемелердің жүзу және тұрақта тұру қағидаларын әзірлеу және бекіту;

329) кемелермен болған авариялық жағдайларды тергеп-тексеру қағидаларын әзірлеу және бекіту;

330) Министрдің бұйрығымен бекітілген кемелермен болған авариялық жағдайларды тергеп-тексеру қағидаларына сәйкес кемелермен болған авариялық жағдайларды тергеп-тексеру және сыныптау;

331) Министрдің бұйрығымен бекітілген Ішкі су жолдарында кемелермен, оның ішінде шағын көлемді кемелермен болған көлік оқиғаларын тергеп-тексеруді, оларды сыныптауды және есепке алуды жүргізу қағидаларына сәйкес кемелермен, оның ішінде шағын көлемді кемелермен болған көлік оқиғаларын тергеп-тексеру, сыныптау және есепке алу;

332) кеме кітабында мемлекеттік тіркелуге жататын кемелердегі көлік оқиғаларын тергеп-тексеру;

333) кеме құжаттарының тізбесін, кеме құжаттарын жүргізу қағидаларын және кеме құжаттарына қойылатын талаптарды әзірлеу және бекіту;

334) теңіз порттарын, оның ішінде халықаралық маңыздағы мәртебесі бар теңіз порттарын, порт құрылыстарын және теңіз порты акваториясын пайдалану қағидаларын әзірлеу және бекіту;

335) "Сауда мақсатында теңізде жүзу туралы" Қазақстан Республикасының Заңына сәйкес кеме экипажының ең аз құрамына қойылатын талаптарды белгілеу;

336) кеме кітабында мемлекеттік тіркелуге жататын кемелердегі көліктік оқиғаларды тергеп-тексеру қағидаларын әзірлеу және бекіту;

337) шағын көлемді кемені және олар тоқтайтын базаларды (құрылыстарды) пайдалану қағидаларын әзірлеу және бекіту;

338) кеме тарихын үздіксіз тіркеу журналын жүргізу тәртібі мен нысанын әзірлеу және бекіту;

339) Қазақстан Республикасының теңіз көлігі кемелеріндегі қызмет жарғысын әзірлеу және бекіту;

340) Қазақстан Республикасының сауда мақсатында теңізде жүзу саласындағы халықаралық шарттарының талаптарына сәйкес теңіз көлігі мамандарын даярлау куәліктерінің тізбесі мен нысандарын әзірлеу және бекіту;

341) теңiз порттарын салу үшiн оларды орналастыру тәртiбiн айқындау;

342) бюджеттік жоспарлау жөніндегі орталық уәкілетті органмен келісу бойынша теңіз көлігіндегі мемлекеттік бақылау қызметкерлерін нысанды киіммен (погонсыз) қамтамасыз етудің заттай нормаларын әзірлеу және бекіту;

343) мұнаймен ластанудан болатын залал үшін азаматтық жауапкершілікті сақтандыру немесе өзге де қаржылық қамтамасыз ету туралы куәлікті беру қағидаларын әзірлеу және бекіту;

344) палубалы шағын көлемді кемелерді техникалық қадағалау қағидаларын әзірлеу және бекіту;

345) ішкi су жолдарын пайдалану қағидаларын әзірлеу және бекiту;

346) кеменi, оның ішінде шағын көлемді кемені және оған құқықтарды мемлекеттiк тiркеу қағидаларын әзірлеу және бекiту;

347) жағалау белдеуiн пайдалану тәртiбiн айқындау;

348) кемелердi лоцмандық алып өтудi жүзеге асыру тәртiбiн айқындау;

349) біліктілік комиссиялары туралы ережені, Қазақстан Республикасының мемлекеттік кеме тізілімінде мемлекеттік тіркеуге жататын кемелердiң командалық құрамының адамдарына диплом беру және оларды аттестаттау қағидаларын әзірлеу және бекіту;

350) қауiптi жүктердi тасымалдау қағидаларын әзірлеу және бекiту;

351) "Ішкі су көлігі туралы" Қазақстан Республикасының Заңына сәйкес кемелер экипаждарының ең аз құрамына қойылатын талаптарды белгілеу;

352) кемелердің портқа кіру және порттан шығу, кемелердің порт акваториясы мен порттағы тұрақ шегінде жүзуі қағидаларын әзірлеу және бекіту;

353) кемелерді, салдарды және өзге де жүзу объектілерін айлаққа қою, тоқтату және олардың тұрақта тұруы үшін уақытша құрылғылар мен жүзу құрылыстарын орнату, жолаушыларды кемеге отырғызу және одан түсіру, жүктерді тиеу, түсіру және сақтау тәртібін айқындау;

354) ішкі су көлігінде жолаушыларды, багажды және жүктерді тасымалдау қағидаларын әзірлеу және бекіту;

355) ішкі су жолдарында кемелермен, оның ішінде шағын көлемді кемелермен болған көлік оқиғаларын тергеп-тексеруді, оларды сыныптауды және есепке алуды жүргізу қағидаларын әзірлеу және бекіту;

356) ішкі суда жүзетін кемелерді техникалық пайдалану қағидаларын әзірлеу және бекіту;

357) "Ішкі су көлігі туралы" Қазақстан Республикасының Заңына сәйкес кемелердегі қызмет жарғысын әзірлеу және бекіту;

358) кемелерді, салдарды және өзге де жүзу объектілерін сүйреу қағидаларын әзірлеу және бекіту;

359) кеме қатынайтын гидротехникалық құрылыстарды (шлюздерді) техникалық пайдалану, тексеру және жөндеу қағидаларын әзірлеу және бекіту;

360) бюджеттік жоспарлау жөніндегі орталық уәкілетті органмен келісу бойынша нысанды киім (погонсыз) киiп жүруге құқығы бар мемлекеттiк қадағалау қызметкерлерiн қамтамасыз етудің заттай нормаларын әзірлеу және бекіту;

361) палубалы шағын көлемді кемелерді техникалық қадағалауды жүзеге асыру қағидаларын әзірлеу және бекіту;

362) кемелерді және порт құралдарын күзету жөніндегі қағидалар мен талаптарды әзірлеу және бекіту;

363) шағын көлемді кемелердің жүзу аудандарының разрядына қарай су бассейндерінің тізбесін әзірлеу және бекіту;

364) ұлттық контингентін бітімгершілік операцияға қатысуға жіберу жоспарланған мемлекеттік органдарға (ұйымдарға) қолжетімді байланыс түрлерімен қамтамасыз етуге және ұлттық контингент пен жүктерді бітімгершілік операция жүргізу аймағына (ауданына) және кері қарай тасымалдауға жәрдемдесу;

365) аралас тасымалдар қағидаларын әзірлеу және бекіту;

366) әлеуметтік, табиғи және техногендік сипаттағы төтенше жағдайлар туындаған, төтенше жағдай енгізілген кезде көлік кәсіпорындарының шарттық қатынастарын тоқтата тұру жөнінде шешім қабылдау;

367) автомобиль көлiгi саласында мемлекеттiк бақылауды жүзеге асыратын уәкiлеттi органның нысанды киiм (погонсыз) киiп жүруге құқығы бар лауазымды адамдарының тiзбесiн, нысанды киiмнiң (погонсыз), нөмiрлi омырау белгiлерiнiң, қызметтiк куәлiктiң үлгiлерiн әзірлеу және бекіту;

368) тұрақты маршруттар бойынша жолаушылар мен багажды тасымалдау жөнінде қызмет көрсетуге тарифтер есептеу әдістемесін белгіленген тәртіпке сәйкес әзірлеу және бекіту;

369) Қазақстан Республикасының аумағында жүк көлігі құралдарын өлшеудің халықаралық сертификатын қолдану қағидаларын әзірлеу және бекіту;

370) көліктік бақылау бекеттерінің жұмысын ұйымдастыру тәртібін әзірлеу және бекіту;

371) автомобиль көлігімен мүгедектерді тасымалдау жөнінде қызметтер көрсету қағидаларын әзірлеу және бекіту;

372) арнайы автоматтандырылған өлшеу құралдарын пайдалану қағидаларын әзірлеу және бекіту;

373) қалалық рельсті көлікті күтіп-ұстау, техникалық қызмет көрсету және жөндеу тәртібін әзірлеу және бекіту;

374) көлік құжаттарын басқарудың бірыңғай жүйесін ұйымдастыру және пайдалану қағидаларын әзірлеу және бекіту;

375) көлік құжаттарын басқарудың бірыңғай жүйесінде тіркеуге, есепке алуға, өңдеуге және сақтауға жататын құжаттардың тізбесін әзірлеу және бекіту;

376) автомобиль жолдарын жөндеу мен күтіп-ұстау жөніндегі жұмыстарға жұмсалатын шығындарды қаржыландырудың ғылыми негізделген нормативтерін дайындау;

377) облыстық және аудандық маңызы бар жалпыға ортақ пайдаланылатын автомобиль жолдары желісін құру және дамыту жөніндегі қызметті үйлестіру;

378) жол қызметі саласында ғылыми зерттеулер жүргізу;

379) ортақ пайдаланылатын бұрыннан бар автомобиль жолдарын орташа жөндеуге арналған техникалық құжаттамаға ведомстволық сараптама жүргізу тәртібін белгілеу;

380) Қазақстан Республикасының экономикасы мен қорғаныс қабілетін нығайту міндеттеріне сәйкес жалпыға ортақ пайдаланылатын автомобиль жолдарын дамытуды мемлекеттік жоспарлау;

381) автомобиль жолдарын күтіп-ұстау, ағымдағы, орташа және күрделі жөндеу және жол активтерін басқару кезінде орындалатын жұмыс түрлерінің сыныптамасын әзірлеу және бекіту;

382) жалпыға ортақ пайдаланылатын автомобиль жолдарын орташа жөндеуге арналған техникалық құжаттамаға ведомстволық сараптама жүргізу қағидаларын әзірлеу және бекіту;

383) халықаралық және республикалық маңызы бар жалпыға ортақ пайдаланылатын автомобиль жолдарының жол инфрақұрылымы қауіпсіздігінің мониторингі қағидаларын әзірлеу және бекіту;

384) автомобиль жолдарын салу, реконструкциялау, жөндеу және күтіп-ұстау кезінде жұмыстар мен материалдардың сапасына сараптама жүргізу бойынша жұмыстар мен көрсетілетін қызметтердің құнын айқындау, сондай-ақ облыстық, аудандық маңызы бар автомобиль жолдарының және елді мекендер көшелерінің жол активтерін басқару әдістемесін әзірлеу және бекіту;

385) жол дерекқорын қалыптастыру және жүргізу қағидаларын әзірлеу және бекіту;

386) табиғи монополиялар саласында басшылықты жүзеге асыратын мемлекеттік органмен келісу бойынша магистральдық теміржол желісінің жұмыс істеуі үшін технологиялық қажетті станциялық жолдардың, электрмен жабдықтау, сигнал беру, байланыс объектілерінің, құрылғылардың, жабдықтардың, ғимараттардың, құрылымдардың, құрылыстар мен өзге де объектілердің тізбесін әзірлеу және бекіту;

387) тасымалдарды ұйымдастыруға және (немесе) тасымалдауға байланысты қызметтерді орындауға арналған шарттар бойынша міндеттемелерді қамтамасыз ету тәртібі мен шараларын айқындау;

388) теміржол көлігімен тасымалдау кезінде әскерилендірілген күзет алып жүруге тиіс жүктердің тізбесін әзірлеу және бекіту;

389) теміржол көлігі қызметкерлерін кәсіби үздік белгімен марапаттау тәртібін әзірлеу және бекіту;

390) экспедитор қызметін көрсету тәртібін айқындау;

391) вагондар (контейнерлер) операторлары ұсынатын қызметтер тәртiбiн айқындау;

392) локомотивтік тартқыш қызметтерін көрсету тәртібін айқындау;

393) тасымалдау процесіне қатысушылардың өзара технологиялық іс-қимыл жасау қағидаларын әзірлеу және бекіту;

394) табиғи монополиялар салаларында басшылықты жүзеге асыратын мемлекеттік органмен келісу бойынша магистральдық теміржол желісінде көрсетілетін қызметтерге кіретін операциялардың тізбесін әзірлеу және бекіту;

395) табиғи монополиялар салаларында басшылықты жүзеге асыратын мемлекеттік органмен келісу бойынша кірме жолдарда көрсетілетін қызметтерге кіретін операциялардың тізбесін әзірлеу және бекіту;

396) теміржолдарды техникалық пайдалану, қызмет көрсету және жөндеу қағидаларын әзірлеу және бекіту;

397) жаңадан салынып жатқан жолдардың жұмыс iстеп тұрған кiрме жолдарға жалғасуын келісу тәртібін әзірлеу және бекіту;

398) күзет аймағындағы жерлердің көлемдерін, пайдалану режимін айқындау жөніндегі және теміржол көлігінің мұқтаждарына бөлінген белдеудегі жерлерді пайдалану қағидаларын әзірлеу және бекіту;

399) жолаушылар пойыздарын тексеруді тағайындау туралы актіні есепке алу журналын жүргізу тәртібі мен оның нысанын әзірлеу және бекіту;

400) облыстың, республикалық маңызы бар қаланың, астананың, ауданның (облыстық маңызы бар қаланың) және өзге де елді мекендердің жергілікті өкілді және атқарушы органдарымен келісу бойынша теміржол станцияларының, разъездердің жұмыс режиміне қойылатын талаптарды, сондай-ақ оларды ашу және жабу тәртібін айқындау;

401) пойыздардың қозғалысына тікелей байланысты теміржол көлігі жұмыскерлерінің кәсіби даярлығы мен денсаулығы жөніндегі талаптарды айқындау;

402) жолаушылар пойыздарының құрамындағы жылжымалы құрамды тіркеу және оның бағытпен жүруінің тәртібі мен шарттарын айқындау;

403) лауазымдар (кәсiптер) тiзбесiн, лауазымдарға (кәсiптерге) қойылатын бiлiктiлiк талаптарына сәйкес кәсiби даярлық деңгейiн, лауазымға (кәсiпке) қойылатын бiлiктiлiк талаптарын айқындау тәртiбiн белгiлеу;

404) әлеуметтік, табиғи және техногендік сипаттағы төтенше жағдайлар салдарын жою үшін қажетті материалдық және техникалық құралдар қорының тізбесін айқындау;

405) жылжымалы құрамды, арнайы жылжымалы құрамды сыныптау тізбесін әзірлеу және бекіту;

406) пойыздардың қозғалысы және теміржол көлігіндегі маневрлік жұмыс жөніндегі нұсқаулықты әзірлеу және бекіту;

407) жылжымалы құрамның қызмет ету мерзімдерін ұзарту қағидаларын әзірлеу және бекіту;

408) теміржол өткелдерін техникалық пайдалану, қызмет көрсету және жөндеу қағидаларын әзірлеу және бекіту;

409) нысанды киім (погонсыз) киіп жүруге құқығы бар теміржол көлігіндегі мемлекеттік бақылау қызметкерлері лауазымдарының (кәсіптерінің) тізбесін, нысанды киімнің (погонсыз) үлгілерін, оны киіп жүру тәртібін және айырым белгілерін әзірлеу және бекіту;

410) жолаушыларды, багажды, жүк-багажды, жүктерді тасымалдау және тасымалдау кезінде жылжымалы құрамды пайдалану туралы есепке алуды жүргізу және есептілікті беру тәртібін әзірлеу және бекіту;

411) Қазақстан Республикасының аумағында теміржол көлігіндегі апаттарды, аварияларды тергеп-тексеруге қатысу;

412) пойыздар қозғалысына байланысты терминдерді әзірлеу және бекіту;

413) Қазақстан Республикасында теміржол көлігіндегі жол жүру құжаттарын (билеттерді) сатуды ұйымдастыру қағидаларын әзірлеу және бекіту;

414) теміржол көлігіндегі табиғи монополиялар субъектілерінің шикізат пен материалдар, қосалқы бөлшектер, жабдықтар, жанармай, энергия шығыстарының, техникалық шығындарының техникалық және технологиялық үлгілік нормаларын әзірлеу және бекіту;

415) теміржол вокзалдарының тізбесін олардың сыныбына сәйкес әзірлеу және бекіту;

416) магистральдық теміржол желісін және теміржол көлігінің жылжымалы құрамын дамыту мақсатында шығарылған тасымалдаушының облигациялары бойынша купондық сыйақы мөлшерлемелерін субсидиялау қағидаларын әзірлеу және бекіту;

417) магистральдық теміржол желісін және теміржол көлігінің жылжымалы құрамын дамыту мақсатында шығарылған тасымалдаушының облигациялары бойынша купондық сыйақы мөлшерлемесін субсидиялауға арналған үлгілік шартты әзірлеу және бекіту;

418) магистральдық, станциялық жолдарды және магистральдық теміржол желісінің өзге де объектілерін магистральдық, станциялық жолдар және магистральдық теміржол желісінің жұмыс істеуі үшін технологиялық тұрғыдан қажетті өзге де объектілер тізбесіне енгізу және одан алып тастау қағидаларын әзірлеу және бекіту;

419) әлеуметтік маңызы бар қатынастар бойынша жолаушылар қозғалысындағы локомотивтік тартқыш операторының шығыстарын ұзақ мерзімді субсидиялау қағидаларын әзірлеу және бекіту;

420) әлеуметтік маңызы бар қатынастар бойынша жолаушылар қозғалысындағы локомотивтік тартқыш операторының шығыстарын ұзақ мерзімді субсидиялау көлемін айқындау әдістемесін әзірлеу және бекіту;

421) жолаушылар тасымалдаушыларының әлеуметтік маңызы бар жолаушылар қатынастарына жатпайтын жаңа теміржол қатынастарын ашуын келісу;

422) теміржол көлігінде қолданылатын бірыңғай есепке алу-есептеу уақытын белгілеу;

423) теңіз портының капитанын лауазымға тағайындау және босату;

424) нысанды киiм (погонсыз) берілетін теңіз көлігіндегі мемлекеттік бақылау қызметкерлері лауазымдарының (кәсіптерінің) тізбесін, нысанды киiмнің және айырым белгiлерiнің үлгiлерiн, нысанды киiм (погонсыз) киiп жүру тәртiбiн әзірлеу және бекiту;

425) теңіз лоцмандарына арналған біліктілік талаптарын белгілеу;

426) әлеуметтік, табиғи және техногендік сипаттағы төтенше жағдайлар кезінде тиiстi мемлекеттiк органдармен келiсу бойынша сауда мақсатында теңізде жүзу саласында тасымалдау үшін жүктерді қабылдауды уақытша тоқтатудың немесе шектеудің әрекет ету мерзімін белгілеу;

427) актілер нысандарын, оларды жасау тәртібін және актілерді жасауды талап етпейтін жағдайларды куәландыру тәртібін әзірлеу және бекіту;

428) теңіз кемелерінің экипаждарын азық-түлікпен қамтамасыз ету қағидаларын әзірлеу және бекіту;

429) теңіз кемелерін сыныптау және жасау қағидаларын әзірлеу және бекіту;

430) теңіз кемелерінің жүк маркасы туралы қағидаларды әзірлеу және бекіту;

431) теңіз кемелерінің жүк көтергіш құрылғыларын куәландыру қағидаларын әзірлеу және бекіту;

432) кемелерді лоцмандық алып өтудің міндетті аудандары мен міндетті емес аудандарын белгілеу және мұндай аудандар туралы ақпаратты теңіз порттары мен лоцияларына жалпыға бірдей жеткізу;

433) теңіз портының капитаны туралы ережені әзірлеу және бекіту;

434) еңбек жөніндегі уәкілетті мемлекеттік органмен келісу бойынша Қазақстан Республикасының теңіз флоты кемелерінің жүзу құрамының жұмыс уақыты мен демалыс уақытын реттеу ерекшеліктерін белгілеу;

435) еңбек жөніндегі уәкілетті мемлекеттік органмен келісу бойынша теңізшілердің еңбегі мен олардың еңбекақысын реттеу ерекшеліктерін белгілеу;

436) Қазақстан Республикасының Үкіметі айқындаған өкілеттіктер шегінде Қазақстан Республикасының теңіз әкімшілігі ретінде әрекет ету;

437) Қазақстан Республикасының теңіз көлiгіндегi экспедиторлық қызметтi жүзеге асыру қағидаларын әзірлеу және бекіту;

438) мемлекеттік кеме тізілімінің, жалға алынған шетелдік кемелер тізілімінің және кеме кітабының нысандарын әзірлеу және бекіту;

439) лоцмандық қызмет туралы ережені әзірлеу және бекіту;

440) ішкі су жолдары учаскелерінің тізбесін, міндетті лоцмандық алып өтуге жататын кемелердің үлгілері мен көлемін әзірлеу және бекіту;

441) нысанды киім (погонсыз) киіп жүруге құқығы бар мемлекеттік бақылау және қадағалау қызметкерлері лауазымдарының (кәсіптерінің) тізбесін, нысанды киімнің (погонсыз) және айырым белгілерінің үлгілерін, сондай-ақ оны киіп жүру тәртібін әзірлеу және бекіту;

442) суға кеткен мүлікті көтерудің тәртібі мен мерзімдерін айқындау;

443) кемелерді жасауды және материалдар мен бұйымдарды дайындауды техникалық байқау қағидаларын әзірлеу және бекіту;

444) кеме атауын беру тәртібін белгілеу;

445) пайдаланылатын кемелерді куәландыру қағидаларын әзірлеу және бекіту;

446) кемелердің кеме қатынасы шлюздері арқылы өту қағидаларын әзірлеу және бекіту;

447) пайдаланылған кемелердің элементтерін пайдалана отырып, ішкі және аралас "өзен-теңіз" суларында жүзетін кемелерді жасау қағидаларын әзірлеу және бекіту;

448) ішкі суларда жүзетін кемелерді және аралас "өзен-теңіз" суларында жүзетін кемелерді жаңарту жөніндегі қағидаларды әзірлеу және бекіту;

449) техникалық флот кемелерін жаңарту жөніндегі қағидаларды әзірлеу және бекіту;

450) ішкі суда жүзетін кемелерді жасау қағидаларын әзірлеу және бекіту;

451) кемелердің командалық құрамының адамдарына арналған дипломның нысанын әзірлеу және бекіту;

452) ішкі су жолдарында кемемен жүзу қауіпсіздігін қамтамасыз ету жөніндегі жол жұмыстарын жоспарлау және жүргізу қағидаларын әзірлеу және бекіту;

453) мемлекеттік статистика саласындағы уәкілетті органмен келісу бойынша кеме қатынайтын су жолдарымен кемелердің жүзуі туралы есептіліктің нысандары мен мерзімін, сондай-ақ жасау тәртібін әзірлеу және бекіту;

454) кеме қатынайтын су жолдарымен кемелердің жүзуі туралы есептілікті жасау;

455) еңбек жөніндегі уәкілетті мемлекеттік органмен келісу бойынша ішкі су көлігі кемелеріндегі еңбек қауіпсіздігі және еңбекті қорғау саласындағы қағидаларды әзірлеу және бекіту;

456) қалалық рельстік көліктің көлік құралдарын мемлекеттік тіркеу тәртібін айқындау;

457) күзетуге және алып жүруге арналған жүктердің тізбесін әзірлеу және бекіту;

458) жүктерді теміржол көлігімен тасымалдау қағидаларын әзірлеу және бекіту;

459) теміржол көлігіндегі жол жүрісі қауіпсіздігін бұзушылықтарды тергеп-тексеру қағидаларын әзірлеу және бекіту;

460) қауіпсіздік сертификатының нысанын әзірлеу және бекіту;

461) кiрме жолдар мен жанасу станциялары жұмысының бірыңғай технологиялық процестерін әзірлеу қағидаларын әзірлеу және бекіту;

462) тасымалдаушы мен экспедитор арасындағы жүктерді теміржол көлігімен тасымалдауды ұйымдастыру туралы үлгілік шарттарды әзірлеу және бекіту;

463) жасанды құрылысжайларды техникалық пайдалану, қызмет көрсету және жөндеу қағидаларын әзірлеу және бекіту;

464) жылжымалы құрамды техникалық пайдалану, қызмет көрсету және жөндеу қағидаларын әзірлеу және бекіту;

465) жол жүрісі қауіпсіздігін бұзушылықтар туралы ақпараттың нысандарын әзірлеу және бекіту;

466) кемелерді өлшеу жөніндегі қағидаларды әзірлеу және бекіту;

467) қоршаған ортаны қорғау саласындағы уәкілетті органмен келісу бойынша кемелерден ластануды болғызбау жөніндегі қағидаларды әзірлеу және бекіту;

468) теңіз порты мәртебесін беру қағидаларын әзірлеу және бекіту;

469) теңіз портының міндетті көрсететін қызметтері үшін бағаларды (тарифтерді) қолдану қағидаларын әзірлеу және бекіту;

470) Қазақстан Республикасының аумақтық суларында жүзу қағидаларын әзірлеу және бекіту;

471) мемлекеттік техникалық флот кемелерінің жанар-жағармай материалдарын жұмсау (заттай мәндегі) нормаларын әзірлеу және бекіту;

472) суға батқан мүлікті көтеру құнын айқындау әдістемесін әзірлеу және бекіту;

473) уәкілетті органның лауазымды адамдарының әкімшілік құқық бұзушылықтар және әрекеттер жасау фактілерін тіркеу үшін техникалық құралдарды пайдалану қағидаларын әзірлеу және бекіту;

474) уәкілетті органның аумақтық бөлімшесінде жүктерді жүк және мамандандырылған автокөлік құралдарымен тасымалдау, сондай-ақ арнаулы автомобильдермен қызметтер көрсету жөніндегі қызметті тіркеу тәртібін әзірлеу және бекіту;

475) механикалық көлік құралдары мен олардың тіркемелерін міндетті техникалық қарап-тексерудің бірыңғай ақпараттық жүйесімен ақпараттық өзара іс-қимылды жүзеге асыратын мамандандырылған бағдарламалық қамтылымға қойылатын талаптарды әзірлеу және бекіту;

476) Ұлттық теңіз тасымалдаушысы мәртебесін беру қағидаларын және шарттарын әзірлеу және бекіту;

477) азаматтық қорғау саласындағы уәкілетті органмен, Қорғаныс министрлігімен және Ұлттық қауіпсіздік комитетімен бірлесіп Каспий теңізінің қазақстандық секторында құтқару операцияларын жүргізу қағидаларын әзірлеу және бекіту;

478) материалдар мен жабдықтардың азайтылмайтын қорының тізбесін, кеме қатынасы шлюзі үшін оларды пайдалану және сақтау тәртібін әзірлеу және бекіту;

479) Жылжымалы құрам мемлекеттік тізілімінен алып тастау тәртібін белгілеу;

480) шағын көлемді кемелерді қарап-тексеру актісінің және ұйғарымның нысанын әзірлеу және бекіту;

481) су объектілерін кеме қатынасы санатына жатқызу тәртібін және кеме қатынасы су жолдарының тізбесін әзірлеу және бекіту;

482) жолаушыларды және көлік инфрақұрылымы объектілеріне келетін адамдарды, олардың алып жүретін заттарын, оның ішінде қол жүгі мен багажын тексеріп қарауды жүргізу қағидалары мен талаптарын әзірлеу және бекіту;

483) тексеріп қарау жүргізілетін көлік инфрақұрылымы объектілерінің, өздеріне қатысты тексеріп қарау жүргізілмейтін адамдардың, сондай-ақ көлік инфрақұрылымы объектілеріне әкелуге тыйым салынған заттар мен нәрселердің тізбесін әзірлеу және бекіту;

484) жолаушыларды және көлік инфрақұрылымы объектілеріне келетін адамдарды, олардың алып жүретін заттарын, оның ішінде қол жүгі мен багажын тексеріп қарау кезінде қолданылатын техникалық құралдарға қойылатын талаптарды әзірлеу және бекіту;

485) халықаралық және республикалық маңызы бар жалпыға ортақ пайдаланылатын автомобиль жолдарын жөндеуді, күтіп-ұстауды және жол қызметін басқаруды қаржыландыру нормативтерін әзірлеу және бекіту;

486) екінші санаттағы рұқсатты алуға арналған өтініштердің нысандарын, екінші санаттағы рұқсаттардың нысандарын әзірлеу және рұқсаттар мен хабарламалар саласындағы уәкілетті органмен және ақпараттандыру саласындағы уәкілетті органмен келісу және бекіту;

487) жалпыға ортақ пайдаланылатын халықаралық және республикалық маңызы бар ақылы автомобиль жолдарын және көпiр өткелдерiн пайдалану тәртiбi мен шарттарын әзірлеу және бекiту;

488) жалпыға ортақ пайдаланылатын халықаралық және республикалық маңызы бар автомобиль жолын (учаскесін) ақылы негізде пайдалану туралы шешім қабылдау;

489) сыртқы (көрнекі) жарнама объектілерін халықаралық, республикалық, облыстық және аудандық маңызы бар жалпыға ортақ пайдаланылатын автомобиль жолдарының бөлінген белдеуінде орналастыру қағидаларын әзірлеу және бекіту;

490) сыртқы (көрнекі) жарнама объектілерін елді мекендердегі үй-жайлардың шегінен тыс ашық кеңістікте орналастыру қағидаларын бекіту;

491) облыстық немесе аудандық маңызы бар жалпыға ортақ пайдаланылатын автомобильдің жолдарын немесе олардың учаскелерін өтеусіз уақытша пайдалануға берудің үлгілік шартын әзірлеу және бекіту;

492) жалпыға ортақ пайдаланылатын республикалық маңызы бар ақылы автомобиль жолымен (жол учаскесімен) жүріп өту үшін ақы алу тәртібін және мөлшерлемесін айқындау;

493) халықаралық және республикалық маңызы бар жалпыға ортақ пайдаланылатын автомобиль жолдарын сыныптау тәртібі мен шарттарын, тізбесін, олардың атаулары мен индекстерін, оның ішінде қорғаныста пайдаланылатын автомобиль жолдарының тізбесін әзірлеу және бекіту;

494) автомобиль жолдарын, қорғаныстық маңызы бар жолдарды пайдалану қағидаларын әзірлеу және бекіту;

495) Қазақстан Республикасының аумағы арқылы автокөлік құралдарымен жүріп өту үшін алымдарды төлеу тәртібі мен мөлшерлемесін әзірлеу және бекіту;

496) автомобиль жолдарын салу, реконструкциялау, жөндеу және күтіп-ұстау кезінде ұлттық жол активтерінің сапасы орталығының жұмыстар мен материалдардың сапасына сараптама жүргізуін ұйымдастыру қағидаларын әзірлеу және бекіту;

497) жалпыға ортақ пайдаланылатын халықаралық және республикалық маңызы бар автомобиль жолдарын салу, реконструкциялау, жөндеу, күтіп-ұстау, диагностикалау, паспорттау және аспаптық тексеру жөніндегі жұмыстарды іске асыру мен қаржыландыру қағидаларын әзірлеу және бекіту;

498) астананың, республикалық маңызы бар қаланың көшелерін, облыстық және аудандық маңызы бар автомобиль жолдарын жөндеуді және күтіп-ұстауды қаржыландыру нормативтерін әзірлеу және бекіту;

499) жалпыға ортақ пайдаланылатын автомобиль жолдарын, шаруашылық автомобиль жолдарын, елді мекендердің көшелерін мемлекеттік есепке алу тәртібін белгілеу;

500) Қазақстан Республикасының азаматтық әуе кемелерінің ұшу жарамдылығы нормаларын әзірлеу және бекіту;

501) авиация персоналын кәсіптік даярлау қағидаларын әзірлеу және бекіту;

502) мемлекеттік авиация саласындағы уәкілетті органмен келісу бойынша Қазақстан Республикасының Үкіметі бекіткен Қазақстан Республикасының әуе кеңістігін пайдалану қағидаларына сәйкес астананың және астаналық әуежайдың үстіндегі әуе кеңістігін пайдалану тәртібін белгілеу;

503) азаматтық авиацияның пайдаланушылары мен ұйымдарының қаржы-экономикалық жағдайы туралы ақпараттың нысанын әзірлеу және бекіту;

504) шетелдік авиатасымалдаушылардың тұрақты ұшу кестесін, сондай-ақ Қазақстан Республикасының халықаралық авиамаршруттарындағы шетелдік авиатасымалдаушылардың тұрақты рейстерінің кестесін бекіту жөніндегі нұсқаулықты әзірлеу және бекіту;

505) азаматтық авиацияда әуеайлақтық қамтамасыз ету қағидаларын әзірлеу және бекіту;

506) азаматтық әуе кемелерін авиациялық жанар-жағармай материалдарымен қамтамасыз ету қағидаларын әзірлеу және бекіту;

507) Қазақстан Республикасының әуежайларында жолаушыларға қызмет көрсетуді ұйымдастыру қағидаларын әзірлеу және бекіту;

508) Қазақстан Республикасының халықаралық әуежайларында әуе көлігімен багажды, пошта жөнелтiлімдерiн және жүктерді тасымалдау мен өңдеу жөніндегі бірыңғай талаптарды, технологиялық рәсімдерді әзірлеу және бекіту;

509) электрондық авиажүкқұжатының нысанын әзірлеу және бекіту;

510) әуе көлігімен багажды, пошта жөнелтiлімдерiн және жүктерді тасымалдау және өңдеу кезінде ақпараттық өзара іс-қимыл қағидаларын әзірлеу және бекіту;

511) табиғи монополиялар субъектілерінің реттеліп көрсетілетін қызметтеріне (тауарларына, жұмыстарына) арналған тарифтерді (бағаларды, алымдар мөлшерлемелерін) немесе олардың шекті деңгейлерін есептеудің кемсітпейтін әдістемелерін әзірлеу, бекіту және қолдану;

512) азаматтық әуе кемелерінде қауіпті жүктерді әуеде тасымалдау қағидаларын әзірлеу және бекіту;

513) табиғи монополияларды реттеу саласындағы мемлекеттік саясатты қалыптастыру жөнінде ұсыныстар тұжырымдау және оларды табиғи монополиялар салаларында басшылықты жүзеге асыратын уәкілетті органның қарауына енгізу;

514) әуежайлар мен аэронавигация көрсететін қызметтер аясындағы табиғи монополиялар салаларын табиғи монополиялар субъектілері аталған салалар шеңберінде ұсынатын көрсетілетін қызметтерді (тауарларды, жұмыстарды) реттелетіндерге жатқызу нысанасына талдауды жүзеге асыру және жүргізілген талдау қорытындысы бойынша табиғи монополиялар саласында басшылықты жүзеге асыратын уәкілетті орган бекітетін реттеліп көрсетілетін қызметтер (тауарлар, жұмыстар) тізбесіне өзгерістер және (немесе) толықтырулар енгізу қажеттігі туралы қорытынды енгізу;

515) сараптама кеңесін құру, ол туралы ережені әзірлеу және бекіту;

516) табиғи монополиялар субъектілерінің тұтынушыларға қызметтер көрсету стандартын әзірлеу және бекіту;

517) табиғи монополиялар субъектілерінің инвестициялық бағдарламаларының жобаларын (жобаларды) қалыптастыру және бағалау әдістемесін әзірлеу және бекіту, сондай-ақ оларды іске асыру тиімділігінің көрсеткіштеріне мониторинг пен бағалау жүргізу;

518) табиғи монополиялар субъектілерінің реттеліп көрсетілетін қызметтеріне (тауарларына, жұмыстарына) арналған тарифтерге (бағаларға, алымдар мөлшерлемелеріне) уақытша төмендету коэффициентінің деңгейін есептеу әдістемесін әзірлеу және бекіту;

519) азаматтық авиация саласындағы кемсітусіз қол жеткізудің техникалық шарттарын айқындау;

520) қоғамдық маңызы бар нарықтарға қатысты мемлекеттік саясатты қалыптастыру жөнінде ұсыныстар әзірлеу және оларды табиғи монополиялар салаларында басшылықты жүзеге асыратын уәкілетті органның қарауына енгізу;

521) мемлекеттік-жекешелік әріптестік жобасының тұжырымдамасын, концессиялық ұсынысты, мемлекеттік-жекешелік әріптестік жобасының, оның ішінде концессиялық жобаның техникалық-экономикалық негіздемесін, мемлекеттік-жекешелік әріптестік жобасының, оның ішінде концессия жобасының конкурстық құжаттамасын, мемлекеттік-жекешелік әріптестік шартының, оның ішінде концессия шартының жобаларын келісу, сондай-ақ табиғи монополиялар саласына жатқызылатын тауарларға, жұмыстар мен көрсетілетін қызметтерге арналған тарифтерді (бағаларды, алымдар мөлшерлемелерін) қалыптастыру және бекіту тәртібі бөлігінде оларға өзгерістер және (немесе) толықтырулар енгізу;

522) Қазақстан Республикасының Үкіметіне жыл сайын табиғи монополиялар салаларының жай-күйі, бекітілген тарифтік сметалардың орындалуы, бекітілген инвестициялық бағдарламалардың орындалуы туралы есептерді ұсыну;

523) тарифтерді қалыптастыру қағидаларын әзірлеу және бекіту;

524) табиғи монополиялар субъектілерінің қызметін жүзеге асыру қағидаларын әзірлеу және бекіту;

525) реттеліп көрсетілетін қызметтерді ұсынудың үлгі шарттарын әзірлеу және бекіту;

526) реттеліп көрсетілетін қызметтердің тізбесін әзірлеу және бекіту;

527) тарифтік саясат жөніндегі кеңес туралы ережені және оның дербес құрамын әзірлеу және бекіту;

528) Қазақстан Республикасының азаматтық авиациясындағы өрт қауіпсіздігі қағидаларын әзірлеу және бекіту;

529) Қазақстан Республикасының әуежайларында ұшуды авариялық-құтқарумен қамтамасыз ету қағидаларын әзірлеу және бекіту;

530) әуе кемелерін ұшу алдында және арнайы қарап-тексеру қағидаларын әзірлеу және бекіту;

531) авиакомпанияларға тұрақты ішкі коммерциялық әуе тасымалдарын орындауға рұқсат беру қағидаларын әзірлеу және бекіту;

532) жолаушыларды, багажды және жүктерді әуе көлігімен тасымалдау қағидаларын әзірлеу және бекіту;

533) азаматтық авиацияда ұшуды және авиациялық электр байланысын радиотехникалық қамтамасыз ету қағидаларын әзірлеу және бекіту;

534) азаматтық авиацияда аэронавигациялық ақпаратпен қамтамасыз ету қағидаларын әзірлеу және бекіту;

535) сертификаттау және үлгі сертификатын беру қағидаларын әзірлеу және бекіту;

536) Қазақстан Республикасының азаматтық әуе кемесінің ұшуға жарамдылығын сертификаттау және сертификат беру қағидаларын әзірлеу және бекіту;

537) жеңіл және аса жеңіл авиация саласындағы сертификаттау қағидаларын әзірлеу және бекіту;

538) Қазақстан Республикасының азаматтық әуе кемелерін техникалық пайдалану және оларды жөндеу қағидаларын әзірлеу және бекіту;

539) азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және сертификат беру қағидаларын әзірлеу және бекіту;

540) азаматтық авиацияның авиациялық оқу орталығын сертификаттау және сертификат беру қағидаларын әзірлеу және бекіту;

541) аэронавигациялық қызмет көрсетуді берушіні сертификаттау және оған сертификат беру қағидаларын, сондай-ақ аэронавигациялық қызмет көрсетуді берушілерге қойылатын сертификаттау талаптарын әзірлеу және бекіту;

542) Қазақстан Республикасының азаматтық және эксперименттік авиациясы әуе кемелерінің экипаж мүшелерінің жұмыс уақыты мен демалысын ұйымдастыру қағидаларын әзірлеу және бекіту;

543) азаматтық әуе кемелерін пайдаланушыны сертификаттау және сертификат беру қағидаларын әзірлеу және бекіту;

544) пайдаланушыны авиациялық жұмыстарға жіберу қағидаларын әзірлеу және бекіту;

545) жалпы мақсаттағы авиацияны пайдаланушыларға ұшуға рұқсат беру қағидаларын әзірлеу және бекіту;

546) аэроклубтар туралы үлгілік ережені әзірлеу және бекіту;

547) Қазақстан Республикасының азаматтық авиациясында ұшу жұмысын ұйымдастыру қағидаларын әзірлеу және бекіту;

548) Қазақстан Республикасының азаматтық авиациясында бортсеріктердің жұмысын ұйымдастыру қағидаларын әзірлеу және бекіту;

549) әуеайлақтардың (тікұшақ айлақтарының) жарамдылығын сертификаттау және сертификат беру қағидаларын әзірлеу және бекіту;

550) азаматтық авиация әуеайлақтарының (тікұшақ айлақтарының) пайдалануға жарамдылығы нормаларын әзірлеу және бекіту;

551) азаматтық авиация әуеайлақтарының (тікұшақ айлақтарының) азаматтық әуе кемелерін пайдалануға жарамдылығы нормаларына сәйкестігін бағалау әдістемесін әзірлеу және бекіту;

552) Қазақстан Республикасының азаматтық авиациясының ұшуын электр жарығымен техникалық қамтамасыз ету қағидаларын әзірлеу және бекіту;

553) Қазақстан Республикасының әуежайларында арнайы көлік қызметінің жұмысын ұйымдастыру қағидаларын әзірлеу және бекіту;

554) Қазақстан Республикасының азаматтық авиация ұйымдарында авиациялық жанар-жағармай материалдары мен арнаулы сұйықтықтарды сақтау, құюға беруге дайындау және олардың сапасына бақылау жүргізу қағидаларын әзірлеу және бекіту;

555) Қазақстан Республикасының азаматтық әуе кемелерінің ұшуын орнитологиялық қамтамасыз ету қағидаларын әзірлеу және бекіту;

556) авиатасымалдауды ұйымдастыру қызметі туралы үлгілік ережені әзірлеу және бекіту;

557) авиациялық қауіпсіздік қызметі туралы үлгілік ережені әзірлеу және бекіту;

558) азаматтық авиация ұйымдарының өндірістік-диспетчерлік қызметі туралы үлгі ережені әзірлеу және бекіту;

559) әуежайдың авиациялық қауіпсіздік қызметінің қарап тексеруді ұйымдастыруын сертификаттау және сертификат беру қағидаларын әзірлеу және бекіту;

560) Қазақстан Республикасының азаматтық авиациясы ұйымдарының авиациялық қауіпсіздік қызметінің басшылары мен мамандары лауазымдарының тізбесін, сондай-ақ осындай лауазымдарға қойылатын біліктілік талаптарын әзірлеу және бекіту;

561) азаматтық әуе кемелерін пайдаланушыларға қойылатын сертификаттау талаптарын әзірлеу және бекіту;

562) көлік-логистика орталықтарын жайластыру және техникалық жарақтандыру жөніндегі үлгілік талаптарды әзірлеу және бекіту;

563) авиациялық оқу орталықтарына қойылатын сертификаттау талаптарын әзірлеу және бекіту;

564) авиациялық техникаға техникалық қызмет көрсету және оларды жөндеу жөніндегі ұйымдарға қойылатын сертификаттау талаптарын әзірлеу және бекіту;

565) азаматтық әуе кемелерiн жанар-жағармай материалдарымен қамтамасыз ету ұйымдарына қойылатын талаптарды әзірлеу және бекіту;

566) әуежайдың авиациялық қауіпсіздік қызметінің тексеріп қарауды ұйымдастыруы бойынша сертификаттық талаптарды әзірлеу және бекіту;

567) азаматтық авиацияның авиация персоналының киім үлгісін кию және айырым белгілерін тағып жүру қағидаларын әзірлеу және бекіту;

568) сыныпталмайтын және уақытша әуеайлақтар мен қону алаңдарының пайдалануға жарамдылығын айқындау қағидаларын әзірлеу және бекіту;

569) Халықаралық азаматтық авиация ұйымының (ИКАО) стандарттарына сәйкес ұшу қауіпсіздігі бағдарламасын әзірлеу;

570) Қазақстан Республикасының азаматтық авиациясында ұшуды жүргізу қағидаларын әзірлеу және бекіту;

571) үкіметаралық келісімдерге сәйкес авиатасымалдаушылардың саны немесе рейстерді орындау жиілігі бойынша шектеу белгіленген халықаралық авиамашруттарды, сондай-ақ тұрақты әуе тасымалдарын жүзеге асыруға арналған субсидияланатын авиамаршруттарды (облысішілік авиамаршруттарды қоспағанда) Қазақстан Республикасының авиакомпаниялары арасында конкурстық негізде бөлу;

572) әуе қозғалысын ұйымдастыру және оған қызмет көрсету жөніндегі нұсқаулықты әзірлеу және бекіту;

573) әуе қозғалысына қызмет көрсету, әуе кемелеріне техникалық қызмет көрсету кезінде әуежайларда азаматтық әуе кемелерін пайдаланушылардың ұшу қауіпсіздігін басқару жөніндегі үлгі нұсқаулықтарды әзірлеу және бекіту;

574) ұшу қауіпсіздігін қамтамасыз етуге қатысатын авиациялық персоналды кәсіптік даярлаудың үлгі бағдарламаларын әзірлеу және бекіту;

575) әуежайды пайдаланушының бірінші басшысы лауазымына үміткерлерге қойылатын біліктілік талаптарын белгілеу;

576) әуе кемелерін есептен шығару қағидаларын әзірлеу және бекіту;

577) акционерлік қоғам нысанында құрылған авиакомпанияға шетелдік қатысуды (бақылауды) шектеу қағидаларын әзірлеу және бекіту;

578) Қазақстан Республикасының әуежайларында әуе кемелеріне қызмет көрсету үшін уақытша интервалдарды бөлу қағидаларын әзірлеу және бекіту;

579) Қазақстан Республикасының Үкіметімен келісу бойынша халықаралық ұшуға қызмет көрсетуге рұқсат берілген әуежайды пайдаланушыға қатысты уақытша басқаруды енгізу және уақытша әкімшілікті қалыптастыру;

580) азаматтық және эксперименттік әуе кемелеріне мемлекеттік, тіркелетін танылым және қосымша белгілерді салу тәртібін және көрсетілген белгілердің сипаттамасын айқындау;

581) шетелдік авиатасымалдаушылардың тұрақты ұшу кестелерін әзірлеу және бекіту;

582) азаматтық және эксперименттік авиация үшін ұшуға дайындық қағидаларын әзірлеу және бекіту;

583) субсидияланатын маршруттарда ұшуды орындаған кезде ұшу сағатының өзіндік құнын есептеу нұсқаулығын әзірлеу және бекіту;

584) азаматтық әуе кемелерімен тасымалдауға арналған қауіпті жүктердің тізбесін әзірлеу және бекіту;

585) әуежайдың бақыланатын аймағына өту, көлікпен өту құқығына арналған рұқсаттамалардың түрлері мен нысандарын әзірлеу және бекіту;

586) халықаралық тұрақты емес ұшуды орындауға рұқсаттар беру қағидаларын және оны беруден бас тарту негіздерін әзірлеу және бекіту;

587) авиакомпанияның бірінші басшысы лауазымына үміткерлерге қойылатын біліктілік талаптарын әзірлеу және бекіту;

588) авиациялық қауіпсіздік бойынша даярлау және қайта даярлау бағдарламаларын әзірлеу және бекіту;

589) халықаралық ынтымақтастықты, оның ішінде халықаралық азаматтық авиация ұйымдарында Қазақстан Республикасының өкілдігін жүзеге асыру;

590) әуе трассаларын пайдалануға рұқсат ету қағидаларын әзірлеу және бекіту;

591) әуе кемелерінің халықаралық ұшуын қамтамасыз ету үшін әуежайларды ашу және жабу тәртібін айқындау;

592) авиация инспекторларын кәсіптік даярлау және олардың біліктілігін ұстап тұру қағидаларын әзірлеу және бекіту;

593) азаматтық авиацияның ұшу қауіпсіздігін қамтамасыз етуге арналған аударымдарды аудару тәртібі мен олардың нормативін әзірлеу және бекіту;

594) Қазақстан Республикасының аумағында азаматтық авиациядағы авиациялық оқиғалар мен оқыс оқиғаларды тергеп-тексеру жұмыстарын ұйымдастыру;

595) азаматтық және эксперименттік авиациядағы авиациялық оқиғалар мен оқыс оқиғаларды тергеп-тексеру қағидаларын әзірлеу және бекіту;

596) Қазақстан Республикасының азаматтық әуе кемелерінің мемлекеттік тізілімінде тіркелген не әуе кемелерінің пайдаланушылары Қазақстан Республикасының жеке немесе заңды тұлғалары болып табылатын әуе кемелерімен басқа мемлекеттердің аумағында болған азаматтық авиациядағы авиациялық оқиғалар мен оқыс оқиғаларды тергеп-тексеруге қатысу;

597) авиациялық оқиғаларды және оқыс оқиғаларды болдырмау немесе олардың салдарын азайту мақсатында ұсынымдар беру, сондай-ақ осы ұсынымдардың орындалуына талдау жүргізу;

598) Қазақстан Республикасының азаматтық әуе кемелерінің мемлекеттік тізілімінде тіркелген не пайдаланушылары Қазақстан Республикасының жеке немесе заңды тұлғалары болып табылатын әуе кемелерімен болған авиациялық оқиғалар мен оқыс оқиғалар жөнінде статистикалық деректер жүргізу;

599) Қазақстан Республикасының аумағында шет мемлекеттер пайдаланушыларының әуе кемелерімен болған авиациялық оқиғалар мен оқыс оқиғалар бойынша статистикалық деректер жүргізу;

600) халықаралық азаматтық авиация ұйымдарымен статистикалық деректер алмасуға қатысу;

601) авиациялық оқиғалар мен оқыс оқиғаларды тергеп-тексеруге жауапты шет мемлекеттер органдарымен және халықаралық азам аттық авиация ұйымдарымен ынтымақтастық жасасу;

602) авиациялық оқиғаларды және оқыс оқиғаларды тергеп-тексеру мәселелері бойынша Қазақстан Республикасының мүдделі мемлекеттік органдарымен ынтымақтастық жасасу;

603) авиациялық оқиғаларды және оқыс оқиғаларды тергеп-тексеру кезінде дәлелдемелердің сақталуын қамтамасыз ету;

604) ұшу қауіпсіздігі туралы құпия ақпараттың қорғалуын қамтамасыз ету;

605) авиациялық оқиғаларды жинау, бағалау, өңдеу, сақтау және тіркеу тетіктерін қоса алғанда, авиациялық оқиғалар мен оқыс оқиғалар туралы деректерді міндетті және ерікті түрде беру жүйесін әзірлеу, енгізу, зерделеу және қолдау;

606) мемлекеттік және халықаралық деңгейде ұшу қауіпсіздігі туралы ақпарат алмасуға және авиациялық оқиғалар туралы ақпаратты таратуға қатысу;

607) азаматтық авиацияның ұшу қауіпсіздігімен байланысты ақпаратты жинау мен талдауды жүзеге асыру, сондай-ақ осындай ақпаратты қалыптастыру және азаматтық авиация саласындағы қызметті жүзеге асыратын жеке және заңды тұлғалардың назарына жеткізу;

608) радиотелефон байланысында пайдаланылатын ағылшын тілін меңгеру деңгейін айқындауға арналған тестілеу қағидаларын әзірлеу және бекіту;

609) авиациялық медициналық орталықты сертификаттау және оған сертификат беру қағидаларын, сондай-ақ авиациялық медициналық орталықтарға қойылатын сертификаттау талаптарын әзірлеу және бекіту;

610) авиация персоналының біліктілік деңгейін айқындау қағидаларын әзірлеу және бекіту;

611) азаматтық авиацияда жолаушыларға медициналық көмек көрсету қағидаларын әзірлеу және бекіту;

612) әуе қозғалысына қызмет көрсетуге қажеттілікті бағалау әдістемесін әзірлеу және бекіту;

613) азаматтық авиацияны метеорологиялық қамтамасыз ету қағидаларын әзірлеу және бекіту;

614) Қазақстан Республикасының азаматтық әуе кемелерін және оларға құқықтарды мемлекеттік тіркеу қағидаларын әзірлеу және бекіту;

615) азаматтық авиациядағы ұшуды имитациялаудың тренажерлік құрылғыларын бағалау қағидаларын әзірлеу және бекіту;

616) Қазақстан Республикасының азаматтық авиациясында медициналық куәландыру және қарап-тексеру қағидаларын әзірлеу және бекіту;

617) авиациялық медициналық сарапшыларды тағайындау қағидаларын әзірлеу және бекіту;

618) авиация персоналы куәлiктерiн беру және олардың қолданылу мерзімін ұзарту қағидаларын әзірлеу және бекіту;

619) әуе кемесінің бортында мінез-құлық қағидаларын әзірлеу және бекіту;

620) монополияға қарсы органмен келісу бойынша әуежай қызметінің құрамына кіретін әуеайлақта және жерде қызмет көрсету тауарларының, жұмыстарының, көрсетілетін қызметтерінің тізбесін әзірлеу және бекіту;

621) монополияға қарсы органмен келісу бойынша әуежайларда жерде қызмет көрсетуді жүзеге асыру қағидаларын әзірлеу және бекіту;

622) Қазақстан Республикасында шетелдік әуе тасымалдаушыларын аккредиттеу қағидаларын әзірлеу және бекіту;

623) ұшу құрамының, кабина экипажының адамдарына, ұшуға техникалық қолдау көрсетуді қамтамасыз ететін инженерлік-техникалық құрамға және ұшу кезінде әуе кемесінің қауіпсіздігін қамтамасыз ететін персоналға экипаж мүшесінің куәлігін беру қағидаларын әзірлеу және бекіту;

624) Қазақстан Республикасының әуе кеңістігінде пилотсыз ұшу аппараттарын пайдалану қағидаларын әзірлеу және бекіту;

625) әуежай аумағындағы әуежай қызметіне жатпайтын қызметтерді көрсетуге қол жеткізу қағидаларын әзірлеу және бекіту;

626) Халықаралық азаматтық авиация ұйымының (ИКАО) стандарттарына және ұсынылатын практикасына сәйкес авиациялық қауіпсіздікті қамтамасыз етуге қатысатын мемлекеттік органдармен бірлесіп, Қазақстан Республикасы азаматтық авиациясының авиациялық қауіпсіздік бағдарламасын әзірлеу;

627) азаматтық авиация саласындағы уәкілетті ұйыммен бірлесіп Қазақстан Республикасының әуе кеңiстiгiн пайдалану және авиация қызметі туралы Қазақстан Республикасы заңнамасының Халықаралық азаматтық авиация ұйымының (ИКАО) стандарттары мен ұсынылатын практикасына сәйкестігінің мониторингін жүзеге асыру;

628) Халықаралық азаматтық авиация ұйымының (ИКАО) стандарттарынан және ұсынылатын практикасынан айырмашылықтар туралы Халықаралық азаматтық авиация ұйымына (ИКАО) уақтылы хабарлауды және олардың аэронавигациялық ақпарат құжаттарында жариялануын қамтамасыз ету;

629) құқық қорғау органдарының, арнаулы мемлекеттік органдардың және Қазақстан Республикасы Қорғаныс министрлігінің өтінімдері бойынша авиакомпаниялардың (дипломатиялық иммунитеті бар шет мемлекеттер мен халықаралық ұйымдар өкілдіктерінен басқа) құқық қорғау және арнаулы мемлекеттік органдардың жеке құрамын оқиғалар, төтенше жағдайлар орындарына тасымалдау және шұғыл медициналық көмекке мұқтаж азаматтарды емдеу мекемелеріне жеткізу бойынша қызметтер көрсетуі туралы шешім қабылдау;

630) шет мемлекеттердің мемлекеттік және эксперименттік әуе кемелерінің халықаралық ұшуы, сондай-ақ шет мемлекеттердің әскери құралымдарын, қару-жарағын және әскери техникасын тасымалдауға арналған әуе кемелерінің халықаралық ұшуы үшін ашылған әуежайларды айқындау;

631) жұмылдыру дайындығы мен жұмылдыру саласында Қазақстан Республикасының заңдары мен өзге де нормативтiк құқықтық актiлерiнiң сақталуын қамтамасыз ету;

632) өз құзыреті шегінде ұлттық қауiпсiздiктi қамтамасыз ету жөнiндегi іс-шараларды жоспарлау және өткiзу бойынша ведомстволық бағынысты ұйымдардың қызметiне басшылық ету;

633) ұлттық қауіпсіздік жүйесін жетілдіру жөнінде ұсыныстар енгізу;

634) ұлттық қауiпсiздiк саласындағы заңдар мен өзге де нормативтiк құқықтық актiлердiң сақталуын қамтамасыз ету;

635) мемлекеттік құпияларды қорғау саласындағы заңнаманы сақтай отырып, ұлттық қауіпсіздіктің жай-күйі мен оны қамтамасыз ету бойынша қолданылатын шаралар туралы халықты хабардар ету, насихат және қарсы насихат жұмыстарын жүргізу;

636) іс-әрекеттерi (немесе әрекетсiздiгi) Қазақстан Республикасының ұлттық мүдделерінiң бұзылуына, ұлттық қауiпсiздiгiне қауіп төнуіне әкеп соғатын лауазымды адамдарды, мемлекеттiк қызметшiлердi тиiсті жауаптылыққа тарту;

637) құрылыс-монтаждау жұмыстарының сапасы және орындалған жұмыстардың жобаға сәйкестігі туралы қорытындылардың, сәйкестік туралы декларацияның нысандарын әзірлеу және бекіту;

638) жылжымайтын мүлікке құқықтарды мемлекеттік тіркеу және жылжымайтын мүлікті мемлекеттік техникалық зерттеп-қарау саласындағы қызметті мемлекеттік реттеу мен бақылауды жүзеге асыратын уәкілетті мемлекеттік органмен келісу бойынша объектіні пайдалануға қабылдау актісінің нысанын әзірлеу және бекіту;

639) "бір терезе" қағидаты бойынша құрылыс жобаларына кешенді ведомстводан тыс сараптама жүргізуді ұйымдастыру үшін портал мен ақпараттық жүйелерді жүргізу тәртібін айқындайтын қағидаларды әзірлеу және бекіту;

640) сәулет, қала құрылысы, құрылыс, құрылыс индустриясының өндірістік базасын дамыту саласындағы жергілікті атқарушы органдарды үйлестіруді және оларға әдістемелік басшылық жасауды жүзеге асыру;

641) Қазақстан Республикасының аумағын ұйымдастырудың бас схемасының жобасын әзірлеуді қамтамасыз ету;

642) аумақты дамытудың өңіраралық схемаларын әзірлеу және келісу;

643) елді мекендердің шекарасы (шектері) жобаларының құрамын, мазмұнын және оларды әзірлеу тәртібін айқындау;

644) республикалық маңызы бар қаланың, сондай-ақ халқының саны жүз мың тұрғыннан асатын өзге де қалалар шекараларының (шектерінің) жобаларын келісу;

645) шағын елді мекендерді дамыту мен оған құрылыс салу схемаларының құрамын, мазмұнын, әзірлеу мен келісу тәртібін айқындау;

646) жобалау алдындағы және жобалау (жобалау-сметалық) құжаттамасын әзірлеу мен келісу тәртібін, оның міндетті құрамы мен мазмұнын белгілеу;

647) кондоминиум объектісін басқару және кондоминиум объектісінің ортақ мүлкін күтіп-ұстау жөніндегі шешімдерді қабылдау қағидаларын, сондай-ақ жиналыс хаттамаларының үлгілік нысандарын әзірлеу және бекіту;

648) елді мекендердің су бұру жүйелеріне ағын суларды қабылдау қағидаларын әзірлеу және бекіту;

649) ақпараттандыру саласындағы уәкілетті органмен бірлесіп Қазақстан Республикасының аумағындағы жылжымайтын мүлік объектілерін адрестеу қағидаларын әзірлеу және бекіту;

650) сараптама комиссияларын (сараптама топтарын) құру және кешенді ведомстводан тыс сараптамаға және қала құрылысы сараптамасына қатысу үшін мамандарды (мамандандырылған институттар мен ұйымдарды) тарту қағидаларын әзірлеу және бекіту;

651) қала құрылысы және құрылыс жобалары (техникалық-экономикалық негіздеме және жобалау-сметалық құжаттама) бойынша сараптама қорытындыларын ресімдеу қағидаларын әзірлеу және бекіту;

652) сараптама ұйымдарын аккредиттеу қағидаларын әзірлеу және бекіту;

653) қаржыландыру көздеріне қарамастан, жаңа үйлер мен ғимараттарды, олардың кешендерін, инженерлік және көлік коммуникацияларын салуға, сондай-ақ бұрыннан барын өзгертуге (реконструкциялауға, кеңейтуге, техникалық қайта жарақтандыруға, жаңғыртуға және күрделі жөндеуге) арналған техникалық-экономикалық негіздемелерге және жобалау-сметалық құжаттамаға ведомстводан тыс кешенді сараптама жүргізу қағидаларын әзірлеу және бекіту;

654) бюджет қаражаты және мемлекеттік инвестициялардың өзге де нысандары есебінен объектілерді салуға арналған жобаларды (техникалық-экономикалық негіздемелерді және жобалау-сметалық құжаттаманы) бекіту тәртібін айқындау;

655) ерекше реттеуді және (немесе) қала құрылысын регламенттеуді талап ететін жекелеген құрылыс объектілерін айқындау бойынша ұсыныстарды Қазақстан Республикасының Үкіметіне енгізу;

656) ерекше реттеуді және (немесе) қала құрылысы регламенттеуді талап ететін жекелеген объектілерді салуға арналған жобалау-сметалық құжаттаманы кезең-кезеңімен әзірлеу мен келісудің жеке-дара жоспарларын бекіту;

657) лицензияланатын сәулет, қала құрылысы және құрылыс қызметін жүзеге асыру үшін қойылатын бірыңғай біліктілік талаптарын әзірлеу және бекіту;

658) тапсырыс берушінің (құрылыс салушының) қызметін ұйымдастыру және функцияларын жүзеге асыру қағидаларын әзірлеу және бекіту;

659) сәулет, қала құрылысы және құрылыс қызметі субъектілерінің, сондай-ақ мемлекеттік қала құрылысы кадастрын жүргізуді жүзеге асыратын мемлекеттік кәсіпорынның қызметін нормативтік-техникалық және әдіснамалық қамтамасыз ету;

660) мемлекеттік қала құрылысы кадастрының дерекқорына енгізу үшін ақпарат және (немесе) мәліметтер беру мәселелері бойынша орталық және жергілікті атқарушы органдардың іс-қимылын үйлестіру;

661) жобалау алдындағы және жобалау (жобалау-сметалық) құжаттамасын, сондай-ақ сәулет, қала құрылысы және құрылыс қызметі объектілерін мемлекеттік қала құрылысы кадастрының дерекқорында тіркеу қағидаларын әзірлеу және бекіту;

662) "Қазақстан Республикасындағы сәулет, қала құрылысы және құрылыс қызметі туралы" Қазақстан Республикасы Заңының және Қазақстан Республикасының сәулет, қала құрылысы және құрылыс саласындағы өзге де нормативтік құқықтық актілерінің талаптарына сәйкестігі тұрғысынан республикалық маңызы бар қалалар мен астананың сәулеттiк келбетiн қалыптастыру және қала құрылысын жоспарлау қағидаларын келісу;

663) ауызсумен жабдықтаудың баламасыз көздерi болып табылатын ерекше маңызды топтық және оқшау сумен жабдықтау жүйелерiнен ауызсу беру жөнiндегi көрсетілетін қызметтер құнын субсидиялау тәртібін әзірлеу және бекіту;

664) тұрғын үй көмегін беру қағидаларын әзірлеу;

665) тұрғын үй қатынастары саласындағы мемлекеттік саясатты жетілдіру жөнінде ұсыныстар әзірлеу және Қазақстан Республикасының Үкіметіне енгізу;

666) мемлекеттік тұрғын үй қорынан тұрғын үйлерді немесе жеке тұрғын үй қорынан жергілікті атқарушы орган жалдаған тұрғын үйлерді барабар бөлу әдістемесін әзірлеу және бекіту;

667) мемлекеттік тұрғын үй қорындағы тұрғын үйді пайдаланғаны үшін төлемақы мөлшерін есептеу әдістемесін әзірлеу және бекіту;

668) кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстар сметасын есептеу әдістемесін, сондай-ақ кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстардың ең төмен мөлшерін есептеу әдістемесін әзірлеу және бекіту;

669) тұрғын үй инспекциясы туралы үлгілік ережені әзірлеу және бекіту;

670) кондоминиум объектісін басқару және кондоминиум объектісінің ортақ мүлкін күтіп-ұстау жөніндегі қызметтерді көрсету туралы шарттың үлгілік нысанын әзірлеу және бекіту;

671) басқаратын көппәтерлі тұрғын үйдегі пәтердің, тұрғын емес үй-жайдың меншік иесі болып табылмайтын көппәтерлі тұрғын үйді басқарушыға қойылатын біліктілік талаптарын әзірлеу және бекіту;

672) жергілікті атқарушы органдардың тұрғын үй құрылысына үлестік қатысу туралы шарттарды, сондай-ақ олар бойынша талап ету құқықтарын басқаға беру туралы шарттарды есепке алуды жүргізу қағидаларын әзірлеу және бекіту;

673) тұрғын үй құрылысына үлестік қатысуды ұйымдастыру тәсілдерін өзгерту қағидаларын әзірлеу және бекіту;

674) тұрғын үй құрылысына үлестік қатысудың бірыңғай ақпараттық жүйесін жүргізу қағидаларын әзірлеу және бекіту;

675) үлескерлердің ақшасын тартуға рұқсат беру қағидаларын әзірлеу және бекіту;

676) тұрғын үй қатынастары саласында жергілікті атқарушы органдарды үйлестіруді және оларға әдістемелік басшылық жасауды жүзеге асыру;

677) тұрғын үй қорын басқарудың қазіргі заманғы әдістерін енгізуді әдістемелік қамтамасыз етуді жүзеге асыру;

678) тұрғын үй сертификаттарын беру қағидаларын әзірлеу және бекіту;

679) жеке тұрғын үй қорынан жалға алынатын тұрғын үй үшін азаматтардың жекелеген санаттарына төлемдер тағайындау және оларды жүзеге асыру қағидаларын әзірлеу және бекіту;

680) сәулет, қала құрылысы мен құрылыс саласында ғылыми-зерттеу және тәжірибелік-эксперименттік жұмыстарды жүргізуді ұйымдастыру және олардың нәтижелерін пайдалану;

681) салынып жатқан (салынуы белгіленген) объектілер мен кешендердің мониторингін жүргізу тәртібін айқындау қағидаларын әзірлеу және бекіту;

682) сәулет, қала құрылысы мен құрылыс қызметі саласындағы инжинирингтік қызметтерді көрсету қағидаларын әзірлеу және бекіту;

683) сәулет-құрылыс бақылауын және қадағалауын жүзеге асыратын мемлекеттік құрылыс инспекторларын аттестаттаудан өткізу қағидаларын әзірлеу және бекіту;

684) сәулет, қала құрылысы, құрылыс және мемлекеттік сәулет-құрылыс бақылау қызметі саласындағы жергілікті атқарушы органдардың қызметіне бақылауды және қадағалауды жүзеге асыру қағидаларын әзірлеу және бекіту;

685) ғимараттар мен құрылыстарды техникалық және (немесе) технологиялық жағынан күрделі объектілерге жатқызудың жалпы тәртібін айқындау қағидаларын әзірлеу және бекіту;

686) құрылыс саласындағы құрылыс салуды ұйымдастыру және рұқсат беру рәсімдерінен өту қағидаларын әзірлеу және бекiту;

687) жасыл екпелерді күтіп-ұстаудың және қорғаудың үлгілік қағидаларын, қалалар мен елді мекендердің аумақтарын абаттандыру қағидаларын әзірлеу және бекіту;

688) Қазақстан Республикасының тұрғын үй қорын мемлекеттік есепке алуды жүзеге асырудың бірыңғай тәртібін айқындау;

689) тұрғын үй құрылысына үлестік қатысу туралы шарттың үлгілік нысанын әзірлеу және бекіту;

690) кепілдік беру туралы шарттың үлгілік нысанын әзірлеу және бекіту;

691) құрылысы аяқталмаған объектімен бірге жер учаскесін кепілге қою шартының үлгілік нысанын әзірлеу және бекіту;

692) уәкілетті компанияның дауыс беретін акцияларының (жарғылық капиталға қатысу үлестерінің) кепіл шартының үлгілік нысанын әзірлеу және бекіту;

693) уәкілетті компанияның дауыс беретін акцияларын (жарғылық капиталға қатысу үлестерін) cенімгерлік басқару шартының үлгілік нысанын әзірлеу және бекіту;

694) кепілдік жарнаның мөлшерін айқындау әдістемесін әзірлеу және бекіту;

695) капиталдың жеткіліктілік нормативін айқындау әдістемесін әзірлеу және бекіту;

696) кепілдік беру жағдайларын реттеуге арналған резервті есептеу және қалыптастыру әдістемесін әзірлеу және бекіту;

697) тұрғын үй құрылысына үлестік қатысу саласындағы инжинирингтік компаниялардың бірыңғай операторға, екінші деңгейдегі банкке немесе жергілікті атқарушы органға көппәтерлі тұрғын үй құрылысының барысын мониторингтеу (үлестік құрылысты ұйымдастыру тәсіліне қарай) нәтижелері туралы есеп нысанын әзірлеу және бекіту;

698) бірыңғай оператордың көппәтерлі тұрғын үй (тұрғын ғимарат) құрылысының жобасы бойынша құжаттарды тексеру тәртібін әзірлеу және бекіту;

699) елді мекендерді сумен жабдықтау және су бұру жүйелерін пайдалану қағидаларын әзірлеу және бекіту;

700) елді мекендерді сумен жабдықтау және су бұру жүйелерін техникалық пайдалану қағидаларын әзірлеу және бекіту;

701) есепке алу аспаптары жоқ су тұтынушылар үшін сумен жабдықтау және (немесе) су бұрудың коммуналдық көрсетілетін қызметтерін тұтыну нормаларын есептеудің үлгілік қағидаларын әзірлеу және бекіту;

702) елді мекендер шегінде су қорын пайдалану және қорғау, сумен жабдықтау және су бұру саласындағы жергілікті атқарушы органдарды үйлестіруді және оларға әдістемелік басшылық жасауды жүзеге асыру;

703) елді мекендер шегінде сумен жабдықтау және су бұру саласында әдістемелік қамтамасыз етуді ұйымдастыру;

704) қалалар мен ауылдық елді мекендерді сумен жабдықтауды қамтамасыз ететін су шаруашылығы құрылыстарын жалға және сенiмгерлiк басқаруға беру қағидаларын әзірлеу және бекіту;

705) сумен жабдықтау және су бұру жүйелеріндегі суды есепке алу аспаптарын таңдау, монтаждау және пайдалану қағидаларын әзірлеу және бекіту;

706) бюджеттік жоспарлау жөніндегі орталық уәкілетті органмен келісу бойынша сумен жабдықтау және су бұру жүйелерін салуды, реконструкциялауды және жаңғыртуды кредиттеу қағидаларын әзірлеу және бекіту;

707) бюджеттік жоспарлау жөніндегі орталық уәкілетті органмен келісу бойынша сумен жабдықтау және су бұру жүйелерін салуды, реконструкциялауды және жаңғыртуды субсидиялау қағидаларын әзірлеу және бекіту;

708) сумен жабдықтау және су бұру жүйелерін салуды, реконструкциялауды және жаңғыртуды кредиттеу мен субсидиялауды жүзеге асыру;

709) сәулет, қала құрылысы мен құрылыс қызметі саласында сараптамалық жұмыстар мен инжинирингтік көрсетілетін қызметтерді жүзеге асыратын сарапшыларды аттестаттау тәртібін әзірлеу және бекіту;

710) сәулет, қала құрылысы және құрылыс саласындағы мемлекеттік нормативтерді әзірлеуді, келісуді, бекітуді, тіркеуді және қолданысқа енгізуді (қолданысын тоқтата тұруды, олардың күшін жоюды) ұйымдастыру тәртібін әзірлеу және бекіту;

711) кондоминиум объектісінің ортақ мүлкін күтіп-ұстау қағидаларын әзірлеу және бекіту;

712) коммуналдық көрсетілетін қызметтер тізбесін және коммуналдық көрсетілетін қызметтерді ұсынудың үлгілік қағидаларын әзірлеу және бекіту;

713) тұрғын үй-құрылыс кооперативінің қызметін ұйымдастыру және тұрғын үй-құрылыс кооперативі мүшелерінің пай жарналарын төлеу қағидаларын және тұрғын үй-құрылыс кооперативіне қатысу шартының үлгілік нысанын, сондай-ақ тұрғын үй-құрылыс кооперативінің үлгілік жарғысын әзірлеу және бекіту;

714) көппәтерлі тұрғын үй мүлкінің меншік иелері бірлестігінің үлгілік жарғысын әзірлеу және бекіту;

715) жергілікті атқарушы органдардың тұрғын үй-құрылыс кооперативіне қатысу шарттарын тіркеу қағидаларын әзірлеу және бекіту;

716) елді мекендердің шекаралары шегінде тұрғын үй қорын басқару, газ және газбен жабдықтау салаларындағы әлеуметтік инфрақұрылым объектілерінде тексеру парақтарын және тәуекел дәрежесін бағалау өлшемшарттарын әзірлеу және бекіту;

717) жай серіктестіктің бірлескен қызмет туралы үлгілік шартын әзірлеу және бекіту;

718) тұрғынжайды жалдаудың үлгілік шартын әзірлеу және бекіту;

719) кәсіптік стандарттарды, салалық біліктілік шеңберлерін, кадрлар даярлаудың білім беру бағдарламаларын әзірлеуге, сертификаттау, көппәтерлі тұрғын үйлерді басқару және күтіп-ұстау жөніндегі мамандардың біліктілігін растау және арттыру жүйесін құруға қатысу;

720) кондоминиум объектісінің ортақ мүлкіне күрделі жөндеу жүргізу тәртібін әзірлеу және бекіту;

721) ақпараттандыру саласындағы уәкілетті органмен келісу бойынша ақпаратты электрондық нысанда қалыптастыру, өңдеу, сондай-ақ орталықтандырылған түрде жинау және сақтау, оның ішінде тұрғын үй қатынастары және тұрғын үй-коммуналдық шаруашылық саласындағы ақпараттандыру объектілерінің жұмыс істеу қағидаларын әзірлеу және бекіту;

722) мүліктің меншік иелері бірлестігі немесе жай серіктестік пен көппәтерлі тұрғын үйді басқарушы немесе басқарушы компания немесе сервистік қызмет субъектілері арасындағы шарттардың үлгілік нысандарын әзірлеу және бекіту;

723) кондоминиум объектісін басқару және кондоминиум объектісінің ортақ мүлкін күтіп-ұстау жөніндегі ай сайынғы және жылдық есептердің нысандарын әзірлеу және бекіту;

724) мүліктің меншік иелері бірлестігі немесе жай серіктестік немесе көппәтерлі тұрғын үйді басқарушы немесе басқарушы компания мен коммуналдық көрсетілетін қызметтерді ұсынатын ұйымдар арасындағы ынтымақтастықтың үлгілік шарттарын әзірлеу және бекіту;

725) Қазақстан Республикасының заңнамасына сәйкес біржолғы зейнетақы төлемдерін тұрғын үй жағдайларын жақсарту үшін пайдалану қағидаларын әзірлеу және бекіту;

726) мемлекеттік инвестициялар және квазимемлекеттік сектор субъектілерінің қаражаты есебінен объектілер құрылысының құнын айқындау қағидаларын әзірлеу және бекіту;

727) құрылыс жобаларының мемлекеттік банкін қалыптастыру және жүргізу, сондай-ақ техникалық-экономикалық негіздемелерді, үлгілік жобалар мен жобалау (жобалау-сметалық) құжаттамасын беру қағидаларын әзірлеу және бекіту;

728) құрылыстағы жаңа технологиялардың бірыңғай мемлекеттік тізілімін қалыптастыру қағидаларын әзірлеу және бекіту;

729) барлық деңгейдегі қала құрылысы жобаларына кешенді қала құрылысы сараптамасын жүргізу қағидаларын әзірлеу және бекіту;

730) объектілер құрылысының жобаларына ведомстводан тыс кешенді сараптама, сондай-ақ әртүрлі деңгейдегі аумақтардың қала құрылысын жоспарлау жобаларына кешенді қала құрылысы сараптамасын жүргізу жөніндегі жұмыстардың құнын айқындау қағидаларын әзірлеу және бекіту;

731) ғимараттар мен құрылыстардың беріктігін және орнықтылығын техникалық зерттеп-қарауды жүзеге асыру қағидаларын әзірлеу және бекіту;

732) сәулет, қала құрылысы және құрылыс каталогін қалыптастыру және жүргізу тәртібін айқындау;

733) объектілер құрылысы жобасын басқару бойынша инжинирингтік қызметтер көрсету тәртібін және жобаларды басқару бойынша қызметтер көрсететін ұйымдарға қойылатын біліктілік талаптарын әзірлеу және бекіту;

734) жобалау және құрылыс салу процесіне қатысушы инженер-техник жұмыскерлерді аттестаттау жөніндегі қағидаларды және рұқсат беру талаптарын әзірлеу және бекіту;

735) жобалау және құрылыс салу процесіне қатысушы инженер-техник жұмыскерлерді аттестаттау бойынша мемлекеттік емес аттестаттау орталықтарын аккредиттеу жөніндегі қағидаларды және рұқсат беру талаптарын әзірлеу және бекіту;

736) бірінші және екінші жауапкершілік деңгейіндегі техникалық және технологиялық күрделі объектілердегі ғимараттар мен құрылыстардың беріктігін және орнықтылығын техникалық зерттеп-қарау бойынша техникалық қадағалау және сараптама жұмыстары жөніндегі инжинирингтік көрсетілетін қызметтерді жүзеге асыратын ұйымдарды аккредиттеу жөніндегі қағидалар мен рұқсат беру талаптарын әзірлеу және бекіту;

737) сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу қағидаларын әзірлеу және бекіту;

738) есепке алу аспаптары жоқ тұтынушылар үшін электрмен жабдықтау және жылумен жабдықтау бойынша коммуналдық көрсетілетін қызметтерді тұтыну нормаларын есептеудің үлгілік қағидаларын әзірлеу және бекіту;

739) бюджеттік жоспарлау жөніндегі орталық уәкілетті органмен келісу бойынша сумен жабдықтау және су бұру жүйелерін салуды, реконструкциялауды және жаңғыртуды субсидиялау қағидаларын әзірлеу және бекіту;

740) бюджеттік жоспарлау жөніндегі орталық уәкілетті органмен келісу бойынша сумен жабдықтау және су бұру жүйелерін салуды, реконструкциялауды және жаңғыртуды кредиттеу қағидаларын әзірлеу және бекіту;

741) сумен жабдықтау және су бұру жүйелерін салуды, реконструкциялауды және жаңғыртуды кредиттеуді және субсидиялауды жүзеге асыру;

742) бюджеттік жоспарлау жөніндегі орталық уәкілетті органмен келісу бойынша халыққа екінші деңгейдегі банктер берген ипотекалық тұрғын үй қарыздары бойынша сыйақы мөлшерлемесінің бір бөлігін өтеу үшін квазимемлекеттік сектор субъектілері арқылы субсидиялар беру қағидаларын әзірлеу және бекіту;

743) тұрғын үй құрылысы мақсаттары үшін жеке кәсіпкерлік субъектілеріне екінші деңгейдегі банктер беретін кредиттер бойынша сыйақы мөлшерлемесін субсидиялау қағидаларын әзірлеу және бекіту;

744) сумен жабдықтау және су бұру ұйымдарының елді мекендерде бар активтерді кеңейту, жаңғырту, реконструкциялау, жаңарту, ұстап тұру және жаңа активтер құру жөніндегі жобаларды іске асыру үшін тартылған халықаралық қаржы ұйымдарының қарыздарын өтеуге және оларға қызмет көрсетуге арналған шығындарын субсидиялау қағидаларын әзірлеу және бекіту;

745) электр энергиясын беру және онымен жабдықтау, жылу энергиясын беру және онымен жабдықтау саласындағы ұйымдардың қолда бар активтерді кеңейту, жаңғырту, реконструкциялау, жаңарту, ұстап тұру және жаңа активтерді құру жөніндегі жобаларды іске асыру үшін тартылған халықаралық қаржы ұйымдарының қарыздарын өтеуге және оларға қызмет көрсетуге арналған шығындарын субсидиялау қағидаларын әзірлеу және бекіту;

746) "бір терезе" қағидаты бойынша құрылыс жүргізуді ұйымдастыру үшін портал мен ақпараттық жүйелерді жүргізу тәртібін айқындайтын қағидаларды әзірлеу және бекіту;

747) инженерлік-геологиялық іздестіруді жүзеге асыру қағидаларын әзірлеу және бекіту;

748) қала құрылысы жобаларын (егжей-тегжейлі жоспарлау жобалары мен құрылыс салу жобаларын) әзірлеу, келісу және бекіту қағидаларын әзірлеу және бекіту;

749) сәулет, қала құрылысы және құрылыс саласындағы мемлекеттік нормативтерді әзірлеуді, келісуді, бекітуді, тіркеуді және қолданысқа енгізуді (қолданысын тоқтата тұруды, олардың күшін жоюды) ұйымдастыру тәртібін әзірлеу және бекіту;

750) мемлекеттік монополия субъектісі өндіретін және өткізетін тауарларға, жұмыстарға, көрсетілетін қызметтерге баға белгілеу қағидаларына сәйкес мемлекеттік монополия субьектілерінің өтінімдерін қарау кезінде жария тыңдаулар өткізу;

751) ауызсумен жабдықтаудың баламасыз көздері болып табылатын сумен жабдықтаудың ерекше маңызды топтық және оқшау жүйелерінен халыққа берілген ауызсудың бір текше метрі үшін төлемақы мөлшерін есептеу әдістемесін әзірлеу және бекіту;

752) объектілерді кейіннен кәдеге жарату (ғимараттар мен құрылысжайларды бұзу) бойынша жұмыстар кешенін жүргізуге шешім беру қағидаларын әзірлеу және бекіту;

753) халыққа екінші деңгейдегі банктер берген ипотекалық тұрғын үй қарыздары бойынша сыйақы мөлшерлемесінің бір бөлігін субсидиялауды жүзеге асыру;

754) Қазақстан Республикасының Қарулы Күштерімен, басқа да әскерлермен және әскери құралымдарымен, Қазақстан Республикасының арнаулы мемлекеттік және құқық қорғау органдарымен қорғаныс өнеркәсібі және мемлекеттік қорғаныстық тапсырыс саласындағы өзара іс-қимылды ұйымдастыру және жүзеге асыру;

755) мемлекетте қорғаныс мұқтаждарын, қауіпсіздікті және құқықтық тәртіпті, қару-жарақтың, әскери, автомобиль және арнайы техниканың, техникалық және арнайы құралдардың қажетті түрлерімен қамтамасыз етуді ағымдағы және перспективалы жоспарлауды ұйымдастыруға қатысу;

756) орталық атқарушы органдармен, Қазақстан Республикасының Президентіне тікелей бағынатын және есеп беретін мемлекеттік органдармен, олардың ведомстволарымен әскери-техникалық ынтымақтастық саласында өзара іс-қимылды ұйымдастыру және жүзеге асыру;

757) мемлекеттік қорғаныстық тапсырысты қалыптастыру, орналастыру және орындау қағидаларына сәйкес мемлекеттік қорғаныстық тапсырыстың әскери мақсаттағы тауарларын (өнімдерін), қосарланған мақсаттағы (қолданыстағы) тауарларын (өнімдерді) отандық өндірушілердің және әскери мақсаттағы жұмыстар мен әскери мақсаттағы көрсетілетін қызметтерді отандық берушілердің тізілімін қалыптастыру, әзірлеу және бекіту;

758) мемлекеттік қорғаныстық тапсырысты қалыптастыру, орналастыру және орындау қағидаларына сәйкес мемлекеттік қорғаныстық тапсырысты қалыптастыру, оны Қазақстан Республикасының Үкіметіне бекітуге ұсыну және бекітілген мемлекеттік қорғаныстық тапсырыстың тапсырмаларын мемлекеттік қорғаныстық тапсырысты орындаушыларға жеткізу;

759) қорғаныстық-өнеркәсіптік әлеуетті дамыту жөніндегі іс-шараларды ұйымдастыру және жүргізу;

760) қорғаныстық-өнеркәсіптік кешен ұйымдарына мемлекеттік қолдау шараларын беру шешімдерін қабылдау және тәртібін айқындау;

761) мемлекеттік білім беру тапсырысына қосу үшін қорғаныстық-өнеркәсіптік кешен ұйымдары жүргізетін білікті кадр ресурстарына ағымдағы және перспективалы қажеттіліктердің мониторингін ескере отырып, қорғаныстық-өнеркәсіптік кешен үшін мамандар даярлау талап етілетін мамандықтардың тізбесін айқындау жөніндегі ұсыныстарды қалыптастыру;

762) мемлекеттік авиацияның авиациялық техникасына техникалық қызмет көрсету және оны жөндеу жөніндегі ұйымдарды сертификаттау және оларға сертификат беру қағидаларын әзірлеу және бекіту;

763) мемлекеттік авиацияның авиациялық техникасына техникалық қызмет көрсету және оны жөндеу жөніндегі ұйымдарға қойылатын сертификаттау талаптарын әзірлеу және бекіту;

764) қару-жарақ пен әскери техниканың айналымы қағидаларын әзірлеу және бекіту;

765) қару-жарақ пен әскери техниканы пайдалануға құқығы бар субъектілердің тізбесін әзірлеу;

766) қару-жарақ пен әскери техниканың айналымына мемлекеттік бақылауды жүзеге асыру;

767) пайдаланылмайтын мүлікті беру, өткізу, құртып жіберу, кәдеге жарату, көму арқылы жою және қайта өңдеу, сондай-ақ пайдаланылмайтын қорғаныс объектілерін мүліктік жалдауға (жалға) беру қағидаларын әзірлеу және бекіту;

768) Қазақстан Республикасының Үкіметі айқындайтын тәртіппен пайдаланылмайтын мүлікке билік ету және пайдаланылмайтын мүлікті беру, өткізу және құртып жіберу, кәдеге жарату, көму арқылы жою және қайта өңдеу және пайдаланылмайтын мүлікті жауапкершілігі шектеулі серіктестіктердің жарғылық капиталына мүліктік салым ретінде не акционерлік қоғамдардың акцияларын сатып алу төлеміне беру туралы шешімдер қабылдау;

769) Қазақстан Республикасы Қарулы Күштерінің, басқа әскерлер мен әскери құралымдардың мұқтаждары үшін пайдаланылатын әскери ұлттық стандарттарды әзірлеу, келісу, бекіту, тіркеу, есепке алу, өзгерту, қайта қарау, олардың күшін жою және қолданысқа енгізу қағидаларын әзірлеу және бекіту;

770) техникалық реттеу саласындағы уәкілетті органмен келісу бойынша құзыретіне кіретін мәселелер бойынша техникалық регламенттерді әзірлеу және бекіту, олардың күшін жою, тоқтата тұру, сондай-ақ техникалық регламенттерге өзгерістер және (немесе) толықтырулар енгізу;

771) техникалық реттеу саласында сарапшылық кеңестер құру;

772) техникалық реттеу саласындағы сарапшылық кеңестердің құрамын және олар туралы ережені бекіту;

773) Қазақстан Республикасы Қорғаныс министрлігімен бірлесіп пайдаланылмайтын мүлікке жатқызылған оқ-дәрілерді жою жөніндегі бірлескен іс-қимылдарды әзірлеу және бекіту;

774) Қазақстан Республикасының Үкіметіне өнеркәсіпті мемлекеттік ынталандыру шараларын енгізу, қолдану тәртібін айқындау, сондай-ақ олардың күшін жою жөнінде ұсыныстар енгізу;

775) Қазақстан Республикасының Үкіметіне өнеркәсіптік-инновациялық инфрақұрылым элементтерін, сондай-ақ оларды құру және олардың жұмыс істеу тәртібін айқындау жөнінде ұсыныстар енгізу;

776) аумақтық кластерлердің тізілімін қалыптастыру және жүргізу;

777) өнеркәсіптік кооперация мен субконтрактацияның ұлттық жүйелерін дамытуға, оның ішінде өнеркәсіптік кооперация мен субконтрактацияның халықаралық жүйелеріне қатысу шеңберінде жәрдемдесу;

778) Технологиялық саясат жөніндегі кеңестің ұсынымы бойынша технологиялық құзыреттердің салалық орталықтарын айқындау;

779) бәсекеге қабілеттілікті арттыру туралы жасалған келісімнің орындалу мониторингін жүргізу;

780) өнеркәсіптік-инновациялық қызмет субъектілеріне қосылған құнның жаһандық тізбектеріне кіру бойынша, оның ішінде тауарлардың жаңа түрлерін өндіруге арналған техникалық құжаттаманы және нақты тауарлар бойынша көш бастап тұрған жетекші әлемдік өндірушілердің әлемдік өндірістік франшизаларын қолдану арқылы жәрдем көрсету;

781) жыл сайын ұлттық экономиканың қажеттіліктерін қамтамасыз ету үшін қажетті өңдеу өнеркәсібі тауарларының, оның ішінде жүзеге асырылатын жұмыстар мен көрсетілетін қызметтер шеңберінде сатып алынатын тауарларының тізбесін бекіту және әлеуетті өнім берушілерге ақпарат беру үшін оны тауарлардың, жұмыстардың, көрсетілетін қызметтер мен оларды берушілердің дерекқорында орналастыру;

782) ұлттық экономиканың өзіне жеткіліктілігін қамтамасыз ету мақсатында елішілік құндылықты дамыту саласындағы ұлттық даму институтын тарта отырып, тауарлардың, жұмыстардың, көрсетілетін қызметтер мен оларды берушілердің дерекқорын қалыптастыру және жүргізу;

783) өнеркәсіп саласындағы қызмет субъектілерінің ғылыми зерттеулер мен әзірлемелерге деген қажеттіліктері туралы ақпаратты жинауды жүзеге асыру және ғылыми зерттеулер мен әзірлемелерді жүзеге асыру үшін ғылыми ұйымдарды тарту мақсатында ғылым саласындағы уәкілетті органның интернет-ресурсында және мерзімді баспасөз басылымдарында орналастыру үшін жіберу;

784) әлеуетті инвесторларды, оның ішінде шетелдік инвесторларды өнеркәсіптік-инновациялық жобаларды іске асыруға қатысуға тарту мақсатында оларды іздестіру және олармен келіссөздер жүргізу;

785) өнеркәсіптік-инновациялық қызмет субъектілерін инвестициялық тақырып бойынша бизнес-форумдарға, конференциялар мен семинарларға қатысуға тарту;

786) бұқаралық ақпарат құралдарында, оның ішінде шетелдегі мекемелер арқылы, сондай-ақ Қазақстан Республикасының аумағындағы шетелдік дипломатиялық және оларға теңестірілген өкілдіктер мен консулдық мекемелер арқылы шетелдік бұқаралық ақпарат құралдарында өнеркәсіптік-инновациялық жобалар туралы ақпарат тарату;

787) жұмыс істеп жүрген инвесторларды қайта инвестициялауды жүзеге асыруға ынталандыру;

788) бірлескен өндірістерді құруға инвесторларды, оның ішінде шетелдік инвесторларды тарту;

789) көміртегі ізін төмендету жөнінде шаралар қолдану, олар мынадай бағыттарды қамтуы мүмкін: осындай тауарлардың өндірісін кеңейту, тауарларды, оның ішінде Қазақстан Республикасының мемлекеттік сатып алу туралы заңнамасына сәйкес сатып алуды ынталандыру, оларды пайдалану тартымдылығын арттыру және Қазақстан Республикасының заңнамасында көзделген өзге де шаралар;

790) Қазақстан Республикасының заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асыру.

3-тарау. Министрліктің бірінші басшысының мәртебесі, өкілеттіктері

16. Министрлікке басшылықты бірінші басшы жүзеге асырады, ол Министрлікке жүктелген міндеттердің орындалуына және оның өз өкілеттіктерін жүзеге асыруына дербес жауапты болады.

17. Бірінші басшы Қазақстан Республикасының заңнамасына сәйкес лауазымға тағайындалады және лауазымнан босатылады.

18. Бірінші басшының Қазақстан Республикасының заңнамасына сәйкес лауазымға тағайындалатын және лауазымнан босатылатын орынбасарлары (вице-министрлер) болады.

19. Министрліктің бірінші басшысының өкілеттіктері:

1) реттелетін салада мемлекеттік саясатты қалыптастыру бойынша ұсыныстар тұжырымдайды;

2) өз орынбасарларының өкілеттіктерін айқындайды;

3) вице-министрлердің біріне Қазақстан Республикасы Үкіметінің басшылығына және Премьер-Министрі Кеңсесінің Басшысына жолданатын құжаттарға қол қою жөніндегі өкілеттіктерді жүктейді;

4) аппарат басшысымен келісу бойынша ведомстволар басшыларының орынбасарларын лауазымға тағайындайды және лауазымнан босатады;

5) ведомстволар актілерінің қолданылуын толық немесе ішінара жояды немесе тоқтата тұрады;

6) Қазақстан Республикасының Парламентінде, мемлекеттік органдарда және өзге де ұйымдарда Министрліктің атынан өкілдік етеді;

7) Министрліктің жұмыс регламентін бекітеді;

8) Министрлікке келісуге келіп түскен нормативтік құқықтық актілердің жобаларын келіседі және қолбелгі қояды;

9) Министрлікте сыбайлас жемқорлыққа қарсы күрес бойынша шаралар қабылдайды және оған дербес жауапты болады;

10) Қазақстан Республикасының заңдарына сәйкес өзге де өкілеттіктерді жүзеге асырады.

Министр болмаған кезеңде оның өкілеттіктерін орындауды қолданыстағы заңнамаға сәйкес оны алмастыратын адам жүзеге асырады.

20. Бірінші басшы өз орынбасарларының өкілеттіктерін қолданыстағы заңнамаға сәйкес айқындайды.

21. Министрліктің аппаратын Қазақстан Республикасының қолданыстағы заңнамасына сәйкес лауазымға тағайындалатын және лауазымнан босатылатын аппарат басшысы басқарады.

4-тарау. Министрліктің мүлкі

22. Заңнамада көзделген жағдайларда Министрліктің жедел басқару құқығында оқшауланған мүлкі болуы мүмкін.

Министрліктің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.

23. Министрлікке бекітілген мүлік республикалық меншікке жатады.

24. Егер заңнамада өзгеше көзделмесе, Министрліктің өзіне бекітілген мүлікті және қаржыландыру жоспары бойынша өзіне берілген қаражат есебінен сатып алынған мүлікті өз бетінше иеліктен шығаруға немесе оған өзгедей тәсілмен билік етуге құқығы жоқ.

5-тарау. Министрлікті қайта ұйымдастыру және тарату

25. Министрлікті қайта ұйымдастыру және тарату Қазақстан Республикасының заңнамасына сәйкес жүзеге асырылады.

Министрліктің және оның ведомстволарының қарамағындағы ұйымдардың тізбесі

1. Министрлік:

1) "QazIndustry" қазақстандық индустрия және экспорт орталығы" акционерлік қоғамы;

2) "ҚазАвтоЖол" ұлттық компаниясы" акционерлік қоғамы;

3) "Нұрcұлтан Назарбаев халықаралық әуежайы" акционерлік қоғамы;

4) "Қазақстан инжиниринг" (Kazakhstan Engineering)" ұлттық компаниясы" акционерлік қоғамы;

5) "Азаматтық авиация академиясы" акционерлік қоғамы;

6) Қазақстан Республикасы Индустрия және инфрақұрылымдық даму министрлігінің "Жол активтері сапасының ұлттық орталығы" шаруашылық жүргізу құқығындағы республикалық мемлекеттік кәсіпорны.

2. Қазақстан Республикасы Индустрия және инфрақұрылымдық даму министрлігінің Индустриялық даму комитеті:

акционерлік қоғамдар:

1) "Электр энергетикасын дамыту және энергия үнемдеу институты (Қазақэнергиясараптама)" акционерлік қоғамы;

2) "Тараз химиялық паркі" арнайы экономикалық аймағының басқарушы компаниясы" акционерлік қоғамы;

республикалық мемлекеттік кәсіпорындар:

1) Қазақстан Республикасы Индустрия және инфрақұрылымдық даму министрлігі Индустриялық даму комитетінің "Жезқазғансирекмет" шаруашылық жүргiзу құқығындағы республикалық мемлекеттiк кәсiпорны;

2) Қазақстан Республикасы Индустрия және инфрақұрылымдық даму министрлігі Индустриялық даму комитетінің "Қазақстан Республикасының минералдық шикiзатты кешендi қайта өңдеу жөнiндегi ұлттық орталығы" шаруашылық жүргiзу құқығындағы республикалық мемлекеттiк кәсiпорны;

3) Қазақстан Республикасы Индустрия және инфрақұрылымдық даму министрлігі Индустриялық даму комитетінің "Ұлттық технологиялық болжау орталығы" шаруашылық жүргiзу құқығындағы республикалық мемлекеттiк кәсiпорны.

3. Қазақстан Республикасы Индустрия және инфрақұрылымдық даму министрлігінің Автомобиль жолдары комитеті:

акционерлік қоғам:

"Қазақстан жол ғылыми-зерттеу институты" акционерлік қоғамы;

жауапкершілігі шектеулі серіктестік:

"Қазақавтожол" жауапкершілігі шектеулі серіктестігі.

4. Қазақстан Республикасы Индустрия және инфрақұрылымдық даму министрлігінің Азаматтық авиация комитеті:

акционерлік қоғам:

"Қазақстанның авиациялық әкімшілігі" акционерлік қоғамы;

республикалық мемлекеттiк кәсiпорын:

Қазақстан Республикасы Индустрия және инфрақұрылымдық даму министрлігі Азаматтық авиация комитетінің "Қазаэронавигация" шаруашылық жүргізу құқығындағы республикалық мемлекеттік кәсіпорны.

5. Қазақстан Республикасы Индустрия және инфрақұрылымдық даму министрлігінің Көлік комитеті:

республикалық мемлекеттiк қазыналық кәсiпорын:

Қазақстан Республикасы Индустрия және инфрақұрылымдық даму министрлігі Көлік комитетінің "Қазақстан су жолдары" республикалық мемлекеттік қазыналық кәсіпорны.

6. Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті:

республикалық мемлекеттiк кәсiпорындар:

1) Қазақстан Республикасының Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің "Жобаларды мемлекеттік ведомстводан тыс сараптау" шаруашылық жүргізу құқығындағы республикалық мемлекеттік кәсіпорны ("Мемсараптама" РМК);

2) Қазақстан Республикасының Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің "Республикалық мемлекеттік қала құрылысын жоспарлау және кадастр орталығы" шаруашылық жүргізу құқығындағы республикалық мемлекеттік кәсіпорны;

акционерлік қоғамдар:

1) "Қазақ ғылыми-зерттеу және құрылыс пен сәулет жобалау институты" акционерлік қоғамы;

2) "Тұрғын үй-коммуналдық шаруашылығын жаңғырту мен дамытудың қазақстандық орталығы" акционерлік қоғамы.

7. Қазақстан Республикасы Индустрия және инфрақұрылымдық даму министрлігінің Мемлекеттік қорғаныстық тапсырыс комитеті:

республикалық мемлекеттiк кәсiпорын:

Қазақстан Республикасының Индустрия және инфрақұрылымдық даму министрлігі Мемлекеттік қорғаныстық тапсырыс комитетінің "Қазарнаулыэкспорт (Казспецэкспорт)" шаруашылық жүргізу құқығындағы республикалық мемлекеттік кәсіпорны.

Министрліктің және оның ведомстволарының қарамағындағы мемлекеттік мекемелер тізбесі

1. Қазақстан Республикасы Индустрия және инфрақұрылымдық даму министрлігінің Көлік комитеті:

1) "Қазақстан Республикасы Индустрия және инфрақұрылымдық даму министрлігі Көлік комитетінің Ақмола облысы бойынша көліктік бақылау инспекциясы" республикалық мемлекеттік мекемесі;

2) "Қазақстан Республикасы Индустрия және инфрақұрылымдық даму министрлігі Көлік комитетінің Ақтөбе облысы бойынша көліктік бақылау инспекциясы" республикалық мемлекеттік мекемесі;

3) "Қазақстан Республикасы Индустрия және инфрақұрылымдық даму министрлігі Көлік комитетінің Алматы облысы бойынша көліктік бақылау инспекциясы" республикалық мемлекеттік мекемесі;

4) "Қазақстан Республикасы Индустрия және инфрақұрылымдық даму министрлігі Көлік комитетінің Алматы қаласы бойынша көліктік бақылау инспекциясы" республикалық мемлекеттік мекемесі;

5) "Қазақстан Республикасы Индустрия және инфрақұрылымдық даму министрлігі Көлік комитетінің Нұр-Сұлтан қаласы бойынша көліктік бақылау инспекциясы" республикалық мемлекеттік мекемесі;

6) "Қазақстан Республикасы Индустрия және инфрақұрылымдық даму министрлігі Көлік комитетінің Атырау облысы бойынша көліктік бақылау инспекциясы" республикалық мемлекеттік мекемесі;

7) "Қазақстан Республикасы Индустрия және инфрақұрылымдық даму министрлігі Көлік комитетінің Шығыс Қазақстан облысы бойынша көліктік бақылау инспекциясы" республикалық мемлекеттік мекемесі;

8) "Қазақстан Республикасы Индустрия және инфрақұрылымдық даму министрлігі Көлік комитетінің Жамбыл облысы бойынша көліктік бақылау инспекциясы" республикалық мемлекеттік мекемесі;

9) "Қазақстан Республикасы Индустрия және инфрақұрылымдық даму министрлігі Көлік комитетінің Батыс Қазақстан облысы бойынша көліктік бақылау инспекциясы" республикалық мемлекеттік мекемесі;

10) "Қазақстан Республикасы Индустрия және инфрақұрылымдық даму министрлігі Көлік комитетінің Қарағанды облысы бойынша көліктік бақылау инспекциясы" республикалық мемлекеттік мекемесі;

11) "Қазақстан Республикасы Индустрия және инфрақұрылымдық даму министрлігі Көлік комитетінің Қостанай облысы бойынша көліктік бақылау инспекциясы" республикалық мемлекеттік мекемесі;

12) "Қазақстан Республикасы Индустрия және инфрақұрылымдық даму министрлігі Көлік комитетінің Қызылорда облысы бойынша көліктік бақылау инспекциясы" республикалық мемлекеттік мекемесі;

13) "Қазақстан Республикасы Индустрия және инфрақұрылымдық даму министрлігі Көлік комитетінің Маңғыстау облысы бойынша көліктік бақылау инспекциясы" республикалық мемлекеттік мекемесі;

14) "Қазақстан Республикасы Индустрия және инфрақұрылымдық даму министрлігі Көлік комитетінің Павлодар облысы бойынша көліктік бақылау инспекциясы" республикалық мемлекеттік мекемесі;

15) "Қазақстан Республикасы Индустрия және инфрақұрылымдық даму министрлігі Көлік комитетінің Солтүстік Қазақстан облысы бойынша көліктік бақылау инспекциясы" республикалық мемлекеттік мекемесі;

16) "Қазақстан Республикасы Индустрия және инфрақұрылымдық даму министрлігі Көлік комитетінің Түркістан облысы бойынша көліктік бақылау инспекциясы" республикалық мемлекеттік мекемесі;

17) "Қазақстан Республикасы Индустрия және инфрақұрылымдық даму министрлігі Көлік комитетінің Шымкент қаласы бойынша көліктік бақылау инспекциясы" республикалық мемлекеттік мекемесі;

18) "Қазақстан Республикасы Индустрия және инфрақұрылымдық даму министрлігі Көлік комитетінің "Қазақстан Республикасы порттарының теңiз әкiмшілiгi" республикалық мемлекеттік мекемесі.

2. Қазақстан Республикасы Индустрия және инфрақұрылымдық даму министрлігінің Азаматтық авиация комитеті:

"Қазақстан Республикасының Индустрия және инфрақұрылымдық даму министрлігі Азаматтық авиация комитетінің "Өңіраралық ұшу қауіпсіздігі инспекциясы" республикалық мемлекеттік мекемесі.

______________________