Қазақстан Республикасы Конституциясының 30 жылдығына арналған "Ата Заң – тәуелсіздік тірегі" ұлттық іс-шаралар жоспарын бекіту туралы

Қазақстан Республикасы Үкіметінің 2025 жылғы 20 ақпандағы № 80 қаулысы

Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Қазақстан Республикасы Конституциясының 30 жылдығына арналған "Ата Заң – тәуелсіздік тірегі" ұлттық іс-шаралар жоспары (бұдан әрі – Ұлттық жоспар) бекітілсін.

2. Орталық және жергілікті атқарушы органдар, Қазақстан Республикасының Президентіне тікелей бағынатын және есеп беретін мемлекеттік органдар (келісу бойынша), сондай-ақ өзге де ұйымдар (келісу бойынша):

1) Ұлттық жоспарда көзделген іс-шаралардың уақтылы орындалуын қамтамасыз етсін;

2) тоқсан сайын, есепті тоқсаннан кейінгі айдың 15-і күнінен кешіктірмей, Қазақстан Республикасы Конституциялық Сотының Аппараты мен Қазақстан Республикасының Мәдениет және ақпарат министрлігіне Ұлттық жоспардың іске асырылу барысы туралы ақпарат беріп тұрсын.

3. Қазақстан Республикасының Мәдениет және ақпарат министрлігі 2025 жылғы 30 шілдеге және 2026 жылғы 30 қаңтарға қарай Қазақстан Республикасы Президентінің Әкімшілігіне Ұлттық жоспардың орындалу барысы туралы жиынтық ақпарат берсін.

4. Осы қаулының орындалуын бақылау Қазақстан Республикасының Мәдениет және ақпарат министрлігіне жүктелсін.

5. Осы қаулы қол қойылған күнінен бастап қолданысқа енгізіледі.

Қазақстан Республикасының Премьер-Министрі

О. Бектенов

Қазақстан Республикасы Үкіметінің 2025 жылғы 20 ақпандағы № 80 қаулысымен бекітілген

Қазақстан Республикасы Конституциясының 30 жылдығына арналған "Ата Заң – тәуелсіздік тірегі" ұлттық іс-шаралар жоспары

Р/с №	Іс-шара	Орындалу мерзімі	Аяқталу нысаны	Жауапты орындаушылар	Қаржыландыру көлемі (мың теңге)	Қаржыландыру көзі

1	2	3	4	5	6	7
Ұйымдастырушылық іс-шаралар
1.	Ұлттық жоспардың іс-шараларын іске асыру және сүйемелдеу үшін анықтамалық-талдамалық материал, ортақ логотип, тақырыптық эскиз және ұран дайындау	2025 жылғы ақпан	анықтамалық материал	КСА (келісу бойынша), МАМ, Әділетмині, ПИ (келісу бойынша), ЗҚАИ (келісу бойынша)	-	талап етілмейді
2. 2.1. 2.2.	Өңірлік іс-шаралар: Көшпелі іс-шаралар графигін, сұхбат үшін спикерлер пулын дайындау Жекелеген іс-шараларды ұйымдастыру жөніндегі өңірлік жоспарларды әзірлеу және бекіту	2025 жылғы ақпан 2025 жылғы ақпан	график, спикерлер тізімі іс-шаралар жоспарлары	КСА (келісу бойынша), ПМА (келісу бойынша), ПСА (келісу бойынша), БП (келісу бойынша), Әділетмині, ПИ (келісу бойынша), ЗҚАИ (келісу бойынша) Астана, Алматы, Шымкент қалаларының және облыстардың әкімдіктері	- бөлінген қаражат шеңберінде	талап етілмейді жергілікті бюджет
3.	Қазақстан Республикасы Конституцияның 30 жылдығына арналған пошта маркасы эскизінің дизайн-макетін әзірлеу Қазақстан Республикасы мемлекеттік пошта төлемінің белгілерін шығарудың тақырыптық жоспары шеңберінде "Атаулы және мерейтойлық күндер" сериясында айналымға шығару	2025 жылғы ақпан 2025 жылғы IIІ тоқсан	пошта маркасы эскизінің дизайн- макетін бекіту	КСА (келісу бойынша), ЦДИАӨМ, "Қазпошта" АҚ (келісу бойынша)	"Қазпошта" АҚ меншікті қаражаты есебінен	бюджеттен тыс қаражат есебінен
4.	Қазақстан Республикасы Конституциясының 30 жылдығы тақырыбына арналған мерейтойлық монеталар шығару	2025 жылғы IIІ тоқсан	мерейтойлық монеталар	ҰБ (келісу бойынша), КСА (келісу бойынша)	ҰБ меншікті қаражаты есебінен	бюджеттен тыс қаражат есебінен
5.	Конституциялық заңдылықты қалыптастыруға және сақтауды қамтамасыз етуге, конституциялық құндылықтарды нығайтуға елеулі үлес қосқан азаматтарды салтанатты түрде наградтау	2025 жылғы тамыз	салтанатты жиналыс	КСА (келісу бойынша), БП (келісу бойынша), СӘ (келісу бойынша), Әділетмині	-	талап етілмейді
6.	"Қазақстан Республикасының Конституциясына 30 жыл: құқықтық жетістіктер және даму перспективалары" атты ЗҚАИ мерейтойлық жинағын шығару	2025 жыл ішінде	жинақ	ЗҚАИ (келісу бойынша)	ЗҚАИ меншікті қаражаты есебінен	бюджеттен тыс қаражат есебінен
Ғылыми-практикалық іс-шаралар
7.	Үкіметтік емес ұйымдар өкілдерінің, тәуелсіз сарапшылардың, ғалымдардың конституциялық заңдылықты қамтамасыз етуге және Қазақстан Республикасы Конституциялық Соты мен соттары шешімдерінің орындалуына арналған бірқатар мақалаларын дайындау және ресми интернет-ресурстарда орналастыру	2025 жыл бойы ай сайын	ресми интернет-ресурстарда және құқықтық ақпараттық базаларда орналастыру	КСА (келісу бойынша), БП (келісу бойынша), ЗҚАИ (келісу бойынша), ПИ (келісу бойынша), СӘ (келісу бойынша), Әділетмині, МАМ	-	талап етілмейді
8. 8.1 8.2 8.3 8.4 8.5 8.6	Диалогтар, отырыс, конференциялар мен салтанатты қабылдау өткізу: Халықаралық ұйымдармен және Қазақстан Республикасының коммерциялық емес ұйымдарымен бірлескен диалогтар циклі: 1) соттардың және конституциялық бақылау органдарының конституциялық заңдылықты қамтамасыз етудегі рөлі; 2) азаматтардың мемлекет ісін басқаруға қатысуы – қоғамның орнықты дамуының конституциялық кепілі; 3) ақпаратқа қолжетімділік және азаматтардың хабардарлығы мен құқықтық санасын арттыруға медианың қатысуы; 4) конституциялық заңдылық пен құқықтық тәртіпті қамтамасыз ету – құқықтық мемлекеттің орнықты даму кепілі Қазақстан Республикасы Конституциялық Сотының жанындағы ғылыми-консультативтік кеңес пен Қазақстан Республикасы Президентінің жанындағы Адам құқықтары жөніндегі комиссияның Сараптамалық кеңесінің бірлескен отырысы Пекин+30 және Конституцияның 30 жылдығы аясында ерлер мен әйелдердің тең құқықтары мен тең мүмкіндіктерін қамтамасыз етуді талқылауға арналған "Конституцияның әйел құқықтарын қамтамасыз етудегі рөлі" атты халықаралық конференция Қазақстан Республикасы Конституциясының 30 жылдығына арналған халықаралық ғылыми-практикалық конференция БҰҰ-ның 80 жылдығына арналған салтанатты қабылдау Венеция комиссиясы сарапшыларының қатысуымен Дүниежүзілік адам құқықтары күніне арналған халықаралық заң диалогы	2025 жылғы наурыз 2025 жылғы сәуір 2025 жылғы мамыр 2025 жылғы маусым 2025 жылғы сәуір-мамыр 2025 жылғы тамыз 2025 жылғы тамыз 2025 жылғы қазан 2025 жылғы желтоқсан	диалогтар өткізу және қатысушылардың қорытынды ұсынымдарын жинақтау ұсыныстар мен ұсынымдар дайындау халықаралық конференция өткізу халықаралық ғылыми-практикалық конференция өткізу салтанатты қабылдау өткізу халықаралық заң диалогын өткізу	КСА (келісу бойынша), СӘ (келісу бойынша) ПМА (келісу бойынша), ПСА (келісу бойынша), БП (келісу бойынша), Әділетмині КСА (келісу бойынша), Әділетмині МАМ, КСА (келісу бойынша), СӘ (келісу бойынша) КСА (келісу бойынша), СІМ, Әділетмині ЗҚАИ (келісу бойынша) СІМ, КСА (келісу бойынша), Әділетмині КСА (келісу бойынша), СІМ, Әділетмині	- - 009 "Халықаралық ұйымдармен бірлесіп жүзеге асырылатын жобалардың іске асырылуын қамтамасыз ету" бюджеттік бағдарламасы бойынша көзделген қаражат шеңберінде 006 "Өкілдік шығындар" бюджеттік бағдарламасы бойынша көзделген қаражат шеңберінде 006 "Өкілдік шығындар" бюджеттік бағдарламасы бойынша -	талап етілмейді бюджеттен тыс қаражат республикалық бюджет республикалық бюджет республикалық бюджет талап етілмейді
Ақпараттық-ағартушылық іс-шаралар
9.	Қазақстан Республикасы Конституциясының әзірлену және қабылдану тарихына қатысты архивтік мемлекеттік құжаттар туралы бейне- және фотоматериалдар дайындау және "Қазақстан Конституциясы – архив құжаттарында" тақырыбымен әлеуметтік желілер мен БАҚ-та орналастыру	2025 жылғы ақпан-шілде	бейне- және фотоматериалдар	МАМ, "Қазақстан Республикасының Орталық мемлекеттік архиві" РММ (келісу бойынша), "Қазақстан Республикасының Ұлттық архиві" РММ (келісу бойынша), ЗҚАИ (келісу бойынша), КСА (келісу бойынша)	-	талап етілмейді
10.	Мектеп жасындағы балаларға арналған онлайн викторина өткізу	2025 жылғы наурыз-сәуір	викторина өткізу	КСА (келісу бойынша), ОАМ	Юнисефтің меншікті қаражаты есебінен	бюджеттен тыс қаражат есебінен
11.	"Ата заң – тәуелсіз ел тұғыры" тақырыбында музейлер, қалалық және ауылдық кітапханалар базасында мектеп экскурсияларын, ашық сабақтар (мейкерспейс) өткізу (осы іс-шараның бірыңғай тұжырымдамасын алдын ала әзірлеу, бекіту, сондай-ақ орталық және жергілікті органдардың өкілдерін қатысуға шақыру)	2025 жыл бойы	мектеп экскурсияларын өткізу	Астана, Алматы, Шымкент қалаларының және облыстардың әкімдіктері, МАМ, ОМ, Әділетмині, КСА (келісу бойынша), ЗҚАИ (келісу бойынша)	-	талап етілмейді
12.	Қазақстан Республикасы Конституциясының 30 жылдығына бекітілген тақырыптық эскиздерді жарнамалық конструкцияларда және LED-экрандарда орналастыру	2025 жыл бойы	фото есеп	Астана, Алматы, Шымкент қалаларының және облыстардың әкімдіктері, МАМ, КСА (келісу бойынша)	көзделген қаражат шегінде	жергілікті бюджет
13.	"Ата Заң – тәуелсіздік тірегі" тақырыбында кітап-иллюстрация көрмесін ұйымдастыру	2025 жылғы наурыз-желтоқсан	көрме ұйымдастыру	МАМ, "Қазақстан Республикасының Ұлттық академиялық кітапханасы" РММ (келісу бойынша)	-	талап етілмейді
14.	Жоғары оқу орындарының студенттері арасында Қазақстан Республикасының Конституциясы мен заңдары бойынша конкурстар өткізу	2025 жылғы бірінші жартыжылдық бойы	конкурстар өткізу	КСА (келісу бойынша), ҒЖБМ, Әділетмині, ЗҚАИ (келісу бойынша), ПИ (келісу бойынша)	-	талап етілмейді
15.	Құқықтық сауат ашу мақсатында мектептерде, ТжКБ мен жоғары оқу орындарында пайдалану үшін (архивтік мемлекеттік құжаттар, музей экспонаттары, мемлекеттік органдардың қызметі туралы ақпараттық материалдарды пайдалана отырып) Конституцияның тарихи, саяси, әлеуметтік және құқықтық аспектілері туралы виртуалды тур және 3D-экспозиция жасау	2025 жылғы мамыр	виртуалды тур мен 3D-экспозиция жасау	ҒЖБМ, ОМ, МАМ, Әділетмині, ДСМ, СӘ (келісу бойынша), БП (келісу бойынша), КСА (келісу бойынша), ПМА (келісу бойынша), ПСА (келісу бойынша), Астана, Алматы, Шымкент қалаларының және облыстардың әкімдіктері	-	талап етілмейді
16.	Қазіргі Қазақстанның тәуелсіздігі мен мемлекеттілігін нығайтуға, ананы, әке мен баланы, еңбек ету мен білім алу құқықтарын қорғаудың конституциялық кепілдіктерін құрметтеуге арналған интерактивті көше акцияларын (заманауи суретшілердің, мүсіншілердің көрмелерін, мультимедиалық экрандарды) ұйымдастыру	2025 жылғы маусым-қыркүйек	көше акцияларын өткізу және БАҚ-та көрсету	Астана, Алматы, Шымкент қалаларының және облыстардың әкімдіктері	көзделген қаражат шегінде	жергілікті бюджет
17.	Танымал мәдениет пен өнер қайраткерлерінің құттықтауларымен бейнероликтер дайындау және ротациялау	2025 жылғы маусым-қараша	бейнероликтерді дайындау және БАҚ-та ротациялау	МАМ, Астана, Алматы, Шымкент қалаларының және облыстардың әкімдіктері, "Жібек жолы" АҚ (келісу бойынша)	-	талап етілмейді
18.	Азаматтық қоғам өкілдерінің қатысуымен "Ата Заңым – айбыным" және "Мен – Қазақстан азаматымын!" атты челлендж ұйымдастыру	2025 жылғы тамыз	әлеуметтік желілерде жариялау	МАМ, "Қоғамдық келісім" РММ (келісу бойынша), өңірлік "Қоғамдық келісім" КММ (келісу бойынша), ЭМБ (келісу бойынша)	-	талап етілмейді
19.	"Tamyrlas" YouTube арнасында сарапшылармен бірге "Конституция – бейбітшілік пен келісім негізі" тақырыбында подкаст ұйымдастыру ("әділ судьяның туысы жоқ, әділетсіз судьяның ұяты жоқ" бейтараптылық принципі)	2025 жылғы тамыз	әлеуметтік желілерде жариялау	МАМ, "Қолданбалы этносаяси зерттеулер институты" ЖШС (келісу бойынша)	-	талап етілмейді
20.	Жастар ұйымдарымен және университеттермен серіктестікте #ATAZAN_AZAMAT_KZ республикалық челленджін өткізу, Қазақстан Республикасының азаматтарына жеке басын куәландыратын құжаттарды салтанатты түрде табыстау	2025 жылғы тамыз	акция өткізу және БАҚ-та көрсету	"Азаматтарға арналған үкімет" АҚ (келісу бойынша), ІІМ, Әділетмині, МАМ, КСА (келісу бойынша), Астана, Алматы, Шымкент қалаларының және облыстардың әкімдіктері	-	талап етілмейді
21.	"Конституция – әділет пен парасат жолы" тақырыбында дөңгелек үстел мен кітап көрмесін ұйымдастыру	2025 жылғы тамыз	дөңгелек үстел мен кітап көрмесін өткізу	МАМ, "Қоғамдық келісу" РММ (келісу бойынша)	-	талап етілмейді
22.	Жастар ресурстық орталықтары мен республикалық жастар ұйымдары белсенділерінің қатысуымен әлеуметтік желілерде Конституцияның 30 жылдығына арналған жастар челленджін ұйымдастыру	2025 жылғы тамыз	челлендж өткізу	МАМ, Астана, Алматы, Шымкент қалаларының және облыстардың әкімдіктері	-	талап етілмейді
23.	"Айбыны асқақ Ата Заң" музыкалық-патриоттық кеш өткізу	2025 жылғы тамыздың екінші жартысы	музыкалық-патриоттық кеш	МАМ, "Қазақстан Республикасының Ұлттық академиялық кітапханасы" РММ (келісу бойынша)	-	талап етілмейді
24.	Тұрғындар, оның ішінде этномәдени бірлестіктер мүшелері арасында "Сіз үшін Қазақстан Республикасының Конституциясы дегеніміз не?" тақырыбында бейнесауалнама өткізу	2025 жылғы тамыз	әлеуметтік желілерде жариялау	МАМ, "Қоғамдық келісім" РММ (келісу бойынша), өңірлік "Қоғамдық келісім" КММ (келісу бойынша), ЭМБ (келісу бойынша)	-	талап етілмейді
25.	Отбасын қолдау орталықтарының базасында заң консультанттары мен жергілікті атқарушы органдар өкілдерін тарта отырып еңбек ету құқығының конституциялық кепілдіктері жөнінде, еңбек қатынастары және мемлекеттік жұмыспен қамту бағдарламалары мен "Атамекен" Қазақстан Республикасы Ұлттық кәсіпкерлер палатасының жобалары шеңберінде әлеуметтік кепілдіктер аясындағы заңнамалық өзгерістер мәселелері бойынша заң консультацияларын ұйымдастыру	2025 жылғы тамыз	БАҚ-та жариялау	МАМ, Астана, Алматы, Шымкент қалаларының және облыстардың әкімдіктері, РАА (келісу бойынша), РЗКА (келісу бойынша), "Атамекен" Қазақстан Республикасының Ұлттық кәсіпкерлер палатасы (келісу бойынша)	-	талап етілмейді
26.	Конституцияның маңыздылығы және қандай құндылықтарды көздейтіні туралы бірқатар мақалалар мен постар жариялау және оларды БАҚ пен әлеуметтік желілерде (Instagram, Tik Tok және т.б.) орналастыру	2025 жылғы тамыз	материалдарды БАҚ-та және әлеуметтік желілерде орналастыру	МАМ, Астана, Алматы, Шымкент қалаларының және облыстардың әкімдіктері	-	талап етілмейді
27.	ҚХА мүшелерінің, ЭМБ өкілдерінің, ҚХА қоғамдық құрылымдарының Конституция күнімен құттықтау бейнероликтерін әлеуметтік желілерде жариялау	2025 жылғы тамыз	әлеуметтік желілерде жариялау	МАМ, "Қоғамдық келісім" РММ (келісу бойынша), өңірлік "Қоғамдық келісім" КММ (келісу бойынша), ЭМБ (келісу бойынша)	-	талап етілмейді
28.	Жастардың, жергілікті органдар мен үкіметтік емес ұйымдар өкілдерінің, адвокаттар мен заң консультанттарының қатысуымен көшпелі өңірлік кездесулер мен тренингтер өткізу	2025 жыл бойы	өңірлік кездесулер мен тренингтер өткізу	КСА (келісу бойынша), РАА (келісу бойынша), РЗКА (келісу бойынша), Астана, Алматы, Шымкент қалаларының және облыстардың әкімдіктері	161 "Ел ішіндегі іссапарлар мен қызметтік сапарлар" ерекшелігі бойынша көзделген қаражат шегінде	республикалық бюджет
29.	Қазақстан Республикасының Конституциясына өзгерістер мен толықтырулар енгізу жөніндегі жұмыс тобы мүшелерінің сұхбаттарын (рилс форматында) дайындау және әлеуметтік желілерде орналастыру	2025 жыл бойы	материалдарды жариялау және іс-шараларды БАҚ-та көрсету	ЗҚАИ (келісу бойынша), Әділетмині, КСА (келісу бойынша), БП (келісу бойынша)	-	талап етілмейді
30.	Конституциялық кепілдіктер мен құқықтар тақырыбында тақырыптық радиоэфирлер шығару ("30 минут Конституция жайында")	2025 жыл бойы	подкастар, эфирлер, сұхбаттар шығару	МАМ, Астана, Алматы, Шымкент қалаларының және облыстардың әкімдіктері, ЗҚАИ (келісу бойынша), ПИ (келісу бойынша), Әділетмині, КСА (келісу бойынша), АҚҰО (келісу бойынша)	көзделген қаражат шегінде	республикалық және жергілікті бюджет

Ескертпе:

аббревиатуралардың толық жазылуы:

АҚ	-	акционерлік қоғам
АҚҰО	-	Адам құқықтары жөніндегі ұлттық орталық
Әділетмині	-	Қазақстан Республикасының Әділет министрлігі
БАҚ	-	бұқаралық ақпарат құралдары
БП	-	Қазақстан Республикасының Бас прокуратурасы
ҒЖБМ	-	Қазақстан Республикасының Ғылым және жоғары білім министрлігі
ДСМ	-	Қазақстан Республикасының Денсаулық сақтау министрлігі
ЖШС	-	жауапкершілігі шектеулі серіктестік
ЗҚАИ	-	Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорны
КММ	-	коммуналдық мемлекеттік мекеме
КСА	-	Қазақстан Республикасы Конституциялық Сотының Аппараты
ҚХА	-	Қазақстан халқы Ассамблеясы
МАМ	-	Қазақстан Республикасының Мәдениет және ақпарат министрлігі
ПИ	-	"Парламентаризм институты" шаруашылық жүргізу құқығындағы республикалық мемлекеттік кәсіпорны
ПМА	-	Қазақстан Республикасы Парламенті Мәжілісінің Аппараты
ПСА	-	Қазақстан Республикасы Парламенті Сенатының Аппараты
РАА	-	Республикалық адвокаттар алқасы
РЗКА	-	Республикалық заң консультанттары алқасы
РММ	-	республикалық мемлекеттік мекеме
СӘ	-	Қазақстан Республикасы Жоғарғы Сотының Сот әкімшілігі
СІМ	-	Қазақстан Республикасының Сыртқы істер министрлігі
ТжКБ		техникалық және кәсіптік білім
ОАМ	-	Қазақстан Республикасының Оқу-ағарту министрлігі
ҰБ	-	Қазақстан Республикасының Ұлттық Банкі
ЦДИАӨМ	-	Қазақстан Республикасының Цифрлық даму, инновациялар және аэроғарыш өнеркәсібі министрлігі
ІІМ	-	Қазақстан Республикасының Ішкі істер министрлігі
ЭМБ	-	этномәдени бірлестіктер