2023 жылға арналған республикалық бюджеттің көрсеткіштерін түзету және "2023 – 2025 жылдарға арналған республикалық бюджет туралы" Қазақстан Республикасының Заңын іске асыру туралы" Қазақстан Республикасы Үкіметінің 2022 жылғы 6 желтоқсандағы № 987 қаулысына толықтыру енгізу туралы

Қазақстан Республикасы Үкіметінің 2023 жылғы 16 қаңтардағы № 20 қаулысы

ЗҚАИ-ның ескертпесі!
Осы қаулының қолданысқа енгізілу тәртібін 4-т. қараңыз.

Қазақстан Республикасының Бюджет кодексінің 41, 79 және 111-баптарына сәйкес Қазақстан Республикасының Үкіметі ҚАУЛЫ ЕТЕДІ:

1. Осы қаулыға қосымшаға сәйкес 2023 жылға арналған республикалық бюджеттің көрсеткіштерін түзету жүзеге асырылсын.

2. "2023 – 2025 жылдарға арналған республикалық бюджет туралы" Қазақстан Республикасының Заңын іске асыру туралы" Қазақстан Республикасы Үкіметінің 2022 жылғы 6 желтоқсандағы № 987 қаулысына мынадай толықтыру енгізілсін:

көрсетілген қаулыға 10-қосымшада:

мынадай мазмұндағы реттік нөмірі 49-1-жолмен толықтырылсын:

"

49- 1

Республикалық маңызы бар автомобиль жолдарын жөндеу мен күтіп-ұстауды орындауды ұйымдастыру бойынша мемлекеттік қызметтер көрсету

Автожол саласының нормативтік базасын реформалау; Қазақстан Республикасының өңірлері бойынша жол-құрылыс материалдарының сапасын жақсартуға арналған зерттеулер және апробацияланған жаңа технологиялар тізілімін құру; көпір құрылыстарын пайдалануды басқару жүйесі (КҚБЖ) бойынша бағдарламалық қамтылым әзірлеу

Қазақстан Республикасы Индустрия және инфрақұрылымдық даму министрлігі

"ҚазжолҒЗИ" АҚ

091 "Ортақ пайдаланымдағы автомобиль жолдарын жөндеу және олардың сапасын жақсартуға бағытталған күтіп-ұстауды ұйымдастыру" 108 "Республикалық бюджет қаражаты есебінен республикалық маңызы бар автомобиль жолдарын күрделі, орташа және ағымдағы жөндеу, күтіп-ұстау, көгалдандыру, диагностикалау және аспаптық тексеру"

1 097 566

".

3. Қазақстан Республикасының Қаржы министрлігі мүдделі республикалық бюджеттік бағдарламалар әкімшілерімен бірлесіп, міндеттемелер мен төлемдер бойынша тиісті қаржы жылына арналған жиынтық қаржыландыру жоспарына өзгеріс пен толықтыру енгізсін.

4. Осы қаулы 2023 жылғы 1 қаңтардан бастап қолданысқа енгiзiледi.

Қазақстан Республикасының Премьер-Министрі

Ә. Смайылов

Қазақстан Республикасы Үкіметінің 2023 жылғы 16 қаңтардағы № 20 қаулысына қосымша

2023 жылға арналған республикалық бюджет көрсеткіштерін түзету

мың теңге

ФТ	ББӘ	БҒД	Атауы	Өзгерістер (+, -)
1	2	3	4	5
			Жиыны	0
			Шығындар	0
001			Жалпы сипаттағы мемлекеттiк көрсетілетін қызметтер	0
	104		Қазақстан Республикасы Премьер-Министрiнiң Кеңсесi	-4 109 378
		001	Қазақстан Республикасы Премьер-Министрінің қызметін қамтамасыз ету жөніндегі көрсетілетін қызметтер	-4 109 378
	109		Қазақстан Республикасы Үкіметінің Аппараты	4 109 378
		001	Қазақстан Республикасы Премьер-Министрінің қызметін қамтамасыз ету жөніндегі көрсетілетін қызметтер	4 109 378
003			Қоғамдық тәртіп, қауіпсіздік, құқықтық, сот, қылмыстық-атқару қызметі	0
	104		Қазақстан Республикасы Премьер-Министрiнiң Кеңсесi	-1 840 304
		003	Мемлекеттік мекемелерді фельдъегерлік байланыспен қамтамасыз ету жөніндегі көрсетілетін қызметтер	-1 840 304
	109		Қазақстан Республикасы Үкіметінің Аппараты	1 840 304
		002	Мемлекеттік мекемелерді фельдъегерлік байланыспен қамтамасыз ету жөніндегі көрсетілетін қызметтер	1 840 304