1. Маңғыстау облысының Ақтау теңiз портында орналастыра отырып, Қазақстан Республикасының Әскери-теңiз Күштерi базасы және Шекара әскерлерiнiң теңiздегi бөлiмдерi құрылсын.
2. Қазақстан Республикасының Қорғаныс министрлiгi, Ұлттық қауiпсiздiк комитетi, Қаржы министрлiгi Қазақстан Республикасының Әскери-Теңiз Күштерi мен Шекара әскерлерiнiң теңiздегi бөлiмдерiнiң ұйымдық-штаттық құрылымы мен санын және оларды қаржыландыру көздерiн анықтайтын болсын.
3. Қазақстан Республикасы Шекара әскерлерiнiң теңiздегi бөлiмдерiн қару-жарақпен, әскери техникамен, материалдық-техникалық, тылдық және басқа үлес түрлерiмен осы бөлiмдердiң қаржысы есебiнен қамтамасыз ету Қазақстан Республикасының әскери-теңiз базасына жүктелсiн.
4. Қазақстан Республикасының Қорғаныс министрлiгi мен Ұлттық қауiпсiздiк комитетi 2 айлық мерзiмде Каспий теңiзi акваториясындағы мiндеттердi орындау жөнiнде өзара iс-қимыл жасау мәселесiн келiсiп алатын болсын.
5. Маңғыстау және Атырау облыстарының әкiмдерi Қазақстан Республикасының Әскери-Теңiз Күштерi мен Шекара әскерлерiнiң теңiздегi бөлiмдерi базасының объектiлерiн салу үшiн жер мен акватория бөлудi жүзеге асырсын;
Қазақстан Республикасының Әскери-Теңiз Күштерi мен Шекара әскерлерiне тұрғын үйлер, мәдени-тұрмыстық мақсаттағы көлiк коммуникациясы мен байланыс объектiлерiн салуда көмек көрсетсiн.
6. Қазақстан Республикасының Экономика министрлiгi Қорғаныс Министрлiгiмен, Өнеркәсiп министрлiгiмен, Көлiк министрлiгiмен, бiрлестiктермен, кәсiпорындармен, корпорацияларымен бiрлесiп 2 айлық мерзiмде Қазақстан Республикасының Әскери-Теңiз Күштерi мен Шекара әскерлерiнiң теңiздегi бөлiмдерiне корабль жасау бағдарламасын әзiрлеп, оны Қазақстан Республикасы Министрлер Кабинетiнiң бекiтуiне енгiзiлсiн.
7. Қазақстан Республикасының Қорғаныс министрлiгi, Бiлiм министрлiгi ӘАФКЕК Орталық Комитетiмен бiрлесiп Әскери-Теңiз Күштерiне мамандар даярлау жөнiнде ұсыныс енгiзсiн.
8. Қазақстан Республикасының Байланыс министрлiгi, Көлiк министрлiгi, Көлiк құрылысы министрлiгi, Маңғыстау және Атырау облыстарының әкiмдерi Қазақстан Республикасының әскери-теңiз базасын байланыс, көлiк құралдарымен қамтамасыз етiп, кiрме жолдарды жайғастыратын болсын.
9. Қазақстан Республикасының Қорғаныс министрлiгi, Экономика министрлiгi 6 айлық мерзiмде әскери-теңiз базасының объектiлерiн салуға арналған техникалық тапсырманы дайындап, бас мердiгер мен бас жобалаушыны анықтасын.
10. Қазақстан Республикасының Қаржы министрлiгi, Экономика министрлiгi Әскери-Теңiз Күштерiнiң объектiлерiн жобалау мен салуға, корабльдер, кемелер, қару-жарақ пен әскери техника, басқа да материалдық-техникалық құрал-жабдық сатып алуға қажеттi қаржы бөлiнуiн көздейтiн болсын.
Қазақстан Республикасының
Премьер-министрi
